|
|
 Re: أمر ملكي سعودي بمنح المقيمين 3 أشهر لتصحيح الأوضاع (Re: tmbis)
|
Quote: ياخ انا المعسل الفي قاسمو معاك ..
الشية الفي ضاربنها مع بعض ..
الكوارع الفي مجلعنها مع بعض .. تمشي تخليني ..؟ |
إنا لله يا تامبا .. هبشت جميع السلوكـ العريانة عديل!!
الواحد بقى يغني ظلمو .. وحليل زمن الصبا حليلو
هسي يا معلم .. تشوف حلّة الكوارع ساي تجيكـ حموضة!!
أما المعسّـل فتلكـ حكاية أخرى تجمع بين الحزن وطريق القصيم ذات مسارات ما معروفة كيف كيف!!
ياخ الواحد مشتهي يضرب يقيف قنديلة ويحبس بي حجر + كباية شاي قاطعة داش من برّادو!!
إيييييه .. دُنيا
ثم .. الدوحة مالا ياخ .. عيّبا لي بالله!
أهو كيكي جضومو كبرن وبقن نايرات ..
وخليل قلب غُنا .. أحسن زاتو لأنو كل ما يحلل الهلال بطير
وهارون يكفلني كيف بالله .. ياخ أبقى تحت رحمة صيهيوني!
دا تطبيع غير مقبول بتاتا البتّة!!
نادوس ع العين والراس والله!
ثم .. شايفكـ قاعد تحسب في الناس ديل وجلّيت وضاحة!
| |
  
|
|
|
|
|
|
|
 Re: أمر ملكي سعودي بمنح المقيمين 3 أشهر لتصحيح الأوضاع (Re: محمد عبد الماجد الصايم)
|
ود الصايم والمتداخلون سلام
نجيض الكلام ما قلّ ودلّ :
يجب على حكومة السودان منح المغتربين العائدين من السعودية
عودة جبرية قهرية قسرية نهائيةإعفاء جمركي على سياراتهم دون
نحديد للموديل وأثاثاتهم غض النظر عن جديدها من المستعمل وهذا
قليل القليل من إستحقاقتهم لما قدموه للوطن على مر عجاف سنين
غربتهم ،،،،،،
فهل تراني هل أسمعت إذ نادبت؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: بشير دفع الله)
|
ود الصائم سلامات
مره ( دقو ) إعلان في الغابة أنهم حيقبضو أي ( دب ) حايم ...
( الثعلب ) قام فاكي البيرق ...
سالوهوا مالك جاري يا زول الإعلان بيقول أي ( دب ) ...
قال ليهم ديل ( طرش )
علي بال ما يتأكدوا انا ( ثعلب ) و لا ( دب )
أكون رحت في ( أبو نكله ) ...
_____________________
لذا لزم التنويه ...
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: يحي قباني)
|
| Quote: مش قاعدين تدفعوا من زمن كنانة والرهد |
كنانة والرهد القريبة دي يا خالد العطا!!
ياخ نحن بندفع من زمن ماف إيصالات زاتو!!
أها أديكـ النجيضة
عمكـ الشهيد دا نحن دفعنا ليهو من الولادة لحدي ما استشهد في أمانة الله!
عمكـ الجريح .. مما بدا مراحل الدراسة الأولى لحدي ما طاب واغترب ساب البلد!!
ياخ شريان الشمال دا الدفعنا فيهو كان عمل لينا قسطرة عديل!!
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: يحي قباني)
|
Quote: بس عشان فكرنا فيها .
والله يا أخوي الحال هنا زأتو ما هو بزين . |
عمكـ يا عثمان ..
ياخ إنتو ح تجو بجوازاتكم الأجنبية وعماراتكم السوامق
الجنسيات الغربية هنا عندها تعامل خاص يا معلم!
يعني مستحيل العسكري يلاقي مكتوب الجنسية (أمريكي) ويطلّع المقص!!!
يا زول تعال .. الرزق ع الله!
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: يحي قباني)
|
| Quote: ياخى تعال بهنا.. وبلاش بكاء ورفع امر للتهامى .. وهلمجرا واخواتها .. |
بشير يا حبيب ..
والله إنتو اللاقينها .. كان بالحلوة كان بالمرّة!
موضوع التهامي دا جانبي .. ولا هو رفع ولا شحـدة
دا حاجات أقـل مما يستحق المغترب بعد السنين دي كووولها!
يعني معقولة زول ليهو 20 سنة بدفع يعاينو ليهو ساي؟
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: يحي قباني)
|
سلامات ود الصايم
الحاصل شنو ياخ....قبل إسبوعين خلينا البلد ماكان في حاجة....الجديد شنو بالله؟؟
طمنا بالله.....
عثمان موسي : أحمد ربك ياخ...في زول سألك من إقامة ولا كفيل هنا ياخ.....ماتستعجل الغني كلو ملحوق...بعدين 100 دولار البتصرفها في لحظة في سفن إلفن كان رسلتها بتكفي ناس الزيداب شهر
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: د. ياسر عبد القادر)
|
دي ملطوشه من الفيسبوك يا حبه :
بمناسبة المطاردات والحملات الشاناها الحكومه السعوديه الايام دي ضد الاجانب ده واحد سوداني خايف من الوضع قال :
اللهم ارجعنا الى عزبنا سالمين غانمين ومن المطاردة غـير معضلين
وبالاقامة مهنجمين
اللهم جـنبنا
المداهمات
والمطاردات
وقـص الإقـامات
وارزقنـا اللهم وقت الـضرورة
دفـع ربـاعي
وسـرعة الفراري
ومراوغة الميسي
وأجـعل أقدامنا فرفيره
من البطحاء إلى الديره
ومن منفوحة إلى غبيرة
ومطآردتهم يـسيره
كالشاربين للبيره
تـخـليهم في حـيره
اللهم أجـعل لنا في كل غـارة
ركـب وساقين طيارة
نتوهـم من حارة إلى حـاره
ونعوذ بـك اللهم
من كـرش لا يـهتز
وقـدم لا تفتز
ولا تـكلنا ياإلهي
إلى عـسكري يطاردنا
أو مجـهول يشمت فـينا
أو بنغالي يـدلع لسانه علينا
اللهم
جـمد الـكبسة في كـروشـهم
والـشطة في عـروقهم
وثـبط إلى الارض أقـدامهم.
اللهم ردنا إلى أعمالنا رداً جمـيلا
ولا تجعل الكـفيل أكبر همـنا
ولا إلى التـرحيل مـصيرنا
اللهم حوالينا ولا عـلينا
على البنغال والهنود والباكستان.
يا حـنان ..يا منان.
أصلح الـشآن ...كفانا ذل وهـوان
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: نافع الكوماوي)
|
Quote: الحاصل شنو ياخ....قبل إسبوعين خلينا
البلد ماكان في حاجة....الجديد شنو بالله؟؟ |
يا دكتور .. بالله تسيبنا معلّقين كـدا وتتخارج؟
أها أديكـ النجيضة:
قبل تلاتة أسابيع قرّر مجلس الوزراء الموافقة على بعض التعديلات في قوانين وزارة العمل
وفتح المجال للوزارة والجوازات لتطبيق القوانين المباشرة بالنسبة للأجانب والكفالات!!
أها قووووموا الجماعة ديل عملوا عملات تش!
أقبض .. قصّ الإقامة .. رحــل!!
أيوا .. وبنظام أقطع بعدين شوف نظاميتو شنو
أها العالم دي كووولها لبدت .. والشوارع بقت خفييفة!
والطيارات بقت تتطاقش شايلة المبعدين .. لحدي ما وصلت مرحلة مخيفة عديل!
بعدها حصلت تدخلات قوية من الدول والمنظمات الحقوقية ..
ثم تدخّل الملكـ وقرر منح الجميع فرصة تلاتة أشهر لتعديل الأوضاع!!
يعني بعد تلاتة شهور ..
ودي طبعا مقصودة بأنها تكون في الصيفية
يا تزبط أوضاعكـ يا تسوق أولاكـ وتبقى مارق!!
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: محمد عبد الماجد الصايم)
|
Quote: ود الصايم اهن توب هي مسوب .. ياخ كتلتني بالضحك انت من هنا بديت تكاكي تقول لي لمن تمشي هناك حتكاكي .. لكن ان شاء الله .. ان شاء الله . ربنا بيجبر بخاطركم ياخ بحق جاه النبي ربنا بيكرم بنياتك الحلوات ديل وامهم .. لخير ..
|
هههههههههههههههههههههههههه
أضحكـ الله سنّكـ يا أم مؤيد ياخ!!
أهن توب دي ذكرتيني أمي والله .. ربنا يرجعا بالسلامة!!
يا زولة ربنا يكتب الخير للجميع
وخليكـ قريبة ياخ!!
| |
|
|
|
|
|
|
|
|
 Re: أمر ملكي سعودي بمنح المقيمين 3 أشهر لتصحيح الأوضاع (Re: محمد عبد الماجد الصايم)
|
تحياتي حنان وناجي .. وشكرا ع النقاش!
بالمناسبة يا ناجي
قصة القوانين والحاجات دي عاملة زي شركات الاتصالات
بتمش تاخد منهم شريحة ولا تقرا العقد ولا الواجبات والالتزامات!
أها بتشتري الإقامة وتجي السعودية بدون ما تعرف القوانين شنو
والحاصل شنو بالضبط .. ودا لا يمنع إنو في خلل واضح جدا هنا!!
أها في النهاية دي بلدهم ودايرين ينظموها!
يبقى يا نحن نبقى نظاميين .. يا نتخارج!!
ياخ ع الأقل عندهم حكومة دايرة تنظم ليهم وتطلع للشباب الوظائف!
نحن يا كافي البلا لا لاقين البلد ولا الحكومة .. ولا الوظايف زاتو!!
| |
|
|
|
|
|
|
|
|
 Re: أمر ملكي سعودي بمنح المقيمين 3 أشهر لتصحيح الأوضاع (Re: د. ياسر عبد القادر)
|
Quote: كان هنالك اخبار وشائعات كثيرة تداولتها الجاليات
المقيمة في السعودية من جراء تطبيق الاجراءات الاخيرة التي
اربكت سوق العمل والعمال وبعث الهلع في نفوس كثير من المقيمين |
تحياتي يا ولياب
وفعلا أيام الحملة كل يوم تسمع أخبار شكِل ..
ودخلوا الحتة الفلانية .. وكسّروا باب شركة شنو ما تعرف!!
على ما أعتقد أشهر قصة بتاعت قتل سوداني عشان ضرب العسكري!
ولحدي الليلة ماف زول أكد أو نفى الموضوع دا!!
ربنا يعين!!
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: د. ياسر عبد القادر)
|
| Quote: غايتو لو في إيجابية واحدة ...قصة الشوارع الفاضية دي... |
تحياتي يا دكتور ياسر
غايتو بعد الأمر الملكي دا الأمور شبه بدت ترجع لقديمها!
حتى سواق المدرسة رجع بعد تلتلة أسبوع وصحيان ستة صباحا!
والأنيل من كـدا المرقة الساعة 12 عشان ترجع البنات من المدرسة!!
أهــو ننتظر بعد تلاتة شهور ح يكون شنو!
بتخيل لي زبطوها مع الصيفية عشان كل واحد يتخارج بي قبلو!!
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: فتح العليم محمد أبوالقاسم)
|
التحيه ليك ود الصايم
ظهرت اثار سالبه علي الاقتصاد جراء الخطوه التي قامت بها السلطات ربما تكون بشري ساره لتهدئه الاوضاع بعد المهله المحدده
اغلاق كثير من المدارس ابوابها .
ارتفاع كبير في اسعار بعض السلع المرتبطه مباشره بالعماله المحليه.
سعر الطبق 16.5 ريال في بنده يوم امس.
مقابل 12 ريال قبل
وزياده متوقعه في السلع الاخري حسب تصريح المنتجين
فتح العليم
| Quote: اكفلوا ليهم عدد كبير من السودانيين والخير يعم جوة وبرة |
ياخي انت صاحب فكر عالي جدا" ، احيًك
ربنا يحفظ الجميع من كل شر
ودالصايم ، خليك عين نايمه وعين قايمه
| |
|
|
|
|
|
|
|
|
 Re: أمر ملكي سعودي بمنح المقيمين 3 أشهر لتصحيح الأوضاع (Re: محمد هاشم ابوزيد)
|
| Quote: ارتفاع كبير في اسعار بعض السلع المرتبطه مباشره بالعماله المحليه |
تحياتي يا محمد هاشم .. وحبابكـ!
تعرف المشكلة في شنو؟ إنو القصة دي قرارات وتنفيذ بدون تفكير!!
يعني حسي لما تخش شركة وتقبض النجار ولّ فني التبريد أو المهن العمالية دي
ح تجيب بديل من وين؟ من العمالة المالية الشارع؟ طيب ما تقبض ناس الشارع!!
ياخ خليكـ من بندة!
ميناء جدة وصل مرحلة شبه توقف .. خسائر بالجملة للتجار لعدم
وجود العمالة سواء في الشحن والتفريغ أو الساحة .. الناس هجّت!!
غايتو لو وقفت على البيض تكون هينة!!
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: فتح العليم محمد أبوالقاسم)
|
| Quote: هل تتوقع ان تكون الحملة في رمضان أوبعد رمضان |
تحياتي سعادة المستشار فتح العليم
غايتو ما عارف .. لكن أتوقع مع بداية العام الجديد
زي ما قلت المهلة بتنتهي مع الصيفية وأصلا البلد بتكون فاضية
ثم رمضان .. وبعدها يبدأ العام الدراسي .. والدرش ح يكون للركب!!
Quote: من جانب اخر هل توافقنى الراي على ان هنالك
سلبيات من انتشار العمالة السائبة؟ |
نعم .. مع بعض التحفظات على المسمى!
فإذا كان المقصود العمالة التي لا تلتزم بالعمل مع الكفيل
فما أظن نصل مرحلة السلبية، لأن بعض الوظائف تتطلب عديل كـدا
إنكـ تكون (متسيب) .. مثلا العمل في الدوائر الحكومية بعد إيقاف
التعاقد المباشر إلا بصعوبة .. لازم تكون عن طريق Outsource أو مشاهرة!!
أها في الحالة دي تتصرّف كيف؟ أو هل يمكن اعتبارا سلبية؟
ممكن نقول عليها سلبية في حالة العمالة الزائدة .. زي ناس المقاولات!
لو طلعت أي شارع في الأحياء الشعبية ح تلاقي في الطرف زي دشليون عامل
منتظرين عربية تقيف عشان يعملوا حصار ويطلعوا بشغلانة تطلع حبة قريشات
لا نلوم العمالة على البحث عن العمل .. لكن اللوم على من قام باستقدامهم
وبعدد ضخم يفيض ويزيد عن الحاجة الرسمية .. ودا معناه مكمن الخلل أساسا
من فتح باب الاستقدام بدون حسيب أو رقيب!!
يبقى نرجع لنقطة الأصل .. القصة من البداية جايطة
والتصحيح ما أظن يكون بالحملات الزي دي أو أي طريقة تانية
البداية من إغلاق باب الاستقدام الخارجي مؤقتا
إنهاء نظام الكفيل (فرد أو مؤسسة أو شركة) والاتجاه لكفالة الدولة!
تصحيح أوضاع العمالة المطلوبة حتى تكون الإحصائيات دقيقة
بعد كـدا يشوفوا محتاجين شنو وما محتاجين منو!
حالياً .. حلول مؤقتة زي البندول للصداع!!
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: محمد عبد الماجد الصايم)
|
بالنسبة للاستثمار فالقصة ما بالسهولة دي
المملكة بدأت الآن إعادة دراسة قوانين الاستثمار الأجنبي وبلجنة
تجمع الهيئة العامة للاستثمار ووزارتي التخطيط والمالية وبعض الجهات الأخرى
آخر إحصائية سمعتها نحو 60 % من المشاريع الأجنبية ليست بالطريقة
المطلوبة أو المبالغ المأمول في استثمارها .. رغم حصول المستثمر
الأجنبي على تسهيلات كبيرة منها الإعفاء من الضرائب لفترة طويلة!!
| |
|
|
|
|
|
|
|
|
 Re: أمر ملكي سعودي بمنح المقيمين 3 أشهر لتصحيح الأوضاع (Re: محمد عبد الماجد الصايم)
|
Quote:
هههههههههههههههههههه@ لؤي
بتكون لحدي الليلة ركبكـ سايبة!
والكفيل بكون وفّر رواتب الشهر دا عشان نسيتوهو تب!!
|
لا يا حبيب
أنا أموري كُلّـها تـمام
لكن الـ 800 مسكيـن الـهنا ديل
فـي لـحظة مرّت كالظّلال 
لقيتـهم ليك كُلّـهـم ما فـي 
اللذيذة ، الـمدام الـمهندسة شغّلتـها معانا هنا قبل كـم شهر
شافت ليك النّاس بتتدسدس جاتنـي جارية فـي مكتبـي
قعدت وقالت لـي : أنا كان سألونـي
بقول جيت معاك من البيـت عندنا مشوار مستشفـى ولاّ حاجة 
تـحاياي
| |
|
|
|
|
|
|
|
|
|
Re: أمر ملكي سعودي بمنح المقيمين 3 أشهر لتصحيح الأوضاع (Re: لؤى)
|
السلام على صاحب الخيط والشباب
أسد عرف انو جايي السعودية
فرح فرح شديد وقال يا الكبسة والطيبات جاك سيدك
بعد وصل حديقة الحيوان
اول يوم أدوهو في الفطور موز
كمان في العشاء برضو موز
وتاني يوم موز
قام نادى المسعول وقال ليهو انا شنو ؟
رد عليهو انت أسد طبعا
والاسد بياكل شنو ؟
اللحم طبعا
طب ليه شابكني موز موز من جيت
بس لأنك جايي بتأشيرة قرديا معلم
وعرف الاسد ان عليه تغيير مهنته في الجواز وبعد كدة في الاقامة
وعيييك اجراءات طويلة
والأسد الان حايم في غليل عايز يرجع غابات افريقيا تاني
ويقول بلا سعودية بلا لمة
| |
|
|
|
|
|
|
| |
محمد عبد الماجد الصايم
عكود عبد القادر عكود
Osman Musa
Jamal Mustafa
بشير دفع الله
يحي قباني
علاء الدين حيموره
jini
د. ياسر عبد القادر
إدريس محمد إبراهيم
نافع الكوماوي
welyab
محمد البشرى الخضر
الصادق اسماعيل
أمير عثمان
محمد هاشم ابوزيد
لؤى
garjah
فيس بوك
تويتر
انستقرام
يوتيوب
بنتيريست