|
|
 حبيب نورة .. يا ود يا طاقة حروف .. أديني مترين من غنا
|
يا ود يا طاقة حروف ..
أديني مترين من غنا
قسمني للجُهَّال أمان ..
وللبنيات بالعديل
فستان حرير ..
مشغول مطرز بالفرح
أطرافو بالبهجة بتزغرد وتنتشي
وزعني لي كل البيوت
منديل عشم ..
لكل خالة وكل أم
لفلفني في الراس زي عمم
هامات فخار .. جود وكرم
ما انسد بابهم في الوشي
غطيني بالسمحة أم عجن
طرحة حيا وكم توب خجل
او قرمصيص .. ساعة رقيص
اتنادوا اتلموا الاهل
"عريسنا ورد البحر..
وقطع جرايد النخل"
جاييك مجرتق بالوفا
جاييك بتوب العز قدل
بالريحة قومي ورشرشي
يا ود غنا ..
وترا يدندن في الخيال
لملم خيوط حرفك تعال
نورا كاسيها الدلال
راجياك تطل زي الهلال
يضوي ليلاتنا ف عشي
|
|
  
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: نهلة محكر)
|
Quote: يا ود يا طاقة حروف ..
أديني مترين من غنا
قسمني للجُهَّال أمان ..
وللبنيات بالعديل
فستان حرير ..
مشغول مطرز بالفرح
أطرافو بالبهجة بتزغرد وتنتشي
وزعني لي كل البيوت
منديل عشم ..
لكل خالة وكل أم
لفلفني في الراس زي عمم
هامات فخار .. جود وكرم
ما انسد بابهم في الوشي
غطيني بالسمحة أم عجن
طرحة حيا وكم توب خجل
او قرمصيص .. ساعة رقيص
اتنادوا اتلموا الاهل
"عريسنا ورد البحر..
وقطع جرايد النخل"
جاييك مجرتق بالوفا
جاييك بتوب العز قدل
بالريحة قومي ورشرشي
يا ود غنا ..
وترا يدندن في الخيال
لملم خيوط حرفك تعال
نورا كاسيها الدلال
راجياك تطل زي الهلال
يضوي ليلاتنا ف عشي |
| Quote: حبيب نورة .. يا ود يا طاقة حروف .. أديني مترين من غنا |
عشان تقومى تكسيه لى جنى الجنا!
يا سلام على الكلم الجميل الذى يتحكر فى الوجدان لينهل منه الكل جمالا والقا!
جنى
| |
|
|
|
|
|
|
|
|
 Re: حبيب نورة .. يا ود يا طاقة حروف .. أديني مترين من غنا (Re: حبيب نورة)
|
نهلة ...
وحاة الصباح البِكوس في شموسك
وحياة غلاوتك
و إنهُ قسمٌ لو تعلمون عظيم !
حسيتني و أنا بقراك من الشمال للحنين !
بي نفس مزاج
سبلوقة عذراء خرمانة لي مطرة ...
راجية السما يعلن زفافوا علي السنابل
عايز أنهل من غمامك كلمة
تفضح صمّة خشمي قدام سلطان حروفك !
و إنتي يا ست العرايس
جاييكي بي قولة خير
وسيرة قصايد
و للنخلة التذغرد بي جريدا!
خاتم جنيه ....
حق أم العروس !
مِدِّي علي سبيطك
تمرة تمرة ....
ياني جاييك بالشعاع
شمسين و قمرة ....
يا نهلة الزمن المطر !
فيني عطشانة الحروف
قاصد أشرب سلسبيلك....
ماني كايس إلا نيلك .....
برجع ليك أكتر ضفاف !!!
| |
|
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: حبيب نورة)
|
يا أنا ....
لم أتفاجأ و أنتِ تكتبيني
ولكن بهرتني القرائة الأولي التي لم أصحو بعد
من سكرتها !
أحتاجُ إلي فنجالِ قهوة و دمائي
لكي أعيد إلي قلمي جنونه
فقد سئمتُ الحروف التي يطالبونها بشهادةِ حسنِ سيرٍ وسلوك!
ولكنها ضريبةُ إنتمائي
تعلنُ توطّني فيكِ
فأنا أحمل فيما يبدو جنسيتك
وشهادة ميلادي موقّعة بحبرِ شرايينك
ولا أملك سيدتي
إلا أن أجعلكِ العاصمة!
التي أوقّع فيها كل أوراقي الثبوتية
و أستعيد من مدنيّتها ذاكرة كلماتي
كنت أود أن أحدثكِ عن الكثير
ولكني سأكتفي ببعضِ حرف
علّني أهتدي لما تبقّي من لغتي
لأبتديك .........!
| |
|
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: حامد محمد حامد)
|
Quote: مافي طريقة لي (طاقة) كاملة نفرشها في ارض المليون ميل
وتكسينا كلنا
اجمل توب
عشان العيد قرررررب
تسلمي يا نهلة |
طاقة بس !!!
كل النسيج المن قبل
ولي باكر الجاي وبعيد
طاقات حروف وتياب كلام
مفرودة مفروشة بفخار
شوف النخيل الفي الشمال
لابس تمور العزة شال
لالوبة في الغرب الحبيب
متلفحة الحنية توب
طيبة وأصل سمحة خصال
أبنوسة تقدل في الجنوب
"باللاوو" ماد الفرع مال
التاكا في كتيفو الأنيق
راميها ملفحة الكمال
مليون مربع من حرير
منسوجة بالعز والوفا
عيدية خالصة يا جمال :)
| |
|
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: نهلة محكر)
|
Quote: والليله يا حبيب نورة
البت الكتابة كتبتك
ابسط ياعم
حبيب نورة ونهلة والمداخلين
اردبين شوق وخمسة قفاف سلام
(وجه قاعد يكتب من البلد )
خالص الود |
الزول "الكتاب" بيناوي
الود ياسين دة معطون في موية إبداع مجنون
وقدر ما امد متر الحروف شان اقيس ابداعو
بلقى المتر قصر ..
تسلم يا صديق على المرور
وليك مننا مليون محبة واحترام
وفي انتظار البلح من البلد
| |
|
|
|
|
|
|
|
|
 Re: حبيب نورة .. يا ود يا طاقة حروف .. أديني مترين من غنا (Re: حامد محمد حامد)
|
Quote: يا جماعة انا بغييييييير وقلتها قبال كدة
قف... سوف اسعى بكل ما لدى من علاقات داخل وخارج مصر فى ابعاد المدعو حبيب نورة من مصر المؤمنة
ياخى دة بقى جاذب لكل طاقات الحروف والغناوكل ما غلا ثمنه
نهلة لك التحايا النواضر
وشكرن........ بس ما حقت حبيب نورة |
حامد يا عسللي
ياخ أول حاجة قريبك المصوراتي دة
متلوم في حقي
عاملة لي ندوات
وحوامة
وربنا غايتو يستر عليه
من ديك سمك قدروة يبقي لي بي أمر قبض
وعبدة النتن لي يوم الليلة ما شفتوا
الجماعة هارييني بي فول سعد الحرامي
قلت ليهم كنتاكي دة مالوا عيبوا شنو ؟؟
| |
|
|
|
|
|
|
|
|
 Re: حبيب نورة .. يا ود يا طاقة حروف .. أديني مترين من غنا (Re: حبيب نورة)
|
من بعض أوراقي التي أشتهي أن أكتبها
هطولٌ يعنيها
فيا مسبحتي التي أجرد من حروفها الأربعة
(نهلة)ألفيّة أورادي !
تلك التي أنا منها كحزمة عبير
وهي مني كمحرقة صندل .....
كلما أشتعلت جذوتها تعطّر العالم !
وربّ حروفٍ كانت كالكلمات
تفضحُ ما تفعلهُ اللغات
صائتها و الصامت !
فيا أنثي الصندل
أحتاجُ أن أحجكِ بطريقةٍ تخصني
و أحتاجُ أكثر أن أحتكر هذه الفريضة
فعفواً إذا شوقاً إليكِ بدأتُ الطواف !......
فهذه الدواخل النقيّة
يجبُّ عليّ تقديسها
ورفعها إلي عِليين هامتي
التي تنحنِي إحتراماً ..........
وتلقي ما علق بها من قُبُعاتٍ زائفة
وكل العمائم ...
يكفيني شرفاً
أن كنتِ تاجَ إفتخاري .....
شكرن كتيرن!
| |
|
|
|
|
|
|
|
|
 Re: حبيب نورة .. يا ود يا طاقة حروف .. أديني مترين من غنا (Re: حبيب نورة)
|
شايفك راكبة عجلة دماي
وراكبة سدَّاري .. تكون عايزة توصلي غرفة عمليات قلبي الهناك
واللا دي عملية نقل حلم مستعجلة!
وأنا المرارتي فقعتها زايدة سكة الوعد البِطِش !
وزي ما تقول
يمكن عايزة تنظمي حركة المرور في شريان وجعي
يا ربي تكوني خايفة من تصادم نجمة شوق ضوّاية
مع كروية دم عاشقة
في منطقة تماس حدود الشهقة
دي النص الكلام ؟؟؟
يوجد قولون عصبي
والدورة الدموية الشافعة
وصلت مربع الأحلام الذهبي!!
يعني ما خايفة من ضربة حرة مباشرة
ترجعك سنترليق الصعود لي دماي !!!
....
!!!!!
أوزون اللحظة
مخروم
محروم
بجدع فينا بي مخلفات الشوق الكضاب
حالة تسمُّم أنساني فظيع جوة الدواخل المنسية من طيبة الخاطر
يوم باكر ..!
أصبح سكة
تودي الفات
تجيب الفات والمات
سنينا الجات
رويانة مغايس شبعانة تدافر في المأساة!!
...
خاطرة بت لذينة
أدتني ضحكة زيف
مدت لي قدّوم كضاب
شحدت علي ضل الغيمة مطر
صبّت في عيني الصحرة خريف
قولون ببكي علي حلماً
وجرحاً باقي عزاب ونزيف!!
في ليل الشجن والشوق
سألتك وين وين و كيف هواك أوهام ووعدك زيف
بلابل الدوح
سارقين شنطة قمرية غنا
ناهبين شريان شاعر
حزمة مُني
خاتفين قلبين
نهلة
وغيمة
......... ويمكن أنا ..!
بين قوسين
تمنيت و أنت طيف ما تغيب
وناجيتك
كما أتمنيت!!!
| |
|
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: حبيب نورة)
|
عشان متواعدين
قشرت بي ضحكة
ولبست أبتسامتي الخدرا!!
مطقِّم مع الفرح الشكلوا بنفسج!!
أحمر حمار
أتر شرياني في نص الدرب
بياض سكاكرك و أنت ملعقة زيادة في فنجان هواك
زي سواد نيّة الزمن الكعب
شنو يا علبة اللون البطط في لوحة شوق ؟؟
قصدك تفرتق لي ضفاير نخلة بت!؟
واللا عاجباك تسريحة السمحة القصيد؟؟
...
!!!!
ياخي لا
ياخي أنتي!!
يا أنتي يا غيم يا مطر
يا نحن في سكة خطر
وبرضو كعبة!!
لكن مُشرَّفة لمن تجيك حاجَّة الظروف
تبتديك نافلة تعب
تشتهيك مشوار صعب
تنتهيك وعداً لهب
...........
بجيك كان الله مدّ في الشوق!!
| |
|
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: عبد الفتاح زوما)
|
Quote:
كل النسيج المن قبل
ولي باكر الجاي وبعيد
طاقات حروف وتياب كلام
مفرودة مفروشة بفخار
شوف النخيل الفي الشمال
لابس تمور العزة شال
لالوبة في الغرب الحبيب
متلفحة الحنية توب
طيبة وأصل سمحة خصال
أبنوسة تقدل في الجنوب
"باللاوو" ماد الفرع مال
التاكا في كتيفو الأنيق
راميها ملفحة الكمال
مليون مربع من حرير
منسوجة بالعز والوفا
عيدية خالصة يا جمال :) |
يادوب جيت تاني
.........
شن الفضل من الوصوف
يا نهلة كملتي الحروف
عارفة القدر ملاني خوف
خايف الزمن باكر نشوف
تصبح البلد قسمة ألوف
ونزورها نحن زي الضيوف
...
حبيب نورة
انا بجييييييك بالدرب عديل
اسمع اقول ليك حاجة
طالعني ...
عشان اكسرك زي ما طلعت 200نا
| |
|
|
|
|
|
|
|
|
 Re: حبيب نورة .. يا ود يا طاقة حروف .. أديني مترين من غنا (Re: نهلة محكر)
|
Quote: اليوم ..
أوقد لك ألف شمعة من "ريد"
وألفاً .. من حنين وحنين
وأشد لأجلك كل أوتار الحروف
لنغني معاً نشيدك الأزلي
وتصدح معنا كل الكلمات التي قيلت
والتي ما زالت في رحم الغيب تنتظر المخاض |
اليوم أوقنُ أنني لن أحتمل يا نهلة !
أستلف من روضة الحاج هذا البيت
و أدعكِ تمضين في سلام!
Quote: أيا حرفاً إستوطن القلب ..
كيف السبيل إلى قربٍ يطفيء سعير الشوق ..
وغنوة .. تهدهد ليالي الشتاء الموحشة الباردة
وقيثارة .. تنشد معي أغانيك التي تحب
تلك التي كتبناها معاً .. وغنتها معنا الفراشات
ورقصت على أنغامها الورود والرياحين |
بعد أن أحتملتيني تسعة أشهرا و أزددتِ عشرا
لن أعقّكِ الفرح
فأنتِ أقحوانتي التي أسرق من رحيقها
بعض إحتياجاتي
وفي ظل حوجتك الدؤوبة لتجيير واقع أغبش
مازلت أنتظر مرورك في نفس الشوارع
والمحطات ذاتها
يا لهذا البؤس الذي يكسر خاطر ضحكتي
ويا لهذا الفرح
الذي يجعلني أضحك وسط دموعي
ولا أعِي !!
Quote: أنا وإنت ..
شجن وحنين..
وغنوة ريد ..
قالوها اتنين
وشوق دفاق ..
وحجوة جميلة للأطفال ..
ينوموا العافية مبسوطين
أنا وإنت ..
نغم حاني ..
ووتر مشدود ..
ترانيم بالأمل تنساب ..
صلاة خاشعين
رنة ناي ..
ودقات نوبة صوفية ..
دراويش في الذكر غايبين |
أنا و أنتِ
أزرق و أبيض
مين علّم المي يبقي نيل !!!
برجع ليك أكيد
شكرن كتيرن!
| |
|
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: نهلة محكر)
|
Quote: إستجمي أيتها الأميرة ...
فما زرعنا هذي الحروف هاهنا ..
إلا ليستظل بها أحباؤنا ..
وترتاح أرواحهم تحت أفيائها
من رهق الحياة وحرورها |
الرائعة والمبدعة فى رسم الحروف
والكلمات المزخرفة
ان حروفك مازال جمام
على عشق زهيد
فى حديقة وارفة
يجلس عليه
حبيب نورة
وهو ينهل حروف اسمك
لكما الود..........
| |
|
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: نهلة محكر)
|
ديني أنا
حبيب الكل وأنا والنهلة التي أشرعت أرزاقها
أيوووووووووووووووووووووووووووووووووي يووووووووووووووووووي يوووووووووووووووووووويييييييييي
أنا غير أزغرت ما بعرف أسوي أي شي هنا
الكلام سويتوهو كلو وما فضلتو فيهو شيتاً يتكتب
عاد أنا غايتو شايت ليكم إحساسي بيكم
ضفاري كان أو كفية ما مهم
واصلو يا ناس
وأنا عطشان بي كلامكم أرووني
عطشااااااااااااااااااااااان
وليكم مني مؤونة حب تكفي لرحلة حول المطلق
وأقولي قولي هذا وأتمنى المحبة بكم ولكم
ولا نفترق لا نفك الدرب
| |
|
|
|
|
|
|
|
|
|
Re: حبيب نورة .. يا ود يا طاقة حروف .. أديني مترين من غنا (Re: حبيب نورة)
|
بعد أن غسلت رجسي من فوضي منتصف المدينة
وتركت ثمة أصدقاء سؤ يتبضعون في وجوه السابلة الذين أدركهم البرد
ولا يملكون لدرءهِ كلماتٍ من حبيبةٍ ما
وجدتني أتقاسم مقعد الميكروباص البائس
مع ثرثرة راكب مزعج
وصوت المطرب الشعبي
يكاد يستنفد ما تبقي من شريط الأسبرين
الذي أحملهُ إحتياطاً في جيبي!
يا للبؤس!!
فقد بدأت أتذكر تلك الليالي
التي أنفقتها
وأنا أجهد نفسي في إثم التذكار
وأنا أشعر أن في الجوار
من يتلصّص علي خلوتي
ويشاركني فيها
تلك المصنوعةُ لي!
وعندها قررتُ أن أتسكع فيما يسمي الفيس بوك
عساي أن أجد في نارهِ هدي
ولكني عملت متأخراً
أن يأجوجَ ومأجوجَ
قد أفسدا باسووردي!
وتركاني أهيم علي وجهي في أسفير سودانيز
آكل من عدسهِ و بصلهِ
وأمشي في الأسواق
وعلي كتفي خاتم العشق!
أبحث عن رؤية
أو ما شابه
تعيدني إليها
وعندما بلغ بي التعب أشده
تمددتُ علي رمالِ الباندويث
وبدأت أكتب إليها
وأشيد علي شاطئ الحرمان
كان أولي أن أبنيها في خلوة الفيس بوك
أو غميس المسينجرات
ما يهم!
عفواً إذا شوقاً إليكي
دخلت من باب الخروج
عبارةٌ أخري أختلسها من هاشم صديق
وأنا أدري أن سارق الشوق
لا تقطع يدهُ من خلاف!
ولكنهُ يسجن مع من أحب !!
| |
|
|
|
|
|
|
|
|
 Re: حبيب نورة .. يا ود يا طاقة حروف .. أديني مترين من غنا (Re: حبيب نورة)
|
حبيبا ..
أتمناك وهي بخير
أحياناً كثيرة تلح علي الحروف وتسألني الخروج
حيناً أطاوعها .. وأبتهج حين اراها تقفز وتدور في الورق وبين السطور
وحيناً .. أتمنى أن تكف عن إزعاجي وتحريضي على الكتابة والبوح ..
وحيناً آخر .. أتمنى أن تزيد من ضوضائها في داخلي وأن ترفع صوتها ..
وان تزيد من تعبئتي ضدها .. حتى تنفجر .. فأنفجر معها بدوري ..
أخاف الكتابة .. وأحبها
أعشق الحزن .. وأرتعب من إمساكه بتلابيب قلمي
أنا الآن في حالة حزني المعتاد .. لا أدري سبباً له
جزء ما في داخلي يرقص طرباً من هذه الحالة ..
فهي تعني أن هناك سيلٌ دافقٌ من الأحرف على الطريق
وأن هناك نصٌ ما .. قصيدةٌ ما .. أو حتى سطرٌ ما
وجزءٌ آخر يرتعد وتهتز كل أعصاب الحس فيه ..
يأبى أن يطلق عنان الحروف .. ويمتنع عن فك أسرها
وأضيع أنا في الصراع بين هذين الإثنين
| |
|
|
|
|
|
|
| |
نهلة محكر
jini
جمال السنوسي
ياسر بيناوي
حبيب نورة
baha eassa
محي الدين جبريل
أحمد الصديق
حامد محمد حامد
الفاتح شلبي
ناصر احمد الامين
عبدالكريم الامين احمد
بله محمد الفاضل
محمَّد زين الشفيع أحمد
محمد الجزولي
الطيب شيقوق
ذواليد سليمان مصطفى
tarig almakki
فايزودالقاضي
مطر قادم
omer osman
فيس بوك
تويتر
انستقرام
يوتيوب
بنتيريست