لما الحيكومة ترفع الاسعار وتكون متوقعة ململة واحتجاجات جماهيرية ورفض قاطع لهذه الزيادات الغير مبررة لانو الناس اصلاً بلغت قلوبه الحناجر وتخطت حد الفقر المذل ولما حكومة التعاسة والفقر دي تشوف عدم مبالاة ومرور هذه القرارات ورضاء الناس والاستكانة لهذه الزيادات لابد من تجييهم بخراقات اخرى لانها اصلاً مستهدفة فقر وتجويع واذلال انسان السودان وتجفيف مصادر سعادته واسترخائيه حتى لو كانت في الجنس ومحفزات الجنس (( فتضرب الخمسة في الواحد )) وتراجع حاجاته كويس مش كذبة رفع الدعم عن السلع الما مدعومة منذ بداية التسعينات مرت كغيرها من اكاذيب السلطة وقبل الناس بها مكرهيين او خائيفين او متقاعسين طيب ليه السلطة دي ما تتواقح اكتر واكتر وتلقى مافي شي ما سلبته للمواطن البسيط غير ريحة البوخة ووله الشعب السوداني بالدخان لدرجة انه انتج شعراً في العشق الخرافي المرتبط بين الدخان والممارسة الجنسية ومحفزات الموانسة والملاطفة (( ابتكار سوداني بالميلاد )) (( الطابق البوخة قام نداه يهتف نام من الدوخة )) خاصة جن المنظومة دي وجنونها المضاد لكل ما هو مرتبط بقيم وعادات وتقاليد هذا الشعب والهدف بتره مهما كلف الثمن طيب ليه الحيكومة في ظل عدم مبالاتنا الشنيع دا ما تقول للشعب السوداني انت لسه بتغني وكمان فيك بعض فحولة ونفس فاتحة لممارسة الجنس واشباع رغبات اها يا (( ود ابرق الجن )) فرضنا عليك رسوم على بقية اسباب (( هناك وسعدك )) تاني النسمعك تهمس بايام وليالي وبرضه نتحداك كان تهزنا ولا تلزنا او تقول بغم ولربما في الايام القادمة يقدم احد ولاة السلطة المهرية مشروع كاميرات داخل كل غرفة نوم زوجين لمراقبة ارتعاشات حركة السرير ويقرر احد الولاة رسوم شهرية بعدد رعشات السرير على مدى الشهر والغريب في كدا شنو كل شي جائز ومتوقع من الانقاذ حتى الموت .. وحسناً فليصبر هذا الشعب وليستحمل مزيد من البدع والتجويع والتركيع ما دام المعارضة صامتة ومتكفية بالبيانات والوعود وانها حتلطع الاسبوع القادم ومرات تحدد تلاتة شهور لاسقاط هذا النظام واحياناً تفاوض وتساوم وتستجدي السلطة لمجرد المشاركة في المناصب وتوزيع الثروات والي ان يلتزم الجميع بالخط المقاوم لسياسات هذه السلطة وتمتلي الشوارع بالهتاف في رحلة الا رجوع بغير اسقاط هذا النظام الي هذه للحظة (( فليصطفن نساء الشعب السوداني امام بوابات وحفر دخان زوجات المؤتمرجية وليستنشقن من بوخات نساء المؤتمرجية ودلكهن وخمرهن ما شاء لهن ان يستنشقن على ان يعتبرن هذا الاستنشاق بوخة وكبريت بالتاثير ونوصي بمجرد امتلاء رئة واحدة بالدخان ووصولها مرحلة الاكتفاء نوصيها بالهروب ومراوغة رجالات الامن الاقتصادي حتى وصولها الي عش الزوجية خوفاً من فرض رسوم عليها تحت مسمى (( بوخة وكبريت بالتحايل )) .. وهي بقت على بوخة الدخان ولا انا غلطان ؟؟؟ مع التحييييييييية
Quote: (( فليصطفن نساء الشعب السوداني امام بوابات وحفر دخان زوجات المؤتمرجية وليستنشقن من بوخات نساء المؤتمرجية ودلكهن وخمرهن ما شاء لهن ان يستنشقن على ان يعتبرن هذا الاستنشاق بوخة وكبريت بالتاثير ونوصي بمجرد امتلاء رئة واحدة بالدخان ووصولها مرحلة الاكتفاء نوصيها بالهروب ومراوغة رجالات الامن الاقتصادي حتى وصولها الي عش الزوجية خوفاً من فرض رسوم عليها تحت مسمى (( بوخة وكبريت بالتحايل ))
لكن يا فرح يا اخوي الناس ديل ما خلو الشغل التجاري بكره تلاقي السوق مليان دلكه صينية وخمره يايوانية قرمصيص من شنغهاي واحد طفيل كبير يفتح في موقف العزوزاب محلات الرعشة من حفرة الوداد السودانية واحد تاني اكثر طفيبوعية يكتب لافته حدادي مدادي دلكة سيدة المجتمع السوداني وتبقي حفرة الدخان اسف حفرة النحاس بلا قضية وا خوفي لو نسوانا هجمن وخرطن الكركار من وروك سيدات المجتع تبقى علينا شهوة ولذة يعني الواحد كل يوم علي ريحة حفرة واحدي جديدة عارفين 60% من الشعب المصري يعاني من الضعف الجنسي اخايف بكره تنباع فحولتنا في سوق الازبكية
09-15-2013, 09:31 AM
عادل البراري عادل البراري
تاريخ التسجيل: 01-07-2013
مجموع المشاركات: 4051
اها علي الشتوية الداخلة علي الأبواب حيقوم الشعب المنتهك من كل الجوانب ومازال نشاطه عالي فحولته يضرب بها المثل في كل دول الجوار اها مقاسات الحفر حتختلف سجم الراجل المرته بتطلب مقاسات نوعية ذات دلالات إجتماعية يقوم الليل كله يحفت ويجب في المتر اها يا ولية كيفن المقاس دا مظبوط طبعاً سيدات المجتمع الراقي حسب حالة الطفح الاقليمية لهم مقاسات متباينة ودا راجع لسبب تدفق السيولة الزائدة مع معدلات الكرسترول التي تتجاوز الحد المعقول وتدفر في إمتدادات تحجب مجرى السيول وما لذة حفر الحفر ليلاً تكورك المره يا راجل غرق الحفر اجي شكيت علي الله فترته اها اسي بنط ذي الحصان ترافس ذي المجنون غرق وجيب المقاس مظبوط تقوم تصيح علي جاره ليها أها كيفن عملتي انتم ما حفركم ساطور بري منه نحنا عتله سااااكت غايتو يا الروضة :- الموية الموية الما صرفوها ناس البلدية من يوم المطره بتراب حفر الدخان البلد تاني تب ما حتمسك مويه هي حتكون حفر نصاح شي عرض شي طول
09-15-2013, 05:35 PM
عادل البراري عادل البراري
تاريخ التسجيل: 01-07-2013
مجموع المشاركات: 4051
طبعاً معروف علي الشعب السوداني بتنقل الخبرات بسرعة اها في ظل الحكومة أم 177 وزير دي كل واحدي عاوزه تخش في منافسة مع مرت الوزير التاني وتقع العوه حفرتي احسن من حفرتك سجمك انا حفرتي ستك يا ما وعاية اجي يا فلانه انتي الدخلك شنو قالت أجي عاملة حفرتك الرقيقه دي دخانه ذي دخان الكدوس مره يطلع مره يتغمد وتنط واحدي رابعة ههههاي اسمعن انتن البوخة بكره عندي تشب ليها واحدي تانية ما هن 177 مره بدون الضرات حفرتك أم دخان الفرن البلدي ترد عليها لكنو هو بحمر بشيل جنس شيل . 177 مره سمان ومكان ما فيهم واحدي مضبلنه ولا مضروبه ببركان طبع الاذواق تختلف عند الضرات وتبقى البلد تلعلع ساااكت والكل في البوخه والدخوه طبعاً فتحت وزارة الرعاية الإجتماعية مناقصة لإستيراد ملطفات جو للاستعمال الوزاري فقط من مكتب وكيل الي ما فوق وكل البيوت تبقي كدا أعمدة دخاخين في كل بيت
09-15-2013, 06:53 PM
عادل البراري عادل البراري
تاريخ التسجيل: 01-07-2013
مجموع المشاركات: 4051
بكره يجيك واحد طاير عيون تلاطش يمين شمال شمال يمين قول رقاص ساعة يقبل علي الزرائب يعدمه الحطباية كان طلح كان هشاب حتى حطب الحريق وتكتب الصحف منشيت عريض (اختفاء الطلح ) صفوف تمتد أطول من صفوف العيش والراجل يكوركو عايزين طلح عايزين هشاب عاوزين البوخه قبل القومه تنبري قناة النيل الازرق والجزيرة تجيب مراسل أممي جديد وخبير في الطلح ودكتورة في العناقريب الازمة تستفحل كل المدن السودانية الاطفال حديثي الولادة يجدوا عندهم هلعة عاطفية تقوم الحكومة مع اشتداد والوضع وتأزمه تتكلم عن السماسره والطفيلية وانها حتضرب بيد من حديد من جديد وانها حريصة كل الحرص علي راحة المواطنين وانها حتنزل للسوق لمنافسة المحتكرين وتعمل علي دعم الطلح سيرد في الموازنة السنوية . فيطلع علينا وزير المالية بان الدولة قررت خلق سعر موازي لطلح حتى تثبت اسعاره وتقضي بذلك علي السماسرة والمحتكرين . تطلع تاني يوم منشور الي أئمة المساجد بتخصيص يوم للطلح . وطلع زولنا داك ابو عيون تلاطش منبر الجامع الكبير بسم الله الذي خلقنا من عدم عارفين يا ناس الطلح من زمن أمنا حواء وابونا أدم والحاصل الحين بلاء من رب العالمين لعدم ورعنا والبعد عن طاعته الله و الناس كل كلاما الطلح الطلح ناسية رب العالمين
(عدل بواسطة عادل البراري on 09-15-2013, 11:43 PM) (عدل بواسطة عادل البراري on 09-16-2013, 06:51 AM)
09-15-2013, 07:53 PM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
نسبة لتزايد العجز في ميزانية الدولة أقترح وزير الموارد البشيرية لوزير الخزانة الانقاذية تغطي العجز بفرض رسوم ذات دفع رباعي علي إستهلاك الطلح نسبة لتزايد الإستهلاك عليه فقد قرر حزب الطفيلي الحاكم والسيد فساد فتح حوار داخل منظومة الحزب حول ماهية القرار واثره في الواقع الاقتصادي وبذلك شكل القطاع الشبابي والنسوي والامانة العامة للمؤتمر الوطني الطفيلي ورش عمل بخصوص المضمون ولتفعيل دور مؤتمر البوخة السوداني وأثارها علي الإقتصاد السوداني الذي علي حافة الإنهيار هناك محاور أجنبية تراقب الوضع عن كثب صرح بذلك الخبير الدخان المحلي مشير الي أن صدور قرار من قيادة الثورة بذلك الصدد
09-16-2013, 08:35 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
سلامات فيصل يا اخوي الشعب واعي مش مجنون بكره من صبح صباح يقوم يفتش شفرات فك المحجوب هو المسكت الناس شنو غير الحفرة دي هناك تنظيم سري يدعو الي إضراب النساء النظام يطرح بدائل حتى لا يتم الإضراب مدير عام جهاز الأمن والمخابرات ينشئ فرعية بجهاز الامن يهتم بتصاعد وتيرة البوخة ودرجة تذبذب النساء يطلع صباح بعد صباح ونلاقي المحاكم مكتظة برافضات الدخان هي سجمي يا مولانا هو بعافية الله ما قال كدا
09-17-2013, 08:07 AM
فرح الطاهر ابو روضة فرح الطاهر ابو روضة
تاريخ التسجيل: 10-22-2012
مجموع المشاركات: 11112
فيصل لك التحيية وسعيداً جداً بالتواصل معك خليك قريب يا حبيب وخلي وسائل التواصل تسيل جداول وتقبل تحييات الناس الهنا
عادل البراري تسلم على اثراء البوست بالكثير وكم تمنيت ان اكون في بوست رجل بالنسبة للكيزان والكاذبين والمتاجرين حتى بالشرف في مقام الانبياء معاوية عبيد فشكراً لك من هنا او من هناك واصل سيرك واصل واصل
نقطة سطر جديد
كتب معتز يوسف نجم (( في بوست تائيد كسر فحولة الرجل السوداني واذلال المر أة السودانية ))
Quote: ول ابا بريمة نعالك طيب المسألة اكثر من ما تتصور واليك نص المرسوم المؤقت رقم (9) لسنة 2013م قانون دعم الولاية علي السلع والمنتجات الغابية والبستانية لولاية غرب كردفان لسنة 2013م اليك جزء من جداول الميزانية شمل 209 سلعة ومن ضمنها 61 / جوال السمك (الجاف ) 5ج علي صاحب السلعة 62/ جوال المصران (الجاف) 3ج صاحب السلعة جدول رقم( ب) المنتجات الغابية 1/ الفحم النباتي 7ج 2/ حطب الحريق المتر المكعب 7ج 3/ رصاص صهب المرق 5ج 4/ شعبة امينة 3 ج 5/ القنا الف 50ج 8/ حطب الدخان الجوال 5ج 34 / سرج الحمار 1ج 53/ سرج الجمل 2ج 57 / فندق عيش بيد 1ج 58 / مساويك فروع الاراك (الجذور ممنوعة ) الربطة 50 قرش 59 / مفاريك الربطة 2ج هذا جزء من المرسوم المؤقت رقم 9 الذي وقعه والي ولاية غرب كردفان اللواء احمد خميس بتاريخ 27 / اغسطس 2013م
تخريمة بالمناسبة الشجرة السماها الشعب السوداني المؤتمر الوطني الجابوها السماسرة من السعودية وبعض دول الخليج والتي اعتبرها بعض اهل الاختصاص اكتر شجرة مضرة بالتربة وللغطاء النباتي وتجلب حتى الامراض لجمعها للحشرات اسمها شنو ؟؟؟ قال المحافظة على الغطاء النباتي قال
تسجيل خروج
09-17-2013, 08:18 AM
عادل البراري عادل البراري
تاريخ التسجيل: 01-07-2013
مجموع المشاركات: 4051
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
فرح الطاهر ابو روضة
عادل البراري
فيصل محمد خليل
فيس بوك
تويتر
انستقرام
يوتيوب
بنتيريست