|
|
|
 Re: الزول ده كعب (Re: محمد يوسف طه)
|
محمد البشرى الخضر
Quote: أها ..
متابعين يا هندسة
|
امير طمبل
Quote: اها أمير ان شاء الله ما يكون خزلهم
شوقتنا يا حبيب
|
محمد يوسف طه
حاضر
في الطريق
نصر- هسا ياجماعة قلتو لى الزول ده ما منو رجى ؟
عمر- والله يا نصر انا ما عيز احبطك ساي بس النتيجة معروفة: حا يقعد ينظر ليك – لجنة الاختيار وما ادراك ما لجنة الاختيار ، وانت امشي قدم وان شاء الله تتوفق والحنك العاضي ده !
صلاح- ياخي والله الزول ده غريب جدا - الناس دي كلها لمن تلقى طريقة بتخدم اهلا ، الا قريبك ده . عندك الفاضل ود شيخ النور.. الزول ده لمن مسكوهو المحلية شغل اولاد اهلو ديل كلهم حتى البُعاد ، والما شغلو صدق ليهو كشك في السوق
عمر- المحيرني الزول ده ليهو تقريبا حداشر سنه من ما بقى مدير في الكهرباء ولحدي هسا ما عمل ليهو أي حاجة - ما استفاد اصلو !
نصر- يا جماعة والله طممتو بطني عديل كده ، نرجع والا شنو ؟!
عمر- نرجع شنو بعد ما قربنا للبيت ! وده زمن مناسب بكون ياداب رجع من صلاة المغرب
التلاتة مافي واحد كان بيخطر في بالو انو المشوار ده حيتلغي في اخر لحظة بسبب مضحك وبايخ وغريب وحا يبقى ليهم من الذكريات التى لاتنسى  !
| |
  
|
|
|
|
|
|
|
|
Re: الزول ده كعب (Re: د.نجاة محمود)
|
بساطة اللغة واتساق اللغة مع الحكى اليومى العادى
حقنا
شكرا لك ايها الزول الكتاب والماسك اللعب من فوق
شكرا لهذه اللوحة التى تعنى انك زول شواف
حكاى
تانى شكرا
يازول ياسمح
| |
|
|
|
|
|
|
|
|
|
|
Re: الزول ده كعب (Re: Amin Tayson)
|
Quote: مرة في إتنين همباتة مسافرين ولم يصطادوا اي غزال او طائر وبعد ما جاهن الليل عملو ليهم
ملاح - ام شعيفة (ويكة + بصل+ ماء) قريب من ام رقيقه اها هن ناس حليب ولبن ماهن متعودين علي
الويكة وبالليل واحد فكالو ظرطة ماكنة اصبح الصباح شدو جمالهن واحد قعد يغني
صالج جاتو غداره ام شراراً طاير
ولفحت فوقو شُبَّال العريس الساير
ما بتكضب ام عشرة المن بعيد بتضاير
ناره الويكة بارودها الخمير الفاير
|
هههههههههههههههههههههههههههه
كااااااااااااااااااااك
مبالغه ياخي
| |
|
|
|
|
|
|
|
|
|
Re: الزول ده كعب (Re: رانيه محمد الشيخ)
|
قصة طريفة يا ايمن ومريرة فى نفس الوقت وهى تجسد حالنا وفهمنا لقييم الاشياء وبسطحية متناهية.
زى يجى واحد يقول ليك فلانه ديك ما كويسة بتاعت سواقين تقول ليهو كيف يقول ليك شفتها الاسبوع الفات واقفة ليها مع بتاع امجاد.
وبتاع الامجاد ده تلقاهو اخو صاحبته ولاجار ناس حبوبته ولا اى حاجه ماعنده علاقة بالفهم بتاعو.
| |
|
|
|
|
|
|
|
|
|
Re: الزول ده كعب (Re: الصادق عز الدين)
|
د.نجاة محمود
Quote: يو ميد ماي دي
شكرا ليك ياخي
استمر متابعين
مع التحية والاحترام
|
التحية والاحترام ليك يا دكتورة نجاة ،، وتستمر الحكاية
سلمى الشيخ سلامة
Quote: بساطة اللغة واتساق اللغة مع الحكى اليومى العادى
حقنا
شكرا لك ايها الزول الكتاب والماسك اللعب من فوق
شكرا لهذه اللوحة التى تعنى انك زول شواف
حكاى
تانى شكرا
يازول ياسمح
|
يا ستي ده كلو من ذوقك والله ،، قريت كلامك اكتر من مرة فخرا به
Omer osman
| Quote: لكن انت كويس شديد يا ايمن |
والله يا جنابو لو لحقناك ما بنكون عايزين أثر من كده
Amin Tayson
وضاح عبدالرحمن جابر
Quote: صالج جاتو غداره ام شراراً طاير
ولفحت فوقو شُبَّال العريس الساير
ما بتكضب ام عشرة المن بعيد بتضاير
ناره الويكة بارودها الخمير الفاير
|
ده اوسكار عديل وضاح
رانيه محمد الشيخ
| Quote: غايتو الزول دا ما كعب لانه ببساطه عندو ضمير وما شغال بالمحسوبيه الجابتنا ورا فى زمنا دا وخليت ناس فى مناصب هم ما مؤهلين ليها لا من بعيد ولا قريب |
كلام مظبوط
بدرالدين الطائف
Quote: قصة طريفة يا ايمن ومريرة فى نفس الوقت وهى تجسد حالنا وفهمنا لقييم الاشياء وبسطحية متناهية.
زى يجى واحد يقول ليك فلانه ديك ما كويسة بتاعت سواقين تقول ليهو كيف يقول ليك شفتها الاسبوع الفات واقفة ليها مع بتاع امجاد.
وبتاع الامجاد ده تلقاهو اخو صاحبته ولاجار ناس حبوبته ولا اى حاجه ماعنده علاقة بالفهم بتاعو. |
الصادق عز الدين
مشكور على المشاركة
| |
|
|
|
|
|
|
|
|
|
Re: الزول ده كعب (Re: أيمن محمود)
|
Quote: منى بصوت منخفض – ديل ياهم جايين التلاته سوا ... ده اخر كلام سمعوهو لمن قربو اكتر .... وسكتت
فجأة اتعمدت تضحك بصوت عالي عشان تسمعم – ها ها ها ها ها ها – قالو عضاكم كلـــــــب ؟!
|
والمثل الشعبي (أسعالك ###### لي النبيح وود أب نادم لي القبيح) دي زاتو بثك المباشر.!
ود أب نادم اي إبن ادم
هذا الحيوان العجيب ما ذكر الانسان الا وذكر معه وكل القصص بدأ من القرآن العظيم
مرورا بالشعر الجاهلي والفصيح عامة والشعر الدارجي وحتي الأمثال اكثرها عنه
واكثر الحيوان إلتصاقا رمزيا بالإنسان ايضا هذا الحيوان
شكرا ايمن محبتي
| |
|
|
|
|
|
|
|
|
|
Re: الزول ده كعب (Re: عبيد الطيب)
|
ايمن كيفك
الحكى مبسط وممتاز زى ما قال الشباب هنا
لكن خلينى ادلف الى موضوع البوست هل فعلا الزول ده كعب ام انه انسان دغرى
هل مطلوب منى فى حالة اكون موظف كبير اشغل اولاد اهلى او حتتى ؟؟؟
ام انه على الالتزام بالمهنية وتوجيههم الى لجنة الاختيار للخدمة رغم ما فيها من انحراف ؟؟
ام انه المطلوب منى ادخالهم فى معاينات مهنية منصفة مع غيرهم لاختيار الاصلح ؟؟
الاجابة على هذه الاسئلة ستوضح هل هذا الزل كعب ام لا!!
| |
|
|
|
|
|
|
|
|
|
Re: الزول ده كعب (Re: هشام كمال عبادي)
|
عبيد الطيب
Quote: والمثل الشعبي (أسعالك ###### لي النبيح وود أب نادم لي القبيح) دي زاتو بثك المباشر.!
ود أب نادم اي إبن ادم
هذا الحيوان العجيب ما ذكر الانسان الا وذكر معه وكل القصص بدأ من القرآن العظيم
مرورا بالشعر الجاهلي والفصيح عامة والشعر الدارجي وحتي الأمثال اكثرها عنه
واكثر الحيوان إلتصاقا رمزيا بالإنسان ايضا هذا الحيوان
شكرا ايمن محبتي |
شكرا ليك يا عبيد
أحمد ابن عوف
Quote: شكرا يا أيمن
وواصل ياخي، فاقدين لينا تحلية زي دي في المنبر |
حاضرين
عادل عبدالعزيز عبد الرحيم
Quote: ايمن كيفك
الحكى مبسط وممتاز زى ما قال الشباب هنا
لكن خلينى ادلف الى موضوع البوست هل فعلا الزول ده كعب ام انه انسان دغرى
هل مطلوب منى فى حالة اكون موظف كبير اشغل اولاد اهلى او حتتى ؟؟؟
ام انه على الالتزام بالمهنية وتوجيههم الى لجنة الاختيار للخدمة رغم ما فيها من انحراف ؟؟
ام انه المطلوب منى ادخالهم فى معاينات مهنية منصفة مع غيرهم لاختيار الاصلح ؟؟
الاجابة على هذه الاسئلة ستوضح هل هذا الزل كعب ام لا!! |
فعلا الاجابة على هذه الاسئلة ستوضح هل هذا الزل كعب ام لا!!
هشام كمال عبادي
Quote: ياخي مبالغة ..
سرد جميل يا هندسة ..
بالله ورينا الشمار ده وصل كيف هههههه ..
متابعين .. |
ده شمار تقيل !
اُسعدت كثيرا بان ماسبق من ما قد كتبت نال اعجبكم ،،، سعيد بيكم والله
| |
|
|
|
|
|
|
|
|
|
Re: الزول ده كعب (Re: أيمن محمود)
|
الحقيقة دي أول مرة في حياتي اكتب لى حاجة على شكل قصة - رغم أنو ياما حكيت للاطفال قصص بث مباشر وكانت بالنسبة ليهم على ما أعتقد قمة المتعة وبعذبوني عذاب باني احكي ليهم قصص !!
* الحقيقة هذا الخيط كان بث مباشر على باندويدث سودانيزاونلاين ، كتب بدون تنقيح او مراجعة تذكر
والغرض من البوست هو مناقشة اشكالية المفاهيم المغلوطة في المجتمع السوداني ، وخصوصا مفاهيم متعلميه وجهلائه لإستغلال الوظيفة العامة والحد بين الفساد الاداري والمالى ومفهوم الاقربون اولى بالمعروف !
| |
|
|
|
|
|
|
|
|
|
Re: الزول ده كعب (Re: أيمن محمود)
|
امين يا سمح
الواحد من شدة ما اتخيل الموقف، كأنه كان ماشي معاهم
| Quote: إستمر كل شويتين ينفض فيهو وكانو عايز ينفض الهجمة الاتهجمها اكتر من انو ينفض الطين ! |
ده اكتر تعبير عجبني شديد
شكرا ياخي
| |
|
|
|
|
|
|
|
|
|
Re: الزول ده كعب (Re: الشفيع وراق عبد الرحمن)
|
Quote: امين يا سمح
الواحد من شدة ما اتخيل الموقف، كأنه كان ماشي معاهم
Quote: إستمر كل شويتين ينفض فيهو وكانو عايز ينفض الهجمة الاتهجمها اكتر من انو ينفض الطين !
ده اكتر تعبير عجبني شديد
شكرا ياخي |
شكرا يا الشفيع على الاطراء ،،،
لقد ازدادت سحابتي وزناً 
| |
|
|
|
|
|
|
|
|
|
Re: الزول ده كعب (Re: أيمن محمود)
|
زي كل يوم - سليمان ود فضُل بتاع الفحم و بعد ما صحى من النوم ؛ مارس روتينو الإعتيادي
اتساوك واخد ليهو حمام سريع ولبس هدوم مرقة كأنو طالع مشوار مهم ؛ لكن في الحقيقة مشوارو في الغالب ما بتعدى نيمة الشارع أو سوق العناقريب لى صاحبو مصطفى كَجَم ؛ بمشى ليهو كل ما يكون عايز يشترى جريدة رياضية أو سعوط !
سليمان ليهو تلاتة سنه في الحال ده ؛ من ما إمتحن آخر مره الشهادة وما جاب مجموع كويس ؛ بقى قاعد في البيت.
(السنة الجاية ناوي أعيد أو شفت لى طريقة إتخارجت مشيت الخرطوم) ده كان جوابو لي أي زول يسألو انت ناوي تعمل شنو؟
أخوهو بريمة خلا المدرسة من تامنه وإشتغل مع أبوهو في الفحم ؛ كان بقوم من دُغُش يشد الكارو ويشرّب الحمار ويتم باقي اليوم مع أبوهو بين الكماين وزريبة الفحم ،،، إستمر على الحال ده قريب أربعة سنين ونص لحدي ما هسا عمل ليهو كارو براهو- وكمان بقول داير يعرس and#61514;
أخوهم الكبير موسي ليهو قريب طلطاشر سنه في ليبيا وما قاعد يتصل وأخبارو متقطعة – حتى وفاة امو ما جابتو! ،، إلا الجو من هناك كلهم بقولو كويس!
عندهم اخت واحدة اتزوجت واتطلقت وقاعده معاهم في البيت هي وعندها بت وولد أكبر من البت يادوب الولد السنة دي دخلوهو المدرسة.
.... رغم أنو اليوم ده الشمس مولعة من الصباح وهو عادة ما بحب يطلع في الحر الشديد إلا انو قرر يمشي على السوق لأنو ليهو يومين ما عدى نيمة الشارع !
وهو ماشي على السوق لاحظ إنو الحركة في الشارع ما زي كل يوم لكن ما اهتم للموضوع واستمر في مشيهو لسوق العناقريب لحدي ما سمع صوت من وراء بكورك: سليماان ،،، سليماان
اتلفت يشوف البناديهو ده منو – اتاريهو ده بكري ود خالتو
سليمان - اوووه عمر
عمر - كيف يا سليمان ماشي وين ؟
سليمان - ماشي سوق العناقريب
عمر- يازول انت ما عرفته – قالو في كشة بتاعة الزامية حايمة
سليمان - كشة شنو بالبجيبها هنا ؟ الكشة في الخرطوم بس !
عمر- والله قالو من الصباح حايمة وقبضو ناس كتار
سليمان - اتا القال ليك منو ؟
عمر- مريم جارتنا كلمت امي وقالت شافتم في السوق
قبال ما تشكيك سليمان في الالزامية ينتهي كان الدفار قطع الشك باليقين - ثواني عداها سليمان في خلعة من الغبار الكابس ،،، لمن فاق منها كان عمر اختفى ورجلينو قدر ما لكلكن ابن يتحركن !
بطاقتك يازول
| |
|
|
|
|
|
|
|
|
|
Re: الزول ده كعب (Re: أيمن محمود)
|
زي البساتم
ما شاء الله ، واحدة طالعة وواحدة نازلة ؛ واحدة نازلة والتانية طالعة ؛ توب الربط يااا الله تامي ! يتزلق بيجاجي وبيجاي ، وهي تشيل وتصلح في ، صوت شبشبا مطقم مع البساتم ، طق .. طق ،،، طق .. طق
عم حسين فقد الزُمام – كل عين بارتلها بستم ! عين طالعة وعين نازلة .... والعينين طايرات!
والخشيم ماشي وين ؟- اللهُ اعلم؟!
- ده شنو ياشايب يا عايب ؛ امورك دي اصلو ما بتخلها ؟!!
بسم الله - لاحول ولاقوة الا بالله - في شنو يا مرا ؟
- في شنو ؟!!! الباقي لى تقوم وراها عديل !! ،،،، الا قول لي وينو الحيل البشيل؟! – بارك الله في العكاز
هاي يا بنات امي !الليلة عاد وين نودي وشي انا من نسوان الحلة ديل؟! كل يوم جارى كرسيك ...لا مريح كبيرة لا صغيرة ،، استغفر الله!
عم حسين - ياولية مالك ؟ ..... مالك ؟ ......وكت خلينا ليكي البيت جوه – جايا لاحقانا في شارع الله ده؟!
هاي ياراجل هوي – البتسوي فيهو ده عيب - عيب والله – شوف القدرك بسوو متل البتسوي فيهو ده ؟!
عم حسين - استغفرو الله – سوينا شنو هسا ؟ في الشارع ده ما نقعد ؟!
- هوي ياراجل! ... شوفلك شغله اقضاها – اخير من قعاد الشارع ده
- النريحك الشارع ده ذاتو خليتو ليك - ما شي على عوض الكريم – النرتاح منك شويه
- عوض هو كمان مازيك كدي – من المسكينة الله رحما ... جر كرسيهو ...التقول ما صدق ،،، والله انتو الرجال ديل ما عندكم عشرة ، عليك الله شايب زي ده البودي يكوس للعرس تاني شنو ؟!
عم حسين - عرس ؟! عرس شنو؟! هو قال دار يعرس ؟!
- انت ما حدثوك ؟! قالو بقول داير حليمة – حليمة طليقة مختار! ... عليك الله شوف الراجل الما بخجل ده !!
عم حسين - هوي ياوليه هوي الكلام ده جيبتي من وين ؟! عوض ده اول البارحه كنت معاو – ما جاب لى سيره !
- هاي يا الغبيان الحلة كلها عارفه - امكن شان صدتو!
عم حسين – صدتو ؟!! وصدتو في شان شنو؟
- قالت كبير!
- هي هي ، والله يا عوض تراك طلعت ماك هين ! – عليك الله شوف المرة دي – وكت لقتلها راجل يسترها – تقوم ترفض ؟! - وكُبرو شنو عوض ده ؟! ما هو قدرنا كدي؟!!!
| |
|
|
|
|
|
|
|
| |
أيمن محمود
محمد البشرى الخضر
امير طمبل
محمد يوسف طه
سلمى الشيخ سلامة
عبيد الطيب
omer osman
Amin Tayson
وضاح عبدالرحمن جابر
بدرالدين الطائف
أحمد ابن عوف
عادل عبدالعزيز عبد الرحيم
هشام كمال عبادي
الشفيع وراق عبد الرحمن
محمد كابيلا
فيس بوك
تويتر
انستقرام
يوتيوب
بنتيريست