بوست جميل ورائع .. ومواد توثيقة ثرة تحت سقف واحد ..
بعد إذن الأخت عبير خيري ..
بتفق معاك في ده كلو بس .. نسرين هندي نجحت إلى حدٍ ما في الخلط أو الدمج بين أسلوب أبو داؤود أولاً ونانسي عجاج بعده .. لأنو زي ماقلتي السني نفسو بيضع نفسو في خانة أبو داؤود ... وبنلقاها عند نسرين واضحة بالذات في الحتة بتاعت ..
أنا دمعي هطول .. يَحِن لهواك وقاسي عَليِّ ..
أها دمعي دي جهجهته جهجه ماعرفت وين تركبه فطلعت جميلة .. الأغنية في مجمله أدتها بصورة جميلة .. لمن فرفور شكلو أخدتو الغيرة من الأداء حقها ... ههههههههه
محمد البشير عتيق ده كان أستاذ عربي وله شنو ...؟؟؟ بالغ في الأغنية دي ..
** فلق الصباح ألحان سرور .. والكلام ده دار فيهو جدل كبير جداً ... وأذكر أنو الدكتور أحمد القرشي أوردو في بوست ليه قبل كده .. والأغنية دي من ألحان سرور وأداها لكرومة ... أٌقدم إعتذاري علناً لصديقي الليندي عن رؤيته المسبقة لنسرين هندي والتي تناقشنا فيها من قبل ..
اولاً بعتذر لأني كتبت الكاشف ، وفي جلسة في اتحاد فن الغناء الشعبي دار الكلام حول الغنية دي وكان موجود من العالمين بشأن الحقيبة من يسمى بدكشنري الحقيبة الاستاذ علي مصطفى ومن الموجودين ايضاً الفنان الجقر وأكدوا انها من كلمات والحان خليل فرح وغناها كرومة ومسجلة بصوت كرومة والله أعلم.
بالنسبة لي مصطفى السني وبرغم انه معتق بأبو داؤود لكن بحس في اغانيه انه عندو حاجة حقتو هو براهو ، نسرين الهندي ضاعت شخصيتها كلياً بين التلاتة (ابو داؤود ومصطفى ونانسي) وحقيقة ما استمتعت بيها ابداً
ملاحظتك عن عتيق شبه صحيحة فوالد الشاعر كان معلماً للغة العربية وهو اخذ منه حب الشعر القديم فداوم على قراءته منذ صغره وانعكس في اشعاره الجميلة .
07-20-2013, 06:48 AM
abas
abas
تاريخ التسجيل: 07-27-2002
مجموع المشاركات: 6254
الحلقة العاشرة من درر الحقيبة الأغنية الاولى ( صباح النور عليك يا زهور ) كلمات ( سيد عبدالعزيز ) والحان ( سرور ) بتفق مع ( عبير خيري ) فيما اوردته فقط الأغنية ( صباح النور ) وليس ( الفي دلالو ) وفعلاً اداها ( فرفور ) بشكل جميل فقط تدخلات نادر ورشاقتو ( عليك ياقدور ) و ( جمالو يغني عليهو فرفور ) كسير تلج شديد
،،،
07-20-2013, 02:03 AM
الليندي
الليندي
تاريخ التسجيل: 05-27-2002
مجموع المشاركات: 1188
الأغنية التانية ( جاني طيفو طائف ) من كلمات والحان ( عبدالرحمن الريح ) وغناء ( كرومة ) وهي أول تعامل بين الشاعر ( عبدالرحمن الريح ) والفنان ( كرومة ) وكان ذلك في عام 1943 م ادت جزء منه ( فاطمة عمر ) وما عارف الشفيع عبدالعزيز عايز كده ولا فاطمة ما حافظة المهم أنو الاداء حسب وجهة نظري كان فيهو جرجير كتير ونطيط من الكوبيلي الاول للكوبيلي القبل الاخير .
،،،
07-20-2013, 02:20 AM
الليندي
الليندي
تاريخ التسجيل: 05-27-2002
مجموع المشاركات: 1188
الأغنية الثالثة ( عزة الفراق بي طال ) من كلمات ( ابراهيم العبادي ) والحان وغناء ( سرور ) ادى جزء منها ( معاذ بن البادية ) وانا ما عارف معاذ جايبنو عشان يغني لينا نماذج فقط يعني غير ( الجرح الابيض ) ما غنى اغنية كامل وحتى الجزء البسيط الغناهو الليلة فيهو أخطأ غيرت معنى الأغنية تماماً ومعاذ غنى المقطع الاول كده
اارضى امالي في امحال ومن الهم بقيت في محال
المفروض يكون في مد في ( الراء ) مش في ( الضاد ) ومن الهم بقيت في وحال ، يعني الصحيح
ارض امالي في امحال ومن الهم بقيت في وحال
طبعاً العبادي قاصد أن ( ارض امالو في جدب ومحل ) لانو لمن كتب الأغنية كان خارج امدرمان في احدى مناطق ( الجزيرة ) ( ومن الهم بقيت في وحال ) ووحال مفردة ( وحل ) وهي الطين اللزج ، غايتو القصيدة طويلة وفيها كلمات بها شيء من الصعوبة لكن بنجيها برواقة ما دام اتغنى منها الجزء الاول والقبل الاخير فقط
،،،،،
07-20-2013, 07:20 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
والله امس نسرين باقي ليها تغني بي صوت مصطفي السني عديييييييييل
كوووويس جداً أني ماااا براي
و اقول ليكم اكتر من كدا !!! أحمد المأمون في عدد من مشاركاتو عمل كم حركة كدا هي بتشبه مصطفي السني و انا بالجد سمعته مصطفى السني كتير جداً جداً بس صراحة عندو حركة كدا حقت مين كدا اللحو داك لو بطله ببقى اخير ... ياها دي العملوها معاهو نسرين و ود المامون
يا جماعة لو كلامي الفوق دا غلط كلموني عشان اغير اضنيني ديل .
انت عارف شكلها الناس دي كلها مضغوطه زي كده لانو الواحد بجي بكب العندو وبمشي وبقرأ مشاركات الأخرين بالنسبة لي المسألة بقت صعبة خالص بحضر البرنامج وبطلع طوالي وتانى الرجعه 3 صباحا وبكون همي أني اوثق لكن يا عزيزي طارق ملاحظتك في محلها بالنسبة للانطباعات الشخصية في الاراء دي مسألة عادية جداً وفي ناس بتشاهد وتسمع وعندها القدرة الفطرية علي تقييم الغناء الجميل أو غير الجميل ، الفيديو بتاع معتز جميل لكن قبل اكثر من كم سنه المشكلة أنو أغاني وأغاني خصمت الكتير من معتز صباحي واتفق معاك في مشكلة المايك ممكن يشوفو ليها حل
سلمت من كل شر
07-20-2013, 05:59 PM
الليندي
الليندي
تاريخ التسجيل: 05-27-2002
مجموع المشاركات: 1188
انتو اسياد البوست ده وبعدين رحبنا بيكم في الصفحة الا ولى وتانى وثالث بنرحب بيكم وبنرحب بكل من شارك وبمن قرأ وتابع ووالله ناس البتعلق تحت ديل اكثر ناس بنرحب بيهم رغم أنو ما علقنا حتى الآن علي اضافاتهم لكن في البال ، مشكلتنا فقط أنو زمن ضيق شغالين تسعة ساعات في رمضان ومقسومة صباح ومساء فلكم العتبى حتى ترضوا
مع اطلالة انو الحلقة عن ابو امنة حامد بركت فى بطن الواطة تأدبا وترفعا واصغيت بكل حواسى واحاسيسى لهذا الشاعر الناصرى اللون الجندى المجهول شاعر الموقف والكلمة والقضية كما عثمان كجراى وآخرون. استهلال قدور بان ابو آمنة قلب كبير داخله انسان كان مؤثرا. تفآلت خير ان حديث حجيتكم ما بجيتكم كما يحدث لنا كل يوم سيفارقنا الليلة. اقدر افهم الحجى ده مع كامل عبد الماجد او حتى مع الصادق الياس قريب الجريف غرب وحكاية انو الجابرى لحن من طرف الحبيب فى المقابر او ان سيد عبدالعزيز معجب بماتريد ملكة جمال الحبشة ولا ماردونا البرازيل ماعارف الخ. اجترار وايجاز ابو آمنة فى جملتين تلاتة وغنوا يا شباب هذه اليوم لن افوتها على قدورة. المهم انو ناس الصادق الياس وكامل عبدالماجد وضم ليهم كمان حتى مختار دفع الله بهناك فى قناة الشروق مستغرقين فى حديث مثل هذا الطنبارة والحقيبة وحى العرب وااااحى على الزراف والغزلان الى آخره. لمن يظهر شاعر متمرد يالسر قدور وشاعر سياسى ورجل قلبو حار لا يمكن الحديث عنه بهذه الصورة المتهتكة المهترئة. الجوانب الساخنة والنقاط المضيئة والطرفة كان ينبغى الحديث عنها. يعنى بكرة ستتناول عمر الدوش بنفس دنيا الطنبارة والله شنو ويا طه الضرس ماتغنى لينا يااخ قلت ارحل وهائل يا نادر على الحزن القديم وابدعتى يا فهيمة فى الملحمة وهاشم صديق كتب الملحمة قدامى بجريدة الدار وغنيناها سوا وهيثم كابو بنفسه طبعها لينا.
انا هو من يتابع حلقات يا ملك لصلاح بن البادية بقناة الشروق هنا
وعلى احر من الجمر لسماع رائعتى سال من شعرها الذهب ووشوشنى العبير فانتشيت التى املك لها تسجيل نظيف جدا اهدانى له اخوى من حصاد وهذه الاغنية مبالغة فى الغناء يغنبها صلاح وهو عابد مستغرق فى رحلة ما بين السما والارض بتخليك تسطل دون بنقو وماريجوانا ظااتو اسمعها كثير بسيارتى. تقوم تديها لطه ومعاذ يغنوها بدون خطة كويسة لاخراجها فى قالب مرضى فتلجن الاغنية يعنى بعد ده عادى نسمع قلت ارحل و بناديها مع دور بينا البلد احرق الجزلين يا البابور جاز.
الله يستر على رجع البلد بتاعت وداللمين
غايتو نسخة السنة الجاية اغانى واغانى نسخة 2014 بقيادة عوضية عذاب من حسع دى.
07-20-2013, 09:30 PM
الليندي
الليندي
تاريخ التسجيل: 05-27-2002
مجموع المشاركات: 1188
يا سلام استاذنا طارق ميرغني مادة دسمة جدا عن الراحل الشاعر الرقيق ابو امنه حامد وياريت يا استاذ لو تدينا من وقتك شوية وترفد البوست بنبصة تعريغة عن الشاعر وبالقصائد المغناة له ومن هنا ابعث كل اand#65275;منيات الجميلة لزميلتنا ودفعتنا بجامعة امدرمان اand#65275;هلية ( سحر ابوامنة حامد )
تمنيت فى حلقة مثل هذه الحديث اكثر عن شاعر ضخم ظلمه الاعلام حيا وهاهو يظلمه ميتا.
هناك اغنيات ستكون اجمل للشباب من هذه المعلقات التى ادائها اصحابها موش بصوتهم فقط بل بروحهم واحساسهم. يعنى مثلا وردى غنى ولكن فى قلت ارحل كان بينزف دم من كثرة معايشتو للاغنية. ودالبادية فى وشوشنى العبير ما كان بيغنى كان بها عابد مستغرق فى عالم تانى.
كدى اسمع الاغانى دى
لذلك من الظلم اعطاء هذه الاغنيات وبدون بروفات زى الناس وعشرة دقائق ليغنوها.
ذكرى لعوضية عذاب ليس فى شخص المغنية بل فى العذاب بتاع النيل الازرق عندما يخلطون الورق ويضربون الغناء كلو لا فاش كيرى
وشوشنى العبير فانتشيت وساقنى الهوى فما أبيت
يد الحرير ارتعشت بكفىّ بكيت من رعشتها بكيت
صبية ... العطر يشتهيها أمذنب أنا إذا اشتهيت؟
جدائل الليل على كتفيها تهدّلت حولى فما أهتديت
أجمل منها ما احتوى فؤادى فالعبق الصادح مااحتويت
حبيبتى أغرودة العذارى ورنة الأفراح إن غنيت
حبيبتى أنيقة العطايا تهمى هوى إذا أنا غنيت
لا تسألونى كيف كان الملتقى وكيف فى دروبها مشيت
وكيف طاف الثغر فى إبتهال وكيف فى محرابها صليت
سرّ عميق حبها بقلبى ما قلته للناس .. ما حكيت
فإن روى القيثار سرّ قلبىّ قولوا لها ما قلت .. ما رويت
لكنه حين بكى حنينا بكيت من رقته بكيت
07-20-2013, 10:06 PM
عبير خيرى
عبير خيرى
تاريخ التسجيل: 02-12-2004
مجموع المشاركات: 2440
حلقة اليوم عن أشعار الشاعر الكبير (أبو آمنة حامد) وهو (علي حامد علي إيلا آدم) مواليد شرق السودان مدينة هيا ، شاعراً دبلوماسياً ، وصحفياً قديرا ، غنى له عمالقة الفن في السودان محمد وردي ، عبد الكريم الكابلي ، صلاح بن البادية وأحمد الجابري وغيرهم.. أهمله الإعلام كعادة ما يفعل مع المبدعين ، فبدا حزيناً في آخر سنينه وعزف عن كتابة الشعر ، له ديواني شعر (شعرها ذهب) و(ناصريون نعم) . عندما يرد إسم أبو آمنة حامد تظهر في الذاكرة أغنية (بنحب من بلدنا ما برا البلد) و(سال من شعرها الذهب) فقد رسخت في أذهان الكثيرين بجمالها ورقة معناها ، توفي أبو آمنة حامد في ديسمبر 2006 عن عمر ناهز السبعين .. له الرحمة والمغفرة.
بدأت الحلقة بكلمة عنه من السر قدور وفي رأيي انها لم تكن كافية للتعريف به فما ندر ان تأتي فرصة للتحدث عنه.
الأغنية الأولى (نحنا ما ناسك) ألحان صالح الضي وأداها فرفور جميلة ومليئة بالاحساس فأمتعني.
الأغنية الثانية كانت (حققنا أحلامنا) ألحان الفنان محمد وردي أداها دويتو أحمد المأمون ومنى مجدي وكانت جميلة .
الأغنية الثالثة كانت (وشوشني العبير) من ألحان الفنان صلاح بن البادية وغناها دويتو طه سليمان ومعاذ بن البادية وكانت رائعة وختام جميل للحلقة.
حلقة اليوم جميلة في مجملها والاوسكار لكل الشباب ، وبكرة أحلى ..
ودالبادية فى وشوشنى العبير ما كان بيغنى كان بها عابد مستغرق فى عالم تانى.
وشوشني العبير دي انجيل العاشقين .. بعرف خيو! ولحن وصوت ابن الباديه بتوهك في ملكوت تاني .. بس الشباب (طه ومعاذ) ما قصروا في رأيي الليلة بنظلمهم لمن نطلب منهم يأدوها باداء سيد الشي ذاااتا! في جانب تاني حقو الناس ما تغفلوا .. الذائقة ليست ثابتة والشباب ديل بغنوا لجيل مختلف .. امكن ذاتو صوفيتنا دي ما مقسمة معاو ياخي!!
------ شخصياً تصنيفي للبرنامج دا انو برنامج ترفيهي .. قصد انو يكون خفيف (من مستعد لوجبة توثيقية دسمة بعد صيام حار زي العلينا دا) انا غايتو في سني دي ما بختو الصاح ول الكضب .. استمتعت بحلقة الليلة .. حتى بشتارة اللبس .. وقعقعة الضحكات المزعجة (زي جرة كوز الطلس في البلاط) ما ترفعوا سقف الاماني ح تستمتعوا صدق ني المافي شنو!؟
07-20-2013, 11:17 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
يا سلالالالالالام على الفرقة الموسيقية ويا سلالالالالام على طه ومعاذ.. لقد وشوشتي وهفهفني عبير هذه الأغنية ، فانتشيتُ.. فرفور دايما مريح، أراحني.. وكذا ناس مامون..
الليلة الحلقة كانت خلوة، والغنا حلو والعازفين أحلى .. كيف لا وهي عن أبو آمنة حامد، وما أدراك ما هو..
07-21-2013, 00:42 AM
الليندي
الليندي
تاريخ التسجيل: 05-27-2002
مجموع المشاركات: 1188
افرق يا ابراهيم فرق استديو مرتب ومريح وفرقة متجانسة حتى في اللبس فرق بين شغل متعوب عليهو وبين شغل لدر النقاطات فرق بين صلاح بن البادية الاصل وبين من يؤدى اغنياته ،،،،،
07-21-2013, 01:01 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
نسيت أن ارحب بالصديق والأخ والزميل هيثم لبيب ووجوده معنا في هذا البوست يمثل إضافة كبيرة فمرحباً به ، طبعاً عايز ارجع لحلقة امبارح الاتغنت فيها درر من الحقيبة بعضها تغنى كاملاً والأكثر تغنى بجزء منها وحتى نضيف للبوست نحاول أنو ننزل الأغنية كاملة مثل ماكتبها شاعرها مع توضيح لبعض الابيات ونبدأ ( يا عزه الفراق بي طال ) كلمات ( ابراهيم العبادي ) والحان وغناء ( سرور ) عام 1929 م ومناسبة القصيدة ذهاب العبادي للجزيرة بعد أن دعاه احد اصدقائه لجلسه رائعة علع ينسى احبته بامدرمان ومع ذلك لم يستطع العبادى نسيان احبته فكتب هذه القصيدة
يا عزه الفراق بي طال وسال سيل الدمع هطال أرض آمالي في امحال ومن الهم بقيت في وحال بعدك عزه ساء الحال فقد نومي وصبري أضحى محال
( الفويطر) هو من طلعت نابه وسال دمعي البكب ( وشال ) مصدرها وشل وتعنى سال وتدفق
انا والهم دوام في نزال نحل جسمي وصبح في هزال يا شماتي والعذال افرحوا بالعلي مازال ايه ( وناس ) ( ووناسه ) طريت أم در حليل ناسا كيف أسلاها وأتناسا ومفتون بي ظبي ( كناسا )
( وناس ) و ( وناسه ) يقصد بوناس احد السقاة و ( وناسة ) احد الحسان و ( كناسا ) بيت الظبي
ولع قلبي جمر الحي وما بتطفيه آه وأحي يا زينة ربوع الحي لي دياركم يعود الحي طلائع خدود ليها كمين ( ورور ) نهدو دون تأمين صوب فوق أخوك امين وضحى بيهو نقبض مين
( ورور ) الصددر الناهد وعزة قصد بها العبادي امدرمان
،،،،،
07-21-2013, 01:45 AM
الليندي
الليندي
تاريخ التسجيل: 05-27-2002
مجموع المشاركات: 1188
الأغنية التانية ( جسمي المنحول ) كلمات ( محمد بشير عتيق ) والحان ( عوض شمبات ) وغناء ( اولاد شمبات عوض وابراهيم ) كتبت هذه القصيدة عام 1930 م
جسمي المنحول براهو جفاك يا مليح الزي كيف حبي يحول و فؤادي معاك يا زينة الحي حلمك يا جميل أنا داني رحول تركني هواك بين ميت و حي كيف ليك وصول سكونك فوق لي سهيل و ثري النوم من عيني ّ دوام مفصول دموعي تلاقي و تسرف ري الساحره عقول دي بروق في غيم و لا در في لمي ّ خدودك أم أزهار في حقول سقاني غرامك صافي حمي ّ
الطرفو وقول احور متناعس و طرفى صحىّ تشوف فى قوامو المال مفقول الظلمه شعور و القمره محىّ
أنا دمعي هطول احن لي لماك و قاسي علي ّ يصح في هواك تعذيبي يطول يا البين اترابك لاهي خلي ّ من ردفو كسول بي رجيدوا وعينو بيسبي ظبي ّ بالشوق يا نسيم أبقى لي رسول لو يعطف ثانيه .. يزيل البي ّ
المقطع ادناه لم تتغنى به ( نسرين هندي ) وبه كلمات شائكة الصعوبة والمقطع هو
الطرفو وقول احور متناعس و طرفى صحىّ تشوف فى قوامو المال مفقول الظلمه شعور و القمره محىّ
كلمة ( وقّل ) يقصد بها النظر بتحدي وجبره ،أمّا كلمة ( فقّل ) فتعنى المتهدل صاحب الارداف المكتنزة وقد اورد الكلمتان ( وقّل - فقّل ) شاعر الوطن ( خليل فرح افندي ) في قصيدة ( قوم نادي عنان واتباعا )
فى ربوعا الصيد إن ( وقّـل ) وشــافن مجنــون يتعقل كفروع البان تتنقل رطب القــاماتن ( فقــّـل )
وايضاً اورد الكلمتان ( وقّل - فقّل ) شيخنا ( محمد ودالرضي ) في قصيدته ( ليالي الخير )
بوبح جيدو وابصر ( واقل ) ظن مراقب صدق العاقل قلب المخضوب فوق ( الفاقل ) تلّ اليمنى ومشى متاقل
بينما اورد الشاعر الشيخ ( احمد محمد الشيخ الجاغريو ) كلمة ( وقّل فقط ) في قصيدة ( السادة ألميني ) التى تغنى بها الفنان العميد ( احمد المصطفى )
يا سميري شوف صقلته مع فدعته ونقلته في الوقفه شوف ( وقلته ) واحذر سهام مقلته
,,,,,,,
07-21-2013, 02:40 AM
الليندي
الليندي
تاريخ التسجيل: 05-27-2002
مجموع المشاركات: 1188
الأغنية الثالثة ( فلق الصباح ) كلمات ( خليل فرح ) الحان ( سرور ) غناء ( سرور وكرومة ) طبعاً الكثيرين بنسبو لحن الأغنية دي لي ( كرومه ) ومنهم عمنا ( السر قدور ) لكن في لقاء إذاعي بث في برنامج ( حقيبة الفن ) يوم الجمعة 24 / 1 / 2006 م وكان اللقاء مع الفنان ( عوض شمبات ) أوضح فيه أن أغنية ( فلق الصباح ) هي من ألحان ( سرور ) وقد تغنى بها الثلاثي ( سرور وكرومه والامين برهان ) في مسرحية ( المك نمر ) مع أغنيتي ( يا ام ضفائر قودي الرسن لعبيد عبدالنور وأفكر فيهو وأتأمل لعبيد عبدالرحمن ) وكذلك أورد الفنان ( علي مصطفى الدكشنري ) في لقاء أجاره معه الصحفي ( محمد شريف ) بجريدة الصحافة في يوم 09 / 01 / 2010 م أن أول ثلاثي ظهر سنة 1936م وهم ( سرور وكرومة والأمين برهان ) وغنوا مع بعض في افتتاحية أول مسرحية سودانية، وهى ( صور العصر ) للكاتب الشاعر سيد عبدالعزيز . غنوا أغنية ( فلق الصباح كلمات خليل فرح والحان سرور ويا ضفائر قودي الرسن لعبيد عبدالنور ويا شباب النيل لسيد عبدالعزيز ) طبعاً عمنا ( السر قدور ) قال أنو ( خليل فرح ) لحن كل أغانيه عدا ( فلق الصباح ) وقال أنو لحنا ( كرومه ) وده ما صحيح فكرومة لحن لخليل فرح ( فوق جناين الشاطيء - تم دوروا اتدور )وقد ذكر الشاعر محمد على عبدالله الامى إن خليل فرح أعطى الأغنية لكرومه فقرأها وسأله خليل إن كان يعرف لحنها فأجاب بالنفي فقال خليل إنها تجئ على نهج الأغنية الشعبية
الزين حننو فوقك السيادة سيروه مرق كيه للنداده الله يتم ليه
فصاغها كرومه بنفس اللحن وكذلك أغنية ( ماهاو عارف قدمو المفارق ) جاري ( خليل فرح ) لحن الحاج ( سرور ) الذى لحن أغنية العبادي ( برضى ليك المولى الموالي ) 1927 م وتمت مجا راتها بأكثر من عشرين أغنية أحدها ( ماهو عارف قدمو المفارق ) في النسخة السابقة من برنامج أغاني وأغاني ذكر عمنا ( السر قدور ) غير كلمة ( كبرياءك ) الي ( تبرياكو ) وقال أنو ( ثوب هندي ) كان مشهور في الثلاثينات وقال أن الصحيح في مقطع أغنية ( فلق الصباح )
المقطع التالي من أغنية ( فلق الصباح ) لم يتغنى به الكثير من الفنانين تغنى به ( العميري ) صحيحاً ( يا بليل السوح ) بينما تغنت به ( حنان النيل ) خطأ ( يا بليبل الدوح ) والصحيح هو
ما ألذّ نسيـم وصلــك مـا رأيت يا جميل مثلك يـا بليــل السُّــوح هــو هـــذا نــداك أم هـوى الأسحــار
( بليل السوح ) و( البليل ) هو الغزال المبتل بالماء و( السوح ) هي الاماكن الخضراء المليئة بالمياة وسط الصحاري ( الواحات )
،،،،،
07-21-2013, 03:11 AM
الليندي
الليندي
تاريخ التسجيل: 05-27-2002
مجموع المشاركات: 1188
حلقة اليوم عن الشاعر الرقيق ( ابوأمنة حامد ) طبعاً الاستاذ ( طارق ميرغني ) ادرج وصلة لبوست دسم كتبه عن الراحل ( ابوامنة حامد ) وشاعرتنا ( عبير خيري ) كتبت نبذه وافيه عنه وحلقات اليوم كانت عبارة عن ثلاث أغنيات الأغنية الأولى ( نحن ما ناسك ) ( الحان وغناء صالح الضي ) وصالح الضي تغني بأغنية ( ضاحك المقلتين ) ايضاً للشاعر ( ابوامنه حامد ) أدى جزء يسير من أغنية ( نحن ما ناسك ) الفنان ( جمال فرفور ) وحاول أن يؤديها باحساس عالي ولكن يبدو أنه غير حافظ للأغنية ولا اللحن بشكل جيد خاصة في الحتة ( في شجونو ووو - مد شددديد ) ووضح من حديث السر قدور أن الأغنية تم فرضها علي الفرقة الموسيقية لأنو بعد انتهاء المقطع صاح السر قدر ( نجحنا يا جمال نجحنا في الامتحان ) واطلق ضحكته المجلجلة
لو بتلقى زول بحبك زينا زول بشيلك في عيونو وفي ضلوعو وفي دموعو في ابتاسمتو وهناهو في شجونو ما بنعاتبك لو بتلقى ما بنعاتبك ياما جيناك وياما بابك لوبحس دقات قلوبنا كان حاكلك كان بكالك نحن ما ناسك .. ما ناسك شبابك نحن ريدتك ونحن ماعمرك ليه بتهدم انت في لحظة تجنى البنيناهو في عمر مخضر طويل الدموع في عيونا تتحجر عشانك ما بتسيل وقدر ما نحاول نشيل همك بتتمرض قلوبنا وما بتشيل نحن ما ناسك .. ماناسك انت ما علمتنا الحب بسمة صافية فيها عزة وفيها بهجة بتسجير بعاطفة دافئة نحن عشناها بشعورنا وبعواطفنا الرحيبة انت ما ضيعت أرواحنا في صحارى التيه ما ترجع تجيبها لية تلوعنا وتسيبنا ليه
كلمات - ابوامنة حامد الحان وغناء - صالح الضي اداء فيصل عبداللطيف ( الصحافة )
عندي سؤال لاستاذنا ( طارق ميرغني ) وكل المشاركين بالنسبة للبيت ( وقدر ما نحاول نشيل همك بتتمرض قلوبنا وما بتشيل ) هل الصحيح ( بتتمرض قلوبنا وما بتشيل ) ولا ( بتتمرد قلوبنا وما بتشيل )
،،،،،،
07-21-2013, 03:18 AM
الليندي
الليندي
تاريخ التسجيل: 05-27-2002
مجموع المشاركات: 1188
الأغنية التانية ( بين الريد والهوى ) لوردى ادوها كديتو ( احمد المأمون ومنى مجدي ) كانت ممتعة خصوصا ً من ( احمد المأمون ) عندو طريقة مميزة في الاداء لمن خلى ( منى مجدي ) تقيف في حتات كتيرة شكلو اتسد ( لنادر عثمان جمال الدين ) لأنو لما غنى ديتو مع ( منى مجدي ) ( رغم بعدي برسل سلامي ) منى طفتو في كتير من اجزاء الأغنية والليلة حصل العكس الأغنية الثالثة ( وشوشني العبير ) لابن البادية ادوهو كديتو ( طه ومعاذ ) والأغنية لحنها جميل ومشربك فيهو وقفات وداير امكنيات صوتية وزمن فل وفي اعتقادي أنهم نجحوا في ادؤاها رغم صعوبتا وكانت جميلة .
،،،،
07-21-2013, 06:14 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
يا قيقا (عضنيني) ديل ما برميهم تب و ممكن اشارطك رسممممي في الكلام القلتو ود المامون و نسرين الاتنين عملو حركة بعمله السني ... و السني عندو حركة في صوتو زي حقت مين اللحو داك .
و لو عايز نماذج ارجع اسمع ود المامون و نسرين و حتعرف عملوها و ين .
يا أبو الفن يا جميل و الله ليك و حشة يا طارق ميرغني فعلاً اجمل مافي البوست دائماً هو الخد و هات بين الناس و النقاش البينهم و دي الحاجة الممتعة و البتضيف للناس الكتير . يا ابراهيم عبد الحليم شنو يا حبيب شوق الشوق ياخ و اخونا عزيز خطاب (لبد) في السودان شكلو السخانة عامله عمايل فيهو اما اخونا ضياء ميرغني الزول غاطس بما مشفقنا طمنا عليهو ياخ .
07-21-2013, 06:20 AM
عبدالحفيظ ابوسن
عبدالحفيظ ابوسن
تاريخ التسجيل: 06-24-2013
مجموع المشاركات: 22319
هذه رسالة كلفني بها الصديق دكتور محمد حسين الحسن بإنجلترا اان انقلها لكم
ارجو اضافة الآتي علي بوست أغاني وأغاني:الشكر الجزيل لكل من ساهم في تثقيفنا موسيقياً والعرفان موصول لليندي صاحب الفكره،الرجل المليان مسيقي سودانيه،،لكن ما دفعني للكتابه هنا هو إشارات بعض المتداخلين للحاله الصحيه لبعض المشاركين في البرنامج ،،يا شباب نحتاج ان لا نخلط الخاص بالعام،،وفي تقديري ان هذه الإشارات افتقدت الذوق والحس
07-21-2013, 09:15 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: هذه رسالة كلفني بها الصديق دكتور محمد حسين الحسن بإنجلترا اان انقلها لكم
ارجو اضافة الآتي علي بوست أغاني وأغاني:الشكر الجزيل لكل من ساهم في تثقيفنا موسيقياً والعرفان موصول لليندي صاحب الفكره،الرجل المليان مسيقي سودانيه،،لكن ما دفعني للكتابه هنا هو إشارات بعض المتداخلين للحاله الصحيه لبعض المشاركين في البرنامج ،،يا شباب نحتاج ان لا نخلط الخاص بالعام،،وفي تقديري ان هذه الإشارات افتقدت الذوق والحس
اعتقد انه اختنا داليا هي من ذكرت موضوع الحالة الصحية لي معتز صباحي لكن من دافع الخوف عليه ولا ارى حرجا في ذلك
07-21-2013, 12:47 PM
بدرالدين بابكر مصطفى
بدرالدين بابكر مصطفى
تاريخ التسجيل: 06-24-2013
مجموع المشاركات: 1492
ديل ما بخلو الحلو يكمل وكمان بقت في زيادة الدعايات مبالغة والاغرب من ده كلو أنو عمنا ( السر قدور ) بحكي بكل اريحية عن عملية النصب القام بيها في بداية التمنينات بجمع وطبع ديوان للشاعر الراحل ( ابو امنة حامد ) وكمان سماهو سال من شعرها الذهب وباعوه دون علموا ..
،،،،،،،،،،،،،،،،،
07-21-2013, 07:13 PM
الليندي
الليندي
تاريخ التسجيل: 05-27-2002
مجموع المشاركات: 1188
تابعت حلقة اليوم أغنيات الشاعر أبو آمنة حامد والبداية كانت مع أحمد مأمون في (بنحب من بلدنا ما بره البلد) ألحان الموسيقار العبقري محمد وردي، وتمنيته أن يترك المقدمة الصعبة للأغنية حتى لا يقع في خطأ كل من حاول ان يغنيها بعد وردي كفرقة الصحوة وبعض الفنانين الشباب. المجموعة لم تستوعب اللحن فكانت مبطئة وعلى وشك الخروج في موضعين (بنحب من بلدنا) و (سودانية تهوى) ، أداء أحمد مأمون فيما عدا ذلك كان جيد.
(ما نسيناك) وهي الاغنية الثانية في البرنامج من ألحان الفنان أحمد الجابري وأداها معتز بطريقته هو فأفقدها عندي رونقها وجمالها واحساسها ولم تمتعني أبداً.
(جاري وأنا جارو) الأغنية الثالثة من ألحان الفنان الجميل سيد خليفة ، أدتها فهيمة وبالغت في التكلف وكان أسوأ أداء للأغنية على الإطلاق في رأيي ، ولم يناسبها الاختيار في كل حلقات أغاني وأغاني الا في أغنية (الحنّة) في حلقة الفنان بلال .
(سال من شعرها الذهب) ختام الحلقة اليوم من ألحان الموسيقار خضر ود الحاوي ، أداها فرفور أداء جيد .
الحلقة من وجهة نظري كمستمعة دون الوسط . وبكرة يمكن أحلى ..
ما عارفا ميزة ولا عيب بس المهم كوني عزابي مستقر هذه الأيام فخلاص بدت قصة إفطارات برة ديك .. وناس السعودية هنا يعجبوكم ...أحسسسن ناس بيدسو منك الريموت حقهم ..:):) فغايتو لي يوميين كده ما شوفت الحلقات .. لكن حاسي إنو ما فاتي شييتن كده يتندم عليهو .. ولا شنو يا ليندي؟؟
الأخت عبير ،، فيما يخص معتز أوفقك تماما وأعتقد حسب وجهة نظرى بأن هذا الفنان هو الحلقة الأضعف هذه السنة ،، يا أخى رغم انو صوتو جميل وفخيم ألا أنه بيبهدل اللحن بصورة مزرية ،، وفى أعتقادى السر قدور جامله كتير فى تعليقه وكان خير له أن لا يعلق .
فيما يخص فرفور فإن صوته لا خلاف عليه ،، ألا أنه اليوم لم يتفاعل أطلاقا من الأغنية ولا مع العازفين الذين كانوا فى قمة أدائهم ،، وكذلك لم يكن حافظا لأجزاء كثيرة من الأغنية والبخرة كانت واضحة شديد
فيما يخص فهيمة يا أخى ظلمتيها والله ،، لو غضينا الطرف عن خروجها فى الكوبليه الأخير فإنها أدت الأغنية بصورة جميلة ،، بس قصة طرحتها دى أعتقد بيشوشها كتير ،، يا أخى فى حاجة أسمها الدبابيس يا أخى
مع التحية لكى و لصاحب البوست والخبراء الذين يمتعوننا أيما إمتاع يا أخى ،، ألاحظ غياب عمر الفاروق كذا يوم ،، يا أخى أرجع وأكتب يا أخى
ماهر
07-22-2013, 02:14 AM
عبير خيرى
عبير خيرى
تاريخ التسجيل: 02-12-2004
مجموع المشاركات: 2440
Quote: الأخت عبير ،، فيما يخص معتز أوفقك تماما وأعتقد حسب وجهة نظرى بأن هذا الفنان هو الحلقة الأضعف هذه السنة ،، يا أخى رغم انو صوتو جميل وفخيم ألا أنه بيبهدل اللحن بصورة مزرية ،، وفى أعتقادى السر قدور جامله كتير فى تعليقه وكان خير له أن لا يعلق .
أخيراً لقيت زول معاي في النقطة دي .
Quote: فيما يخص فهيمة يا أخى ظلمتيها والله ،، لو غضينا الطرف عن خروجها فى الكوبليه الأخير فإنها أدت الأغنية بصورة جميلة ،، بس قصة طرحتها دى أعتقد بيشوشها كتير ،، يا أخى فى حاجة أسمها الدبابيس يا أخى
فهيمة صوتها جميل ولا خلاف عليه لكن ما كل الأغاني بتركب مع صوتها ، ده غير التكلف في الغنا ، يعني بتغني في الغنية دي ادتني احساس انها بتغني لي ام كلثوم الأطلال ، الغنية جميلة وخفيفة الظل.
07-21-2013, 08:25 PM
الخير محمد عوض
الخير محمد عوض
تاريخ التسجيل: 10-25-2005
مجموع المشاركات: 3547
ما نسيناك جاي تعمل ايه معانا ... معتز دا عذب الغنية دي عذاب الجرجير وختاها في علبها ياخ انا بصراحة استمتعت حد المتعة في هذا الاداء المتميز اللطيف الانيق.... معتز في اخر الاغنية دقس ليهو دقسة صغمبوتة كدا لكن من الواضح انها غلطة تبريف للاغنية بس كما يقول اهلنا اتلافاها سريع . ولدنا الرفاعي الجميل ود المامون كالعادة متألق وبنحب من بلدنا ما برة البلد اتوقعت انه حا يغني الجزئية البتتعلق برفاعة وقد كان ( البظهر جمالهن من زمن الرضاعة .... سودانية مية المية في زوقها وطباعا يا ناس ارحموني انا قلبي في رفااااااااااااعة ) ... يا عبير بطلي ضحك :)
فهيمة جاري وانا جارو برضو غنتها كويس بس عملت ليها حركة كدا قبل ما تبدا الغنية ما فهمتها... حركة كدا نظام اححححححححححح ياخ ما تجننونا :) لكن بتاع الكاميرا ختف الكاميرا سريع وانقذ الموقف ... طبعا بتاع الكاميرا لم يرضي طموحي الشماري لكن غايتو عافين ليهو الدنيا رمضان .... عموما ادت الاغنية بشكل جيد وخاصة الختمة بتاعة الغنية كانت حلوة.
فرفور غايتو وللامانة كدا انا ما شايلو لكن مرات كدا بتجلى والليلة كان اكتر من عادي
الحلقة في مجملها لطيفة جدا لولا طبزة عمنا قدور في حركة الديوان الطبعو وباعو لابو امنة حامد :)
07-21-2013, 08:43 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
بناء على تعليق الخير واللي أثق في ذوقه جداً قمت مشيت شوفت اداء معتز صباحي للأغنية .. ياخ معتز ده زول حسااااس جداً ومرهف جداً في الغنا.. ويا طارق جبريل أها الليلة محمدية ضحك ووزع البسمات ..فهل دي نعتبرا شهادة نجاح معتز صباحي في البرنامج؟؟ طلعاً للأمانة الزول الما متعوود يسمع صباحي ح يشوفو فعلاً عوق الاغنية ..لكن أييي زول بيسمع صباحي انا متأكد بيكون بيفتش في حتات معيييينة كده بتوريك إنو لسة صباحي بي خير.. معتز صباحي صوت طروب واداء متميز بس فعلا محتاج يبطل إبعاد المايك اللي هي حركة دخيييلة على معتز ويارييت معتز ده يجبروهو الايام الجاية يغني بي مايك إستاند كده وما ويير ليس ..
07-21-2013, 09:23 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
بعد اجمل صوت سودانى لمحمد وردى وابراهيم عوض يأتى صلاح بن البادية كاجمل صوت غنائى. بالرغم من ان صلاح بن البادية ملحن قدير وصاحب تجربة لحنية كبيرة اهلته ان يحتل المركز الثالث او الرابع من حيث عدد الاغانى الا ان الحانه جميعها لم تخرج جماليات صوته كما فعل له ذلك الموسيقار البارع ود الحاوى عندما لحن له اغنية ابو آمنة حامد سال من شعرها الذهب وخصوصا تلك الصرخات داخل الاغنية هى حينها من لفت آذان المستمعين بصلاح بن البادية . صوت صلاح التنور والمايل بهدوء للصرخات المحببة فى المنطقة الحادة زاده الله عليها بمنطقة ارتكاز غليظة وهى باريتون ملئ بالصول وصلاح ذاته ومتعته وتطريبه عندما يستقر فى اللحن بمنطقة البارتيون بتشعر بيهو كالمسطول او الحوارى القى سيده.
اعلاه كانت مداخلتى بهذا البوست قبل ايام
فرفور اختار ان يغنى اليوم سال من شعرها الذهب وحتى يجيب المنطقة العالية فى الاغنية التى يؤديها صلاح بكل روعة وهى تبداء بى
فاره مترف لدن
ثم يطلع الى
فنننننننننن ولا فنن هدنى الوجد والشجن فى الهوى قلبى اغترب سال من شعرها الذهب
فعل فرفور كما فعلوا ناس نجوم الغد بان يوطئ سلم الاغنية درجة حتى يصل الجزء العالى فى الاغنية اعلاه ناسيا ان منطقة الغليظ فى
ياحبيبى اكلما قلبى المغرم احتمى بك وانداح ملهم عاد كأس بلا حبب
فى كلمات النوتة الغليظة احتمى و ملهم والخ فى الكوبلى الذى يليه لن يصل اليها بارتياح وستضيع مع زحام الاغنية. لذلك ظهر عليه بعض توتر
استاذ الصوت الالمانى بتاعى اسال الله يدخلوا الاسلام اعطانى نصيحة وقال لى لو كنت متوتر او نشط اكثر من اللازم ابتعد من الغناء الذى به مناطق غليظة. فالتوتر بشد الحبال الصوتية التى يجب ان ترتخى- لتخرج الصوت الغليظ بدون تشنج. يعنى الغناء وانت مسترخى وضاحك.
شوفوا ابوداؤد وهدوءه فى الغناء جعل الغليظ عنده اسطورة
بعدين المنطقة العالية بتتغنى كتلة واحدة وبنفس واحد بدون تقطيع وهى مجال للتنافس اعظمهم ام كلثوم بنفس واحد 14 نوته موسيقية وفرفور طلعها صاح بس قطعها لثلاث اجزاء.
اورد مثال آخر لبلال موسى الذى ايضا قطع نفسه فيها بس لكن مرة واحده عكس فرفور 3 مرات
07-21-2013, 09:38 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
غناء معتز صباحى ده بذكرنى بقصة الشاب الذى جاء للفنان الراحل حسن عطية وقال لىهو يا استاذ انا معجب بيك جدا لكن بس عندى مشكلة ما بقدر افهمك بتقول فى شنو لذلك حقو توضح لينا الكلمات لمن تغنى. فقام حسن عطية قال ليهو يا ولدى انا بغنى ما بلحن.
07-21-2013, 10:00 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
يعجبنى فى معتز صباحى انه لمن يغنى ياتيك من حيث لا تتوقع.
ولا يعجبنى فيه حركة الحنك الذى يحركه الى الجانب يمينا او يسارا فيلوك به الكلمات والاصلح حركته باهتزاز الى اسفل وهو ماتفعله الفنانة الامريكية الراحلة ويتنى هوستن وكانت مشهورة عالميا بحركة اهتزاز الحنك الى اسفل جدا.
07-21-2013, 10:02 PM
ودالعباسية
ودالعباسية
تاريخ التسجيل: 10-28-2002
مجموع المشاركات: 2442
الليندي وضيوفه الفنانين الممتعين رمضان كريم وشكرا للبوست المتعة دا
Quote: (ما نسيناك) وهي الاغنية الثانية في البرنامج من ألحان الفنان أحمد الجابري وأداها معتز بطريقته هو فأفقدها عندي رونقها وجمالها واحساسها ولم تمتعني أبداً.
عبير أعتقد أنك توقعتي من معتز أن يلتزم بخط الجابري في هذه الأغنية ولذلك لم ترق لكِ طريقة أداءه لها ولكني أتفق مع الخير وعمر الفاروق على أن أداء معتز فاق حد المتعة ، فإحساسه باللحن والكلمة تجلى بوضوح في أريحيتيه في الاداء التي عادت في هذه الحلقة تحديداً خلافاً لما ظهر عليه في الحلقات السابقة. ميزة معتز عن غيره أنه يغني إحساسه هو فقط ولا يتقيد كثيراً بأداء الأخرين وهذه ميزة قلّ أن نجدها في معظم الفنانين السودانيين.
07-21-2013, 10:58 PM
ودالعباسية
ودالعباسية
تاريخ التسجيل: 10-28-2002
مجموع المشاركات: 2442
دي رسالة من الشاعر هاشم صديق الى الفنان مصطفى السنى ،،،
ارسلها الى احدي اعضاء قروب الفنان على الفيس بوك ،،،
Quote: أعتقد أن مصطفي السني هو فاكهة برنامج أغاني .. أغاني.. فهو واثق.. ومتمكن.. عالي التطريب.. ويملك كاريزما المغني الذي تعشق صوته، وتستمتع بمشاهدته وهو يغني بهذا الاستغراق الصوفي، باختصار هو مغني خطير.. نحتاجه كثيرا". أبلغيه خالص إعجابي وشدي علي يد معنوياته بقوة. دمتما.. هاشم صديق
07-22-2013, 01:19 AM
الليندي
الليندي
تاريخ التسجيل: 05-27-2002
مجموع المشاركات: 1188
اتفق معاك في أداء ( فهيمه ) لكن بالجد فرفور كوجن الأغنية لاغناها باحساسو ولا باحساس أبن البادية حاجة كده زي ملاح البامية البايت احمد المأمون ماشي بخطى ثابته معتز صباحي بثبت كل يوم أنو صوت جيد لكن مازالت مشكلة المايك قائمة فبتسمع نص الأغنية والنص التانى بتسمعوا زي طالع من بير
سلمتي من كل شر
،،،،،
07-22-2013, 01:22 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
ود العباسية .. خليني أختلف معاك في حتة سغمبروتية كده .. ما مليجي اللي كان بيلحق معتز صباحي وبيسوقو..العكككس تماااماً معتز هو الكان بيمشي منهم لكن بيرجع يحصلهم في الوقت المناسب..ودي واحدة كانت من جماليات الاغنية .. واحدة من الجماليات اللي بتطربني جدا التكنيك بتاع إنك تحاول تغني الاغنية بي طريقة توهم المستمع إنها مشاترة لكن هي في حقيقة الأمر بتكون خروج عن النص بدراية وعلم المغني وغالباً ما تكون مقصودة لمن الفنان يكون في قمممة نشوتو بي الاداء وبيحاول يمتتتع نفسو في الأول فبتلقاهو بيلغي وجود المزييكا وبيغني الحاجة العايزا هو لكن بدون ما يورط الفرقة ..ومتى ما حس إنو الفرقة ح تطش بيقوم يرجع يلحقا.. التكنيك ده تماااما العملو معتز وأكاااد أجزم إنو كان قاصدو .. بالنسبة لي حركة المايك فهي ماا شينة لو اتعملت صاح لكن معتز عندو مشكلة بتاعت قاااب بي يدو وبين خشمو فبيقوم يحرك المايك لي مسافة ابعد من المعقول واللي هو بيتمنى تطلع فيها درجة صوتو بي الشي العايزو .. إضافة لي إنو إبعاد المايك مرات بيكون إحساس خوف من معتز إنو صوتو يخزلو في الحتة دي فبيقوم يقول احسن لي أكون في السييف سايد .. معتز هو فارس رهان الحلقات الجاية لو إستمر في اداء الاغنيات الكبيرة دي..
07-22-2013, 01:40 AM
الليندي
الليندي
تاريخ التسجيل: 05-27-2002
مجموع المشاركات: 1188
Quote: ما عارفا ميزة ولا عيب بس المهم كوني عزابي مستقر هذه الأيام فخلاص بدت قصة إفطارات برة ديك .. وناس السعودية هنا يعجبوكم ...أحسسسن ناس بيدسو منك الريموت حقهم ..:):) فغايتو لي يوميين كده ما شوفت الحلقات .. لكن حاسي إنو ما فاتي شييتن كده يتندم عليهو .. ولا شنو يا ليندي؟؟
اووووو عودة الأبن الضال يا خوي عزومات شنو البوست بتاع ( انت حمزة سليمان ده عايز يقول شنو يا ملاسي ) شغلك ، عارف أنا المدام في نفس اليوم قالت لي ( حمزة سليمان عمل مداخلة ) ما فهمتو عايز يقول شنو ومعلي صوت التلفزيون لمن المذيع قال ليهو لو سمحت وطي الصوت فقلت ليها قال شنو ؟ فقالت لي ما فهمتوا عايز يصل لشنو فاضطريت اغير القناة ، اها جيت لقيت البوست وصاحبي ( اساسي ) نزل بتقلو غايتو ( اساسي ) ده تحالفاتو زي القذافي الليلة معاك بكرة ضدك يازول لوجيت يوم عشرين ما بتلقى فاتك شيء بس الا الدعايات زادت والغنا قل مرات اربعة مرات تلاته والحديد عمك السر قدور حكي أنو نصب علي ( ابو امنة حامد ) طبع ليهو كتاب في مصر هو ومعاهو واحد بعد ما طلع قصائد ابوامنة من الجرايد وسماهو ( سأل من شعرها الذهب ) ولهفو عايدو مبالغة على مسمع ومشهد من المشاهدين البشاهدو البرنامج ده ولسه في ناس بفتكروا أنو مترصدين السر قدور . واصل يا عمر
،،،،،،،
07-22-2013, 01:57 AM
الليندي
الليندي
تاريخ التسجيل: 05-27-2002
مجموع المشاركات: 1188
Quote: Hasabo Abdullah · جامعة السودان للعلوم والتكنولوجيا
اعتقدت لوهلة بأن رسالة المنتقدين فيما يتعلق بالصراخ قد وصلت لفرفور خاصة بعد الأداء " الرائق " في الحلقات السابقة و لكن في حلقة اليوم و مع اغنية سال من شعرها الذهب تأكدت تماما بأن فرفور يعيش داخل صرخة لا يمكن الخروج منها و كانت الاغنية بمثابة المروج الخضراء الفسيحة لخيول صرخاته الجامحة .
و لو عايز نماذج ارجع اسمع ود المامون و نسرين و حتعرف عملوها و ين .
ظاهرة هي القصة دي يا سفيان .. بس الماستر بتاعا ابو داود ما السني
----------
وزي ما قالت عبير خيري هنا ما بتناسب نسرين لكن مهضومة .. شترتا كلو كلو في سيد الاسم ! :) ياخ (يبتسم) دي بقطعوها بي اسنان مكرجة .. وبداية المقطع (محبوبي)!؟ دا اسد ول محبوب دا!؟
غايتو ..
جوبكت ليك الجابري بي ابداود .. باللحمة المفرومة!!
07-22-2013, 02:14 AM
الليندي
الليندي
تاريخ التسجيل: 05-27-2002
مجموع المشاركات: 1188
Quote: ود الفاروق والليندي انا الليلة والله معتز كيفني عديييييل كدة ويمكن دة سبب ضحك محمدية يا ود الفاروق هههههههههههه
اما فرفور وفهيمة كوجين السواد واللواد
انتو البت الخاتة الطرحة زي الماشة بيت الجيران دي منو
يا ود جبرين فهيمة وفرفور ديل بنفعوا ثنائي في بيت بكاء يمنحوا للصباح والبت الماشة بيت الجيران دي ( فاطمة عمر ) تبع ناس معاوية المدير ناس قناة البحر الاحمر طوالي بجيبوها
،،،،
07-22-2013, 02:24 AM
عبير خيرى
عبير خيرى
تاريخ التسجيل: 02-12-2004
مجموع المشاركات: 2440
Quote: عارف أنا المدام في نفس اليوم قالت لي ( حمزة سليمان عمل مداخلة ) ما فهمتو عايز يقول شنو ومعلي صوت التلفزيون لمن المذيع قال ليهو لو سمحت وطي الصوت فقلت ليها قال شنو ؟ فقالت لي ما فهمتوا عايز يصل لشنو فاضطريت اغير القناة
كلام زي ده أووووعا تقولوا هنا .أسسسة بيجيك حمزة سليمان بيقول ليك جييبنا لينا السي في بتاع المدام :):)..
والله البوست ما شغلني بس حقيييقي لي كم يوم ما تابعت البرنامج لأنو بفطر برة البيت ..وانا عندي طبع غرييب شوية في قصة الاستماع دي..ماا بدي نفسي الفرصة للتفكير بكتب من النخيل للعميل يا قول السعوديين ..عشان كده بكوون إنطباعي الحقييقي من السماع الأول .. أها إحساس أجي أعلق بعد الحلقة تكون نزلت في النت بيديني إحساس الزول البيحضر الكورة وصوت المعلق سابق الصورة .. هي طبعا فلسفة ضاربة وما أظن تفهما لي .. لكن ده الحاصل يا حبوب .. الغريبة اسة وانا بكتب عن معتز وبرررضو حاسي إني غرييب غرييب وكان ممكن أكتب بي طريقة أفضل لو سمعتو من الحلقة مع إنو الحلقة فييي روحا مسجلة .. فاجأتني قصة اعتراف السر قدور بي لهف قروش الديوان ودون علم المرحوم..هل قالا في شكل طرفة يعني ومبسوووط ولا حكاها ومفروض يقول لي أهل المرحوم ابو امنة يعفو ليهو ويقول ليهم هاااكم من قروش البرنامج تعويض؟؟؟!!!
07-22-2013, 02:18 AM
الليندي
الليندي
تاريخ التسجيل: 05-27-2002
مجموع المشاركات: 1188
فهيمة لا تصلح فنانة طااال الزمن أم قصر.. والزولة دي رأيي فيها مننن أيام نجوم الغد .. ده ما كلام زعل ما بقصدو لكن دي حقيقة غايبة عن ناس كتار مع إنها واااضحة بس لييي غايبة ده المحيييرني .. ياااا حليلك يا عافية حسن ..
تخريمة : يا الليندي ده طلب بطلبو منك للمرة الجغلومية ..إمكن زمان ما شوفتو.. بفتتتش لي تسجيلات قديييمة وتحديييداً تسجيل أغنية العاقب محمد حسن يا حبيبي نحن إتلاقينا مرة .. بي صوت الفنااانة اللي مااا ح تتكرر ملاك الأمين ..بتذكر سجلتها مع أخوها صلاح الأمين .. هذه الملاك الأمين كانت ح تكون فلتة غناء السودااان لكن يااا للخسااارة بطّلت الغنا وهي في مجدها..
07-22-2013, 02:32 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
نصيحة إنو معتز ياريت في الأيام الجاية يغني بي مايك إستاند ما قصدت بيها تسجيل أغاني وأغاني ..قصدت بيها كل حفلات معتز ..عشان ما يتعوود على الحركة دي ويبدا في العد التنازلي ويضييع روحو وموهبتو ..كل ما إتلحقت الحاجات دي بدري كلو ما كان أحسن يا حسبو ..وتسلم يا حبوب ..
07-22-2013, 02:40 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: ميزة معتز عن غيره أنه يغني إحساسه هو فقط ولا يتقيد كثيراً بأداء الأخرين وهذه ميزة قلّ أن نجدها في معظم الفنانين السودانيين.
يا امير ما اختلفنا لكن ما قادرين نسمعوا كويس ما معقول فنان يكون عندو مشكلة مايك مزمنة بالشكل ده لدرجة أنو المستمع ما يقدر يميز هو عايز يقول شنو وعشان كده انا مصر أنو أغاني وأغاني خصمت من معتز أكثر من اضافت ليهو لاني حضرتو لايف اكتر من مرة وفي زمن قريب جداً وادائو بختلف تماماً من اغاني واغاني صوت واضح وجميل فكان من المفترض أنو ينتبه ويطالب بمايك ستنادر ويغنى واقف بدل ما نجي نقول أنو معتز بخجل ومعتز ما بقدر يغني الا وهو واقف ومعتز محتاج لمايك ستاندر ونحاول نجد ليهو المبررات كان كفانا القتال وظهر بشكل جيد
سلمت من كل شر
07-22-2013, 03:06 AM
الليندي
الليندي
تاريخ التسجيل: 05-27-2002
مجموع المشاركات: 1188
Quote: يا الليندي ده طلب بطلبو منك للمرة الجغلومية ..إمكن زمان ما شوفتو.. بفتتتش لي تسجيلات قديييمة وتحديييداً تسجيل أغنية العاقب محمد حسن يا حبيبي نحن إتلاقينا مرة .. بي صوت الفنااانة اللي مااا ح تتكرر ملاك الأمين ..بتذكر سجلتها مع أخوها صلاح الأمين .. هذه الملاك الأمين كانت ح تكون فلتة غناء السودااان لكن يااا للخسااارة بطّلت الغنا وهي في مجدها..
ملاك بت كسلا ياخي انت اتذكرتها من وين الليلة فعلاً صوتا عجيب في تسجيلات ليها هي وعبير علي وحنان ابرهيم لكن للاسف يا عمر التسجيل بتاع أغنية العاقب ما عندي ليهو لكن وعد بلاقهو ليك ، عندها خالا شغال معانا بلم لينا فيهو
،،،
07-22-2013, 05:53 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
Quote: ظاهرة هي القصة دي يا سفيان .. بس الماستر بتاعا ابو داود ما السني
يا قيقا ياخ مين كدا اللحو داك انا ختيتو صدفه قايلني !!! الحركة بتاعة السني البعملوها ود المامون و نسرين هي حركة السني الجايبها من اللحو دا ياخ تجي تشبكني ماستر كارد!! انت (الشولو) طششته بيك !؟
يا ايها الناس الشايلين حس معتز صباحي اسمعوا و اعوا :- معتز صباحي دا ما بيغني ليك بالشكل القاعد في رأسكم معتز دا فناااان مجدد رضيتو ام ابيتو معتز لا يكرر احد ابداً .
07-22-2013, 06:59 AM
شهاب الفاتح عثمان
شهاب الفاتح عثمان
تاريخ التسجيل: 08-28-2006
مجموع المشاركات: 11937
الخبر الاكيد الليلة البطانة اترشت وسارية تبقبق لي الصباح ما اتفشت هاج فحل ام صراصر, والمنايح بشت. ويت ام ساق على حدب الفريق اتعشت.
نحي رفاعة, ونحي اهل البطانة فهم اهل شعر وفن و طرب وادب.
لقطة اليوم : اتفاق العنصر النسائي على لبس الوردي , فجاء الاستديو كعادتة البعض انيق حد الترف, والبعض بشتنة لا تخلو من بداوة , والبعض بشتنة و بشتنة بلا بداوة او حضارة ! .. وعفوا للتمادي .. لكن الشاشة صورة :)
مفاجاة الحلقة : قدور يا قرصان .. بس قرصان بقلب ابيض ! .. :) قرصنة ديوان كامل , ده فالس ده يامليجي ..
خارطة طريق : ومين في الدنيا ديه اجمل من بناتنا , الليهن قلوبنا وفيهم صفاتنا بنحب من بلدنا ما برا البلد سودانية تهوى عاشق ود بلد في عيونا المفاتن شي ما ليه حد. !
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
07-22-2013, 08:29 AM
بدرالدين بابكر مصطفى
بدرالدين بابكر مصطفى
تاريخ التسجيل: 06-24-2013
مجموع المشاركات: 1492
يا ليندي .. ملاك الأمين دي مش أخت الممثل الكندي الأمين ؟؟ وأخوهم الفنان صلاح الأمين اللي كان عندو تسجيلات في قناة النيل الأزرق مع بكري المغربي ومسعود؟؟ تسجيلات ملاك مع الثنائي عبير وحنان إبراهيم سمعتها كلها بس دي ماا التسجيلات البقصدا لأنو كانت بتغني فيها مقاطع وكان ما خانتني الذاكرة لابسة فيها توبا الحرجلي .. عندي ليها تسجيل نادر لي أوبريت إسمو الخرطوم أيام ما كانت بتغني مع الاستاذ عجاج في شغل أوبريتات السودان ديك مدتني بيهو الصديقة العزيزة يثرب عجاج .. ملاك دي عندها أغنية كانت شعار لي فوازير رمضان قمممة في الروعة ..بتذكر منها مقطع بتقول فيهو : الموية بتسلم عليك..بتتأسف وترسل ليك..شوووقا ..شووووقا ..
07-22-2013, 09:15 AM
طارق ابراهيم ابوالفضل
طارق ابراهيم ابوالفضل
تاريخ التسجيل: 01-28-2013
مجموع المشاركات: 464
Quote: شعار لي فوازير رمضان قمممة في الروعة ..بتذكر منها مقطع بتقول فيهو : الموية بتسلم عليك..بتتأسف وترسل ليك..شوووقا ..شووووقا ..
شكيتك علي الله يا ود الفاروق .... ذاكرتك حديد ... ماكنت مفتكر خالص إنه في زول إنتبه لشعار فوازير رمضان الإشتغلتها ملاك الأمين ...
تاااااني ح أرجعك لــ آل سليمان ... في الدورة المدرسية اللي ظهرت فيها ملاك الأمين ... بالصدفة حضرت بروفة للكورال الرئيسي للدورة المدرسية ..وكان بقيادة الماحي سليمان .. وبعد خلصت البروفة ... طلب الماحي من ملاك أن تغني ... لااااا حوله ... وأعتقد غنت للشفيع ... بالله ... المقر الدائم للمعسكرات ... وقف على رجل واحدة ... البت فعلاً خطيرة ... ولو واصلت كانت ح تكون A1
___
أما فيما يخص ... صباحي .. الله يجزيه ألف خير ... أصبح سبب أساسي ... إني أجلي البرنامج كللللله خير شر .. وأمشي أحصل التراك للمشي .. وإحتمال أبقى أنصار سنة ... وكلللله بسبب طريقة وصوت غناء صباحي ... ولله الأمر من قبل ومن بعد ...
..
07-22-2013, 10:31 AM
شهاب الفاتح عثمان
شهاب الفاتح عثمان
تاريخ التسجيل: 08-28-2006
مجموع المشاركات: 11937
Quote: أما فيما يخص ... صباحي .. الله يجزيه ألف خير ... أصبح سبب أساسي ... إني أجلي البرنامج كللللله خير شر .. وأمشي أحصل التراك للمشي .. وإحتمال أبقى أنصار سنة ... وكلللله بسبب طريقة وصوت غناء صباحي ... ولله الأمر من قبل ومن بعد ...
اوسكار عديل ..
وده ما معانها اني بتفق معاك في صباحي وحضور البرنامج هوي هاأاا .. :)
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال د شهـاب الفاتح ـ كوالالمبـور
07-22-2013, 11:19 AM
حامد محمد حامد
حامد محمد حامد
تاريخ التسجيل: 11-19-2008
مجموع المشاركات: 3085
Quote: أما فيما يخص ... صباحي .. الله يجزيه ألف خير ... أصبح سبب أساسي ... إني أجلي البرنامج كللللله خير شر .. وأمشي أحصل التراك للمشي .. وإحتمال أبقى أنصار سنة ... وكلللله بسبب طريقة وصوت غناء صباحي ... ولله الأمر من قبل ومن بعد ...
هههههههههههههه
قلت احسن كده؟؟
يا اخي الزول ده ما بعرف بقولوا عليهو فنان كيف..
وكمان مبدع
غايتو نحن شكلنا الابداع ده بينا وبينو دنيا زي ما قالت الست
07-22-2013, 12:12 PM
الليندي
الليندي
تاريخ التسجيل: 05-27-2002
مجموع المشاركات: 1188
Quote: فرفور اختار ان يغنى اليوم سال من شعرها الذهب وحتى يجيب المنطقة العالية فى الاغنية التى يؤديها صلاح بكل روعة وهى تبداء بى
فاره مترف لدن
ثم يطلع الى
فنننننننننن ولا فنن هدنى الوجد والشجن فى الهوى قلبى اغترب سال من شعرها الذهب
فعل فرفور كما فعلوا ناس نجوم الغد بان يوطئ سلم الاغنية درجة حتى يصل الجزء العالى فى الاغنية اعلاه ناسيا ان منطقة الغليظ فى
ياحبيبى اكلما قلبى المغرم احتمى بك وانداح ملهم عاد كأس بلا حبب
فى كلمات النوتة الغليظة احتمى و ملهم والخ فى الكوبلى الذى يليه لن يصل اليها بارتياح وستضيع مع زحام الاغنية. لذلك ظهر عليه بعض توتر
استاذ الصوت الالمانى بتاعى اسال الله يدخلوا الاسلام اعطانى نصيحة وقال لى لو كنت متوتر او نشط اكثر من اللازم ابتعد من الغناء الذى به مناطق غليظة. فالتوتر بشد الحبال الصوتية التى يجب ان ترتخى- لتخرج الصوت الغليظ بدون تشنج. يعنى الغناء وانت مسترخى وضاحك.
شوفوا ابوداؤد وهدوءه فى الغناء جعل الغليظ عنده اسطورة
بعدين المنطقة العالية بتتغنى كتلة واحدة وبنفس واحد بدون تقطيع وهى مجال للتنافس اعظمهم ام كلثوم بنفس واحد 14 نوته موسيقية وفرفور طلعها صاح بس قطعها لثلاث اجزاء.
يا سلام يا ابراهيم فعلاً فرفور قطع ( فنن ولا لا لا فنن ) لمن تحس بالشتاره والحتة دي بالذات صعبه وبتاعت اختبار ( صوت ) بالله يا ابرهيم شوف ود البادية بجضما كيف
ابوامنة حامد وصلاح ابن البادية مطرب الجماهير سال من شعرها الذهب
،،،،،
07-22-2013, 02:35 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
طارق ميرغني (ابو الفن ) مع اولاد حلتنا طبعا ياطارق ابو امنه دا متعنا متعه شديده اهم شيء تقعد بقربه وتسمع تعليقاته وكلامه الطروب وكمان لمن تسمع مكاااايداته لناس المريخ .. له الرحمه والمغفره ومن هنا تحياتنا لابنه في لندن جمال ابو امنه حامد ابو امنه حامد هو من قال المعناه لاتولد الابداع يعني خالف الناس وقال كيف لي ان ابدع وانا ابحث عن قوت واكل اولادي ومن طرائفه قال الحكومة دي بعد ما الزول يسك الاراضي ويبقى زي البعاتي بعد داك يدوك قطعه في الحاج يوسف سبحان الله الان الحاج بوسف تعتبر قريبا جدا جدا . . معتز صباحي وفرفور يطربون نفسهم قبل ان يطربوا الجمهور كما كان يفعل الفنان الراحل المقيم خضر بشير . . فيهمه كانت بتغني في شنو زي ماقال عمر الفاروق البت دي عشان ترجع لايام زمان لازم ترجع الى اصلها وتبطل تحامي بنات الخرتوم في اشياء اذا حاولت تعملها وتستلفها اثناء الغناء عاااادي ممكن تخليك مشاااااتر للمستع
. . كمان في ملاحظة قالها هنا واحد من الاخوان بان فرفور ( الملك ) بطل صراخه يظهر الرساله وصلته من هنا ومن كثرة تعليقات الاخوان والاخوات ودا كلام سليم وميه ميه
.
07-22-2013, 05:08 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
يا سلام يالليندى لازلت محتفظ بمطرب وجماهير لصلاح بن البادية. ما شاء الله. هذه اضافة لليوتيوب. مطرب وجماهير كان من اجمل سهرات التلفزيون بداية الثمانينات
انا ذاتى لا زلت محتفظ ايضا بمطرب وجماهير نسخة ابراهيم عوض.
صلاح بن البادية لازل فى نظرى الفنان السودانى الاكثر وسامة وقيافة
07-22-2013, 05:31 PM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
يا ليندي الزول السعودي ابو عقال ده كان جااي مهرجان الصييف ولا شنو ؟ :):):) ياااا حليلم أسة بقوا يمشو دبي ولبنان عشان يحضروا نانسي ووائل كافوري ..
لاحظت الحضور الكامل والبهي لأسرة ابو قرون اللي لحدددي الليلة نفس الشخصيات بشوفا في كل محافل وحفلات صلاح بن البادية .. أدهشني جداً وما شاء الله إنو صلاح بن البادية يظهر في الفيديو ووكأنه أصغر من واحدة من بناته اللي ظهرت في الفيديو.. حتى هذه اللحظة كلما شاهدت زوجة صلاح بن البادية شعرت أنها تكبره بي عشرات السنين ..ويبدو لي في الفيديو ده برضو ظاهرة ..الزولة المشلخة دي مش؟؟ متعك الله بالصحة والعافية يا ابن البادية وحفظ ليك أسرتك ..
شكرا على هذا البوست الممتع استمتعت بأعنية الرياح الهوج وغناها طه بصورة جميلة جدا دهشت لكمية النبيشة ليه غايتو انا عجبني خالص البرنامج ممتع جدا لكن المخرج ما بعرف يخرج شغل هواة ساي هناك كثير من اللقطات كان يجب حذفها لم تحذف والكميرا بتتحرك بدون اي خطة ساي كدا يمين شمال تاني يمين شمال يتخيل لي المخرج ما كان بحضر البروفات عشان يرسم حركة الكميرا على حسب الحاجة الفنية موش حركة عمال على بطال السر قدور رائع جدا بالجد حبيته شديد معاذ بن البادية فنان لطيف جدا ويبدو انه زول طييبان ود المامون مميز ولديه حضور جميل اتوقع ليه مستقبل باهر معتز صباحي فنان ممتاز وعنده حضور طاغي لكن فيه حاجة اوف ما طبيعي كلو كلو طه وفرفور مرتاحين جدا وافتكر الاقدمية حقتهم اسهمت في الشعور دا نادر صوته حلو جدا.ومدرب جدا اما السني يا سلام يا سلام فنان معتق ومحترم جدا بيحلق بالزول للسما السابع وهو ملك الحلقات المرة دي الحضور النسائي ضعيف شديد ما ذي السنة الفاتت على العموم برنامح مهم جدا جدا وادى خدمة جليلة في تواصل الاجيال نرجع لما نلم في كيبورد كويس
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة