|
عيد ميلاد سعيد!!!مساعد رئيس الجمهورية يحتفل بميلاده بالقصر الجمهوري
|
Quote: احتفل مساعد رئيس الجمهورية عبد الرحمن الصادق المهدي بعيد ميلادة اليوم بالقصر الجمهوري بحضور كل من السيد موسي محمد أحمد والسيد جلال الدقير مساعدي رئيس الجمهورية والسيد إبراهيم ادم أدم وزير الدولة بالرعاية والضمان الاجتماعي والسيد صديق محمد توم وزير الرياضة والأستاذ على مهدي والدكتورة مريم الصادق المهدي وعدد من المشاركين وتمنو له عام ملي بالعطاء. |
|
|
|
|
|
|
|
|
Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور (Re: محمد فضل الله المكى)
|
Quote: بعدين انا زعلان منك ماقلت لي عيد ميلاد سعيد في عيد ميلادي الــ27 العملتو في امارة مكه المكرمه وبحضور امير المنطقة ولفيف من الامراء والشيوخ |
أسه لو مشينا الموضوع بتاع أمير مكة و لفيف من شنو ما عارف نمشي الـ 27 دي كيف ؟ إلا تكون بتحتفل بعيد ميلادكـ كل 3 سنة !
نوباتيا الإحتفال بالمولد النبي في ناس بقولو حرام لكن الإحتفال بمولد سيدي ولد سيدي ما فوقو حاجة لذلكـ المناسبة أعمق و متفق عليها و كده
| |
|
|
|
|
|
|
Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور (Re: أسامه الكرور)
|
Quote: عالم حاقده
لو قريتوا روضة دار الحنان مثلما قريناها أنا والمساعد
كان إحتفلتوا بى عيد ميلادكم
نسوى ليكم شنو ؟؟؟
زول خريج روضة دار الحنان .. عاوزين عيد ميلاده يمر عاااااادى كده ؟؟؟ |
أسامة الكرور يا سعادتو إن شاء الله إنت والعقاب طيبين
دا حالتو ما القرأ في روضة الحنان تصدق ؟؟ القرأ ( معاك ) في روضة الحنان داك خليهو داك كلامو براهو بيطلع رحلة خارجية كان تمانية كان تسعة شهور وماهيتو ماشة في أمان الله
زولنا دا حفيد الأنصار شوفت كيف ؟؟
زمااااان شباب الأنصار عملوا تنظيم في رفاعة ... آى رفاعة الواحدة ديك عارف نشيدهم أو الكلام البتقولوهو إنتو يا العساكر أثناء الجري ( هو صحي بتسموهو شنو ؟؟ ) المهم ناسنا ناس رفاعة عشان كانوا ماخدين الشغلانية جد كانوا بيرددوا
كلمتنا خشنة وشوشنا دشنة الضاق طرشنا تاني ما بيهبشنا
آههههههه يا زمن
| |
|
|
|
|
|
|
Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور (Re: ولياب)
|
Quote: يا ود القاضي عيد ميلادك ما بيفوت أروما وغبارها الدايم ،،، ولا نحسن الموقع وحدك شيجرات الدوم في دروديب ،،، ولا نخليك قدام لكمبسانها وسط الأراك . |
استاذنا ولياب شخصياً ؟ ليه الحقد ده ياخي ؟!! انت بالذات ولاننا مولودين في يوم واحد ومميز مفروض تقيف معاى وتدعم عيد ميلادي بالشموع وربما نعمل عيد ميلادنا سوا في بورسودان او في قطار الشمال المتجه للشرق ..ههههههه
انت عارف ياولياب اجمل مافي يوم ميلادي انه يصادف يوم اعلان استقلال السودان وراس سنة واعياد الميلاد* يعني انا اولى عيد ميلادي يكون في القصر الجمهوري كل سنة ههههه
ـــــــــــــــــ * ماتسنين ولا حاجة
| |
|
|
|
|
|
|
Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور (Re: Idris Logma)
|
Quote: ليه الحقد ده ياخي ؟!! انت بالذات ولاننا مولودين في يوم واحد ومميز مفروض تقيف معاى وتدعم عيد ميلادي بالشموع وربما نعمل عيد ميلادنا سوا في بورسودان او في قطار الشمال المتجه للشرق ..ههههههه |
كده خليتني أخوك في الولادة ، مش هناك أخو في الرضاعة وبرضو هنا أخو في الكفالة لمن يكون كفيلكم (Like elephant)سيم سيم
ولعبتها بروفايلية صح !!!
Quote: انت عارف ياولياب اجمل مافي يوم ميلادي انه يصادف يوم اعلان استقلال السودان وراس سنة واعياد الميلاد*
يعني انا اولى عيد ميلادي يكون في القصر الجمهوري كل سنة ههههه |
في الحتة ليك الحق وكل الحق ولا شئ إلا الحق .
* كل ما أرى فرداً من الشرق يأخذني الحنين شرقاً وأحسب المحطات من أكلا وقلوسيد حتى السلوم والغربية .
| |
|
|
|
|
|
|
Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور (Re: معاوية المدير)
|
** المُهندس ود ابوبكر .. ** سلام ومساءك خير.. ## ياخوى من شفت العنوان جريت جبت آخر إصدارات شرايط البلى إستيشن 3 ,, عشان اواجب بيهم فى عيد ميلاد المساعد التانى القاهو عيد ميلاد الأول ,, بالله لما يحين موعــد عيد ميلاد التانى كلمنا من بدرى عشان نقوم بالواجب .. ## عيد ميلاد قال ... الناس فى شنو والحسانيه فى شنو !!!!!!!!!!!!!!! (ودامت أيامكم أعياد ميلاد وللشعب الفاقه والإملاق) (ابو محمد فؤاد) - الماكيكى..
| |
|
|
|
|
|
|
Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور (Re: خالد عبد الله محمود)
|
Quote: سامة الكرور يا سعادتو إن شاء الله إنت والعقاب طيبين
دا حالتو ما القرأ في روضة الحنان تصدق ؟؟ القرأ ( معاك ) في روضة الحنان داك خليهو داك كلامو براهو بيطلع رحلة خارجية كان تمانية كان تسعة شهور وماهيتو ماشة في أمان الله
زولنا دا حفيد الأنصار شوفت كيف ؟؟
زمااااان شباب الأنصار عملوا تنظيم في رفاعة ... آى رفاعة الواحدة ديك عارف نشيدهم أو الكلام البتقولوهو إنتو يا العساكر أثناء الجري ( هو صحي بتسموهو شنو ؟؟ ) المهم ناسنا ناس رفاعة عشان كانوا ماخدين الشغلانية جد كانوا بيرددوا
كلمتنا خشنة وشوشنا دشنة الضاق طرشنا تاني ما بيهبشنا
آههههههه يا زمن |
سلامات يا باشمهندس
بالله هو دا المساعد التانى ؟؟ ود الإمام زات نفسه ؟؟؟ حولااااااااااااااا
دا جدودو الكانوا بلبسو الجبه والمرقع ؟؟؟
برضو يا باشمهنس هو قارى دار حنان عسكريه
إنت قايلو إتخرج من روضتنا .. أقصد من كلياتنا العسكريه حقتنا ديك البنعرفها ؟؟؟
المشكله قالوا أُخته فاجأتوا بالتورته فى القصر
ياربى ياتا فيهن ؟؟؟ هن مش كلهن معارضه ؟؟؟ دخلوا القصر كيييييييف ؟؟؟؟؟
على العموم ربنا يديهو طولة العُمُر ... بلا أذيه للشعب السودانى
| |
|
|
|
|
|
|
Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور (Re: Mahjob Abdalla)
|
الهبيب محجوب
لا تستغرب فأنت في السودان
يمنعوك من السفر لخطرك السياسي ولكن يمكن ان يسمحوا لك بأن تحتفل في القصر الجمهوري
Quote: يعني مريم بقت طابور خامس دايرة تخش القصر و ما عارفة كيف. قامت شالت التورته و جات القصر. الحراس قالو ليها ماشة وين. قالت ليهم ماشي اودي التورتة لاخوي. هو عيد ميلادو اليوم.
------------ غايتو شغل افلام هولوود عديل. |
بلد اغرب من خيال هوليود زاتو
| |
|
|
|
|
|
|
Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور (Re: كمال سالم)
|
هل من المستبعد ان يكون التسريب من اجهزة امن النظام حتى يضعوا المساعد فى حجمه لا سيما و انه متابع ملف الخرطوم مع جوبا??? هناك اموال طائلة فى المعادلة مع الجنوب و للمساعد اقرباء اصبحوا كبار الاثرياء بفضل التجارة فى الجنوب. و يذكر ان اخوان اليشير و زوجته وداد و مجموعة نهر النيل تضرروا كثيرا جراء المشكلة مع الجنوب و فقدو عقود تجارية ضخمة لصالح بعض اخوال و عمام المساعد.
| |
|
|
|
|
|
|
|