بعدين، تسهيل للمتابعه لي، لانه اعااااني من قصة تفتيش البوستات دي، بوست واحد زي ده حاضعة في التابس بتاعة الموتزيلا اعتبروهو كسل، اختصار للوقت، انزواء، توفير للباندويدث، اييي حاجه
لكنه في النهاية حاعمله ليكم: و
و العنده باقي اليجي يشيلو، و انا كان عندي باقي عند زول بذكره
04-21-2010, 02:01 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: اجمل حاجة انه المدام مكا بتقرا سودانيز اون لاين كل يوم
نعمة كبيرة تقمط عليها
اما نحن فبداية قرائتها لسودانيز اون لاين تبدا ( ابحث) وكتابة ( اساسي) وتمحيص نتيجة ذلك البحث واحدة فواحدة احيان كثيرة يتم العودة في البحث الي ارباع تمت ارشفتها حتي .
Wife is Wife
ــــ معليش يا رحاب استغلينا راكوبتك في الطنطنة
04-22-2010, 07:21 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: مش احنا يوم القيامة حا ينادونا باسامي امهاتنا؟
بيني وبينك يا رحاب هم منادننا عشان شنو؟؟ غايتوا الخيال الديني دا فيه حاجات لذيذه خلاص غايتوا انا لوسمعت اسمي واسم امي ولقيت روحي من ناس الشمال بجليها .
الفقد: خوف دائم اعيشة في بعدي عن امي و ابي و اخوتي
قلبي و دعواتي لك يا سهام المجمر و لاسرتك الفقد جلل و المصاب عظيم
---------------- ياريت لو سكان سودانيز يعاملو بوستاتهم كبيوت فاتحة علي شارع واحد، هل يستقيم ان تقيمو فرحا و احدنا فقد عزيز لديهم؟ عزيز كان يمر بالشارع ده كل يوم و يزور بيوتكم
ربنا يغفر ليك يا غادة و يصبر و اهلك علي فراقك و يعوضك دارا خيرا من دارنا دي
04-25-2010, 10:22 PM
khaleel
khaleel
تاريخ التسجيل: 02-16-2002
مجموع المشاركات: 30134
عارفة يا رحاب أحد أصدقائنا كان بيسمع بقصة ( كســـــــور& بواقــــــــي ) وما عارف معناها في أول أيام عهدنا بدراسة علم ( الجبر ) جاتنا في إمتحان مادة الرياضيات مسألة فيها كسور من النوع الما بيناتهم أى عامل مشترك جلس في هذه المسـألة أكثر من نصف زمن الإمتحان ( يلت ويعجن ) في النهاية لم يحل المسألة ولم يحل باقي الإمتحان وكانت السبب في رسوبه في مدة الرياضيات
فأتانا بحكمته
" أنا يا دوبك عرفت ليه أهلنا بيقولوا الشغلانية مرقت لى كسور وبواقي "
Quote: أجمل حاجه إنو المدام ما بتقرا سودانيزاونلاين كل يوم
سلامات ياأمين نحنا يا معلم ( حكومتنا ) عاملة زى حكومة الإنقاذ دي تخلينا ( نتكلم ) زى ماعاوزين ، وهى تنفذ في ( أجندتها ) زى ما عاوزة
_________________________
يا رحاب
( حكومتنا ) .........لفظ حلو .. مش ؟؟؟
04-26-2010, 03:16 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: اما نحن فبداية قرائتها لسودانيز اون لاين تبدا ( ابحث) وكتابة ( اساسي) وتمحيص نتيجة ذلك البحث واحدة فواحدة احيان كثيرة يتم العودة في البحث الي ارباع تمت ارشفتها حتي . Asasi
Quote: اما نحن فبداية قرائتها لسودانيز اون لاين تبدا ( ابحث) وكتابة ( اساسي) وتمحيص نتيجة ذلك البحث واحدة فواحدة احيان كثيرة يتم العودة في البحث الي ارباع تمت ارشفتها حتي . Asasi
نتائج الامتحانات في البورد اليومين ديل ذكرتني قصة الولد القال لي ابوهو انت يا ابوي الفي زمنكم كان بيجي الطيش منو? كل زول فيكم شابكنا "والله انا في زمني كنت بجي اول الدفعة!".
-------------- الف مبروك للابناء و الوالدين السهرو و تعبو، رجعتو لينا ايام الامتحانات و كلام الوالدة بضرورة تحصيل مجموع كبير، عشان يذكرونا مع الاوائل في نشرة الاخبار في التلفزيون، لدرجة انه سميناها "اقرو". كلمة كانت ترددها كثيرا كل ما تقع عينها علي واحد فينا ما ماسك كتاب في ايدة و لمن نقول ليها بزهج يا امي خلصنا مذاكرة، نقرا شنو؟ تقول لينا، اقرو جريدة ان شاء الله، لوول ربنا يطراك بالخير يا والدة محل ما قاعدة
سلام يا رحاب وكيفنّك وسط الكسور (متصوّر!) والبواقي،
Quote: الفقد: خوف دائم اعيشة في بعدي عن امي و ابي و اخوتي
سِمِعتَ، أكان في رادي أكان في تلفزيون، إنّو دراسة حديثة وجدت أنّ 80% من الهواجس التي تسمّم حياة الناس بالهموم تنتهي إلى أن لا تحدث مطلقاً.
ومرّت عليّ، ما متذكّر وين، نظرية تقول إنّو 90% مما يواجهنا من أحداث اليوم والليلة (قولي يا زولة، إخفاقاتنا اليوميّة) هي في الواقع ردود أفعال للـ10% المتبقية (قولي يا زولة، والسخيفة) من هذه الأحداث.
المتأكّد مِنّو تماماً أنّ 100% مما يصينا من الحزن النقي من شوائب الهواجس والهموم يُعزى لأسباب خارجة عن ارادتنا بالكليّة. لذا، فإنّ قلبي مفعم بالدعاء لسهام ولمجتبى أن ينعم الله عليهما بالصبر وحسن العزاء وقلبي مفعم أيضاً بالدعاء لابنتي* بأن يمنّ الله عليها بكامل الشفاء ولكِ وللجميع أن لا يريكم الله مكروهاً في حِبّانكم.
Quote: اعتبروهو كسل، اختصار للوقت، انزواء، توفير للباندويدث، اييي حاجه
* إبنتي (ذات الستّ سنوات) تعاني (منذ يناير 2008) من Minimal Change Disease وهو "تحسّس" بالأنسجة الكلويّة يجعلها تطرح البروتين مع البول والعلاج المتوفّر حالياً تجريبي (نفس الذي يتناوله زارعي الأعضاء) وآثاره الجانبيّة عديدة ومنها أنّه مثبّط للمناعة ومعزّز للأسى.
04-27-2010, 05:07 PM
mustafa mudathir
mustafa mudathir
تاريخ التسجيل: 10-11-2002
مجموع المشاركات: 3553
Quote: مش احنا يوم القيامة حا ينادونا باسامي امهاتنا؟
يازولة؟ دي بالجد ما كنت عارفا. طيب كويس انك وريتيني لاني ما كنت ح استجيب (وأقوم أمشي عليهم بعد مايرفعو الميزان وبعد الفرجة في ال.....ان!). حاجة تانية يارحاب ماكنت عارفك دكتورة والله. في المحاسبة؟ أنا بوستيك الشهير بتاع المحاسبة ما دخلتو عشان زي الاخت ما "بقدر" أحب المحاسبة! حاجة تالتة: أنا ما طالبك كسور وبوافي أنا طالبك واحد صحيح بوست مشترك. بس عشان ما يلطش الفكرة زول ممكن تردي رد مختصر!
04-27-2010, 08:58 PM
Elawad
Elawad
تاريخ التسجيل: 01-20-2003
مجموع المشاركات: 7226
Quote: إبنتي (ذات الستّ سنوات) تعاني (منذ يناير 2008) من Minimal Change Disease وهو "تحسّس" بالأنسجة الكلويّة يجعلها تطرح البروتين مع البول والعلاج المتوفّر حالياً تجريبي (نفس الذي يتناوله زارعي الأعضاء) وآثاره الجانبيّة عديدة ومنها أنّه مثبّط للمناعة ومعزّز للأسى.
الأخ عادل قلبي و دعواتي معك... أسأل الله أن يشفيها شفاءا عاجلا تاما و يحفظكم لها و يحفظها لكم حتى يأتي اليوم الدي تعانقها فيه يوم تخرجها و تزفها إلى بيتها و تفرح بذريتها و تصبح كل هذه اللحظات ذكريات في ركن الذاكرة.
04-27-2010, 09:23 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
يا عادل ذكرتني روحي دي :) زمان و للان عندي غرام مع الامثلة و الحكم و عندي كتب امثال بلغات و لهجات مختلفة، و اول ما اصل بلد بعرف لغتها او لهجتها بشتري كتاب امثال، ما عارفة السر شنو، لكن استمتع بقرايتها لكن عارف بعد ده كلللله، امي لاحظت ليك انه عندي احولال في الامثلة، معظم الامثال البضربها عفويا كده و من غير تفكير بتكون ما لافقة، لووووول
اسي الدهن في العتاقي دي اصله ما قدرت اربطها، كدي اقرا مقال انيس ده و تعال اربط، لوول مقال قديم لانيس منصور
04-28-2010, 06:21 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
* Really: "I really want to say how important this is." * Actually: "I was actually flabbergasted!" * Literally: "I literally sank through the floor." (Don't you mean "figuratively," which is the opposite?) * I mean: "I mean, I think it's OK to say no." * Definitely: "I'm definitely a supporter of environmental awareness." * Basically: "Basically, I'm fine with that." * Overall: "Overall, I don't see how we can pay back the debt." * Just: "I'm just so upset about the situation." * Kind of: "I'm kind of (kinda) ambivalent about him." * Sort of: "I'm sort of (sorta) ambivalent about him." * Like: "I, like, don't know how it's going to turn out."
يا عادل بركة سماحة كلامك مع الناس ربنا يجبر بي خاطرك و امها و يعافيها ليكم و يحفظها و ذريتكم و يجنبكم المكاره، ما ظهر منها و ما بطن و الفتن في من تحبو و يحفظكم دعواتي ليها مع كل صلاة منذ قرات مداخلتك و ربنا يلطف بيها.
10-02-2010, 09:01 AM
ممدوح أبارو
ممدوح أبارو
تاريخ التسجيل: 02-27-2008
مجموع المشاركات: 3162
Quote: امي لاحظت ليك انه عندي احولال في الامثلة، معظم الامثال البضربها عفويا كده و من غير تفكير بتكون ما لافقة،
هههههههه مش قلتي بوست بتاع هترشة وهضربة؟ أها دي عينة عشوائية ممكن تعايني ليها ككسر أو كباقي أو ككليهما. معليش كترت الكااااكات. هههه
(الدهن في العتاقي) استدعاه المثل القبله (النشوف آخرتا). دايمآ - مش دايمآ لكن غالبآ- تجدين الحكمة لدى العجائز والأواخر. من امثالي. ومن يضحك أخيرآ يضحك كثيرآ أو قد تصيبه هاء السكت فيمتنع عن الضحك وعن الكلام.
من الامثال التى تعجبني من وقت طويل: you can take a horse to the water/river but you can not make him drink from it
04-29-2010, 08:20 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: المتأكّد مِنّو تماماً أنّ 100% مما يصينا من الحزن النقي من شوائب الهواجس والهموم يُعزى لأسباب خارجة عن ارادتنا بالكليّة. Adil
عارف، دي نوعية الكلام اللمن تقراهو براك، ما يدخل المخ, يقوله ليك زول تاني، تصدق و تتشعبط فيه كمان
مداخلتك ذكرتني نقاشات كتيرة مع الوالد، كان قبل ظهور نتائج الامتحانات او في انتظار حدث ما او حتي لو مرضت، يقول لي، ادعي ربك و ظني به خيرا,,,و كان دائما يردد: من حسن توحيد المرء، احسانه الظن بالله
ربنا يجبر خاطر سهام و زوجها و اولادهم و اهلهم اجمعين يا رب و يقويك و يصبرك في امتحانك في بنتك و ما ليكم و لينا الا الدعاء و بالله عليك يا عادل ابقي طمنا مره مره عليها
04-29-2010, 08:56 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: أنا ما طالبك كسور وبوافي أنا طالبك واحد صحيح بوست مشترك. بس عشان ما يلطش الفكرة زول ممكن تردي رد مختصر! Mustafa
-------------------------- short enough?x اها التحت الشخيت ده من جيبي انا :) يا مصطفي سلامات و طولت منك والله فكرة جميلة و حلوة، و طوااالي من دربنا ده يلاكا انا قايلاني رديت ليك والله what is the next step then?x
سلام يا مصطفي تاني و الله دي انا ما متاكدة منها، اهو حاجه بسمعها كنت و انا صغيرة و ما لقيت زول نفاها لي للان و ما سالت عنها مباشرة علي ما اذكر، لكنها عجبتني، و الحق يقال، انا لم اقرا حاجة واضحة تؤكد االمعني ده، بالعكس، قرات عن اننا ننادي باسماء ابائنا، مثال الحديث ادناة فالعنده معلومة ينورنا و ليهو الاجر
عن أبي الدرداء قال: قال رسول الله صلى الله عليه وسلم: "إنكم تدعون يوم القيامة بأسمائكم وبأسماء آبائكم فأحسنوا أسمائكم" (رواه أبو داود بإسناد حسن)
Quote: أنا بوستيك الشهير بتاع المحاسبة ما دخلتو عشان زي الاخت ما "بقدر" أحب المحاسبة!M.M.
يا حليلو البوست، راح..
اسي لو كنت دخلتو كنت اكتشفت انك closet accounting-lover"x" زي عادل البدوي و تيسير عووضة ديل :)
------------------ في الانتظار بخصوص البوست داك، دي علي وزن when the chased became the chaser
05-02-2010, 04:48 PM
Emam Hassan
Emam Hassan
تاريخ التسجيل: 08-04-2003
مجموع المشاركات: 538
Quote: سلامات يا رحاب.. لى كم يوم بفكر فى نفس فكرة بوستك ده. لكن ما قدرت افكر فى اسم كويس. لكن مهما فكرت ما كنت ح القى اسم لذيذ لبوست (ذى اسمك ده). Smart-inti :)
سمارت يا انا اسم البوست لذيذ لانه بعيونك مزيون يا ستي
------------- شفتي السهوكة العلي اصولها دي كيف؟
05-02-2010, 09:41 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: Aso the mathematics of unhappy couples.. Emam
يا امام انت ملخبط ياخ، و ده كله يعزي لعدم الخبرة، لووول دي ايام لازم يمر بيها كل كوبل، ولا يكونو عايشين في بيوت مختلفة، لوول, they should not exceed 10-12 days per year الماثماتيكس حقت الان-هابي كوبلز بتكون كده:
10 10 = 1
--------------------- يا قول امنة صاحبتنا، الما مشتاق انعل شكلو
05-02-2010, 09:47 PM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
و الله مثلك ده يا عادل ينفع لطلبتي I'll make sure to mention it bokra in the lecture, lool, esp. for those who have v short attention spans ------------------- تسلم يا عادل البدوي، يادوووب سمعت الاغنية...
--------------------
Quote: رّب صدفةٍ لك لم تلدها امك Waleed
انت عارف المشكله وين؟ اني بقرا في المثل و بقول و طيب؟ المشكلة شنو؟ لووووول
05-03-2010, 09:46 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
يا خليل ما حا تصدق قبل قليل اخبرتني اختي انه مدربتنا في الجامعة للكرة الطائرة، الاستاذة فاطمة العجباني توفت ربنا يغفر لها و يرحمها و يصبر اهلها و كل من عرفوها علي فراقها ولا حول ولا قوة الا بالله العلي العظيم
------------- كنت اكتب رد طويل عن تلك الايام، سانشره قريب ان شاء الله
05-04-2010, 07:16 AM
Mohamed E. Seliaman
Mohamed E. Seliaman
تاريخ التسجيل: 08-15-2005
مجموع المشاركات: 17863
السلام عليكم ورحمة الله يا دكتورة أنا دخلت فقط لتتعليق على مداخلة الدكتور إمام لأنو لو جئت للكسور والبواقي وجبت دفاتر حسابي ما أظن أقابل بما قوبل* به أخوي العوض ههههههههههههههههههههه ---------------------- 1+1=11 يا دكتورة دائما في السودان تسأل العريس أو العروس بعد العرس بفترة السؤال المحفوظ : ما بقيتو تلاتة ؟ أها في واحد تزوج وبعد فترة سألوه : ما بقيتو تلاتة ؟ قام قال للسائل : أنحن بقينا حداشر (11) قيل ليه : كيف الكلام دا يا زول ؟ قال بزهج : نحن لسة ما جببنا أطفال لكن أنا المرة دي شايفها عشرة عشرة (10-10) ------------------------------------------- معليش يا دكتور إمام عارف نفسي ما بعرف أحكي النكت ---------- * أرجو ألا تحاولي إثبات العكس وإلا فاحتسبي خيطك هذا
05-06-2010, 02:13 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: يا دكتورة أنا دخلت فقط لتتعليق على مداخلة الدكتور إمام لأنو لو جئت للكسور والبواقي وجبت دفاتر حسابي ما أظن أقابل بما قوبل* به أخوي العوض ههههههههههههههههههههه M.E.S.
عليك الله يا محمد الحسن كان ما استعملته قدر ما تقدر و تحب ياخ و احنا موفرين بوستات لشنو؟ ما عشان بوست واحد زي ده نجي نتجدع فيه
رحاب، حااف، كويسة منكم كلكم :)
----------------------- دي دعوة، ما محاولة اثبات :)
05-06-2010, 04:02 PM
Emam Hassan
Emam Hassan
تاريخ التسجيل: 08-04-2003
مجموع المشاركات: 538
Quote: بت الخليفة سلام امين خال حمور عنده بوست عن الفط و عدم الرد غايتو انا طالبك كترت ردود لكن عارفه الجملة المكملة لي كسور و بواقي انها راحت شمار في مرقه بركه اللقيناك طيبه osman
سلامات يا عثمان و ان شاء الله عافية
لوول، بوست امين شايفاهو و عجبني والله لكن خلعتني في رقبتي دي، مع اني بوستيني ده لنوع المداخلات دي، فاتخيل تتخلع من حاجة متوقعها، لوووووول
و الله لو ذكرتني اكون من الشاكرين و سعيدة اني اشوفك في بوستن لي تاني، بعد الهترشة داك، و كلامك الممتع فيه
05-08-2010, 12:54 PM
Mohamed E. Seliaman
Mohamed E. Seliaman
تاريخ التسجيل: 08-15-2005
مجموع المشاركات: 17863
(الدهن في العتاقي) كما يقولون مع أننى لا اعرف معنى المثل بالضبط
العتاق هو الشخص الذي يقوم بإستخلاص الدهن من الشحم الحيواني وذلك عبر السلي والتصفية...
العتاقي هو الإناء الذي يتم وضع الدهن فيه بعد استخلاصه وكان يصنع من الجلود الكاملة المدبوغة ويقال له " الجراب " ويعد خصيصاً لحفظ الدهن ... لذلك إذا كان العتاقي معلق فلابد من وجود الدهن فيه...
يضرب المثل ويقصد به الحقيقة... أي لا شيء مثل الحقيقة... وكيف يمكنك أن تمس الحقيقة بيدك.. كما تمس يدك الدهن إذا أدخلتها في العتاقي.. ويخص بالمثل حقيقة معادن الناس .. وكيفية الإخبار عنها بالدلائل " يخبرك من شهد الوقيعة أنني أغشى الوغى وأعف عند المغنم" وهنا عنترة العبسي أشار إلى أن الخبر اليقين عند من شهد الوقيعة، كذلك هناك مثل آخر " وعند جهينة الخبر الأكيد"..
أما الكسور والبواقي كما وردت في الخبر الشعبي كذلك يقصد بها موانع الوصول إلى الحقيقة ... أشياء تقحم إقحاماً تمنع الوصول إلى الحق... تمويه غير متوقع قصد به التحايل ... وفي البدء كانت مقولة لإمرأة قدمت قرضاً لأحد الأقوياء الذي عمد إلى أكل مالها ... وفي وقت السداد بدلاً من الدفع أدخل حسابات ومطالبات غريبة على مدى أزمان قديمة بموجبها أصبحت المرأة مطالبة... فذهب مالها كسور وبواقي والكسر هنا يعني النقص والباقي يعني جزء من هنا ينقل هناك..
05-10-2010, 08:18 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: الف مبروك للابناء و الوالدين السهرو و تعبو، رجعتو لينا ايام الامتحانات و كلام الوالدة بضرورة تحصيل مجموع كبير، عشان يذكرونا مع الاوائل في نشرة الاخبار في التلفزيون، لدرجة انه سميناها "اقرو". كلمة كانت ترددها كثيرا كل ما تقع عينها علي واحد فينا ما ماسك كتاب في ايدة
يا سلااااام عليك ومشكورة على التهاني الحلوه ..
ذكرتيني امي رحمة الله عليها .. ايام الامتحانات ..
بوست عسل .. متااابعه ..
05-13-2010, 06:49 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
رحاب بالغتي والله! تعرفي يا دابك عرفت السر في إنّو يقولو ليك لو ركبت مع الناس "مرا" واحدة يختّو ليهم معاهم طوبة. أمانة الرجال ديل ما حريصين على أم رويحاتهم...أتاريهم دايرين أكان حصل حادث، الطوبة دي تطير وتلحّق ستّها الرقدو والباقيين (بني جنسنا يعني) يقومو يتنفّضوا وبزنس آز يوشوال!
فيديو يكمّل الأديرنالين فد مرّة.
05-14-2010, 04:01 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
تعرفي يا رحاب، أنا شايف بوستيك دا من زمان مرة ينزل ومرة يطلع ومرة يشرب من سبيلو* كنتا مفتكرو بتكلم عن سوق المواسير والله، وموضوع الكسر في التجارة اللي أول مرة أسمع بيهو إلا في البورد دا، وقلتا لي نفسي، البت رحاب دي متعمقة في المحاسبة وبتكون جابت النجيضة في البوست دا عن النظرة الإقتصادية للكسر في سوق المواسير لوول، وكنتا مدخرو لحد ما أفهم كويس عن تجارة الكسر دي، وبعدين أكون مؤهل إني أناقش الموضوع دا بنظرة أعمق شوفتي كيف أي زول بفهم عناوين البوستات على كيفو.
لكن برضو ما مشيتي بعيد، أهو ردود البوستات برضو ديون وبرضو محاسبة
تحياتي ليك يا ملكة ----- *مع الاعتذار للأغنية
05-15-2010, 03:52 AM
HAYDER GASIM
HAYDER GASIM
تاريخ التسجيل: 01-18-2005
مجموع المشاركات: 11868
إذا {ما} جبرنا الكسر, فعندي معاك بواقي من أيام تحريضي للمشاركة في الإنتخابات, ودعمي لترشيح بروف ع ع ا وما إتصل بتلك الحوارات. ومهما يكن وما قد كان. فقد كانت حوارات صادقة وعميقة وملهمة.
... ربما ليس في الإمكان مواصلة ما إنقطع من الحوار, لكن في الإمكان أن نعزز الثقة في جدواه... فمياه كثيرة مرت من تحت الجسر... فيما لا يزال الوطن على مفترق الطرق ... فلنتواصى عليه ... بالخير.
... ولي قدام
05-15-2010, 03:21 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
لكن المعني ده ما عنده ارتباط بكبر السن، كما في الفهم العام (و لا هو فهمي انا بس يا ربي)؟
هذا المفهوم ليس لديه علاقة بكبر السن أو القدم ... أي صار عتيق ... والأشياء العتيقة أي القديمة
وكذلك ليس لديه علاقة بالتعتيق الذي يقصد به تخزين الخمور المعصورة من الأعناب لسنوات حتى تتعتق وتصبح معتقة بمرور الزمن..
العتاق هنا على وزن فعال ويرتبط بالفعل عتق أي استخلص وعتق الرقيق أي أستخلصه من ربقة العبودية وأصبح حراً بعد عتقه وكذلك تسييل الدهن من الشحوم فيصبح دهناً حراً " أما ما تبقى بعد الإستخلاص نسميه ربيت " وقد وردت هذه الكلمة في الشعر الشعبي " يوماً نبيت ويوماً عشانا ربيت ويوماً ناكل التابا وعليها نبيت " ونبيت الأولى يقصد بيها الثريد ، والربيت يقصد بيها بقايا استخلاص الدهن ويجفف ويصبح ربيت أما التابا هو الصعوت ويقصد أنه بات القوى وسف الصعوت على الجوع..
والعتاقي جاءت منسوبة للعتاق ، بقصد الملازمة والله أعلم
06-26-2010, 12:25 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
الله يا احلى البنات لو كان لقيت سر الغنا كان طرت عانقت الخيال حلقت عبر الأزمنة وقلت الخيال يصبح حقيقة ونهدي ليك خاتم المنى شان تسرحي وتتخيلي وتتوهي في بحور الخيال تتمني فيها وتسألي ويتم ليك كل المنى **** تستاهلي العرش البشيل حسنك يطوف بيك العصور تستاهلي ويمر بيك عبر الزمان شان تمرحي وتتخيلي كيفن تجيك ليلى بتغير يبين عليها وينجلي وكيفن تجيك الغيث ترش دربك ورود لو تقبلي ويطل جميل وكتير يقولوا بيوت شعر مرهف طلي وتمري بي عهد الرشيد ويغني ليك الموصلي ***** تستاهلي لو ردتي من قلبي القمر باقات أساور أو حلي أو حتى من كل النجوم عنقود مبهرج ومنطلي كان خف لي لقاك القمر منصات وقال ليك أسألي وكان حفو دنياك النجوم إتباكوا ليك شان تعزلي وأنا في هواك يا ست هواي لليلة دايب في الغنا ***** شفتيني كيف حاضن هواك غيران عليك من كم سنة شفتيني كيف ساعة الوداع أنا كنت دمعة محننة والليلة يا نعمة حياتي بذوب حنان وبذوب منى والليلة عايش أمنيات يا حليلة لو كان ممكنة أحكيك حروف أشواقي ليك وأسمع حروفك وأحضنا
يستاهلن، البنات كلهن :) شكرا تاني يا عادل
07-08-2010, 00:53 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
words are excessive uttered or muted time is oppressive, and sentiments diluted chances, eulogies and sunshine curses, memories, mysteries, allll rhyme
did you say you were chosen?
the sublime, the wonderful, and the sludge affinity is, but a big fudge the bridge is broken another firggin subway token frustrations, condemnations trial by ordeal justice, on a sliding keel
here is the question: why would you think this IS the real deal?xoxo
Trial by ordeal is a judicial practice by which the guilt or innocence of the accused is determined by subjecting them to an unpleasant, usually dangerous experience [....]. Death was considered proof of innocence. (If the accused died, they were often presumed to have gone to a suitable reward or punishment in the afterlife, which was considered to make trial by ordeal entirely fair.)
تلبس ثوب قليل الزخرفة و بلون محافظ. مقمعة اصابعها بحنة احسبها طبيعية. ابتسامتها غير معنية بالكاميرا و من حولها تحس براحتها و هي تغني بصوت ما فيهو سرسعة و استماتة للتانيث حتي ميلانها و اهتزازها مع الاغنية، كله طرب ووقار احس بثقل نقرها علي الدلوكة، و كانها تحسب اثر كل نقرة علي كلماتها
لا اعرف المغنية انصاف مدني، الا من خلال هذه السهرة المسجلة و موجودة في اليوتيوب، و بعد ان ارسلت الرابط لي الصديقة سوسن سنادة وجدتني مسحورة و معجبة بحضورها ايما اعجاب
________________________ * كل التقدير لرفيقات مجالها.
09-01-2010, 09:40 PM
علي طاهر
علي طاهر
تاريخ التسجيل: 03-02-2007
مجموع المشاركات: 108
اهلنا زمااان قالو خلو السيرة لي اهلا و القصيرة ما بتطول
دحين انا كل ما اقول انتظم و ارد، يغلبني مشاغل الدنيا، و دايرة اقول لكل من مروا من هنا، امسحوها في وشي، و كان ما كفي، هاكم ضهري :)
_________________________________
الفاتح الخليفة اخوي الهميم، اريتك بي كل خير و عافية في عيد الانجليز الما تامي عيد ده ما اسعدني الصباح ده بالونسة معاك في غربتك الخليتك فيها يا قولك I know, I broke our soldiering rule "leave no man behind", but if it is any consolation, I still did not make it home!x و يا قولك في غربةالجماعةhome
اخوي فشاش غباين الهم جدرى القيح برش بالدم برد زندو كامل الصف بحزم للحدى كف كف تمساح بلع ابوى عوام ونفش الريش بقع فى نتف يعرف للرقاب ضيار ومرق الضحى بجيب التار كمنولو بالمكسيم وما بهاب المكن والنار هميم ان ندهو بقضى غرض وان عاديتو سقم ومرض ود رجال بعدلو الميل ولاكو صبرو قرشو قرض يا لغنايا جرى القول وفى خشيم سيدو سمح القول خلو السيرة لى اهلا والقصيرة ما بتطول اخوي فشاش غباين الهم جدرى القيح برش بالدم
10-02-2010, 07:37 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
صبرت عليك و أدري كان رهانك صمتي من قرفي قاطعت حنين الوقت إليك ارتشافي صباحاً لصفحاتك ارتطام أشواقي بموج كلماتك
ما خنتك لكنّي رحت أخون الزمان بعدك أعصى عادة القراة لك, بإذنك أنسى انتظاري لك فرحتي حين تهل صفحاتك ازدحام كمبيوتري بكيلو بايتاتك
كم أخلصت لغيابك لكنّها ذاكرتي خانتني تصوّر ما عدت أذكر عمر صمتي و لا متى آخر مرة كتبتك و كم من الوقت مرّ دون قرائتك فكيف قل لي أنتظرك و أنا ما عدت أعرف من يكتبك
مذ افترقنا ما عاد الأمر يعنيني سيّان عندي إن غدرت أو وفيت يكفيني يا سيّد الحرائق أنّك خنت الصبر و أطفأت جمر المعرفة
ما خنتك.. لكن خانك حبري مذ قررت ألا أكتبك لن تدري كم اغتلت قصائد في غيبتك حتى لا تزهو بحزني حين تشي بي الكلمات ما ختنك..ـ فقط نسيت أن أعيش بتوقيتك ما عدت أذكر كم من **المنتديات حطّ قلبي بها دون علمك
و الله ما خنتك و لا ظننت حبري سيقوى على الخط بعدك لكنّه الخذلان علّمني أن أستغني عنك أصبحت فقط أنسى أن أسهرك أأبى أن أذرفك أكثر إنشغالاً من أن أذكرك و أكبر الخيانات.. النسيان!
Quote: رحاب بالغتي والله! تعرفي يا دابك عرفت السر في إنّو يقولو ليك لو ركبت مع الناس "مرا" واحدة يختّو ليهم معاهم طوبة. أمانة الرجال ديل ما حريصين على أم رويحاتهم...أتاريهم دايرين أكان حصل حادث، الطوبة دي تطير وتلحّق ستّها الرقدو والباقيين (بني جنسنا يعني) يقومو يتنفّضوا وبزنس آز يوشوال!
فيديو يكمّل الأديرنالين فد مرّة. Adil Albadawi
سلام يا عادل و اريتك بخير
لووول، لكن ربطك عجيب بحكاية الطوبة الفي السودان دي والله قدر ما سالت زمان سرها شنو الطوبة دي، مافي زول قدر يوريني لكن عجبني تاؤيلك الجندري ليها ده، انصفنا تب مع انها براقش دي براااها ختتها في عربيتها السمحة دي
الحاجة دي فيديوهاتها كلها غريبة و زولة فنانة تشهي الjoyriding و الjaywalking زاتو، لوول
10-02-2010, 08:51 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
تعرفي يا رحاب، أنا شايف بوستيك دا من زمان مرة ينزل ومرة يطلع ومرة يشرب من سبيلو* كنتا مفتكرو بتكلم عن سوق المواسير والله، وموضوع الكسر في التجارة اللي أول مرة أسمع بيهو إلا في البورد دا، وقلتا لي نفسي، البت رحاب دي متعمقة في المحاسبة وبتكون جابت النجيضة في البوست دا عن النظرة الإقتصادية للكسر في سوق المواسير لوول، وكنتا مدخرو لحد ما أفهم كويس عن تجارة الكسر دي، وبعدين أكون مؤهل إني أناقش الموضوع دا بنظرة أعمق شوفتي كيف أي زول بفهم عناوين البوستات على كيفو.
لكن برضو ما مشيتي بعيد، أهو ردود البوستات برضو ديون وبرضو محاسبة
تحياتي ليك يا ملكة ----- *مع الاعتذار للأغنية Alnazeer
سوق المواسير يا النزير؟ سوق المواسير؟ لووول
النذير ازيك كان متعمقة في المحاسبة ما عارف :) العمق دي خوفونا منه ناس دكتور امين سليمان، يطراهو الله بالخير ردود البوستات وونسة البالتوك ما ساهلة, مرات زي ال fish hooks in a bowl, you cannot just pick one, coz they all come up at the same time :)
ابقي اظهر، مافي بالتوك قريب تاني؟
10-14-2010, 01:48 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
أصالة عن نفسي و نيابة عن الدكتوره فساقوم إن شاء الله بالرد علي كل المتداخلين فان أحسنت فمني و إن اسئت فمن الدكتوره !!! ياخي في ناس مستنيه يردو عليها من شهر اربعه ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة