|
|
 tmbis
|
_
الله يديني طولة بالك دي ياخ 
|
|
  
|
|
|
|
|
|
|
|
Re: tmbis (Re: فيصل نوبي)
|
تمبس كدا حاف يا فلـــه ..؟
..
والله لو لما العيش والملح اصلن ما كان رديت ليك ..
..
واديك ميزة تاني يا فيصل .. عايزني ارد ليك كدا دا راسك عديل .. لازمن تعمل حاجتين ..:
اولـن:
تكتب بعد تمبس اي حرباشات .. المدعــو .. الكوز .. توجد صورة .. توجد جنسية إلخ إلخ
ثانين:
تكتب فوق وتنزل تكتب تحت في آن واحد شفته آن واحد دي كيفنها ..؟
..
افتكر اني وريتك الحاجات كلها .. وما حرمتك من ايتها حاجة يا نوبي .. انا جني وجن حركات الفارات دي اصلو ما بتنفع معاي
انت فارة يا فيصل واللا شنـو ..؟
| |
|
|
|
|
|
|
|
|
|
Re: tmbis (Re: فيصل نوبي)
|
Quote: _
ياخ والله مشتاقين |
والله يا فلـة بالاكتر ياخ ..
..
زمان يا فيصل الواحد يكتب مداخله يا يقرا ليهو مداخله شهر كامل يكون نايم وضاربو الهواء ومبسووووط ..
حسع دي تجي تقرا ليك ربع مداخله .. تقوم ليك حبوب في وشك .. تجيك انيميا .. يجيك تسمم إلخ إلخ ..
. وتدنقر تحت المداخله .. تلقى بكري فاتح ليهو ادبخانه لي ناس غير الريحـة العفنـة ما بتصدر منهم حاجة ..
..
اهو بقينا نختار الحتات البنجي نمتع فيها نفسنا .. من حين لآخــر ..
نحن ناس صبر .. صبوريييييين ما زيكم كدا الواحد بيلقط قشو ويتخارج ..
| |
|
|
|
|
|
|
|
|
|
Re: tmbis (Re: أيمن الطيب)
|
أيمنوف
ياخ مفروض المدعو تمبس يمتع عزيزو القاريء بقصة السمك سمك دي
_
قلت لي يمرقو ليكـ حق الإبتدائي و العجب حق الثانوي العام .. كدا يا اب ردا !
| |
|
|
|
|
|
|
|
|
|
Re: tmbis (Re: فيصل نوبي)
|
والله أهو منتظرين وبعد خور توتى وورا مسجد النيلين نمشى تحت كبرى شمبات..
تحت جوة خالس خالس..
يا تامبا تعال بى جاى ونطلب من بوكو حرام يفقل البوست دا قدامى لعيبة بس,,
براعم وناشئين ما معانا,,
نحن برضو مشتاقين والله,,
_______________
يا فلة روق سااى,,
| |
|
|
|
|
|
|
|
|
|
Re: tmbis (Re: أيمن الطيب)
|
| Quote: وتوجد عروس بحر ريحتا سمك سمك!!!!1 |
محظوظ يا ود اللذينا .. محظوظ .. بقت انترنت ساااي
كان تلاقينا زمان لما كان كاتلنا الشر وبنغسل هدومنا برانـا ..
كان عادي جدا زوجناك واحدة من الحور العين ديل .. والله نوعيتك دي كمان نخرته ليك جنس خرت في الكنجالات ..
عليك الله انت لاقي ليك حور عين تعرسـة ..
اييييييييييييه ..
حسع الواحد بقى يرد لي فرح ابورطـــــــــة .. وجادات .. ونقط نقط نقط .. إلخ إلخ ..
ملحوظة:
ارجو ان تقرا .. نقط نقط نقط في صياغها الطبيعي دون المساس بها في استخدام ليس لي فيه اي حنك
| |
|
|
|
|
|
|
|
|
 Re: tmbis (Re: tmbis)
|
يا فيصل
تمبس بقى تخته ومعبر للنضال ...
اي زول عاوز تاشيرة مناضل ... لاذم اول عشرة بوستات ليه في المنبر يردم فيها تمبس ... والا ما ببقى مناضل كامل الدسم
يا تمبس والله مفروض يقسموا معاك .. المناتلين ديل
| |
|
|
|
|
|
|
|
|
|
Re: tmbis (Re: وليد محمد المبارك)
|
سلامات يا علاء
جبت القشطة زي ما بيقولو أولاد بمبة ناس سد النهضة
الواحد يجيب ليهو كباية شاي و معاها نفس فتحة للقراية و معاها رغبة في المعلومة
تمسك الصفحة تجرها من فوق لي تحت من العناوين تعرف إنه القصة بايظة و شايك يبقا ليك حنضل
اها تقوم تفتش الردود و تمتع نفسك بالدهشة
زمان الواحد بيكون فاتح ليهو كم و عشرين ويندو .. و ما تلحق تقرا ..
| Quote: نحن ناس صبر .. صبوريييييين ما زيكم كدا الواحد بيلقط قشو ويتخارج .. |
نشهد لك بذلك والله يزيدكـ صبر قول آمين
ياخ جنس جاكات و أبو ورطة و هلم جرّ ديل يقدرو عليهم كيفن !!
_
أيمن الطيب ده سوقو هسي وديهو جامع الأدارسة كفاهو
| |
|
|
|
|
|
|
|
|
|
Re: tmbis (Re: فيصل نوبي)
|
عليكم بالمورينقاااااا
نبات المورينجا أو المورنغا أو المورينقا Moringa تسمى بأسماء كثيرة لفائدتها، واعتماد فئات كثيرة من الشعوب عليها، فهي تسمى شجرة الرحمو، وشجرة اليسر، وغصن البان، والحبة الغالية، وشجرة الرواق؛ فهي تتكيف مع أية بيئة، ولا تحتاج إلى مياه كثيرة سوى مياه الأمطار، بحيث تزرع في الجبال والصحاري؛ إذ تتميز بقدرتها العالية على تحمل الجفاف؛ ولذا فهي تنمو في الأراضي القاحلة، والحارة، ونصف الجافة، والجافة، وفي المناطق المعتدلة والدافئة أيضاً، وتعتبر من أسرع الأشجار نمواً في العالم؛ حيث يصل ارتفاعها إلى أكثر من مترين في أقل من شهرين، وأكثر من ثلاثة أمتار في أقل من عشرة أشهر، وهذه الشجرة يستخدم منها كل أجزائها تقريبا
| |
|
|
|
|
|
|
|
|
|
Re: tmbis (Re: اساسي)
|
ولذا فهي تنمو في الأراضي القاحلة، والحارة، ونصف الجافة، والجافة، وفي المناطق المعتدلة والدافئة أيضاً، وتعتبر من أسرع الأشجار نمواً في العالم؛ حيث يصل ارتفاعها إلى أكثر من مترين في أقل من شهرين، وأكثر من ثلاثة أمتار في أقل من عشرة أشهر، وهذه الشجرة يستخدم منها كل أجزائها تقريبا
ازيك يا فيصل
ازيك يا تمبس
يا اساي الشيء مورينقا ولا مسكيت
| |
|
|
|
|
|
|
|
|
|
Re: tmbis (Re: abas)
|
السيسبان:ويسمى أيضا"في بعض البلدان بالمسكيت
الاسم العلمي:sesbania sesban
وهي شجيرة الى شجرة كبيرة حسب ظروف التربية متحملة للجفاف الى حد ما،والعامل الأساسي الذي يحدد نموها هو كمية مياه الري المقدمة لها،وتستخدم أساسا"كمصد للرياح على أطراف الحقول والبساتين.
يمكن أن يصل ارتفاع الشجرة حتى /5/ أمتار،الأوراق مركبة والأزهار تكون في نورات زهرية تزهر في فصلي الصيف والخريف والثمار تكون قرنية تحمل كل منها عدد كبير من البذور قد يصل الى /40/ بذرة.
لأوراق السيسبان استعمالات طبية ويمكن استخدام هذه الشجرة كمصدر هام للأعلاف الخضراء لقطعان الماشية .
ولهذه الشجرة كثير من المحاذير فهي تمتاز بسرعة نموها عندما تتوفر لها الظروف المناسبة ونتيجة انتاجها لعدد كبير من البذور يؤدي ذلك الى سرعة انتشارها عن طريق الحيوانات،حيث تمتاز بذورها بالصلابة بحيث لا يتم هضمها في كرش هذه الحيوانات،اضافة الى انتشارها بواسطة مياه الري والسيول .
أدى الانتشار العشوائي لهذه الشجرة الى حدوث مشاكل كبيرة في اعاقة جريان مياه الري في الأنهار والسواقي اضافة الى مجاري السيول والزحف باتجاه الأراضي الزراعية.
| |
|
|
|
|
|
|
|
|
 Re: tmbis (Re: فيصل نوبي)
|
| Quote: ولا بملحوك وبمضوها براهم ؟! |
وحيات ابتسامتك يا شفت ولا مليـن احمر .. والواحد فيهم يمشي يقشر بيك .. يقوليك والله الليلة كنت بكتب مع ناس تمبس في الانترنت وقامو ردو لي ..
عليك الله يا وليد عاين الحتة بتاعت بكتب معهم في الانترنت دي عامله كيف ..؟
طيب ياخ ما تقول بكتب معاهم في موقع حوار .. يا حاجة زي دي .. اها شفته رد زي دا بتعبني شديد .. بحش افكاري ..
| |
|
|
|
|
|
|
|
|
|
Re: tmbis (Re: tmbis)
|
Quote: وحيات ابتسامتك يا شفت ولا مليـن احمر .. والواحد فيهم يمشي يقشر بيك .. يقوليك والله الليلة كنت بكتب مع ناس تمبس في الانترنت وقامو ردو لي ..
عليك الله يا وليد عاين الحتة بتاعت بكتب معهم في الانترنت دي عامله كيف ..؟
طيب ياخ ما تقول بكتب معاهم في موقع حوار .. يا حاجة زي دي .. اها شفته رد زي دا بتعبني شديد .. بحش افكاري .. |
اصبُر ...اصبُر
انت قايل الجهاد ده الا يمشي ليه تورا بورا
ده جهاد والله صحي .. كمان جهاد اكبر
صدقني بعد ما تموت بي 200 سنة
حا تطلع طائفة اسمها التمبساب ... حا يكون منهجهم الصبر في كل الظروف
وحا يعملوا ليك تمثال كبيييييييييييييييييييييييير في خور ابو عنجة ومزار كمان
اصبر بس انت
| |
|
|
|
|
|
|
|
|
 Re: tmbis (Re: فيصل نوبي)
|
Quote: تمسك الصفحة تجرها من فوق لي تحت من العناوين تعرف إنه القصة بايظة و شايك يبقا ليك حنضل
اها تقوم تفتش الردود و تمتع نفسك بالدهشة
زمان الواحد بيكون فاتح ليهو كم و عشرين ويندو .. و ما تلحق تقرا .. |
اي والهل يا نوبي .. تصدق وتأمن بالله .. يصادف انا شهر شهرين ما ادخل المكان دا ..
خوف سااااي بقيت ما بدخل .. خوف من اللذاجـــة دي .. الواحد يدخل فيك لذاجـة طول عمرك ما تمرق منك ..
بقيت عامل لي ماوسين يا نوبي .. واحد باليمين وواحد بي يدي الشمال ..
ادخل البورد كلما اللقى لي اسم من الاسماء اللذجــة دي ... بكون شغال زي البنشل في مويـة من البير .. ظييييييييييييييطك لي تحت ظييييييطك لي تحت بالجمبه التانية ..
ياخ انا ذنبي شنـو ؟؟
بعدين بي صراحة كدا في واحدين والله لو ما الدنيا نترنت ساااي .. سيلي الله الحتة القاعد فيها ما يجو مارين بيها حسع دي الواحد يكتب ليك ويقل ادبو وعايزك كمان تجي ترد ليهو بي سرعـة .. انتو الانترنت دا مجنون واللا مالووو ..؟
| |
|
|
|
|
|
|
|
|
|
Re: tmbis (Re: وليد محمد المبارك)
|
و هسي يا شفت إنت قايل البوست ده واحد من مآربه الشريرة ما إعادة تلميع لأخوكـ نوبي
بقيت تجي و تمشي لا حس لا خبر !
السنة دي لا كورة لا أخلاق لا سودانيز أون لاين
الحمدلله رمضان جاي الواحد يمشي يشوف ليهو مكان يعتكف فيهو كفارة لما مضي
| |
|
|
|
|
|
|
|
|
|
Re: tmbis (Re: وليد محمد المبارك)
|
| Quote: يا تمبس والله مفروض يقسموا معاك .. المناتلين ديل |
والبغيظك شنـو يا وليد انت قايل .. يجيك ابو ساندرا بي (شحمو ولحمــو) يقوليك انت قايل نفسك مشهور ..؟
عليك الله دا حسع فرقو شنو من فرح ابو ورطــــــــة ..؟
عارف عندي تلاتة او قول اربعـة لزجين كدا في البورد دا .. النوع العايز اليوم كلو يكون نايم ويجيك في آخر المغربية عايز يدخل قووون ويقوم جاري ..
اها التلاتة واللا اربعـة اللزجين ديل .. كرت كرتونـة عاملين نظام الحالة واحدة .. جايين الاسبوع الفات وعاملين فيها مناضلين كيبورد ..
الواحد المرة الاولى يكتب ليك صلاخيـة .. لما تطنشو يقوم تاني يكتب ليك .. لما ترخيهو .. المرة دي بيناضل فيك بي اصابعين كرعين ويدينو ...
امنقه حاجة شنـو انت قايل ..؟
واحد فيهم قبل فترة كتب لي وقالي تعال رد هنــا ..
يعني انا ابطل رد لي فرح ابو ربطـة واللا ابو ورطـــــة دا واجي ارد ليهو بسرعة ..
انا خايف كمان بعد شوية يكتب لي رد لي في رد براي ما ترد لي مع الناس
بي صراحـة انا جني وجن اللزجيـــن .. الواحد بطمم لي بطني طوالي بحس بي نفسي اشتر ولا بقدر ابدع في الردود
الواحد عايز لما يجي يرد كدا يكون في ابداع في الرد .. ترد وتحس انك بتضيف حاجة في ردك ..
العجيبة كمان يا ووولي في واحدين شايلين مفرداتك وكاسحين بيها قاشرين بيها كمناضلين كيبورد .. كرت كرتونـة ..
والواحد تلقاهو بي تحت في الحجاب الحاجز بتاع بكري دا تلقاهو عندو اسم تاني يكتب ليك في كلام وهمي جدا ويسب ليك الدين
| |
|
|
|
|
|
|
|
|
|
Re: tmbis (Re: tmbis)
|
| Quote: براعم وناشئين ما معانا,, |
والله يا موني اتمنى ذلك ..
ما عايزين اي فارات هنـا .. انا ماشي اظبط لي فنجان قهوة وجاي .. اي واحد يا ايمن تحس بيهو من الفارات جاي يعمل حركات بي هنا .. وديهو الجير طوالي ..
انا جني وجن الناس الما قاعده تضيف لي شان اكون مبدع
| |
|
|
|
|
|
|
|
|
 Re: tmbis (Re: وليد محمد المبارك)
|
بـ(سـ)راحة كده تمبس مؤخرا بقي مسكين ,,,
حتي كاد ابورطه ان ياكل عشاه ..
ــــــــ
قريت العنوان قايلو بوست رش فأذا به بوست (كيزان) في بعضيهم
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote: وين يا فيصل الرشيد ياخ
لينا منك زمن |
يا شفت والله مشتاقين وسائلين منك ..
ــــــــــــــــــــ
يا وليد بما انك كوز قديم حقو نستفيد من النافذه دي ونسألك عن قراركم الاخير ده ابعاده شنو .. 
| |
|
|
|
|
|
|
|
|
|
Re: tmbis (Re: Faisal Elrasheed)
|
| Quote: يا وليد بما انك كوز قديم حقو نستفيد من النافذه دي ونسألك عن قراركم الاخير ده ابعاده شنو |
ياتو واحد فيهم
هم ما كتار
| |
|
|
|
|
|
|
|
|
|
Re: tmbis (Re: tmbis)
|
| Quote: (حقو سلمى تشكل وتصحح الاملاء دي من الحجاب الحاجز بي تحت ) شايف في حصة املاء مدورة .. |
سملى دي معانا يا تامبا
معانا نحن
| |
|
|
|
|
|
|
|
|
|
Re: tmbis (Re: tmbis)
|
| Quote: صاحبك بقى يكبر مني اللفــة .. صاحبك بتاع نقادة كوستي .. تخيل بقيت اكتب ليهو يرد لي بعد شهر وغلا ما يرد لي زاتو عليك الله شفته محن الدنيا دي ..؟ دا كلو وانت مافيش .. |
ياخ والله ده بالذات مفروض نعمل ليه تمثال من ريش الجداد بتاع المنشورات ده.. هو ده زاتو مش بتاع مصنع المويه والا التلج ما عارف
ياخ وين المخضرمين ديل ... الواحد بقي يجي غير هباني تلقاه قاعد زي غفير المقابر مافي زول ...
والله مشتهين لينا كيتا قبل رمضان ما يكبس والجماعة ديل يربطوهم .. وتبقي مع ركشات 2013 ..
ـــــــــــــــــ
شايف اساسي بنفض في الغبار ...
| |
|
|
|
|
|
|
|
|
|
Re: tmbis (Re: Faisal Elrasheed)
|
الغبار
هو اسم عام لأي جزيئات صلبة دقيقة التي يقدر قطرها بأقل من 50 ميكرومتر، ويحدث الغبار في غلاف الأرض الجوي لأسباب عديدة منها غبار تربة الذي تحمله الرياح وحبوب اللقاح. في البيوت والمكاتب يتكون الغبار من جزيئات من (( جلد ميت )) من الإنسان أو الحيوان, حبوب اللقاح, جزيئات من القماش والورق, وشعر من الإنسان أو الحيوان
وكيبيديا
| |
|
|
|
|
|
|
|
|
|
Re: tmbis (Re: اساسي)
|
| Quote: باقي ليك الكومر ده بقدر على مساسقة الاتوسات والتيكوهات ديل ؟ |
والذى فلق الحبة وبرا النسمة اخوك ليهو كم يوم حاسي باحتقان ..احتقان عديل كدا , احتقان مؤسس .. وماسك نفسي الان بالرمق الاخير من الصبر . تقريبا ما قادر افرز .بحاول اتصالح مع نفسي وفردي القدام الهنا . خايف عليهم من احتقاني دا , خايف انبوب الاحتقان يفرط في وشهم .. وش اصحابي قبل الـما ـاصحابي تقريبا اوشكت , للامانة الادبية كنت خاتي عمر الفاروغ في راسي , بصراحة حنني قبيل , غالبا حينتهي الموضوع بيكم انتو . ايوة انتو اولاد ام درمان ( اولا قلبا ) كدا بي صمة خشمكم داير ارشكم بالاضافة لي دكين بتاع الضهاري , قصة امسك نفر نفر دي بقت شوية علي , بعد دا الرش حيكون بالجملة ونبدأ بالقريب والصديق قبل البعيد ... بصورة اخرى ما عندي صليح بكل وضوح و الق
| |
|
|
|
|
|
|
|
|
|
Re: tmbis (Re: اساسي)
|
Quote: Mohamed Badri · متابعة · Edmonton, Alberta
واقسم بالله ياتمبس والنوبي والشباب العواجيز الفي البوست ده من ما جف قلمكم من المنبر والله ( سودانيز اولاين ) بقت مرتع لليسوي والمايسوي وين الناس اصحاب الاقلام الكانت تحير زمان زمنكم ياشباب ياعواجيز في سودانيز اولاين مابتقدر تغمض عينيك والان تقفل نخرتك وتشتت تقول انت ماشي في اللاماب محل الريحه ديك تتزكروها ........ ياحليلكم ياناس الزمن القديم |
والله عجبني رمي الطعمية بتاع ود ( ويست ادمنتون مول ) دا , رمي طعمية وكسير تلج تريااان لامن مندي بالـ ( التيم هورتنس ) يعجبني الكلام الطالع ذاكي معطر بتجشؤ ( الدونات )
| |
|
|
|
|
|
|
|
|
|
Re: tmbis (Re: Faisal Elrasheed)
|
| Quote: الحمدلله رمضان جاي الواحد يمشي يشوف ليهو مكان يعتكف فيهو كفارة لما مضي |
يافيصل سلام
شايف السعودية قالوا الاعتكاف إلا بإذن الكفيل شفت محن الزمن ده كيف
| |
|
|
|
|
|
|
|
|
|
Re: tmbis (Re: محمد المسلمي)
|
يا اساسي
اذا رشنا ... بفك احتقانك .. وبنفض عنك الغبار ... وبصلح ليك نفسياتك
رش ياخ
ياخ ابو روضه وجاكات بقوا برشو ... بقت عليك انت ؟
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote: رش ياخ
ياخ ابو روضه وجاكات بقوا برشو ... بقت عليك انت ؟ |
كان ابو روضة وجاكات برشو ما عارف , جاب لي اكتر اتنين بدردقوا ليكم نفسهم وتقول لي بقوا يرشو ؟
انت نسيت الرش كيفنو يا سناتور ؟ ولا قعدتك في دبي الشهرين ديلك كتلت قلبك
| |
|
|
|
|
|
|
|
|
|
Re: tmbis (Re: وليد محمد المبارك)
|
| Quote: والله عجبني رمي الطعمية بتاع ود ( ويست ادمنتون مول ) دا , رمي طعمية وكسير تلج تريااان لامن مندي بالـ ( التيم هورتنس ) يعجبني الكلام الطالع ذاكي معطر بتجشؤ ( الدونات ) |
اها ده بس زي كلام صاحبنا بتاع (قـــف) داك
يا داخلة من وين
ويا مراقة من فين
| |
|
|
|
|
|
|
|
|
|
Re: tmbis (Re: وليد محمد المبارك)
|
شهرين شهرين
انت قايله في السعوده
والترفيه بتاعها عمرة .. او عزومة في مطعم عزاية
زوووووووووووووووووووووط
زوطيييييييييييييييييييييييييييييييييين
زوطووووووووووووووووون
________________
والله يا اساسي يا حيلك ياخ
لينا زمن من الون والتو
خلونا نتمتع ونمتع الناس
ما تشوف ليك طريقة تجيب لينا بشاشا ياخ
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote: Abdalaziz Hussain · متابعة
ازيك يا حجه سلمى .. انتي برضه وقوفوك بكري دا جنه ولا شنو أوعي يكون السبب صديق الموج الله يكتله
رد · أعجبني · منذ دقيقتين |
والله يا عزو جيتك البي تحت دي بقت تذكرني ناس ( السِلكون) في استادات السودان , الناس البنتظروا نص الشوط التاني برة الاستاد لحدي ما يفتحوا ليهم الابواب ويجو جاريين توووش ويقيفوا في السلك , الواحد فيهم هو وحظه الزول القدامه بس , وقوف السلك الكتير خرب الفاظهم كله كله , دا غير معاناة الزول البيكون واقف قدامهم .
الزول البيكون واقف قدام لما يتضايق ويتلفت وراء ما يعرف يشاكل منو فيهم , كلهم شركاء في الجريمة , عشان كدا استنسخوك يا عزو وعملوا ليك رديف وبقيت مصنف مع ناس الدرويسة وسودان شنو ما تعرف
وبعد دا كلوا الجمهور مع فتحة الابواب يهتف ( ملح ... ملح ... ملح )
| |
|
|
|
|
|
|
|
|
|
Re: tmbis (Re: اساسي)
|
يا فيصل نوبي الله يفتحها عليك دنيا واخر
فتحت لينا منبر داخل المنبر
وكوة للمتعة ... عليك الله كوة دي كيف ؟!
| |
|
|
|
|
|
|
|
|
|
Re: tmbis (Re: وليد محمد المبارك)
|
يا عبد العزيز
عليك النبي اساسي ده فوتها ليه
الزول ده صاحبنا ياخ .. ما تتشربك فيه
لانو انا عارفك زي الحسكنيت والضريسا .. كان اتشربكت الا يفكوك بالتلته .. وبعد ده لاذم يلحقو شوكك بالابر الليل كله يناخسو فيه
| |
|
|
|
|
|
|
|
|
|
Re: tmbis (Re: وليد محمد المبارك)
|
والله متالق يا وليد وخاصة في الصورة الاخيرة البي التي شيرت حق الحبش دا وانت تزفر زخات (الارجيلة) عشان كدا ليك حق تقول كوة ونعيمة و الدويم زاتا , بصورة ما كلامك الجديد بقي متسق مع بيئتك
| |
|
|
|
|
|
|
|
|
|
Re: tmbis (Re: اساسي)
|
| Quote: الاخيرة البي التي شيرت حق الحبش |
يا سلام على الحبش ياخ
ياخ انا بحبهم من زماااااااااااااااااااااااااااااااااااااان
وكمان بعد ختوها للمصريين بقيت بحبهم زيادة
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote: يا سلام على الحبش ياخ
ياخ انا بحبهم من زماااااااااااااااااااااااااااااااااااااان |
الكلام دا قوله لي تبلدينا ما تقوله لي
| |
|
|
|
|
|
|
|
|
|
Re: tmbis (Re: اساسي)
|
يا أساسى بالله دقيقة| Quote: غالبا حينتهي الموضوع بيكم انتو . ايوة انتو اولاد ام درمان ( اولا قلبا ) كدا بي صمة خشمكم داير ارشكم بالاضافة لي دكين بتاع الضهاري , قصة امسك نفر نفر دي بقت شوية علي , بعد دا الرش حيكون بالجملة ونبدأ بالقريب والصديق قبل البعيد ... بصورة اخرى ما عندي صليح بكل وضوح و الق |
قبل الرش,, بالله رجاءا خلى تامبا دا يكمل لينا قصة بت البحر اللقاها دى وركبت معاهو المركب طرحة وبعدها الموضوع برجع ليك,,
وفرصة برضو رجع للزول دا شبطو..
وأفرزنى من أولاد قلبا ديل بالله,,
تحياتى يا شباب..
| |
|
|
|
|
|
|
|
|
|
Re: tmbis (Re: اساسي)
|
هاهاهاهاهاهاهاهاهاهاهاهاهاهاهاهاهاهاهاهاهاهاهاهاهاها
يا حليل ابو حمامة ولا بتذكروها كلو كلو
| |
|
|
|
|
|
|
|
|
|
Re: tmbis (Re: اساسي)
|
| Quote: لما يجيهو زي تمبس ولا وليد دا بيكونوا اسبوع لي ورا بفتشوا لاشد بنطلون في الحلة عشان يشدوهو , والواحد يتشحط لي قريب رقبته شاكي البنطلون الشدة وقميص عرس اخته عشان يدخل المعرض الانت بتلعب فيهو دسوسية عادي كجزء من الحلة |
ههههههههههههه ..
وحيات ابتسامتك يا وليد صاحبك دا يوم من الايام في السعودية بنين دي حيرتو ليك ..
اتصلت عليهو قلت ليهو انت قاعد ووين يا مقطع .. تعال في الحتة الفلانية علشان تصلح وشك ..
اديتو احداثيات المكان .. المكان غير الاحداثيات الممكن يدخله في الجي بي اس وتوصلو بي مزاج .. المكان الدخول ليهو إلا يجي قول والله انا جاي علشان اشوف .. علاء الدين منصور صاحبي ..
اول حاجة لما جا داخل بفتشوهو ..
وحيات ابتسامتك يا وليد صاحبك فتشوهو ليك بالبتاعات البتصفر ديك .. دقوهو فتاشة زي الشيوعيين الفوق ديلاك .. وشوف عيني وقفوهو على الحيطة وباعد بين رجلينو .. ويدينو على الحيطة وميمم وجهه شطر الأرض ..
مررو ليك فوقو الجهاز البصفر من فوق لي تحت ..
زوووووووووطك الجهاز صفر ..
الزول دخل يدو في جيب الفاره دا لقاهو شايل ليهو عملة نقدية من فئة الخمسة وعشرين هلله وما عارف قايل نفسو جاي يلعب معانا ملوص .. قايلنا بنعلب طرة وكتابة
وانا قاعد في غرفتي اتصلو علي الجماعة قالو لي يا مستر علاء في واحد قال جاي يشوفك ونحن فتشناهو لقيناهو شايل ليهو هللات .. ونحن متأسفين لي انو الزول دا جاييك ونحن ندقو فتاشة ..
قلت ليهم خلوهو يمر ..
صاحبك دا دخل جوه .. وقعد يتلفت ..
طبعا ذمتو اوسع من يوم السبت .. لو لما ذلك كنت قلت ليكم خلوهو يتم الباقي الشافو شنو ..؟
وحسع دي لو واثق من ذمتو يجي ويعلم نقد ذاتي ويتم الباقي ..
..
يللا يا بتاع معرض الخرتوم الدولي تعال تم الباقي كان انت راجل ..
ملحوظة:
الكيس الكنت شايلو معاك .. وانت داخل مالك رميتو ما كان تجي داخل بيهو .. احي انا ياخ .. والله لو ما عرفت بورد كان نكرتك عادي زيك وزي اي واحد بجي بقيف ورا الناس البتكلمو في اللقاءات التلفزيونية
| |
|
|
|
|
|
|
|
|
|
Re: tmbis (Re: tmbis)
|
بعدين احب اضيف برضو انو الزول دا ملى ليك جوالو كلو صور .. محل ما يتلفت طق يصور طق يصور ..
..
احب اضيف برضو انو لو قاوم ... اي مقاومة .. وحاول ينكر الواقعة ..
الصور في .. نحن اي حاجة عندنا بي نظام
| |
|
|
|
|
|
|
|
|
|
Re: tmbis (Re: tmbis)
|
Quote: عدين احب اضيف برضو انو الزول دا ملى ليك جوالو كلو صور .. محل ما يتلفت طق يصور طق يصور ..
..
احب اضيف برضو انو لو قاوم ... اي مقاومة .. وحاول ينكر الواقعة ..
الصور في .. نحن اي حاجة عندنا بي نظام |
يا تامبا
خليك من السعودية البعيده ديييييييييييييييييييييك
ياخ الزول ده انا فسحتو في حلتم
شوفت حلتهم الفي الخرطوم ديك .. محل ما كان سايق الركشة
فسحتو ليك هناك
وفي شهود كمان
___________
اساسي يمين ما تقول اي حاجة
| |
|
|
|
|
|
|
|
|
|
Re: tmbis (Re: وليد محمد المبارك)
|
استر شنو يا وليد ياخ ..
انا والله ما واجعني الا الكيس الا خاشي بيهو ..
والله كيس زي دا يا وليد انا آخر مرة شفته (ود الميتانة) شايلو داخل بيهو بيت ناس حواء كلاب .. مليان كمونيـة وبعض من جلافيط .. عشان يساهم بيها في الشيرنق كصعلوك نبيل داخل اي حانة بلدية يضرب مريسة وينهي يومو وهو قاعد (يطرش) وحاضن الحيطـة
| |
|
|
|
|
|
|
|
|
|
Re: tmbis (Re: أيمن الطيب)
|
| Quote: قبل الرش,, بالله رجاءا خلى تامبا دا يكمل لينا قصة بت البحر اللقاها دى وركبت معاهو المركب طرحة وبعدها الموضوع برجع ليك,, |
يا ايمن ..
والله تتابعني انا بجننك .. بجننك عديل كدي ..
خليني اطق طق ليك بتاع معرض الخرتوم دا وبعدين نجي لي موضوع الطرحـة بتاعت النيل دي
الزول دا هيج اشجاني .. وانا لما واحد يهيج اشجاني .. نفسياتي بتتعب .. ولما نفسياتي بتتعب بتقوم مشاعري بتلعب
| |
|
|
|
|
|
|
|
|
|
Re: tmbis (Re: Faisal Elrasheed)
|
Quote:
مع تحيات عاطف مسخو ( قــف)
ياخ الزول ده انا مبسوط منو ياخ |
مسخو حااااااف على قول تمبس ياولي
ياخي قول الفنان الرائع عاطف مسخو
.
.
فيصل مسكاقمي
| |
|
|
|
|
|
|
|
|
|
Re: tmbis (Re: وليد عبد اللطيف)
|
يا ولى ازيك ياخ
فعلا الفنان عاطف مسخو
بالمناسبة يا اساسي ويا ولي ... طبعا انا بمشي دبي كل سنة اخر شهر 12 بحضر راس السنة هناك .. ترفيه وكده ... بقعد شهر كامل وبرجع اخر شهر واحد .. الكلام ده ليه 7 سنوات او تمانية
المهم السنة الفاتت دي اخوك كان مفلس .. فقام جاء يوم 28 اتناشر وانا ما وصلت دبي
تييييييييييييييييييييييت عاطف مسخو دق لي تلفون ..
عاطف : وين يا ولي .. ما جيتنا مالك
انا : مسخن يا حبة .. السنة دي جلا .. ما بقدر اجي
عاطف : خلاس خلاس .. بضرب ليك بعدين
بعد نص ساعة كده .. الموبايل .. تتييييت .. تيييييت .. تتيييييييت .. جاب رسالة
عاينت لقيتها من مسخو
فتحت الرسالة لقيت فيها ... راجع الايميل يا معلم
خشيت الايميل طوالي لقيت رسالة جاية من مسخو
فتحتها كاتب فيها : ياخ انت قايلنا نحن قاعدين نبرمج ليك وكت تجي .. يا فارة نحن قاعدين نبرمج بيك ... هاهاهاهاهاهاهاهاهاهاه ... شوف الاتاش وما تتاخر
شوفت التاش لقت ليك عاطف مرسل التذكرة بتاريخ خمسة واحد
اخوك ما سغييييييييل
طوالي ضربت ليه
ترن ترن ترن
انا : الو عاطف
عاطف : ياخ عليك الله يا وليد ما تعمل حركات المصرين وشكرا وبتاع
انا : شكرا بتاع فنيلتك .. يوم خمسة ده ما مناسب معاي .. اخر التذكرة دي لي يوم 10 .. وطبعا تاخير الحجر فيه غرامة
عاطف : ميتينك ياخ
تاني زوووووووووط
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote: فعلا الفنان عاطف مسخو
بالمناسبة يا اساسي ويا ولي ... طبعا انا بمشي دبي كل سنة اخر شهر 12 بحضر راس السنة هناك .. ترفيه وكده ... بقعد شهر كامل وبرجع اخر شهر واحد .. الكلام ده ليه 7 سنوات او تمانية
المهم السنة الفاتت دي اخوك كان مفلس .. فقام جاء يوم 28 اتناشر وانا ما وصلت دبي
|
متجدع والله ياولي
ياخي انا عندي اصحاب هناك ماقادر امشي ليهم اصلا ياعمك هنا الربطه صعبه خلاص
عشان كدي كل مره بدعوهم هنا انا
اها المره دي الدعوه ليك بس من غير تذاكر
| |
|
|
|
|
|
|
|
|
|
Re: tmbis (Re: وليد عبد اللطيف)
|
| Quote: اها المره دي الدعوه ليك بس من غير تذاكر |
ما جاي
غايتو بلدكم دي الا يودينا ليها الحج
ناسكم مفلقصين وحقارين
كان رسلت لي تذكرتين ما جاي .. الا توزنها مع الحج او العمرة .. حتين افكر
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote: ما جاي
غايتو بلدكم دي الا يودينا ليها الحج
ناسكم مفلقصين وحقارين
كان رسلت لي تذكرتين ما جاي .. الا توزنها مع الحج او العمرة .. حتين افكر |
لالالالا ياخ نحنا ناس جده غير ناسنا احلى منهم مافي
كمان بالمره عشان نجيب تمبس من الرياض ونعمل ليهو تكريم
يظهر كورتو فكت شايف الفارات على قولو متلحنو ليك هنا هههههههههههههه
| |
|
|
|
|
|
|
|
|
|
Re: tmbis (Re: وليد عبد اللطيف)
|
اساسي :
تبرمج بي اكتر من كده كيف؟؟
ياخ صدق او لا تصدق قبيل لمن ضربت لي كنت في البريك حق الغدا .. اها لمن انتهيت من تلفونك الممل داك حسيت بي رغبة في النوم .. والله ووالله يا اساسي قلت انوم لي ربع ساعة واقوم الحق الشغل ..النومة اليااااها ..يا دوووب صحيت اسة الساعة 8 مسا ..
ياخ إنت بقيت لا تطاق ياخ .. :)
بالجد انت حالياً المنافس الأول لي الراجل بتاع ميلودي داك ..مع انو انا كنت الاول..
تخريمة :
صورة وليد العامل فيها دايفنق في حوض السباحة دي فيها هدوم ولا بدون ؟
| |
|
|
|
|
|
|
|
|
|
Re: tmbis (Re: فيصل نوبي)
|
| Quote: صورة وليد العامل فيها دايفنق في حوض السباحة دي فيها هدوم ولا بدون ؟ |
بدون هدوم ياعمر وانا كنت شاهد ملك
انت قايل نحن بنرسل الفيزا والتذاكر لشنو ؟
اها
نرسل ليك الفيزا ياعمر ؟
| |
|
|
|
|
|
|
|
|
|
Re: tmbis (Re: عصام علي أحمد)
|
Quote: بدون هدوم ياعمر وانا كنت شاهد ملك
انت قايل نحن بنرسل الفيزا والتذاكر لشنو ؟
اها
نرسل ليك الفيزا ياعمر ؟ |
اها جاكم كلامي
موش قلت ليكم في محل المعرض زمان بالليل ناس الخرتوم كانو بشركوا لي شنو ؟
| |
|
|
|
|
|
|
|
|
|
Re: tmbis (Re: وليد محمد المبارك)
|
| Quote: يا وليد أساسي ودخالة حلة وكدا كوبر وبري أخوات بينهم كبري بس زمان كنا نتلاقي في الكبري هم جايين يشربوا عرقي عندنا ونحنا ماشين نجكس عندهم ، بس وكان كبرنا بنحج ونقعد لكن المشكلة في عجايزكم يا ناس امدرمان زي درويشة الرياض |
يا عزيز
ياخ ده تكافل عالي المستوى
تبادل للمنفعة كما وصفوه الخواجات بالكتلوج
| |
|
|
|
|
|
|
|
|
|
Re: tmbis (Re: وليد محمد المبارك)
|
| Quote: نرسل ليك الفيزا ياعمر ؟ |
فيزا بي الخا ؟؟
يا عصام نحن مااا صدقنا مرقنا من مطبات الإبتدائي والمتوسطة بسلام وخوضنا معارك شرسة ونحن نلعب في ميادين الروابط والأشبال ..نجي على اااخر عمرنا نجي بي الفيزا ؟؟
مش كل الطير اللي يتاكل لحمو
| |
|
|
|
|
|
|
|
|
|
Re: tmbis (Re: عمر الفاروق)
|
يا عمر
عصام ده ما داسيها و معبر عن ميوله دي في بروفايلو ...
ومارق العده حقت الشافع كاعلان دعائي واعتراف صريح منو
| |
|
|
|
|
|
|
|
|
|
Re: tmbis (Re: عمر الفاروق)
|
يا عصام نحن اللذين قال فيهم الشاعر :
مركز جاب الاشارة
ما شالونا بالطيارة
تخريمة :
طبعاً الإشارة دي الفيزا ..
| |
|
|
|
|
|
|
|
|
|
Re: tmbis (Re: عمر الفاروق)
|
نفهم من بروفايل عصام ده يا وليد إنو كان من النوع البيشيل سيرمس الشاي من بيتهم يعملا كاس ويقول لي شفع الحلة تعالوا نعمل ليكم دورة ؟
| |
|
|
|
|
|
|
|
|
|
Re: tmbis (Re: عمر الفاروق)
|
أساسي والله كنت اظن انه اصابك ما اصاب العقاب الهرم ..
حتي اني توقعت بوست تكريم واعتزال زيك زي العجب قبل ان ياتيك ابورطه ورهطه .. وكمان بالمره تفسح المجال ( للشباب ) والجيل الصاعد ..
وكمان تستفيد من اوقات الفراغ وتمشي تاخد ليك غتسه غتستين مع ناس الشفت نواحي شواطي جميرا واتلانتس ..
ـــــــــــ
رايك شنو يا الشفت في اقتراحي لابننا اساسي
| |
|
|
|
|
|
|
|
|
|
Re: tmbis (Re: Faisal Elrasheed)
|
اساسي قادر على العطاء يا ابو الفيص لمدة ربع ساعة ..ودي اعتقد كافية جداً عشان تعمل الفارق ..
نحن ما عايزين منو أكتر من الربع ساعة دي ..
| |
|
|
|
|
|
|
|
|
|
Re: tmbis (Re: عمر الفاروق)
|
وارد جدا إنو عمر الفاروق يكون قاصد إنو أساسى ما بقدر يدى أولاد قلبا ديل أكتر من ربع ساعة ...
الزول دا ما عندو ضمان خالس خالس,,
وبعدها نحاول نصل لإتفاق ولو شكلى حول أصل ومعنى وفهم المصطلح المتداول بكثرة بتاع فكرة (أولاد قلبا)
وفى بحث ودراسة وأطروحة ممكن تمثل مدخل جيد للموضوع والقاعدة الأساسية فيها كانت أن أولاد قلبا مسمى
لا يمكن إحتكاره ونسبه لمجموعة بعينها وإنما يمكننا فقط إطلاق التسمية على أولاد قلبا فعلا اينما كانوا!
أولاد قلبا بتاعين البوردات والمنتديات والفيس بوك وكل من يأنس فى نفسه الكفاءة مرحبتين والله ومنكم نستفيد ,,,
يا وليد برى أبوحشيش ما زالت موجودة وما تلخبت المعرض مع الهابى لاند!!
المعرض كان فسحة السودان كلو بكل الأعمار ومختلف (الفئات) وخاصة ناس قرب
تعال والأطراف والضواحى وطرف المداين بمن فيهم الجماعة الركزت عليهم.
الهابى لاند كان واحد من برامج أولاد قلبا بتاعين الزمن داك بجو بالضلمة
وبمشو بالضلمة والقاعدة الأساسية (الليل غتى الجبال)
خليك متسق ياخ...
| |
|
|
|
|
|
|
|
|
|
Re: tmbis (Re: أيمن الطيب)
|
Quote:
والله نوعيتك دي كمان نخرته ليك جنس خرت في الكنجالات |
زمان كان عندنا واحد خارت الجماعة كلهم وهو اعمي .. كان عندو أبقرشين فيهو كتابة بالجنبتين .. ههههههههههه ..
......................
بمناسبة البوست دا اعتقد انو الباشمهندس بعد كدا المفروض يعمل حوافز تشجيعية ويخت ليهو ألقاب من عينة
عضو مميز وساحر عبقري وحاوي بنفسجي .. الخ ..
اييييييييييه....... يا حليلك يا سودانيس أون لاين البقيت بتاع ونسة لساتك .
| |
|
|
|
|
|
|
|
|
|
Re: tmbis (Re: أيمن الطيب)
|
خلاس يا ايمن ما تزعل
نعدل كلامنا
اولاد امدرمان كانوا بجوا يبولوا في الهابي لاند ويرجعوا
كيف كده معاك
| |
|
|
|
|
|
|
|
|
|
Re: tmbis (Re: Faisal Elrasheed)
|
فيصل الرشيد يا اخوي
| Quote: رايك شنو يا الشفت في اقتراحي لابننا اساسي |
اتلانتس دي ولا واحده تانية
عاشر زووووووووووووووووووووووووط
| |
|
|
|
|
|
|
|
|
|
Re: tmbis (Re: وليد محمد المبارك)
|
Quote: اتلانتس دي ولا واحده تانية
|
لا كده اثبته لي بالدليل القاطع يا شفت انك ما جئت لحوار او انك خميت مع الجماعة النهبو البلد... صراحة اساسي ما بقدر علي الشلهته دي
يا حليلك يا اساسي .. هسه عاين ود امدرمان ده بحندك فيك كيف
ــــــــــــــــ
* يحندك بلغة اولاد الخرطوم تعني يغيظك .. حندك يحندك فهو حنداك
مثال : حندكني وبكي وسبقني اشتكي
| |
|
|
|
|
|
|
|
|
|
Re: tmbis (Re: وليد محمد المبارك)
|
سلامات أخوي فيصل .... وكل الحبايب ...
Quote: اي والهل يا نوبي .. تصدق وتأمن بالله .. يصادف انا شهر شهرين ما ادخل المكان دا ..
خوف سااااي بقيت ما بدخل .. خوف من اللذاجـــة دي .. الواحد يدخل فيك لذاجـة طول عمرك ما تمرق منك ..
بقيت عامل لي ماوسين يا نوبي .. واحد باليمين وواحد بي يدي الشمال ..
ادخل البورد كلما اللقى لي اسم من الاسماء اللذجــة دي ... بكون شغال زي البنشل في مويـة من البير .. ظييييييييييييييطك لي تحت ظييييييطك لي تحت بالجمبه التانية ..
ياخ انا ذنبي شنـو ؟؟
بعدين بي صراحة كدا في واحدين والله لو ما الدنيا نترنت ساااي .. سيلي الله الحتة القاعد فيها ما يجو مارين بيها حسع دي الواحد يكتب ليك ويقل ادبو وعايزك كمان تجي ترد ليهو بي سرعـة .. انتو الانترنت دا مجنون واللا مالووو ..؟ |
| Quote: بعدين بي صراحة كدا في واحدين والله لو ما الدنيا نترنت ساااي .. سيلي الله الحتة القاعد فيها ما يجو مارين بيها حسع دي الواحد يكتب ليك ويقل ادبو وعايزك كمان تجي ترد ليهو بي سرعـة .. انتو الانترنت دا مجنون واللا مالووو ..؟ |
بصراحه يا تامبا يا صاحبي .... إنت من الأول كان توريهم - على قولك - منو الشطّف القرد ... عشان يعرفوا حاجه .....
آآآآه .... يا تامبا ياخ ..... دنيا .....
مع خالص ودي وتقديري ؛؛؛؛
| |
|
|
|
|
|
|
|
|
|
Re: tmbis (Re: إدريس محمد إبراهيم)
|
Quote: الصور الرفعتها دي ما فيها ولا حبشية واحدة
واخد بالك ؟ |
وهذا ان دل علي شئ فأنما يدل علي انه الحاجات كلها ما واحد
حكمتو بالغه
(())
| |
|
|
|
|
|
|
|
|
|
Re: tmbis (Re: وليد محمد المبارك)
|
هاهاهاهاهاهاهاهاي
دا ما ياهو البنقول فيهو زاتو من البداية , لكن هل من ليس من بينكم رجل رشيد . ودا برجعنا لي كلامي القبيل عن رقى ايمن ود بري ود الخرطوم ود قلبا الجد وايضا جنابو عمر عثمان ود الخرطوم اتنين محل الارستقراطية الحقيقية لو كنتم تعلمون الاتربو علي الترف الما بتخلعوا لمن يشوفوا عمارة فيها قزاز , عن ناذر الخليفة ود الخرطوم تلاتة الكانو بقضوا العصاري في شارع الجمهورية وما ادراك ما شارعها ايامئذٍ
لاحظتوا معاي انه ابتداء من المستلب تمبس والمخلوع وليد ما جابو سيرة امدرمان في كلامهم ولما حبوا يستشهدوا بانهم اولاد قلبا فعلا لجوا لجديعهم برة السودان , المخلوع تمبس ما مصدق نفسه , لما الشركة بتاعته الشغال فيها نزلته في رحلة عمل في فندق في جدة فيهو واحد بتاع سكيورتي من اخوانا البدو في نواحي جيزان فرحان بالحديدة البتطلع صفارة بتاعة السكيورتي , لدرجة انه بفتش الجرسونات الشغالين في الفندق من الفرحة بسماع صوت الصفارة البتشبه خلعة صاحبنا القاعد في فندق فيهو بتاع سكيورتي , وذا حديث يطول نأتيه في مرة اخرى .
وليد فرحان بالعاديات البيعشها واحد زي اخونا طلحة جرجير , شوف المفارقة كيف بالله هنا , زي اخونا طلحة جرجير الذي من نواحي ود لميض ريفي الحليلة او قوز محمد نور ريفي الشبارقة او اين كان , لما الواحد منهم يجي الخرطوم ويتصور قدام القاعة وجنينة الحيوانات وكبري النيل الازرق ويختمها بصورة تاريخية في شارع الشانزليزيه في معرض الخرطوم الدولي جمب مجسم التمساح , كان بيرجع الحلة بيعملوا ليهو دورة تكريمية بي درقة ويتحوقل حوله رجال وشباب ونساء واطفال الحلة ستة شهور لي قدام وهو يحكي لهم عن فتحه العظيم وزيارته التاريخية المدعمة بالصورة انفة الذكر , اها ذات طلحة ود ريفي الشبارقة دا لما طلع من السودان وعاش في دبي وبقي ليهو عادي حوض السباحة ومكتبه في العمارة المتصور تحتها وليد الشفت دي وبتعامل مع الامر حوله ضمن حياته العادية الاختلفت بمروقه برة السودان وعيشته في دبي او نحوها في الامارات يجي ود قلبها الاسمو وليد يكرر ماساة طلحة الانفة والتجدع بالصور في حوض السباحة وضل العمارات من شدة ما ماسكاهو ام فريحانة في الصورة قرب يحلق فرحا وطربا , ( اخوكم ما مخلوع ومعزور ) اها وليد ما نزل الصور دي هنا لتأكيد شفتنته كونه من اولاد قلبا وحسب , واظنه يطمح في ان تقام علي شرفه دورة تكريمية في القماير ولا الكباجاب علي اسوأ الفروض , عشان لمن نقول ليكم انتو فارات ومخلوعين بتجيبوا دليل ادانتكم بيدكم , انا من قبيل بتكلم عن عادية معرض الخرطوم بالنسبة لي ايمن كونه ضمن الحلة , الحتة الانتو بتشكوا قمصانكم عشان تدخلوها وتحلقوا مارنزي وبانكس تحت الشجر , فمافي اي فرق بين خلعة طلحة جرجير وخلعتكم اللهم الا انه جرجير اتجاوز الخلعة وبقي ليهو الامر عادي الا ان اولاد قلبها , قلبهم مقطوع وبتخلعوا كل ما تيسر لهم ذلك .
| |
|
|
|
|
|
|
|
|
|
Re: tmbis (Re: وليد محمد المبارك)
|
نرفع ليك صور لندن وتركيا وفرنسا ... ولا بتزعل ؟
ـــــــــــــــــــــــــــــــــــــــــ
الجديع الجد البوريني انك ود قلبها ارفع لي صورك في القماير وامبدة
| |
|
|
|
|
|
|
|
|
|
Re: tmbis (Re: وليد محمد المبارك)
|
زوووووووووووووووووووووط الـ 100
الصورة دي في ولز كاردف
ما تضايق عليك الله
اما الصورة دي في فكتوريا بتكون بتمسع بيها
اها دي عشان عمر الفاروق يونسك بيها
الصورة دي قدام الملينيوم استيديوم
هاهاهاهاهاهاهاهاهاهاهاهاهاها
طبعا بتكون شفتو من جوه في الدوري الانجليزي
لكن ما بره ما بتكون عارف شكلو كيف
عليك الله عاين العربات دي في نمرة حقت واحد فيهن بالعربي
دي كاردف بيه
ما بتعرفها ما تشتغل بيها كتير
___________
ياخ الواحد كايس ليه طريقة من قبل سنوات عشان يتجدع بالصورة دي
ما تجيه الفرص الا في 2013
صحي البصبر بنول
| |
|
|
|
|
|
|
|
|
|
Re: tmbis (Re: حسبو عكاشة)
|
جرجير ؟؟؟؟؟؟؟ والله يا أساسي ما فاضل ليك إلا تقول لي بتاع تبديل الهدوم القديمة بالعدة البلاستيكية .
طلحة تنظير يا اللخو لو سمحت واللا ما سمحت ..
تاني النسمعك قلت لي جرجير ؟؟؟؟
| |
|
|
|
|
|
|
|
|
|
Re: tmbis (Re: طلحة عبدالله)
|
يا اسس
عليك الله ما تضايق
بعدين والله الصور دي حارقاني ليها كم سنة
ماف زول كده من المناتلين هابشني .. عشان اقوم اشهرها ليه .. واقول ليه .. جيناكم وما لقيناكم .. انت قايل لندن دي بعيده
فغايتو جات فيك ... وانت ما مقصود .. اساسا انا لو في زول سالني ساكت انت قريت وين ؟
كنت حا اقول ليه قريت في الحارة التانية لكن مشيت لندن قبل كده
قبل كم يوم كنت حا اشهرها ليك في ود الفاروق ده والله
لكن زاغ
ياخ انا الليلة اتفشيت
وزي كاني استنفدت اغراضي من سودانيز اون لاين
يمكن ما اجيكم تاني
هاهاهاهاهاهاهاهاهاهااااااااااااااااااااي
احي يا امي
| |
|
|
|
|
|
|
|
|
|
Re: tmbis (Re: طلحة عبدالله)
|
دقيييقة دقييقة يا وليد ..
المتصور معاهو ده معاااذ ؟؟؟؟
حولاااا لكن بالله إنت كنت حاايم مع هذا الجمجااار ؟؟؟ ياخ ده زووول كارثة ولو لحق بكري اداهو اكاونت هنا باقي لي نص ناس البورد ده بيشردو :)
اااامنت بالله كيف بريطانيا دي صغيييرة ..
والله لكن يا معاذ الفكي مشت معاااك طحنييية ..
| |
|
|
|
|
|
|
|
|
|
Re: tmbis (Re: طلحة عبدالله)
|
اديكم النجيضة يا صحاب
أولاد توتي الجات منها خرطوم توتي. وهي الأصل.
لمن تسخن بندخل سينما قاعة الصداقة وبنشتري الكاسيت من توب تيب. وعصرياتنا في حدائق مايو وطفولتنا في جنينة الحيوانات ولمن نجكس بنخلط في الفندق الكبير وبنحلق في فندق السودان وفي الأمسيات بنعلب بلياردو في الهلتون. ولمن نكون عايزين نشوف الجكس النضيف بندخل منتزه المقرن العائلي.
ويا أولاد قلبة. قرينا الثانوي في المؤتمر وكنا بنفطر في السكى وبنشرب كوز ليمون في كشك سوق الموردة القريب من جامع الأدارسة .. وقرينا موسيقى في قصر الشباب والأطفال. ثم بدينا معهد الموسيقى والمسرح أيضاً وسكنا بانت (عمارة الجزلي) في سوق بانت شرق.
ويا أساسي الآن شقتي في بري في الركن الجنوبي الشرقي لمعرض الخرطوم الدولي وبلكوناتي فاتحة على صالة الحفلات الداخل المعرض.
شايفين أنا طلعت شفت أكثر من وليد. .
أنا ود محل الرئيس بنوم والطائرة بتقوم.
| |
|
|
|
|
|
|
|
|
|
Re: tmbis (Re: اساسي)
|
| Quote: لاحظتوا معاي انه ابتداء من المستلب تمبس والمخلوع وليد ما جابو سيرة امدرمان في كلامهم ولما حبوا يستشهدوا بانهم اولاد قلبا فعلا لجوا لجديعهم برة السودان , المخلوع تمبس ما مصدق نفسه |
ابنا امدرمان اولاد قلبـــا ما بجيبو سيرة امدرمان .. إلا لما الفارات يسالو من امدرمان وقتها .. اولاد قلبا بختوها ليهم شديد ..
اولاد قلبا عندهم امدرمان عادية غير مخلوعين بيها .. كما خلعت ، زي الاسمو اساسي فطفق يتفسح فيها كل يوم المغربية المغربية.. واتخلع بها كما اتخلع بمعرض الخرتوم الدولي
معرض الخرتوم الدولي ما هو إلا محض ضريسـة وحسكنيت وشيلني معاك .. وبعض من حشائش السافنا الفقيرة التي تنبت في بيئة فقيرة المياه ..
نعم بعض من حسكنيت وشجر مسكيت ، (وحمبك) عشر يتفتح وتأخذه الريح ليغزو البيوت ويدخل للواحد في عيونو .. بينما في نفس الموسم وكل المواسم تتفتح الأزهـار وكل ورد الموسم في نواحي المسالمة وغزالهـا .. وود أرو .. وريفيرا الموردة ..
ما عندي مانع حتى لو ضيعني ساكـن الموردة ..
تيه واتاكا مراض وصحاح مقلو الفتاكـة .. إلخ إلخ وهذا تمام ..
حتى اغاني الشفوت الأخيرة .. تلك التي صاغها الشعراء القدامى في اي وردة فتقت في نواحي امدر وما زال يصيغها شفوت هذا الزمان على شاكلة .. حنييينه يا امدرمان ..
أو
أمدرمان لذيذة ..
أو
امدر يا حبيبة ..
لي حنين محمد محمد خير :
قالدت سوق الشجرة وأب روف والبنات
الزنكي
سوق الناقة
والناس والخدار
وقطعت حي البوستة مرفوع الكلام
ودمي ينبح ويندهك
تاوقت بي عيني اليمين
جوه الشمال
من قلبي كان نازل مطر
لون المطر كان بشبهك
عبيت مشاعري من النسيم
وزفرت طلعت الوحيح
خفت النسيم ما يجرحك
..
نعم محض حسكنيت ، وفقوس وحميض .. لو لما فتح الله على تلك البقعـة بي شفت من اولاد قلبـه من ابناء ود نباوي .. كان لحدت الآن تكونوا في تؤامــة تاريخيـه وتكامل زراعي وإلخ إلخ مع ناس طلحة عبد الله المسكين والزول القاعد جمبو ..
بي صورة اوضح:
ناس طلحـة المسكين دا يجيبو ليكم في موسم النشوق .. البادوبـة والفرنـاغه وبذور عيش الريف ولوبـا عفـن .. وفي رحلــة الدمـر تحملوهم بي الزهور البريــة بفاظاتها .. تلك التي يصنعها الفنانين على كورنيش النيل قبالة ابوروف .. وتجو تشتروها من معرض الزهور السنوي في قاعـة الصداقـة .. كتذار عزيز تمشي تسوق معاك طلحـة دا وتمشو اقرب استديو عشان تتصورو قدامـه .. والواحد فيكم لازم يكون حالق جديد والقطعية في نص الراس .. احي انا ياخ .
..
اولاد قلبـا لا يتخلعـون باللذي شافوهو عندهم .. لحدت الآن ياخ الاسكريم بعمل ليكم صداع بالجمبــه ، (والبستي) كولا بتطلع ليكم بي نخرتكم ..
وعادي جدا زمان وانت صغير في امدرمان ياتوك بالايسكريم من عمارة الفكي عوض الله .. وبعض من الحليب وانواع عجيبة من الجييييس المضفورة والصفراء الفاقعة والمقددة ، كلها من جورج مشرقي .. ولابد لك ان تتناول وجبة العشاء قبل النوم وتحبس بي ايسكريم والبكب شغال موزيكا هادية مزيكا ما قبل النومبي دقايق وبعض من الحليب ولا ضير من شرائح الفراولـة والاناناس وهذا كله من سوق امدرمان ..
والوكت داك نوعيتك دي .. يسكو فيها سك للحمام .. ويكون عندك اب عديلات .. مورم اخلاقك ، يا ضفرك مقلوع وحالقين ليك صلعـة (لقمل) ما الم بك مؤخرا.
| |
|
|
|
|
|
|
|
|
|
Re: tmbis (Re: tmbis)
|
يا تامبا
كدي بالله اسالو بس قول ليه
انت بتشجع منو ؟
شوفوا كان يقول ليك الخرطوم والا الاهلي ولا حتى النيل
| |
|
|
|
|
|
|
|
|
|
Re: tmbis (Re: tmbis)
|
Quote:
ياخ انا الليلة اتفشيت
وزي كاني استنفدت اغراضي من سودانيز اون لاين
يمكن ما اجيكم تاني |
.. بختك والله مبيضة ليك في قفص
..
زمان يا وليد كنا بنقعد في شارع الموردة . قصاد حديقة الموردة وهوا البحر ضارب فيك .. لما تلقى ليك ماف موضوع بتمشي عكس الشارع جهة العربات الداخله امدرمان ..
بتلقى ليك اتنين تلاتة زي الوهم بتاع معرض الخرتوم دا تلقاهو راكب في الحافلـة ..
تتوزعو فيما بيناتكم ..
واحد بوقف بتاع الحافلة .. التاني بيطلع الحفلة يدقها ليك فتاشة .. لما تلطلع الحافلة البتلقاهو مبتسم ومتكشم دا بتخليهو ..
البتلقاهو سارح بعاين بالشباك .. دا بتنزلو .. بتعرفو جاي من جهات معرض الخرتوم ..
وحيات ابتسامتك دا بنساهر بيهو لي الليل ..
لكن كمان الواحد فيهم مستفز جدا .. تسالو الجايبك امدرمان شنو بالمغربية ..
يقوليك ماشي نادي الفنانين اشوف ناس اللميـن عبد الغفار ومحمد اللميــن ..
..
بختك يا وليد .. بس انا خايفو يجي يقوليك الصور دي مزورة .. زيو وزي فرح ابو ورطـة واحد اصلو ماف فرق
| |
|
|
|
|
|
|
|
|
|
Re: tmbis (Re: tmbis)
|
يا تامبا
ياخ الدنيا دي ما ساهلة
نحن لو ما لقينا زي ناس اساسي ديل .. نرفه بي منو ؟
| |
|
|
|
|
|
|
|
|
|
Re: tmbis (Re: tmbis)
|
هههههههههههههه
صدقت يا تامبا
ناس أساسي ديل عينة البتلقاهم ماشين في الشارع طوالي تعرفو متغدي بى ملاح رجلة ..
ما في غسيل يدين بعد الأكل .. تأكل وتمسح يدك في وشيك وتقوم مفنجط لاحق الدافوري البعملوا ليهو قناية من هنا وقناية من هنا
والعارضة بتكون من حبل سعف واللا دلقان توب قديم.. والفائز في النهاية جايزتو صندوق لبان احمر واللا فتة فول بى موية جبنة وزيت سمسم في دكان
عمك السيد بعد صلاة العشاء على طول .. والغريبة الجماعة الفايزين ديل كلهم بجوا للفتة دي مستحمين ولابسين شرابات .
طبعا يا تامبا إتا المرحلة دي اتخطيتا من فترة ليس بالقصيرة ولكنها ليس بالطويلة أيضا .. وبقيت من الناس البختوا الابريق وصابونة الفنيك
جمب باب الصالون لزوم الغسيل بعد الغداء وكدا .. لكن المستغرب ليهو أنا انو حركة الصابونة والابريق جمب باب الصالون دي ما بتكون
إلا في ساعة الغداء بس .. ما عارف باقي الوجبات النظام فيها كيف .
غايتو حكمتو بالغة شديد والله .
| |
|
|
|
|
|
|
|
|
|
Re: tmbis (Re: طلحة عبدالله)
|
تاااني نعييدا ليك هنا يا وليد عشان تشووفا :
دقيييقة دقييقة يا وليد ..
المتصور معاهو ده معاااذ ؟؟؟؟
حولاااا لكن بالله إنت كنت حاايم مع هذا الجمجااار ؟؟؟ ياخ ده زووول كارثة ولو لحق بكري اداهو اكاونت هنا باقي لي نص ناس البورد ده بيشردو :)
اااامنت بالله كيف بريطانيا دي صغيييرة ..
والله لكن يا معاذ الفكي مشت معاااك طحنييية ..
| |
|
|
|
|
|
|
|
|
|
Re: tmbis (Re: عمر الفاروق)
|
النصيييحة ليك يا الله .. الخرطوم دي قاعد اتعامل معاها على أساس إنها مطعم كبييير ..
الحاجة الوحييدة الكانت بتقطعنا الكبري هي المطاعم والأكل النضييف ودي زاااتا مبنية على إشاعات يطلقها الحناكيش من اولاد الخرطوم ..
السوداان كلللو زمان بيصحى على نغمة واااحدة إسمها هنااا امممدددرمااان ..
| |
|
|
|
|
|
|
| |
فيصل نوبي
tmbis
أيمن الطيب
وليد محمد المبارك
اساسي
abas
Faisal Elrasheed
محمد المسلمي
وليد عبد اللطيف
عمر الفاروق
محمد عبد الماجد الصايم
إدريس محمد إبراهيم
حسبو عكاشة
عزيز
فيس بوك
تويتر
انستقرام
يوتيوب
بنتيريست