* الكلام القروش، بتريح الزول في حنانو. * عربية ليها جضوم على أقل تقدير كافية لي جري المجاملات. * والعمة الكبيرة أهم شي، لزوم الفرجخة وكدة. * أي معضلة بنحلها، نطلع شهادات الخبرة والشغل الراسو عديل بنجيبو، يعني تعال ملط بنلبسك، والكاش ما ضروري، استقلال امتيازات. * البيت ما مهم بلقا لي فرقة أدفس بها حِميْري مع الغنامة، شقق الجيش قاعدة. * الوليدات جوازاتن بكتب فيها "ولد كوووز" والمو عاجبو يحلق حواجبو. * والمدارس هِـيّة هِـيّة، صفوة الصفوة زاتو والمدير ما يقول بـِغـِمْ، بجيب ليهن كولرات. * وأول مرة تحصل العيال يشيلو سكاكين مع سندوتشاتن، ويقدرو الله واحد يقل أدبو، يمدولك السكين تشمها، وشيلو راس نخرتك، مش ولاد كوز؟ العارفو منو منتسب جديد؟ * ما داير لي منصب يدرعوني الغلابة ويمسكوني من اللقيط جاي جاي. * كم عربية مظللة، مي فشخرة ،نظام تخفي من ناس ياخي بتعرف فلان بتاع الأراضي وأضرب لينا لي الزول دا نحنا قدام مكتبو. * لامن تقوم كاعة بسافر البلد، وديتلي تيراب العارف منو. ببعد رقبتي كم يوم، مالي ومال المشاكل، أنا قبيييييل قلبتها. * كل فترة بفك الدعاية (بقرتنا الفي البلد ماتت)، تجيني عشرين بقرة. * وأي نتيجة اختبار في المدرسة بكلمن بيها، الخرفان تطاقش، بسوي لي زريبة مخصوص، بعد فترة بكون عندي ألف رأس في الخلاء، ما بمشي طبعاً بقعد ألقط تاني.
11-28-2012, 01:42 PM
فرح الطاهر ابو روضة
فرح الطاهر ابو روضة
تاريخ التسجيل: 10-22-2012
مجموع المشاركات: 11112
يا زول هم ناسه الايام دي كايسيين ليهم طريقة ملصة انت عايز تجي داخل وبعد شنو حتى لو انت كنت قاصد هجرة لما هجرة اليه قاصداً سجرة بني كوز وحاتك ما تلقى شي بتلهف الجماعة زمان لهفت وكدست وخزنت والبلد بقت ما فيها الفرطاقة
وفي وصية الوصية لما تابع لبنت لبنت اوعك تديها الطير هههههههههههههه
Quote: يا زول هم ناسه الايام دي كايسيين ليهم طريقة ملصة انت عايز تجي داخل وبعد شنو حتى لو انت كنت قاصد هجرة لما هجرة اليه قاصداً سجرة بني كوز وحاتك ما تلقى شي بتلهف الجماعة زمان لهفت وكدست وخزنت والبلد بقت ما فيها الفرطاقة
وفي وصية الوصية لما تابع لبنت لبنت اوعك تديها الطير هههههههههههههه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة