دكتور امين....يا اخى شكلك ما قريت اصلا الهدف من البوست. الهدف يا صديقى هو الرد على مداخلات فى بوستات سابقة اصابتها الارشفه (صح يا رحاب ?) ما ممكن تكون ست البوست ما ناوية ترد.
11-10-2010, 00:06 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
والله يا دكتور ما بتقصر، و ربنا يحسبها ليك صدقة جارية لحدي الارباع القادمة، لووول
سمارت، يا زولة انا عارفة قصدة، هو قصدة حاجتين:
اولا: يستفزني لدرجة اني افط الناس الفاتو ديل كلهم و ارد عليهو، و يثبت علي حالة الاستوساخ متلبسة تانيا: عارف قلة حيلتي في سدها يقوم يوسع قدها، يدبل لي الردود عشان اجي كمان ارد علي ردودة اللي هي رد علي ردود الناس
لكن هيهاااات
التجاهل
التجاهل
التجاهل
ــــــــــــــــــــــــــ مش دي سياسة التجاهل كده؟ بعد الزول يرد و يشرح و يعرض, يكتب التجاهل تلاتة مرات و يستقبل القبلة؟
11-10-2010, 00:13 AM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
Quote: دكتور امين....يا اخى شكلك ما قريت اصلا الهدف من البوست. الهدف يا صديقى هو الرد على مداخلات فى بوستات سابقة اصابتها الارشفه (صح يا رحاب ?) ما ممكن تكون ست البوست ما ناوية ترد.
الدكتوره ناويه ترد لكنها بترد بعد خمسه سته شهور : حبيت أساعدها و أرد علي الناس دي لانهم حساسين و ممكن يزعلو و بعدين كمان أنا ذاتي عندي خواطر لا تصلح لبوست عايز أكبها في بوست من لا بوست له ده !!
-------- القصه دي طلعت لي في راسي تاني ما عندكم سكه غير بكري !!!
11-10-2010, 00:31 AM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
لماذا كل ما مد أحدهم حبلا من المدخلات تواصلا ، قطعته الدكتوره بالتجاهل ؟ لماذ يترك الناس في إنتظار الرد شهورا ؟ لماذا ي س ت و س خ الانسان أخيه الأنسان ؟ اسئله ليست للاجابه !!!!
11-27-2010, 06:07 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
إذا {ما} جبرنا الكسر, فعندي معاك بواقي من أيام تحريضي للمشاركة في الإنتخابات, ودعمي لترشيح بروف ع ع ا وما إتصل بتلك الحوارات. ومهما يكن وما قد كان. فقد كانت حوارات صادقة وعميقة وملهمة.
... ربما ليس في الإمكان مواصلة ما إنقطع من الحوار, لكن في الإمكان أن نعزز الثقة في جدواه... فمياه كثيرة مرت من تحت الجسر... فيما لا يزال الوطن على مفترق الطرق ... فلنتواصى عليه ... بالخير.
... ولي قدام
Hayder Gasim
سلام يا حيدر و اسفة للتاخير
كانت فترة جميلة فيها امل من نوع جديد احاول تتبع اخبار الدكتور قدر ما اقدر و ما ينشر هو ما اشترك معانا في سودانيز ليه يا حيدر؟ ياريت لو في امكانية لمشاركتة هنا و اكيد وقتة قليل و لكن سيكون محل تقدير علي قدر ما يجود به ما اجملها من وصية، فلنتواصي علي وطنا بالخير لكن كيف يا حيدر؟
فترة الانتخابات ادتني احساس انه الناس كان تصرفها و دعوتها للتغيير برواكتيف و ليست رياكتيف، ما عارفة دي بالعربي بالظبط شنو، علي عكس فترة ما قبل و بعد، شغالين بردود الافعال عموما و انتظار ان يحدث شيء لنعلق عليه سعدت بوجودك في البوست، و ارجو ان اسعد بمداخلاتك لقدام امين ده اعفصو ليهو، لوووول
11-27-2010, 06:31 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
نسيت اعتذر ليك عن دكتور امين ده يا محمد الحسن، ما تاخد في بالك رده ليك بالانابة عني ده، يحنن عنده بوست نزله يستنجد بيه، طلعو ليه في راسة و بقو جارينو بيه من اضانه لمن قال لسيد الامانة شيل امانتك، لوووول
11-27-2010, 06:37 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: العتاق هنا على وزن فعال ويرتبط بالفعل عتق أي استخلص وعتق الرقيق أي أستخلصه من ربقة العبودية وأصبح حراً بعد عتقه وكذلك تسييل الدهن من الشحوم فيصبح دهناً حراً " أما ما تبقى بعد الإستخلاص نسميه ربيت " وقد وردت هذه الكلمة في الشعر الشعبي " يوماً نبيت ويوماً عشانا ربيت ويوماً ناكل التابا وعليها نبيت " Almosafir
دي معلومة جديدة لي يا المسافر بتاعة الربيت دي و ربطها بعتق الدهن الف شكر و ما تبخل علينا بمعلوماتك متي ما تيسر
11-27-2010, 07:09 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
سلامات يا خليل و كانت ايام في الجامعة صعب الواحد ينساها احب الفولي بول جدا و منذ الثانوي العام كنت العب و الي الان قدر ما اقدر، في المدرسة الاميرية الاستاذة الفاضلة فايزة نقد وفرت لينا كل سبل الترفية التعليمية زي انواع الرياضة المختلفة و جمعيات متنوعة، كنت دائما عضو في جمعية الفلاحة و في فريق الفولي بول
وواصلت ناشطي فيها بمدرسة بحري القديمة بنات، كان عندنا فريق فولي و مدربين و برناامج، و اكتملت سعادتي في الجامعة عندما وجدنا رعاية اكبر من الادارة و مدربتنا كانت الاستاذة فاطمة ع########ي و كان عندنا كم مدرب معاها، رحمها الله، كانت امراة ليست بصغيرة في سنها، تقريبا في اواخر خمسينياتها او اول ستيناتها و في منتهي اللياقة ما شاء الله ذروة التدريبات و اللعب هو المنافسات بين الكليات في اسبوع الجامعة الثقافي و عادة اللقاء النهائي بيكون بين كلية الادارة و علم النفس، او الادارة و كلية الطب او علم النفس و الطب اييييك، الطائرة دي دايرة ليها رجعة و جاياك لانشودة وري يا ريم، وري و ابو طويلة و عباس و تكتيكات كلية علم النفس لتخويف كلية علم الادارة لووول غايتو الطائرة دي بهدلتنا ايام الجامعة، تلقي البنات ديل كلهن ما شاء الله طالعات يلمعن من البوابة و كانه يادووبهم وصلو الجامعة و شايلين ليهن شنطة جميلة فيها كتب الدراسة، و حتي هدومهم ما فيها كرفسة في حين احنا و ناس الكورة عرقانين و تعبانين و شايلين ستين الف شنطة و مكتحين لكن في قمة الانبساطة
و الطائرة دي في الثانوي بسبب خوفة كانت السبب اني احلف اني ما ادك لي اي حصة تاني البنات كانو بيدكو يمشو يتونسو اويمشو يحضرو افلام في قاعة الصداقة او سااكت يغيرو هدومهن و يتمشو في شارع المدارس، اول مرة في حياتي قررت ادك لي حصة كان عشان الكورة الطائرة، دخلت المدرسة من الصباح و كلموني انه عندنا مباراة مع مدرسة بحري الثانوية الجديدة بنهاية اليوم، و طلبو مني البنات انه ما احضر الحصة الاولي و التانية و نتمرن برضة في بريك الفطور و بعد نقاشات و اخد و جذب و استهزاء بجديتي في حضور الحصص قررت اعمل فيها البت ما هاميها و ادك، قوووم اليوم داك من دون الايام يا رحاب انسي فطورك في العربية و كان منزلني المدرسة اخوي الكبير احمد المختار، هو بعد لاحظ الفطور رجع المدرسة و وصل باب الفصل و قال للاستاذ لو سمحت ادي الساندويتش ده لرحاب، الاستاذ بصوت عالي ندهني، و طبعا انا خلف الفصول العب كورة، انقذتنا طالبة موجودة في الفصل جات جارية و قالت لي كتحي وشك ده بشوية تراب و اعملي فيها عيانة، لووووووووول، و طبعا النتيجة كانت انه اخدوني البيت مباشرة لمرضي و حرمت من باقي الحصص وطبعا المباراة، و من يومها حلفت ما ادك لي حصة
11-27-2010, 07:17 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
يتحدث الكل عن انفصال الجنوب و ستكتب كتب التاريخ ان "الجنوب قرر الانفصال في الاستفتاء بتاريخ كده و كده و كده"، بكل ما تحمل هذه الجملة من تبعات و اتهامات، و لكن هل الجنوب قرر الانفصال؟ من باب الامانة لمن يؤرخ لهذا الحدث، ان قدر الله له ان يكون، ان يتذكر ان يكتب كيف فُصل الجنوب قبل هذا التاريخ و من شارك فيه و حتي مسئوليتنا كافراد
*****************
مالي و كاني اسمع اغانيك لاول مرة يا حمد الريح؟ و كانك تغنيها عن الجنوب في حفلك في قناة النيل الازرق?
****************
وجدتة مستغرقا في التفكير بعد نقاش، يمكن وصفة بالحدة سالته، فيم تفكر؟ قال لي، بحاول احسب نجي الكم من حيث الحجم في افريقيا بعد الانفصال؟ ضحك بهستيريا و قال لي، بختهم الجزائريين، تاني يقولو احنا اكبر دولة افريقية بقوة عين!
01-12-2011, 05:55 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
و الله ما عاد يهمني ان صدق الناس صفية او كذبوها ما عاد يهمني اي دليل سياتي به اي منهم، حكومة او معارضة ما عاد يهمني صدقها او عدمه، فكفو اذاكم عنها و ان اتي بعضهم غدا يتلاومون بفيديو يفيد اغتصابها من عدمة
ما يهمني بني آدم يتعرض لكل هذا الاهتمام و الضغط بني آدم، مش بالضرورة امراة او سودانية او اي من الصفات الاخري التي اكتسبتيها عنوة او طوعا
يا ربي، ما اخر خواطرك في راسك يا صفية و انت ذاهبة للنوم؟ ما اول ما تفكرين به عند استيقاظك صباحا؟ عندما يرن جوالك، ماذا يجول بفكرك؟ هل لديك جوال حاليا؟ الي اي مدي يصل بك قلقك علي اهلك؟ و اصحابك؟ هل تفكري بما سياتي غدا؟ الي اي مدي ستكون حياتك غدا طبيعية ام لا؟هل يقلقك هذا؟ هل تحولت احلامك من احلامنا العادية باسرة سعيدة ووظيفة نجد فيها انفسنا نتقوي بها علي متطلبات حياتنا المادية و الروحية الي شيء اخر؟ هل تحلمي باطفال؟ هل لديهم اسماء؟ هل رايتي نفسك علي راس السلم الوظيفي بعد سنين من الاجتهاد؟ عندما يتمعن الناس فيك و انت بينهم، بماذا تشعرين؟ عندما يسالونك المرة تلو الاخري ان تعيدي و تكرري ما قلتيه, بماذا تشعري؟ هل سالتي نفسك و قلقتي؟ هل تحبني اسرتي؟ اصحابي؟ ناس الشارع؟
هل انت صفية التي تعرفينها؟ ماذا تبقي منك؟
I promise, if I meet you, I do not want you to tell me your story just come, have a meal and we do some soul-lightening gossip and then you can go to your daily business
I guess, that ain't happening
الله معاك يا صفية، ان شاء الله حقك تاخدية من ظالمك في حياتك.. ان شاء الله
02-28-2011, 12:10 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
انظر لنصف البتاع المليان يا بروف سيبك من قصة الشهور ( أيام بتمر ووراها ليالي ) كيف كان رد الدكتورة ؟؟ هذا هو المحك هل قصرت في حق أى مداخلة ؟؟ هذا هو المحك عارف يا بروف الإستو ساخ الحقيقي أن تكتب مداخلة طويلة عريضة وحاجة تفتح ألف كوة للنقاش الحقيقي يجيك صاحب البوست ويرد عليك بكلمتين لا تعرفوا متفق معاك لا تعرفوا مختلف معاك تقوم تلم مداخلتك وتعود بها ( متلفعاً بالليل والصمت )
يا دكتورة ما تشمتي فينا البروف
__________________
هسع أنا كان ما غبيان سااااكت الـ بجيبني هنا زااااتو شنو ؟؟ بروف ودكتورة
" نحنا لينا الله الما قرينا " أو كما غنت ( فيروز أو نجاة الصغيرة ) لا أدري
04-07-2011, 09:36 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
استرسل في القاء محاضرته الضافية لها عن ال FGM ابتسمت استاذت وقفت مدت يدها الي مغلف الفاتورة فصاح "لااا يمكن" كتبت علي ظهر الفاتورة وطلبت منه الا يقراءها الا في البيت
الطريق ..عائدا
بسرعة جنونية غير طريقه سال الراجل الوقف امامه اريد كتاب "مدخل الي علم المداخل" او.. هكذ مكتوب
------------------------
اشارة اولي :اعلاه ليس منقولا من قصص فاطمة السنوسي اشارة ثانية :جهدك في رسم وتلوين وتبويب وتعبئة وقص وثم لصق جدولك ذو ال 32 مربعا فقط لتوصيل السطر تحت الجدول به خطا في مسمي العمود الاخير
استرسل في القاء محاضرته الضافية لها عن ال FGM ابتسمت استاذت وقفت مدت يدها الي مغلف الفاتورة فصاح "لااا يمكن" كتبت علي ظهر الفاتورة وطلبت منه الا يقراءها الا في البيت
الطريق ..عائدا
بسرعة جنونية غير طريقه سال الراجل الوقف امامه اريد كتاب "مدخل الي علم المداخل" او.. هكذ مكتوب
مبدئيا شكرا علي اشراكي معك فيما لم تكتبه فاطمة السنوسي لكن لو بتلمح إنو جدولي ده داخل في "مدخل الي علم المداخل" يبقي فعلا إنت محتاج تكبر شويه !!!
04-07-2011, 05:54 PM
smart_ana2001
smart_ana2001
تاريخ التسجيل: 04-17-2002
مجموع المشاركات: 5695
السلام عليكم ريدر و امين، الحاصل؟ ده هظار ولا سوء فهم ولا شكلة؟ فهموني، عشان اجي اشوت
اسي دكتور امين يجي يقول ليك دي نتيجة اهمالك للبوست، لووول
ـــــــــــــــــــ و الله الجدول عجبني و سر بالي يا امين و ريحني شديد بالرغم من تجريدة القاسي لبعض الحقائق انا كان لي مراد، الكلام كله يبقي مجدول كده، لووول، تعويدة، تقول شنو؟ لمن عيون الزول بقت كلها مربعات مربعات, اعمده و سطور
عاطف و قيقا، ربنا يحفظكم ياخ، و كويس المسكتو لي في طرف بنطلون البروف ده، قبل ما يشطح فيني بعد نطحته دي، انا حارد علي جدولة ده بجدول تم تحضيرة ذهنيا حاليا، بس دايرة لي فرقة وكت عشان اعمله، و قبل كده استرسل في بوستيني ده، لوول
ـــــــــــــــــــــــــ سمارت، و الله يا ستي الكلمة سوامبد الاستعملتيها دي معبرة بشكل عجيب عن حالي، بالعربي تكون شنو يا ربي؟ و شكرا للملاحظة الفي محلها، مش من باب اولي يديني يد ( i.e. give me a hand) عمو البروفسيور ده ياخ؟ لوول
04-08-2011, 03:01 PM
قيقراوي
قيقراوي
تاريخ التسجيل: 02-22-2008
مجموع المشاركات: 10380
يا دكترة بعد اذنك عندي حبة كسور و بواقي معلقة مع امين دا ياخ سم سانين ذاتو صورة زي دي لازمن و حتمن و لا بد من تعليق ياخ!؟
ثقافة جد قليك .. علم ساااااااااي!؟ الله لي ناس عاطف ( ساي ) ديل
اها يا عاطف ما جمبكم استديو تلحق السوق؟
نحن غايتو اتحلينا الحمد لله
Quote: يا امين استوســاخ الناس الهنا عرفناهو ! . . كمان بقيت تستوســخ الرسائل البتجيك في الفيس بوك !؟ دي رسالة من الاخ الكريم الاستاذ / احمد سيد احمد . . نقلتها بضبانتا كتر لي من ( استاذ / فتحي ) دي ، و بنشر ليك طوالي يا عمك ، ما عندك مشكلة كلو كلو
Quote: انا حارد علي جدولة ده بجدول تم تحضيرة ذهنيا حاليا، بس دايرة لي فرقة وكت عشان اعمله،
لو عملتي جدولك ده : حا أرسل ليك نسخه من كتاب "مدخل الي علم المداخل" !!!
--------- سمارت الذكيه
Quote: Dr Amin, it seems that you have too much time in your hands. You should give Rihab a hand, she is swamped
too much time in my hands بتاعت قلبك ؟! غلطان أنا البسارق ليكم في الزمن عشان ما أبقي زي الدكتوره و بوستاتي تبقي مضرب مثل لاستوساخ الناس !! --------- أستاذ فتح الرحمن (دي جديده !!! )
Quote: الحق دبر نفس اخوك غايتو ربك رب الخير و ببركة ( استوساخ ) البروف امين للناس هنا و هناك رسل لي من يشرفني باللق ( استاذ ). شفت كيف ربك دا كريم؟
من يستوسـخ الناس في الفيس بوك .. بيست######ـم في أي مكان .. البصل ريحتو وااااحدة مثل من ضهاري تكساس
كلمتكم مية مره إنو حقي أنا ده ما استوساخ !! لست مثلكم يا أستاذ فتح الرحمن : أنا لا اكتب انما الكتابة تكتبني : و هكذا هم العلماء و المفكرين و ذوي البصائر من أمثالنا الذين يرون بنور الله و يكتبون بمداد من الفراديس !! تقول لي فاطمة السنوسي ؟!!!! --------- عاطف يا حبيبنا
Quote: انظر لنصف البتاع المليان يا بروف
ياخي الدكتوره ما ختت نقطه في البتاع أصلا : خلتو فااااضي ... خلا !!! تكتب ليها مداخله تجيك بعد اربعه شهور و عشره يوم - عده بس - تقول ليك شكرا يا أخ عاطف علي المرور !!!
Quote: هسع أنا كان ما غبيان سااااكت الـ بجيبني هنا زااااتو شنو ؟؟ بروف ودكتورة
ياخي إنت حاشاك الغبا : لكن كمان إضفاء الألقاب العلميه دي ما مفروض يكون ساي كده : هسي الغاشي و الماشي عارفيني بروف و متابعين درجاتي العلميه : رحاب دي الشاف الدكتوراه بتاعتها منو ؟ ولا كل زول يجي في المنبر الجائر ده يقول عندي دكتوراه نصدقو ؟!!!
04-08-2011, 03:49 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: الحق دبر نفس اخوك غايتو ربك رب الخير و ببركة ( استوساخ ) البروف امين للناس هنا و هناك رسل لي من يشرفني باللق ( استاذ ).
Quote: ثقافة جد قليك .. علم ساااااااااي!؟ الله لي ناس عاطف ( ساي ) ديل
اها يا عاطف ما جمبكم استديو تلحق السوق؟
رشاني ذات مرة من عام 1982 الصديق العزيز مبارك كيس بمبلغ ( خمسة ) جنيهات سودانية كاملة وعلبة سجائر بنسون لأحضر لمكتبه بمؤسسة التنمية السودانية صديقته اللدودة السيدة والدتنا أطال الله عمرها إذ كانت في زيارة للخرطوم . وما كان هذه الرشوة المعتبرة إلا ( ليقشر ) أمامها بمكتبه الوثير و ( تلفوناته ) التي لا تسكت . إنبهرت الوالدة بمبارك وزالت بسرعة من رأسها هيئته ( السبهللية ) حالة كونه صديقي الطالب . بعد رجوعنا لرفاعة زارنا الأخ الصديق الحاج وراق فبادرته الوالدة وكانت تعرف أنه يدرس بكلية الإقتصاد ذات الكلية التي خرجت مبارك فبادرته بالقول
" عارف يالحاج ياولدي أصصصصلك ما تدور على شغل في أى مكان غير مع أخوك مبارك ، أريتا شغلتو شغلة الجنيات لى حدهم " بادرها وراق بالقول " لكين يا خالتي أنا تخصصي ما بشغلني مع مبارك ، تخصصي يا يشغلني وزير يا يوديني كوبر مسجون " ولما رأى علامة الدهشة تعلو وجهها حاول التوضيح
" أصلو مبارك يا خالتي قرأ كلية الإقتصاد حقت القروش ، وأنا قريت كلية الإقتصاد حقت السياسة "
فردت عليه الوالدة بطرفتها
" وإنت الجابرك شنو على القراية المبهدلة زى خلقتك دي ..... "
_____________
دورت لقيت الألقاب في منبر بكري دا كلها محتكرة بدءاً من ( الخال ) حقت ود قاسم إلى آخر عنقود الألقاب ( البروف ) التي أخذها عالمنا الجليل أمين - بوضع اليد - لكن والشهادة لله خايلة فوقو
فرضيت من الألقاب بـ عاطف ( سادة ) أو عاطف ( ساى ) التي تكرمتم مشكورين بها وأرجو ألا يأتي من يحاججني لإبراز مؤهلاتي لهما
" أسوي شنو مع المكتوب براهو الواهب العطاى "
04-08-2011, 09:22 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
"الوجوه الضاحكة الخضراء" كان يجب ان يضحكهاان تشير الي ان ما سبقها به شئ من "خفة الظل" او اشارة ساخرة ولكنها تضحك اكثر عندما يطلب منها ان تشير الي الفراغ ولسان حالها يقول اين "العجب" ثم تعاود الضحك عاليا.
------------------------------- اشارة ثالثة :ان لم يكن فيهم من قال ان "استوساخ" لا تصلح "حتي مزحا" عنوان عمود في جدول حتي الان فالعيب ليس فيهم
اشارة رابعة : It happens that we don’t know how to "Quote, to Code, even just to put ready Codes
04-09-2011, 08:27 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: اشارة ثالثة :ان لم يكن فيهم من قال ان "استوساخ" لا تصلح "حتي مزحا" عنوان عمود في جدول حتي الان فالعيب ليس فيهم
ياخي ده كلام و وجهة نظر محترمه و مقدره و لو كنت جيت في مداخلتك الأولي قلت نفس كلامك ده كنت شرحت ليك معني الكلمه و مدلولها و لي بوست كامل عن "الاستوساخ" و لو بعد داك كلامي ما اقنعك و حسيت فيها تقليل من شانك (باعتبار إنو اسمك وارد في الجدول ) لاعتذرنا لك حتي ترضي ! لكن إنت ما عملت كده ، إنت جيت بتلميح يصل لحد التصريح إنو أنا جدولي كان عباره عن (مدخل من لا مدخل له ) : و لعمري هذا هو الانحطاط في أجلي معانيه و أبهي حلله و السطحيه لمن تكون ممزوجه بسوء الطويه عشان كده قلت ليك (ياخي أكبر شويه ) !!
Quote: It happens that we don’t know how to "Quote, to Code, even just to put ready Codes
البلانجليزي ده ما فهمتك بتلمح بيه في شنو : لكن خليني أقولها ليك عديل : الشغل المغتغت و ملولو و ملان مطاعنات و ايحاءات منحطه في شكل ورده ما بعرفو و ما بقدر عليه : فياخي سالتك بالذي سواك كان داير تبلني تعال لي بالدرب العديل عشان أفهمك و حتي و أنا ببل فيك باك يكون في قلبي ليك حبة إحترام ! دم بخير
04-11-2011, 02:04 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
سلام يا علي و لعلك بكل خير و عزوزة و ليلك كويس البنتلاقي بره البوست ده، و الا اظن كان ليك كلام تاني معاي، لووول
شفت الكلام ده كيف؟
هاك كتابات اخري من احمد النشادر، اجدها جيده للتفكر في حياتي:
حياتي تنطوي على قدر هائل من السذاجة بحيث أجهل تلك النسيانات الهائلة التي تمثل الجانب الآخر منها. في مجملها السذاجة والنسيان. *********** علينا أن نبرر لأوهامنا ومن ثم نتوهم أن هذا التبرير ليس تبريرا إنما هو من طبيعة الانتقال من وهم إلى وهم حتى وإن كان هذين الوهمين متضادين فإن شعب الأوهام إنما هو ذات المادة تتشكل، وهذا ما يجعل الحياة أمراً محتملاً، وهذه الأوهام وعملياتها الاستقلابية ونواتجها هي مادة لكنس طريق الرغبة التي تمر كاسحة ً وبسرعة، ومن بعدها الخواء الكاسح السريع ومن ثم تأتي الأوهام وتشكلاتها لتكنس الطريق لرغبةٍ وخواءٍ جديدين أو لِذَاتِهَا وتستمر العجينة ************ وبِمَا أَنَّكَ اْسْتَنْفَدْتَ بَذَاءَتِي بِاْرْتِخَائِكَ فِي وَعْيِي فَلَنْ أكُونَ عفيفاً أيها العَالَمُ ************ نوع من الناس تتاح لهم وتمر عبرهم العزاءآت. *********** أتغير بمعدل زول في كل لحظة ********** (المصادر مختلفة من قوقلة احمد النشادر)
04-11-2011, 02:07 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: دي بتقول في شنو يا استاذ/اساسي ( وطبعا دا الخايفين منو بس لاحظ نفس الصهينة حقتنا )معليش يا د/ رحاب دخول اشتربس عجبتني التلميحات القوية دي Shadool
سلامات يا استاذ شادول و سعدت بمداخلتك ابدا، ما دخول اشتر، دخول معبر و منظم جدا جدا هي تلميحات نصاح لكن؟ لوووول عشان كده كان كلامي لعاطف سابقا انه الاسماء التهكمية الممنوحة للزوجة انما هي تعبير عن قلة حيلة و رغبة مقاومة نتيجتها ماااا مضمونة، و الدليل قالولو، او عاين للحكمة الاسدية، بعاين بالجهة التانية و بعدين يطلع يكورك في القرد، لووول
04-12-2011, 04:24 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
مسألة الخلود و الحياة السرمدية وعقيدة البقاء في جنة المأوي و سقوط التكاليف و انتهاء آلام الدنيا و التحرر من عادات الاكل و الذهاب للحمام و غيرها و اغلال المرض و الخوف و الحزن، حلم جميل بثة فيني احد الاصدقاء، يظل يعاودني بين الفينة و الاخري، خصوصا و انا فرحة.
05-18-2011, 08:32 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
في دول العالم، يستعمل الحمض النووي لاسباب عديده منها:*
للتعرف علي الامراض و محاولة تجنبها للتعرف علي طرق زيادة انتاج المحاصيل و الغذاء عموما لتحسين النسل بين الحيوانات، لزيادة منتوج الالبان او اللحوم لمعرفة الامراض الوراثية بين الافراد لفض النزاعات في مشاكل الورثة و تحديد الابناء الحقيقين لمعرفة القاتل بعد تتبعه من خلاص بصمه او تبرئه متهم يستعملة البعض لتحديد اذا كانت بعض الاطعمة اصلية ام لا، كالكافيار يستعملوه البعض لمعرفة نوع الحيوانات المهددة بالانقراض و تتبع صياديها استعمل مؤخرا لمحاولة من هم مهددون بانواع معينة من الامراض، كسرطان الثدي
يستعمل الحمض النووي في السودان لمعرفة:
اذا كان الجعليين اصلهم من العرب اذا كان المحس اصلهم من العرب اذا كان الشايقية اصلهم من العرب اذا كان البجة اصلهم من العرب ...etc و قريبا جدا، اذا العرب اصلهم من قبائل في جنوب السودان
ده كلام ده؟
انا مع حق الناس في التساؤل و لكن هل من المعقول يكون ده جل اهتمامنا بالحمض النووي كشعب؟ الحمدلله الحمض النووي لا يكشف عادات كالشجاعة و البخل والناس الرقاصة
_______________ * المعلومات دي عامة من مشاهدة افلام هوليوودية او وثائقية، و متاكدة بالرجوع لمقالات علمية عن موضوع الحمض النووي، ستكون هناك استعمالات اكثر.
06-29-2011, 09:12 AM
قيقراوي
قيقراوي
تاريخ التسجيل: 02-22-2008
مجموع المشاركات: 10380
اذا كان الجعليين اصلهم من العرب اذا كان المحس اصلهم من العرب اذا كان الشايقية اصلهم من العرب اذا كان البجة اصلهم من العرب ...etc و قريبا جدا، اذا العرب اصلهم من قبائل في جنوب السودان
ده كلام ده؟
انا مع حق الناس في التساؤل و لكن هل من المعقول يكون ده جل اهتمامنا بالحمض النووي كشعب؟ الحمدلله الحمض النووي لا يكشف عادات كالشجاعة و البخل والناس الرقاصة
-------
ازيك يا دكترة خليها سااااااااي بس
او اقول ليك قولة ..
اديها عدد واحد :
المافي شنو!؟
07-01-2011, 01:26 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: لانها بس نبقة لكن لو كيلو باسطة ما كان اتقاسمو
ـــــــ تحياتي رحاب وضيوفك
Mohamed Ibrahim
لوووووول حلوة الفكرة يا محمد انا من متتبعيك سرا (سرا دي لانه بقرا اكتر من ان ارد) ، عندك كمية سخرية ما عادية و زوايا عجيبة بتشوف بيها المواضيع شكرا للمداخلة و عذرا علي التاخر في الرد
عارفة من ناحية، اقدر لو الناس زعلت انه الزول ما رد، و من ناحية اعتقد انه في تفهم للحاصل من مشكلة زمن و ظروف و كده عموما، ازدياد شعور الواجب في الردود ده بيقلل من قدرتي علي الرد، عشان كده باخد لي غطسة، لم احس انه نفسي ارد و بارتياح برد، لكن الكلام ده ما بنفع في البورد البتقوم قيامته كل تلاتة شهور ده، لوول ما طالباك اي حق و الله و شكرا علي الطلة اللطيفة
07-01-2011, 01:42 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: دكتور امين....يا اخى شكلك ما قريت اصلا الهدف من البوست. الهدف يا صديقى هو الرد على مداخلات فى بوستات سابقة اصابتها الارشفه (صح يا رحاب ?) ما ممكن تكون ست البوست ما ناوية ترد. Smart-Ana
عليكي نور يا سمارتوز ياخ
بس تقولي شنو للشايل ختم الاستوساخ ده، لووول مش في مثل انجليزي بيقول he who has a hammer, sees a world full of nails?x بس ده بروفيسور امين ده زاااتو
انتي عارفة، طبيعة البوست زاته هادئة و سقف التوقعات فيها متواضع من ناحية الردود اعتقد، لانه ما عنده قيامة، بشيلو معاي من ربع لربع امين اعتراضة علي التاخر في الرد علي الناس، اظن و دي حلها بسيط، حقو الواحد يعمل ليه ديسكليمر صغيرووونة في بداية كل بوست، لووول التقول هو في زول اشتكي ليه ــــــــــ طبعا انا متجدعة كده عشان هو مافي اليومين ديل، و يجي اسي يلوم الغياب علي الرجل الابيض او الرجل الاسمه بكري
07-01-2011, 02:10 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Quote: أنا ذاتي عندي خواطر لا تصلح لبوست عايز أكبها في بوست من لا بوست له ده !!
******** يا حبشي يا وهم : جحا شنو في الحر ده ؟
دكتوره رحاب , عنها/ دكتور أمين ******* يا رحاب : متي إست######تم الناس و قد سجلهم بكري احرارا ؟! ******* نواصل الردود علي الناس المستنيه بالشهور !! و كما اسلفت الدكتوره موافقه و باصمه علي الردود دي باعتبار إنو نحنا أصحاب و دكاتره زي بعض !! ******** الأخ خليل ، رجاء نبعد من الأسئله ذات الطابع الشخصي و السغيل ده !! ******** تقيف تنتظر - زيك و زي الباقيين - لمن قلبك ينقطع ، إنت يا علي أحسن من الناس ال م س ت و س خ ن ه ا بالشهور دي في شنو ؟ ******** أساسي الدباب عملتو أستاذ ؟ والله بتبالغ يا شادول ياخي !! ******** شكرا علي المرور يا محمد إبراهيم و أرجو إنو دي تكون أخر مداخله ليك في البوست ده !! ******** باسمي و باسم كل ا ل م س ت و س خ ي ن في بوستك هذا : ما عافيين ليك لا دنيا لا اخره !! ******** لماذا كل ما مد أحدهم حبلا من المدخلات تواصلا ، قطعته الدكتوره بالتجاهل ؟ لماذ يترك الناس في إنتظار الرد شهورا ؟ لماذا ي س ت و س خ الانسان أخيه الأنسان ؟ اسئله ليست للاجابه !!!! ******** Professor Amin
دي بس مقتطفات من ردود البروف في الصفحة الاولي
هههههها يخربك، ما شفنا ليك خطوورة وااحدة من خواطرك دي
بالله الذي لا غيرة، لقيتك راشيني كم مداخلة، مسكينة انا ياخ هاك المسداير دي، يمكن ترعوي من اتهامنا بالاس ت و س ا خ
you earned them
سودانيز اللبوك اهلو و جفوك كتابو قالو الامين شن عرفتو و ما حبابو بنات افكارو تايهه و العجب اعصابو زاد في تنمرة بقي اكلو بل و شرابو
امين تنمر اركز وورينا بس دا الحين لمتين ليك يسكتو يسدو الاضان بعجين سودانيز كفاها نضمك اللا سمح لا زين سئيلو الله متين بقي اسمة دكتور امين؟
جدولك وجعني يعلم الله، شرير ياخ :)
09-23-2011, 12:57 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
إذا هجرتَ فمـن لـي ومـن يجمّل كـلّي ومـن لروحي وراحي يا أكثـري وأقـلّي أَحَبَّـكَ البعض مـنـّي فقد ذهبت بكـــلّي يا كـلّ كـلّي فكـنْ لي إنْ لم تكن لي فمن لي يا كـل كـلّي و أهـلي عنـد انقطاعي وذلّي ما لي سوى الروح خذها والـروح جهد المقلّ ِ
و الروح جهد المقل! ______ الحلاج..
10-08-2011, 08:01 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
إلي الوالغة في عليائها ... عايز أحيك علي فكرتك العظيمة بتاعت تفتحي بوست و تستعمليهو كمكتبة دي ... جمال الفكرة جاي من مساهمتو في حل مشكلة المكتبة للناس الرجرجة الما عندهم مكتبات زي قيقا و سمارت ....الخ. كل المطلوب يفتحو بوست و يكرو معاهم كل ربع و أهو منها يستو سخو الناس و منها يستعملو مكتبة !!!
10-13-2011, 04:33 PM
ود الخليفه
ود الخليفه
تاريخ التسجيل: 07-21-2002
مجموع المشاركات: 3178
ياخي هو الناس البتكتب كلام مفهوم بردو عليها بعد سته شهور ... إنت بمداخلتك دي كان ردو عليك في عاشوراء البعد الجايه كويس .... لكن للضمان كده : يا حليل الحبشي !! والله إن للحبشي وحشة و إنا له لمشتاقون !!
10-13-2011, 09:14 PM
ود الخليفه
ود الخليفه
تاريخ التسجيل: 07-21-2002
مجموع المشاركات: 3178
رغم إنو شكلك ناوي علي شر في مداخلتك الجايه ... بعدين يا حبيبنا الوالغه في عليائها دي جنها و جن الناس البقعدو كتير في بوستاتها... يعني عشان في عاشوراء البعد الجايه ما تتبله، أحسن تقرض علي كده و تنسي البوست ده !!
10-13-2011, 09:56 PM
ود الخليفه
ود الخليفه
تاريخ التسجيل: 07-21-2002
مجموع المشاركات: 3178
Quote: عايز أحيك علي فكرتك العظيمة بتاعت تفتحي بوست و تستعمليهو كمكتبة دي ... جمال الفكرة جاي من مساهمتو في حل مشكلة المكتبة للناس الرجرجة الما عندهم مكتبات زي قيقا و سمارت ....الخ.
تعرف يا بروف فكرت اعمل كده. افتح لى بوست و اخت فيه لنكات بوستاتى القديمة مع تعريف بسيط لكل بوست. و غيظة فى بكرى ح اسمى البوست :مكتبة اسمارت برعى اسمارت
10-14-2011, 04:10 PM
أمين محمد سليمان
أمين محمد سليمان
تاريخ التسجيل: 08-08-2009
مجموع المشاركات: 8437
Quote: ذكرت ان هناك ما يعرف بالمكتبة المحموله في البورد وهو بوست يدور مع الارشفه اينما دارت
وللاخ ذو اليد حفظه الله بوست باسم بوست يجمع فيه كل لنكات بوستاته وهو بمثابة مكتبة متجوله
كما انصح قيقراوي باستخدام هذه الخاصيه ليبيض وجهه امام الجمهور
ياخي ذو اليد حفظة الله عل الأقل خاتي بوستات في بوستو ، و أظن بكري بقي ما بشيلو ليه ذاتو ... بوست الوالغة في عليائها ده مفتوح سنة 1943 و معمول خصيصا لاستوساخ الناس !! هسي أنا بحاول أشوف ليها مخارجة مشرفة من البوست ده بالذات بعد ما رفعت راسنا مع الأعراب .
Quote: افتقدت الحبشي لانه من المشاركين في هذا البوست عاما اول
وطريقته الخاصه والمبتكره في تثبيت النقطه او علامة الاستفهام في نهاية الجملة الانجليزية وتثبيتها بحرف x
وقد احتار علماء البلاغة في سر هذه ال x الى ان حل التعمية والتشفير في طريقته الفريده
خليك من علماء البلاغة..الحبشي يحير أمة لا إله كلها.... بالجد الزول ده موقف ولا باسويردو راح مع التهكير ولا الحاصل شنو ؟! لو عندك ايميلو و جدعتو لي في الماسنجر أكن من الشاكرين .. أو لو يا حبشي مريت علي الكلام ده و جدعت لي ايميل في [email protected] و وريتني المشكله شنو بنحلها مع أبصلعه بحول الله . -------------------------
Quote: تعرف يا بروف فكرت اعمل كده. افتح لى بوست و اخت فيه لنكات بوستاتى القديمة مع تعريف بسيط لكل بوست. و غيظة فى بكرى ح اسمى البوست :مكتبة اسمارت برعى اسمارت
أعمليها طوالي يا اسمارت ولا حاجه لاب صلعه و بوستات كوستاوي .... برضو قيقا ممكن يعمل واحد اسمو (المافي شنو ...؟! ) و يكرو معاه من ربع لربع لحدي ما وعد تجي تكتب معانا هنا ... الوقت داك أنا كان قاعد بكون بقرأ المنبر ب Braille code !!
10-21-2011, 08:28 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
Cannot recall if I posted this here before, and cannot be bothered to check __________________ كلمات محمود الجيلي صلاح وصل حد السيجارة نفس
و زاد هم الهموم و كبس و شماعة الكلام ضاقت و بشتنا الحروف بي الرص وصل حد السيجارة نفس و لسه الفينا حرَاقة و لا وطنك صبح مرتاح و لا ريحة الفرح ضاقا خلائق قاعدة تتكلم و حاجات قاعدة صفَاقة بعد قلنا القيامة تقوم قمر ليل السعادة غطس
وصل حد السيجارة نفس و قلبي ال من وقع ما قام و لسه الفيهو ما بتندس أكان قعدت تقوم بالشوق و كان وقفت تشوفا فرس بنيَة عيونا بتنخِر عشوقاً بالغرام سوَس رموشا سهام و شعرا فيهو نام الليل ضفايراً قاعدة تتنفس
وصل حد السيجارة نفس
و ناس البيت ديون و فلس متين بالدين يحلوا الدين أهل بالطيبة مليانين و زوق و شروق يجوك بي بسمة الدنيا و هم من جوة مجروحين و و ناســـــــــــــين ونسة تورِق الخدرة وشفَع لعبتم دس دس وصل حد السيجارة نفس و بتخيل بلد مبسوط و قاعد فوق و لا مسروق ولا ملحوق ولا بحِصل شروقو شروق تنوم مرتاح تقوم مرتاح و تمشي السوق تجيب حاجات كتار بالحيل قرش موفور يعدل الميل و كلمة حق تشد الحيل وطن بارز علي الأطلس
وصل حد السيجارة نفس
و بتخيل حبيب عمري الظلمني زمان و لي نعمة قليبي رفس يجيني وكلو يتحسس و أقش دمعاتو بي قلبي و يقول الكون خلاص عرَس و أحلامي المعاو تصدق و يروح رمد العيون بي المس وصل حد السيجارة نفس بتخيل ضحك من جوه قلب البيت و مافيش زول يقول ياريت و أطفال الفريق تلبس خلاص حد السيجارة كمل مع الدخان رحل كل البنيتو عبس ولا حلما بيتحقق و لا هما بيتشقق ده كان آخر السيجارة و بس
let it fall, my heart And as it fell, you rose to claim it It was dark and I was over Until you kissed my lips and you saved me My hands, they were strong, but my knees were far too weak To stand in your arms without falling to your feet
But there's a side to you that I never knew, never knew All the things you'd say, they were never true, never true And the games you'd play, you would always win, always win
But I set fire to the rain Watched it pour as I touched your face Well, it burned while I cried 'Cause I heard it screaming out your name, your name
When laying with you I could stay there Close my eyes, feel you here forever You and me together, nothing is better
'Cause there's a side to you that I never knew, never knew All the things you'd say, they were never true, never true And the games you's play, you would always win, always win
But I set fire to the rain Watched it pour as I touched your face Well, it burned while I cried
'Cause I heard it screaming out your name, your name I set fire to the rain And I threw us into the flames When we fell, something died 'Cause I knew that that was the last time, the last time
Sometimes I wake up by the door That heart you caught must be waiting for you Even now when we're already over I can't help myself from looking for you
I set fire to the rain Watched it pour as I touch your face Well, it burned while I cried 'Cause I heard it screaming out your name, your name I set fire to the rain And I threw us into the flames When we fell, something died 'Cause I knew that that was the last time, the last time, oh
Oh, no Let it burn, oh Let it burn Let it burn
05-05-2012, 09:14 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
عاش أبو ذرالغفاري رضي الله عنه مقتديا بالرسول فهو يقول: (أوصاني خليلي بسبع، أمرني بحب المساكين والدنو منهم، وأمرني أن أنظر إلى من هو دوني ولا أنظر إلى من هو فوقي، وأمرني ألا أسأل أحدا شيئا، وأمرني أن أصل الرحم، وأمرني أن أقول الحق ولو كان مرا، وأمرني ألا أخاف في الله لومة لائم، وأمرني أن أكثر من: لا حول ولا قوة إلا بالله).
****************************
من جعل الله أولى أولوياته رتب الله له كل فوضوياته
thanks cousin
06-04-2012, 06:46 AM
عاطف عمر
عاطف عمر
تاريخ التسجيل: 11-26-2004
مجموع المشاركات: 11152
لم تبق لنا كلمة الحق صاحباً أو صديق لكن برضو ......اللهم آمين تشعرنا بلذة لا مثيل لها من الراحة النفسية والسلام الداخلي ....اللهم آمين تكسبنا إحترامنا لأنفسنا- فورياً - وتكسبنا إحترام الآخر لنا - ولو بعد حين - ...... اللهم آمين
داير اشارك ب ال lyrics دى ل maynard وهى عباره عن رثاء لامه الكانت مريضه ب السرطان
You... You believed ... You believed in movements not conceived. You believed in me
A passionate spirit Uncompromised Boundless and open A light in your eyes Then immobilized.
Broken Fell at the hands of those movements that I wouldn't see Yet it was you who prayed for me. So what have I done To be a son to an angel? What have I done To be worthy?
Daylight dims leaving cold fluorescents Difficult to see you in this light Please forgive this selfish question, but What am I to say to all these ghouls tonight? "She never told a lie, ... well might have told a lie, But never lived one. Didn't have a life, Didn't have a life, But surely saved one." See? I'm alright Now it's time for us to let you go.
Listen to the tales and romanticize, How we'd follow the path of the hero. Boast about the day when the rivers overrun. How we rise to the height of our halo.
Listen to the tales as we all rationalize Our way into the arms of the savior, Feigning all the trials and the tribulations; None of us have actually been there. Not like you.
Ignorant siblings in the congregation Gather around spewing sympathy, Spare me. None of them can even hold a candle up to you. Blinded by choice, these hypocrites won't see.
But, enough about the collective Judas. Who could deny you were the one who Illuminated your little piece of the divine?
And this little light of mine, a gift you passed on to me; I'm gonna let it shine to guide you safely on your way, Your way home ...
Oh, what are they going to do when the lights go down Without you to guide them all to Zion? What are they going to do when the rivers overrun Other than tremble incessantly?
High is the way, but all eyes are upon the ground. You were the light and the way they'll only read about. I only pray, Heaven knows when to lift you out. Ten thousand days in the fire is long enough; You're going home.
You're the only one who can hold your head up high, Shake your fists at the gates saying: "I've come home now! Fetch me the spirit, the son, and the father. Tell them their pillar of faith has ascended. It's time now! My time now! Give me my, give me my wings!"
You are the light and way that they will only read about.
Set as I am in my ways and my arrogance, (With the) burden of proof tossed upon the believers. You were my witness, my eyes, my evidence, Judith Marie, unconditional one.
Daylight dims leaving cold fluorescents. Difficult to see you in this light. Please forgive this bold suggestion, but Should you see your Maker's face tonight, Look Him in the eye, look Him in the eye, and tell Him: "I never lived a lie, never took a life, but surely saved one. Hallelujah, it's time for you to bring me home."
06-06-2012, 04:34 AM
Amin Salim
Amin Salim
تاريخ التسجيل: 02-03-2012
مجموع المشاركات: 677
متوكل الحسين وليد عبداللطيف بروف امين* سمارت انا قيقاراوي عاطف عمر امين سالم عماد الشبلي ود الخليفة عثمان رغيم عماد الشبلي
نورتو البوست بمداخلاتكم و باذن الله سارجع لمداخلاتكم، عذرا للتاخير
* Yes, even you '''''''''''''''''''''''''''''''''''''''''''''''''''''''''''''''''''''''''''''''''''''''''''''''''' الاخ ريدر عرفت من مصدر موثوق منه جدا :) انه بينا معرفة سابقة، فحبيت اسلم تاني و اقول ليك يا مرحبابك، و قال لي الزول اللطيف ده انه كان في مداخلة تخص الحاجة دي و لكن انا ما رديت عليها، فاسفة جدا و الله، لاني ما اظن شفتها
07-09-2012, 08:48 PM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
“What? What am I ‘bound to be feeling?’x People don’t think anymore. x They feel. x ‘How are you feeling?x No, I don’t feel comfortable.x I’m sorry, we as a group we’re feeling….’ x One of the great problems of our age is that we are governed by people who care more about feelings than they do about thoughts and ideas. x Thoughts and ideas. That interests me.x Ask me what I’m thinking.”x
Maggie - The Iron Lady.
. . .
I can relate..
07-11-2012, 10:53 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
او عاين للحكمة الاسدية، بعاين بالجهة التانية و بعدين يطلع يكورك في القرد، لووول ------------------------------------------------------------------------------------------------
ههههههههههه يا مصاريني أضحك الله سنك
غايتو زمان لمن لبوتنا كانت بتهز وترز وتذأر ، كنت بكورك في الككويات ( البنات ) هسع الآية انقلبت بعد ما الغنماية بقت تلحسها والككويات كبرن وتلبوبن بكورك قدام المرايا بس ، ومرات ببصق ذاتو وبطلع سليم ومعافى
ما أظن بيناتنا كسور وبواقي ولو بقت ، عااافي اعفي لي
عجبتني روح البوست الظريفة وعجبني أحمد النشادر وفي أي حتة القى عاطف عمر موجود ومتواجد ، برتاح وبضحك وبستفيد
07-12-2012, 01:33 AM
Rihab Khalifa
Rihab Khalifa
تاريخ التسجيل: 07-07-2006
مجموع المشاركات: 3738
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة