عار عليك يا عصام دهب.

Quote: خلاص يا دينق بقت على عصام دهب ،ما قبل كده فاروق كدودة صرح عديل قال قوش ده صاحبي شديد والكلام ده قالوا ولم تجف دماء الشهيد دكتور على فضل ، والغريب شنو أنو نافع علي نافع يحضر فعاليات مؤتمر الحزب الشيوعي ، وأنو نقد له الرحمة يمشي كل مناسبات قيادات المؤتمر الوطني ، وأنو وردي يجلس جلسة خاصة مع عمر البشير ويغني بنفسيات عالية وفرح غامر ، يا دينق عصام دهب ما مارق للسياسة ولا من الكوادر المتفرغة للسياسة ، وما عندو بيها شغلة غير النضممي والتنظير بتاع كل السودانيين والذي لا يتعدي الونسة العادية والراي والراي الاخر، العزومة دي كانت من صلاح ادريس لاستاذ عصام بحكم قضايا كتيرة جمعت بينهم ، ولم يكن الامر احتفال للمؤتمر الوطني ولم تكن دعوة رسمية بل قد يكون الاستاذ عصام كما اعرفه وحدثني عن هذه الزيارة أنه لم يكن يتوقع وجود نافع ، فما تخلي عندك حساسية تجاه اي حاجة بناءاً على كراهيتك للإنقاذ ، قد اجي يوم وتكون وزير في الحكومة دي نفسها ، الاستاذ عصام أعرفه جيداً رجل بقول للأعور أعور ولا تنقصه الشجاعة قط على قول الحق ولو تأبى الوقت على ذلك . أعرفه يا دينق ثم أتهمه ، تأكد من نوايا الناس ثم أحكم ، حتى نكون أمه حضارية ، لا أمه تتعايش بالانفعالات والاسقاطات والتشفي المافي محله.

(عدل بواسطة هشام هباني on 11-01-2013, 02:44 PM)