شرطي يصف مواطن بالعبد في حضرة ((الضابط المناوب ))

Quote: بسم الله الرحمن الرحيم السلام عليكم ورحمة الله داء توجه حضاري وجزء من هذا المشروع الكبير

Quote: والغريبة العروبة المزعومة دي تتلاشى عند اول ميناء وصول عربي ، ونعرف بحقيقتنا الوضيئة ، افارقة اقحاح ... يارجل كلنا اولاد تسعة ، والدم احمر قاني لنا جميعا .... ................... ابوروضة كيفك يا الحبيب ... اخبارك ، ولعل كل امورك ظابطة ....

Quote: اكيييد الجباية لها صلة و فهم وعلم السائق ايضا ... واكثر ما يعيب الوضع ويأزمه عدم مهنية الضابط وفهمه .

Quote: يجب محاسبته عليه حسابا عسيرا حتى يكون عبرة لكل دعاة العنصرية كلنا من تراب جمعة مباركة ابو روضة

Quote: داء توجه حضاري وجزء من هذا المشروع الكبير

Quote: التحيه لصاحب البوست والضيوف الكرام هو موقف حصل معاي وانا في وزارة الداخليه كنت عايز اخد تاشيره في زمن الخروج فيه من السودان صعب ( امن والزاميه وعيييييييييك) وانا مسافر مع زوجتي لكمبالا وفي الفورم كتبت سبب الزياره شهر عسل فعندما وقفت امام الضابط صاحب الرتبه الكبيره . قرا الفورم وقال لي ماشي شهر عسل في يوغندا قلت ليهو نعم انا سوف اتزوج الاسبوع الجاي ومسافر طوالي قال لي الضابط . طيب وكت انت عريس (وودعرب )عندك قدره تمشي شهر عسل بره السودان البوديك بلد ( العبيد ) دي شنو ما تمشي القاهره ولا سوريا؟ امتلات غيظا وكتمته في قلبي وقلت له انا مدعو من قريبي تاجر في كمبالا فضحك وقال لي قريبك ده كان يرسل ليك تمشي بلد احسن من كده .

Quote: فرح ابوروضة تحياتي وتقديري وكيفك ياصديق..... ما يدفع هذا الشرطي وغيره للازدراء بالشعب والمواطن ، هو كباره ومناخ الاستبداد الذي يصنع منه مستبد صغير يجتهد في تقليد الكبار .....كذلك ما دفعه للقول بارتياح .....هو ذلك القانون الذي يحصنه ضد اي مواطن .......ولذلك فانه حينما يتصرف علي هذا النحو ، فانه يدرك ان يد القانون لن تطاله وهذا هو حال المفسد بالاموال وبالارواح وبالحريات وبالمحسوبية ......فبتقديري ان محاكمة الشرطي هي محاكمة لنظام السياسي برمته ......فالمجرم الحقيقي هو من مكن الشرطي من اوحي له بانه فوق القانون ......فهو قد دخل بالمحسوبية ويتصرف بمحسوبية ......ويتصرف في الموقع الخدمي كملك له وهذه هي رسالة النظام لمنسوبيها .....

Quote: كلام عنصري لا يصدر الى من انسان جاهل يجب محاسبته عليه حسابا عسيرا حتى يكون عبرة لكل دعاة العنصرية كلنا من تراب جمعة مباركة ابو روضة

Quote: كلام عنصري لا يصدر الى من انسان جاهل يجب محاسبته عليه حسابا عسيرا حتى يكون عبرة لكل دعاة العنصرية كلنا من تراب جمعة مباركة ابو روضة

Quote: جمعة مباركة يا ابو روضة ياخي والله ده كان ينزلو كل ناس الحافلة ويمسكوه يجلدوه لانو اصلا سواق البص بالقانون كده ما حياخد حقو

Quote: في كثير من الأحيان ينصر أفراد قوات حفظ الأمن زملاءهم ظالمين او مظلومين. لابد من أن يكون القضاء أعلى من الشرطة في المراكز المختلفة بالدولة ولأن القضاء سلحفائي فلابد من إنشاء نافذة قضائية للشكاوي السريعة ولديها قوة لإنفاذ القانون من غير الشرطة وتكون الشكاوى لهذه النافذة. وهذه نافذة سيخشاها رجال الشرطة ورجال الجيش الذين يتصور الجهلاء منهم أن لبس الزي الكاكي يعطيهم ميزة سلطوية على المدنيين.في كل بلاد الدنيا هناك سلطات لإنفاذ القانون مكونة من عدة هيئات كل هيئة تردع تهورها الهيئة الأخرى والقانون فوق الجميع. كل تضامني مع هذا السائق المستنير الذي يعرف كيف يدافع عن حقوقه ويرد الظلم عنه.واتمنى ألا يستمع لصوت أي اجاويد فكيف تكون هناك أجاويد مع مثل هذه الإهانات الفظّة، البغيضة.

Quote: يا رجل حتى الربع الاول من التسعينات لم تكن القبيلة مطروحة باي افق ، ففي مصر كنا مجتمع طلابي متكامل ، لم اسمع احدهم طوال سنين تكلم عن قبيلته ، وسكنت مع احد الاصدقاء لسنوات ، لم يسالني ، ولم اساله عن قبيلته ، سودانيين الا تكفي .... الان ما تلاقي احدهم والا سالك عن القبيلة ... يسالني احدهم من وين الاخو ؟

Quote: والله حقك على وقمت بمسح كل الكلام الغير أخلاقى فى حقك .. صحى آخرتا كوم تراب

Quote: لا عليك يا اخي الكريم ساتي وانا مسامحك وعافي منك

Quote: كلام ما جديد متأصل في ثقافة البلد والمفردات المقزمة من قدر الإنسان كثيره ولم تكن وليدة اليوم .

Quote: يا جماعة صاحب البوست مع احترامى ليهو جاب ليهو كلام فطير ساى ومبنى على قال وقلنا انتوا بدون ما تتبينوا من الحقيقة كلتوا اللوم على ناس الشرطة ساى بدون دليل ...!! غايتو هنا عادى ويومياً بقولوا لى ( وتساب ماى نقا ) ولو ما سمعتها زى الناقصه حاجة .. بقول ياريت الناس ما تشتغل بالفارغة .. الناس لو ناقصه ليها ادانات فليدينوا زى ما عايزين لكن ما يظلموا ناس البوليس ساى ..الا بدليل

(عدل بواسطة فرح الطاهر ابو روضة on 04-20-2013, 11:14 AM)
(عدل بواسطة فرح الطاهر ابو روضة on 04-20-2013, 11:17 AM)

Quote: http://www.almshaheer.com/article-152855-%D8%...A7%D9%88%D8%A8%20))#

Quote: وانا مسامحك وعافي منك

Quote: الاخ فرح واحد من الاسباب التي تذرعت بها لجنة المصنفات في منع رواية فركة وحجزها عن التوزيع ورود عبارات " يا خادم" و "يا فرخة " في النص وزراة الثقافة تمنع روليتي بهذا السبب و هي قصة خيالية و رجل الشرطة يستخدم نفس المفردات في الواقع تجاه مواطن سوداني تعيش كتير تشوف كتير نعمل شنو في البلد التي يحكمها الكيزان دا مرض [URL] [Profile] [Edit]