|
Re: الآتية أسماؤهم: ماتجوا نتصافى وننسى الخصام ثم نختلف ماشئنا!! (Re: Balla Musa)
|
الاخ بلة موسي، سلام من الله عليك ورحمة منه وبركات، اخي الكريم، لقد حدث بعض التخاشن معي والسخرية مني من جانبك في بوست عن الشيخ العريفي من غير مبرر، وكانت هذه اولى مداخلاتي معك، وقد كانت مفاجأة بالنسبة لي.
لقد اخطأت انا في حقك وذلك بخلط اسمك مع شخص آخر استخدم الفاظ عنصرية مع احد اعضاء البورد. لكني اعتذرت لك في التوء، في الوقت الذي اصررت انت علي مداخلتك التي اعتبرها مسيئة حسب تقديري وتقدير بعض الاخوة المتداخلون في ذات البوست، قد تكون احسنت فيها النية ولكن خانك التعبير.
عموما عفا الله عما سلف ومبادرتك مقبولة، وارجو ان نتداخل في بوستات اخري مفيده نتفق فيها ونختلف بكل ادب واحترام لبعضنا البعض من غير جديّع بالحجار ولك الشكر
عثمان دُنقس
| |
|
|
|
|
|
|
Re: الآتية أسماؤهم: ماتجوا نتصافى وننسى الخصام ثم نختلف ماشئنا!! (Re: Balla Musa)
|
ياحنين
مرة كدا عملت ليك مقص
عملت كوتيشن لمداخلتك بتقول فيما معناه انو البتلحك حاتعمل شنو كدا فيه
أنا علقت قلت دى سرقة قلة أدبية
وكنت قاصد أختها مقابل سرقة أدبية
وقلت قلة أدبية لأنك إنت مازول مشاكل ولا مساخات فى المنبر
بعديها شفتك ماعلقت قلت حنين دا شكلو زعل قرررربت أرسل ليك رسالة خاصة فى المسنجر
ياحنين ياخى دى عشرة هنداوية بجوار عبد الله هاشم ما اظنها تترك مجال لسوء الفهم!!
| |
|
|
|
|
|
|
Re: الآتية أسماؤهم: ماتجوا نتصافى وننسى الخصام ثم نختلف ماشئنا!! (Re: Shams eldin Alsanosi)
|
Quote: ليه كده يا دينق ؟ يعني تاني ما نشوفك ترش لينا د بله؟ ياخ معقولة تقع في شرك الزول ده بسهولة كده |
شفت المداخلة يا الصادق ضرار
قلت أقول ليك: لاضرر ولاضرار قلت يقوم الراجل يفهمنا غلط ويقول كدا ول كدا.. قلت أحسن أقول: لا وانت الصادق.. قلت أوبس يقوم يقول بلة لم يفهم هظارى..
وأنا بضع النقط فوق الحروف أعلاه فجأة تذكرت أن الفلتر بتاعى اشتغل كويس
فقلت ماذا يعمل الصادق مع المحجوب*
*يا الصادق الحجاب فى الفلاتر!!
تسلم ياحاقد
| |
|
|
|
|
|
|
Re: الآتية أسماؤهم: ماتجوا نتصافى وننسى الخصام ثم نختلف ماشئنا!! (Re: احمد التجانى احمد)
|
إخواني الأعزاء يعلم الله وحده قيمة وروعة هذه المبادرة وما خلقته في داخلي من أحاسيس ...... وما أروع تلقائية مداخلات الإخوان المعنيين بالمبادرة الطيبة .... ودا فعلا ذي ما ذكر أبراهيم قناوي ... دا السودان وياهو دا السودان .... ودي طباع السودانيين المميزة جداً ..
أحبائي أعرفكم ومن زمن ومن خلال كتاباتكم وآرائكم والتي أحرص علي متابعتها ....
ويشرفني جداً انضمامي حديثاً لمنبركم العامر ....
ومثل هذه المبادرة وتجاوبكم الطبيعي والعفوي معها أكبرتكم جميعا في نظري وذادت من فخري بشرف الانتساب والانضمام لمجموعتكم الطيبة ......
وذي ما قال دينق العفو والعافية وخلونا نمشي مع بعض لقدام
| |
|
|
|
|
|
|
Re: الآتية أسماؤهم: ماتجوا نتصافى وننسى الخصام ثم نختلف ماشئنا!! (Re: الطيب شيقوق)
|
يا دكتور بله ازيك يا خوي
لامن تتصافوا تاني نحن نقرأ شنو؟ ياخ ألذ ما في المنبر دا المشاكل والنجر...كل زول ينجر في التاني من خلف كي بورد...والتاني يجي يفش غبينتو ايضا من خلف نفس الكي بورد من مكان مختلف...وكل زول يجيه إحتياطي...وواحدين يمدوهم بدفاع شعبي ...من دون الاتنين ما يطلبوا المدد...هسي دي اسرائيل ذات نفسها بتقدر تسويها...؟؟ الناس تتعارك تتعارك والخواتيم معروفة (صلح الحديبية) هسي ما كانوا بعاركوا في الجنوب دا خمسين سنة...وابوقردة اصبح وزير صحة (وطيب)
بالامارة محمد عبيد الصايم دا بي فصاحتو وطربدتو دي كان لاقا دكتورة بيان طوالي حا ينقلب ود الصايم وينكر عبيد دي حطب...ويجر الشيشة زي الما حصل حاجة...
خليكم...شوية
| |
|
|
|
|
|
|
Re: الآتية أسماؤهم: ماتجوا نتصافى وننسى الخصام ثم نختلف ماشئنا!! (Re: Dr. Moiz Bakhiet)
|
محجوب على تحياتى
ود بادى العكودابى الجميل حدث مصادفة أنك أضفت عمل من ود بادى فى بوست سابق لى..
تعرف يامحجوب خليتنى أشك أنك مننا ( العساكر)
زمان فى الكلية كان من يعتقد أننى أشبه ودبادى.. وكنت بعين نفسى أنفى ذلك متوكأ على مقولة: القرد فى عين نفسو غزال!!
ود بادى يشعر نثرا كما ينثر شعرا وزول بذرتو مزروعة فى الجروف الندية..
له ولك التحية والمحبة والتقدير.
| |
|
|
|
|
|
|
|