|
|
 Re: عن حبيبتي ( أركويت ) بحكي ليكم ... (Re: خـالد سـوميت)
|
ياسلام عليك يا النذير ياخ رجعتنى سنين طويييلة لوراء
ياحليل ايام المتوسطة واستاذ البيلى الناظر وايام الجمعيات الادبية
بالله يا النذير واصل فى البوست دا وحاول اتذكر لينا الايام الخوالى ديل
ناس استاذ عادل بيومى وابوسن واستاذ على ابوصلعة داك دفعتنا ناس محمدهاشم
خلف الله ومجدى محمد يوسف ومعتز سليمان وحسام الجلال ود الجريف ودفع الله ..
محمد هاشم ومجدى حالياُ دكاترة وحسام فى السعودية اخر مرة قابلتو وهو درس تقنية معامل تقريباً
....
يلا عليييك الله رجعنا للايام الحلوة ديل يا النذير ...
ياخ متذكر انو السور دا جيبنا طوبو نحنا ..
البيلى كان بيطلب من كل تلميذ يجيب معاهو طوبة كل سبت هههه
السبت الصباح تلقانا شايلين الطوب وماشين على المدرسة وفى الطابور اى زول يقيف
وخاتى طوبو قداموا ... ههههه
انداحوا ياسوميت ويا النذير فى البوست
| |
 
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
سلام يا سوميت ومزمل
الكلام عن مدرسة البيلي يطول
ولي فيها آلاف الذكريات، وإن شاء الله ح أجيء
راجع ليها بي رواقة لمن أفضى
وخصوصاً ذكرياتي مع البيلي
ويا سوميت والله أنا بعد مدرسة البيلي دي فارقت
أركويت وسكنا أمدرمان وبعدها الهجرة خارج السودان، لكن مزمل خيري دا بجيب
ليك خبر ما آلت إليه الآن.
ويا مزمل والله لقيت ذاكرتك حديد ياخي دفع الله
دا نكتو من وييييييين هاهاها وبرضو حسام الدين
الجلال ود خال أشرف الجعلي، كان فردتي موت
وكنا عاملين مكتبة ضخمة وجمعنا فيها كل قصص
المغامرين الخمسة والتلاتة والشياطين التلاتاشر
والله كانت أيام، بالمناسبة يا مزمل حسام الدين الجلال
هسا حالياً في أمريكا.
وبلا شك لي عودة بإذن الله لأسهب في هذا موضوع مدرسة
البيلي العريقة.
تحياتي للجميع
| |
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: حسام عبد الرحيم)
|
حسام ..سلامات ...
فعلا اركويت بقت مليانة حبش بشكل ماعادي وماعارفين الحاصل شنو ؟
وعموماً في منطقتنا عملنا استنفار للشباب لحل كل مشاكل المربع حقنا ( 56 )
وان شاء الله حنعمل حاجات كويسة في القريب العاجل ..
مشاريعنا تتضمن مشاريع انارة للحي ونظافة .... ومشاريع اخرى لن نفصح عنا ..
لانها مفاجأة ... خليك متابع هنا وهناكــ
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: Hatim Alhwary)
|
Quote: حاتم هواري
مربع 65
محطة واحد |
الف مرحب بيك ياحاتم فى بوست اركويت .. كتر خيرك حييت البوست
تانى بعد قرررب يموت بسبب طناش ست البوست ..
اركويت 65 حلة ناس المرحوم خالد مسيك ؟
وقريبى اشعرى محمود أكييد بتعرفو !
مرحب بيك تانى .. وارجو انك تواصل الكتابة فى البوست
عن ذكرياتك فى اركويت .. ياريت ..
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
سلام يا ناس أركويت
والتحية لفردتي مزمل خيري لإهتمامه بتجميع شباب أركويت في هذا البوست
يا هواري مربع 65 فيهو ناس
الباشمهندس عثمان ميرغني
وفيهو عمنا وقريب عثمان حسين وعندو ولدو اسمه عماد عثمان حسين
وعمنا عثمان حسين كان رئيس لجنة المتضررين من سد مروي
بتعرف الناس ديل وللأ أنا بقيت مجلي بين مربعات أركويت
أنا من سكان أركويت القدامى وإنتقلنا منذ زمن بعيد لمدينتي المحببة أمدرمان
مع الأهل.
تحياتي ومرحب بيك في المنبر
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
يا مزمل خيري وين ناس الفيس بوك ناس مدرستي أركويت شرق والبيلي؟!
شايف الردود في الفيسبوك ضعيفة ويا ريت ننزل رابط هذا البوست في الفيسبوك
لإشراك الشباب الحلوين بتاعين الفيسبوك النشطين أمثال:
أشرف الجعلي
لطفي
قدورة الأصلي
ورابطة مربع 59 وعلى رأسهم خالد المرضي وسامر يوسف الطيب وكل الشباب الحلوين
سيف الدين سالم
طارق السر الحاج
إبراهيم حجازي
ومن البنات ناس مدرسة الخرطوم القديمة بنات شايف برضو
سلافة العاقب
وشقيقتي إنتصار حجازي
يا ريت الناس ديل كلهم يشاركوا ويفضفضوا بالذكريات الجميلة عن هذا الحي العريق
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
الابنة سمرية وضيوفها الكرام
تحياتي
عمكم هباني من مواطني حي اركويت منذ العام 77 مربع 52 لمن كانت اركويت من غير كهرباء والموية بتجي بالليل بس وبيتنا في الشارع ما بين محطة الخيمة والبلابل تتجه شرقا ما بعد زريبة العيش والمدرسة الابتدائية بنات المربوع التالي للمدرسة وقبل الفسحة الشرقية....بيت مطرطش بالاصفرجنب ناس عمر مويه والمرحوم محمود وهبي....طبعا بكون اخر مره شفت اركويت قبل ما يلدوك يا بنتي سمهريه!
تحياتي لكل الاهل في اركويت
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: هشام هباني)
|
حضرة الناظر هشام هبانى ..
اولاً نرحب بيكـ كتييير نيابة عن ست البوست الغائبة ليها فترة طويلة من البورد الاخت سمرية وسعيدين جداُ بتشريفك بوست اركويت Quote: عمكم هباني من مواطني حي اركويت منذ العام 77 مربع 52 لمن كانت اركويت من غير كهرباء والموية بتجي بالليل بس وبيتنا في الشارع ما بين محطة الخيمة والبلابل تتجه شرقا ما بعد زريبة العيش والمدرسة الابتدائية بنات المربوع التالي للمدرسة وقبل الفسحة الشرقية....بيت مطرطش بالاصفرجنب ناس عمر مويه والمرحوم محمود وهبي....طبعا بكون اخر مره شفت اركويت قبل ما يلدوك يا بنتي سمهريه!
|
ياخ أنت من الرعيل الاول فى اركويت معناها .!
المربع القاصدو اانت هو مربع 54 وفعلاً دة مربع ناس المرحوم محمود وهبى والمهندس عمر احمد سليمان المعروف بعمر موية نسبة
لعملة فى هيئة مياه الخرطوم زمن طويل .. وانا صديق أسرة لاسرة العم عمر وأمس القريبة دى كنت معاهم وابنهم أِشرف صديق شخصى لى .
بالله ياحضرة الناظر عاود الكتابة الراتبة معانا هنا فى البوست دة وأحكى لينا زكرياتك فى اركويت فى الزمن البعيد داك
ناس كتار من اولاد اركويت خارج البلد براسلونى وبيقولوا ان البوست مازى الاول وفى خمول حاصل ليهو ..
ياريت تشد حيلك معانا وتحرك البوست دة ، وياريت لو كمان ارفقت صور لاركويت زمااان .. تكون ما قصرت تب !!
وياسمرية أنتى وين ياختى ؟؟؟
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
فوق
عشان خاطر اركويت وناس اركويت
وكمان نرحب ترحيب خاص للعمدة هشام هباني
بالله يا مزمل كيف اركويت وناس اركويت والله الواحد مشتاق لكل مربع في اركويت
تحياتي لكل اهلنا في اركويت من محطة ( 1 ) وحتى آخر محطة
وتحية للأخوان في مربع 63 وللأخ الجيلاني وقرض وحمدي ادريس ومجدي سلا وشقيقه احمد
وعلاء الدين واسامة الحلبي وكل الاخوان والله الواحد ما عارف يكتب منو ويخلي منو كلهم أخوان عزاز علينا
تحياتي واحترامي للجميع
أبو كريم
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: سارة عيسى أحمد)
|
Quote: ناس اركويت ازيكم ..
متابعة البوست ده من زمن قبل ما أبقي عضو في البورد ..
ويا سمرية ياريت لو ترجعي تكملي سردك الجميل عن اركويت الجميله
أنا من مربع 46 شارع مدني |
ألف مرحب بيك أخت سارة فى بوست أركويت
وسمرية غائبة ليها فترة ما عارفين الحاصل ليها شنو ؟
ياريت ترجع وتعاود الكتابة تانى ...
وانت كمان واصلى وأكتبى لينا عن 46 وذكرياتك فى المربع دا
ونحن منتظرين ..
سلام ..
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: الفاتح خليل الفكي)
|
Quote: بالله يا مزمل كيف اركويت وناس اركويت والله الواحد مشتاق لكل مربع في اركويت
تحياتي لكل اهلنا في اركويت من محطة ( 1 ) وحتى آخر محطة
وتحية للأخوان في مربع 63 وللأخ الجيلاني وقرض وحمدي ادريس ومجدي سلا وشقيقه احمد
وعلاء الدين واسامة الحلبي وكل الاخوان والله الواحد ما عارف يكتب منو ويخلي منو كلهم أخوان عزاز علينا
|
يا الفاتح ويييينك مسجل غياب من البوست ؟
الشباب كلهم بخيير والحمدلله وأركويت مازالت بخير وستظل بخير باذن الله
تتخيل يا الفاتح أكتشفت أنو درجة تعلقى باركويت دى كبيرة جداً خاصة بعد أتزوجت
ورحلت بحرى ، لكن يوماااتى أنا فى اركويت .. بطلع من الشغل بمشى أركويت وبعدها بمشى بيتى فى بحرى
ياخ والله بنحبها شديييد وبقينا زى السمك الما بيقدر يعيش برة الموية ، اركويت مابنقدر نفارقها ، والواحد يحمدلله
أن البيت الكبير بيت ملك ..
بالله واصل معانا وما تنقطع .. وبوست جاب حضرة الناظر معناهو بوست ما ساهل ... 
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
أخونا مزمل كيفك والاهل
نعم ستظل اركويت بخير لان ناس اركويت ناس طيبين
والله الواحد بيحسب الايام للاجازة عشان نرجع لاركويت وناس اركويت
ولو ربنا سهل الامور رمضان معاكم إن شاء الله أخي مزمل
ومرة ثانية نرحب بالناظر هشام هباني
بالله يا مزمل البوست دا لازم يكون فوق طوالي عشان خاطر اركويت وناس اركويت
بالله شوف لينا وين ناس اركويت وخصوصاً ناس جامعة الفرع
تحياتي لجميع الاخوان
أبو كريم
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: وجدان جمال)
|
| Quote: أها قصرنا معاك ، يلا أتحرك لينا فى البوست دة كمان شوية |
العزيز أبو جوان والله ما قصرت تب
طبعاً أخوك عجز وبقى قاطع وكسلان شوية
علشان كدا ح أعمل كوبي وبيست من ذكرياتي
في مدرستي البيلي وأركويت شرق وأجيبهم هنا
بالمناسبة شايفك جبت حكاوي من الفيس بوك لأباذر حسين
تعرف يا مزمل أباذر حسين دا اسمه الحقيقي أباذر علي خليفة
وفي الحسبة ود عمنا، ودرس الإبتدائي في مدرسة أركويت
شمال، وبتذكر كان أستاذ السر بتاع العربي لأنو جايي من مدرسة
أركويت شمال بقول لينا حليل أباذر لمن ما نجاوب على الأسئلة،
وبرضو أباذر عضو معانا هنا في سودانيز أون لاين بقرأ لكن ما بكتب
ويا أباذر تعال أكتب في البوست دا وللأ ح أقوم أفتك وخصوصاً
أنا ماسك أسرارك بتاع شهر رمضان لوووول أها ح تجيء وللأ أفتك؟
ولا عذر لمن أنذر لووووووووووول وأنا اسمي النذير المبين هاهاها
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
الابن مزمل خيري
تحياتي اليك والي كل الاهل في حي اركويت ومن الليله حاقول ليك الابن مزمل مادام طلعت قدر اشرف ( السغمبوتي) يعني اصغر من طارق ومحمد!!
فعلا الحي 54 وبالله سلم علي الخالة زهره وهي بنت عم الشهيد فاروق حمد الله وزوجها العم عمر موية وسلامي الي عمنا حاج عبد القادر الدنقلاوي جارنا من الجنوب وزوجته الخالة عزيزة شقيقة الفنان زكي عبد الكريم والخالة نعيمة ارملة المرحوم محمود وهبي وصهرها محسن وسلام خاص للابن ( سليم).
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
Quote: ودا بيت (الزعيم)..
زعيم الحلة وكبيرها..
عمنا طة الزبير عمدة المربع وهو اول زول سكن المربع
وبيتو اول بيت دخلتو الكهرباء..
دنقلاوى طيب طيبة مبالغة،، والله يموت زول فى الحلة بالليل
يدق ابواب الحلة دى بيت بيت ويقول ليهم فلان ربنا اخد امانتو منو
ابقو مارقين نستر الجنازة .!
محبوب من الجميع ، ربنا يديهو الصحة والعافية يارب.. |
اتكلمنا عن عمنا طة الكلام الفوق دة صفحة 4 فى البوست
حاليا عم طة راقد فى المستشفى عيان .. ربنا يشفيهو ويقوموا بالسلامة
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
Quote: Ahmed Sid · متابعة · جامعة النيلين كلية القانون
فرن الجرافي موجود حتى الان والزريبة ايضا موجودة ولكن الميدان تم توزيع نصف مساحته لعدة جهات منها مدارس خاصة ومبنى قيل انه ملك لجهاز الامن ومبنى به شقق وبسبب ذلك اصبح الميدان مشوهاً
اسكن اركويت مربع 63 على الشارع الفاصل بين 16 و63 وقريب من مربع |
شكرا يا أخ احمد للمداخلة ، بس قدر ما حكيت راسى عشان اعرفك ود ناس منو فى حلتنا غلبنى !
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
Quote: مدرسة اركويت غرب الابتدائية بنين والعاوز يكتب فى البنات يكتب
تقع المدرسة فى مربع 43 من الناحية الجنوبية يفصل بين مربع 46 و43 على ما اظن الشارع النازل من ظلط مدنى شرقا لمكتب الكهرباء حالية زمااان كان طريق قطااار لانو الطريق المسفلت الان كان مرتفعا بصورة ملحوظة ..
غالبا ما يرتاد سكان المربعات 43 و 45 و 47 و48 و 49 مدرسة غرب يعنى بالعربى يامزمل الناس الساكنين غرب شارع عبيد ختم طبعا جينا من جزيرة بدين لاول مرة عام 79 وسكنا مربع 45 فى المتوسطة سكنا مربع 43 وفى الثانوى مربع 61 يا مزمل عشان ما تقول حاجة البيوت ملك لكن الوالد الله يرحمه كان ببيع ويشترى وكان صاحبه الله يرحمه عمك حجازى والد ابراهيم والنذير
عشان كدا انا عندى علاقات كويسة او معقولة وما تنسى انا لعبت من الزهرة مرورًا بى سانتوس ولعبت فى النصر ولعبت فى التقدم .. شوفتا الكوكتيل دا كيف ؟
المهم انا عاوز افتح الموضوع عشان الباقين يتموا الحكاوى والحكاوى كتيرة لكن الذاكرة خربت من ناس 63 الكانو معانا دفعتنا مجدى محى الدين وعندك خالد باتيرا قدامنا ووليد اخوهو ورانا بعدين ناس مجدى نسيبنا وهيثم اخو ناس عقاد وكتااار غيرهم . .طبعا اولاد 45 تقريبا كلهم منهم يوسف عابدين ومحمد اخوهو ومحمد احمد وعثمان اخوهو ومجدى محجوب و شمس الدين الدويحى واخوانو يازووول اقول ليك الموضوع دا الا اتمو خيال ....
نجى يا حبيبى للمعلمين المدير استاذ وراق استاذ الرياضيات كمال ومقولتة المشهورة (الفى الركن ) استاذ اللغة عربية استاذنا عبد المنعم واستاذ على ومقولتة المشهورة (اسم الله عليك ) واستاذ محمد حامد بالمناسبة استاذ محمد حامد ساكن مربع 63 حاليا واستاذ الفاتح طبعا كان معانا من 47 اخوانا خالد مانجو وخالد احمد المصطفى ومن 45 عامر فرج وبنى اخو هيثم سى سى لاعب الهلال السابق خلو اخونا عمر والشباب يتابعوو
ونواصل ,,,,
لطفى ترجمان – الامارات
|
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: النذير حجازي)
|
شباب اركويت كلكم .... الف سلام ليكم والله
أهاااا قلنا نحى البوست تانى من الأول
اخوكم معتصم - اركويت مربع 46 من الناس الأوائل فيهوو من سنة 76 على ما اعتقد الزمن داك الوالد الله يرحمو في السكة حديد - العزوزاب ناظر محطة ... وكنا بنجى معاهو ايام البنيان في اركويت كانت خلاء عديل كده بتذكر البيوت الكانت في الحى والمكتملة بيت ناس الرواسي وجاره عمك حامد .. ومن جهة ميدان الشروق عمك محجوب الله يرحمه .. كدى يا شباب برجع ليكم تانى لاحلى ذكريات لاركويت .
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: معتصم محمد عبدالرحمن)
|
ازيكم يا ناسي وتاج رأسي ...
حقيقة ما عندي أي سبب مقنع للغياب الطويل ده ...
بس هي مشاغل الحياة ... والمزاج الذي يشابه طقس هذا البلد ...
عليكم الله تعفوا لي ...
وطبعا ما محتاجين شكر ، الناس الكانت بتدوام الكتابة في البوست ...
فالبوست ده حقكم وحق ناس اركويت والبحبوا ناس اركويت ....
وشكر خاص لمزمل خيري ... فهو الراعي الرسمي لهذه الدوحة الجميلة فلولاه لغطس هذا البوست من زمن ...
شكرا ابو جوان
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: سمرية)
|
تحياتي لكم جميعا نشكر الأخت سمريه على البوست الرائع
إقتراح إنو مزمل يستلم رئاسة البوست للفتره الجايه ...ويكون في تبادل لهذه القياده زي ماحاصل عندنا في بوست ناس الزقازيق ..عصام دهب كان صاحب المبادره وبعد كده الحكايه مشت وكل فتره والتانيه يحصل تغيير للقياده..
شكرا السمريه مره أخرى
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: Dr.Elsadig Abdalla)
|
Quote: إقتراح إنو مزمل يستلم رئاسة البوست للفتره الجايه ...ويكون في تبادل لهذه القياده زي ماحاصل عندنا في بوست ناس الزقازيق ..
عصام دهب كان صاحب المبادره وبعد كده الحكايه مشت وكل فتره والتانيه يحصل تغيير للقياده.. |
شكرا دكتور الصادق للاقتراح الجيد ، وحقيقة فعليا عزيزنا مزمل خيري هو القائد الفعلي للبوست ده ..
وانا بالجد ممنونة ليه شديد لتفاعله القوي مع البوست
ويارب حماسه ده ما ينطفى ابدا ، لانه حيضيعنا كلنا لو فعل .....
شكرا ليك يا دكتور
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
Quote:
أخيييييييراً ظهرتى ... الف حمدلله بالسلامة ياسمرية والله
ياخ والله فترت من العتالة من ربع لى ربع جديد ... ضهرنا أتقصى ...
يلا... أستلمى أمانتك ، ونحن معاكى ..
حمدلله بالسلامة تانى ... |
يا مزمل .... استلم شنو ياهو البوست ده سيك سيك معلق فيكـ ،
وياكا أهلها وقدرها ..
شكرا ليك يا زول يا رائع ..
اها خلينا في الجد دايرين نبدأ في التوثيق عبر الصور ..
زمان كان عندك كاميرا بديت تصور بيها وتاني وقفت ..
اها رايك شنو نرجع لحكاية التصوير دي تاني ؟؟؟
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
Quote:
أخيييييييراً ظهرتى ... الف حمدلله بالسلامة ياسمرية والله
ياخ والله فترت من العتالة من ربع لى ربع جديد ... ضهرنا أتقصى ...
يلا... أستلمى أمانتك ، ونحن معاكى ..
حمدلله بالسلامة تانى ... |
يا مزمل .... استلم شنو ياهو البوست ده سيك سيك معلق فيكـ ،
وياكا أهلها وقدرها ..
شكرا ليك يا زول يا رائع ..
اها خلينا في الجد دايرين نبدأ في التوثيق عبر الصور ..
زمان كان عندك كاميرا بديت تصور بيها وتاني وقفت ..
اها رايك شنو نرجع لحكاية التصوير دي تاني ؟؟؟
| |
|
|
|
|
|
|
|
|
|
Re: عن حبيبتي ( أركويت ) بحكي ليكم ... (Re: مزمل خيرى)
|
كل الشكر والتقدير للمهندس بكري ابوبكر على تلبية الطلب بضم البوست للربع الجديد ...
ورمضان كريم يا ناس أركويت تصوموا وتفطروا على خير .. وياما احلى رمضان في أركويت ...
وياها حلتنا زيها وزي أي حلة سودانية شعبية ، استعدادت رمضان ... المتوارثة
عواسة الآبري بشقيه ... ولمة نسوان الحلة في بيت واحدة من الجارات
كنت استمتع بتذوق الآبري الاحمر وهو خارجا من الصاج للتو ، لينا وحارا ودافئا وذو رائحة حميمة ..
واحب اجتماع هؤلاء النسوة رغم صخبهن والضجيج الذي يحدثنه ، بالثرثرة التي لا تنتهي ..
والباب الشارع في ذلك اليوم ، يستقبل العديد من النساء دخولا وخروجا متكررا ،
فعملية العواسة تتم عبر التناوب المتواصل حتى تنتهي كمية الطحين المعد للعواسة
فهناك ( قوز ) كبير ينتظر ان يتحول الى آبري أحمر ، وابيض ...
ويالها من رائحة تلك التي تعبق في جنبات الطريق ، وفي النسمات التي تظلل الحلة تلك الايام
رائحة تمنحني السكينة ، وتعلن اقتراب شهر رمضان ..
رائحة محببة للجميع ...
ربنا لا يحرمنا منها ... ولا يحرم الاجيال الآتية من هكذا عادات ..
رغم انه الآن اصبحت العواسة قليلة ، خاصة في العاصمة فالكل اصبح يعتمد على شراء الجاهز
تحياتي للكل وخاصة اهل اركويت لحبوباتنا وامهاتنا ... الجميلات
للشباب الواعد ... فيها ..
للاجيال القادمة
والرحمة والمغفرة والسلام لمن رحل .. وترك مكانا شاغرا في كل بيت وشارع ....
| |
|
|
|
|
|
|
| |
مزمل خيرى
النذير حجازي
سمرية
وجدان جمال
Hatim Alhwary
هشام هباني
الفاتح خليل الفكي
سارة عيسى أحمد
معتصم محمد عبدالرحمن
Dr.Elsadig Abdalla
فيس بوك
تويتر
انستقرام
يوتيوب
بنتيريست