|
Re: Adrob abubakr!!! (Re: Abdel Aati)
|
شكرا لك حبيبنا جني المجنن الجن ذاته.... والله أعدتني إلي أيام الصراعات الجميلة وأيام أخونا الغائب بشاشا الله يطراه بالخير والأخوات تراجي وآمنة مختار ودومة ودكتورة نجاة والدكتور خالد كودة.... صدقني الواحد إكتشف أنه الصراعات الفكرية مفيدا جدا, وهي أكثر الحالات التي يكون فيها الذهن متقدا أو كما كان يسميها أخونا بشاشا عملية عسف ذهني.....
والله أنا مستغرب جدا من صاحب البورد بكري أبوبكر, لا أدري لأي هدف يعمل... كيف يجمد عضوية ناس مهمين من حيث الكتابة والفكر والنشاط أمثال وردة مردة وبشاشا وتراجي وآمنة مختار هؤلاء أعطوا المنبر شهرته وتركوا بصمات واضحة فيه, بل ربما بدونهم تحس هناك جمود والمواضيع المطروحة هائفة والنقاشات باردة إن كان هدفه إقتصادي فأمثال هؤلاء هم يعطوا البورد قيمته وشهرته وحيويته... وإن كان غاياته فكرية فهؤلاء يمثلون قامات ولديهم المبادرة في طرح الأفكار الجريئة دون مواربة وإن كان هدفه سياسي فإهتمامتهم سياسية بالدرجة الأولي ويمثلون التيار الآخر, حيث لا معني لوجود لون واحد أو معارضة معتدلة كما يقال غايته خسارة!
الشكر أيضا موصول يا الأخ جني عبرك... للأخ والكاتب الكبير عادل عبد العاطي إنت راجل يا عادل موهوب في الكتابة, لكن يبدو أنك لسة ما رسيت علي بر.... لو ما وصلت لقرار, الأفكار الكتيرة بتجهجهك وعمرك ما حتكون مرتاح بالطريقة ده أنا ما أدعوك للنفاق.... ولكن تعجبني صراحتك وتعلنها إلحاد علي المكشوف, رغم أنك طارح نفسك كسياسي وزعيم حزب سوداني
يمكن ده إنتحار سياسي!
| |
|
|
|
|
|
|
Re: Adrob abubakr!!! (Re: الصادق اسماعيل)
|
شكرا لك الأستاذ الصادق إسماعيل إنت من أبناء الهامش المهمين جدا ومن الذين ناضلوا بالكلمة والسلاح... بلا شك كان ليكم فضل المبادرة في مؤتمر الطلاب المستقلين وكذلك إسهامات أبكر آدم إسماعيل خاصة جدلية المركز والهامش
حقيقة كنت متابع حواراتك إنت والأخ بشاشا.... كانت معركة في رأي من غير معترك, أو بالأصح مع الخصم الخطأ الإختلاف بينكم إختلاف مقدار, إنتوا بتعاينوا للناس في أفكارهم, وبشاشا يفرزهم بعقليتهم
عشان كدة ما وجدتم غضاضة في الإنضمام لقوات التحالف كحزب يتزعمه جلابي لا يشق له غبار
كان ممكن تبرر بأنها السياسة وألاعيبها... ولكن أن يكون تحالف إسترتيجي فهذا وقوع في المصيدة وإنتحار بلا شك
| |
|
|
|
|
|
|
Re: Adrob abubakr!!! (Re: Abdel Aati)
|
أووه ... عزيزنا أدروب أبوبكر .. ألف مرحب بعودتك ....
و
Quote:
نتمنى عودة الفارسات آمنة مختار وتراجي مصطفى والصديق الللدود كمال بشاشه ؛ فالمنبر يحتاج لأقلامهم ..
|
مع تحياتي للأخ جني
| |
|
|
|
|
|
|
Re: Adrob abubakr!!! (Re: حيدر حسن ميرغني)
|
شكرا يا اخ جني، والف مرحب بعودة الاخ ادروب ابوبكر.. نرجو من بكري يرفع الحظر عن بشاشا وآمنة وتراجي ويعجل بعودتهم للبورد.
البورد فقد بريقه المعروف في الآونة الاخيرة وبقي طارد بمعني الكلمة، صار اشبه كمواقع الدردشة الاجتماعية علي النت. معظم مواضيع المنبر التي تظهر في صفحاتها الاولي عبارة عن ونسات مشاطات! هذا مع احترامنا لكتابها وقرائهم.
| |
|
|
|
|
|
|
Re: Adrob abubakr!!! (Re: الشامي الحبر عبدالوهاب)
|
Quote: مرحب بك اخ ادروب بابكر وبعودتك الميمونة وان لم نتعرف علي بعض من قبل الا ان الاسطر القليلة في هذا البوست تضعني امام قلم جدير بالاحترام وشكراً للاخ جني الذي يعرف معادن الرجال |
_________ الحليلة
| |
|
|
|
|
|
|
Re: Adrob abubakr!!! (Re: تاج الدين عبدالله آدم)
|
مرحب بعودتك ادروب ابوبكر المنبر فقد بريقه بغيابكم تراجي عزاز شامي آمنة بنت مختار دومه بشاشا
بصراحة مرات بقول البورد بقى جلابي خالص حيث لا تجد قضية للهامش في الصفحة الاولى . نتمنى عودة الجميع .
| |
|
|
|
|
|
|
Re: Adrob abubakr!!! (Re: هاشم نوريت)
|
الاخ هاشم نوريت ألف شكر سمعت قالوا غيرت الطريقة وخليت السلفية حلفاء الكيزان ده تطور كبير جداو ويقرب شديد المسافة بينك وبشاشا علي ما أعتقد
| |
|
|
|
|
|
|
Re: Adrob abubakr!!! (Re: Mohamed Suleiman)
|
المناضل الصنديد محمد سليمان الواحد حس نفسه في حوش بكري كأنه غريب بس البركة بقيتو ولمان شفناكم إرتحنا... بكري خلاها صقيعة ناشفة...
لمان شفتك بغادي في بوستك بتاي جمال الطبيعة قلت يا رب أضحك ولا أهنئه...عرفت لكن سياسة بكري نجحت في ترويضنا ما أخفي عليك بقي الواحد يعمل حسابه في الكلمات التي يكتبها... لكن ما أظن ده بيستمر طوالي, لأنه نحن ما نعرف نمسك العصا من النصف, والطاقات ما بتتفجر بدون حرية وإلا تبقي الحكاية كلها تطييب خاطر ومجاملات أهذا ما يريده بكري؟
ولهذا أتمني من الأخ بكري أن يعتمد معيار الاخ بشاشا في التفرقة بين الحقيقة والسب أو الشتم ومفاده أن قولك للأعور أعور في سياق موضوعي ليس بسب ولا شتم, ولكن يعتبر كذلك متي ما عجز المرء عن إثبات التهمة أعتقد هذا تعريف قانوني للشتم.
| |
|
|
|
|
|
|
Re: Adrob abubakr!!! (Re: Elawad)
|
ادروب دبايوا ياخي وكل سنه وانت بخير والله سعيد جداً بتشريفك البورد مرة تانية رغم أني دي اول مرة تتداخل معاك لحداثتي في البورد بس متابعك انت والأخوة بشاشا ومحمد سليمان ودينق والأخوات تراجي وآمنة مختار وما تبذلونه من جهد في الدفاع عن أهلنا في الهامش اتمني عودتهم جميعا لانو مكانكم شاغر حقيقة ً تقبل سلام الوالد د.علي أبوعلي شيك صبري فهو من المتابعين لك أخوك امين علي ديم مدينه - بورتسودان
| |
|
|
|
|
|
|
Re: Adrob abubakr!!! (Re: Adrob abubakr)
|
مرحب بالأخ أدروب .. ونرحب بعودته
وأتمنى أن يشمل العفو ول أبا عبد الرازق الطالب .. قلم أيضاً أفتقدناه
يا زول أنت من زمن ناس بشاشا .. مشروعنا العربى كسح وأقعنوا به الجميع .. فضل لينا رشاشات بسيطة ونحن دافنين ليهم كراع.
بريمة
| |
|
|
|
|
|
|
Re: Adrob abubakr!!! (Re: بريمة محمد)
|
الحبيب ود أبا بريمة شكرا علي طلتك وعلي ترحابك والله مشتاقين.... وأنادي معك بأعلي صوتي بعودة الصديق الظريف جدا عبد الرازق والله إفتقدته أيضا معك....يا سلام
شايفك بغادي وصلت لغايت ما ألف كتاب في مشروعك العربي... تأكد برضو ما حنخليكم نبقي في رقبتكم لغاية لغاية تعود أنت بالذات إلي قواعدك
والله ما مطمئن علي مستقبل البلد, الجماعة ديل خلاص خربوها وأصابتهم اللعنة بسبب مشروعهم العروبي الضيع البلد وحيضيعها أكتر كمان
| |
|
|
|
|
|
|
|