|
|
 يا جماعة دي هجرة جديدة وفيها قروش قروش تقيلة
|
ساموا أو رسميًا دولة ساموا المستقلة (عرفت سابقاً باسم ساموا الغربية أو ساموا الألمانية). هي دولة تضم القسم الغربي من جزر ساموا في جنوبي المحيط الهادئ. نالت استقلالها عن نيوزيلندا عام 1962. الجزيرتان الرئيسيتان في البلاد هما أوبولو وسافاي والتي هي من أكبر الجزر البولينيزية. تقع عاصمة البلاد أبيا ومطار فاليولو الدولي على جزيرة أوبولو.
انضمت ساموا إلى الأمم المتحدة في 15 ديسمبر/ كانون الأول عام 1975. كانت تدعى مجموعة جزر ساموا بما ذلك ساموا الأمريكية بجزر الملاحين من قبل المستكشفين الأوروبيين قبل القرن العشرين بسبب مهارة السامويين الملاحية.
|
|
  
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Osman Musa)
|
الأخ عثمان موسى سلام ,
الجزيرة دي ناسها قاعدين ياكلوا الناس عديل وما ناكرين ولا داسين !
عندهم وليد عمرو زي 6 سنوات مات والداه وطفش قعد في الغابة عشان ناس الجزيرة في عرفهم اليتيم منحوس ولازم يأكلوه !
عرف الموضوع صحفي أسترالي ومشي هناك وعمل تحقيق صحفي وناس الجزيرة اعترفوا بكل شيئ !
والصحفي جاب طيارة خاصة من الصليب الأحمر وجاب الوليد يعيش في أستراليا. والقصة شغلت الرأي العام في أستراليا فترة.
وبياكلوا المرضان والميتين بالاضافة لكل دواب الأرض من حيوان لي فيران وثعابين وعقارب وديدان وكربات وخفافيش وكدروك ( الخنزير البري الأسود القبيح داك) والضفادع , وشوف عيني المرأة تعجن في الضفادع والفيران حيات يتجارن منها مع الدقيق ونجضتو في ورق أشجار الموز,
والصحفي يسلسل في ضنب الفار من خشمو ويلوغد!
ست البنات.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: ست البنات)
|
والوليد جابوهو عويناتو مقلعات من الخوف وعندو كريشة وعريان جل !
أصلوا كل الناس هناك جل!
ملحوظة:
والله ما دايرة أقتل لك البوست ,
لكن انا عارفة ناسنا الغبش ديل خيفيفيين وطيبيين وصديقيين وزهجانيين من العذاب الهم فيهو داك,
وخايفة عليهم ما يغشغشوهم وياكلوهم ويتلحسوا هناك !
ست البنات.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: نادر الفضلى)
|
يعني ياست البنات،ما هو نحن في جزيرتنا دي ،ياكلو في ابواتنا العدو عمرن خمج طين،ومش اكل سحالي وقعونج وصارقيل،عندنا بلع بلا لواكة،،السكة حديد،،الكراكة،،السرايا،،،لبع بلا مدغ.وبلا تعويض.
اها ياست البنات،علي الاقل هناك في قروش،قروش، ويموت قصير الاجل،،،نحن ناس حلتنا بي مركب ،مشو خلف البحر الاصفر افتشوا للمعايش،،ماوراء بحار البحار.
عن نفسي اخوي عثمان،،انا بلاد عمي دي،اصلي ما مارق منها..لكن ربك احفض العقاب.
وكان المطار،،يوزع سكانه كل يوم
....
ونحن بقجنا قرانا..
والف اهة,
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: ناصر حسين محمد)
|
يعني ياست البنات،ما هو نحن في جزيرتنا دي ،ياكلو في ابواتنا العدو عمرن خمج طين،ومش اكل سحالي وقعونج وصارقيل،عندنا بلع بلا لواكة،،السكة حديد،،الكراكة،،السرايا،،،لبع بلا مدغ.وبلا تعويض.
اها ياست البنات،علي الاقل هناك في قروش،قروش، ويموت قصير الاجل،،،نحن ناس حلتنا بي مركب ،مشو خلف البحر الاصفر افتشوا للمعايش،،ماوراء بحار البحار.
عن نفسي اخوي عثمان،،انا بلاد عمي دي،اصلي ما مارق منها..لكن ربك احفض العقاب.
وكان المطار،،يوزع سكانه كل يوم
....
ونحن بقجنا قرانا..
والف اهة,
والله يا عثمان موسى الليلة أنا مت من الضحك !
الله يبسطك , زمن ما ضحكت .
ست البنات.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: ست البنات)
|
كتب الأخ
نادر الفضلي::
يا عثمان ذكرتنى زمان أحلام دهب بروناى .. والناس تتطاقش تملأ فى الفورمات وترسلها بالبوستة .. حليل زمن كان فى بوستة
جات ست البنات حولتو لكابوس وجبات ضفادع وفيران .. وصحيان فى نصو بتتاكل حى! .. قلت لى محيط (هادى) .. حالتو !
_____
والله يا جماعة المشاركة معاكم متعة .
ست البنات.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: المسافر)
|
| Quote: هي نيوزيلندا ذاتها نالت استقلالها متى ؟ |
سلامات للجميع.
نيوزيلاند ما زالت تتبع للملكة أليزابث ملكة المملكة المتحدة. و قبل إجتماع الأمم المتحدة الشهر الماضي ذهب رئيس الوزراء جون كي لتقديم فروض الولاء و الطاعة لسمو الملكة.
لو تلاحظون بأن العلم البريطاني مدرج داخل العلم النيوزيلندي، كما في العلم الأسترالي. أيضا رمز الكراون موجود في شعار الدولة. المواطن النيوزيلندي تعامل معاملة المواطن في معظم الخدمات في كل من أستراليا و بريطانيا. لا يحتاجون للفيزا و الأقامة، و لهم مجانية الصحة و التعليم و غيرها.
مهاجري سكان الجزر (ساموا و تونغا و و ) هم أحد أهم مكونات مجتمع نيوزيلاند، يمتازون ببنية جسمانية قوية و أحجام عائلية (كبيرة). حقيقة هم يحبون الأفارقة السود، و دائما ما يقتربون من الأفريقي لدرجة هنا سودانيين متزوجين منهم. طبعا موضوع بيأكلوا ناس أول مرة أسمع به. على أي حال الموجودون في نيوزيلاند آمنين بصورة ممتازة و هم يشكلون الجالية المهاجرة الثانية بعد الإنجليز من حيث الكثرة. السكان الأصليين في نيوزيلاند هم الماوري، و هم أولاد أعمام للساموا و أبناء الجزر الأخرى.
يا جماعة ما تخوفونا جيرانا كلهم من هذه الجزر.
هنالك معلومة مشجعة للذين يبحثون عن الأمان، عليكم بالهجرة الي نيوزيلاند. فهي تعتبر من أأمن الدول في العالم. لدرجة لا تحمل الشرطة السلاح. بيوتنا شبابيكها زجاج و ليس لديها أي شبكة حماية من الخارج. باب البيت الخارجي من زجاج. من النادر تجد سور للبيت. أما من ناحية الجمال، لا أظن هنالك جنة في الأرض تضاهي نيوزيلاند. فهي بلد الأمن و السلام و المحبة و الجمال.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: نادر الفضلى)
|
تعرفي يا ست البنات إنت تنفعي روائية ما تجربي في زمن الانفجار الروائي دا؟
لديك قدرات مذهلة في الربط بين الأشياء اشي قعونج وشي دبايب وشي صور
حية . ويمكنك أن تكتبي عن هذه الجزيرة بتفاصيلها كلها وتترجمي الكتاب
سيكون لديك كتاب عالمي.والله ما بمزح وأنت تعرفيني.تحياتي لك في استراليا والغيبة طالت .تحياتي
للناس من معارفنا واصدقائنا في طرفكم.
ويا عثمان موسى ذكرتني بي نكتة أشعب والوليمة الوهمية التي كان يصفها لأطفال
وعندما جروا نحوها جرى وراءهم رغم أنه كان يخدعهم ليصرفهم عنه جرى وهو يقول:
- يمكن صحي
إنت يا عثمان يا اخوي لو فيها قروش زي التراب مالك ما تمش أول واحد.وتوري الراغبين البيان بالعمل .
| |
|
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Asim Fageary)
|
أخي د. بشرى الفاضل الفاضل ,
تحياتي ,
والله مشتاقين كتير,
وكلامك في موضوع الرواية دا مشجع أكثر لأني عندي بعض القصاصات مواصلة فيها , وكنت بكتب أوراق من فيكتوريا في سودانايل زمان لكن تعثر علي الدخول فتركتها.
وفعلا حتي هنا في مشجعات كثيرة للكتابة والحكي .
وهسع منتظرين بشائر الأخ عثمان , يمكن نتلاقى كلنا في بلد واوا اذا نفذنا من مسألة الأكل !
تحياتي لكم جميعا.
ست البنات.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: محمد عثمان ابراهيم)
|
عزيزنا محمد عثمان
سلامات
يا أخوي أ ظنيتك بتحكي عن SAMOA الأمريكية وهن الاتنين جم بعض
زي توتي والخرطوم .
وبعدين ياخ أنت ما ك شايف البحصل في بعض المدن الأمريكية ؟
وبرضو بقولوا مافي حلاوة بدون نار .
...
أسمع النكتة دي يا محمد عثمان
زمان في شرق بروكلن كان في يمني طلب من أخ سوداني يشتغل معاوي في البقالة والسوداني زول كويس
وعندو معرفة بي جخانين الدكاكين وكدي .
أها يازول السوداني البقالة ما عجبتو كلوكلو المنطقة يازول بعد الساعة 7 بتكون مولعة ودخاخين البتاعات ما تديك الدرب .
قام اليمني بشكر للسوداني في المنطقة عشان يشتغل معاو .
وقالو يا سوداني أنا عايز أعمليك يا زول شاشات في الدكان . يعني أي حاجة حتظهر في الشاشة .
قام السوداني قالو يعني بعد ما أتكتل في الدكان أظهر في الشاشة ؟؟؟ ههههههههههها
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: اميرة السيد)
|
عزيزنا د / بشري الفاضل
سلامات
ليك كتير الأحترام يا دكتور
وأقولك كلام عن جد يا بشري . والله دخولك بكندش البوست فل .
ويملاو همبريب .
وهاك الكلام :
يا د / بشري الاسبوع الفات قعد معاي صاحب كوري من كوريا الجنوبية . والزول عندو الجنسية الأمريكية .
الكوري ده شركتنا بتشتري منو ال ENGINEERD FLOORING والزول حالو ماشي وشبعان تب .
.. تخيل يا دكتور الزول ده نافض يدو من الشركة الماكنة دي وداير يهاجر ويترك العنبة الرامية فوق بيتو علي قول حبيبنا التاج مكي .
الكوري حيبيع الشركة الضاخة دي عشان يكسح جزيرة السحاحير قولك شنو ؟
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Osman Musa)
|
مع تقديرنا لصاحب البوست الأخ عثمان موسى والذي تتميز بوستاته بالأفكار المتجددة والمتطورة ..
إلا إنني أنصح الشباب السوداني بعدم المغامرة والسفر إلى جزيرة ساموا .. ولا إلى أي جزيرة من الجزر المترامية في عرض المحيط مثل ساموا الأمريكية وفيجي وهاواي وتونجا وجزر سليمان ... إلخ
يا إخواني .. هذه جزر صغيرة .. يقصدها كثيراً السياح .. لا تصلح أبداً للهجرة أو الإقامة أو العمل .. فرص العمل فيها نادرة جداً .. مستوى الجريمة مرتفع .. يكثر فيها تعاطي وتجارة المخدرات .. وفوق كل هذا فهذه الجزر بعيدة جداً فلابد من المرور عبر دول معينة قبل الوصول إليها مما يعني إنفاق مبالغ طائلة لتغطية تكاليف التذاكر والفنادق ..
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Ali Abdalla Hassan)
|
معليش يا جماعة
داير أنط للكلام القالو للأخ علي عبدالله
..
الأخ العزيز علي عبدالله
سلامات
ياخ السوداني معروف في أي مكان في العالم الحمد لله بعمل حسابو علي روحو وسمعتو .
الحكومات حقتنا هي الما بتعمل حساب للمواطن المسكين .
والجزر دي ما حتكون أصعب من الحاصل عندنا .
ربنا يصلح حال بلدنا يا أخوي ويرجع الناس زي ما كانت .
ومالو الناس التجرب .
مع كتير التقدير يا أخ علي
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Osman Musa)
|
Quote: يعني ياست البنات،ما هو نحن في جزيرتنا دي ،ياكلو في ابواتنا العدو عمرن خمج طين،ومش اكل سحالي وقعونج وصارقيل،عندنا بلع بلا لواكة،،السكة حديد،،الكراكة،،السرايا،،،لبع بلا مدغ.وبلا تعويض.
اها ياست البنات،علي الاقل هناك في قروش،قروش، ويموت قصير الاجل،،،نحن ناس حلتنا بي مركب ،مشو خلف البحر الاصفر افتشوا للمعايش،،ماوراء بحار البحار.
عن نفسي اخوي عثمان،،انا بلاد عمي دي،اصلي ما مارق منها..لكن ربك احفض العقاب.
وكان المطار،،يوزع سكانه كل يوم
....
ونحن بقجنا قرانا..
والف اهة, |
ههههه غايتو يا صاحب المداخلة أضحك الله سنك ,,,,
برضو اخونا عمر نملة والاخ زكريا و الله من الضحك ماقادرة أشوف الكتابة لوول,
سلام الاخ عثمان غايتو بوست تحفة عديل كدا رغم جدية الموضوع ,,,,
والعجب كلام ست البنات هههههه
يا حليلنا الاتشتتنا ولسة بنفتش في اماكن في الخريطة ما موجودة
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Nagat Sid Ahmed Elshiekh)
|
عزيزتنا نجاة الشيخ شيخة مشايخ قبايل فلادلفيا
والولايات ال 13 الشقيقات .
ليك التحية والأحترام
والله يا بت الشيخ جماعتنا الكوريين العاملين خروج وعودة من سامواء .
بعد العودة ملصوا البدل والقمصان وترسو ا البحر دولارات .
والله الجماعة ديل لا حدي ما رفعوا أسعار البيوت في بروكلن بيردج .
القصة يا نجاة فيها خم تقيل .
وبعدين نحن ياخ ما جينا من الزيداب من اخر الدنيا عشان نشتغل بي 16 دولار في الساعة .
تحياتي
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: محمد عبد الماجد الصايم)
|
تحياتي للجميع ,
وتحية خاصة لأستاذنا السني دفع الله وحمدلله علي السلامة , واخر مرة لاقيتك في حفل عيد الاستقلال بالدوحة العام الماضي وغنى فيه عمر بانقا وانت اديت أختي عكازك الأنيق !
ملحوظة:
غايتو بالرغم من أن استراليا جنة الله في الأرض , لكن لو كل المجموعة الفي البوست بمن فيهم د.بشرى, ونجاة سيدأحمد وكلكم كلكم نتفق نمشي ان شاء الله ياكلونا ما ندمانين !
بس تجيبوا معانا وضاحة عشان العقد يكتمل , وبالمرة لو واحد فينا نفد من الأكل وجاتو عضة في جسمو تقوم وضاحة تعالجو!
ايه رأيكم ؟
Deal?
ست البنات.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: عبد اللطيف بكري أحمد)
|
بتنا العزيزة ست البنات
السلامات المربعة ليك وأرجو أن تجدك مرتاحة في مدينة سدني مركز تنقاسي السوق .
كيف حال مدينتكم وكيف حال سوق التمر البركاوي في سدني ؟
والله العظيم يا بت المشايخ ليك التحيات الكبار .
ياخ أنشغلنا نخابرك وأنشغلنا نقوليك
البركة فيكم في من أستشهد في حبيبتنا الخرطوم وفي جبال النوبة وهو ضاحك في أنتظار الفرج .
أخبار سامواء أخبار زي العجوة ودي حقيقة حضري الصور
تحياتي
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: عبد اللطيف بكري أحمد)
|
عزيزنا عبداللطيف بكري
سلامات
والله يا عبداللطيف يا أخوي
وعشان الناس ما تسرح بعيد وتزهج بقوليك
القصة ..
القصة في بعض من شوية من المهاجرين الكوريين الجنوبيين أكتشفوا سر
عجيب في الجزيرة والاكتشاف في بدايتو .
أكتشفوا في الجزيرة أحجار كريمة نادرة وأشتغلوا فيها كتامي تجارة تقيلة .
وطبعن الكوريين الفي الجزيرة عندهم كونيكشنات و أصحاب في كندا وفي أمريكا . أها يازول الجماعة دقش عجيب في الاحجا
وأهل البلد المساكين لسع ساكين الورل وأبوالحصين .
يا عبداللطيف يا أخوي فتح شغل زي ده .
وفتح درب للدخول .. والدرب صعب ومو ساهل . بس مليان مال . مال تقيل يعني ممكن تعمل في الأسبوع مية ألف دولار .
أنت وحظك .. وترجع بلد سالم مع القليل من كلوسترول شحم الورل وأبوالحصين .
والقصة طويلة .
تحياتي
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: محمد سنى دفع الله)
|
عزيزنا أستاذ محمد السني
سلامات يا مك
وكيفك وكيف حال الأسرة الجميلة وسلامتك يا أخوي .
قالوا بقيت زول FITNESS وجكة صباحية ومحارب الشية بي الدكوة .
يازول ولا يهمك وخليك في رياضة المشي اليوماتي وربنا معاك ومع الجميع .
قصة مشاكل جماعة الجزر ديل مع الشحم و البغبغة و الاكل ما كتيرة نادرة جدا يا أستاذ .
وبعدين ياخ زي ما قال الفنان علي أبراهيم :
قال : يا أخوانا الاكل موجود في كل مكان لكن اللبع الاصلي في السودان .
..
والله طوالي مع أصحابك ناس أستاذ عبدالمنعم والفاتح في سيرتك .
تحياتي
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Osman Musa)
|
يا عثمان موسي يا قريبي،، ياخ جبت لينا بلوة .
انا بتكلم جد ،، ياخي والله بقيت لا قادر انوم ولا قادر اشتغل..
تلفونات،نص الليل،،رسائل نصية ،،ايميلات,
بعدين الجماعة عرفو من وين قالو الكفيل،،اللي هو انت،،قريبن..
ودخالي البلخي غناوة،،58 سنة،،مهندس 33 سنة قال ان شاء الله اياكلوه مراره ،،وقال لي اني انا حاسدو،،لاني انا اكنت في بلاد السحاحير والبعاعيت وما اكلوني -يشهد الله ما صادق افريقيا تمام-
يا عثمان حلنا مما ورطنا فيه،،والا ستري والسلام،،ستري دي شني،،ما هو انت شايف هسع....وطنا يموت بالحسرة.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: عبدالعزيز عثمان)
|
سكان جزيرة ساموا لديهم عادات وتقاليد غريبة جداً .. ثقافات قديمة منذ آلاف السنين ما زالت تسود في جزر ساموا ..
سوف أذكر لكم هنا واحدة من أغرب العادات والتقاليد الإجتماعية في جزيرة ساموا ..
سكان جزيرة ساموا يعتزون بالمرأة كثيراً ..وهذا شئ جميل ..فالزوج يكاد يطير فرحاً عندما يسمع أن زوجته أنجبت بنتاً .. لأن البنت في البيت هي كل شئ .. من إعداد الطعام وتنظيم وترتيب البيت والخدمات المنزلية المختلفة حتى العمل خارج البيت لإعانة الأسرة في إحتياجاتها المعيشية .. بعكس الولد الذي لن يرجى منه كثيراً .. ولذلك فأبو البنات في ساموا يمشي ورأسه مرفوع إعتزازاً وفخراً .. أما أبو الأولاد فمطأطأ الرأس مكسوفاً بخيبته .. لأن زوجته لم تنجب إلا الأولاد ..
ولحل هذه المشكلة والعقدة النفسية التي يعاني منها أباء وأمهات الأولاد إبتكر سكان ساموا منذ قديم عادة غريبة جداً .. وهذه العادة مازالت موجودة حتى اليوم ..
فعندما تلد الزوجة خمسة أبناء مثلاً .. وكلهم أولاد .. تقرر الأسرة تربية أصغر ابن كبنت في الأسرة .. فيتم معاملة هذا الطفل الذكر كالأنثى .. ويتم تربيته كالبنت .. ويتصرف هذا الولد كالبنت .. يلبس ملابس البنات .. يمشي كالبنات .. يأكل كالبنات .. يتكلم كالبنات .. يضحك كالبنات .. يبتسم كالبنات .. بل حتى في المجالس والمناسبات لا يجلس إلا مع النساء ..
وهكذا يعيش بقية عمره كالمرأة ..
هذا التقليد الغريب في ساموا يسمونه : الفافافاين FAAFAFINE
أنظر إلى هذه الصورة .. هذا ولد من الفافافاين وليس بنت
وهذا الولد رغم إنه كبر وأصبح ضخم الجثة عريض المركعين وتعلم حتى أصبح موظفاً في المكتب إلا إنه لم يتخلى عن كونه فافافاين
وهذا الولد ذو العضلات التبش والذي أصبح ملاكاً فتاكاً إلا إنه في النهاية .. فافافاين
وهؤلاء الفافافاين كثيرون جداً في سموا لدرجة إنهم أسسوا لهم جمعية تدافع عن حقوقهم ..
ختاماً
أقول للشباب السوداني .. يعني إذا أقنعهم عثمان موسى ومشيتوا ساموا .. خلوا بالهم من الفافافاين ديل .. لأنوا أنا خايف واحد منكم يمشي ساموا و يلقى ليهو بت سمحة ..لابسة آخر موضة وشياكة .. وفي النهاية يطلع ملاكم حائز على البطولة 7 مرات على التوالي .. غايتو كل واحد يشيل معاهو رقم الإسعاف السريع
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Ali Abdalla Hassan)
|
سلام للجميع ,
وللمستفيين شنطهم الحديد والمجوز وجاهزين لقطر كريمي!
إن شاء الله تكونوا شايلين معاكم قراصة التمر المخمرة!
والله انا ماني قاعدي أهرجل , أنا نضمي دي صادقي فيهو !
ويا عثمان موسى أخوي أنا في مالبورن مركز ( صنب) مروي.
و كتبت ليكم اقتراح والظاهر ما نفع معكم وأبتو تقولوا deal
ست البنات.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: ست البنات)
|
عزيزنا عصام فقيري
سلامات
والله يا أستاذ فقيري وجد جد وعن معرفة .
والكلام البقولو ليك ده حقيقة الجزيرة دي فيها فلوس تراب والقصة في البداية وشوية صعبة .
وأنا ما بقدر أقوليك كل الكلام .
بس من التلميحات حتعرف .
أختف كراعك . ومالو ؟ قول النتفسح . أكيد حتكون سفرية ما فيها ضرر .
وأكيد حتكتشف حاجات كويسة وأكيد حترجع سالم بدون كرعين هههههههها .
تحياتي
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Osman Musa)
|
سلام,
عثمان موسى يا أخي ما توضح للناس الضايقيين ديل الموضوع , جابتلها مشاكل مع أهلهم وسهر وكوابيس كمان !
هسع أنا حب استطلاع ساكت جاتني حمى ! الجماعة القاعدين مع شواطين الكيزان وك ل ا ب الأمن البقوا يسحبوا دم من الناس ديل ما خلاص روحهم طلعت !
بالله عليك الله اكتب ليهم الخطوات كلها , وال الله كاتبلو سفر ولا أكلة مخيير كل واحد يشيل شيلتو وشنطتو !
ست البنات.
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: ست البنات)
|
| Quote: فعندما تلد الزوجة خمسة أبناء مثلاً .. وكلهم أولاد .. تقرر الأسرة تربية أصغر ابن كبنت في الأسرة .. فيتم معاملة هذا الطفل الذكر كالأنثى .. ويتم تربيته كالبنت .. ويتصرف هذا الولد كالبنت .. يلبس ملابس البنات .. يمشي كالبنات .. يأكل كالبنات .. يتكلم كالبنات .. يضحك كالبنات .. يبتسم كالبنات .. بل حتى في المجالس والمناسبات لا يجلس إلا مع النساء .. |
أها
عشان تاني
مش أخير كلام أجاثا كريستي بتاع أكل الناس
الزول زاتو ناشف قصبة يا ست البنات وكان غاشي روحو بالوهمة دي لكن بعد دا
خلينا في جزيرة الكنز النحنا فيها دي
وسؤال بالجنبة الناس ديل مش عندهم حاجة كدا أسمها تسونامي؟
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: محمد عبد الماجد الصايم)
|
عزيزنا ود الصايم
سلامات
عاين !
كان في زيارتنا شقيق عزيز من السعودية .
والرجل هو كفيل أبن عمنا في السعودية كان في زيارة تجارة لنيويورك
حاولنا نساعدو وعملنا معاو الوأجب وحكينا ليهو قصة المية ألف دولار في الأسبوع دي .
أنقر يا ود الصايم الحصل شنو ؟
الكفيل السعودي أنقر ما حاول يكسر ركب ويفتش لي كفيل ساماوي . هههههههههها .
القصة البتدبرس شديد يا ود الصايم نحن السودانيين بنتردد والكوريين واللبنانيين بلبعوا الدمعة .
تحياتي
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: Osman Musa)
|
عزيزنا عبدالعزيز عثمان
سلامات وشوق حدادي
يا عبدالعزيز ياخ من قبل 4 سنوات وأحد ضرب لينا تلفون نص الليل من السودان
قال كان شغال مزارع في مزرعة نخيل في مدينة في السعودية أسمها عفيف مرتبو 1500 ريال وكا ن حامد الله وبحاول
يجمع قروش الأقامة .
والا في يوم كالح جاتو الكشة .. الله يقطع الكشة .
أها يازول قال بقيت في سجن وكبسة بي البطاطس في السجن وشغلات أطاحت بي مستقبلي وبي التفكير في الزواج ومشروع العودة لجامعة الخرطوم
لعمل الماجستير في الاقتصاد .
دحين يا أخوي وأحدة في الاتنين يا أرميني في اللوتري مع الناس يا كمان أشحن لي كاشف دهب أقعبو وأدي قبقبة يا تتحمل البجيني في المظاهرات .
...
هسع يا عبدالعزيز في الحالات دي أعمل شنو ؟
| |
|
|
|
|
|
|
|
|
|
Re: يا جماعة دي هجرة جديدة وفيها قروش قروش تقيلة (Re: نادر الفضلى)
|
عزيزنا نادر الفضلي
ياخ ألف شكر علي جلب الحاجات الحلوة دي .
عزيزنا الشاعر والممثل والكاتب النحم جمال حسن سعيد صديق عزيز .
بين سنة 1996 و 1999 كان في بلدنا دي و حاول يكسر ركب زينا في هادي البلاد وشوية أشتغل زينا في عتالة الجينز
وبودي قارد في متاجر اليهود . ولبس الجينز الماكن وطاقية ميكل جوردون ولهط الفلافل في البرودوي زينا .
ودخل مكتبات بارت أند نوبل وحضر أركان نقاش اليهود
ودلوكة شباب هارلم في ساحة ال34 .
وصرف الشيكات كل يوم سبت .
وفي يوم وأحد صبح مافي . حبو للبلد وللجمهور الكريم ساقو تاني يا حليلو .
الرجل كان رجل كريم وحبوب وفنان ليه شنة .
لك وله التحية
| |
|
|
|
|
|
|
|
| |
Osman Musa
عبدالعزيز عثمان
محمد جمعه الخير
ست البنات
نادر الفضلى
ناصر حسين محمد
ايمن الصادق
المسافر
محمد عبد الماجد الصايم
عمر نملة
Asim Fageary
Bushra Elfadil
محمد عثمان ابراهيم
هشام كمال عبادي
Ali Abdalla Hassan
Nagat Sid Ahmed Elshiekh
محمد سنى دفع الله
فيس بوك
تويتر
انستقرام
يوتيوب
بنتيريست