أووولاً خلوني أعلن إرتياحي التااام وإعجابي الشديييد بي البت فاطمة عمر دي.. البت دي مريييحة جدا في طلتها وتفاصيل وشها.. والبت دي جواها إحساس عااالي وكمييية من الطرب مااا عادي.. البت دي بتحب الغنا فيييي عضمو بعيييداً عن هي بتغني ولا لأ.. وبتعرف تطرب كمستمع عااادي وبتتفرج في الناس المعاها دييل زيييها زيينا وبتسمعهم بي كل أحاسيسها.. في كل الحلقات اللي حضرتها للبرنامج كنت بتاااابع فاطمة عمر دي من دوون الناس في جميييع حركاتها .. البت والله جواها فنااااااانة ..وعندها إحساس عااالي.. يااااخ الليلة عملت ليها حركة حلوة شديد... الزولة دي طربت لي اداء طه ومعاذ أو خلونا نقول طربت للاداء الموسيقي للاغنية بتاعت عيني ما تبكي.. بي إحساس عااالي صفقت وبراااها كده قااالت يا سلااااام .. ودي ما المرة الأولى اللي تعمل فيها الحركة دي.. إضافة لي إنها في كتييير من الأغاني بتلقاها اذا ما منصتة للاغنية فهي غرقااانة معاها وتدندن دندنة من هو محب للاغنية وبيتمنى يغنيها.. البت دي ح تخش قلوب المشاهدين قريييييييب ده .. بس أدوها الفرصة وأعملو معاها لقاء براااها كده ويكون لقاء دردشة وبسييط ما لقاء معقد .. وجهزوا ليها بروفة كويسة واختاروا ليها اغنيات وفرقة مكتملة .. وانا مستعد للرهاااان .. وياريييت لو زول يكلم لي ناس النيل الأزرق انا مستعد أنتج الحلقة دي وأراااهن بيها .. بس يخلوني انا الأضع التصوور والأغاني .. وانا جااااادي في الطلب ده ..
يا بت يا فاطمة انتي مشرووووع بت فناااانة ..
07-22-2013, 07:28 PM
الليندي
الليندي
تاريخ التسجيل: 05-27-2002
مجموع المشاركات: 1188
كنت بتمنى معتز صباحي يكون موجود عشان يلاحظ وبرضو ما عيب ستفيد من كيفية إبعاد المايك في الوقت المناسب زي ما عمل مصطفى السني في مرتين الحركة دي وزادت جماليات الاغنية بعكس معتز صباحي اللي إبعاد المايك بتخليهو يفقد جماليات صوتو..
07-22-2013, 08:29 PM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
انتو يا جماعة الشاعر قال :- سادل ديسه لي اك ######## ولا زي ما قالت البت فهيمة :- سادل ديسه لي اردافه !!! يحكي انو تم سؤال كمال ترباس عن الفنان الشاب نزار المهندس فرد ترباس بسخريته :- نزار دا ارجل من أبو داؤود !! فساله الصحفي :- كيف يعني ؟ فقال ترباس :- مش نزار دا القال:- سادل ديسه لي اردافه!!! أبو داؤود يجلال قدره قال :- سادل ديسه لي اردافه ... طيب نزار ارجل ولا ما ارجل!!؟
فهيمة كعبه جداً في اللإغنية
الديتو البين جمال و السني صراحة انا عجبني و استمتعته بيهو جداً و الفرقة ضربت فيهو مزيكا وراء بعض زي المطر ما خلو فرقة لي أي شي.
غايتو (عيني ما تبكي) طه شغال (يلكِد) في معاذ (لكِيد) شديد و واضح انو انهم التلاته اتجاوبو في الاغنية كويسه رغم طبزة في بداية الأغنية من زحل بس اتصرفت سريع .
ديتو نسرين و السني (دمعي الاتشتت) كان جميل لانهم الاتنين دي مناطقهم في الغناء و اصواتهم متدربة على هذا الغناء .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ يا قيقا اسمع مصطفي السني بيقول :- السرى بلاني كيف حتفهم كلامي الفوووووق داك .
حلقة اليوم عن (الشجن المفرح) وبدأت بأغنية (أنا في هواك ضحّيت) كلمات حسن مصطفى الماحي وألحان محمود علي الحاج أداها فرفور جميلة وممتعة واستمتعت بها جداً.
الأغنية الثانية (ردي علي يا عيني) وهي من كلمات والحان عبيد عبد الرحمن أدتها فهيمة اداء عادي والفرقة عملت في الغنية دي شغل عجيب (باص وكيبورد) ضاربين صاح.
الأغنية الثالثة (أنا من شجوني) كلمات الطاهر محمد عثمان ألحان برعي محمد دفع الله وغناها دويتو مصطفى وفرفور ولو خلوها لي مصطفى كان ارحم على الاقل فرفور غنى أغنية كاملة في البداية ، كانت جميلة عموماً .
الأغنية الرابعة (عيني ما تبكي) كلمات وألحات الفاتح كسلاوي وغنوها طه ومعاذ وزحل والنصيحة لو ادوها لي طه براهو كان رحمنا من الشتارة والسلم عالي على زحل وانشاء الله يكون ترباس ما سمعها ، لم تعجبني أبداً أبداً رغم انها اغنية جميلة .
الأغنية الأخيرة (دمعى الاتشتت) كلمات فاطمة خميس (وقيلت في رثاء والدها) وتغنوا بها مصطفى ونسرين ، بالنسبة لمصطفى فالأغنية دي عندي غناها احسن من ابو داؤود ذاتو ، وحافظ فيها على نفس الاداء، اما نسرين لو ما دخلت (الله الله الله ) دي في النص فكانت الغنية حتكون رائعة جدا ، لكن اول ما تقولها انا بطلع برة المود نهائي .. فيما عدا ذلك كانت جميلة ..
Quote: بل مبدئياً الأوسكار لي فاطمة عمر يا ليندي..!!
أووولاً خلوني أعلن إرتياحي التااام وإعجابي الشديييد بي البت فاطمة عمر دي.. البت دي مريييحة جدا في طلتها وتفاصيل وشها.. والبت دي جواها إحساس عااالي وكمييية من الطرب مااا عادي.. البت دي بتحب الغنا فيييي عضمو بعيييداً عن هي بتغني ولا لأ.. وبتعرف تطرب كمستمع عااادي وبتتفرج في الناس المعاها دييل زيييها زيينا وبتسمعهم بي كل أحاسيسها.. في كل الحلقات اللي حضرتها للبرنامج كنت بتاااابع فاطمة عمر دي من دوون الناس في جميييع حركاتها .. البت والله جواها فنااااااانة ..وعندها إحساس عااالي.. يااااخ الليلة عملت ليها حركة حلوة شديد... الزولة دي طربت لي اداء طه ومعاذ أو خلونا نقول طربت للاداء الموسيقي للاغنية بتاعت عيني ما تبكي.. بي إحساس عااالي صفقت وبراااها كده قااالت يا سلااااام .. ودي ما المرة الأولى اللي تعمل فيها الحركة دي..
يعني عشان صفقت وقالت يا سلام نديها الاوسكار يا عمر البت دي حضرت ليها حفلة في قناة ( البحر الاحمر ) والله كوجنت الغناء ده كوجين هنا في أغاني وأغاني احسن احتمال تقنية الصوت في قناة ( البحر الاحمر ) خلاها تتطلع من مودها احتمال ،،،،،،
07-22-2013, 10:58 PM
الليندي
الليندي
تاريخ التسجيل: 05-27-2002
مجموع المشاركات: 1188
Quote: حلقة اليوم عن (الشجن المفرح) وبدأت بأغنية (أنا في هواك ضحّيت) كلمات حسن مصطفى الماحي وألحان محمود علي الحاج أداها فرفور جميلة وممتعة واستمتعت بها جداً.
الأغنية الثانية (ردي علي يا عيني) وهي من كلمات والحان عبيد عبد الرحمن أدتها فهيمة اداء عادي والفرقة عملت في الغنية دي شغل عجيب (باص وكيبورد) ضاربين صاح.
الأغنية الثالثة (أنا من شجوني) كلمات الطاهر محمد عثمان ألحان برعي محمد دفع الله وغناها دويتو مصطفى وفرفور ولو خلوها لي مصطفى كان ارحم على الاقل فرفور غنى أغنية كاملة في البداية ، كانت جميلة عموماً .
الأغنية الرابعة (عيني ما تبكي) كلمات وألحات الفاتح كسلاوي وغنوها طه ومعاذ وزحل والنصيحة لو ادوها لي طه براهو كان رحمنا من الشتارة والسلم عالي على زحل وانشاء الله يكون ترباس ما سمعها ، لم تعجبني أبداً أبداً رغم انها اغنية جميلة .
الأغنية الأخيرة (دمعى الاتشتت) كلمات فاطمة خميس (وقيلت في رثاء والدها) وتغنوا بها مصطفى ونسرين ، بالنسبة لمصطفى فالأغنية دي عندي غناها احسن من ابو داؤود ذاتو ، وحافظ فيها على نفس الاداء، اما نسرين لو ما دخلت (الله الله الله ) دي في النص فكانت الغنية حتكون رائعة جدا ، لكن اول ما تقولها انا بطلع برة المود نهائي .. فيما عدا ذلك كانت جميلة ..
هذا رأيي كمستمعة . بكرة أحلى ..
شكراً عبير خيري بس ( رد علي ياعيني ) ما أظن أنها من كلمات ( عبيد عبدالرحمن ) تقريباً تراث
Quote: ولا زي ما قالت البت فهيمة :- سادل ديسه لي اردافه !!! يحكي انو تم سؤال كمال ترباس عن الفنان الشاب نزار المهندس فرد ترباس بسخريته :- نزار دا ارجل من أبو داؤود !! فساله الصحفي :- كيف يعني ؟ فقال ترباس :- مش نزار دا القال:- سادل ديسه لي اردافه!!! أبو داؤود يجلال قدره قال :- سادل ديسه لي اردافه ... طيب نزار ارجل ولا ما ارجل!!؟
فهيمة كعبه جداً في اللإغنية
الديتو البين جمال و السني صراحة انا عجبني و استمتعته بيهو جداً و الفرقة ضربت فيهو مزيكا وراء بعض زي المطر ما خلو فرقة لي أي شي.
غايتو (عيني ما تبكي) طه شغال (يلكِد) في معاذ (لكِيد) شديد و واضح انو انهم التلاته اتجاوبو في الاغنية كويسه رغم طبزة في بداية الأغنية من زحل بس اتصرفت سريع .
يا صديقي سفيان ديل بقول زي مادايرين ولا في زول بسألهم فعلاً ( طه شغال يلكد في معاذ ) وبعدين ( زحل ) شبكتنا ( شايلاهو اشجاني ) وقدر ما ( طه ومعاذ ) يقولوا ( شايلاها اشجاني ) برضو مصرة علي شايلاهو دي غايتو الليلة صوتا محشرج يا صديقي سفيان غايتو صوتا عمل لي نارية في جسمي
،،،،
07-22-2013, 11:35 PM
الليندي
الليندي
تاريخ التسجيل: 05-27-2002
مجموع المشاركات: 1188
طيب الحلقة 13 بداها عمنا ( قدور ) عن أنو الغناء زمان كان بتكب في الافراح والغناء الشعبي كتير منو اغاني فرح والغناء في بداياتو معظمو تعبير عن الفرح وفي فترة تانية حصل اختلاف واتغيرت الحفلة وبقى البنات مابرقصو لانو المدن كبرت وبقى فيها غرباء والتقاليد بتخلى البنات بختشو لذا اصبح الرقيص بعيد عن الغناء وده ادى لظهور نوع جديد من الغناءوالغنا بقت سمع لذا دخل فيها نوع من الشجن والحزن والبكاء . الجزيئة الاولي صحيحة الغنا القديم كلو اتكتب في الحفلات أو بيت اللعب وده كان الحتة الوحيدة البشوف فيها الشعراء البنات وهم برقصوا فيقومو يوصفوا الحفلة ويذكروا اسم العريس ، اما الجزئية التانية بتاعت ( حصل اختلاف واتغيرت الحفلة وبقى البنات مابرقصو لانو المدن كبرت وبقى فيها غرباء والتقاليد بتخلى البنات بختشو لذا اصبح الرقيص بعيد عن الغناء وده ادى لظهور نوع جديد من الغناءوالغنا بقت سمع لذا دخل فيها نوع من الشجن والحزن والبكاء ) ده كلام ما صحيح لانو مجتمع امدرمان ده من زمن المهدية فيهو قبائل متعددة اختلطت مع بعض ( تعايشة - اشراف - حلاووين جعليين وغيرهم ) وشكلوا مجتمع امدرمان بحفلاتو يعني ماحصل تغير في التركيبة الاجتماعية عشان البنات ما يرقصوا في الحفلات والشعراء يقوموا غناء الشجن والحزن والبكاء لكن الحصل أنو المجتمع اتطور والبت بقت تتطلع تشتغل وتقرأ واصبحت اللقية ممكنه وبقى في قصص حب وفي شواكيش انتجت الغنا بتاع الشجن واللوعة والبكاء والاعراس دي الرقيص اصلوا ما وقف فيها ليومنا ده الا يكون عرس انصار سنه .
07-23-2013, 00:00 AM
الليندي
الليندي
تاريخ التسجيل: 05-27-2002
مجموع المشاركات: 1188
لأغنية الاولى ( انا في هواك ضحيت ) وقعت لفرفور في الاتو بتاعو وفرفور بدأ مغنيا شعبياً فغاها بشكل جيد الأغنية التانية ( ردي علي ياعيني ) غنتا ( فهيمه عبدالله ) أداء تعبان كالعادة وخطأ في نطق الكلمات معقولة ( غرسنا ) تتحول لي ( قرصنا ) في البيت ( لشجر المحنة غرسنا ) غايتو الاناموس شمبات يكون قرصنا الاغنية الثالثة ( انا من شجوني ) كان ممكن تكون من نصيب مصطفى السني رغم أنو فرفور بجيد اداء الأغنية دي لكن الثنائية اضعفت اداء الأغنية الأغنية الرابعة ( عيني ما تبكي ) واضح أنو ( زحل ادم ) فرقت كتير في الأغنية وعملت لخبطة وصوتا كان مكتوم فلو غناها ( طه ومعاذ ) كان حتكون احسن من كده وده لانهم غنوا مع بعض كتير في اولاد البيت الأغنية الخامسة ( دمعي الاشتت ) اداء اكثر من رائع لمصطفى السني ونسرين هندي شخصياً استمتعت خالص بالثنائية دي والتطريب العالي ده يا سكينة هلال ا ،،،
07-22-2013, 11:57 PM
عزالدين عباس الفحل
عزالدين عباس الفحل
تاريخ التسجيل: 09-26-2009
مجموع المشاركات: 9025
غايتو يا ليندي زي ما بتقوول حبوووبتي البدورووهو تقوولو ليهو موحمممد والما بدورووهو تقولوا ليهو سوجومممت .. :) :) كدي براااحة كده ممكن توروني لييي أو إيييه الأسباب اللي خلتكم تدو أغنية دمعي الإتششتت الأوسكار؟؟ هل بناء على الدويتو؟؟ هل بناء على التناغم الصوتي ؟؟ هل بناء على تمييز الاداء الصوتي لكل على حدى؟؟؟ هل للاداء الموسيقي؟؟ ما عارف لكن جاني إحساس كده إنو السبب الرئيييسي في تقدم الأوسكار من قبل معظم الناس مبني على الحركة بتاعت أررريرررا .. أري ريراراراا.. أريييرااا.. ده ما تعدي على ذوقكم لكن لأنو حسيت إنو دي الحاجة الوحيدة الكانت ملفتة خصووووصاً في اداء نسرين هندي.. لو ركزتو في اداء نسرين هندي الصوتي بدون أرررريراا ريراريراا دي بتلقوهو صوت عااادي في تقديم الاغنية او مش عادي بمعنى انو ما جميل بس صوت نسرين بدون أييي جديد ..ونسرين غنت أحسن من كده باقي لي في الحلقات دي.. الاداء الموسيقي ما كان خالص وفي معظم الوقت المغنيين شالو حقهم وحق الفرقة الموسيقية .. العلامة الفارقة كان اداء مصطفى السني ..والسبب الرئيييسي إنو الاغنية دي هي الأتو بي لغة الويست بتاعت مصطفى السني .. أغنية معروووف عنو إنو بيجيدها من زمااان وتحسب من فرمالات مصطفى السني ..وهنا انا ما بشووف في جديد بالنسبة للناس البتسمع مصطفى السني من زمان... كنت عايزك يا ليندي تحلل لي الاغلاط اللي وقعت فيها نسرين هندي سواء في طريقة نطق الكلمات أو في طريقة عدم تكرار بعض المقاطع بي الطريقة المعروفة .. وأكووون من الشاكريين إنو وجدت هذه الأغلاط ..
تخريمة : أررريراا أرريرررااأأهههه القالتا نسرين في الأول دي تفتكر إنها عااادية كده يا الليندي ؟؟؟
07-23-2013, 06:56 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
مصطفي و نسرين حنكونا في بيت كامل من اغنية (فاطمة خميس) البيت دا :- فوق زولى اب ساسا محفور و شبكونا اريرا اريرا ررررا و حنكونا في :- اسير حبك أنا ليل ونهار و قالو :- اسير (ريدك) انا ليل و نهار و الحبيب (راح) نسرين بتقوله بطريقه غير مريحه ابداً
و يا قيقا ياخ تعبتني معاك قلته ليك :- السرى بلاني دي مصطفي بيقوله زي اللحو أي اللحو ما بغني الاغنية دي بس طريقة مصطفي في الحته دي حقت اللحو .
و العايز يسمعه من زول خلاف ابو داؤود و بطريقة عجيبة يفتش زول اسمو قاسم الاسمراني .
07-23-2013, 10:48 AM
شهاب الفاتح عثمان
شهاب الفاتح عثمان
تاريخ التسجيل: 08-28-2006
مجموع المشاركات: 11937
قبل ما احضر الحلقة انا قلت اخوي ود العباسية دا جن ولا شنو !؟؟ , مضيع مشاركة كاملة , بطلاسيم سحر و سحرة !..
على بالطلاق حضرت الحلقة انا ذاتي اررريررراا ريييرا رااااراااااا ولقيتها موزونة كمان , مش كدة باللهي يا متذوقي الفن الحزين المفرح القدوري ده , مش كده يا اخوتي فتح الرحمن حمودي والليندي , وخالد واي واحد علق على اررريررراا ريييرا رااااراااااا واداهم الاوسكار بره وجوة حوش بكري
ويانابري يارائع معقولة تقيف في فتيل ريحة والشيلة جاياك كاملة , ماتبالغ ياخي ..
Quote: البيت دا :- فوق زولى اب ساسا محفور و شبكونا اريرا اريرا ررررا و حنكونا في :- اسير حبك أنا ليل ونهار و قالو :- اسير (ريدك) انا ليل و نهار
الحب والريد يااستاذ سفيان نابري القلب والوريد والشريان ذاتو , ياخي اولاد عم ,
( العمل الفني دخلنا في حالة من الفرح في اغنية مليانة دموع ) تاني واحد يقول لي قدور ما شاعر .. ومعاذ الليلة اظهر امكانيات صوته بمجاراة الضخم طه سليمان , وياطه عليك الله سيب الغنى التجاري ياخي .. انت وعد عملاق!.
ياخي انا طرب ساكت حا افوت التعليق على اللبس , والتعليق على اللابسة الوان علم البلد في شتارة وسوء ترتيب وفضاضة وفضاضة .. والاتنين ما واحد !!.
وووووو اررريررراا ريييرا رااااراااااا :) :(
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال
07-23-2013, 12:15 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
عايز اشير لي حتة يا شباب يا فنانين الحتة بتاعة الهندام واللبس دي مهمة شديد في مظهر الفنان يعني اختنا زحل دي مثلا كان لبسها مشاتر كلو كلو في الحلقة اخضر وابيض معقولة لكن الاحمر دة شنو مع انك لابسة خاتم اخضر وعامل ماتشينق
ود ناس ود البادية لبسه كان انيق
فاطمة عمر مرات بتكوم الطرحة زي بتتكلم مع بنات الجيران من الحيطة
نسرين هندي كامل الاناقة وقميع الاصابعين عامل ماتشينق مع المايك عجيب
غايتو أنا البريمو أو الأوسكار بتاع الحلقات كلها لحدي هسة بالنسبة لي وبالترتيب:
1. عبير خيري. :) (مش قلنا بالنسبة لي؟) 2. طه سليمان. (برضو مش قلنا بالنسبة لي؟) 3. مصطفى السني. 4. معتز صباحي (آآآآآي ياخ بالنسبة لي). 5. جمال فرفور. 6. نسرين الهندي. 7. فاطمة. 8. منى. 9. معاذ بن البادية, فهيمة. 10. أحمد المأمون. 11. زحل, نادر.
لو نسيت زول معناها عليهو العوض ومنو العوض فيهو :)
سبب ترشيح طه سليمان للمركز الأول في حساباتي أنا (مع إنو الإتنين شهادتي فيهم مجروحة نسبة للخوة والصداقة التي تربطني بهما).... إنو مصطفى وبرغم صوته المبالغ فيهو.. وتطريبو العالي... لم يتخذ قرار المجازفة بغير غناء أبو داؤود أو ما تعود عليه هو... ولكن طه سليمان أخذ من كل بستان زهرة... غنا لمحمود... وغنا للجابري... وغنا لابن البادية... وغنا لترباس... وغنا لبلال موسى... ولسة حيغني لمحمود تاور (حسب الدعاية بتاعت البرنامج).... حتى ولو كان رأي البعض أنه لم يتقن... يعني نقدر نقول إنو طرق جميع الأبواب الممكن هو يستفيد منها... ودي محمدة كبيرة جدا بالنسبة لي شخصيا وبالنسبة لنظرتي الضعيفة والغير محترفة في الحاجات دي....ا
07-23-2013, 02:27 PM
عبدالغفار محمد سعيد
عبدالغفار محمد سعيد
تاريخ التسجيل: 04-17-2006
مجموع المشاركات: 10075
الاخ العزيز اللندى و الاخوة المشاركين هذه ملاحظات من قارئى منتظم لهذا المنبر وقد كلفنى بكتابتها لكم:
أرجوا اضافة الاتى على بوست اغانى و اغانى : الشكر الجزيل لكل من ساهم فى تثقيفنا موسيقيا ، والعرفان موصول للندى صاحب الفكره ، الرجل المليان موسيقى سودانية ..... لكن ما دفعنى للكتابة هنا هو إشارات بعض المتداخلين للحالة الصحية لبعض المشاركين فى البرنامج ..... ياشباب نحتاج ان لا نخلط الخاص بالعام .... وفى تقديرى ان هذه الاشارات افتقدت الذوق و الحس السليم فى العالم الذى يحترم خصوصية الانسان ، مثل هذه الإشارات ستكون لها تبعات و استفهامات ومحاكمة كمان ..... اجوا ان نثمن ونعلى من قيمة الحوار العقلانى الذى يرفد دنيانا الصعبة دى بى حاجحه حلوه ، واول شروط الحوار هو الاحترام بمعناه العريض.
ولكم احتراماتى.
دكتور / محمد حسين
07-23-2013, 02:29 PM
عبدالغفار محمد سعيد
عبدالغفار محمد سعيد
تاريخ التسجيل: 04-17-2006
مجموع المشاركات: 10075
الاخ العزيز اللندى و الاخوة المشاركين هذه ملاحظات من قارئى منتظم لهذا المنبر وقد كلفنى بكتابتها لكم:
أرجوا اضافة الاتى على بوست اغانى و اغانى : الشكر الجزيل لكل من ساهم فى تثقيفنا موسيقيا ، والعرفان موصول للندى صاحب الفكره ، الرجل المليان موسيقى سودانية ..... لكن ما دفعنى للكتابة هنا هو إشارات بعض المتداخلين للحالة الصحية لبعض المشاركين فى البرنامج ..... ياشباب نحتاج ان لا نخلط الخاص بالعام .... وفى تقديرى ان هذه الاشارات افتقدت الذوق و الحس السليم فى العالم الذى يحترم خصوصية الانسان ، مثل هذه الإشارات ستكون لها تبعات و استفهامات ومحاكمة كمان ..... اجوا ان نثمن ونعلى من قيمة الحوار العقلانى الذى يرفد دنيانا الصعبة دى بى حاجحه حلوه ، واول شروط الحوار هو الاحترام بمعناه العريض.
Quote: الأغنية الثانية (ردي علي يا عيني) وهي من كلمات والحان عبيد عبد الرحمن أدتها فهيمة اداء عادي والفرقة عملت في الغنية دي شغل عجيب (باص وكيبورد) ضاربين صاح.
___________________________
شكراً عبير خيري بس ( رد علي ياعيني ) ما أظن أنها من كلمات ( عبيد عبدالرحمن ) تقريباً تراث
طبعاً اللحن هو تُم تُم مُفرغة فيهو الكلمات يعني تحوير يعني حواء الطقطاقة عليها الرحمة غنته كأغنية رقيص عروس وكانت بتغنيهو ياعينيا ياعينيا يالرايقة أم شعوراً حية .. أها ياعينيا ياعينيا دي .. عبارة عن نص شعري للشاعر والكاتب المسرحي خالد أبو الرووس .. وإستخدم اللحن القديم بتاع التُم تُم ... اها مع الأيام النصوص إتداخلت وطلعت لينا الأغنية دي .. ولكن يبقى غالبية النص للأستاذ / خالد أبو الرووس ... كووووووووووووووووووووووووووووووووووووووووول المعلومات دي بتلقوها هنا في الملف المرفق مع هدية رمضانية خفيفة علي اللحو وكمال ترباس وخوجلي عثمان وعثمان الشفيع .. وعوض بابكر .. وياعينيا وياعينيا )..
ثنائية فرفور والسني كان فيها خرمجه واضحه وثنائية مصطفى السني ونسرين برضو كان فيها خرمجه كثيرا هذه الثنائيات الفاشله تضعف جمال الاغنية وتفقدها بريقها ...
Quote: غايتو يا ليندي زي ما بتقوول حبوووبتي البدورووهو تقوولو ليهو موحمممد والما بدورووهو تقولوا ليهو سوجومممت .. :) :) كدي براااحة كده ممكن توروني لييي أو إيييه الأسباب اللي خلتكم تدو أغنية دمعي الإتششتت الأوسكار؟؟ هل بناء على الدويتو؟؟ هل بناء على التناغم الصوتي ؟؟ هل بناء على تمييز الاداء الصوتي لكل على حدى؟؟؟ هل للاداء الموسيقي؟؟ ما عارف لكن جاني إحساس كده إنو السبب الرئيييسي في تقدم الأوسكار من قبل معظم الناس مبني على الحركة بتاعت أررريرررا .. أري ريراراراا.. أريييرااا.. ده ما تعدي على ذوقكم لكن لأنو حسيت إنو دي الحاجة الوحيدة الكانت ملفتة خصووووصاً في اداء نسرين هندي.. لو ركزتو في اداء نسرين هندي الصوتي بدون أرررريراا ريراريراا دي بتلقوهو صوت عااادي في تقديم الاغنية او مش عادي بمعنى انو ما جميل بس صوت نسرين بدون أييي جديد ..ونسرين غنت أحسن من كده باقي لي في الحلقات دي.. الاداء الموسيقي ما كان خالص وفي معظم الوقت المغنيين شالو حقهم وحق الفرقة الموسيقية ..
والله ياعمر مفروض الاوسكار دا نديك ليهو انت لملاحظاتك القويه ودقيقه لكن يظهر اللندي بدا يتعاطف مع انه كانت واضحه خرمجة السني و ونسرين في الاغنية اررررريري دي دي برضو ماكان في اي جماليات اسمعهوها عند ابو داؤود و وعلى اللحو ... سوف تلاحظون الفرق الكبير
Quote: Hasabo Abdullah · جامعة السودان للعلوم والتكنولوجيا ( لما النوم ابى وجافانى ) من البداية اخطاء بالكوم يا فرفور كويس لحقك عبد الرحمن ...اداء سيئ جدا من فرفور و واضح جدا انه ما قادر ييجاري تدفق اللحن ...هناك فرق بين حنان مغرد و جنين مغرد ...خطأ آخر طيب و كله ( طيب ) و الفزعة دائما من عبد الرحمن عبد الله ... غايتو يا فرفور جلبطها آآآآآآآآآآآآآآخر جلبطة
يا سلام يا حسبو سبقتني والله فرفور زعط ليك الفرقة الموسيقة لمن سعدالدين الطيب قال لي بتاع الاورغن المعاهو مشي ياخي خلينا نخلص وكمان معاها رشاقة ( بفرفور اصابعو ) ما زلت ازداد قناعه كل يوم بأنو فرفور هو النسخة المكبرة من ( شريف الفحيل ) وبالعكس وبعدين بداية غلط لرمية الطيف الهي من كلمات والحان ( محمد سعيد دفع الله ) وغناء ( محمد كرم الله ) ( لما النوم ) الصحيح طبعاً ( اما النوم ) وفط لمقطع ( وين فايتني سادر ) بداية شللل
،،،،،
07-23-2013, 06:30 PM
الليندي
الليندي
تاريخ التسجيل: 05-27-2002
مجموع المشاركات: 1188
شلل رسمي والله عبدالرحمن عبدالله ما عارف يعمل شنو يصلح الغنا ولا الكلام ، غايتو مليجي اتفشى في الايقاع في ست الفريق فرغو زعلوا كلو في الايقاع ونادر وزحل صفر كبير وكما ن فرحانيين
،،،،
07-23-2013, 06:59 PM
الليندي
الليندي
تاريخ التسجيل: 05-27-2002
مجموع المشاركات: 1188
مع انو التوم و الشمار بيزبطو الحاجات بس غلبهم يزبطو الحلقة دي نهائي أما (عميد شباب البرنامج) غايتو الواحد ما عارف يقول ليك شنو !!! ياخ بتغني ليك كم سنة و ما عايز تستفيد من الأخطاء نهائي !!!؟ ياخ التكرار بعلم الشطار و ينا شطارتك ياخ و رينا ليها بدل شتارتك دي.
الحلقة دي اسمها حلقة ال(كروته) الناس ديل كلهم كروتونا .
زحل و نادر (اتجلوا) فينا جلاء مبالغ فيهو و زحل دي عندها (نزلة متلبده) غايتو نادر مرة برا اللحن و مرة جوة اللحن جهجه الفرقة و جهجهنا معاهو و عمنا عبد الرحمن تم الناقصة معاهم .
طه الضرس انقذ نفسه بآداء شقيش لكن صدقوني الحلقة دي ما ممكن انقاذه لسبب بسيط و هو ان اغنيات عبد الرحمن عبد الله من اجمل و اسهل الاغنيات في العمل الجماعي و سقط الجميع فيها عدى طه .
جدي الريل من الرمية و اضح انو عبد الرحمن ما في صوته الطبيعي زمان الرمية دي عبد الرحمن بيسلمك ليها طااااااخ لما تفهم حاجة . اسواء حلقة على الاطلاق
07-23-2013, 09:14 PM
Sinnary
Sinnary
تاريخ التسجيل: 03-12-2004
مجموع المشاركات: 2770
حلقة اليوم عن الفنان الجميل عبد الرحمن عبد الله وفي حضوره. ما يميز غناء الفنان عبد الرحمن عبد الله التلقائية والكلمات البسيطة واللحن الفخم ، فكل أغنيات الحلقة من ألحانه.
بدأت الحلقة بأغنية "ضابط السجن" كلمات الشاعر محمد حامد آدم ، أداها فرفور آداء واجب بدون اي احساس فوصلتني باهتة واريت كان غناها بدون الرمية لأنو رماها رمية السنين .
الأغنية الثانية "ست الفريق" كلمات الشاعر الجميل عبد الله الكاظم أداها دويتو (نادر وزحل) لا إحساس ولا إجادة وتطويل في زمن اللحن وتكرار كأننا في حفلة ، وطلوع بره الزمن بختصار كده (عواسة) .
الأغنية الثالثة "شقيش" كلمات عبد الله الكاظم أداها طه سليمان جميلة واعجبني آداءه وبصمته الواضحة.
الأغنية الرابعة "جدي الريل" كلمات الشاعر محمد عمر عبد الرحيم وغناها الفنان عبد الرحمن عبد الله ليس كما غناها قبل الآن ، أبدعت الفرقة وعازف الساكس وعازف الكيبورد التاني ما سعد.
في رأيي أوسكار حلقة اليوم للفنان عبد الرحمن عبد الله وطه ، غير ذلك الحلقة دون الوسط .. بكرة يمكن أحلى.
ياخ الليلة عبد الرحمن عبد الله ذاااااتو غلبو يغنى غناه جنس بشتنه .... انا الما بعرف دى سامعة الفرقة تسوى فى كرو كو كوو .... وشتارة ما بعدها شتارة .... غايتو يا قول الفارووغ البت اللاسه اخدر دى ما بتعرف تغنى ...
ــــــــــــــــــــــــــ ياااااااا حليلك يا بلوم الغرب لما كنت بتنتر الغنا ذى الاسد !
07-23-2013, 07:22 PM
ودالعباسية
ودالعباسية
تاريخ التسجيل: 10-28-2002
مجموع المشاركات: 2442
Quote: اوافق دينا خالد انه ضيف الحلقة نفسه حاول يجاري المغنواتيه فى الحلقة وظهر بى اداء ضعيف ،،
ما افتكر يا ود العباسية عشان حاول يجارى لكن واضح انو صوتو تعب وفقد قدرتو على الغنا من بدرى .. فناننا ديل بقوا ذى لاعبين الكورة من 30 سنة الواحد بغلبو الاداء الله يرحمك يا وردى صوتك ما تغير وكان بيجر نفسس طوييييل لما مات ... اممكن لانو كان عيان فترة طويلة ؟
ـــــــــــــــــــــــ الود عمر انت قايل الشناف دا صعب .. لووووووب .
قد يتاثر الانسان فى احيان كثيره با اشخاص ويمتن لهم با الكثير فمثلا كم نحن ممتنين او انا شخصيا لا اخى العملاق محمد الامين فله الفضل فى تقديمى للجمهور من خلال تواجدى فى فرقته الموسيقيه. وهنالك الكثيرين مما دعمونا فى بدايه مشوارنا الفنى منذ ان كنا طلاب فى الكليه. لهم منا كل التقدير ولكنى اود ان اكتب اليوم عن هذا الفتى المهذب الفنان طه سليمان فهذا الانسان لم اجد ولن اجد ما اوصفهه به من كلمات رغم اننى ليس من ضمن منظومتهه الموسيقيه الرائعه ولكن اقول والحق اقول يدهشنى بتعامله الراقى واسلوبه فى التعبير. وانسانيته المفرطه حد الروعه. وتواضعه الكبير رغم نجوميتهه الصارخه فهو يعطيك من الحب والاحترام والتقدير ما لا تستطيع وصفه وللحقيقه انا مععجب به لا لخامه صوته واداءه الرايع فقط بل لا انسانيته وما يعطيك من تقدير وحب يفوق الوصف له مواقف كثيره ان صرحت بها قتلت كل ماهو جميل احس اننى اعجز ان اقول اكثر من ذلك فيه. فهو فى نظرى رغم تباين وجهات النظر فنان له الكثير ليقوله ولم يقله وله مستقبل اذا صاغه جيدا واظن انه قادر على ذلك مستقبل وطريق مختلف. حفظك الله اخى طه ومليون سلام
07-23-2013, 09:51 PM
ودالعباسية
ودالعباسية
تاريخ التسجيل: 10-28-2002
مجموع المشاركات: 2442
أغنية البداية ضابط السجن للشاعر محمد حامد اَدم كانت من أسوأ أغانى الحلقة من ناحية الأداء، حيث تم إستهلال الغنية بالمقطع الأول من أغنية حتى الطيف رحل خَلّانى ما طيّب لِىْ خاطر للفنان محمد كرم الله والتى لم يكلف عميد شباب البرانامج (جمال فرفور) نفسه من حفظه جيداً حيث بدأ متردداً فى بعض الكلمات (بمشى وأجيك باكر) مما يدل على العجلة على تسجيل حلقات البرنامج وعدم التأكد من الحفظ، وكذلك يبدو عند الإنتقال من الرمية للأغنية وتغيير السلم الموسيقى والذى كان غير ملائم مع جمال فرفور حيث لم يكن مرتاحاً عندما بدأ غناء المقطع الأول (يمكن ملاحظة ذلك بالرجوع للتسجيل)، وقد يكون إختيار السلم الموسيقى بواسطة الفرقة الموسيقى تم ليكون ملائماً ليغنى به كل من فرفور وعبد الرحمن عبدالله فجاء ملائماً لعبد الرحمن عبد الله والعكس بالنسبة لجمال الذى كان يعانى كثيراً فى الأداء، وهذا ما يقودنى للقول أنه كان من الأفضل إختيار مغنى اَخر يستطيع أن يغنى مرتاحاً مع عبد الرحمن عبد الله، ويكون إستايله فى الغناء أقرب الى عبد الرحمن عبد الله والذى حسب رأيى أن جمال فرفور بعيد كل البعد عن هذا الإستايل.
07-24-2013, 01:25 AM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
طبعاً اللحن هو تُم تُم مُفرغة فيهو الكلمات يعني تحوير يعني حواء الطقطاقة عليها الرحمة غنته كأغنية رقيص عروس وكانت بتغنيهو ياعينيا ياعينيا يالرايقة أم شعوراً حية .. أها ياعينيا ياعينيا دي .. عبارة عن نص شعري للشاعر والكاتب المسرحي خالد أبو الرووس .. وإستخدم اللحن القديم بتاع التُم تُم ... اها مع الأيام النصوص إتداخلت وطلعت لينا الأغنية دي .. ولكن يبقى غالبية النص للأستاذ / خالد أبو الرووس ... كووووووووووووووووووووووووووووووووووووووووول المعلومات دي بتلقوها هنا في الملف المرفق مع هدية رمضانية خفيفة علي اللحو وكمال ترباس وخوجلي عثمان وعثمان الشفيع .. وعوض بابكر .. وياعينيا وياعينيا )..
قصة أغنية ياعينيا ياعينيا وشاعرها - أضغط/ي على الرابط
ودمتم بسلامة .،،،
يا هيثم ياخي شكراً كثيراً للتوثيق الصاح ده .. سلمت يا هيثم من كل شر
،،،،،
07-24-2013, 01:45 AM
الليندي
الليندي
تاريخ التسجيل: 05-27-2002
مجموع المشاركات: 1188
Quote: الاخ العزيز اللندى و الاخوة المشاركين هذه ملاحظات من قارئى منتظم لهذا المنبر وقد كلفنى بكتابتها لكم:
أرجوا اضافة الاتى على بوست اغانى و اغانى : الشكر الجزيل لكل من ساهم فى تثقيفنا موسيقيا ، والعرفان موصول للندى صاحب الفكره ، الرجل المليان موسيقى سودانية ..... لكن ما دفعنى للكتابة هنا هو إشارات بعض المتداخلين للحالة الصحية لبعض المشاركين فى البرنامج ..... ياشباب نحتاج ان لا نخلط الخاص بالعام .... وفى تقديرى ان هذه الاشارات افتقدت الذوق و الحس السليم فى العالم الذى يحترم خصوصية الانسان ، مثل هذه الإشارات ستكون لها تبعات و استفهامات ومحاكمة كمان ..... اجوا ان نثمن ونعلى من قيمة الحوار العقلانى الذى يرفد دنيانا الصعبة دى بى حاجحه حلوه ، واول شروط الحوار هو الاحترام بمعناه العريض.
ولكم احتراماتى.
دكتور / محمد حسين
تسلم يا دكتور اكيد حنعمل بتوصيك دي نحترم كل من شارك في البرنامج لكن ده ما بمنع أنو نقول رأينا بكل صراحة ودون غططة اما اختلاط العام بالخاص ده يمكن حصل في بعض المشاركات وزي ما قال عزيزنا طارق جبريل هي مسألة خوف علي المشارك من النهايات المأساوية
سلمت من كل شر
،،،،
07-24-2013, 01:53 AM
الليندي
الليندي
تاريخ التسجيل: 05-27-2002
مجموع المشاركات: 1188
Quote: غايتو يا ليندي زي ما بتقوول حبوووبتي البدورووهو تقوولو ليهو موحمممد والما بدورووهو تقولوا ليهو سوجومممت .. :) :)
hاها ما كنت بتقول أنو ( معتز صباحي ) ما بقدر يغني وهو قاعد وأنو انسان خجول وأنو المفترض يجبوا ليهو مايك ستنادر ، طيب عبدارحمن عبدالله ده برضو مابقدر يغني وهو قاعد وما برضو واقف من الغناء فترة طويلة وبرضو كمان كان مريض لفترة طويلة لادولة علاجتو ولا صلاح ادريس ولاجمال الوالي وما برضو ممكن يكون طلع من مودو بعد الخرمجة الحصل في اول أغنية وتاني أغنية ولاده سوجومممممممت
،،،،،،
07-24-2013, 02:11 AM
الليندي
الليندي
تاريخ التسجيل: 05-27-2002
مجموع المشاركات: 1188
Quote: كدي براااحة كده ممكن توروني لييي أو إيييه الأسباب اللي خلتكم تدو أغنية دمعي الإتششتت الأوسكار؟؟ هل بناء على الدويتو؟؟ هل بناء على التناغم الصوتي
كنت عايزك يا ليندي تحلل لي الاغلاط اللي وقعت فيها نسرين هندي سواء في طريقة نطق الكلمات أو في طريقة عدم تكرار بعض المقاطع بي الطريقة المعروفة .. وأكووون من الشاكريين إنو وجدت هذه الأغلاط ..
تخريمة : أررريراا أرريرررااأأهههه القالتا نسرين في الأول دي تفتكر إنها عااادية كده يا الليندي ؟؟؟
والله يا عمر الحلقة غالبية الغنا الفيها كان ديتو واحسن ديتو كان بين ( نسرين ومصطفى ) لانو كان في تناغم صوتي واضح وما كان في خرمجة كثيرة وطبعاً في أخطأ وقعت فيه نسرين ومصطفى لكن ما اثرت علي المعني وزي ما جابا صديقي سفيان نابري
Quote: اسير حبك أنا ليل ونهار و قالو :- اسير (ريدك) انا ليل و نهار
فما اثرت علي معني البيت وبعدين ديل ماسكين اللحن صاح عشان كده ما بترصدم لكن الناس الباقية عليهم شنا وقلة أدب ما بنخليهم لا لحن سليم لاأداء سليم وكمان معاها كلمات تغير معنى الكوبلي الفي الأغنية اما ( أررريراا أرريررر ) دي ما عادية دي تحلية للغنا ( سلطنة ) أن تردد اللحن الموسيقى بدندنة ، كده بالله شوف وردي ده بتسلطن في الطير المهاجر في حفلة الاذاعة في الستينات كيف دندنة بالصوت عجيبة خالص
تخريمة :
انت ما قلت انو وردي المفروض كان يقيف لما صوتو اتغير اها الليلة ( دينا خالد ) قالت أنو وردي صوتو ما اتغير لحدى ما فارق الدنيا دي مالك ما رديت ليها شكلها ( دينا خالد ) دي بتهرشك يا صاحب ...
الطير المهاجر - حفل الأذاعة كلمات - صلاح احمد ابراهيم الحان وغناء - الموسيقار محمد وردي
،،،،،،
07-24-2013, 02:30 AM
الليندي
الليندي
تاريخ التسجيل: 05-27-2002
مجموع المشاركات: 1188
اها حلقة اليوم من أسواء ما شاهدت وزي ما قال طارق جبريل كوجين السود
غايتو ( سعد الدين الطب ) يا نبه العازف بتاع الكي بورد المعاهو يا شاف مودو ما كويس قال ليه مشي مشي
غايتو ( مليجي ) قرب يشرط الايقاع
اها زحل يقولوا عليها شنو ( شايل الشباب في نهيد اماما ) معقولة تقبلا مرتين ( شايل الشباب في لهيج اماما ) وبعدين اول مرة اسمع لي كلمة ( لهيج ) دي علي وزن ( لهيب ) دي غايتو ما ادوننا ليها في اغلاط اكبر من الغلط ذاتو
يا سلام علي بتاع الساكس ما يستاهل اوسكار
،،،،،
07-24-2013, 02:59 AM
الليندي
الليندي
تاريخ التسجيل: 05-27-2002
مجموع المشاركات: 1188
Quote: ما اثرت علي معني البيت وبعدين ديل ماسكين اللحن صاح عشان كده ما بترصدم لكن الناس الباقية عليهم شنا وقلة أدب
الليندي تحياتي ورمضان كريم.................. اولا لابد من الاشادة بما قدمته في هذا البوست , ودعني اهمس في اذنك بان الجنوح لمثل هذا العنف اللفظي لا مبرر له ولا يخدم غرض النقد الفني والذي يفترض ان لغته يجب ان تكون رفيعة ومنزهه عن الشطط, الملاحظ انك عندما تقدم معلومات دائما ماتكون موضوعيا ومفيدا ولكن عندما تبدئ اراء تنزلق بسهولة للتجريح!! It is not so much the language you use but the tone in which you convey it and it is not so much what you say but the manner in which you say it
07-24-2013, 05:56 AM
سفيان بشير نابرى
سفيان بشير نابرى
تاريخ التسجيل: 09-01-2004
مجموع المشاركات: 9574
دنيا و اخرة يا قيقا و معها محبة شديدة لشخصك ورحوك الحلوة دي بس لااازم تلقى (لطشة) الصوت بتاعة اللحو العند السني دي و اللطشه دي اصلاً ما عندها علاقة بابداؤود .
يا شهاب الفاتح يا صديقي العزيز سلامات ياخ صدقني لو رضينا بالشيلة ناقصة حاجة بكرة الشيلة ما بتجي ذاتو و انتو (بتجو) مع العفش .
يا الليندي نحنا لو سكتنا ليهم عشان ماسكين اللحن يبقي باكر باكر يمكن يشبكونا أي كلام زي اللحن و ما نقدر نقول تلت التلاته كم !.
قد يتاثر الانسان فى احيان كثيره با اشخاص ويمتن لهم با الكثير فمثلا كم نحن ممتنين او انا شخصيا لا اخى العملاق محمد الامين فله الفضل فى تقديمى للجمهور من خلال تواجدى فى فرقته الموسيقيه. وهنالك الكثيرين مما دعمونا فى بدايه مشوارنا الفنى منذ ان كنا طلاب فى الكليه. لهم منا كل التقدير ولكنى اود ان اكتب اليوم عن هذا الفتى المهذب الفنان طه سليمان فهذا الانسان لم اجد ولن اجد ما اوصفهه به من كلمات رغم اننى ليس من ضمن منظومتهه الموسيقيه الرائعه ولكن اقول والحق اقول يدهشنى بتعامله الراقى واسلوبه فى التعبير. وانسانيته المفرطه حد الروعه. وتواضعه الكبير رغم نجوميتهه الصارخه فهو يعطيك من الحب والاحترام والتقدير ما لا تستطيع وصفه وللحقيقه انا مععجب به لا لخامه صوته واداءه الرايع فقط بل لا انسانيته وما يعطيك من تقدير وحب يفوق الوصف له مواقف كثيره ان صرحت بها قتلت كل ماهو جميل احس اننى اعجز ان اقول اكثر من ذلك فيه. فهو فى نظرى رغم تباين وجهات النظر فنان له الكثير ليقوله ولم يقله وله مستقبل اذا صاغه جيدا واظن انه قادر على ذلك مستقبل وطريق مختلف. حفظك الله اخى طه ومليون سلام
مش قلت ليكم؟؟؟؟ أها طالما كلام القصير ما بتسمع.... جاتكم من ناس الشئ زااااااااااتهم :)
إنتوا يا أخوانا لاحظتو إنو أمبارح عبد الرحمن عبد الله قاطع كل من غنا أغنية ليهو سواء أن كانت ضابط السجن أو ست الفريق؟ إلا لمن غنا طه الراجل ما لقى حتة يدخل فيها وفضل الإستمتاع بس :-)
يا عمر الفاروق..... والله بقيت كل ما أكتب حاجة أتذكر محومممممد وسوجومممممت أضحك براااي
سلام لكل المتداخلين ..ومتابعنكم والله لكن المود ما ظابط ..عشان كدة غلبنا التعليق ..
Quote: هذه رسالة كلفني بها الصديق دكتور محمد حسين الحسن بإنجلترا اان انقلها لكم
ارجو اضافة الآتي علي بوست أغاني وأغاني:الشكر الجزيل لكل من ساهم في تثقيفنا موسيقياً والعرفان موصول لليندي صاحب الفكره،الرجل المليان مسيقي سودانيه،،لكن ما دفعني للكتابه هنا هو إشارات بعض المتداخلين للحاله الصحيه لبعض المشاركين في البرنامج ،،يا شباب نحتاج ان لا نخلط الخاص بالعام،،وفي تقديري ان هذه الإشارات افتقدت الذوق والحس
اعتقد انه اختنا داليا هي من ذكرت موضوع الحالة الصحية لي معتز صباحي لكن من دافع الخوف عليه ولا ارى حرجا في ذلك
شكرا يا طارق تسلم على حسن الظن ..
بالنسبة للدكتور محمد حسين .. أن شاء الله ما يكون دكتور / طبيب ..لأنه في الحالة دي بكون غريب أنو يشوف السؤال عن الصحة عدم ذوق؟..
على أي حال ..أنا استفسرت ؟ عشان ما ااستمر في القسوة عليه ..وتصدق اي شيء في حياة الفنان الخاصة ملكه وما في داعي التطرق ليها ..إلا الصحة ..عارف ليه ؟ لأنها بتظهر وما بتدسى وبتأثر بشكل مباشر في الأداء ..والصحة دي ما ضروري تكون مرض خطير .لا سمح الله .حتى لو نزلة برد عابرة ..وتزامنت مع برنامج مثلا او حفلة ده بدي إنطباع خطأ عن صوت الفنان ..
وعموما نعتذر إن بدا تساؤلنا نوع من قلة الذوق ..صحة موفورة للجميع ..ولصباحي كل الأمنيات بصحة زي الفل ..
كروتة ساكت يا سـفيان؟ كورتة على أصولها، وفوضى، وكرو كرو زي ما قالت دينا، وكيكبة (كما يقول حسين شندي بلجنته المحببة).. أسوأ الحلقات على الإطـلاق من حيث سـوء الحفظ للحن والكلمات، وسوء الأداء مع بعض.. بتذكروا يا شباب قلتو طه ما عـرف لحـن هـوج الرياح؟.. هـاكم شوفوا ضياع اللحن الأمو بت عم أبوه زي ما عملوا فرفور في ضابط السجن، ودا سبب الخرمجة في الموسيقى لأنو بعضهم كان بحاول يجاري فرفور ويعزف لزمة مناسبة للحن فرفور والبعض يعزف اللزمة الصحيحة.. خليك من ضابط السجن، لكن أغنية شهيرة جداً زي الطيف فرفور ما حافظ ولا مقطع واحد منها.. وكذلك الدويتو بتاع نادر والبت، الذي زاد سوء الأداء وسوء الحفظ سوءاً بالتكرار.. حتى عبدالرحمن نفسـو غناّ جدي الريل بطريقة الحفلات بالترديد الكتير مثل: غني وغني أو غنوا كما في البرنامج، وهي في الأصل: غني وفرح الوجدان (فقط).. ونلاحظ رغم أنو دي من الحلقات القليلة الإمتدت لحوالي 45 دقيقة لذلك لولا التكرار الكتير لأمكن التغني بعدد أكبر من روائع عبدالرحمن (على علات الحفظ والأداء الكتيرة).. إنتو ياخوانا الغـرابة ديل كان قلنا مهمـشين غلطانين؟! فأداء (الشباب وفرفور!) وباستثناء طه يجعلني أزعم إنهم أول مرة يسمعوا الغنا دا وفقط حاولوا يحفظوا الكلمات وربما إستعملوا بخرة لذلك فرفور كان كل لحنو غلط في غلط.. الليندي برضو أنا في الحلقات السابقة علقت على شغل الهادي ساكس، وقلت علاوة على شغلو وتكنيكو العالي وإنو بشتغل الميلودي كاااامل عكس كتير من عازفي الساكس، برضو قلت يتميز بالتنويع الجميل وما بردد ليك نفس الجملة بنفس الطريقة حتى لو كررها أي عدد من المرات زي ما شفتوا أمبارح، ومثال آخر أوضح تلقوهو في شغلو في (ليمون بارا) في الدورة الماضية:
07-24-2013, 08:57 AM
عمر الفاروق
عمر الفاروق
تاريخ التسجيل: 10-10-2005
مجموع المشاركات: 9669
Quote: انت ما قلت انو وردي المفروض كان يقيف لما صوتو اتغير اها الليلة ( دينا خالد ) قالت أنو وردي صوتو ما اتغير لحدى ما فارق الدنيا دي مالك ما رديت ليها شكلها ( دينا خالد ) دي بتهرشك يا صاحب ...
غايتو للضماااان كده ما بتذكر قلت وردي يقيف دي لأني كنت من الناس البتقول إنو وردي لسسسة بي خيرو وبتذكر مرة ناذر تقريباً أو زول تاني فتح بوست بالخصوص ده وانا عارضتو .. بس والله نصيييحة كده ما متذكر طالبت وردي يقيف.. مع إنو فعلاً دينا زادتها حبة إنو وردي لحددي ما مات كان بكامل أناقته الصوتية ودي ما حاصلة لكن كمان ما لي درجة يقيف من الغنا.. أما إن دار محور سؤالكم عن بتهرشني فالنصيييحة بتهرش يااخ ..وانا غلبااااااااان يا قول عادل امام :):):)
متابعين نقلك الممتع للبرنامج المحبوب . بس ياخ شايف نص مجهود القناة ونص مجهود الناس ديل كلهم رأيح ساكت مع تخلف الاضاءة . توزيع الضوء توزيع كعب . الضوء وضبتو هو البخلي المتابع يتابع أنفعال الفنان مع الأغنية .. وبعدين تاني ياخ الأستديو صغير وشكلو و حجمو ما حجم برنامج بي دي الشهرة والديكور دأك بس خلو ساكت .
مع التحية ليك وللمشاركين
07-24-2013, 03:28 PM
saif basheer
saif basheer
تاريخ التسجيل: 11-29-2004
مجموع المشاركات: 1426
أتابع هذا الخيط متى ما سمح لي زمني، وودت المشاركة في أكثر من مرة، لكن لا اتمكن.
تابعت حلقات البرنامج من بدايتها وحتى حلقة الأمس،، وربما يكون ما أود كتابته قد سبقني أحد المتداخلين وكتبه في صفحات البوست التي تعدت الطاشرات.
معظم الحلقات هزيلة، أداء ضعيف، ويفتقر إلى الحرفية في أغلب الأوقات، وحتى الفرقة الموسيقية لا تشعر بوجود ذلك التناغم الذي كان يميِّز معظم حلقات السنوات الماضية.
لكن أكثر ما جعلني اتعجب لحلقات هذا العام، إحساسي وكأن البرنامج أعده السر قدور هذا العام من أجل فرفور. وأصبح وكأنه مقرراً أن يبدأ جمال طبعاً بأن يطلب منه السر ذلك. وكالعادة في نهاية كل أغنية يكرر السر نفسه قائلاً لجمال "أبدعت" ولا أدري من أين أتى السر بهذا الوصف لأداء جمال الذي أتى ضعيفاً في كل الأعمال التي قدمها، ولو كنت مكان جمال لما حاولت حتى مجرد التفكير في أداء أغنية مثل "سال من شعرها الذهب". فهذه الأغنية يبدو أن ود الحاوي لحنها بالتحديد لصلاح بن البادية لعلمة بأن الأخير يستطيع أن ينتقل تلك النقلة في الصوت بصورة مذهلة. ربما لو حاولها طه لجاءت مقبولة.
المهم، ما دفعني للكتابة هو فرض مقدم البرنامج المقرر "جمال" على المشاهدين لدرجة الملل.
07-24-2013, 05:07 PM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
Quote: وبعدين ديل ماسكين اللحن صاح عشان كده ما بترصدم لكن الناس الباقية عليهم شنا وقلة أدب
معقول يالندي ياااااخ انت عايز تدخلنا في المحظور ولا شنو يادوب ناس ود جبرين يتدثون عن اللبس والاناقه يازول يظهر رمضان دخل العضم خلالالالاص . . . بالجنبه :- ياجماعه الناس دي كلها بقت تخرمج حتى الفرقه الموسيقة بقت شايته وين ما معروف مرات بدوني احساس انهم شغالين من غير بروفا ت معقول يااااااخ بقترح للناس في البرنامج بعد كدا تتفرج على اناقة طه سليمان و معاز اما الغناء دا خلوهو لناسه فقط زمان الفنان العطبراوي قال ماعندنا مانع الشباب يغني غنانا بس بالطريقه الصحيحه وزي ماقال ود جبرين البنسمع فيهو دا كوجين السواد والرماد
07-24-2013, 05:42 PM
الليندي
الليندي
تاريخ التسجيل: 05-27-2002
مجموع المشاركات: 1188
Quote: ما اثرت علي معني البيت وبعدين ديل ماسكين اللحن صاح عشان كده ما بترصدم لكن الناس الباقية عليهم شنا وقلة أدب
الليندي تحياتي ورمضان كريم.................. اولا لابد من الاشادة بما قدمته في هذا البوست , ودعني اهمس في اذنك بان الجنوح لمثل هذا العنف اللفظي لا مبرر له ولا يخدم غرض النقد الفني والذي يفترض ان لغته يجب ان تكون رفيعة ومنزهه عن الشطط, الملاحظ انك عندما تقدم معلومات دائما ماتكون موضوعيا ومفيدا ولكن عندما تبدئ اراء تنزلق بسهولة للتجريح!!
صديقي وليد عبداللطيف كتب
Quote: وبعدين ديل ماسكين اللحن صاح عشان كده ما بترصدم لكن الناس الباقية عليهم شنا وقلة أدب
معقول يالندي ياااااخ انت عايز تدخلنا في المحظور ولا شنو يادوب ناس ود جبرين يتدثون عن اللبس والاناقه يازول يظهر رمضان دخل العضم خلالالالاص . .
آسف جداً أذا فهم حديثي بأنه عنف لفظي لكن حقيقة لم اقصد ( شنا وقلة أدب ) بالمعنى المجرد للكلمتين ولكن مثلما نقول ( حلا وخفة دم ) يعنى ما قصدت الشكل والاخلاق لانو ديل ما بهمونا نهائياً في الفنان ، قصدت الاداْ وحفظ الحن والكلمات وضربت كمثل كنا بنقولوا لكن برضو بكر آسفي وبعتذر لكل من اصابه هذا العنف ولكم ولكل المشاركين والمتابعين عميق الاسف وشكراً هشام عمر ووليد عبداللطيف علي التنبيه .
،،،،،
07-24-2013, 06:05 PM
الليندي
الليندي
تاريخ التسجيل: 05-27-2002
مجموع المشاركات: 1188
Quote: لكن أكثر ما جعلني اتعجب لحلقات هذا العام، إحساسي وكأن البرنامج أعده السر قدور هذا العام من أجل فرفور. وأصبح وكأنه مقرراً أن يبدأ جمال طبعاً بأن يطلب منه السر ذلك. وكالعادة في نهاية كل أغنية يكرر السر نفسه قائلاً لجمال "أبدعت" ولا أدري من أين أتى السر بهذا الوصف لأداء جمال الذي أتى ضعيفاً في كل الأعمال التي قدمها، ولو كنت مكان جمال لما حاولت حتى مجرد التفكير في أداء أغنية مثل "سال من شعرها الذهب". فهذه الأغنية يبدو أن ود الحاوي لحنها بالتحديد لصلاح بن البادية لعلمة بأن الأخير يستطيع أن ينتقل تلك النقلة في الصوت بصورة مذهلة. ربما لو حاولها طه لجاءت مقبولة.
المهم، ما دفعني للكتابة هو فرض مقدم البرنامج المقرر "جمال" على المشاهدين لدرجة الملل.
222222222222
اهو الليلة برضو بداية الحلقة ( بفرفور اصابعو ) رغم أنو ادى الأغنية بشكل جيد لكن فعلاً اصبح زي المقرر
،،،،،،
07-24-2013, 06:29 PM
الليندي
الليندي
تاريخ التسجيل: 05-27-2002
مجموع المشاركات: 1188
الحلقة لحدي هسي ما شفتها بس عايز اقول ليكم غناء الطيب عبد الله سمح مافيهو كلام لكن في وجهة نظري مفروض يغنيهو زول خلاف الطيب عبد الله (انا اصلي جني وجن الفنان البيجك كانو عندو ازمة او مشكلة كبيرة في حياتو)
في فنانين كتاااار مفروض غناهم يغنوهو ناس تانين صلاح مصطفي برضو واحد منهم و كتار جداً جداً ما عايز اعدد .
07-24-2013, 07:38 PM
الليندي
الليندي
تاريخ التسجيل: 05-27-2002
مجموع المشاركات: 1188
غايتو (عود لينا يا ليل الفرح) الشباب هجموها كورالياً بشكل كعب خلص و كانت مفتتح مااا بطمن .
الليلة (عميد شباب البرنامج) ادلى بدلوه عديل كده ... (كلمتكم قلته ليكم البرنامج دا فرفور ما بتخارج منو لانو داقي فيهو -ديل- مع عمكم قدور). كيف هان عليك يا حبيب تسلاني آداء فرفور اتوفق في الآداء بشكل اعجبني صراحة لانو ما صرخ و الآداء الكورالي كان صوت صباحي ظاهر بشكل كبير .
معتز صباحي (الابيض ضميرك) ..عزوز... الليلة يوم النضم بتاع الشباب معتز برضو اتكلم - هسي يجي عمر ال(شاتور) يقول لو عاصم البناء موجود ما كان خلاهم ينضموا- معتز و قف ليها فوووق و الاستديو معاهو و معناها حيسلمه 100% قال :- و الله احلي من زهر الربيع وهي :- اندى من زهر الربيع (الاوسكار لبتاع الساكس في الاغنية دي و سعد الدين عمل حركات جميلة) معتز صباحي متجلي جداً جداً و بيلعب في الأماكن الصعبه ظهرت الحاجة في الكسرة الخفيفة بتاعة الدموع السايلة مني بس مشاركة فرفور كان ممكن تطيح بالأغنية نهائي). مصطفي السني (نبع الحنان) صراحة اول مرة اسمع شغل مختلف لمصطفي (غالبية شغل مصطفي يركز على أبو داؤود و الحقيبة) لكن في الأغنية دي مصطفي اشتغل بجد و آداها بشكل جيد جداً و طلع اسم الدلع (درش). طه (الضرس) و السنين بمشاركة الطيب عبد الله ... (الغناء البوصفوهو باليد زي ما بعمل الطيب دا ماااابينفع) الطيب عبد الله كتل بداية الأغنية كتل شديد و طه صوته غير مرتاح لهذا الآداء .. يستلم طه بشكل جيد و يشتغل بمزاج بس مشاركة (سيد الشئ ذاتو) تخصم من آداء طه الكتييير مع الكسرة في الاغنية يستمر طه في محاولاته الجادة لكن الطيب عبد الله يواصل (كعبلته) ... طه ما كعب بس عمكم دا ما عتقو و لا نفع (صوتو) السكبو و لا شفع عندو أي حاجة ذاتو و واضح انو القصة جاطت في الكسرة الاخيرة (الغريب عن وطنو) لانو الطيب عبد الله و ضح تمام انو صوتو (بابح) و طه عمل حركات صوت في الجزء دا بيوضح امكانياتو الكبيرة جداً و ناس الاستديو كلهم عايزين فرقة في الجزء دا .
07-24-2013, 09:00 PM
شهاب الفاتح عثمان
شهاب الفاتح عثمان
تاريخ التسجيل: 08-28-2006
مجموع المشاركات: 11937
Quote: معتز صباحي (الابيض ضميرك) ..عزوز... الليلة يوم النضم بتاع الشباب معتز برضو اتكلم - هسي يجي عمر ال(شاتور) يقول لو عاصم البناء موجود ما كان خلاهم ينضموا- معتز و قف ليها فوووق و الاستديو معاهو و معناها حيسلمه 100% قال :- و الله احلي من زهر الربيع وهي :- اندى من زهر الربيع (الاوسكار لبتاع الساكس في الاغنية دي و سعد الدين عمل حركات جميلة) معتز صباحي متجلي جداً جداً و بيلعب في الأماكن الصعبه ظهرت الحاجة في الكسرة الخفيفة بتاعة الدموع السايلة مني بس مشاركة فرفور كان ممكن تطيح بالأغنية نهائي).
ده غنى احلى من سيد الشيء ذاتو ياخي !! .. نابري يا شجاع يا قاهر الاعاصير ..
عمر مدرسة براهو والله, صعب يا عمر ياعجيب .. حبابكم بسمة
:)
______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال
07-24-2013, 09:45 PM
إبراهيم عبد الحليم
إبراهيم عبد الحليم
تاريخ التسجيل: 10-31-2008
مجموع المشاركات: 3563
للاسف هذا المخرج ما داير يمشى بالبرنامج سنتمتر للامام.
الاوسكار لمعتز صباحى. اختلف معاكم. صحيح معتز يمتلك احساس لايقاع وموسيقى الاغنية مبالغة الا انه يكثر منه جدا ومن التطريب بصورة مزعجة والمزعجة اكثر لوك بعض الكلمات مما يخل بالنص. سورى
الجنبة اليمين هى المسيطرة والجنبة اليسار العلمانية - نجوم الغد وكلية الموسيقى محتاجة لسيسى.
البرنامج كلوا محتاج لسيسى وبشدة. واسيساه
بالعدم اقفل البلف يا عوض ههههههه
07-24-2013, 09:52 PM
خالد عبد الله محمود
خالد عبد الله محمود
تاريخ التسجيل: 11-28-2004
مجموع المشاركات: 5393
Quote: يستلم طه بشكل جيد و يشتغل بمزاج بس مشاركة (سيد الشئ ذاتو) تخصم من آداء طه الكتييير مع الكسرة في الاغنية يستمر طه في محاولاته الجادة لكن الطيب عبد الله يواصل (كعبلته) ... طه ما كعب بس عمكم دا ما عتقو و لا نفع (صوتو) السكبو و لا شفع عندو أي حاجة ذاتو و واضح انو القصة جاطت في الكسرة الاخيرة (الغريب عن وطنو) لانو الطيب عبد الله و ضح تمام انو صوتو (بابح) و طه عمل حركات صوت في الجزء دا بيوضح امكانياتو الكبيرة جداً و ناس الاستديو كلهم عايزين فرقة في الجزء دا .
فعـلاً يا حبيب.. عشـان كده طه هـو البرنجي بلا منازع، .. رغـم إنو كان بقـول : لا نفـح :)
07-25-2013, 00:15 AM
وليد عبد اللطيف
وليد عبد اللطيف
تاريخ التسجيل: 08-09-2009
مجموع المشاركات: 6733
شكرا يالندي على هذه الملاحظة ومفروض يضرب جمال عشرين سوط والسر قدور 100 سوط و الفرقه اي وااحد فيهم يمشي يشوف ليهو حاجه تانيه يعني الناس دي تخرمج زي ماعايزه ولا شنو اي زياده او نقص في حرف قد يفقد جمال الوصف والكلمات
. . مره في قعده وكان فيها المخضرم عباس تلودي قال لجمال غني انت اول عشان انا حافظ 400 اغنيه جمال فرفور طبعا ضحك وقال لعباس تلودي طيب انا بغني ليك اول وفعلا تغنى باعنية لم يسمع بها قبل كدا عباس تلودي وقال ليهو دي اضيفها لي الاربعمائية اغنية عشان تبقى اربعمائه وواحد ... عشان كدا انا قلت جمال يضرب 20 سوط لان في منزلهم كانت تنشر الاغاني فرش قبل ما تسجل حتى في الاذاعه جمال كثيرا يخطى ولكن للاسف لايوجد في السودان من يقول له هذا خطا وهذا صحيح الناس ممكن تقول ليهو عادي ياملك وياملعم وفي اشياء كثيرا تكون غلط ياخي في يوم في شريط مسجل للملك فرفور ونزل في السوق وبه كثير من الاخطا وين الرقابه وين الناس البتسمع كويس . . ياجماعة انا قلت ليكم معتز صباحي دا معلم ومعلم عديل قالو عيان ... هنا زمان كنا نقول له كابتن معتز صباحي لان سبق وتم ترشيحه لفريق الهلال السوداني وبسبب السودانيين كالعادة وتنظيرهم لم يتم اتمام الصفقه معتز صباحي لاعب كرة قدم من الطراز الاول حريف وبمسك زمن تمام حتى في ايقاعه لكرة القدم معتز صباحي سمعنا له كثيرا وهو يغني لنا بالعود وسمعنا له حفلات كثيره هنا وغير ذلك تعرفنا على اسرته ووالده عند طريق زميل المنبر معتصم الجمري وكنا نسمع اشعار والده ومرات كثيره كان يغني لنا معتز صباحي في هذه الجلسات بطريقه جميله وتطريب عالي معتز فناااااااااااااان فناااااااان يعني ما عيان الناس تقوم تمسك في حاجات تانيه وهي عدم التحضير لهذا البرنامج بالطريقه المثاليه لذلك كنت اقول كثيرا هنا هذا البرنامج خصم على الفنان
بالجنبه :- ملاحظتك دي يالندي برسلها لفرفور في رابط عشان يعرف برضو في ناس بتعرف تسمع
07-24-2013, 11:43 PM
دينا خالد
دينا خالد
تاريخ التسجيل: 06-26-2006
مجموع المشاركات: 8736
كتب ود العباسية قال ( الليلة الاتو عند صباحى !!!) فدخلت لكى أشوف صباحى (بحت الاتو كييييف !!!) خاصه أننى لعبتو مع أهل صباحى فى العيلفون !! وكنت فاكر صباحى عندو ( آتو المامون زين العابدين ) والمامون يا جماعة صاحب أخوانا الاصغر مننا بى كم سنه صالح مبارك إدريس وبدرى محمد إدريس وهم حرييفين فى الوست وتعلموا الوست من هم صغار !! المامون أصر وهو كبير يتعلم الوست فتنعلم أن الاتو ( آس شايب بت بلى !!!) يعنى لو المامون ما عندو ديل ما بسمى لو الاسنافيك ماشه عليهو !!! للأسف لم أجد آتو المامون ولم أجد أى حت وربما آتو بشرى مبارك البكون عندو خمسة وخمسة سينير بلى ويسمى عشرة ويجيبة 11 لانو زميلو بكون زى المامون عندو آس شايب فى كم بوهية وما سمى !!!.
أنا شخصياً مصر أن معتز صباحى وعلى الرغم من إرتباطى بالعيلفون من السبعينات ولنا فيهم مصاهرة ورحم وصداقات أمتدت من الجيلى الثانوية مروراً بكلية الشرطة واللواء شرطة صديق عثمان محمد حمدنالله صديقى إبن العيلفون بل وأصبحت فى العام 1988م رئيس قسم شرطة العيلفون لمدة سنتين وكتبت أكثر من خمسة قصائد فى العيلفون ومشارك بمنتدى العيلفون ب 3000 موضوع تقريباً وكان يمكننى أن أجامل (ود العيلفون ) معتز صباحى ولكن أقولها بكل صدق وأمانة حتى هذه اللحظة لم أشعر بأى نوع من أنواع التطريب فى أداء معتز صباحى (والذى يلوك الغناء بطريقة غريبة تجعلك تنفر منه عديييل كده !!!) على العموم يحتاج الى إعادة نظر فى طريقته الغنائية .
Quote: معتز صباحي (الابيض ضميرك) ..عزوز... الليلة يوم النضم بتاع الشباب معتز برضو اتكلم - هسي يجي عمر ال(شاتور) يقول لو عاصم البناء موجود ما كان خلاهم ينضموا- معتز و قف ليها فوووق و الاستديو معاهو و معناها حيسلمه 100% قال :- و الله احلي من زهر الربيع وهي :- اندى من زهر الربيع (الاوسكار لبتاع الساكس في الاغنية دي و سعد الدين عمل حركات جميلة) معتز صباحي متجلي جداً جداً و بيلعب في الأماكن الصعبه ظهرت الحاجة في الكسرة الخفيفة بتاعة الدموع السايلة مني بس مشاركة فرفور كان ممكن تطيح بالأغنية نهائي). طه (الضرس) و السنين بمشاركة الطيب عبد الله ... (الغناء البوصفوهو باليد زي ما بعمل الطيب دا ماااابينفع) الطيب عبد الله كتل بداية الأغنية كتل شديد و طه صوته غير مرتاح لهذا الآداء .. يستلم طه بشكل جيد و يشتغل بمزاج بس مشاركة (سيد الشئ ذاتو) تخصم من آداء طه الكتييير مع الكسرة في الاغنية يستمر طه في محاولاته الجادة لكن الطيب عبد الله يواصل (كعبلته) ... طه ما كعب بس عمكم دا ما عتقو و لا نفع (صوتو) السكبو و لا شفع عندو أي حاجة ذاتو و واضح انو القصة جاطت في الكسرة الاخيرة (الغريب عن وطنو) لانو الطيب عبد الله و ضح تمام انو صوتو (بابح) و طه عمل حركات صوت في الجزء دا بيوضح امكانياتو الكبيرة جداً و ناس الاستديو كلهم عايزين فرقة في الجزء دا .
يا سلام يا صديقي سفيان ياخي انا بكتشف الوجه الآخر لك مش الوجه بتاع الاهلية وشلتر النشاط والتجمع واييييك ما عارف زمان ليه ماكان بنتكلم في الغنا ده
،،،،
07-25-2013, 00:53 AM
الليندي
الليندي
تاريخ التسجيل: 05-27-2002
مجموع المشاركات: 1188
الليندي يا حبوب .. انا الحلقة دي تحديييداً زوغت منها و زي ما بيغني خلف الله حمد أعاين فيهو أضحك وأمشي وأجيهو راجع ( ما عارفا كده صاح ولا لافحا ساي .. ) والسبب الرئيسي إنو في كلام حارقني وواجعني و عارف إنو البوست ده ما مكانو وفي نفس الوقت الإنطباعية الكعبة المسيطرة على الناس لمن أتكلم في أمور فنية قد تختلط بي الأمور الشخصية حسب فهمهم .. انا عندي رأي سلبي كوونتو من فترة قصيرة عن الطيب عبد الله لأنو للأسف إسترخص فنّو وبدا يظهر ظهور الشخص المنافق في وسائل الإعلام .. والكلام ده للأسف وضح جليّا في محاولات باهت لا تشبه الطيب عبد الله بتاع زمااان الزول الرسمنا عنو الحس المرهف والحساس من خلال أعماله أو من خلال طريقة تقديمه لتلك الأعمال.. الطيب عبد الله للأسف أعلن عن العودة النهائية الطوعية مرتين وربما أكتر لكن انا عن نفسي حضرت إتنين .. كان بيجي السعودية هنا بيقعد وللأسف كان طلعت موضة فنانين بيرجعوا نهائي بيتعمل ليهم تكريمات بيطلعوا منها بي عائد مادي كويس ودي والله كانت حاجة جميلة وياليت كللل مبدعي بلادي يتوفقوا في هكذا تكاريم.. الطيب عبد الله كان أحد اللذين صرحوا بالعودة النهائية لأرض الوطن وإحتفت به وسائل الإعلام المرئية والمكتوبة وتلقى الجمهور الخبر السعيد وتم تكريمه العيني والمادي والمعنوي و و و من قبل مريديه ومعجبيه ومن الدولة . لنتفاجأ بعد فترة ليست بالطويلة بعودة الطيب عبد الله للإغتراب في السعودية للمرة الثانية .. ولم تدوم طويلاً ليعلن بعدها للمرة الثانية عودته النهائية والطوعية للسودان ..ليعود مسمسل التكاريم والهدايا المادية والنقدية وهذه المرة بصورة عن نفسي أراها ليست بالصورة الكريمة التي لطالما تمنيها ورأيتها في اغاني وإحساس الطيب عبد الله .. وفي مخيلتي تلك الطريقة البهلاونية التي كان يقوم فيها ولده على خشبة المسرح في تكريم زين للفنان الطيب عبد الله وتلك التمثيلية سيئة الإخراج وهم يقفون على المسرح يرددون الأغاني ويحثون الجمهور على الرقص وترديد الأغنيات بطريقة صراااحة رأيت فيها إبتزال لتاريخ هذا الفنان الهرم فقد أساء لتاريخه وتنازل عن الكبرياء الذي طالما رسمناه أو دعوني أقول رسمته له.. ولا أخفيكم سراً إن قلت أنني لنا أتفاجأ إن عاد الطيب عبد الله للغربة في القريييب والقريييب العاجل سواء كان عن طريق إقامة ربما لم ينهيها أو عن طريق عودة جديدة .. ليس سوء ظن ولكن قرائن الأمور توضح ذلك .. محبط انا من الطريقة التي كرّم بها الطيب عبد الله نفسه ,, أما فيما يخص الحلقة فصراااحة هي حلقة باااهتة .. وتعجبت بل وتخوفت أنني من المرات النادرة التي اتقاطع فيها مخالفاً لسفيان نابري.. معتز لم يكن في أفضل حالاته بل لم يغني كما توقعنا للأبيض ضكيرك تلك الاغنية التي تمرس عليها معتز بل وتفوووق فيها على صاحبها في تسجيلات ماستر وحفلات .. فرفور تغنى بأغنية في إيقاعها لا تجذب المستمع لأغني الطيب عبد الله المليئة باشجن وشعرت أن الأغنية صاحبها إيقاع سريع نوعا ما.. الأغنية الجماعية البدائية صراحة ينطبق عليها فيما معنى الأية الكريمة إن أنكر الأصوات لصوت الحمير.. كانت في أصوات كده بالجججد بتهننق مااا بتغني .. ما فرزتها حقت منو لكن اصوات في النهايات كده مااا طبيعية ..
07-25-2013, 03:22 AM
Elmosley
Elmosley
تاريخ التسجيل: 03-14-2002
مجموع المشاركات: 34683
سرقناها من تعليقي في بوست ترهاقا مع التصرف يامعتز ياخ الله يحفظك ما ارتوينا بعد
ياخي انت فلته ومغني مهول والله هسع بعد سمعت الابيض ضميرك شعرة جلدي كل-بت ومسكني الظار عديل ----------
الشاب ده عندما زرت السعودية آوائل التسعينات كان طفلا عرفني به ابوه كعازف موهوب في الاورغ وافتكر الكلام ده كان في جده ومفروض يعمل معاي بروفه ويعزف معاي المهم قام شراني قد يكون لسبب وجيه ثم بعد آن كبر وارتوي من الاداء الخليجي وتعلم منه ذهب للسودان وادهش البلد " عركي كلمني عنه تحديدا" ثم آختفى فجآة وحزنت لذلك وحينما عاد في آغاني وآغاني نق نق بعض اصدقائي وقالو لي انت بتجامل ساكت فعلا معاهم حق في الآول حصلت منو شوية لخابيط ولكنه كلاعب الكره الحريف جدا حلقتين تلاته عادت له الفورمة كآحسن ما تكون فاحرز اهدافا غنائيه لا يفعلها الا بيليه وميسي ومارادونا ونيمار في كرة القدم اقولها لك ان معتز هذا لو حافظ على نفسه فهو في رآيي ياتي في مقدمة الخمسة الاحسن صوتا وغناءا في الاربعين عاما الماضية من فئة الرجال معتز في غنائه للابيض ضميرك آضاف لحنا آخرا للحنها الاصلي هنيئا حبيبنا المبدع الكبير الاستاذ الطيب عبد الله بهذه اللوحة العظيمة التي ابتدعتها فوضعها معتز صباحي في اطار من ذهب ربنا يحفظك ويحفظه ذخرا لنا
07-25-2013, 09:09 AM
بشرى مبارك ود السقاى
بشرى مبارك ود السقاى
تاريخ التسجيل: 08-21-2012
مجموع المشاركات: 1028
يا عمر الفاروق سلام وتحياتى !!! يا أخى أرجوك راجع ما تكتب مثنى وثلاث ورباع !! على الاقل لو ما مطبق الاية فى (النساء ) طبقها لنا فى الكتابة !! يا أخى الاخطاء عندك (تضرس !!!) !!! إنت ما بتشوف طه الضرس ده بسوى فى شنو ؟؟؟
07-25-2013, 04:19 AM
عبير خيرى
عبير خيرى
تاريخ التسجيل: 02-12-2004
مجموع المشاركات: 2440
حلقة اليوم كانت عن الفنان الجميل الطيب عبد الله وفي حضوره ، الطيب عبد الله من مواليد مدينة شندي 1940، بدأ في الغناء وهو في الحادي عشر من العمر عبر الجمعيات الادبية والحفلات الخاصة، كون لنفسه شخصية غنائية اتسمت بالحزن والشجن ، تغنى له من كلماته وألحانه الفنان عبد العزيز المبارك (طريق الشوق مشيناهو) ، هاجر إلى السعودية عام 1980 وهناك أخرج أغنيات جميلة مثل (بنتقابل ، ما هاميك) وعاد إلى أرض الوطن في بدايات هذا العام..
الأغنية الأولى (أماني) كلمات وألحان الطيب عبد الله وأداها جمال فرفور آداء عادي.
الأغنية الثانية (يا الأبيض ضميرك) كلمات اسحق الحلنقي وألحان الطيب عبد الله اداها معتز جميلة رغم انه غناها قبلاً رائعة بالعود ، وظهر تماماً التغيير في صوت معتز.
الأغنية الثالثة (نبع الحنان) كلمات وألحان الطيب عبد الله غناها مصطفى السني فأجاد وأمتعني ، رغم اني كنت متخوفة لأني أول مرة أسمع مصطفى في لون تاني غير الحقيبة وأبو داؤود، إحساس عالي ووزنة صاااااح والفرقة اشتغلت بي مزاج ، والطيب عبد الله ذاتو استمتع وصفق وبشر الله يمتعك يا درش ياخي دنيا وآخرة ..
الأغنية الأخيرة (السنين) كلمات وألحان الطيب عبد الله وغناها طه والطيب عبد الله وكانت جميلة ..
حلقة اليوم من أجمل الحلقات على الإطلاق ، افتقدت فيها (نادر خضر) رحمه الله ، والأوسكار مشترك بين مصطفى ومعتز ، بكرة أحلى ..
Quote: طه (الضرس) و السنين بمشاركة الطيب عبد الله ... (الغناء البوصفوهو باليد زي ما بعمل الطيب دا ماااابينفع) الطيب عبد الله كتل بداية الأغنية كتل شديد و طه صوته غير مرتاح لهذا الآداء .. يستلم طه بشكل جيد و يشتغل بمزاج بس مشاركة (سيد الشئ ذاتو) تخصم من آداء طه الكتييير مع الكسرة في الاغنية يستمر طه في محاولاته الجادة لكن الطيب عبد الله يواصل (كعبلته) ... طه ما كعب بس عمكم دا ما عتقو و لا نفع (صوتو) السكبو و لا شفع عندو أي حاجة ذاتو و واضح انو القصة جاطت في الكسرة الاخيرة (الغريب عن وطنو) لانو الطيب عبد الله و ضح تمام انو صوتو (بابح) و طه عمل حركات صوت في الجزء دا بيوضح امكانياتو الكبيرة جداً و ناس الاستديو كلهم عايزين فرقة في الجزء دا .
أحييك في (بعدك) :-)
07-25-2013, 07:33 AM
عمر عبد الخالق سعيد
عمر عبد الخالق سعيد
تاريخ التسجيل: 08-14-2005
مجموع المشاركات: 2235
أستاذنا الموصلي : خاااايف أقول ليك أنصفت الولد تقوم تدفنا لي وتاني في أييي خلاف تجي تقول لي يا عمر إشمعنا وافقتني في رأيي عن معتز ورفضته في رأيي عن فلان :):):).. بس الكلام القلتو عن معتز فعلاً مختصر مفيد .. ولو إنو عندي ملاحظة على اداء معتز للأبيض ضميرك في الحلقة بعكس ما غناها في تسجيلات جلسات وشرايط وزمااان انا عملت بوست عن الاغنية دي تحديييدا بي صوت معتز هي ومعاها ربيع الدنيا ..
Quote: وافتكر الكلام ده كان في جده
ما متأكد بس حسب العرفتو إنو في الفترة الأخيرة معتز كان مقيم في الرياض والله أعلم.. وبالمناسبة معتز رجع السودان ما للغنا .. رجع يسجل في فريق الهلال لاعباً لي كرة القدم .. وحصلت ليهو معاكسات وعراقيل يوم التسجيل في فريق الهلال.. أول مرة أسمع بي معتز كان عن طريق الزول الجميل عازف الفلوت غاندي .. رماها كده اثناء جلسة .. قال لينا الليلة انا شغال مع ولد عجيييب ..غناااااي شديد ..وبتذكر الجملة القالا غاندي .. قال لينا انا ما بعزف إلا ورا الزول البيمتعني .. ثم بسخريته المعهودة واصل ( وعدادو رااامي :) ..).. وطلب مننا نسمع الزول ده .. ودارت الأيام ويا غاندي كلامك مشى وجا..
07-25-2013, 10:08 AM
Elmosley
Elmosley
تاريخ التسجيل: 03-14-2002
مجموع المشاركات: 34683
Quote: أستاذنا الموصلي : خاااايف أقول ليك أنصفت الولد تقوم تدفنا لي وتاني في أييي خلاف تجي تقول لي يا عمر إشمعنا وافقتني في رأيي عن معتز ورفضته في رأيي عن فلان :):):).. بس الكلام القلتو عن معتز فعلاً مختصر مفيد .. ولو إنو عندي ملاحظة على اداء معتز للأبيض ضميرك في الحلقة بعكس ما غناها في تسجيلات جلسات وشرايط وزمااان انا عملت بوست عن الاغنية دي تحديييدا بي صوت معتز هي ومعاها ربيع ال
عمر اخوي ياخي مافي مشكله ابدا في الاختلاف آصلا انا ما سمغتو بغنيها قبل كده للاسف لكن لوغناها آحسن من كده قبلا حسب كلامكم يبقي الزول ده بالغ عديل اها برغم ذاكرتي الخربه مازال يخيل لي الموضوع ده كان في جده وليس الرياض تحياتي
لا يا حمد ما للدرجة دي كمان .. ما قصدت سيدا منو ولا حقت منو .. قصدت الزول السمعتها عندو وإرتبطت لي بيهو .. لكن في الكلام متأكد إنو زي في لفحة كده .. مشكلتي الفترة الأخيرة بسمعا من تجسيل حفلة لي محمود عبد العزيز ربنا يرحمو ... وانا محمود عااارفو لمن مرات ما يكون عارف الكلمات بيتصرررف :):) أها انا اي شي عندي مع محمود ..
07-25-2013, 11:23 AM
khaleel
khaleel
تاريخ التسجيل: 02-16-2002
مجموع المشاركات: 30134
Quote: الشاب ده عندما زرت السعودية آوائل التسعينات كان طفلا عرفني به ابوه كعازف موهوب في الاورغ وافتكر الكلام ده كان في جده ومفروض يعمل معاي بروفه ويعزف معاي المهم قام شراني قد يكون لسبب وجيه ثم بعد آن كبر وارتوي من الاداء الخليجي وتعلم منه ذهب للسودان وادهش البلد " عركي كلمني عنه تحديدا" ثم آختفى فجآة وحزنت لذلك وحينما عاد في آغاني وآغاني نق نق بعض اصدقائي وقالو لي انت بتجامل ساكت فعلا معاهم حق في الآول حصلت منو شوية لخابيط ولكنه كلاعب الكره الحريف جدا حلقتين تلاته عادت له الفورمة كآحسن ما تكون فاحرز اهدافا غنائيه لا يفعلها الا بيليه وميسي ومارادونا ونيمار في كرة القدم اقولها لك ان معتز هذا لو حافظ على نفسه فهو في رآيي ياتي في مقدمة الخمسة الاحسن صوتا وغناءا في الاربعين عاما الماضية من فئة الرجال معتز في غنائه للابيض ضميرك آضاف لحنا آخرا للحنها الاصلي هنيئا حبيبنا المبدع الكبير الاستاذ الطيب عبد الله بهذه اللوحة العظيمة التي ابتدعتها فوضعها معتز صباحي في اطار من ذهب ربنا يحفظك ويحفظه ذخرا لنا
أي عارف وشايف الناس الفوق ديل كللللهم قالوا الزول ده مبدع وأبدع اليوم في الأبيض ضميرك ... والناس القالت الكلام ده كلللهم ناس بتتمتع بأضان نضيفة ... وبعرفوا يفرزوا الغنا السمح من الغث ...
والأهم ... كمان من المشيدين أعلاه ... أستاذنا / الموصلي ... وهو من الناس " الإبريقهم مشيول " في الغناء والموسيقى ....
بررررضه غلبني ... الغنا الغناهو الزول ده فيهو حاجة غلط ... وحاجة كبييرة ... بياكل الكلمات بطريقة تقضي تماما على الأغنية ... + تحريك للحنك ...
وده أسوأ أداء للأغنية على مر التاريخ ....
أوعكم تقولو..لي جيب السيرة الذاتية بتاعتي ... مابعرف .. ومادرست موسيقى ... لكن بعرف الغنا السمح بالحيل ....
_____
غايتو صاحبي نابري ... من الليلة ... خلاص خوة فرتق ... بعد رايك في الأبيض ضميرك ..
07-25-2013, 01:23 PM
ياسر منصور عثمان
ياسر منصور عثمان
تاريخ التسجيل: 01-16-2013
مجموع المشاركات: 4496
سمعته كثيرا هنا في جدة ( حيث أنني صديق لوالده الاخ مرتضى صباحي وما زلت ) وانا من المعجبين بصوته بل ومنذ اكثر من 8 سنوات امتلكت له شريط كاسيت من حفلات جدة وكنت اسمعه يوميا
معتز صباحي يحتاج لمن يصقل امكانياته الصوتية ويوظفها كفنان محترف
معنز فنان جاء متأخرا فوجد الغناء والتطريب قد رحلا بعيدا فاصبح بين نارين نار التميز ونار كسب الجمهور (جمهور جلابية بيضة مكوية وهم الاكثرية الآن في السودان وخارجه )
معتز فنان لا ينقصه شيء سوى صقل صوته بالدراسة
(مشاركة لجمال السنوسي – 28/8/2007م)
بوست بعنوان (معتز صباحي افضل من غني منذ ابو داؤود والي الأن )
إنت يا استاذ ما عارف عمر الفاروق ده ابو الغلاط زاتو؟ ههههههههه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة