أها البيت بنيناهو بعد تعب ومعافرة خمستاشر سنة وتقتير شديد علي العيال في المنفي ............ لكن بس الرجعة للوطن متين وكيف والعيشة كيف والشوق لامي حاجة امنة راقد هبطرش والشوق لتراب الوطن ودعاش الوطن وغنيمات الوطن وكمان زبالة الوطن برضو هبطرش؟
(عدل بواسطة هشام هباني on 09-08-2013, 02:05 PM) (عدل بواسطة هشام هباني on 09-09-2013, 00:55 AM)
09-08-2013, 02:14 PM
سيد محمد احمد سيدنا سيد محمد احمد سيدنا
تاريخ التسجيل: 11-21-2005
مجموع المشاركات: 1252
عيالي عاجبهم البيت شديد ومنفوخين بيهو نفخة شديدة وفرحانين بيهو فرح شديد واخر بوبار مع اولاد اهلهم في الغربة وجوه البلد والمصيبة كمان بقوا دايرين بشدة الرجعة اكتر مني للبلد شان اتمتعوا بالبيت الجديد ومن هسع بقوا اقولوا لقرايبهم في السودان حنجيكم السنة دي ..... بس يا اخوانا علي ( التلاق) البيت ده قطع الورانا والقدامنا وما خلانا نملك ولا فت مليم....اها دحين يا اخوانا المعيشة كيفن هناك في البلد مع مستوي البيت ده ومستوي الجيران الجنبنا هناك.... دحين في امكانية تحقيق دخل في الوطن بوازي مستوي البيت ده عشان العيال اسعدوا بالبيت ده مع اولاد عمومتهم وخالاتهم التعبانين والمرتاحين وبالطبع عاوزين مدارس درجة اولي يعني ما اقل من مدارسنا في امريكا يعني مدارس بمستوي البيت وبرضو عاوزين اكل وشراب واتعالجوا بمستوي البيت وعاوزين اطلعوا واتفسحوا مع العيال هناك بمستوي البيت.......وكمان عاوزين ابوهم متهندم ومتقرضم وراكب عربية وعندو وظيفة بمستوي البيت.... وعاوزين امهم تلبس وتعزم اهلها وجاراتها بمستوي البيت وبرضو عاوزين اسافروا امريكا واوروبا سياحة بمستوي البيت.... ...والله محتار شديد العيال عاصرني عصرة شديدة علي الرجعة..علا العين بصيرة والايد قصيرة رغم امتلاكي للبيت التحفة ده والخايف منو لمن اموت ما اظن الناس حتقدر تدق في البيت السمح ده صيوان العزا... لأن الدفن غالبا سيتم بالمنفي والعزاء بالمنفي وسيكون العيال ايضا بالمنفي وسيموتون بالمنفي وحينها لن يستمتعوا لا ببيت الوطن الحلم ولا بيت المنفي الكحيان بعدما ضغطنا عليهم وعيشناهم في المنفي عيشة شدة وضنك ونشاف في شقق ########ة وحياة متقشفة بلا متع ورفاهيات وهي امور اجلناها لحين العودة للوطن وهو امر لا زال في رحم الغيب!
هذه دعوة واقعية لمراجعة الذات في دنيا فانية وحياة قصيرة محدودة بعمر معلوم سوف لن نملك في خواتيمها سوي قبر صغير في اي ركن من اركانها وهو الوطن الذي حدده لك خالق الكون الذي عندما تقف امامه سيحاسبك غض النظر عن لونك وجنسك وبلدك ولذلك ينبغي ان نحياها بكامل الانسانية بحب ووئام وسلام وصدق مع النفس بمباديء منحازة للحق والا نخشي فيه لومة لائم وينبغي ان نعيش ( العيال) في المنافي بما يسعدهم ويحفظ كرامتهم مع رصفائهم من عيال العالم والا نؤجل ذلك الي اجل غير معلوم لحين العودة لوطن لا زالت العودة اليه في رحم الغيب وكلكم لادم وادم من تراب وادم في الحقيقة لا هو سوداني او امريكي او اوروبي او استرالي او عربي بل اب لكل البشر اجمعين واينما كنتم وبقيتم فانتم عيال ادم وكل ارض هي وطنكم ولا دائم الا الله!
09-08-2013, 03:22 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
الناظر حبابك...............بيت شنو ياخى دوبك عملت بيت ؟ انا كنت قايلو حق فلانة ,قالت لمقطوع الطارى دايرا لى بيت بعيد من الزحمة دى تارى دا بيتك انا قايل فلانة اتصرفت لانة السجمان قل ليها اتصرفت , الصريفة الجاية بتجيب ليها هلوكبتر. اها يعنى خلاص ناوى ترجع البلد والا بتمشى امات طه من هنا طوالى ؟
حبينا هبانى السلام يغشاك يطوفك انا رجعت السودان قبل سنوات وساكن بالايجار وبركب 6 مواصلات فى اليوم رايح جاى ، عشان اصل شغلى ومرتبى ما بحصل عٌشر تكلفة تشغيل بيتك ده ولاااااا ربع كهربة الدفع المقدم بتاعتة
وحكمة الله مبسووووط وبالى رايق يمكن عشان ساكى النفاير وعارف تلتها وكتلتها رايح وآخرها كوم تراب
تسلم يا حبوب على البوست المُر ده ودى وفائق احترامى وتحياتى عبرك لاخى الاكبر ميسرة التريكى
هذه دعوة واقعية لمراجعة الذات في دنيا فانية وحياة قصيرة محدودة بعمر معلوم سوف لن نملك في خواتيمها سوي قبر صغير في اي ركن من اركانها وهو الوطن الذي حدده لك خالق الكون الذي عندما تقف امامه سيحاسبك غض النظر عن لونك وجنسك وبلدك ولذلك ينبغي ان نحياها بكامل الانسانية بحب ووئام وسلام وصدق مع النفس بمباديء منحازة للحق والا نخشي فيه لومة لائم وينبغي ان نعيش ( العيال) في المنافي بما يسعدهم ويحفظ كرامتهم مع رصفائهم من عيال العالم والا نؤجل ذلك الي اجل غير معلوم لحين العودة لوطن لا زالت العودة اليه في رحم الغيب وكلكم لادم وادم من تراب وادم في الحقيقة لا هو سوداني او امريكي او اوروبي او استرالي او عربي بل اب لكل البشر اجمعين واينما كنتم وبقيتم فانتم عيال ادم وكل ارض هي وطنكم ولا دائم الا الله!
09-09-2013, 00:20 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
الاعزاء المباركون سيد ولياب ابوعلي والتريكي وعلاء وسيف وجماعة الفيسبوك
الله يبارك فيكم وعقبال عندكم البيوت والعيال
تحياتي
العيال الان بعد ان رأوا المفاجأة السعيدة والتي خبأتها عنهم سنين عددا وهي هذا المنزل او القصر( التحفة) وبسببها ازدادوا لهفة للعودة للوطن للتمتع بحصاد الغربة في هذا القصر المنيف وفي هذا الحي الفخيم وهذا من حقهم تعويضا عن سنين القحط والتقشف التي فرضناها عليهم في المنفي برغم كل متعه ومغرياته المعلومة و التي للاسف حرمناهم منها عن قصد شريف وبسببه لم نسعدهم بها مثل بقية شعوب المنفي التي تهتم باطفالها وتقدم لهم كل اسباب اسعادهم ونجاحهم حيث حرمناهم من التمتع بثمرات الحاضر الامريكي المترع بكل المبهجات لاننا لا زلنا نراهن علي العودة الابدية لوطن لا زال في كف العفريت ! حرمنهاهم من حقهم كأطفال اميريكان مثل زملائهم واقرانهم مثل حق التمتع بالرحلات السياحية في جنان اميريكا الباذخات التي يؤمها السواح من كل انحاء العالم وحرمناهم من السكن الجميل المجهز بكل المرفهات وايضا حرمناهم من متع الاكل اللذيذ الشهي في ارقي مطاعم العالم في الدنيا الجديدة وهو امر مؤسف سينعكس سلبا علي استقرار نفسياتهم وبالتالي يؤثر علي تربيتهم وعلي مستوي تحصيلهم العلمي وبالتالي سينعكس سلبا علي مستوي عيشهم المستقبلي...كل ذلك افتعلناه بنوايا طيبة بسبب اننا نفكر عاطفيا بقلب العائد نهائيا الي الوطن الام واخيرا حمدا لله فرحنا ان حصاد الغربة كان انجاز هذا القصر الفخيم وهو نعم المأوي والمقام ولكن ادركت اخيرا اننا نسينا شيئا مهما كان ينبغي ان نوجده قبل التفكير في بناء القصر الا وهو مصدر عيشنا الذي يحقق استقرارنا وتمتعنا بحياة هادئة منعمة في هذا القصر المنيف حيث بالضرورة ان يكون مصدر عيش فخيم ومدر للمال الوفير الذي يوفر متطلبات العيش في هذا القصر الذي انفقنا تحويشة العمركله في بنائه وتجهيزه وهنا يبرز السؤال التالي :هل ظروف الوطن تسمح بتوفير العيش الكريم والمجزي الذي يتسق مع طبيعة الحياة المتسقة مع شكل هذا القصر وهذا الحي الكائن فيه؟ وما الحل اذا لم تسمح ظروف الوطن بتوفير مستوي العيش المتناسق مع طبيعة الوسط الجديد الذي سنعيش فيه؟هل سيقبل بنا الوسط الجديد بمزاولة اي حرفة لا تتسق مع مستوي قاطني هذا الوسط..... بل هل سيقبل عيالي مزاولة والدهم لاي مهنة حتي لو كانت هامشية وستوفر لهم العيش الكريم ام انهم سيرفضونها و سينهزمون لثقافة( الفشرو البوبار) التي صارت سائدة لكثير من طبقات سودان الطفيليات.....؟؟
تخيلوا غالبية شفعنا في امريكا لليلة ما شافوا ( والت ديزني) وكتير من المنتزهات الامريكية المشهورة البجوها العيال من كل انحاء العالم ولا شافوا حتي العاصمة ( واشنطون) وكل معالمها السياحية والتاريخية ولا شافوا كتير من معالم اميريكا العظمي بينما شفع حرامية الكيزان بجوا من السودان ( الجربان) لحدت امريكا بقروشنا المسروقة وبشوفوا كل الاماكن السمحة هنا وبيسكنوا في ارقي المنتجعات والفنادق وبياكلوا في ارقي المطاعم وبركبوا افخم السيارات وبسافروا درجة اولي في اشهر طيران العالم وكمان بدرسوا وليداتهم كورسات لغة انجليزية صيفية وبعدها بدرسوا في ارقي الجامعات في اميريكا وما بسكنوا داخليات بل منازل خاصة يشتريها لهم ذووهم ...اها زي ديل بالتاكيد حيكونوا ساكنين جيرانا في القصر الفخيم.... اها لمن اسالوا وليداتي عن منتجعات ورفاهيات اميريكا والقوهم خارج الشبكة دحين الكلام ده وقعو كيفن حيكون علي العيال!
09-09-2013, 01:14 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
فكرت كتجربة ارجع السودان واستقر سنة بس علي الاقل عشان ما نكسر نفسية الشفع المساكين ديل ونخليهم اتمتعوا وابوبروا واتفشخروا بالبيت القصر قدام اولاد الكيزان اولاد الحنوت وقررت انونعمل افتتاح رسمي للبيت بحفلة كبيرة ندعو ليها الاهل والجيران كاشهار وسط الحي الراقي بقدوم وفد المقدمة من ( السودانيين الصعايدة الاميريكان)..... وقطعا لزوم الفشخرة سأقوم بجلب فنانة خاصة بهذا الحفل علي شاكلة الفنانة التالية وحالف انقط ليها 100 دولار وطبعا خاتي ميزانية سنة تحديدا 12 الف دولار للعيش في وطني الجميل اي بواقع الف دولار شهريا!
أها قدر ما فكرت في توفير مصدر رزق عند الرجعة شان نستقر نهائي في بلاد السجم دي لقيت كل السكك مقفلة لانو سكك الرزق بقت محتكرة من قبل اولاد الحنوت الكيزان وربائبهم من الطفيليات الجديدة وكل السوق محتكرينو وكل الخدمة المدنية محتكرنها....يعني ما في طريقة غير تمارس المهن الهامشية البسيطة....طبعا ممكن افرش ابيع طماطم ومساويك وبصل قدام البيت القصر....لكن ما عارف هل القانون بسمح بده في الحي الراقي ده....يعني ما في كشه وحتي لو ما في كشه لا يجوز قدام الوليدات الواحد اشتغل شغلة زي دي والله حنعمل ليهم نفسيات...اها قلت اسوق تكسي ولا ركشة....برضو ده ما بجوز قدام ناس الحي القنادفة وقدام العيال برضو حنعمل ليهم نفسيات مع مجتمع البوبار....وبرضو ممكن اكون حلاق او طهار او جزار في الحي والحاجة كمان ممكن تكون برضو طهارة او داية او تنضف بيوت....برضو لا يجوز ناس البيت القصر الامريكي ده اشتغلوا شغل زي ده.....وبرضو حنعمل نفسيات للوليدات... واخيرا اتذكرت انو ممكن اشتغل ( مراق فلايت) لانو عندي هواية قديمة في الموضوع ده مع اخواني واخواتي من كنا صغار لمن الواحد تلم فيهو فليتة كنت متخصص في معالجتها وايضا ( المفهوق) فيهم كنت علي حسب طريقة حبوبتي الله ارحمها مستعد استعدل ليهو رقبتو بعد ( الانفهاق) والمهنة دي بتنفع في الحي الراقي المليان ناس تماسيح غلاد وكمان ليهم عناقر وبكونوا عاوزين مسيد عناقر ومريق فلايت ومن هنا ممكن تلقي سوق من غير منافس بس لكن لازم ندي المهنة اسم انقليزي رنان لزوم تجميل المهنة وتسويقها وتكون مقبولة قدام ناس الحي والمهم العيال لازم اكونوا مرتاحين ليها يعني لزوم التغطية نعمل ليها ويب سايت (فلايتست دوت كوم) ونعمل محل زي عيادة لمريق الفلايت في الحي الراقي...ونلبس ليها زي لبس الدكاترة ومعاها لقب دكتور لزوم تجميل المهنة بس بشرط ما اعرف بيها واحد من اهلنا في البلد لانو لو عرف قطع شك حيشيل بيها حالي قدام الخلوق في البلد واقول ليهم اخيرا ودهباني جانا من امريكا بعد تزعين سنة وبقي مراق فلايت في الحي الراقي ... لكن برضو في الحساب لازال لدي الفكرة القديمة بتاعة شركة (فراج الكرب الاسلامية) وهي افضل مشروع وما عندو منافس ابدا...وهو موضوع شركة حمامات متحركة نأجرها بدون مؤاخذه لبيوت الافراح والاتراح السودانية ولشركات الانشاء اي ( ادبخانات) متحركة ومجهزة بكل سبل الترويح البيولوجي في قضاء الحاجة علي ارقي الطرق العالمية ومجهزة بوضايات وايضا حجار جمار مجلوبة للمتأسلمين الجدد من جبل احد ومياه وضوء من بير زمزم... وبتكنولوجيا امريكية لن تسمح لك بدخول المرحاض الا برجلك اليسري وبعد الدخول ينبعث صوت يقول :( اللهم انا نعوذ بك من الخبث والخبائث بصوت ندي القلعة............ وعند الخروج ينبعث صوت اخر بصوت القلع عبد الحفيظ ( الحمد لله الذي اذهب عنا الاذي وعافانا)... وبدون مؤاخذة ستذهب الفضلات الي مصانع خاصة بالبزنس لمعالجتها كيميائيا لاستخراج السماد الطبيعي السوداني منها والذي يصلح في تطوير الانتاج الزراعي السوداني وما فاض باذن الله سيكون للتصدير وسيصنف السماد تجاريا في السوق علي حسب طبيعة مخرجيه ان كانوا ( جلابة او مهمشين) فسماد المهمشين ربما سيكون من الدرجة الثانية لانه يحتوي علي مكونات فقيرة من طبيعة الثقافة الغذائية للمهمشين واما سماد ( الجلابة) سيكون المفضل بسبب طبيعة تغذية مخرجيه.... ولكن اتوقع ان تصدر فتوي تحرم استخدام سماد الجلابة في الانتاج الزراعي والذي سيكون غذاء للناس لانه سماد ات من كروش تعتاش بالربا ومال السحت والحرام ولا نرضي لشعبنا ان ياكل طعاما ات من كروش الربا والحرام....من هنا سيكون سماد ( المهمشين) هو افضل الاسمدة السودانية بس المصيبة محتاجين نأكل الناس هناك وتحديدا اهلنا الفي المعسكرات ومخيمات التشرد ومناطق احزمة الفقر ان شاء الله عصايد فتريتة عشان ننتج السماد الطبيعي! عليه اعتقد ان مشروعي يمكن اكون ( المراقة) الوحيدة لاخوكم هباني للتعيش في هذا الوسط المليء بالتعقيدات......بس واحد زمان قال لي ما دام فيهو قروش مارقة من قنانيط الناس برضو حيسرقوا منك الكيزان اولاد الحرام... وحيضايقوك بضريبة جديدة اسمها ( قنيطية) لحد ما تفوت وتكره المشروع عشان احتكروهو لانفسهم!
طبعاً مافي زول فهم البوست دا وهشام هباني عاوز يقول شنو ؟
هشام هباني هنا بطلع في أزمته النفسية وببوح بي أحلامه
طبعاً هشام هباني كسليل آل هباني النظار والعمد متعالي حتى في أحلامه هشام ببكي في حاله وبعمل لي نفسه عذر عشان ما يرجع السودان وهو عامل نفسه معارض عشان ما يرجع للواقع المسكين دا قايل نفسه أهم زول في السودان وأنه مفروض يجي السودان بي طيارة خاصة يطلعوا الناس مواكب لي أستقباله في المطار وتذبح التيران وتجهز المنصات عشان يتفضل علي الناس ويكرمهم بي كلامات يا حليله متخيل أنه مفروض أنه زي دا يكون بيته في غلط حاصل في الدنيا كيف يكون أولاد ناس فقراء عادييين مساكين لا عمد ولا نظار وزراء ومسؤوليين أو رجال اعمال ناحجين أو حتى مغتربين مريشيين وهو ما عنده ، ربنا يا عمدة يذل من يشاء ويعز من يشاء ويرزق ما يشاء ودا حال الدنيا هسع كان ما لحقك علمك وفهمك وجهدك ما بلحقك نسبك ولا عز أهلك إذا كنت إنت فاشل في العلم وفهمك قاصر وربنا وما عندك الحرفنة بتاعت الرزق وما بتخاف ربك وتدعيه يوسع ليك رزقك نسوي ليك شنو ياخ أزمته وسبب ألمه أنه شايف الأيام دي ناس جو أمريكا قريب وبعده ونجحوا وسووا بيوت في السودان هشام هباني مسكين بالجد شايف بي منظور ضيق
غايتو يا هشام كدي أمسك كلامي ونصيحتي دي عليك الله
وسع نظرتك شويه يا هشام ما أنت أعز من باقي الناس وما أشرف منهم في أعز منك وأشرف منك جهوية ونسب كان أنت سليل نظار فأولاد المكوك والملوك قاعدين داجين في أرجاء السودان عاطلىن وشغالين في مهن هامشية وساكنين رواكيب فاحمد ربك
أعرف أنه ربنا ما برزق الناس بي الجهوية وهو برزق من يشاء ويمنع الرزق عن من يشاء فاحمد ربك واشكره علي النعمة الأنت فيها وحمد الله وشكره والاكثار من الاستغفار هو البوسع الرزق وربنا هو البديك البيت دا فكتر من الاستغفار وتوقف عن شتم الناس وسبهم والتعريض بيهم عشان ربنا يغفر ليك ويجيك عن استغفارك
ما تفكر أنه بي جعجعتك دي ولا كتابتك الكتيرة هنا ولا نقتك في المؤتمرات إنك سويت حاجه للسودان ولا قدمت ليه في ناس قدموا أولادهم وأرواحهم للبلد وأقل حاجه بندفع ضرائب وجمارك وزكاة تدخل خزينة السودان إنت لا دفعت ضرائب ولا جمارك ولا مشيت رفعت ليك طوبة في السودان فشان كدا أسكت وما تتكلم خلي القدم حاجة يتكلم
09-09-2013, 08:57 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
حمدا لله علي سلامة العودة ويازول الدنيا دي فانية والعمير قصير وحساب القبر جاييك وجايينا والقصة وما فيها ما بتستحق كل الزعل وقومان النفس ده والحق بين والباطل بين ..... وحكاية المداقرة واهلك وما اهلك وهباني ونظار وعمد ده كلام ما في داعي ليهو وده موضوع انا ما شغال بيهو ابدا لانو موضوع ما مهم شايفك شغال بيهو كتير ومضايقك شديد ولو انا شغال بيهو يا اخوي عبد العزيز والله ما كان مرقت ابدا من السودان وما كان فارقنا الاهل والاحباب وكان تخنا جلدنا و كبرنا عمتنا وكرشتنا وطولنا لحيتنا واستثمرنا علاقاتنا ومصاهراتنا وبعنا مواقفنا ومبادئنا وكمان هللنا وكبرنا مع المهللين والمكبرين لسيئة الذكر ( الانقاذ) وكان حاكون معاك جرقاس يا عزو في سرج واحد بس جرقاس مجيه شديد ما مجهجه زيك... وكان اخوك شيخ هباني هسع عندو عشرين قصر من زي القصر ده وعشرين عربية وعشرين مره وخرتمية شافع... وخرتمية شركة وممكن اشغلك كمان معااااي عشان القصة بقت في البلد بقت ساهلة و كل مؤهلاتها كضب ونفخة.... عشان كده الناس النضيفة كلها هجت وتركت البلد عشان الفساد المنتشر في كل جنباتها وللاسف بتدافع عنو انت يا عبد العزيز.. يا اخي خلينا ليكم كل الوطن وكمان حتي الاماني والاحلام عاوزين تصادروها مننا ولا نحلم ببيت ولا بعودة والله امركم عجيب وانا لله وانا اليه راجعون وربنا اهديك!
وما دام انت زول مراق نصيحة ومارق ليها كدي ياعزو عليك الله الخلقك قدام ناس البورض ده وريني كيفن قرايبك الما اولاد عمد ونظار ديل من وين ليهم البنيان والعمارات السوامق ديل....دحين اكونوا داقين ليها حجر دغش ومن حلالهم وبلالهم ونحن مو خابرين ولا كمان موضوع همبتة وفساد عديل وانت ما بتقدر تمرق فيهو النصيحة!
وبرضو وريني يا عزو يا مراق النصيحة قريبــــــــــــــــــــــــــك الحرامي البشير الفاسد ده من وين ليهو البيوت والمزارع....دحين اكون وارث ونحن مو خابرين ولا كمان شغل حرامية وقلع عديل..... غايتو اكان جاوبتني تكون ارجل سوداني وان انفزرت تكون اتلومت تب وماعندك رجالة التكتح!
عارف يا سيف اليزل كده حتزعل العيال وحتعمل ليهم نفسيات ....قلنا ليكم العيال ما يحفزهم للعودة للوطن انهم راجعين شان استمتعوا بالبيت القصر الفخيم ده .. تجي براحة تطنبح الحكاية و تقول لي نعملو مطعم.... اها بعدما نعملو مطعم العيال بسكنوا وين دحين.. حيسكنوا في غرب المرخيات قريب سودري ولا الثورة الحارة 276 غرب شندي ..... غايتو فكرتك دي غير واقعية يا اخوي..... وحتي لو فرضا قبلناها فالبيت ده ما مصمم علي اساس مطعم لانو المطاعم من المعلوم ليها مواصفات هندسية قياسية وكمان قد لا يسمح الموقع بانشاء مطعم في قلب حي سكني .... وبعدين ما تنسي اولاد الحنوت الكيزان حتي لو استوفيت الشروط لقيام المطعم حيعرقلوا ليك المشروع ويردموك بالضرايب وبعض الاتاوات الخفية الدائمة لتماسيح معلومة تتعيش علي الرشاوي المستدامة ودي طريقة طفشوا بيها كبار التجار النضيفين من البلد... وبعد ده دحين يا اخوي مطعمك ده بجيب ارباح تعيش الوليدات زي ما بحلموا ولا كمان في النهاية حنضطرا نبيعو لكوز مريش بسجم القروش وكمان نرجع تاني ل( ارميكا) ونقعد نعصر تاني وتاني علي العيال لمن اتشردوا هناك في امريكا بسبب تقتيرنا وشحنا في الانفاق عليهم لانو لسع قاعدين ندخر للعودة الافتراضية للوطن الام في المستقبل وهذا بالضرورة يضطرك ان تعصر وتضيقها علي العيال في الوطن الجديد وهنا مكمن الخطورة علي مستقبلهم.....لانو ربما لمن تكون خلاص نجضت امور عودتك للوطن وبقيت علي تذاكر السفر للعودة امكن حينها تلقي العيال ذاتهم فروا منك وطفشوا في امريكا الكبيرة دي وطاروا طيرة اب ريش من الدريش وحينها لا تكون لميت في العيال ولا في الوطن الاصلي وبعد داك يمكن ان تفقد كمان عقلك او روحك بسكتة قلبية وحينها لن تجد من يملك ثمن ترحيل نعشك الي الوطن او ثمن قبر في المنفي وايضا جنة ربي غير مضمونة ما دام حق العيال معلق في رقيبتك وقد ظلمتهم ظلم الحسن والحسين وحيلعنوك الي يوم القيامة لانك حرمتهم من ابسط حقوقهم في الحياة في هذا العالم الجميل... وحينها بعد موتك المحتوم سيؤول القصر المنيف في الوطن الي الورثة وحينها ستنشب معركة كبري اساسها الطمع داخل الوطن بين الاخوة الاعداء ورثة المرحوم المتربصين جدا بتركة اخيهم المرحوم فلان الفلاني والذي للاسف الي ان توفي في المنفي الوطن الجديد لم يعش حياته مرفها ومنعما بل حارما نفسه وعياله من متعه وايضا للاسف لم ير جع الي الوطن الام وبالتالي لم يهننأ لا هو ولا عيال بليلة في قصر الاحلام المنيف والذي بسببه تشردت الاسرة وتبخرت في ثنايا الوطن الجديد وهو كرش فيل كبري لا تدركون خطورتها الا عندما تؤوبون الي عقولكم وتحسبون الامور بميزان الواقعية صاااااح...
مواصفات شنو يا مان؟ بيوت كتيرة في السودان اتحولت لمطاعم وفي قلب الخرطوم كمان .. حتى بيوت الأحياء الشعبية التي تحولت لمطاعم ناس البيت المساكين ينوموا بعد أن يتعشى آخر واحد من متضهبي الليل .. فدحين أسمع كلامي طالما جيرانك من الجماعة أمسكهم من بطنهم!
.
09-09-2013, 10:57 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: Fayga Akasha · Faculty of education khartoum uni قال 1000$ خلاص نوزعها طبعا بتساوى 7 مليون ما تفرحوا انتظروا 700000 كهرباء اتنين حبشيات 1300000 نفايات 50000 ما حى راقى جناينى 300000 النت شهرى 350000 مع كتابتك المشاترة دى وكل دقيقة بوست داير ليك شبكة خاصة مجاملات كشوفات اعراس وبكيات هبانية بس من غير اصحاب خت ليها 200000 جاز جنريتر فى الشهر زى 5مرات 100000 بنزين 400000 لو المرة والاولاد ما عندهم عربات اليوم نص كيلو لحمة الشهر 900000 عيش اليوم بى 10000 الشهر 300000 علا ج صداع وملاريا خفيفة كدة 200000 مصاريف مدارس وجامعات 500000 من غير رسوم يلا نسينا الرصيد مرضة السودانببن يكون عندك على الاقل شريحتين وكل الاسرة ولو عمرو 6 سنوات تحوبل رصيد وكروت شحن وتلقون خط نديك 400000 باقى من المبلغ 1350000 قسمها على الخضار والفواكه واللحوم واحتياطى الصيانات والشحدات المباغتة هل دى بحبوحة ولو شايفنها كدة والله السودانيين مبحبحين لى بى هناك
اختنا المحترمة فايقة عكاشة (فيسبوك)
والله يا اختي دي حسبة محبطة شديدة.....يعني السودان اغلي من امريكا والله نحن الالف دولار تقريبا في امريكا بتعيش الاسرة الصغيرة من نفرين بايجارها واكلها وشرابها وكهرباء وموية!
09-09-2013, 11:48 PM
nour tawir nour tawir
تاريخ التسجيل: 08-16-2004
مجموع المشاركات: 17638
وفي مسعاي الدؤوب لاجل الاستقرار في الوطن اخيرا وجدتها وجدتها..وهذا سر قررت ان اذيعه عليكم حتي اثبت حقي الاستباقي في حجز هذا المشروع الاستثماري الحيوي الكبير في المستقبل والذي اخاف ان يصادره اي كوز طماع متنفذ وهو في طور الفكرة ... وعليه قررت ان اشهدكم عليه في العلن حتي لا يجرؤ اي كوز في المستقبل علي سرقته واذا سمعتم باي شيء يتعلق بهذا المشروع باسم شخص اخر من غير علمي ارجوكم ان تبلغوني بذلك لاني سأتخذ الاجراءات االقانونية الكافية لو وجدت في الواغ واغ لحماية حقي لاني من الان اجريت كل الاتصالات المطلوبة مع الجهات المكسيكية المختصة بهذه العشبة السحرية وساكون بموجبها الوكيل الحصري لاستيراد ( الداميانا المكسيكية) الي السودان باذن الله وانا متأكد ان الريس البشير سيكون ( سخسيا) من افضل زبائني السريين و مشروع (الدميانا المكسيكية)جاء لانقاذ الامة السودانية التي بدأت في الانقراض وقد ابتدعناه لحفظ النوع السوداني من الانقراض الذي تسبب فيه الكيزان عبر الابادات الجماعية الممنهجة باثارة الحروب والفتن والتجويع والافقار وهو مشروع متاكد انه سيسهل كثيرا من استقرار شعبنا وايضا استقراري المادي في هذا القصر المنيف في الوطن الحبيب....(واها قولو ا لناس عشبة بن علي اليمني بلوها وموصوها واشربوا مويتها) واهي العشبة المستوردة من اليمن و التي حسب علمي يحتكرها تحت تحت شقيق السفاح البشير اللواء عبدالله بالشراكة مع الشيخ اليماني الكوز عبد المجيد الزنداني ..... قولوا ليهم ( حقكم راح الداميانا المكسيكية جاااتكم) اولاد ام زقدة وهي عشبة مشهورة في بلاد المكسيك وعموم حوض الامازون تساعد في زيادة الخصوبة والانجاب والتنشيط الجنسي بشكل ملحوظ وهي عشبة تمضغها وتعلكها تلكم الشعوب كشيء يومي وايضا تشربها بعد ان تغلي علي النار وتشرب مثل اي شوربة علي كورة ومن الكورة لكمبورة ( لاعب الهلال سابقا)!
(عدل بواسطة هشام هباني on 09-10-2013, 01:03 AM) (عدل بواسطة هشام هباني on 09-10-2013, 01:08 AM) (عدل بواسطة هشام هباني on 09-10-2013, 04:25 AM)
هشام هباني ما تزعل وتتعقد عليك الله قول لي دا منو في أمريكا الهيج أشجانك دا ما تبقى حاسد ربنا يرزق اكيييد في زول في امريكا في امريكا سوى ليه بيت سمح في السودان وعاوز يرجع هيج اشجانك وخلاك تتأسى على حالك وتجي تبكي وتتنخج لينا بي جاي يا حليلك يا هشام الله كريم يرزق من يشاء
Quote: حمدا لله علي سلامة العودة ويازول الدنيا دي فانية والعمير قصير وحساب القبر جاييك وجايينا والقصة وما فيها ما بتستحق كل الزعل وقومان النفس ده والحق بين والباطل بين
هههه يا عمدة بطل الحركات دي شنو المياصة وحركات الدروشة البتسوي فيها دي لا تكون عاوز تكتل حيلي كمان هههه عشان كلام الحنين حا اكون حنين عليك بالرحه
ما عندي قريب وزير ولا زول في الحكومة وعمر البشير ما قريبي فأنسى الموضوع دا وعارفك لايوق وحا تشبك فيه كتير عشان كدا اريحك لو جيت قلت ليك تاني عمر البشير قريبك عليك تثبت أثبت أنه عمر البشير قريبي أثبت أنه قرايبي كيزان وعندهم عمارات وبيوت يا هباني في من أهلي الشال بيوتهم السيل وكلهم فقراء وفيهم ناس ناجحين كتار بس بشرف مازيك أنت أنت أهلك سرقوا فرصة غيرك ليك يا هشام هباني أنت فشلت في الدراسة أهلك سرقوا ليك الفرصة للسفر لي ليبيا تبع الكوته الكان مخصصه القذافي لناس حزب الامة وانت أهلك بايعين الحسانية بالجملة لي حزب الامة والتمن ياها مناصب وحاجات زي بعثتك دي كيف زول مرفود اكاديميا ياخد بعثة هسع لو ما حرام لو الفرصة دي لقاها زول ناجح نقص مجموعة من كلية الطيب درجة وما دخل إن شاء الله من حزب الامة ومن نعيمه لو أخد الفرصة دي مشى قرى طب وجا راجع اتخيل الفايدة الكان حا يعملها الزول دا وينفع ناس بالالاف كيف اهو دا انت اخدت الفرصة سويت شنو قريت لغة عربية وجدعت الشهادة جريت تسوق تكسي في تكساس فما تبكي لينا علي فشلك هنا مرمي الله ما بترفع وأنت اهلك قدر ما رقعوك ما بتترقع بمناسبة ليبيا أغلب الناس الاخدوهم البعثات دي ما كملوا دراستهم في ليبيا وعانوا الاعتقالات والتعذيب وهربوا منهم قريبي أحتمال يكون دفعتك كان بدرس طب في ليبيا شرد جا بي ملابسة بس حكى لينا عن محاولات تجنيدهم ومطاردتهم من السودانين الكانو في اللجان الثورية ورجع السودان مشى واصل دراسته في العراق والحمد لله هسع طبيب ناجح أكيييد حا أساله عنك وعن تاريخك وعن قصصكم في ليبيا زمان لانه انت اكييد من الناس بتاعين اللجان الثورية دي and#8195; (وحكاية المداقرة واهلك وما اهلك وهباني ونظار وعمد ده كلام ما في داعي ليهو وده موضوع انا ما شغال بيهو ابدا لانو موضوع ما مهم شايفك شغال بيهو كتير ومضايقك شديد ولو انا شغال بيهو يا اخوي عبد العزيز) شغال بيهو يا هباني وأنا عارف محل وجعك كويس وبدوسك فيه ما ناسي ليك ردحيك في موضوع الدرويشة وغيظك مني ههههه عارف مغيوظ وبتكرهني عشان بدوسك في الحتة الحارة دي طبعاً في ناس كانو مستغربين في ردحيك دا انا بضحك لأنك بتتحاشى ترد علي عشان الحتة الحارة دي هسع لمن لقيتي رجعت أتخلعت مش كدا ههههه بحرقك يا جهوي مزدري الناس ومستقل بيهم ومستبعرهم خايف تشوف حقيقتك مش كدا
Quote: والله ما كان مرقت ابدا من السودان وما كان فارقنا الاهل والاحباب وكان تخنا جلدنا و كبرنا عمتنا وكرشتنا وطولنا لحيتنا واستثمرنا علاقاتنا ومصاهراتنا وبعنا مواقفنا ومبادئنا وكمان هللنا وكبرنا مع المهللين والمكبرين لسيئة الذكر ( الانقاذ) وكان حاكون معاك جرقاس يا عزو في سرج واحد بس جرقاس مجيه شديد ما مجهجه زيك..)
هوي يا هباني بطل الحركات دي اليسمع كلامك دا يقول مرق من المعتقلات ولا من التعذيب يا هشام أنت كان مخطط ليك تمشي تقرى في ليبيا ايام الديمقراطية وكواحد من اولاد هباني المدللين من ناس حزب الامة زي بقية اولاد اهلك وتجي تستلم محافظ ولا حاكم ولا وزير في السودان جات الانقاذ طوالي شتات على امريكا ما قعدت في ضل الانقاذ ولا ثانية ولا عانيت ولا شفت الشفناه
Quote: وكان اخوك شيخ هباني هسع عندو عشرين قصر من زي القصر ده وعشرين عربية وعشرين مره وخرتمية شافع... وخرتمية شركة وممكن اشغلك كمان معااااي عشان القصة بقت في البلد بقت ساهلة و كل مؤهلاتها كضب ونفخة.... عشان كده الناس النضيفة كلها هجت وتركت البلد عشان الفساد المنتشر في كل جنباتها وللاسف بتدافع عنو انت يا عبد العزيز.. يا اخي خلينا ليكم كل الوطن وكمان حتي الاماني والاحلام عاوزين تصادروها مننا ولا نحلم ببيت ولا بعودة والله امركم عجيب وانا لله وانا اليه راجعون وربنا اهديك!
ههههه هسع في نفخة كضابة غيرك قلت لي تشغلني معاك عادي يا هشام اكل العيش والرزق مافيه حاجه ممكن أشتغل عندك عادي لكن أنت يا هشام هباني ما ممكن تعمل كدا خايف يوم تجي ترجع السودان تشتغل عند زول أنت مفتكرة أقل منك دي مشكلتك مش كدا بعدين الفساد دا أنت ما بتعرفه ولا عشت تحته يوم هههههه قلت نصادر أحلامك كويس ما عندك شيء غير الاحلام يا فاشل احلم بس ههههه
Quote: وما دام انت زول مراق نصيحة ومارق ليها كدي ياعزو عليك الله الخلقك قدام ناس البورض ده وريني كيفن قرايبك الما اولاد عمد ونظار ديل من وين ليهم البنيان والعمارات السوامق ديل....دحين اكونوا داقين ليها حجر دغش ومن حلالهم وبلالهم ونحن مو خابرين ولا كمان موضوع همبتة وفساد عديل وانت ما بتقدر تمرق فيهو النصيحة
بالمناسبة يا عمدة شفت البيوت الفي الفيديو بينها وبين البيت الاتولدت فيه خطوات بيتنا الجديد تعويضات كوبر القديمة من الخمسينات عشان ما تقول حرامية وكدا والمنطقة ديك بعرف اغلب سكانها وكلهم تجار ومغتربين ومنهم واحد صاحبي قريبك شديد أظن ودخالك بيته في الحتة ديك وهو لا حرامي ولا سراق زول مجتهد بين الامارات وامريكا والله يديه العافية كدي أساله عني لانه صاحبي وبعزني شديد أنا زاتي عندي بيت هناك سويته من عرقي و جهدي دقاني فيه حجر دغش وبذلت دم عشان اعمله قايلني مستني فاشل زيك يجي يقول لي حرامي وكوز سرقته حجر الدغش ما دقاك انت عشت طوال حياتك منعم ودناظر في نعيمه وجيت جامعة الخرطوم سويت فشلك الكبير ودوك ليبيا اتنغنغت من خيرات القذافي ومنها لي أمريكا
Quote: وبرضو وريني يا عزو يا مراق النصيحة قريبــــــــــــــــــــــــــك الحرامي البشير الفاسد ده من وين ليهو البيوت والمزارع....دحين اكون وارث ونحن مو خابرين ولا كمان شغل حرامية وقلع عديل..... غايتو اكان جاوبتني تكون ارجل سوداني وان انفزرت تكون اتلومت تب وماعندك رجالة التكتح!)
خلاس قمت علي قلة الأدب .. أنت ما تتكلم علي الرجالة لانك ما راجل وما بتعرفها نوريك الرجالة في العسكرية بقولوا الرجالة ثبات والناس بتقول الراجل بركز والشباب بركزو للجلد عشان يثبتو رجولتهم والراجل بثبت في المواجهات أنت ما بتركز وما بتثبت بتجري طوالي عارفنك ياها عادتك تمشي اليويتوب تلقى ليك فيديو معفن زيك تلفحه تجي جاري بيه هنا يجيك واحد طاشم يشبكك ياعمده يا معلم يجيك واخد معقد يقول ليك التحية للناظر راسك يكبر تفتكر نفسك قطعتها تمشي تشوف واحد من شفوت البورد الحارقنك تفتح بوست بي أسمه يجي يزعمطوك تقوم جاري يا تقل ادبك وتخرب البوست يا تجري لي بكري يحذف ليك يا تزوغ ما تظهر الغريب إنه بتجي بعد فترة مكنتك مقدودة تنقط في البوستات البتفتحها وانت مزعوط فيها يعني ولا هماني هههههه ما تتكلم عن الرجالة الرجالة شفناها عند بشاشا الراجل المحترم وشفنا الخيابة بتاعتك الاخيرة واي انا عيان انا عندي الضغط السكري قايم واي البواسير حرقتني
عمر البشير ما قريبي قرايبي تعال نوريك الكيزان منو والجراقس منو
دي وريني خالتك القلت فيها الكلام دا ياتها في ديل
Quote: خالتي دي بت ناظر نظار بحر ابيض شرقا وغربا وبت عز ليها نحاس ارز من جبل اولياء للجبلين... هي محتاجة ليها لي عفينة وزارة زي دي وكمان في ولاية الخرتوم وكمان رئيسها الوالي المتعافن...افو افو..دي تستاهل تكون وزيرة صحة اتحادية تهز وترز ولا كمان سفيرة في امريكابالميت عشان تاني تلقي اخوووك ساكن السفارة عديل واقوموا اطلعوا ليهو جنسية وجواز سفر بدل الفاقد بتاع ليبيا ولاحمد ولدي كمان جنسية سودانية بعد الهملة دي!
وينها خالتك والتانية تقرب ليك شنو ديل قريباتك أخوات نسيبة عليك الله سوينا فاصل ردحي فيهم وأنت أولى من غيرك عشان اجيب ليك صور نسايبك كمان
09-10-2013, 08:23 AM
ALWALEED ALSHEIKH ALWALEED ALSHEIKH
تاريخ التسجيل: 01-11-2013
مجموع المشاركات: 884
الأستاذ هشام هباني لك كل الود و الاحترام ربنا يهنيك إنت و أولادك بالبيت و أسأل الله أن يسهل لك العودة الى السودان كما تمنيت معززاً مكرماً و حقيقة البيت جميل و الديزاين روعة وكما تعلم عاداتنا السودانية في التقليد و عدم والابتكار و الإكتفاء بإبداعات الآخرين ,فقد ققرت أن أستأذنك في بناء بيتي الخاص على نفس النسق و الديزاين وربنا يسهل لأنه و بعد غربة ثلاثة عشر عاماً لم أتمكن من شراء قطعة أرض في البلد الكانت مليون ميل مربع ولكن لا بأس بأن أحلم بامتلاك بيت فيها يكون في روعة بيتك فساعدنا بالدعاء يا أخي لتحقيق هذه الأمنية فهي ليست مستحيلة و كما تعلم كم من وض ي ع رقيع في سودان اليوم صار من أهل الثراء و وجهاء القوم أما أنت و أنا و مئات الآلاف مثلنا من المغتربين فلا نملك أن نقول لهم سوى طوبى للغرباء طوبى للغرباء و طوبى للغرباء. ختاماً لك كل الأمنيات بأن تسعد بالعيش في وطنك و بيتك و أن يكفيك الله شر الحاسدين
09-10-2013, 03:08 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: بالمناسبة يا عمدة شفت البيوت الفي الفيديو بينها وبين البيت الاتولدت فيه خطوات بيتنا الجديد تعويضات كوبر القديمة من الخمسينات عشان ما تقول حرامية وكدا والمنطقة ديك بعرف اغلب سكانها وكلهم تجار ومغتربين ومنهم واحد صاحبي قريبك شديد أظن ودخالك بيته في الحتة ديك وهو لا حرامي ولا سراق زول مجتهد بين الامارات وامريكا والله يديه العافية كدي أساله عني لانه صاحبي وبعزني شديد أنا زاتي عندي بيت هناك سويته من عرقي و جهدي دقاني فيه حجر دغش وبذلت دم عشان اعمله قايلني مستني فاشل زيك يجي يقول لي حرامي وكوز سرقت
لن اجادلك فيما اوردته في حقي لاني لا اريد لهذا الحوار ان ياخذ منحي شخصيا ولكن الاهم فيما تفضلت به اعلاه حيث اكدت لي لاول مرة في المنبر انك بالفعل تربطك علاقة بالسفاح اي علاقة ( الجيرة) التي اوصانا بها رسول الله فانت ايضا مثل ( الريس) من سكان حي كوبر الاصليين وهذا يعني بالبداهة انك ملم بتاريخ اسرة السفاح البشير التي قطنت ولا زالت تقطن ذات الحي القديم بل تمددت هذه الاسرة اليوم الي امتلاك عشرات البنايات الفخمة التي تكلف ملايين الدولارات في حي كافوري الفخيم ...فهل يمكن لسعادتكم ان كنت بالفعل جادا لاحقاق الحقيقة والزود عن الحق ان تحدثنا عن كيف تحولت اسرة السفاح البشير الي هذا الثراء الفاحش والمستفز لعموم شعب السوداني وانت منه حيث يفترض ان تكون اول المستفزين بهذا الثراء الفجائي المشبوه لانك بن الحي وملم بكل تفاصيل تاريخ وحاضر هذه الاسرة من الالف الي الياء...الا تري في الامر فسادا واضحا من خلال استغلال السلطة والا يستفزك الامر كسوداني لا زال يكدح في المهاجر بعرق كدحه الشريف..... فالان مصداقيتك يا عزيز علي المحك ان كنت تخاف الله وتتوخي شرف الكلمة والموقف الوطني النزيه واي محاولة للتهرب من الاجابة ستفقد مصداقيتك و بالتالي كل ما اوردته في حقي لن يكون ذا مصداقية لطالما اثبت عدم مصداقيتك لان فاقد الشيء لا يعطيه.......هيا ارنا يا بن ( حي كوبر وكافوري) مصداقيتك في التحدث عن ثراء اسرة السفاح البشير وايضا يمكنك ان تحدثنا عن كل افراد هذا الحفل الصاخب لانك ( جار) وبن الحي ومن الطبيعي ايضا ان تكون من ضمن المعازيم في هذا الحفل البهيج لانك ( جار)؟
ان الرسالة التي احاول ان اوصلها عبر هذا الخيط تتلخص في التالي:
ان السودانيين من اصحاب الجنسيات المزدوجة والذين يعيشون ظرفية استثنائية قاهرة قد خلقتها ظروف اللجوء من القهر السياسي في الوطن الام وبسببها قد صاروا مواطنين ايضا في بلدان اخري مما منحهم حقوقا جديدة بحكم المواطنة وايضا فرض عليهم واجبات والتزامات قانونية في هذا الوطن الجديد الملاذ كاستحقاق ادبي يحتم عليهم الايفاء بها تجاه الوطن الملاذ..وهذا يعني انهم شرائح تضاعفت اعباءهم المتوزعة بين وطنين.... ولكنهم بكل المقاييس في ظرفية افضل ولا يمكن ابدا ان تتساوي مع السوداني الاخر ( المغترب) والذي يعيش غربته تحت ظروف قاهرة وموقوتة وبعقد قانوني الي امد محدود مع جهة تشغيله في بلد الاغتراب وما ان تتم فترة تشغيله حسب العقد فان كان محظوظا سيجد حظه من التمديد للعقد القديم حسب الاحتياج اليه او التعاقد من جديد مع جهة اخري وفق عقد جديد.. وان تعثر الحظ سيجد نفسه ملزما ومضطرا الي العودة للوطن الام بكل تعقيداته ليبدأ من جديد فيه دوامة التكيف القاسية مع اوضاع قاهرة فشل في السابق التكيف معها مما اضطرته للهجرة او سيبدأ من جديد مشوار البحث عن مهجر اخر مرة اخري لطالما ظلت ذات الظروف القاهرة والطاردة مستمرة..... ان السوداني ( المستوطن) في وطن اخر قانونيا قد ضمن ملاذا امنا بكامل حقوقه كمواطن في الوطن الجديد وبالتالي ينبغي ان يكون معنويا مطمئنا وفي وضع مستقر غير مهجس بهاجس الترحيل القسري و( الكشة) والعودة النهائية الي وطن لا زال مصيره في كف عفريت وهو هاجس ينبغي ان يشغل السوداني (المغترب) لان مصيره في دول الاغتراب مرهون بعقد عمل محدود وايضا مرهون بمزاج كفيله ومشغله والذي ربما يبعده في اي لحظة ولذلك تفرض ظروف المغترب عليه كشخص ليس مواطنا في دولة الاغتراب ان يدخر ويتقشف كي يوفر في الاساس المسكن له ولاسرته في الوطن الاصل تحسبا للعودة النهائية والمتوقعة في اية لحظة وايضا ينبغي عليه توفير مصدر عيش كريم في الوطن اذا وجد نفسه وقد انتهت خدماته في دولة الاغتراب ..واما السوداني ( المستوطن ) في وطن اخر فبكل المقاييس ينبغي ان يكون ( مرحمنا) مطمئنا غير مهجس ببعبع الترحيل لانه يتمتع بحقوق المواطنة في الوطن الجديد الملاذ اي يعامل مثل المواطنين الاصليين وبالمقابل عليه ايضا التزامات قانونية وادبية في هذا الوطن الملاذ يجب الايفاء بها كمواطن فيه وايضا عليه التزامات مادية ومعنوية تجاه اسرته في حياتها الجديدة والمعقدة والتي تحتاج الي زمن ومتطلبات للتكيف مع ظروف الوطن الجديد حيث تحتاج الاسرة في الوطن الجديد كي تكون اسرة ناجحة حتي تنتج افرادا ناجحين لخدمة الوطنين الام والجديد تحتاج الي العمل المجزي الذي يكفل السكن الصحي الامن النظيف في بيئات اجتماعية نظيفة ومستقرة وبها افضل مؤسسات التعليم والرعاية الصحية وهي بيئة حتما ستكفل النجاح لافراد الاسرة وبالتالي سيكونون مفيدين لوطنيهم الاصلي والثاني... وكي يحقق اولياء الامور السودانيون ( المستوطنون) هذه الظرفية الذهبية الضامنة لنجاح اسرهم وعيالهم مستقبلا في هذا الوطن الجديد فان الواجب الاخلاقي والانساني يملي عليهم ان يوظفوا كل الدخل لخدمة واعاشة ورفاهية هذه الاسر المقيمة في الوطن الجديد وفي نسق حياتي ليس اقل من اسر اهل البلاد الاصليين حتي يشبع كل احتياجاتها و يحفظ كرامتها بلا حرمان وبعد ايفاء كل متطلبات واحتياجات الاسرة الاساسية الضامنة لاستقرارها في الوطن الجديد وما فاض من الدخل لا مانع من استثماره في بناء بيت في الوطن الاصلي ومساعدة كل المحتاجين من الاهل والاحباب. واسرة بهذا القدر من الاشباع الكريم في المهجر قطعا ستنجب ابناء نافعين لوطنهم الاصلي والجديد... ولكن وبشكل واقعي وصريح جدا لا تتوقعوا ان هذا البيت الذي ستشيدونه في الوطن الام سيضمن عود ة العيال او حتي عودتكم انتم ( الكبار) اليه بعد ان ارتبطتم بواقع حياتي جديد صار حياة وومماتا ربما لكم ولكن يقينا صار حياة ومماتا لهؤلاء العيال بعد ان شبوا وترعرعوا وتطبعوا به وهذا امر لا يتناقض مع الصيرورة البشرية فهذا ديدن الانسان في صيرورته الازلية يظل متجولا في بحثه الدؤوب عن العيش الكريم واينما استقر شاد وطنه...لان الانسان بن ادم لا وطن فلا ادم سوداني ولا حواء سودانية ولا اميريكا بيضاء او سمراء او صفراء ...فكلكم لادم وادم من تراب وهو امر يتسق مع قوله تعالي: «هو الذي جعل لكم الأرض ذلولاً فامشوا في مناكبها وكلوا من رزقه وإليه النشور» الآية: 15 من سورة الملك.. فان كان هنالك وطن ينبغي ان نحرص عليه فليس هنالك وطن افضل من الانسانية لانها فضاء ارحب من الوطنية والقومية والقبلية والعشائرية والاسرية بل هي سقف الفضاءات البشرية ! ونصيحتي الاخوية للسودانيين من اصحاب المواطنة الثانية ان يعيشوا مواطنتهم الجديدة كاملة الدسم وبكل كبرياء وفي ذات الوقت ألا تنسوا الوطن الاصل والذي بسببه تشردتم بل اعملوا كل ما بوسعكم للقضاء علي كل الاسباب السالبة التي ادت الي تشردكم حتي يعود وطنا حرا معافي يصلح للعيش البشري ولا تنسوا ان تذكروا عيالكم في الوطن الجديد باجمل ذكرياتكم بالوطن الام وبمواقفكم الوطنية الجسورة التي اضطرتكم للهجرة وغذوهم بكل قيمه الجميلة وماثر بطولاته حتي تعينهم في الحياة في الوطن الجديد ليجزلوا العطاء بشكل انساني لاهلهم في الوطنين الاصلي والجديد.
Quote: لن اجادلك فيما اوردته في حقي لاني لا اريد لهذا الحوار ان ياخذ منحي شخصيا
ما بتقتدر السيرة دي حارة عليك وما بتحب تشوف حقيقتك ، طيب يا هشام وكت بتحرقك كدا مالك بتطارد الناس وتنبش حتى سيرة موتاهم وأنت معاركك كلها مع الناس ما شخصية بحته البيته من قزاز ما بجدع الناس بالحجار
كدي قول لي السبب أنه أكتر قبيلة فيها نسبة آمية في السودان هي الحسانية رغم أنهم عندهم منارة التعليم بخت الرضا البجوها الناس من اقاصي السودان يتعلموا فيها ؟ ليه التعليم مقتصر على آل هباني وأصهارهم ورجالهم ونساؤهم حاصلين على درجات علمية عليا وكلهم متعلمين من زمن طويل في حين أنه تلقى شباب ورجال وأطفال الأن مازالوا ما بفكوا الخط وما جلسوا في مقاعد التعليم لثواني ؟
جاوب يا عمدة عشان نعرفك ناظر عمدة بالجد ونسكت من السيرة دي ونكفيك شر الجدال الما بتقدر عليه
Quote: ولكن الاهم فيما تفضلت به اعلاه حيث اكدت لي لاول مرة في المنبر انك بالفعل تربطك علاقة بالسفاح اي علاقة ( الجيرة)
طيب وكت فرحان أنك عرفت المعلومة كنت بتقول لي قريبك البشير ليييييه الكلام بتاع البشير قريبك دا جبته من وين آلفته من راسك وكضب ولا جابو ليك زول ؟؟؟ يلا تعال اعتذر عن قولك لي إني قريب البشير وأنك كضبته ؟؟؟ تقدر تعتذر طبعاً لا ههههههه هسع أنا كضبت فيك لمن جبت ليك قريباتك اخوات نسيبة ههههه شفت الشغل المكرب بطل بهتان الناس بالكضب والنجر
Quote: لن اجادلك فيما اوردته في حقي لاني لا اريد لهذا الحوار ان ياخذ منحي شخصيا ولكن الاهم فيما تفضلت به اعلاه حيث اكدت لي لاول مرة في المنبر انك بالفعل تربطك علاقة بالسفاح اي علاقة ( الجيرة) التي اوصانا بها رسول الله فانت ايضا مثل ( الريس) من سكان حي كوبر الاصليين وهذا يعني بالبداهة انك ملم بتاريخ اسرة السفاح البشير التي قطنت ولا زالت تقطن ذات الحي القديم بل تمددت هذه الاسرة اليوم الي امتلاك عشرات البنايات الفخمة التي تكلف ملايين الدولارات في حي كافوري الفخيم ...فهل يمكن لسعادتكم ان كنت بالفعل جادا لاحقاق الحقيقة والزود عن الحق ان تحدثنا عن كيف تحولت اسرة السفاح البشير الي هذا الثراء الفاحش والمستفز لعموم شعب السوداني وانت منه حيث يفترض ان تكون اول المستفزين بهذا الثراء الفجائي المشبوه لانك بن الحي وملم بكل تفاصيل تاريخ وحاضر هذه الاسرة من الالف الي الياء...الا تري في الامر فسادا واضحا من خلال استغلال السلطة والا يستفزك الامر كسوداني لا زال يكدح في المهاجر بعرق كدحه الشريف
ههههه البلزمني شنو أتكلم عن جيراني ؟؟؟ وعلاقتي شنو بالبسوو ؟؟ عجيب هل أي زول ملزم يكتب عن جيرانه ، بالمناسبة الجيرة في كوبر جمعتني بي ناس كتاروفي الاقتصاد في الفن وفي الكورة وفي أي مجال وفي السياسة كوبر اكتر مكان بسكن فيه السياسيين والسفراء من ضباط عبود الكبار لي الرشيد الطاهر بكر لعمر محمد الطيب لعدد كبير من الوزراء حتى نميري أخر ايامه في الحكم كان ساكن كوبر وقريبك عمر نورالدائم عليه الرحمة جاورنا زمن في كوبر هل أنا ملزم أتكلم عن الناس ديل بحكم جيرتي ليهم كوبر
عن أسرة البشير ما بعرف حاجه كعبة وبعرفهم علي حقيقتهم ناس عاديين جداً والمرطب فيهم عارفه أجتهد وسوى حاجاته أنت شايفهم حرامية أمشي جيب أثباتات تثبت أنهم حرامية وفيهم ناس مساكين وفقراء كتار وترتبط أسرتي بي اسرهم بي علاقة جيرة أكتر من ستين سنة كلها أحترام ومحبة ما أغتروا علينا ولا افتروا حتى الان يحترمونا ويشاركونا افراحنا واتراحنا وما بقصروا عن الواجب وحق الجيرة طبعاً دي الحقيقة وما حا تعجبك دي مشكلتك أنا ملزم بي الوجه البشوفه منهم وبالحقيقة أنت طبعاً أعور حا تعتبر دا دفاع عنهم يعني اكضب ولا انكر ليك الحقيقة
Quote: فالان مصداقيتك يا عزيز علي المحك ان كنت تخاف الله وتتوخي شرف الكلمة والموقف الوطني النزيه واي محاولة للتهرب من الاجابة ستفقد مصداقيتك و بالتالي كل ما اوردته في حقي لن يكون ذا مصداقية لطالما اثبت عدم مصداقيتك لان فاقد الشيء لا يعطيه.......هيا ارنا يا بن ( حي كوبر وكافوري) مصداقيتك في التحدث عن ثراء اسرة السفاح البشير وايضا يمكنك ان تحدثنا عن كل افراد هذا الحفل الصاخب لانك ( جار) وبن الحي ومن الطبيعي ايضا ان تكون من ضمن المعازيم في هذا الحفل البهيج لانك ( جار)؟
ههههه مصداقية شنو يا السمح البتتكلم عنها ياجاهل مصداقيتي هي شخصيتي ووجهي البقابل بيه الناس وقيمتي أنت فقدتها زمان يا كضاب هسع في البوست دا أنت ما كضبت وقلت أني قريب البشير ما تتكلم عن المصداقية وأنت فاقدها وما أنت البتقيم مصداقيتي ولا تتكلم فيها هسع أنا قلت ليك البعرفه أنت لو عارف حاجه تاني تعال وريني ليها بي أثباتاتها
بعدين شنو الحركات دي هيا ارنا يا بن ( حي كوبر وكافوري)
Quote: هيا ارنا يا بن ( حي كوبر وكافوري)
أنت حاسد ولا (بقرتان) ياخ أنت وارث من جبل أولياء حتى الجبلين الارض الشجر الناس الطير الغنم كلهم حقكم وراثنو مالك بتكي ما ترجع مملتكم دي وأرعى ضان وازرع لوبية مالك ومال كوبر وكافوري والصافيا و الحلفايا والازهري والله يا هشام بالجد نصيحة لو لواعج الشوق دي معذباك شديد كدا وعاوز تبقى راجل مافي زول حا يساعدك غيري بس أنت ساعد نفسك أول حاجه تبطل النفخة الكضابة وتقتنع إنك زول عادي زيك وزي أي زول وأنه الرزق من الله وتحمد ربك وترضى بي أي عمل شريف في السودان والاخوان حا يساعدوك فيه وترضى تسكن في بيت زي باقي الناس لأنه ياهو دا النصيب الكاتبه ليك ربنا ودي قدرتك أجتهد الايام الجاية وبطل الهجص والكلام الفارغ البتسوي فيه دا والوكت البتنطط فيه لعوارات المعارضة في امريكا والبتقضية تكضب وتتعاور لينا في بي جاي واشتغل وكت اضافي ووفر ليك قروش أنا حا اساعدك في مشروعنا بتاع السكن التعاوني ونساهم معاك في انك تتملك ليك شقة في منطقة الحاج يوسف يحلم بيها ناس كتار أعز منك وأكتر منك علم وناس محبوبين ومحترمين يا تبطل الهجص دا وارضى بي نصيبك وقدرتك في امريكا هسع عاين المسكينة نور تاور دي قالت ما عندها راكوبه مع أنها بت مكوك وتاريخ ومره بستمائة الف واحد زيك والعلم الفي راسها أنت داير ليك ستمائة سنة تقرى عشان تصل لي عشره وأخلاقها وفهمها يضاهي السحاب وأنت في أدني الحضيض هسع لو لقت ليها راكوبة حا تطير من الفرح ومجتهدة والله يديها
09-12-2013, 04:22 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: عن أسرة البشير ما بعرف حاجه كعبة وبعرفهم علي حقيقتهم ناس عاديين جداً والمرطب فيهم عارفه أجتهد وسوى حاجاته أنت شايفهم حرامية أمشي جيب أثباتات تثبت أنهم حرامية وفيهم ناس مساكين وفقراء كتار وترتبط أسرتي بي اسرهم بي علاقة جيرة أكتر من ستين سنة كلها أحترام ومحبة ما أغتروا علينا ولا افتروا حتى الان يحترمونا ويشاركونا افراحنا واتراحنا وما بقصروا عن الواجب وحق الجيرة طبعاً دي الحقيقة وما حا تعجبك دي مشكلتك أنا ملزم بي الوجه البشوفه منهم وبالحقيقة أنت طبعاً أعور حا تعتبر دا دفاع عنهم يعني اكضب ولا انكر ليك الحقيقة
(عدل بواسطة هشام هباني on 09-12-2013, 04:25 AM) (عدل بواسطة هشام هباني on 09-12-2013, 04:26 AM)
09-12-2013, 10:00 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: عن أسرة البشير ما بعرف حاجه كعبة وبعرفهم علي حقيقتهم ناس عاديين جداً والمرطب فيهم عارفه أجتهد وسوى حاجاته أنت شايفهم حرامية أمشي جيب أثباتات تثبت أنهم حرامية وفيهم ناس مساكين وفقراء كتار وترتبط أسرتي بي اسرهم بي علاقة جيرة أكتر من ستين سنة كلها أحترام ومحبة ما أغتروا علينا ولا افتروا حتى الان يحترمونا ويشاركونا افراحنا واتراحنا وما بقصروا عن الواجب وحق الجيرة طبعاً دي الحقيقة وما حا تعجبك دي مشكلتك أنا ملزم بي الوجه البشوفه منهم وبالحقيقة أنت طبعاً أعور حا تعتبر دا دفاع عنهم يعني اكضب ولا انكر ليك الحقيقة
يا عمدة أنت قايل نفسك ذكي وبتشرك كمان طبعاً البوست دا أنت فاتحه عشان محمد عبدالمطلب يجي يشتمك فيه وتقعد تتعاور فيه بي كلام مصطفى محمود أنه سرق بيت مصطفى محمود ههههههه مصطفى محمود دا موضوعه منتهي وكضاب حتى ناسوا طردوه يازول دا من فضايحة قبل يومين سارق صحفة حريات في الفيس بوك وخلي الفارات والطرابيد كلهم يكوركو شفت ليك زول بسرق ليه ظرطه
سكت مالك من يجيبو ليك السيرة الحارة بتكضم مش كدا
يلا يا عمدة جاوب
Quote: كدي قول لي السبب أنه أكتر قبيلة فيها نسبة آمية في السودان هي الحسانية رغم أنهم عندهم منارة التعليم بخت الرضا البجوها الناس من اقاصي السودان يتعلموا فيها ؟ ليه التعليم مقتصر على آل هباني وأصهارهم ورجالهم ونساؤهم حاصلين على درجات علمية عليا وكلهم متعلمين من زمن طويل في حين أنه تلقى شباب ورجال وأطفال الحسانية الأن مازالوا ما بفكوا الخط وما جلسوا في مقاعد التعليم لثواني ؟
كلمة الحسانية الأخيرة دخلتها من عندي
09-13-2013, 00:35 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
ركز معاي هنا يا عزو بطل الجقلبة والفنجطة خليك من شخصنة القضية وضح لينا رايك في الكلام التحت ده وهو كلام بلسان الحرامي البشير شخصيا...هل تعتقد انه حصل علي هذه العقارات بالحلال ومن غير فساد وهل في الاساس تعتقد في فساد البشير واجرامه؟
Quote: عن أسرة البشير ما بعرف حاجه كعبة وبعرفهم علي حقيقتهم ناس عاديين جداً والمرطب فيهم عارفه أجتهد وسوى حاجاته أنت شايفهم حرامية أمشي جيب أثباتات تثبت أنهم حرامية وفيهم ناس مساكين وفقراء كتار وترتبط أسرتي بي اسرهم بي علاقة جيرة أكتر من ستين سنة كلها أحترام ومحبة ما أغتروا علينا ولا افتروا حتى الان يحترمونا ويشاركونا افراحنا واتراحنا وما بقصروا عن الواجب وحق الجيرة طبعاً دي الحقيقة وما حا تعجبك دي مشكلتك أنا ملزم بي الوجه البشوفه منهم وبالحقيقة أنت طبعاً أعور حا تعتبر دا دفاع عنهم يعني اكضب ولا انكر ليك الحقيقة
09-13-2013, 11:49 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
ركز معاي هنا يا عزو بطل الجقلبة والفنجطة خليك من شخصنة القضية وضح لينا رايك في الكلام التحت ده وهو اعتراف بلسان( جاركم الهيتة بالهيتة) الحرامي البشير شخصيا...هل تعتقد يا ايها الوطني الشجاع انه حصل علي هذه العقارات بالحلال ومن غير فساد وهل في الاساس تعتقد يا ابو الرجال والفرسان في فساد البشير واجرامه وان اخوته فاسدون......ام انك لا تستطيع ان تقر بذلك لانك تخشاهم اكثر مما تخشي ربك وضميرك وتدينك واخلاقك؟
Quote: عن أسرة البشير ما بعرف حاجه كعبة وبعرفهم علي حقيقتهم ناس عاديين جداً والمرطب فيهم عارفه أجتهد وسوى حاجاته أنت شايفهم حرامية أمشي جيب أثباتات تثبت أنهم حرامية وفيهم ناس مساكين وفقراء كتار وترتبط أسرتي بي اسرهم بي علاقة جيرة أكتر من ستين سنة كلها أحترام ومحبة ما أغتروا علينا ولا افتروا حتى الان يحترمونا ويشاركونا افراحنا واتراحنا وما بقصروا عن الواجب وحق الجيرة طبعاً دي الحقيقة وما حا تعجبك دي مشكلتك أنا ملزم بي الوجه البشوفه منهم وبالحقيقة أنت طبعاً أعور حا تعتبر دا دفاع عنهم يعني اكضب ولا انكر ليك الحقيقة
09-14-2013, 08:52 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: وترتبط أسرتي بي اسرهم بي علاقة جيرة أكتر من ستين سنة كلها أحترام ومحبة ما أغتروا علينا ولا افتروا حتى الان يحترمونا ويشاركونا افراحنا واتراحنا وما بقصروا عن الواجب وحق الجيرة طبعاً دي الحقيقة
السودانيون الان صاروا منتشرين في جل بقاع العالم وبحيثيات محتلفة في اشكال هجراتهم ولكنهم جميعهم غادروا مجبرين الوطن بسبب الظروف القاهرة والطاردة فيه والتي صار لا يضمن فيها المواطن عيشا كريما وامنا وامانا لنفسه واسرته ومن بين هؤلاء السودانيين هناك شريحة المنتمين لتيارات وطنية حدددت موقفها وهي لا زالت تعارض الوضع السياسي الراهن في البلاد وقد حددوا موقفهم الواضح الرافض لهذه الظروف التي قهرتهم وشردتهم وايضا هنالك شريحة اللامنتميين الذين لا يحملون اي موقف وطني مقاوم لهذه الظروف القاهرة التي اضطرتهم ايضا للتشرد القسري وهو موقف سلبي يحسب اخلاقيا ووطنيا عليهم اذ هم مطالبون ايضا مثل اخوتهم المنتمين الي اعلان مواقف رافضة لهذه الظروف التي جعلتهم ايضا ضحايا الوضع السياسي القائم و ذلك كي يعودوا الي الوطن الذي يحبونه .... وبالتاكيد لن تتحقق هذه العودة الحلم للوطن الغالي بالاماني والدعوات الصالحات بل بالعمل الوطني المباشر والجريء في مقاومة هذا الوضع الاجرامي الفاسد الذي يهددنا جميعا منتمون وغير منتمين لاننا كلنا ضحاياه ...وعليه لا يمكن اخلاقيا وانسانيا ووطنيا ان يتحمل اخرون دفع ضريبة المقاومة الوطنية وهم فيها يعرضون انفسهم وذويهم للقهر والملاحقات واالمطاردات من قبل الطغاة الحاكمين بالانابة عن اخرين لا يحسنون غير الفرجة والصمت البئيس وللاسف والانكي ان جل هؤلاء السلبيين لا زالوا بلا استحياء يبخسون مواقف الاخرين الذين حددوا موقفهم من القهر والظلم والاجرام والفساد. وهو سقوط انساني واخلاقي مريع يضعهم في خانة الطغاة حتي لو كانوا ضحاياهم. وعليه ان من يريد ان يستمتع بقية العمر بهذا البيت القصر المنيف الذي أنفق فيه كل شقاء الغربة عليه ان يعمل جادا هذه المرة علي ازالة كل الاسباب التي ادت الي غربته وتشرده والا ستستحيل عودة صاحب القصر الي الوطن الحبيب وحينها سيموت صاحبنا كما يموت ولا زال يموت الاف السودانيين في غربتهم ودفنوا للاسف في منافيهم وحينها لا عشم حتي في مراسم العزاء في بهو هذا القصر المنيف والذي قطعا سيؤول الي الورثة بعد ان تقشف صاحبه المهاجر ( المرحوم) في غربته علي حساب رفاهية اسرته بالخارج والتي حرمت ايضا من ابسط اساسيات الحياة التي تناسب اوضاع المهجر لانهم رهنوا مستقبلهم علي عودة غير مضمونة لو طن لا زال تحت رحمة العفاريت والاشباح!
بالله عليكم كيف سنهنأ بالعيش في هذا القصر المنيف ونحاول ان نغض الطرف بلا انسانية عن حقيقة ماثلة للعيان وهي ان الوطن لا زال تحت تصرف هؤلاء الاوغاد يقذف بابنائه الي ( الشتات) وهم الي اليوم لا زالوا يكابدون فيه اقسي حالات القهر والذل والهوان بسبب هذه العصبة المجرمة والتي بزوالها يمكن انصلاح الاحوال في الوطن الحبيب وبها نستعيد حياتنا فيه ليصبح وطنا صالحا للعيش الادمي الكريم وهو الطريق الوحيد لايقاف هذا النزيف وحينها ستعود الطيورة المهاجرة من المنافي لبناء الوطن الذي سيسع الجميع بارادة الجميع وطن الحرية والمساواة والاخاء والنماء والسلام.
09-17-2013, 02:35 PM
هشام هباني هشام هباني
تاريخ التسجيل: 10-31-2003
مجموع المشاركات: 51288
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هشام هباني
سيد محمد احمد سيدنا
ولياب
علاء سيد
حسن النور محمد
saif massad ali
nour tawir
ALWALEED ALSHEIKH
فيس بوك
تويتر
انستقرام
يوتيوب
بنتيريست