تمبس كدا حاف يا فلـــه ..؟ .. والله لو لما العيش والملح اصلن ما كان رديت ليك .. .. واديك ميزة تاني يا فيصل .. عايزني ارد ليك كدا دا راسك عديل .. لازمن تعمل حاجتين ..: اولـن: تكتب بعد تمبس اي حرباشات .. المدعــو .. الكوز .. توجد صورة .. توجد جنسية إلخ إلخ ثانين: تكتب فوق وتنزل تكتب تحت في آن واحد شفته آن واحد دي كيفنها ..؟ .. افتكر اني وريتك الحاجات كلها .. وما حرمتك من ايتها حاجة يا نوبي .. انا جني وجن حركات الفارات دي اصلو ما بتنفع معاي انت فارة يا فيصل واللا شنـو ..؟
والله يا فلـة بالاكتر ياخ .. .. زمان يا فيصل الواحد يكتب مداخله يا يقرا ليهو مداخله شهر كامل يكون نايم وضاربو الهواء ومبسووووط .. حسع دي تجي تقرا ليك ربع مداخله .. تقوم ليك حبوب في وشك .. تجيك انيميا .. يجيك تسمم إلخ إلخ .. . وتدنقر تحت المداخله .. تلقى بكري فاتح ليهو ادبخانه لي ناس غير الريحـة العفنـة ما بتصدر منهم حاجة .. .. اهو بقينا نختار الحتات البنجي نمتع فيها نفسنا .. من حين لآخــر .. نحن ناس صبر .. صبوريييييين ما زيكم كدا الواحد بيلقط قشو ويتخارج ..
محظوظ يا ود اللذينا .. محظوظ .. بقت انترنت ساااي كان تلاقينا زمان لما كان كاتلنا الشر وبنغسل هدومنا برانـا .. كان عادي جدا زوجناك واحدة من الحور العين ديل .. والله نوعيتك دي كمان نخرته ليك جنس خرت في الكنجالات .. عليك الله انت لاقي ليك حور عين تعرسـة .. اييييييييييييه .. حسع الواحد بقى يرد لي فرح ابورطـــــــــة .. وجادات .. ونقط نقط نقط .. إلخ إلخ ..
ملحوظة: ارجو ان تقرا .. نقط نقط نقط في صياغها الطبيعي دون المساس بها في استخدام ليس لي فيه اي حنك
سلامات يا علاء جبت القشطة زي ما بيقولو أولاد بمبة ناس سد النهضة الواحد يجيب ليهو كباية شاي و معاها نفس فتحة للقراية و معاها رغبة في المعلومة تمسك الصفحة تجرها من فوق لي تحت من العناوين تعرف إنه القصة بايظة و شايك يبقا ليك حنضل اها تقوم تفتش الردود و تمتع نفسك بالدهشة زمان الواحد بيكون فاتح ليهو كم و عشرين ويندو .. و ما تلحق تقرا ..
Quote: نحن ناس صبر .. صبوريييييين ما زيكم كدا الواحد بيلقط قشو ويتخارج ..
نشهد لك بذلك والله يزيدكـ صبر قول آمين ياخ جنس جاكات و أبو ورطة و هلم جرّ ديل يقدرو عليهم كيفن !!
_ أيمن الطيب ده سوقو هسي وديهو جامع الأدارسة كفاهو
نبات المورينجا أو المورنغا أو المورينقا Moringa تسمى بأسماء كثيرة لفائدتها، واعتماد فئات كثيرة من الشعوب عليها، فهي تسمى شجرة الرحمو، وشجرة اليسر، وغصن البان، والحبة الغالية، وشجرة الرواق؛ فهي تتكيف مع أية بيئة، ولا تحتاج إلى مياه كثيرة سوى مياه الأمطار، بحيث تزرع في الجبال والصحاري؛ إذ تتميز بقدرتها العالية على تحمل الجفاف؛ ولذا فهي تنمو في الأراضي القاحلة، والحارة، ونصف الجافة، والجافة، وفي المناطق المعتدلة والدافئة أيضاً، وتعتبر من أسرع الأشجار نمواً في العالم؛ حيث يصل ارتفاعها إلى أكثر من مترين في أقل من شهرين، وأكثر من ثلاثة أمتار في أقل من عشرة أشهر، وهذه الشجرة يستخدم منها كل أجزائها تقريبا
ولذا فهي تنمو في الأراضي القاحلة، والحارة، ونصف الجافة، والجافة، وفي المناطق المعتدلة والدافئة أيضاً، وتعتبر من أسرع الأشجار نمواً في العالم؛ حيث يصل ارتفاعها إلى أكثر من مترين في أقل من شهرين، وأكثر من ثلاثة أمتار في أقل من عشرة أشهر، وهذه الشجرة يستخدم منها كل أجزائها تقريبا
السيسبان:ويسمى أيضا"في بعض البلدان بالمسكيت الاسم العلمي:sesbania sesban وهي شجيرة الى شجرة كبيرة حسب ظروف التربية متحملة للجفاف الى حد ما،والعامل الأساسي الذي يحدد نموها هو كمية مياه الري المقدمة لها،وتستخدم أساسا"كمصد للرياح على أطراف الحقول والبساتين. يمكن أن يصل ارتفاع الشجرة حتى /5/ أمتار،الأوراق مركبة والأزهار تكون في نورات زهرية تزهر في فصلي الصيف والخريف والثمار تكون قرنية تحمل كل منها عدد كبير من البذور قد يصل الى /40/ بذرة. لأوراق السيسبان استعمالات طبية ويمكن استخدام هذه الشجرة كمصدر هام للأعلاف الخضراء لقطعان الماشية . ولهذه الشجرة كثير من المحاذير فهي تمتاز بسرعة نموها عندما تتوفر لها الظروف المناسبة ونتيجة انتاجها لعدد كبير من البذور يؤدي ذلك الى سرعة انتشارها عن طريق الحيوانات،حيث تمتاز بذورها بالصلابة بحيث لا يتم هضمها في كرش هذه الحيوانات،اضافة الى انتشارها بواسطة مياه الري والسيول . أدى الانتشار العشوائي لهذه الشجرة الى حدوث مشاكل كبيرة في اعاقة جريان مياه الري في الأنهار والسواقي اضافة الى مجاري السيول والزحف باتجاه الأراضي الزراعية.
Quote: نبات المورينجا أو المورنغا أو المورينقا Moringa
عليك الله يا اساسي طالما بقيت فكي بتاع عروق واعشاب .. شوف لي معاك الحتة بتاعت عشبـة بن علي اليمني دي .. لو بتنفع لبخــه للوز .. شوف لينا منها حبـة كدا نلبخــه لي فايز ود القاضي مسكين قالو تاني البووز قامت عليهو .. كمان اجارك الله .. بووووز السخانه دي صعبه خلاص والله قالو الواحد بلع ما بقدر يبلع بالنسبة للنواشف وكدا
ايمن وفيصل لو عاوزين لبخــه شوفو اساسي دا من بدري بقدر يوفره ليكم انا بوصله لحدت عندكم نحن اخوان
وحيات ابتسامتك يا شفت ولا مليـن احمر .. والواحد فيهم يمشي يقشر بيك .. يقوليك والله الليلة كنت بكتب مع ناس تمبس في الانترنت وقامو ردو لي .. عليك الله يا وليد عاين الحتة بتاعت بكتب معهم في الانترنت دي عامله كيف ..؟ طيب ياخ ما تقول بكتب معاهم في موقع حوار .. يا حاجة زي دي .. اها شفته رد زي دا بتعبني شديد .. بحش افكاري ..
Quote: وحيات ابتسامتك يا شفت ولا مليـن احمر .. والواحد فيهم يمشي يقشر بيك .. يقوليك والله الليلة كنت بكتب مع ناس تمبس في الانترنت وقامو ردو لي .. عليك الله يا وليد عاين الحتة بتاعت بكتب معهم في الانترنت دي عامله كيف ..؟ طيب ياخ ما تقول بكتب معاهم في موقع حوار .. يا حاجة زي دي .. اها شفته رد زي دا بتعبني شديد .. بحش افكاري ..
اصبُر ...اصبُر
انت قايل الجهاد ده الا يمشي ليه تورا بورا ده جهاد والله صحي .. كمان جهاد اكبر
صدقني بعد ما تموت بي 200 سنة
حا تطلع طائفة اسمها التمبساب ... حا يكون منهجهم الصبر في كل الظروف وحا يعملوا ليك تمثال كبيييييييييييييييييييييييير في خور ابو عنجة ومزار كمان
Quote: تمسك الصفحة تجرها من فوق لي تحت من العناوين تعرف إنه القصة بايظة و شايك يبقا ليك حنضل اها تقوم تفتش الردود و تمتع نفسك بالدهشة زمان الواحد بيكون فاتح ليهو كم و عشرين ويندو .. و ما تلحق تقرا ..
اي والهل يا نوبي .. تصدق وتأمن بالله .. يصادف انا شهر شهرين ما ادخل المكان دا .. خوف سااااي بقيت ما بدخل .. خوف من اللذاجـــة دي .. الواحد يدخل فيك لذاجـة طول عمرك ما تمرق منك .. بقيت عامل لي ماوسين يا نوبي .. واحد باليمين وواحد بي يدي الشمال .. ادخل البورد كلما اللقى لي اسم من الاسماء اللذجــة دي ... بكون شغال زي البنشل في مويـة من البير .. ظييييييييييييييطك لي تحت ظييييييطك لي تحت بالجمبه التانية .. ياخ انا ذنبي شنـو ؟؟ بعدين بي صراحة كدا في واحدين والله لو ما الدنيا نترنت ساااي .. سيلي الله الحتة القاعد فيها ما يجو مارين بيها حسع دي الواحد يكتب ليك ويقل ادبو وعايزك كمان تجي ترد ليهو بي سرعـة .. انتو الانترنت دا مجنون واللا مالووو ..؟
و هسي يا شفت إنت قايل البوست ده واحد من مآربه الشريرة ما إعادة تلميع لأخوكـ نوبي بقيت تجي و تمشي لا حس لا خبر ! السنة دي لا كورة لا أخلاق لا سودانيز أون لاين الحمدلله رمضان جاي الواحد يمشي يشوف ليهو مكان يعتكف فيهو كفارة لما مضي
Quote: يا تمبس والله مفروض يقسموا معاك .. المناتلين ديل
والبغيظك شنـو يا وليد انت قايل .. يجيك ابو ساندرا بي (شحمو ولحمــو) يقوليك انت قايل نفسك مشهور ..؟ عليك الله دا حسع فرقو شنو من فرح ابو ورطــــــــة ..؟ عارف عندي تلاتة او قول اربعـة لزجين كدا في البورد دا .. النوع العايز اليوم كلو يكون نايم ويجيك في آخر المغربية عايز يدخل قووون ويقوم جاري .. اها التلاتة واللا اربعـة اللزجين ديل .. كرت كرتونـة عاملين نظام الحالة واحدة .. جايين الاسبوع الفات وعاملين فيها مناضلين كيبورد .. الواحد المرة الاولى يكتب ليك صلاخيـة .. لما تطنشو يقوم تاني يكتب ليك .. لما ترخيهو .. المرة دي بيناضل فيك بي اصابعين كرعين ويدينو ... امنقه حاجة شنـو انت قايل ..؟ واحد فيهم قبل فترة كتب لي وقالي تعال رد هنــا .. يعني انا ابطل رد لي فرح ابو ربطـة واللا ابو ورطـــــة دا واجي ارد ليهو بسرعة .. انا خايف كمان بعد شوية يكتب لي رد لي في رد براي ما ترد لي مع الناس
بي صراحـة انا جني وجن اللزجيـــن .. الواحد بطمم لي بطني طوالي بحس بي نفسي اشتر ولا بقدر ابدع في الردود الواحد عايز لما يجي يرد كدا يكون في ابداع في الرد .. ترد وتحس انك بتضيف حاجة في ردك .. العجيبة كمان يا ووولي في واحدين شايلين مفرداتك وكاسحين بيها قاشرين بيها كمناضلين كيبورد .. كرت كرتونـة .. والواحد تلقاهو بي تحت في الحجاب الحاجز بتاع بكري دا تلقاهو عندو اسم تاني يكتب ليك في كلام وهمي جدا ويسب ليك الدين
والله يا موني اتمنى ذلك .. ما عايزين اي فارات هنـا .. انا ماشي اظبط لي فنجان قهوة وجاي .. اي واحد يا ايمن تحس بيهو من الفارات جاي يعمل حركات بي هنا .. وديهو الجير طوالي .. انا جني وجن الناس الما قاعده تضيف لي شان اكون مبدع
Quote: بـ(سـ)راحة كده تمبس مؤخرا بقي مسكين ,,, حتي كاد ابورطه ان ياكل عشاه .. ــــــــ قريت العنوان قايلو بوست رش فأذا به بوست (كيزان) في بعضيهم
كدي يا جماعة عن ازنكم ادوني فيصل الحرامي دا .. وينك يا فيصل ياخ ..؟ بالنسبة لي الاجتماعات السرية دي يا فيصل عايز احكي ليك قصة عشان الشيوعيين قاعدين يغالطو فيني من فترة وقالو لي انت اصلو ما كنت مناضل يوما ما .. زمان في حلتنا يا ود الرشيد .. بيت (الكبســنه) كان بيت ناس عمك حكمـة .. نحن كنا صغار شوية كدا يعني .. طبعا الشوعيين عاملين فيها مفتحين بمشو بيعملو اجتماعاتم اثناء الكوشتينة ما تكون مدورة .. والكبنقـة مدوره. نحن وحيات ابتسامتك كان بستخدمونا كدروع بشرية .. اي نعم نحن ما بنتكبسن معاهم الوكت داك لكن كان اذا جات طاره من الامن بنقوم بجدع الباب بالحجارة .. وهم بتصرفو .. في المحاضر حقت الاجتماعات .. ... اها في ذات يوم خريفي .. والسماء ممطرتن .. او ممطرتن .. (حقو سلمى تشكل وتصحح الاملاء دي من الحجاب الحاجز بي تحت ) شايف في حصة املاء مدورة .. المهم قومي يا المطرة صبي .. وادت الوااطة رشـة سمحة كدا المستفزة ديك ومحرضة على المعصية .. الجماعة مدورين دخاخين على كشاتين .. قومي يا طااره الامنجية (كتمت) ليك .. نحن من ما شفنا الحديد داخل اول الشارع عرفناهم ليك .. رجمنا ليك الباب .. قامو جماعتك ادفنك ادفنك لي المحاضر في الحوش بتاع البيت والمطرة راشـة المكان .. والبيت فسحة كبيرة جدا .. الجماعة دخلو جوه .. دقو ليك الجماعة فتاشـة .. الشيوعيين شبكو ليك الامنجية .. حليفة: وشرفي .. عندي ترتار واحد بس .. وقسما باللذي جعل السماء معبد سجارة واحده وعايز اصطبح بيها بكرة .. وحياة هدهد الخوه البيناتنا .. آخر تشطيبه معاي .. وإلخ إلخ .. طبعا بالنسبة ليهم اخير الواحد يتمسك بي سجارات بتخارج منها عادي لكن يتمسك بي محضر دي واسعة شويــة .. انت قايل الديك والجداد .. ما كانو شغالين حملة حفـر في الحوش المبلول مش كدا ؟؟ تعرف بعد دقايق .. والامنجية شغالين ليك زرقنـه في الجماعة .. قوم يا جداد احفر الحوش زي الموصنو .. ياخ بعد شويــة ورق الرونيو دا ما يديك الدرب .. وعشان تعرف الشابكننا منظمات حقوق انسان ورفق بالحيوان وبتاع بعدما فكوهم جو لمو ليك في الجداد دا كلو ضبح من طرف .. حملات تطهير عرقي عجيبة .. لدرجة انهم حتى القوانص ما فضلوها بالمناسبة: صاحبك بقى يكبر مني اللفــة .. صاحبك بتاع نقادة كوستي .. تخيل بقيت اكتب ليهو يرد لي بعد شهر وغلا ما يرد لي زاتو عليك الله شفته محن الدنيا دي ..؟ دا كلو وانت مافيش ..
Quote: صاحبك بقى يكبر مني اللفــة .. صاحبك بتاع نقادة كوستي .. تخيل بقيت اكتب ليهو يرد لي بعد شهر وغلا ما يرد لي زاتو عليك الله شفته محن الدنيا دي ..؟ دا كلو وانت مافيش ..
ياخ والله ده بالذات مفروض نعمل ليه تمثال من ريش الجداد بتاع المنشورات ده.. هو ده زاتو مش بتاع مصنع المويه والا التلج ما عارف
ياخ وين المخضرمين ديل ... الواحد بقي يجي غير هباني تلقاه قاعد زي غفير المقابر مافي زول ... والله مشتهين لينا كيتا قبل رمضان ما يكبس والجماعة ديل يربطوهم .. وتبقي مع ركشات 2013 ..
الغبار هو اسم عام لأي جزيئات صلبة دقيقة التي يقدر قطرها بأقل من 50 ميكرومتر، ويحدث الغبار في غلاف الأرض الجوي لأسباب عديدة منها غبار تربة الذي تحمله الرياح وحبوب اللقاح. في البيوت والمكاتب يتكون الغبار من جزيئات من (( جلد ميت )) من الإنسان أو الحيوان, حبوب اللقاح, جزيئات من القماش والورق, وشعر من الإنسان أو الحيوان
Quote: باقي ليك الكومر ده بقدر على مساسقة الاتوسات والتيكوهات ديل ؟
والذى فلق الحبة وبرا النسمة اخوك ليهو كم يوم حاسي باحتقان ..احتقان عديل كدا , احتقان مؤسس .. وماسك نفسي الان بالرمق الاخير من الصبر . تقريبا ما قادر افرز .بحاول اتصالح مع نفسي وفردي القدام الهنا . خايف عليهم من احتقاني دا , خايف انبوب الاحتقان يفرط في وشهم .. وش اصحابي قبل الـما ـاصحابي تقريبا اوشكت , للامانة الادبية كنت خاتي عمر الفاروغ في راسي , بصراحة حنني قبيل , غالبا حينتهي الموضوع بيكم انتو . ايوة انتو اولاد ام درمان ( اولا قلبا ) كدا بي صمة خشمكم داير ارشكم بالاضافة لي دكين بتاع الضهاري , قصة امسك نفر نفر دي بقت شوية علي , بعد دا الرش حيكون بالجملة ونبدأ بالقريب والصديق قبل البعيد ... بصورة اخرى ما عندي صليح بكل وضوح و الق
Quote: Mohamed Badri · متابعة · Edmonton, Alberta واقسم بالله ياتمبس والنوبي والشباب العواجيز الفي البوست ده من ما جف قلمكم من المنبر والله ( سودانيز اولاين ) بقت مرتع لليسوي والمايسوي وين الناس اصحاب الاقلام الكانت تحير زمان زمنكم ياشباب ياعواجيز في سودانيز اولاين مابتقدر تغمض عينيك والان تقفل نخرتك وتشتت تقول انت ماشي في اللاماب محل الريحه ديك تتزكروها ........ ياحليلكم ياناس الزمن القديم
كان ابو روضة وجاكات برشو ما عارف , جاب لي اكتر اتنين بدردقوا ليكم نفسهم وتقول لي بقوا يرشو ؟ انت نسيت الرش كيفنو يا سناتور ؟ ولا قعدتك في دبي الشهرين ديلك كتلت قلبك
Quote: Abdalaziz Hussain · متابعة ازيك يا حجه سلمى .. انتي برضه وقوفوك بكري دا جنه ولا شنو أوعي يكون السبب صديق الموج الله يكتله رد · أعجبني · منذ دقيقتين
والله يا عزو جيتك البي تحت دي بقت تذكرني ناس ( السِلكون) في استادات السودان , الناس البنتظروا نص الشوط التاني برة الاستاد لحدي ما يفتحوا ليهم الابواب ويجو جاريين توووش ويقيفوا في السلك , الواحد فيهم هو وحظه الزول القدامه بس , وقوف السلك الكتير خرب الفاظهم كله كله , دا غير معاناة الزول البيكون واقف قدامهم . الزول البيكون واقف قدام لما يتضايق ويتلفت وراء ما يعرف يشاكل منو فيهم , كلهم شركاء في الجريمة , عشان كدا استنسخوك يا عزو وعملوا ليك رديف وبقيت مصنف مع ناس الدرويسة وسودان شنو ما تعرف وبعد دا كلوا الجمهور مع فتحة الابواب يهتف ( ملح ... ملح ... ملح )
عليك النبي اساسي ده فوتها ليه الزول ده صاحبنا ياخ .. ما تتشربك فيه لانو انا عارفك زي الحسكنيت والضريسا .. كان اتشربكت الا يفكوك بالتلته .. وبعد ده لاذم يلحقو شوكك بالابر الليل كله يناخسو فيه
والله متالق يا وليد وخاصة في الصورة الاخيرة البي التي شيرت حق الحبش دا وانت تزفر زخات (الارجيلة) عشان كدا ليك حق تقول كوة ونعيمة و الدويم زاتا , بصورة ما كلامك الجديد بقي متسق مع بيئتك
Quote: غالبا حينتهي الموضوع بيكم انتو . ايوة انتو اولاد ام درمان ( اولا قلبا ) كدا بي صمة خشمكم داير ارشكم بالاضافة لي دكين بتاع الضهاري , قصة امسك نفر نفر دي بقت شوية علي , بعد دا الرش حيكون بالجملة ونبدأ بالقريب والصديق قبل البعيد ... بصورة اخرى ما عندي صليح بكل وضوح و الق
قبل الرش,, بالله رجاءا خلى تامبا دا يكمل لينا قصة بت البحر اللقاها دى وركبت معاهو المركب طرحة وبعدها الموضوع برجع ليك,,
وفرصة برضو رجع للزول دا شبطو.. وأفرزنى من أولاد قلبا ديل بالله,,
راقي يا ايمن , لازم تكون راقي لانك مولود في معرض الخرطوم الدولي ونشات فيه , معرض الخرطوم لما يجيهو زي تمبس ولا وليد دا بيكونوا اسبوع لي ورا بفتشوا لاشد بنطلون في الحلة عشان يشدوهو , والواحد يتشحط لي قريب رقبته شاكي البنطلون الشدة وقميص عرس اخته عشان يدخل المعرض الانت بتلعب فيهو دسوسية عادي كجزء من الحلة , وبعد دا يجوك يشبوكوك اولاد قلبا ( قلبا ابيض ام درمان والله )
باصيناهم ليك في بوست تاني ما بنرد كلمتك يا ود حلتنا
Quote: لما يجيهو زي تمبس ولا وليد دا بيكونوا اسبوع لي ورا بفتشوا لاشد بنطلون في الحلة عشان يشدوهو , والواحد يتشحط لي قريب رقبته شاكي البنطلون الشدة وقميص عرس اخته عشان يدخل المعرض الانت بتلعب فيهو دسوسية عادي كجزء من الحلة
ههههههههههههه .. وحيات ابتسامتك يا وليد صاحبك دا يوم من الايام في السعودية بنين دي حيرتو ليك .. اتصلت عليهو قلت ليهو انت قاعد ووين يا مقطع .. تعال في الحتة الفلانية علشان تصلح وشك .. اديتو احداثيات المكان .. المكان غير الاحداثيات الممكن يدخله في الجي بي اس وتوصلو بي مزاج .. المكان الدخول ليهو إلا يجي قول والله انا جاي علشان اشوف .. علاء الدين منصور صاحبي .. اول حاجة لما جا داخل بفتشوهو .. وحيات ابتسامتك يا وليد صاحبك فتشوهو ليك بالبتاعات البتصفر ديك .. دقوهو فتاشة زي الشيوعيين الفوق ديلاك .. وشوف عيني وقفوهو على الحيطة وباعد بين رجلينو .. ويدينو على الحيطة وميمم وجهه شطر الأرض .. مررو ليك فوقو الجهاز البصفر من فوق لي تحت .. زوووووووووطك الجهاز صفر .. الزول دخل يدو في جيب الفاره دا لقاهو شايل ليهو عملة نقدية من فئة الخمسة وعشرين هلله وما عارف قايل نفسو جاي يلعب معانا ملوص .. قايلنا بنعلب طرة وكتابة وانا قاعد في غرفتي اتصلو علي الجماعة قالو لي يا مستر علاء في واحد قال جاي يشوفك ونحن فتشناهو لقيناهو شايل ليهو هللات .. ونحن متأسفين لي انو الزول دا جاييك ونحن ندقو فتاشة .. قلت ليهم خلوهو يمر .. صاحبك دا دخل جوه .. وقعد يتلفت .. طبعا ذمتو اوسع من يوم السبت .. لو لما ذلك كنت قلت ليكم خلوهو يتم الباقي الشافو شنو ..؟ وحسع دي لو واثق من ذمتو يجي ويعلم نقد ذاتي ويتم الباقي .. .. يللا يا بتاع معرض الخرتوم الدولي تعال تم الباقي كان انت راجل ..
ملحوظة: الكيس الكنت شايلو معاك .. وانت داخل مالك رميتو ما كان تجي داخل بيهو .. احي انا ياخ .. والله لو ما عرفت بورد كان نكرتك عادي زيك وزي اي واحد بجي بقيف ورا الناس البتكلمو في اللقاءات التلفزيونية
بعدين احب اضيف برضو انو الزول دا ملى ليك جوالو كلو صور .. محل ما يتلفت طق يصور طق يصور .. .. احب اضيف برضو انو لو قاوم ... اي مقاومة .. وحاول ينكر الواقعة .. الصور في .. نحن اي حاجة عندنا بي نظام
Quote: عدين احب اضيف برضو انو الزول دا ملى ليك جوالو كلو صور .. محل ما يتلفت طق يصور طق يصور .. .. احب اضيف برضو انو لو قاوم ... اي مقاومة .. وحاول ينكر الواقعة .. الصور في .. نحن اي حاجة عندنا بي نظام
يا تامبا خليك من السعودية البعيده ديييييييييييييييييييييك
ياخ الزول ده انا فسحتو في حلتم
شوفت حلتهم الفي الخرطوم ديك .. محل ما كان سايق الركشة
استر شنو يا وليد ياخ .. انا والله ما واجعني الا الكيس الا خاشي بيهو ..
والله كيس زي دا يا وليد انا آخر مرة شفته (ود الميتانة) شايلو داخل بيهو بيت ناس حواء كلاب .. مليان كمونيـة وبعض من جلافيط .. عشان يساهم بيها في الشيرنق كصعلوك نبيل داخل اي حانة بلدية يضرب مريسة وينهي يومو وهو قاعد (يطرش) وحاضن الحيطـة
Quote: قبل الرش,, بالله رجاءا خلى تامبا دا يكمل لينا قصة بت البحر اللقاها دى وركبت معاهو المركب طرحة وبعدها الموضوع برجع ليك,,
يا ايمن .. والله تتابعني انا بجننك .. بجننك عديل كدي .. خليني اطق طق ليك بتاع معرض الخرتوم دا وبعدين نجي لي موضوع الطرحـة بتاعت النيل دي الزول دا هيج اشجاني .. وانا لما واحد يهيج اشجاني .. نفسياتي بتتعب .. ولما نفسياتي بتتعب بتقوم مشاعري بتلعب
بالمناسبة يا اساسي ويا ولي ... طبعا انا بمشي دبي كل سنة اخر شهر 12 بحضر راس السنة هناك .. ترفيه وكده ... بقعد شهر كامل وبرجع اخر شهر واحد .. الكلام ده ليه 7 سنوات او تمانية المهم السنة الفاتت دي اخوك كان مفلس .. فقام جاء يوم 28 اتناشر وانا ما وصلت دبي
تييييييييييييييييييييييت عاطف مسخو دق لي تلفون .. عاطف : وين يا ولي .. ما جيتنا مالك انا : مسخن يا حبة .. السنة دي جلا .. ما بقدر اجي عاطف : خلاس خلاس .. بضرب ليك بعدين
بعد نص ساعة كده .. الموبايل .. تتييييت .. تيييييت .. تتيييييييت .. جاب رسالة عاينت لقيتها من مسخو
فتحت الرسالة لقيت فيها ... راجع الايميل يا معلم
خشيت الايميل طوالي لقيت رسالة جاية من مسخو فتحتها كاتب فيها : ياخ انت قايلنا نحن قاعدين نبرمج ليك وكت تجي .. يا فارة نحن قاعدين نبرمج بيك ... هاهاهاهاهاهاهاهاهاهاه ... شوف الاتاش وما تتاخر شوفت التاش لقت ليك عاطف مرسل التذكرة بتاريخ خمسة واحد
اخوك ما سغييييييييل طوالي ضربت ليه ترن ترن ترن
انا : الو عاطف عاطف : ياخ عليك الله يا وليد ما تعمل حركات المصرين وشكرا وبتاع انا : شكرا بتاع فنيلتك .. يوم خمسة ده ما مناسب معاي .. اخر التذكرة دي لي يوم 10 .. وطبعا تاخير الحجر فيه غرامة عاطف : ميتينك ياخ
بالمناسبة يا اساسي ويا ولي ... طبعا انا بمشي دبي كل سنة اخر شهر 12 بحضر راس السنة هناك .. ترفيه وكده ... بقعد شهر كامل وبرجع اخر شهر واحد .. الكلام ده ليه 7 سنوات او تمانية المهم السنة الفاتت دي اخوك كان مفلس .. فقام جاء يوم 28 اتناشر وانا ما وصلت دبي
متجدع والله ياولي ياخي انا عندي اصحاب هناك ماقادر امشي ليهم اصلا ياعمك هنا الربطه صعبه خلاص عشان كدي كل مره بدعوهم هنا انا اها المره دي الدعوه ليك بس من غير تذاكر
غايتو بلدكم دي الا يودينا ليها الحج ناسكم مفلقصين وحقارين
كان رسلت لي تذكرتين ما جاي .. الا توزنها مع الحج او العمرة .. حتين افكر
لالالالا ياخ نحنا ناس جده غير ناسنا احلى منهم مافي كمان بالمره عشان نجيب تمبس من الرياض ونعمل ليهو تكريم يظهر كورتو فكت شايف الفارات على قولو متلحنو ليك هنا هههههههههههههه
اساسي : تبرمج بي اكتر من كده كيف؟؟ ياخ صدق او لا تصدق قبيل لمن ضربت لي كنت في البريك حق الغدا .. اها لمن انتهيت من تلفونك الممل داك حسيت بي رغبة في النوم .. والله ووالله يا اساسي قلت انوم لي ربع ساعة واقوم الحق الشغل ..النومة اليااااها ..يا دوووب صحيت اسة الساعة 8 مسا .. ياخ إنت بقيت لا تطاق ياخ .. :) بالجد انت حالياً المنافس الأول لي الراجل بتاع ميلودي داك ..مع انو انا كنت الاول..
تخريمة : صورة وليد العامل فيها دايفنق في حوض السباحة دي فيها هدوم ولا بدون ؟
Post: #67 Title: Re: tmbis Author: عصام علي أحمد Date: 06-10-2013, 08:43 PM Parent: #66
Quote: صورة وليد العامل فيها دايفنق في حوض السباحة دي فيها هدوم ولا بدون ؟
بدون هدوم ياعمر وانا كنت شاهد ملك
انت قايل نحن بنرسل الفيزا والتذاكر لشنو ؟
اها
نرسل ليك الفيزا ياعمر ؟
Post: #68 Title: Re: tmbis Author: وليد محمد المبارك Date: 06-11-2013, 06:11 AM Parent: #67
Quote: بدون هدوم ياعمر وانا كنت شاهد ملك
انت قايل نحن بنرسل الفيزا والتذاكر لشنو ؟
اها
نرسل ليك الفيزا ياعمر ؟
اها جاكم كلامي
موش قلت ليكم في محل المعرض زمان بالليل ناس الخرتوم كانو بشركوا لي شنو ؟
Post: #69 Title: Re: tmbis Author: وليد محمد المبارك Date: 06-11-2013, 06:14 AM Parent: #68
Quote: يا وليد أساسي ودخالة حلة وكدا كوبر وبري أخوات بينهم كبري بس زمان كنا نتلاقي في الكبري هم جايين يشربوا عرقي عندنا ونحنا ماشين نجكس عندهم ، بس وكان كبرنا بنحج ونقعد لكن المشكلة في عجايزكم يا ناس امدرمان زي درويشة الرياض
يا عزيز ياخ ده تكافل عالي المستوى
تبادل للمنفعة كما وصفوه الخواجات بالكتلوج
Post: #70 Title: Re: tmbis Author: عمر الفاروق Date: 06-11-2013, 06:18 AM Parent: #68
Quote: نرسل ليك الفيزا ياعمر ؟
فيزا بي الخا ؟؟ يا عصام نحن مااا صدقنا مرقنا من مطبات الإبتدائي والمتوسطة بسلام وخوضنا معارك شرسة ونحن نلعب في ميادين الروابط والأشبال ..نجي على اااخر عمرنا نجي بي الفيزا ؟؟
مش كل الطير اللي يتاكل لحمو
Post: #71 Title: Re: tmbis Author: وليد محمد المبارك Date: 06-11-2013, 06:23 AM Parent: #70
يا عمر عصام ده ما داسيها و معبر عن ميوله دي في بروفايلو ... ومارق العده حقت الشافع كاعلان دعائي واعتراف صريح منو
Post: #72 Title: Re: tmbis Author: عمر الفاروق Date: 06-11-2013, 06:25 AM Parent: #70
يا عصام نحن اللذين قال فيهم الشاعر :
مركز جاب الاشارة ما شالونا بالطيارة
تخريمة : طبعاً الإشارة دي الفيزا ..
Post: #73 Title: Re: tmbis Author: عمر الفاروق Date: 06-11-2013, 06:31 AM Parent: #72
نفهم من بروفايل عصام ده يا وليد إنو كان من النوع البيشيل سيرمس الشاي من بيتهم يعملا كاس ويقول لي شفع الحلة تعالوا نعمل ليكم دورة ؟
Post: #74 Title: Re: tmbis Author: محمد عبد الماجد الصايم Date: 06-11-2013, 07:27 AM Parent: #73
أساسي والله كنت اظن انه اصابك ما اصاب العقاب الهرم .. حتي اني توقعت بوست تكريم واعتزال زيك زي العجب قبل ان ياتيك ابورطه ورهطه .. وكمان بالمره تفسح المجال ( للشباب ) والجيل الصاعد .. وكمان تستفيد من اوقات الفراغ وتمشي تاخد ليك غتسه غتستين مع ناس الشفت نواحي شواطي جميرا واتلانتس ..
ـــــــــــ رايك شنو يا الشفت في اقتراحي لابننا اساسي
Post: #76 Title: Re: tmbis Author: عمر الفاروق Date: 06-11-2013, 08:05 AM Parent: #75
اساسي قادر على العطاء يا ابو الفيص لمدة ربع ساعة ..ودي اعتقد كافية جداً عشان تعمل الفارق .. نحن ما عايزين منو أكتر من الربع ساعة دي ..
وارد جدا إنو عمر الفاروق يكون قاصد إنو أساسى ما بقدر يدى أولاد قلبا ديل أكتر من ربع ساعة...
الزول دا ما عندو ضمان خالس خالس,,
وبعدها نحاول نصل لإتفاق ولو شكلى حول أصل ومعنى وفهم المصطلح المتداول بكثرة بتاع فكرة (أولاد قلبا) وفى بحث ودراسة وأطروحة ممكن تمثل مدخل جيد للموضوع والقاعدة الأساسية فيها كانت أن أولاد قلبا مسمى لا يمكن إحتكاره ونسبه لمجموعة بعينها وإنما يمكننا فقط إطلاق التسمية على أولاد قلبا فعلا اينما كانوا!
أولاد قلبا بتاعين البوردات والمنتديات والفيس بوك وكل من يأنس فى نفسه الكفاءة مرحبتين والله ومنكم نستفيد,,,
يا وليد برى أبوحشيش ما زالت موجودة وما تلخبت المعرض مع الهابى لاند!! المعرض كان فسحة السودان كلو بكل الأعمار ومختلف (الفئات) وخاصة ناس قرب تعال والأطراف والضواحى وطرف المداين بمن فيهم الجماعة الركزت عليهم.
الهابى لاند كان واحد من برامج أولاد قلبا بتاعين الزمن داك بجو بالضلمة وبمشو بالضلمة والقاعدة الأساسية (الليل غتى الجبال)
Quote: والله نوعيتك دي كمان نخرته ليك جنس خرت في الكنجالات
زمان كان عندنا واحد خارت الجماعة كلهم وهو اعمي .. كان عندو أبقرشين فيهو كتابة بالجنبتين .. ههههههههههه .. ...................... بمناسبة البوست دا اعتقد انو الباشمهندس بعد كدا المفروض يعمل حوافز تشجيعية ويخت ليهو ألقاب من عينة عضو مميز وساحر عبقري وحاوي بنفسجي .. الخ .. اييييييييييه....... يا حليلك يا سودانيس أون لاين البقيت بتاع ونسة لساتك .
Post: #80 Title: Re: tmbis Author: وليد محمد المبارك Date: 06-11-2013, 10:00 AM Parent: #77
خلاس يا ايمن ما تزعل
نعدل كلامنا
اولاد امدرمان كانوا بجوا يبولوا في الهابي لاند ويرجعوا
كيف كده معاك
Post: #79 Title: Re: tmbis Author: وليد محمد المبارك Date: 06-11-2013, 09:47 AM Parent: #75
لا كده اثبته لي بالدليل القاطع يا شفت انك ما جئت لحوار او انك خميت مع الجماعة النهبو البلد... صراحة اساسي ما بقدر علي الشلهته دي
يا حليلك يا اساسي .. هسه عاين ود امدرمان ده بحندك فيك كيف
ــــــــــــــــ * يحندك بلغة اولاد الخرطوم تعني يغيظك .. حندك يحندك فهو حنداك مثال : حندكني وبكي وسبقني اشتكي
Post: #82 Title: Re: tmbis Author: وليد محمد المبارك Date: 06-11-2013, 10:08 AM Parent: #81
لاحظ معاي يا فيصل الرشيد
الصور الرفعتها دي ما فيها ولا حبشية واحدة
واخد بالك ؟
Post: #83 Title: Re: tmbis Author: إدريس محمد إبراهيم Date: 06-11-2013, 10:24 AM Parent: #82
سلامات أخوي فيصل .... وكل الحبايب ...
Quote: اي والهل يا نوبي .. تصدق وتأمن بالله .. يصادف انا شهر شهرين ما ادخل المكان دا .. خوف سااااي بقيت ما بدخل .. خوف من اللذاجـــة دي .. الواحد يدخل فيك لذاجـة طول عمرك ما تمرق منك .. بقيت عامل لي ماوسين يا نوبي .. واحد باليمين وواحد بي يدي الشمال .. ادخل البورد كلما اللقى لي اسم من الاسماء اللذجــة دي ... بكون شغال زي البنشل في مويـة من البير .. ظييييييييييييييطك لي تحت ظييييييطك لي تحت بالجمبه التانية .. ياخ انا ذنبي شنـو ؟؟ بعدين بي صراحة كدا في واحدين والله لو ما الدنيا نترنت ساااي .. سيلي الله الحتة القاعد فيها ما يجو مارين بيها حسع دي الواحد يكتب ليك ويقل ادبو وعايزك كمان تجي ترد ليهو بي سرعـة .. انتو الانترنت دا مجنون واللا مالووو ..؟
Quote: بعدين بي صراحة كدا في واحدين والله لو ما الدنيا نترنت ساااي .. سيلي الله الحتة القاعد فيها ما يجو مارين بيها حسع دي الواحد يكتب ليك ويقل ادبو وعايزك كمان تجي ترد ليهو بي سرعـة .. انتو الانترنت دا مجنون واللا مالووو ..؟
بصراحه يا تامبا يا صاحبي .... إنت من الأول كان توريهم - على قولك - منو الشطّف القرد ... عشان يعرفوا حاجه .....
دا ما ياهو البنقول فيهو زاتو من البداية , لكن هل من ليس من بينكم رجل رشيد . ودا برجعنا لي كلامي القبيل عن رقى ايمن ود بري ود الخرطوم ود قلبا الجد وايضا جنابو عمر عثمان ود الخرطوم اتنين محل الارستقراطية الحقيقية لو كنتم تعلمون الاتربو علي الترف الما بتخلعوا لمن يشوفوا عمارة فيها قزاز , عن ناذر الخليفة ود الخرطوم تلاتة الكانو بقضوا العصاري في شارع الجمهورية وما ادراك ما شارعها ايامئذٍ لاحظتوا معاي انه ابتداء من المستلب تمبس والمخلوع وليد ما جابو سيرة امدرمان في كلامهم ولما حبوا يستشهدوا بانهم اولاد قلبا فعلا لجوا لجديعهم برة السودان , المخلوع تمبس ما مصدق نفسه , لما الشركة بتاعته الشغال فيها نزلته في رحلة عمل في فندق في جدة فيهو واحد بتاع سكيورتي من اخوانا البدو في نواحي جيزان فرحان بالحديدة البتطلع صفارة بتاعة السكيورتي , لدرجة انه بفتش الجرسونات الشغالين في الفندق من الفرحة بسماع صوت الصفارة البتشبه خلعة صاحبنا القاعد في فندق فيهو بتاع سكيورتي , وذا حديث يطول نأتيه في مرة اخرى . وليد فرحان بالعاديات البيعشها واحد زي اخونا طلحة جرجير , شوف المفارقة كيف بالله هنا , زي اخونا طلحة جرجير الذي من نواحي ود لميض ريفي الحليلة او قوز محمد نور ريفي الشبارقة او اين كان , لما الواحد منهم يجي الخرطوم ويتصور قدام القاعة وجنينة الحيوانات وكبري النيل الازرق ويختمها بصورة تاريخية في شارع الشانزليزيه في معرض الخرطوم الدولي جمب مجسم التمساح , كان بيرجع الحلة بيعملوا ليهو دورة تكريمية بي درقة ويتحوقل حوله رجال وشباب ونساء واطفال الحلة ستة شهور لي قدام وهو يحكي لهم عن فتحه العظيم وزيارته التاريخية المدعمة بالصورة انفة الذكر , اها ذات طلحة ود ريفي الشبارقة دا لما طلع من السودان وعاش في دبي وبقي ليهو عادي حوض السباحة ومكتبه في العمارة المتصور تحتها وليد الشفت دي وبتعامل مع الامر حوله ضمن حياته العادية الاختلفت بمروقه برة السودان وعيشته في دبي او نحوها في الامارات يجي ود قلبها الاسمو وليد يكرر ماساة طلحة الانفة والتجدع بالصور في حوض السباحة وضل العمارات من شدة ما ماسكاهو ام فريحانة في الصورة قرب يحلق فرحا وطربا , ( اخوكم ما مخلوع ومعزور ) اها وليد ما نزل الصور دي هنا لتأكيد شفتنته كونه من اولاد قلبا وحسب , واظنه يطمح في ان تقام علي شرفه دورة تكريمية في القماير ولا الكباجاب علي اسوأ الفروض , عشان لمن نقول ليكم انتو فارات ومخلوعين بتجيبوا دليل ادانتكم بيدكم , انا من قبيل بتكلم عن عادية معرض الخرطوم بالنسبة لي ايمن كونه ضمن الحلة , الحتة الانتو بتشكوا قمصانكم عشان تدخلوها وتحلقوا مارنزي وبانكس تحت الشجر , فمافي اي فرق بين خلعة طلحة جرجير وخلعتكم اللهم الا انه جرجير اتجاوز الخلعة وبقي ليهو الامر عادي الا ان اولاد قلبها , قلبهم مقطوع وبتخلعوا كل ما تيسر لهم ذلك .
Post: #85 Title: Re: tmbis Author: وليد محمد المبارك Date: 06-11-2013, 10:48 AM Parent: #84
نرفع ليك صور لندن وتركيا وفرنسا ... ولا بتزعل ؟
بالمناسبة يا اسس وبدون تحسس بالله .. اول مرة ازور الامارات جيتها غشوة وانا جاي من برطانيا .. والله جد
جرجير ؟؟؟؟؟؟؟ والله يا أساسي ما فاضل ليك إلا تقول لي بتاع تبديل الهدوم القديمة بالعدة البلاستيكية . طلحة تنظير يا اللخو لو سمحت واللا ما سمحت .. تاني النسمعك قلت لي جرجير ؟؟؟؟
Post: #91 Title: Re: tmbis Author: وليد محمد المبارك Date: 06-11-2013, 11:18 AM Parent: #90
يا اسس عليك الله ما تضايق
بعدين والله الصور دي حارقاني ليها كم سنة
ماف زول كده من المناتلين هابشني .. عشان اقوم اشهرها ليه .. واقول ليه .. جيناكم وما لقيناكم .. انت قايل لندن دي بعيده
فغايتو جات فيك ... وانت ما مقصود .. اساسا انا لو في زول سالني ساكت انت قريت وين ؟
كنت حا اقول ليه قريت في الحارة التانية لكن مشيت لندن قبل كده
قبل كم يوم كنت حا اشهرها ليك في ود الفاروق ده والله لكن زاغ
ياخ انا الليلة اتفشيت وزي كاني استنفدت اغراضي من سودانيز اون لاين يمكن ما اجيكم تاني
هاهاهاهاهاهاهاهاهاهااااااااااااااااااااي
احي يا امي
Post: #95 Title: Re: tmbis Author: عمر الفاروق Date: 06-11-2013, 11:51 AM Parent: #90
دقيييقة دقييقة يا وليد .. المتصور معاهو ده معاااذ ؟؟؟؟ حولاااا لكن بالله إنت كنت حاايم مع هذا الجمجااار ؟؟؟ ياخ ده زووول كارثة ولو لحق بكري اداهو اكاونت هنا باقي لي نص ناس البورد ده بيشردو :) اااامنت بالله كيف بريطانيا دي صغيييرة .. والله لكن يا معاذ الفكي مشت معاااك طحنييية ..
أولاد توتي الجات منها خرطوم توتي. وهي الأصل. لمن تسخن بندخل سينما قاعة الصداقة وبنشتري الكاسيت من توب تيب. وعصرياتنا في حدائق مايو وطفولتنا في جنينة الحيوانات ولمن نجكس بنخلط في الفندق الكبير وبنحلق في فندق السودان وفي الأمسيات بنعلب بلياردو في الهلتون. ولمن نكون عايزين نشوف الجكس النضيف بندخل منتزه المقرن العائلي. ويا أولاد قلبة. قرينا الثانوي في المؤتمر وكنا بنفطر في السكى وبنشرب كوز ليمون في كشك سوق الموردة القريب من جامع الأدارسة .. وقرينا موسيقى في قصر الشباب والأطفال. ثم بدينا معهد الموسيقى والمسرح أيضاً وسكنا بانت (عمارة الجزلي) في سوق بانت شرق. ويا أساسي الآن شقتي في بري في الركن الجنوبي الشرقي لمعرض الخرطوم الدولي وبلكوناتي فاتحة على صالة الحفلات الداخل المعرض.
Quote: لاحظتوا معاي انه ابتداء من المستلب تمبس والمخلوع وليد ما جابو سيرة امدرمان في كلامهم ولما حبوا يستشهدوا بانهم اولاد قلبا فعلا لجوا لجديعهم برة السودان , المخلوع تمبس ما مصدق نفسه
ابنا امدرمان اولاد قلبـــا ما بجيبو سيرة امدرمان .. إلا لما الفارات يسالو من امدرمان وقتها .. اولاد قلبا بختوها ليهم شديد .. اولاد قلبا عندهم امدرمان عادية غير مخلوعين بيها .. كما خلعت ، زي الاسمو اساسي فطفق يتفسح فيها كل يوم المغربية المغربية.. واتخلع بها كما اتخلع بمعرض الخرتوم الدولي معرض الخرتوم الدولي ما هو إلا محض ضريسـة وحسكنيت وشيلني معاك .. وبعض من حشائش السافنا الفقيرة التي تنبت في بيئة فقيرة المياه .. نعم بعض من حسكنيت وشجر مسكيت ، (وحمبك) عشر يتفتح وتأخذه الريح ليغزو البيوت ويدخل للواحد في عيونو .. بينما في نفس الموسم وكل المواسم تتفتح الأزهـار وكل ورد الموسم في نواحي المسالمة وغزالهـا .. وود أرو .. وريفيرا الموردة .. ما عندي مانع حتى لو ضيعني ساكـن الموردة .. تيه واتاكا مراض وصحاح مقلو الفتاكـة .. إلخ إلخ وهذا تمام .. حتى اغاني الشفوت الأخيرة .. تلك التي صاغها الشعراء القدامى في اي وردة فتقت في نواحي امدر وما زال يصيغها شفوت هذا الزمان على شاكلة .. حنييينه يا امدرمان .. أو أمدرمان لذيذة .. أو امدر يا حبيبة .. لي حنين محمد محمد خير : قالدت سوق الشجرة وأب روف والبنات الزنكي سوق الناقة والناس والخدار وقطعت حي البوستة مرفوع الكلام ودمي ينبح ويندهك تاوقت بي عيني اليمين جوه الشمال من قلبي كان نازل مطر لون المطر كان بشبهك عبيت مشاعري من النسيم وزفرت طلعت الوحيح خفت النسيم ما يجرحك .. نعم محض حسكنيت ، وفقوس وحميض .. لو لما فتح الله على تلك البقعـة بي شفت من اولاد قلبـه من ابناء ود نباوي .. كان لحدت الآن تكونوا في تؤامــة تاريخيـه وتكامل زراعي وإلخ إلخ مع ناس طلحة عبد الله المسكين والزول القاعد جمبو .. بي صورة اوضح: ناس طلحـة المسكين دا يجيبو ليكم في موسم النشوق .. البادوبـة والفرنـاغه وبذور عيش الريف ولوبـا عفـن .. وفي رحلــة الدمـر تحملوهم بي الزهور البريــة بفاظاتها .. تلك التي يصنعها الفنانين على كورنيش النيل قبالة ابوروف .. وتجو تشتروها من معرض الزهور السنوي في قاعـة الصداقـة .. كتذار عزيز تمشي تسوق معاك طلحـة دا وتمشو اقرب استديو عشان تتصورو قدامـه .. والواحد فيكم لازم يكون حالق جديد والقطعية في نص الراس .. احي انا ياخ . .. اولاد قلبـا لا يتخلعـون باللذي شافوهو عندهم .. لحدت الآن ياخ الاسكريم بعمل ليكم صداع بالجمبــه ، (والبستي) كولا بتطلع ليكم بي نخرتكم .. وعادي جدا زمان وانت صغير في امدرمان ياتوك بالايسكريم من عمارة الفكي عوض الله .. وبعض من الحليب وانواع عجيبة من الجييييس المضفورة والصفراء الفاقعة والمقددة ، كلها من جورج مشرقي .. ولابد لك ان تتناول وجبة العشاء قبل النوم وتحبس بي ايسكريم والبكب شغال موزيكا هادية مزيكا ما قبل النومبي دقايق وبعض من الحليب ولا ضير من شرائح الفراولـة والاناناس وهذا كله من سوق امدرمان .. والوكت داك نوعيتك دي .. يسكو فيها سك للحمام .. ويكون عندك اب عديلات .. مورم اخلاقك ، يا ضفرك مقلوع وحالقين ليك صلعـة (لقمل) ما الم بك مؤخرا.
Post: #93 Title: Re: tmbis Author: وليد محمد المبارك Date: 06-11-2013, 11:46 AM Parent: #92
يا تامبا كدي بالله اسالو بس قول ليه
انت بتشجع منو ؟
شوفوا كان يقول ليك الخرطوم والا الاهلي ولا حتى النيل
Quote: ياخ انا الليلة اتفشيت وزي كاني استنفدت اغراضي من سودانيز اون لاين يمكن ما اجيكم تاني
.. بختك والله مبيضة ليك في قفص .. زمان يا وليد كنا بنقعد في شارع الموردة . قصاد حديقة الموردة وهوا البحر ضارب فيك .. لما تلقى ليك ماف موضوع بتمشي عكس الشارع جهة العربات الداخله امدرمان .. بتلقى ليك اتنين تلاتة زي الوهم بتاع معرض الخرتوم دا تلقاهو راكب في الحافلـة .. تتوزعو فيما بيناتكم .. واحد بوقف بتاع الحافلة .. التاني بيطلع الحفلة يدقها ليك فتاشة .. لما تلطلع الحافلة البتلقاهو مبتسم ومتكشم دا بتخليهو .. البتلقاهو سارح بعاين بالشباك .. دا بتنزلو .. بتعرفو جاي من جهات معرض الخرتوم .. وحيات ابتسامتك دا بنساهر بيهو لي الليل .. لكن كمان الواحد فيهم مستفز جدا .. تسالو الجايبك امدرمان شنو بالمغربية .. يقوليك ماشي نادي الفنانين اشوف ناس اللميـن عبد الغفار ومحمد اللميــن .. .. بختك يا وليد .. بس انا خايفو يجي يقوليك الصور دي مزورة .. زيو وزي فرح ابو ورطـة واحد اصلو ماف فرق
هههههههههههههه صدقت يا تامبا ناس أساسي ديل عينة البتلقاهم ماشين في الشارع طوالي تعرفو متغدي بى ملاح رجلة .. ما في غسيل يدين بعد الأكل .. تأكل وتمسح يدك في وشيك وتقوم مفنجط لاحق الدافوري البعملوا ليهو قناية من هنا وقناية من هنا والعارضة بتكون من حبل سعف واللا دلقان توب قديم.. والفائز في النهاية جايزتو صندوق لبان احمر واللا فتة فول بى موية جبنة وزيت سمسم في دكان عمك السيد بعد صلاة العشاء على طول .. والغريبة الجماعة الفايزين ديل كلهم بجوا للفتة دي مستحمين ولابسين شرابات . طبعا يا تامبا إتا المرحلة دي اتخطيتا من فترة ليس بالقصيرة ولكنها ليس بالطويلة أيضا .. وبقيت من الناس البختوا الابريق وصابونة الفنيك جمب باب الصالون لزوم الغسيل بعد الغداء وكدا .. لكن المستغرب ليهو أنا انو حركة الصابونة والابريق جمب باب الصالون دي ما بتكون إلا في ساعة الغداء بس .. ما عارف باقي الوجبات النظام فيها كيف . غايتو حكمتو بالغة شديد والله .
Post: #97 Title: Re: tmbis Author: عمر الفاروق Date: 06-11-2013, 11:52 AM Parent: #96
تاااني نعييدا ليك هنا يا وليد عشان تشووفا :
دقيييقة دقييقة يا وليد .. المتصور معاهو ده معاااذ ؟؟؟؟ حولاااا لكن بالله إنت كنت حاايم مع هذا الجمجااار ؟؟؟ ياخ ده زووول كارثة ولو لحق بكري اداهو اكاونت هنا باقي لي نص ناس البورد ده بيشردو :) اااامنت بالله كيف بريطانيا دي صغيييرة .. والله لكن يا معاذ الفكي مشت معاااك طحنييية ..
Post: #98 Title: Re: tmbis Author: عمر الفاروق Date: 06-11-2013, 11:57 AM Parent: #97
النصيييحة ليك يا الله .. الخرطوم دي قاعد اتعامل معاها على أساس إنها مطعم كبييير .. الحاجة الوحييدة الكانت بتقطعنا الكبري هي المطاعم والأكل النضييف ودي زاااتا مبنية على إشاعات يطلقها الحناكيش من اولاد الخرطوم ..
السوداان كلللو زمان بيصحى على نغمة واااحدة إسمها هنااا امممدددرمااان ..
ناس أمدرمان لا يفوقهم فى حبها إلا ناس أمدرمان !!! ولهم أن يفخروا ونحن زاتنا معاهم
لكن المحير فى الموضوع كلهم يموتو موت ويقطعوا(الكبارى) دى !! موت عدييييييييييييييييييل كدا!! الفهم شنو يا أخوانا,,
وبالله يا شباب ما تنسوا لينا موضوع جدلية أولاد قلبا لسة ما رسيتونا على بر!!! والواثق من نفسو شديد ومتأكد ممكن يقول لينا أنا ود قلبا عشان ما ناكل حقو ساى ,,
حتى ناس حلة تحت ديل لو فى واحد قال هو ود قلبا ممكن يشارك مافى مشكلة المجال مفتوح واااااسع,, أهو نستفيد من البورد دا شوية كدا ونقدر نطلع بمعلومة مفيدة ومنها نقول لاقينا وشفناأولاد قلبا..
هههههههههههه طبعا شهادتي في أبو عمير الفوق دا مجروحة دمها النازف يشرشر شر . لكن للحق عمر الفاروق دا كان لما يجىنا نحن أهل العوض الما بنشتري فرش معجون للناس الجايين من هناك زي ما قالت الأستاذة كان يومو كلو بعديهو في زريبة الغنم واقف مستغربا في هذه الكائنات الغريبة التى تأكل في باقي الكسرة وما تيسر لها من عليف.. وكان ما أخاف الكضب وان لم تخنى الذاكرة الخربة كانت الغنم دي تبادلوا نفس الاستغراب وربما بطريقة أشد لدرجة أن بعضها كان يهز رويسو ذات اليمين وذات الشمال مدهوشا من هذا المخلوق الواقف أمامها وكأنه كائن من سكان المشتري وليس من الخرتوم التى وفد لها غريبا ثم إستقر في أزقتها وعملا حقتو عديل .. غير أن ما كان يلفت النظر في ناس أبو عمير الجايين من هناك ديل هو حبهم الشديد للخروج في الشارع بالفنلة الداخلية والنكس مع شبط جديد لنج وكأنو أشتروهوا هسع دي .. وبعد دا الشوكة قاعدة تطعن الواحد فيهم لغاية ما يطير فوق ويدق الواطة التقول ضربو ضريبي وليس مجرد شوكة صغيرة بريئة كنا نتعمد نحن أهل العوض أن نطأ فيها بوحشية حتي تتكسر في كعوبنا الخشنة المشققة لنتلذذ في النهاية ونحن نسلها سلا مستفدين من شوكة زيها وحديدة نلويها و نستعملها كمنقاش . إن الشوكة حقارة لا تطعن إلا ولادة الخرتوم أصحاب الشبط الجديد لنج، كما أن الحياة تختلف حقا من نواحي إلى نواحي أخري وتنزه الله .
اسفل شنو يا طلحــة .. وصابون ابو فيل بتاع منـو ..؟ ياخ صابون الفنيك .. ولابريق والظهرة ام فيل ومعجون فرح ابوردة ,, دا تسال منو طوالي اساسي بتاع معرض الخرتوم داك .. نحن ما قاعدين نغسل للناس بي الابريق اقوليك حاجة ..؟ نحن ما قاعدين نغسل زاتو .. المناديل والبشاكير دي من الله خلقنـا بتلقاها مجدعـه .. ومن ناحية البشاكير والمناشف والست حق الصفرة دا احب اضيف انو الفارة بتاع المعرض دا بعدما فتشوهو .. وحيات ابتسامتك يا طلحــة .. قعد في التربيزة قدامي ونحن قاعدين في اللوبي .. اللوبي يا طلحـة ما تمشي تقراها لينا لوبـا شفته كيف ..؟ قاعدين في اللوبي صاحبك بتلفت زي مروحـة الطربيزة .. طلبت ليهو حاجة كدا عشان تروق دمـو ، ترم ليهو عضمو .. وتريحو من التوتر بتاعو دا .. جبت ليهو عصير برتقال فريش .. مش عادي زيو وزي اي عصير برتكان ..؟ زييييييييييطك رقد ليك بالكبايـة شربـه واحده قرطعك قرطعك قرطعك .. بعد شويـة لقى الاستراو جمبو مكفنــه بالورق قالي القصبة دي بتاعت شنـو ..؟ قلت ليهو عادي بكونو نسوها هنـا الجماعة الكانو قاعدين قبالك .. يعني اقعد اشرح لي متين يا طلحـة .. بعد شوية جابو ليهو .. موفــن مع كيك انقليزي فضلة خيرك .. اها الموفـن والكيك الانقليزي ديل يا طلحـة عاملات كدا زي مديدة الحلبــة ومديدة التمر بس علي ناشف .. وبي الجمبة كدا شويـة باريز بودنج مع صلصة الشوكولا على شويـة سوفليه بارد .. صاحبك دا قعد يحوقل .. زي حوقيلك دا انا طبعا بحب المغارز .. قلت الليلة الفورة الف .. قمت منو بعدما استاذنته .. قلت ليهو ثواني بس برجع ليك .. تخيل بتاع المعرض دا عش ليك الحاجات دي بي ايدو عادي جدا .. بعدما رجعته قلت ليهو ياخ مفروض الشوكة والسكين والحاجات دي .. قالي دي حركات بتاعت اولاد امدرمان ساااي تأمل ..؟ عليك الله شوف الزول دا متحسس قدر كيف ..؟ ياخ انا ما قلت ليهو حاجة ولا سالتو .. لكن في الحتة دي طلع شفت .. انا ذاتي اشدته بيهو .. لانو لو كان دخل نفسو في حته بتاعت معافرة للمنيو دا مع التيبل ست .. كان راح فيها .. والله الكيك الانقليزي دا يا طلحـة صاحبك دا كان لحدت الآن يطعن فوقو بي شدو ومنعو ويتفرتق ليهو
هوووي يا وهم .. الكيك الانقليزي ما ببعجوهو كدا دا .. بتعاملو معاهو بي مزيكا .. مزيكا ،
الموت والحياة ما معروفات والدنيا غدارة يا أخوان وربما عطسة صغيرة تنقلك إلى الحيواة الآخرة وأنت لا تدري ولا حتي مفكر مجرد التفكير في الفناء عشان كدا وحتي أموت نضيفا وبى ضمير أبيض وأمانة ناصعة وقد أبرأت ذمتي من أيتها أمانة أو قولة حق فقد آن الأوان لاعترف وأقول : يا ولادة الخرتوم المزعومين الغاشين أنفسكم من لدن أساسي وتامبا وأبو عمير ومن تبعهم بمسكنة إلى يوم الدين .. حقا .. لقد صنعتوا يومي هذا ويومي السابق وربما يومي اللاحق .. اطال الله أعماركم وجعلكم دوما ممتعين .
اذكر في التمنينات سنة 63 لما طلحة ومن هم على شاكلته يجو داخلين دار الرياضة امدرمان بي جلاليبهم بي باب الملح كنا نردد لهم وبصوت واااحد مغنيين : أصيييلة حنيية يا امدرمان جمعتي الناس كلل الناس... لا كلييتي لا ملييتي يا امدرمان ..
ياجماعة والله أنا طولت من البتاع ده شدييييييييييد لدرجة إني جيت وقربت أطش شبكة ذاتو هسي بقلب في الصفحة الأولى من فوق لي تحت ناس عرفتهم وناس ماعرفتهم واللهجة ذاتا بقت لي زي الغريبة كده فااااااااااا لقيت البوست ده من اربعة صفحات كمان فوالله قريت بعض مداخلات الصفحة الأولى لحدي السيسبان بتاع اساسي على ما أعتقد وجيت ناطي للرابعة لقيت مداخلة طلحة فقلت أحسن أخت لي طوبة تضمن لي بعض من صحوبيتكم في الزمن الجميل حيث أنكم من أدخلنا لهذا البراح .
أها وهادي رجعة للصفحة الاولى من هذا البوست الماتع الممراح
أخوكم ودالبطانة الذي دخل الخرطوم في منتصف ثمانينات القرن الماضي، يعني رافع الراية تب.
Quote: يا تمبس موفن ولا مافن عشان الموضوع ده نحن كأولاد امدرمان بيضغط علينا شديد خاااووولص خااووولص
اي حاجة يا عمر .. اي حاجة انت زول مفتح ياخ ما طلحـة واساسي ساااي يعني وقفت على الالف دي بس ..؟ ياخ واحد يقوليك ابو عشرين والتاني يقوليك معرض الخرتوم .. والله ديل يا عمر عنقريب يمشي فيهم .. ..
حسبوف وأيمنوف وابوعبيدوف الحياة حلوة ككورة شراب ذات يوم والمطرة تنقط والعصافير تشقشق يحزنني جدا إنو اغلب أغلبية ولادة الخرتوم لم يلقطوا القطن القاعدين يلبسوهو فنلة داخلية يتفشخروا بيها في شوارع حلال أهل العوض أو يعملوهوا بطانية يتغطوا بيها ساعة ( سقط ) وبالميت كدا يعملوهوا شراب عشان بعد يبقي قديم شوية يحشوهوا قطن برضو واللا دلاقين مصنوعة من القطن ويلعبوا بيهو كورة بعد المطرة ما تقيف على طول . ان ولادة الخرتوم المزعومين مساكين والله لأن مأكلهم وملبسهم ومرقدهم بيد أهل العوض وهم في فشخرتهم جاهلين وماشين أمفكو ساي وبيد ومزاج أهل العوض ان غطوهم أو عروهم .. أي والله امفكو زي ما الله خلقهم .
تعال يا وهم .. اسمع الود الفنان حمزة دا قاعد يقول في شنـو ..؟ انت قايل مسالة لعب وفن وهندسة دي ساكت كدا ..؟ تعال اسمع العود دا حمزة دا بيعمل فوقو شنـو ..؟ والله نحن غنا زي دا قاعد يقوم لينا شعر جلدتنا .. اضف لذلك انو عادي جدا ، عادي جدا غنا زي دا تكون قاعد ليك في اي راس شارع في امدرمان يكون قاعد جمبك واحد بكتب قصيدة حسع دي ، قبال ما تنتهي التاني يقول ليهو خليك كدا بس دقايق ما تتحرك من حتتك دي شبر .. يجري جوه يجي طابي ليهو عود أو ما تيسر من الآت موسيقة (موجودة جدا) في البيت زيها وزي اي حاجة.. يجي يلقاهو تم القصيدة .. (مازورة) منو (مازورتين) من دا .. اتكتبت القصيدة واتلحنت وحسع دي اتضربت .. زيها وزي اي سمفونية في مسرح اغريقي قديم ، او اي كونشيرتو لي تشيلو .. يحجز القنادلة تذاكرو قبال تمنية تسعة شهور لي ورا.. انت قايل بدور القلعــة ، دي كتبوها في السويد ...؟ ما ياهي كتبوها في قلعتنا دي .. الم ترى وتعرف وتسمع انو الجو في امدرمان بيحمل معاهو ذرات الابداع والثقافة والعلم والحاجات دي .. الالهام دا انتو قايلو بيجي من ووين ..؟ سمعت ليك فنان بغني بقول بري ومعرض الخرتوم الدولي . . يا اي هتاويل وتهاويم وخرافه زي دي ؟؟ هل ادمانك الخرافـة والاسطورة المتعلقة بي حساسية مفرطـــة تجاه امدرمان هو ما خلق منك هذا الكائن الخرافـة العجيب جدا الذي كلما سالتو يقوليك معرض الخرتوم الدولي احسن من امدرمان ..؟
هههههههههه والله ليك حق يا أبو عمير تتمسح بالنيفيا ومشتقاتا وتدعي انك ولد الخرتوم الجيتا أول أمس دي من نواحي البادية البعيدة .. ليك حق طالما أخوك العزيز محمد حامد جمعة جمع الناس ذات يوم ليقول لهم : (نوصي بهولاء للصحافة) .. وهو يقصد أساتذة مخضرمين .. هههههههههه
هههههههههه أنا غايتو معترف لكن الكلام في صاحبك الشايل ليهو لافتة ومنشورات وواقف بيهم قدام باب معرض الخرتوم داك .. أنا يتخيل كدا زنقتو وزريتو زرة زرزور في مطرة ولو أنا في محلو كتا طالبت فيصل نوبي يطالب بكري بى سحب البوست دا .
Quote: كتا طالبت فيصل نوبي يطالب بكري بى سحب البوست دا .
ههههههههه ابشرك يا طلحـة تنظير .. البوست دا لو كان كاتبو بتاع بري دا .. والله من الصفحـة الاولى أول تلاتة ردود كان وداهو الجير .. قبل كم يوم اتعصر ليهوفي زقاق ضيق كدا جرا معلومـة ضاربـة .. عايز يتجدع بيها فينا لكن محظوظ ود الذينا .. محظوظ .. تخيل اللحظة العايز ارد بعدما كوووتها .. انشغلت منو .. قمت بعد شوية طلعته تاني اتذكرته ليك انو الزول دا دردق نفسـو .. تخيل جيت لقيت البوست مشى الجير .. اتصلت عليهو قلت ليهو دا شنو يا معفـن ..؟ قالي .. قايلني بدقس ليكم بالساهل ..؟ قلت لييك يا طلحة الزول دا كائن بلا ذمــة .. عشان كدا لما تلقاهو .. ارجمو من مسافة قريبة .. شيل حقك وحق غيرك
الّذ لقطة انّو تنظير متصالح جدا مع لقب تنظير و بشاكل فوقو عديل كدا :)
Post: #130 Title: Re: tmbis Author: عصام علي أحمد Date: 06-11-2013, 04:44 PM Parent: #129
Quote: دا ما ياهو البنقول فيهو زاتو من البداية , لكن هل من ليس من بينكم رجل رشيد . ودا برجعنا لي كلامي القبيل عن رقى ايمن ود بري ود الخرطوم ود قلبا الجد وايضا جنابو عمر عثمان ود الخرطوم اتنين محل الارستقراطية الحقيقية لو كنتم تعلمون الاتربو علي الترف الما بتخلعوا لمن يشوفوا عمارة فيها قزاز , عن ناذر الخليفة ود الخرطوم تلاتة الكانو بقضوا العصاري في شارع الجمهورية وما ادراك ما شارعها ايامئذٍ لاحظتوا معاي انه ابتداء من المستلب تمبس والمخلوع وليد ما جابو سيرة امدرمان في كلامهم ولما حبوا يستشهدوا بانهم اولاد قلبا فعلا لجوا لجديعهم برة السودان , المخلوع تمبس ما مصدق نفسه , لما الشركة بتاعته الشغال فيها نزلته في رحلة عمل في فندق في جدة فيهو واحد بتاع سكيورتي من اخوانا البدو في نواحي جيزان فرحان بالحديدة البتطلع صفارة بتاعة السكيورتي , لدرجة انه بفتش الجرسونات الشغالين في الفندق من الفرحة بسماع صوت الصفارة البتشبه خلعة صاحبنا القاعد في فندق فيهو بتاع سكيورتي , وذا حديث يطول نأتيه في مرة اخرى . وليد فرحان بالعاديات البيعشها واحد زي اخونا طلحة جرجير , شوف المفارقة كيف بالله هنا , زي اخونا طلحة جرجير الذي من نواحي ود لميض ريفي الحليلة او قوز محمد نور ريفي الشبارقة او اين كان , لما الواحد منهم يجي الخرطوم ويتصور قدام القاعة وجنينة الحيوانات وكبري النيل الازرق ويختمها بصورة تاريخية في شارع الشانزليزيه في معرض الخرطوم الدولي جمب مجسم التمساح , كان بيرجع الحلة بيعملوا ليهو دورة تكريمية بي درقة ويتحوقل حوله رجال وشباب ونساء واطفال الحلة ستة شهور لي قدام وهو يحكي لهم عن فتحه العظيم وزيارته التاريخية المدعمة بالصورة انفة الذكر , اها ذات طلحة ود ريفي الشبارقة دا لما طلع من السودان وعاش في دبي وبقي ليهو عادي حوض السباحة ومكتبه في العمارة المتصور تحتها وليد الشفت دي وبتعامل مع الامر حوله ضمن حياته العادية الاختلفت بمروقه برة السودان وعيشته في دبي او نحوها في الامارات يجي ود قلبها الاسمو وليد يكرر ماساة طلحة الانفة والتجدع بالصور في حوض السباحة وضل العمارات من شدة ما ماسكاهو ام فريحانة في الصورة قرب يحلق فرحا وطربا , ( اخوكم ما مخلوع ومعزور ) اها وليد ما نزل الصور دي هنا لتأكيد شفتنته كونه من اولاد قلبا وحسب , واظنه يطمح في ان تقام علي شرفه دورة تكريمية في القماير ولا الكباجاب علي اسوأ الفروض , عشان لمن نقول ليكم انتو فارات ومخلوعين بتجيبوا دليل ادانتكم بيدكم , انا من قبيل بتكلم عن عادية معرض الخرطوم بالنسبة لي ايمن كونه ضمن الحلة , الحتة الانتو بتشكوا قمصانكم عشان تدخلوها وتحلقوا مارنزي وبانكس تحت الشجر , فمافي اي فرق بين خلعة طلحة جرجير وخلعتكم اللهم الا انه جرجير اتجاوز الخلعة وبقي ليهو الامر عادي الا ان اولاد قلبها , قلبهم مقطوع وبتخلعوا كل ما تيسر لهم ذلك .
يا جماعة زمااان زمن العرس بيمشو ليهو بي بص ابو رجيلة أو بص الهيئة العسكرية ..كللل الأعراس اللي بتكون فيها العروس من الخرطوم والعريس من امدرمان أولاد امدرمان عااادي بيفرتقو الحفلة جوووة الخرطوم .. طيييلة عمري ما حضرت لي حفلة العريس من الخرطوم والسيرة جات فرتقت ليها حفلة في امدرمان ..يدوهم صحن العشا يضربو الطعمية والمخلل والبطاطس ويبقو مارقين ..
بالمناسبة يا طلحة ..إنتو قصة إنكم بتتعاملوا مع الرز كتحلية دي شنو ؟؟
Post: #133 Title: Re: tmbis Author: عصام علي أحمد Date: 06-11-2013, 05:15 PM Parent: #132
Quote: يا جماعة زمااان زمن العرس بيمشو ليهو بي بص ابو رجيلة أو بص الهيئة العسكرية ..كللل الأعراس اللي بتكون فيها العروس من الخرطوم والعريس من امدرمان أولاد امدرمان عااادي بيفرتقو الحفلة جوووة الخرطوم
والله ياعمر انتو فاكنها فى روحكم ساكت
اولادكم ديل مابقدروا يشقوا الديم فى تلك الايام الخوالى ، قال يفرتقوا حفلة
ماعايز احكى ليك عن برى ونمرة 3 والحلة والسجانة
اولادكم كنا بنجيبهم من غير فيزا ههههههههههههههههههههههههههه
Quote: هسه يجينا ابو الحسين يشبكنا ليك ود الصايم دا شهاده عربيه وما مفروض يلعب مع اولاد بحري وعبد العزيز دا انطرد تلان مرات ومفروض يقيف كورة زيادة
و الله يا معاوية أبو حسين قاعد إتفرج بس ........
المدرب مريحو لي مباراة بحري لأنو عارف لعبهم عنيف ....... و كلهم أصحاب سوابق و لعبهم ما نضيف .....
Post: #144 Title: Re: tmbis Author: عمر الفاروق Date: 06-12-2013, 00:27 AM Parent: #143
يا عصام حكاوي الديم مكررة وممجوجة انا الما من الديم ده اسسة دي ممكن انجر ليك من شاكلة قصصهم دي نوع بنات الديم كانوا بيوصلوا اولاد العمارات بيوتهم بعد الحفلة تنتهي و و .. والله يا عصام اولاد العباسية يفتحوا ليكم باب حكي وونسة في الاسفير ده الا راسكم يشييب .. اسة الحالة تمبس مدلعكم بي قصص الموردة اللي هي درجة اقل من قصص العباسية وحي الضباط .. بالله يا تمبس حصل شرطة النظام العام جات حايمة بهناك؟؟ ناس (احساس) جميل زييك كراسييهم برررة بيحضروا في دافوري كورة الشراب .. وصير الكوتش يقول يا غربتي ..
Post: #145 Title: Re: tmbis Author: عمر الفاروق Date: 06-12-2013, 00:38 AM Parent: #144
محمد عبد الرحمن .. طبعاً انا مقياسي لي الزول من وين مقياس بسييط جداً ..الا وهو يوم العيد بيكون وين ؟؟ عن نفسي ومنذ نعومة أظافري يوم العيد بكون مستمتع بالعاصمة المثلثة اتجول فيها يمنة ويسرى وتكون البداية من خور ابو عنجة ..بعد اداء الصلاة في جامع الخليفة سابقاً ثم جامع ودنوباوي حالياً .. طبعاً إنتو الوقت داك بتكونوا بتفتشو في هايس تأجروها عشان تلحقو الصلاة في الضهاري بعد يوم عمل شاق لحدي الساعة 4 صباحاً في التجارة ..
Post: #146 Title: Re: tmbis Author: saif massad ali Date: 06-12-2013, 04:02 AM Parent: #145
((معشر الكوزن )) الناس بفتشو فى أولاد قلبا وأبوالسيوف بفتش فى الكوزّن ياخ البوست دا دايرين نعرف فيه أصل تسمية وقصص أولاد قلبا !! حتى لو كيزان وأمنجية ما مشكلة المهم الموضوع اولاد قلبا!!
أرخى بالله....
Post: #149 Title: Re: tmbis Author: وليد محمد المبارك Date: 06-12-2013, 06:23 AM Parent: #147
يا عمر وتمبس مالكم رخيتوني ؟ باقي الصور دي انا اعمل فيها شنو اسع ؟
بعدين انتو بتافعوا عن امدرمان ؟ والله بالغتو
ياخ غنى حقيبة سااااااااااااااااااااااااي نحن فايتين الناس مسافة امدرمان شنو البتحاولوا تثبتوها وتدافعوا عنها
Quote: النجيضة .. أولاد الخرتوم اتطقطقوا بالنوتة!!
ولســة يا معلم .. صاحبك دا ح نعمل ليهو حفلة في الختام .. وح نجيب ليهو وشاح ودرع .. اصلو النوعية دي اكان ما اديته وشاح ودرع اصلو ما بتتكيف .. ياخ دا في حفلة العرس لازم يلبسوهو وشاح ..
Quote: باقي الصور دي انا اعمل فيها شنو اسع ؟
.. ههههه يا شفــت ياخ والله عادي المسالة دي .. اكان اتضايقته خالص .. رش لي ود الصايم .. على الاقل الزول دا كان في امريكيا نعم وايم الحق مشاها قبل الفارات ديل يعرفو ليها درب واحتمال كبير يكون عندو يد .. يدين لحدت الآن وتلاتة آسات على الجمب .. ومقصين .. عليك الله وجه رسائلك المصورة تجاه ود الصايم .. عشان يجي يمتعنا هو الآخر .. بي صور البحيرات العظمى .. وإلخ إلخ .. تاني انحنا هنا ح نعمل اعلام وح نعمل تصحيح اوضاع وح نعمل سينما عديل كدا .. طالما اي واحد من الفارات ديل مشى امريكيا وحسع دي حالق لينا صلعة يا شاقي لينـا شعرو .. ولابس ليهو جزمة فيها حديد وحزام بي نجوم .. نحن تاني ما بنسكت ولما ما نسكت والله خشمنا دا إلا يقدر عليهو الله .. يا يقلعو لينا ضرس .. اضف لذلك .. حسع دي اكان استفزيتوني زيادة وهيجتو اشجاني بقول بنزل ليكم جوازاتي التانية انا ما عندي ليكم صور .. لكن بتعامل معاكم بي دبلوماسية .. دبلوماسية مفرطة جدا .. شان الناس تعرف حاجة .. نوريكم الجانب المشرق مننا ومن الحياة ..
ارخي انت دا يا ايمــن .. سيف دا وحيات ابتسامتك ما يكون ناقش حرف من الكلام البقولو فوقو الناس دا .. اقوليك حاجة ..؟ ما يكون قادر يجمع ليهو كلمتين مع بعض في الخمسة صفحات دي عشان يطلع ليهو بي جملة مفيدة .. اها نوعية سيف دي يا ايمن .. عندنا ليها في سفر سنترا هناك في مرجع الشفوت .. صفحتين وتلاتة سطور ديل خاصات بي زي ناس سيف ديل .. اها بعدما نخلص من فرش متاع صاحبك بتاع المعرض دا .. احتمال .. احتمال نجي نكرمك بي سطرين فيما يتعلق بي ناس سيف دا .. لطالما انك باحث في التراث ..
Quote: والله يا عصام اولاد العباسية يفتحوا ليكم باب حكي وونسة في الاسفير ده الا راسكم يشييب .. اسة الحالة تمبس مدلعكم بي قصص الموردة اللي هي درجة اقل من قصص العباسية وحي الضباط .. بالله يا تمبس حصل شرطة النظام العام جات حايمة بهناك؟؟ ناس (احساس) جميل زييك كراسييهم برررة بيحضروا في دافوري كورة الشراب .. وصير الكوتش يقول يا غربتي ..
لا يا عمر .. لالالالا ياخ .. ما كمان ما ممكن جري وطيران .. حسع لو متابع خطوط كنتور البوست دا حسب الرفع المساحي والتتبع الجغرافي .. صاحبك الوهم دا انا سايقه ليهو من القلعة وودرو والمسالة وحي السوق .. حسع لو بتلاحظ انا عرجت ليهو من نادي الفنانين لحدت محطة الموردة .. انا سايق الفارات ديل .. زي بريش زمان لما يطعن الكورة بي بوز الكدارة والجماعة يجرو وراهو .. ياخ انا لسـة يا عمر ما قطعت بيهم الخور .. تقول لي استنارة وبطيخ .. ياخ احساس جميل زيك يا عمر كان اي حاجة باسكت وتنس طاولة وجمباز وطايرة ومزازيك وكراسي بره لي كورة الشراب .. ههههههه ..طبعا حسع دي جماعتك بكونو اتضايقو .. عايزين التشفير دا يتفك ليهم .. عشان يكونو في الصورة .. هوووووي يا وهم .. نحن تشفير ما عندنا .. لكن حنكنا دا بعرفوهو اولاد سنترا .. يعني نحن نقعد نفتح بيكم .. ونفك ليكم شفرات ونقفل ليكم بلوفـــه ..؟ عليك الله عاين زي ديل .. ؟
يا وليد ياخ نزل الصور بتاعة لندن وتركيا وأحكى لينا القصص,, وبعدها عليك النبى خلى تمبس يتم لينا قصة بت البحر الركبت معاه من الموردة ونزلت ورا مجلس الشعب شبكنا واغ ويغ وعايز ياكلنا حنك!!! تم القصة يا تامبا ياخ,,
Quote: خلى تمبس يتم لينا قصة بت البحر الركبت معاه من الموردة ونزلت ورا مجلس الشعب شبكنا واغ ويغ وعايز ياكلنا حنك!!! تم القصة يا تامبا ياخ,,
... يا ايمن .. ياخ عليك الله استنى دقيقة . استنى ياخ ، موضوع بت البحر دا كبير جدا .. اكبر من انو يتناقش في مساحة ضيقة زي دي .. .. انت شيل الصبر .. وعليك الله ما تشوش لينا حسع دي خلينا نطقطق ليك الوهم دا وحسع دي انا داخل على الصفحـة بتاعت خور ابوعنجــة في نص الطقطقـة يا ايمن في الحتة حقت خور ابوعنجـة .. احتمال كبير تلقى ليك بتين زي بتاعات البحر ديل عادي جدا .. انتانتظربس .. ياخ انت دافع حاجة ..؟ ..
Quote: (الرومان) لا (أهلي مدني) كااااااااااااااااااك
يا جناو حسع ردك دا زاتو ح يتحسب عليك .. وانا لحدت الآن من ناحية انك (صوليب) موزعك في خانة الشفوت .. غايتو بديك مهلة رد واحد وعلى شرط تختصرو لي في تلاتة كلمات .. عايز موجز ضافي لمعرفتك فيما يتعلق بالرومـان القاصدم نوبي ديل .. يا اما كمان ح اسحب منك الشارة الدولية .. ونعاملك معاملة اساسي واحد .. مع العلم انو لحدت الان تصنيفك كويس .. على الاقل بالنسبة لينا.. كشفوت في طور التكوين
بعدين احب اضيف يا جستابو عمر .. اي واحد ( بمبـا) عندنا ليهو تقدير وبنحسب ليهو ربع نقطـة من مجموع النقاط الكلي اللي هو سبعة درجات بمقياس رختر .. التقييم الدرجاتي الرختري دا يا جستابو .. خاص (بالكيس) المتعلق بي انو تعتمد عند اولاد قلبـا واللا لالالا .. انتو قايلين المسالة سااااي .. ياخ اي حاجة قلنا ليكم عندنا بي نظام ..
((((خاص (بالكيس) المتعلق بي انو تعتمد عند اولاد قلبـا واللا لالالا ))))) آى بالله ركز لينا على الحتة دى,, كدا نحن راجعين للطريق الصاح,, منو البعتمد والإعتماد على أى أساس وهم منو زاتو البعتمدو ديل ياخ,,,
البحث دا حا يطش بطريقتك دى,,, ركز وما تجوط الشغلانة وبرّد نفسك شوية ياخ...
عمر عثمان معدود من الشفوت فى طور التكوين!!! شرنقة يعنى ولا كيف!! البحث محتاج تفاصيل ياخ,,
Post: #159 Title: Re: tmbis Author: omer osman Date: 06-12-2013, 07:07 AM Parent: #155
يا جناو حسع ردك دا زاتو ح يتحسب عليك .. وانا لحدت الآن من ناحية انك (صوليب) موزعك في خانة الشفوت .. غايتو بديك مهلة رد واحد وعلى شرط تختصرو لي في تلاتة كلمات .. عايز موجز ضافي لمعرفتك فيما يتعلق بالرومـان القاصدم نوبي ديل .. يا اما كمان ح اسحب منك الشارة الدولية .. ونعاملك معاملة اساسي واحد .. مع العلم انو لحدت الان تصنيفك كويس .. على الاقل بالنسبة لينا.. كشفوت في طور التكوين
<<<<<<<<<<<<<<<<<<<<<<<<<<<<<<<<<<
هههههههههههههههههههههههههههههههه ياتمبس عوافي يااااااخ انت قايلني كنت شغال في لاركو والا شنو اخوك بوليس وفي البوليس بوليس اقسام و*(كرمزية) يااااااخ
أم درمان فيها الكثير المثير الخطر ما حقو نختلف فى الموضوع دا يا حبيب,,
أم درمان المنارة الحضارة والأصالة والعراقة..
حبيبنا ود الضو إنت أرفع يا زول وما عليك.. قدر ما تجى حايم أرفع وما يهمك أنت دافع حاجة,,
Post: #160 Title: Re: tmbis Author: وليد محمد المبارك Date: 06-12-2013, 07:13 AM Parent: #156
يا تمبس ايمن ده ما وِلِد ياخ
تم ليه القصة
بالنسبة لي انا يا ايمن ... حكاوي ماف ...صور بس .. وصور زاتها لا فيها نسوان ولا بار ولا قهوة ولا كلوب عذابة سااااااااااااااااااااااااااااااااااااااااااااااااااااااااااي
تلقاها عن الفارة يا معلم قال احكي قال
Post: #166 Title: Re: tmbis Author: وليد محمد المبارك Date: 06-12-2013, 07:41 AM Parent: #160
هو متصور ليكم قدام اتلانتس وغاشيكم لانها برة بلااااااااااااش بس كدي يجيب ليكم صورة من جوا . بيكون ضربا ادفع لي 400 دولار عشان اتصور يلقوها عند الغافل ما ناس فيصل ديل لو قلت ليهم دخلت اتلانتس حيصدقوني هههه. وبتاعت البيتش ديك واقف براهو مالو شكلو ما جاي البيتش لحوار .. لو تاني رفع ليكم صور دبي نادوني ما يغشكم ساي الزول دا ..
______________________ كمان جبتو ليكم خبرا اجانب
ازيك يا ام مؤيد قلت لمن يرفع صور دبي تاني نادوني مالك صور لندن ما شفتيها ... هاهاهاهاهاهاهاهاهاهاهاهاها.. ما تجي تعلقي عليها
ودي الشارق قبال ما يركبو في بحيرتهم نافورة 2010 برضو
اها كمان يا ام مؤيد ده شارع المشي عليك الله ما معلم
متجدع
ده البرج يوم 31/12/2011 الساعة 11 وكم وخمسين دقيقة شفت كيف
اها محل التخفيضات ذاتو عارفو شفت كيف خبير يعني
Post: #161 Title: Re: tmbis Author: omer osman Date: 06-12-2013, 07:15 AM Parent: #156
يا جنابو إنت أرفع من إنك تبخس الناس أشيائها,,
أم درمان فيها الكثير المثير الخطر ما حقو نختلف فى الموضوع دا يا حبيب,,
أم درمان المنارة الحضارة والأصالة والعراقة..
<<<<<<<<<<<<<<<<<<<<<<<<<<<<<<<
طبعا يا ايمن زوجتي رغم انها من الخرطوم لكنها امدرمانية الهوى والهوية وناس جدها من رموز فريق ريد بالموردة ........... اها زمني ده كلو قبل العرس بنشتري حلاوة المولد من ميدان المولد بالسجانة بعد العرس قالت لي انت يازول ما سمعت اصلو بحلاوة الطيب سيد مكي في مولد امدرمان قلت ليها عليك الله خلينا من وهمات ناس امدرمان المهم تحت تهديد السلاح مشينا هههههههه قال ليك انا تاني فكيت دربو يمين تمشي وتقيف صف عديييل عشان تشتري حلاوة مولد ولو كمان غشيت شربت ليك ليمون عند بتاع الليمون الفي ناصية سوق الموردة وبعدها تغشي ناس كافي تشتري الزبادي حقك متعة ماتخلص ............... امدرمان لذيذة بس بنحب نشاغل اهله ساكت ههههههههههههه
يا جستابو عشان كدا قلنا ليك (بمبــا) واديناك ربع درجــة .. اقوليك حاجة ..: حسع زاتو كان ما معرفتنا بي انو المدام من بنات سنترا .. وحيات ابتسامتك كرمزيتك دي احتمال كبير تعمل ليك مشكلة في التصنيف للزول الجابك واداك الربع دا .. عليك الله ما تتلاوى معانا كتير الدنيا لسة صباح ..
Quote: طبعا يا ايمن زوجتي رغم انها من الخرطوم لكنها امدرمانية الهوى والهوية وناس جدها من رموز فريق ريد بالموردة ........... اها زمني ده كلو قبل العرس بنشتري حلاوة المولد من ميدان المولد بالسجانة بعد العرس قالت لي انت يازول ما سمعت اصلو بحلاوة الطيب سيد مكي في مولد امدرمان قلت ليها عليك الله خلينا من وهمات ناس امدرمان المهم تحت تهديد السلاح مشينا هههههههه قال ليك انا تاني فكيت دربو يمين تمشي وتقيف صف عديييل عشان تشتري حلاوة مولد ولو كمان غشيت شربت ليك ليمون عند بتاع الليمون الفي ناصية سوق الموردة وبعدها تغشي ناس كافي تشتري الزبادي حقك متعة ماتخلص ............... امدرمان لذيذة بس بنحب نشاغل اهله ساكت ههههههههههههه
هههههههه .. طبعا بتاع الليمون الناصية دا يا جستابو اسمو عمك (الدنقلاوي) يا سلالالالام ياخ .. اجيال واجيال اتوارثت المحل دا وطعم الليمون هو نفس طعم الليمون ماف غش تجاري ماف بيع ذمــة .. لو ما عندك كنجالات تجي تقيف لي عماد ولدو يا اي واحد من الشباب ... تتملي ليمون لمـن الله يغفر ليك ولو عايز كمان يصرفوك بيصرفوك ... انزل لي تحت شويـة في محل ليمون تاني من الناحية الغربية بفتح في عمارة باعبود عند الناصية حقت الجامع .. اسمو (ضيعووك) لو انت الله رضيان عليك .. تضرب ليك كوز شعير من الدنقلاوي .. وتجي تحبس بي كباية شاي صغيرة بس من ليمون ضيعوك ... صدقني رمضان دا لو لصقوهو تلاتة شهور مع بعض تصومو وتبوس يدك بطن وضهر وتحمد ربك على النعمة دي .
بعدين احب اضيف يا جستابو... عليك الله لما تجدع ليك رندوك هنـا .. ما تفك شفرتو .. خليهو كدا دا بس . يعني نحن نقعد نحكي للفارات ونشرح ليهم ونفسحم في امدرمان ..؟
Post: #164 Title: Re: tmbis Author: وليد محمد المبارك Date: 06-12-2013, 07:28 AM Parent: #161
هاهاهاهاهاهاهاهاهاهاهاهاهاهاها
يا عمر سلم على بتنا
وما عندك مشكلة اولادك بنديهم الجنسية تبعا للوالده
هاهاهاهاهاهاهاهاهاهاهاهاهاهاها
Post: #165 Title: Re: tmbis Author: عمر الفاروق Date: 06-12-2013, 07:39 AM Parent: #164
يا جماعة أيمن الطيب ده شاييت على وين ؟؟؟ انا الناس اللي زي دييل مااا حبابم معاي الواحد ما بيقدر ياخد راحتو في الرد والردم.. :) :) :)
Post: #169 Title: Re: tmbis Author: عمر الفاروق Date: 06-12-2013, 07:46 AM Parent: #165
تعرف يا جنابو بمناسبة الطيب سيد مكي دي .. طبعاً انا وكمغترب عااضي يقوم بكل طقوس المغتربين البيض عند العودة لأرض الوطن السعودية فبقوم اشتري الطقم بتاع الجبنة والطحنية وزيت السمسم والفاصوليا وحديثاً تم إدخال بسكويت رويال تبع المواد التموينية .. أها زي كلللهم إتخذت قرار إنو تاني ما اشيلهم لكن الحاجة الوحيييدة الح أشيلا هي باسطة وبسبوسة الطيب سيد مكي .. أها فعلاً قبل السفر بي يوم زيييطك وقفت ليك جمب المحل ومااا نضمت كتيير بس قلت ليهو أعمل لي 5 كيلو باسطة و2 بسبوسة وبالله خوتهم في كيس قبل الصندوق.. قام قال لي أوووو ناس طيارة السعودية !!! أنقر زولك ما طلع حافظ الرحلات بتاعت الطيران؟؟؟ قال لي يا عمك يوم كده بتقوم الاماراتية وفلاي دبي ويوم كده طيران ناس ويوم كده ناس اوروبا ويوم كده ناس قطر و و و ..طلع اي مغترب بيمر أول على الجماعة ديل يقطع البوردينق حتى يمشي المطار.. أها بعد داك الونسة جررت وقلت ليهو شايف عندكم فرع في الخرطوم .. قال لي ياخ داك زاااتو البيمشو يشتور منو أولاد امدرمان ..ثم إنفتحت سيرة الخرطوم وامدرمان وبعد داك تعال شوف المحل ضج كييف وكم قصة اتحكت عن واحد من الخرطوم مرتو من امدرمان وكان بيستبييض فكرة يجي امدرمان ثم تحول حاله للدرجة البقا برنامجو ثااابت في سوق الموردة .. :) :)
Post: #170 Title: Re: tmbis Author: عمر الفاروق Date: 06-12-2013, 07:47 AM Parent: #169
يا وليد ما عندك صورة في ساوث هامبتون ؟؟؟
Post: #172 Title: Re: tmbis Author: وليد محمد المبارك Date: 06-12-2013, 07:49 AM Parent: #165
يا ايمن
نحكي ليك تميز اولاد امدرمان
فردتنا واخوا من دون ذكر الاسم .. من اولاد الثورة الحارة العاشرة .. من اوائل الذين هاجروا الى هولندا وكت الفيز المضروبة ديك .. هسع هو في لندن
المهم طبعا وكت وصل هولندا وقطع الجواز ختوه في معسكر مع باقي الناس .. لحدي ما يدخلوه البلد اها جا يوم التوزيع قامو وزعوه ليك مدينة تانية .. ما امستردام
يازول دق ليك جرس وقال ما مارق من المعسكر الخواجات سالوه مشكلتك شنو ؟ قال ليهم انا ود قلبا في السودان ( امدرمان) .. تودوني قلبا في هولندا ( امستردام ) .. او ما مارق من المعسكر ده تجيبو الفارات من الضواحي ، مدني ونوري والجنية في اللعوته وتدوهم امستدردام .. انا ود امدر تودوني الاقاليم ؟!
Quote: طيييلة عمري ما حضرت لي حفلة العريس من الخرطوم والسيرة جات فرتقت ليها حفلة في امدرمان ..يدوهم صحن العشا يضربو الطعمية والمخلل والبطاطس ويبقو مارقين ..
..
Quote: اسة الحالة تمبس مدلعكم بي قصص الموردة اللي هي درجة اقل من قصص العباسية وحي الضباط .. بالله يا تمبس حصل شرطة النظام العام جات حايمة بهناك؟؟
.. اييييييييييه .. دنيا ... كدي عليك الله خلينا في الحتة بتاعت شرطـة النظام دي .. فرتيق الحفلات دا اديهو صنة شويـة بنرجع ليهو ايام التسعينات بداية التسعينات والبلد لسة بطنـه طامة وحظر التجول من الساعة عشرة .. الحفلة بتنتهي من النهار .. كان عرس بت خالتنا اتربت معانا .. بتذكر يوم سبعة وعشرين رجب .. يا زول نقاره في السماء الحفلة بي البروف بادي عليه رحمـة الله ، انا (وطلال نجكو) كنا قاعدين للبروف في المسرح وكلما يجي نازل طلال يمسكو ليك من رجلو يقول ليهو .. سييلي الله تنزل من هنا ارميك يا زول خالاتك ديل سوون البدع .. البروف يغني فريع البانـه:
فريـع البـانة المِـنْ نسمة يـتـمـايل حـاكى المـنقسمة نار قـلبي بتوقد من وسمه تلـمع فـي خـديدا وفـر بسمه الفـم الزي خاتم نص قسمة يالـمـاك داريه بَـي الغي قسمة حـبـوب الفـاطـر دُرّيـة وسـطـك يتـلاعب بـحـريـة الجـبـهة تـلاصـف بدرية والحـالة البَـيّ مـاها مـدريـة وسـطـك خـاتم بـي زندو و صـديرك قـايم الديـس جندو صـديـرك قـلع مـن عندو واكـتـافك فوقو ياروحي بتسندو زُمـرُّد لـونـك اخــضـرّ دا الـولّـع قـلـبي و آخ ضـرّ انـا جسمي فـدايتك ما ضرّ لـو كـان اتـدقـق واتـضـرا الجيـد الوافـر كلـجـامه فـاقـت اعـرابـا و اعـجـاما كالمـهرة العاصية في لجاما لقـلوبنا لحـاظك ياروحي رجامة يا ريـل ابـزازك مـا نوعا مـن خـز وعسـجد مـصنوعة قالـت لي اعطافا المرنوعة هي ثماري ولكن ياحبيبي ممنوعة
.. رقيص رقبـة زي ما الله خلقـو .. وزي ما جا في سفر رقيص السباته عند بتول واخواته .. الليل ليل يا عمر .. الساعة تجاوزت الحادية عشر بي مراحل والدنيا برد ونقارتنا شغاله .. آخر حاجة انتهينا زي حداشر ونص .. والناس منتشية .. تعمل شنـو .. ؟ معاي ود عمي يا زول ركبنا ليك الحديد جرينا عمارة الجزلي اولاد معهد الموسيقى والمسرح وقتها ربنا يطراهم بالخير اولاد جاهزين وفرد واولاد بيت .. دقيقتين بس الجا طالع بي فنلة داخليه البي جلابية .. البوكسي اتملى صناديق سماعات جتارات على كمنجات على عدة نفخ .. قالو لي يللا اركب شارعك نحن بنجي لاحقنك .. بنشاقق بي نص الحلة .. من دربي دا قديت لي عبد الحي .. قالي شيل اي ساوند سستم من عندك .. جرينا ثواني بس شدينا الساوند جوه البيت الحوش بلينتي بس .. الما لقى ليهو مكان اتشعبط في الحيطـة .. النقاره من جديد دورت .. طرب لي الصباح .. لحدت ما الشمش طلعت .. اللذيذة فجأة كدا في عز الطرب .. والباب مفتوح للغاشي والماشي .. نتفاجأ ليك بي طارة جات داخله .. خمسة عساكر مدججين بالسلاح نظام عايزين تصريح الحفلة دي والحنك بتاع ترخو لينا الصوت وإلخ إلخ .. في ظرف ثواني طلع ليك في وشهم .. ميــة سمير ..اتسلخت ليك كمية سميرات مبالغ فيها شي سمير بي اسم العقيد فلان .. النقيب فرتكان .. الملازم اول فلان .. اصحابك من ما بقو جايين ناس فرتقـه بقو في التخارجم .. والسلاح رطــن شي سلام عظيم .. وشي سلام سلاح .. وإلخ إلخ .. بعداك اكرمناهم .. اتعشو يا زول عشا حبيبك وفضلة خيرك وحرسو لينا الحفلة لحدت ما الشمش طلعت .. حسع دي كان بقت حفلة في بري والمعرض .. كان لحدت الآن العريس في (الرج)
Post: #173 Title: Re: tmbis Author: وليد محمد المبارك Date: 06-12-2013, 07:53 AM Parent: #168
Post: #176 Title: Re: tmbis Author: وليد محمد المبارك Date: 06-12-2013, 07:58 AM Parent: #174
Quote: وكم قصة اتحكت عن واحد من الخرطوم مرتو من امدرمان وكان بيستبييض فكرة يجي امدرمان ثم تحول حاله للدرجة البقا برنامجو ثااابت في سوق الموردة .. :) :)
قر قر قر قر قر قر
ويشرب عصير ليمون ما تنسى
Post: #178 Title: Re: tmbis Author: محمد البشرى الخضر Date: 06-12-2013, 08:17 AM Parent: #176
سبقتني يا عمر الفاروق في استنكار موقف أيمن الطيب و من عندي بضيف جنابو عمر كمان شنو يا اولاد الخرطوم انتو بايعنها ولاّ شنو؟
ويا شفت هلال مريخ اي نعم في امدرمان لكن في اللحظة دي رؤساؤهم من وين (عارف البرير اصلا من امدرمان لكن حاليا ساكن وين ثم هو زاتو ما عاجبنا كرئيس) هيثم و العجب من وين؟ قوموا بالله ما تلخمونا ساكت هههههههههههههههه
Post: #179 Title: Re: tmbis Author: وليد محمد المبارك Date: 06-12-2013, 08:29 AM Parent: #178
ويا شفت هلال مريخ اي نعم في امدرمان لكن في اللحظة دي رؤساؤهم من وين (عارف البرير اصلا من امدرمان لكن حاليا ساكن وين ثم هو زاتو ما عاجبنا كرئيس) هيثم و العجب من وين؟ ______________ يا ود البشرى انت قايل الكورة اتدهورت ليه
ما من جنس الكلام الكتبته ده
Post: #180 Title: Re: tmbis Author: عمر الفاروق Date: 06-12-2013, 08:30 AM Parent: #178
غايتو رئيس المريخ من فداسي ...ودي أخير منها الخرطوم ..
Post: #181 Title: Re: tmbis Author: محمد البشرى الخضر Date: 06-12-2013, 08:40 AM Parent: #180
Quote: انت قايل الكورة اتدهورت ليه
ههههههه خلاص قمنا على الغلاط
Quote: غايتو رئيس المريخ من فداسي ...ودي أخير منها الخرطوم ..
هههه لعناية حعفر بشير و محمد ابراهيم علي :)
يا ناس امدرمان انتو عاملين زي مصر اليومين ديل, تستعدوا في الدنيا كلّها و رقبتكم ممسوكة عند الناس الكبري لو اتقفل يومين بس يمين طماطم ساي ما تلقوها:)
Quote: بعداك اكرمناهم .. اتعشو يا زول عشا حبيبك وفضلة خيرك وحرسو لينا الحفلة لحدت ما الشمش طلعت .. حسع دي كان بقت حفلة في بري والمعرض .. كان لحدت الآن العريس في (الرج)
احب اضيف يا شباب انو افراد الطارة دي جايين من جهات الخرتوم .. ناس الديم ، وبري والحلة الجديدة وإلخ إلخ .. ولو اي واحد فيهم حاول يعمل فيها (جووورو) والله كان باقي الليل داك اتحلقت ليهو صلعة (والبزاغ) من عندو يعنهي بي صورة اوضح .. الحفلة شغالة والنقارة في السما ودا قاعدين يحلقو ليهو .. يعني حلاقة بالمزيكا.. والغريبة انو ما دافع ايتها حاجة من عندو
Post: #185 Title: Re: tmbis Author: وليد محمد المبارك Date: 06-12-2013, 08:58 AM Parent: #182
هاهاهاهاهاهاهاهاها
الواحد يهابشك
ترشو
يشبكك مصر واسرائيل وسد الالفية
Post: #184 Title: فى رحلة البحث عن أولاد قلبا,, Author: أيمن الطيب Date: 06-12-2013, 08:57 AM Parent: #178
((((يا جماعة أيمن الطيب ده شاييت على وين ؟؟؟ انا الناس اللي زي دييل مااا حبابم معاي الواحد ما بيقدر ياخد راحتو في الرد والردم.. :) :) :))))) يا عمر الفاروق يا حبيب أخوك باحث عن أولاد قلبا شايت على وين دى خليها فى الوقت الحالى أخد راحتك بالكامل يازول,,
((((سبقتني يا عمر الفاروق في استنكار موقف أيمن الطيب و من عندي بضيف جنابو عمر كمان شنو يا اولاد الخرطوم انتو بايعنها ولاّ شنو؟)))) ودالبشرى أنا بالجد بحاول أصل للموضوع القلتو ليك داك نحن هسه فى حالة سمع والمايك ماسكنو الأمدرمانجية ديل ,,,
خلينا نستمتع ياخ ,,
Post: #186 Title: Re: فى رحلة البحث عن أولاد قلبا,, Author: أيمن الطيب Date: 06-12-2013, 09:00 AM Parent: #184
يبقى جلى الحنك,,,
Post: #187 Title: Re: فى رحلة البحث عن أولاد قلبا,, Author: وليد محمد المبارك Date: 06-12-2013, 09:03 AM Parent: #186
كضبا كاضب يا معلم
ده فنجاطا
لو عرفت اللقب بتعرف الاسم
Post: #193 Title: Re: فى رحلة البحث عن أولاد قلبا,, Author: tmbis Date: 06-12-2013, 09:13 AM Parent: #187
يا جماعة مرحــب بالشباب من تحت .. محمد البدري ، مالديني ، أم اياد ، أبو أحمد ، فايقة عكاشة ، سيف .. وهم من نافذة الفيس بوك غير اعضاء .. شكرا جزيلا للمشاركة يا شباب وطالما انو الناس بقت محترمة وبتشارك بي احترام بتجد مننا كل الأحترام كامل غير منقوص .. بعكس الجايين بي اسماء مستعارة بينفذو بيها في اجندة محددة .. شكرا يا شباب مرة أخرى .. عظيم الشرف وشكرا على ردودكم ومصاهمتكم في البوست .. عبد العزيز حسين ، وسلمى الشيخ .. شكرا برضو .. وانتو اعضاء
Post: #188 Title: Re: فى رحلة البحث عن أولاد قلبا,, Author: حيدر حسن ميرغني Date: 06-12-2013, 09:06 AM Parent: #186
تمبس غايتو المدعو دي لايقة فيك جلابية وتوب مفروض ابوروضة ده تديهو اي حاجة كده ثمنها غالي
Post: #190 Title: Re: فى رحلة البحث عن أولاد قلبا,, Author: وليد محمد المبارك Date: 06-12-2013, 09:09 AM Parent: #188
والله يا حيدر بتبالغ
حاجة اغلى من الوكت الخصصو ليه ده ؟!
Post: #189 Title: Re: فى رحلة البحث عن أولاد قلبا,, Author: محمد البشرى الخضر Date: 06-12-2013, 09:07 AM Parent: #184
ما استعديتوا زول كيف يا تمبس, انتو ياخي قولة قاطع الكبري دي شايفنها نبزة ياخ في حين نفس الكبري دا لو كان موجود لما جيش الإمام المهدي جا كان قطعو بالجيش و استقر في الخرطوم و كنا ارتحنا من الخوتة و الغاغة دي :)
انتو ازرار الردود دي قاعد تمش وين؟
Post: #191 Title: Re: فى رحلة البحث عن أولاد قلبا,, Author: البدري عبد الله Date: 06-12-2013, 09:11 AM Parent: #189
السلام عليكم ورحمة الله
Post: #192 Title: Re: فى رحلة البحث عن أولاد قلبا,, Author: أيمن الطيب Date: 06-12-2013, 09:13 AM Parent: #189
((((احب اضيف يا شباب انو افراد الطارة دي جايين من جهات الخرتوم)))
إنتو كان عنكم كيتة ولا إنقلاب!!!!
طارة تتحرك من الخرطوم عشان تسأل من تصريح حفلة فى الفتيحاب!!! الطارة بالغت والله,,,
Post: #194 Title: Re: فى رحلة البحث عن أولاد قلبا,, Author: وليد محمد المبارك Date: 06-12-2013, 09:18 AM Parent: #192
ما استعديتوا زول كيف يا تمبس, انتو ياخي قولة قاطع الكبري دي شايفنها نبزة ياخ في حين نفس الكبري دا لو كان موجود لما جيش الإمام المهدي جا كان قطعو بالجيش و استقر في الخرطوم و كنا ارتحنا من الخوتة و الغاغة دي :)
_______________
يا ود البشرى امسح الكلام ده
الناس بتضحك فيك والله
انت رسمت غردون في سلم القصر الجمهور ورافعين ليه الحربة دي ما شفتها ؟
ولا القصر الجمهوري كان في امدرمان ولمن كبر مشى الخرطوم براه
امسح امسح الله يرضى عليك
Post: #196 Title: Re: فى رحلة البحث عن أولاد قلبا,, Author: tmbis Date: 06-12-2013, 09:27 AM Parent: #194
Quote: ولا القصر الجمهوري كان في امدرمان ولمن كبر مشى الخرطوم براه امسح امسح الله يرضى عليك
ايييييييييه دنيا .. اساسي دردق نفسو .. وهاهو شهيد آخــر .. والله بي صراحـة حقو الخرتوم دي تسموها الجزاير .. بلد المليون شهيد ..
Post: #206 Title: Re: فى رحلة البحث عن أولاد قلبا,, Author: أيمن الطيب Date: 06-12-2013, 09:53 AM Parent: #194
نادى الشرطة زمان وخوفى يكون لى هسه,,,,,
أى عرس وسيرة جاية قاطعة كبرى ولا ضاربة زلط بتبقى القصة متعة,, خط النزول بتاع الطيارات يقع مباشرة فوق نادى الشرطة تماما,,
الناس لو جايين من أى جيهة من شرق الخرطوم أو سنترا مافى مشكلة,, وحاتك يا غالى,,
الطيار نزل اساتكو فى راس النادي!! والصوت هوووووووووووووووووووووووو اجارك الله كان ما بتعرفو ولا ما سمعتو أوجاى قرب تعال ولا قاطع كبرى!!!
دى طيارة نازلة المطار ووالله ما وقعت.. يا أخوانا عشان ما ناكل حق الناس ساى,,
إحترام تجربتهم واجب ويصب فى منحى إيجابى بإتجاه إنك ود قلبا ولا القصة هجصى وعوة ساى,,هؤلاء الضيوف مساكين والطيارة القايلنها وقعت دى طيرت ليهم حفلتم فى راسم..
تجربتهم كان ينقصها طيارة على بعد سبعة أمتار,, وإكتملت يوم الجكة داك ومثلهم كتاااااار,,
الUnderstimation عادة بتكون نتايجو كارثية والله.. أساسى دا لما قال ليكم المعرض القراية دى بتقول إنو العاصمة كللها جاتو قدام بيتو وإستمتع بالفكرة كلها,,
غير إنو دباب مقاتل جد جد ,,قصص كتيرة بتكون ما مقسما معاهو وبشوفا جخ ساى فالزول دا شوفو ليهو قصص ممتعة ومدهشة,,
غير أصل القصة إنو ود برى وتلك رواية أخرى,,
طلع من بيتو اللى هو كان وقتذاك فى شارع الجمهورية الى هو شارع المعرض مشى إقتحم الجميلة ومستحيلة وصقل المواهب هناك وعاش جزء من التجارب العريضة,,
ياخ شق الديار علم!!! هسه اساسى يقدر يجى يغالط وليد فى لندن!!!
خليكم متسقين ياخ..
سنعود,,
وعليكم السلام أخوناالبدرى من نواحى بلجيكا واللوكسمبورغ,, مش قلت ليكم شق الديار براه علم...
تمبس تم القصة ياخ!!!!!
Post: #195 Title: Re: فى رحلة البحث عن أولاد قلبا,, Author: tmbis Date: 06-12-2013, 09:22 AM Parent: #192
Quote: طارة تتحرك من الخرطوم عشان تسأل من تصريح حفلة فى الفتيحاب!!! الطارة بالغت والله,,,
لالايا ايمن اقوليك التسعينات .. الوكت دا ك قبال ما نهاجر الفاتيكان .. انت بتقرا بي اضنينك ياخ ..؟ الوكت داك يا ايمن ما عارفك كنت وووين .. لكن الطاره والطوف الليلي كان مخجوج .. معظم البجو طواف ليلي من ابناء الاقاليم وابناء الخرتوم .. عشان يتفسحو في امدرمان ويكتسبو خبرات .. الاشتغل في الفترة ديك .. بيعرف تماما انو لواري الشرطة والشرطة الامنية .. وإلخ إلخ من الوحدات كانت قبل الساعة اطناشر بتتمركز في حتتين أو تلاتة: الاولى : شوايات الموردة .. يجيو يضربو سمك وصير وشيـة وشاي بي لبـن .. وبعداك يجمعوهم بي وراء الشوايات وعلى الوصل معتدا مارش ويوزعوهم على الطواف .. التانية: شارع الفيل .. عند ناس حاجة الروضة جادين عليها رحمة الله والخالة مريم تور .. عشان يضربو الكوارع والفول ، ومديدة الحلبة ومديدة التمر وبعديها برضو يتم توزيعهم .. التالتة: عند الفاتح الكوتش عليه رحمة الله .. عشان يضربو الصير والكوارع والتحلية المشهورة ( تلاتة في واحد ) ..
Post: #198 Title: Re: فى رحلة البحث عن أولاد قلبا,, Author: وليد محمد المبارك Date: 06-12-2013, 09:32 AM Parent: #195
عند الفاتح الكوتش عليه رحمة الله .. عشان يضربو الصير والكوارع والتحلية المشهورة ( تلاتة في واحد ) ..
___________________________ عليه الرحمن يا سلام ياخ
كانؤ بنمشي ليهم بالتناوب هو والجان جمب الشفايعة .. بعربية الترحيل والله من التمرين طوالي وبهدوم الكورة
Post: #197 Title: Re: فى رحلة البحث عن أولاد قلبا,, Author: عمر الفاروق Date: 06-12-2013, 09:27 AM Parent: #192
يا ود البشرى انت قايل النيل ده جاري بي ميدان عقرب؟؟؟ أوول حتى بيتلاقو فيها النيلين ديل امدمان ..يعني تمبس ده أوول زول بيشرب من موية النيل الجدجد.. والطماطم دي بيزرعا جمب بيتم .. ياخ نحن كان عندنا شجرة لالوب قدام بيتنا السنة كلها مخدددرة ويوم واااحد في حياتي ما بتذكر اتفتحت ليها ماسورة ولا اتسقت .. بالرغم من انها كانت تبعد عن النيل زي 37 هيكتار :)..
Post: #199 Title: Re: فى رحلة البحث عن أولاد قلبا,, Author: عمر الفاروق Date: 06-12-2013, 09:34 AM Parent: #197
بمناسبة رؤوساء هلال مريخ دي يا ود البشرى ما عايزين نتطرق لمن حكمو السودان منننن ايام الإستعمار لحدددي 89.. بالله تلاتة شوارع لصق بعض فيها بيوت من حكمو السودان ما بين شارع عبد الله خليل تقاطعاً مع صينية أزهري إمتداداً لي شارع الدومة ..
Post: #201 Title: Re: فى رحلة البحث عن أولاد قلبا,, Author: ABUHUSSEIN Date: 06-12-2013, 09:40 AM Parent: #199
غايتو ناس أم درمان ديل بالحنك ممكن إطقطقوا ليك منتخب العالم بما فيهم نجوم برشلونة ......
و يستمر النضال ....
Post: #203 Title: Re: فى رحلة البحث عن أولاد قلبا,, Author: محمد البشرى الخضر Date: 06-12-2013, 09:46 AM Parent: #199
Quote: بمناسبة رؤوساء هلال مريخ دي يا ود البشرى ما عايزين نتطرق لمن حكمو السودان منننن ايام الإستعمار لحدددي 89.. بالله تلاتة شوارع لصق بعض فيها بيوت من حكمو السودان ما بين شارع عبد الله خليل تقاطعاً مع صينية أزهري إمتداداً لي شارع الدومة ..
كدا عصرت علي يا عمر ما في طريقة الجأ لمغالطة الشفت واقول ليم امال اتدهور من شنو, لأنو عيب الكلام دا يتقال في حق السيد اسماعيل الأزهري أو الإمام الصادق أو حتى نميري و لأن التدهور الجد جد جابوه الناس ديل البشير من حوش بانقا وكوبر, و الترابي من ود الترابي و المنشية و علي عثمان من الصحافة غير ياسين عمر الإمام ومهدي ابراهيم مالقيت زول من أمدرمان وديل احسن ناس فيهم فا شنو ما في طريقة غير اقول ليك خلّينا من السياسة :) ونحصر الغلاط في الكورة و الطماطم هههههههههههه
Post: #200 Title: Re: فى رحلة البحث عن أولاد قلبا,, Author: محمد البشرى الخضر Date: 06-12-2013, 09:36 AM Parent: #197
يا شفت يا كيشة القطعو النيل ديل جهادية خلو باقي الجيش و العتاد و الحال في ابوسعد بعد قتلوا غردون رجعوا استقروا هناك عشان عدم الكبري دا:) تفتكر لو كان في كبري كانوا اختاروها عاصمة بأرضها الحجرية و بيرها الما بتجيب موية إلاّ قريب ستين سبعين متر
يا عمر زراعة شنو ياخي في امدرمان عمرنا كلو عارفين الخدار بجي من شمبات و الجريف اوعى تغالطني و تقول لي ابو روف :)
Post: #202 Title: Re: فى رحلة البحث عن أولاد قلبا,, Author: عمر الفاروق Date: 06-12-2013, 09:44 AM Parent: #200
يا ود البشرى الخدااار خداري يا ناس خداري ومن العين بداااري .. انا بقصد ليك لو الخدار ده وقفتوهو من توتي والجريف نحن اليوم التاني بندوور زراعة ما مشكلة كبيرة .. لكن اسة عليك الله شوف كم سنة الناس بتحاول تعمل ليها هلال مريخ ما قادرة ..
Post: #207 Title: Re: فى رحلة البحث عن أولاد قلبا,, Author: محمد البشرى الخضر Date: 06-12-2013, 09:54 AM Parent: #202
Quote: يا ود البشرى الخدااار خداري يا ناس خداري ومن العين بداااري .. انا بقصد ليك لو الخدار ده وقفتوهو من توتي والجريف نحن اليوم التاني بندوور زراعة ما مشكلة كبيرة .. لكن اسة عليك الله شوف كم سنة الناس بتحاول تعمل ليها هلال مريخ ما قادرة ..
تزرع وين ياعمر تفتكر لو ارض امدرمان - اعني امدرمان القديمة - كانت تصلح للزراعة كان الناس خلّوها انتو النيل دا ما بتعرفوا ليه غير السمك و المراكب و غسيل العربات ههههههههههههههه هلال مريخ دي جوكر ما بغالطك فيها لكن شايف السنة دي الخرطوم الوطني والأهلي شندي يطقطقو فيهم ساي :) بعدين سيبك من دا كلو اسي ناس بري و بحري و الجيلي و قري كان قالوا محطات الكهرباء تغذي الخرطوم وبحري بس انتو حا تعملوا شنو ؟ موية ما تشربوا خليها الكهرباء
Post: #204 Title: Re: فى رحلة البحث عن أولاد قلبا,, Author: tmbis Date: 06-12-2013, 09:46 AM Parent: #200
Quote: تلاتة شوارع لصق بعض فيها بيوت من حكمو السودان ما بين شارع عبد الله خليل تقاطعاً مع صينية أزهري إمتداداً لي شارع الدومة ..
.. ههههههههههه .. والله يا عمر خطفتها خطف من لساني .. اقوليك حاجة..؟ اراهنك حسع دي ما ح يكون ناقش ديل منو زاتو الحكمو السودان ديل .. والله يا ابو حسيــن مع منتخب العالم دا .. حقو السؤال الفوق بتاع الرؤساء التلاتة ديل تشوف لينا معاك طريقة عشان الجماعة يدخلوهو في برنامج قرداحي .. من سيربح المليون ..؟؟؟ اقوليك حاجة ..؟ يكلمو جورج دا زاتو يعمله بدل المليون الواحد خمسة ملايين .. خمسة ملايين راسم عديل كدا ياخ السؤال دا صعب شديد يا عمر .. صعب علي الجماعة ديل .. حقو تخت ليهم تلاتة خيارات .. كل ريس قدامو خيارو ..
Post: #208 Title: Re: فى رحلة البحث عن أولاد قلبا,, Author: وليد محمد المبارك Date: 06-12-2013, 09:59 AM Parent: #204
يا ود البشرى بالمناسبة
ود الفاروق ما حشر ليك نميري في النص
لانو وقف لحدي شارع الدومة
لو كان مشى شارع واحد لي قدام .. شارع ود البصير كان بقوا اربعة رؤسا
الكيزان يشيلوا وينضفوا ويلمعوا وبعد داك يبتعوا دورة ولكن الكل-ب مهما نضفوا بحن للكوش
Quote: محل المعرض ده قبل ما ود امدرمان ( نميري ) يحش الحشيش منها بالنها كانو بشركو فيها للطير وبالليل كانو بشركو فيها للعيال انتو بالله كنتو بتلعبوا دس دس هناك ؟ بالنهار ولا بالليل؟
سلام فيصل هسي انت يعني بالك ما طويل ؟ تمبس ممتع في كل اللحظات وخاصة عندما يغضب .. لك وله الاف التحايا
Post: #209 Title: Re: tmbis Author: عمر الفاروق Date: 06-12-2013, 10:02 AM Parent: #205
طبعاً يا وليد ما حبينا برضو نعرج بيهو على الهاشماب و ما ادراك ما الفردوس المفقود ... هاااك المحجوب ده .. :) :) :)
Post: #210 Title: Re: tmbis Author: محمد البشرى الخضر Date: 06-12-2013, 10:06 AM Parent: #205
Quote: لانو وقف لحدي شارع الدومة
لو كان مشى شارع واحد لي قدام .. شارع ود البصير كان بقوا اربعة رؤسا
يا شفت انت قايلها رسالة دكتوراة لازم اكون دقيق فيها ما غلاط و السلام و الفكرة وصلت اغلب الرؤساء من أمدرمان ما كل الرؤساء طبعا لأن هناك ابراهيم عبود و أحمد الميرغني - سر الختم الخليفة ما متأكد منو؟ دا من ناحية ومن ناحية تانية انت يعني شوارع ود البصير و الدومة ديل بيكاديلي ولا الشانزلزيه ولا برودواي عشان احفظ ليك تفاصيلهم الجغرافية و احداثياتهم, حيّ الله شارع عرضه ستة متر ما تامي وبدون جزيرة في النص :)
Quote: حيّ الله شارع عرضه ستة متر ما تامي وبدون جزيرة في النص :)
وانت شارع العرضة ابو ستة متر دا قايلو هيـن ..؟ انت داخل على امدرمان شمالك بتلقى الاحفاد .. وما ادراك ما تعليم البنات من سنـة حفرو البحــر على ايديك اليمين المجلس البلدي والساعة الكبيرة والترماي . وإلخ إلخ .. خليك من حوش الخليفة البقابلك مباشرة ولو ما خليت بالك ممكن يخلعك عديل كدا .. البازار وإلخ إلخ من الحتات العجيبة ..
Quote: تمبس ممتع في كل اللحظات وخاصة عندما يغضب .. لك وله الاف التحايا
يديك العافية يا عمدة .. الله يمتعك دنيا وآخره الاولاد ديل قلنا ليهم ما تستفزونا وتهيجو اشجانا .. مصرين يهيجوها
Post: #214 Title: Re: tmbis Author: وليد محمد المبارك Date: 06-12-2013, 10:36 AM Parent: #213
يا شفت انت قايلها رسالة دكتوراة لازم اكون دقيق فيها ما غلاط و السلام و الفكرة وصلت اغلب الرؤساء من أمدرمان ما كل الرؤساء طبعا لأن هناك ابراهيم عبود و أحمد الميرغني - سر الختم الخليفة ما متأكد منو؟ دا من ناحية ومن ناحية تانية انت يعني شوارع ود البصير و الدومة ديل بيكاديلي ولا الشانزلزيه ولا برودواي عشان احفظ ليك تفاصيلهم الجغرافية و احداثياتهم, حيّ الله شارع عرضه ستة متر ما تامي وبدون جزيرة في النص :)
___________
ياخ انت ما تضايق وخليك واسع
رسالة دكتوراة شنو ... ديل الروساء الحكموك ... يعني اهما من رسالة الدكتواة
سر الختم مولود في الدويم .. وبالمناسبة ما عنده كان باجر لحدي قبل ما يموت بسنوات وهو مات في 2006 اشتروا ليه ناس حجار بيت في الفردوس تتصور رئيس السودا في فترة يسكن الفردوس اخر الدنيا
هاهاهاهاهاها المشكلة انو شارع نص متر وحكمك هاهاهاهاهاهاها
______________
يا ايمن شارع ود البصير ده الشارع الفيه دكان ود البصير وهو الشارع الفيه بيت نميري او بيت ابو الحسن والد بثينة زوجة نميري القدامو الكشك بتاع العسكري الشهير داك ويقع شمال شارع الدومة طوالي
Post: #216 Title: Re: tmbis Author: عمر الفاروق Date: 06-12-2013, 10:43 AM Parent: #214
وانت شارع العرضة ابو ستة متر دا قايلو هيـن ..؟
*****************************************
ألحقو علاء الدين نفسو قاااام .. ود البشرى قال عرضه من العرض والطول ياخ .. بطل تحدر للراجل في الضلمة يا علاء
ما صدقت ردمت الراجل تاريخ شارع العرضة وتعويضات بيت المال وما ادراك ما محطة ود البشير
Post: #224 Title: Re: tmbis Author: محمد جبره Date: 06-12-2013, 11:09 AM Parent: #214
سر الختم الخليفة ما متأكد منو؟
طبعاً يا وليد ما حبينا برضو نعرج بيهو على الهاشماب و ما ادراك ما الفردوس المفقود ... هاااك المحجوب ده .. :) :) :)
سلامات يا شباب
الاثنين الفوق ديل كانوا مساهمة من مجتمع له خصوصيته وتميزه في كل مكوناته
وبالرجوع لسيرة اي منهم ستعرف مستوي الرقي و الوعي لذلك المجتمع أو المدينة التي انجبتهم
تحياتي
Post: #215 Title: Re: tmbis Author: محمد البشرى الخضر Date: 06-12-2013, 10:41 AM Parent: #212
انتو يا تمبس تامنها غلاط ساي الليلة انا قصدت عرض الشارع لكن وقت سيرة شارع العرضة جات و تعليم البنات اها النكلّمك اول مدرسة بنات انشأت في رفاعة سنة 1903 ما في امدرمان وازيدك من الشعر بيت اول مدرسة تعليم نظامي انشات في الخرطوم قبل كدا التعليم بالخلاوي المنتشرة من زمن السلطنة الزرقاء يعني الوقت داك امدرمان كانت موقف عربات كارو :) وعلى سيرة التعليم هاك كلية غردون التذكارية ومدرسة كتشنر الطبية و المعهد الفني ديل في الخرطوم و سبب اساسي في قطعكم للكبري لغاية السبعينات يمكن و قيام الإسلامية و الأهلية المجلس البلدي كان فتحنا باب زي دا بمسك ليك شارع النيل كلو و بعرّج على شارعي الجمهورية و البرلمان و باقي الوزارت و المصالح لغاية السكة حديد حوش الخليفة و قبة الإمام المهدي جواكر ما عندي فيها كلام لكن لأجل الغلاط برجّعك لحتة لو كان في كبري قبة الإمام محلّها حديقة الحيوان القديمة هههههههههههههههههه
في داعي اجيب سيرة قاعة الصداقة و حدائق الشعب و الهلتون ولاّ كفاكم :)
Quote: يعني بتسيك في روحك براااااااااااااااااااااااااااااااااااااااك
Quote: ما صدقت ردمت الراجل تاريخ شارع العرضة وتعويضات بيت المال وما ادراك ما محطة ود البشير
.. ومال شنـو ..؟ اشتغلناها معاهم مزيكا ما نفع .. كورة شالو فنايلم .. سياسة نكرونـا .. نشتغله تاريخ وجغرافيا ولو ادعى الأمر بندخلم الكشافة البريـة .. بعدين الزول دا يا عمر قاعد ينطط لينا .. انا ما بحب النطيط .. امسكوهو لي في حتة واحدة وجيبوهو حي .. والباقي خلو علي .. .. يا شفــت .. والله ود البشرى دا ممتع خلاص .. عندي معهد وطني العزيز .. اراهنك ح يطلعوك ليك معهد شمبات الزراعي (والله صحي)..؟
Post: #221 Title: Re: tmbis Author: محمد البشرى الخضر Date: 06-12-2013, 11:04 AM Parent: #217
ابو يمن حالتو ما متمرن و زر الرد عشان تلقاه تقوم وتقع :)
يا شفت البوست صاح غلاط وأي شي لكن فيهو فايدة غايتو في معلومات تاريخية وسياحة جغرافية بس السؤال الأساسي لأولاد قلبها العايز رد علمي ومدعم بحجج قوية مش غلاط ساي ليه ناس امدرمان بعتبروا نفسهم اشفت و احسن القصة دي ما انتو بالإسم تمبس وعمر و وليد لكن حاجة ملاحظة بالجد, مثال جمال الوالي ورغم انو فات الكبار و القدرو في ما قدّمه للمريخ من دعم مادي وكدا إلاّ انه في يوم ما مجموعة سمّت نفسها تجمع اولاد امدرمان كان عندهم راي فيه وفي توليه رئاسة النادي فقط لأنه ما من أمدرمان !!
Post: #218 Title: Re: tmbis Author: وليد محمد المبارك Date: 06-12-2013, 10:52 AM Parent: #215
يا ود البشى
والله انت قادي تاريخ جد جد
بتعرف البيت ده
ما بخاف الموت المكشر وما بخش مدرسة المبشر عندي معهد وطني العزيز
فيقصيده اسمها في الفؤاد ترعاه العناية بغنوها ناس الحقيبة
بتعرف معهد وطني العزيز ده ياتو معهد ؟ عارف مدرسة المبشر دي ياتو مدرسة عارف معهد وطني العزيز ده كان وين
يعني بتسيك في روحك براااااااااااااااااااااااااااااااااااااااك
Post: #219 Title: Re: tmbis Author: وليد محمد المبارك Date: 06-12-2013, 10:56 AM Parent: #218
يا شفت,,
يا حبي أنا قصدى الزول زاتو منو!!! نبذه عنو لو أمكن مش الشارع وين,,
___________
يا مونتي والله ما عارفو
لكن بعدين بسال ليك الحاج والحاجة واجيب ليك الرد
Post: #222 Title: Re: tmbis Author: وليد محمد المبارك Date: 06-12-2013, 11:06 AM Parent: #219
وورد في كتاب تاريخ الخرطوم للمؤرخ السوداني محمد إبراهيم أبو سليم بأن أهم احياء الخرطوم في العهود التركية شملت حي الحكمدارية، حيث مركز الحكم، وحي المسجد، والأحياء الشعبية في اطراف المدينة التي كان يسكنها عامة الناس، ومنها حى سلامة الباشا، وحي هبوب ضربانى، وحي الكارة، وحى الترس، الذي أخذ اسمه من الحواجز الترابية التي اقيمت جنوبه لحماية المدينة من فيضان نهر النيل الأبيض، وحي بري المحس (وهو الحي الوحيد الذي لا يزال محافظاً على اسمه ولكنه غير مكانه إلى موقع آخر ليفسح المجال لبناء ثكنات الجيش البريطاني في فترة لاحقة (1900)والتي تحولت بعد الإستقلال (1956 إلى داخليات لطلاب جامعة الخرطوم.[4] [7]
_________________________________
دي ياها الخرطوم قبل ما المهدي يجي
Post: #238 Title: Re: tmbis Author: محمد البشرى الخضر Date: 06-12-2013, 11:40 AM Parent: #222
Quote: عندي معهد وطني العزيز .. اراهنك ح يطلعوك ليك معهد شمبات الزراعي (والله صحي)..؟
ما قلنا شي يا تمبس لكن ما ممكن تقارن المعهد العلمي بكتشنر و غردون التذكارية و المعهد الفني ديل بقدمن علم دنيوي وبخرجوا موظفين ومهنيين ورجال دولة و داك معهد ديني ثم انه تاريخ بداية الدراسة فيه غير سابق لكتشنر الطبية - ما متأكد من التواريخ بالضبط -
وحي بري المحس (وهو الحي الوحيد الذي لا يزال محافظاً على اسمه ولكنه غير مكانه إلى موقع آخر ليفسح المجال لبناء ثكنات الجيش البريطاني في فترة لاحقة (1900)والتي تحولت بعد الإستقلال (1956 إلى داخليات لطلاب جامعة الخرطوم
الجزئية دى مهمة جدا وحا نجيها راجعين قريب,,,
شكرا,,
Post: #230 Title: Re: tmbis Author: وليد محمد المبارك Date: 06-12-2013, 11:19 AM Parent: #225
الجزئية دى مهمة جدا وحا نجيها راجعين قريب,,,
شكرا,,
_____________
نحن ما بناكل حق زول يا ايمن
لكن الوكت داك الموردة دي كانت قاعدة في مكانها ده وابرووب واب سعد برضو
بالمناسبة اقدم اثار لبشر وجدت في السودان اتلقت في خور ابوعنجة
هاهاهاهاهاهاهاهاهاهاهاهاهاهاهاهاهاها
والله الكلام ده جدجد يا تمبس يعني ناس خور ابعنجة اقدم ناس في السودان لحدي هسع
Post: #226 Title: Re: tmbis Author: وليد محمد المبارك Date: 06-12-2013, 11:13 AM Parent: #223
يا ايمن برسلوا ليك في الخاص
Post: #227 Title: Re: tmbis Author: وليد محمد المبارك Date: 06-12-2013, 11:16 AM Parent: #226
يا شفت البوست صاح غلاط وأي شي لكن فيهو فايدة غايتو في معلومات تاريخية وسياحة جغرافية بس السؤال الأساسي لأولاد قلبها العايز رد علمي ومدعم بحجج قوية مش غلاط ساي ليه ناس امدرمان بعتبروا نفسهم اشفت و احسن القصة دي ما انتو بالإسم تمبس وعمر و وليد لكن حاجة ملاحظة بالجد, مثال جمال الوالي ورغم انو فات الكبار و القدرو في ما قدّمه للمريخ من دعم مادي وكدا إلاّ انه في يوم ما مجموعة سمّت نفسها تجمع اولاد امدرمان كان عندهم راي فيه وفي توليه رئاسة النادي فقط لأنه ما من أمدرمان !!
________________
لالالالالالالا
انت عاوز تسوقنا لي حته تانية .. انا ما حا مشي معاك فيها يا ود البشرى
الحاصل في البوست ده .. حتى الان عبارة عن ونسة وخستكات يعني قعدة بتاعة عمود نور باليل ولا لم لستك عصرية
لو عاوزين تقلبها جد ... فكلمونا نتخارج
كل المدن عندنا مقدسة ومحترمة .. وما نكتبه هنا مجرد ونسة وجمجرة
Quote: وعلى سيرة التعليم هاك كلية غردون التذكارية ومدرسة كتشنر الطبية و المعهد الفني ديل في الخرطوم و سبب اساسي في قطعكم للكبري لغاية السبعينات يمكن و قيام الإسلامية و الأهلية المجلس البلدي كان فتحنا باب زي دا بمسك ليك شارع النيل كلو و بعرّج على شارعي الجمهورية و البرلمان و باقي الوزارت و المصالح لغاية السكة حديد
نعم سستر اسكول والفندق الكبير وإلخ إلخ .. لكن الميزة في استخدام الحاجات ... والتعامل مع البيئة . مرة في رمضان من الرمضانات كانت فرقـة السمندل مع شرحبيل مع عقد الجلاد بشتغلو في الهيلتون .. كنت بمشي عادي ومرات بركب مع الجماعة في العربية ومرات بجي متأخر .. المهم شخصية معروفـة .. يوم جيت بعد الفطور .. لقيت ليك زي خمسة فارات كل واحد معاهو جكسايتو واقفين بعيييييد .. وبعاينو للباب .. طبعا نقشتهم ليك ديل ياتم .. كمان نحن اولاد الخرتوم بنعرفم كويس .. بي نفس المغارز حقتي ديك .. دخلته توشك .. جماعتك جو وراي بي سرعة كوووورجـة .. لمام وصلت لي النص كدا عملته خطوه لي قدام وتاني رجعته لما الباب اخد دورتو المعروفـه طلعته زي الشعره من العجين .. ما الحكاية كمان مزيكا وعدد وايقاع اصحابك ديل زووووووووووطك خماهم ليك بره .. بينما اتكومت ليك زي اتنين من الجكسايات والباب بي لفه واحده طلعم بره .. .. المشهد التاني واحد من الشفوت الزي ناس اساسي وود البشرى ديل .. كنا ماشين في موول هنا .. بعدين فوقو نظام الحواجز البتدور بيك عند الدخول .. في واحده للدخول وواحده للخروج .. طبعا انا عارفو ليك فارة .. تكلتو ليك محلات الخروج وقدمتو قدامي وقلت ليهو ادخل انت وانا بدخل بالباب التاني .. دخلته وصاحبت يعافر ويفتفت بي باب الخروج .. جريتو من يدو قلت ليهو شرطته عينا .. والله الحديده دي افكها واشيله امشي اشغله ليكم جمب معرض الخرتوم .. (طوطحانيــة)
Post: #231 Title: Re: tmbis Author: وليد محمد المبارك Date: 06-12-2013, 11:21 AM Parent: #228
نعم سستر اسكول والفندق الكبير وإلخ إلخ .. لكن الميزة في استخدام الحاجات ... والتعامل مع البيئة . _________________________________________________________
قلت ليكم من زمان تموتو وتقطعو الكبرى بعد الهرجلة دى كلها!!
ماشى الفندق الكبير ليه ما تمشى فندق الحديقة!!! ________________________________________________________
شايفكم استغليتو فترة ( بالليل) وردمتو البوست كعادتكم بترهات ما انزل الله بها من سلطان عن المسكينة امدرمان , ياخ كدي اولن بالتبادي النديكم النجيضة , انتو امدرمان دي قايلنها اتعملت بتين ؟ ياخ قريبات دي يادوب ليها مية سنة , ونديكم شوية عن تاريخها وتاريخكم , اصلن امدرمان دي كانت صقيعة ساكت فيها كم خور بتستوعب الـ ( بطرشوا) النيل وقت الفيضان , ما تعرف خور ابوعنجة وخور عمر اها وسط الخيران دي الارض هناك جرداء لا تصلح للزراعة ولا الرعي وتقريبا كانت مكب نفايات وساخة الخرطوم والخرطوم بحري , وطبعا يا وليد وبناء علي صور خلعتك بي لنضن وغيرها من المدن الوداك ليها شغغلك وانت يا المدعي طمبس واضح انكم بتقدسوا الخواجة ومندهشين بيهو لي بكرة , فشنو الخواجة دا لمن جا داخل السودان شاف امدرمان وعرف انها لا تصلح كمدينة ولي يوم الليلة امدرمان كمدينة بتلقاها فاشلة جدا ومتواضعة جدا وبائسة جدا كشوارع وازقة وخدمات وبيئة , فالخواجة شاف الصقيعة دي وقدر انه دي لا تصلح للاستخدام الادمي اللائق بيهو كخواجة فاتح وكمركز حكم , وبتلقائية واندهاش ما صدق انه لقي مدينة كالخرطوم مهيأة فوضع بصماته طوالي عليها وبناها كعاصمة لكل السودان لانه خواجة وعارف بيعمل في شنو .دا طبعا ولتثقيفكم قبل ما المهدي وجيوشه تجي تدخل وتستقر في امدرمان , اها جيوش المهدي لمن جات ولقت امدرمان كانت قد بدأت تتأسس في معظمها كمقلب نفايات للخرطوم , والحتة الوحيدة الكانت صالحة للسكن كانت قد عمرت بابناء الخرطوم وتوتي الزعلانين وحردانين , يعني لو مشيتوا سألتوا كباركم بتلقوا الاسر الكبيرة الاسست امدرمان اصلا جات حردانة وزعلانة من الخرطوم اسر زي الهاشماب وغيرهم الاصولهم للان موجودة في بري وتوتي وغيرها , يعني باي زي وي ام درمان في كينونتها العظمي كانت بتمثل الخلاء الطبيعي لناس الخرطوم , دا من ناحية تاريخية يعني بالعربي امدرمان مدينة منبتة ولا اصل لها ولا تاريخ يعتد به .
تاريخيا وانسانيا , في كل الدول والممالك كانت الاسر الحاكمة والبيوتات الكبيرة والطبقات البرجوازية بتسكن القصور والسرايات وكانت في اطراف تلك القصور والسرايات للطبقات البرجوازية تسكن الاسر التي تعمل وتعتاش علي خدمة ساكني تلك السرايات , والخدمة هنا ممتدة ابتداء من الخدمة المنزلية والطبقات العاملة بكافة انواعها مرورا بالخدمات الترفيهية من غناء ولهو وغيره للترفيه عن تلك الطبقة المسيطرة , والخرطوم لم تنفصل عن تلك الثقافة في ذلك الوقت وبطبيعة الحال احتاجت الخرطوم كعاصمة مركزية للسودان تسكنها الطبقة البرجوازية في ذلك الوقت من موظفي الدولة او ما اطلق عليه الافندية والتجار والملاك والاسر الكبيرة الثرية احتاجت تلك الطبقة الي من يقدم لها تلك الخدمات من عمالة تخدم وتعمل واخرى تقدم الترفيه , لذا برزت امدرمان كقرية مغمورة بجانب المدينة الكبيرة الخرطوم وقدمت نفسها لهذا الدور وطمحت اليه , فعمل ابناء تلك القرية علي خدمة ابناء مدينة الخرطوم واستاجروهم واستفادوا من خدماتعهم في كافة المناحي ان كانت عمالة يدوية او عمالة ترفيهية واعتاد ابناء امدرمان تقديم خدماتهم لابناء الخرطوم والعمل لديهم , فكما اسلفنا في البداية ان امدرمان كمدينة كانت خاوية الوفاض من ما يصلح لاقامة حياة انسانية حيث لا زراعة ولا رعي ولا موارد طبيعية , لذا استفاد ابناء امدرمان من الاجور التي تقدم اليهم من سكان الخرطوم ليعتاشوا وتستقر اسرهم , ومن جانب اخر كما ذكرنا احتاجت الخرطوم للترفيه فتبرعت امدرمان بهذا الدور ايضا وكان ان امتهن الكثير من ابنائها مهنة الغناء والطرب بكافة اشكاله وبرز الشعراء فيهم والمغنيين والدراميين , ليقدموا تلك الفنون ترفيها عن ابناء الطبقة الارستقراطية في الخرطوم , لذا من النادر جدا ان تجد مغنين من مدينة الخرطوم ولو وجدتهم وعلي قلتهم تجدهم من ابناء الطبقة البرجوازية علي سبيل المثال حسن عطية وغيره , وذلك بعد ان تركوا هذا الدور لابناء امدرمان للقيام به , لذا تفرغ ابناء امدرمان ممن امتهن الترفيه للاجادة في تلك المهن وجذبت المهنة الكثيرين لذا اصبحت امدرمان فيما بعد تلعب هذا الدور لذا كافأتها الخرطوم او الطبقة الحاكمة واقامت فيها الاذاعة والتلفزيون والمسرح واندية الكرة وكافة اشكال الترفيه ليتسني لابناء امدرمان صناعة تلك الضروب من الترفيه وتقديمها لابناء الخرطوم ولك السودان فيما بعد بما انها عاصمة البلاد , والي اليوم تقوم امدرمان بهذه الخدمة , لذا من الطبيعي ان نجد زول زي تمبس فرحان بالمغنيين والمسيقيين وما دري المسكين انهم يقومون بذلك ترفيها لابناء الخرطوم الذين هم مشغوليين باعمال اهم من ذلك . لذا لو كان الزمان ذلك الزمان اي في بداية تلك الحقبة من تبرع امدرمان للقيام بالخدمات العملية والترفيهية لابناء الخرطوم لو زار مثلا ايمن او جنابو عمر امدرمان تلك النواحي لتبرع عمر الفاروغ مثلا بمسك خطام فرسه وجرى وليد يسابق الريح كي يعلف ذلك الفرس ويسقيه ولما تواني قيد لحظة تمبس في احضار الدلوكة والشتم ليشنف اسماع ايمن او جنابو الذين حضروا في كامل ابهتهم للترفيه عن انفسهم . لكن بت اللذين الدنيا ساوت الكتوف حتى صرنا نقرأ مثل هذه الترهات عاليه
ومصداقا للكلام الفوق دا لو سألنا عن وليد بنلقاهو كان ( قواني) او حارس مرمى في اشبال المريخ او اين كان يقدم الترفيه الرياضي, وبنلقي تمبس بيعزف تسعة الآت موسيقية علي الاقل يقدم الترفيه الموسيقي , وبالتاكيد حنلقي عمر الفاروغ بيجيد كم مهنة يدوية ابتداء من شيل المقشاشة وانتهاء بعمل الطواقي يقدم خدمات عمالية
Post: #240 Title: Re: tmbis Author: وليد محمد المبارك Date: 06-12-2013, 11:43 AM Parent: #234
قول يا وليد مشيت قريتو ولقيت في ناس كانو ساكنين في امدرمان من زمن سيدنا ادم هيم سيلف , انت قايل دا بيمنع للحظة انه تاريخكم كابناء امدرمان بدأ مع المهدية , حينما كان جدودكم شايلين باغات و شغالين ( برد , برد , برد) لجيوش المهدي الجات غازية من كردفان ؟
Post: #235 Title: Re: tmbis Author: وليد محمد المبارك Date: 06-12-2013, 11:31 AM Parent: #233
Quote: انت عاوز تسوقنا لي حته تانية .. انا ما حا مشي معاك فيها يا ود البشرى الحاصل في البوست ده .. حتى الان عبارة عن ونسة وخستكات يعني قعدة بتاعة عمود نور باليل ولا لم لستك عصرية لو عاوزين تقلبها جد ... فكلمونا نتخارج كل المدن عندنا مقدسة ومحترمة .. وما نكتبه هنا مجرد ونسة وجمجرة
والله يا شفت لكن نجيضتك سمحـه .. يعني حسع بي فهم ود البشرى دا .. يعني انا لما اجي ارد ليهو لازم اجيب معاي مختار الصحاح وكتاب السيف والنـار واللا شنـو ..؟ ياخي تلاتة مداخلات اكاديمية ..؟ والله ما باقي ليهو إلا يقولينا الرد الجاي الحصة تسميع .. ياخ نحن ما صدقنـا نطلع بي بوست بتاع عمود اولاد حلـة .. القاعدين فوقو اقل واحد فيهم لابس ليهو لسـتـكه مصفى زيت في ايدو وشدة وردا جينز .. ويدينو مليانه جير وبوهية بتاعت جيرانم الكان بضرب ليهم فيها .. .. انا برضو بوقف مشاركات اكاديمية لو عايز اكاديميات بمشي بقرا البوردي مليان .. وهذا هو الفرق وهي الاجابة التي يبحث عنها كل من يسال سؤال على شاكلة
Quote: ليه ناس امدرمان بعتبروا نفسهم اشفت و احسن
هي الاجابة الواضحة جدا في انو اولاد سنترا عندهم روح غير .. مكربين حاجاتم .. لو اتلاقو اتنين من اولاد قلبــه بيدهشو الناس الحوالينم .. بي فنهم وبي روح دعابتم بي طريقة كلامم .. ايووون .. اولاد قلبا عندهم طريقة كلام خاص بيهم بتاثر غيرهم لانو لغة مشتركة طالعه من حته محدده حباهم بيها الله من دون الناس .. في مفردات صاغوها اولاد قلبا خاصتم .. في فنيات لي فهم الحاجة طايره ، خاصة عند اولاد امدرمان وطوروها براهم .. في حواس اضافوها اولاد قلبا للحواس الخمسـة خاصة بيهم .. زي حاسة الدهشــة وحاسـة العرفـة وحاســة الشمشرة .. دي حواس تلاتة دون الحصر .. حاسـة الدهشـة دي ، بمعنى انو اولاد قلبا في مقدورم انهم يدهشو اي واحد قابلوهو ويضعو بصمتم الواضحة فوقو حتى لو كان اللقاء لمدة ثواني .. كيمياء اولاد قلبا بتتلاقى مع كيمياء اي واحد حتى ولو كان ذلك في انو بعضهم يخلق صورة عدائيه عنك ويقوليك عاملين لينا فيها مفتحين وبتعرفو اي حاجة .. وطبعا دي حاجة طبيعية واتعودنا عليها من كترة انا ما اتكررت علينا .. .. حاسة العرفة دي .. وعشان ما الناس تزعل .. ود قلبا من غير ما يعرف بلقى نفسو بيعرف حاجات كتيرة .. بيعرف مزيكا .. بيعرف كورة وممنقطه وبطلع فيها ماشة بيعرف مسرح بيعرف يحاضر في اي حاجة مجرد ما يعاين ليها بس بي عينو بيقرا ذاكرة اي حاجة ويفك رموزه .. حاسة الشمشرة دي العايز يعرفـه .. يجي داخل دار الرياضة .. في دار الرياضة .. تحاك الشمشرة البريئة .. في ناس والله بعرفم من الخرتوم بطلو خرتومم وشغلم بقو ساكنين دار الرياضة .. خليك من دار الرياضة .. في اي حلة في امدرمان في رمز .. بتشمشر فيك يخليك تضحك ببكيك إلخ إلخ .. ودا ما من باب التريقة .. بقدرما هو من باب الدعابة .. وحاسة الشمشرة دي هي .. احساسك واختيارك للشخصية المناسبة للشمشرة .. لدرجة انك بتتوقع ح يقوليك شنو بعد تلاتة اربعة ردود .. حسع دي اكان ما مصدقيني ممكن اوريكم اساسي في الرد الجاي ح يجي يكتب شنــو .. لو في واحد عايز يجرب عايدي جدا ممكن نرسل ليهو رد اساسي الجاي في الخاص
Post: #244 Title: Re: tmbis Author: وليد محمد المبارك Date: 06-12-2013, 11:50 AM Parent: #242
يا اساسي
وكت جيت بالدرب نديك النجيضة
شفت خط السكة حديد الفي نص الخرطوم هسع ده الخواجة ما سواه عشان يمشي فيه القطر سواها عشان يفصل الخرطوم حقت الناس الكبار .. من خرطوم الناس البخدموهم
ما تخليني اسكك واقوم ازعل ناس الخرطوم جدجد
والله بتزعلوا :-)
المهم يا حبة .. لو بيتكم بين السكة حديد والبحر فانت خواجة لو بيتكم بعد السكة حديد .. فاسمح ليك .. ما بقدر اخش معاك في الحته دي بتجيب مشاكل :-) الكلام ده من ناحية العرب محكوم بي الادارة المركزية سابقا اي حاجة غربها ما محسوبة
حاسة العرفة دي .. وعشان ما الناس تزعل .. ود قلبا من غير ما يعرف بلقى نفسو بيعرف حاجات كتيرة .. بيعرف مزيكا .. بيعرف كورة وممنقطه وبطلع فيها ماشة بيعرف مسرح بيعرف يحاضر في اي حاجة مجرد ما يعاين ليها بس بي عينو بيقرا ذاكرة اي حاجة ويفك رموزه ..
اقول ليهو بري يقول ليك سكة حديد ياخ امسك من جامعة الخرطوم والبركس وسلاح الاسلحة والادارة المركزية وسكن دكاترة جامعة الخرطوم دا ضمن الحلة بتاعة ناس ايمن ديل , يعني انت بتتكلم عن حلتهم يا مسكين
اقول ليهو بري يقول ليك سكة حديد ياخ امسك من جامعة الخرطوم والبركس وسلاح الاسلحة والادارة المركزية وسكن دكاترة جامعة الخرطوم دا ضمن الحلة بتاعة ناس ايمن ديل , يعني انت بتتكلم عن حلتهم يا مسكين _____________
بري ياتها
بري الطردوكم منها الخواجات عشان يعملوا مكانها مسكر ولا واحدة تانية
البركس وسلاح الاسلحة وسكن الدكاترة كان الوراء بري الحرارية او الفي حي المكار كلهم وراء خط السكة حديد
يا زول انا كلمتك
بين البحر وخط السكة حديد معانا بره خط السكة حديد في كلام كتييييييييييييييييييييييير ما بنقدر نقولو
Quote: حسع دي اكان ما مصدقيني ممكن اوريكم اساسي في الرد الجاي ح يجي يكتب شنــو
والله لكن منقطه عديل انــا .. نفس الهتاويل القديمة التي اعتدنا عليها .. ، اصلو ما ممكن واحد بياكل لي في الموفــن والباريز بودنج مع صلصة الشوكولا والسوفليه البارد بي اصابعينو العشرة يجي يحاضر عن الفنون والمسرح والكورة والاماكن ويقوليك نحن جدودنا زمان ارستقراطيين وجابوكم عشان تغنو لينـا .. اصلو ما ممكن زول بتكلم عن حسن عطيـة .. ينفي فكرة انو ما عندو بيانو في البيت ولا بيعرف الفرق ما بين الجيتار والباص جيتار والكورنيت والترامبون .. ياخ الانقليز البتفاخر بيهم انو بنو ليكم مجدكم وجعلو مننا مغنواتيه كما تفضلتم .. الانقليز ديل الواحد بكو نراقد في البانيو بكون بسمع لي تشوبان او بول ماريـه .. الواحد فيهم اهم حاجة يكون عندو قيثارة يا باصون في بيتو .. كيف عايزني آآمن بيك وانت طمبور ما عندك ولا بتعرف الكمان بختوهو قريبا للقلب ليــه ..؟ حسع عليك الله عارف الكمان بختو جمب القلب عشان شنـو ..؟ وجاي داخل ليك بي كيــس .. وكمان عايز تتصور جمب المسبح ..؟ ياخي واحد نحن يومين بنحكي ليهو عن كل حلة في امدرمان خصايصه وناسه وشفوته .. عايز يجي يهرف بي كلام طولو عشرة امتار عايز يختصر بيهو حضارة كاملة .. وعايز يمشي ينوم .. كبري شنـو البنقطعو ليكم ... عشان نغني ليكم ..؟ والله خلي العباقرة الزمانك ديلاك .. انا تمبس دا .. لما اكون راكب اي دابـة في طريقي لي الخرتوم لاي ظرف ما .. والله من الدقـه الخامسـة بحس بي اني في غربــة .. وبطني بتطم .. حسع انت يا ود الخرتوم بي ركشتك الكنت بتتحاوم بيها في امدرمان دي عارف الكبري دا فوقو كم دقــه واللا ساي عايز تغالط ..؟
Post: #247 Title: Re: tmbis Author: محمد البشرى الخضر Date: 06-12-2013, 11:59 AM Parent: #228
Quote: الحاصل في البوست ده .. حتى الان عبارة عن ونسة وخستكات يعني قعدة بتاعة عمود نور باليل ولا لم لستك عصرية
لو عاوزين تقلبها جد ... فكلمونا نتخارج
كل المدن عندنا مقدسة ومحترمة .. وما نكتبه هنا مجرد ونسة وجمجرة
قلت كدا يا شفت ما عندك مشكلة ونسة ونسة وبعض من تاريخ وجغرافيا لا يضير
تعليم البنات صاح الأحفاد في امدرمان رائدة تعليم البنات في العاصمة لكنها لم تكن اول مدرسة في السودان, لو الحديث عن التعليم الأهلي بصفة عامة معليش, المعهد العلمي و أمدرمان الأهلية ويمكن معهد القرش ديل أمدرمان رائدة فيهن دي مافيها كلام عن باب الهلتون يا تامبا هو الهلتون في رقبتو وين؟ ناسك ديل غالبا كان ما من عندكم بكونوا من جهات ناس تنظير :)
هههههههههههههههه أساسي حنك من لا يملك في مخاطبة من لا يستحق .. أساسي الملصق ليهو ديباجة خرتوم مزيفة وقاشر بيها في الأسواق والمجالس وقدام الجكس أول من يعرف إنو الخرتوم وبالذات بري دي ما عندو فيها التكتح (مالم يطلع من أحفاد أرباب العقائد ) وإنو ناس بري ديل( اللي هم نحن) لو قرروا ذات قعدة عائلية على فنجان جبنة إنو يجردوا أرض جدهم دي فعليه أن يشيل لحافو وملايتو ويمش يفتش ليهو محل ختة رأس في نواحي امرحي واللا كاب الجداد واللا السريحة فحتما هو جائي من تلك الأصقاع .. لكن بري بى ناسا الما قاعدين يقولوا حقتنا لأنهم كريمين ومضيافين ما بكسروا خاتر الغريب . أما ولادة أم درمان (على حد زعمهم) فيكفيهم خجلا إذا وجد لديهم إن شويفع صغيروني من محس توتي عروس النيل ( اللي هم نحن برضو) يستطيع بى نفس واحد أن يقطع البحر غتس او صداري عشان يمرق ليهو غريق من الجماعة البهناك ديل العاملين فيها سمك بحر مع العلم إنو السمك دا نحن ما قاعدين نشرك ليهو لا بى شبكة ولا بى سنارة .. بل قاعدين ننزل ليهو تحت الموية عديل كدا ونعزل تعزل العايز بياض يقبض والعايز دباس يقبض والعايز كنكيج يشيل والعايز بلطي يشيل والعايز بردة يشيل والعايز تامبيرا ومالو .. والعايز صير لزوم الفسيخ والسردين برضو يشيل.. والواحد فينا بعد يطلع من جوة مالي طرفو وسروالو يلقي ليك عينة ناس تامبا ديل يا عيني عليهم المساكين الواحد فيهم في نفس فرجختو القبيل ماسك ليهو صنارة والشمس ضارباهو ويا حي الله خاتي ليهو جمبو كنكيج ميت نحن قاعدين نديهو للكديس .. وطبعا لكرم وشهامة متأصلة فعادي نجدع ليهم الفيها النصيب عشان يشيلوا الغنائم دي ويمشوا يجدعوا بيها قدام أقرانم بالضبط زي تجدعم وقشرتم المزيفة القاعدين يعملوا لينا فيها هنا دي . إن الخرتوم بما فيها البحر وما يليه من مناظر وبنايات ومعالم ما هي إلا أمانة ليها أسيادا الحقيقيين أما الجماعة القاشرين بيها ديل هم مجرد أمناء مخازن حارسين لينا حاجاتنا مقابل الفرجة والقشرة ليس إلا .
Quote: أما ولادة أم درمان (على حد زعمهم) فيكفيهم خجلا إذا وجد لديهم إن شويفع صغيروني من محس توتي عروس النيل ( اللي هم نحن برضو) يستطيع بى نفس واحد أن يقطع البحر غتس او صداري عشان يمرق ليهو غريق من الجماعة البهناك ديل العاملين فيها سمك بحر مع العلم إنو السمك دا نحن ما قاعدين نشرك ليهو لا بى شبكة ولا بى سنارة .. بل قاعدين ننزل ليهو تحت الموية عديل كدا ونعزل تعزل العايز بياض يقبض والعايز دباس يقبض والعايز كنكيج يشيل والعايز بلطي يشيل والعايز بردة يشيل والعايز تامبيرا ومالو .. والعايز صير لزوم الفسيخ والسردين برضو يشيل.. والواحد فينا بعد يطلع من جوة مالي طرفو وسروالو يلقي ليك عينة ناس تامبا ديل يا عيني عليهم المساكين الواحد فيهم في نفس فرجختو القبيل ماسك ليهو صنارة والشمس ضارباهو ويا حي الله خاتي ليهو جمبو كنكيج ميت نحن قاعدين نديهو للكديس .. وطبعا لكرم وشهامة متأصلة فعادي نجدع ليهم الفيها النصيب عشان يشيلوا الغنائم دي ويمشوا يجدعوا بيها قدام أقرانم بالضبط زي تجدعم وقشرتم المزيفة القاعدين يعملوا لينا فيها هنا دي .
كيف مالو يا زول ...؟ وبحر شنو القاعد تقطعو عشان تطلعنا نحن الغرقانين ديل ..؟ شوف يا تنظير الكلام دا تقولو لي اساسي .. لانو انا القدامك دا لما البحر يزيد زي ناس اساسي ديل بجو هناك جمب عتبات قليج محل عاملين لينا دايفن من الشوالات قاعدين ندق منو راسات .. ناس اساسي ونوعيتك دي بيجو شان يتفرجو بعد شوية الواحد يملص هدومو وقايل المسالة ساهلة ويجي ناطي .. بعد شوية يقعد يكورك اللحقوني .. اها انا القدامك دا .. كل ما البحر يزيد كنت بطلع لي بالميت عشرة حداشر وهم في الرمق الأخير .. كلام صداري دا ما بياكلني .. صداري دا هناك في العجلات .. عومك دا يا زول وغطسك دا غطس ناس شبه الجيزرة العربية .. غطس ترع ساااي .. غطسك دا يا زول محض غطس زول سمع ناس بتونسو بالبحر وقال اتونس معاهم .. سمك شنو يا خ البتنزل ليهو تحت المويــة .. المسك دا شغلتنا نحن يا زول .. ماف حاجة اسمه دباس .. دباس دا عندكم هناك في البلد بتخبتوهو بالشبكـة .. الدباس دا طير .. طييييير القاصدو انت اسمو (دبس) والدبس دا لو عايزنا نحاضر ليك فوقو .. بنحاضر ليك لانو نحن من النوعية البترفع السمكة بتعرف فيها كم قشرة .. وبتعرف اتنفست كم نفس .. والاهم من ذلك بتعرف عمره كم وفيها كم شوكــة تقولي دباس ..؟ الدباس دا هناك في البلد في الرديف في الخلا فوووق .. بعدين بردة شنو يا زول البتختاره لينا ..؟ نحن بنختار سمكنا برانـا وكمان من غير ما نغطس ليهو .. وحيات ابتسامتك يا طلحـة .. لو عايزين نفطر بلطي .. بنمشي الحتة العارفين فيها بلطي بي وين .. وهو جوه الموية عدديتو كم .. والبلطية الواحده لفت حول نفسه كم لفه مما طلعوها من البيضة ، دا في حالة اننا عايزين نصطاد ونتسلى بالنشالة .. كهواية .. العايزين نخمو ونكرو بالشبكة عارفين بنلقاهو متين ولا بنغتس ليهو ولا حاجة .. البغطسو ليهو دا يا طلحـة هناك في الترعـه .. سمك العاصمة دا مفتح ما سمك بغتسو ليهو .. دا هناك في الترعة عندكم .. مع الدباس .. تمشي تشرك دباس وتجي تغطس في الترعــة نحن لما يكون عندنا مزاج عووووم .. بنكب الرمله في ضهرنا وبنقطع توتي بالناحية الشرقية .. بنمشي ونجي حبة رملاية ما بتتبله والبتتبله منو حبيبه .. بدفق الباقي قبلو وبطلع بتم الباقي بي رجلينو ما بنخليهو يرجع معانا .. ومحصلة الرملة البتتكبه من النوعية دي .. اهو الجماعة في توتي بكون فرحانين وبتبركو فيها عديل كدا
Quote: والعايز صير لزوم الفسيخ والسردين برضو يشيل
الحتة الاخيرة دي خليني امشي واجيك فيها بي مزاج .. حقت الصير والساردين دي والفسيخ
Quote: هي الاجابة الواضحة جدا في انو اولاد سنترا عندهم روح غير .. مكربين حاجاتم .. لو اتلاقو اتنين من اولاد قلبــه بيدهشو الناس الحوالينم .. بي فنهم وبي روح دعابتم بي طريقة كلامم .. ايووون .. اولاد قلبا عندهم طريقة كلام خاص بيهم بتاثر غيرهم لانو لغة مشتركة طالعه من حته محدده حباهم بيها الله من دون الناس .. في مفردات صاغوها اولاد قلبا خاصتم .. في فنيات لي فهم الحاجة طايره ، خاصة عند اولاد امدرمان وطوروها براهم .. في حواس اضافوها اولاد قلبا للحواس الخمسـة خاصة بيهم .. زي حاسة الدهشــة وحاسـة العرفـة وحاســة الشمشرة .. دي حواس تلاتة دون الحصر .. حاسـة الدهشـة دي ، بمعنى انو اولاد قلبا في مقدورم انهم يدهشو اي واحد قابلوهو ويضعو بصمتم الواضحة فوقو حتى لو كان اللقاء لمدة ثواني .. كيمياء اولاد قلبا بتتلاقى مع كيمياء اي واحد حتى ولو كان ذلك في انو بعضهم يخلق صورة عدائيه عنك ويقوليك عاملين لينا فيها مفتحين وبتعرفو اي حاجة .. وطبعا دي حاجة طبيعية واتعودنا عليها من كترة انا ما اتكررت علينا .. .. حاسة العرفة دي .. وعشان ما الناس تزعل .. ود قلبا من غير ما يعرف بلقى نفسو بيعرف حاجات كتيرة .. بيعرف مزيكا .. بيعرف كورة وممنقطه وبطلع فيها ماشة بيعرف مسرح بيعرف يحاضر في اي حاجة مجرد ما يعاين ليها بس بي عينو بيقرا ذاكرة اي حاجة ويفك رموزه .. حاسة الشمشرة دي العايز يعرفـه .. يجي داخل دار الرياضة .. في دار الرياضة .. تحاك الشمشرة البريئة .. في ناس والله بعرفم من الخرتوم بطلو خرتومم وشغلم بقو ساكنين دار الرياضة .. خليك من دار الرياضة .. في اي حلة في امدرمان في رمز .. بتشمشر فيك يخليك تضحك ببكيك إلخ إلخ .. ودا ما من باب التريقة .. بقدرما هو من باب الدعابة .. وحاسة الشمشرة دي هي .. احساسك واختيارك للشخصية المناسبة للشمشرة .. لدرجة انك بتتوقع ح يقوليك شنو بعد تلاتة اربعة ردود .. حسع دي اكان ما مصدقيني ممكن اوريكم اساسي في الرد الجاي ح يجي يكتب شنــو .. لو في واحد عايز يجرب عايدي جدا ممكن نرسل ليهو رد اساسي الجاي في الخاص
اها اوريكم الغلاط و الونسة الجد يلا: تعرف نفس الكلام دا ممكن يقولوه اولاد مدني أولاد الأبيض أولاد الديم و انت ماشي تعال بالأسامي و الشخصيات قول فلان الفنان و فلان لاعب الكورة وفلان السياسي وفلان المميز في اي شي ونشوف الغالبية من وين من أمدرمان ولاّ من خارجها هاك بياضي في الغناء ود الأمين ووردي في الكورة البرنس و العجب , كان رجعتوا للزمان حتقول لي كمال عبد الوهاب بقول ليك صديق منزول نعم نشأ في امدرمان لكنه من مواليد الخرطوم عندك الطاهر حسيب و بريمة و حتى جكسا - ما متأكد اذا كان من امدرمان لكنه جا الهلال من الربيع الخرطوم اها كدا كيف :)
Quote: لكنها لم تكن اول مدرسة في السودان, لو الحديث عن التعليم الأهلي بصفة عامة معليش, المعهد العلمي و أمدرمان الأهلية ويمكن معهد القرش ديل أمدرمان رائدة فيهن دي مافيها كلام
والله يا ود البشرى ما بتكلم عن اول ولا عن آخر انا بتكلم عن العراقـة وبتكلم عن الممنوع وقتها بي قوة لكن كان سهل التعامل معاهو في امدرمان خاصة ما يتعلق بي البنات .. لذلك حضارة امدرمان من ناحية ثقافة ووعي سباقة في اشياء كتيرة .. المعهد العلمي وامدرمان الاهلية والاميرية ما عايز افتح لي ملف زي دا لانو دا ملف كبير جدا .. اكبر من انو يستوعبو ليك ناس اساسي الذي جل اهتمامه في لجام حصان كارو وشتم وخيران صرف صحي .. ومويـة بلاعــه .. استغرب كيف لذاكرة بشر ان تحفل بكل هذا القاموس .. وهذه الاهتمامات .. انت يا زول جريك في امدرمان دا كلو ما اضاف ليك ..؟ انت لما كنت بتجي داخل امدرمان ليييه ما كنت بتقولينا ..؟ ااي نحن مافيشين وانت بتجي تتجدع .. لكن لو كان وريتنا كان اديناك الازن ووريناك تمشي وووين .. ؟
Quote: عن باب الهلتون يا تامبا هو الهلتون في رقبتو وين؟ ناسك ديل غالبا كان ما من عندكم بكونوا من جهات ناس تنظير :)
.. الهيلتون في الخرتوم زي ما مجلس الشعب الحكم السودان عبر حكومات كتيرة في خشم امدرمان وانت داخل .. بعدين يا ود البشرى اولاد الخرتوم لما يجو يتجدعوا نحن عارفين شكلم .. انت قايلنا ما بنعرف ..؟ والهل اقوليك حاجة .. عطفا على الحاسة التامنة حقت المعرفـة ديك .. حسع دي بقدر من الذاكرة اطلع ليك الناس ديل ساكنين ووين ، والجكس حقهم دا قاعدين يلاقوهو في ياتو شارع .. مع انو الخرتوم دي شوارعه ما قاعد اعرفه لكن فراسه اولاد امدرمان ساااكت بجيب ليك خبره ناس تنظير كمان واضحين بي نسبة عالية جدا من الشفافية
قول يا وليد مشيت قريتو ولقيت في ناس كانو ساكنين في امدرمان من زمن سيدنا ادم هيم سيلف , انت قايل دا بيمنع للحظة انه تاريخكم كابناء امدرمان بدأ مع المهدية , حينما كان جدودكم شايلين باغات و شغالين ( برد , برد , برد) لجيوش المهدي الجات غازية من كردفان ؟
مع انو الخرتوم دي شوارعه ما قاعد اعرفه لكن فراسه اولاد امدرمان ساااكت بجيب ليك خبره ناس تنظير كمان واضحين بي نسبة عالية جدا من الشفافية !!! _____________________________________________________________________
متعة يا تامبا متعة إنت والله لكن عليك النبى أقيف لي شوية فى حتة شوارع الخرتوم دى.. بعد ما نخلصا ممكنن نعرج على موضوع الجكس ساكن وين دى لأنو دى أعتقد برضو جزئية مهمة,,
اها دي المشكلة انه الادراك اقصر مما يدرك ابعاد ما اقوله , عشان كدا الواحد بيلف وبيدي روحه شلوت بي كلامه وتقريبا الواحد فيهم ما عارف بيقول في شنو ؟ اللهم هي نظرية واحدة امها وابوها حافظنها ( جـــت ) عليهم ولازم يطبقوها كان تور يتحلب زي الترتيب وكان طارت استل غمناية وجدها تيس , يا تمبس ردك اعلاه ما اضاف اي معلومة جديدة تنفي الحاصل اللهم زاد في تثبيتها وجعلها واقع حاصل ومرئي امامنا , قال الكمان بختو في جمب القلب لي شنو ؟ قول ما عارف بختو لي شنو انا حاستفيد شنو لو عرفت اصلا؟ يعرف البعزفوا يا صاحب ويرفه عني
يا وليد ياخ انت قواني واي حاجة بس كمان ما للدرجة العمياء دي , اقول ليهو بري يقول ليك غرب السكة حديد !! افرز ياخ افرز
طبعا ( جــت ) الفوق دي ردي علي طلحة , ما عندي كلام غيرها ليهو
يا طلحة لمن ننتهي من ناس امدرمان وبحري وبورتسودان وعطبرة وحلفا وكسلا والقضارف والابيض وكوستي ومدني ...الخ لمن ننتهي ونبدا بعد داك في ناس المعيلق والضعين و اربجي ..الخ وبعد ما ننتهي من ضواحيهم .لو فضل وقت ممكن نسمع انت بتقول في شنو .. اسع وجودك في البوست دا خصما علي ناس امدرمان كونه بتدافع عنهم وهم بلبعوا فيك
Quote: قول ما عارف بختو لي شنو انا حاستفيد شنو لو عرفت اصلا؟ يعرف البعزفوا يا صاحب ويرفه عني
طبعا ما عارف .. ومفروض في الحتة دي تسالني طوالي شان اوريك .. يللا دا الفرق بينا نحن اولاد قلبا وبين نوعيتك دي الواحد يكون ما عارف الحاجة .. وعايز يقعد مع الناس العارفين والله نوعيتك دي محظوظـة خلاص .. عندنا واحد فردتنا من اولاد الخرتوم زيك كدا قادينا الصباح الصباح ناطي لينا ونحن ناس عندنا اشغالنا كمان .. ضرب البوش حقنا دا .. وبقى لصقه بس .. كل يوم جايب طماطمو وجاي .. نحن البوش حقنا لما نظبطو والله كان ضبحو ليك خروف واتفننو ليك فوقو تبطلو .. بنقعد جمب بيت ناس خالد .. بقينا نظبط البوش بالكرباوي .. الزول دا بي الشيرنق حقو دا ما بنفع معانا .. نظبط البوش ولما يجهز عز الدين بتاع الدكان بكورك لي خالد بقول ليهو الحاجة قالت ليك تعال اربط الكــــلب نحن خمسة انفار بعد شوية صاحبك دا بكون قاد براهو ما عارف اي حاجة .. بعد شوية بلقى نفسو قاعد ساااي .. بعد شويـة فهم انو ثقيل جدا اها .. حسع لو انا يا وليد يا عمر دا في واحد كورك للتاني فينا قاليهو قالو ليك تعال اربط الكلــب .. اوعك تتضايق .. انت ما عارف حاجة تسال عشان تكتسب معلومـة جديدة .. حسع عليك الله من البوست دا طلعت ليك بي كم نقله كدا ..؟ احسبه عليك الله من نقله عصر النهضــة وغناء ابو صلاح .. لحدت كونشيرتو الكمان دا .. والله مفروض لما تلقى ليك واحد من اولاد قلبــا .. تجيب ليك ورقة وقلم عشان تكتب اي حرف بطلع منو .. اهــا حسع دي اقيف ما تكتب حاجة .. عشان اوريك ح ترد تقول شنـو .. قول لي اها وريني .. شان تعرف حاجة
Quote: ههههههههههههه صحي يا مورتا والله دي دقسة كبيرة لكن ما القصة غلاط وخلاص ياخ ما تحكّها كدا تضحك يا شفت التقول عرفتها :)
والله يا ود البشرى مستواك دون الليق .. مستواك مستوى دورة ما في ميدان حلة والاول يدوهو كاس ترمسة شاي عمر الفاروق .. عليك الله لو ما مستواك كنــب .. يختها ليك مورتــا .. يختها ليك مورتـا بتاع هجر السواقي ..؟ .. قلنا انت اخير من اساسي وتنظير .. تاني تجي تهد قناعاتنا فيك ..؟ انتو يا جماعة الدنيا دي مسيخة كدا مالا ..؟ بالمناسبة .. انا ما فتحت ليك الملف بتاع ناس ترنـه ودرار والمحينـة والصياد وعمر التوم .. وإلخ إلخ .. كمال عبد الوهاب شنو العايز تأرخ لي بيهو يا ود البشرى .. الشغلانة بعيده جدا .. بعييييييييييدة ..
يا أساسي أنا لا أدافع عن أحد بل أدافع عن الحقيقة العايزين إتوا وناس تامبا ديل تطمسوها باللبط بتاعتكم دي .. أقول ليك نحن الجلد والرأس وأهلنا كلهم مدفونين في الخرتوم وما جاورها تقول لي اولاد أم درمان وبنات كرري ؟ مين دول وجائين من وين وعايزين شنو أصلا ؟ نحن مشينا لى برة عشان نشم هواء طبيعي بعد ما جيتوا اتو وناس تامبا كتمتوا نفسنا بدخاخين كماينكم ولحامكم لكن لو كترتوها بنجي راجعين نشيل حاجاتنا ونركبكم القطر شماعة وسطوح ونرحلكم مضاربكم البعيدة وبعد كدا نعمل سلك شايك داير ما يدور وتاني أي زول فيكم عايز يدخل يتفرج ويرجع يدفع رسوم عبور لا فلقة رأس معاكم .
صدقت يا فيصل الرشيد , مافي ارضية مشتركة مافي قواسم بينا وبينهم , فلول ما تبقي من جيوش المهدية الزاغت منه لمن وقف في امدرمان يخلي الدراويش يغيروا عراريقهم بي جلابية علي الله المرقعة ويتشطفوا بي موية النيل وفي رواية يتبركوا بيها فلول هذه الجيوش الزايغة في امدرمان التكلت وعملت رايحة من حملة فتح الخرطوم بتكلموا عن نوتة بيتهوفن وبتصوروا في ضل العمارات وهم محلقين ونسوا تاريخهم الواحد فيهم لو فتش في سحارة حبوبتهم بيلقا باقي الرقع بتاعة الجلابية الجا بيهو جدو , انا لو منهم كان طلعت الجلابية المرقعة دي وعملت ليها كفة انقليزية وقشرت بيها كتاريخ طبيعي لي موش اتنكر ليهو واعمل فيها ود قلبا وكانه الواحد فيهم نزله البراق بتاع سيدنا جبريل من السماء مباشرة علي امدرمان , هو الاستلاب دا كيفنو بالله يا حليلك يا بشاشا
يا أساسي أنا لا أدافع عن أحد بل أدافع عن الحقيقة العايزين إتوا وناس تامبا ديل تطمسوها باللبط بتاعتكم دي .. أقول ليك نحن الجلد والرأس وأهلنا كلهم مدفونين في الخرتوم وما جاورها تقول لي اولاد أم درمان وبنات كرري ؟ مين دول وجائين من وين وعايزين شنو أصلا ؟ نحن مشينا لى برة عشان نشم هواء طبيعي بعد ما جيتوا اتو وناس تامبا كتمتوا نفسنا بدخاخين كماينكم ولحامكم لكن لو كترتوها بنجي راجعين نشيل حاجاتنا ونركبكم القطر شماعة وسطوح ونرحلكم مضاربكم البعيدة وبعد كدا نعمل سلك شايك داير ما يدور وتاني أي زول فيكم عايز يدخل يتفرج ويرجع يدفع رسوم عبور لا فلقة رأس معاكم .
يا طلحة كلمتي القتلها ليك فوق دي ما ابتدار لي حوار , يعني تاخد كلامي في صمة خشمك وتنتظر دورك لو فضل في بورد بكري باندويدث للوقت داك كمان جابت ليها حوار مع طلحة !!
أم درمان كملت ليك نص دينك دا لو كان عندك النص أصلاً ........ يا ابو الحسين قلنا امدرمان بتقدم الترفيه لابناء الخرطوم , والزواج يعتبر نوع من انواع الترفيه يا هالك
واجمل مافيهم في جلساتهم البتجمع خاصة الخاصة فيهم اول موضوع بيفتحوهوا في بعض ( انه امدرمان لحم راص ) راس غليص يا بعيد
فعلا هم لحم رأس .. 80% منهم من المغرر بهم من دارفور جاؤوا مصدقين نبؤة المهدي والمساكين ما ان خلصوا من موضوع المهدي حتي دخلوا في ويلات الخليفة .. وتوالت عليهم البلاوي الي يومنا هذا ففقدوا الهوية وصاروا يتمسكون بموضوع امدرمان ده كمراقة لهم من سيك طويل وعريض يهتك المنكبين .. من فرط كلامهم ووهمتهم العايشنها وانا صغير كنت اتخيل انه اولاد امدرمان من سلالة الهاشميين .. المهم انه ما هي الا فقاعة كبيرة انفجرت في وجوههم وهم غمرانين وما عاوزين يعترفوا ..
صراحة انا الواحد من يقول لي من امدرمان برجع خطوتين ... بقوم اسألو انت ساكن امدرمان والا اصلك من امدرمان ؟؟ كان قال لي ساكن ساي وجابو الايجار او الاراضي الرخيصة .. فده بكون استفاد من الواقع الاقتصادي كون انه امدرمان غير مرغوبة للطبقة الراقية كسكن او مستقر لدروبها المعوجة وزقاقاتها الملتوية وانحداراتها المفاجئة .. وكان قال انه اصوله من امدرمان .. زي النوع البقول ليك انا جد جدي من امدرمان فده قطع شك بكون جده المسكين جا مغشوش ويكون المهدية مشو ليه في قريته او مزرعته وقالو ليه مودنك الحج والمسكين جدع الفي ايده ولما فاق لقي كراعه مقطوعة في كرري او كتشنر ساكيه في جنب البحر ..
ــــــــــــــــــ وين تمبس ... للامانة الحاجه الوحيده عندهم باسطة الطيب سيد مكي لا تقاوم
يا تامبا بالغت ... عايزين تورونا نحن العوم والغتس وقبيض السمك ؟؟؟؟؟؟؟؟؟؟؟؟؟؟؟؟؟؟؟ نحن الشفعنا بجوا يحضروا حفلة في نادي الشرطة ويرجعوا وكلو عوم ساي .. تلاتة أربعة يقرروا انو الليلة بعد التمرين يمشوا المعرض يقوموا يلفوا ملابسم في روسينم ويقعوا البحر ويعدوها سبق سبق لغاية ما يصلوا عشان يجوا يتفرجوا في الحناكيش والجكس والغاشين أنفسم من مدعي الخرتمة ويرجعوا بى نفس الدرب الجابم والقمرة فوق السماء تداعب مخيلتهم واحلامهم والنسيم يدغدغ فروسيتم وفي الأثناء لو في تميسيح واللا مصيبة بحر حاول يعمل حركات فلا بأس من بعض اللهو البرىء وقضاء الوقت .. عايزين تورونا العوم كمان ؟؟ نحن يا تامبا القاعدين ننضف ليكم النيل دا من أيتها بردة أو مخلوق مفترس بعدما نقبض البنقبضو ونكتل البنكتلوا وناكل البناكلوا ونجيبوا ليكم موية صافية وناقعة مع بعض بواقي الصير والأسمال الأليفة وما عليكم اتو إلا تنزلوا تستحموا أو تتشطفوا في الرحاية وتطلعوا دون خوف أو وجل عايز تورينا العوم وقبيض السمك ومختلف كائناتو ؟؟؟؟ ياخ خليك من قبيض السمك دا .. نحن السمك ذاتو بقينا ما بنقبضوا لأنو بقي دقة قديمة وشبعنا فيهو .. نحن بقينا نقبض التماسيح بعد عرفنا إنو لحما رخص وفيها مقرشة كمان .. وبعد ما ناكل التمساح ونمزوا نشيل جلدو نعمل بيهو كفر واللا شرابات . ايه رأيك يا تامبا هسع الليلة دي نحن عندنا مظاهرات في الحلة والحلال المجاورة الجمب النيل مطالبين فيها ببحر مالح واللا محيط واللا خليج بحجة إنو النيل دا بقي ليهم زي موية الطملة البعد المطرة ما تقيف .. عايزين سمك قرش وحوت لأنو البلطي والبياض دا بالنسبة ليهم بقي زيو وزي الصارقيل وواحد .. عايزين ثعابين بحرية وسمك أبو منشار وخلافو لأنو الكنكيج والبردة التعامل معاهم بقي ما فيهو أي ريحة مغامرة . العوم ذاتو في النيل بقي بالنسبة ليهم مجرد تمرين ممل في الغتس فعايزين بحر حدادي مدادي عينة البتعوم فيهو خمسة يوم وضحوة وبعد كدا ما تشوف نهايتو .. تقول لي بتاع وهناي .
هههههههه قصدك سافي يعني يا أيمنوف ؟؟؟؟؟ ياخ والله أنا في تامبا دا العايز يتكلم معانا في العوم وقبيض السمك نحن الخلينا البنطونات والمراكب وبقينا نعدي بى نسوانا وكبارنا عوم ساي .. أي شافعين من طرف يجيبوا ليهم خشبة عريضة ويركبوا فيها خمسة ستة ويدفروها قدامهم لغاية ما يقطعوا بى هناك ويرجعوهم بى نفس الطريقة .. يجيء تامبا يقول ليك روسية وما عارف شنو ؟ والله لكن حكمتو بالغة شديد .. خليناها الخرتوم القالعنها مننا نقة دي .. حتي طبيعتنا عايزين كمان ياكلونا فيها حنك ولسان ؟؟؟؟ أ
اها عشان تتفرجوا وتعرفوا انه الامدرمانجية ما عندهم العند حبوبتي , جــت عليهم خلوا الرش الصاح ووقعوا رضاعة في شطر الربيع الميت الدقس فيهو ود البشرى
اصلا انا من البداية كان عندي راي في الاستعانة بخدمات جرجير كونه من اكثر المتعاطين مع طلحة وعامل ليهو كينونة اها خم وصر يا جرجير دا من كترة التعاطي مع تنظير واشباهه
نجي لي موضوع الأحياء الراقية دي .. وبما إننا أولاد النهار ده فأين توجد أجمل بيوت وقصور حالياً ؟؟ الإجابة ..أمدرمان .. طبعاً أشنا بيوت ممكن تشوفا حالياً هي بيوت العمارات والرياض .. ياخ في حاجة إسمها مدينة النيل وحي الروضة والجانب الشمالي من المهندسين دي فيها بيوت أووو أوو أووو ..ولاحظوا معاي قصور مبنية في 600 متر.. نجي لي قصة الدراويش والمهدي اللي طالع فيها فيصل الرشيد قدس الله سره.. طبعاً ناس الخرطوم ديل بيذكروني بي النكتة القديييمة بتاعت الحناكيش القالوا عايزين يضبحو الخروف ..قام واحد مدعي الجنكشة منهم قال ليهم سييبوهو لي الخروف ده انا بمووتوا ليكم .. قالوا ليهو كيف؟ قال ليهم حا أقرصو وأقرصو وأقرصو وأققققرصصصو .. فما كان في هذه الاثناء إلا وإنو الخروف مااات من الضحك ...
هكذا كان حال ابناء الخرطوم مع غردون واله وصحبه .. لحدي ما جوهم الشفووت أولاد سنترا ضبحوا ليهم الخروف جدجد وقطعوا راسو عملوهو باااسم .. ومن يومها صار الباسم وجبة مفضلة لأهالي السودان عموم..
Quote: طبعاً أشنا بيوت ممكن تشوفا حالياً هي بيوت العمارات والرياض .. ياخ في حاجة إسمها مدينة النيل وحي الروضة والجانب الشمالي من المهندسين دي فيها بيوت أووو أوو أووو ..ولاحظوا معاي قصور مبنية في 600 متر.. نجي لي قصة الدراويش والمهدي اللي طالع فيها فيصل الرشيد قدس الله سره.. طبعاً ناس الخرطوم ديل بيذكروني بي النكتة القديييمة بتاعت الحناكيش القالوا عايزين يضبحو الخروف ..قام واحد مدعي الجنكشة منهم قال ليهم سييبوهو لي الخروف ده انا بمووتوا ليكم .. قالوا ليهو كيف؟ قال ليهم حا أقرصو وأقرصو وأقرصو وأققققرصصصو .. فما كان في هذه الاثناء إلا وإنو الخروف مااات من الضحك ...
هكذا كان حال ابناء الخرطوم مع غردون واله وصحبه .. لحدي ما جوهم الشفووت أولاد سنترا ضبحوا ليهم الخروف جدجد وقطعوا راسو عملوهو باااسم .. ومن يومها صار الباسم وجبة مفضلة لأهالي السودان عموم..
كلام مجاني وضعيف ومحض هطرقة لايعتد به ردا ولا يقنع قائله ولا قيمة له
Post: #291 Title: Re: tmbis Author: أمير محي الدين محمد Date: 06-12-2013, 02:43 PM Parent: #287
لمّن الكونت دي مونت أساسي ..ينزل من حصانو ويبدأ يتكلّم عن مدني أدونا خبر ـــ ياكمان الله يرضى عليكم ..أفتحوا لينا باب الملح للبوست دا..نهرّد قلب أولاد قلبا وندخل لي ناس كرش الفيل في كروشهم ونرّجع أهل العوض لي مراحهم _ هووووي ياااااا.....أسمعوا وآعووو... مدني وبس
أب صلعة ده بالله خليكم بعيد من حلتهم في زول قال الحلفايا !
Post: #299 Title: Re: tmbis Author: أمير محي الدين محمد Date: 06-12-2013, 02:58 PM Parent: #293
يانوبي أقول ليك مدني وبس تقول لي حلفايا ـ مدني وبس و..الباقي بي حلفايتوا.. دا يلطخّوا بي دا.. ــ الله يرضى عليكم ...أفتحوا ليّنا باب الملح...والواقفين في السلك يشيلو شيلتهم وما يلوموا الّا رقبتهم... ــ أنت ياااا طلحة دخلت بي وين؟ مش لحدي قبل كم يوم كانو شايلين حسكم قالو بتتسوكوا بفرشة واحدة ولاّ شنو كدا ماعارف؟
وللذين لا يعرفون يونس ود دكيم وخصوووصاً ود البشرى اللي كان بيتكلم عن فوائد الكبري والإستفادة من التاريخ والجغرافيا وكتابي الأول .. قالوا المهدي لمن جا يحاصر الخرطوم ولقا النيل قدامو وقف عشان يفكر كيف يتخطى هذه المشكلة ..فما كان من المفكر العبقري يونس ود دكيم إلا وأقترح وبسرعة شديدة على المهدي قائلاً : أشــــربوا ليــــــــــــــكم ؟؟؟؟
لمّن الكونت دي مونت أساسي ..ينزل من حصانو ويبدأ يتكلّم عن مدني أدونا خبر ـــ ياكمان الله يرضى عليكم ..أفتحوا لينا باب الملح للبوست دا..نهرّد قلب أولاد قلبا وندخل لي ناس كرش الفيل في كروشهم ونرّجع أهل العوض لي مراحهم _ هووووي ياااااا.....أسمعوا وآعووو... مدني وبس
ــــــــــــــــــــــــــــ
اوووو امير ازيك ياخ
لكن النصيحة لله , موضوع مدني دا اقترح الكلام عنه في بوست " المسكوت عنه " او بوست اسمه "قاع المدائن "
يا فاروغ هاك دي قديمة اخوك كتبها زمان عن يونس ود الدكيم
الخليفة عبد الله التعايشي مع الامير يونس ود الدكيم يجلسان في مجلس الخليفة يتسامران ويقزقزان فول مدمس وتسالي .. الامير: اتا يا ابوي الخليفة دحين ملكة الخواجات الكفار ديل معرسة ولا عزبة..؟ الخليفة : والله يا ود دكيم ماني خابرها لكن !!؟ عندك فوقها راي ولا شنو؟ الامير: والله بيني وبينك يا ابوي الخليفة كان عزبة حرررررم باخدها.. الخليفة : يازول خير بجيب ليك خبرها تب ...بس اصبر لي اتا .. الخليفة ينادي علي كبير الكتبة في دار الخلافة في بيت المال .. الكاتب : ايوا يا ابوي الخليفة بتدورني انا ؟ الخليفة ايوا بالحيل .. دوايتك وورقك جاهزات ..؟ الكاتب : بالحيل ابوي الخليفة بدور ترسلك مرسول ؟ الخليفة ايوا يا جنا .. امسك اكتب ... من الخليفة عبد الله التعايشي خليفة المهدي الي فيكتوريا ملكة بريطانيا ..أسلمي تسلمي .. ونعرض عليك الدخول في الاسلام فان قبلت وامنت ودخلت في دين الله ..وحسُن اسلامك زوجناك الامير يونس ود الدكيم ان هو قبل بهذا ..والسلام علي من اتبع الهدي .
وهكذا ارسلت الرسالة الي ملكة انجلترا اعظم امبراطورية في ذلك التاريخ ولما قرأتها كانت جالسة علي كرسي الملك ..وقفت فجأة وهي تنظر الي الخطاب بأعجاب تام ... ليس أعجاب علي طريقة بنت جاها جواب غرامي ولكن من شجاعة الموقف ... ووضعت يدها اليسري في وسطها وفزرت اليد اليمني الي الوراء وقالت : اجي يا بُري دا شنو يا ود تور شين ... ورييييتنا لكن !!؟ واسترسلت .. سجمي يا كتشنر كتشنر : في شنو ؟ فكتوريا : جاني جوّاب من السودان ... قالوا عاوزين يعرسوني لي واحد اسمه يونس . كتشنر : أنتي جآآآآده ؟؟ فكتوريا : بري .. هاك شوف !! وواصلت ... بعدين انا بايرة ولا بايرة !!؟ هو زاتو القال ليهو انا عزبة منو..؟
ومنذ ذلك التاريخ لم يهدأ لكتشنر (الجكس بتاعها ) بال الا بعد ان ختاها لود تور شين في ام دبيكرات .
Quote: لكن النصيحة لله , موضوع مدني دا اقترح الكلام عنه في بوست " المسكوت عنه " او بوست اسمه "قاع المدائن
أو بوستات الدعم والفزعة من شاكلة : أدعموا أخوانكم في مدني..
Post: #302 Title: Re: tmbis Author: أمير محي الدين محمد Date: 06-12-2013, 03:06 PM Parent: #297
يا أساسي طرف المدائن وقاع مدينة شنو ...ديل الّا يكونو ناس بحري ــ ملاسي صاحبك واللي أنت كاتبو المفضّل مش من سكان أم درمان لو ما خانتني الذاكرة مرة وبي الكيبورد المليان بعرّف في نفسوا لمّن قال ساكن أم درمان عيونو رقرقن ولاّ هو ياربي قال بكل أسف...ما متذكر غايتو حتى أسألو أنا ما برّد عليّ
يا اساسي ما تفهمني غلط وتفتكر تعليقي ده ردة فعل ..
لكن إنت زول شجاااع عديييل كده والله لو نزلت موضوعك بتاع ود دكيم ده على الملأ قبل الليلة .. عندي إحساس إنو كان حبيس الأدراج لفترة ليست بالقصيرة يا قول الشعراء ..صــــح؟
Quote: ملاسي صاحبك واللي أنت كاتبو المفضّل مش من سكان أم درمان لو ما خانتني الذاكرة مرة وبي الكيبورد المليان بعرّف في نفسوا لمّن قال ساكن أم درمان عيونو رقرقن ولاّ هو ياربي قال بكل أسف...ما متذكر غايتو حتى أسألو أنا ما برّد عليّ
ملاسي ظروفه المالية الصعبة جبرته يسكن في امدرمان كونها رخيصة الاراضي والبيوت وغير مرغوبة للسكن والناس زاهدين فيها مسكين ملاسي بقت عليهو امدرمان , وكونه كاتب مغمور
يا أمير الأستاذة دينا خالد بتحب النكتة والبكش .. عشان كدا لا غبار عليها وأصلا كلاما دا قايلاهو من باب الطرفة ليس إلا .. أنا والله ما مستفز حناني إلا عينة أساسي وتامبا ومؤخرا أبو عمير .. ديل أجدادم القدماء جوا بالجمل وأناخوا راحلاتم قرابة منطقة توتي وبعد أن طاب لهم المقام في خلاوي جدي أرباب العقائد عملوا رواكيبم وشواكيبم وامتهنوا حرفة صيد السمك وكسير الحطب من الغابة القريبة ثم توالدوا وتكاثروا ..الخ الخرتوم دي يا أمير نحن أسيادا بوضع اليد .. وأصلا جدنا لما عملا وعمل ليها منافع ( ام درمان وبحري) وجيرها كان قاصد انو تكون صالون كبير للجماعة الجائين قاطعين الفيافي والصحاري والشايلم سيل الوادي زي أصدقاءنا الفوق ديل عشان يستريحوا من وعثاء السفر والرحلات الطويلة التى قطعوها هائمين على وجوههم .. لكن صدق من قال الحسنة في الحسكنيت زي الشرارة في القندول .. فلقد لصقوا لصقة حسكنيت بل وعملوها حقتم عديل كدا زي ما شايف غلاتم وكواريكم في البوست دا. أخرجوا من مضاربنا يا هولاء .
Post: #317 Title: Re: tmbis Author: صلاح الدين عبدالله محمد Date: 06-12-2013, 03:57 PM Parent: #315
انشاءلله متجمعين عند النبى
Post: #318 Title: Re: tmbis Author: مرتضى احمد عبد القادر Date: 06-12-2013, 03:57 PM Parent: #315
Quote: عندي قصة شهيرة مع زولة لقيته جمب البحر في وقت متاخر جدا .. وما سالتها .. طلعته المركب عشان اجيب بعض الحاجات النسيته في المركب .. بعد شوية لقيته جمبي في المركب بدون ما اعرف طلعت كيفن .. وبعد شوية حركت لي المركب وساقته لي مسافة كانها راكبه ليها تكسي طلب .. وصلتني لحدت الحتة التحت مسجد النيلين .. وكان اتحركت بي من تجاه الاذاعــة .. وفجأة اختفت داخل المويـة بدون ما يحصل بيناتنا اي كلام .. الجدير بالذكر انو الزولة دي زولة زينا وجميلة جدا بس بتفرق في انو ريحته كانت سمك .. سمك .. اها المسالة دي كانت عادية للناس البتمشي البحر بالليل واكتر من عادية .. اكان لقينا المجال الواسع بحكي ليك عنها بي التفاصيل الدقيقة ..
Post: #320 Title: Re: tmbis Author: أمير محي الدين محمد Date: 06-12-2013, 04:17 PM Parent: #318
Quote: الجدير بالذكر انو الزولة دي زولة زينا وجميلة جدا بس بتفرق في انو ريحته كانت سمك .. سمك ..
تكون زي دي؟ تكون من إتفارقتو جنب جامع النيلين وإختفت طلعت في هاواي ولاّ ياربي دي الكاريبي القالوها اليوم داك ـ ياتمبس أنا الزولة دي غايتو ما قادر أحدد كان ريحتها سمك...سمك..بي خبرتك إنت ممكن تحدّدها مش قلت البلطي بتعرفوهو من النظر ...وأهو كمان منها ينوّبك ثواب تتم القصة من هنا وعييييييك... ياخي نحن ناس الملح ديل..متشوّقين لسماع باقي القصّة...أيمن مات عدييييل كدا
أساسي لقيتك بيّاع وذمتك استك اي نعم قصة الربيع دي دقسة - بيني وبينك فضيحة عديل كدا ما دقسة ساي - لكن ما مبرر تبيعني بالبساطة دي كمان انا من الصباح موقّف أولاد قلبها على رجل واحدة ما اشتغلت اي شي الليلة
يا تمبس تعال ياخ ايمن دا راجيك لمن ريحتو بقت سمك سمك
Post: #323 Title: Re: tmbis Author: أمير محي الدين محمد Date: 06-12-2013, 06:47 PM Parent: #321
Quote: أميرنا .. مدني مدني ست الإسم ولاّ ضهاريها
يا أبوحتوت والله قلب مدني بس منتظر الكونت دي أساسي يبدأ نضميهمو عن مدني لو طلّع مسكوت عليه شديد يااااني العملت رايح ومشيت إتكاملت مع طلحة في ضهاريهو ـــ وشوف طلحة حالتو قال بيعرف يعوم وعوينهم زاتهم بعومو بالله شوفو يغطس فوق لأسفل وتحت لأعلى كيف بطريقتو دي ياهو الحاتل حاتل..وغاطس ..وتمبس زاتو ماح يطلّعك...لو كان بيقدّر كان غطس وراء الحورية وورانا نهاية القصة ياطلحة ياخي ما تبرّر بكش شنو؟ إنت قايلنا جاين هنا نشم هواء طبيعي ..ياخي ختّو ليكم التسوّك بفرشة واحدة ختّة لمن صف سنونكم الفوق (جــــــــــــــــــــــــــــــت)* إتكسرو ــ * هنا يوجد عدد وشيّن أخضرّين لافين شديد وسنونهم مُكسرّة
عاينو .. مفروض دي تكون اخر في المداخلة في البوست ده وحرف واحد تاااني يتكتب ماف من الناطقين بغيرها من الخرتوم وبهري و كل زول بيركب من السوق الشعبي عشان يمشي بيتم .. لمن يسأل امدرمان دي شنو ؟؟ الإجابة كاااملة مكملة مننن التعليم السأل منو ود البشرى لحدددي الظرافة البيسأل منها اساسي مروراً بي دراويش فيصل الرشيد وكباري طلحة .. عليييكم الله اسمعو واستمتعو وتاني زووول فيكم يفتح خشمو ماف.. أولاد قلللبا ياااااااا نحن أولاد سنتتترا..
Post: #327 Title: Re: tmbis Author: saif massad ali Date: 06-12-2013, 07:42 PM Parent: #326
تمبس
والله بتذكرني بي ديك الروم بتاع حبوبتي يتنفخ يبقي كبير في النهاية ينفس براهو تششششش تش تش يعود لي طبيعتو ونقد مابعرف
اسع انت منفوخ كدي مالك شنو خمسة صفحات مافاهم فيها حاجة
الله يديك العافيه
Post: #328 Title: Re: tmbis Author: Salah Abdulla Date: 06-12-2013, 07:57 PM Parent: #326
الله لا كسبكم يا عجايز البورد، كنا كويسين نتاوق - مررررات كده – بالشباك، نشوف المؤجرين بيسووا في شنو عايزين ترجعونا لإقتحام الإبواب ( عنوة ) مالكم!! هي دعوة إذن- من أولاد البقعة - لطقطقة مجيّهة بين أولاد العاصمة، ولا عزاء لناس (مراعاة فروق الوقت).. قريت البوست لمن كان في (بيج ون) وبعد فترة جيت لقيتو بقى رقمين..
هووووي يا فارات الرزق، أضقلوا في حدود ست قلبكم، واتلفتوا كوييييس قبل عبور الكبري الأيامات دي الحوادث كتيرة، تقوموا تخشوا غلط تجي عربية (واللا مصيبة زمان) تلحقكم الزينين.. فديروا بالكم وكده.. أول حاجة يا أولاد الخرطوم، شكر الله سعيكم وتعبكم، وإن كان صاحبي أيمن ماسك العصاية من النص!!! شنو يا أخينا ، الجماعة ديل هرشوك واللا المنظر شنو، ما تفتح وتدوّر كويس، ما شايفهم متونسين كيف!! أساسي ، قال حقايق أوضح من الشمس، لا ينكرها إلا زول مُعمّش .. ودالبشري أيضاً أبلى بلاء حسناً .. الكم طاشر صفحة دي ونسة بين أولاد أم درمان، كدي أحصوا مداخلاتهم ومداخلات أولاد الخرطوم كل زول بيخت لنفسو باص ويجرى يستلموا!!!!! هو ده شنو ده ؟؟؟ النقة والحنك الهيّن أسهل منو مافي، فالقصة ما حنك وبربرة ساي .. عشان كده عليكم بمداخلات أساسي فإن فيها فائدة عظيمة ( لو تعلمون).. مباشرة وواضحة (ودايركت تو ذا بوينت)..مافيها أيتها لولوة ..
نجي نمسك ثلاثي أم درمان : يا (عمر)ـي، بعدو باللحظات عشان خاطر مواعيدك.. أها كمان قول ده من أم درمان.. تعال كدي وريني ألوان ناس الديم التامين بيها حكيهم دي جنسها شنو!!! شابكنا ممجوج وكرر ومكرضم .. أقول ليك كلمة،، والله النقة القريتا عن الديم هنا ده لا تسوى نقطة في محيط الديم وحاجاتو العجيبة، والتي هي معظمها (غير قابل للنشر) وطبعا معرفتك بالديم لا تتجاوز القالوا عنو هنا ، وهي نقة عماد عبدالله، ومرتين (بالعدد) أنا .. وطبعاً عشان تفهم الحاصل شنو في تلك الدنياوات بتحتاج بيان بالعمل.. ودونك صديق الموج فهو قلبا زاااااااتو مش ولدها، أسألوا عن الديم والحلة الجديدة.. ثم إن نقتنا عن الديم (عامة) يعني معلومات عنو، لكن ما دخلنا في الجخانين الغريقة، فحياة الديم ما زالت هناك تمارس كما هي، والحكي في معظم الأحيان بيكون عن حاجات (كانت) ولا يشمل ذلك الحياة ( المستمرة ) التي هي حياة الديم العادية (غير العادية).. يمكن عماد يكون حكى طرفاً من تلك الحياة.. ثم إنو عاصميتكم ناقصة !! قول لي ليه !! أيوووووووا ، لأنو اولاد العاصمة ( الجد ) جواكر يا (جوكي) مع الولد يشتغل ومع الشايب يشتغل ومع البت برضو مجكس .. تقول لي تجيبك المطاعم!! معقول بس يا عمر!! هسي خليت لي ناس (يا ربي متين أشوف ......الـى آخر النشيد). ميزتهم إنهم في أي مكان داخل حدود العاصمة بيرشحوا، ويدوروا كما لو كانوا حبوا في المكان داك ، ودي الميزة يا أصلي.. أود التنويه هنا الى أن لي في أم درمان وفي نواحيكم تلك ناس محكرين في تمرة قلب قلبا زاتو ، وهم أعلام عدييييل كده ، شفت كيف!! يعني في أي حتة (بنترّس) عادي جداً.. الميزة دي شايفها غايبة عندكم.. وأخشى أن يؤثر ذلك على تقييم العام يا أولاد قلبا!!.
يا ولّي، أيمن الهسي واقف جنبك ده وعامل فيها مسكين ، آخر مرة لاقيتو فيها كان في مطار الدوحة أنا جايي من سنغافورة، وهو ماشي ليها.. هسي سنغافورة دي في الخريطة ساااااي شوفتا صعبة، فما تشبكنا قلبا ودبي بالليل ولندن بريدج.. الله يسألني نردمكم هنا صور، لمن بكري زااااااااتو يتمحن.. مشكلتنا نحن يا (أولاد الخرطوم) متواضعين لي الله سيدكم ده، وثقتنا دي زاتا الجابت لينا النقة.. والله لو ما كنتو من العاصمة كنت ح أقول شغلكم ده شغل حسد سااااي .. ثم إنو يا وليد، إنت تاريخ الخرطوم بتاع أبوسليم ده ، قريت فيهو الجزء الجبتو ده بس!!! وبعدين بالله لمن تعيد قرايتو استصحب معاك التواريخ وبعض المعلومات الهامة عن العاصمة أوانئذٍ، عشان ما تاكلنا حنك ساي.. ومنو القال ليك خط السكة الحديد بيحددوا بيهو وظائف الناس ؟؟؟ أديك معلومة والحساب يوم الحساب، ورا السكة حديد كانت حياة الناس وقدام كانت أشغال الناس وأكل عيشهم، ولو داير مهنهم (ناس الديم القديم) برصها ليك هنا مهنة مهنة، وشغلة شغلة..
هوي يا عمر، ما تعمل لينا ألفة وتسكتنا ساي، أنا حايي تاني..
أوووووو شايف المحترفين بدو يجو .. يا صلاح انت الكرت بتاعك لسة ما وصل من الفيفا فعشان كده غير مسموح ليك بالمشاركة حالياً فعليك الله خلينا نقزقز بي الفارات من شاكلة اساسي و فيصل ديل.. انت تعال في التكميلية ..
أنا والله فى البوست دا غير المتعة حد الدهشة جيت أفتش وأبحث عن أولاد قلبا واشوف شوف العين,, ونعرف قلبا دا زاتو وين !!
دى لعلمك رحلة بحث جديدة لأنو أولاد قلبا ما بدسو وما عميانين منهم لكن لعل وعسى تكون طرأت مستجدات وفرخت جيل جديد مع الGap الحاصل دا,, أو كما قال الشاعر (كيف يجهلوك).. للدنيا والزمان..
وعصايتى دى مسكانا من النص كويس مع المرحلة.. الكورة واتة كويس وأحسن لينا من الصرجى والهرجى وتوير النفس البجيب البكا داك..
والتانية داير تمبس يتم لى قصة بعينها لآنها بينى وبينك لازم أسمع باقى القصة..
وفى خطأ شايع ما عايز أقع فيهو وبعدين برضو أخوك بايتلو فو راى,,
وأخوانا وحبايبنا مهما حصل منهم برضو مفروض نعكس الصورة البتعرفا ديك,,
كدى راجع البوست وركز مع المداخلات العميقة,, تحياتى ابوصلاح يا جامع الحسنيين برى والديم,,
Post: #333 Title: Re: tmbis Author: Salah Abdulla Date: 06-12-2013, 09:05 PM Parent: #332
معليش يا عمر، لحدي ما كرتي يجي ، خليني أتونس مع تامبا ده شوية (نزولاً عند رغبة العزيز أبوحتوت)..
يا تامبا، من ما قمت كنت بعرف (بوليصين) في حلتنا ، عباس البوليس أبو الفاضل، وإسماعيل راجل بتول.. عباس جاء من الشمالية ، وإسماعيل من ضواحي الأبيض، كويس معاك منعم السمبرية من أولاد سنجة، جاء لي قرايبو في الخرطوم اشتغل بوليس وبرضو اتفكفك واتخارج، ومنعم ده تاريخو قريب.. كان بيصبن الدوا في كفة القميص الكاكي.. أها بعد ما كبرنا شوية لقيت عماد لابس لبس أبيض بتاع بوليس (أصدقاء الشرطة) وبعدها لبس لبس ظباط، وبعدين فكفكوا واتخارج منو .. جاء وحيد كرر نفس العملية ، أبيض، وبعدين بوليس بي نجومو دي العلاقة.. فبالله ( وما عليك أمر ) شوف الجماعة الضهب العشيتوهم ديل (من أولاد وين).. معقولة ياخ ، تقول لي من الديم والسجانة والحلة الجديدة .. هاك المعلومة دي، بري أعرق من الديم جغرافياً، لأنو بري ما اتحركت من مكانا، منذ بدء الخليقة مش منذ الإكتشافات بتاعت (خور أبو عنجة).. الديم اتحرك من مكانو الى موقعو الحالي.. طبعاً تجدر الإشارة الى إنو (حكومتنا الرشيدة ) من تلك البقعة المباركة، قصااااااااد باب المعرض وإنت ماشي لازم تسلم على هواري بتاع التمباك وتشيل منو، توصل إسماعيل بتاع الفول، تكون وصلت .. ثم إنو يا ولدنا نحن (أولاد الخرطوم) عندنا خاصية إنصهار ، تحيّر الفيل .. كما إنو عارفين (ضيوف) الخرطوم وبنعرف كيف نتعامل معاهم ودي يا أصلي بتخلينا نعرفك إنت من أولاد ياتو حي، وطبعاً وبالضرورة بنكون (أولريدي) عارفينك من ياتو (مثلث).. ودي البخلي الضيوف القادمين من مناطق (الوقت المختلف) يحبونا ، ونحن برضو بنحبهم،، وعكسكم ما بنمارس فيهم (عاصميتنا) ... يمين دي ثقة تدعو للثقة زاتو ..
في الخرطوم دي (الفيها مكان القصر الجمهوري، ودواوين الحكومة، والبنك المركزي، والقيادة العامة) في حتة هناك إسمها (المنشية) وفي رواية (قدورة) الممشية ، بالله كلّم لي عمر ده يحاول يزورها (إن استطاع الى ذلك سبيلاً) وبعدين يجي يقول لي المهندسين والمرطبين..
لحدي ما أجيك راجع يا تامبا، بالله ريّح لي أيمن ده وتّم ليهو القصة ياخ.. ما عايز أهجمك وأقول ليك ، إنت كنت في نص البحر مع (جنيّة) وبالمناسبة هم ساكنين هناك وعندي عنهم قصتين لو حكيتهم هنا، يمين النوم ده تشتهوه إشتهاء، فكمل للزول ده القصة الله يرضى عليك..
Post: #336 Title: Re: tmbis Author: omer osman Date: 06-13-2013, 06:44 AM Parent: #335
Quote: أوووووو شايف المحترفين بدو يجو .. يا صلاح انت الكرت بتاعك لسة ما وصل من الفيفا فعشان كده غير مسموح ليك بالمشاركة حالياً فعليك الله خلينا نقزقز بي الفارات من شاكلة اساسي و فيصل ديل.. انت تعال في التكميلية ..
احييييي أنا سايقه صلاح سايقه صاح وده حالتو لسه ماجاب ليكم اخوهو الكبير ديامة حطب القيامة ... اكسح .. امسح .. جيبو حي
Post: #337 Title: Re: tmbis Author: أمير محي الدين محمد Date: 06-13-2013, 06:49 AM Parent: #335
Quote: كدا العشرة قضت, جيبو العشا بعد دا
عشاء؟؟؟ وماطالبني حليفة يا أبو حتوت قيقم العايز يقفل بيهو عمر الفاروق دا قفل نفسي وحماني العشاء يااااخ أم درمان بيستشهدو ليها وبيقفلوها بي قيقــــم ؟؟ بلـف هي ؟؟ إنااااا لله ...قيقـــم يا فاروق... آآآمنت بالله .. كدي شوف يا ود البشرى من الدقيقة مافي وإنت طالع
ــ مالزم توضيحه أن البنطون دا بالمناسبة كان بودي حنتوب الخرّجت رئيس السدّنة تمبس ومعه آخرين ـــ 25 سنة يامدني أعياهو النضال بدّني....والناس الوصلو مدني للدرجة دي والخلت ناس كرش الفيل يتكلموا وناس أم درمان يتبجحوا.. الله يخسف بيهم الأرض ..قاادر ياااكريم ــ مدني يااااااا ....كفر ووتر ..والتالتة إبتسامة ..قال وحياة إبتسامتك قال... وأها...ياتمبس الليلة الخميس ح تمّ قصة الحورية ولاّ نرفع بوست بقرة نوبي؟
Post: #338 Title: Re: tmbis Author: حمد عبد الغفار عمر Date: 06-13-2013, 08:10 AM Parent: #337
اولا سلام يا نوبي وضيوفك
المحيرني في الموضوع دا مافي زول من ناس أمدرمان أو الخرطوم الراقيين جاء فيه (الملازمين = المهندسين = مدينة النيل = أبوروف = بيت المال ) أو (نمرة اتنين ، العمارات ، الرياض = المنشية = الطائف = المعمورة) وديل أهل العاصمة الراقيين جد البجيهم الأكل بالدلفري وعندهم الدادات والخدامات
الشيئ التاني ناس أمدرمان حاصرين عظمة أمدرمان دي كلها في الباسطة والعصاير والسمك والصير حتى أساسي القلنا وقور من جات سيرة الباسطة دي طوال طلع من طورو وبدون خجلة قال أي والله باسطة أمدرمان لا تقاوم
يعني لوما ود البشرى (ود مدني طبعا) فتح عليكم وذكركم المكتبات والمعاهد والجامعات دي زول فيكم جايب خبرها مافي الحكاية أكل بس ( انتو العاصمة دي جيتوها من وين؟)
حمد عبد الغفار
مولود في مدني وساكن أمدرمان
(صاح في النص كدا أخدنا لينا غطسة في جخانين الجزيرة دي)
Quote: (صاح في النص كدا أخدنا لينا غطسة في جخانين الجزيرة دي)
إنت برضو شكلك ما جيت لحوار,,
خليك عميق ومتسق ياخ,,
الكيتة دى شغالة 4-2-4 والتفاصيل قدام,,
تحياتى,,
Post: #340 Title: Re: tmbis Author: عمر الفاروق Date: 06-13-2013, 09:51 AM Parent: #339
Quote: (صاح في النص كدا أخدنا لينا غطسة في جخانين الجزيرة دي)
لا حرج إن شاء الله .. فقط إغتسل وجدد النية ..فالإسلام يجب ما قبله ..هذا والله أعلم ..
Post: #341 Title: Re: tmbis Author: عمر الفاروق Date: 06-13-2013, 09:59 AM Parent: #340
بالنسبة لي أولاد الخرطوم المختزلين شفتنتهم في مساحة صغيرة جداً إسمها الديم ..معقولة بس؟؟؟ كل ما نجيب سيرة الخرطوم تكون مراقتكم الديم ؟؟ طوااالي حاتتين الاتو بدري بدري؟؟ وبعد داك تقعدوا فراجة وتعيدو الاسطوانة المشروخة ؟؟ في امدرمان المدينة ..هناك مدينة داخل مدينة ..كل حتة في امدرمان قصة .. وكل منطقة نهكة وروايات مختلفة.. ناس الخرطوم لو بااالغو مع الديم بيحشرو ليك الحلة الجديدة ..بالله لاحظو معاي إسمها الحلة الجديييدة !! يعني تخيلوا معاي زول عايز يحكي ليك عن تاريخ يقوم يبدا ليك بي حلة جديدة!!! ياخ نحن في ونساتنا دي دوماً ما بنحاول نستبعد امبدة والثورات من قصة امدرمان دي وكتتتر خير اغنيات الزمن ده اللي بي قدرة قادر والحمد ليك يا الله انها دخلت امبدة والثورة في نطاق امدر فصرنا من اكبر المستفيدين .. تعالوا اكتبو لستتكم بتاعت المناطق الممكن تحكو عنها وخلونا نكتب عن المناطق اللي ممكن نتكلم عنها وسفففو وقارنوا.. لو بالغتو ح تكتبو عن الخرطوم القديمة... الديم.. السجانة..وبري.. وبعد داك تتموها لينا جنينة الحيوانات ..
Post: #342 Title: Re: tmbis Author: وليد محمد المبارك Date: 06-13-2013, 10:13 AM Parent: #341
هي بالله نزل منها اساسي وهسع سايقها صلاح .. سايقها صلاح
جدا
Quote: يا ولّي، أيمن الهسي واقف جنبك ده وعامل فيها مسكين ، آخر مرة لاقيتو فيها كان في مطار الدوحة أنا جايي من سنغافورة، وهو ماشي ليها.. هسي سنغافورة دي في الخريطة ساااااي شوفتا صعبة، فما تشبكنا قلبا ودبي بالليل ولندن بريدج..
ابو الص .. يا حبة سنغافورة دي كان طارت كان ركت .. قاعدة في اسيا هنا في خرتومنا الشينة دي هي وماليزيا وتايلند والصين بحنسونا ليهن تحنيس وماليزيا بندخلها بدون تاشيرة
ما تقول لي معدل دخل وعمارت سمحة موش نسوانها نخيرنهم مفطسة معناتا زينا واحد
وطييييييييييييييييييييييييييييييييييييييب
اها انا جبت ليكم لندن مخصوص عشان فيزتا براها ابيت ارفع صور باريس وروما واثنا .. عشان تاشرتهم شنجن ممكن تدخلهم من اي حته
.
Quote: ثم إنو يا وليد، إنت تاريخ الخرطوم بتاع أبوسليم ده ، قريت فيهو الجزء الجبتو ده بس!!! وبعدين بالله لمن تعيد قرايتو استصحب معاك التواريخ وبعض المعلومات الهامة عن العاصمة أوانئذٍ، عشان ما تاكلنا حنك ساي.. ومنو القال ليك خط السكة الحديد بيحددوا بيهو وظائف الناس ؟؟؟ أديك معلومة والحساب يوم الحساب، ورا السكة حديد كانت حياة الناس وقدام كانت أشغال الناس وأكل عيشهم، ولو داير مهنهم (ناس الديم القديم) برصها ليك هنا مهنة مهنة، وشغلة شغلة.
يا زول !!! ارشيف السودان في جامعة درهم في برطانيا اصبح مفتوح وعلى الهواء ما تقول كلام زي ده بتنفضح هاهاهاهاهاهاهاهاهاهاهاهاهاهاهاهاهاهاهااه
ابقى خاشي يا تامبا و متع الأمة بباقي القصة, ايمنوف و مورتا و امير ديل الصبر غلبهم المهم: مرفق اليكم صورة من خور ابوعنجة لزوم تحريكة نزل المركب و ابقى داقش يا عمك و مسجد النيلين تكلة
Post: #344 Title: Re: tmbis Author: وليد محمد المبارك Date: 06-13-2013, 11:01 AM Parent: #342
Quote: دقيقة يا عمر ياخ خليه يكمّل رشة تمبس
يا ود البشرى شايفكم بقيتو صفاقات انت وايمن
هاهاهاهاهاهاهاها
__________
يا سيد احمد شلمي
ناس عقد الجلاد بعد شكرو الخرطوم قالو
ونفوت على امدرمان وهناك تكون اجمل
فهمت حاجة يا مان ؟
__________ استريحو شوية مع خليل فرح وكتب شنو في امدر
Quote: Mohammed Elsadig Ahmed · غايتو أم درمان من كترة ما جايطة المكان الوحيد تكون سائق في الشارع تعاين يمينك تلقي دكان لو جيت من الجهة التانية راجع بنفس الشارع تلقي نفس المحل بنشر :)
قوية يا ود الصادق فعلا البنقو لا دين له :)
Post: #346 Title: Re: tmbis Author: وليد محمد المبارك Date: 06-13-2013, 11:21 AM Parent: #345
دي الخرطوم سنة 1927 .. اخر حاجة الاسبتالية ومحطة السكة حديد
اها وريني انتو كنتو ساكنين وين
تقول لي بالشرق
بجيب ليك صورتها بالشرق
Post: #347 Title: Re: tmbis Author: Salah Abdulla Date: 06-13-2013, 11:27 AM Parent: #345
يا سلام على الناس القدام لما يتجلوا.. خااااصة لمن يكونوا من السنتر..
ناس صف ورا ... بالله اتفرجوا في الشغل ده ، وأخدو نقلة نقلتين، وراعوا فروق التايم.. ناص الصف التاني (قلب المحنة) أفتحوا ليكم شباك زي ده عشان نعرف (نونسكم)..
الله يعوضنا، الويك إيند إتلحس نيت ساااااي.. في الشغل ، برجع ليكم بعدين..
Post: #348 Title: Re: tmbis Author: وليد محمد المبارك Date: 06-13-2013, 11:31 AM Parent: #347
يا صلاح
الصورة الفوق للخرطوم
وصف لينا بيتكم يلا
Post: #349 Title: Re: tmbis Author: وليد محمد المبارك Date: 06-13-2013, 11:43 AM Parent: #348
Quote: هاك المعلومة دي، بري أعرق من الديم جغرافياً، لأنو بري ما اتحركت من مكانا، منذ بدء الخليقة مش منذ الإكتشافات بتاعت (خور أبو عنجة)..
الخواجات قالو لا
قالوا بري كانت محل البركس هسع قامو طردوكم من هنا وعملوها معسكر للجيش
شفت الحقارة
عامل لينا فيها من الخرطوم ساااااااااااااااااااااااااااااي
Post: #350 Title: Re: tmbis Author: Salah Abdulla Date: 06-13-2013, 11:53 AM Parent: #349
Quote: الخواجات قالو لا
يا ولّي ،، ديل مش نفس الخواجات بتاعين خور أب عنجة!!! اديني غيرهم بالله..
Quote: دي البخلي الضيوف القادمين من مناطق (الوقت المختلف) يحبونا ، ونحن برضو بنحبهم،، وعكسكم ما بنمارس فيهم (عاصميتنا) ... يمين دي ثقة تدعو للثقة زاتو
أهو زي أبو الصلح دا الواحد ممكن يقول بكل الثقة والايمان إنو زول خرتوم زينا كدا يعني سيد جلد ورأس بدليل إنو أصلا زي ما قال ما طلع عشان يؤكد حاجة مؤكدة .. إذا كان إسمي في شهادة الميلاد والمعروف به لدي الجميع هو (طلحة) فلماذا أدور بين الناس لأؤكد ان إسمي هو طلحة؟ ان العارف عزو مستريح والعارف مسقط رأسو مستريح أكتر وواثق من نفسو ولا حاجة له لاثبات الثابت .. ناس الخرتوم أصحاب الحق الأصليين مثل أبو الصلح الفوق دا لا يحتاجون لكتير نقة لتأكيد ما هو مؤكد يكفي فقط أن يجلسوا على رصيف الثقة ليضحكوا ملء أشداقهم على الذين يحاولون خداع أنفسهم ومن حولهم بانهم أولاد خرتوم . أخرجوا من مضاربنا يا هولاء.
ما الخرتمة ؟ الخرتمة قطعا ليس كما يعتقد (الدخلاء) هي الهروب من الحصص بعد الفطور للوقوف جمب مدرسة الجكس في الطرف المقابل بعد استبدال هدوم المدرسة الوقورة ببنطلون ناصل وتي شيرت ربع كم مرسوم عليه قلب نازف يخترقو سهم، ومن ثم طبق الجكساوية والتعريج على أقرب كافتيريا لتناول البيرجر المصنوع من لحم شنو كدا ما عارف مع (ملاصة) برتكان أو كركدي وبعد ذلك شراء اتنين آيسكريم والتلاصق في المشي بشارع النيل وصولا لقاعة الصداقة لحضور فيلم هندي ينط فيه البطل من قمة الجبل لينقذ حبيبتو حتي لا يأكلا الدودو .. هذه ليس الخرتمة يا مدعيين يا دخلاء .. الخرتمة هي ساس ورأس ومدافن أجداد و.. ثقة في النفس ووقار وهيبة وسط الآخرين .. أخرجوا من مضاربنا وأركبوا جمالكم إلى فيافيكم ووديانكم البعيدة بلاش وجع رأس معاكم .
Quote: Abdul Hameed · Riyadh, Saudi Arabia وليد وفيصل وابو حسين رجاءا لاتخرجو عن روح البوست
يا عبد الحميد ياخ أنا ما طلعت من روح البوست و لا حاجة .....
أنا قالو لي عطل أساسي .... و أهو عطلتو ليهم ....
Post: #358 Title: Re: tmbis Author: Salah Abdulla Date: 06-13-2013, 04:01 PM Parent: #351
Quote: أخرجوا من مضاربنا يا هولاء.
ههههههههههههههههههه وهههههههههههاااي ... يا سلالالالالالام ياخ ،، وخخخخخخخخ الله الله على المتعة.. ياخ أنا متدلع دلع.. أنا آخر مرة ضحكت في المكان متين ده ما متذكر.... كتر خيرك يا طلحة ياخ .. أديهم الفارات ديل ، ولا تأخذنك بهم رأفة ..
وبعدين يا أيها الفارات ، ألم تسمعوا ما قاله لكم طلحة ؟؟؟!!! والله لئن لم تغادروا هذه المضارب، فسنجزن رؤوسكم بسيوفنا هذه جز الصوف وسوف نسككم من زقاق لزقاق ، ومن زنقة الى أختها ومن داعوس الى آخر .. ولسوف تُثكل أمهاتكم ، وسيتيتم أبناؤكم ، وسنجعلكم عبرة لمن يعتبر..
وقد أعذر من أنذر ..
ولا نامت ثعالب مصرٍ عن .....الخ..
Post: #357 Title: Re: tmbis Author: Salah Abdulla Date: 06-13-2013, 03:47 PM Parent: #341
يا عمر ياخ إنت مش ود قلبا، كيف تقول المراقة الديم!! أنا بتكلم عن الديم لأنو أنا ديامي أساسي بيتكلم عن بري عشان هو ولدها ، وهكذا.. يعني مفروض يجوك أولاد غرب والمقرن ، وإتنين وتلاتة.. غايتو كان جاك سيف الدولة ، فإحتمال كبير حلتكم تتصادر وتؤول ملكيتها ليهم.. الناس ديل بيدقشوا من المقرن كدددددددده لا بيوقفهم كبري لا خور .. وبعدين إنت قايل الديم ده واحد واللا شنو!!! أمسك عندك : ديم التعايشة- ديم الجوامعة ديم الزبيرية – ديم تقلي – ديم برتي – ديم سلك – ديم أب ريش – ديم أب (رمبّش) والأخير ده من عندي (كرب).. كل ديم من الديمات دي عندو حكاياتو .. الحلة الجديدة سموها الإسم ده في بداية الأربعينات، وأصلاً إسمها الديوم الغربية ، ونحن الديوم الشرقية عرفت العراقة كيف يا ولدنا.. وزي ما قلت ليك نحن عكسكم في الترحيب بالضيف، والله لو أن إمتدادت أم درمان كانت تبعنا لدلّعنا سكانها بما يليق.. لكن حظهم رماهم عندكم ، فصاروا مادة لتندركم وإستعراض شفتنتكم وعضلاتكم العاصمية في المساكين ديل.. أزيدك وأقول ، أسر الديم كبرت وإمتدت، الصغار كبروا وتعاقبت أجيال ، وتوسعوا فيما حولهم من أراضي فكانت الإمتداد والصحافات ، ثم تلتها المناطق الجديدة التي لا مجال لحصرها..
Post: #356 Title: Re: tmbis Author: Salah Abdulla Date: 06-13-2013, 03:35 PM Parent: #340
Quote: لا حرج إن شاء الله .. فقط إغتسل وجدد النية ..فالإسلام يجب ما قبله ..هذا والله أعلم ..
هههههها وهههههههههههههه.. يا سلام ياخ ، الله يمتعك يا عمر ، أها ده نوع الشغل البيخليني ( أنطرب )..
لا حرج والله...
حمد يا عب غفار .. إزيك يا ولدنا.. أند دونت تيك إت يرسينلي ..
كدي أول حاجة أوفي لينا بوعدك وسمعنا غناك النضيف .. جلال الصحافة كان بيقول الغنا للجميع، أها لا أخفيك سراً الأيامات دي عندي رغبة مُلّحة إني أطرح نفسي فنان إسفيري والرغبة الشريرة دي بسبب مجاملات عمر وتشجيعو (للمواهب) .. بالغ والله .. المشكلة التكنولوجيا خازلاني والله..
تانياً ، قلت لي المهندسين ومدينة النيل ، والمنشية والطائف !! هسي عليك الله ديل يجو يتكلموا يقولوا شنو عن أحيائهم دي !! ياخ ديل ما ياهم زاااااتم الجو من الأحياء الشعبية ..
غايتو عمر ده أصللللو ما خاتي عليك..
Post: #359 Title: Re: tmbis Author: حمد عبد الغفار عمر Date: 06-13-2013, 04:11 PM Parent: #356
وينك مختفي يا صلاح العبد الله ؟
ياخ عمر الفاروق دا زاتو لو هبشتو بتلقى جا من واحد من جخانين الجزيرة دي
الفرق إنو نحن مشينا ليها أقدار ساي وهو بكون موكر فيها لصليبو
بعدين شغلانية الغناء الأسفيري دي والله مشجعة بس عايز لي فردة بتاع عود أو أورغن نضيف أنا جني وجن الموسيقى الما بتشبع الكلمات
غايتو احتمال ندقش عليكم في قطر السعودية دي خلااااااااس لو جينا هناك بنظبط الشغلة
أما دي
Quote: تانياً ، قلت لي المهندسين ومدينة النيل ، والمنشية والطائف !! هسي عليك الله ديل يجو يتكلموا يقولوا شنو عن أحيائهم دي !! ياخ ديل ما ياهم زاااااتم الجو من الأحياء الشعبية ..
ما معاك فيها يعني هسة تعويضات بيت المال ساكنين فيها ناس أمبدة مثلا ؟
يا خوي الرياض والطائف دي معروفة حقت ناس العمارات ونمرة أتنين لما الأسر بتاعتم اتمددت معاهم كبار الموظفين وأساتذة الجامعات والضباط في الوقت داك نفس الشيء لمدينة النيل والمهندسين
يا صلاح إنت كزول عايز تقدم نفسك موهبة مفروض أول شي يكون عندك عمك شاعر يكتب ليك الاغنية ..ثم تانياً يكون عندك شهادة تسنين غير حقت الميلاد ديك توضح فيها انو عمرك 32 سنة بي الجديد ..واهم شي يكون عندك بدلة بيضا .. انت قايل عاصم البنا ده بدا كموهبة كيف؟؟ عارف يا صلاح يا اخوي محمد عمر الفاروق الله يديهو العافية عمرو 4 سنوات ونص اها قبل فترة جاني قال لي يا بابا لقد حلمت حلم مزعج!!! قلت ليهو خييير مالك حلم شنو ؟ فاجئني بي حلم بالجد غلبني افسرو لكن اسة باقي لي لقيتو .. قال لي يا بابا حلمت بي قرد بينطط لي في بطني ..
فيبدو انو انت كزول موهبة ح تقدم ليك اغنية هنا وانا من شدة الطرب ح اقوم ارقص رقية القرد جمب محمد ولدي..وهو بطنو ح توجعو من الضحك.. تخريمة : شوفت كيف اطفال اولاد قلبا ؟؟ من عمرهم 4 سنوات بيحلمو بي القرود ..
يا حمد يا اخوي انا طبعا نظرية الجخانين والاسترسال في قصة الرووتس وتعالو نشوف اصلكم من وين و و و دي ما واقعة لي ..لأنو ببساطة كده لو سكينا القصة دي فمفروض نحن من الجنة لأنو جدنا سيدان ادم .. انا معياري بسيييييط شديد والله ما صعب .. بس الزول يكون عارف مكان بيعييد وين !!!؟؟ انا غايتو من ما قمت بعييد في امدرمان ..فدحين انت لو في ذات جخنون قمت مشيت عييدت في أربجي الله معاك ..طوااالي تراعي فروقات التوقيت ..:)
Post: #362 Title: Re: tmbis Author: حمد عبد الغفار عمر Date: 06-13-2013, 04:25 PM Parent: #361
Quote: فدحين انت لو في ذات جخنون قمت مشيت عييدت في أربجي الله معاك ..طوااالي تراعي فروقات التوقيت
عاد أكضب ساي
مشيت والله وركبت الحمير لمن الله غفر لي
بس ولادة مدني وسكن أمدرمان دي انت قايلها ساهلة ؟
ياخي دي بتجب أي حاجة ما قبل ومن بعد
Post: #363 Title: Re: tmbis Author: Salah Abdulla Date: 06-13-2013, 06:23 PM Parent: #362
والله دي حقرة منك يا عمر
Quote: يا صلاح إنت كزول عايز تقدم نفسك موهبة مفروض أول شي يكون عندك عمك شاعر يكتب ليك الاغنية ..ثم تانياً يكون عندك شهادة تسنين غير حقت الميلاد ديك توضح فيها انو عمرك 32 سنة بي الجديد ..واهم شي يكون عندك بدلة بيضا ..
بقت علي نا وختيت لي مية شرط!!! أنا لمن قلت إنك بتشجع المواهب ما قاصد إنك تشجعني، أنا قاصد تشجيعك (للمواهب) البعرضوا عليكم إنتاجهم الفني ، وإنت بتستحسنوا ليهم، وتشجعهم، ويا أستاذ، وعمل جميل والله ....والخ هسي الناس ديلك أحسن مني بشنو؟؟ شفت إنت زول حقّار كيف !!يلا أمشي شجعهم إن شاء الله يضووا ليك..
بالله عرفت عمري كيف ؟؟ ياخ أنا لي 30 سنة مفرمل في الاتنين وتلاتين دي ، تجي توصيني عليها..
يا حمد ياخ القال ليك ناس الرباض والطائف ديل هم زاتم ناس العمارات ونمرة اتنين منو ؟؟ إنتو شن عرفكم !! هسي أنا القدامك ده أخوي عندو بيت في النواحي ديك وفيهو (سويمنغ بوول) ..
معيار عمر معتمد من زماااان، فخليكم متذكرينو يا جماعة..
Post: #365 Title: Re: tmbis Author: Salah Abdulla Date: 06-13-2013, 06:29 PM Parent: #363
نرجع لحبيبنا ولّي،،
يا وِلّي، سايقها أساسي، بيجى محطتكم بيرميها ليكم ، ويديكم عجاجو، ويخليكم مدورين فيها كددددددددده لمن يجيكم تاني.. ونحن نغني ( سواقنا زينة وحالف ما يدلينا) .. بالمناسبة دي عندنا فردتنا من أولاد العباسية، بالليل كان بيغيّر كلمات الغنية دي ( سواقنا زينة وشـدّ وكـ.. ... وتم تم تراراريرا ) والليلة ياهي يا بلالي يا هي .... الخ .. ياخ ناس سنغافورة نخرينهم ما مفطسة ، الملاويين والهنود تناسلوا وطلعوا بخلطة كده ، الله لا يوريك.. ياخ أنا من شدة ما بخاف (اتفتن) بقيت مابتفسح براي إلا معاي مرافق!! إتقاء فتنة جمالهم الكتّال.. عليك الله كان ما رجعت للويكيبيديا وشفت وقريت عن سنغافورة دي.. لندن شنو ياخ ، الناس ديل خطراتم رهاب رهاب .. واحدة من الدول التي لا تُنسى.. في اتنين بورداب هناك، نشوفهم كان يلقوا لينا حاجة معاهم.. وبعدين ماليزيا البتدخلها بدون تأشيرة دي ، أمشي فندق دبليو ماريوت في شارع العرب في KL، أمسك ليك أقرب فارة رزق من استاف الفندق أسألوا من ( الزول ) أب شنب وصلعة داك، كان ما قال ليك ( أوووووووووو سلاه الدايامي!! يس يس آي نو هيم ) ما تديني يدك تاني ... النصيحة ناس روما ديل لسة ما شفناهم، أسألني آخر السنة دي عنهم.. قلت لي لندن بره الشنجن !!! قاااااادر الله... وأزيدك، تاريخ الخرطوم لأبوسليم أنا عندي ( هارد كوبي ) الكتاب زاااااااتو ، خليني من درهم وريال مدريد.. قال تفضح نفسك قال.. غايتو يا وليد من ما دخلوك في المشروع داك وزوّروك لنضن (كما يقول اساسي) طبعك إتغيّر .. والله أنا خايفك بكرة القريبة دي تقلب على ناس عمر وتامبا ديل.. الله يستر.. قال تفضح نفسك قال.. والله تكتّر ، أقوم أسمعّوا ليك هنا شولة شولة.. برجع ليك للصورة الجبتها ، وأأشر ليك على زريبة الغنم بتاعتنا ، خليك من البيت..
يا شفت الخرخرة شنو؟ راحت عليكم العشرة بخمسين ابو صلاح و اتعشينا خلاص روقوا خلونا نشوف ناس مدني و عطبرة و بورتسودان يجوا يترشوا زيكم ويمشوا يتعشّوا
يا عمر علي اليمين بتبالغ , قيقم !! ياخي اقلاّها كان تجيب من علايل ابروف نسمعها بدل جابها الشفت مكتوبة شوف الشباب متّعوك بعقد الجلاد و ابو اللمين كيف
حمد يا حبيب اخوك ما من مدني و ان كنت مناسب منها, وناس مدني عندهم نفس امور اولاد قلبها شايفين روحهم على شنو ما عارف مشروع الجزيرة و انتهى حمد و الديبة اعتزلوا ابو اللمين رحل الخرطوم تاني فضل فوقها شنو مدني :)
أميرنا غايتو مدني اخير من ضهاريها لكن النصيحة ليك يا الله من مستشفى سوبا ولا ورا كلّو عندنا آل عوض
Post: #366 Title: Re: tmbis Author: Salah Abdulla Date: 06-13-2013, 06:34 PM Parent: #364
Quote: حمد يا حبيب اخوك ما من مدني
والله يا محمد أخوي ، أنا من قبيل أجي جنبها، وأمشي ، أجي وأمشي.. لغاية من جات من الله سيدك ده..
Quote: والله لو أن إمتدادت أم درمان كانت تبعنا لدلّعنا سكانها بما يليق
يا أبو الصلح كدا خليت جدنا أرباب العقائد يتقلب في تربتو لأنو أصلا لما عمل الخرتوم دي عمل ليها منافعا ( بحري وأم درمان) عشان الضيوف الغاشي منهم والماشي .. إذن أم درمان هي حقتك برضو بما انك ود خرتوم أصلي .. إنني والله ضاحك ضاحك على شلاقة وقوة عين هولاء القوم البدو الذين أناخوا بعيرهم قبالة مضاربنا في سالف العصر والأوان ثم إدعوا أنهم مننا وفينا . ......................... يا أبو عمير أراهنك انو لغاية هسع بيتك فيهو ( قطيع ) معلق فيهو (المشلعيب ) جمب ( السحارة) ما تخوتنا ساي الله يرضي عليك. ................... جرجير اتا لا في العير ولا في النفير .. قوم مارس هوايتك المحببة في اللففان .
انا ما مستغرب إلّا في وضعك في البوست دا شنو يا تنظير!! رغم القومة و القعدة و الهرجي دا الناس ديل كلهم اولاد بنادر ومدن, انت ايش حشرك بينهم لا بتعرف لي كلامهم لا بتفك شفراتهم كدي استنى لما يجيبوا سيرة جركانة العسل بنناغمك:)
Post: #369 Title: Re: tmbis Author: محمد عبد الماجد الصايم Date: 06-13-2013, 08:36 PM Parent: #368
_ اقترح على السيد بكري أبو بكر يعمل ليكـ أيقونة (زووووط)!!
_ اقترح على السيد بكري أبو بكر يعمل ليكـ أيقونة (زووووط)!!
اثنى هذا الاقتراح خصوصًا للمولانات عشان لمن تتفسر غلط يدرعوها فى رقبة بكرى
...................... ثم ازيكم كلكم من غير فرز
Post: #372 Title: Re: tmbis Author: أمير محي الدين محمد Date: 06-13-2013, 09:18 PM Parent: #367
Quote: حمد يا حبيب اخوك ما من مدني و ان كنت مناسب منها,
شنو يامعلّم تناسبونا وتنكرونا....على قول المثل النسايب دبابيب وماياهو في الناس الرحلو ديل وجوكم ومتعوّكم بالدهشة ....والله يجازي اللي كان السبب هم حمد والديبة وود اللمين براهم كل مدهش وارد مدني.. فـماعندي ليك قول غير كلام كلتوم مرة الضو اللي إتشاكلت مع ود شنقو الجزار ووصلو لطريق مسدود في مفاوضات ربع كيلو اللحمة قالت ليهو وبحرّقة من جوّه حشاها البقى بقى ياود شنقو شييييل لحمتك وأدني قفتي... فحسي مافات شي رجعوا لينا لحمتنا وشيلو قففكم الفاضية... ــــ وشنو يا أب شنب أصلوا لصقوا فيهو شنو؟ دي مدني ياااا.. وآهو طلع مشى ليها سيرة و..قدر ماتلف ووين ماتمش مدني جوّها مختلف ــ يا تمبس نفهم من كدا إنو خميس وطار؟ نحن ياأخوي ناس الخمايس عزيزة عليّنا
Post: #373 Title: Re: tmbis Author: Salah Abdulla Date: 06-13-2013, 09:48 PM Parent: #372
يا أمير ، سلامات ..
بالعكس ياخ ، هسي أنا ده سوداني، لو زول جا قال لي مصري بقول له لصقت فيني حاجة ما حقتي ، فالموضوع بسيط وما تتحسس منو .. وبعدين ياخي مدني دي حكاية تانية خالص.. إن لي فيها قصص وذكريات، وحكاوي ده غير أهلي الهناك.. بس بيني وبينك مرات كده أولادها بيدوها كوز.. وبيصروا إنهم يقارنوها بالخرطوم، وطبعاً ده كلام غلط وما في المصلحة..
ثم ، أحب مدني ولياليها، وأم سنط، وأبو حراز، وفندق الخواض زاتو..
قصرّنا معاك..
والله فعلاً غياب تمبس ود ناس بيتنا ده مريب.. شنو ياااااا، عذرناك بالشغل لكن هسي الدنيا وويك إيند.. تعال بالله خلينا نفكفكها،وجيب معاك أخوك أساسي ده..
Post: #374 Title: Re: tmbis Author: عصام علي أحمد Date: 06-13-2013, 11:46 PM Parent: #373
ناس معسكر المهدية مشوا وين ؟
Post: #375 Title: Re: tmbis Author: عمر الفاروق Date: 06-14-2013, 00:08 AM Parent: #374
مشو يفرتقو عرس في الديم..
Post: #376 Title: Re: tmbis Author: عصام علي أحمد Date: 06-14-2013, 09:28 AM Parent: #375
Quote: مشو يفرتقو عرس في الديم..
زمان ياعمر لمن نلقى واحد من امدرمان مضهب فى حفلة فى الديم بنشيلو ونبشر بيهو على الفنان
Post: #377 Title: Re: tmbis Author: عمر الفاروق Date: 06-14-2013, 09:34 AM Parent: #376
والله يا عصام الواحد كان ماخد كلام وليد ده هظار .. لكن شكلو كلللو جد.. حاجاتك كلللها فيها احياء :) :) :).. يعني اسة الزول ده بدل تشيييلو مش ممكن تطردو ؟ :)
Post: #378 Title: Re: tmbis Author: MOHAMMED ELSHEIKH Date: 06-14-2013, 09:59 AM Parent: #377
Quote: خلاص روقوا خلونا نشوف ناس مدني و عطبرة و بورتسودان يجوا يترشوا زيكم ويمشوا يتعشّوا
و عطبرة
حقيقة انا كنت بتفرج وقمت نهرت سيف مساعد قلت دا هسع الدخلو هنا شنو وسط الناس ديل(طبعن نهرتو اسفيريا)
لقيتو على حق كان واحد فيكم راجل يجينا بي غادي في حتة السكسكة بالمنفاخ ديك
Post: #379 Title: Re: tmbis Author: حمد عبد الغفار عمر Date: 06-14-2013, 03:39 PM Parent: #378
Quote: حمد يا حبيب اخوك ما من مدني و ان كنت مناسب منها, وناس مدني عندهم نفس امور اولاد قلبها شايفين روحهم على شنو ما عارف مشروع الجزيرة و انتهى حمد و الديبة اعتزلوا ابو اللمين رحل الخرطوم تاني فضل فوقها شنو مدني :)
والله يا محمد أن قايلك منها لأنو بشوفك كم مرة كدا بتقيف ألف احمر لما يجيبو سيرة مدني (خوف ساي موش كدا) رغم أني المتأكد منو نو حاليا انت ما ساكن مدني لكنن هسة حتوت وأخته ديل عادي ممكن يقولوا ليك نحن من مدني بتعمل شنو معاهم
أنا ذاتي مدني فارقتها صغيررغم إنو ما انقطعت عنها أبدا وهسة برضو مناسب منها
مدني بهجة ياخ وما بتنتهي
صلاح عبد الله
حكاية أخوك ساكن هناك دي ما بتفي كلامي في ناس كتيرين ساكنين هناك وما تبع الكاتيقوريز الأنا قلتها
Post: #380 Title: Re: tmbis Author: Salah Abdulla Date: 06-14-2013, 05:04 PM Parent: #379
Quote: حكاية أخوك ساكن هناك دي ما بتفي كلامي في ناس كتيرين ساكنين هناك وما تبع الكاتيقوريز الأنا قلتها
يا حمد ، سلامات.. الكاتيقوري الإنت حددتها دي بالذات ( أقلية ) هناك الزمن إتغيّر ياخ والقصة قلبت.. الغالبية ناس ( مراعاة فروق الوقت ) ناس حنافلة الله مُديهم..
Post: #381 Title: Re: tmbis Author: أمير محي الدين محمد Date: 06-14-2013, 05:06 PM Parent: #379
Quote: قصرّنا معاك..
ماقصرّت تـــب يا أب شنب وكنت أصلا" واثق إنو النهائي بين مدني والخرطوم خصوصا بعد طقطقة أولاد قلبا بــــ6 / صفر زي ماشايفين وبدو يتموّها بـــــقيقم وقصص حوريات نهاياتها مفتوحة ــــــ صراحة كنت خائف من ناس بحري يجوا يعملّو هجمة مرتدّة هنا بس وبعد ما قالوا كـــــــلابــــهم زاتها أصيبت بحمى الضنك ( * ) ولاّ شنو كدا ما متذكر وعلى قول الشوام موضوع حمى الضنك دا جابهم أكتاف..بقيّنا تاني لا بنسمع منهم لابجو يغالطو ـــ * أوف كورس هنا ما محتاج إستعين بإي وشّ...منتظر أيقونة الخمسسسيّن
أوووووو .. الأمدرمنجية الوراوير .. !! :) سايقين عربات باسطاتكم شايفكم و متجدعين .. آآه يا فارات :)
Post: #383 Title: Re: tmbis Author: محمد على طه الملك Date: 06-14-2013, 06:42 PM Parent: #381
(والله فعلاً غياب تمبس ود ناس بيتنا ده مريب )..
يخرب مطنكم .. امبارح سهران لحدت الساعة ثلاتة ؤ ياداب وصلت الحارة التامنة .. كمان الليلة عايزين تلحسو يومنا ؟ متعه والله مع الماسكتيرز تمبس / اساسي / الفاروق / وليد / اب شنب.. على العموم الواحد لو عايز يعمل خط بارليف بيناتكم .. إلا يعمل دايفق من الحلفاية ويجيكم قايم طه اب سدر* .. أو كمان يعمل التفاف استراتيجي ويجيكم كاسح من سوبا والجريفات .. بس الخطورة في الحالة دي ناس قلبا وناس خرطوم ـ دي ـ كى * .. الكسح الزي دا بعدمم العرقوب .. عادي تلقاهم بعد داك لافين دورانيات في مكانم كل البقدرو عليهو النضم والورجغة .. بس حقيقة لله نضمم سمح إلا فعالم كفاية الشفت وبتاع الفيزا ^ ـ ^.. غايتو بين جملة الدخلو المسرح القومي دا .. حكمة الله مافي زول مرق بطاقة غير طلحة تنظير ( ما تقول حاجة يا ود البشرى خليني أكمل ).. دا الوحيد الدخل بكلمة سر صحيحة ما تقول لي وليد اساسي الفاروق ومش عارف .. ياخي طلحه لما نطق كلمة السر وقال ( كنكينج ) ـ إنا لله .. شوف عيني تمبس لو ما حريف وزاغ منها كان عرقوبو مقطوع يعنى مقطوع .. أول بالتبادي أنا مابقدر اهابش ناس قلبا ديل على شديد .. بس سلاخية على خفيف بتجي نظام ( سد حنك ) * ؤ كدا.. لإنو حوش جدنا كان جنب بيت الخليفة محل الإذاعة الوااحدة دي .. بعد المهدية لملم عزالوا ونزل البلد .. وحات ابتسامة تمبس دا أنا حمدت ربنا المرقني من القعاد على الطوب في الشوارع المجدرة ديك .. ياخي عمركم سمعتو بى شارع يكون بيت! عادي في امدر دي تجي ماشي في زقاق تلقى نفسك في المطبخ والمرأة خاتا كانونا وحلتا وتهبهب ـ دا اسمو كلام !.. أما ناس خرتوم ـ دي ـ كى ديل شغلم غير .. تجيهم ضيف يجيك سيد البيت مارق بى نكس قصييير وفنيلة شبكة حمالات . يا النبي نوح .. ولما تعاين لى شنبو المغتي الشفة تحلف تقول القدامي دا من عائلة (بوفوز )* الشهيرة .. قوموا لفو كدا ولَ كدا بلا خرتوم بلا امدرمان بلا مدني نفر معاكم .. بعدين مافي زووول يشبكني مولانا مولانا يقتل حيلي ..
: ياتمبس / وليد / الفاروق / اساسي / اب شنب. / امير . ياجماعة جابني الدرب ساي ؤ عجبتني قعدتكم .. فشنو ـ أنا ضيفكم ؤكدا..
متعة والله .
* طه اب سدرـ ضابط شايقي شجاع رفض الاستسلام لجيش الامام المهدي ومات على ظهر مدفعه.
* خرطوم دي ـ كى = District of Kh - بختكم يا ناس الخرتوم اهو لطشت ليكم مصطلح .
* تبادل ثقافات بعرفوها ناس الشهادة العربية .
* عائلة بوفوز: قدمت العديد من أعظم نجوم المصارعة ومؤسس هذه العائلة هو (أنجليو بوفوز ) الذي أبهر جمهور المصارعة داخل الحلبة طوال أكثر من أربعين عاما، ومن ثم استلم الراية منه ابنه راندي بوفوز الذي بدأ في عالم المصارعة عام 1973 ومن ثم عرف باسم راندي سافاج "موتشو مان" والذي أبهر العالم أجمع بمهاراته داخل الحلبة لأكثر من عشرين عاما وخلالها استطاع أن يكون بطل WWE لمرتين، وأن يحصل على بطولة WCW أربعة مرات.
Post: #384 Title: Re: tmbis Author: عصام علي أحمد Date: 06-14-2013, 09:28 PM Parent: #383
Quote: أوووووو .. الأمدرمنجية الوراوير .. !! :) سايقين عربات باسطاتكم شايفكم و متجدعين .. آآه يا فارات :)
.. اهــا .. رد زي دا قاعد يفتح شهية الواحد .. بلاي رد زي (ابغازي) حسع زي طلحــة دا لو اديتو الجملة الفوقانية حقت السؤال بتاع عصام الرد عليهو عمر دا .. وقلت ليهو دخله في جملة مفيدة يا أعمل منها شربات .. ح تكون كالاتي: ناس معسكر المهدية مشوا وين ؟ سيكون الرد: مشو هنوووك .. حدا قاعة الصداكا .. بعدين تعالوا هنـا ... بالنسبة للناس البتسال عني كونهم ما من اولاد سنترا .. طبعا باستثناء الجوكــر صلاح اب شنــب والاستثناء دا طبعا عشان برتكولات محددة بكلمكم بيها بعدين .. .. بعدين شايف ناس مدني .. وناس ووين وناس ووين كمان جو داخلين .. هوووي يا .. نحن بعد الدقـة الخامسة في الكبري الواحد بحس انو ماشي غربـة ، ماشي الخرتوم الغريبة دي بحس نفسو ماشي هجرة .. تجو كمان عايزين تعملو الحالة واحدة يعني نحن شان قمنا هرجنا مع اساسي وطلحــة وود البشري عايزننا كمان عادي نجي نتكلم عن الارياف ..؟ ياجماعة هوووي .. ماف زول ماسك الصندوق بتاع البوست دا ؟؟ بوست زي دا بتاعين الاقاليم ديل مفروض يجو يتفسحو فوقو .. الواحد يدفع ويخش يقرا .. ولا يرد كمان .. يا حي الله يقوليك والله انا كنت في صفحة المشاهدين والزوار .. انا الزاير رقم خمسة الف .. بعدين بعد كدا ح نستخدم نظام إنت من اولاد ووين .؟؟ .. ودا نظام بيحق لينـا طوالي نمارس فيهو كل صلاحياتنا .. ومن اهمها .. يعني زي ود البشري وعمر عثمان البمبـا .. والمدعو اساسي .. أو كل من يثبت انو ليهو عقاب في سنترا .. او (السركحومـة) حقتو من هناك ، النظام ممكن نستخدم فيهو كامل صلاحياتنا .. يعني عادي جدا الواحد فيهم ما يرد إلا بعدما نديهو الفاتحـة يا ياخد اذن .. شايفكم متكيفين لانو اولاد سنترا قاعدين يردو ليكم .. والواحد فيكم لما يمشي اجازة العيد .. يكلم الجماعة يقوليهم والله انا عايدي قاعد اتونس مع اولاد سنترا في الانترنت .. والجماعة كلهم يردو ليهو بي صوت واحد .. كضاااااب
شدة ما البوست اتملى علينا اقليميين من اولاد الخرتوم ونظايرهم من مدني ووين ووين ما عارف ، الواحد عايز يرد لكن جاو احساس انو بيتصل علي ناس برنامج ما يطلبه المستمعون .. ما يطلبه المستمعون كدا طلحـة من شبه الجزيرة .. محمد البشري من قريب سوبـا اساسي من بري والمعرض ودا اخير منو ناس ضواحي سوبـا.. حمد من مدني راسو عديل .. امير شرحو مولانــا الملك ما عارفو من ووين لكن غالبـا يكون زي ناس طلحـة ديل .. خلاص .. الواحد بدل ما يكتب ليكم هنـا .. امشو اشترو ليكم حجار بطارية لي رواديكم دي وانتظرونا الساعة تمنية بالليل في ما يطلبـه المستمعون يا طلحـة الليلة ما تطلع مكان امشي احضن الرادي واقعد... بختك الليلة ح نجيبكم في برنامج ما يطلبه المستمعون
Quote: عندي قصة شهيرة مع زولة لقيته جمب البحر في وقت متاخر جدا .. وما سالتها .. طلعته المركب عشان اجيب بعض الحاجات النسيته في المركب .. بعد شوية لقيته جمبي في المركب بدون ما اعرف طلعت كيفن .. وبعد شوية حركت لي المركب وساقته لي مسافة كانها راكبه ليها تكسي طلب .. وصلتني لحدت الحتة التحت مسجد النيلين .. وكان اتحركت بي من تجاه الاذاعــة .. وفجأة اختفت داخل المويـة بدون ما يحصل بيناتنا اي كلام .. الجدير بالذكر انو الزولة دي زولة زينا وجميلة جدا بس بتفرق في انو ريحته كانت سمك .. سمك .. اها المسالة دي كانت عادية للناس البتمشي البحر بالليل واكتر من عادية .. اكان لقينا المجال الواسع بحكي ليك عنها بي التفاصيل الدقيقة ..
ياخ دي قلت فيها للتاج الكضاب انت اسمك منو واخدت المايك منو بالله دي القصة المنتظر ايمن نهايتها , وانا مستغرب ايمن دا طالب من تمبس يحكي ليهو ياتو قصة وتمبس خياله اضيق من خرم الابرة , لكن لقيتك خبيث يا ايمنوف
الكلام دا يا تمبس عيب في حقك , بل عيب في حق الناس الموجودة في سودانيز اون لاين ( جــت) عليهم , ما ممكن تصل بيك الوهمة والانغلاق الذاتي انك تستخف بالموجودين جنس الاستخفاف دا , ودا بيوري لياتو درجة انك ( فارتي) وما قادر تفرز اانت وين , الكلام دا كان يكون متسق جدا وملائم وفي مكانه لو كنت قاعد في خور ابوعنجة ولا عند ترنتي ولامي حولك بعض (شفع) الحلة وكل واحد فيكم يحكي عن بطولاته المتخيلة في افقه الفقير الاضيق من (خصر الصيرة ) عادي ممكن الكلام دا في الحتة ديك وسط اصحابك من شفع حلتكم ممكن يمشي ويعبر مع كلمات الاستحسان وبعض الموسيقي التصويرية علي شاكلة ( قننن قننن) و ( يازول انت مالك يا ) وبعض صيحات الاعجاب نحو (امممممك) ( معلممممم والله ) والجمع من حولك يحس بالدهشة البتتكلم عنها من قبيل ليس لشيئ الا لفقر خيالهم وادقاع مخيلتهم وحاجتهم الماسة لقصص بطولات ولو كانت وهمية تلائم مخيلاتهم الطفولية التي تصدق كل ما يحكى لها فهم لم يصلوا بعد مرحلة تمحيص مثل هذه الروايات بل هم بحاجة الي عيشها وتصديقها كونه حياتهم التي رمتهم في تلك الناحية المملة من السودان تجعل الاحداث منعدمة فيها فالحياة الرتيبة التي يعيشونها والتي تبدا من الرابعة صباحا بصف الفرن وتنتهي عند المغارب بصف سكر التعاون وانعدام المحفزات الخيالية لديهم في ذلك الزمان من قنوات فضائية وافلام كرتون ومسلسلات ابطال الديجتال تجعلهم بحاجة ماسة لمثل هذه القصص الفطيرة بل النيئة , الامر البخلينا نشوفك يا تمبس مازلت (مفرمل) في تلك المرحلة من حياتك وليس ابلغ دليلا من ذلك شجاعتك المتناهية في نشرك للقصة الوهمية اعلاه دون ان تحسب لذلك حسابا او يخطر في خيالك قيد لحظة انك ما عدت في خور ابو عنجة ولا الذين تتجرأ بمثل هذه الحكايا في حضرتهم شفع حلتكم المواهيم , الذين غاية طموحهم ان يعملوا صحنة فتة بموية فول وموية جبنة عند ترنتي بتاع السمك الذي لا يستطيعون اليه سبيلا الا في قصصك ام ريحة الفوق دي قروووو اب مان
Post: #389 Title: Re: tmbis Author: Salah Abdulla Date: 06-15-2013, 08:45 AM Parent: #388
Post: #391 Title: Re: tmbis Author: أمير محي الدين محمد Date: 06-15-2013, 09:30 AM Parent: #388
7/ صفر أساسي : هاتريك أب شنب : قونين ودالبشرى : قون عمر الفاروق : قون عكسي بلة جابري....قمقمي ...بس النصيحة لله قون سينما _ دا حالتو أقوان طلحة ما إتحسبت قالو موقعو أوف صايد..وأب شنب التاني لسّه بسخن ـــ أعتقد إنو الأمدرمنجية ديل كفاية عليهم ...أليس منهم وبينهم رجلً رشيد كـزيكو يسلّم الكفر للحكم آها بعد دا ..سريع ..سريع أرحكاكم ......مدني ياااااااا ــ وشنو يا أساسي القهمة دي؟؟ خلّي بالك القصّة دي ومع الموسيقى التصويرية ال(قننننننن) دي ممكن تكون نهايتها برضك : إنـــــــتهي...نقطة ترتر جديد ...وهكذا.. قال حجار بطارية روادي ومايطلبه المستمعون قال
Quote: 7/ صفر أساسي : هاتريك أب شنب : قونين ودالبشرى : قون عمر الفاروق : قون عكسي بلة جابري....قمقمي ...بس النصيحة لله قون سينما _ دا حالتو أقوان طلحة ما إتحسبت قالو موقعو أوف صايد..وأب شنب التاني لسّه بسخن
يا اخوانا النصيحة دي سمحة خلاص
شكرا يا امير علي شفافيتك ومبدايتك ومصداقيتك العالية من يوم الليلة انت شاهدي الرئيسي في كل البوستات
Post: #395 Title: Re: tmbis Author: أمير محي الدين محمد Date: 06-15-2013, 09:59 AM Parent: #392
Quote: شكرا يا امير علي شفافيتك ومبدايتك ومصداقيتك العالية من يوم الليلة انت شاهدي الرئيسي في كل البوستات
العفو يا أساسي ..بس عايز أذكرك أيام كنت قافل بلفك كتبت ليك بوست بيض و(باير) ومعليش للكلمة ...ماناضمني فيهو الأ ود البشرى..كان عنوانو "يا أساسي الله يرضى عليك"*..قلت أساسي دا مايكون سفـهني...بس وبعد جيت ووضحت أسباب قفلّة بلفك عذرتك ...وأهو الأمدرمنجية قالو ياريتك كنت لسّة قافلو... ـــ * البوست كان وصيّة لــ تلفزيون الفاروق الـ LCD...بس بعد دا خلاص مافي داعي عفيتك من الوصيّة خليهو يشوف فيهو قيمقم
تصدق يا امير ما شفت البوست دا , اخوك بموت في الاطراء زي عيونه . ومفروض بوست زي دا يفوتني , ياخ الح4قني باللنك الله يرضي عليك
Post: #393 Title: Re: tmbis Author: عمر الفاروق Date: 06-15-2013, 09:53 AM Parent: #391
والله بقيتو تحننو يا وليدات الخرتوم.. اسة عليكم الله البوست في الصفحة ال14 حصل شوفتو اولاد سنترا شغالين بي نظرية شكارتا دلاكتا دي؟؟ بالله صلاح يشبك ليك اساسي متعتني ..ااسي يرد ليهو والله انت المتعتني.. ده يجي يقول ليهو سايقة صلاح..داك يجي يقول ليهو سيقا اساسي.. ونحن اولاد قلبا أي زول فينا بيجي يكتب كلامو وبيبقا مارق ... فرق والله يا اولاد سنترا ..فررررق
Quote: والله بقيتو تحننو يا وليدات الخرتوم.. اسة عليكم الله البوست في الصفحة ال14 حصل شوفتو اولاد سنترا شغالين بي نظرية شكارتا دلاكتا دي؟؟ بالله صلاح يشبك ليك اساسي متعتني ..ااسي يرد ليهو والله انت المتعتني.. ده يجي يقول ليهو سايقة صلاح..داك يجي يقول ليهو سيقا اساسي.. ونحن اولاد قلبا أي زول فينا بيجي يكتب كلامو وبيبقا مارق ... فرق والله يا اولاد سنترا ..فررررق
بل مشاركاتكم (جنازة بحر) ماف زول دايرها , عشان كدا بتحاولوا تتفكفكوا كل ما تيسر لكم ذلك وتزوغوا باقرب الطرق مشكلتكم ناس غلاط , والمشكلة المرة دي اللعب كان في الاتو حقكم عشان كدا وقف حماركم في العقبة وبقيتو تتلفتوا علي خشم البقرة كان تلقوا رايحتكم
ههههههههههه صدقت يا أساسي تامبا سطحي جدا في مزاعمو انو ود أم درمان . أقصي ما يمكن أن يجلبه ناس تامبا من براهين تدل على أم درمانيتهم إنهم كانوا وربما مازالو بشركوا للسمك الزايغ من عنفوان النيل بخور أبو عنجة بالتيبان القديمة .. أربعة يدخلوا الموية الما حمراء ولا عميقة بتاعت الخور بى لباساتم وكل واحد فيهم ماسك ليهو طرف من التوب ثم يغطسوهوا جوة الموية لمدة خمس دقائق مع التحرك لمسافة مترين تلاتة قبل أن يرفعوهوا وقد ننططوا عويناتم ترقبا لما يمكن أن يحمله الخور من مفأجات وفي الغالب تكون هذه المفأجات عبارة عن كوم طين مع فردة سفنجة قديمة وسمكة وليدة تنطط لا حول لها ولا قوة . وفي العصرية البدري شوية يبدأ تامبا وأقرانه في التجمع في ميدان ترابي يتوسطه عمود كهرباء وتحفه شوية لساتك قديمة لممارسة هوايتهم الراقية (حسب طموحهم وتطلعاتهم ) في الدفواري وقد إرتدي أغلبهم فردة شراب أحمر بخطوط بيضاء أو (فاول) وهو شريط من الشاش الطبي، والراقي جدا منه لبس ( كبك) أو باتا بيضا ومكوية.. ان تامبا وأقرانه المخلوعين بالسكن حديثا في أم درمان يجهلون تماما العمق الثقافي والحضاري لأم درمان وريادتها في تاريخ السودان الحديث هذا لأنهم مجرد ضيوف تبهرهم انارة الشوارع ليلا أو وفود السياح من الخرتوم وغيرها إلى قبة المهدي وبيت الخليفة والطوابي المصاقرة النيل الجائي من بعيد . تامبا الفرحان بأم درمانيته المزعومة لا يعرف مثلا أن أم درمان هي مدينة مصنوعة في تركيبتها الاجتماعية والمعمارية .. نعم أم درمان الأصل هي موطن إمرأة نوبية .. وهي التي رحل إليها المحسي المنوفلابي من توتي وبني فيها خلوته وبيته ليتجمع فيها الناس ويعمروا أم درمان .. وحتي العمارة في ام درمان فقد بنيت اعتمادا على رخام الخرتوم وطوب سوبا المسيحية . إنني لا أعيب على تامبا سطحيته التى تجعل الأمدرمانية هي مجرد سكن في أب روف وود نوباوي والعرضة وزيارة ناديي المريخ والهلال وذلك لسبب بسيط جدا وهو أنه ليس ود أم درمان الأصلي إنما مجرد نازح رحل إليها في حقبة ما بعد التركية وطاب له المقام هناك .. وبالتالي فهو غير ملزم بخلفياتها التاريخية .. لكن عليه أن لا يخوتنا بمناسبة ودون مناسبة أنه ود أم درمان وما إلى ذلك من خزعبلات وأمنيات كذوبة . سطحية تامبا في هذا الخصوص لا تبزها إلا سطحية أساسي الذي يعتقد أن الخرتوم الوافد اليها والدخيل عليها هي قاعة الصداقة وملصقات الأفلام الهندية فيها أو بالكتير جدا المتحف القومي . أخرجوا من مضاربنا يا هولاء.
عشان كدا الواحد من البداية كان واضح في التعاطي مع ناس ( الضهاري) امثال طلحة وحمد , يجيك حمد بكل جرأة يقول ليك اساسي خلي وقاره واتكسر في باسطة سيد مكي , يا حمد الله يسألك اساسي جاب سيرة باسطة في كل مداخلاتو , عرفنا الشتار في الكتابة , حتي القراية دخلتو عليها الشتارة يا ناس فروق الوقت الغير مراعاة العرج علي باسطة السيد مكي هو فيصل الرشيد يا حمد ولست انا , وان كان في الخرطوم الرياض يوجد فرع كبير جدا لباسطة السيد مكي , يعني مصداقا لكلامنا القبيل حتي الترفيه البقدموهو في المأكلولات جابوا لينا في حتتنا وما حوجونا نقطع ليهو كبري , وبعد كدا انحنا اصلا باسطة السيد مكي لحدي ما فارقنا السودان ما كان عندها اسم بقدر اسماء زي السمدي ولاكازا ودي كلها عندنا في الخرطوم
ما غريبة علي عمر الفاروغ انه ينزل نكات بزيئة زي دي , اهو دا البنطلع بيهو من مواهيم امدرمان اسع يا عمر القالوا حسنين ما ياهو القالوا الجنوبي بتاع الكابلي زاتو اتقي الله يارجل
انت يا اساسي عرفتها كيف زي ما قلت كده ! احتمال شلح دي مقصود بيها طلع شايف بتاعت الخرطوم فيها نكتة بتاعت الكضاب و الكرعين وفيها صفارة و تشويش من الكاميرا لحركة يد فتأمل
Post: #406 Title: Re: tmbis Author: حمد عبد الغفار عمر Date: 06-15-2013, 04:03 PM Parent: #401
يا أساسي بعد ما البوست بقى مجلة تجي تقول لي ما قلتها وتنكرها خشب وترميها في فيصل الرشيد ؟لكن طال الزمن ولا قصر بنكتا بجيبا ليك
وبعدين لو قالا فيصل الرشيد ما ياهو بشجع فيك بيقول ليك انت من بري وممكن يكون هو ذاتو من بري وطبعا ناس بري كلهم روح واحدة في جسدين أو ثلاثة
تانيا ياخ ما تختني مع طلحة دا ياخ أنا بقول ليك مولود في مدني وساكن امدرمان صاح انغمسنا معاهم فترة ليست بالطويلة لكن ما للدرجة دي
وتاني نكرر ولادة مدني دي زي الجواز الامريكي اتخن مدينة بتركع ليها
وبعدين انتو موش إمتداد ناصر دا الواجهة بتاعتكم ؟ آمنت بالله
Post: #408 Title: Re: tmbis Author: حمد فتح الرحمن Date: 06-15-2013, 05:03 PM Parent: #406
غايتو بعد ما اتعمل ظلط الشمالية وتمت بحمد لله سفلتة الطرق الداخلية بقى ماف اي فرق بين امدرمان واي قرية من قرى كريمة ودنقلا وعبري وحلفا نفس الكتاحة والزقاقات بل بالعكس هناك في نخيل وجناين بتخفف علينا الكتاحة شوية . زيكم وزي ابسط مزارع من اندينا بتمشو تقضو شهر عسلكم في الخرتوم :) ياخ فندق نجمتين ما عندكم دخلتا قوقل الفندق الوحيد اللقيتو في امدرمان اسمو الحديقة وللا شنو ما عارف واظنه سالب ستة نجمات
يعني اسه لو ربنا اداني قريشات وعايز ابقى عاصمي واشتري بيت في العاصمة بشتري في امدرمان ؟؟ طيب عملتا شنو ما اخير لي دنقلا ارخص ، الفرق الوحيد انو امدرمان بتختصر لي ساعتين عشان اصل الخرطوم واقضي غرضي .
ايوه ونسيت وفرق التوقيت حوالي تلت ساعة بتفرق في رمضان :)
Quote: ايتو بعد ما اتعمل ظلط الشمالية وتمت بحمد لله سفلتة الطرق الداخلية بقى ماف اي فرق بين امدرمان واي قرية من قرى كريمة ودنقلا وعبري وحلفا نفس الكتاحة والزقاقات بل بالعكس هناك في نخيل وجناين بتخفف علينا الكتاحة شوية . زيكم وزي ابسط مزارع من اندينا بتمشو تقضو شهر عسلكم في الخرتوم :) ياخ فندق نجمتين ما عندكم دخلتا قوقل الفندق الوحيد اللقيتو في امدرمان اسمو الحديقة وللا شنو ما عارف واظنه سالب ستة نجمات
يعني اسه لو ربنا اداني قريشات وعايز ابقى عاصمي واشتري بيت في العاصمة بشتري في امدرمان ؟؟ طيب عملتا شنو ما اخير لي دنقلا ارخص
ههههههه .. هسه الواحد يعمل شنو ؟؟ النبي فيك يا حمد هنضب لينا " عمر الخازوق " ده
أوووو ناس فروقات الوقت ظهروا.. بالله يا حمد انت من النوع البيجي شهر العسل الخرطوم؟؟ وناس البلد يعملوا ليك " بارطي" ؟؟ معناها انت النوع البعد العرس بي يوم بيلبس بنطلون اسود وقميص ابيض عشان يتفسح في الحدايق !! طبعا في نوع كده من عرسان البلد ده كمان النوع المرتو بتكون شايلة ليها شنطة مكياج زي 20 كيلو ديك وتقوم جمب باب الناس تمسكو الشنطة تقول ليهو هاك امسكا النصلح توبي..
الإهداء لي طلحة وحمد عبد الغفار وأمير وحمد فتح الرحمن .. الصوت ما واضح بس الفكرة أظنها وضحت مش؟؟ http://www.sudaneseonline.com/db/attention/100_Balloons.gif أي نعم نحن كأولاد العاصمة المثلثة مختلفين لكن كمان ما لي درجة ننتظر أجاويد من الذين لا يراعون فروقات الوقت!!!
Post: #412 Title: Re: tmbis Author: حمد فتح الرحمن Date: 06-15-2013, 05:20 PM Parent: #410
بس سيم سيم انتا يا عمر ، بس انتا بتصل الخرطوم قبلي بي شوية :)
شوية شنو يا حمد؟؟ ياخ انت لما تجو تسافرو الخرطوم بتشيلو الزوادة وبتقرو الدعاء بتاع فإذا حبسني حابس .. وبعد داك تتموها قصايد من نوع ماشي وين يا صابر جرا ..
وأمسك حبل الصبر لا تخلي قلبك يبقا ني أصلو ود ابزيد كل يوم من بلدنا يرحل جدي..
يا حمد ياخ فييي ذمتك كم مرة العيد فاتك في البلد عشان اللوري قام عصراً بدري وبعد داك مشيت الكلاكلة ..؟
Post: #415 Title: Re: tmbis Author: حمد فتح الرحمن Date: 06-15-2013, 05:31 PM Parent: #412
Quote: أي نعم نحن كأولاد العاصمة المثلثة مختلفين لكن كمان ما لي درجة ننتظر أجاويد من الذين لا يراعون فروقات الوقت!!!
هي بلاهي بقت مثلثة ما كانت امدرمان بس وقلبا وسنترا وايه كدا ما عارف ، صاح يا عمر كلام متين نزور الخرتوم وشنو دا كان زمان ، اسي بعد الزلطات الكهرباء الخشت حلالنا والتكنلوجيا دي الكتوف اتلاحق ، موش اتلاحقت ، حنخليكم في وهمتكم ودي وحنرجع قلبا زي ما كان اول هناااك في مروي ودنقلا وكرمة ، بعديها اولاد ضنبا ما بتلمو فيه :)
يعني تاني الزي ناس محمد احمد عوض ناس خليل فرح وكمية من اولادنا المفرملين بيهم ديل حيقعدو قبلهم ويبدعوا ابداعهم .
زيكم وزي ابسط مزارع من اندينا بتمشو تقضو شهر عسلكم في الخرتوم
أممممممممك لصق ليهم.. ركبم الظلط .. عوقكم .. يا حمد ناس أبو عمير ديل ناكرو قرض وما عايزين يعترفوا انو الواحد منهم لما يكون عايز يجىء السوق العربي بصلي الفجر في الجامع وبركب الزلط .. في حين انو ناس الجزيرة القريبة الواحد فيهم بعد يفطر ويشرب كباية الشاي وعلى راحتو يتحرك وبعد كدا بصل قبليهم . والله ما أمضحك من ناس أبو عمير وتامبا في زعمهم إلا أساسي في الادعاء انو ود خرتوم. أخرجوا من مضاربنا يا هولاء .
Post: #418 Title: Re: tmbis Author: حمد فتح الرحمن Date: 06-15-2013, 05:36 PM Parent: #415
لله الحمد والمنة يا عمر لي اسة عيد واحد ما قضيتو في الخرطوم ، اما البلد الفي الشمالية ما البلد الفي الخرطوم (امدرمان يعني ) او السعودية دي
والله يا حمد يا اخوي بعد الظلط ده ناس فرح زااااتم بقوا يجونا خليك من خليل ولدو .. :) يا زول مش ياكم الناس الجيتو تضوقو حلاوة تلج ديل ولا زول غيركم ؟؟ مااا ظنيت تهجدوا في مكانكم
Post: #422 Title: Re: tmbis Author: حمد عبد الغفار عمر Date: 06-15-2013, 06:01 PM Parent: #418
والله يا عمر الفاروق
رغم إني ساكن أمدرمان لفترة ليست بالقصيرة لكن عمري ما قلت أنا من أمدرمان و أبيت أغرق في الدفاع عن أمدرمان لأني عارفك ممكن تجي تبيعني في أي لحظة وتعمل لي فيها داؤو د الشريان وتجيب أغانيك العجيبة
يعني هسة جية عماد عبد الله مع أساسي دي طوالي جريت واطي وعرفت الهزيمة جاتك قبلت علينا نحن ؟ خلاس ممكن تبعد ونحن ندافع ليك عن أمدرمان دي لأنو زي ما قال ليك أساسي إنتو فجأة كدا لقيتو نفسكم في أمدرمان دي وما صدقتوا وكل معرفتكم بأمدرمان والخرطوم عامة ياها الباسطة والعصائر والحدائق ياخي ناس أمدرمان الأصل ما قاعدين يتحاوموا بالشوارع ويفتشوا للباسطة والحدائق عندهم اهتمامات تانية ذات قيمة. لكن أهو فرحانين نعمل ليكم شنو؟
Post: #423 Title: Re: tmbis Author: حمد فتح الرحمن Date: 06-15-2013, 06:05 PM Parent: #418
عاد دا اسمه كلام دا
بالمناسبة يا ابو عمير الغنية تصلح ليكم زي ما بتصلح لينا لانه بتقول الخرطوم وما بتقول امدرمان او العاصمة المثلثة :)
ههههههههه يا أبو عمير استسلم عشان الناس تشوف غيرك بعد شوية خايفك تقول نحن العندنا سوق الناقة .. مع يقيني انكم قاعدين تاخدوا ليكم رجعة لي وراء لما تجىء سيرة سوق الناقة كونها بتذكركم بالمنشأ الناكرنو حطب .
يا حمد فتح الرحمن .. الراجل ما قال ليك لا توجد فنادق.. قال ليك لم نجد فنادق توافق عناصر بحثك .. ودي بتفرق كتييير .. نحن زول يجينا عشان يسكن في غرفة واااحدة لي ليلة واااحدة ويكونوا اتنين بالغين ما معاهم طفل ما بنقبل بيهو .. عناصر بحثك مرييبة شوية النصيييحة .. http://www.sudaneseonline.com/db/attention/100_Balloons.gif
يا حمد فيييي سوق امدرمان ده في فندق حدااادي مدااادي
Post: #431 Title: Re: tmbis Author: حمد فتح الرحمن Date: 06-15-2013, 06:35 PM Parent: #430
اها وان شاء الله كم نجمة الفندق دا ؟ :)
يا ابو عمير انا ما في في فندق وللا مافي انا في النوعية ياخ نوعية الفندق دا دنقلا فيها خمسة ولا ستة ما عارف وحلفا القديمة دي فيها فندق جم فندقكم دا فور سيزون رسمي
Post: #432 Title: Re: tmbis Author: saif massad ali Date: 06-15-2013, 06:38 PM Parent: #431
Quote: طلحة انت جاي مع منو بالضبط ! نزلك ياتو بص في الاهل !
عاين عينة دا ؟؟؟؟ طبعا فيصل نوبي دا لا أبو عمير بتاع سوق الناقة ولا أساسي الواقف في صف سينما قاعة الصداقة .. نوبي خاتف لونين لا يقدر يقول لا من هنا ولا من هنا .. المهم لقي نفسو فجأة جمبو سوبر ماركت ومكتبة وقال أنا من البندر .. يا نوبي لو أبوي مثلا عندو بيت في الجريف غرب مأجروا لى حبش وأبوه عندو بيت في نمرة تلاتة مأجرو لى شركة لكن الاتنين سكنوا الجزيرة ولو فرضنا إنو نحن قررنا فجأة نرجع لى بيوتنا في الخرتوم كدا نكون من الخرتوم واللا الجزيرة ؟؟؟؟؟؟؟؟ من جهة أخري لو واحد تاني ولدوه في الخرتوم لكن أبوه مأجر البيت إيجار وهو أصلا من نواحي كاب الجداد مثلا فهل يحق ليهو انو يقول أنا خرتومي ؟؟؟؟؟ ولو الزول التاني المأجر في الخرتوم قرر فجأة أو غصبا عنو برضو فجأة رجع مسقط رأسو في الجزيرة وقعد هناك فكدا يكون ود خرتوم واللا ود جزيرة ؟؟؟؟ خليك من الساس والرأس ومدافن الأجداد .. النجيك بس على قدر فهمك الفوق دا .
أولاد أم درمان. . قلب شنو الانتو بتغنوا بيه يا أبو عمير وتمبس وفيصل امدرمان إلى عهد قريب كانت مربط جنود المهدية .. والدليل اسم أحيائها العريقة والتي لا تتجاوز المائة وخمسة وعشرين عاماً
قلبا هي توتي ومنها خرج أرباب العقائد وإنشاء الخرطوم (خرطوم توتي) بإنشائه خلوته بمسجد أرباب العقائد الآن ..
بجيكم براحة براحة أخت ليكم التاريخ
اساسى يا صاحب تابع معاى الطقطقة الحا تحصل.
Post: #436 Title: Re: tmbis Author: حمد فتح الرحمن Date: 06-15-2013, 07:36 PM Parent: #435
يا طلحة قتا لي الشغلانة بقت ماشة على سوق الناقة وسوق القنص ؟ :)
حمد ابو نجوم .. طبعاً إنت النوع المخلوع بي هيلتون مش؟؟ ولا اوعاااك تكون من نوعية الناس البتمشي الفندق الكبير لأنو سمع قالوا فيهو كباية الليمون كبييرة ما قدر الكبابي العادية ؟؟ يا صاحب لو جيت لي النجوم فندق واااحد في الخرطوم بي نجمة ماف .. الله إلا ابو نجمة بتاع البنات البيعمل شحم .. ورحم الله الفنانة الستاذة علوية السامراب حين تغني : أبو نجمة راااااقد ..
Post: #438 Title: Re: tmbis Author: حمد فتح الرحمن Date: 06-15-2013, 07:40 PM Parent: #437
يا ابو عمير اي نعم فنادق الخرطوم على الاقل مصنفة كم نجمة ما عارف لكن ماااا لي درجة لوكاندة السلام وللا شنو حقتكم ديك اللسه بجددو فرشا من سوق العناقريب :)
أووو (عزيز) دنيانا.. توتي ياتا يا عمك؟؟ أووعا تقول لي توتي بتاعت البنطون؟؟ طبعاً قييل والله يكفينا شر القوالة إنو حمد الريح بينهر الغنا سرييع سرييع عشان بيكون بيغني في المسرح وبالو مع البنطووون هناك ولو لحقت الساعة 12 جات ياهو البات في قاعة الصداقة فبيقوم يكلفت الغنا سريع سريع عشان يلحق البنطون ..
Post: #440 Title: Re: tmbis Author: Salah Abdulla Date: 06-15-2013, 08:03 PM Parent: #439
Quote: اساسي وصلاح وعماد ..ما عندي ليهم حــــاجة.. العندي قلتو زمااان وغلبت الروم وهم اقتنعوا بي كده..
يا خي أنا ده البحييك على ( شداعتك ) دي .. لو ما قلبنا الطيب ده يا عمر كان مسكت ليك موضوع (المعيار ) وفرتقتوا ليك وطلعّت ليك ( كرايتيريا ) جديدة، تخليك تحرد ( قلبا ) وإجازتك تكون من الرياض الى ( مضاربكم ) التي ينادي طلحة بعودتكم إليها، والتي هي أبعد من أقصي الأرض التي غُلِبت فيها الروم..
ثم نحن إقتنعنا بي شنو؟
والله يا ولّي حركتك مع عمر دي ما ظريفة، خاليو براااو كده وتتفرج؟؟
Post: #442 Title: Re: tmbis Author: حمد فتح الرحمن Date: 06-15-2013, 08:40 PM Parent: #440
Quote: حمد ابو نجوم .. طبعاً إنت النوع المخلوع بي هيلتون مش؟؟ ولا اوعاااك تكون من نوعية الناس البتمشي الفندق الكبير لأنو سمع قالوا فيهو كباية الليمون كبييرة ما قدر الكبابي العادية ؟؟ يا صاحب لو جيت لي النجوم فندق واااحد في الخرطوم بي نجمة ماف .. الله إلا ابو نجمة بتاع البنات البيعمل شحم .. ورحم الله الفنانة الستاذة علوية السامراب حين تغني : أبو نجمة راااااقد ..
والله يا ابو عمير ايوا فعلا انا من النوع الاتخلع لما اول مرة جا خاشي الخرطوم من البلد لكن احكي ليك انطباعي كان كيف اول ما الباص النيسان ابو بوري تلاتة البعزف اول ما يخش الكبري داك قطع قوز ابو ضلوع وشفنا لينا انوار قالو لينا ياها دييييك الخرطوم اها المستجدين الزينا كلنا قمنا نعاين بالشبابيك راجين خرطوم السرور دي كيف ، وللا نلاقي ليك شي بيوت جالوص وشوارع كيف كيف وكمية من الكاروهات (جمع كارو يعني) بصراحة بيني وبين نفسي قتا انا اتغشيت لانها الشغلانه ما عندها اييي فرق من اي حله من حلاتنا لكن بعد الباص قطع الكوبري صدقتا جد جد انا في الخرطوم :)
عليك لله بيني وبينك كدا يا عمر انا وانتا كناس اقاليم وجايين من البلد وكدا فنادق الخرطوم والحاجات الفي الخرطوم دي على قلة حيلتها شفناها محل ربينا ، ما انتا عادي لما كتا صغير وتنجح وعايزين يفسحوك يكافئوك بالنجاح بجروك من الشارع ويشطفوك ويلبسوك اجدد شئ عندك وبودوك منتزه المقرن وجنينة الحيوانات ومعرض الخرطوم الدولي ، الفرق بيني وبينك انو زمان كان بوعدوك قبل اسبوع من الامتحان وانا بوعدوني قبل شهر وانتا كنتا بصل الخرطوم في ظرف ساعة ساعة ونص ، وانا بصلا في ظرف 24 ساعة لكن اسه الامور اختلفت وفروقات التوقيت برضها اختلفت :) والكتوف اتلاحقت فتيك ات ايزي يا صاحب .
بالمناسبة في فرق تاني بيني وبينك انو انا متصالح مع كون اني ود اقاليم والخرطوم خلعتني كون اني اشوف العاصمة اول مرة ، لكن انتا وبحكم انك ود اقاليم لكن بفصلك بس كوبري من الخرطوم ما عايز تتصالح مع الحتة دي بتكابر ساكت وعايز تعمل بلدكم احسن من الخرطوم :)
Post: #441 Title: Re: tmbis Author: Salah Abdulla Date: 06-15-2013, 08:27 PM Parent: #432
Quote: كادوقلي فيها فندق 4 نجوم سيدو من امدرمان كدي تعالو سجلو ليهو زيارة
أووووووه أبوالسيوف ياخ.. ما شاء الله شايفك بتوجه دعوات زيارة عديل .. إنتو ( إتوهّطوا ) هناك واللا شنو؟؟
Quote: بالمناسبة في فرق تاني بيني وبينك انو انا متصالح مع كون اني ود اقاليم والخرطوم خلعتني كون اني اشوف العاصمة اول مرة ، لكن انتا وبحكم انك ود اقاليم لكن بفصلك بس كوبري من الخرطوم ما عايز تتصالح مع الحتة دي بتكابر ساكت وعايز تعمل بلدكم احسن من الخرطوم :)
اها دي الإسنة النوع البتجيك تلاتة باصات وتسميها و تلعبها براك وتاخدها في قبولك البقولوا عليها ياخوانا دي مش "أمدرمان تحتضر" زااااتها
____________________ تنظير ياخي قلنا ليك روق و احلى لمّا يجي دور باغة العسل بتاخد فرصتك كاملة
بالله يا حمد ما تخمنا حنك ساااي.. لا متصالح مع نفسك لا شتتيين.. نوعك ده بعرفو كويييس انا يا حمد.. نوعك ده يامان بيكون النوع اللمن اللوري حلّا بيو دقات قلبو زااادت وجااتو خمة نفس.. طبعا إنتو النوع البيدخل الخرطوم الساعة 12 ضهر داك بعد ما بدات الرحلة امبارح.. اها بتجو تعبانيين بتقومو بتدوها نومة .. أها لممن تصحى العصر كده بتحس بي الشمس فاااقعة كده واضنينك بتصصصن وبتحس انو الجو بندر بندر كده وبتدخلك غبطة وسرور كده فبتقوم بدوون ما تشعر بتطلع ميدان الكورة الجمب بيت الناس المشيتو ليهم وتقعد في ركن قصي تتفرج في الناس وشوية شوية تتسحب تجيب ليهم الكورة من برة و بكرة تجي من بدري صاح بيعزلوك اخر زول لكن بتخش تلعب لكن طبعا اليوم داك كوورة وااحدة ما بتهبشا ..بعد كم يوم تقوم تحصل شكلة في الحلة وبما إنك ود اقاليم بتقوم تظهر ليهم الجانب ده من الشجاعة وتضارب معاهم ومن بكرييتو تبقا ود حلة زييك زييهم وتنصهر في المجتمع عاااادي ..
الإهداء لي حمد فتح الرحمن والحبيب طلحة .. وفي هذا العمل الغنائي إجابة لتساؤل فيصل نوبي للوسائل التي استخدمها اصحاب فروق الوقت في الدخول للعاصمة ..
Post: #448 Title: Re: tmbis Author: حمد فتح الرحمن Date: 06-15-2013, 09:52 PM Parent: #446
Quote: طبعا إنتو النوع البيدخل الخرطوم الساعة 12 ضهر داك بعد ما بدات الرحلة امبارح.. اها بتجو تعبانيين بتقومو بتدوها نومة .. أها لممن تصحى العصر كده بتحس بي الشمس فاااقعة كده واضنينك بتصصصن وبتحس انو الجو بندر بندر كده وبتدخلك غبطة وسرور كده فبتقوم بدوون ما تشعر بتطلع ميدان الكورة الجمب بيت الناس المشيتو ليهم وتقعد في ركن قصي تتفرج في الناس وشوية شوية تتسحب تجيب ليهم الكورة من برة و بكرة تجي من بدري صاح بيعزلوك اخر زول لكن بتخش تلعب لكن طبعا اليوم داك كوورة وااحدة ما بتهبشا ..بعد كم يوم تقوم تحصل شكلة في الحلة وبما إنك ود اقاليم بتقوم تظهر ليهم الجانب ده من الشجاعة وتضارب معاهم ومن بكرييتو تبقا ود حلة زييك زييهم وتنصهر في المجتمع عاااادي ..
ما شاء الله عليك يا عمر اهو كود اقاليم زيك زينا عايش نففففس شعور المشية للخرتوم :) بس الفرق انا رحلتي بتبدأ امبارح وانتا رحلتك بتبدأ الصباح بدرررررررري :)
لسة بدري يا ود البشرى .. مازال الليل طفل يحبو :).. يا حمد الاحساس ده صااااح انا مجربو في صاحبنا اسمو سيد احمد لما جانا ..ولما بدا ينصهر في المجتمع في أووول قعدة بووش جاب اخرو ..
اها إن شاء الله الأغنية عجبتك ..
Post: #450 Title: Re: tmbis Author: حمد فتح الرحمن Date: 06-15-2013, 10:07 PM Parent: #448
Quote: الإهداء لي حمد فتح الرحمن والحبيب طلحة ..
اسه يا عمر لو قتا ليك العمل دا والاعمال التانية المصاحبة ليه سمعني ليها نسيب سيد الشي ذاتا بتصدقني
Quote: اسه يا عمر لو قتا ليك العمل دا والاعمال التانية المصاحبة ليه سمعني ليها نسيب سيد الشي ذاتا بتصدقني
كدي أووول شي قول لي بتفهمني ؟ :) :) :) بعد داك بنجي لي حتة التصديق :)... ما فهمت سيد الشي منو ونسيبو منو يا ربي بانقا ولا عبد القادر سالم ولا الموصلي البي ورا بيوزع ولا ولا ولا :)
Quote: اسه يا عمر لو قتا ليك العمل دا والاعمال التانية المصاحبة ليه سمعني ليها نسيب سيد الشي ذاتا بتصدقني
كدي أووول شي قول لي بتفهمني ؟ :) :) :) بعد داك بنجي لي حتة التصديق :)... ما فهمت سيد الشي منو ونسيبو منو يا ربي بانقا ولا عبد القادر سالم ولا الموصلي البي ورا بيوزع ولا ولا ولا :)
Post: #454 Title: Re: tmbis Author: حمد فتح الرحمن Date: 06-15-2013, 10:24 PM Parent: #453
يا فردة واحدة وحدة ما انتا ودا شنو سنترا وبتفهما وهي في الجو بتقلب هوبة وللا بتعمل ايه ما عارف ، فرد زي ما فهمتها ياخ رد ساكت عليك الله :) موش انا برد ليك على الطاير وعلى قدر فهمي :)
Post: #455 Title: Re: tmbis Author: حمد فتح الرحمن Date: 06-15-2013, 10:33 PM Parent: #454
Quote: يا حمد الاحساس ده صااااح انا مجربو في صاحبنا اسمو سيد احمد لما جانا ..ولما بدا ينصهر في المجتمع في أووول قعدة بووش جاب اخرو ..
مين سيد احمد ؟ اسه بحكي ليك عن احساس كم عمرو جانا من قلبا وللا ضنبا ما عارف وبدا ينصهر في المجتمع من اووول قعدة بووش جاب اخر جدودو :)
يعنى بعد المدافرة والمعافرة ومحاولة إثبات أنو كيلو الهوا ما أتقل من كيلو السكر!!! وين القصة الراجنها والحارنها من قولة تيت فى البوست دا!!! والجماعة البجو مكابسين آخر صفحة ويعمل ليك فيها هو فهم القصة وما محتاج يراجع!!
Quote: Quote: توجد جنية
Quote: والله أهو منتظرين وبعد خور توتى وورا مسجد النيلين نمشى تحت كبرى شمبات.. تحت جوة خالس خالس.. يا تامبا تعال بى جاى ونطلب من بوكو حرام يفقل البوست دا قدامى لعيبة بس,, براعم وناشئين ما معانا,, نحن برضو مشتاقين والله,, _______________ يا فلة روق سااى,,
Quote: وتوجد عروس بحر ريحتا سمك سمك!!!!
إنا لله !!! خرتمية صفحة وما أديتونا فرقة نعرف القصة!!!
وهسبى الله أليك يا فيسل نوبى ,, يا تمبس والله ما عافى ليك,,,
البوست إمتلأ بمغالطات لو وقفنا عندها ما بنضمن بعدها الموقف يكون شكلو شنو خاصة مع أخوانا أصحاب الدمعة القريبة وسريعى الحمبكة,,
ناس ركن النقاش بتاع الفنادق فى أم درمان لدرجة مشوا يسألو عمهم قوقل !! الموضوع دا تطرقنا إليه فى ونسة عابرة فى صفحة إتنين وأديناكم ليهو ساندويتش!! ضياع الزمن فى شنو!!!
يعنى بالعربى كدا أهل السودان كلو لما يسألو زول إنت من وين وتقول أنا من الخرطوم يا حكوها معاك وراجعو معاك إجابتك يا سكتوا منك وختو فيك راى,,
بكون نفسهم يسألوك يعنى قبل مية ميتين سنة كنتو من وين!!!
المقصود إنو التركيبة مكونة من كل قبايل أهل السودان فمن أى صوب نزلتم هذه البلاد!!
مدخل سغير,,
إذا إنت ما ود الخرطوم,,, مشكلة ابدا مافى ولا ينقص ذلك ابدا شيئا بل يزيد فى بعض الأحيان وتجربتك الحياتية أكيد محل إعجاب وإحترام وتقدير وين ما كنت ووين ما جيت,,
وجهل أبناء الخرطوم بتجربتك يساويه جهلك بتجربتهم مما يجعل القصة تعادل,,,
لما يلقاك واحد مشنقط البدلة وبتفلسف ليك فى واحدة من عواصم الدنيا وعامل فيها سيدا وتكتشف إنو الزول دا جا ماسح الخرطوم مارش وكل القصة ترانزيت سريع ومنها إنطلق,,
هنا (شق الديار علم) وحقو محفوظ طالما لم يتجاوز حدود الشغلانة!! لكن لو حصل غير ذلك فهذا الشخص تنقصه تجربة فكرة (الحضر) فى بلده الأم وتلك والله مصيبة وممكن تبقى ثغرة كبيرة خالس لو إتلحك زول عارف العوجة دى فيك,,
أو ود الخرطوم الماعاارف بعد سوبا أو بعد أم ضريوة أو القطينة العيلفون والمرخيات فى شنو تانى وفى منو من البشر !!!
أمثلة حية لتجارب منقوصة ..
قبل أن نواصل:
طلحة شايت على وين ولا أخفى إعجابى الشديد بمداخلاته,, أخونا عزيز,,, إنت من توتى؟؟ تمبس ما جا يتم لى قصتى الطالبو منو من صفحة واحد مالو الزول دا لو فى زول زعلو يكلمنا..
Post: #457 Title: Re: tmbis Author: حمد عبد الغفار عمر Date: 06-16-2013, 07:16 AM Parent: #455
طلحة يا فردة ولا يهمك أصلو تغييب الحقائق دا سمة سائدة في مجتمع الفرحانين
يعني هسة شوف زي نوبي دا بقلب في الحقائق التاريخية والجغرافية كيف ؟ يقول ليك أهل العوض
النوبة معروفين تاريخيا وجغرافيا من ياتو منطقة يعني هسة لو قلت لي حلفاوي ولا محسي ولا دنقلاوي انت ما من منطقة النوبة بزعل
هسة شوف عماد عبد الله دا من حمد جاب سيرة دنقلا اتذكر عصير البلح بتاع دنقلا داك ودخل ليك في حالة بتاعة سلطنة كدا عجيبة في اللحظة ديك لو لقى عمر الفاروق دا قداموا كان طلعوا برا الحدود ولو سألتو من الديم حيكبس ليك للديم وللعمارات وأبو أهلها وعلى ذلك قس صلاح عبد الله ودينا الدنقلاوية القالت ليك انتو ما عندكم معجون ولا شنو كدا ما عارف بس ما تعصر على الدناقلة ديل عشان ما نخسر ود البشرى لأنو زميل كفاح في مدني وبعدين ود البشرى دا ياهو البحلك معاه كاروشة لو وقعت في كماشة أساسي وفاروق وتمبس صدقني ما تحكها معاه شديد خليك حصيف
نجي لموضوعنا بتاع أساسي ، أنا غايتو حسب تصوري أساسي دا علاقتو بالعاصمة منتصف السبعينات أو أقلها يعني أبوهو أو جدو بالكتير جاء لابس توبو وشايل عكازو وجاء قعد مع أهلك ناس أرباب العقائد في بري وفي النهاية حنو عليهو أدوهو بيت وياها القعدة يعني أساسي دا عادي تسألو تقول ليهو كايرو جلابية هي شنو يقول ليك محل بوهيات أو أسندكو شنو يقول ليك محل تمباك
أما ما يخص عمر الفاروق وتمبس فالواحد بيحترم جيرتم لينا في أمدرمان والواحد بيخشى أنهم يكونوا ساكنين في بيوت أجدادنا القدماء قبل ما يزهجو منها ويمشوا ينتشروا في أقاليم السودان
وفي النهاية لما ترجع لمكانك يقولوا ليك حنينة يا أمدرمان ، لذلك خليها مستورة قبل ما الواحد يتسلطن ويبدأ فيهم رش
Post: #459 Title: Re: tmbis Author: فيصل نوبي Date: 06-16-2013, 07:46 AM Parent: #457
حمد لبد ياخ إنت ما عندك أي طريقة تتفاصح ؛ و هسي بنقوم نجيب سيرة ( الورد) فلور أون ذا استيدج ( تقراء جيماً معطشة) هسي دي كانت حركات أولاد بندر !
Post: #460 Title: Re: tmbis Author: إدريس محمد إبراهيم Date: 06-16-2013, 07:57 AM Parent: #457
Quote: سلامات أخوي فيصل .... وكل الحبايب ...
Quote: اي والهل يا نوبي .. تصدق وتأمن بالله .. يصادف انا شهر شهرين ما ادخل المكان دا .. خوف سااااي بقيت ما بدخل .. خوف من اللذاجـــة دي .. الواحد يدخل فيك لذاجـة طول عمرك ما تمرق منك .. بقيت عامل لي ماوسين يا نوبي .. واحد باليمين وواحد بي يدي الشمال .. ادخل البورد كلما اللقى لي اسم من الاسماء اللذجــة دي ... بكون شغال زي البنشل في مويـة من البير .. ظييييييييييييييطك لي تحت ظييييييطك لي تحت بالجمبه التانية .. ياخ انا ذنبي شنـو ؟؟ بعدين بي صراحة كدا في واحدين والله لو ما الدنيا نترنت ساااي .. سيلي الله الحتة القاعد فيها ما يجو مارين بيها حسع دي الواحد يكتب ليك ويقل ادبو وعايزك كمان تجي ترد ليهو بي سرعـة .. انتو الانترنت دا مجنون واللا مالووو ..؟
Quote: بصراحه يا تامبا يا صاحبي .... إنت من الأول كان توريهم - على قولك - منو الشطّف القرد ... عشان يعرفوا حاجه .....
آآآآه .... يا تامبا ياخ ..... دنيا .....
مع خالص ودي وتقديري ؛؛؛؛
تامبا يا صاحب دي شكلك ما شفتها ...وله جليتها ما عارف .... لكن تعال النقول ليك ...
يعلم الله يا تامبا أخوي إمبارح القريبه دي كنا في سوق الدهب بتاع المرقب داك الما بيغباك يا خوي .... أنا والأولاد .... وبعدين وأنا واقف مع واحد من الجماعه البيلحموا الدهب ديلاك لاحظت ليك وجود طفله سودانية في منتهى الجمال في الثامنه من عمرها تقريباً ...ومعها أخوها الصغير ينتظرون ذات الشخص ومعهم مندوب من محل حتى ينهي لهم عملهم ... قلت ليها إنت إسمك منو يا حلوه .... قالت لي : حباب ..يتقري وين يا حباب ... قالت لي في سنه تانيه بمدارس القبس في السودان .....سألتها ... حباب منو ؟ ... قالت لي حباب محمد عبد القادر ... بتاع (بعد الطبع داك) ... قلت ليها يا سلام ... إنت بت الأستاذ / محمد عبد القادر الصحفي المشهور ... الحقيقه أنا ما بعرف أبوك بصورة شخصية ... لكن بعرف صاحبو علاء الدين منصور ... فصرخت حباب وقد تهلل وجهها ...ومعها أخوها الصغير ... (حاتم أو حازم على ما أذكر) تمبس .... يا سلام عمو تمبس .... إنت صاحب عمو تمبس ... ومسكتني بكلتا يديها الصغيرتين في فرح غامر .... ثم ركضت ودخلت المحل الثاني ... وعادت لتقول لي استني يا عمو ما تمشي ... ماما جايه تسلم عليك .... وفعلاً بعد قليل جاءت والدتها تحمل طفلاً صغيراً .. ومعها سيدة أخرى وسلما علي بحراره ... وقالت أم حباب تمبس راجل أخونا وعزيز وغالي ... هو وزوجته د. داليا ... وعلمت منها أن الأستاذ قد رجع للسودان قبل يومين ..وهم سلحقونه كذلك بعد أن أدوا العمرة والحمد لله .... فأخبرتها أن زوجتي معي هنا في السوق ودعوتهما للذهاب لمنزلنا وسوف أقوم بجلب زوجتي لتدعوكما بنفسها ... فاعتذرت بلطف ..لانهم يستعدون للسفر والعودة لأرض الوطن خلال يومين ... فودعتهما ...وحيتني الصغيرة حباب بحرارة وهي تقول ... سلم لي على عمو تمبس ....
هذه هي قصتي مع الطفلة الصغيرة الجميلة حباب .... أرويها كما حدثت بالأمس .... وما عارف هل هي في ذات السياق أم لا .... وهل هي تدعم كون السيد / تامبا واحد من المشاهير جداً .... أم لا ... أرويها وأنا لست من سكان حي أم درمان العريق ... أصلاً أنا شبيت في الحله الجديدة بجوار أبو حمامه .... وأسكن الآن في منطقة بحري .... ولكن الواحد بيقول النصيحه .... كان تزعل ولا ترضى يا أساسي أخوي ....ههههههه ...
مع خالص ودي وتقديري للجميع ؛؛؛؛؛
Post: #461 Title: Re: tmbis Author: مرتضى احمد عبد القادر Date: 06-16-2013, 08:22 AM Parent: #460
يا أساسي يا عايش في دنيا من أوهام خيالك .. محاولة ضرب تاريخ أمدرمان تعتبر محاولة لضرب تاريخ الدولة السودانية الحديث .. قلته لي أمدرمان كان بتقدم الترفيه للخرطوم هو أنت قايلو ترفيه بس يالغبيان !!! أمدرمان يا العشا بي لبن قدمت للسودان كل الممكن وبعض المستحيل .. أولاد أمدرمان في الكورة والشعر والغناء يبكوكم وفي الدين والعلم والثقافة والسياسة يبكوكم وعشان ما يكون كلام ساي لو أخدته ليك لفه في شوارع أمدرمان مع واحد من أولاد قلبه، كل ما تدخلو شارع أسألو وحيوريك دي شارع ناس منو والإتولد هنا منو ودا بيت ناس منو حتكتشف إنو حوالي 75% من تاريخ السودان الحديث صنعوهو أبناء أمدرمان بغض النظر عن رأي الناس في الشي دا كعب ولا كويس لكن دي الحقيقه شئنا أم أبينا هاك شويه من أولاد امدرمان عشان تعرف إنو أمدرمان قدمت للسودان كل الممكن وبعض المستحيل: أولاد الشيخ قريب الله الشيخ مجذوب مدثر الحجاز عوض عمر الأمام معاوية محمد نور علي المك عبد الكريم ميرغني خالد أبو الروس اسماعيل خورشيد صلاح أحمد إبراهيم إسماعيل الأزهري مبارك زروق عبد الله خليل عبد الخالق محجوب جعفر نميري هاشم العطا أبوالقاسم محمد إبراهيم طلعت فريد منصور خالد فاطمة أحمد إبراهيم فاطمة عبدالمحمود بخيته أمين آل بدري آل المهدي آل البرير آل أبو العلا عتيق عبد الرحمن الريح كرومة سرور عشة الفلاتية حواء الطقطاقة شاخور صديق منزول جكسا كمال عبد الوهاب قاقرين ::::::::::::::::: ::::::::::::::::::::: ::::::::::::::::::::::: والأسامي والأسر تطووووووووووووووووووووووووول يا إسئس إستهدى بالله وألعن الشيطان وأستر جهلك بموطن من صنعو تاريخك .. ولو فتشته أي مجال حتلقى معظم البعاعيت فيهو من أولاد أمدرمان
Post: #462 Title: Re: tmbis Author: omer osman Date: 06-16-2013, 08:31 AM Parent: #461
Quote: طلعت فريد
ده جارنا في نمرة 2 يامورتا ............
Post: #463 Title: Re: tmbis Author: عمر الفاروق Date: 06-16-2013, 08:37 AM Parent: #462
عمر الفاروغ بيض بالبوست بل عملو طبق بيض كامل . مورتا في عودته كان اكثر من عايدي وليس محفزا للرد انا جني وجن التسميع دا , ما محفز للخيال ولا للرد المبدع دايرين الناس الشردت ناس وليد وتمبس ومن لف لفهم
... .. . با ناس ام ادرمان . . انتوا ام درمان بقت زي المكان الفلق به سيدنا موسى البحر وجيتوا عشتو فيها .. هسي عمر الفاروق دا تفتشو جدو تلقاهو مولود في كجرا الدراويش
Quote: دايرين الناس الشردت ناس وليد وتمبس ومن لف لفهم
ياخ البوست دا لما ليهو كمية عجيبة .. ناس من الخرتوم وبري بشتى فروعها .. وناس من الاقاليم والضهاري بوست عامل زي الفنون الشعبية وايمن الطيب الله يهديهو يكلم مورتا واساسي يقول ليهم خلو تمبس يجي يحجينيا بالبعاتي .. .. دا كلو كوم .. ناس الجزيرة العربية والجماعة البجو داخلين العاصمة بي طوف بتاع طرور وبعض من حمبك العشر ديل خلوهم .. انا في وراسلكم حمد من دنقلا دا ..؟ يا حمد ياخ انا في حصة دنقلا التاريخ لما كانو بجيبو لي سيرة دنقلا العجوز بقعد ببكي .. ليييه ما عارف
Quote: ياخ أنا سألتك من قولة تيت وقبل ما ناس السيرة ديل كلهم يجو!!
والله يا ايمــن اكان انمهلته لي . بجيهك جنس جيهه .. انمهل ياخ .. انمهل الله يرضى عليك .. ..
Quote: عارفك حنين والله ، البيئة ما واااحدة الما ببيك شنو :)
.. اهو يا جماعة شوفو زي اخوكم حمد دا استفاد من قعادو في البوست دا كيفن ..؟ حالتو جا متأخر
Post: #474 Title: Re: tmbis Author: عمر الفاروق Date: 06-16-2013, 10:41 AM Parent: #471
والله يا تمبس ما قلت إلا الحق.. صراااحة مبسوووط جداً من إرتفاع مستوى حمد فتح الرحمن وشكلي حا أضمو لي القائمة بتاعتي بتاعت الناس اللي ممكن يجي منهم في البورد بإفتراض إنو البورد ده لي اللهو والضحك ليس إلا .. حمد إستفاد جداً من مرور اللوري بامدرمان خصوصاً وإنو مع رهق القهاوي ورمي الصيجان اثناء توحيلات اللوري وأكل الربيد بيكون معدل إشتياقه للبندر وصل مراحل متأخرة ..
Quote: تامبا يا صاحب دي شكلك ما شفتها ...وله جليتها ما عارف .... لكن تعال النقول ليك ...
استاذ ادريس الله يديك العافيــة .. والله شفت المداخلات كلها ف يالبوست اللذيذ دا .. وبالجد الواحد عايز يرد لكل مداخلــة براها لانو طلعنا شوية من المود بتاع كتلو وضربو رماهو .. وخلانا نتونس شويـة .. نعم يا ادريس ..اخونا الاستاذ محمد عبد القادر اخ وصديق عزيز جدا ربنا يديهو الصحة والعافية .. كانو في زيارة اجازة سنوية صغيرة هو وعائلتو الكريمـة .. وقضينا فترة بسيطة مع بعض واكرمونا بزيارة خاصة خرجنا الاسرتين .. لكن ضيق الوقت ما سمح لينا انو نتقابل بشكل جيد .. محمد عبد القادر من ضمن الاصدقاء والاخوان الذين استظل بهم ، وألجا له في الكثير من الأمور واجده دائما في الموعد .. التحية ليهو ولي اسرتو .. وربنا يجمعنا في الساعات الجميلة دائما ..
Post: #472 Title: Re: tmbis Author: Salah Abdulla Date: 06-16-2013, 10:35 AM Parent: #470
Quote: خلو تمبس يجي يحجينيا بالبعاتي ..
ههههههههه..وأخخخخخخخ. يا سلالالالالام على الونسة ياخ.. إبداع يا بن خالتي، أضحكك الله.
اللهم لا تمحنا ولا تبلينا ........... يا أيمنوف كلامي واضح وشوتي واضح ومركز جدا .. الخرتوم دي حقتي أنا بوضع اليد وباالسكن ....... عندي فيها بيتين وجامع كبير .. كوني مشيت أشم هواء في العزبة ومزارعي الحدادي مدادي على بعد 60 كيلو متر دا لا يعني بأية حال من الأحوال انو يجونا البدو الرحل لينيخوا نوقهم قدام حرم بيوتنا عشان لما (تبعر) يومين تلاتة يقوموا يسوروا بعرها دا بشوية لساتك ويزعموا أنهم ولادة خرتوم زي ما قاعدين يعملوا الجماعة الفوق ديل . أمغيظ وأمضحك حاجة في البوست دا هو الدوخة الظاهرة على ناس فيصل نوبي الما عارف رأسو من قعروا .. تقول ليهو عندي أملاك في الخرتوم يقول ليك البص بتاعكم فيهو فرامل ولا جاريهو فيل ؟ مع إني كلمتو قبل كدا قلت ليهو شفعنا لما يحبوا يجوا معرض الخرتوم عشان يتفرجوا في الحناكيش قاعدين يجوا عوم ساي ويرجعوا بى دربم .. واللا جرجير اللا في العير ولا في النفير وماسك ليهو صابونة دا .. لغاية هسع والله ما عارف الدعي من وين في البلد .. مع العلم إنو الجرجرة والتحشر القاعد يسو فيهو هنا أقصي حاجة ممكن يوصلوا ليها إنو يكون زي ناس أساسي ديل لغاية هسع قاعدين يظهروا الفنلة الداخلية الجديدة تحت القميس لما يكونوا عايزين يمشوا السوق اعتقادا منهم انو دي هي ياها الخرتمة والبندرة ( من بندر) ... مجرد فنلة داخلية جديدة أو حمام بصابونة لوكس . عايز أقول انو الزول الوحيد في البوست دا الفعلا ممكن تقول عليهو ود خرتوم (زيي أنا) هو صلاح عبدالله وهو طبعا بما انو ود خرتوم فتاليا ود ام درمان وبحري بما انو الاتنين ديل منافع للخرتوم .. أما الباقين فهم مجرد متلبطين متلصقين فاكين الكضبة ومصدقنها زيهم وزي جرجير الفوق دا بالضبط . وقبال ما أنسى عايز أقول لناس الطلوع بالفنلة الداخلية الظاهرة تحت القميص كنوع من الخرتمة انو أنا مشيت لمزارعي عشان ألبس مما أزرع .. كلما أكون عايز لي فنلة داخلية واللا جلابية واللا طاقية بمش أزرع لي نص فدان قطن وأجمع القطن وفي محلو أعمل العايز أعملو من هندام ألبسم وأجىء راجع أمش أجمع حق الإيجار من بيوتي الفي خرتوم جدي .. لكن اليوم البلقي فيهو الشغلانية ما جايبا حقها فلن يكون أمامي خيارا سوي أن أطرد ناس قريعتي راحت ديل من بيوتنا عسي ولعل يكونوا عاملين حساب ختة الرأس في فيافيهم ووديانهم البعيدة . في النهاية عايز أقول للنوبة أم درمان دي حقتم برضو عندكم فيها نص بوضع يد والدة (درمان) التاجر القديم .. الباقين دخلاء أو نازحين أو رايحين ليهم الدرب ليس إلا . أخرجوا من مضاربنا يا هولاء.
Post: #476 Title: Re: tmbis Author: عمران حسن صالح Date: 06-16-2013, 10:51 AM Parent: #473
حسي بوست زي ده آخد ليهو إجازة خمسة يوم ولا كيف ؟ نوبي مالكـ ياخي ؟ ...... تمبوش ده زاتو وين لقى وكت يجي يتابع النقة دي سطر سطر كرهتونــا
Post: #478 Title: Re: tmbis Author: عمر الفاروق Date: 06-16-2013, 11:01 AM Parent: #473
طبعاً اخونا وحبيبنا طلحة ده انا نوعاً ما عرفت ليكم بالشبط شايت على وين ...أو حقيقة وبتعبير أكثر دقة شووتوهو على وين .. طلحة واضح جداً إنو عندو ( جدّن ) ليهو عاماً أول ناداهو وبرّكو فييي بطن الوطـــة دي وقعد يرسم ليهو بالعكاز في الوطـــــة : شايف يا ويليدي الحتة المممننن الأسكلا لحدوووت الكشافة البحرية دي ..زمااان أدووني ليها وانا ابيييتا ..قلت ليهم شنو بدووربها ..قاموا قالوا لي خلاص شييل ليك حجر وأرمييهو في الحتة الحدا منطقة أنجضو ديك ..أها محل مااا الحجر يقع الحتة دي كلللها حقتك .. يا وليدي زمان الدنيا كانت بي خييرا والخرتوم دي ماف زوول بيدورا .. أسسسة جدك حاج اللمين ود بكر ده شايف الحتة بتاعت السوق العربي دي ..ادوها ليهو ساااي واباها .. قاموا خيروهو بين الاراضي التحت البحر جمب بري ديك وبين انو يدوهو تيراب للحواشة اللتو .. قام شال التيراب .. أها بناء على هكذا حكاوي نص الجماعة بتاعين فروق التوقيت ديل حاسين إنو الخرطوم حقتم ..
ههههههههههه يا أبو عمير أقول ليك بيتنا في الجريف غرب مأجرنوا للحبش وبيتنا التاني في الخرتوم تلاتة مأجرنوا لى شركة تقول شخيط واطة وعصاية قنا .. وخليك من البيتين ديل أنا مستعد اجيب سبعتاشر تمنتاشر شهادات بحث لأملاك تانية في قلب الخرتوم العايزين تقلعوها كواريك ساي دي .. وأتحداك إتا تجيب لي شهادة بحث واحدة لحمام نص متر في الحزام اللصفر الحوالين الخرتوم .. إتوا يعني الغلاط والزوغان دا فيهو موية سكر واللا كيف .؟ أخرجوا من مضاربنا ياخ ..
Post: #480 Title: Re: tmbis Author: وليد محمد المبارك Date: 06-16-2013, 11:25 AM Parent: #479
Quote: غايتو يا وليد من ما دخلوك في المشروع داك وزوّروك لنضن (كما يقول اساسي) طبعك إتغيّر ..
طبعي اتغير شدييييييييييييييييييييييييييييييييييد
Post: #481 Title: Re: tmbis Author: وليد محمد المبارك Date: 06-16-2013, 11:36 AM Parent: #480
يا صلاح عبد الله
هسع الديم الا تخشها ومعاك مترجم حبشي .. حتين تقدر تعيش فيها والله عندكم حبشيات سمحات خلاس بعدين يا صلاح هي الدين دي محسوبة مع الخرطوم ؟ ياخ الخرطوم زاتها مسمياتها القل الخواجة قبيل تخلع ..
قلت لي حي هواء ضرباني ؟!
ودي شنو التسميات البتشبه القير بتاع العربية نمرة واحد ونمرة اتنين ونمرة تلاته
الخلف وين
________________
بالنسبة لتاريخ الخرطوم وتوتي وما اليه
اساسا المحس اول ما تزلوا نزلو في الصبابي .. بعد داك مشو توتي منهم فرقتين رحلو واحدين مشو الخرطوم والتانين رجعو شمبات
ده كله حصل وامدرمان فيها ناسا خصوصا منطقة الموردة وخور ابعنجة ومنطقة ابروف تحت وحي الدباغة ومنطقة كرري العجيجة وناس اب سعد
Post: #483 Title: Re: tmbis Author: وليد محمد المبارك Date: 06-16-2013, 11:41 AM Parent: #481
يا صلاح وصف لي بيتكم وين في الصورة دي
علما انو الصورة دي سنة 1927 يعني ما بعيد
Post: #482 Title: Re: tmbis Author: عمر الفاروق Date: 06-16-2013, 11:40 AM Parent: #480
يا طلحة ياخ وليد ده قال ليك الامريكان قالوا اقدم بني ادم لقوهو في خور ابو عنجة .. أها غااالباً كده الزول ده بيكون جدي محمد الله يرحمو ... تقول لي شهادة بحث !!! ياخ إنت ما سمعت السيد الصادق المهدي لمن كان بيحكي عن طفولته قال كان بيقضيها وين وفي بيت ناس منو ؟؟ كدي أرجع احضر الحلقات دي ووريني سمعت شنو من حفيد المهدي ..
يا أبو عمير فضي نفسك يوم من الأيام ونوم بدري عشان تقوم مع صلاة الصبح تنزل الخرتوم وتختف رجلك لغاية السوق العربي والقي نظرة على الجامع الكبير بلتقي مكتوب عليهو ( مسجد أرباب العقائد ) ولو ما لقيت كدا أسأل قرب واحد من المعتكفين جوة الجامع ديل قول ليهو ( الفجة) دي بتاعت منو ؟؟ ح يوريك . أرباب العقائد مؤسس الخرتوم وأحد تلاميذو يعتبر ولدو برضو إسمو المنوفلابي وهو محسي شال حاجاتو وقطع بى هناك أسس تلاتة أرباع أم درمان .. وبالنسبة لي بحري دي كانت مراعي وزرايب لغنم وأبقار وإبل جدنا .
Post: #485 Title: Re: tmbis Author: Salah Abdulla Date: 06-16-2013, 11:52 AM Parent: #482
ويييييين يا ولّي ياخ ....
تصدق وتؤمن بالله يا مواطن، صورة سنة 27 دي ضبطتها وقدر ما احاول انزلها تحرن لي.. وبعدين إنت ما سمعت أنا دستوري نازل في الخرطوم تلاتة، وين وين وين سميري...
قلت لي الخلف.. أخخخخخخخ.
Post: #486 Title: Re: tmbis Author: وليد محمد المبارك Date: 06-16-2013, 11:58 AM Parent: #485
Quote: فضي نفسك يوم من الأيام ونوم بدري عشان تقوم مع صلاة الصبح تنزل الخرتوم وتختف رجلك لغاية السوق العربي والقي نظرة على الجامع الكبير بلتقي مكتوب عليهو ( مسجد أرباب العقائد )
يا وليد أبو صور كتيرة في لندن ووين ما عارف .. كلامك صاح انا قصدي الجامع التاني العتيق المكتوب عليهو جامع أرباب العقائد .. ما الجامع الكبير المقابل عمارة الدهب دا .. قلتا لي مشيت وين ووين ووين .. ههههههه غايتو ذكرتني شفع العيد لما يلبسوا الصباح بدري هدومهم الجديدة ..
Post: #495 Title: Re: tmbis Author: مرتضى احمد عبد القادر Date: 06-16-2013, 12:18 PM Parent: #488
مورتا الله يحرجك, دي شنو اللستة العايدية الجبتها دي ________________________________ يا حسبو كنت عايز أزق عوض كباكا وحسن أب عمة في النص لكن قلته يجي واحد شليق يكشفهم
لا جامع فاروق يا أبو عمير وهو برضو جامع كبير بس ما المقاصد عمارة الدهب .. جامعنا دا الاجازة الفاتت دي كنا عاملين فيهو حولية .. وجونا فيهو الناس الضيوف والحيران أكلوا الفتة ودعوا لى جدنا بالرحمة .
والله يا وليد مع إني ما بحب القووقلة .. لا حولا لا قووقلا .. لكن قلبي أكلني لمن سمعت ارباب العقائد مع الجامع الكبير دي لأني قبل فترة سمعت قصة في التلفزيون عن الموضوع ده .. أها خشيت أقووقل وفعلا لقيت القصة فيها المهدي وتهديم و ترجيع وصلى بها أول جمعة له بعد الفتح و و و .. المهم قلت اجيبا لي طلحة هنا لكن تاني استبيضت الفكرة لأنو صراااحة جني وجن حكي قوقل ده .. لما جيت راجع اقول ليهو قصة الجامع الكبير دي لقيت ردمتو بي الصورة .. لكن انا على قناعة بي إنو طلحة زول كويس وما هي إلا محض ذلة كيبورد فقد سامحناه ..:) :) وهو عندي من الصادقين ..
تخريمة : أييي زول بيعتقد في شداد هو عندي من الناس الكويسيين :)
يا أبو عمير لو رشيتنا زي ما قال ليك وليد المبارك كدا برضو كويسة معاي .. وطبعا ح أجي في أول لفة أقول ليك دا شرك ليك عشان تؤكد بى عضمة كيبوردك انو جدي عندو أملاك ومعالم في خرتومو .
طبعاً يا وليد ناس الخرطوم ديل عندهم معطة كده لما تكون قاعد معاهم وترميها ليهم شرك الله لا وراااك ليها .. اللي هي وانت قاعد مع اولاد الخرطوم القداام ديل قوم ارمي ليهم الوهمة بتاعت والله يا جماعة انا لحدددي أسة بتلخبط في الخرطوم 1 و الخرطوم 2 والخرطوم 3 ما عارف افررق بيناتهم كيف!!؟؟ يللا بعد داك جر كرسيك وأقعد إستمتع بي المعط على أصوولو وهم بيتغالطو لالالا خرطوم واحد من بيت الشيخ مصطفى اللمين وانت مااش.. لالالا ياخ ديك خرطوم اتنين ..خرطوم واحد داخل فيها نادي الخرطوم جنوب .. لالالا ياخ ديك المقرن .. لالالا ياخ نادي الاسرة في الخرطوم 3 .. و و و و و و
يا الأرباب طلحـــة .. اكان صلحتها معانا احتمال نسميك طلحــه أرباب العقايد .. يا طلحـة صلاح ادريس .. انت دافع حاجة ..؟ شابكني دبس ونحن نقبض السمك .. ونعمل شنو للتمساح ما عارف ونحفر صارقيل من بيت ناس المامور .. طلعته ارباب العقايد ما ناقشو بي وووين ..؟ يعني اكان سكتو ليك الجماعة كان خميتني انا عادي لاني ما عارف الخرتوم ذاته بي ووين مش كدا ؟؟ جاي من شبه الجزيرة عايز تتجدع فيني لاني ما بعرف الخرتوم ..؟ اها شفوت سنترا رقدو ليك بالخيرة .. والتقنية .. بعدين شنو عايز ساردين .. ودلفين وتونـا وبتاع ؟ ياخ انت البلطي حقنـا دا تلم فيك شوكـة تتعارض ليك في حلقك تجيب لينـا رقبــة .. بحر شنو يازول الجاي تفتي لينا فوقو وانت زول ترعــة ساكت وكنارات .. .. شفته في حاجة كدا اسمـه الروبيان .. اها دي فيها نوعيـة كدا مزاجـة عالي جدا .. جنها وجن الكواريك والجوطــة زي بتاعتكم في الحلة هناك .. الروبيان انواعو كتيرة .. لكن النوعية دي بالذات حساسة جدا .. لما تلقى ضوضاء ونقـة كتيرة .. لونه بتغير ببقى احمر عديل كدا .. يعني ما عايزه ازعاج .. يعني النوعية دي يا حبــه ,, لو جيت ماشي بي جمب الميعة حقته ساااي احتمال تفتح فيك بلاغ .. شابكني بتشركو بي توب وتغطسو ..
.. يا حسبــو .. ياخ الصورة الجبتها من خور ابوعنجـة دي مبالغـة .. طبعا عادي جدا ممكن نمشيها ليك في الجماعة ديل ونقوليهم دي البندقيـة
هههههههههه قصدك عقرب البحر بلغتكم والسرطان بى لغة ناس أساسي مش كدا ..؟؟ والله لكن انعل أبو الحضارة المزيفة وحريقة في صحبة الخواجات أين ومتي ما كانت .. ترع بتاعت شنو وكنار ود منو يا تامبا ياخ ؟؟ الترع دي حافرنها الشفع وراء الحلة بغسلوا فيها العربات وبربوا جواها الصير وباقي الأسمال الأليفة البتدخل في سراويلم لما يغتسوا البحر يقبضو السمك الكبار الفيهو عضم .. ولعلمك نحن سمك الشوك دا طوالي قاعدين نرميهو بى دربو في البحر .. أكلنا كلو سمك فيهو عضم مقرشة .. جوة البحر واتا غاتس تفتح خشم السمكة وتقلب ضنبا وطوالي تكون عرفتها فيها شوك واللا فيها فقاريات واللا فيها أعضاء تناسيلة واللا كمان جيناتا من بلاد برة .. دا كلو بنعرفوا بى فتحة الخشم وقليب الضنب ونحن غاتسين جوة الموية .. تجىء تقول شوك وزعانف . يا تامبا إتا كان زول قديم في علوم البحار والأعماق قول لينا ياخ ما تخلينا نبطل أشغالنا ونكسر كيبورداتنا في الفاضي ساي . قال ترع وشوك سمك قال .. ياخ أخرجوا من مضاربنا ..
غايتو النقّيط عندك يا سيف .. تنقط محل تنقط وتفك النقطة محل تفكها .. يعني سبب واااحد يخليك تقول قبيقول لي سيف ال(......) ماااف.. ولمن تجي تنبز ليهو الأنصار تكتبا زيي ما هي.. ولا يا ربي الجمع ما زي الإفراد .. :) :) أكمل النقاط يا قول ناس الإمتحانات ..
Post: #514 Title: Re: tmbis Author: saif massad ali Date: 06-16-2013, 01:21 PM Parent: #512
عمر الفاروق
يشهد الله انا ما نقطتها لكن البورد فيهو شيطان كتبها زي ماهي لكن الشيطان خلاها في الاخير
غايتو يا سيف لو ما لحقت نفسك سرييع كان وليد ده طوالي إفتكر إنك من سكّان خرطوم خلف ..
Post: #517 Title: Re: tmbis Author: Salah Abdulla Date: 06-16-2013, 01:32 PM Parent: #516
Quote: يشهد الله انا ما نقطتها يشهد الله انا ما نقطتها يشهد الله انا ما نقطتها
يا سيف ياخ مصدقينك بدون حليفة .. مش النقط دي!! نقطوها أولاد العاصمة الفارات ديل..
بس عشان تعرف من هنا ولي قدام إنهم ( مـنـقـطـيـنـهـا)..
Post: #518 Title: Re: tmbis Author: saif massad ali Date: 06-16-2013, 01:33 PM Parent: #516
لا يا الفاروق
ناس امدرمان ديل مشائخنا كلهم شايف سيف الدسوقي قال فيها شنو
وركعت اقبل امدرمان هذى العاصمة الانثى اهواها مذ كنت غراماً فى عينى امى وابى وحملت الحب معى بدمى فى رحلة هذا العمر واحمله حتى القى ربى كلماتى يا زمن الافراح الوردية عبرت موج البحر لتصل اليك لتقول انا مشتاق لتطل قليلا فى عينيك ولتحمل عذرى فى سفرى فانا يا سمراء الصحراء هذا قدرى انا اعشق انثى عاصمة تلك المحبوبة امدرمان
Quote: كلماتى يا زمن الافراح الوردية عبرت موج البحر لتصل اليك لتقول انا مشتاق لتطل قليلا فى عينيك ولتحمل عذرى فى سفرى فانا يا سمراء الصحراء هذا قدرى انا اعشق انثى عاصمة تلك المحبوبة امدرمان
ويقولوا ليك اللجنة رأت أن يشارك عاصم البنا بقصيدة الشاعر المخضرم الفرجوني !!!!
لأ ويجيك عاصم البنا شايل ليهو كاسات و أوراق وشهادات تقديرية ويقول ليك فاز العمل بجائزة أفضل نص شعري .. علماً بأن الجائزة كانت تحت مسمى الجائزة التشجيعية .. وهي لمن لا يميزون شبيهة تمااماً بجائزة الجمهور المثالي اللي بيدونا ليها في كل مشاركة في الدورات العربية ..
تخريمة : أحترم جداً الفرجوني الفنان .. لكن الفرجوني الشاعر دي مااا أدونا ليها .. خصوووصا عندما يتعلق الأمر بالمقارنة بين ما يكتب الفرجوني وسيف الدين الدسوقي..
Post: #522 Title: Re: tmbis Author: Salah Abdulla Date: 06-16-2013, 01:55 PM Parent: #521
Quote: وسيف الدين الدسوقي
هنا ... ثم يصمت الجميع.. الله يديك الصحة والعافية يا أبوالسيوف..
يا عمر،، قصتك شنو مع عاصم البنا ده ياخ!! غايتو مرات قعد تستلف (لساني)..
Quote: هنا ... ثم يصمت الجميع.. الله يديك الصحة والعافية يا أبوالسيوف..
حيييييييييييييييييييييييي انا
سيف الين الدسوقي .. ابن شيخ الدسوقي من ابناء حي العرب بامدرمان تقع حي العرب في المنطقة شمال غرب سوق امدرمان تحدها من الغرب المنطقة الصناعية ومن الجنوب سوق امدرمان ومن الشرق المسالمة ومن الشمال المظاهر
هاع هاع هاع هاع هاع
____________
يا عمر عاصم البنا الفرجوني سيف الدسوق
كلها امدرمان اي زول بفكوه بركب لكن طبعا سيف الدسوقي حاجة مختلفة جدا
Post: #524 Title: Re: tmbis Author: Salah Abdulla Date: 06-16-2013, 02:06 PM Parent: #523
Quote: حيييييييييييييييييييييييي انا
وهذا ما يميز أولاد العاصمة (الجد) عن غيرهم، يا ايها الفارات.
تعرف يا وليد لي قرابة الثمانية عشر سنة خارج السودان .. ما حصل قابلني شخص وسألني انت من وين وقلت له توتي ورجع وسألني من جنسي او قبيلتي او أصلي!!
وده يعني من قلب قلبه. . ود الفاروق وتمبس مثلاً يسألوا تمبس من وين الأخ يرد من أم درمان .. اي يعني وين في امدرمان يقول حي الضباط .. يعني في ياتو سرية من المهدية وجدكم التحق بيها من وين!!
تعرف يا ايمن ناس عمر الفاروق وتمبس كانوا بنتظروا العيد عشان يجو يدخلوا توتي.
ويا تمبس أهلنا الكبار رفضوا الكبرى عشان الناس الدخلا على العاصمة ما يزعجوهم في جزيرتهم الصومعة الخضراء!! شفتو كيف!!
الآن وبعد الكبري تلاشت المسافات والقلب بقى عنده سنتر وهي توتي.
قال حمد الريح بسرع الإيقاع عشان يحصل البنطون!!
لسه التاريخ جاييكم. وليد عجبتني صورة مسجد جدي أرباب العقائد مؤسس خرطوم توتي الحديثة..
Quote: تعرف يا ايمن ناس عمر الفاروق وتمبس كانوا بنتظروا العيد عشان يجو يدخلوا توتي.
عزيز يا حبوب .. ح أ قول ليك كلام ما عارف تصدقوا ولا لأ.. وما عارف تفهموهو من أساسه ولا لأ أو ما عارف ممكن تفسروهو كيف.. صدق أو لا تصدق انا لحدددي اللحظة دي ما شوفت توتي !!!! وصدق أو لا تصدق الخرطوم دي عرفتها كبييير !!! وصدق أو لا تصدق لحدددي اللحظة ما بفرز شارع الجمهورية من شارع القصر !!! حقيييقي انا ما حبيت الخرطوم دي نهااائي وما قدرت اتعامل معاها .. قد تكونوا ماخدين قصة حبنا لي امدرمان دي بافتراض اننا بنحاول نقدكم بيها كنوع من الوهمات .. عن نفسي فعلاً أحب امدرمان ومااا ملت عيني أي مدينة تانية وما عندي الرغبة إنو ابدلها بي أي مدينة تانية ..
Post: #531 Title: Re: tmbis Author: Salah Abdulla Date: 06-16-2013, 02:32 PM Parent: #527
Quote: عن نفسي فعلاً أحب امدرمان ومااا ملت عيني أي مدينة تانية وما عندي الرغبة إنو ابدلها بي أي مدينة تانية ..
يا عمر الكلام ده بيدينك.. هسي يعني لو خطفناك وقمنا جارين بيك، وقطعنا بيك الكوبري ، وفكيناك بي هنك بتقدر ترجع البيت براك؟؟ وبعدين ما ياكا قاااااعد في الرياض ومتدلع فيها، الرياض دي كانت بانت شرق؟؟ ياجماعة تعبتونا معاكم، ياخي إنتو ما عايزين تكونا أولاد (عاصمة) مالكم.. هسي أنا القدامك ده أحدد ليك العاصمة المثلثة دي من أولها لي آخرها، وعندي فرد وأهل فيها أي محل أمشي ببرمج عادي واتجدع زي ما عايز ، ما زول تفتيحة كمان ، وود العاصمة.
Quote: توتي (جزيرة) من ويكيبيديا، الموسوعة الحرة إحداثيات: 15°37and#8242;ش 32°31and#8242;ق (خارطة) جزيرة توتي [عدل]
جزيرة توتي هي جزيرة تقع عند ملتقى النيلين الأزرق والأبيض في السودان وسط مدينة الخرطوم وتتوسط المدن الثلاث المكونة للعاصمة الخرطوم وهي : أمدرمان – الخرطوم – بحري، ومساحة جزيرة توتي هي: 950 فدانا. تغطي الخضرة أكثرها وخصوصا عند الأطراف، وبها بساتين الليمون و المانجو والجوافة وأنواع الخضر. وعند شاطئها الشرقي توجد رمال بيضاء تحيط بها بساتين الليمون، وبهذا فهي المكان المفضل للسباحة في النيل لأغلب سكان مدينة الخرطوم. وتجتذب بجمالها الآخاذ وخضرتها كل من يحضر إلى الخرطوم من السياح. ووسط الجزيرة به مدينة قديمة تسكنها قبيلة المحس المشهورة في السودان منذ ما يزيد على 500 عام وهي قبيلة ذات أصل انصاري خزرجي. وقد اشتهرت جزيرة توتي بأنها منارة لنشر العلم الديني في وسط السودان منذ قرون. وقد أسس أهلها مدينة الخرطوم الحالية عندما بنو بمكانها الحالي خلوة لتعليم القرآن قبل 400 عام. وقد كانت في ذلك الوقت غابة. ثم توافد الناس طلبا للعلم ونشأت المدينة. وتجمع طريقة سكان توتي في الحياة نمط الحياة في المدينة مع نمط الحياة في القرية، إذ أنهم يحترفون الزراعة ومن أهم المحاصيل الزراعية الليمون والبرتقال والجرجير والمانجو، ويعيشون حياة اجتماعية مترابطة يجمعون إلى ذلك تمتعهم بجميع ميزات المدن بكونهم يسكنون وسط مدينة الخرطوم. ونسبة التعليم في سكان توتي 100% ومنهم كثيرون شغلوا ويشغلون مناصب رفيعة في الدولة ومنهم مشاهير على مستوى السودان والعالم الإسلامي. ويقال أن التقاء موسى بن عمران مع الخضر المشار إليه في سورة الكهف قد كان في هذه الجزيرة عند صخرة فيها.[بحاجة لمصدر] وقد وصف جزيرة توتي وتغني بجمالها الكثير من الشعراء، منهم الشاعر أبو شوقي وهو من أهلها، قال: هي درة النيل العظيم وبنته هي جنة محفوفة بجنان قد مدت الخرطوم رونق سحرها وزهت جمالا فوق أم درمان ورمال بحري أشرقت بجنوبها كالتبر يبرق نورها الرباني إذا وقفت هنيهة بجنوبها لرأيت كيف تعانق النهران وترى على أقصى الشمال برأسها النيل منحدرا بكل أمان
بسم الله نبدأ
توتي عمرها الحديث 500 عام
وإذا رجعنا لبعض تفاسير القرآن الكريم .. فهي الصخرة التى آوى إليها سيدنا موسى حيث التقى بالرجل الصلح الخضر..
قال أنا امدرمان وانا الطابية المن الطين المقابلة النيل!!
بالمناسبة : عندنا طابية في توتي وبرضو مقابلة النيل زوووول بغني ليها مافي لانها تاريخ حديث ومهدمة وغشة قش وساكناها الدبايب
عاصم البنا قال هو قائد ثورة تعريب الأغنية السودانية !!! قال عايز يعمل نقلة في الأغنية السودانية عشان يخلي العرب يسمعونا !! قال هو الح ينقل غنانا للعالمية .. وزي ما قال عندو مشروع لي نشر الأغنية السودانية عند العرب فيما سماه الأغنية السودانية العربية فمعناها بكرة ح يجينا بي تقليعة جديدة يسميها أنجلزة الأغنية السودانية ودي عشان يسمعونا الإنجليز.. وبعدو يعمل مشروع برزلة الأغنية السودانية عشان يسمعونا البرازيليين.. وبعدها يعمل كنغلة الأغنية السودانية عشان يسمعونا الكنغوليين وهكذا.. عشنا وشوفنا وح نعيش و ح نشوف لمجرد إنو زول لمّا ليهو 9 كمنجات وقصيدة بي اللغة العربية (ليتها فصحى ) وقعد يقلد في كاظم الساهر ومحمد عبده و ابوبكر سالم فقام أدى روحو الصلاحية إنو ناقل الاغنية للعربية .. ووالله خجلت ليهو وهو بيدّعي إنو بيطرح في مشروع وهو للأسف بيقدم في مشروع عبارة عن الشوفونية والأنا والشهرة لاذاتية مغلفة بإسم السودان واللعب بي وتر الوطنية لأغراض شخصيية .. زول بيجي شايل ليهو ملف ويقول للمزيعة علييكي الله اقري للناس انا وديت السي دي حقي لي كم اذاعة عربية ..تقول ليهو اااي شايفاها يقول ليها لالالا علييكي الله اقريها للمشاهدين ديل عشان يعرفو !!!
زول بيغش في المشاهد البسييط ده إعلامياً بي إنو ما حققوه في مهرجان تونس هو إنتصار عظيم للاغنية السودانية وللأسف كان هذا النصر عبارة عن مجاملة من اللجنة وترضية لا أكثر وكأنها هدية بتاعت شكراً للمشاركة أو جائزة اللعب النظيف اللي كل سنة بيدوها للمنتخب الفلسطيني !!! مسابقة قوامها جائزة كبرى إسمها الميكرفون لاذهبي أو أفضل مغني ومطرب وصوت واداء و و وتقريباً مشت لي مغني أردني ما عارف بيكون الأردني ده مشى نجججض الأرادنة برضو وشبكهم عندي مشروع أردن ولا لأ ؟؟
Quote: جزيرة "توتي" عروس النيل وحائطه القصير تتشبث بـ "بداوتها" والدخول إليها بإذن
جزيرة "توتي" عروس النيل وحائطه القصير
الخرطوم-خالد سعد
سماها أهلها "درة النيل" التي تتوسط عاصمة البلاد الخرطوم بمدنها الثلاثة أم درمان والخرطوم والخرطوم بحري، أما النيل فيعتبرها حائطه القصير الذي يتسلقه كلما عن له ذلك.
الخضرة موجودة بكثافة.. الهواء متشبع برائحة الطين.. الماء على مد السمع والبصر.. إنها "توتي" الجزيرة النائمة في احضان النيل، والتي لم تأخذ من جيرتها المزمنة للعاصمة الخرطوم سوى معدية عتيقة تدمن التوقف عند العاشرة مساء يومياً.
وينتمي أغلب الجزيرة التي تبلغ مساحتها 990فدانا إلى قبيلة واحدة وهم يشكلون نسيجاً اجتماعياً متشابكاً يأخذ طابع الأسرة الواحدة ويزيد.
ويقول أهل الجزيرة إن جدهم من قبيلة الخزرج النجدية المعروفة، وأن نسبه ينحدر من صلب الصحابي الجليل أبي بن كعب الخزرجي الأنصاري، ويقولون إن أجدادهم "العظماء" نزحوا مع قبيلة المحس إلى شمال السودان ثم وفدوا لهذه الجزيرة الصغيرة في القرن ال 13الميلادي واستقروا فيها، لموقعها الآمن من وحوش الغابات التي كانت تغطى ما يعرف الآن بالعاصمة المثلثة.
وكان لعلماء توتي دور عظيم في نشر الدعوة الإسلامية والاشعاع الحضاري في آن، حيث انطلق من جزيرة توتي الشيخ ارباب العقائد وأنشأ الخلاوي والمسجد بالخرطوم.
ومع نار العلم التي أوقدها هذا الشيخ بدأ عمران الخرطوم وهكذا الحال في مدينة أم درمان التي ارتحل إليها الشيخ الولي خوجلى أبو الجاز وكلك حينما ارتحل الشيخ ادريس ود الأرباب لمدينة العيلفون.
تتضارب الروايات والقصص حول اسم جزيرة توتى حيث تقول إحدى تلك الروايات ان اسم توتي يعود إلى امرأة معروفة عاشت هناك لفترة طويلة حينما كانت الجزيرة يعيش فيها قبيلة العنج المشهورة في تاريخ السودان.
بينما يقول المؤرخ السوداني بروفيسور محمد إبراهيم أو سليم في كتابة تاريخ الخرطوم أن اسم توتي مصدره كلمة "تؤتي اكلها" وهي الرواية الأكثر شيوعاً وقبولاً لدى الناس باعتبارها - كما جاء في نفس المصدر - بأنها منطقة زراعية مشهورة بانتاجها للخضروات والفواكة وكل أنواع المنتجوات الزراعية ولخصوبتها.
وجزيرة توتي لا تتعدى مساحتها الكلية 990فداناً تزيد وتنقص مع فيضان النيل في حالة المد والجزر يعيش فيها 20.000نسمة في تلائم وحميمية مفردة.
وبالرغم من موقع جزيرة توتي السياحي والحضاري إلا أنها ما زالت تأخذ طابع البداوة والريف السوداني الأصيل، وفي وقت سابق، كانت حكومة السودان قد طلبت (50%) من أراضي الجزيرة مقابل تخطيطها وفق دراسات عمرانية متطورة باعتبار أن الجزيرة معلماً سياحياً متفرداً ولأنها أرضاً زراعية يمكن زراعة مساحتها غير أن أهالي وسكان توتي رفضوا ذلك معتبرين أنهم أصحاب الجزيرة وحراسها لأكثر من 500عام.
ودفعت مجاورة النهر بمخاطره وكرمه وبخله وقسوته وصغر رقعة المجتمع أهالي الجزيرة إلى تواصل وتعاون وتكافل طبع حياتهم الإجتماعية مميز انسحب على باقي مناحي الحياة ومنها الشكل العمراني العام للجزيرة الصغيرة حيث اتسم الطابع العمراني بالتلاحم الحميم في غالبية مبانيها الطينية وبعضها المشيد من "الطوب الأحمر" ذات الطابق الأرضي والطرقات الملتوية الضيقة التي تهتم بتوجيه المباني مع ارتفاع نسبي لجدران البيوت، وتبنى تلك الجدران على أساس من الحجارة الصلدة حتى تقاوم المياه عند تدفقها على أرض الجزيرة حينها يفيض النيل وكي تواجه "النز" التي تتعرض له من جراء موقعها في قلب البحر.
ودخلت خدمات المياه عام 1964م والكهرباء عام 1966م بقرار من الرئيس الأسبق إسماعيل الأزهري وحينها حاول بعض المستثمرين من خارج السودان الاستثمار السياحي في توتي وزارتها العديد من الشركات السياحية أبرزها الشركة الصينية غير أن أهل الجزيرة رفضوا هذا الأمر.
ويتحدث بعض أهالي توتي عن صراعات قديمة بين أهالي توتي والسلطات الحكومية الذي بدأ منذ عام 1924م ضد المستعمر الإنجليزي الذي حاول ترحيل سكان الجزيرة إلى منطقة أخرى بحجة أن المنطقة معرضة للفيضانات غير أن أهالي توتى وقفوا ضد تلك القرارات ببسالة شهدتها "حوادث 1944م" المعروفة والتي استبسل فيها أهالي توتي دفاعاً عن وطنهم وارثهم العريق.
كذلك تعرضت الجزيرة إلى العديد من المحاولات المختلفة لترحيل أهاليها بغرض الاستفادة من موقعها في الاستثمار السياحي والزراعي لما تتميز به أرض الجزيرة من خصوبة وقرب المورد المائي منها إلا أن جميعها باءت بالفشل بسبب تمسك السكان بها باعتبارها الوطن الأم الذي لا يمكن التفريط فيه.
وتفتخر توتى بابنائها من الشخصيات الوطنية والسياسية والأدبية والرياضية والعلمية التي كان لها دور بارز في تاريخ السودان القديم والمعاهد فقد انجبت البروفيسور داؤود مصطفى الذي قدم للطب في السودان خدمات لا تنسى والذي يعتبر أقدم طبيب سوداني تخرج في أول دفعة من كلية "غردون" سابقاً جامعة الخرطوم الان وابن المنطقة الفريق حسان عبدالرحمن وزير الدفاع الوطني وشخصيات وطنية وسياسية أمثال الدكتور مضوى مختار والسيد عبدالحميد عشم الله وشخصيات أدبية أمثال الشاعر المعروف مصطفى طيب الأسماء وشخصيات رياضية أمثال أمين زكي لاعب فريق الهلال السوداني سابقاً، وغيرهم كثيرون انجبتهم جزيرة توتي ووضعوا بصماتهم على خارطة التاريخ في السودان. كلمة الإمام الصادق المهدي وآخرون في التأبين الأول سركيمتو الغالية دار الوثائق القومية السودانية الوثيقة والارشيف والوثائقي البروفسير مكي شبيكة كلمة الحبيب الإمام في نعى المعلم الراحل زوجات الإمام المهدي............ وأولاده وبناته
وادي حلفا دكتور بركات موسى الحواتي الشاعر الأستاذ/ مصطفى خضر - كوتشوني
Post: #538 Title: Re: tmbis Author: Salah Abdulla Date: 06-16-2013, 02:53 PM Parent: #537
يا ولّي ، ناس سيف الدسوقي ديل في الوجدان، وهم الشكلوه الناس ديل زماااااان إتجاوزوا المحلية الأمدرمانية الضيقة وفتحوا.. هسي زي سيف الدسوقي ده لو مشي أي حتة في السودان ده في زول ما بيعرفو!! يمين يشيلوه فوق راسهم، زول بقى ملك للجميع وثروة قومية عديييل.. زي ده ما بيقولوا عليه من أم درمانن ولا من العاصمة..
هسي إنت زاااااتك تقدر تمنع زول أنو يحب أغاني فلاح أو يتكلم عنو عشان هو من أم درمان!!!
طبعاً يا وليد لو عايز تستمتع بي قصص سيدنا موسى دي ..أقعد مع الحلفاويين .. ياخ ديل بيمتّعوك متعة في الموضوع ده !!! تحلف تقول سيدنا موسى كان عندو بيت في حلفا القديمة وبعد داك مشى قرية 22 مع التعويضات بتاعت عبود .. طبعاً أخت سيدنا موسى وأمو ديل ..أسكككت سااااي بس .. ناس فقالت لها قصّي دربه دي بيقولوا ليك عدييل ركبت البص بتاع سكر حلفا الجديدة نزلا جمممب قصر فرعون ..
مؤسس مدينة الخرطوم: 400 عام على مولد العلامة أرباب العقائد
( الخرطوم عاصمة السودان الحديث وريث مجد سوبا عاصمة مملكة علوة المسيحية وقرى عاصمة العبدلاب عندها يلتقي النيل الأبيض والنيل الأزرق ومنها يبدأ النيل الكبير مجراه المبارك إلى الشمال. وفد إليها مع غروب شمس سوبا جماعة من المحس فعمروا توتي و من توتي عبر ولي من أوليائهم النهر ونزل الخرطوم ليبني فيه منزلا وخلوة يرتادها الصبيان و مع نار العلم التي أوقدها هذا الولي بدأ عمران الخرطوم . وظل المكان لعقب الولي من الولد والجيران ومن اجتمع إليهم حتى غربت شمس دولة الفونج ولما جاء الترك بنوا عاصمتهم في الخرطوم عوضا عن سنار عاصمة الفونج الأولى ). هكذا ابتدر المؤرخ السوداني د.محمد إبراهيم أبو سليم كتابه تاريخ الخرطوم ويقول في فقرة أخرى من كتابه هذا (وقد ظلت الخرطوم نفسها منطقة غير مأهولة تغطيها الغابات وتأتيها مياه الفيضان فتغرق أجزاء كبيرة منها وكان يأتيها المسافرون ليعبروا عندها النيل ويرتادها صيادو السمك في مواسم الصيد يقضون حاجتهم ثم يعودون أدراجهم بما اصطادوا وفي حوالي عام 1691 ترك الفقيه أرباب العقائد جزيرة توتي التي اشتهر فيها وعبر النهر لينشأ في هذا المكان أول قرية مأهولة وكان من عادة الفقيه الذي يشتهر أمره وينشد الاستقلال أن يبحث له عن مكان جديد يبدأ فيه حياته الدينية ويجد فرص الاستقلال والشهرة المتاحة). لا يختلف اثنان من المؤرخين على ما أورده د.محمد إبراهيم أبو سليم على أن بداية عمران مدينة الخرطوم كان بارتحال الشيخ أرباب العقائد من توتي إليها وبنائه مسجدا وخلوة ومنزلا له بها. فمن هو هذا الشيخ الذي تمر 400 عام على ذكرى ميلاده هذا العام . نسبه و قبيلته :- هو أحمد بن علي بن أرباب بن علي بن عون بن عامر بن صبح بن فلاح بن شرف الدين بن محمد الملقب بعجم بن زائد بن محمد محس (الذي تنتسب إليه قبائل المحس) بن مرزوق بن الملك سعد بن الملك جامع بن الملك حسن بن الملك أحمد بن الملك عامر بن عبد الله بن عبد الكريم بن يعقوب بن جابر بن سعد بن موسى بن أويس بن جامع سكر بن سالم بن عبد الرحمن بن علي بن سليمان بن محمد بن زيد بن قتادة بن حارثة بن عبادة بن أبي بن كعب البدري الأنصاري الخزرجى أحد كتاب الوحي على عهد الرسول صلى الله عليه و سلم. إذا هو عونابي محسي خزرجى ولد بجزيرة توتي وقد أورد هذا النسب الشيخ النسابة الصديق حاج أحمد حضرة في كتابه المنشور بعنوان العرب التاريخ والجذور خلافا لما أورده صاحب الطبقات فقال أنه أرباب بن علي بن عون بن عامر بن أصبح بن فلاح مسقطا( أحمد بن علي ) والراجح عندي أنه كما أورد الشيخ النسابة الصديق حضرة . ولقب بأرباب العقائد و أرباب الخشن لخشونة أطرافه من كثرة الوضوء و إسباغه على المكاره. وقد اشتهر من أبائه أبناء فلاح الأربعة صبح وقنديل و مرزوق و غردقة . أما صبح فهو جد عالمنا الخامس مؤسس مدينة الخرطوم . أما قنديل فهو الجد الثالث للعارف بالله الشيخ إدريس ود أرباب محمد( 1507 -1650 ). أما مرزوق فهو جد إبراهيم ولد توتي البداني و لمن أحفاده الشيخ حمد ود حتيك و غيرهم من أهالي بري المحس. أما غردقة فهو أخيهم من أبيهم و أمه شايقية كندكابية وهو جد الغردقاب بتوتي ومناطق أخرى بالسودان و منهم الشيخ الأمين الضرير مميز علماء السودان في التركية السابقة. أما والد فلاح فهو شرف الدين أو شرف جد المشيرفية و أحد أبناء محمد الملقب بعجم التسعة الذين يشكلون محس وسط السودان في توتي وشمبات و بري والعيلفون و واوسي وغيرها من قرى السودان الممتدة على طول النيل الأزرق من منطقة واوسي شمالا إلى كركوج في النيل الأزرق و على النيل الأبيض وفي كردفان ودارفور ومناطق كثيرة داخل الجزيرة. و للفائدة فان أبناء محمد عجم هم:- (1) شرف الدين والذي فصلت ذريته سابقا و يقال أنه كان فقيها وعالما . (2) سعد الله وهو جد السعدلاب بتوتي وشمبات ومنهم الشكرتاب والعجيماب والعصملاب وغيرهم. (3) كباني أو محمد كباني وهو جد الكبانية ومنهم العارف بالله الشيخ خوجلي أبو جاز و الشيخ أمام بن محمد الشهير بابي جنزير. (4) عبودي جد العبودية ومنهم الآن بتوتي دار صليح و ضو البيت. (5) سادر جد السدارنة مع الشكرية بأرض البطانة . (6) زايد جد الزيادية مع قبيلة الحمر بكردفان . (7) مزاد أبو شامة جد الشامية ويسكنون أم قحف بالقرب من العيلفون. (8) شعبان و هذا قد نزل مع الجعليين بالسافل و لذلك ذابت ذريته مع أخوالهم الجعليين و لم يعد لهم وجود منفصل. (9) صادر وهو جد الصواردة. ويلتقي محس الشمال مع محس الوسط عند الملك جامع بن الملك حسن بن الملك أحمد فهم أبناء الملك ناصر و حسن و حسين و جلال أخوان الملك سعد و الملك مكن. هذه قبيلة الشيخ أرباب العقائد والتي تنحدر من شمال السودان من منطقة سدلا بالقرب من مدينة دلقو وهي قبيلة كبيرة وممتدة على امتداد السودان الكبير منذ فجر دخول الإسلام وهم حملة مشعل العلم والمعرفة جاءوا يحملون هم الدعوة إلى الله و يعلمون الناس الإسلام الحق فكان منهم العلماء الشيخ إدريس ود الأرباب محمد (1507 -1650) وأرباب العقائد (1609 -1691 ) والشيخ حمد ود أم مريوم( 1645-1729 ) و الشيخ خوجلي بن عبد الرحمن (1655م-1742م) فأناروا طريق الحق و العدل في القرنين السادس عشر والسابع عشر و الثامن عشر الميلادي مما أثبته لنا التاريخ و لكن نقول أنهم قبل ذلك كانوا أئمة يهدون للإسلام. ميلاده وكسبه وأثره العلمي :- ولد بجزيرة توتي ويرى بعض المؤرخين أنه ولد في 1009هجرية و آخرون في العام 1017هجرية وتوفي على غير خلاف في العام 1102هجرية ولعل اللبس في هذا الاختلاف أن العام الهجري 1017 يوافق العام الميلادي 1609 فأخذه المؤرخون على أنه عام هجري وقالوا أنه 1009 ومما يؤكد ما أخذنا به أن الروايات الوطنية تقول أن عند ولادة أرباب العقائد كان عمر الشيخ إدريس ود أرباب أكثر من مائة عام وهو مولود في 913 هجرية التي توافق العام الميلادي 1507. وعند ولادته كان سلطان الفونج السلطان عدلان (مدة حكمه 1605م-1612م) وعلى مشيخة قرى الشيخ محمد العقيل بن الشيخ عجيب الما نجلك بن الشيخ عبد الله جماع ( مدة مشيخته من 1608م-1648م ). حفظ القرآن على يد والده هو في العاشرة من عمره ودرس الفقه على يد الشيخ الزين بن الشيخ محمد صغيرون وأخذ علم العقيدة عن الشيخ على بن بري وخدمه ودعا له بصفاء و صدق نية خالصة فاستجاب الله دعوته فنفع الله بعلمه خلقا كثيرا خاصة في علم العقيدة حتى لقب بأرباب العقائد لتفرده في هذا العلم و ألف كتابا في أركان الإيمان سماه (الجواهر الحسان في تحقيق أركان الإيمان) أنتفع به شرقا وغربا وقد قال البروفسير يوسف فضل في تحقيقه لكتاب الطبقات أنه لم يعثر على هذا الكتاب والحمد لله فقد عثر الدكتور أحمد البدوي على نسخ منه بباريس في فرنسا وهو مكتوب بخط مغربي و أعلمنا أن هناك ستة وعشرين نسخة منه بباريس و نسختين بغرب إفريقيا في السنغال. وقد بلغ عدد طلبته أكثر من ألف من دار الفنج إلى دار برنو كما أورد صاحب الطبقات و قد شدت إليه الرحال في علم التوحيد ومن تلاميذه الشيخ خوجلي بن عبد الرحمن (أبو جاز ) والشيخ حمد ود أم مريوم والشيخ حمد بن حتيك والشيخ محمد بن ضيف الله والشيخ هارون بن حصي والشيخ فرح ود تكتوك والشيخ القرشي الصليحابي والشيخ عبد الرحمن بن الشيخ صالح بان النقا والشيخ غانم أبو شمال الجامعي الكردفاني . الشيخ خوجلي بن عبد الرحمن أبو جاز أخذ علم الكلام والتصوف من الفقير أرباب العقائد. وقد بدأ الشيخ أرباب العقائد التدريس بجزيرة توتي يبث العلم و العقيدة الإسلامية ثم انتقل إلى الضفة الجنوبية من النيل الأزرق محل مبنى مديرية الخرطوم الذي تحول الآن ليصبح وزارة مجلس الوزراء حيث أسس خلوة وبني دارا للطلاب امتدت إلى المكان الذي يقوم فيه مسجده الآن وهو ما كان يعرف بجامع فاروق. والذي ظل يدرس فيه الطلاب حتى استدعاه سلطان الفونج السلطان أونسة الثاني بن ناصر أن يفد إلى سنار عاصمة الفونج في العام 1090هجري الموافق 1679ميلادي ومكث بسنار حتى وافته المنية في العام 1102 هجري الموافق 1691 ميلادي في عهد السلطان بادي الأحمر بن السلطان أونسة الثاني. وقد ظل جامع أرباب العقائد يقوم بدوره في هداية الناس إلى دين الله القويم بعد أن سافر العلامة أرباب العقائد إلى سنار فخلفه على المسجد ابنه الفقيه علي صالح أبي نجيلة وعاونه على التدريس أخواه الفقيه بساطي والفقيه فرح ثم من بعدهم الفقيه أرباب بن الفقيه فرح بن العلامة أرباب العقائد الذي أعاد حلقة جده من حيث الاتساع. أما الفقيه محمد الأمين بن العلامة أرباب العقائد فهو أصغر الأبناء فقد درس العلم على أخويه الفقيه بساطي و الفقيه فرح و قام بالتدريس بخلوة والده ثم انتقل إلى البشاقرة غرب بطلب من أخواله ليقوم ببناء المسجد والخلوة و التدريس هناك إلى أن وافته المنية و قبره عليه قبة الآن. وما يجدر ذكره أن مسجد أرباب العقائد قد تعرض للهدم مرتين مرة عند مرور حملة الدفتردار الانتقامية على الخرطوم في عام 1821م فقد هدم جامع أرباب العقائد وقتل حفيده الفكي أرباب ولد كامل ولد الفكي علي بن أرباب العقائد بمدفع كما نكل بأهل توتي و قتل منهم خلقا كثيرا. أما المرة الثانية فقد كانت عند تحرير الخرطوم و انتصار المهدي على غردون باشا فقد قتل الخليفة عبد الرحمن بن محمد بن الكامل بن أرباب بالمسجد وهدم المسجد مرة ثانية على أيدي الأنصار بعد أن أدى الإمام المهدي أول صلاة جمعة له بالخرطوم فيه. هذه شذرات من سيرة هذا العالم الجليل العلامة أرباب العقائد مؤسس مدينة الخرطوم على أننا لا نرى الآن بالخرطوم ما يشير إليه البتة فقد غفل علماؤنا الأجلاء الذين وكل إليهم بتسمية الشوارع أو الأماكن العامة أن يزينوا أحد الشوارع باسم مؤسس المدينة و قد أطلق مؤخرا أسمه على الشارع الذي يقع غرب الهيئة القومية للكهرباء و الممتد من كبري توتي إلى الجنوب باسمه و لكن اختفت اللافتات بعد حين من الدهر . لا ندري من أخفاها. وفي الختام أتوجه بالنداء لوالي ولاية الخرطوم ومعتمد محلية الخرطوم و أحفاد العلامة الشيخ أرباب العقائد والعلماء الأجلاء المهتمين بتاريخ السودان أن لا تمر هذه الذكرى دون تخليدها باحتفال يليق بهذا العالم الجليل نذكر الأجيال اللاحقة بتاريخ هؤلاء العظماء بناة السودان الحديث على الدين و التقوى . بعد أن فاتنا الاحتفال بمرور500 عام على ميلاد العارف بالله الشيخ إدريس ود أرباب الذي صادف العام 2007م. أرجو أخيرا أن يجد هذا النداء أذانا صاغية.
*جزيرة توتي
أبو عمير ووليد وفيصل
مسالة الصخرة والرجل الصالح ومرج البحر يلتقيان وبينهما برزخ لا يبقيان. والحوت الذي أخذ سبيله في البحر
توتي فعلاً صخرة يا تبلدينا وإذا حفرت متران ستجدها حجر وكثيراً ما أعاق الآبار المنزلية ..ولولا ذلك لرحلت الجزيرة من مكانها منذ عصور خلت!!
الكلام الفوق ده كلام ناس علماء. وما أنا الا ناقل .. والله اعلم
يا عزيز ما تتعب نفسك ساي .. التاريخ دا في نظر المتخرتمين الجدد ديل كأنو مكتوب بلغة الواق واق النام ما فاق .. لا يفهمونه ولا يريدون أن يفهموه غلاط ومكابرة ساي كدا .. ياخ شوف عينة نوبي دا تقول ليهو أملاكي راقدة في بطن الخرتوم يقول ليك اتا جيت بى بص قزازو القدام معمول من مشمع .. في حين هو ذاتو لو قلتا ليهو أدينا إمارة انك ود خرتوم أكتر حاجة يعملا إنو يقول ليك لابس فنلة داخلية ولعبت في بيت الأشباح بمنتزه المقرن العائلي . أمسح يا عزيز خلي الشباب يجدعو شوية .. هو يعني جديع الكضب دا بشتروهو من البقالة .. ما أهو ضرب كيبورد ونقر بتاع كليك . أخرجوا من مضاربنا يا هولاء ..
Quote: يا عزيز ما تتعب نفسك ساي .. التاريخ دا في نظر المتخرتمين الجدد ديل كأنو مكتوب بلغة الواق واق النام ما فاق .. لا يفهمونه ولا يريدون أن يفهموه غلاط ومكابرة ساي كدا .. ياخ شوف عينة نوبي دا تقول ليهو أملاكي راقدة في بطن الخرتوم يقول ليك اتا جيت بى بص قزازو القدام معمول من مشمع .. في حين هو ذاتو لو قلتا ليهو أدينا إمارة انك ود خرتوم أكتر حاجة يعملا إنو يقول ليك لابس فنلة داخلية ولعبت في بيت الأشباح بمنتزه المقرن العائلي . أمسح يا عزيز خلي الشباب يجدعو شوية .. هو يعني جديع الكضب دا بشتروهو من البقالة .. ما أهو ضرب كيبورد ونقر بتاع كليك . أخرجوا من مضاربنا يا هولاء ..
طلحة يا حبيب
مساء الخير
السنة الماضية عزمني أخي وصديقي ورفيق طفولتي والشباب دكتور الصديق عمر الصديق عشاء في برج الفاتح.
وانا اجلس وجدت اعيني متسمرة على ملكي وهي الأرض التي بها حرازات سوق الليمون وحتى شط النيل بتوتي .. فسقت اعيني دمعة ترحماً على جدي عبدالعزيز خطاب الذي احمل اسمه كاملاً.
عندنا بروفيسوره هولندية تحضر للخرطوم كثيراً تسهم في كثير من ضروب الفنون .. قام أخونا دكتور شمس الدين يونس ينطس في راسه ويسكنها في زيارتها قبل الأخيرة في امدرمان. .
ليت الفاروق وتمبس وفيصل يلتقونها ويستمعون لرأيها في قلبا ههههههههههه.
أما التاريخ فا خوك حا ينزل ليهم محاضرات لتثقيفهم الله يديهم الصبر ويطلعون على المقالات
تنظير بتاع العسل ياخي انت الجامع الكبير ما فارزه, دا يدل على انك حدّك السوق الشعبي الداخلية و بالعكس و بعد اغتربت بقت السوق الشعبي المطار و بالعكس فا شنو روق ياخي لسة مدني وعطبرة وبورتسودان و سائر عواصم الولايات و المدن الكبيرة حتى المدن الصغيرة حتى رئاسة المشروع ثم الحلال الصغيرة ثم باقي المكاتب و التفاتيش ثم سوق ليبيا ثم قندهار حتى نجي للبشاقرة كان لقينا ليها فرقة قبل الارشفة
اتا قايل البشاقرة دي تحت الأرضون السبع واللا شنو ؟؟؟؟ ما ياها على مرمي حجر من خرتومنا القاعدين نصلا قبل ناس الحتانة والثورات وامبدات المشكلة فيك اتا دا ..
طبعا يا ابو حتوت انا لمت سيف ال....... في البداية وزي ماقلت ليك لقيتو على حق نحن قاعدين برة الدارة نتفرج في مايسمى بناس العاصمة ... يجو يدونا لكزات لكزات ونحن ساكتين
نحن ناس مكتفين ذاتيا نلبس زي مانضرع وناكل حتى نشبع وعاصمة الجماعة ديل (مع انو- و الله صحي- حبوبتي حفصة قعدت في داخلية كلية المعلمات سنتين اثنين ) لكن نحن ما بيجيبنا ليها الا هلال مريخ حيث نجي مسطحين في المخسوس وننزل في الخرتوم ونقول لعابدين سواق القطر تنتظرنا بالله للساعة عشرة كدى واكتب في دفترك انو الباكم مقدود. اها نقوم نركبب تكسي اصفر .. ايوه اصفاااار ونقول ليهو عايز كم يقول عايز خمسة وعشرين قرش .ز نقول ليهو خلي كمان اتنين يبارونا ويدقو بوري. والله ياولاد العاصمة قصصكم بيجيبها لينا بلة مساعد الحلة بتاع لوري ود الحاج لمان نتلم قدام دكان ابزيد مش انتو البتكوركو لسيد الحوت تقولو ليهو " يابتاع السمكمك!!! " يازول خلينا بالله يا حتو واعصر علي مدني دي
Post: #552 Title: Re: tmbis Author: saif massad ali Date: 06-16-2013, 07:35 PM Parent: #551
صلاح عبدالله
اولاد امدرمان ديل شفاته
لمن اهلنا يجو الرجبية قبة المهدي اولاد ود نوباوي يبيعوا ليهم قشر البطيخ بالروب علي اساس انو
سلطة روب شفته كيف واحد من جماعتنا شفت بعرف طعم قشر البطيخ في الروب كورك فيهم قاموا جارين
وشكرا جزيلا على إنعاش الذاكرة والمعلومات القيمة عن توتى والخرطوم وتفاصيل سقطت من كثير من الكتابات رغم أهميتها,,
دروس ومحاضرات غاية فى المتعة,,
تحياتى,,
Post: #556 Title: Re: tmbis Author: مرتضى احمد عبد القادر Date: 06-16-2013, 09:15 PM Parent: #540
ناس عطبره ديل أختاهم ياود البشرى مره فريق خرطومي مشى مباراة في عطبره الجمهور محاوط الميدان كلو حته بس واللاين وفي ولد قطعه من الفريق الخرطومي شغل الجمهور كلو الفريق الخرطومي جاتو كورنه قوم يالود أمشى الكورنر داير يعكسه خته الكوره الجماعه فتحو ليهو عشان يعكس الود رجع الجماعه قفلو الود لليلة ما إتلقى فأختاهم ديل ناس كوارث
Post: #557 Title: Re: tmbis Author: saif massad ali Date: 06-16-2013, 10:07 PM Parent: #556
محمد الشيخ
الله يسامحك
داك اكرمناهو سنة كاملة ساكن معانا
Post: #558 Title: Re: tmbis Author: Salah Abdulla Date: 06-16-2013, 11:13 PM Parent: #557
يا ولّي،،
أدقش كده لحدي بحر أبيض ، وإدقش كده لحدي ما تشرب من موية النيل الأزرق.. محل زريبة جدي دي بيوتنا القديمة .. وأزيدك من الشعر بيت، في الرياض محل ناس عمر ديل، أخوي غير الشقيق عمرة تجاوز التمنين سنة، وأبوي رحمة الله عليه نزل معاش من السكة حديد في خمسينات القرن الماضي وهو واحد من أوائل السودانيين في سواقة القطر، كلم ناس محمد الشيخ ديل لو لوحة الشرف الفي أتبرا في السكة حديد لغاية الآن موجودة يقولوا ليك الأسماء الفيها، كان ما لقيت إسم عبدالله محمد حسين ما تديني يدك تاني، علماً بإنو كان عسكري في عشرينات القرن الماضي.. أجدادي مدفونين في ترب بلاع وهي أقدم جبـانات الخرطوم. وأنا عند وعدي ، عايزني أنزل ليك مهن وأسماء ناس الديم القديم ما عندي مانع.. أها أنا أوفيت بما يليني من التزام، يلا نزّل لينا صورة أم درمان ووريني بيتكم وينو سنة 1927.
الزريبة حقت جدك دي في عطارد ولا شنو يا اخوي موديها السما ؟ :)
صلاح إنت متأكد حصة الجغرافيا كنت بتتمها لحدددي النهاية ؟؟
Post: #561 Title: Re: tmbis Author: أبو ساندرا Date: 06-17-2013, 07:21 AM Parent: #559
هي أم در أمان المكلوجة دي لمن يكتب فيها شيوعي ود قلبا يشهيك ليها ومن غير الشيوعيين يجمل شوارع البلد والحواري و الفرقان والمدن المستحيلة من ؟
أها ، هاكم الشيوعي كمال الجزولي :
Quote: (1) لطفولتنا مذاق بليل الفريك بالسَّمن البلديِّ، ومصابيح الشَّرافة تزدهي بألوانها المشعشعات على حوافِّ الألواح، تماماً كنساء جحا يزدهين بشلوخهنَّ المضيئات على صناديق الحلوى وجدران المقاهي، وسيف الحاوي الخضر يشطر ابنه الحسين إلى نصفين، ثمَّ ما يلبث أن يعيده كاملاً أمام أعيننا الواجفات وأنفاسنا المبهورة. ولها، لطفولتنا، اضطرام المخايل البكرة في المساءات المنزليَّة، بأحاجي الفواطم السَّمحات، والفوارس الأشدَّاء، وصيحات الهنود الحمر تهبُّ مع برودة النَّسمات من نواحي برمبل والوطنيَّة. ولها احتدام أشواقنا النَّاهدة، طوال النَّهارات المدرسيَّة، لسباحة الظهيرة من بحر اب روف إلى بحر بيت المال إلى خور اب عنجة، فنعود بغبشة مفضوحة، وشهيَّة مفتوحة، حتى إذا غيَّمت العصاري، ونشَّرت عبقها الفوَّاح، ولبقها الرائق، انطلقنا، نحن زغب حواصل الاستقلال، وقتها، وبشريات باندونق، وأحزان توريت، وجلالات حلايب، ونداءات "المجدُ لمين"، و"يا بني السُّودان"، و"يا شباب كوريا"، و"أيها المبعوث فينا"، و"منقو قل لا عاش من يفصلنا"، نملأ سوح المدينة، وأسواقها، وأزقتها، من الرباطاب إلى الكباجاب، ومن المسالمة إلى المغاربة، ومن الموردة إلى العمدة، ومن ودنوباوي إلى اب كدوك، ومن حي العرب إلى حي الهجرة، ومن حفرة كولودو إلى حُفر ود دلوق، مهرجانات من البللي، والدافوري، وسجَّك بجَّك، وشليل وين راح، والتقافز المتعاكس نتبارى فيه من ترماج الاسكندراني الى ترماج ود العمدة، حتى إذا صرنا إلى نواحي السُّور انخرطنا في طراد لا يفتر لأقوام من الفراش، والكُدُندار، والجَّراد، كلٍّ في موسم لا يتأخر عنه ولا يتقدَّم، وأجناس شتى من طيور مزقـزقات ملونات، نصـطنع لهـنَّ، بكلِّ ما حـبانا الله من مهارة وحذق، أشكالاً من نبلان سديدات، وألواناً من حبائل لا تخيب.
(2) على طقوس الانسجام اليوميَّة تلك شببنا، في بقعة الإمام عليه السَّلام، من مختلف القبائل والأحياء والمدارس، وقطعنا إلى بيوت بعضـنا البعض مشاوير التَّوادد العذبة بطول وعـرض هـذه "المـدينة فـي القـرى .. القـرية في المـدائن"، على قـول ود المـكي، فأدام الله المعروف، ومدَّ حباله إلى الأهل، وإلى أهل الأهل، بل وإلى جيران الأهل، تماماً كما في أيَّة قرية صغيرة وادعة! سوى أن مشوار التَّوادد بين بيوتنا، جهة السُّوق الكبير، وبين بيوت ناس دار صليح، نواحي البَحَر، كان له مذاق آخر! في (ناس دار صليح) كان نديدنا الحبيب هُدهُد، وفي مهرجانات العصاري تلك تعارفنا، وتآلفنا، وتحالفنا. جمعتنا معهم مقاعد (بيت المال)، و(أب قرجة)، و(شيخ الطاهر)، و(النَّصر)، و(الأهليَّة)، و(الأميريَّة)، والبحث عن الكنز، وزيارتنا إلى ..، وحصص الفلاحة، والمدونة الطبيعيَّة، والجمعية الأدبيَّة، والمكتبة المدرسيَّة، ومباريات المنازل، والتنافس السَّاخن، والمنازلات المشهودة. نغبطهم، كنا، على (البَحَر)، و(اللبَخ)، و(تمر ابونا)، و(نذور جليس)، و(ميدان البحيرة)، و(غابة الحراز)، و(أكَمَات المِسْكِيت)؛ ويغبطوننا، كانوا، على (التراميج)، و(السينمات)، و(باسطة بيِّن)، و(دندرمة برعي المصري) و(الهلال والمريخ) .. في زقاق واحد! يتباهون علينا، كانوا، بثلة عباقرتهم التي قد لا تبدأ بالطيب السَّراج، واسماعيل العتباني، وطه حمدتو، ومحجوب عثمان، ولا تنتهي بعز الدين يوسف (ثيرد باك) الشاطئ الحريف، وعازف العود الحاذق بأوركسترا الإذاعة، وحتى الأولاد المبشرين، وقتذاك، بشارة والدِّحيش وأخيه الأكبر كمال عثمان، وذلك في بعض امتداداتهم الجُّغرافيَّة من أوَّل بيت المـال، شــمالاً، إلـى آخـر (سـوق ام سويقو)، شرقاً، و(سوق الشجـرة) غــرباً؛ وكـنا، فـوق تباهـــينا بعـبد الله بك خليل، واحمد محمد صالح، والوسيلة، وعبد الخالق، واحمد حسن عبد المنعم، وعبد السَّلام ابو العلا، وحسن الظاهر، وبشير البكري، وأحمد بشير العبادي، وربَّما أزهري نفسه، نتباهى عليهم، أيضاً، سواء في (حفرتنا)، أو في بعض امتداداتها الجغرافيَّة، من (الرِّكابيَّة) و(العصاصير) إلى (السَّيِّد المكي) و(الشُّهداء)، بعلي المك، وحسن عوض أبو العلا، وإبراهيم حجازي، والسِّميح، والتَّقر، وعبده مصطفى، والطفل المعجزة كمال ترباس، يشجي غرارتنا، مطالع المساءات الحالمات، تحت أعمدة النور وفوق عتبات البيوت، وأرجلنا لمَّا تزل معفَّرة بغبار الدافوري الحار!ثم اختلفنا الى ثانويات متباعدات، وجامعات شتَّى، وتخرَّجنا، من داخل ومن خارج البلاد، وكبرنا، وكبرت انشغالاتنا، وغفلاتنا عمَّا كانت الأيَّام تدسُّ لنا طيَّ كرِّ مسبحتها، فما جال بخواطرنا النَّديَّة، وقتها، بل ذهلنا، الذُّهول كله، عن أن السُّودان، الذي ما كنا نخاله سوى مرتع خضرة دائمة لصبا يانع لا يزول ولا يذوى، يمكن أن يخبِّئ لنا كل هذا (السُّكَّري)، و(ضغط الدَّم)، و(ضيق الشَّرايين)، والاندحار تحت سنابك الرَّكاكة، والكذب، والزَّيف، والإحباط، والحزن الكثيف، والأسى الممضِّ، وعدم المواتاة، والكدر السِّياسي والثقافي، ما يفضي بنا إلى مثل هذا الكمِّ المهول من موت الفجاءة، وعصف (الذَّبحات الصدريَّة)، و(السَّكتات القلبيَّة)، و(السَّكتات الدّماغيَّة)!
Post: #562 Title: Re: tmbis Author: وليد محمد المبارك Date: 06-17-2013, 07:36 AM Parent: #561
Quote: قصة فلاح دي شايف بسطتك لمن ضحكت.. آآآآه يا فارة..
Quote: عزيز يا حبوب .. ح أ قول ليك كلام ما عارف تصدقوا ولا لأ.. وما عارف تفهموهو من أساسه ولا لأ أو ما عارف ممكن تفسروهو كيف صدق أو لا تصدق انا لحدددي اللحظة دي ما شوفت توتي
مُصدق يا عمر وزيك كتار لكن الواقع بقول إنك فاتتك تجربة كانت ستكون إضافة لتجاربك فى الحياة كونك ود امدرمان وممكن تكون فى أحيان كتيرة جيت قاطع الطريق قدام الجزيرة دى مرة مرتين فى اليوم,, والتجربة البتكلم عنها عهنا ليست رحلة فى توتى ولا حفلة أو أو أو,,فكرة الناس العايشين جوة المدينة وفى قلبها وهم أهل وأصل هذه المدينة ولكنهم إحتفظوا بأخلاق القرية وبساطة أهلها وطريقة نظرتهم وتناولهم للأشيا, يا عمر الناس البهناك ديل فيهم وعندهم ما يميزهم ولهم ما يفخرون به وفيهم من الكرم والأخلاق والطيبة ما يحير, ياخ أمشى بهناك وشوف أمدرمان والخرطوم وبحرى من زاوية مختلفة وإنت الكسبان,,!!!!
Quote: وصدق أو لا تصدق الخرطوم دي عرفتها كبييير !!!وصدق أو لا تصدق لحدددي اللحظة ما بفرز شارع الجمهورية من شارع القصر
لا تثريب عليك يا صاحب ومثلك كثر أيضا ولكن,,,,, إنت رايك شنو؟؟؟ وتفتكر الفرق ممكن يكون شنو بينك وبين الزول البعرف الخرطوم شارع شارع وحافظ دروبا ودريباتها والعكس!!!وكذلك أم درمان وبحرى!!
يا عمر عليك الله أقرأ كلام كمال الجزولى دا وإستمتع ,, هسه زى كمال دا يصنفوه كيف!!!
Post: #564 Title: Re: tmbis Author: وليد محمد المبارك Date: 06-17-2013, 07:45 AM Parent: #562
هاهاهاهاهاهاهاهاهاهاها
يا صلاح الصورة دي ابعد حتى معمرة فيها السكة حديد
بعد السكة حديد الباقي كله خلا وغابات
هاهاهاهاهاهاهاهاهاهاهاهاهاها
كدي وصف لي بيتكم تاني من المنظور ده
Post: #565 Title: Re: tmbis Author: أمير محي الدين محمد Date: 06-17-2013, 07:51 AM Parent: #559
آآآمنت بالله الزول ما يغيب يلقى أب شنب هاتريك بعد دا حقو نبقى على الأستديو التحليلي* تامبا وبإعتبارو ماسك الكابتنية ولاعب قلب دفاع لــ أولاد قلبااا كلن بيلعب بثقة عاالية مفتكر إنو وراهو حارس مرمي مخضرم اللي هو وليد الشفت اللي مال للعب الإستعراضي لعب إستعراضي شنو؟؟ دي حركات زي حركات أكرم وملصات زي ملصات الحضري وتماها صور وفي الصور لسه في صورة ما معروفة تيوبليس ولاّ فيها رقعة والطامة الأكبر ملّعبين عمر الفاروق إرتكاز لياقة ضعيفة..عدم تركيز .. وماراقبو أساسي مان تو مان إستهونو بيهو كونو ليه زمن من الملاعب وأول خمسة دقائق كان ملامسته للكورة ماسليمة يشيل وبنقل من الويكبيييديا..أساسي لمن ضغط على تامبا خلاهو ينبرش إنبراشات ويأخد كرت أصفر وياااريت المخرج يجيب لينا اللقطة بتاعت (قرووو آب) دي ويعيدها لينا بالبطي.. والمصيبة لمن حاولو يفتحو اللعب بالأطراف عن طريق مورتا ..صلاح أب شنب لقى نفسو لاعب حر وأهو هتركها ليهم إعتقد جازما" مشكلة أولاد قلبا مشكلة تدريب..وتوظيف لاعبين والموضوع الجهجهم أكتر إدراتهم أمدرمنجية بريرية بحتة كان ممكن النتيجة تكون 1/3 ..2/4 ...وكان ممكن يعادلو ..لكن بطريقتكم دي خمو وصرو ــ *الإستديو التحليلي برعاية زيت الطيب ....زيت الطيب تطبخ بيهو ..لحمة كـــلاب ولا حمير يطلّعها ليك زي الضأن ــ أولاد قلباااااا...عليم الله .....ماااي هااارت بروكن فور يوو ... ياطلحة ما أكان ليك تجي وتتكامل معانا في مدنينا...وأهو شالو منكم الجامع وطلعوك لوريكم زاتو مافيهو منفلة و....مدني يااااااا (............)
Post: #566 Title: Re: tmbis Author: وليد محمد المبارك Date: 06-17-2013, 08:02 AM Parent: #565
يا امير بس حدد لينا بيتكم في الصورة الفوق دي
طوالي بنعتبرك ود الخرطوم الصورة دي سنة 27
انت عارف بعد تاريخ الصورة دي بي 5 سنوات انا جدي لعب في الهلال
أوعا نقطك ديل يلم فيهم شيطان البورد ويعملا فيك وتبقى عليك البقت على أبوالسيوف!!!
سينما أمير ببقى ليك شنو؟؟
Post: #569 Title: Re: tmbis Author: عمر الفاروق Date: 06-17-2013, 08:13 AM Parent: #566
يعني يا أمير بي كوورتنا دي ..لياقتي الضعيفة وملصات وليد وتشتيت تمبس وبعد ده كللو نحن غالبين 9-1 فما بالك لو انا جيت بي كامل لياقتي ووليد قبضا وتمبس استلم بي رواقة ..تفتكر كانت الكورة ح تكون كم؟؟ ياخ صلاح بعد الله رسم بيتهم للسما فوووق .. اساسي بيلعب مدافع ما مهاجم .. لاحظ بينتظرنا نبدا الهجمة وهو كل دورو في الملعب إفساد الهجمات .. لحدي اللحظة ماف زول من منتخب الخرطوم قادر يبني ليهو هجمة منظمة .. حتتتى القون الواحد الجابوهو ده جابوهو قضاء وقدر .. ياخ ناس حالتو لاعبين ومعاهم (الهوا) ..زي ما قال كمال حامد يوم كورة السودان ..يلا يا شباب شدو حيلكم الهوا معانا .. :)
يا وليد شايفك ( ماسك صورتك دي كفرمالة ووشغال ابتزاز في العالم طلع بيتكم طلع حوشكم
خليك من الصورة السنة 1927 دي وهاك الصورة دي سنة 1870 في التركية السابقة طلع لي حيطة واحدة مبنية في امدرمان , خليك من حيطة طلع لي راكوبة ساكت واقفة هناك في الصورة تظهر مدينة الخرطوم القديمة حزاء النيل الازرق وجزيرة توتي والجزء المقابل النيل من امدرمان , حيث تظهر امدرمان في حقيقتها الجلية صقيعة سااااكت
Post: #572 Title: Re: tmbis Author: وليد محمد المبارك Date: 06-17-2013, 08:25 AM Parent: #570
يا اساسي كدي انت طلع لي راكوبة واحد في صورتك دي في توتي القلتو عليها هي اساسكم خلي من امدرمان البعييييييييييييييييييييييدة ديك
يا أمير الجامع أكدوهوا ما شالوهوا يا حبيب .. أنا قلتا الجامع الكبير (غلطة كيبورد) وهم قالوا جامع فاروق وهو المطلوب تأكيدو. بعدين بصراحة مدني ما عندي فيها عود .. أنا اعوادي كلها في خرتومنا دي كان بالقديم واللا بالجديد .. لو عايزين قديم أهلنا مدفونين فيها وأملاكم تسد عين الشمس .. ولو عايزين جديد أهي ديك بيوتنا مأجرة للاحباش والروم . من جهة أخري يا بصراحة كدا أنا عندي شك في أبو عمير اللي هو عمر الفاروق يكون فعلا ود أم درمان بوضع اليد أو بوجود مدفن لواحد من أجدادو القدماء حتي ولو هو ما عارف الحقيقة دي .. ودا ببساطة لأنو الزول دا بعرف يتكلم في الفن والرياضة فضلا عن ان كلامو الساي دا فيهو عراقة وتحس بيهو كدا معتق معتق زي مدينة المنوفلابي جدنا المحسي ولد أرباب العقائد . طبعا قد يقول قايل انو تامبا برضو بعرف يتكلم في الرياضة والفن وكلامو فيهو الريحة القلتها دي .. وجوابي إنو تامبا دا استثناء من الجماعة الجائين بى فوق وأناخوا حاجاتم قدام بيوتنا وجعلوها تبعر وسوروا بعرا . أخرجوا من مضاربنا يا هولاء .
Post: #571 Title: Re: tmbis Author: Salah Abdulla Date: 06-17-2013, 08:23 AM Parent: #567
يا ولّي .. ما تكورك ساي، أنا بقول ليك إنو بعد السكة حديد وقبلها كان في عمار وحياة.. ووريتك زريبة جدي كانت وين.. ووريتك العشش كانت وين ، وهي آخر حتة في الخرطوم القديمة..
يلا جيب لي صورة لأمدرمان، وح أعفيك من تحديد بيتكم كان وين..
والله طلحة صدق، مفروض تتخارجوا الى مضاربكم يا هؤلاْء..
يا وليد توتي يسأل منها الخبير عزيز . انا اُسأل عن معرض الخرطوم الدولي بس
Post: #577 Title: Re: tmbis Author: وليد محمد المبارك Date: 06-17-2013, 08:30 AM Parent: #573
Quote: يا وليد توتي يسأل منها الخبير عزيز . انا اُسأل عن معرض الخرطوم الدولي بس
محل بتلعبو دس دس .. انت وايمن ؟
Post: #574 Title: Re: tmbis Author: وليد محمد المبارك Date: 06-17-2013, 08:28 AM Parent: #571
يا صلاح زريبة جدك شنو ياخ عليك الله بطل الحنك العاضي ده انا جبت صورة الخرطوم وقلت ليك ليك حددانت جيب صورة امدرمان وانا علي التحديد
يا سلام على امدرمان ياخ ثقفت وحررتهم وعلمتهم واطربتهم ولعبتهم كورة ياخ نحن نتقطع ليكم
Post: #575 Title: Re: tmbis Author: عمر الفاروق Date: 06-17-2013, 08:29 AM Parent: #571
خلّي بالك يا وليد سيدنا االخضر ده بيكون الشافع الكتلو بيكون جد أساسي عم أبوهو ..
Post: #579 Title: Re: tmbis Author: وليد محمد المبارك Date: 06-17-2013, 08:35 AM Parent: #575
يا عمر ... ديل صعبين خلاس
Post: #576 Title: Re: tmbis Author: Salah Abdulla Date: 06-17-2013, 08:30 AM Parent: #571
أهو يا ولّي أساسي خارجك، أنا بدردق فيك لي كم صفحة عشان تجيب صورة أم درمان وبعدها أتونس بيكم، وأوريكم الخلا القاعدين فيهو.. يلا ورينا كنتو وين في صورة أساسي دي، وكان الصورة ما عجبتك، جيب صورتك (وبالتاريخ)..
يا ولّي .... بتعرف تجري!!
Post: #578 Title: Re: tmbis Author: وليد محمد المبارك Date: 06-17-2013, 08:34 AM Parent: #576
يا صلاح صورة اساسي ... بتفضحكم انتو ياخ توتي المتشعلقين فيها انت وعاملينها اساسكم .. ظهرت فيها سقيعة ساااااااااااااااااااااااااي
كدي وريني انت بيوت توتي وينها في الاول
الصورة الجابها اساسي دي
بتوري بيوت الانقليذ اسيادكم الكانو حاكمنكم ونحن جينا حررناكم منهم
انت بيوتكم وينها ؟
Post: #580 Title: Re: tmbis Author: عمر الفاروق Date: 06-17-2013, 08:36 AM Parent: #576
يا كافي البلا في صورة اساسي دي صخرة ساااي يتكّل فيها سيدنا موسى وغلامه ماف..
Post: #581 Title: Re: tmbis Author: عمر الفاروق Date: 06-17-2013, 08:44 AM Parent: #580
بالمناسبة يا وليد لو ملاحظ معاي حاجة مهمة .. صلاح ما قاعد يوصف ليك في بيتهم.. صلاح بيوصف ليك في زريبة جدّهم .. وبما إنو في اربعينيات وعشرينيات القرن الماضي كانت الثقافة السائدة إنو أي زول يكون عندو زريبة في حتة وبيتو في حتة فغالباً بيت ناس صلاح ما ظاهر في الصورة دي ..لكن ظاهرة الزريبة .. ياخ انا عملت فوكسينق للصورة وفعلاً صلاح كلامو صاح لأني شوفت الغنماية بتاعت عماد أخوهو مرة كان اتكلم عنها لمن كان بحب بت جيرانهم ولا شنو كده ما عارف.. طبعاً في الصورة واضحة إنها كانت سخلة وجاهلة ..
يا وليد ..إرفع يدك عن صلاح .. :) :) :)
Post: #585 Title: Re: tmbis Author: عمر الفاروق Date: 06-17-2013, 08:52 AM Parent: #581
أيمن يا حبوب .. صدقني في امدرمان ملامح وشخصيات مشابهة لي الناس الممكن تتوقعهم في توتي .. كلامك صاح أكيد التداخل بيزيد المعرفة ومن أوجب واجباتي اكون بعرف مدينتي والمدن المجاورة ليها أقلاه من باب العلم بالشئ.. انا عن نفسي تركيبتي معقدة شوية فيما يتعلق بي أي حاجة غير امدرمان .. ما عندي حب الاستطلاع بتاع الاكتشاف والمعرفة ده .. كنت شايف إنو ما وجدته في إنسان امدرمان وطبيعة امدرمان كافي جداً وما حوجني اطلع اشوفو برة .. حتى طبيعة إنسان القرية وطيبته وشهامته متوفرة في معظم سكان امدرمان القدااام .. يا أيمن ياخ انا فييي إجازتي الفاتت دي واللي هي قبل إسبوعين بس صادفت عزاء لي جيران ..وبالرغم من إنو الجيران ديل يبعدو عننا بمقدار مربوعين لي ورا أو شارعين زي ما بيقولوا ..إلا إنو لما جات الساعة 2 ونص أمي كوركت لي قالت لي يا ولد تعال شييل صينية الغدا امرق على ناس البكا ديل.. ولمن وصلت هناك لقيت صينيتي كانت الصينية رقم 20 بعد أن سبقني سكان الحي بالكامل .. الحاجة دي انا متأكد أسة ملامحها بدت تختفي في كتيير من البيوتات وقد تكون لسة في مناطق في الخرطوم أو في بحري محتفظة بيها .. قد يكووون ..
Post: #582 Title: Re: tmbis Author: Salah Abdulla Date: 06-17-2013, 08:45 AM Parent: #580
غايتو ناس بيغالطوا في الحقايق والتاريخ زي ناس العودة للمضارب ديل ما لاقاني!! توتي دي كمان عندكم فبها كلام!!!طلحة وعزيز ممكن يعلموا فيكم أكتر من كده يا جماعة أخير تتكاملوا أهلكم (مضاربكم).. فشنو نحن نوعدكم (كما وعد مدير جامعة الخرطوم المعارضة) أنو نضمن حمايتكم ونأمن ليكم (خروج آمن) وما ح نكلم أي زول.
يا عمر في المدرسة (المكان الجيتو منو يعني) أدوكم علم خرائط واللا متبلي على زحل والمشترى ساي..
Post: #584 Title: Re: tmbis Author: Salah Abdulla Date: 06-17-2013, 08:51 AM Parent: #582
Quote: يا وليد ..إرفع يدك عن صلاح .. :) :) :)
هاهاهاهاهااهاهاهاهاييييييي.. ياعمر آخر مرة إتمرنت متين!! ولّي ح نديهو وكت وبعد داك نسكو، لآنو بيشرب سجاير.. إنت لياقتك كيف، زي أخوك ده ، واللا بتعرف تجري..
هسي أمانة في ذمتك دي جدي يعمل زريبتو في الشرق ويجي من الغرب عشان يحلب الغنم ويرجع..
Post: #583 Title: Re: tmbis Author: أمير محي الدين محمد Date: 06-17-2013, 08:47 AM Parent: #567
Quote: يا امير بس حدد لينا بيتكم في الصورة الفوق دي
بكل أسف يا ولّي حاليا" فوق خط إستواء أب شنب دا والمؤشر عليه بالعشش ...يعني ممكن تقول كدا حاليا" بيتنا جوار فنانات جنوب الحزام ...والله يجازي الكان السبب ــ ياطلوح .. قلبي معاك وكامل التضامن في مطالبتك بخروجهم من مضاربكم ..بس عندي سؤالين إتا لسه عايز عمر الفاروق تمسكو الصفحة الفنية في جريدتك بعد القالو في نانسي ؟ وقيقم الجابو دا؟ وتامبا ماعندي شك زول بيعرف بتكلم في الرياضة والفن بس رائك شنو في قصة الحورية الريحتها سمك..سمك دي؟ أنا غايتو شاكي في إنو كان معسل الله والرسول؟ وشكلو ح يتمها زي بتاعت الزول (التاج) ولاّ (الجاك) النسّاي البحكي للناس الحكاوي وينساها في النص و..لمّن يجي يتمّها يقول للجماعة و..آآآها كنّا واقفين وين؟ ولو قالو ليهو كرعين الخروف كانت فووووق ح يقول هههههههه ما ضبحناهو وسلخناهو ـــ إنتو صحي وعلى قول أيمن الطيب في ناس هنا دمعتها قريبة وبتحمبك وتزعل سريع؟ وتقوم تشاكل ويفلّقو بالطوب والحجار لمن الغلب يحرقهم؟ بالله اللي بيزعل ويتحسس يكلّمنا برّانا ما ناقصيّن
Post: #586 Title: Re: tmbis Author: عمر الفاروق Date: 06-17-2013, 08:58 AM Parent: #583
يا أمير... للدنيا والعالمين .. قيقم ده من أحقب حقباء الحقيبة .. ولمن يغني ليك في الحقيبة دي الله إلا الراحل بادي محمد طيب البيفوتو .. ما تشوف لي عولاق حفلات الإفتتاحات بتاعت الكباري والصهاريج دي .. خلّي وليد ده يسوقك منتدى دار فلاح يوم الاربعاء وأمشي أسمع قيقم الأسة بتضحك عليهو ده وعايز تركّبو سرج واحد مع نانسي !!!
موعودين بي تسجيل خرااافي لي قيقم بس والله ما لااامي فيهو ..بس ألمّ ليكم فيهو وشوف تاني كان ما غيرت رايك ..
Post: #587 Title: Re: tmbis Author: MOHAMMED ELSHEIKH Date: 06-17-2013, 09:11 AM Parent: #586
Quote: محمد الشيخ
الله يسامحك
داك اكرمناهو سنة كاملة ساكن معانا
ابو السيوف ياخي وكت تزعل مني انت الفضل معاي منو؟ ياخي يدك معانا على ولاد العاصمةنخلي ليهم بوستهم دا كلو ....................................
يا أمير كلام أبو عمير عن الأميرة محض مكاجرة أو ربما سوء تفاهم أنا أكيد ح يروح لما يوم يقعد ليها في بطن الواطة .. أنا متمسك ب أبو عمير كزول مهم في الجريدة مش عشان زول بعرف يكتب شنو بس .. لكن برضو عشان غياظ جدا لما يقوم على المكاجرة بالذات عندما يتعلق الأمر بهلال مريخ .. والمكاجرة الغياظة دي هي من أهم مطلوبات الجريدة في السودان وفي ظرف فترة وجيزة جدا ممكن نكوش على السوق خرتوميا وإقليميا .. لكن من جهة تانية لا أخفي خوفي من انتشار الفاروق الح يكون سريع جدا وسط القراء .. وأكاد أراه بعين الخيال وهو يكتب الشهر الأول بانتظام وفي أول يوم من الشهر الجديد يقول لي معليش أنا الليلة ما بقدر أكتب عشان عندي شد عضلي ( ما انتشر عاد) ولما أقوم أعصر ليهو المرة دي ما بعيد الشهر البعديهو يسرب خبر يفيد بانو الجريدة الفلانية طالبا خدماتو .. وبرضو أقوم أعصر ليهو رغم علمي بى حركات الجيش دي .. وفي الآخر يجيبا لي من الآخر كدا ويقوم يعمل ليهو جريدة براهو وربما شال مني الأخوة الأعدقاء المشتركين. الزمن بقي كعب يا أمير والعالم قاعدة تقطع في بعض .
يا طلحة لو من الدنيا بت لزينا والنت دا لامي , زي عمر الفاروغ دا ما كان قرينا ليهو الا ذكرياته الكاتبها علي ضهر مقاعد بصات الوالي وحافلات بانت سوق ليبيا
دا الانتشار الوحيد الكان بيحلم بيهو
قلت لي يا فاروغ : الذكري ناقوس يدق في عالم النسيان
Quote: حقيييقي انا ما حبيت الخرطوم دي نهااائي وما قدرت اتعامل معاها قد تكونوا ماخدين قصة حبنا لي امدرمان دي بافتراض اننا بنحاول نقدكم بيها كنوع من الوهمات
يا عمر حبك لأمدرمان دا شئ طبيعى والتعبير عنو كذلك بس المشكلة بتبدا لما الناس تحاول تنسف تاريخ الآخرين وتلغى وجودهم وتتفه تفاصيل هى بالنسبة ليهم قناعات تماما زى بتاعة الناس القاعدين بهناك فى أمدرمان,,
Quote: عن نفسي فعلاً أحب امدرمان ومااا ملت عيني أي مدينة تانية وما عندي الرغبة إنو ابدلها بي أي مدينة تانية ..
الكلام دا يحسب لك ولك أن تفاخر به وتبديل دا أصلو ما بحصل تبدلا بشنو زاتو !! وكذلك أبناء الخرطوم وخاصة أولئك الذين تعمقوا فى تفاصيلها وعاشوا تجربتها وفكرتها بكل إختلاف تفاصيلها وتناقضاتها ومنهم من قطعوا الكبارى وعاشوا مع الناس البهناك أجزاء من واقعهم وعرفوا الدروب وشاركو فى ممارسات كتيرة مختلفة ومتنوعة ,, علم ورياضة وثقافة وإجتماع وإنسانيات وركز لى على ناس الإنسانيات ديل بالله ,,
لحد ما أجيك تانى,,
Post: #592 Title: Re: tmbis Author: عمر الفاروق Date: 06-17-2013, 09:52 AM Parent: #590
تعرف يا اساسي نحن الواحد فينا ما عارف قيمة نفسو أو ما بينتبه لي مواهبه الحقيقية وبيقوم يتشوبر في حاجات ما حقتو .. يعني انا بي أيي حال من الأحوال مفروض ما أقرا كمبيوتر ولااا حتى افكر في الطب أو في الهندسة مثلاً ولاااا ناس بيتنا مفروض يسوقوني للحتة دي .. يعني اسة انا بعد قريت كلامك ده قمت جريت الشريط زي جغلومية سنة لي ورا كده وقمت إكتشفت إنو انا كنت من النوع اللي كان بيقولوا ليهو في الحصة بكرة تعال كاتب لينا موضوع عن قضية فلسطين عشان عندنا مشاركة في مؤتمرشنو كده ما عارف .. والكلام ده من انا في الإبتدائي.. جيت المتوسطة إكتشفت إنو كان عندي الهبل والعولاق بتاع إني كنت الوحييد البصدر جريدة حائطية من A To Z براااي في حين إنو كان الباقيين فصل كاامل هو البيطلع الجريدة حقتو.. الفترة الانقطعت فيها كانت الثانوي لأنو ده كان مساككة كورة بس ما أييي شي تاني.. في الجامعة كان عندي عدد شهري إسمو التفاحة بينزل في البورد حق الجامعة ويم العدد ده ينزل في الجامعة كان نص أو تلاتة أرباع ناس كمبيوتر بيغيبو لأنو كان عدد بتاع شمشرة وشمارات علنية واللي هي ليتر إكتشفت إنها بيسموها شنو كده الصفراء وشنو كده البيجيبوهم اسة في MBC ديل.. رغماً عن المقدمة الطويلة العريضة دي يا عمك عن ماهيية عمر الصحفية :) إلا إنو انا أجدني فعلاً زول ساي بيعتمد على موهبة فطرية غير مصقولة بي علم ودراية ومعرفة .. يعني انا زول عنقالي ساااي يا عمك ..ما من رود الكتب ولااا بعرف أقرا كتاب كامل ..لكن من 1985 لحددي ما طلعت من السودان ما كنت بفوّت عدد واحد من أيي جريدة رياضية مثلاً .. بالمناسبة يا اساسي حتتتى كلام ناس ناقوس يدق وما ادراك ما ثلاثة وردات لمن تهديها وهذا خطي لا يزال ديلك فأنا ما بعرفهم صدق !!! لكن اخوك أحسسن زول بيعرف يحكي تفاصيل التفاصيل ..ومن ناحية رياضة وكورة دي فصدقني انا مااالي يدي منها لأنو فعلاً دي الحاجة الوحيدة الكان عندي قابلية استقطب اي معلومة تقع في عيني أو يدي واحفظا ..عشان كده عندي فيها زخيرة معرفية مااا بطالة وبتخليني اداقش.. هذا ولا يفوتني إنو اقول لي طلحة إطططمممن يا حبوب فانا اااخر من يصاب بي الغرور في الدنيا دي .. والسبب بسيييط ..لأني زول عنقالي ساااي وود حلة ..كما وإنو مرت بي الحاجات اللي كان ممكن ذات يوم تخليني اطنقع ومرت بسلااام فما أظن تاني بعد الصلعة والكرش دي في شي ممكن يخليني ارفع السعر :) :)
Quote: ياطلحة ما أكان ليك تجي وتتكامل معانا في مدنينا...وأهو شالو منكم الجامع وطلعوك لوريكم زاتو مافيهو منفلة و....مدني يااااااا (............)
يا امير, عندي قصة حول مدني و ام درمان عايز اقولها لكن خايف الشي ده يمشي الخور
Post: #594 Title: Re: tmbis Author: عمر الفاروق Date: 06-17-2013, 10:06 AM Parent: #593
يا حسبو .. بوست ما ودتو نقاط سيف مساعد وشيطان تحويل الأقواس للخور صدقني تاني مااف شي بيوديهو الخور.. أكتب ساااي يا اخوي الحبببة ما بتجيهو .. :)
Post: #597 Title: Re: tmbis Author: أمير محي الدين محمد Date: 06-17-2013, 10:17 AM Parent: #593
Quote: يا امير, عندي قصة حول مدني و ام درمان عايز اقولها لكن خايف الشي ده يمشي الخور
ههههه كدي باصرها مشفرّة ياحسبو ولو مزنوووق وماقادر تنتظر آخر يوم في هترشة الأرشفة هنا كبّها في بوست بقرة نوبي ولو عمك شال البقرة بي بوكسيها خليهو اللي يشيّلها ويشيّل معاها الفي عينينا ــ و...بالله عليك مورتا ما بالغ .....آهو نهاية قعاد السعودية
عولم يا أبو عمير عولم والله ولا يهمك من أساسي الحاقد المتخرتم دا .. ثم ياخ الذكري ناقوس .. الخ وللذكري والتاريخ والسمك والفسيخ .. الخ برضو دي حاجات بدأ بيها كبار الأدباء والكتاب أمثال عبد السميع اللميع وعبد النضيف جار النبي وما إلى ذلك من أدباء .. اتا بس حكاية الكرش والصلعة دي مافي زول سعلك منها فما تقوم تلوكا بى مناسبة ودون مناسبة عشان في شغلانيتنا دي المظهر في خيال الناس وبالذات الجكس مطلوب بى شدة .. أنا بعرف كاتب عمود الجريدة بتوزع عشان عمودو دا بس أكتر من جلغمية ألف نسخة قبل وقت الظهيرة لدرجة أنو احيانا قاعدين يعملوا طبعة رابعة وخامسة قبل وقت الغسق بقليل .. وتلاتة أرباع البقروا ليهو من الجكس النضيف الفاقد حنان المتخيلات إنو الزول دا الن ديلون برغم انو هو أعور ومركب طقم ولابس باروكة وبياكل أم فتفت بعد المغرب على طول .
ويا حسبو أنا عرفتا نفسي سايقا برغم انو اللستك الوراني مطرشق والقدامي ما فيهو عجل حديد بعد أول طلة لصلاح عبدالله عزيز دا كان تأكيد التأكيد . الناس دي رايحة ليها فشخرة ووهمات زي بتاعت محمد سيد أحمد ولكن عليهم أن يفعلوا ذلك بعيدا عن مضاربنا واللا وحاة النعمة نكشهم بى غنم الجوا بيهم .. ودا بعد ما نخصم حق الأرضية والفوائد طبعا .
Post: #598 Title: Re: tmbis Author: فيصل نوبي Date: 06-17-2013, 10:20 AM Parent: #596
Quote: الناس دي رايحة ليها فشخرة ووهمات زي بتاعت محمد سيد أحمد
عليك الله رجعنا للموضوع الاساسي ياخ نفسنا اتقطع ما لحقنا على الكم وعشرين صفحة ديل بس صفحتين تلاتة ومسكنا وجع الاصفاح شفت اخر صفحة لقيت نفسي بقرأ ونسات دقاقة وتليب بالحيوط وزرات كدا قديمة رجعوها نظام تهديد مبطن وكل العندو كدوس ولعو وخت كرسيهو و قعد يقشر يبربر : نحو افق بعيد.. بتاعة الزول داك بالصدفة بس لقيت موضوعى بتاع كادوقلي من حظي السمح جا جنب موضوع زولك واتقشط هنا في اول البوست غايتو شهرة ببلاش ياما انت كريم يارب ... لو الثورة ما قامت ما بنشق تربا ! المهم مرة مرة متابعين نشوف القطر دا شايت لحدت يا تو محطة !
Quote: و...بالله عليك مورتا ما بالغ .....آهو نهاية قعاد السعودية
مورتا انتهى يا اميرنا, مورتا بقى بحضر أفراح أفراح بالعصر و بنتظر الإعادة بالليل
--- غايتو القصة واقفة لي في حلقي لكن برشها ليكم على ضمانتك انت و عمرالفاروق :)
قال ليك واحد من مدني شغال بتغالط مع واحد من ام درمان بتاع مدني قال: اولاد ام درمان كلهم ( نفس النقط نقط بتاعة ابوالسيوف) و من شدة ماهم (نقط نقط) الواحد بتخطف من الشارع عادي بتاع ام درمان رد عليه:خليك من ده انا اول مرة في حياتي امشي مدني و ما كنت بعرف زول هناك, و فجأة اتعصرت بولندا عاينت لقيت عمود كهرباء مشيت جنبو طلعت العدة كده العمود طوالي دنقر
Post: #604 Title: Re: tmbis Author: أمير محي الدين محمد Date: 06-17-2013, 10:44 AM Parent: #602
هههههههه دا شنو ياحسبو الله يهدّيك ..ماقلّنا ليك كان مزنووووق ومامشفرة كبّها في بوست البقرة
Quote: السنة الماضية عزمني أخي وصديقي ورفيق طفولتي والشباب دكتور الصديق عمر الصديق عشاء في برج الفاتح.
الروابط فيه ما يهمك,, Re: مستوى متدن للغاية لكتابة رئيس شعبة اللغة العربية بجامعة الخرطوم Re: فضيحة: سقوط فاحش لرئيس شعبة اللغة العربية بجامعة الخرطوم
لم يخيب ظنى فيك وعنك أبدا,,
وشكرا جزيلا على إنعاش الذاكرة والمعلومات القيمة عن توتى والخرطوم وتفاصيل سقطت من كثير من الكتابات رغم أهميتها,,
دروس ومحاضرات غاية فى المتعة,,
تحياتى,,
الاخ الكريم أيمن الطيب يا طيب لك التحية والحب
أولا والله رددت عليك بأخذ إقتباس سؤالك لي إن كنت من توتي ولكن كتبت سهواً إسم الأخ وليد وكنت انت المقصود بالمداخلة..
دكتور الصديق من أخير الناس وأعلمهم وأنطقهم باللغة العربية وله إشراقات كثيرة غير الذي يعرفه عنه طلابه وزملائه نحفظها منذ عهد الصبا الآول فله ولك التحية والحب.. لتوتي سحر وعبق ولتوتي كما ذكرت أنت خصوصيتها والقها الذي يبهر كل من ربطته بها علاقة أو صادق اهلها..
تعرف يا أيمن مع أن الكبرى طفرة ونقلة نوعية في تاريخ توتي إلا أنه له مساوى كان أهلنا الكبار أحكم منا في رؤيتهم.. كانت المعدية البنطون أو الفلوكات عبارة عن جريدة حائطية على مر ثواني اليوم نعلم عن بعضنا بعضاً من المريض الذى أخذ للطبيب أو المستشفى ومن حضر من السفر ومن سافر ومن رزق إبناً وأكيد من توفي لتصل للعزاء قبل ان تصل منزلك.. الآن تلاشت هذه الحميمية لأن الكل في سيارته يطلق لها العنان رافع الزجاج من الغبار!! أصبح الجميع يعلم الأخبار بعد مرور أيام وقد تطول لشهور من ما يخلق الجفوة بين الأهل.. نحن بتوتي نفخر بأننا قرية داخل عاصمة كنا أساسها..
تسلم يا أيمن وما نقلته من معلومات عن توتي هي إجتهادات لأباء وأساتذة وأخوة أجلاء مازالوا يوثقوا لتوتي وأهلها..
تقبل محبتى والأمنيات عبدالعزيز خطاب
Post: #599 Title: Re: tmbis Author: فيصل نوبي Date: 06-17-2013, 10:25 AM Parent: #596
Quote: يا حسبو .. بوست ما ودتو نقاط سيف مساعد وشيطان تحويل الأقواس للخور صدقني تاني مااف شي بيوديهو الخور.. أكتب ساااي يا اخوي الحبببة ما بتجيهو .. :)
أكتب يا حسبو أكتب أب صلعة زاتو بيكون قاعد يجي يكشف هنا و يضحك و يمشي ينوم قرير العين ياخ سيف مساعد كتابتو كلها يا اقواس يا شخبتة أب صلعة كان عمل لماها ليهو تعمل ليهو عنقريب مكرب من عشر طبقات
تعرف يا ايمن حوارك البدا ياخد منحى انساني وحنيتك علي عمر الفاروغ دي ما مريحاني , ودي حتودي البوست لحتة مجاملات ما حبابها , الفكرة الرئيسية الخلتني احول بوسط طمبس دا من سكسك مناضلين الي رش اولاد امدرمان رغم انه البوست كاتبه المتواضع نوبي وحولته ليهو بمزاجي انه ادي عيال امدرمان ديل حقهم كاش عشان يعرفوا قيمتهم وانه اولاد قلبا الجد ما بيهتموا بترديد الحكاية دي لانها جزء اصيل في تكوينهم وبتعكسها تصرفاتهم وما حاجة بشيلوا ليها مكرفون في كل حفرة او منحدر يقعدوا يلعلعوا بيها انحنا اولاد قلبا وانحنا عيال سنترا , زمان واحد حكي في البورد دا انه كان معاهم واحد في الجامعة عنده قميص وااااحد بيجي بيهو كل يوم اها يوم واحد مشي معاهو بيتهم لقي الود مرتاح راحة سنينك وفتح ليهو الدولاب لقى دستتين من نفس القميص بس لانه ما داير يحرج الاولاد المعاهو باللبس البعقدهم ولانه مطمئن انه دي مشكلة اصلا بتميزه قصة اللبس دي , ودي بترجعني انا ذاتي لي واحدة من حنياتي العجيبة الان دخلتها في حياتي واخدت فيها تسعة صفر بتذكر كنت بقرأ في الخرطوم القديمة من تانية ماشين تالتة امتحان شهادة وكدا , اها كان الزمن داك في وهمة الكورسات الصيفية وكدا , كان في معهد عبدين في بري اكيد بتعرفوا , سنة تلاتة وتزعين كنت بقرأ فيهو كورس صيفي اها كان معانا ود طيبان ومسكين حلفاوي اها بحكم اني كنت ساكن في امتداد ناصر كان الود دا بيمشي معاي كونه ساكن في الرياض , اها المشوار اليومي دا خلانا نتصاحب , النصيحة الود مسكين وطيب ومتواضع للدين الامر الاداني احساس بانه حالته المادية بسيطة واخوك كان وضعهم متوسط الحال فكنت بحن عليهو لشنو ما عارف , وكنت علي يقين جواي انه ابوهو شغال حارس عمارة في الرياض من العمارات البيبنوها هناك لانه وضعه العام ما بيشئ بانه من اولاد الرياض البرجوازيه , كونه بيمشي معاي المشوار دا كداري وانه بسف صاعوط وما بيشرب سجاير سمة الناس المرتاحة , المهم يوم كدا الظروف خلتني امشي معاهو الرياض بيتهم نجيب مزكرات او نحو ذلك ما متزكر , اها مشيت معاهو وبصراحة طول الطريق انا كنت متحسس انه قد يحرج مني عند رؤية وضعهم المتواضع , اها شفت في الرياض شارع صبعطاشر اجعص فيلا هناك , ايوة فيلا ما عمارة بس , اجعص فيلا واقفات قدامها اربعة عربات من خير ما انتجته التكنلوجيا الالمانية ذلك الوقت من المرسيدس كانت واقفة قدام الفيلا. قام ككرب فتح الباب بي مفتاحه , انا قلت جواي اكيد ود الغفير , زولك فتح باب الفيلا الداخلية وقال لي ادخل ياخ ماف غير ابوي الايامات دي, وناس امي واخواني في لنضن , وانا فاغر فاهي بالدهشة , ودخلت الفيلا من جوة , شفت البيوت البتتخيلها في الجنة ديك ؟ ما حقت الدنيا اجعص بيت بيصل ليهو خيالك؟ بس اقل من بيتهم دا شوية , ياخ بهو الفيلا سقفه الدور الرابع ونازلة نجفة اكبر من حقت جامع السلطان زايد من السقف بتاع الدور الرابع في البهو دا , طبعا ما ممكن اقول علي الحتة ديك صالة لانه البهو يكون كيف لو دي صالة , المهم كراسي الجلوس معمولة علي ما اعتقد بي ريش النعام دا اصلا لو كنت بعرفوا زاتو , المهم لو قلت ليك الود طلع ود راحات واهله اثرياء بكون ظلمته , الود دا تقريبا كان ممكن يشتري حلتنا كلها بي الفرن والتعاون والمسجد وميدان الرابطة والزرايب الجمبه بحق النجفة النازلة من السماء دي,اها كان ندمت علي حاجة في الوقت داك ما بيكون ندمت علي حاجة علي حنيتي الاثرت بيها الود دا وما استاثرت بيها لي نفسي , بعد شوية الود بعد اخدنا المزكرات قال لي اطلعاكا وانا نص ساعة بكابس في اليقومني من الكرسي الغرقت فيهو دا , اها طلعنا كدا علي اساس اني حاشتت بيتنا قال لي اركب بي الباب التاني وفتح المارسيدس , انا لبدت جنس لبدة وعملت غمران كلو كلو والامر عادي , ياخ اظن ديك اول مرة اركب فيها عربية غير بص الاهالي بتاع بري , وجعصت ليك في المارسيدس الشبح الاول مرة اشوفها زاتو الوقت داك وفوووووووو صحبك طلع العمارات فورتي ون نزل ليك اسكريم وداك اول مرة يحصل لي الشرف باسكريم فورتي ون والله دقيت الاسكريم دا زي الباكل في ضلع ما بلعتو بليع بل قعدت الوك فيهو عشان ما تفوتني منه حاجة في الطعم الاول مرة يحصل لي لساني , اها بعد داك فووووو علي امتداد ناصر ونزلني قدام بيتنا , والله لو لا الحياء كنت داير افاصله ينزلني في راس الشارع لكن للاسف هو كان شاف بيتنا المسكين , اول ما نزلت من العربية كان نفسي اقيف جمب الحيطة واجعر بطول حسي علي رقة حالي , في المشوار الصغير دا اكتشفت انه الود اصلن ابوهو سفير وانه بيمشوا لنضن وباريس وعاشوا في فينا وما تعرف لوكسنبورج ودول كدا انا اول مرة اسمع بيها . المهم الداير اقوله ليك انه يا ايمن انه الزول الواثق من قلبه وعارف قيمة نفسه وقيمة الحاجة العنده ما محتاج يجاهر بيها كل شوية ويقد بيها الناس .
Post: #603 Title: Re: tmbis Author: حمد عبد الغفار عمر Date: 06-17-2013, 10:41 AM Parent: #600
والله يا أساسي انت مدمرة اسفيرية رأسا عديل
دا ما بينفي إنك وافد
Post: #605 Title: Re: tmbis Author: محمد البشرى الخضر Date: 06-17-2013, 10:47 AM Parent: #603
يا حسبوف دقستا خالص وأديت الفرصة للوفود الجاية من الفيافي والشايلة السيل عبر الوديان ديل يغيروا مجري البوست إلى الخور ليطمسوا معالم الهزيمة التى حاقت بهم من أهل الجلد والرأس .
Post: #611 Title: Re: tmbis Author: أمير محي الدين محمد Date: 06-17-2013, 11:13 AM Parent: #608
Quote: يا سلالالام، كأنك بتوصف في بيتنا في الديم بس الفرق إنو نحن كان عندنا (حديقة ) بتاعت أغنام أليفة ، للزينة وكده..
بالأضافة يا أب شنب لــ أسومينغ بول..ولاّ أنت كنت قلت جاكوزي؟ في بيت أخوكم الكبير يعني وليد بعد دا ما بحتاج يمشي دبي ويعمّل دايفينغ ـــ ماتفهمو أبو عمير دا غلط يا جماعة ..لا طنقعة لا شتيّن دي حاجة عادية .. رغم تحفظي على أسم المجلة الشهرية القال إسمها التفاحة دي
Post: #612 Title: Re: tmbis Author: Salah Abdulla Date: 06-17-2013, 11:29 AM Parent: #611
أيواااااا جاكوزي ، جاكوزي يا أمير.. شايف حديقة الأغنام الأليفة دي عجبتك!!
Quote: يا وليد توتي يسأل منها الخبير عزيز . انا اُسأل عن معرض الخرطوم الدولي بس
صاحبي الدبلوماسي أساسي
ياخ ليك وحشه والله كيفك والحلوين؟؟
اخوك والله بقى جار معرض الخرطوم الدولي لزم .. يعنى أي كلام تردم بيه آل مربط جنود المهدية أشريكنى فيه معاك ورمضان ده الصيام في برى والعيد كمان.. ياريت نعيد ذلك اليوم الرمضاني في رحاب كرمكم..
مودة تعلمها يا صاحب
Post: #614 Title: Re: tmbis Author: عمر الفاروق Date: 06-17-2013, 11:39 AM Parent: #611
مرة عندنا واحد ملقوف زييك كده يا أساسي والمشكلة عامل فيها بيصاحب المرطّبين بس .. أها مرة قام مشى لي ناس أحمد الريح (اااي احمد الريح الواااحد بتاعنا بتاع سودانيز ده) .. أها ناس أحمد ديل أظن بيتهم النوع السطوح داك وفيهو سلم ومضروب بوهية على غير عادة البويت :) أها جاني ليك ونظااام مهجوووم وإنو الليلة مشيت ناس أحمد الريح وطلعوا مرطبييين يا عمك .. قلت ليهو كيييف عرفتهم مرطبين ؟؟؟ قال والله دييل من شدة ما مرطبين جابوا لينا الجبس* بدون عيش ..
_____________________ *الجبس يا ناس فروق الوقت هو البطاطس المحمرة
Post: #616 Title: Re: tmbis Author: عمر الفاروق Date: 06-17-2013, 11:50 AM Parent: #615
وهنا لا يفوتني يا طلحة أن أحكي ليك عن صدمتي في صلاح اخوي الزول البعتقد فيهو كواحد من أهرامات الرقي في هذا الكون .. إجازتي القبل الفاتت ونظام الجو أسري وكده قررنا إنو نجيب العضة من برة .. أها دوورت العربية وسوقت معاي أختي الصغيرة .. أها يا شابة تاكلوا شنو ؟؟ انا شخصييياً جنني بيرقر وطرحي وااضح لكن إنتو أجيب ليكم شنو ؟؟ نحتت راسا كداا كداا وكدااا وبتفكككر قامت قالت لي ياخ جيب لينا الإسمو شنو داك؟؟؟ قدر ما حاولت اساعدا في إسمو غلبني .. قالت لي ياخ الدجاج خالي عظم داااك.. عندو إسم ياخ ..صلاح طوااالي بيجيبو لينا .. أشيل وأنجر ليها في الاسماي وهي ما عرفت .. في النهاية اشتريت ليهم معاي بيرقر ورجعنا اليبت .. أها قاعدين بنتونس كده قووم يا صلاح قوول ياخ كان تجيبو لي كريسبي!!! قووومي انتي يا اختي اتهجمممي وقولي لي بببببس ايوااا كريسبي دي الانا قاااصداها .. قبلت لي صلاح أخوي وقلت ليهو معليش يا صلاح كريسبي دي ترجمتها شنو ؟ قال لي يعني دجاج خالي عظم!!! قلت ليهو والله يا صلاح لو بطلت طنقعة وقلت لي جدااد خالي عضم بقبلا منك .. لكن كمان بي طنقعة ولغة عربية فصحى دجااج خااالي عظم!!!؟؟؟ تقول لي شيبس؟؟؟ هاااك الكريسبي الخالي عظم ده .. :)
ااي يا حمد اطريني ياخ , ماف احلي من الاطراء المستحق
بمناسبة وافد دي عندي صحبي في امتداد ناصر قريب الود دكين دا كان اخوهو الكبير مصاحب ليهو واحد اسمه معتصم , اها معتصم دا حبوبته مولودة في توتي حقت حبيبنا عزيز دا , اها اصحاب حفيدها ديل كانوا اشقيا جدا , اول ما يجو لي معتصم في البيت ويدقوا الباب تقول هي بتحس بيهم وجنها وجن معتصم دا يطلع معاهم اها اول ما يدقوا الباب بتجي تفتحوا هي بالحاسة السادسة , اول ما تشوفهم الله لا كالكم ولا جاب عَقَابكم من البلد ...غوروا من هنا فزي الداير تقول لي الله لا جاب عقابكم *
ــــــــ تقرا عقابكم بالدارجية السودانية بما يعني باقيكم
معلوم يا صاحب , ما يحتاج زي ما بيقولوا جماعتنا السعاودة بمناسبة بري , ياخ الشقق النزلت تفاصيلها زمان ديك اظنك حسب مداخلتك الفوق دي بقيت من ملاكها يا اريت لو تديني شوية تفاصيل وهل ما تزال متاحة للان لانه نصحت بيها زول هنا علي حسب كلامك و كلفني اسال ليهو منها
Quote: انا لبدت جنس لبدة وعملت غمران كلو كلو والامر عادي , ياخ اظن ديك اول مرة اركب فيها عربية غير بص الاهالي بتاع بري , وجعصت ليك في المارسيدس الشبح الاول مرة اشوفها زاتو الوقت داك وفوووووووو صحبك طلع العمارات فورتي ون نزل ليك اسكريم وداك اول مرة يحصل لي الشرف باسكريم فورتي ون والله دقيت الاسكريم دا زي الباكل في ضلع
كنت شايل معاك كيس طبعا مش كدا ؟؟ انا لما قلت ليكم جاني شايل لي كيس والجماعة شكو فيهو ودقو فتاشة ما صدقتوني . طلعتوني كافر عديل كدا ما ياهيندي النوعية ذاته القلت ليكم لف بيها باب الهيلتون وهم ماشين بي وراي .. تخلعو مارسيدس ونجفـة في نص البيت في بداية التسعينات .. وفي الفين واطناشر يجيك داخل شايل ليهو كيس .. يعني اطلاقـا اطلاقا ما استفاد .. يتخلع من ايسكريم واحد واربعين ومارسيدس المانية الصنع وباب بيفتح بي ريموت كنترول .. والله اخير ناس طلحـة البشركو للطير والقمري في طرف الترعـة ولا داسنها ولا ايتها حاجة .. .. اها يا صلاح عبد الله ود امي وود ناس بيتنا .. اهو زولكم طلع من ناس اللمبــه اوقدت لحدت الآن يا ابو الصلح انا بتعامل معاك كزول شفت وممكن نعمل ليك تعديل شوية كدا وتصعيد تبقى معانا في سرج واحد .. عليك الله اعمل لينا نقد ذاتي .. اكتب ما يفيد انو فارة الرزق البخاف من المارسيدس دا ما تبعك .. شان نعرف نتفاهم معاك .. زول يقوليك الاسكريم عمل لي (شقيقة) دا تثق فيهو كيف ..؟ ياخ نحن لما كنا شفع .. اصغر من ولد الثانوي او المتوسطة دا .. في احتفالات عام الطفل الدولي .. كان بابا نميري في قصر الشباب بجينا ونحن في الصالة الداخليه .. والواحد بدوهو خمسة انواع من الايسكريم غير البسكويتات والشوكولات .. والواحد بكون لابس جزمـة رسمية ولادي سايز وشرابات لحدت الركبــة وننشد للعلم مع البيانو .. مش قلت ليكم الزول دا بكون حايم وعندو (قوبـه) وابعديلات الوكت داك .. وبسكو فيهو سك للحمام ..؟ اها كلامي مشى وجا .. شجاع يا اساسي .. شجاع انت ياخ
يا عمر الفاروق ما تسمع كلام اساسي ده ... بري دي في نصها جم اخر محطة لحدي سنة 1994 كان في كمبو اي والله كمبو راسو عديل
نحن كان بنمشيه الصباح منو بنمشي البيتش بتاعهم الظهر ليها في التسعينات داك اخر اليوم بنلعب معاهم كورة في الميدان الجمب بيت ناس علاء الدين نغلبهم كان 6 كان 7 نرجع حلتنا
طلحة ده من النوع الكان بيشيل (القلوبيات) و يحرس الغنم عشان ما تعفص ليها قلوبية منهم
Post: #628 Title: Re: tmbis Author: Salah Abdulla Date: 06-17-2013, 03:53 PM Parent: #627
تمبس دا يكون اليوم كلو يقرأ ويتضاحك وعامل مافيش، وما بيجي في المحلات الفيها جري، بس يلم له في ( هنة ) يجي قالع .... أيواااااااااا يا تامبا يا أخوي والله أنا بحترم جداً الزول البيّقر بالهزيمة، فشنو، جماعتك سكيناهم ، وأنا ده بالذات كنت رحيم جداً شايل لي فرع نيم، وزاتو فرع سغيييير.. (نعلاتهم) فوووق في السماء والعجاجة ما تديك الدرب.. طبعاً لمن الزول يكابر وما يقر بالهزيمة، أنا طوالي كنوع من التشجيع في المحاولة بساعدو، عشان ما يتأثر نفسياً.. فهسي محاولات أولاد قلبا باءت بالفشل الذريع، قدر ما يفتحوا موضوع نطقطقوا ليهم، ونطقطقهم ليك هم زاااااااااتم أها من النواحي الإجتماعية، والفنية والأدبية زي ناس الكتابة الأدبية الرصينة بتاعت المثقفاتية ديك والشعر والغنا والعزف، بمناسبة العزف دي ياخ أنا هسي منتظر لي آلة جديدة يخترعوعها عشان أحيّر ليك الإخترعا زاتو ((وأكيد عمر الحقّار ده ما قال ليك إنو أنا في المستقبل ح أطرح نفسي فنان أسفيري، علماً بإنو شايف (الموسيقار عمر) أسبغوا عليهو لقب ( ناقد فني ) ويُستشار في الغنا الجديد، وهو طبعاً ما صدق طوالي خشة ليك في الدور وإستلم الدور والمايك (الإثنين على حدٍ سواء) وخلف رجلو وبداها بي ( حقيقتن ) ،، هسي عليك الله أنا ما أولى من الفارات، يختّ لي ميتين شرط عشان أبقى فنان إسفيري!!! الشعب السوداني مُحطّم للمواهب الواعدة الصاعدة)) ... المهم، نواصل لما سبق، أها وكمان ماننسى البصمات الواضحة في بعض المناحي والتي يشهد بيها الشعب السوداني (كللللو) وما عارفين الشغل ده بتاع الديامي المقرم التفتيحة الشفت التراّس الطقاق السكّاك، المنطاق، المنقطا، أب شنب ، أب (لصعة) أب زرد ، أب كبّاس ، أب عديلات، أبو الشهيّق، أب لمبة، أبومروة، (الككو الفجغ الطين) وبرضو ممكن أكون (أنا) وأعوذ بالله من كلمة أنا، زي كلام الفارات الما بدورو نهائياً ، ناس الأديب الأريب الشفيف الرهيف الظريف النضيف، العفيف، الرغيف.. طبعاً الدنيا ديمقراطية ومن حقي إني أشكّر نفسي زي ما عايز.. المهم، يا فارات كلما تفتحو باب تلقوا البعاتي قدامكم، غايتو أنا ده إلا تهنضبوني بالكورة !! أأأأأي الكورة الواحدة دي ، عبدالله ولدي أب تلاتة سنين ده بعرف فيها أحسن مني، لا عايزها، لا بدورا، لا بطيقا، لا بتابعا، لا بتناقش فيها ولا بتفرجا، لا بجالسا، لا بحملها، ولا بسقيها، ولا بشربا، ولا بصنعا، وهي أكعب ( عندي) من أم الكبائر ست الحديث..
فيا ود بيتنا ياخ تعديلات شنو البتسووها لي أنا!! معقولة بس.. أنا مرتين وصيت ولّي ده عشان تجيبوا الكراسات وأهم حاجة البرجل ، عشان قصة التبني وكده.. شوف يا ولدنا أنا بقولها ليك عدييييل كده، الجماعة ديل ح يبيعوك، البيع الواحد ده، أولاَ ولّي ده السفر غيّر طبعو وده كلو من المشروع، ح يفكك إنت وعمر عكس الهوا، لأنو قصة لندن وجليد وثلوج ناصعة البياض، ومباني فيكتورية قديم وتقاليد إنجليزية راسخة وضاربة في عمق التاريخ ولكنة إنجليزية، ومطار هيثرو، ونغمة قابلت في لندن فلان ، وعلاّن عزمنا غدا، وغلبنا ناس لندن في الدافوري، ، وكمان لمن تمشوا تسألوا منو في البيت الشفع يقولوا ليكم أبوي في لندن، دي كلها عندها تأثير، فأرخوه شوية عشان تخففوا صدمتكم بعدين وخليني من الأوهام و قصة الأصالة والبتاع والكلام الما جايب تمنو ده .. وعمر ده زاااااتو بعدما بقي (ميرغني البكري) ح يفتح ليكم الإتنين، بياخدو رايو، وممكن بكرة يصدر جريدة يومية ويسميها البرتكانة واللا المنقة، تفاح لأ ، شبع منو ( تب ) في الدسوعية.. فيا خوي أحسن ليك ( تتعصر ) علينا ( عاصميين حتى النخاع ) وح ننقلك من إلى.. لكن وبدون زعل كده ( هذا الأمر يخضع لموافقة مجلس وُراّث الخرتوم ، طلحة ، أساسي ، عزيز،أبوحتوت، أيمن، وكل من يأنس في نفسة الكفاءة)..
يا ابو صلاح شنو المجاملات دي الناس ديل اتطقطقو و اتسيّكوا وحرقوا من الصفحة خمسطاشر, القدامك دا غلاط و خرخرة ساي لكن دي ما مشكلة, كدا كدا بيناتنا كبري وما في فروقات توقيت بالحيل كدا الكلام في مجاملتك لتنظير و مدخّلو كواحد من ورّاث العاصمة لا لا لا يا قريبك دي بالغت فيها زول ما شاف السوق العربي بي عينو ولا فارز الجامع الكبير من المكتبة!! شمال الخرطوم عندو بنتهي في المطار وهو مسافر و اليوتيرن البمسّكو شارع مدني وهو راجع فا ما تاكل من الزلابية البعوس فوقها دي وناس جدّي وخالي وورثتي, تنظير دا من اصحاب الباغة الشهيرة :)
نا ؟؟؟؟؟؟؟؟؟؟؟ شوفتو شوفتو شوفتو .. زولكم لقا الشغلانة جاطت وقال براااحة يحشر نون النحل وإعتمد نفسو كواااحد من الخرطوميين .. بالله يا ود البشرى ما ترفع الكلف .. قول لي صلاح بيناتكم الكبري بنقبلا ..
Post: #631 Title: Re: tmbis Author: أمير محي الدين محمد Date: 06-17-2013, 07:07 PM Parent: #630
هههههههه يا أبو حتوت طلّعت أمدرمنجي مندس كدا..كدا... قال ليك كدا البحر بالطريقة دي زاتو الأمدرمنجية شكلهم ح يعادلوها...أساسي بدأ يستعرّض عمل ليهو مداخلة جابت ليهو هواء وأبو صلاح قلبو رق ووزع الورثة ..وبختك ياطلحة شايف أسمك طلع في التعويضات وود الفاروق بقى يلعب قشاش بلياقة فل...والشفت صدّ ليهو اتنين في التمنيات و..تمبس شكلو زعل مني لو تعليقاتي في قصة الحورية زعلتك لك العتبى يا أبوي ـــ و...مدني يااااااا....وفير بللي
Quote: زولكم لقا الشغلانة جاطت وقال براااحة يحشر نون النحل وإعتمد نفسو كواااحد من الخرطوميين ..
ههههههههههه خخخخخخخخ قلتا لي يا أبو عمير جا طاير تووووووشك بي غنمو ودجاجو .. والله لكن دا نحل طنان البتلقاهو عامل لاندنق في أية حتة جمب أية حتة .. ياخ جرجير دا حي الله بعرف في الخرتوم دي القومسيون الطبي عشان جا طلع شهادة تسنين ونادي العمال الجمب موقف العيلفون عشان محل مواصلات الفيافي والوديان البعيدة .. ولما اتطور شوية بقي يعرف الكوبري الخالعو دا .. أية حاجة تسألوا منها طوالي يجيب ليك سيرة الكوبري .. تسألو شنو ؟؟؟؟ دا لو قلتا ليهو السلام عليكم يقول ليك والله لما جينا مارين بالكوبري ماشين نطلع شهادة التسنين ..الخ .. يا زول العيد مبارك عليك يقول ليك والله الليلة كرعينا منملات لأنو قاطعين الكوبري كداري .. يا زول بكرة تعال أفطر معانا في البيت يقول ليك إحتمال الكوبري يكون مقفول .. رمضان السنة دي صايمو وين يقول ليك لقينا الكوبري الجديد مزحوم مشينا بى كوبري كوبر .. أية حاجة الكوبري .. والله ما فاضل ليهو إلا يقلع رواكيبو القاعدة في الوادي ديك ويجيبا يركبا تحت الكوبري ويقعد يبحلق فيهو للحول. يا جرجير الله يرضي عليك وعلينا وعشان تكسب فينا أجر تستفيد منو في آخرتك بطل لقافة .. هو شنو الموضوع ذاتو عشان تخش فيهو بى رأسك كدا ياخ ؟؟؟؟؟؟ إنا لله وإنا اليه راجعون .
Quote: ياخ جرجير دا حي الله بعرف في الخرتوم دي القومسيون الطبي عشان جا طلع شهادة تسنين ونادي العمال الجمب موقف العيلفون عشان محل مواصلات الفيافي والوديان البعيدة ..
خليت بالك يا عزيز بشاشا القارئ من الحركة الحريفة دي زلقها كدا في نص الكلام يعني الود بعرف حاجة في الخرطوم غير المطار و المغتربين و ومحل تطعيم الحمى الصفراء!! اهل العوض ياااا .. حركات ياااا
Post: #636 Title: Re: tmbis Author: حمد فتح الرحمن Date: 06-17-2013, 08:35 PM Parent: #634
:) السنة الفات مشيت عزاء في مدني وجد جد وانا راجع ما عرفتا احزن على المتوفي وللا احزن علي حال مدني اكتر
يا جماعة قلنا ليكم حمد كورتو اتصلحت مااا صدقتونا :) :) :)
يا حمد لا تحزن على مدني فبها عواميد تخجل كما الشنو ديلك في خدرهن ولا هي بيقولوها كيف ؟؟
تخريمة : ما عارف لكن والله فقدت مولانا خدر في هكذا بوست .. الزول ده ممتع لمن يبقا ود حلة ويخلي عولاقو بتاع السياسة داك .. :)
Post: #638 Title: Re: tmbis Author: MOHAMMED ELSHEIKH Date: 06-18-2013, 05:50 AM Parent: #637
يا اخواننا لو سمحتو ممكن سؤال؟ طبعا انا قريت في البيت دا " ود قلبا" وما مشكلة والله ماعرفت معناها ممكن يكون معناها the sun of her heart ام the sun who put it up side down
ولا بالمرة شوفو لينا علاء الدين يوسف يشكلها لينا عشان نبدأ نقرا في البوست تاني من اول جديد اي من المربع صفر وشكرا
Quote: ..تمبس شكلو زعل مني لو تعليقاتي في قصة الحورية زعلتك لك العتبى يا أبوي
شنو يا امير ..؟ ياخ قلنا البوست دا مفتوح .. بوست ونسـة الله لا جاب الزعـل ياخ .. عليك الله حسع دي لو ما بوست مفتوح .. البجيبك من مدني .. وبجيب طلحـة من ابو عشـر واللا من ووين ما عارف .. ومحمد البشري من ووين كدا ما عارف .. واساسي من بري يدخلو بي قلبا قوي في بوست لي اولاد سنترا شنو ؟؟ خليك منكم .. ياخ سيف مساعد جا شايل ليهو زهور عايز يتصور معانا ..
Post: #641 Title: Re: tmbis Author: أمير محي الدين محمد Date: 06-18-2013, 07:08 AM Parent: #639
Quote: السنة الفات مشيت عزاء في مدني وجد جد وانا راجع ما عرفتا احزن على المتوفي وللا احزن علي حال مدني اكتر
أحسن الله العزاء ياحمد...وبالله شفت بعينك الحال اللي وصلنا ليها.. وكانت نتيجتو نجي نتكوم جوار فنانات جنوب الحزام والساون سيستم يومي شارط أضانا وبعد ما كنا بنوم على صوت عصام محمد نور..تسمع فنانات جنوب الحزام يكوركو فينا أرح..أرح..أرح ..وأرح أكتر من كدا البقت علينا دي وين تاني ماعارف؟ _ ود البشرى ..عمر الفاروق ...الله يرضي عليكم ما قلنا فير بلاي..و..شكيتك لله يا حسبو كلاماتكم والعمدان دي أجلوها لمن نصل الفجة بتاعت قاع المدينة* والمسكوت عنو القالو عليه ــ * يا طلحة الفجة الجنب قاع المدينة دي ما جنب القمسيون ..ماتقوم توصف بيها
Post: #642 Title: Re: tmbis Author: حمد فتح الرحمن Date: 06-18-2013, 07:31 AM Parent: #641
يا عمر كورتنا من زمان سمحة ياخ بس انتو حاقرين بي اولاد الاقاليم ساكت والله
تعرف يا امير مدن السودان دي كلها بقت عاملة زي المدن البجيبو صورها بعد الحروب في البرامج الوثائقية ديك ، كمية من الغباشة والبؤس الله يعينا بس
Post: #643 Title: Re: tmbis Author: حمد عبد الغفار عمر Date: 06-18-2013, 07:37 AM Parent: #642
غايتو هسة ما عارف لكن مدني دي زمان البجيها كلو بكون مغلوب على الأقل 1/ صفر
Quote: الببالغ ويلقى ليهو فريق تعبان بيطلع بـ درون
درون شنو يا حمد ياخ ..؟ اقوليك حاجة .. زمان لما كنا في المتوسطـة .. وكنا مهتمين بالعمل العام اللي من ضمنو ثققيف اولاد الاقاليم ودا طبعا دورنا الطليعي في امدرمان بالضبط زي ما قاعدين نقوم بيهو في البوست دا كنا موهومين بالكرة .. من كوننا مراهقين ودي النشاطات العادية .. فكنا بنمشي نلعب في اي مكان .. من ضمن الاقتراحات .. اقترحو الجماعة نمشي نلعب في مدني .. فقامو اجرو ليهم حافلة وبي ربطـة المعلم كسحـو .. اها انا القدامك دا قلت ليهم طريقكم زراعي مدني شنو البمشيها انا كمان ؟ الخرتوم القريبة دي إلا يجابدوني مجابده فيها الجماعة ديل المهم مشو طقطقو ليكم اولادكم طلطاشر واللا كم وعشرين ما عارف وجو راجعين .. فما كان من اولاد مدني إلا وان طلبو مباراة للرد .. طبعا عشان يجو يتفرجو في العاصمة وفي امدرمان .. والوكت داك بت الحلة الفنانة حنان بلو بلو في الكفـر .. المهم جبنا الشباب ديل .. وعندنا بيت واحد من اصحابنا فاضي وكبير جوار بيت ناس حنان .. المهم عملنا ليهم الترتيبات للبرنامج ، وكلمنا الحاوي .. والاكل من البيوت والتحلية .. حنان الله يديها العافية .. قالت لينا ارفعو اياديكم من الناس ديل .. واتكفلت بي العضة بي اكسسواراتها .. بالليل صادف انو في حفلة في الحلـة وكانت حنان المغنية .. والشباب ديل نحن مدنهم تعليمات واضحة تلزمو مكانكم ما تتحركوا إلا بي دليل سياحي تقومو تروحو لينا هنا يا واحد تضربو عربية تجيبو لينا رقبـة ساااي .. يا زول لما النقارة دورت ... وحنان بتغني في أول اغنية : اتغابى فينا العرفـة وانا العشان عينيك كملت فيك اللهفـة إلخ إلخ جماعتك انتفضوا .. عرفوها ليك حنان .. احتلو ليك الحفلـة وهاك يا (كشــف) ايوة وحيات ابتسامتكم كلكم .. (كشــف) شديد من نوعية البخت ليك اصبعو الابهام في جبهتو واحد فيهم هاجت اشجانه بشكل عجيب .. قعد يكورك لي حنان .. يا حنان .. غني لي اومحمد .. غني لي اومحمد .. تاني يوم اصحابك اديناهم ليك خمسطاشر .. وفي طريق عودتهم لشبة الجزيرة ودعناهم .. بعد ان كتبنا المسؤول عن البعثـة اقرارا بعدم التوقف في اي مكان داخل العاصة المثلثـة .. من هنا الجزيرة طوالي ..
البوست دا الحلقة الاضعف فيهو بالنسبة لاولاد الخرطوم هو جرجير ابو حتحوت الشهير بمحمد البشرى خضر , بقية لاعبي تيم الخرطوم كل واحد فيهم معنوياته في السماء وبراهو بقلب اولاد امدرمان واحد ورا التاني , ابو حتحوت اضعف لينا التقسيمة وانا بصراحة من دخلته معانا ملاوز منه بعد بدأ اللعب بقيت شايل هم انه يقرشها لينا في التمنيات , الان بت علي يقين انه طابور خامس , وشغال نظام طوربيض لي مواهيم امدرمان داخل تيم الخرطوم الفتي الشاب المتجانس , والغريبة اشاع انه نسابته من مدني ليكسب شنو ما عارف وبرغم انها اشاعة ما مظبوطة , وعشان نوريكم بالثابتة انه ابو حتحوت طوربيض في تيمنا
Post: #645 Title: Re: tmbis Author: أمير محي الدين محمد Date: 06-18-2013, 07:55 AM Parent: #644
والله يا أساسي من الليلة دي إنت شيخي في البورد دا والأسافير (جـــــت) أنا لمن قلت أنو ود البشرى أمدرمنجي مندس الكلام الجبتو دا يمشي ويجيني ومتذكرو زي القريتو أمبارح بالله عامل ليها صولة كمان.... بيكون عارف بعد البقت على الأمدرمنجية إنو النهائي بقى مدني - خرطوم قال أحسن يركب باص الثورة ...الكيزان المندسين ديل أصلن وفصلن ونهائي ما بخلو طبعهم دا ــــ مدني ياااااا....دو ري ما فا...ترررم ..ترررررم ترتر...ترتر ــ وآآآآويلك وسهر ليلك ....وشيل شيلتك مع طلحة .. ياطلحة رشو.. رشو... بس من النوع الما بتشخت
Post: #650 Title: Re: tmbis Author: محمد البشرى الخضر Date: 06-18-2013, 08:17 AM Parent: #645
هههههههه دا شنو!! يعني انت قايل يا اساسي انت ساكن بري معناها كل جذورك من برّي فقط الوليّة اصلها من شندي أو ريفها و أعمام والدتها لازالوا هناك, جدها ابو والدتها استقر في مدني فامها مولودة هناك وحاليا في الخرطوم اها تقدر تقول عليها من وين احنا دناقلة جدودنا من حفير مشّو, جا منهم والد جدي واستقر في امدرمان والدي اتولد وعاش حياتو كلها في امدرمان قبل اغترابه, اهل والدتي شاعديناب من نواحي بربر - ما عارف اسم الحلة بالضبط - برضو جو استقروا في امدرمان والدتي اتولدت وعاشت فيها حتى سفرها أها لمّا جو من الإغتراب ما استقروا في امدرمان فأنا رغم انو اهلي منها لكن ما قمت فيها وعيت على الدنيا في الخرطوم و أمدرمان بالنسبة لي كانت مشوار مزعج كل خميس وجمعة أو أيام عديدة في حال وجود مناسبة, فالوالد و الوالدة روحهم في امدرمان و ما مقتنعين باي حتة غيرها, يعني الوهمة حقة اولاد قلبها و قاطع الكوبري وشن ما عارف دي انا مبري بيها من سادسة ابتدائي ويوميّا ثم تعال هنا حلقة اضعف بتاع الساعة كم وقت بعتني كدا: تو هيل وذ تيم سبيرت, النديك النجيضة الحاميانا ليها المجاملة من قبيل انت الحلقة الأضعف وكورتك في الكشافات ولولا الدعم المعنوي مني ومن ابوصلاح الحسم القيم بحتة الثقة وما الثقة دي يمين اولاد قلبها على كورتهم الحبة التاميها الشفت صور دي كان ادوك ليها صايمة:) يا بتاع ازدردت الايسكريم
أميرنا .. مدني شنو البتصل النهائي :) عايزين لينا تلاتة اربعة صفحات حتى أثر نكتة حسبو يروح
والله الشي البعرفو انو محمد البشى دا .. قرايبو ناس كمال عبد الوهــاب لاعب المريخ السابق .. قرايب لحم عديل كدا .. وسالت عبد المنعم ود الصول من الحتة دي اللي هو والدتو اخت كمال عبد الوهاب لزم .. وديل في قلب الموردة .. الملاحظ انو الشبه واضح بين معالم كمال عبد الوهاب وبين ود البشرى .. انا استغرب .. انو ود بري والمعرض كيف يتطاول على من له علاقـة دم بي كمال عبد الوهاب العلم المعروف في مجال الرياضة فعلا السفيه نبذ الباشا .. معليش يا ود البشرى الما بيعرف حقيقتك يجهلك
Post: #652 Title: Re: tmbis Author: محمد البشرى الخضر Date: 06-18-2013, 08:41 AM Parent: #651
Quote: معليش يا ود البشرى الما بيعرف حقيقتك يجهلك
هههههههههههه أبو الصيد في الماء العكر زاتو :) رغم انو الوكادة واضحة با تمبس لكن كيّفتني برضك
Post: #646 Title: Re: tmbis Author: وليد محمد المبارك Date: 06-18-2013, 07:59 AM Parent: #644
اييييييييييييييييييييييييييييك
رش تقيلة تقدروا تسمو الخرطوم كده
Quote: حى الأمراء ،(وكان يسكن فيه قادة جيش الخليفة عبد الله التعايشي وأقربائه) حي الهاشماب، (يقع غرب دار الرياضة). حي الموردة - بام درمان حي الملازمين (وعرف بهذا الاسم لان سكانه كانوا من الجيش الذي لازم محمد أحمد المهدي). بيت المال (عرفت بهذا الاسم لأن الخليفة عبد الله التعايشي اتخذ فيها أول دار للمال حي الهجرة (وهو الحي الذي ولد فيه الرئيس جعفر نميري ود نوباوي (نسية إلى ودنوباوي وهو واحد من قادة جيوش المهدية ويقال انه هو الذي قتل الجنرال تشارلز جورج غوردون. وينقسم الحي إلى : القلعة، وودنوباوي شمال، وود نوباوي وسط، ووود نوباوي، ويقع في الحي مسجد السيد عبد الرحمن المهديأحد أبناء محمد أحمد المهدي ومؤسس حزب الأمة، ومركز شؤون الأنصار (أنصار المهدي)، وجامع الشيخ قريب الله، ومركز الطريقة السمانية، ويشق ودنوباوي شارع الدومة (شارع السيد عبد الرحمن المهدي) وشارع ود البصير ويفصلها عن حي العمدة والركابية شارع الوادي غربا. ويفصله عن حي أب روف وود البنا شرقا شارع الهجرة. ويعد حي ود نوباوي من أعرق أحياء أم درمان وواحد من أهمها حيث سكن فيها كثير من السياسين السودانيين البارزين منهم الرئيس جعفر نميري، والسيد امين التوم ساتي. حي أبو روف. حيالقماير (ويقع إلى الشرق من نهر النيل وغرب كلية التربية التابعة لجامعة الخرطوم.شمال مدينة النيل، ويحده من الجنوب حي الدباغة.وسمي بالقماير نسبة إلى "القمير" وهو مكان صناعة الجير الأبيض الذي يستخدم في طلاء الجدران وقد تم تصنيفه كمنطقة أثرية حيث تنتشر فيه صناعة الفخار. حي العمدة(ويعد واحداً من اعرق احياء امدرمان حيث كان يسكنه عمدة المدينة، وينقسم إلى 4 (أربع) حسب اتجاهاتها الجغرافية، وأكبرها هي حي العمدة غرب، ومن أشهر سكانه العمدة ود المقبول، ومحمد أحمد وشقيقه الطاهر ابراهيم وأبنائهم . تاج السر الشيخ وايضا عائلة الشيخ الزين محمد احمد وحرمه السيده ميمونه الشيخ الفاتح الشيخ قريب الله وأولادهم، وايضا الشيخ ادريس الصادق وخليفته الشيخ صلاح ,والشاعر الكبير عبد القادر كرف وأسرة الشيخ مصطفي الرقيق والشيخ يوسف الخليفة عبد الرحمن.و الشيخ مرزوق الشيخ الحسن صاحب الزاوية التجانية وآل ياسين حمزة محمد وهو من أكبر تجار الجلود.حي العمدة شرق وأشهر سكانه اسرة عثمان صالح، بروفسير أحمد إبراهيم دياب، واسرة عجيب أحمد. وحي العمدة جنوب، ومن أعلامه حسن مصطفى يوسف من أكبر تجار الخيش والحبوب الزيتية, واسرة الشاعر السوداني الشهير التيجاني يوسف بشير، وحي العمدة شمال، وأشهر سكانه آل القاضى الشيخ عبد الله أحمد يوسف الذي كان مفتشاً للمحاكم الشرعية، وكان إماماً لجامع امدرمان الكبير وآل نديم وآل الزبير وآل أحمد خيري. حي المكي:-(وهو من أعرق أحياء أم درمان ومن أقدمها وبها حوش أبوقمري الذي يعد تراثاً قيماً حيث جاهد أهله مع المهدية) 'حي الشهداءومن الأسر المعروفة فيه ود نكير وعوض كوج وأولاد ياسمين. حي البوستة ومن أشهر سكانه اسرة حامد حسين قاسم. حى العرب. من أشهر سكانه اسرة يونس عباس شرف الدين والفنان الراحل إبراهيم عوض والمرحوم حسن عطية كابتن فريق الهلال ويوجد بها مسجد الكوارتة. واسرة الفنوب واسرة قابل والفنان ميرغني المأمون. حي المظاهر وتقيم فيه عائلات التبيداب و،آل مصطفى يعقوب. حي المسالمة (سمي بهذا الاسم نسبة للسلام والتعايش الذي كان يسود سكانه المسلمين والمسيحيون وبعض الأسر اليهودية امثال اسرة قنديل وصالح خضر الذين تحولوا إلى الإسلام وتزاوج بعض أفرادها مع أبناء الحي والأحياء المجاورة.ومن الأسر الأخرى أسرة عوض مصطفى يعقوب ومصطفى محمد قسم الله والكتياب وأبومرين وجلال عشري، وجورج مشرقي وشيخ الهدية شيخ طريقة أنصار السنة بالسودان رحمة الله عليه. وتوجد بالحي أكبر وأقدم كنيسة في السودان كما يوجد به أكبر تجمع للأقباط المسيحيين، وتوجد في هذا الحي الكنيسة الكاثوليكية ودار راهبات الكنيسة الذي يضم مدارس الراهبات الكاثوليكية (مدارس القسيس كمبوني). حي الركابية، وبه جزء يعرف باسم حي الأتراك أو زريبة الكاشف. ومن أشهر سكانه التاجر محمد محجوب النداف. العباسية، وينقسم الي شرق وغرب وشمال.ومن اشهر سكان الحي في مجال السياسه السيده / فاطمة احمد ابراهيم وشقيقها الشاعر والدبلوماسي صلاح احمد ابراهيم وصلاح عبد السلام وزير شئون الرئاسه أبان فترة الاحزاب الأخيره وفي مجال الفن عديد من الفنانين والشعراء امثال زيدان اراهيم وعبد الدافع عثمان وبادي احمد الطيب والشاعر سيد عبد السيد أبو صلاح وفي مجال التمثيل عوض صديق وفي مجال الإخراج إسماعيل عيساوي والمزيع أبوبكر عوض..
حي ابوكدوك ويحده من الشرق حي الضباط ومن الشمال خور أبوعنجة ومن الغرب غشلاق البوليس ومن الجنوب الدرادر وهو الآن موضع استاد فريق الموردة الرياضى. ويعتبر حي أبوكدوك من أشهر الأحياء التي تشكلت منها خارطة أم درمان بعد أحياء الفتيحاب والجموعية والموردة وأبو روف وحي العرب. ومن أشهر سكان حي أبوكدوك أبناء الشيخ أبوزيد بله بن عبد القادر بن على بن دكين (الذي أطلق اسمه على جزيرة ود دكين الواقعة في النيل الأبيض غرب جزيرة توتى)والذي اتى مع وفود دولة العبدلاب واستقر بالخرطوم في المنطقة الواقعة شرق الساقية عشرين ما بين - فندق هيلتون وجامع الشهيد - وكان معه الشيخ ارباب العقائد الذي ارتضى منطقة جزيرة توتى وكان من معه من أبناء عمومته الشيخ حمد ود ام مريوم وبنت عمه بنت المنى بت فضيل والتي تزوجها فيما بعد وهى شقيقة البطل احمد ود فضيل الذي استشهد في معركة ام دبيكرات ومن بعدها تم ترحيلهم إلى منطقة السلاح الطبى ومن بعدها إلى أبو كدوك وأبناء الشيخ أبوزيدهم الشيخ نور الجليل الشبخ أبوزيد والشيخ احمد والخليفه احمد بن الشبخ نورالجليل وعبدالواحد الشيخ أبوزيد وأبناء الضو موسى بله وأبناء سراج النور وأبناء حسن احمد (حجوج)وبناته الاحدى عشر وكانت هناك علاقه حميمه ما بين الشيخ أبوزيد والامام محمد احمد المهدى والذي اخذ منه البيعة قبل مقادرته إلى غرب السودان لتجهيز جيوشه لفتح الخرطوم ولكن عند عودة المهدى فاتحا وجدالشيخ أبو زيد قد توفى إلى رحمه مولاه فانخرط ابنه الشيخ نورالجليل في صفوف المهدى وقد امره الامام المهدى احدى المجموعات لفتح الخرطوم ومن سكان أبوكدوك أبناءالشيخ على التوم وأبناء حمدحامد وال الحاج ضاحى وأبناء محمد البخيت الملغب بـ(الجاركوك) وأبناء الناير خوجلى حفيد الشيح حمد ودام مريوم وأبناء حامد وعبدالقادر والامين عبد القادر وجابر عبد القادر المشهورين بـ (الصياييق) ولا ننسى أبناء الشيخ اسحق الشيح حمدالنيل صاحب البنية المشهورة بمقابر حمد النيل وأغلب هذه الاسر رحلت لضيف المكان إلى امبده (السبيل منطفة الشياخه الحارة الثامنة) وأيضا من سكان أبو كدوك ال الشقلينى والحضراب كل هذه الاسر كانت تسكن في منطقة السلاح الطبى فبل المهديهة وقدقام المستعمر بترحيلهم إلى منطقة أبوكدوك وقد اتت التسميه نسبة إلى الامير لاى صالح أبو كدوك الذي كان يعمل مدير السجن الحربى وهو والد الجنرال توفيق صالح أبوكدوك (له الرحمة والمغفرة).
حي الضباط. حي بانت - امدرمان حي أبو عنجة:- وينسب الاسم لأحد ######## المهدية ولخور يصرف مياه السيول للنيل. الكبجاب. وهي في المنطقة قبل القماير وبعد الهجرة باتجاه ود البصير ود البنا. وفيه اسرة البنا المعروفة بالشعر والغناء. حي العبابدة. تابع للملازمين غرب - الحارة 3 ومن أشهر سكان هذه المنطقة آل البشرى وآل سلوم وآل علي حسن كرار. حي المستشفى. يقع بين بيت الخليفة ومسجد الأنصار والشهداء وفريق العبابدة ومن أشهر سكان هذه المنطقة اسرة شلقامي. حي اليهود. تاريخيا كان به يهود اندمجوا في النسيج الاجتماعى أو هاجروا. العرضة:-(حيث كانت تعرض جيوش المهدية في عهد الخليفة عبد الله) تنقسم العرضة الي شمال ووسط وجنوب ومن أشهر واعرق الاسر فيها اسرة محمد بله الخير ناصر واسرة عبد الجاك مصطفى يعقوب والمرحوم عبد الله السيد.
مسجد النيلين الشهير احياء ام درمان الحديثة
(وهذه المجموعة تقدر بحوالى 70% من أحياء أم درمان)
حي الدوحه امتداد لحي المهندسين. حي تعويضات بيت المال وفيها اسر من امدرمان العريقة مثل الشيخ السنوسي والكوارتة وقليل من آل الدعيته. الحي الاكاديمي. بانت (مقسمة إلى فرعين غرب وشرق). والثورة (مقسمة إلى أحياء منها المهدية ومن أشهر اسرها اسرة المرحوم عوض مصطفى يعقوب وآل أبو شورة وأولاد ازرق وناس محمد موسى الناير وأولاد مكاوي واسرة الاتراك العريقة آل البريقدار - " وتعرف بالحارات " من الحارة 1 إلى 63)-الثورة من 1 إلى 101. حي السكن الفاخر. حي الروضه. مدينة النيل. حي الشاطي. حي الرياض ومن أشهر الاسر فيه اسرة المرحوم زيادة ساتي سوار الذهب ناس مودة ومحبة. حي الحتانة شمال وجنوب. ومن أشهر سكانه حسين شندي ومجذوب اونسى والحاج جادين (الحاج أبونخيلة) حي الواحه شرق وغرب وهو أمتداد لحي الحتانة ومدينة النيل والشاطيء والثورات. حي المناره. حي ودالبخيتوفيه جزء من سكان امدرمان القدامى ومن ابرزهم اسرة الجعافرة النازحين من ضيق فريق السوق بجوار منزل (بوابة أبو العلا)' واسرت الطيب إبراهيم الطيب وهو حفيد الشيخ الطيب'. حي الجرافه وفيه بعض سكان امدرمان القدامى ومن ابرزهم اسرة الجعافرة النازحين من ضيق فريق السوق بجوار منزل (بوابة أبو العلا). أم بدة:- (مقسمة إلى ثلاثة أنهر وهي أم بدة السبيل، أم بدة الردمية، أم بدة الجميعاب؛ وأيضاً مقسمة هذه الأنهر إلى حارات كل على حدة تصل 50) وكان بها أشهر معسكر للنازحين من دارفور وهو معسكر المويلح. حي المسالمة من أقدم الأحياء ومعظم سكانة من الاقباط. أبوسعد (مقسمة إلى عدة حارات). المهندسين كانت تابعة في العهد المايوي إلى السلاح الطبي. حي العوده كانت مقسمة لدرجة أولى فقط وهي يقصد بها عودة (نميري للحكم بعد انقلاب العطا). الفتيحاب:- يقال علي انها من أقدم المناطق في امدرمان وسكانها من عرب النيل الأبيض ومن أشهر واعرق الاسر فيها ((الجموعية)). حي الشقله. المربعات. دار السلام من اعرق احياء السكن العشوائي. حي الصالحة يقع الحي بالتحديد جنوب امدرمان ويقسم الحي الي قسمين كبيرين هما الصالحة غرب ويبدا من الكسارات في جبل طورية حتى سوق يسمى هجيليجة، والصالحة شرق تبدا من جنوب مبنى جامعة أم درمان الإسلامية حتى مشارف قرية القيعة.
Post: #648 Title: Re: tmbis Author: أمير محي الدين محمد Date: 06-18-2013, 08:11 AM Parent: #646
ياولّي في اللستة دي ماشايف لي إي حي مطار في السبعينيات الفاتت لمن تجي شاقي حي المطار في مدني وتشوف كميات الأسومينغ بول ..البتهاجر ليها أنت لغاية دبي .. عااادي ممكن تحلف تقول دي بيرنجهام ..عايز صور؟؟؟ ــ أقتراح تقلعو يافطة الصالحة وتسموها حي المطار..دا لو المطار قام
Post: #649 Title: Re: tmbis Author: وليد محمد المبارك Date: 06-18-2013, 08:14 AM Parent: #648
حي المطار بكون جمب المطاروالمطار في العادة بكون في اطراف المدن
عشان كده حي المطار موجود في اطراف المدن يعني في الخرطوم
Post: #653 Title: Re: tmbis Author: محمد على طه الملك Date: 06-18-2013, 09:03 AM Parent: #649
غايتو يا ودى البشرى وقعتك وقعة في بورد من لا بورد له .. تكتب سياسة يقولو عليك رمادي .. تتونس جغرافيا وتاريخ برضو يطلعوك رمادي .. كدى راجع طلحة دا .. يمكن ـ مش جده أرباب العقائد ؟
Post: #654 Title: Re: tmbis Author: محمد البشرى الخضر Date: 06-18-2013, 09:20 AM Parent: #653
يا مولانا انت رمادي بتاعة البورد دا قايله مسبّة!! ثم الرمادي بمفهومها العام يستلزم وجود ابيض واسود, اسي الله يسألك الأبيض وينو؟ في السياسة الجانبين واحد وسواء شي كذب و شي انحطاط و اظنك متابع فضائح المناضلين و الأسماء المستعارة الأخيرة (اوعى تعمل رايح راجين لينا ادانة قانونية فااهمة ههههههههه) في الونسة و التاريخ و الجغرافيا وقصة امدرمان دي مافيها رمادية لأنو السودان ما فيه اسود وأبيض من ناحية الأصول, إذا السودان كلّو - أو أغلبو - نتيجة هجرات سواء من الجزيرة العربية أو افريقيا بعدين ما تصدّق اوهامات تنظير, علاقته بأرباب العقائد ما قراه عنه في النت فقط, بل علاقته مع الباقة المذكورة في النكتة أقوى وأقرب ههههههههه في زول ما بعرف اسم مسجد جده
Post: #655 Title: Re: tmbis Author: فيصل نوبي Date: 06-18-2013, 09:33 AM Parent: #654
شايف بوليس الصالحة بيسوي شنو ! ناس متصالحين ياخ
Post: #656 Title: Re: tmbis Author: محمد البشرى الخضر Date: 06-18-2013, 09:40 AM Parent: #655
Quote: بوليس الصالحة
الصالحة دي مش محل المطار الجديد يا نوبي؟ يعني طرف المدينة يا قول الشفت, ياهو عادي كان كدا
Post: #657 Title: Re: tmbis Author: عمر الفاروق Date: 06-18-2013, 09:41 AM Parent: #654
Quote: الوليّة اصلها من شندي أو ريفها و أعمام والدتها لازالوا هناك, جدها ابو والدتها استقر في مدني فامها مولودة هناك وحاليا في الخرطوم اها تقدر تقول عليها من وين احنا دناقلة جدودنا من حفير مشّو, جا منهم والد جدي واستقر في امدرمان والدي اتولد وعاش حياتو كلها في امدرمان قبل اغترابه, اهل والدتي شاعديناب من نواحي بربر - ما عارف اسم الحلة بالضبط - برضو جو استقروا في امدرمان والدتي اتولدت وعاشت فيها حتى سفرها أها لمّا جو من الإغتراب ما استقروا في امدرمان فأنا رغم انو اهلي منها لكن ما قمت فيها وعيت على الدنيا في الخرطوم و أمدرمان بالنسبة لي كانت مشوار مزعج كل خميس وجمعة أو أيام عديدة في حال وجود مناسبة, فالوالد و الوالدة روحهم في امدرمان و ما مقتنعين باي حتة غيرها, يعني الوهمة حقة اولاد قلبها و قاطع الكوبري وشن ما عارف دي انا مبري بيها من سادسة ابتدائي ويوميّا ثم تعال هنا حلقة اضعف بتاع الساعة كم وقت بعتني كدا: تو هيل وذ تيم سبيرت, النديك النجيضة الحاميانا ليها المجاملة من قبيل انت الحلقة الأضعف وكورتك في الكشافات ولولا الدعم المعنوي مني ومن ابوصلاح الحسم القيم بحتة الثقة وما الثقة دي يمين اولاد قلبها على كورتهم الحبة التاميها الشفت صور دي كان ادوك ليها صايمة
تخريمة : ما عارف لكن في اللحظة دي اتذكرت المشهد بتاع عادل امام في شاهد ما شفش حاجة لمن في المحكمة جا واحد يشرح ليهو يعني شنو علامة مميزة ..وقال ليهو ضربة موطة ..خبطة شوومة .. فما كان من عادل إمام وإلا قلا ليهم : هو الراجل مش معانا ؟؟ ااااه .. وتااااااااح قطع فيهو كف ..
تخريمة التخريمة : انا افتكرتو دم .. وإنت افتكرتو دم .. أأوعد يا أحمد أأوعد يا أحمد ..
Post: #658 Title: Re: tmbis Author: محمد البشرى الخضر Date: 06-18-2013, 09:52 AM Parent: #657
اضحك يا ود الفاروق ما جاتك مدردقة :) عادي عادي ما ياهو البرنس ماسك نص المريخ زي السلام عليكم
Post: #659 Title: Re: tmbis Author: فيصل نوبي Date: 06-18-2013, 09:52 AM Parent: #657
Quote: النديك النجيضة الحاميانا ليها المجاملة من قبيل انت الحلقة الأضعف وكورتك في الكشافات ولولا الدعم المعنوي مني ومن ابوصلاح الحسم القيم بحتة الثقة وما الثقة دي يمين اولاد قلبها على كورتهم الحبة التاميها الشفت صور دي كان ادوك ليها صايمة:) يا بتاع ازدردت الايسكريم
هسي دي ما أخير منها شغالين الإتجاهين أو الأقواس و النقط حقت سيف مساعد ! ياخ ده قرب يقول ليكـ إنت عامل زي عمدان مدني
Post: #660 Title: Re: tmbis Author: عمر الفاروق Date: 06-18-2013, 09:59 AM Parent: #659
عمدان مدني بتخجل ... اساسي دا قااااهر وعينو قوية ..
هههههههههههه اتضح بما لا يدع مجالا للشك والغلاط انو أساسي مهنضب ليك ولادة أم درمان المزعومة ( باستثناء أبو عمير ) وخاتي ليهم سن المطوة بالجمب .. يا أساسي احتمال كبير أعيد النظر في كونك وافد علينا في خرتومنا لو واصلت هيمنتك دي . جرجير دا زيو وزي صاحبنا ( أبو الدقيق) مرة لقوهو معتكف في الجامع ورافع يديهو يدعو انو ربنا يصيبو بالضعف الجنسي والإرتخاء ولما سألوه يا زول لشنو كدا .. ؟ قال ليهم عايز أحدد كضب دعايات الفياغرا البجيبوها لينا في التلفظيون دي .. ( القصة حقيقة واقعة وهي تختلف عن قصة بلدياتنا مع الفياجرا الذكرني بيها الود فيصل نوبي ). يا تامبا نحن ناس الفنايل الداخلية ديل قاعدين ننزل ليهو من (السقالة) وبى هدوم الشغل نطقطقم ونطلع تاني نبني بنانا .. ودا طبعا بعد ما نجدع ليهم جردل كركدي (ساااااااااااقط ) ونقول ليهو أعملوا حساب الزلط واتوا راجعين .. شفت الكرم والشهامة ؟ يا أبو عمير شووووووووووووت ياخ .
.. الله يخدر ضراعك .. والله يا حسبـو متعتني متعة في الدنيا الفانية دي .. .. والله يا حسبو الصورة دي حقو الواحد يلم الاقليميين ديل حسع دي يحاضر ليهم فيها .. يديهم محاضرة في الصورة دي
Post: #667 Title: Re: tmbis Author: عمر الفاروق Date: 06-18-2013, 10:47 AM Parent: #665
طبعاً يا طلحة اساسي ده عندو قصة قديييمة أثيرت في هذا المكان سابقاً فلا يغرنك هذا التجدع في أولاد سنترا .. ولأني كنت شاهد عيان على هذه الواقعة فعشان كده بيديني اعتبار وإحترام خاص .. نديك مختصر القصة عشان ترجع تقييم اساسي من منظور إنو وجهة نظرك الأولى صحيحة ميية الميية كونو هذا الأساسي ما هو إلا (طرش بحر) يا قول السعوديين ..:)
الزول ده يا طلحة بيقول لي الكاتشب كشطب !!! اااي والله كشطب ..
ده غير إنو من النوع البتكتشف إنو لابس ليهو شراب مقدود إضافة لي إنو بتلقى جزء من البنطلون داخل في الشراب بي الجمبة ولون الشراب ما عندو أييي علاقة بي اللبسة ..
Post: #668 Title: Re: tmbis Author: أمير محي الدين محمد Date: 06-18-2013, 10:50 AM Parent: #662
Quote: هاك يا تامبا استمتع فينيسيا - ابو عنجة
فينيسا بتاعت فنيلتك ياحسبو بعد فنستا لينا عمودنا على قول المثل البتدوروهو تفينسنو ليهو الخور ..وما البتدوروهو تفنسو ليهو العمود* ـــ والله أنحنا..والله إنحنا.....آآآخخخخخ.. المانعنا بس وديّة البوست الخور الله يجيبك يا الأرشفة ساي مدني يااااااا....والله يسامحك ياحسبو السوّيتها اتفنست ـــ * المثل دا منجور راااايت ناااو...والعايز يقراهو كمثل سرّي بي جازو
Post: #666 Title: Re: tmbis Author: وليد محمد المبارك Date: 06-18-2013, 10:45 AM Parent: #661
اها كمان هاك
Quote: يروي التونسي محمد بن عمر في كتابه ''تشحيذ الأذهان في سيرة بلاد
العرب والسودان'' صفحة 379: '' أن السلطان تيراب بعد أنتصاره
على العبدلاب نزل في أم درمان وأخذ يستعد للزحف على سنار فوجد
النيل في طريقه وعرضه 600 متر ولم يكن لديه من المراكب والمعدات
اللازمة لأجتياز النيل فبقى هناك أشهر يدبر الوسائل لأجتيازه فلم
يفلح وبقي في أم درمان حتى مرض فحملوه وعادوا به لدارفور إلا أنه
Quote: من النوع البتكتشف إنو لابس ليهو شراب مقدود إضافة لي إنو بتلقى جزء من البنطلون داخل في الشراب بي الجمبة ولون الشراب ما عندو أييي علاقة بي اللبسة
ههههههههههه أنا غلطان يا أبو عمير .. غلطان غلط شديد كوني ختيتك بين قوسين في الاستثناء الفوق دا .. أصلا ما كان مفروض أعمل كدا لأنو قلت ولادة أم درمان المزعومة واتا حاشاك من الزعومية والادعاء .. اتا ولد أم درمان رأس وجلد وصلب .. وايم الله لولا حبك لأم درمانك لبقيتك ود خرتوم زينا .. لكن كما قال الشاعر: ما الحب إلا للحبيب الأول وما لجرح بميت إيلام . بالله شرابو مقدود ولابس ليهو سروال مع البدلة ؟؟ ومعتمر طاقية أم قرنين كمان ؟؟ مالك عايز تحسسني اني ظلمت جرجير دا ؟
يا جماعة البلد دي ما فيها فنانين ..؟ مافيش ناس بترسم .. وتقرا اللوحات ...؟ ماف ناس من اولاد الخرتوم ديل عندهم مساحة بتاعت تشكيل جواهم ، يجو يفتو لينا في درجات اللون الفي الصورة دي .. وتقنيات رسم المنظور ونقاط التلاشي والالتقاء ..؟ ماف زوي يجي يتكلم لينا عن الرصيف دا شويـة .. والمركب دي ؟ . ويجو يقولو ليك خور ابوعنجــة وشنو وشنو ما عارف .. الشجرة السادسـة على ايدك اليمين دي .. فيها بيت ناس التوم بيـه .. التوم عبد الجليل ..عليه رحمة الله .. وللناس الما بتعرف بلبل السودان الغريد .. يعاينو للشجر دا كويس .. ولو عاوزين من الخور دا والشجر دا اوصف ليكم حتى لو ضيعني ساكن الموردة برضو بوصف ليكم .. ولو عايزين اوصف ليكم من الخور دا .. خمسة سنين معاك يا زينة الايام ونوارة الحلوين بقدر ولو عايزين اوصف ليكم اربعة سنين عاشم الحب .. بقدر ولو عايزين اشرح ليكم واوصف ليكم .. درب حلتنا جابك يوووم وبخاف اسال عليك الناس .. برضو بقدر اوصف ليكم انتو بس اسالوني .. الحشد العجيب دا كلو بس في الحتة بتاعت الخوير الصغير دا يجي يقوليك طلحـة نحن الجامع الكبير حقنـا .. بينما اساسي يقوليك لما كنته صغير الاسكريم كان بعمل لي وجع راس ..
Post: #672 Title: Re: tmbis Author: عمر الفاروق Date: 06-18-2013, 11:17 AM Parent: #670
Quote: هسع بقى يقول : سيارة .. وملابس .. وبقالة
طبعاً يا وليد نوع الجماعة ديل هنا راقدييين .. النحكي ليك دي لكن النصيييحة ما بقدر أتمها ..والنصييحة كمان ما بقدر (أنقطا) مع شيطان البورد وشيطان سيف مساعد.. واحد من أولاد سنترا جا البلد دي وبعدين ما لقا ليهو شغل وقعد عاطل زي شهرين تلاتة وخلاااص زهج.. أها الشباب قاموا لقو ليهو شغل في بقالة وقالوا ليهو دي حاجة مؤقتة بس مشي بيها امورك.. أها هو القعدة في البقالة مزهجااهو واليوم كلو قافلة معاهو .. أها مرة قاعد كده النهارية في البقالة وخالف رجل فوق رجل يقوم يجيهو ليك واحد من ناس ( الجزيرة )العربية العراقي والسروال والسديري ..ويدخل ليك يدو في جيب السديري ويقول ليهو : ااا اللخو .. أدددنا فانتا توت !!! صاحبنا شال ليهو حديدة كانت جمبو وفكّاهو بيهو وهو بيقول ليهو : توووت يا ............
Post: #673 Title: Re: tmbis Author: حمد فتح الرحمن Date: 06-18-2013, 11:35 AM Parent: #672
عمر عليك الله رسلا لي سيف مساعد في الخاص عشان يجي يتمها لينا مشفرة
Post: #674 Title: Re: tmbis Author: فيصل نوبي Date: 06-18-2013, 11:39 AM Parent: #672
توت يا توت طلحة ده شابكنا نزل للأسفل نزل للأسفل شكلو متعود علي نزل للأسفل دي - نسأل الله السلامة يا ود ما تشد حيلك و تقول طلع للأعلي يوم واحد !
Post: #675 Title: Re: tmbis Author: وليد محمد المبارك Date: 06-18-2013, 11:41 AM Parent: #672
طبعا با عمر اساسي بكون باشر لبتاع البقالة وبقول ليه اديني الببسي داك
وبكون قاصد ليه مشروب غازي اخر .. باعتبار انو كل المشروبات ببسي
لو ما عيب في حقي كـ ود خرطوم وعيني ملانة وبرجوازي صغير واتربيت في بيت ابوى علي نسق ارستقراطي , كان الواحد نزل ليكم صور تثبت الحاجة دي زي ما اتخلع فينا وليد بالماشافو في بيت ابوهو وردمنا صور تحت الضللة بتاعة العمارات لكن ثقة لا تحدها حدود
Post: #677 Title: Re: tmbis Author: Salah Abdulla Date: 06-18-2013, 11:54 AM Parent: #675
Quote: أتجدعوا يا فارات . غاب أب شنب . أشوفكم بعد بكره.
بعد بكرة شنو يا زول .. نحن لسـة ما فضينا ليك .. قلنا ليك نصعدك عايز تعمل لينا مجنون .. خلاص .. حسع دي حدد لينا الجايبم لينا ديل كلهم ما بياكلونا .. واحد الجامع الكبير سمع بيهو سمع جاي يقشر بيهو هنـا .. والتاني الاسكريم بعمل ليهو صداع بالجمبــة .. لو ان ماشي ما عندنا مانع بنديك الفاتحة حقت اليومين دي .. لكن كمان ما ممكن نحن نقعد نساكك في الفارات ديل ساي كدا ..
Quote: غايتو هسة ما عارف لكن مدني دي زمان البجيها كلو بكون مغلوب على الأقل 1/ صفر
الببالغ ويلقى ليهو فريق تعبان بيطلع بـ درون
قوية يا حمد, و يا اميرنا اخر واحدة بس عليك الله قال ليك اتنين من اولاد ام درمان بضربو في السجارات جنب البحر, بعد شوية جو اتنين "عمدان" واحد من مدني و التاني من الخرطوم و قعدو على بعد مسااافة منهم و طوالي دورو " الماتش" و الكورة طلعت درون, بعد شوية الشغلانة قلبت ضرب و شكل بيناتهم ... الاتنين بتاعين ام درمان بتفرجو في الفيلم سااااي قام واحد سأل اخوه , انت الجماعة ديل قبل شوية امورهم كانت باااااااسطة مالهم قلبوها شكل !! التاني رد ليه : والله علمي علمك لكن شكلو التعادل بنزلهم الاتنين
Post: #680 Title: Re: tmbis Author: حمد فتح الرحمن Date: 06-18-2013, 12:17 PM Parent: #679
نوبي الحق بعد كدا خت اشارة +18 بدل الوش المدردق في العنوان
Quote: تمبس متجدع بالصديري .. و شويتين ح يجينا بالبرتوز و حمالات البنطلون .. !!
عليك الله يا صلاح قبال ما تمشي اخوك دا امسكو مني .. ما قاعد يسمع كلامي .. قبل كم يوم حكيت ليك ليهو بي انواع الجبنـة المختلفة المقدده والمبرومـه والمطاولة والمضفورة كلمناهو عن قصـة شجر العنب .. ولسة ما فتحت فيهو زي الناس .. كنت عايز احكي ليهو عن اللوكازيا .. والستروميريا وإلخ إلخ .. ما انمهل لي .. يا صلاح انت زول شفـت ونحن حسع دي قاعدين نعملليك في الاختبارات عشان نصعدك .فشنو اخوك دا بجيب ليك رقبـة لي لمتو مع ناس بري ديل ..
Post: #682 Title: Re: tmbis Author: أمير محي الدين محمد Date: 06-18-2013, 12:49 PM Parent: #679
ياحسبو ..UT ..ياكمان أرعوي على قول مخضرمي هنا أنا لسه بحاول أصفي آثار الأولى وبشتت في الكورة وأقول الله يقلب الصفحة النكد دي بس مادام دي آخر واحدة ما ح أقول ليك الاّ..و...على قولك البنقو لا دين له ـــ ناس الخرطوم مسكتهم حنيّة أرستقراطية ..ومالو في لعبهم للدفاع ياأساسي يا أب شنب الله يرضى عليكم أضربو الــ (........)* وز زاوت ميرسي وأها يا ود البشرى لو خرطومي أصيل الكلام دخل الحوش ..بقو يشملونا في النهائيات وياربي البورد دا مافيهو زول غيري من مدني؟؟ .. .وزاتو شكلو بعد فنستك للعمود دا ياحسبو ح يكبرو اللفة من مدني ـــ أنحنا الماسكين على جمر القضية ...مدني يااااااا * (......) ....البتاعة دي سيرفر أريزونا ليه بجيبها كدا..مايشخطها شخيطو العادي ـــ ياتمبس قلت لي بهناك قصّة الــ(هناية) الماحورية عاملة لي ورم في رأسي ...لا والله بس من يوم ما أنت رسمت القصة كلمات ..والأدرينالين ولاّ الأسمو شنو داك ومن يومها لافي عندي عكس ورأسي بدأ يودي ويجيب و عملت ألف سيناريو وماظبط...ومتشوق أسمع نهايتها ... آها في اليومين العملو فيها ناس الخرطوم إنسحاب تكتيكي حاول جازفها ينوبك ثواب
Quote: وحاة جدك ياطلحة انا باغاوى زاتى عشان كدا لو ماانت ياود الصالحين ماكان عرفت انو الجمبرى ياهو زاتو عقرب البحر واللا السرطان انت دحين ماكان عندكم مرشح رئاسى من ناس شيخنا محمد مالك رحمة الله عليه شوف اسى كان لينا شنة و رنة وسط المواهيم اهل البنادر ديل
التوقيع Abdul Hameed الذي هو تحت .. يا حبيب يا قريب .. صديق محمد مالك القاضي كان مرشحنا للرئاسة لكن المزة الصحي صحي في عمنا اللواء (م) علم الهدي محمد شريف ودا انضرب ليهو تعظيم من العميد يومها عمر البشير شخشيا قبل الانقلاب وطلبوا منو يكون عضو مجلس قيادة الثورة لكن لأنو راجل عندو قناعة ومبادىء راسخة لا تتزحزح حتي ولو تزحزح النيل الأزرق من مكانو أنو العسكرية دي ميري صرف ولا دخل لها بالسياسة لذلك رفض وأختار النزول للمعاش والاعتقال لمدة سنة ميلادية .. وإلا لكان اليوم ناس تامبا ديل لما يشوفوا اسمنا حايم في أسافير الله أكبر دي يضربوا لينا تعظيم سلام بالكيبورد قبل ما الواحد ما تواتيه الجرأة إنو يرد علينا .. الدنيا ضيقة يا عبدول لكن ليك علي الكلام يكتر أكتر من كدا طوالي نجر لى ناس تامبا ديل سبحنا بتاعت اللالوب ونمسخم نبقيهم أية حاجة تانية غير الحاجة الأولانية اللى هم فيها هسع دي .
يا اساسي الصورة دي انا اخرتها مخصوص عشان تكمل فصاحتك وارشك
بعد ده المغرب قرب نجيب اقوان المغربية
هاهاهاهاهاهاهاهاهاهاها
المصدر السابق
تعليق المصدر ( هذه الصوره للخرطوم سنة 1929 ,التعليق عليها - كلية غردون ثم كبري بحري ثم ثكنات الجيش الانجليزي(لاحقا جاء مكانها مستشفي العيون وسلاح الاسلحه ومدرسة الخرطوم القديمه والخرطوم التجاريه و وزارة التربيه والتعليم وداخلية البركس) ثم يأتي بعدها البابور مويه (محطة بري الحراريه) ثم حي بري المحس فبري اللاماب )
حارقني شنو يا شفت ياخ ما قلت انت تاميها غلاط ساي البرنس كان مشى السما الأحمر ياهو سيدها الما بننساه الحارقني بالجد قصة انكم ضامين تنظير لناس الخرطوم وكمان عاملين ليه شنة ورنة ساي
يا تنظير عليك النبي اسمع كلام سرّكم عبد الحميد من الفيس بووك
Quote: بس لو تخلى المحاككة و الجرجرةالكتيرة ووجهت نفسك توجه سياسى كان تترشح المرة الجاية عن الباغاويين ولا نامت اعين كتيرة عليك الله بس اتخيل منظر الجماعة ديل وخاصة فلان دا حيكون كيف ياخى دا براهو هدف تهون من اجله اشياء كثيرة بس تخيييل وانت الكسبان
اتصالح مع نفسك ياخ وسيب الشلهتة دي :) تشكر يا عبد الحميد على النصيحة الثمينة دي ان شا الله تقع ليك يا تنظير
يا جرجير مش قلتا ليك اتا داخل غلط من البداية وحتي النهاية .. اتا قالوا ليك انا ناكر اني أهل عوض وسيد باغة وخرج والذي منو ؟؟؟؟ أبدا أنا ما بنكر أهلي عشان أية حاجة يا حبيب .. أهل العوض دا قلتها أنا للأستاذة دينا خالد عندما قالت أهل العوض ما بشتروا فرش المعجون للناس الجاية من بعيد .. لكن في نفس الوقت والله ما مستعد أصهين من مزاعم المخلوعين من الوافدين لخرتومنا العندنا فيها أملاك ومنافع عشان يبقوها حقتم غلاط ساي .. الخرتوم دي ما شايف أي زول من الجماعة القاعدين يكوركوا هنا ديل عندو فيها حصحاصية صغيرة .. ديل كلهم جابم سيل الوادي وأناخوا نوقهم قدام بيوتنا ثم سوروا بعرها .. وادعو انو البعر دا من أملاكم في الخرتوم .. الخرتوم دي بالقديم حقتنا جلد ورأس .. وبالجديد أملاكنا ياها ديك قاعدين نمش نجيب حق ايجار كل غرة شهر .. اتا دا جرجير دا أفيدنا أفادك الله .. جائي مع منو والموضوع شنو هو ذاتو ؟؟؟؟؟؟؟؟؟؟؟؟
Post: #701 Title: Re: tmbis Author: أمير محي الدين محمد Date: 06-18-2013, 02:03 PM Parent: #695
Quote: ياخ إنت من أولاد وين فى مدنى,, مدنيين موظفين سودانى بريطانى سنى دردق ود كنان البان درجة دباغة توتوماتا زمالك إلخ إلخ اللخ زاتو
ياأيمن إي خدمة في مدني حاضرين ..وعيونا ليك..وجاهزين موية ونور ..أنت بس قول وح تشوف وتآمن بس حاليا" أخوك في المنفى..بس لو مشيت مدني أسأل من طرف من ود الباش..أو ود المعلّم ...تسمع مايسرّك ـــ بالله قربت أغلط وأدقس وأكتب في كل الأحياء المذكورة عدا توتو ماتا (عمودي) راكب بس نقول شنو غير شكيتك لله يا حسبو.. أقرأها عودي راكب و..بدون إي خمسينات . وأها و..توتو ماتا زاتها قربت أكتبها تووت و...منك لله يا الفاروق يا المشفت غير أم درمان وجدة ـــ و....مدني حضارة...ياااااا وروارين ....و....الليييييلا الليلة لا وين ..جاكم بتاع الكوما سترا...
جدة البعيدة ديك خليها:) !!!! عمر دا ياخ توتى ما شافا!!!
عندى صاحبى جزايرى,, إكتشفت ليك إنو الراجل دا طلع صغير من حلة تعداد سكانا 3 ألف نسمةو على باريس راس,, قال الجزاير العاصمة ما شافا كلو كلو ولا حتى ترانزيت ما جا حايم جنبها!!
وبنقول ليهم حددو لينا موقع بري بالله وورونا العلاقة بينها وبين الخرطوم شنو ؟
Post: #705 Title: Re: tmbis Author: حمد عبد الغفار عمر Date: 06-18-2013, 03:32 PM Parent: #702
Quote: يا حنان .. غني لي اومحمد .. غني لي اومحمد ..
يا تمبس ياخي ناس مدني ديل معروفين خطرين من زمان
زمان لما يكون في فريق زائر لي مدني من أمدرمان أو الخرطوم
ولما البص يحصل التفتيش القبل مدني داك بيقوموا أتنين ثلاثة من لعيبة مدني بيركبوا في البص وبيلعبوا ليك مع الفريق الزائر دا مان تومات في الممر بتاع البص الفي النص ديك
بيقوم واحد بفتح الحنفية البتسقي النجيلة ويغرق ليك خط 18 بتاع الفريق الزائر لما يحصلوا مدني والحكم يصفر بيكون عندهم جناح سريع واقف بممرروا ليهو الكورة على طول بعكسها في خط 18 بتاع الفريق الزائر
هنا الحارس بتاع الفريق الزائر بنزلق لأنو النجيلة مبلولة في اللحظة ديك الكورة بتقلش منو وتدخل
طبعا بعد داك القون بيكون بقى أم بريش ( المايك مع عصام جبر الله لو موجود)
أما بعد
انا مكيفني ليك طلحة عبد الله
لأنو بذكرني بالمقولة البتقول : ما ضاع حق وراه مطالب
بالله شبك ليك الناس دي أرحلوا من مضاربنا أرحلوا من مضاربنا
Quote: اتا قالوا ليك انا ناكر اني أهل عوض وسيد باغة وخرج والذي منو ؟؟؟؟
يا تنظير اي نعم البوست ونسة وغلاط لكن كمان ما غلاط ساي شوبة منطق ومعقولية لا تضير اهل عوض دي لا تستقيم مع قولة خرتومنا, اسياد الباغة من مستشفى سوبا ولا ورا بعدين قصة جدي جدي الما عارف اسم جامعه دي ما تخوتنا بيها ساي و تحشرها حشرا بمناسبة وبدون فا روق قلنا ليك وارجا دوركم ساي
أها جمب الجامع ده تحديييداً انا دفنت صرّتي .. تقول لي زريبة جدي؟؟ هاك الخروف ده ...
Post: #708 Title: Re: tmbis Author: محمد على طه الملك Date: 06-18-2013, 09:15 PM Parent: #707
نقل للاسفل
Post: #709 Title: Re: tmbis Author: محمد على طه الملك Date: 06-18-2013, 09:27 PM Parent: #708
Quote: يا مولانا انت رمادي بتاعة البورد دا قايله مسبّة!!
كويس كدا ؟ اهو عمر الفاروق معنوياتو بقت في السما .. ^ ـ ^
Quote: اظنك متابع فضائح المناضلين و الأسماء المستعارة الأخيرة (اوعى تعمل رايح راجين لينا ادانة قانونية فااهمة ههههههههه)
لو تهديفكم زي اساسي مافي مانع ^ ـ ^. : تونسي شنو يا وليد البتأرخ بيهو لامدرمان .. هاك التاريخ المن امو وابوه ..
Quote: وأظهرت الحفريات الأثرية آثارا سودانية منذ حوالي عام 3100 ق. م إلي 2000 ق. ونجد أن جنسـاً زنجيـاً إتخذ أول خطوة معروفة نحو الحضارة في السودان بصناعة الفخار وإستعماله . ومن الجماجم التى وُجدت لهؤلاء الناس يتضح أنهم يختلفون عن أى جنس زنجي يعيش اليوم . وكان هؤلاءالسكان,وهم سكان الخرطوم القديمة وكانوا يعيشون على صيد الأسماك والحيوانات بجانب جمع الثمار من الأشجار . أمـا سكان الشهيناب فيختلفون عن سكان مدينة الخرطوم القديمة ، حيث تختلف أدواتهم الحجرية والفخارية ، و كانت حرفتهم الصيد . في 1966 م عثرت بعثة جامعة كلورادو الأمريكية في خور ابوعنجة على أدوات ترجع لعصر الحجري القديم ، كما عثر فيه على أثار ترجع 12،000 ق.م ،
مرجعية تاريخ امدرمان خور ابوعجة والشهيناب . كونو إنت وتمبس واب شنب بتاع الزريبة من سلالة اجدادنا القدماء وارد .. بس اساسي وعمر الفاروق ديل ما ظنيت ^ ـ ^
Post: #710 Title: Re: tmbis Author: وليد محمد المبارك Date: 06-19-2013, 06:17 AM Parent: #709
يالملك ازيك
Quote: مرجعية تاريخ امدرمان خور ابوعجة والشهيناب .
الكلام ده جبناه ليهم بضبانتو في الصفحة التانية زي ما ياهو
لكن .. ناس اساسي ابو يعترفوا بيه .. قالوا الكلام ده بالانقليزي .. وهم ثقافتهم عربية .. وانقليزيهم حبه فشفت .. قالوا عاوزين مرجع بالعربي لزول عربي
متواضع الادراك يا وليد متواضع شديد , وليس غريبا ان تكون متواضع الادراك لانه يشفع لك في ذلك كونك من امدرمان القرية التي صنعت حديثا لذا لا تدرك قيمة الصور التي تنزلها بل لا تستطيع ان تقراها كما ينبغي ويجب , الصورة التي انزلتها للخرطوم والخرطوم بحري وتوتي يا وليد بداية القرن السابق صور متسقة جدا مع واقعها وواقع تلك الفترة من التاريخ الطبيعي للسكان في تلك المناطق , مشكلتك يا وليد و ( لـ ضعف استنباطك وسذاجة تفكيرك ) تحاكم اقرأ هذه الكلمة جيدا ( تحاكم ) التوزيع السكاني لتلك الفترة بما تراه حاليا في الخرطوم وبحري وتوتي , تلك الفترة يا وليد سكان الخرطوم وتلك المناطق لم يتجاوزوا المائة او مئاتان الف نسمة يقلن عنها او يزدن ولكن ذلك تعداد سكان الخرطوم في تلك الفترة (تقريبا ) انت في ذهنك عند قراءة تلك الصور وتلك الخرائط الخرطوم الحالية وفات عن ادراكك ان اجدادك واجداد طلوح بتاع ارباب العقائد لم يفدوا ( نازحين) الي الخرطوم من قراهم بعد , لذا كانت بيوتات الخرطوم وبحري وتوتي عبارة عن بيوتات اسر او كما يطلق عليها عرفا ( حيشان) يعني حوش الشريف الهندي في بري مثلا حيث يضم الحوش الاسرة الممتدة وهكذا في بقية مناطق الخرطوم فتجد بري عبارة عن عدد من الحيشان الكبيرة التي تفرعت منها الاسر الممتدة فيما بعد وانفصلت بمرور الوقت وزيادة افراد العائلة الي اتى الي الخرطوم الوافدين اليها من حلال السودان المختلفة وتشكلت الخرطوم التي تعرفها حاليا وتحاكم بها الخرطوم القديمة , لذا من المنطقي جدا بل هو الاصل ان تكون عدد البيوت في ذلك الوقت بسيطة وبما انه العمارة في ذلك الوقت والعمارة اقصد بها طريقة بناء البيوت في ذلك الوقت كانت تعتمد علي الطين فمن الصعب جدا ان تستنبط من هذه الصورة القديمة الواقع الحقيقي للبيوتات فالصورة ماخوذة من مسافة بعيدة واظن من طائرة لذا هي تعطيك الشكل العام للمنطقة دون تفاصيل واضحة وهذا لا يمنع ان الصورة متسقة مع الواقع كما ذلك انفا لكن بعد كل هذا وكل هذه الصور فامدرمان لا يظهر فيها بناء قائم في الصورة التي انزلتها لك وتظهر علي انهاء فسحة كبيرة وصية ساكت مما يدل علي ان القرية الكبيرة امدرمان لم تصنع بعد في ذلك الوقت القريب بخلاف الخرطوم وبحري وتوتي بسيط يا وليد ومتواضع وجابت ليها سذاجة ادراكية كمان
بالنسبة لصورة خوركم يا تمبس زمان في النصف الثاني من الثمانينات وبداية التزعينات , كنت اذهب مجبرا مع الوالدة حفظها الله الي امدرمان في زيارة لها لبعض اخوتها الذين دقسوا وسكنوا في مدينة امدرمان , كنت اذهب ذلك المشوار قسرا فالوالد رحمه الله جنو وجن تلك القرية الكئيبة الراقدة غرب النيل وكانها تحتضر فكان من سؤ طالعي ان ارافق الوالدة في ذلك المشوار البائس , ما ان تنتهي الحضارة والعمارة والثقافة بدخولنا الي كبري النيل الابيض الا ويتبدل الحال وكانك انتقلت من النعيم الي لظى , يبدا البؤس والرتابة ومظاهر البداوة تطل براسها من كل مكان , اذكر جيدا في ذلك المشوار في ذلك الزمان وما ان يدخل البص الكبري الصغير الي ذلك الخور الذي استفرغه النيل علي مضض او ما يسمى خور ابوعنجة الا وانا اري جمهرة من الصبيان( البؤساء) العريانين ملط ( تيوبلس) لا يستر عوراتهم شي يتقافزون في ذلك الخور من تلة قريبة ورغم انهم وصلوا الي مرحلة البلوغ تقريبا الا انهم لا يتورعون عن العرى كحالة عادية متسقة مع كل ما حولك من بؤس وبداوة وقروية تشيع في المكان , فهم كوافدين الي تلك المنطقة حديثا لم يتعلموا بعد المدنية ولم تغشي اذهانهم الغرة ضرورة ستر عوراتهم علي الاقل من المارة او من بعضهم البعض ولكن يبدو انه الحالة واحدة عندهم ولا حرج في ابدائها اي عورتهم فالامر بالنسبة اليهم ليس عيبا من واقع بيئتهم , وبقراءة سريعة لهذا المشهد اكاد اجزم ان تمبس احد هؤلاء ( التيوبلس) بحكم سكنه القريب من ذلك الخور بل اكاد اتخيله وهو يقفز من تلك التلة الصغيرة في الماء ويعوم بطريقة ابو رفاس البدائية التي تصدر اصواتا اكثر منها عوما ( دمبلوغ ...دمبلغ ..دمبلوغ ...دمبلغ ) كنت اشاهد هذا المنظر كل خريف اذا جبرتني الظروف الي زيارة اؤلئك المنفين من خيلاني في تلك الاصقاع المنسية من القرية الكبيرة امدرمان . وقتها انا كود خرطوم كنت احد فتيان الكشافة البحرية يا تمبس يا بتاع خور ابوعنجة حينما كان كشافنا الاكبر هو ابوكم نميري هيم سيلف الذي تتفاخر , بالرغم من انا تعلمنا السباحة في اهداب النيل الازرق في ذلك المنحني الشهير الذي انزل صورته وليد الا انا جودناها في حوض الثقافة وحوض الفندق الكبير ولاحقا في حوض البركس , بالاضافة الي النشاطات والتخييم التي تقام دوريا في مجري النيل ابتداء من امدوم وحتي منطقة شلال السبلوقة الداير اقوله ليك يا طمبس البتنادي في قراءة لوحة الخور الفنية انه الوقت داك لو اؤتي لفنان ورسم ذلك المنظر الذي طالما مررت به , لرسمه كما ينبغي ولاجتهد في رسمك بصورتك التي خلقت بها عاريا كما خلقك الله وسط اقرانك العراة (الغرلا)* ــــــــــــ * الغرلا = الغير مختونين
يعني واحد زي تمبس لحدي بداية التزعينات كان كل حافلات الخرطوم الموردة والبصات السياحية وبصات ابورجيلة وكل البكاسي والدواب البتمر من الطريق دا بتمر بيهو وهو عاري كما ولد يجي يتكلم ليك الليلة عن الاسكريم . بت اللذين امدرمان
طبعا عمر الفاروغ كما اشار الي بيتهم جمب الجامع الفي نهاية الخور بي طريق الاربعين , اكيد بيكون برضو كان بيشاهد كتيوبلس لعابري طريق الاربعين ويسأل عن هذا الكلام ركاب حافلات شعبي الخرطوم شعبي امدرمان وسوق ليبيا
Quote: كلية غردون ثم كبري بحري ثم ثكنات الجيش الانجليزي(لاحقا جاء مكانها مستشفي العيون وسلاح الاسلحه ومدرسة الخرطوم القديمه والخرطوم التجاريه و وزارة التربيه والتعليم وداخلية البركس) ثم يأتي بعدها البابور مويه (محطة بري الحراريه) ثم حي بري المحس فبري اللاماب )
يا وليد الصورة أعلاه ليس ظاهرا بها برى المحس أو برى اللاماب !!كل الظاهر فى الصورة منشآت وثكنات تابعة للجيش البريطانى,, فى غلاط تانى ميتان كدا مافى داع ليهو,,
ما عندك صورة لحلتكم !!!
Post: #718 Title: Re: tmbis Author: أمير محي الدين محمد Date: 06-19-2013, 08:52 AM Parent: #714
يا أساسي ناشدناك أنك تضربهم ..وز زاوت ميرسي ..بس كمان ما قدر دا ــ آآمنت بالله كدا ضربتهم في غرولاتهم .. قلت لي الجماعة زي أبو الرفاس غرولاتهم زمانئذ بتعمل دمببببلغ ...دمبببلغ...دمبلللغ وبي كدا قطعت لي الشك تــب بإنو صورة دبي كانت تيوبليس .. والله يا الخور العملّتها فيهم ....ياخ خور بكري مافيهو حاجات زي دي....قال فينسيا قال ـــ ود مدني ياااا ....أجمل خبر
خلاص يا جماعة .. أعلن استسلامي في مواجهة الغلاط والمكابرة وغتغتة الحقائق وكسر رقبتها عمدا الممارسة هنا من قبل المدعو جرجير .. جرجير تقول ليهو عندنا أملاك في الخرتوم قديما وجديدا يكذبك عديل كدا غلاط بس ودون أن يطرف له جفن حياء ويلصق ليك عبارتو الواحدة الماعندو غيرا ( ما تخوتنا ) .. لا أعرف والله سببا واحدا يجعل المدعو جرجير يكذبني في قصة جدي ( ارباب العقائد ) وأملاكي القديمة والجديدة في الخرتوم اللهم إلا من باب الغلاط والمكابرة ومحاولة أن يبقي على تحشره هنا حاضرا من باب أنا اغالط فأنا إذا موجود مع الناس .. لكن على جرجير أن يعرف أنني لا أدعي ما ليس فيني أو لي بل على العكس أميل دائما لأخفاء أو عدم المجاهرة بالكثير مما أملك وما هو لي لأنني لا أحب المباهاة والمشي بين الناس مرحا لثقتي الكبيرة جدا في نفسي والحمدلله . ويا أساسي أنا ليس (بتاع) أرباب العقائد أنا (حفيدو) يا حبيب وأجدادي القدماء هم الذين أسسوا الخرتوم وأجدادي البعدهم والبعد بعدهم لغاية القرن الحالي دا سكنوا فيها وجعلوا لهم أملاكا آلت فيما بعد للعائلة المنتشرة في كل بقاع الخرتوم بمن فيهم جدي ووالدي وأخوالي وأعمامي ولو عايز أسماء وخرط وعنوانين قول بدل تقعد تغالط الغلاط الشين بتاع جرجير دا . ...................... بالمناسبة : أفخر جدا بكوني سيد جلد ورأس في الخرتوم وأفخر أكتر كوني أسكن البشاقرة غرب على بعد 60 كيلو متر والراقدة على ضفاف النيل الأزرق وفوق رأسها مباشرة يمارس شارع الخرتوم مدني صخبه الأبدي .. خرتومنا ندخلها قبل أن يرتد طرف ناس الثورات وأم بدات وما شابه ونعود إلى بيوتنا قبل أن تبرد كباية الشاي بتاعت الصباح .
حال طلحة تنظير ومحمد جرجير في هذا البوست كحال اتنين بيبيعوا تسالي في استاد الخرطوم يوم مباراة للمريخ والهلال , والمباراة في اشدها وتنظير وجرجير ماسكين تلابيب بعض وكل واحد فيهم بيشجع فريق مرشح للهبوط من دوري الليق في ميدان عقرب , لو سمحتوا يا تنظير وجرجير الكورة هلال مريخ ما مباراة الشعب وام القري
Post: #721 Title: Re: tmbis Author: عمر الفاروق Date: 06-19-2013, 09:10 AM Parent: #719
طبعاً يا أيمن الصورة دي لو جا يعلق عليها صلاح عبد الله كان عمل الأسهم لي فوق ..
Quote: طبعاً يا أيمن الصورة دي لو جا يعلق عليها صلاح عبد الله كان عمل الأسهم لي فوق ..
يا عمر الصورة أصلا ماظاهر فيها معالم واضحة لبرى,,
ما تسمع كلام القون دا بقى تاميها كواريك ساكت!!
الأسهم والله ما عملتها أنا!!!!
برى بالجهة المقابلة وما واضح فيها أى حاجة,,
Post: #722 Title: Re: tmbis Author: وليد محمد المبارك Date: 06-19-2013, 09:12 AM Parent: #719
Quote: يا وليد الصورة أعلاه ليس ظاهرا بها برى المحس أو برى اللاماب !!كل الظاهر فى الصورة منشآت وثكنات تابعة للجيش البريطانى,, فى غلاط تانى ميتان كدا مافى داع ليهو,,
اها ده السيك ذاتو !!!
يعني ناس حلتهم شكلها شنو ما عارفنو ؟ يا ايمن انت ماسك الصورة دي بالقلبة ياخ
هاهاهاهاهاهاهاهاهاهاهاهاهاهاها
الله يفضحك محل الاسهم الحمراء الخاتيها دي بحري المزاد والوابورات
الصورة دي عكس الصورة الاولى
جيب من جوه يا حبة
Post: #723 Title: Re: tmbis Author: وليد محمد المبارك Date: 06-19-2013, 09:20 AM Parent: #722
يا اساسي سيبك من الحنك العاضي بتاعك ده
الصورة دي عشان ما تطش زي صحبك ود بري ايمن
انا حددت ليه فيها بري بمربعات حمراء
ورينا علاقة العشرة بيت المجدوعات هناااااااااااااااااااااااااااااااااااااااك ديل بالخرطوم شنو
بعدين انتو الخرطوم دي كنتو بتصلوها كيف ؟
Post: #725 Title: Re: tmbis Author: وليد محمد المبارك Date: 06-19-2013, 09:28 AM Parent: #723
Quote: يا عمر الصورة أصلا ماظاهر فيها معالم واضحة لبرى,,
ما ده البنقول فيه نحن من الصباح !!!
هي وينها بري ذاتها عشان توضح ليها معالم
قلنا نليكم انتو صغااااااااااااااااار وما واضحين وما قدر امدرمان قعدتو تبزبطو
هسع بري الظهرت في الصورة .. اقصد الما ظهرت في الصورة دي
لكن اصلا الصورة لبحري عشان كدا الفوكس علي بحري وبتظهر العمارة بوضوح , اما بري بزاوية هذه الصورة وكما ذكرت طبيعة البناء الطيني المشابه للتربة المحيطة ما بتديك الصورة الحقيقية للواقع وكما اسلفت ليك انه الناس في الزمن داك شوية و يعيشوا في حيشان هناك بري الدرايسة وبري المحس لا تظهران في الصورة جيدا لانها قريبة من النيل ولو مشيت للمنطقة بتاعة بري الدرايسة والمحس بتلقي البيوت مبنية من زمن الانجليز بنفس النسق البنيت بيهو جامعة الخرطوم والوزارات , الداير اقوله ليك انه الصورة ما بتوضح بري بصورة جيدة , اللهم انها بتخدم مصالحك بس عشان كدا اخترتها كونها صورة لمدينة بحري كما يظهر ذلك في عنوان اللنك حقها , جيب صورة للمنطقة بزاوية تانية وتعال غالط
Quote: يا وليد الصورة أعلاه ليس ظاهرا بها برى المحس أو برى اللاماب !!كل الظاهر فى الصورة منشآت وثكنات تابعة للجيش البريطانى,, فى غلاط تانى ميتان كدا مافى داع ليهو,,
أقرا الكلام دا تانى وقصة الأسهم دى بالله ما تلصقا لأخوك لأنو كدا بتبقى خرخرة ساى,,
طبعا يا وليد مافي حاجة كانت توديني القماير ولا الكباجاب عشان اشوفك في الوقت بتاع ناس تمبس وعمر الفاروغ بيسبحوا في خور ابو عنجة , اكيد بيكونوا شافوك ناس الريف الشمالي بوضعك داك كونك جزء منهم ^_^
Post: #729 Title: Re: tmbis Author: عمر الفاروق Date: 06-19-2013, 09:36 AM Parent: #726
أيمن .. موقفك تعبان .. صدقني ما عندي ليك حاجة ... :) :) :)
Post: #733 Title: Re: tmbis Author: وليد محمد المبارك Date: 06-19-2013, 09:57 AM Parent: #732
هاهاهاهاهاهاهاههاهاهاها
انا ما قلت ليكم ده قون المغربية ما صدقتو
صور بري في.. ما تستعجل على رزقك يا ايمن
نشوف بعدين حا تمسك الصورة بي وين
الليلة شايفك عاوز تعمل ليك مخارجة زي تمبس من الحورية لكن يا عمك قصتك ما بتشيل
يا اساسي
السوال المهم ما عن شكل بيوت بري كيفنو
السوال الاول عن حجم بري القادينا بيها وانت في صورة ماخودة بالجو من منطقة الاملاك ما قدرت تفرزها السوال التاني وهو المهم : علاقة الكم بيت الما ظاهرات ديل بالخرطوم شنو ؟
Post: #734 Title: Re: tmbis Author: وليد محمد المبارك Date: 06-19-2013, 10:26 AM Parent: #733
الشاهد انو سنة 1929 عندما لم تكن لبري علاقة بالخرطوم سوى انها تقع في الضف الغربية للنيل الازرق وكانت عبارة عن خمسة بيوت مجتمعات كانت امدرمان بتأسس للاغنية السودانية .. وبتنقلها من الطنبره للاغنية المعروفة ... لياتي اساسي سنة 2013 بعد ما بري اتلصقت مع الخرطوم ويفتح بوست باسم شفوت والله يشيد فيه بالاغنية السودانية التي طورتها امدرمان في العشرينات عندما كانت بري عبارة عن خمسة بيوت مجتمعات لتصبح في هذا الشكل الذي يعجب اساسي
Post: #735 Title: Re: tmbis Author: عمر الفاروق Date: 06-19-2013, 10:26 AM Parent: #733
زمااان قالوا بص تاتا ماشي بي شارع الموردة وكعادة الكمساري بينده بي المحطات .. ولمن وصل الدايات بقا يكورك : الدايااات يا حد نازل؟؟ في واحد عمك كده بي صوت واااطي بيقول ليهو :أيوة والكمساري يشييل وينادي : دايااات يا ..دايااات حد نازل ؟ وعمك براااحة بيقول ليهو أيوة.. دايااات يااا .. دايااات يااا حد نازل؟؟ الراجل كورك بي صوت عااالي وقال ليهو : يعني إلا نقول ليك الله لي؟؟؟؟ ما قلنا لييك اااي نازلييين ياااخ ..
وحكينا القصة دي ليييي؟؟؟ عشان يا وليد الجماعة ديل إلا يقولوا ليك الله لي؟؟؟ الناس ديل اتعصروا عديييل كده فياخ أعتقهم ...
Post: #736 Title: Re: tmbis Author: وليد محمد المبارك Date: 06-19-2013, 10:31 AM Parent: #735
Quote: وحكينا القصة دي ليييي؟؟؟ عشان يا وليد الجماعة ديل إلا يقولوا ليك الله لي؟؟؟ الناس ديل اتعصروا عديييل كده فياخ أعتقهم ...
يا عمر .. ده حاتو لسع ما اتكلمنا عن امدرمان !!
نحن لي هسع بننضم عن بري بس ... يعني يا عمر هب مثلا قلنا نعمل مقارنات
وقلنا كل زول يكتب لسته بـ الرؤساء في منطقتهم ، والشعراء في منطقتهم ، والفنانين في منطقتهم ، والاندية في منطقتهم ، ولعيبة الكورة في منطقتهم ، ومدراء الجامعات في منطقتهم ، ورؤساء الاحزاب في منطقتهم ... وعييييييييييييييييييك
باقي ليك .. هسع الكورة دي كانت بتكون كم كم ؟
Post: #737 Title: Re: tmbis Author: وليد محمد المبارك Date: 06-19-2013, 10:37 AM Parent: #736
Quote: يا ايمن لو رجعت لي ردي بتلقاني عملت للمقتبس دا باص , فكان تباصيهو
دي حالتها هجمة واحدة مركزة ... باكاتكم قاموا يطاقشوا
Post: #738 Title: Re: tmbis Author: محمد البشرى الخضر Date: 06-19-2013, 11:03 AM Parent: #737
اولا يا تنظير هاك دي لأنها بتفقع حاجاتك : ما تخوتنا :) ثانيا انت شكلك ما فاهم الموضوع شنو, قصة انو جدّك ارباب العقائد وانت تمتلك الخرطوم وشنو دا كلام هبوب ساي, لأن الفيصل انت من وين ونشات وين وتشرّبت بياتو ثقافة , انت أهل عوض دي كتبتها بخط يدك وقلت ما ناكرها, قلنا ليك أهل العوض من المستشفى و انت نازل, يعني لا يستقيم انك تدّعي انك من أهل الخرطوم وثقافتك وعاداتك من عاداتهم أنا مثلا والدي و أهلي من أمدرمان وعندهم ورثة وأملاك فيها لكن لأني نشات في الخرطوم لا ادعّي اني من أمدرمان فهمت يا كيشة
أساسي هلكتنا ياخي بكورة الكشّافات دي و الهرجي دي, اولاد قلبها بعد خسرو الماتش عديل نفخت فيهم الروح باللعب الجايط دا, ما عندك كورة واطة بالله اقعد برة ارتاح شوية و اتفرج هههههههههه
Quote: وقلنا كل زول يكتب لسته بـ الرؤساء في منطقتهم ، والشعراء في منطقتهم ، والفنانين في منطقتهم ، والاندية في منطقتهم ، ولعيبة الكورة في منطقتهم ، ومدراء الجامعات في منطقتهم ، ورؤساء الاحزاب في منطقتهم ... وعييييييييييييييييييك
أيوااااا يا شفت دا الكلام, خلينا من الصور و العاك عيك عايزين مقارنات واحصائيات ومعلومات مفيدة, حتى لو جابت الاكاديميات الدمّها تقيل برضو ما مشكلة, في النهاية الفايدة حاصلة بس من اسي نتفق المن المنطقة مقصود بيها مولود فيها ولاّ ساكن فيها حاليا عشان بتفرق
Post: #739 Title: Re: tmbis Author: وليد محمد المبارك Date: 06-19-2013, 11:07 AM Parent: #738
Quote: أيوااااا يا شفت دا الكلام, خلينا من الصور و العاك عيك عايزين مقارنات واحصائيات ومعلومات مفيدة, حتى لو جابت الاكاديميات الدمّها تقيل برضو ما مشكلة, في النهاية الفايدة حاصلة بس من اسي نتفق المن المنطقة مقصود بيها مولود فيها ولاّ ساكن فيها حاليا عشان بتفرق
اي حاجة نحن معاكم فيها
انت ختو شروطكم .. ونحن بنمشي معاكم فيها
Post: #740 Title: Re: tmbis Author: عمر الفاروق Date: 06-19-2013, 11:33 AM Parent: #739
يا وليد : الجماعة ما لقوا بيوتهم في الصور الجبتها ..بقا اييي زول يقول ليك خلينا من الصووور .. احححححيييا .. أضحكي يا ركبي .سنوني مكسسرة :) :) :)
Post: #741 Title: Re: tmbis Author: محمد البشرى الخضر Date: 06-19-2013, 11:43 AM Parent: #740
هههههههه يا ود الفاروق ركبك زاتها بالتكسّرها ليك, اسي تجي صور امدرمان انت زاتك ح تشبكنا خلّينا منها
يا شفت في موضوع الفن مثلا اغلب شعراء وفناني زمان سكنوا امدرمان لكنهم ليسوا من مواليدها فا عايزين نتفق على طريقة تصنيف واحدة, هل المقصود بإبن المنطقة المولود وقام فيها ولاّ من انتقل ليها وصارت سكنا له انا بقول نبقى على الأولى عشان امدرمان تقعد في السهلة ساي :)
Post: #742 Title: Re: tmbis Author: omer osman Date: 06-19-2013, 11:50 AM Parent: #740
Quote: الجماعة ما لقوا بيوتهم في الصور الجبتها
صور البيوت خليها العندو صورة شخصية في عمر اصغر من دي يجيبه ده تحدي عدييييييل يا اولاد قلبا
في امدرمان والكلام ده جد ... كانت تقدم للضيافة حاجتين ... الحاجة الباردة... والبوم الصور
فالله الصور دي معروفة في المنطق مناسباتها صورة عمر 7 يوم صورة عمر 6 شهور صور في عيد الميلاد الاول صورة في عيد الميلاد الثلث صورة الطهور صورة في سنة اولى وصورة للعرس
Quote: يا وليد : الجماعة ما لقوا بيوتهم في الصور الجبتها ..بقا اييي زول يقول ليك خلينا من الصووور .. احححححيييا .. أضحكي يا ركبي .سنوني مكسسرة :) :) :)
يا عمر
خليناهم من تحديد بيوتهم خيهم يورونا علاقة بري الفي الصورة دي .. بالخرطوم حقت الخواجات شنو ؟
ما عندك اي مشكلة خلينا الصور نقلب صوت بس
ارفع ليهم تسجيلات كرمة وسرور في العشرينات ... ولا برضو حا يشبكوني خلينا من الغناء
يا ود البشرى هاك دي عشان تقيم انت حا تدخل المنافسة ولا اخير تشتت من هسع
محمد بشير عتيق من مواليد ابورف ابو صلاح من مواليد الموردة عمر البنا من مواليد بيت المال عبد الرحمن الريح وسيف الدين الدسوقي من مواليد حي العرب احمد فلاح ومحمود فلاح من مواليد حي البوسته عبد الله النجيب من مواليد ود البنا عوض جبريل حي الدباغة
تمام يعني اتفقنا على مواليد المنطقة, معاك ارمي بياضك
Post: #747 Title: Re: tmbis Author: أمير محي الدين محمد Date: 06-19-2013, 01:12 PM Parent: #746
Quote: تمام يعني اتفقنا على مواليد المنطقة, معاك ارمي بياضك
أبو حتوت إنت جادي ؟؟ بياض شنو اللي ح يرموهو ياااا دوبك كدا الأمدرمنجية ح يبدو يبيضوا ــ
أكان كدا منتظرّنكم ياناس كرش الفيل وحضرّنا الطرب الطالع الأيام دي في الكفر .... وياريت القطر القالو حمد كان لسّه شغال علشان تجو بيهو .. قال بلوبلو بت حلتهم قال و..مدني ياااااا
غايتو يا وليد .. ويااولاد سنترا بالغتو .. .. انا اشك انو اساسي دا بلعب مع ود البشرى في فريق واحد .. يا اما كمان اساسي بيحب يبيع .. وسياسة البيع معروفـة من زمـن بري كانت في الأولى .. .. دخلته قبيييلك الصباح .. ولما كان عندي مشكلة في السيرفر ما قدرته ادخل تاني .. امتعوني اولاد سنترا .. حتى والواحد غايب بيضمن انو باقيهو بيلعب .. ..
محمد بشير عتيق من مواليد ابورف ابو صلاح من مواليد الموردة عمر البنا من مواليد بيت المال عبد الرحمن الريح وسيف الدين الدسوقي من مواليد حي العرب احمد فلاح ومحمود فلاح من مواليد حي البوسته عبد الله النجيب من مواليد ود البنا عوض جبريل حي الدباغة التجاني يوسف بشير من مواليد حي العمده الصادق الرضي صديق مدثر حي الهاشماب عبيد عبد النور سيد عبد العزيز حي العرب ابراهيم العبادي حي الشهداء الامي حي الركابية أحمد محمد صالح ( النشيد الوطني ) الشهداء
Quote: وبحر شنو القاعد تقطعو عشان تطلعنا نحن الغرقانين ديل ..؟ شوف يا تنظير الكلام دا تقولو لي اساسي .. لانو انا القدامك دا لما البحر يزيد زي ناس اساسي ديل بجو هناك جمب عتبات قليج محل عاملين لينا دايفن من الشوالات قاعدين ندق منو راسات .. ناس اساسي ونوعيتك دي بيجو شان يتفرجو بعد شوية الواحد يملص هدومو وقايل المسالة ساهلة ويجي ناطي .. بعد شوية يقعد يكورك اللحقوني .. اها انا القدامك دا .. كل ما البحر يزيد كنت بطلع لي بالميت عشرة حداشر وهم في الرمق الأخير ..
في الصفحة التاسعة من هذا الاحتفال كتبنا اعــلاه .. ونحن لما قلنا لي حسبــو امتعتنا بي خور ابوعنجـة .. كنا نعرف ما هي المتعـة في خور ابوعنجــة ... ولو شئت قول البندقيــة او قول فينيسيا .. عندما يبلغ الشفت فينا سن الفطام .. الواحد ابوهو بيشيلو في ضهرو وبيدخل بيهو نص خور ابوعنجــة .. وبرميهو جوه البحر ويجي طالع .. اكان حتل بي وشو .. دا ما ود سنترا ويجب اعادة صياغتـه .. واكان جا مارق كمان شفوت قلبا ظاهرين من هم صغار .. اهـا انا القدامك دا .. ما رموني شفته كيف ..؟ انا القدامك دا لما عمري كان سنـة ودقداق كدا .. كنت بطلع براااي في حديد كبري ابوريش .. وبجي ناطي .. طبعا لو قعدته اوصف ليك في كبري ابريش ما بتعرفو .. هو بي اختصار الكبري البعد عوضيـة سمك ، لانو انا متأكد تماما انك بتجي تعضي سمك في عوضيـة ولا يرمش لك طرف ..ولا جفــن .. عصرياتنا في خور ابوعنجــة كانت عصريات عجيبة .. على طول الشط .. كبابي الشاي السادة وانواع مختلفة من البسكويتات ينتظرو بها المغربية وما ادراك ما شاي المغربية .. والتورتات والكيك الانقليزي .. ايووووووون الكيك الانقليزي .. وللمعلوميـة الكيك الانقليزي دا برضو كان ما عرفته تاكلو كويس يا ما عرفته تاكلو من بي ووين ممكن عايدي جدا يعمل ليك وجع راس بالجمبـة برضو .. زيو وزي اي اسكريم .. شفته كيف شان بعدين ما تقول ما كلمتك العصريات الناس بتلقاها مقيله على الشط .. شيب وشباب وكذا القيد الاماليد والحسان الحور .. امدرمان دي ما بغنو ليها ساااكت .. عارفنها اهله .. بالمساء .. وانت ماشي على بالليل .. مراكب وقوارب .. تمخر عباب الخور .. جية وذهابا .. من الكبري لي الكبري .. واحب انوه هنـا لي .. شجرة ناس عمر الفاروق دا .. اي وايم الحق شجرة ناس عمر دي كان الناس بتجي توصله كمعلم بارز وتاخد منها يمين عشان تمشي الفاتح الكوتش عليه رحمة الله .. قوارب تمخر عباب النيل برااااحـة جدا .. مع اصوات الموسيقى لترقص انعكاسات الكهارب على الخور من بيت ناس فرح والمامور وناس صلاح تراوه فوووق وسلالم قليج .. وإلخ إلخ .. منظر مثل هذا .. مثقل بالجمال .. لا يمكن توفره إلا بالجنــة .. وجنة عدن على وجــه التحديد ..
عليييك الله يا تمبس وعليييك الله باااقي ليك الناس ديل ح يفهمو يعني شنو خور ابو عنجة بعد المغرب في أيام الخريف والفيضان ؟؟؟؟ تتخييل إنو ممكن يفهمو إنو كل بيوت الموردة والعباسية وبانت وحي الضباط وابكدوك والهاشماب وحي الأمراء بتكون خاااوية على عروشها تماااماً شيباً وشباباً رجال ونسوان أولاد وبنات كللهم قاعدين على امتداد خور ابو عنجة في كرنفال أقل ما يمكن ان يوصف بيهو إنو ضرب من ضروب السحر .. تتخييل ممكن يفهمو صوت الطبلة والإيقاع في نص الخور ومركب تصدح بي الغناء بينما يشاركهم كللل الناس الجالسين على امتداد الخور؟؟ تفتكر ح يفهمو إنو ولمدة شهرين متواصلين ويا قول ناس البنوك 24\7 اااي 24 ساعة طواال الاسبوع الناس بتكون في هكذا حياة .. تفتكر ح يفهموا إنو حياة كاااملة مكملة علاقات إنسانية جكس..حب خطوبات حفلات أعراس كلللها كانت شهادة الميلاد قد حررت بجوار شعيب للسمك وميدان قلب الأسد وميدان ابوعنجة؟؟ ياخ والله بالجد جد يا علاء حسيييت الناس ديل بعيييدييين ونحن تعبانين معاهم ساااي ..
ياخ اقول ليك حاجة يا علاء.. الناس ديل لو شافوا الدورة الرمضانية بتاعت البراعم في ميدان ابو عنجة والتنظيم والحضور الجماهيري واللبس بتاع اللاعبين والمستوى بتاع الدورة والله كان عااادي قناة الجزيرة الرياضية بثتها في +9 و +10 وبي رسوم إضافية ..
Quote: يا ود البشرى كل تأخييرا فيها خييرا ..علييي مهلتك وليد ده اصصصلو ما مستعجل :)
هههههههههه هي لكن قوقل يشيل ويجيب صفحات فيس بووك و الفيس مقفول في المكتب ثم بعد دقسة جكسا و الربيع تاني معلومة ما متاكد منها واراجعها مرتين تلاتة ما بكتبها
يا شفت بديت بالجواكر شكلك لكن النبشّرك العشرة طوييييييلة ولسّة الفنانين و لعيبة الكورة و السياسيين و الإعلاميين والمعلمين والأطباء و العلماء ..... وعييييك
Quote: تتخييل ممكن يفهمو صوت الطبلة والإيقاع في نص الخور ومركب تصدح بي الغناء بينما يشاركهم كللل الناس الجالسين على امتداد الخور؟؟
لا حووووولا يا عمر لا حوووووووووووووووووووولا .. هيجت اشجاني يا رجـــل .. والله يا عمر هيجت اشجاني .. بت الكــــــــلـــب التقنية جايانا حسع دي في الالفينات .. يوتيوب .. وايفون .. واتش دي .. وكاميرات فيري هاي ريزلوشـن والله لو كان بس مهلتنا شوووية .. كان خور ابوعنجـة دي نطلعو ليكم من عجائب الدنيا .. واول اعجوبــة على يدك الشمال .. لكن بس نحن حقنـا ضايع في الرجليـن ..
بعدين تعال هنــا .. ياتو .. مسبح .. وياتو حوض سباحــة ..؟ انت ما عارف نفسك بتتكلم ليك مع تمساح ..؟ ااااي تمساح راسو عديل .. انا القدامك دا تمساح .. نوووووووو .. نووووووووووو جدا .. ما ليك اي علاقـة بي اي مسبح ولا كشـــافة امسكم ليك واحد واحد .. واديك ميزة تانية .. من شدة ما بمسكم ليك .. بعد ليك المسبح الواحد فوقو كم رخامه .. اضف لذلك .. بشيل كم لتـر مويـة .. هل تعلم انو البكتب ليك في المداخلـة دي كان من ضمن مجموعة مفروض تمثل السودان في منشط السباحـة .. في جمهورية مصر العربية وقتئذ ؟ ما بتصدقني .. تمثلك وانت الوكت داك ما عارف المويـة فيها كم ذرة اوكسين وكم ذرة هايدروجيــن .. تشرب سااااي وما ناقش اكان قلت لي دربك منو سباحــة .. بعرفك .. اكان قلت لي كان بنزل معاك منو في المسبح من دورك .. بعرفك .. اكان قلت لي كان منو في البنيات وقتئذ برضو في منشط السباحـة برضو بعرفك .. واديك ميزة تانية .. انا طبعا ما ح اذكر ليك ولا اسم مدرب ولا مدربــة .. لحدت ما تجي تقول الكلام دا .. وفي كل المسابح القلتها دي .. كنا من المسبح .. ومعانا سباحاات السودان وقتئذ ، ولاعبات الباسكت والطايرة في نفس الوكت معظمــن .. والاهم من كدا .. وحيات ابتسامتك كنا مرات بنقطع حصـة السباحـة عشان نلحق حصة التدريب حقت تنس الطاولة على ايدي الخبراء الكوريين في صرحنا العظيم قصر الشباب .. يعني تخيل اهتمامات زي دي في وكت زي داك ـ تنس طاولة كرة طايرة . باسكت ... وجمبار مرات مرات .. وكرة قدم تطلع فيها وهي ماشــة .. وحيات ابتسامتك الوكت داك حايم مع زولك بتاع العمارات داك ابو مارسيدس ونجفـة وقاشر بيهو وعامل بتفتح بيهو ختاها ليك في النهاية بالحتة الفيها الحديدة .. اما ناس طلحــة .. داك الوكــت الواحد قلوبيتو وسبيب حصانو في مخلايــة .. (وام بليل) في الجيب حق العراقي .. نحن والله لو عارفين في الفين وطلطاشر بنكتب معاكم .. الواحد كان وثق شهاداتو دي في المجلس البلدي بتاع امدرمان ويجي يعمل ليكم ليها اتامشنت هنا دا ..
Quote: هي لكن قوقل يشيل ويجيب صفحات فيس بووك و الفيس مقفول في المكتب
والعجب نوع البتشوف الحاجة الدايرة ظااهرة في قوقل نقط نقط ..تخش اللينك يقول لك الرجاء التسجيل لرؤية المرفقات وتصفح المنتدى ونسخ المعلومات مع تحيات أولاد اللعوتة ..
ياتو كشفــــــافة في الكشافات ..؟ واللا كشافتك دي إلا تكون كشافــة استاد الخرتوم .. اها اديك ميزة .. بمسكه ليك من البريــة ايام كابتن سكــر ... وبطلع ليك بي الجويــة ايام كابتن شادية وكابتن معاوية سطيح .. والجوالة عاطف عبد المجيد الكشاف الاعظم حاليا .. ودا المسمين عليهو عاطف منصور اللي هو اخوي الصغير .. االي هو طلع كشاف وسباح عظيم .. وحائز على بطولة الجمهورية في الجودو .. تيمنا بي عاطف عبد المجيد .. المكنى بي عاطف جودو لانو كان بطل جودو عاطف دا .. الكشافات دي كلها كانت حكرا على اولاد امدرمان .. وبعض التلاقيط من اولاد الخرتوم ... وبالمناسبة .. اولاد الراحات من اولاد الخرتوم ... زي صاحبك بتاع المارسيدس والاسكريم داك .. يعني الوكت داك .. نووووووووووووو .. انت مافي والان .. الان .. بي تلفون صغير ، نتصل على كابتن مصعب الكشاف البحري الخطير .. وندقك فتاشة .. وتاريخ الكشافة البحريــة .. نشوفك كنت في ياتو كشافة معلق ومدلدل كرعينك .. شكلك دا من النوعية البتمشي الاستاد وشايله قصبة وتطلع في الكشافات وترمي قشر القصب عشان تأذي الناس مش كدا ..؟
Post: #764 Title: Re: tmbis Author: مرتضى احمد عبد القادر Date: 06-19-2013, 02:30 PM Parent: #762
Quote: يا شفت بديت بالجواكر شكلك لكن النبشّرك العشرة طوييييييلة ولسّة الفنانين و لعيبة الكورة و السياسيين و الإعلاميين والمعلمين والأطباء و العلماء ..... وعييييك
طويلة شنو يا حبة ؟!
شكلك كده ثلاث شوتات وتنفض صلبك وتدينا ضهرك وانت ماشي تفك معاك اللزق ( على قول عادل امام ) وتفسح المجال لي مدينة تانية
هسع دي توزيعة الشعراء بعدها توزيعة لعيبة الكورة بعدها توزيعة الرؤساء
الرابع زاتو ما حا يوزع
هسع في الشعراء ديل .. ترمي ورقك وندكها ونعدها ليك 200 ولا ترجى الخمسين ونعدها كلها
يا وليد .. إنت كمان خليك تفتيحة .. ود البشرى شكلو حافظ ليهم اسم كم شاعر كده لكن ملاااوز يكونوا من امدرمان ..فقال احسسسن تجي منك ولو انت كتبتهم يبقا يا دار ما دخلك شر ويسقطهم من حساباتو .. لو تسمع نصيحتي اقيف لحدي هنا خلينا نغيير لون البوهية عشان ما نحت الأتو ..ويرمي كبيرو .. مع إنو بي حركاتو دي شكلو ورقو أبيض ..
يا علاء يا اخوي صدقني وقطططع شك اساسي ده بيكون قاصد الكشافة البيربطوها فووق راس الحمام لمن يكون عندهم " بارطي " بتاع ود أختهم جاب 57 % في الشهادة السودانية .. انا أدعم وأبصصصم بالعشرين إنو غالبية لو ما كل اعضاء الكشافة البحرية الجوية البرية ال ال ال كللهم من امدرمان .. وده عن دراية تااامة بالمناسبة
Post: #773 Title: Re: tmbis Author: عصام علي أحمد Date: 06-19-2013, 04:38 PM Parent: #772
Quote: النكتة انو زحزحة قوقلتو طلع من مواليد ابوحراز :) واصل يا معلّم كمّل شعراء امدرمان كلّهم المتذكّرهم أنا إلاّ ارجع البيت بعدين
ودالبشرى انت شايت وين ؟
Post: #774 Title: Re: tmbis Author: عصام علي أحمد Date: 06-19-2013, 04:54 PM Parent: #773
ياوليدالشعراء والفنانين لازم يكونوا من امدرمان سبق وقلنا ليك ده مكان الترفيه بالنسبة للعاصمة الخرطوم عشان ماتتعب نفسك وتجيب لينا اللستات
Post: #775 Title: Re: tmbis Author: عصام علي أحمد Date: 06-19-2013, 05:13 PM Parent: #774
Quote: ويمضي الدكتور أبوسليم سرده فيشير إلى أنه في عهد الخليفة عبد الله أستمر توسع المدينة وبدأت المنازل تشيّد بالطين والطوب والحجر مكان تلك التي كانت تشيد بالقش والجلد والشكاب وبدأ المكان يتحول إلى مدينة دائمة بعد أن كان معسكراً للهجرة في سنة1885م وهي السنة التي توفي فيها المهدي. بنى الخليفة عبد الله بيت المال والسجن المسمي (بالساير) وبعد عامين شيد الدور الأرضي من منزله بمواد أحضرها من الخرطوم
خليفتكم جاب مواد البناء من العاصمة
Post: #776 Title: Re: tmbis Author: حمد فتح الرحمن Date: 06-19-2013, 05:20 PM Parent: #774
والله يا اولاد ام در شفاااته رجالة قلبتو غلبكم لي نصر ساحق باستغلال التناقضات في تيم الخرطوم وضعف اللياقة البدنية لي ابشنب اخوان والاستغلال الامثل لجميع الامكانيات المتوفرة ليكم مع انها حبة شوية لكنكم عملتو من فسيخها فخفخينا ، برغم مساعدتنا لي الخراطمة بي جيب الكورة سرعه من الاوت في حال هزيمتهم ، وتعطيل الكورة وتشتيتها في حال تقدم التيم الامدرماني . اهنيكم على التماسك واللعب الجماعي وعدم الميل للاستعراض والاستغلال الامثل للموراد ، ياخ حتى خور ابو عنجة البكون قبل الخريف كلو بولندا وهراري طلعتو فينيسيا وقصص حب وود والفه واكتسبتو تعاطف الجمهور الاقليمي المتعطش لمثل هذه الحكاوي الرومانسية . اهنيكم مرة اخرى .
ود البشرى مالك صعبتها على روحك ياخ ، كان تخليها سكن بدون مواليد ما كان اتبشتنتا ورا قوقل كدا وكان كسبتا ناس وردي وعثمان حسين وحسن عطية والخالدي والطيب مدثر وزكي عبد الكريم وود اليمني ومن الشعراء اسماعيل حسن وعبد العال السيد والزبير سعيد وعاطف خيري وكمية لا تحصى من شعراء وفناني الطبور .
غايتو لغاية ما تصل البيت اذكرك سميرة دنيا وهاجر كباشي اجمل اصوات نسائية في العصر الحديث ، شفت رغم هزيمتكم بنجيب ليكم الكور سريع من الاوت كيف :)
يا عصام شنو شايت على وين انا بحاول ألم في الكور البطفّشها اساسي :)
عاشت دنقلا العرضي وحفير مشّو يا حمد هههههههههههههه , ياخي السكن بضيّعنا ساي, ما مذكر في بداية البوست قالوا ليك الاراضي في ام در رخيصة العالم دي كلها سكنت هناك عشرة الشعراء دي الياخدوها ما مشكلة بنقشّهم ليك في عشرة الفنّانين و اللعيبة و المثقفين :)
يا شفت النصيحة ليك يا الله قوقل و الفيس بووك زاتو خذلني في الشعراء, خلاص سلّمنا بيها دي, لكن طالما بديت فا كمّل اللستة كنوع من التوثيق لمّا تنتهي خش على الفنانين
يا عمر ويا وليد الشفت .. شوفو لي معاكم الشاعرات .. خدو معاكم حكمت يس وخدو معاكم الراحلـــة ليلى المغربي .. على سبيل المثال
Quote: من موليد أمدرمان 1952 بالحي العريق الموردة,تلقت تعليمها حتى المرحلة الثانوية وزوجة وأم لولدين(أحمد وأسعد),مقيمة بالمملكة العربية السعودية.قرضت الشعر الغنائي وهي في الخامسة عشرمن عمرها.كانت عضواً في إتحاد شعراء الأغنية السودانية.تأثرت كثيراً بأستاذها الراحل الشاعر مبارك المغربي.
من أشهر الفنانين الذين تغنو بشعرها: شرحبيل أحمد عبدالوهاب الصادق كمال ترباس سمية حسن محمود تاور
.. والناس العايزه تقوقل ليلى المغربي ناس فروق الوقـــت ممكن يقوقلو .. ونحن بنوصف ليهم البيت عشان ما يجو امدرمان ويتضهبو ويروحو .. يا كمان زمان في برنامج اسمو نفحات الصباح .. يا اقوليكم حاجة ..؟ لما تفتحو الرادي الصبااااح .. في زولة بتقول هنا امدرمان .. اها هنا امدرمان دي قبال ما تقوله بي شويـة كنا بنلاقيها الصباح وهي مارقــة .. بالمناسبة انتو كنتو بتسمعو البي بي سي ..؟ ااااي البي بي سي الواحدة دي .. البتتذاع من نندن المتصور فيها وليد الشفت دي اها برضو في البي بي سي عوده راكب .. مش راكب بس .. دا كان اركــب عود وقتها .. وناس رانيا برغوت .. ولجين عمران وإلخ إلخ الوكت داك كانن .. ما عارفات الساعة كم زاتوووو
نشيد العلم بتاعكم دا .. بتاع نحن جند الله وجند الوطــن .. البقولوهو ناس هيثم مصطفى والعجب .. وإلخ إلخ .. الكتبو ليكم منو واللحنـو ليكم منــو ..؟ ما اولادنـا برضو اولاد سنترا .. النشيد من تأليف الشاعر أحمد محمد صالح وتلحين العقيد أحمد مرجان من سلاح الموسيقى عام 1958م اها امشو قوقلو أحمد محمد صالح .. وعمنا أحمد مرجان ..
Post: #781 Title: Re: tmbis Author: عصام علي أحمد Date: 06-19-2013, 07:40 PM Parent: #780
والله بعد كدا انا اقترح تطعمو فريقكم دا .. اقوليكم حاجة ..؟ انتو ما تطعموهو بي بكري ابوبكري ..
ااااي جيبو لينا بكري .. بعد كدا
Post: #783 Title: Re: tmbis Author: حمد فتح الرحمن Date: 06-19-2013, 08:11 PM Parent: #782
يا مرض انا بتكلم عن جمهور جمهور بتاع دافوري انتا ما صدقتا زول قال ليكم شفوت وعشت الدور طوالي ولبستا روحك شنكارات واتخيلتا اضواء الشامبيونز وتوووشك خشيت ليك في فنلة وشنكارات وللا شنو يا فردة ، . ، اصحى يا مان انتا لاعبين دافوري دااااافوري انتا ما لاعب في المان هي هي اصحا اصحا .
هي لكن عاد يا حمد ده دافوري شنو ده يا اخوي الفيهو ناس بيجيبو الكورة ده ؟؟ انت قاصد دافوري ولا كافوري؟؟ بعدين يا عمك نحن أولاد سنترا ديل لحدددي الليلة وفييي الخور الجيبين ليك صورتو ده وحتتتى هذه اللحظة في دافوري ثابت بي كورة الشراب الأصلية .. طبعاً اتحداك لو بتعرف كورة الشراب الأصلية لأنو إنتو بتكونو النوع البيخت في شراب مقدود (ده شراب تاني غير شراب واحد أخونا كده ) بتختو دومة وتحشوها ورق مش؟؟ اسأل علاء الدين ده نحن كورة الشراب بتاعتنا بنخش ليها صندوق عدييل كورة مقييمة ما سائلة في كورة الفيفا ..شراباتا بتكون أصلية وجدييدة من اديداس يا مان ..ومحشية رز ولحمة مفرومة .. يا حمد الكلام ده صعب عليك فااا شنو كدي خلينا لمن تبدا الونسة بتاعت حش التمر ونندلا تحت وما ادراك ما البابور بعمل ليك (نص) كوول..
Post: #785 Title: Re: tmbis Author: وليد محمد المبارك Date: 06-20-2013, 06:36 AM Parent: #784
يا عصام .. صحيت ؟
Quote: ياوليدالشعراء والفنانين لازم يكونوا من امدرمان سبق وقلنا ليك ده مكان الترفيه بالنسبة للعاصمة الخرطوم عشان ماتتعب نفسك وتجيب لينا اللستات
اها الروساء كيف ؟
اجيب ليك لستتهم
Post: #786 Title: Re: tmbis Author: عمر الفاروق Date: 06-20-2013, 06:47 AM Parent: #785
يا عصام النصيييحة قدر ما قلبنت صورتك دي يمين شمال فوق تحت ما شوفت الكبري البتقول امدرمان بعدو ده .. ليهو حق وليد يقول ليك صحييت؟ :)
Post: #787 Title: Re: tmbis Author: وليد محمد المبارك Date: 06-20-2013, 06:48 AM Parent: #785
يا تامبا
يا سلام على ليلى المغربي ياخ ربنا يرحمها هي واختها هيام
Post: #788 Title: Re: tmbis Author: وليد محمد المبارك Date: 06-20-2013, 07:52 AM Parent: #787
البوست ده يستحق انو يطعموه بغنية
انا ما جايك شايل افراح تملا الدنيا كلمات الامدرمانية ليلى المغربي اداء المدناوي العملاق جدا احمد شاويش
يا عمر وتمبس بصراحة ورائي شخصي جدا ... الغناء من ناحية فنانين ومن ناحية نوعية لو كان عندي حق ادي جايزة فانا بديها لمدني بدون ادنى شك
والكلام ده من ناحية نوعية ما من ناحية كمية فمدني في الغناء عندي نمرة واحد حتى على امدرمان
الخرطوم الطيش
Post: #789 Title: Re: tmbis Author: أمير محي الدين محمد Date: 06-20-2013, 08:34 AM Parent: #788
Quote: يا عمر وتمبس بصراحة ورائي شخصي جدا ... الغناء من ناحية فنانين ومن ناحية نوعية لو كان عندي حق ادي جايزة فانا بديها لمدني بدون ادنى شك
شكرا" ياوليد ..ياحقاني ــ و..حالتي محضر لستتي وجواكري وقاعد منتظر ..رغم تحفظي على اللستات الطويلة الخلاصة والزبدة تكفي وومكن أسرّب بعض من جواكري الكاشف الله يرحمو ويحسن إليه لمن جاكم ولقاكم لسه بتكشكشو في الحقيبة كشلو كشلووو...قال ليكم لا دي بتتغنى كدا..ونقل تاريخ الغناء السوداني نقلة نوعية
أها وفي الكورة ورغم إني لازلت بشجع كورة مدني ..وبعض من مريخية بالوراثة بس أكاد إعتقد وأجزم إنو التحت دا وألف رحمة على روحو ما ح يتكرر قريب ويشهد الله في أقوان جابها في استاد مدني شوف عيوني دي لو كانت موثقة ..أقل حاجة كان مفروض يلعب في برشلونة وإعتقد إنو أحسن من نيمار ولاّ شنو ياطلحة؟
ــ معليش السياسة أم الكبائر...إعتزلتها وممنوع منها بأمر طبي.... وبعد دا حقو تعملو منتخب تسمهو ..منتخب العاصمة المثلثة وتبقو مارقين على مدني وهههههه وماتنسو تجيبو معاكم حسبو ..بعد القالوا في مدني ..مطلوب "إن نيم"..من بعض شرامة مدني و...مدني يااااا
Post: #790 Title: Re: tmbis Author: وليد محمد المبارك Date: 06-20-2013, 08:41 AM Parent: #789
لالا في الكورة ماف ليكم طريقة امير
في الغناء .. شخصيا بدي الاجادة لمدني .. ما عشان الكاشف لقاهو كشو كشو .. قبليه ناس كرومة كانو دخلو الكمجة وحاجات بسيطة .. وهو فعلا عنده دور كبير في النقلة تجاه المسيقى .. والنقلة دي اكملها بصورة اقرب لصورتها الحالية ابراهيم عوض اجادة مدني في نوعية الفنانين البتجيبهم
الكاشف ود اللمين ابوعركي شاويش عصام محمد نور
واللسته طويلة
لكن دايما بكون لمدني في كل جيل زول لو ما كان الاول بين اقرانه بكون في مقدمتهم والاهم من ده انه بكون حفر درب مختلف وجديد في الغناء
في الكورة ماف ليكم طريقة لا من ناحية النوع ولا من ناحية الكم .. مع انو بتجيبوا اشراقات لكن لامدرمان القدح المعلى
الكتاب الثاني وصل وين. الأول توتي التقليدية ارسله لي الحبيب دكتور الصديق. آه أخلي الثاني عليك.
وبعدين نرجع لبري.
في شهر يناير السابق عرضت علي محامية قطعة ارض في بري حي الشاطئ 600 متر بمبلغ 4 مليار و 800 متر بمبلغ 6 مليار جنيه سوداني
بري الآن أجمل وأغلى منطقة في السودان.
وبالله يا أساسي نزل ليهم صورة للفلل وما جاورها.
Post: #794 Title: Re: tmbis Author: Salah Abdulla Date: 06-20-2013, 07:00 PM Parent: #793
شايف الجماعة قلبوا في ناس هناي مننا وناس هناية جيراننا.. ناس الشاعر والفنان والكمندان، ثم الكوميديان.. ونسوا الموضوع الأساسي أن أم درمان ( مصنوعة ) حديثاً ، هسي الناس القالوهم ديل كللللهم جو متين؟؟ مش ياهو بعد (الصناعة).. وتيب.. خور أبو عنجة!!!! والله البيسمع النقة يقول ده فينيسيا أو خور دبي عديييل ، واللا البحيرة الفي الشارقة .. الكلام ده قولوه لي زول ما بيعرف.. قال أبو عنجة قال.. ياخي نحن أثبتنا ليكم إنو الحفريات بتاعتو طلعت إشاعة ،، الجماعة لقوا ليهم عضام كــلـب نافق ، و (كُدُر) بتاع تور وقال ليك كانت حياة ناس!! و عمر يقول ليك أبو عنجة في الأصيل والخريف والفيضان.. لاحظوا معاي خريف وفيضان دي في السودان شكلها كيف، وتحديداً في محلات زي الخور ده .. يا لطيف.. غايتو عمر صاحبي ده خيالو وااااسع بشكل ، قال ليك شوف لبس اللاعبين (هاهاهاهاها) والله أنا متخيلهم هسي غايتو ناس الجزيرة الرياضية غلتانيييين ، ما شافوا ناس (فريق الأحلام) أبو عنجة ياخ.. يا تامبا، بالله تخيل (أنت وعزيزك المشاهد) الفرق بين حديد كبري أبو الريش، والسباحة (الكيري) وبين أنو يكون عندك برنامج (سباحة ) بموافقة ومباركة الأهل ، مع تجهيز كل مستلزمات ممارسة رياضة السباحة وتحت إشراف مدربين معروفين، وفي الأماكن المحددة لها.. هسي أنا متخيل شكل أولاد أم درمان ( الشفع الصغار ) الشافهم أساسي في مشاويره القسرية الى أم درمان وتخيلت المنظر، فشكراً يا تامبا أن جعلت ذلك ممكناً.. ثابت عند أولاد الخرطوم الإستفادة من الإجازة الصيفية، وممارسة أنشطتهم في الأندية، والمعاهد الدراسية والهوايات(موسيقى، رسم، مسرح، مسابقات أدبية .... الخ) فرق ياخ بين تكون منتظر الإجازة الصيفية عشان تجدع شنطة المدرسةوتتفكفك من البرنامج خلال السنة، وبين إنو يكون عندك برنامج ملئ وتستفيدمن وقتك، فرق والله يا أولاد الخرطوم ، فررررررررررررق.. شكراً على المعلومة بتاعت الكشافة البحرية البقت تابعة لأم درمان دي !!!!! ياخ والله إنتو عينكم قوية بشكل .. ما فارات .. حضارتكم ناقصة ، ناقصة، ناقصة ، ناقصة..... ودعوني قبل أن أستأذن ، في الغياب القسري المؤقت، أن أعدكم بمواصلة الردم ، فأنا هذه الأيام مع الوالدة بالمستشفى بعد أن أجرينا لها عملية جراحية ناجحة والحمد لله.. يا وليد ، أمسح سريع (إنت وأمير) معلومة انو أحمد شاويش من مدني، كان جيت ولقيتها لسة في بتعبكم تعب شديد..
أخيراً ،، أسوأ حاجة إنعدام التناغم بين أفراد التيم الواحد، بيبوّظ الماتش..
الف سلامة للوالدة يا ابوصلاح ربنا يواليها بالعافية ويطمنكم عليها الشفت مستعجل عايز ينزل جواكرو كلها من اسي بعد الشعراء جاري على الرؤساء لكن خليه العشرة طويلة وحدّنا هاجر كبّاشي :) يا قول حمد
Post: #796 Title: Re: tmbis Author: حمد فتح الرحمن Date: 06-20-2013, 08:30 PM Parent: #795
حمدا لله على سلامة الوالدة يا صلاح وربنا يطمئنكم عليها
ود الخضر لو ما استفدت من الويك اند دا وكربتا شغلك الشباب ديل بي تنظيمهم دا ومع انه والله مساعداتهم حبة وعاملين من الخلا جنة لكن بغلبوكم بغلبووكم والله ، فا شنو جرب محركات بحث جديدة يمكن يكون فيها حاجات ما في قوقل :) ، وبرضو حمبك وقول دايرين سكن ومواليد .
Post: #797 Title: Re: tmbis Author: Salah Abdulla Date: 06-20-2013, 11:04 PM Parent: #796
شكراً أبو حتوت وحمد،، كتر خيركم.. الجية هنا مسارقة.. يا ودالبشر وأساسي لا توجهوا أسلحتكم الى صدوركم.. إمكانياتكم مهولة، وعارفكم بتقزقزوا بأولاد قلبا وبتتونسوا بيهم ياخ ديل لسان بس ..
وليد ، إنت لسة ما مسحت ؟؟ قال أحمد شاويش من مدني!! بتعرف الفنان الحاردلو؟؟
Post: #798 Title: Re: tmbis Author: عصام علي أحمد Date: 06-20-2013, 11:41 PM Parent: #797
Quote: يا عصام النصيييحة قدر ما قلبنت صورتك دي يمين شمال فوق تحت ما شوفت الكبري البتقول امدرمان بعدو ده .. ليهو حق وليد يقول ليك صحييت؟ :)
العتب على النظر ياعمر
Post: #799 Title: Re: tmbis Author: عصام علي أحمد Date: 06-20-2013, 11:44 PM Parent: #798
صلاح عبدالله سلامة الوالدة وربنا يواليها بالعافية
Post: #800 Title: Re: tmbis Author: عصام علي أحمد Date: 06-20-2013, 11:57 PM Parent: #799
Quote: والله بعد كدا انا اقترح تطعمو فريقكم دا .. اقوليكم حاجة ..؟ انتو ما تطعموهو بي بكري ابوبكري ..
Post: #801 Title: Re: tmbis Author: أمير محي الدين محمد Date: 06-21-2013, 00:26 AM Parent: #797
الأخوان صلاح وعماد سلامتها الوالدة ألف سلامة.. والله يواليها بالعافية ويطمئنكم عليها وما تشوف شر يارب ـــــ صراحة يا اب شنب نحن في مدني ما محتاجين نجيب ونلصق زولا" موضع غلاط ولو زولا" أصلا" وفصلا" ما من مدني ما ح نستخدمو جوكر..وإن شاء الله شاويش يضوي ليكم وأنت قلت إنو ما ليك في الكورة أنا الخص ليك وخلي ولدك الحريف الله يحفظو يشرح ليك بعد حضرّنا شعورنا ومشاعرنا لأستقبال أولاد كرش الفيل في النهائي خصوصا" وبعد نتيجة الشوط الأول الانتهت 7/صفر وعملنا استديو تحليلي الشوط التاني بدأ ونفس الغلط العملو وليد عملو أساسي بدأ يلعب لعب إستعراضي واصل لدرجة الأنانية ..في هجمات كانت مفروض تكون رصاصة رحمة منو أو على الأقل يقطع الغرولا ولا البتاعة القالها ديك.. أها بدأ يوصف فيها وقال دمبلغ..دمبلغ.. ودمبلوغ شنو يااساسي دي مفروض طوالي جوووه الكيس يا كمان تقطع الغرولا وتعمل ليها كفة إنجليزية وتلبسها للامدرمنجية شارة كابتنية وظهر جليا" عدم التجانس والتفاهم والثرو باصات بينو وبين ود البشرى..وياريت المخرج يعيد لينا لقطة المعايرة بالاسكريم وودالبشرى مشتت ولياقة ضعيفة وفي أنفرادتو وعلى قلتها في انفراد يمين الله هو والقون شاتها وطلعها في "حفير مشو" دا طبعا" أضافة لغيابك ومسكان ايمن للعصاية من النص وطلحة قبض قبيضو وحمد سيدو وحصحاصة ماعترت ليه الوضع دا مكن الأمدرمنجية بقيادة الكابتن المحتفى به إنو يستحوذو على منطقة الوسط والمناورة بالكامل وبإسناد منظم من حسبو شكيتو لله واصل حد الــ( ) خصوصا" بعد صورة الخور "المفوتشوبة" وصحوة كاملة من عمر الفاروق وتنضيف المنطقة أول بأول..وثبات ويقظة من وليد فحسي 3/7 المطمطة والجرجرة الحاصلة دي ما حبابا فنرجو حسمها سريعا" وماتصل أشواط أضافية وركلات جزاء ومنتظرنكم كان أنتو ولاّ هم في ...مدني يااااااا
Post: #802 Title: Re: tmbis Author: محمد البشرى الخضر Date: 06-21-2013, 09:04 AM Parent: #801
يا اميرنا دا ياتو الانفراد الضيعتو انا؟ كدي عيد اللقطة او وريني الدقيقة كم؟
جرجير للمرة الشلغمية اتا جائي مع منو وعندك شنو والموضوع ذاتو شنو ؟؟؟؟؟؟
Post: #804 Title: Re: tmbis Author: أمير محي الدين محمد Date: 06-21-2013, 09:53 AM Parent: #802
نمبر ون يا أبو حتوت ..المشهد بالظبط زي نمبر ون .. من الدقيقة : 1:30وانت طالع
يعني في اللحظة اللي حاول وليد يحاورك ويزوووط ليك شكلك وانت بتقول لمّن أرجع البيت بقيت لي مزنوق مزنوق والناس كانت (نسأل الله السلامة) .. مشغولة بمسك أيمن الصورة بالقلبة ــ مالزم التنويه عليه ومنعا" للتحسّس إنو عنوان اليتيوب لا علاقة له من قريب أو بعيد بالأمدرمنجية وتمّ الاستعانة به لدواعي التوضيح ليس الأ....و..أن الأقوان المرفقة فيه ورغم تشابهها مع بعض الأقوان الدخلّوها الامدرمنجية في نفسهم الا إنها لا تمت لهم بصله ...والعايز يفصّل قون على مقاسو بي طريقتو
الف سلامة للوالدة يا صلاح و ربنا يكتب تمام الشفاء ان شاء الله -------
دقيقة يا شباب دقيقة ... نعمل situation analysis على السريع كده عشان نشوف الشغلة ده راسية على وين ..!! انا ح اتكلم ليكم عن الجانب الكمي و ودالبشرى ح يمسك النوعي, اذا تكرمت يعني يا ابوالنسب :) اما قبل انه و في تمام الساعة 11:30 am بتوقيت فينيسيا :), و على خواتيم الصفحة ال 27 , كانت الاتجاهات كالاتي, باعتبار ان الماتش باصات "تمريرات" و اقوان قلنا الاقوان ح يتكلم عنها ود البشرى اذا افترضنا ان المداخلة تعتبر باص "تمريرة" طيب نتابع بالرسم التوضيحي ادناه
الرسم يوضح عدد المداخلات لكل لاعب
نجد ان تيم ام درمان "الى الان" مسيطر تماما على مجريات المباراة باعتبار انهم اصحاب الاسكورات العالية في عدد التمريرات تيم الخرطوم واضح انه ح يشهد نقلة كبيرة في عدد التمريرات في مقبل الايام باعتبار انو صلاح قال ح يفضي روحه طلحة اذا استمر بنفس المنوال ممكن يرجع يغطي و يشيل ضهر جماعة الخرطوم ود البشرى حاز على عدد من التمريرات المعتبرة و لحدي الان ما عرفنا مويته شنو !! و يمكن ان ينضم الى تيم "نفسي اقطع الكبري" اي الخرطوم و يمكن ان توزع مداخلاته مناصفة بين التيمين ناس مدني !! ... الحلوين !! ... سامعننا !! :) , تيم مدني ابلى بلاءا حسنا بقيادة أميرنا و بالرغم من الدعم الممتاز من حمد عبدالغفار كل شويتين لكن محتاجين كادر بشري زيادة
يا أبو الصلح ( صلاح عبدالله) ياخ سلامة الوالدة وربنا يواليها دائما بالصحة والعافية .. يا حسبو تمريرات شنو البتتكلم عليها بالنسبة لجرجير الملقب بود البشرى ؟؟؟؟؟؟ دا واقع شليت ورفيس وخرخرة وكلام مع الحكم ونرفزة في الجمهور .. جرجير لغاية اللحظة مع معروف جائي مع منو وشايت وين ولا حتي فاهم الموضوع شنو .. ركز لينا مع أبو عمير دا لأنو هو القاعد يصنع اللعب ويدي باص القون .. بالنسبة لأساسي فاعترف انو ساق الجماعة كشة لبرهة من الزمن ثم رجع في السبع الأخير من زمن المباراة لعاداتو في الضرب من الخلف من غير الحكم ما ياخد بالو سعيا منه لاخراج الخصم من رتم المباراة بتشتيت ذهنه ودي خباثة غير مشروعة في اللعب النظيف . أبو الصلح الوحيد القاعد يقدم لمحات فنية ممتعة وفي نفس الوقت مجهجهة لباكات الخصم وهو يتفنن في مراوغتهم مرة بالقدمين ومرة بالكتف ومرة بالرأس ومرة بالمقاس ( تماما كما كان يفعل سكسك في زمنو) ودا قبل ما يصل الحارس ويقلبو كما تقلب اللقيمات في الزيت وبعد دالك يا إما لكز كورتو في القون الخلاء دا يا إما كمان دخل معاها ورقص مع الجمهور من خلف الشبكة. تامبا معتمد على الشوت من مسافات بعيدة مرة ضفاري ومرة كفية ومرة مرة لما يلقي نفسو خالي من الرقابة يكوم ليهو تراب ويقنطر فيهو الكورة ويشوت .. وأغلب شوتاتو قاعدة تمش المدرجات فيما يحالف الحظ بعضها فتدق في العارضة وترجع لعمر الفاروق المتأهب للملح فيسجل منها ولكن دا نادر طبعا . أخرجوا من مضاربنا يا هولاء.
Post: #807 Title: Re: tmbis Author: محمد على طه الملك Date: 06-21-2013, 10:48 AM Parent: #806
ربنا يوالي الوالدة بالعافية يا صلاح .
Post: #808 Title: Re: tmbis Author: Salah Abdulla Date: 06-21-2013, 01:05 PM Parent: #807
الأخوان ، عصام / أمير / حسبو / طلحة / محمد الملك شكراً جزيلاً ، كتّر خيركم وبارك الله فيكم..
يا حسبو ، الرسم التوضيحي ده أصللللللوا ما معيار تفوّق !! قول لي ليه !! أيواااااااااااا، طيب لو رجعت لأول مداخلة لي هنا ، أنا قلت بوضوح إنو أسهل حاجة النقة والبربرة لأنو عارفين أولاد قلبا ميزتهم النقة نقة نقة نقة نقة ، ووصّافين جداً ، وخيالهم وااااااسع ، يعني يوصف ليك حاجة لمن يخليك تشك في الحاجة دي، يا ربي دي ياها زااااتا الشايفينها وعارفينها دي واللا حاجة غيرا ؟؟ وده كللللللو (كوانتيتي) لكن ماذا عن (الكواليتي ) و ده المهم ، نقة ساااااكت، ولا بتحتوى على أي حقايق ثابتة.. ورسمك التوضيحي ده بيوضح حجم النقة الصرفوها أولاد قلبا ( على مافيش ).. لكن أولاد الخرتوم، بيجيبوا حقايق ويسكوا بيها الفارات، الذين يلجأون الى مراّقات وهمية .. ياخ ديل زي ود الموية !! أولاد الخرتوم ياااااخ ،، طقطقة صاح لمن غلت، طق ، طرق ، طق .... وتاح جوّة الجك.. هسي شوفوا أنا بحنِّس ولّي ده من متين عشان يوريني بيتهم وين ، وجاء عصام علي برضو ساكيو بالصورة، وود قلبا عامل ميت، ويجي يقول ليك جدّي لِعِب سنة كم ما عارف في إستاك.. معقولة يا ود قلبا !!!
برجع ليكم أيها الفارات ...
Post: #809 Title: Re: tmbis Author: Salah Abdulla Date: 06-21-2013, 01:42 PM Parent: #808
معلومة من الدرب التِحِت:
Quote: Koria Tree · Unv بعدين ياناس الخرطوم رأيكم شنه في وجود الاستنارة في امدرمان ففوز عبد الخالق محجوب في الدائرة الجنوبية التي تمثل امدرمان حيث فاز بأسم الحزب الشيوعي السوداني ...
سلامات للوالدة يا أولاد الديم وألف لا باس عليها وأجر وعافية .. انا من زمااان كلمتكم وقلت ليكم شنباتكم دي مااا مطمناني ..أسة لو لقيت زي شنباتكم دي بخلي أمي تعيا ؟
نرجع لي موضوع الكورة و نشكر مشي بكري مشي على المايكرويف وعبد العظيم كزام في هندسة الصوت وطيفور الطاهر في البلاتو ( إنتو البلاتو ده شنو؟ ) واحدة من أجمل مباريات الدوري وبدت من قولة تيييت بدون جس نبض والجميع دخل في أجواء المباراة بسرعة ..فريق الخرطوم اعتمد على التمريرات الطويلة مع إنو لاعبينهم المهاجمين قصيرين القامة ودي سهلت من مهمة دفاع اولاد امدرمان في الاستلام المريح خصوووصا وإنو الحارس وليد يجيد إلتقاط الكرات العالية وفي كم مرة استلم الكورة بلقطات تلفزيونية صفق لها الجمهور طويلاً .. علاء الدين لاعب فريق امدرمان قاعد يلعب الكورة الحديثة الممرحلة وبيبدا الهجمة من ورا وبيعتمد على التمريرات بين اللاعبين لحدي ما يلقى ثغرة يلعب باص قون.. بس المشكلة إنو اساسي لاعب فريق اولاد الخرطوم لاعب معاهو مان تو مان وبرقابة لصيقة وزي ما قال طلحة بيستخدم العنف غير القانوني وفي لقطة أظهرها المخرج قام أساسي ب جر الشورت بتاع علاء الدين وخلاهو (ميطي) في لقطة لا تمت لروح الرياضة ب أييي صلة وهي لقطة غريبة على ملاعبنا لم نشهدها منذ أيام الدحيش مهاجم الهلال السابق والذي كان يقفز مع المدافعين لضرب الكرة الرأسية ثم ينزل المدافع بدون (لباس) .. طلحة بيلعب مع أولاد الخرطوم بدون نفس لأنو عندو رأيي في المحترفين اللي جابهم الفريق وحاسي إنو بيدوهم قروش في الفاضي مع إنو هم أولاد الفريق اللي بدو معاهو مننن المدارس السنية وأولاد النادي لكن الإدارة ما مقيماهم صاح .. طلحة شايف إنو فريق الخرطوم مفروض يمسكوهو أولاد النادي وهم قادرين على تحقيق نتائج بدون المحترفين دون المستوى أمثال المحترف النيجيري من حفير مشو ود البشرى.. اللاعب المحترف ود البشرى بيحاول كتييير يثبت نفسو وإنو جدير بإرتداء شعار فريق أولاد الخرطوم لكن بعض من الجمهور بيطلق عليهو صافرات الإستهجان مع إستلام أييي كورة مما أدى لتشتيت ذهنه وتسجيل هدف عكسي في مرماه بعد أن مرر كرة خرطومية لي لاعب امدرمان جكسا ومرقو من الربيع امدرمان وداهوالربيع الخرطوم ..ولو إستمر المحترف ود البشرى بهذه الطريقة فممكن المرة الجاية يودي اللعب جكسا الربيع العربي.. بعد فشل تجربة الإحتراف الأفريقي حاول فريق الخرطوم تجربة الممحترفين من أمريكا (الشمالية) ..وإستجلب اللاعب حمد من فريق دلقو الحلة .. اللاعب حمد كان منبهر في البدايات بالكشافات واللعب في النجيلة وشراب الليمون بين الشوطين فقدم مستويات متميزة وكانت معنوياته مرتفعة لكن سرعان ما عاد اللاعب وانكشف وبدا في التصريحات بأن نزول مستواه بعدم إهتمام الإدارة به وتوفير سكن له ولعائلته في امدرمان عبارة عن شقة فندقية وتعللت الإدارة بعدم وجود قنادق في امدرمان.. اللاعب حمد وضح إنو خبرته الإحترافية ضعيفة وكتيير السفر لمسقط رأسه بي دلقو الحلةوواضح جداً طول المسافة وطول الرحلة اللي بتستغرق يوم كااامل أرهقت اللاعب وأفقدته اللياقة الذهنية والبدنية ومتوقع خروجه من كشف فريق الخرطوم منتصف الموسم.. اللاعب صلاح عبد الله هو لاعب بيعتمد على خبرته لكن واااضح عليهو عامل السن لياقته ضعيييفة وفي أقل إحتكاك بيفقد الكورة وبيقع ويتمها فرفرة للحكم لإحتساب مخالفة ..والغريب في الموضوع إنو لي اللاعب صلاح شقيق يدعى عماد يشارك فقط لمدة خمس دقائق في كل مباراة ومرات بينزل الملعب ولحدي ما يطلع بيكون ما هبش كورة ..ورغم عن كده بيلقى إشادة من الجماهير ما عارف لييي!!!! اللاعب أيمن مستواه متذبذب وغير ثابت ومرات مع صيحات الجمهور بيرتبك وبيسلم الكورة للخصم وبيشوت عكس.. و كان عندو لقطة طريفة أعادها المخرج كثيرا عندما استلم الكورة بالمقلوب.. تمتاز المباراة بتحكيم ممتااز بقيادة حكم الوسط الدولي أمير وحكام الراية المساعدين بقيادة حسبو ..ويعاب على حسبو تشتيت قصبو في كتير من الأحيان وطواااالي رافع البيرك ..
Post: #811 Title: Re: tmbis Author: Salah Abdulla Date: 06-21-2013, 02:29 PM Parent: #810
Quote: أسة لو لقيت زي شنباتكم دي بخلي أمي تعيا ؟
هههههههههه..أصلو شنبات دكاترة هي.. شكراً ، وكتّر خيرك يا عمر .. أمي ما عيانة ياخ، قبل سنتين عملت ليها عملية لتغيير الركبة الشمال.. وهسي عملت ليها اليمين والحمد لله العملية نجحت، وأنا طوالي من المستشفي ، وللسوق إشتريت ليها كم تريننق سوت كده وكدارتين وتلاتة كابات ، وطبعاً كلو أزرق هلالابي زي ما بتقول أمل بتي .. فلو ممكن تكلم الجماعة ما ينسوها في تقسيمات الدافوري في ( أبوعنجة).. قال أبو عنجة قال..
في إنتظار محللنا الدولي أبو حتوت الشهير بمحمد البشرى الخضر يجي هنا ويطقطقكم كم ينبغي للطقطقة أن تكون.. عشان تعرفوا الله واحد..
Post: #812 Title: Re: tmbis Author: حمد عبد الغفار عمر Date: 06-21-2013, 06:44 PM Parent: #810
سلامة الوالدة يا صلاح وربنا يواليها بالعافية
غايتو الكورة دي كانت ماشة في صالحكم وخلااااص بقت شبه مضمونة
إلا أن لاعبكم أساسي والمشهور بسيف مساوي قام على سرحانو ويجلي في الكورة ويتوقع في خط ستة وسلم الخصم هدف في أخر الوقت
وطبعا اولاد سنترا لياقتم عالية ما صدقوا وهبوكم هب شديد وأهو براك شايف النتيجة
يا حمد باذن الله لو ربنا مد في الاجل يوم بكرة حيشهد ( طهور جماعي ) في دار الرياضة بامدرمان , وعشان نصقل العملية دي غالبا يوم بكرة حيكون برعاية التمرجي يا حصبو عوكاشة : جهز من الان روحك لرسومات بيانية مختلفة جدن , حنعيد تمرير الموس علي التيم ( الغرلا) وسيعودوا للمجتمع مدجنين باذنه تعالي
عادي بكرة باذن الله تشوفوا حارس المرمي بتاعنا يعمل كدا خليك من الحيعملوا الهجوم
Post: #814 Title: Re: tmbis Author: أمير محي الدين محمد Date: 06-21-2013, 10:08 PM Parent: #813
تنويــــــــــــه هـــــــــــــــــــــــام تبعا" ونتيجة للأسكيجوال وللمخطط البياني المرفق من الاخ حسبو ولإستمرار المنافسة بشكل عادل وشفاف ونزيه لوحظ وإشتبه في تعاطي بعض اللاعبين للمنشطات وعليه سيتم من يوم غدا" تفعيل أعمال لجنة فحص المنشطات في البورد بسمى جديد "اللجنة الفاحصة للمنشطات في البوست" وبعد أن بذلت اللجنة سابقا"جهدا" مقدرا" في فحص المنشطات للبورد واتضح أن كل البورد ظهرت نتيجة فحصه "بوظتيف" وبما إنو السيد رئيس اللجنة عامل رايح من البوست وبخبرته الطويلة و"حدسه الخاطي" بأن البوست سيتحول لمشاكل وآثر السلامة والإبتعاد وتكبير اللفة فعليه إذا لم يظهر رئيس اللجنة في موعد أقصاه صباح وقبل اللحظة التي سيستخدم فيها أساسي القوة والمقصات والمناشير فستباشر اللجنة آسفة لأعمالها ومتجاوزة السيد الرئيس . ونداء : على اللاعبين وليد الشفت وعمر الفاروق مقابلة اللجنة لإجراءت الفحص قبل البدء في إي مداخلة جديدة. كما تناشد اللجنة كل من له خبرة سابقة في مهنة الطهور أو تمرجية الحضور لإستاد أم درمان في ساعة مبكرة من صباح الغد مستصحبين معهم إي كمية متاحة من بنج الحصين والشاش والمطهرات والذي منو تحوطا" لما سينتج عن "معركة قطع الغرولات". وعلى أصحاب القلوب الرحيمة التبرع بقزازتين دم وعلى أصحاب القلوب الرهيفة الإبتعاد . والله يجيب العواقب سليمة و........الله ولي التوفيق صدر تحت توقيعي: نائب رئيس اللجنة الفاحصة للمنشطات في البوست وقرّبت أجر ليكم تحية ممطوطة ..بس بدلها قلت أحسن أوقع.. زييييييطك زييييييطك ياهادا توقيعي
Post: #815 Title: Re: tmbis Author: عمر الفاروق Date: 06-22-2013, 01:39 AM Parent: #814
توضيح بسييط لحدي ما تجيبو جاداتكم بكرة .. أمدرمان حتتتى في موضوع الطهور ده فهي تاريخ ورمز .. ويقف شارع الدومة شاااهد على ذلك .. والما ختنو إسماعيل الطهار على مستوى العاصمة ينظر ويفاد.. إسماعيل الطهار لا يقل سمعة عن هلال مريخ وعبد الرحمن الريح والكحلاوي والطابية
Post: #816 Title: Re: tmbis Author: عصام علي أحمد Date: 06-22-2013, 08:40 AM Parent: #815
Quote: وفي لقطة أظهرها المخرج قام أساسي ب جر الشورت بتاع علاء الدين وخلاهو (ميطي) في لقطة لا تمت لروح الرياضة
ياعمر حتى يكتشف اساسي المطهر من المامطهر فى فريقكم لانه قريبا عمليات الختان المجانية فى ملعب دار الرياضة عليكم الله تعالوا بدرى عشان عندنا عمليات فى مدنى عند ناس امير محى الدين
.. يا طلحـــة .. قلت لي عايزين يجيبو ليكم في الترعــة لوبيستر وشريمب .. وسلمووون ..؟ ههههههههههه عليك الله يا طلحـة حسع دي البتاعات التحت دي ،، انت واساسي بتعرفو تاكلوها واللا ساااي .. قال شنو ..؟ قال ابوجلمبـو .. قلنا ليكم ما اسمو ابوجلمبـو .. ما اسمو ابوجلمبـــو ..
عشان نبدا عملية الختان حنمسك واحد واحد من اخوانا ( غرلا المعرفة والادعاء) ونعيد صياغته وارجاعه الي المجتمع صالح ومدجن وعارف لوضعه الطبيعي والطليعي وقيمته الحقيقية , فقد كثر الهرج والمرج في هذا البوست وكثرت البطولات ولجا اخواننا الغرلا الي التفوق بعلو البلاعيم والصراخ والادعاء الكاذب وتزيف الحقائق ووتدليس التاريخ , وبعد ان تجاوزنا لكل ذلك الا ان تميع تاريخنا والانكباب زورا وبهتانا وافكا في صناعة تاريخ لا يملكونه كان لابد لنا من الرد الصاعق واللازع وبالادلة والبراهين علي هذه الافتراءات لنعيد كل الي حجمه الطبيعي واعطاء كل ذي حقا حقه المكتسب والمتوارث كابر عن كابر في حالنا او صاغر عن صاغر في حالهم . وسنبدا بصاحب البلعوم الاكبر وليد الذي لجا الي الصور والخرائط لاقتلاع حقا ليس له وسنضربه في مقتل عبر نفس الخرط والصور التي لجأ عبرها اي اننا سنضرب بقسوة كل عبر البوابة التي ولج منها الي البوست ونعرج به الي سوق العناقريب في امدرمان ليحمل في احدها ويكب اخيرا علي وجهه صاغرا في واحد من الخيران المنتشرة في تلك القرية المسكينة المسماة امدرمان والي البداية
وليد المبارك الزول العامل فيها شفت حاول ان يتحايل علينا وعلي القراء واظهار تفوق قريته المسكينة علي مدينتا التاريخية وذلك في خدعته التي اتخذها مسلكا له في كل مداخلاته في البوست , ونحن نرى ذلك من البداية ولكنا نتجاوز عل وعسى ان يرعوى الا انه واصل في غيه سادرا غير مبال بذكائنا متخذا من حلمنا وطول بالنا وصبرنا مطية ارتكز عليها واطمئن الي انا غافلون عن اسلوبه الالتفافي في التعاطي مع البوست وتزيين الحقائق والتدليس في نتيجتها مظهرا تفوقا وهميا في خياله فقط حيلة وليد التي ظل يمارسها في هذا البوست بسيطة جدا وان كان قد انتبه لها كل افراد تيمنا الصناديد ابتداء من ايمن وصلاح والبقية , حيلته بسيطة وساذجة جدا وتتمثل في انه يجتهد في الدفع هجوما بكافة السبل واشغالنا في الدفاع لعلمه التام ان ظهره مكشوف ولا يوجد لديه من يحمى ظهره لذا كان لابد له من الهجوم ثم الهجوم ثم الهجوم وعدم الالتفات الي الدفاع او الاجابة عن الاسئلة التي نسوقها له بل يجليها عديل ويفطها ويعمل رايح مرة وماحيان يعمل غمران وفي الكثير من المرات يعمل ماشايف زاتو لكن علي منو يا فارة هذا الاسلوب ال######## ظهر في الخرائط التي انزلها وظل يكرر فيها ويبتزنا باسئلة ثم يعود مرة اخري الي الابتزاز وتكرار صور الخرائط القديمة ولكنه لم يجب ولا مرة علي اي من اسئلتنا او استفساراتنا المقابلة ولاكون محددا اكثر انزل صورة تاريخية للخرطوم سنة خمسة ولا تزعة وعشرين ما عارف وطلب الينا ان نوضح اماكن بيوتنا في تلك الخريطة ولكن عند سؤاله عن خريطة امدرمان في تلك الفترة ومكان منزلهم بالمقابل عمل طاشي كلو كلو بل عمل رايح عديييل ولم يستطع ان يجلب الي البوست اي صورة في تلكا لفترة لامدرمان يجب فيها علي اسئلتنا لذا ظل طوال البوست يتحايل علي الرد علي هذا السؤال البسيط والجوهري .
Post: #820 Title: Re: tmbis Author: وليد محمد المبارك Date: 06-22-2013, 10:36 AM Parent: #819
اساسي ...
انت زعلت يا مرسي ؟!
____________
يا صلاح سلامة الحاجة .. بعدين مغيريين ليها ركبتين ؟!
سلامات يا صلاح .. حمد الله على سلامة الحاجة وربنا يواليها بالعافية يااارب .. معليش الصباح جيت داخل قلت اعزم الفارات ديل فطور .. جبت ليهم ماكولات بحريـة ، وقاعد اتفرج فيهم عايز اعرف بتعاملو معاه كيفن .. ح تكون زي الاسكريم .. واللا زي الكيك الانقليزي الفوق داك ..؟؟ هوووي يــا فارات .. الصحن الفوق جبتو ليكم دا .. ماف واحد يدخل يدو ساكت .. البتاع دا لو ما عرفتو بياكلوهو كيف وعايزين تتشبرو ساااي بعمل ليكم (كوفاره) .. البتاع دا بكوفر بيكم .. الكوفاره دي بالانقليزي معناته تسممم .. الصحن الفوق دا بجي معاهو كتلوج بي الصوت والصورة وبي عدة لغات عشان يوريك كيفية الاكل .. قاعدين تحضرو فتافيت ؟؟ تاكلو ساااي تقومو تكوفرو .. تجيبو لينا رقبــة ..
لذا ومساعدة لاخونا وليد وردا علي بقيه افراد تيمه سنقوم هنا بعمل مقارنة لفترات متقاربة بين قريتنا ومدينتهم في تواريخ لفترات زمنية وحقب متقاربة جدا توضح لنا لماذا كان يزوغ وليد من الاجابة علي السؤال الرئيس
في بداية القرن السابق والي منتصفه كان الشكل العام والحياتي لامدرمان علي النسق التالي :
وهكذا هي امدرمان في بداية نشأتها يعني عادي ابهات الجماعة ديل وجدودهم بتلقوهم في الصور اعلاه
وبالمقابل كانت الخرطوم في نفس الفترة من تلك الحقب علي هذا النسق
اظن الان عرفنا ليه وليد كان بتزاوغ واعتقد انه ليهو حق ود قلبا قلب القرية البائسة
Quote: هههههههههههه تامبا فقد المنطق .. بقيت تمشي تكابس في متابخ الناس الجايين من برة ؟ ححححححححححححيييييييي أنا .
.. زي ما قلت لي عمر قبل كدا .. انتو فارات ساااي اي حاجة بتمشي فيكم ..
Post: #826 Title: Re: tmbis Author: محمد البشرى الخضر Date: 06-22-2013, 11:29 AM Parent: #824
عمر الفاروق يا كيشة تحليلك للكورة مالو مخستك ومتحيز كدا, اولا طلحة دا ما لاعب معانا ولا الاتحاد بسمح ليه, تنظير كرته في اتحاد اهل العوض هو متشوبر ساي و(خاوتنا) عايز يخش التيم بأي طريقة غلطة الربيع صلّحتها قبيل وجبت بدلها بدل القون اتنين وتلاتة ولسة ماشين في السكة نمد - خلي الشفت ينتهي من الشعراء و الرؤساء بس ههههه اساسي متعود على لعب الدافوري ما بعرف للتيم ويرك عامل شمطة مع اعضاء تيمه مع كتر واحد بجلّط, اسي دي جايب ليه صورة من بحري على اساس انها الخرطوم و الحالة مكتوب عليها خرطوم نورث :) أمّا انتو فا انضربتو قبيل من قون صلاح بتاع الثقة تاني ما قامت ليكم قائمة بس تامنها غلاط وحنك, ياخي حمد من المدرجات نزل دقايق قدّم فيك عرض تاريخي
يا ود البشرى بحري تبعنا وتوتي كذلك , عشان كدا نزلت الصورة وانا مدرك ليها اي حاجة فيها اسم الخرطوم حقتنا
ودا باص ثرو لي امير كمان صورة لمدني في نفس تلك الفترات
ودي لي جد طلحة كمان في نفس الفترة ^_^
Post: #829 Title: Re: tmbis Author: عمر الفاروق Date: 06-22-2013, 11:46 AM Parent: #827
Quote: اسي دي جايب ليه صورة من بحري على اساس انها الخرطوم و الحالة مكتوب عليها خرطوم نورث :)
هههههههااااااااي.. اساسي شنو البيقرا ليك الانجليزي ده يا ود البشرى .. باقي ليك اسة التعليقات اللي تحت بي الانجليزي مع الصورة دي بيكون فارزا؟؟ الزول ده لو ما لحقتوهو ممكن عااادي يجيب قون تاني بي صورة يكون مكتوب فيها امدرمان اجمل من الخرطوم بي مراحل وهذا ما قاله اسماعيل باشا ..وزولك طاااخ يجي يردمنا بيها .. اساسي ده يا عمك . لأ ويجي يقول ليك عااارفا انا بس قلت أأكد بحري تبع الخرطوم.. عارف دي زي شنو يا ود البشرى ؟ دي زي لمممن كنا في المدارس الابتدائية وفي زول حاشي سندويتش سمح تقوم تشحدو تقول ليهو أديني معاك قرمة .. يقول ليك أبيييت .. تقول ليهو انا اصصصلا ما عايز بس كنت عايز أختبرك .. :)
Post: #828 Title: Re: tmbis Author: أمير محي الدين محمد Date: 06-22-2013, 11:45 AM Parent: #822
Quote: ياعمر حتى يكتشف اساسي المطهر من المامطهر فى فريقكم لانه قريبا عمليات الختان المجانية فى ملعب دار الرياضة
ياعصام شكلو ومن صورة بروفايلك إنك أحسن من أسماعيل الطهار وزاتو شكلو عمر الفاروق كان قلبو حاسي ..بإنو أساسي بقطع الغرولات بدون بنج جاء من الصبااااح يكورك وبصرخ ويهضرب شارع الدومة وأنا مشيت لأسماعيل الطهار ــ وتصدق وتآمن لمن الصباح جيت داخال وشفت اللغاويس بالقاورما الجابها تمبس دي أفتكرت الصور من أساسي قلت ياربي أساسي دا ضبح وسلخ الغرولات دي من صباحا" باكر وبدري ....بدري ـــ يا أساسي الله يرضى عليك خلاص عمر الفاروق دا سيبو ..سيبو..أو كما قال حسبو
Quote: هههههههااااااااي.. اساسي شنو البيقرا ليك الانجليزي ده يا ود البشرى .. باقي ليك اسة التعليقات اللي تحت بي الانجليزي مع الصورة دي بيكون فارزا؟؟ الزول ده لو ما لحقتوهو ممكن عااادي يجيب قون تاني بي صورة يكون مكتوب فيها امدرمان اجمل من الخرطوم بي مراحل وهذا ما قاله اسماعيل باشا ..وزولك طاااخ يجي يردمنا بيها .. اساسي ده يا عمك . لأ ويجي يقول ليك عااارفا انا بس قلت أأكد بحري تبع الخرطوم.. عارف دي زي شنو يا ود البشرى ؟ دي زي لمممن كنا في المدارس الابتدائية وفي زول حاشي سندويتش سمح تقوم تشحدو تقول ليهو أديني معاك قرمة .. يقول ليك أبيييت .. تقول ليهو انا اصصصلا ما عايز بس كنت عايز أختبرك .. :
yeeeeeeeeeeeeeeeeeeeeees مشتر اووومر yeeeeeeeeeeeeeeeeeeeeees وحيات الخوة صاحبك دا .. انا ناقشو في الحتة بتاعت نورث وساوس وإلخ إلخ .. ما ناقش ابو النوم قلت خليهو شويـة اقوليك حاجة ..؟ اكان ما ود البشرى دا اتصلط علينا .. صاحبك جايب لينا الانجيلية امدرمان .. جايب لينا الانجيلية امدرمان على اساس انها قاعة الصداقــة .. اصلو ما بقصر معاكم... يا اساسي .. اولاد سنترا ديل ., ارجمم بالامازيغيــة .. نانو ثقافتم تركيــة .. انقليزينك جا ما بعرفوهو ليك .. ولا بفهموهو .. تقولي الخرتوم نورث ..؟ هاك سستر اسكول دي
Quote: عشان كدا نزلت الصورة وانا مدرك ليها اي حاجة فيها اسم الخرطوم حقتنا
امتعتني يا هذا .. يو ميد ماي داي .. يا امير .. انتو مش شابكننا دوري ممتاز ودوري المجموعات وبتاع .. حسع الزول دا طلع بتاع منشطات .. بالع حبوب عديل كدا .. .. .. يا مستر اساسي .. بمناسبة الحبوب دي كان ساكنين جمبنا جماعـة طرف ناس طلحــة ديل .. جماعتكم ناس شبه الجزيرة العربية .. اهــا عندم شافعم كان عيان طوالي وعندو حمى بتجيو طوالي وبفقد سوائل كل يومين جاريين بيهو المستشفى .. كمية الحبوب الادوهو ليها تفتح مستشفى .. هذا بالاضافة لكمية الحقـن .. ولما تلاجتم اتملت بالادويـة . كانو بيختو الادويـة حقت الشافع في تلاجتنـا وعادي التلاجات مفتوحـة للجميع .. يوم واحد قريبم جا من البلد .. عاجباهو ليك الحتة بتاعت الحبوب دي .. بخش شمال في اي نوع بتاع حبوب شفت الكبسولات دي ..؟ بدفع فيها دم قلبو عديل كدا .. اي تلاجة لو ما فيها حبوب ما حبابه معاهو .. يا زول رجم ليك حبوب الشافع الفي التلاجـة البي هناك حقتم كلها .. اي دواء شراب جلعو ليك .. يوم جيت لقيتو فاتح ليك التلاجة بتاعتنا قسم الادويـة بتاعت الشافع .. وانا طبعا بكشف ليهو قلت احتمال يكون موعد الجرعـة حقت الشافع يا جاتو التشنجات .. بعد شويـة اشوف ليك صاحبك بفك في القسطيرة الفضيــة .. تلاتة بتاعات جاسفم ليك بي سرعة البرق .. بعدما قعد يتلفت عشان يضمن انو ماف زول داقيهو فتاشـة .. بعد شويـة جيت جاري ليك ليهو عشان ما يطقطق باقي الحاجات .. قريبكم يا اساسي وحيات ابتسامتك .. خشه ليهو في تلاتة حبات تحاميل .. ظرط ليهو تلاتة راسم عديل انا لما جيت .. قعدته الاويهو ليك في الرابعــة موديها علي خشـمو .. يا زول حق الله بق الله قدرته اللوي ليك يدو واقلعه منو .. قلت ليهو يا زول انت عارف البتاعات ديل حقات شنــو ؟.. قالي لا .. طيب بتبلع ساي عايز تجيب لينا رقبـة .. ضحك بي متعة كدا لانو التحاميل بي سرعة الصاروخ نزلت تحت مباشرة لي مكانه الطبيعي .. قلت ليو بتبلع ساي .. ؟ قالي: يا زول ببلع سااي .. المهم بتلقى ليها حاجة تعالجــة حسع دي زي صورك دي .. انت خت بس ونحن ح نختار الكلام المكتوب ما كمان اولاد سنترا وناقشين حاجاتنا كويس .. وبتلقى ليها حاجة تعالجه
يا شباب لو ما عايزين القرعـة دي تعالو نلعب لعبـة القبعة .. نجيب لينا قبـعة ونخت فيها تلاتة ورقات .. نكتب فيها .. وسط . وسط وسط .. ونقوم نسحب البتقع ليو الوسط النورسي هو الفايز يللا يا اساسي تعال احكم لينا اللعبـة دي بي ذممتك الممطوطــة دي .. ذمتك زي اللستـك .. تاكل ناقـة اي زول يلاقيك .. حسع دي لو ما طلعنا مفتحين وود البشرى دا طلع زول تنج .. كنت عايز تشيلنا ليها ساااي كدا في صمة خمشــنا مش كدا ؟؟ أهـ يا عفريت يا خلبوس
Quote: اخر صورة خاتيها مع امدرمان دي صورة لسنتر الخرطوم ، محل عمارة الدهب حاليا ، سنتر الخرطوم يا تامبا ، واخد بالك !! (عدل بواسطة اساسي on 22-06-2013, 10:17 AM) هاهاهاهاهاها ، جريت عدلتها ، طيب خلاس بالمرة شيل معاك الصور حقت سوق مدني
بالله شوف عدلتها في ياتو وقت يعني حتي انت قبل ما تدخل البوست وبعد انزال الصورة بدقائق معدودة وانت عارف انه بوست بكري فيهو مشكلة صور الايام دي ولما تعمل شاهده قبل النشر بياخد ربع ساعة حتي يديك الصور , عشان كدا اول ما نزلت الصورة مشيت عدلتها حتي قبل ما تجيب ليها انت خبر لاني انتبهت لانه الصور ما نزلت بالترتيب الصحيح ودي مسألة بسيطة جدا لكن ولانك ما عندك التكتح ترد بيهو علي الضرب الفي الحنك دا بقيت تتجاري وتحاول تغالط في الصور ياخ صوري دي كلها غلط ومضروبة جيب لينا انت الصور من عندك وانحنا موافقين لمقارنة بين الخرطوم وامدرمان في تلك الفترة احييييييييييييييييييي يا الزبادي
بالنسبة لصاحبنا طمبز في تريقته علي طلحة المسكين واقحامي في هذا الشأن الصور ادناه اخذت قبل نصف ساعة من الان وكانت بتمثل الغداء العادي بتاع اخوك في المطعم القريب من المكتب , يعني يا تمبس الصور البتعمل سيرش في قوقل وتفتشها عشان تنزلها لينا هنا , انحنا بنتعامل معاها كواقع يومي مافيهو اي دهشة ولا حاجة فوق العادة مطعم البحار للماكولات البحرية بجدة طبعا الموجود ادناه كله اسماك وماكولات بحرية معمولة بطرق مختلفة و ممكن تجي تشرحها انت يا بتاع قناة فتافيت وانحنا بنأكلها بعد ما تستوفي الشرح وحدك انك تشوفها في التلفزيون بس شفت الفرق بين اولاد قلبا الجد وبين الحكاواتية هاك اخد كم نقلة نوعية في تاريخك الغزائي طبعا شوربة المأكولات البحرية دي ما بتكون سمعت بيها زاتو بالمناسبة ياهي دي في الصور ديل اما التحت الانت اكيد بتكون قايله ملاح خدرة او ملوخية فدي يا سيدي حاجة اسمها فيلية بالحُمر ( العرديب الواحد دا ) والتانية البي الصلصة دي ماكولات بحرية مشكلة بالطماطم والباقي اظنه واحد للعامة الانت ما من بينهم زاتو يا بتاع فتافيت ^_^
قرقرقرقرقر.. يا طلحــــــة .. قريبك دا فاكيها فيك ساي .. طلع اخرونق
عليك الله يا طلحـة قبيل كان اكلته من الصحن الجبتو ليك دا .. وناديت اخوك دا مش كان احسن ليكم ..؟ مش كان احسن ليكم تاكلو وتطرشو وتكوفرو ..؟
.. يا اس اس .. عليك الله شوف لي معاك صورة للبازار وسط في الخرتوم .. وكتر لي الباسطـة قرقرقرقر
Post: #845 Title: Re: tmbis Author: أمير محي الدين محمد Date: 06-22-2013, 12:57 PM Parent: #832
تسلم يا أساسي على الثرو باص السليم ...وهدية من إيدك مقبولة ..وأها على قول تمبس هيجت مشاعري وأنا لمن مشاعري تهيج ... بتفجر حمم عديل كدا ومصداقا" لكلامك إنو مدني في تلك الأيام كانت مزدهرة وزيها وزي بيرمنجاهم الهاجر ليها ود الطهور "البورمل" الفي الصورة أيامها كانت وسيلة التنقل في شوارع مدني الخضراء المزهرة..وعلشان أثبت لناس الدواب كيف كانت مدني سباقة ومتجزّرة فيها الروح الديمقراطية عند إنسانها .. نفس "البورمل" موصل ركاب لبركات وشارع بركات ضيق يمينو الترعة ويسارو السكة حديد ..عمك سواق البورمل زنقو ليك قندراني (زي زنقة أولاد قلبااا الحسي دي )... التفت للركاب بيشاورهم آهاااا يا الركاب القندراني ولاّ الترعة الركاب : بصوت هرموني وااااااحد الترررررررعة ...وعمك بكل روح ديمقراطية توووفك كبا ليك البورمل بي ركابو في الترعة ... بس عندي سؤال : الشافع الفي صورة جد طلحة دي مافيها تاريخ لو الستينات ... يكون الشافع الفي الصورة طلحة ؟؟
برقية قــــــف : نهنئكم بإنجاز عملية الطهور المعرفي الأولى بكل سلاسة ويسر ... وسير غرولا ما تعتر ليك ــــ ياتمبس لو إستمريت تهضرب كدا ..ياااا هك المحولينك للجنة ..منتظرنك للهناية الما حاورية تقول لي تمساح؟؟ ـــ الواحد زاتو لو ما نظرية "تشرشل" القالو عليها بدون تعليق كان هتف : مدني يااااا ياديمقراطية...مدني يااااا يا برنامج ثورة تقدمية
Quote: "البورمل" الفي الصورة أيامها كانت وسيلة التنقل في شوارع مدني الخضراء المزهرة..وعلشان أثبت لناس الدواب كيف كانت مدني سباقة ومتجزّرة فيها الروح الديمقراطية عند إنسانها .. نفس "البورمل" موصل ركاب لبركات وشارع بركات ضيق يمينو الترعة ويسارو السكة حديد ..عمك سواق البورمل زنقو ليك قندراني (زي زنقة أولاد قلبااا الحسي دي )... التفت للركاب بيشاورهم آهاااا يا الركاب القندراني ولاّ الترعة الركاب : بصوت هرموني وااااااحد الترررررررعة ...وعمك بكل روح ديمقراطية توووفك كبا ليك البورمل بي ركابو في الترعة ...
.. التررررررررررررررعة ؟؟ البرينســة ..؟ القندراني ؟؟ اللهم اجعلو خير .. يااااااااااااااارب .. انا لما صحيت ووعيت في الدنيا دي .. الحاجة البعرفـه انو البورمل دا .. قاعدين يجيبو لينا بيهو اللبـــن .. الحلبــه أو النقاده الحسع دي عندهم توكيلات الركشات ديل ناس مفتحين .. زمان اعمام واجدادم كانو بجيبو لينا الحليـــب خدمة توصيل .. انا القدامك دا كنت مسؤول من القزاز وانا شافع .. يعني بي صراحــة ..؟ انا رئيس جمهوريـة القزاز كنت .. اي بيت بيرفع في راس الحيطــة .. القزاز الفاضي .. بيجي البورمل حقكم بتاع الترعــة دا .. بيشيل الفاضي ويبدلو بي مليان ., وانا شافع كنت بطلع القزاز دا في الحيطـة وعاملين لي سلم .. والوكت داك لا ترعــة ولا ابو عشريــن .. ترعــة شنو يا امير ..؟ العربية حقت لبــن .. يكبوكم بيها في الترعــة .. وابو سبعين ..؟ مش اخير ليكم البرينسـة من البتاعة بتاعت اللبـن دي ..؟
Post: #847 Title: Re: tmbis Author: أمير محي الدين محمد Date: 06-22-2013, 01:24 PM Parent: #846
هههههههه شنو يا تمبس أصلك ما بتعاين لنص قزازة اللبن المليانة ...؟ بعدين كلامك دا قولو في النهائي لو وصلتو النهائي و....صراحة كدا البورمل كان مودي آل طلحة ...وطلحة بقى يسركو لي من القصة إيها بتاعت الفرش ....آها أنا إتحسست وخفتو كمان يتحسّس ويفتح بوست يقول البهامزني البطاعني و..بتاع ..
ما كمان ما ممكن يا امير نحن نجيب في صور اللوبستــر والشوك والسكاكين .. وانتو لحدت الآن في الفيـن وطلطاشر شابكننا البورمــل والبعاتي .. وابو عشرين والبرينسـة .. ارتقو لي مستوى اللعبــة ياخ .. شان ما تتحسسو ساكت كدا دا .. بعدين تعال .. كلامك دا المعنى يعني آل طلحــة ديل ما من ناس الخرتوم ..؟ يعني حنك توتى دا كلع حنك بيش .. زي صورة اساسي دي ..؟ يعني ارباب العقايد دي كان حنك ساااي ..؟ اها امسك يا طلحــة .. بقيت سم سم اساسي .. اولاد قرية واحدة غايتو امير بالغ موبيلغه عجيبة خلاص .,, ايــن حمد فتح الرحمن ..؟ ايـن حمد بتاع في القولد التقيت بالصديق ؟؟ يللا يا حمد عليك الله تعال جيب الكورة دي .. نحن جبنا ليك فنايل جديدة شان تطقم مع امير دا وبالمرة تجربـة .. وجدتو فياه صاحب التعاون لخيرنا يسعى بلا تهاااون ..
هههههههههههههههههه منو العوض وعليهو العوض .. يا تامبا البتعملوا فيهو اتا وأساسي دا اسمو الاحتطاب الجاير على وزن القطع الجاير .. ودي حرفة يتقنها فقط ناس القرون الوسطي بتاعين السيف والمقلاع والمنجنيق وغيرهم من الذين لا علاقة لهم بالتمدين والحضارة عينة الحاصرين الخرتوم كلها في فنلة داخلية ونظارة بيرسون وحلاقة أسفل الجمجمة وأكل سندوتشات بيرجر لحمو مجهول الهوية بالإضافة لتحلية البسبوسة بتاعت الدقيق الفينو .. بس ياها دي كل مظاهر المدنية وأساسا ورأسا حسب ما يدور داخل نوافيخم الحجرية .. لن أستغرب والله إذا رشح في الأخبار أن غوغل بصدد مقاضاة سيد الحوش بسبب ما يفعله منسوبي هذا الحوش من إحتطاب جاير لاثبات ما لا يمكن إثباته .. من المضحك جدا والله أن تكون حجة ناس أساسي وتامبا ومنو ومنو لاثبات أنهم من خرتومنا هي مجرد صور من سالف العصر والأوان أشك في أنهم يعرفون حتي مناسباتها .. مع العلم أنو نحن ( ناس الخرتوم أسياد الجلد والرأس) تاريخ خرتومنا دا قاعدين نسمعو سمع أضان من عضلة اللسان مباشرة إلى طبلة الأذن دون أية حواجز أو معيقات وذلك كله ذات قعدة عصرية يتوسطها أي واحد من أجدادنا المعاصرين .. التاريخ الجايبو أساسي صور دا نحن قلناه في صفحة سابقة من صفحات هذا البوست الذي امتلي بالبدو والرحل والجايين مع سيل الوادي.. نعم .. ذكرنا انو أجداد ناس تامبا جونا في خرتومنا بالجمال ولما ضاق بهم المكان على سعته لم يكن أمام جدي إلا أن يقطعم البحر مع ولدو المنوفلابي ليعمروا منطقة ام درمان الحالية، فيما أرسل بعضهم لزيادة سكان منطقة بحري .. وهذا ما تؤكده صور الجمال الكتيرة الجايبا أساسي زي ما قلنا في صفحة سابقة من البوست . الاحتطاب الجاير من الانترنت لا يفيد ولا يمكن أن يكون بينة على ادعاء ناس تامبا وأساسي وغيرهم من الوافدين.. ولكنها حجة الدخلاء المتسلبطين المتلبطين المتشعلقين الناكرين لبداوتهم وأصلهم . ويا تامبا المدنية ما أكلات من تأليف الخواجات أو فنلة داخلية مصنوعة من حرير القز .. وإلا لكان سامي عبد العظيم أبو المدنية سيد الحضارة مع انو سامي دا جائي من عمق قاع منطقة نائية في أقصي أقاصي البادية، ولكن بحكم عملو في الصحافة بالامارات فهو كل يوم في بلد جديد من بلاد الفرنجة يأكل أكلهم ويلبس لبسهم ويعمل الحركات التانية زيهم مع تحفظو على بعض هذه الحركات ( الكافرة ) .. سامي ومنذ إلتحاقه بالعمل الصحافي في الامارات وحتي الآن زار وطاف كل دول العالم من أقصاه إلى أقصاه باستثناء الجخانين الكائنة في مجاهل أفريقيا أو تلك الأصقاع المنسية في أطراف أطراف القارة الصفراء .. ولهذا وهو بمفهوم ناس تامبا الفوق دا هو الحضارة بعينها ولسانها وحلقوما . أخرجوا من مضاربنا يا هولاء .. يتبع ........
والله لكن صدق من قال الماشاف لما يشوف ينطط عينو ويفتح خشمو مترين .. تامبا جايب لي عقرب بحر ( حسب كلام ناس أساسي ) محمر بالزيت وجمبيهو شمار اخدر وجرجير ( ما جرجير بتاعنا ) وقال دي أكلة المدينة .. هههههههههه تامبا المسكين لا يعرف أنو وجبات المدنية الجد جد بقت في التاريخ المعاصر حبوب وكبسولات صغيرة يمكن تناولها دون أن حتي أن تستعمل يديك .. أي وحاة الخوة .. مجرد حبة صغيرة تحوي كل الفايتمينات والمقويات والنشويات والسكريات وما يحتاجة الجسم من مغذيات يتم تناولها في جزء من الثانية .. وفي حبة تانية أصغر ممكن تبلعا لتعطيك مفعول الحليب والشاي الكشري والتحلية بمختلف انواعا .. شمام .. بتيخ .. عنب شامي .. عنب أخدر .. قصب سكر .. جوخ .. تين .. تفاح .. برتكان .. موز أبو نقطة وموز كسلاوي .. الخ .. الخ .. اتا من زمن التحمير والتقمير وصحانة الصيني والعيش الطوسطة ؟؟؟؟؟؟؟ قلتا ليكم بدو ومتأخرين والناس سابقنكم بمراحل بعيدة عملتوها جقلبة ورفيس .. أخرجوا من مضاربنا يا هولاء ..
هاهاهاهاهاها والله يا تمبس بالغت ، انتهيت من البوست ده بالضربة الفنية القاضية ، حطمتهم ياخ هاهاهاهاهاها
Post: #858 Title: Re: tmbis Author: حمد فتح الرحمن Date: 06-22-2013, 02:13 PM Parent: #850
اتذكرتا لي مباراة بين فريقين من عندنا في البلد واحد من الفرق دي عندهم جناح جراي جري لمن كرعيه بلفوا زي العجلات لما ينطلق وبعدين تمارينهم في الرمال بلكع الكورة وبجري وراها في الرملة دي اللياقة لمن بقت الف اها الجناح اسمو علوب دا الجمهور من كبيرو لي صغيرو مؤامن ليك بيه ، الحارس لو مسك الكورة الجمهور بكورك فيه ادها علوب وخلها ادها علوب وخلها ، بتاع الوسط السيردباك اي لاعب بمسك الكورة الجمهور بكورك ليه ادها علوب وخلها . واحدة من الكور الباك استلما من الحارس الجمهور بقى يكورك في الباك لغاية ما باصاها لي علوب وقوم يا علوب انطلق بالجناح والجمهور منطلق وراه ، طبعا علوب فات الاوت بهاناك واظن لي اسه علوب جاري بالكورة والجمهور جاري وراه راجيه يسجل القون .
تخريمة :) يا اساسي انا ما قاصدك في القصة الاتذكرتها فوق دي لكن ياخ لو كان اكتفيت بي صورتين لي ادرمان وصورتين للخرطوم كان لي شهر قدام ما محتاج غير تجي تقرا ترهات ناس تمبس الحيجو يكبوها هنا وتمد لسانك وتمش :)
ههههههههههههههههههههههه بعيدا عن موضوع الخرطوم وامدرمان, علي اليمين يا اولاد التعوسية بالغتو في قصة صور الأكل و المطاعم اسي الجرسون يا ربي بكون بالو مشى وين وهو شايف منظر اساسي بصوّر في الصحانة و الفاتورة, ولاّ تمبس وهو بصلّح الشوكة بي جاي ومستني زميله ياخد اللقطة الواحد عرف طاش ما طاش بجيب سكريبتاتو عن السودانيين من وين :)
Quote: بالنسبة لصاحبنا طمبز في تريقته علي طلحة المسكين واقحامي في هذا الشأن الصور ادناه اخذت قبل نصف ساعة من الان وكانت بتمثل الغداء العادي بتاع اخوك في المطعم القريب من المكتب , يعني يا تمبس الصور البتعمل سيرش في قوقل وتفتشها عشان تنزلها لينا هنا , انحنا بنتعامل معاها كواقع يومي مافيهو اي دهشة ولا حاجة فوق العادة مطعم البحار للماكولات البحرية بجدة طبعا الموجود ادناه كله اسماك وماكولات بحرية معمولة بطرق مختلفة و ممكن تجي تشرحها انت يا بتاع قناة فتافيت وانحنا بنأكلها بعد ما تستوفي الشرح وحدك انك تشوفها في التلفزيون بس شفت الفرق بين اولاد قلبا الجد وبين الحكاواتية هاك اخد كم نقلة نوعية في تاريخك الغزائي طبعا شوربة المأكولات البحرية دي ما بتكون سمعت بيها زاتوبالمناسبة ياهي دي في الصور ديل اما التحت الانت اكيد بتكون قايله ملاح خدرة او ملوخية فدي يا سيدي حاجة اسمها فيلية بالحُمر ( العرديب الواحد دا ) والتانية البي الصلصة دي ماكولات بحرية مشكلة بالطماطم والباقي اظنه واحد للعامة الانت ما من بينهم زاتو يا بتاع فتافيت ^_^
عندما دردقــت الأخ طلحــة .. وزنتها تماما للشليق بتاع بري دا .. لكن يدي اكلتني وايم الحق .. انت يا اساسي مفروض انك اتربيت في العاصمة تكون اشفت من كدا .. يعني ما تتدردق بي سرعة .. انا طلحـة دردقتو .. وقمته جدعته ليهو قناة فتافيت .. لانو ناقشو انو بقول الاكل دا حق فتافيت وفعلا قام قالي قاعد تجيب الاكل حق الجماعة الكفار .. طيب وانت مالك يا ود امي مصيبتك شنـو ..؟ عشان كدا انا جبت ليك الصورة تراااخ .. بي شوكته وسكينه .. لكن ما كنت قايلك ح تقولي قناة فتافيت .. ياخ انا ادردق طلحـة انت تقع لي في الاتو ؟؟ ... احي انا ياخ بعدين الجبتو دا راسمالو محل رز بخاري .. نص حبـة مع الرز .. نظامك الغذائي دا انا ما قاعد ينفع معاي .. ما قاعد اكل في مطعم فيهو مغسلة وبيجي ياكلو فيهو العمال الزيك ديل رز وبطاطس محمرة وصلصة ورز صياديــة .. وجاي خاتيهم لي في الغداء ..؟ والله انا غلطان .. مفروض اول حاجة كان اعمل ليك امتحان .. كان اجيب ليك سباغيتي واجيب ليك شوكــة وسكين واخت ليك فوطــة وصلصـة بالجمبة اشوفك بتتصرف كيفن ..؟ ردك دا ما بخليك بيهو .. برجع ليهو .. يا بتاع فتافيت .. .. انزل ليك باقي الاحتفال بتاع السي فود دا واللا اخليك شويـة ..؟
Quote: بعيدا عن موضوع الخرطوم وامدرمان, علي اليمين يا اولاد التعوسية بالغتو في قصة صور الأكل و المطاعم اسي الجرسون يا ربي بكون بالو مشى وين وهو شايف منظر اساسي بصوّر في الصحانة و الفاتورة, ولاّ تمبس وهو بصلّح الشوكة بي جاي ومستني زميله ياخد اللقطة الواحد عرف طاش ما طاش بجيب سكريبتاتو عن السودانيين من وين :)
.. نوووووووووووو.. نووووووووووو جدا .. تمبس ما قاعد يصلح في شوكـة ولا اي حاجة .. تمبس دا جزء من تفاصيلو اليومية واساسي ممكن يحكي ليك عن الحتة دي .. ولو استفذيتني بنزل ليك كمية صور الناس المتصورة معاي يكفي انك تكتب اسم الواحد في محرك البحث قوقل .. عشان قوقل يقوليك يا زول بتعرف الزول دا من ووين ..؟ حركة الصور دي عمله صاحبك دا قبال كدا .. وانا الكلام دا قلتو ليكم .. ... انتو ليه ما بتصدقوني ..؟ بعدين ما اسمو جرسـون .. جرسـون شنو ياخ شرطته عينا .. وبعدين المطعم دا هناااك تقولو لي اساسي .. انا ما تقثول لي مطعم وجرسـون جني وجـن حركات الفارات دي
يا تنظير الله وكيلك قلت لواحد من السعودين المشوا يتغدوا معاي بالله صور لي الطاولة دي والله صاحبك ما كضب قعد طق طرق طرق يصور فيها ورسل لي الصور في الواتساب قبل شوية وهو حاسي بالامتنان لاخوك ^_^
ملاحظين معانا يا شباب انه اخونا الذين غرب النهر ساكني القرية الكبيرة تامنها موية وغلاط وكلام لا بودي ولا بجيب , الواحد يعمل ليك سبعين مداخلة في الساعة ما تطلع منها بجملة مفيدة واحدة انا بحيكم يا وليد وتمبس علي شجاعتك الادبية , حقيقة اغمطكم علي هذه الشجاعة الادبية التي تخول لكم الغلاط دون اي سند تاريخي او موثق , بس غلاط لله ورسوله الواحد تمسكو بالثابتة وتعصرو لمن يجيب الزيت يجي بكل جراة وفي بساطة يحسد عليها يقول ليك كلام الطير في الباقير والعصرها الاتعصرها كانها ما كانت , الغريبة الكام دا كله حاصل والبوست بي شهوده ومقرؤ لكن ما زالوا اصحابنا بيستوطوا حيطة عزيز بشاشا القارئي النهم
ههههههههه خلاس خالس يعني ؟؟؟؟؟؟؟؟؟ قنعتو من صور حمير ونوق أجدادكم الجوا بيهم الخرتوم وعملوا حمد لبد في مضاربنا وأصبحوا كسمبك كبير اندق لينا في حنانا وبقيتو على صور مطاعم الفرنجة والناس القاعدة تاكل أية حاجة تدب على وجه البسيطة زيهم وزي آكل النمل بالضبط ..؟؟ لقيتو جمال أجدادكم النازحين ما مقنعة كدليل على خرتوميتكم المزعومة بقيتو تصوروا لينا عدة المتبخ وأكل ناس أبو لهب ؟؟؟ أها طيب وكت بقيتو على دي مالكم مافي زول علق على حكاية انو تامبا قاعد ياكل بيدو الشمال دي ؟؟؟ أي زول بمسك السكينة بيدو اليمين والشوكة بيدو الشمال دا معاناتا مستجد وأكل الفرنجة والمسلسلات دا اتعلموا قبل فترة وجيزة . أخرجوا من مضاربنا يا هولاء .
يا مولانـا يا ملك .. موس اساسي دي ما مشكلة .. لانها عاملة زي السكين الميتـة .. يعني هو زاتو موسو الجايبة دي حلق بيها وعملت ليهو حبوب .. المشكلة الكبيرة في الصور الجايبة وليد دي يا مولانــا .. صور قلبا دي .. .. هوووي يا وليد .. عليك الله اللحق شيل الصورة حقت الجامع الكبير دي .. حسع يقوم طلحـة يجي يتشبك فوقو .. يقول جامع جدو برضووو .. اصلو باقيلك الجماعة ديل عندهم توهـان .. التوهان دا يا وليد ما تسألني منو لاني ما بقدر اشرحو ليك .. ولو عايز تعرفو ووين ..؟؟! امسك ليك اي روشتـة بتاعت دواء .. شفته الكلام الخارم بارم البتكتب جوه بي خط دقاق داك الله يقدرك اقراهو .. بتلقى مكتوب ليك الاثار الجانبية للمستحضر .. 1. غثيان 2. حمي 3. دوار 4. توهـان 5. ضعف في الشخصية اها جماعتك ديل عندهم الاثار الجانبية للمستحضرات والعقاقير .. اساسي امس جاب ليهو صورة وقشطة لينا عنوة واقتدارا آند هيي سيد زس إز فروم كارتوم نووورث وطلحة قبل كم يوم اتشبك في الجامع الكبير ياااا الله ويامين حتين فكيناهو .. يبلعو ساااي في العقاقير وما جايبين للدنيا خبر ,,
Post: #894 Title: Re: tmbis Author: محمد على طه الملك Date: 06-23-2013, 12:57 PM Parent: #893
يا اب شنب بالله شفت شجاعة الناس دي قدر كيف؟ ^ _ ^ .. :
Quote: طلحة قبل كم يوم اتشبك في الجامع الكبير ياااا الله ويامين حتين فكيناهو .. يبلعو ساااي في العقاقير وما جايبين للدنيا خبر
تقول والله ــ إنت متأكد يا تمبس الآثار دي لسه قاعده حتى بعد ورتو باب الجامع بى ويوين ؟ ^ _ ^ .
أ ميين ؟؟ أساسي بي الخا ؟؟؟ ياخ ده شفقنا عديييل اليوم داك والواحد فينا شال هم مشية البحر .. طبعاً دي عادة أصيلة ما بتعرفوها متعلقة بي مشي ود الطهور للبحر .. ها الزول ده شبكنا ليك ح ااجيب توباز وح اجيب معاها الفوطة والجوطة وال وال وال .. في النهاية طلع ما فارز (بحري) من (بري) ..وعشان ما تفهموني غلط دي ما أسامي مدن بقصد البحر والبر.. والله يا صلاح ما عشان الجماعة ديل أولاد حلتي لكن وليد وعلاء الدين ساقوكم سواقة من لا يخشى السواقة..
Post: #904 Title: Re: tmbis Author: Salah Abdulla Date: 06-23-2013, 10:31 PM Parent: #903
Quote: وليد وعلاء الدين ساقوكم سواقة من لا يخشى السواقة..
أمي في الحالات الزي دي بتقول ( قَدُر سواقتم) .. فهسي ( قَدُر سواقتم)..
ما تحلف، عارفين ما عشان أولاد (حلتكم) ..
Post: #905 Title: Re: tmbis Author: وليد محمد المبارك Date: 06-24-2013, 06:43 AM Parent: #904
وانا ابوي بقول يا صلاح كل زول اصرفلو قدر قدرتو
فياخ جيب العندك .. وسردب وارجا الراجيك
Post: #906 Title: Re: tmbis Author: وليد محمد المبارك Date: 06-24-2013, 06:51 AM Parent: #905
يا صلاح انتو كنتو ساكنين في زريبة جدكم ! ولا كان عندكم بيت زي حلق الله؟
Post: #907 Title: Re: tmbis Author: وليد محمد المبارك Date: 06-24-2013, 06:55 AM Parent: #906
لو ساكنين في زريبة جدكم .. خير وبركة ولو عندكم بيت بالله وصفوا لينا في الصورة الجبناها قبيل ديك
Post: #908 Title: Re: tmbis Author: Salah Abdulla Date: 06-24-2013, 03:57 PM Parent: #907
Quote: يا صلاح انتو كنتو ساكنين في زريبة جدكم ! ولا كان عندكم بيت زي حلق الله؟
Quote: لو ساكنين في زريبة جدكم .. خير وبركة ولو عندكم بيت بالله وصفوا لينا في الصورة الجبناها قبيل ديك
يا ولّي، خلي روحك رياضية يا ود قلبا.. أنا ح أعترف وأختار (خير وبركة) واني كنت مربوط مع سخيلة جدي في وتد واااحد.. أها يلا بعدالإعتراف ده، ورّي عصام علي بيتكم كان وين..
بالله يا ولاد أم درمان أساسي الكيشة دا ياخد منكم الزمن دا كله؟؟
مالكم؟؟ ماكلين فتريتة؟؟
Post: #912 Title: Re: tmbis Author: وليد محمد المبارك Date: 06-26-2013, 06:35 AM Parent: #911
يا جدو انت اصلك ما لعبت دافوري ؟!
موش مرات وكت تغلب الناس 5 صفر بدري بدر .. بتقوم بتوقف الاقوان وترجع تلعبها باصات في ملعبك
عشان ما يزهجوا ويفرتقوا الدافوري
اها لو فرتقوا الدافوري نعلب مع منو نحن تاني ؟
Post: #913 Title: Re: tmbis Author: فيصل نوبي Date: 06-26-2013, 08:55 AM Parent: #912
الإهداء لطلوح و من لفه لفه من ناس واطات جدي
Quote: حظائر خمس نجوم ..!! _____________________ ** وهذه حكاية أخرى، ونهديها للدكتور مصطفى إسماعيل أيضاً.. بتاريخ أغسطس 2004، قررت حكومة الجزيرة تنظيم ملتقى الإستثمار العربي الأول بعاصمة ولايتها، ثلاثة أيام فقط لاغير.. تم توزيع رقاع الدعوة لبعض المستثمرين بالسعودية والإمارات والأردن والكويت والبحرين ومصر وغيرها، فلبوا الدعوة حسب برنامج فحواه : اليوم الأول عرض الخارطة الإستثمارية للولاية ومناقشة فرص الإستثمار، واليوم الثاني زيارة لمشروع الجزيرة ومشاريع أخرى، واليوم الثالث للتوقيع على عقودات المشاريع التي تم الإتفاق عليها في برنامج عمل اليوم الأول ..!!
** قبل يوم من موعد الملتقى، وصلت وفود المستثمرين إلى الخرطوم، بعضهم بطائرات دولهم والبعض الآخر بطائراتهم الخاصة، وإستقبلتهم مراسم الجزيرة ثم إستضافتهم في هيلتون الخرطوم لحين ترحيلهم إلى ود مدني ..عند الخامسة مساء، تحركت عربات الكنفوي بالوفد، تتقدمهم مواتر شرطة المرور وعرباتها بصافرتها لزوم ( الأهمية).. هناك، عند مدخل ومدني، إستقلبهم الوالي عبد الرحمن سر الختم شخصياً، وكذلك رجال الطرق الصوفية وفرق الإنشاد وحشد من (الهتيفة)..أكرمهم الوالي في قصر الضيافة بالعشاء الفاخر وخطب الترحاب وبعض الإنشاد والمدح، ثم أمر المراسم بتوزيعهم في ثلاثة فنادق بالمدينة..هم يسمونها بالفنادق، ولكنها في الأصل (لوكندات)، كتلك التي بوادي حلفا وأرقين وسواكن، حيث ينام فيها الرعاة ليلة تصدير مواشيهم إلى مصر والخليج..!!
** لم يعجبهم حال الفنادق وغرفها، ( سرير حديد، مرتبة قطن، ملاية حمراء مرسوم في نصها وردة كبيرة، مروحة سقف ذات أزيز مزعج، صبارة موية بدون غطاء، وطوبتين فوق كل شباك لزوم تثبت النوافذ عند فتحها)، أوهكذا كانت غرف فندق إحدى مجموعات الوفد.. خرجوا من غرفهم، وقرروا العودة إلى هيلتون الخرطوم، وكانت الساعة تجاوزت منتصف الليل، وعادوا.. صباح اليوم التالي، وقبل بداية جلسات الملتقى، قرر أحدهم إنشاء فندق خمس نجوم بالمدينة، بحيث يكون مقاماً يليق بضيوف الولاية وسواحها والمستثمرين و(ملتقياتهم)..طلب من الوالي تخصيص قطعة أرض للمشروع بأي مكان بأرض الولاية..(عاجلاً غير آجل)، خصصت له حكومة الولاية أرض وزارة الأشغال المقابلة النيل (27.000 متر مربع)، فالوزارة ملغية ومبانيها غير مستخدمة..دفع المستثمر قيمة الأرض وما عليه من رسوم، وإستلم الموقع، وغادر البلاد ..!!
** ومن هناك، أرسل الفريق الهندسي والإداري وخرائط المشروع ورأس المال، للتنفيذ .. وبالمناسبة، أثبتت دراسة الجدوى أن إسترداد رأس مال فندق خمس نجوم بودمدني بحاجة إلى فترة تشغيل لايقل مقدرها عن ( 25 سنة)، ومع ذلك قرر التنفيذ إكراماً للولاية وتحسباً لمتاعب (تلك الليلة)..شرع الفريق الهندسي في التنفيذ، وهدم مباني الأشغال القديمة، فجمعت وزارة المالية نوافذها وأبوابها وعرشها و(باعتها في دلالة)، لصالح خزينة الحكومة ..وعند تنزيل تصاميم الخرائط على الأرض، تفاجأ الفريق الهندسي والعمال بأبقار وعجول وحظائر على أرض المشروع..مواطن يدعي ملكية جده الرابع للأرض من (زمن الإنجليز).. نعم، لاترفع حاجب الدهشة، مواطن يدعي ملكية أرض وزارة حكومية عمرها بعمر السودان ..المهم، خاطبوا الحكومة بالحدث، فرد عليهم محمد الكامل، وكان وزيرا للمالية، بالنص: ( إتصرفوا معاه) ..!!
** لم يفهموا معنى التصرف، فشرح لهم المعنى، فدفعوا له - شخصياً - ما أسماه بالتعويض، (280 مليون جنيه)، في العام 2004..فغادر المواطن بأبقاره وعجوله وحظائره أرض المشروع ..وشرع الفريق الهندسي في التنفيذ، ولكن تفاجأ بمواطن آخر وأبقار أخرى وعجول أخريات وحظائر جديدة على أرض المشروع، وبذات الإدعاء ( دي كانت ارض جدي في زمن الانجليز).. فعادوا إلى وزير المالية أيضاً، فخاطبهم بالنص : ( إتصرفوا معاه برضو)..فتصرف المستثمر، ولكن لم يدفع لهذا المواطن عبر وزير المالية، أو كما فعل في الحادثة السابقة، بل قرر (إلغاء المشروع)، ثم الهروب بجلده ..ولاتزال بأرض المشروع، منذ ذاك العام وإلى يومنا هذا، أبقار وعجول وحظائر ( خمس نجوم) ..فالإستثمار في بلادنا ليس بحاجة إلى السلام فحسب، بل إلى (النزاهة أيضاً)..!!
Post: #914 Title: Re: tmbis Author: Salah Abdulla Date: 06-26-2013, 03:36 PM Parent: #913
ضحكنا واتونسنا، وطقطقنا واتطقطقنا، وقلوب صافية.. الشهادة لله ، عمر طلع فعلاً شفت !! في كل الأحوال ثاااااابت ، روح رياضية ألف ، زولي والله.. والليلة طبعاً أول مرة أشوف صورتو الكملّت (الصورة) عنو، خذلني والله، كنت قايل شكلو النوع الفارة داك، لكن طلع أصلي، وشكلو واثق من حاجاتو وما بيدعي، الصورة بتوحي إنو ود قلبا ود قلبا ، وهذه شهادة منا بذلك.. يا عمر نصيحتي ليك، اتخارج، يا تجي قطر ، يا تمشي الإمارات، أسمع الكلام..
بس يا صلاح لو إنت وأخوك الفارة التاني داك عملتو لي شيرينق من شنباتكم دي عشان نقفل المساحات الفوق الراس دي تكونوا مااا قصرتو وطوااالي نختم ليكم للخروج من الزريبة وتجو تخشو في حضن الإسلام هناااك في سنترا :) :)
النصيييحة يا صلاح كانت عندي نية الجية لي قطر دي ..لكن بري بري منكم طلع عندكم ناس من شبه الجزيرة العربية شكلهم عايزين يتحرشوا بي ..انا عرب أربجي ديل ما بقدر عليهم يا اخوي .. وليد تمشي قطر؟ بس للضمان عوم من تحت لي فوق وحوض السباحة إلا يكون معمول في باركينق العربات وتنط للدور الأول ..
Post: #916 Title: Re: tmbis Author: Salah Abdulla Date: 06-26-2013, 05:20 PM Parent: #915
يا عمر ياخ ود الديم في قلب الدوحة تقول لي أربجي!! إتخارج من الدسوعية سكول دي.. وبعدين زريبة شنو، ما تسمع لي كلام وليد الفارة ده ، يعلم الله بي سطوحنا، لاحظ سطوحنا دي ما واحد، يعني (جمع) مذكر سالم مبني على المسلّح.. وولّي ده روحو الرياضية بتخذلو، طوالي (بيطالع) ونحن المطالعة فارقناها أيام سينما النيلين.. نحن شفوت ياخ ما بنفكفك زرايرنا..
------------ أقول ليك حاجة، بس الفارات ديل ما يقروها.. الشنب لو كان بيتحول فوق كنت سترت بيهو عورتي دي ياخ.. لكن (الأثمد) مبالغة، غايتو السنة الجاية زي المواعيد دي أخوك(عريس) تاني، وخلالو في الجيب الورا ده لو ما شقيت شعري (إبراهيم عوض).. أي نعم الصلعة وجاهة، لكن الشعر ما بناباهو..
Post: #917 Title: Re: tmbis Author: عصام علي أحمد Date: 06-26-2013, 05:55 PM Parent: #916
Quote: يا عمر نصيحتي ليك، اتخارج، يا تجي قطر ، يا تمشي الإمارات، أسمع الكلام..
نحن منتظرينو فى دبي ياصلاح
Post: #918 Title: Re: tmbis Author: عصام علي أحمد Date: 06-26-2013, 05:57 PM Parent: #917
Quote: الشنب لو كان بيتحول فوق كنت سترت بيهو عورتي دي ياخ
العورة غيروها ولاشنو؟
Post: #919 Title: Re: tmbis Author: عصام علي أحمد Date: 06-26-2013, 06:09 PM Parent: #918
عصام يا قول الجكس ..أكييييد ما قاصد !!! دبي ياتا البجيها ؟؟اها انا ما زول سباحة حنكك ح يكون شنو؟ ح تقول لي تعال نلعب بلياردو؟ عصام ياخ قلبي ابااااك..وليد ده مااا بينضم ساي :) :) :) ويا قول أولاد سنترا : ما عندي ليك حاجة ..
Post: #921 Title: Re: tmbis Author: وليد محمد المبارك Date: 06-27-2013, 06:18 AM Parent: #920
Quote: وولّي ده روحو الرياضية بتخذلو، طوالي (بيطالع) ونحن المطالعة فارقناها أيام سينما النيلين.. نحن شفوت ياخ ما بنفكفك زرايرنا..
شكلك من اولاد الزهور فتحت .. ومتلصق في الديم سااااااااااااااااااااااااااي
Post: #922 Title: Re: tmbis Author: عصام علي أحمد Date: 06-28-2013, 12:51 PM Parent: #921
Quote: عصام يا قول الجكس ..أكييييد ما قاصد !!! دبي ياتا البجيها ؟؟اها انا ما زول سباحة حنكك ح يكون شنو؟ ح تقول لي تعال نلعب بلياردو؟ عصام ياخ قلبي ابااااك..وليد ده مااا بينضم ساي :) :) :) ويا قول أولاد سنترا : ما عندي ليك حاجة
,,,
[/url
