Post: #1 Title: عيد ميلاد سعيد!!!مساعد رئيس الجمهورية يحتفل بميلاده بالقصر الجمهوري Author: بكرى ابوبكر Date: 03-19-2013, 07:59 AM
Quote: احتفل مساعد رئيس الجمهورية عبد الرحمن الصادق المهدي بعيد ميلادة اليوم بالقصر الجمهوري بحضور كل من السيد موسي محمد أحمد والسيد جلال الدقير مساعدي رئيس الجمهورية والسيد إبراهيم ادم أدم وزير الدولة بالرعاية والضمان الاجتماعي والسيد صديق محمد توم وزير الرياضة والأستاذ على مهدي والدكتورة مريم الصادق المهدي وعدد من المشاركين وتمنو له عام ملي بالعطاء.
Post: #2 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: ود الباوقة Date: 03-19-2013, 08:01 AM Parent: #1
مبروك وعقبال 100 عام او تزيد
شكرا يا ريس
على ايراد الاخبار الصباحية المفرحة
Post: #4 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: garjah Date: 03-19-2013, 08:05 AM Parent: #2
يا سعادتك
كل اهل السودان لا يحتفلون باعياد الميلاد ممكن اول سنة بس
رمضان تركوا فيه الافطار الجماعي بسبب الظروف الطاحنةوانت لازلت في تيهك
Post: #6 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Yassir Tayfour Date: 03-19-2013, 08:12 AM Parent: #2
Quote: مبروك وعقبال 100 عام او تزيد
شكرا يا ريس
على ايراد الاخبار الصباحية المفرحة
__ فرح شديد ؛)
Post: #52 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: محمد محمود محمد Date: 03-19-2013, 07:57 PM Parent: #2
Post: #3 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: صالح عبده Date: 03-19-2013, 08:01 AM Parent: #1
العنصر النسائي ليه مفقود في الحضور؟؟؟
Post: #5 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: عمار عبدالله عبدالرحمن Date: 03-19-2013, 08:06 AM Parent: #3
يا صالح عبده العرب بسمو المراة مريم ,,,
ما تشرط عين مع العرب ,,
Post: #7 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: ولياب Date: 03-19-2013, 08:12 AM Parent: #5
يا بكري أنت بي جدك .
لو ده حاصل ده قمة الترف حتى لو ما فيهو صرف
Post: #8 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: mayada kamal Date: 03-19-2013, 08:18 AM Parent: #7
من شابه اباه فما ظلم
Post: #11 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: عوض محمد احمد Date: 03-19-2013, 08:23 AM Parent: #7
حتى و لو مر امر هذاالحفل المسخرة من باب الممارسات الشخصية, فاين الحصافة فى ان يتم على اضيق نطاق و فى المنزل الشخصى و من غير لمة رسمية الا يوجد عاقل حول هذا الرجل لينصحه رغم انه على مشارف الخمسين يا لضيعة اهل السودان حتى الطائفيين الذين تلقوا العلم فى احسن معاهد العالم لا يزالون يتنكبون خطى الاسلاف الجهلاء
Post: #12 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: فايزودالقاضي Date: 03-19-2013, 08:42 AM Parent: #7
شكرا للسيد موسى محمد احمد مساعد رئيس الجمهورية على تمثيلنا كبجا خير تمثيل في هذه المناسبة القومية ونسال الله ان يردها لنا مساعد رئيس الجمهورية في عيد ميلاد السيد موسى او حتى عيد ميلاد هاشم نوريت بكندا ..
وان الله لايضيع اجر من حضر عيد ميلاد ..
Post: #14 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: mayada kamal Date: 03-19-2013, 08:55 AM Parent: #12
Quote: شكرا للسيد مساعد رئيس الجمهورية موسى محمد احمد مساعد رئيس الجمهورية على تمثيلنا كبجا خير تمثيل في هذه المناسبة القومية ونسال الله ان يردها لنا مساعد رئيس الجمهورية في عيد ميلاد السيد موسى او حتى عيد ميلاد هاشم نوريت بكندا ..
شعب نقاق/ وبحب النقة
Post: #9 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: معاوية المدير Date: 03-19-2013, 08:19 AM Parent: #5
Post: #10 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: حسين نوباتيا Date: 03-19-2013, 08:20 AM Parent: #5
كيف لا ينقل الاعلام هذا الحدث المهم...
دا اختراق مهم من السيد مساعد الرئيس*
___________
* كان ما خايف من صاحبي نيازي كنا قلنا الفي بطنا كلو:)
__________
Quote: العرب بسمو المراة مريم
تحلف بالله يا عمار:)
Post: #13 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: خالد عبد الله محمود Date: 03-19-2013, 08:52 AM Parent: #10
أقترح تخصيص هذا اليوم كعطلة رسمية إحتفاء بهذه المناسبة السعيدة
Post: #15 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: الجنيد حمد Date: 03-19-2013, 08:57 AM Parent: #13
مناسبة خاصة في مكان ملك للشعب
بالطبع ما صرف في هذه المناسبة جزء من مال هذا الشعب المسكين
لو افترضنا السيد المساعد تكفل بكل المصروفات
فقد قام الشعب ( الكريم )من غير علم ومن غير رضا بدفع فاتورة الكهرباء التي انارة قصر الشعب ( الفضل)
هو التوريث ده كيف .؟؟؟؟؟
العزيز / بكري ابوبكر
تحياتي واحترامي
Post: #16 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: حسين نوباتيا Date: 03-19-2013, 09:00 AM Parent: #13
قصدك يا خالد حاجة كدا زي المولد ويكون فيهو سمسمية وفولية وطوطحانية:)
Post: #17 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Hussein Mallasi Date: 03-19-2013, 09:05 AM Parent: #16
لا بأس أن يحتفل السيد عبد الرحمن السيد الصادق بعيد ميلاده في القصر الجمهوري؛ فذلك حقه؛ ولكني كنت سأستاء إن كان المحتفل بعيد ميلاده هو السيد جعفر الصادق السيد الميرغني.
Post: #20 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: mayada kamal Date: 03-19-2013, 09:18 AM Parent: #17
Quote: ولكني كنت سأستاء إن كان المحتفل بعيد ميلاده هو السيد جعفر الصادق السيد الميرغني.
اوعى زول يجي يقول لي ملاسي لييييه!!! لانه حيكون سؤال غ ب ي ولا مؤاخذة...
Post: #18 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: فايزودالقاضي Date: 03-19-2013, 09:05 AM Parent: #16
Quote: شعب نقاق/ وبحب النقة
ياوغدة متى تستحين ؟!!
اكيد عيد ميلادك في تركيا ..
ثم ....
Post: #21 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: mayada kamal Date: 03-19-2013, 09:23 AM Parent: #18
Quote: اكيد عيد ميلادك في تركيا ..
ياخي قالو ليك انا ابوي الصادق المهدي/ ولا إتخرجت من روضة الحنان
Quote: ثم ....
ثم ماذا بعد هذا!!!
أشوف فيك يوم يا فايز ياود القاضي وانت تستخدم لغة دينق الهالك
Post: #23 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: فايزودالقاضي Date: 03-19-2013, 09:30 AM Parent: #21
Quote: أشوف فيك يوم يا فايز ياود القاضي وانت تستخدم لغة دينق الهالك
التحية لاخي وحبيبي دينق في هلاكه المتميز ..
بعدين انا زعلان منك ماقلت لي عيد ميلاد سعيد في عيد ميلادي الــ27 العملتو في امارة مكه المكرمه وبحضور امير المنطقة ولفيف من الامراء والشيوخ ..
ميادة ..استحي ،،
Post: #19 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: أسامه الكرور Date: 03-19-2013, 09:05 AM Parent: #16
عالم حاقده
لو قريتوا روضة دار الحنان مثلما قريناها أنا والمساعد
كان إحتفلتوا بى عيد ميلادكم
نسوى ليكم شنو ؟؟؟
زول خريج روضة دار الحنان .. عاوزين عيد ميلاده يمر عاااااادى كده ؟؟؟
Post: #22 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: محمد فضل الله المكى Date: 03-19-2013, 09:23 AM Parent: #19
Quote: يحتفل بميلاده بالقصر الجمهور
نحن بننتظِر! يمكن واحد يطهِّر بناتو في القصر!!
Post: #25 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: خالد عبد الله محمود Date: 03-19-2013, 09:39 AM Parent: #22
Quote: بعدين انا زعلان منك ماقلت لي عيد ميلاد سعيد في عيد ميلادي الــ27 العملتو في امارة مكه المكرمه وبحضور امير المنطقة ولفيف من الامراء والشيوخ
أسه لو مشينا الموضوع بتاع أمير مكة و لفيف من شنو ما عارف نمشي الـ 27 دي كيف ؟ إلا تكون بتحتفل بعيد ميلادكـ كل 3 سنة !
نوباتيا الإحتفال بالمولد النبي في ناس بقولو حرام لكن الإحتفال بمولد سيدي ولد سيدي ما فوقو حاجة لذلكـ المناسبة أعمق و متفق عليها و كده
Post: #28 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: فايزودالقاضي Date: 03-19-2013, 09:52 AM Parent: #25
Quote: أسه لو مشينا الموضوع بتاع أمير مكة و لفيف من شنو ما عارف نمشي الـ 27 دي كيف ؟ إلا تكون بتحتفل بعيد ميلادكـ كل 3 سنة
Quote: ولا يمكن ذي كأس العالم كل 4 سنوات بيحتفل بيه
يعني لازم تجيبي سيرة الاربعات في الربع المهلهل ده ؟!!
Post: #26 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: طاهر قرشي Date: 03-19-2013, 09:40 AM Parent: #22
Quote: نحن بننتظِر! يمكن واحد يطهِّر بناتو في القصر!!
كلو وارد في السودان الشقيق !!
Post: #27 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: mayada kamal Date: 03-19-2013, 09:45 AM Parent: #22
Quote: إلا تكون بتحتفل بعيد ميلادكـ كل 3 سنة !
ولا يمكن ذي كأس العالم كل 4 سنوات بيحتفل بيه
Post: #24 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: عاطف عمر Date: 03-19-2013, 09:35 AM Parent: #19
Quote: عالم حاقده
لو قريتوا روضة دار الحنان مثلما قريناها أنا والمساعد
كان إحتفلتوا بى عيد ميلادكم
نسوى ليكم شنو ؟؟؟
زول خريج روضة دار الحنان .. عاوزين عيد ميلاده يمر عاااااادى كده ؟؟؟
أسامة الكرور يا سعادتو إن شاء الله إنت والعقاب طيبين
دا حالتو ما القرأ في روضة الحنان تصدق ؟؟ القرأ ( معاك ) في روضة الحنان داك خليهو داك كلامو براهو بيطلع رحلة خارجية كان تمانية كان تسعة شهور وماهيتو ماشة في أمان الله
زولنا دا حفيد الأنصار شوفت كيف ؟؟
زمااااان شباب الأنصار عملوا تنظيم في رفاعة ... آى رفاعة الواحدة ديك عارف نشيدهم أو الكلام البتقولوهو إنتو يا العساكر أثناء الجري ( هو صحي بتسموهو شنو ؟؟ ) المهم ناسنا ناس رفاعة عشان كانوا ماخدين الشغلانية جد كانوا بيرددوا
كلمتنا خشنة وشوشنا دشنة الضاق طرشنا تاني ما بيهبشنا
آههههههه يا زمن
Post: #29 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: ولياب Date: 03-19-2013, 09:52 AM Parent: #24
Quote: بعدين انا زعلان منك ماقلت لي عيد ميلاد سعيد في عيد ميلادي الــ27 العملتو في امارة مكه المكرمه وبحضور امير المنطقة ولفيف من الامراء والشيوخ ..
يا ود القاضي
عيد ميلادك ما بيفوت أروما وغبارها الدايم ،،، ولا نحسن الموقع وحدك شيجرات الدوم في دروديب ،،، ولا نخليك قدام لكمبسانها وسط الأراك .
Post: #32 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: نيازي مصطفى Date: 03-19-2013, 10:01 AM Parent: #29
شر البلية ما يضحك
الناس في شنو ومساعد الياي وفي مقولة اخرى مساعد الحلة في شنو
سلامات يانوباتيا
حدث ولاحرج فلا رابط يربطنا بمن تركنا بملئ ارادته ..
Post: #34 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: بدر الدين مهدي Date: 03-19-2013, 10:13 AM Parent: #32
الناس في شنو وممساعد رئيس الجمهورية في شنو
لكنها قلة الشغلة والعطالة المقنعة
Post: #44 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: درديري كباشي Date: 03-19-2013, 02:24 PM Parent: #32
انتو اكيد بتهازرو ولا المعلومة فهمتوها غلط
معقولة سيدي يغلط غلطة استرتيجية زي كدا ويحتفل بعيد ميلاده الخاص في ملك الشعب العام ..
يمين دي الشعب السوداني يصرها ليه لجنة جناه . ز يا حليل الشعب السوداني
اصبح الحكام يتباروا ويتنافسوا في اغاظته ..
Post: #48 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Barakat Alsharif Date: 03-19-2013, 06:50 PM Parent: #32
Post: #33 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: فايزودالقاضي Date: 03-19-2013, 10:05 AM Parent: #29
Quote: يا ود القاضي عيد ميلادك ما بيفوت أروما وغبارها الدايم ،،، ولا نحسن الموقع وحدك شيجرات الدوم في دروديب ،،، ولا نخليك قدام لكمبسانها وسط الأراك .
استاذنا ولياب شخصياً ؟ ليه الحقد ده ياخي ؟!! انت بالذات ولاننا مولودين في يوم واحد ومميز مفروض تقيف معاى وتدعم عيد ميلادي بالشموع وربما نعمل عيد ميلادنا سوا في بورسودان او في قطار الشمال المتجه للشرق ..ههههههه
انت عارف ياولياب اجمل مافي يوم ميلادي انه يصادف يوم اعلان استقلال السودان وراس سنة واعياد الميلاد* يعني انا اولى عيد ميلادي يكون في القصر الجمهوري كل سنة ههههه
ـــــــــــــــــ * ماتسنين ولا حاجة
Post: #35 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: mayada kamal Date: 03-19-2013, 10:21 AM Parent: #33
Quote: نت عارف ياولياب اجمل مافي يوم ميلادي انه يصادف يوم اعلان استقلال السودان وراس سنة واعياد الميلاد* يعني انا اولى عيد ميلادي يكون في القصر الجمهوري كل سنة ههههه
يا وغد إن بقيت مولود يوم 30يونيو ذاتو ما بحتفلو بيك اسع عليك الله وشك دا وش زول يحتفلوبو بالقصر الجمهوري. قوم لف بالله
Post: #31 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: اسماعيل عبد الله محمد Date: 03-19-2013, 10:01 AM Parent: #24
مطلوب فتوى من مجلس علماء السلطان فيما يتعلق بالاحتفال بعيد الميلاد هل يجوز شرعاً ؟ و اين السند و الدليل من القران أو السنة ؟
وما هو وجه الشبه بين الاحتفال بعيد الميلاد و الاحتفال بعيد الحب ؟
افتونا اثابكم الله..
Post: #30 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Idris Logma Date: 03-19-2013, 09:57 AM Parent: #13
بكري سلامات ما قلنا ليكم ديل عايشين في برج عاجي وافعالهم لا تشبه وضع البلد الغارق في البلاوي طيب ما كان يعملوا في بيت ابيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
Post: #36 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: بكرى ابوبكر Date: 03-19-2013, 10:25 AM Parent: #30
Quote: الأستاذ على مهدي
حكى لى صديق من عائلة الراحل وردى ان على مهدى كان عامل فى البكاء كانوا وردى ابوه و حاشر نفسه فى كل حاجه........ اسع الوداهو عيد الميلاد ده شنو
Post: #38 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: mayada kamal Date: 03-19-2013, 10:41 AM Parent: #36
تحايا نواضر يا هندسة
Quote: حكى لى صديق من عائلة الراحل وردى ان على مهدى كان عامل فى البكاء كانوا وردى ابوه و حاشر نفسه فى كل حاجه........ اسع الوداهو عيد الميلاد ده شنو
أسع علاقة دا بي دا شنو يا هندسة!!!!!
Post: #37 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: ولياب Date: 03-19-2013, 10:25 AM Parent: #30
Quote: ليه الحقد ده ياخي ؟!! انت بالذات ولاننا مولودين في يوم واحد ومميز مفروض تقيف معاى وتدعم عيد ميلادي بالشموع وربما نعمل عيد ميلادنا سوا في بورسودان او في قطار الشمال المتجه للشرق ..ههههههه
كده خليتني أخوك في الولادة ، مش هناك أخو في الرضاعة وبرضو هنا أخو في الكفالة لمن يكون كفيلكم (Like elephant)سيم سيم
ولعبتها بروفايلية صح !!!
Quote: انت عارف ياولياب اجمل مافي يوم ميلادي انه يصادف يوم اعلان استقلال السودان وراس سنة واعياد الميلاد*
يعني انا اولى عيد ميلادي يكون في القصر الجمهوري كل سنة ههههه
في الحتة ليك الحق وكل الحق ولا شئ إلا الحق .
* كل ما أرى فرداً من الشرق يأخذني الحنين شرقاً وأحسب المحطات من أكلا وقلوسيد حتى السلوم والغربية .
Post: #39 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: هاشم عبداللطيف Date: 03-19-2013, 11:00 AM Parent: #37
يا بكري الراجل ما أحتفل ولا حاجة
فاجأته أختو في يوم ميلادو بتورتة
وكان المذكورين حضوراً صادف تقسيمها
وديل بلفوا في القصر من مكتب لي مكتب .
Post: #40 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: معاوية المدير Date: 03-19-2013, 11:02 AM Parent: #37
Quote: . اسع الوداهو عيد الميلاد ده شنو
التِحِشِر النفر تِحِشِركم دا.
هووووووي الجنا دا قدُركُم واللآ لحم سدُركُم ؟؟؟ عان ها الفتحولُن بوست وقعدوا ينهشوا فيهو. إن شاء الله يسختكم لحدكُم...
Post: #41 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: جمال الباقر Date: 03-19-2013, 11:38 AM Parent: #40
happy birthday to him
Post: #42 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: عبدالكريم أحمد الامين Date: 03-19-2013, 11:47 AM Parent: #40
** المُهندس ود ابوبكر .. ** سلام ومساءك خير.. ## ياخوى من شفت العنوان جريت جبت آخر إصدارات شرايط البلى إستيشن 3 ,, عشان اواجب بيهم فى عيد ميلاد المساعد التانى القاهو عيد ميلاد الأول ,, بالله لما يحين موعــد عيد ميلاد التانى كلمنا من بدرى عشان نقوم بالواجب .. ## عيد ميلاد قال ... الناس فى شنو والحسانيه فى شنو !!!!!!!!!!!!!!! (ودامت أيامكم أعياد ميلاد وللشعب الفاقه والإملاق) (ابو محمد فؤاد) - الماكيكى..
Post: #43 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: عبداللطيف شريف على Date: 03-19-2013, 02:10 PM Parent: #42
يا جماعة الغريبة شن هى ,,,..
زول فاضى لا شغل لا مشغلة ,حتى ما يفرج ويرفه عن نفسة ...
ملفاتكم كلها تمام التمام عندكم شنو تانى ...
غايتو القصر الجمهورى ده فيهو جنس حاجات وووووو ........
وبلادى عزيزة علىّ وبرغم المحن والاحن .....
Post: #45 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Mohamed E. Seliaman Date: 03-19-2013, 02:38 PM Parent: #43
Quote: حكى لى صديق من عائلة الراحل وردى ان على مهدى كان عامل فى البكاء كانوا وردى ابوه و حاشر نفسه فى كل حاجه
قال ليك شنو بالضبط ما فهمت
Post: #46 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: خالد عبد الله محمود Date: 03-19-2013, 02:44 PM Parent: #45
Quote: ولا يمكن ذي كأس العالم كل 4 سنوات بيحتفل بيه
والله يا دكتورة الحبشي ده زي الثعلب ما مضمون أتوقعي منو أي حاجة !!
Post: #47 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: أسامه الكرور Date: 03-19-2013, 06:47 PM Parent: #46
Quote: سامة الكرور يا سعادتو إن شاء الله إنت والعقاب طيبين
دا حالتو ما القرأ في روضة الحنان تصدق ؟؟ القرأ ( معاك ) في روضة الحنان داك خليهو داك كلامو براهو بيطلع رحلة خارجية كان تمانية كان تسعة شهور وماهيتو ماشة في أمان الله
زولنا دا حفيد الأنصار شوفت كيف ؟؟
زمااااان شباب الأنصار عملوا تنظيم في رفاعة ... آى رفاعة الواحدة ديك عارف نشيدهم أو الكلام البتقولوهو إنتو يا العساكر أثناء الجري ( هو صحي بتسموهو شنو ؟؟ ) المهم ناسنا ناس رفاعة عشان كانوا ماخدين الشغلانية جد كانوا بيرددوا
كلمتنا خشنة وشوشنا دشنة الضاق طرشنا تاني ما بيهبشنا
آههههههه يا زمن
سلامات يا باشمهندس
بالله هو دا المساعد التانى ؟؟ ود الإمام زات نفسه ؟؟؟ حولااااااااااااااا
دا جدودو الكانوا بلبسو الجبه والمرقع ؟؟؟
برضو يا باشمهنس هو قارى دار حنان عسكريه
إنت قايلو إتخرج من روضتنا .. أقصد من كلياتنا العسكريه حقتنا ديك البنعرفها ؟؟؟
على العموم ربنا يديهو طولة العُمُر ... بلا أذيه للشعب السودانى
Post: #49 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Barakat Alsharif Date: 03-19-2013, 06:53 PM Parent: #47
Quote: احتفل مساعد رئيس الجمهورية عبد الرحمن الصادق المهدي بعيد ميلادة اليوم بالقصر الجمهوري
يعني حنتفرج عليها في برنامج افراح افراح قريبا
Post: #50 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: جمال ود القوز Date: 03-19-2013, 07:24 PM Parent: #49
يعني زول فاضي ومدخلنو في الحكومة نظام ترضيات .. مالقى حاجة يسويها قال يحتفل بي عيد ميلاده .. فيها حاجة دي .. عالم حاقده ...
ياربي جابو ليهو تورتات وشموع والذي منو ..
Post: #51 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Mahjob Abdalla Date: 03-19-2013, 07:34 PM Parent: #50
يعني مريم بقت طابور خامس دايرة تخش القصر و ما عارفة كيف. قامت شالت التورته و جات القصر. الحراس قالو ليها ماشة وين. قالت ليهم ماشي اودي التورتة لاخوي. هو عيد ميلادو اليوم.
------------ غايتو شغل افلام هولوود عديل.
Post: #53 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: أحمد ابن عوف Date: 03-19-2013, 08:05 PM Parent: #51
الهبيب محجوب
لا تستغرب فأنت في السودان
يمنعوك من السفر لخطرك السياسي ولكن يمكن ان يسمحوا لك بأن تحتفل في القصر الجمهوري
Quote: يعني مريم بقت طابور خامس دايرة تخش القصر و ما عارفة كيف. قامت شالت التورته و جات القصر. الحراس قالو ليها ماشة وين. قالت ليهم ماشي اودي التورتة لاخوي. هو عيد ميلادو اليوم.
------------ غايتو شغل افلام هولوود عديل.
بلد اغرب من خيال هوليود زاتو
Post: #54 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: كمال سالم Date: 03-19-2013, 11:20 PM Parent: #53
البوست ده لو كان فاتحو معاويه عبيد الصائم كان كلكم نطيتوا ليهو فى حلقو ,, وين المصدر ,, لكن لأنو فاتحو سيد القهوه زول سأل عن المصدر مافى !! المصدر بالله ياريس .
وحتى معرفة المصدر , فإننى أهتى وأبارك وعقبال ما تطفى الشمعه الميه وفى نفس المكان ياحضرة المساعد .
Post: #55 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Zakaria Joseph Date: 03-19-2013, 11:47 PM Parent: #54
هل من المستبعد ان يكون التسريب من اجهزة امن النظام حتى يضعوا المساعد فى حجمه لا سيما و انه متابع ملف الخرطوم مع جوبا??? هناك اموال طائلة فى المعادلة مع الجنوب و للمساعد اقرباء اصبحوا كبار الاثرياء بفضل التجارة فى الجنوب. و يذكر ان اخوان اليشير و زوجته وداد و مجموعة نهر النيل تضرروا كثيرا جراء المشكلة مع الجنوب و فقدو عقود تجارية ضخمة لصالح بعض اخوال و عمام المساعد.
Post: #56 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: حبيب نورة Date: 03-20-2013, 00:03 AM Parent: #55
بخيت وسعيد
Post: #57 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Nagat Sid Ahmed Elshiekh Date: 03-20-2013, 03:13 AM Parent: #56
عقبال الاحتفال القادم في بيت أبوه..... اها مريم دى الوداها شنو !!!!!
Post: #58 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: jini Date: 03-20-2013, 05:09 AM Parent: #57
اجسام البغال واحلام العصافير بسطة في الطول والعرض وضمور في العقل والشعور جنى
Post: #59 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: ولياب Date: 03-20-2013, 06:06 AM Parent: #58
ya أستاذ كمال
سيد القهوة لمن يجيب لك القهوة بتشرب طوالي ما بتسألو ، القهوة دي حبشية ولا برازيلية ؟؟
Post: #60 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: عبدالمنعم الطيب حسن Date: 03-20-2013, 06:29 AM Parent: #59
Quote: اجسام البغال واحلام العصافير بسطة في الطول والعرض وضمور في العقل والشعور جنى
اجمل تعليق قراته في هذا المنتدى حول السيد عبدالرحمن المهدي ، ان للرجل ايد زي الطالوش وذكاء متوسط
........................
Post: #61 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: فايزودالقاضي Date: 03-20-2013, 03:49 PM Parent: #57
Quote: عقبال الاحتفال القادم في بيت أبوه..... اها مريم دى الوداها شنو !!!!!
محرمة لاخوها ..
Post: #62 Title: Re: عيد ميلاد سعيد!!!مساعد رئيس الجمهورية يحتفل بميلاده بالقصر الجمهور Author: Nagat Sid Ahmed Elshiekh Date: 03-20-2013, 08:11 PM Parent: #61
