|
Re: شنوووو يعنى يا حليل المليون ميل مربع (Re: خالد حاكم)
|
Quote: لعلمك الجنوب ذهب مكرها وليس مختارا كما تروجها السلطة الحاكمة واذنابها |
يا خالد حاكم انا زاتى قلتا كدااااا عليك الله لو عندك دليل غير كلام سلفا فى الكنيسة بتاع شعب من الدرجة التانية والتالته دااااك الحقنى بيهو اما ما تفضلت به فى هذا المقتبس :-
Quote: نتيجة الثقافة الاستعلائية وهيمنة من يرون بانهم شعب الله المختار ودونهم حشرات لا حقوق لهم في وطن يمتلكه الجميع واسباب ذهاب الجنوب ما زالت قائمة لان البلد فيها اكثر من جنوب وابشركم بمزيد من الجنوب في ظل استمرارية الاسباب ! |
فهو نتيجة كما تفضلت Quote: نتيجة الثقافة الاستعلائية |
ولعلمك الجنوبيون شعب خااام لعبت سياسات المستعمر (للمناطق المقفولة) دور فى توجييية بوصلتهم حتى المثقفين منهم عندما حااان موعد تفتحهم لأخذ حقوقهم كاملة كانت الالة الغربيه واللوبى الصهيونى يلعب دوراً مقدراً فى توجية هذه الدفه والدليل على ذلك موت جون قرنق دىمبيور والذى كان يؤمن بأن السودان كلوا حقهم وما تسميه بالثقافه الاستعلائيه هى التى حااان الوقت لتبحث لها عن وطن اخر تستعلى فيه وكان الرجل يعمل ليل نهار لتسويق نفسه كزعيم بتبنيه هموم الوطن والمواطن الذى اسبق علية كلمة مهمش حتى صارت مظلة يحملها كل من سولت له نفسه الخروج على المركز ومن تسميهم حاملى الثقافة الاستعلائية فى شرقه وغربه وحتى شماله والجنوب الجديد وقد كان الرجل بحق ماهر فى تسويق نفسه لهكذا مهمة فى مرحلة ترويض الهدف تمهيداً للمرحلة التى تليها لفرض اجندتة كاملة وعندما تأكد لاصحاب الاهداف الانفصالية ذوي النفس القصير هذا دبر أمر مقتله بليل وتناثر دمه بين يوغندا واسرائيل فوق جبال الاماتونج والغريب فى الامر اذعانة فى اغلاق منافذ التسامح بين الشعبين وللاسراع فى تنفيذ المخطط المرسوم للانفصال كانت مجزرة يوم الاثنين الاسود صباح خبر مقتلة الذى تناقلتة الوكالات منذ زمن تجاوز الـ 48 ساعة والصاق ذلك الرجرجه والدهماء ان المركز هو من قتل زعيمكم وكانت مجزرة الاثنين الاسود فى يومها الاول ضد اصحاب الثقافة الاستعلائية وانقلب السحر على الساحر فى يومه الثانى ضرباً وتقتيلاً فى ردة فعل غاضبة دفاعاً عن النفس وكان كل الذى تعرف وانا وجنى ايضاً نعرف وبعد ان هداءت الامور لبسوا السواد وساروا فى جنازته يبشرون بموت زعيم ناضل من اجل إقامة دولة وكان سلفا وخلفه جميعاً يعلمون نفس المصير اذا حدثتهم انفسهم بالسير فى طريق السودان الجديد ولى اسئلة حيرى اخى حاكم :- 1- بربك هل يرضى قرن بانفصال الجنوب وهو الذى انتشى بالاستقبال الخرافى الذى يماثل نبوءته ووعد السودان الجديد 2- بربك هل يرضى قرن بالتنازل لعمر البشير فى مسلسل عرمان الشهير والذى احبط تطلعات جماهير السودان الجديد 3- طيب يا حاكم الجنوبييين اختاروا الانفصال او كما يحلوا لهم الاستغلال مجبرين بواسطة سلطان اصحاب الاجندة فى الحركة الشعبية المتنصلين من برنامج السودان الجديد وفق رؤيتهم واجندتهم فى ان يظل خازوق السودان الجديد ضد الثقافة الاستعلائية ليستنزف السودان الشمالى لإضعافة ومن ثم الانقضاض علية بإحتلاله او اعادة دمجه او التكامل معه وفق اجندتهم او مختارين وفق ما روج لهم بأنهم سوف ينشؤن جنة الله فى ارض الجنوب شنووو ليكم البكاء على اللبن المسكوب والبكاء على الاطلال وياااا حليل .... وياااا حليييل ... بتاعت المحنة الما ليها لزوم دى زول فرز عيستو وهو فرحااان وقال فى السودان ما لم يقله مالك فى الخمر وبى لغتك دى انو اهداء ليكم عيبوبكم فليذهب الجنوب غير ماسوفاً عليه وليعمروا ارضهم وبلدهم مبروووك عليهم واهم حاجة يلزموا حدودم فى ادب واحترام للبيت الكبير وليتركوننا وشأننا وإن لم يكون اكثر حوجة للبيت الكبير القبيل خرجوا منو البيت الكبير على الاقل وجد قبلهم وله من الخبرة باقدميتو ان يسير ودبر امرهـ والغير مقبول منهم دفع اذنابهم لتعكير صفو السودان الشمالى وفق اعادة انتاج السودان الجديد و......و......و....و...لانو كل البحصل دا هم له داعمون بالمال والسلاح والرعاية وهذا ما لم ينكرة الا مكابر ذو غرض وكما يقولون الغرض مرض والمرض عندو علاج وآخر العلاج الكى والنار فى والمراويد جاهزة المهم فى هذا الخيط وما زال السؤال موجه لابناء الجنوب فى هذا المنبر هل هم راضون من نغمة يا حليل دى ؟!! لانو بى صراحة فيها استكتار وعدم رضاء بما اخترتموهـ لتأسيس دولة الكتف بالكتف وإظهار جديتكم فى بناء مستقبل لها : : : : : الاخ جنى بما انك بصمت على ما قاله خالد حاكم يبقى يبقى اتقبل منى عدم تخصيص رد خاص لحضرتك وانت ليس ممن يختصروا فى الرد على آخرين وتقبل تحياتى لله الزاكيات
|
|
|
|
|
|
|
العنوان |
الكاتب |
Date |
شنوووو يعنى يا حليل المليون ميل مربع | محمد حمزة الحسين | 05-20-13, 04:35 PM |
Re: شنوووو يعنى يا حليل المليون ميل مربع | خالد حاكم | 05-20-13, 08:24 PM |
Re: شنوووو يعنى يا حليل المليون ميل مربع | jini | 05-21-13, 04:43 AM |
Re: شنوووو يعنى يا حليل المليون ميل مربع | محمد حمزة الحسين | 06-06-13, 11:06 AM |
Re: شنوووو يعنى يا حليل المليون ميل مربع | محمد حمزة الحسين | 06-06-13, 01:03 PM |
Re: شنوووو يعنى يا حليل المليون ميل مربع | محمد حمزة الحسين | 06-06-13, 11:58 AM |
Re: شنوووو يعنى يا حليل المليون ميل مربع | Deng | 06-06-13, 05:12 PM |
Re: شنوووو يعنى يا حليل المليون ميل مربع | Deng | 06-06-13, 05:29 PM |
Re: شنوووو يعنى يا حليل المليون ميل مربع | عبدالوهاب علي الحاج | 06-06-13, 06:22 PM |
Re: شنوووو يعنى يا حليل المليون ميل مربع | محمد حيدر المشرف | 06-06-13, 07:15 PM |
Re: شنوووو يعنى يا حليل المليون ميل مربع | محمد حمزة الحسين | 06-06-13, 07:55 PM |
Re: شنوووو يعنى يا حليل المليون ميل مربع | محمد حمزة الحسين | 06-06-13, 07:59 PM |
Re: شنوووو يعنى يا حليل المليون ميل مربع | محمد حمزة الحسين | 06-06-13, 07:25 PM |
Re: شنوووو يعنى يا حليل المليون ميل مربع | Deng | 06-06-13, 07:31 PM |
Re: شنوووو يعنى يا حليل المليون ميل مربع | محمد حمزة الحسين | 06-06-13, 08:05 PM |
Re: شنوووو يعنى يا حليل المليون ميل مربع | محمد حمزة الحسين | 06-06-13, 08:12 PM |
Re: شنوووو يعنى يا حليل المليون ميل مربع | باسط المكي | 06-06-13, 08:37 PM |
Re: شنوووو يعنى يا حليل المليون ميل مربع | محمد حمزة الحسين | 06-11-13, 03:36 PM |
|
|
|