|
خلال 14 سنة منذ تأسيسه ماذا قدم المنبر لـ"محمداحمد" رجل الشارع البسيط؟
|
بسم الله الرحمن الرحيم السلام عليكم
في ظني انو اغلب رواد منتديات الانترنت السودانية نخبة مميزة وصفوة مختارة وطليعة ورأس رمح للتنمية والاغلبية العظمى لو ما دراساتهم فوق الجامعية لا تقل عن البكلاريوس
طيب لو اتفقنا على النقطة دي....واتفقنا انو المنبر دا والمنابر الاسفيرية السودانية الاخرى كلها بتقدم نقاشات راقية وبتطرق مواضيع حيوية جدا ....طيب عندي سؤال : المواضيع البنطرحها هنا دي بنطرحها لمنو تحديدا؟ هل لينا نحنا اعضاء المنبر - ومعانا زوار البورد الكرام اللي هم ذاتهم يمكن اعتبارهم نخبة؟- ولا المواضيع دي مستهدف بيها "محمد احمد" رجل الشارع العادي ؟
لو بنطرحها للنخبة فقط -الاعضاء والزوار- بتكون افادت كتير اكيد بس فايدة محصورة في فئة معينة وهي اصلا مثقفة والفئة دي غالبا بثقافتها وقدرتها على استخدام التكنلوجيا تستطيع انو تعمق معرفتها من مصادر اخرى غير المنبر وكدا بكون طق حنك بتاع مثقفاتية ساي ونكون بندور الثقافة حول اناس مثقفين اصلا وقد يزدادون تخمة من الناحية الثقافية بينما يظل "محمد احمد" في حالة من انعدام الوعي والثقافة لكن لو الفئة المستهدفة بما يكتب في المنبر كانت هي فئة "محمد احمد" رجل الشارع البسيط فكيف نوصل ليهو المادة البتكتب هنا؟ وهو ما بخش النت ولا بعرف المنبر والتعامل معاهو؟
لكن مع توفر الانترنت والهواتف الذكية واللابتوبات والكمبيوترات هل بقي شاب لا يدخل الانترنت؟ لكن بالمقابل كم هي نسبة الذين يهتمون بالمواضيع السياسية من مجموع متصفحي الانترنت في السودان؟
|
|
|
|
|
|