Post: #222 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-14-2010, 06:17 PM Parent: #10
ألووو !
Post: #9 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-01-2009, 06:25 PM Parent: #3
Quote: مافي طريقة لي (طاقة) كاملة نفرشها في ارض المليون ميل
وتكسينا كلنا
جمال السنوسي
ياخي أهدي ليك أكبر جلابية
ماركة بلّة جابر
Post: #8 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-01-2009, 06:23 PM Parent: #2
Quote: عشان تقومى تكسيه لى جنى الجنا! يا سلام على الكلم الجميل الذى يتحكر فى الوجدان لينهل منه الكل جمالا والقا! جنى
جني الفيه حتة مني
تسلم يا جميل
مشكور علي المرور
يخليك لي أنا !
Post: #5 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-01-2009, 06:00 PM Parent: #1
نهلة محكر
جاييك هسة بس أنتظريني لمدة كباية شاي حمرا وسجارة من نفس اللون
Post: #6 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-01-2009, 06:09 PM Parent: #5
نهلة ...
وحاة الصباح البِكوس في شموسك وحياة غلاوتك
و إنهُ قسمٌ لو تعلمون عظيم ! حسيتني و أنا بقراك من الشمال للحنين ! بي نفس مزاج سبلوقة عذراء خرمانة لي مطرة ... راجية السما يعلن زفافوا علي السنابل عايز أنهل من غمامك كلمة تفضح صمّة خشمي قدام سلطان حروفك ! و إنتي يا ست العرايس جاييكي بي قولة خير وسيرة قصايد و للنخلة التذغرد بي جريدا! خاتم جنيه .... حق أم العروس ! مِدِّي علي سبيطك تمرة تمرة .... ياني جاييك بالشعاع شمسين و قمرة ....
يا نهلة الزمن المطر ! فيني عطشانة الحروف
قاصد أشرب سلسبيلك....
ماني كايس إلا نيلك .....
برجع ليك أكتر ضفاف !!!
Post: #7 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-01-2009, 06:21 PM Parent: #6
يا أنا ....
لم أتفاجأ و أنتِ تكتبيني ولكن بهرتني القرائة الأولي التي لم أصحو بعد من سكرتها ! أحتاجُ إلي فنجالِ قهوة و دمائي لكي أعيد إلي قلمي جنونه فقد سئمتُ الحروف التي يطالبونها بشهادةِ حسنِ سيرٍ وسلوك!
ولكنها ضريبةُ إنتمائي تعلنُ توطّني فيكِ فأنا أحمل فيما يبدو جنسيتك وشهادة ميلادي موقّعة بحبرِ شرايينك ولا أملك سيدتي إلا أن أجعلكِ العاصمة! التي أوقّع فيها كل أوراقي الثبوتية و أستعيد من مدنيّتها ذاكرة كلماتي
كنت أود أن أحدثكِ عن الكثير ولكني سأكتفي ببعضِ حرف
علّني أهتدي لما تبقّي من لغتي
لأبتديك .........!
Post: #11 Title: Re: حبيب نورة .. يا ود يا طاقة حروف .. أديني مترين من غنا Author: مدثر محمد ادم Date: 11-01-2009, 06:33 PM Parent: #7
نهلة وحبيب نورة سلامات
ومتابع
Post: #12 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-01-2009, 06:49 PM Parent: #11
مدثر يا صديق أخبارك أيه
يا ود يا طاقة جمال أديني مترين من سماح
شكرن كتيرن!
Post: #13 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-02-2009, 08:48 AM Parent: #12
Quote: عشان تقومى تكسيه لى جنى الجنا! يا سلام على الكلم الجميل الذى يتحكر فى الوجدان لينهل منه الكل جمالا والقا! جنى
اكسيه درر من الكلام طاقات عبير ...
حبيب نورة يستاهل واكتر والله شكراً جني على المرور والكلمات العطرة
Post: #14 Title: Re: حبيب نورة .. يا ود يا طاقة حروف .. أديني مترين من غنا Author: baha eassa Date: 11-02-2009, 09:52 AM Parent: #13
# نهلة وحبيب نورة ومحي الدين جبريل #
نهلة وحبيب نورة ؟ الله يستر علي البوست دة من الانفجار ..
Post: #15 Title: Re: حبيب نورة .. يا ود يا طاقة حروف .. أديني مترين من غنا Author: محي الدين جبريل Date: 11-02-2009, 10:17 AM Parent: #14
نهلة وحبيب نورا ... ياااخ أحبكم الإتنين وأموت فى بهاء الدين زاااتو
يابهاء شوف ليك بخور للبوست دأ
Post: #16 Title: Re: حبيب نورة .. يا ود يا طاقة حروف .. أديني مترين من غنا Author: baha eassa Date: 11-02-2009, 10:41 AM Parent: #15
انت تامر بس يا ودجبريل .. المهم جاي متين
Post: #27 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 06:23 PM Parent: #15
Quote:
نهلة وحبيب نورا ... ياااخ أحبكم الإتنين وأموت فى بهاء الدين زاااتو
يابهاء شوف ليك بخور للبوست دأ
ود جبرين ياخي مسخت علي الدنيا بي طعومتك
بحبك ياخ ربنا يخليكا لي يا زول يا سمح
لكن أبعد لي من مسمار جحا يا شايقي يا شين
Post: #28 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 06:45 PM Parent: #15
Quote: نهلة وحبيب نورا ... ياااخ أحبكم الإتنين وأموت فى بهاء الدين زاااتو
يابهاء شوف ليك بخور للبوست دأ
ود جبرين أحبك ياخ يا زول يا سمح لكن الجابك بيجاي شنو هسة؟ ياخوي مسمار جحا دة لي يوم الليلة؟
بركة رجاي في سيدي النسكافيه ما تضوقوا !
Post: #199 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-15-2010, 03:29 PM Parent: #28
نهول
من أسكندرية أرخي أضانك بس!
Post: #55 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:36 AM Parent: #15
ود جبرين
لك منا حبٌ يماثل حبك وأكثر وما زال كوب "النسكافيه" في إنتظار من يرشفه
ودي الخالص
Post: #17 Title: Re: حبيب نورة .. يا ود يا طاقة حروف .. أديني مترين من غنا Author: أحمد الصديق Date: 11-02-2009, 10:49 AM Parent: #14
يا ود يا طاقة حروف .. أديني مترين من غنا ***************** متابعة رهيفة جداً
Post: #18 Title: Re: حبيب نورة .. يا ود يا طاقة حروف .. أديني مترين من غنا Author: حامد محمد حامد Date: 11-02-2009, 10:56 AM Parent: #17
يا جماعة انا بغييييييير وقلتها قبال كدة
قف... سوف اسعى بكل ما لدى من علاقات داخل وخارج مصر فى ابعاد المدعو حبيب نورة من مصر المؤمنة
ياخى دة بقى جاذب لكل طاقات الحروف والغناوكل ما غلا ثمنه
نهلة لك التحايا النواضر
وشكرن........ بس ما حقت حبيب نورة
Post: #19 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-02-2009, 11:39 AM Parent: #18
Quote: مافي طريقة لي (طاقة) كاملة نفرشها في ارض المليون ميل
وتكسينا كلنا
اجمل توب
عشان العيد قرررررب
تسلمي يا نهلة
طاقة بس !!!
كل النسيج المن قبل ولي باكر الجاي وبعيد طاقات حروف وتياب كلام مفرودة مفروشة بفخار شوف النخيل الفي الشمال لابس تمور العزة شال لالوبة في الغرب الحبيب متلفحة الحنية توب طيبة وأصل سمحة خصال أبنوسة تقدل في الجنوب "باللاوو" ماد الفرع مال التاكا في كتيفو الأنيق راميها ملفحة الكمال مليون مربع من حرير منسوجة بالعز والوفا عيدية خالصة يا جمال :)
Post: #20 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-02-2009, 11:50 AM Parent: #19
الود ياسين دة معطون في موية إبداع مجنون وقدر ما امد متر الحروف شان اقيس ابداعو بلقى المتر قصر .. تسلم يا صديق على المرور وليك مننا مليون محبة واحترام وفي انتظار البلح من البلد
Post: #21 Title: Re: حبيب نورة .. يا ود يا طاقة حروف .. أديني مترين من غنا Author: baha eassa Date: 11-02-2009, 11:56 AM Parent: #19
Quote: ابعاد المدعو حبيب نورة من مصر المؤمنة
مؤمنة ولا شيكان؟ قرار ابعاد حبيب نورة من مصر صدر وباقي التنفيذ .. الزول دة اصلا مابينفع في مصر يا حامد ..
Post: #22 Title: Re: حبيب نورة .. يا ود يا طاقة حروف .. أديني مترين من غنا Author: حامد محمد حامد Date: 11-02-2009, 01:11 PM Parent: #21
Quote: قرار ابعاد حبيب نورة من مصر صدر وباقي التنفيذ
بهههههاء يا عسل
ابعاده يكون عن طريق حلايب بالبر عشان يمسكوه فى سين وجيم ويزداد غيبوبة فى غيبوبته
Post: #23 Title: Re: حبيب نورة .. يا ود يا طاقة حروف .. أديني مترين من غنا Author: الفاتح شلبي Date: 11-02-2009, 01:35 PM Parent: #22
نهله وحبيب نورة
لكن بالغتونا (نحن) عدييييييل أو كما قال
Post: #31 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 07:05 PM Parent: #23
Quote: نهله وحبيب نورة
لكن بالغتونا (نحن) عدييييييل أو كما قال
شلبي يكفينا وجودك هنا عشان نقدر نقول إننا عملنا حاجة تستاهل
نهلة إنسانة جميلة والجميع بيحبها و ربنا يقدرني علي جزاها
شكرن كتيرن!
Post: #58 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:41 AM Parent: #23
الفاتح شلبي
تعطر المكان بوجودك فيه شكراً مطر...
ودي الخالص
Post: #24 Title: Re: حبيب نورة .. يا ود يا طاقة حروف .. أديني مترين من غنا Author: ناصر احمد الامين Date: 11-02-2009, 01:42 PM Parent: #22
حبيب نوره ... ماشه معاك عسل
اسكندرية و مطرها و قبل يومين واحدة فاتحة فيك بوست كامل تشكرك و الليلة نهلة قالت فيك شعر عدييييل كدا و في جماعة حاسدينك!
يارب .... يارب .... يارب
اجعل هذه ارهاصات بسنة قادمة بكل الخير و اسباب السعادة و الهناء عليك يا ود يا طاقة حروف.
نهلة و الله ما عارف اقول ليك شنو !!!
Post: #32 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 07:19 PM Parent: #24
Quote: حبيب نوره ... ماشه معاك عسل
اسكندرية و مطرها و قبل يومين واحدة فاتحة فيك بوست كامل تشكرك و الليلة نهلة قالت فيك شعر عدييييل كدا و في جماعة حاسدينك!
ناصر الأمين
إن الله إذا أحب عبداً حبّب فيه خلقه
هو أنا لاقي ناس حلوين زي ديل
يكتبوا فيني حرفين!
والله الواحد ما مصدق
تشكر يا جميل علي المرور
Post: #59 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:42 AM Parent: #24
ناصر أحمد الأمين
يكفي وجودك في هذه الواحة الوارفة بكم ممتنة جد
Post: #30 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 06:53 PM Parent: #18
Quote: يا جماعة انا بغييييييير وقلتها قبال كدة
قف... سوف اسعى بكل ما لدى من علاقات داخل وخارج مصر فى ابعاد المدعو حبيب نورة من مصر المؤمنة
ياخى دة بقى جاذب لكل طاقات الحروف والغناوكل ما غلا ثمنه
نهلة لك التحايا النواضر
وشكرن........ بس ما حقت حبيب نورة
حامد يا عسللي ياخ أول حاجة قريبك المصوراتي دة متلوم في حقي عاملة لي ندوات وحوامة وربنا غايتو يستر عليه من ديك سمك قدروة يبقي لي بي أمر قبض وعبدة النتن لي يوم الليلة ما شفتوا الجماعة هارييني بي فول سعد الحرامي قلت ليهم كنتاكي دة مالوا عيبوا شنو ؟؟
Post: #57 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:38 AM Parent: #18
حامد محمد حامد
لك مني عاطر الود والتقدير ممتنة لك
Post: #29 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 06:48 PM Parent: #17
Quote: يا ود يا طاقة حروف .. أديني مترين من غنا ***************** متابعة رهيفة جداً
الصديق
مرحب بيك في عوالم سودانيز
و مشكور كتير علي رهيف متابعتك
شكرن كتيرن!
Post: #56 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:37 AM Parent: #17
أحمد الصديق
شاكرين المرور والمتابعة الرهيفة
ودي
Post: #25 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 06:11 PM Parent: #14
الجميل بهاء عيسي
تسلم ع الصورة الماسورة
اها أرتاح جبت لينا العوارض
محي الدين جبرين ومن لفّ لفه
Post: #26 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 06:12 PM Parent: #14
الجميل بهاء عيسي
تسلم ع الصورة الماسورة
اها أرتاح جبت لينا العوارض
محي الدين جبرين ومن لفّ لفه
Post: #33 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 07:24 PM Parent: #26
من بعض أوراقي التي أشتهي أن أكتبها هطولٌ يعنيها فيا مسبحتي التي أجرد من حروفها الأربعة (نهلة)ألفيّة أورادي ! تلك التي أنا منها كحزمة عبير وهي مني كمحرقة صندل ..... كلما أشتعلت جذوتها تعطّر العالم ! وربّ حروفٍ كانت كالكلمات تفضحُ ما تفعلهُ اللغات صائتها و الصامت !
فيا أنثي الصندل أحتاجُ أن أحجكِ بطريقةٍ تخصني و أحتاجُ أكثر أن أحتكر هذه الفريضة فعفواً إذا شوقاً إليكِ بدأتُ الطواف !...... فهذه الدواخل النقيّة يجبُّ عليّ تقديسها ورفعها إلي عِليين هامتي التي تنحنِي إحتراماً .......... وتلقي ما علق بها من قُبُعاتٍ زائفة
وكل العمائم ...
يكفيني شرفاً
أن كنتِ تاجَ إفتخاري .....
شكرن كتيرن!
Post: #34 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 07:27 PM Parent: #33
Post: #35 Title: Re: حبيب نورة .. يا ود يا طاقة حروف .. أديني مترين من غنا Author: عبدالكريم الامين احمد Date: 11-02-2009, 07:39 PM Parent: #34
Quote: أحتاجُ إلي فنجالِ قهوة و دمائي لكي أعيد إلي قلمي جنونه
يا سسسسلام يا حبيب نورة ياخي مجنون انت يا رجل ومدهش...
وتحياتي للاخت نهلة والجميع في هذا البوست الديشليون متر من غنا
Post: #36 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 10:44 PM Parent: #35
Quote: وتحياتي للاخت نهلة والجميع في هذا البوست الديشليون متر من غنا
تسلم يا جميل
والتحية للأكثر جمالاً نهلة محكر
ست النفاج دة
ربنا يديك العافية
Post: #37 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 11:53 PM Parent: #36
شايفك راكبة عجلة دماي وراكبة سدَّاري .. تكون عايزة توصلي غرفة عمليات قلبي الهناك واللا دي عملية نقل حلم مستعجلة! وأنا المرارتي فقعتها زايدة سكة الوعد البِطِش ! وزي ما تقول يمكن عايزة تنظمي حركة المرور في شريان وجعي يا ربي تكوني خايفة من تصادم نجمة شوق ضوّاية مع كروية دم عاشقة في منطقة تماس حدود الشهقة دي النص الكلام ؟؟؟ يوجد قولون عصبي والدورة الدموية الشافعة وصلت مربع الأحلام الذهبي!! يعني ما خايفة من ضربة حرة مباشرة ترجعك سنترليق الصعود لي دماي !!! .... !!!!! أوزون اللحظة مخروم محروم بجدع فينا بي مخلفات الشوق الكضاب حالة تسمُّم أنساني فظيع جوة الدواخل المنسية من طيبة الخاطر يوم باكر ..! أصبح سكة تودي الفات تجيب الفات والمات سنينا الجات رويانة مغايس شبعانة تدافر في المأساة!!
... خاطرة بت لذينة أدتني ضحكة زيف مدت لي قدّوم كضاب شحدت علي ضل الغيمة مطر صبّت في عيني الصحرة خريف قولون ببكي علي حلماً وجرحاً باقي عزاب ونزيف!!
في ليل الشجن والشوق سألتك وين وين و كيف هواك أوهام ووعدك زيف بلابل الدوح سارقين شنطة قمرية غنا ناهبين شريان شاعر حزمة مُني خاتفين قلبين نهلة وغيمة ......... ويمكن أنا ..!
بين قوسين
تمنيت و أنت طيف ما تغيب وناجيتك كما أتمنيت!!!
Post: #38 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-02-2009, 11:55 PM Parent: #37
عشان متواعدين قشرت بي ضحكة ولبست أبتسامتي الخدرا!! مطقِّم مع الفرح الشكلوا بنفسج!! أحمر حمار أتر شرياني في نص الدرب بياض سكاكرك و أنت ملعقة زيادة في فنجان هواك زي سواد نيّة الزمن الكعب شنو يا علبة اللون البطط في لوحة شوق ؟؟ قصدك تفرتق لي ضفاير نخلة بت!؟ واللا عاجباك تسريحة السمحة القصيد؟؟
... !!!! ياخي لا ياخي أنتي!! يا أنتي يا غيم يا مطر يا نحن في سكة خطر وبرضو كعبة!! لكن مُشرَّفة لمن تجيك حاجَّة الظروف تبتديك نافلة تعب تشتهيك مشوار صعب تنتهيك وعداً لهب
...........
بجيك كان الله مدّ في الشوق!!
Post: #39 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-05-2009, 07:00 PM Parent: #38
*
Post: #40 Title: Re: حبيب نورة .. يا ود يا طاقة حروف .. أديني مترين من غنا Author: عبد الفتاح زوما Date: 11-05-2009, 07:40 PM Parent: #39
نهلة النحلة والنحلة نهلة كلام طالع من جوة القلب ومطارحة ادبية تستحق المتابعة هنيئا لك بالحبيب الماسك يد نورة وهنيئا له بمن تريد ان تحتكره واصلو هذا الابداع المتفرد ..
Post: #41 Title: Re: حبيب نورة .. يا ود يا طاقة حروف .. أديني مترين من غنا Author: جمال السنوسي Date: 11-05-2009, 08:13 PM Parent: #40
Quote: كل النسيج المن قبل ولي باكر الجاي وبعيد طاقات حروف وتياب كلام مفرودة مفروشة بفخار شوف النخيل الفي الشمال لابس تمور العزة شال لالوبة في الغرب الحبيب متلفحة الحنية توب طيبة وأصل سمحة خصال أبنوسة تقدل في الجنوب "باللاوو" ماد الفرع مال التاكا في كتيفو الأنيق راميها ملفحة الكمال مليون مربع من حرير منسوجة بالعز والوفا عيدية خالصة يا جمال :)
يادوب جيت تاني
.........
شن الفضل من الوصوف يا نهلة كملتي الحروف عارفة القدر ملاني خوف خايف الزمن باكر نشوف تصبح البلد قسمة ألوف ونزورها نحن زي الضيوف
...
حبيب نورة
انا بجييييييك بالدرب عديل
اسمع اقول ليك حاجة
طالعني ...
عشان اكسرك زي ما طلعت 200نا
Post: #42 Title: Re: حبيب نورة .. يا ود يا طاقة حروف .. أديني مترين من غنا Author: بله محمد الفاضل Date: 11-06-2009, 07:31 PM Parent: #41
طاعمٌ هوى الحروف نهلة وهذا الولد الذي يكتب بقلم نبيذ يسكرنا معك فله ولك التحايا والمحبات
Post: #45 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-07-2009, 04:16 PM Parent: #42
Quote: طاعمٌ هوى الحروف نهلة وهذا الولد الذي يكتب بقلم نبيذ يسكرنا معك فله ولك التحايا والمحبات
بلة يا بلة
ياخ أنت زول عسل
مشكورة نهلة الجابتك لي هنا
ومشكور الفرح القاعد ينطط بين طاقات حروفك نور
بحبك ياخ
Post: #63 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:46 AM Parent: #42
بلة محمد الفاضل
ممتنة أنيق كلماتك وحضورك الذي عطر البوست
ودي
Post: #44 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-07-2009, 04:11 PM Parent: #41
الجميل السنوسي مع لونك الأزرق دة ياخ ما تخليك دايماً في البكانات الفرايحي علي قول ست البنات الله يطراها بالخير!
نهلة محكرة جوانا ووجود نهلة هنا بالتأكيد يعني تحول المكان والزمان إلي حديقة
ربنا يديكم العافية
شكرن كتيرن!
Post: #62 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:45 AM Parent: #41
جمال السنوسي
إنت جيتك دايرة رواااااقة
Post: #87 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-13-2009, 09:07 AM Parent: #41
جمال السنوسي
وانت كمان طلعت d نا
Quote: طالعني ...
عشان اكسرك زي ما طلعت 200نا
Post: #43 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-07-2009, 03:16 PM Parent: #40
Quote: نهلة النحلة والنحلة نهلة كلام طالع من جوة القلب ومطارحة ادبية تستحق المتابعة هنيئا لك بالحبيب الماسك يد نورة وهنيئا له بمن تريد ان تحتكره واصلو هذا الابداع المتفرد ..
الجميل زوما
ياخي أنت منهل شديد العذوبة ربنا يديك العافية يا جميل
فتّرت حيل الغنا المهدود
شكرن كتيرن!
Post: #46 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-15-2009, 11:16 AM Parent: #43
"ما كل حرف بينكتب يقدر يقول الفي القلب"
اليوم .. أوقد لك ألف شمعة من "ريد" وألفاً .. من حنين وحنين وأشد لأجلك كل أوتار الحروف لنغني معاً نشيدك الأزلي وتصدح معنا كل الكلمات التي قيلت والتي ما زالت في رحم الغيب تنتظر المخاض
أيا حرفاً إستوطن القلب .. كيف السبيل إلى قربٍ يطفيء سعير الشوق .. وغنوة .. تهدهد ليالي الشتاء الموحشة الباردة وقيثارة .. تنشد معي أغانيك التي تحب تلك التي كتبناها معاً .. وغنتها معنا الفراشات ورقصت على أنغامها الورود والرياحين
Post: #64 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:48 AM Parent: #47
محمد زين الشفيع
إزدهت الحروف وتزيت بأبهى ما عندها إحتفاءً بمقدمكم إليها ... كل الود أيها الأديب الأريب صاحب المفردة المؤتلقة المتفردة الجزلة
Post: #48 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-15-2009, 06:44 PM Parent: #46
Quote: اليوم .. أوقد لك ألف شمعة من "ريد" وألفاً .. من حنين وحنين وأشد لأجلك كل أوتار الحروف لنغني معاً نشيدك الأزلي وتصدح معنا كل الكلمات التي قيلت والتي ما زالت في رحم الغيب تنتظر المخاض
اليوم أوقنُ أنني لن أحتمل يا نهلة ! أستلف من روضة الحاج هذا البيت و أدعكِ تمضين في سلام!
Quote: أيا حرفاً إستوطن القلب .. كيف السبيل إلى قربٍ يطفيء سعير الشوق .. وغنوة .. تهدهد ليالي الشتاء الموحشة الباردة وقيثارة .. تنشد معي أغانيك التي تحب تلك التي كتبناها معاً .. وغنتها معنا الفراشات ورقصت على أنغامها الورود والرياحين
بعد أن أحتملتيني تسعة أشهرا و أزددتِ عشرا لن أعقّكِ الفرح فأنتِ أقحوانتي التي أسرق من رحيقها بعض إحتياجاتي وفي ظل حوجتك الدؤوبة لتجيير واقع أغبش مازلت أنتظر مرورك في نفس الشوارع والمحطات ذاتها
يا لهذا البؤس الذي يكسر خاطر ضحكتي ويا لهذا الفرح الذي يجعلني أضحك وسط دموعي ولا أعِي !!
Post: #50 Title: Re: حبيب نورة .. يا ود يا طاقة حروف .. أديني مترين من غنا Author: Amira Elsheikh Date: 11-16-2009, 02:43 AM Parent: #48
بعد طول مشوار دا ضل سسسسسمح ممكن الواحد ياخد ليهو جمة فيهو
شكرا نهلة وحبيبنا..
Post: #51 Title: Re: حبيب نورة .. يا ود يا طاقة حروف .. أديني مترين من غنا Author: محمد الجزولي Date: 11-16-2009, 04:07 AM Parent: #50
Quote: جاييكي بي قولة خير وسيرة قصايد و للنخلة التذغرد بي جريدا! خاتم جنيه .... حق أم العروس ! مِدِّي علي سبيطك تمرة تمرة .... ياني جاييك بالشعاع شمسين و قمرة ....
أولاً بالتبادي ده بوست رويان
وشكلو الله يعلم الله يعلم
حايفضي
لخطوبة
(وش عيونو محمرة من المتابعة) .. (وقلب بتمنى ليكم زيادة في الوداد) ..
Post: #52 Title: Re: حبيب نورة .. يا ود يا طاقة حروف .. أديني مترين من غنا Author: الطيب شيقوق Date: 11-16-2009, 05:27 AM Parent: #51
حبيب نورة المسنوح تاني برفع نخرتو علينا في السماء ولا حيعبّرنا تاني
يجازي محن حروفك يا نهلة
ود جبريل دا لقيتوهو وين؟
Post: #67 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:53 AM Parent: #52
الطيب شيقوق
رقصت حروفنا طرباً وسعادةً .. لتشريفكم لها بالزيارة والمرور تحياتي النواضر لشخصكم الكريم وتحية عبرك أرسلها لتلك الحبيبة "عُمان" مهد الطفولة .. ومرتع الصبا
ودي الخالص وإحترامي
Post: #66 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:52 AM Parent: #51
محمد الجزولي
خطبة الحروف للحروف .. تُفضي لتزاوج الأرواح .. فتتمخض عن كلامٍ يحمل كل الحب للجميع ممتنة لوجودك .. وشاكرة كريم دعواتك وسلامة عيناك
Post: #65 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:50 AM Parent: #50
أميرة الشيخ
إستجمي أيتها الأميرة ... فما زرعنا هذي الحروف هاهنا .. إلا ليستظل بها أحباؤنا .. وترتاح أرواحهم تحت أفيائها من رهق الحياة وحرورها
كامل ودي وإحترامي
Post: #78 Title: Re: حبيب نورة .. يا ود يا طاقة حروف .. أديني مترين من غنا Author: ذواليد سليمان مصطفى Date: 12-04-2009, 04:01 PM Parent: #65
Quote: إستجمي أيتها الأميرة ... فما زرعنا هذي الحروف هاهنا .. إلا ليستظل بها أحباؤنا .. وترتاح أرواحهم تحت أفيائها من رهق الحياة وحرورها
الرائعة والمبدعة فى رسم الحروف والكلمات المزخرفة
ان حروفك مازال جمام على عشق زهيد فى حديقة وارفة يجلس عليه حبيب نورة
وهو ينهل حروف اسمك لكما الود..........
Post: #86 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-13-2009, 09:04 AM Parent: #78
تسلم يا ذو اليد
ربنا يخليك يا أخوي
Post: #88 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-13-2009, 10:07 AM Parent: #78
تشكرات ذو اليد .. بحجم الود الذي ينضح من حروفك
Post: #61 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:45 AM Parent: #40
عبد الفتاح زوما
حبيب نورة زول معطون بالإبداع والتفرد مهما كتبت فيه لن أوفيه هذا الصاحب الصاحب
تسلم كتييييييييير
ودي
Post: #60 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:43 AM Parent: #35
عبد الكريم الأمين أحمد
شاكرة تحياتك ووجودك عند هذي الحروف المزدهية بكم
خالص الود
Post: #54 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:35 AM Parent: #14
Post: #53 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-16-2009, 10:30 AM Parent: #11
مدثر محمد آدم
ممتنة مرورك الكريم كل الود
Post: #68 Title: Re: حبيب نورة .. يا ود يا طاقة حروف .. أديني مترين من غنا Author: tarig almakki Date: 11-16-2009, 01:32 PM Parent: #53
ديني أنا حبيب الكل وأنا والنهلة التي أشرعت أرزاقها أيوووووووووووووووووووووووووووووووووي يووووووووووووووووووي يوووووووووووووووووووويييييييييي أنا غير أزغرت ما بعرف أسوي أي شي هنا الكلام سويتوهو كلو وما فضلتو فيهو شيتاً يتكتب عاد أنا غايتو شايت ليكم إحساسي بيكم ضفاري كان أو كفية ما مهم
واصلو يا ناس وأنا عطشان بي كلامكم أرووني عطشااااااااااااااااااااااان
وليكم مني مؤونة حب تكفي لرحلة حول المطلق وأقولي قولي هذا وأتمنى المحبة بكم ولكم ولا نفترق لا نفك الدرب
Post: #69 Title: Re: حبيب نورة .. يا ود يا طاقة حروف .. أديني مترين من غنا Author: فايزودالقاضي Date: 11-16-2009, 01:55 PM Parent: #68
Post: #70 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-16-2009, 04:24 PM Parent: #69
نهلة
والجميع
برجع ليكم واحد واحد
بس أفضي و أديها نفضة
ثمح!
Post: #90 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-13-2009, 10:24 AM Parent: #69
وليك منا محبة بقدر روعة الشرق وأهله
شكراً كتيييييييير يا فايز
Post: #306 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-14-2012, 03:01 PM Parent: #69
خطاك التايهة وين فايتة سكك ضهبانة ما بتمشي مداينك ضايعة جواك وجواك في المدن مغشي تمد ايدك تناديهم صداك يفوت وما يرجع
Post: #71 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-20-2009, 04:30 PM Parent: #68
طارق المكي
كيفنك يا ود يا عسل كيفن ما تزغرد و نهلة محكرة في قلوبنا زمن جميل وعليك النبي خليك قريب
انا برجع ليكم
Post: #89 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-13-2009, 10:22 AM Parent: #68
طارق يا مكي ..
زي ما قال عاصم: انت عارف مش .. انا كلمتك قبل كدة
بس .. نفس الشي
اشواقي يا صديقي وكن كما اتمنى لك دوماً
كل الحب
Post: #72 Title: Re: حبيب نورة .. يا ود يا طاقة حروف .. أديني مترين من غنا Author: Dr. Salah Albashier Date: 11-21-2009, 04:02 AM Parent: #1
[green]الأخت العزيزة نهلة محكر لك كل الود ووافر الإحترام لا فض فوك، يبدو أنك معطونة بي عسل الكلام ، آمل أن تظللك سحابات المعاني ، وأن يكتمل هلالك بدرا عين الله ترعاك د. صلاح البشير
Post: #73 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-02-2009, 11:16 AM Parent: #72
إلى أن ينتهي حبيب نورة من تجهيزات رحلة بورداب القاهرة
Post: #74 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-02-2009, 08:30 PM Parent: #73
نهلة
Post: #75 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-04-2009, 03:40 AM Parent: #74
بعد أن غسلت رجسي من فوضي منتصف المدينة وتركت ثمة أصدقاء سؤ يتبضعون في وجوه السابلة الذين أدركهم البرد ولا يملكون لدرءهِ كلماتٍ من حبيبةٍ ما وجدتني أتقاسم مقعد الميكروباص البائس مع ثرثرة راكب مزعج وصوت المطرب الشعبي يكاد يستنفد ما تبقي من شريط الأسبرين الذي أحملهُ إحتياطاً في جيبي!
يا للبؤس!!
فقد بدأت أتذكر تلك الليالي التي أنفقتها وأنا أجهد نفسي في إثم التذكار وأنا أشعر أن في الجوار من يتلصّص علي خلوتي ويشاركني فيها
تلك المصنوعةُ لي!
وعندها قررتُ أن أتسكع فيما يسمي الفيس بوك عساي أن أجد في نارهِ هدي ولكني عملت متأخراً
أن يأجوجَ ومأجوجَ
قد أفسدا باسووردي!
وتركاني أهيم علي وجهي في أسفير سودانيز آكل من عدسهِ و بصلهِ
وأمشي في الأسواق
وعلي كتفي خاتم العشق! أبحث عن رؤية
أو ما شابه
تعيدني إليها وعندما بلغ بي التعب أشده
تمددتُ علي رمالِ الباندويث وبدأت أكتب إليها وأشيد علي شاطئ الحرمان كان أولي أن أبنيها في خلوة الفيس بوك أو غميس المسينجرات
ما يهم!
عفواً إذا شوقاً إليكي
دخلت من باب الخروج
عبارةٌ أخري أختلسها من هاشم صديق وأنا أدري أن سارق الشوق
لا تقطع يدهُ من خلاف!
ولكنهُ يسجن مع من أحب !!
Post: #76 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-04-2009, 05:45 AM Parent: #75
يا نهلة
يا طاقة حروف
أديني بس مترين غنا !
Post: #77 Title: Re: حبيب نورة .. يا ود يا طاقة حروف .. أديني مترين من غنا Author: مطر قادم Date: 12-04-2009, 01:52 PM Parent: #76
حبيب نوره كملت الشاي الاحمر والسيجارة الحمراء والقهوة وكمل الكلام وكملت الزغاريت فضل الغناء فتقبل هذه بانصات وتبتل في محرابك وتداعي
Post: #79 Title: Re: حبيب نورة .. يا ود يا طاقة حروف .. أديني مترين من غنا Author: مطر قادم Date: 12-05-2009, 03:39 AM Parent: #77
حبيبي غاب في عالم الجمال بلاقي
Post: #80 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-05-2009, 04:41 AM Parent: #79
يا أبو الأمطار
ياخي تسلم كتير
لكن لو بتعزني
الغنية الجاية للأجمل
نهلة ــــ
Post: #81 Title: Re: حبيب نورة .. يا ود يا طاقة حروف .. أديني مترين من غنا Author: omer osman Date: 12-05-2009, 05:06 AM Parent: #80
Quote: حبيب نورة .. يا ود يا طاقة حروف .. أديني مترين من غنا
Post: #83 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-05-2009, 05:59 AM Parent: #82
Quote: نهلة
عموري يا عسل
ياخي نهلة هي البتبالغ
ربنا يقدرنا علي حروفا
وتسلم كتير علي ذوقك الرفيع
شكرن كتيرن!
Post: #84 Title: Re: حبيب نورة .. يا ود يا طاقة حروف .. أديني مترين من غنا Author: مطر قادم Date: 12-09-2009, 09:04 AM Parent: #83
فوق
Post: #85 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-09-2009, 10:07 AM Parent: #84
أبو الأمطار
يرفعوك وليداتك
انا بجيكم الليل و آخرو
هسة ما عندي مُروّة للنضمي
Post: #92 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-13-2009, 10:43 AM Parent: #85
شكراً مطر قادم على الرفع والمساندة وشكراً على اللحن الذي لم استطع سماعه لعلة ألمت بجهازي .. لكن يقيني أنه لحن منتقى ومتميز
خالص التقدير
Post: #94 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-13-2009, 11:13 AM Parent: #85
وجيت اكتب عن الأشواق كلام طاعم سمح ينضاق لقيت السكة فيها شرك حفر بيجاي وجاي دقداق وباقي السكة رامية في ضل وانا المرمية في الرقراق
Post: #95 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-13-2009, 05:03 PM Parent: #94
Quote: وجيت اكتب عن الأشواق كلام طاعم سمح ينضاق لقيت السكة فيها شرك حفر بيجاي وجاي دقداق وباقي السكة رامية في ضل وانا المرمية في الرقراق
حروف ضواية
وانا كان خوفي كلوا من الكتابة تحت تأثير القمر!
Post: #93 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-13-2009, 10:45 AM Parent: #82
جنابو عمر .. حضورك .. أوقف الحروف انتباها لتحييك ممتنين لك ولمرورك العطر
خالص الود والتقدير
Post: #91 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-13-2009, 10:38 AM Parent: #72
اللهم آميييييييييييييييييييييييين شكراً على الدعوة الجميلة هذي د. صلاح البشير
مودتي وإحترامي
Post: #96 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-13-2009, 05:18 PM Parent: #91
نهلة
في محاولة للموتِ شوقاً
ولكن سأحيا قانعاً بحرماني
Post: #97 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-14-2009, 09:23 AM Parent: #96
حبيبا .. أتمناك وهي بخير
أحياناً كثيرة تلح علي الحروف وتسألني الخروج حيناً أطاوعها .. وأبتهج حين اراها تقفز وتدور في الورق وبين السطور وحيناً .. أتمنى أن تكف عن إزعاجي وتحريضي على الكتابة والبوح .. وحيناً آخر .. أتمنى أن تزيد من ضوضائها في داخلي وأن ترفع صوتها .. وان تزيد من تعبئتي ضدها .. حتى تنفجر .. فأنفجر معها بدوري ..
أخاف الكتابة .. وأحبها أعشق الحزن .. وأرتعب من إمساكه بتلابيب قلمي أنا الآن في حالة حزني المعتاد .. لا أدري سبباً له جزء ما في داخلي يرقص طرباً من هذه الحالة .. فهي تعني أن هناك سيلٌ دافقٌ من الأحرف على الطريق وأن هناك نصٌ ما .. قصيدةٌ ما .. أو حتى سطرٌ ما وجزءٌ آخر يرتعد وتهتز كل أعصاب الحس فيه .. يأبى أن يطلق عنان الحروف .. ويمتنع عن فك أسرها وأضيع أنا في الصراع بين هذين الإثنين
Post: #98 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-14-2009, 09:25 AM Parent: #97
وتركتني... يا أُنسَ الزمان بلا غطاءٍ أو دثار وأحاطني بؤسٌ كبَّل ساعدي قلبي ... وكلَّ جوانحي ورماني في لجّةِ الأحزان ترميني موجةٌ ... أخرى تهدهدني ... أقاومُ التيار فأفلت من حصار الموجِ ... أجد الموج أفلته الحصار
Post: #99 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-20-2009, 11:02 AM Parent: #98
يعتصر الحنين روحي ... بي شوقٌ إلى شيءٍ مبهم ... لا أدري كنهه وماهيته؟؟!!! ولا أعرف ما هو ؟؟!! إحساسٌ غامض يتملكني ... يحبسني داخله ... تغرقني دموعي بلا حزنٍ ولا ألم ... يختلج كياني ... تهزني مشاعر مجهولة ... كما لو أن إعصاراً إجتاح دواخلي بعثرها ... شتتها ... هز أركانها ودعائمها ... ومضى في صمت ... خلف وراءه سكونٌ ... وصمتٌ قاتلٌ رهيب..
ياااااااا الله هوووووووووووووي تعب اللسان من الشكية
Post: #100 Title: Re: حبيب نورة .. يا ود يا طاقة حروف .. أديني مترين من غنا Author: عفاف ابوكشوه Date: 12-20-2009, 12:06 PM Parent: #99
استمتعت بتلك الحروف الدافئة الندية
التي عبرت عن الدواخل النقية للرائعين
نهلة محكر
وحبيب نورة
افرحتونا فرح كثير
ونكاد نطير من الفرح
وعندما يجتمع المبدعون
قطعا ستكون المحصلة
حديقة غناء من الجمال
شكرا لانكما جملتما المنبر
والدواخل
مودتي
Post: #101 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-20-2009, 07:12 PM Parent: #100
نهلة
برجع ليك
بس كدي نبدأ صفحة جديدة
Post: #102 Title: Re: حبيب نورة .. يا ود يا طاقة حروف .. أديني مترين من غنا Author: عفاف ابوكشوه Date: 12-20-2009, 09:06 PM Parent: #101
فوووووووووووووووووق
Post: #103 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-20-2009, 11:07 PM Parent: #102
عفاف
يرفعوك وليداتك
ولكني أخاف التقصير في حقك لذلك ألتمس العذر
سأغيب مقدار إستحضار
و سأعود أكثر محبةً و طهراً
فقط كوني علي ذلك الوعد
شكرن كتيرن!
Post: #104 Title: Re: حبيب نورة .. يا ود يا طاقة حروف .. أديني مترين من غنا Author: عفاف ابوكشوه Date: 12-22-2009, 00:27 AM Parent: #103
.
Post: #105 Title: Re: حبيب نورة .. يا ود يا طاقة حروف .. أديني مترين من غنا Author: صديق الموج Date: 12-22-2009, 01:59 AM Parent: #104
من صديق بن الموج الى جناب الباب العالى نهلة بت محكر و حبيب بن نورة والذى نفس صديق بيده تحردوا الزول كلامه ولغته التى يكتب وحروفه التى يعرف علمونا كيف تغزلون الحروف موسيقى... تزاوجون بين لحمتها وسدايتها فتصير وجدا.. تشقى وتشفى... رعاكم الله من نسمات لطيفات فنحن يكفينا فغر الفاه والاندهاش فى حضرة حروفكم.. اشهد الله لا شى يبعث على الملل فى هذا الخيط غير نوع مداخلاتى تلك وشتارة البعض فهلا وجدتم لنا العذر؟؟؟
Post: #106 Title: Re: حبيب نورة .. يا ود يا طاقة حروف .. أديني مترين من غنا Author: ناصر احمد الامين Date: 12-22-2009, 08:26 AM Parent: #105
قال لي صديقي:
ان هناك فرق بين من يحرك قلما بين يدية و يعتصر الحروف
و بين من تعتصر الحروف وجدانة فتخرج طائعة لأناملة
جيت اسلم عليكم ..... و استريح
Post: #109 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-22-2009, 11:50 AM Parent: #106
ناصر سلامات وعساك طيب يارب
استريح يابا وانجم قدر ما داير والله مافي شي بيفرحنا غير انو نكون مكان انجمامة وراحة لكل الناس
عجبتني مقولة صاحبك شديييييييييييد
اقعد عافية
Post: #108 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-22-2009, 11:47 AM Parent: #105
صديق الموج .. أولاً .. دعني أشكرك سيدي .. أن كان لك الفضل الأول .. في أن أكتشف أنني عضوة بهذا المنبر قبل يومين كنت اقلب في أوراقي ووجدت بعض الكلمات التي كتبتها تسأل فيها عني فشكراً لك مرة أخرى
Quote: بكرى اليك اشكو نهله محكر فهى حقارة !!!! وهل يعقل ذلك من زميله سامحك الله يا اخت؟؟؟؟؟؟؟؟؟؟؟؟
كان هذا عنوان البوست الذي أفردته تسأل عني .. ويبدو أنه راح مع الهكر
Quote: خلو بالكم البت دى تاريخ تسجيلها قريب سنه ولم تنبس ببنت شفه معقول يا نهلة مافى زول ساكت ابوه مات وجعك عشان تعزى.. وكل يوم مع الحضور محكرة يا بت محكر.. الله يهديك علينا بى كلمتين،،،
ودة محتوى البوست
جئت تشكو لبكري حقارة بت محكر وان الصفر في بروفايلي ... كبيراً قد تحكر تسائلني اما هناك فقدٌ لعزيز ... أو وجيعٍ فيه أُخبر وأنني في الحضور كل يوم ... أشاهد ما يدور وما يسطر وتسأل لي الهداية (كلمتين) بهما أحاجج أو أنظر أقول أنني ماكنت عارفة ان بكري لدخولي... من زمان ليا أشر وانني عضو قديم ... تهلهل حرفي وتغبر اقبلو مني اعتذارا ... ومن الليلة ... حروفي بينكم تتوهط ... وفي الواطة تصنقر نون 18/3/2008
ودة ردي عليك :)
Post: #186 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 05-04-2010, 12:19 PM Parent: #104
أحن لتلك الأيام
لماذا لا نكتب عنها؟
Post: #107 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-22-2009, 11:36 AM Parent: #100
أستاذة عفاف .. نحن من نتجمل بوجودكم حولنا .. ومروركم على أحرفنا .. ونسعد أكثر انها تجد موقعاً في دواخلكم
كامل ودي
Post: #110 Title: Re: حبيب نورة .. يا ود يا طاقة حروف .. أديني مترين من غنا Author: سارة كرودى Date: 12-22-2009, 12:26 PM Parent: #107
.. .. نهلة محكر ...
.. سلااام .....
ادينى من كتاباتك شوية وللا خلينى اسرك بى كلااام ...
وقولى السر بلون حروفك ...
...
نهلة... حرووووفك تتعدى ال 28 ...
تحية ...
Post: #115 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-29-2009, 07:53 AM Parent: #110
Post: #113 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-28-2009, 07:08 PM Parent: #112
مطر
ياخوي شخبت ساهي
خليني من توقيعك القاعد تجي تلصقوا و تمشي دة
Post: #116 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-29-2009, 07:55 AM Parent: #112
يا مطر ياقادم
ليك مطلق الحرية ودون استئذان
البوست ليك بالكامل .. اعمل فيهو الدايرو
Post: #114 Title: Re: حبيب نورة .. يا ود يا طاقة حروف .. أديني مترين من غنا Author: ابراهيم الصغير Date: 12-28-2009, 07:52 PM Parent: #100
حبيب نورة.. يامتحكر جوانا وخالف رجلك ... والله مفتقدك ..... انت ونهلة وواحشاني كتير كتاباتكم عارف البوست دا لو اتأرشف ... كان مت بالزعل انا...
Post: #117 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-29-2009, 08:04 AM Parent: #114
ابراهيم الصغير .. ما تشوف وحشة ان شاء الله
غبنا عنكم رغما عن أنف حروفنا .. وها نحن الآن نعود إليكم وكلنا شوق لملاقاتكم ..
كل الود
Post: #118 Title: Re: حبيب نورة .. يا ود يا طاقة حروف .. أديني مترين من غنا Author: جعفر محي الدين Date: 12-29-2009, 09:06 AM Parent: #117
اتحكري في دكة القول الجميل وانهلي من دمعة الريد العفيف واتلفحي بتياب عزتنا والحب والجمال ونوري الكلمات بشمعة الشوق الشفيف
لكم الود غاليه
Post: #126 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 01-14-2010, 12:15 PM Parent: #118
Quote: اتحكري في دكة القول الجميل وانهلي من دمعة الريد العفيف واتلفحي بتياب عزتنا والحب والجمال ونوري الكلمات بشمعة الشوق الشفيف
متحكرة .. بين قلوب بتفيض محنة وود كبير
تشكر جعفر .. ممتنة جدا
كل الود
Post: #120 Title: Re: حبيب نورة .. يا ود يا طاقة حروف .. أديني مترين من غنا Author: Mohamed Foto7li Date: 12-29-2009, 09:08 PM Parent: #100
سلام
دخلوني معاكم في الحب دا والله نفسي انكتب في بيت شعر
تحياتي
Post: #127 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 01-14-2010, 01:07 PM Parent: #120
Quote: دخلوني معاكم في الحب دا
ليك ولي كل الناس جميع كل المحبة والمودة
Quote: والله نفسي انكتب في بيت شعر
ألف مرحب بيك فتوحلي .. نور فريقنا وزاد حُلي
كل الود
Post: #193 Title: Re: حبيب نورة .. يا ود يا طاقة حروف .. أديني مترين من غنا Author: إسحاق بله الأمين Date: 06-09-2010, 03:27 PM Parent: #100
كلام يقطر عسلا وعسل يسيل كلمات
يا ما الدنيا دي فيها ناس يمتعوك، يسحروك ، يجذبوك ،يدهشوك ويحيروك وخير مثال : الشاب المبدع الرائع: الأستاذ حبيب الكل، حبيب نوره والأستاذة المبدعة، الحاصلة على القيد الصحفي، الكاتبة الصحفية، الشاعرة الذكية نهلة محكر
يا الله اعصروا الحروف ومتعوا خلق الله
Post: #252 Title: Re: حبيب نورة .. يا ود يا طاقة حروف .. أديني مترين من غنا Author: لطفي علي لطفي Date: 10-23-2010, 01:09 AM Parent: #98
نهلة محكر
سلامات
بوستاتو حلوة و جميلة و احلاها اهو دي حكيرا
Post: #119 Title: Re: حبيب نورة .. يا ود يا طاقة حروف .. أديني مترين من غنا Author: حجة امنة Date: 12-29-2009, 06:17 PM Parent: #1
يا نهلة بلاهي عليك فكيها ضفيرة النيل و الليل
ولي عودة إن الله راد
Post: #121 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-30-2009, 05:31 AM Parent: #119
بحبكم
كلكم
Post: #122 Title: Re: حبيب نورة .. يا ود يا طاقة حروف .. أديني مترين من غنا Author: ابراهيم الصغير Date: 12-31-2009, 12:17 PM Parent: #121
نهلة وحبيب ما تطولو الغيبة دائما في انتظاركم.. تصدقو يا شباب .. بقيت لما ما القاكم في الصفحة الاولي بكون متضايق جدا واضطر امش البحث تجيني كميات من الحاجات الحلوة الما كنت شاهد عليها منكم وعنكم تاخدني فترة اقعد اقرأ فيها احفظ بعضها.. يأخذني التفكير في البعض الاخر .. تفوت علي باقي المواضيع .. اعمل ليكم شنو؟؟؟؟
Post: #123 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-31-2009, 06:29 PM Parent: #122
أبراهيم الصغير
والله جِنِس كلامك دة بدينا دافع كبير لمزيد من الحروف
ياخي والله بنحبك
وسنة سعيدة عليك يا رب
Post: #124 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 01-04-2010, 12:29 PM Parent: #123
..
صباح الإلفة والأشواق ...
صباح الزول وكت يشتاق ...
يقالد طيف من الأحباب ...
ويهديهم حنين دفاق
ويقول ليهم سلام آناس
ليكم جد أنا مشتاق
Post: #125 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 01-12-2010, 02:31 PM Parent: #124
نهلة
و أواخير الشتا زحمة تفاصيل ممعنة في الإصطلاء
نفس التفاصيل التي تدفأني و تتركني لأحتمي بلهيبها من صقيعِ كلماتي التي يفاجأني صمتها البارد حين أشتهي إنتصاف شمس ليلها العاشر!
ولا تفعل ! و أنا أدري أنها لم ترحل ولكنها تظاهرت بالرحيل بعيداً عن إشتهائي المُضنِي!
وهكذا يخيل لي دائماً في جميع الشتاءات التي تشغلني عن إحتراقي و تجعلني أغض النظر عن النوارسِ المسكينة التي تشغل نفسها بالتسكع في الشواطئ الأكثر فراغاً إلا من بعض السفن البائسة و ورفرفة الأشرعة
والرحيل! وكثيراً ما أسألني لماذا أشعر بهذه القشعريرة المفاجئة كلما أشتعلت أنفاسك في مخيلتي؟ الغريب أنها نفس الأنثي المدارية التي تدثر حضورها بخط الأستواء
ولكن المزاج الشتوي فيما يبدو أكثر حرارةً و إشتعالاً هذا المساء بالقدرِ الذي يجعلني أترقب إياب كلماتها التي أطالت السفر
كلماتها و إنتصاف شمس ليلها العاشر
حسب توقيت أواخير الشتا !
يا أنثي مصنوعةٌ من صقيعي
كفاكي تساقطاً
فعندي المزيد من الثلوج
أشعليني وتأكدي بأن النار هي فاكهة هذا الشتاء
ــــــــ
من أوراق دب قطبي يحمل وثيقة سفر إستوائية زائفة يحلم بقليلٍ من الدفء
ولا يخفي عليكِ بأنهُ ملّ هذا البيات الشتوي!!
Post: #132 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 01-17-2010, 11:44 AM Parent: #122
ابراهيم الصغير ..
كلماتك وسام نتقلده بكل فخر وان شاء الله ما نغيب منك ويكون حرفنا دايما عند حسن ظنك
كل الود
Post: #128 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 01-14-2010, 01:13 PM Parent: #119
Quote: يا نهلة بلاهي عليك فكيها ضفيرة النيل و الليل
فكيتها يابت .. فرشتها ليك في طرف القيف جات القمرة تمشط فيها ختت نجمة وودعة .. وفاتت
Quote: ولي عودة إن الله راد
راجياك يا مطيرة ..
Post: #129 Title: يا أنا ... Author: حبيب نورة Date: 01-15-2010, 01:40 AM Parent: #128
يا أنا !!
لسة ما كملوا متيرن الغنا ديل؟
Post: #130 Title: Re: يا أنا ... Author: حبيب نورة Date: 01-16-2010, 04:13 PM Parent: #129
وهذه برقيات .....
Post: #131 Title: Re: يا أنا ... Author: حبيب نورة Date: 01-16-2010, 04:18 PM Parent: #130
*1*
إلي من أهدتني شتاءاً دافئاً وجعلت مواسمي أكثر حرارة
و تركتني أغني
إنها لم تكن مجرد أغنية
فقد كانت نهلة !
Post: #133 Title: Re: يا أنا ... Author: نهلة محكر Date: 01-17-2010, 11:47 AM Parent: #131
تأتي ليالي الشتاء كئيبة غارقة في ظلام دامس
تتسكع روحي خارجة رغم البرد والصقيع
علها تأنس نار وجودك حولها ..
فتتدفأ بها .. أو تأتي منها بقبس منير
Post: #134 Title: Re: يا أنا ... Author: حبيب نورة Date: 01-19-2010, 06:53 PM Parent: #133
شكلِ برقية وكدة ....!
إلي مسافرة بعيداً في شهيقي وتتحسّس مكامن العصب أهديكي نشيدي الأخير و أرجوكِ أن تترفّقي بأنفاسي التي تركضُ في صدري كلما أشتهيك !
Post: #135 Title: Re: يا أنا ... Author: حبيب نورة Date: 01-19-2010, 06:55 PM Parent: #134
نهلة
أحدثك عن الريح؟؟
Post: #136 Title: Re: يا أنا ... Author: حبيب نورة Date: 01-19-2010, 06:59 PM Parent: #135
أها...........
الريح بتتعب لمّا تضهب في البلود الما بتعرف هم صدودك تجري مقطوعة نفَس تمسح دموعا في ضل الشجر تختِف من النيل الغنا تزهج من الحر واليباس ما الريح مواعيدا المطر تفرح و تضحك للغمام
Post: #137 Title: Re: يا أنا ... Author: حبيب نورة Date: 01-19-2010, 07:00 PM Parent: #136
بطنك تطُم يا ريح تصُر وش الغبار تهرِد جخانين الصدور
Post: #138 Title: Re: يا أنا ... Author: حبيب نورة Date: 01-19-2010, 07:03 PM Parent: #137
غلبني الكلام
سماح يا نولا
بحاول أجيك صاد
و يمكن ضاد
ما تشتغلي بي النقطة!!!
في النهاية هم حرفين جيران النقطة بالنقطة
علي وزن الحيطة بالهيتة!
Post: #139 Title: Re: يا أنا ... Author: حبيب نورة Date: 01-20-2010, 06:21 PM Parent: #138
hi
Post: #140 Title: Re: يا أنا ... Author: حبيب نورة Date: 01-20-2010, 07:03 PM Parent: #139
لحن المساء وكدة
Post: #141 Title: Re: يا أنا ... Author: عمر عبد الله فضل المولى Date: 01-20-2010, 07:40 PM Parent: #140
جمال في جمال
كل التحايا
Post: #142 Title: Re: يا أنا ... Author: حبيب نورة Date: 01-20-2010, 08:59 PM Parent: #141
تسلم يا عمر
ننتظر معاً متاوقة نهلة
شكرن كتيرن!
Post: #143 Title: Re: يا أنا ... Author: حبيب نورة Date: 01-20-2010, 09:00 PM Parent: #142
مريسا طاعمة تستاهل أضنيك
Post: #144 Title: Re: يا غُنا ... Author: نهلة محكر Date: 01-21-2010, 11:05 AM Parent: #143
إلى أن تحين مواعيد الحلم
لك عذب اللحون
Post: #145 Title: Re: يا غُنا ... Author: نهلة محكر Date: 01-21-2010, 11:18 AM Parent: #144
Post: #155 Title: Re: يا غُنا ... Author: عبداللطيف خليل محمد على Date: 02-18-2010, 12:15 PM Parent: #154
نهلة :
دام فضلك .. لكن ؛ ربما يطيب البقاء في ( بوستات ) من شاكلة : فيدرالية - تنمية متوازنة - تمرد - تشرد - نازحين . باعتبار هذه الاشياء جزء حقيقي و كبير من واقع معاش .
و فجأة كدا يجيني السيد حبيب نورة و يقول لي :
وحاة الصباح البِكوس في شموسك .. وحياة غلاوتك ..
و : حسيتني و أنا بقراك من الشمال للحنين !
أو : عايز أنهل من غمامك كلمة تفضح صمّة خشمي قدام سلطان حروفك ! و إنتي يا ست العرايس جاييكي بي قولة خير وسيرة قصايد و للنخلة التذغرد بي جريدا! خاتم جنيه .... حق أم العروس ! مِدِّي علي سبيطك تمرة تمرة .... ياني جاييك بالشعاع شمسين و قمرة .... أو :
تلك التي أنا منها كحزمة عبير وهي مني كمحرقة صندل .... أو :
شان متواعدين قشرت بي ضحكة ولبست أبتسامتي الخدرا!! مطقِّم مع الفرح الشكلوا بنفسج!! أحمر حمار أتر شرياني في نص الدرب على سبيل المثال ؛
أو تجي نهلة - أو فتاة مجنونة حروف - تقول :
ليوم .. أوقد لك ألف شمعة من "ريد" وألفاً .. من حنين وحنين وأشد لأجلك كل أوتار الحروف لنغني معاً نشيدك الأزلي وتصدح معنا كل الكلمات التي قيلت والتي ما زالت في رحم الغيب تنتظر المخاض ..
و : أنا وإنت .. شجن وحنين.. وغنوة ريد .. قالوها اتنين وشوق دفاق .. وحجوة جميلة للأطفال .. ينوموا العافية مبسوطين أنا وإنت .. نغم حاني .. ووتر مشدود .. ترانيم بالأمل تنساب .. صلاة خاشعين رنة ناي .. ودقات نوبة صوفية .. دراويش في الذكر غايبين
و :
مابين خطاوي اللهفة والزمن البتول .
-----------------
ياخي ( الزمن البتول ) دي براها قمة في الابداع ..
فكيف يكون البقاء بينكما و انتما ترسمان الحياة بهذا الكلام الجميل و بهذا الوصف الوصف البليغ ..
نحن في حال ما عودنا على الجمال ابدا .. لكن حين نقرأ لكما ؛ نتفاءل حقيقة .. و نهرب منكما ؛ حتى لا نتصالح مع الجمال ..
كباية شاي حمرا وسجارة من نفس اللون! أدت المزاج تفاصيل الكيف الباذخ
ومصر أسأل عليك
الليل وبرضو خطوات الصباح حي علي الصباح أذان الشمس المتآمر مع شوقي المرير بلح علي إني أسجد في تبروقة حوجتك الدؤوبة لتجيير واقع أغبش تفاصيلوا بتديني إمكانية الإياب عربون متواضع لي غربة متآمرة برضو مع حزني الأكثر مرارةً
الأهم من ذلك
وحشة أكملت مثلت التآمر الصباحي
والشمس المارقة للغنا والتلاف !!
Post: #168 Title: Re: تآمر .... Author: ابراهيم الصغير Date: 04-02-2010, 09:23 AM Parent: #167
منتظر ... ومتابع .. وكلي لهفة ... لك الريدة وزيادة .. وفي انتظاركم انت ونهلة .. ما تطولوا الغيبة ..
كان النور يأتينا من مكان بعيد .. نقطةٌ صغيرة .. نسير إليها .. ونهتدي بها تبعث في دواخلنا الأمل .. وتحثنا على المضي قدماً في ذاك النفق المظلم الطويل .. كنا نقترب شيئاً فشيئا ... وحين قاربنا مكانها .. وصرنا قاب قوسين أو أدنى تراقصت تلك النقطة .. وأصبحت كمن أصابها مس أو زلزال ولكنا لم نيأس .. وقلنا أنما هي حالةٌ عابرة . سرعان ما تعود إلى سابق عهدها فتهدينا الضوء .. وتشيع فينا ذاك الأمل الذي ظل يكبر ويكبر بوجودها .. ونحن على بعد خطوات قليلة منها .. وحين ظننا أننا وصلنا نهاية النفق .. وأن الخلاص قد حان أخيراً .. وسنخرج للشمس والحرية .. كانت نقطة الضوء تخبو .. وتخبو .. وتخبو .. فوجئنا أنها .. كانت .. شمعةً رخيصة الصنع .. وصلت إلى منتهاها .. وأنها وضعت في نهاية النفق المسدود .. لتضيء آخر رسم نحت على جداره .. وجه ساخر يمد لنا لسانه بسخرية .. وبابتسامة صفراء ملتوية .. وجه يستمتع "بمكر" بمنظرنا البائس .. وبلاهتنا وغبائنا وتصديقنا بوجود الأمل واتباعنا لنوره بكل بلادة .. وحلمنا بالخروج من ذاك المكان بعد كل هذا الوقت الذي قضيناه فيه خفت النور .. وضاع الأمل .. وعدنا للمربع الأول .. أو عدنا إلى ما وراء التاريخ .. وصدى ضحكة متشفية تتردد في جوانب النفق .. وصوت قادم من بعيد يردد في آذاننا ..
"كل اللي كان كضبة .. مافيش أمل تغيير والشجرة مغروسة متعمقة جذورا تضرب شمال ويمين مين اللي حيدوسا"
لكننا وفي دواخلنا رغم هذه المرارة .. ورغم هذه الإحباطات .. نردد ونقول ..
"الحلم ما حيقيف .. ولسة الأمل ضاوي جوانا ما بيخفت ولا لحظة ما حيموت مهما الشجر مد .. أو جذرو اتعمق من فرعو سل السوط كتف أيادينا .. كمم خشومنا قعد وفينا كتم الصوت والشعب لو بيصبر معناها ما ناسي ولاشي عليهو بفوت باكر تروق تحلى .. وتدق طبول عزك يا بلدي ما بتموت"
Post: #172 Title: Re: حروفٌ حزينة .. متشحة بالضباب Author: عثمان الخير Date: 04-04-2010, 10:28 AM Parent: #171
Post: #175 Title: نحلة.... هذا الصباح Author: حبيب نورة Date: 04-07-2010, 09:47 AM Parent: #174
نحلة.... هذا الصباح
حرقت دمها
بكت بي دموع عسل
نامت في حضن خلية شوق ...
وشنقت باقي الحزن الفضّل فيها فوق ضل زهرة فُل!
نحلة... هذا الصباح
مرقت تفتش في نداها المسروق من غناها من غناها المختوف من نداها
ضحكت بي عيون عسلية لمن صوتها السكر جمّل طعم الزمن الحنضل
ولكن
نهلة هذا الصباح
خاتفة طعمين من عسل!
وعشان الشهد الفيك
أديني إحساس بالعسل في كل لسعة شوق تطول !!!
Post: #176 Title: Re: نحلة.... هذا الصباح Author: نيازي عبدالله مرحوم احمد Date: 04-07-2010, 10:06 AM Parent: #175
Batch 17 ولا انا غلطان
Post: #177 Title: Re: نحلة.... هذا الصباح Author: نهلة محكر Date: 04-07-2010, 02:37 PM Parent: #176
Quote: Batch 17 ولا انا غلطان
كلش مو بغلطان :)
Post: #178 Title: Re: نحلة.... هذا الصباح Author: وليد عبد اللطيف Date: 04-07-2010, 03:04 PM Parent: #177
Quote: نحلة.... هذا الصباح
حرقت دمها
بكت بي دموع عسل
نامت في حضن خلية شوق ...
وشنقت باقي الحزن الفضّل فيها فوق ضل زهرة فُل!
حبيب نوره + نهله محكر انتو نصاح على بالايمان بوستيكم ده من زمان عامل لي رجفة اقول ادخل شيتن غريب يمنعني وقلت حبيب نوره ده زولي وكلامو بعجبني عِلا نهلة محكر ما تخيلتك تكوني بهذا الابداع الا بعد مذاكرة هذا البوست
حبيب نورة وناس مصر امكن نجيكم دقة سريعة لزيارة الحاجة ياريت نلاقي لينا معاكم طاقة حروف ومتر غناء
--------------------- انتو عسل
Post: #179 Title: Re: نحلة.... هذا الصباح Author: حبيب نورة Date: 04-14-2010, 06:01 AM Parent: #178
وليد
القاهرة فاردة لي ضراعاتا بي شوق جنحين حمامة لي فرّة صباح
راجياك تقول حي علي الفلاح
بس إنت أركب مراكب شوقك
وتعال بي خطوة مجداف
شكرن كتيرن!
Post: #180 Title: Re: نحلة.... هذا الصباح Author: حبيب نورة Date: 04-14-2010, 06:04 AM Parent: #176
نوناتو الفي وجناتو
نيازي
صاح!
Post: #181 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 04-21-2010, 05:26 PM Parent: #1
مساء الخير يا الأمير
أيناكِ !
Post: #182 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 04-25-2010, 11:23 AM Parent: #181
رحـــــيــــــــــــــل
وحيد وسط الخلق والناس لا زولاً يقول كيفك ولا طيفاً يسامرك ليل حزين مكسور جناح خاطرك لا طرفاً يحن يغشاك ... لا روحاً تقاسمك ويل بعيد تايهات شراعاتك لا قمراً يضويلك ... لا نجمات سماك دليل دموعك سايلة في خدك ... لا كتفاً سند راسك ... لا كفاً صبح منديل براك يا قلبي مين يطراك ؟!! لا نبضك صبح مسموع لا قلباً عليك يميل تجرع في كؤوس حزنك ... لا بتقدر بلاهو تعيش ... تشيل الهم وليكَ يشيل خلاص فارق خطاهم فوت لا أسفاً عليك ببقى ... لا بيوجع عليك عويل وحيد أرحل بلا ذكرى ... وخلد ذكرتك في النيل
Post: #183 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 05-03-2010, 11:40 AM Parent: #182
ضبابية هذي المدن... كئيبة أسوح في شوارعها القريبة كالغريبة وحيدة هذه الجدران تقتلها الرطوبة فأسند رأسي المهدود ألقاها مني قريبة صاحبتها ... صادقتها ... فكانت أغلى حبيبة هذه الجدران ... هي الحبيبة
Post: #185 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 05-04-2010, 10:42 AM Parent: #183
Quote: صاحبتها ... صادقتها ... فكانت أغلى حبيبة
إذن هي الحبيبة التي تراودني عن لغتي المثقوبة فأحاول ترقيعها ببضعةِ كلماتٍ لا يبلغن سدرة منتهاها ولكن كل ما أفهمهُ !
ما معني هذا الصمت ؟؟!
Post: #184 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 05-04-2010, 10:35 AM Parent: #182
حروف تتسكع علي حوافِ أزيزٍ طروب
يجرحُ صمتي ليجعلهُ يصرخ
و أنا سأصرخ ذات صمتٍ لأقول
أشتهي هذا الأزيز!
Post: #187 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 05-18-2010, 00:10 AM Parent: #184
إلي صديقتي و أختي
حتي تعودُ أكثر نضارةً
ألف ألف سلامة ليك يا نهلة
إنشاء الله تفداك النفوس
Post: #188 Title: Re: حبيب نورة .. يا ود يا طاقة حروف .. أديني مترين من غنا Author: Mahassin Ibrahim Date: 05-18-2010, 07:19 AM Parent: #187
أحي أولا نهله : لا تستطيع حروفي ان تجزى ولو قطره صغيره من فيض مداده الادبي. قريت هذا البوست وشدني في حينه...لكن وين نحنا وهذه الحروف التي تنطاع لمبدعيها كما قال ناصر الامين ...ونخاف من شتاره كلماتنا كما ذكر ود الموج. حياك الله وابقاك لانك نسجت حروف في حق انسان قلما ما يوصف به انه انسان ....وحقا الانسانيه مرحله لايطالها الكثيرون. كنت اتنمي ان اجد فرصه لاشكر هذا الحبيب(( ابونوره)) ....رايت ما يقدمه لكافة ابناء شعبنا في تلك اليلاد ....له التحيه مدوزنه بباقات الود والامتنان. الاخرين الذين معهم ان استحضرتني الذاكره ... محيالدين جبريل وبهاْء (( انشاء الله يكون بلغ العافيه))ز التحيه ليكم ابناء بلدكم وانشاء الله تحر سكم رعاية الله اينما حللتم.
Post: #189 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 05-26-2010, 04:37 AM Parent: #188
Quote: أحي أولا نهله : لا تستطيع حروفي ان تجزى ولو قطره صغيره من فيض مداده الادبي. قريت هذا البوست
محاسن علي قولك نحيي أولاً البت نحلة علي شهدِ كلامها
والله إنتو كلكم عسل
Quote: حياك الله وابقاك لانك نسجت حروف في حق انسان قلما ما يوصف به انه انسان ....وحقا الانسانيه مرحله لايطالها الكثيرون. كنت اتنمي ان اجد فرصه لاشكر هذا الحبيب(( ابونوره)) ....رايت ما يقدمه لكافة ابناء شعبنا في تلك اليلاد ....له التحيه مدوزنه بباقات الود والامتنان
لا تعليق !!!
شكرن كتيرن!
Post: #190 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-01-2010, 02:13 PM Parent: #189
Post: #194 Title: Re: حبيب نورة .. يا ود يا طاقة حروف .. أديني مترين من غنا Author: إسحاق بله الأمين Date: 06-09-2010, 03:30 PM Parent: #192
كلام يقطر عسلا وعسل يسيل كلمات
يا ما الدنيا دي فيها ناس يمتعوك، يسحروك ، يجذبوك ،يدهشوك ويحيروك وخير مثال : الشاب المبدع الرائع: الأستاذ حبيب الكل، حبيب نوره والأستاذة المبدعة، الحاصلة على القيد الصحفي، الكاتبة الصحفية، الشاعرة الذكية نهلة محكر
يا الله اعصروا الحروف ومتعوا خلق الله
Post: #196 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-10-2010, 01:35 AM Parent: #194
Quote: يا الله اعصروا الحروف ومتعوا خلق الله
سيدنا إسحق
وجودك بيننا هو ما كان ينقصنا
فداوم علي الحضور
شكرن كتيرن!
Post: #195 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-10-2010, 01:31 AM Parent: #192
Post: #197 Title: Re: حبيب نورة .. يا ود يا طاقة حروف .. أديني مترين من غنا Author: إسحاق بله الأمين Date: 06-12-2010, 03:32 PM Parent: #195
Quote: سيدنا إسحق
!
رحم الله أخانا عبد العزيز "الجندي"
كان يملا أزيار المسيد بيده الواحدة، ويضحك ضحكته المعروفة التي تشابه ضحكة الزين ويسأل الفكي المبارك شيخ الخلوة رحمه الله ويقول: سيدنا المبارك الجنة فيها ملاح خدره؟ تخيل أخي الحبيب حبيب رجل غاية أمنيته أكل "كسره بملاح خدره" في الجنة.ألا تعتقد أنه سيدخلها؟ إن أرحم الراحمين وأكرم الأكرمين سيدخل حبيبنا عبد العزيز جنة عرضها السموات والأرض، فقد عاش مسكينا ومات مسكينا وسيحشر بإذن الله في زمرة المساكين
Post: #198 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-12-2010, 10:57 PM Parent: #197
والله زي ما قلت يا إسحق فعلاً زول بسيط خالص
والنوع دة أصبح نادر جداً في الزمن دة
إيييييه
دنيا!
Post: #200 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-16-2010, 09:55 AM Parent: #198
بعيدة مدائن الحنين .. والخطو أنهكه طول السفر حقائب الروح تنتظر أن تُفض لترتاح على دواليب الأمان
Post: #201 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-16-2010, 02:55 PM Parent: #200
Quote: يا الله اعصروا الحروف ومتعوا خلق الله
عصرناها ولسة بنعصر كمان وكمان .. لكن عصير حروفنا ببقى مسيخ .. لو ما مريتو عليهو وطعمتوهو بعسل وجودكم
تسلم أخي إسحق
Post: #202 Title: Re: حبيب نورة .. يا ود يا طاقة حروف .. أديني مترين من غنا Author: إسحاق بله الأمين Date: 06-16-2010, 03:15 PM Parent: #201
Quote: عصرناها ولسة بنعصر كمان وكمان .. لكن عصير حروفنا ببقى مسيخ .. لو ما مريتو عليهو وطعمتوهو بعسل وجودكم
يا سلام يا مبدعتنا نهلة محكر كتابة جميلة طاعمة متل السكر حضور دايما بهي مشرق أخضر وكتين تجتموا إنت وحبيب نوره الأسمر نتسابق على كأس خمرتكم لامن نسكر
Post: #203 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-16-2010, 03:28 PM Parent: #202
Quote: يا سلام يا مبدعتنا نهلة محكر كتابة جميلة طاعمة متل السكر حضور دايما بهي مشرق أخضر وكتين تجتموا إنت وحبيب نوره الأسمر نتسابق على كأس خمرتكم لامن نسكر
Post: #204 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-19-2010, 11:32 PM Parent: #202
الحبيب إسحق
نحلة بقة عسل صافي تغرف من شهدها الدنيا كلها
أحيي هذا الحضور الأنيق
وخليك قريب في السيمستر القادم
Post: #206 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-27-2010, 11:32 AM Parent: #204
نجلس على رصيف الزمن نرقب المارة.. ناكل التسالي... نمزمز العصائر ندوس على جراحنا لتدمي نقص رقابهم فتهوي وكل هذا في الورق تطير اوراقنا ... فتطير رؤوسهم يصيبنا الفرح لسنا كدون كيشوت نحارب الهواء... لكنه الهواء... ياتي بكل ما نريد وهل نريد نحن غير ان نجلس على الرصيف!!!!
Post: #207 Title: Re: حبيب نورة .. يا ود يا طاقة حروف .. أديني مترين من غنا Author: Mahassin Ibrahim Date: 06-27-2010, 01:54 PM Parent: #206
يا مبدعينا : نهله وحبيب نورا : لا نملك غير ان نحييكم ....ابداع لا يجاريه اى قلم مهما تجاوز حد المعقول.
عندى اقتراح طريف تجميع هذه المجادعات الادبيه صوت وصوره ....ونحن في انتظار اقتراحاتكم.
دمتم.
Post: #209 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-27-2010, 02:25 PM Parent: #207
الحبيبة محاسن
والله فعلاً أنا جاتني إقتراحات عديدة وعندي فكرة عمل ثنائي أو ثلاثي أتكلمت فيه مع بعض الأخوان
ومين عارف يمكن يري النور قريباً
أشكرك علي حضورك البهي
و أنتظرينا في السيمستر الجديد
Post: #210 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-28-2010, 10:00 AM Parent: #207
Quote: يا مبدعينا : نهله وحبيب نورا : لا نملك غير ان نحييكم ....ابداع لا يجاريه اى قلم مهما تجاوز حد المعقول.
عندى اقتراح طريف تجميع هذه المجادعات الادبيه صوت وصوره ....ونحن في انتظار اقتراحاتكم.
دمتم.
تسلمي يا ست محاسن .. وإن شاء الله نطبق الفكرة دي في أقرب فرصة ممكنة ..
لكي ولحبيب نورة التحية وخالص الود والتقدير
Post: #208 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-27-2010, 02:22 PM Parent: #206
نهلة
وأنا أرهن خطواتي كلها
إنتظاراً لذات الوصول !
Post: #211 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-28-2010, 12:18 PM Parent: #208
الحرفين ديل أوحت لي بيهم زولة !
واحشاني و بسأل عليها شديد
زولة صندلية
ساعة مرق صندل نداك أبنوسة نامت في الخدار تضحك تطِل في الكون شمس غرقانة في الليل و النهار لونك تفاصيل المطر مين حنّن الغيم بالسمار ؟
صوتك ضجيج الضحكة في ندرة فرح ضحكة قصايد نايمة في خاطراً سرح زمناً سمِح أتغطي بي أقواس قزح
قنّن حليب شمك عصُر مرتاح علي طيب صندلك أتقريف عليك نجم السما بالقمرة يوم ما بدلك صندل يدوخ من طيب نداك يعدل مزاجو .. قرنفلك !
Post: #212 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 07-01-2010, 11:47 AM Parent: #211
كم من حروف رسلتها حملتها الشوق والحنين وصيتها في بابك تقيف
أقف في مفترق طرق .. يتجاذبني الحنين كل إتجاه .. ماضٍ يشد على طرفي لأعود وحاضرٌ .. ينظرني بعتاب ومستقبلٌ يرنو بكل ما فيه من أمل
فيا أيها الماضي .. ما عاد يجدي النظر إلى الوراء .. فما قد مضى .. قد مضى .. ولن تكون سوى ذكرى أستصحبها معي .. وتجارب أهتدي بها .. وأمضي قدماً على ضوئها
ويا أيها الحاضر .. إنني فيك ومعك .. نسعى جاهدين لنعيش هذه اللحظات حلوها ومرها .. بكل إستمتاع وإستغراق وغداً ... ستصبح أيضاً ذكرى أخرى
ويا أيها المستقبل .. إفتح ذراعيك على سعتهما وإنتظرني بكل اللهفة والحنين .. وإن كنتا لا نعرف ماذا سيصيبنا .. لكن يحدونا الأمل على أننا سنعيشك ونتعمق في لحظاتك .. حلوها ومرها .. نهتدي بما مضى من تجارب .. ونستزيد بما معنا من ذكرى إلى أن نصبح في لحظة ما .. مجرد .. ذكرى
Post: #213 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-03-2010, 04:38 PM Parent: #212
الشوق بطّال لي زولاً طبعوا شحيح وضنين ..... الوجع الكان جواي مستور ما تكشفي حالو مرارة وخوف ... ما درتك الا تسكني الجوف... يا الصورتك سرقت حد الشوف ... أخترتك لمّن شفت الطل يا زهرة ..يغسل وشّك بالبسمات .....ناديتك تملي دريبي ...تشيلي عليك كل الخطوات... وما كضّبتي كمان يا السمحة !!! شحدتي الخطوة الجاتك تزحف بي جنحات مدّيت رجليني لقيتك هاوية !!!! بتكتم حس الفرحة الجات..... وعاد يا أنتي بعد ما فتّي كيفن يصحا الشوق المات؟؟ تعالوا نغني ...الفات الفات...في قلبوا أكبر طعنات في قلبوا....
أنا ما مسؤول ....لو كسح الريح رايات الهدنة .. وجيتك شايل الشوق مسلول انا ما مسؤول ... صـامن عيني ما ندهن ليك .... ما فطرن دسـّن فرحن بيك ....ماهجعت صحوة تفتش ليك ...بس قبل دخول وقت الاذاّن ..... مرقت دمعاتن لوعة شوق وانا ما مسؤول.
Post: #214 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-03-2010, 04:41 PM Parent: #213
انا برحل ليك... ياسفراً ما أتعرفت ليه دروب... قسوة حنيتك... مزاق الالفـة الجفوة الهم... تركيبة غريبة....زي ما حضن النيل الازرق أبيض مـويـة! وقال للناس ديك الخرطوم ... بترجــف من قبلات النيل .. ولقيتك نيل! وجيتك مركــب ... اتوكلت علي مجدافي.... شخبطت الجــزر الكانت رملة .. وبتمسح خد الموجة جفاف ... ورسمت خرايط الطين في الصحـرة وصفق النخلة .... تاكيت النيل عبيت شرياني سماحة شوفتك في أحلامي ... و أنا جيتك رويان حلقي سموم و مغايس..
ولقيتك نيل يا فجر ألهامي ... لكن في الليل الناشف نام ... أتفرّع مات في البحر المالح.. دمياط ..و رشــيد.... ما ترجعي نيل...
يتوحــّم شوقي علي جياتك .... يا حبل الفـرح السـرّي !! وكتين تغشي جنيـن وجـداني ... أسقيهُ الروعـة الرحـم الفال .... ما تشيل منو براءاة الاطـفال ... بس أفطـم فيه شقاوة الحال ..زمن الترحال
Post: #215 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-05-2010, 11:16 PM Parent: #214
و أنا أبحث عن طقوسي وددتُ لو أنا ناراً مجوسية تأتيني منك!
فأنا أشتهي هذا الإحتراق
Post: #216 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-05-2010, 11:17 PM Parent: #215
فأنا مازلت أشكي من عقوقِ النخلة ,, لما تشُم ريحة سبيطـا !
Post: #217 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-05-2010, 11:21 PM Parent: #216
أجمل ما لم أكتبهُ في تداعياتي هو رهني لأحرفي تحت سيطرة إنكساري
و أنا أبحث عن قراءة جديدة لما بين سطورك!
Post: #218 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-05-2010, 11:27 PM Parent: #217
قال لها ذات شوق
أيتها الإختيار الذي لا بديل لهُ إلا إياك !
Post: #219 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-05-2010, 11:32 PM Parent: #218
ألا تتفقين معي أنه موسم الشوق الحلو !
Post: #220 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-05-2010, 11:45 PM Parent: #219
هل يكون الشوق محض إنكسار ! في ظل حوجتنا الدؤوبة للبحثِ عن بداياتٍ أكثر حرصاً علي إعادة بعثنا كبشر ؟
وهل وهل ؟؟؟
Post: #221 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-05-2010, 11:48 PM Parent: #220
رجاءاً
أغفري لي بعض أنكساراتي وخيباتي أحياناً تكون الخيبة هي أنتصار
ما يهم أن نبحث عنا!
والأهم أن نجدننا !
Post: #223 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 07-28-2010, 09:34 AM Parent: #221
بكتبك .. حرفين .. وسطر ممدود على لوح أشواق ووعود داساها في يوم أبيض .. وحنين دفاق ونغمة حنينة تدندن ريد ووتر مشدود .. قلم وأوراق تشخبت فيني بي راحتك تخت نقطة .. تفط سطرين وترجع تاني من أول .. تشكل فيني بي ريشتك سكون للدنيا لحظة شوق .. ولوحة جميلة بي كم لون دعاش ورشاش .. زهور وفراش وكوم شفع .. وموية نيل .. وخطوة على الجروف تقدل سبحان الواهب الخلاق
Post: #224 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 07-28-2010, 09:37 AM Parent: #223
في الخاطر والبال وكمين سؤال وحروف تنقرش جوة الجوف ما لاقيا مجال
Post: #225 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 07-28-2010, 09:47 AM Parent: #224
نهول .. مشاوير كتيرة باغتتني محطاتها في بداية سفري غِشاني الموج بدون إنتظار لي بشاير نزيفوا وهطولوا في عروق جدول عطشان
نفسي في مشوار لي نيل حفيان لسة بمارس حوامتوا في زقاقات الخرائط من تصبح لحدّوة أوبة العصافير لي وطن طيّب !
ما تجي نمشيه سوا يمكن ما تتعزّز المطرة ولا يحرد مشيهو النيل!
ياااااه يا نحلة
الزمن السمح لسة بتوحّم علي جياتك
Post: #226 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 08-09-2010, 10:43 AM Parent: #225
موجة بالأشواق تعدي ..
وموجة بالأشواق تجيب
وموجة تغشاكا وتسالمك ..
وتذكرك زولن حبيب
وموجة تحضن لي ضفافك ..
وموجة بتجيبك قريب
وياتو موجة عليها نسمع ..
صوتك التريان رطيب
Post: #227 Title: Re: حبيب نورة .. يا ود يا طاقة حروف .. أديني مترين من غنا Author: محي الدين جبريل Date: 08-09-2010, 10:49 AM Parent: #226
نهلة وحبيب السمحة ...
داير أحرس البوست ده ، لكن خايف ...
خايف كيبوردى يتلخبط بالعسل ...
أحبكم الإتنين ..
Post: #228 Title: Re: حبيب نورة .. يا ود يا طاقة حروف .. أديني مترين من غنا Author: وليد عبد اللطيف Date: 08-09-2010, 11:29 AM Parent: #227
محي الدين
Quote: في الخاطر والبال وكمين سؤال وحروف تنقرش جوة الجوف ما لاقيا مجال
ياخي مع الصورة التي ارفقتها هناك ماقلت ليك نهله والحبيب احرف واحلى اتنين في المنبر
--------------------------- رمضان كريم وتصوموا وتفطروا على خير
Post: #232 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 08-09-2010, 11:50 AM Parent: #228
Quote: ياخي مع الصورة التي ارفقتها هناك ماقلت ليك نهله والحبيب احرف واحلى اتنين في المنبر
يا وليد إنشاء الله تحلا ليك الدنيا لكن ياخوي الصورة دي وين!
كدي خلينا أمش أكوس بيهناك
رمضان كريم وكل سنة وانت أجل
Post: #237 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 08-10-2010, 08:27 AM Parent: #228
Quote: ياخي مع الصورة التي ارفقتها هناك ماقلت ليك نهله والحبيب احرف واحلى اتنين في المنبر
بنحلا بيكم .. ومعاكم يا وليد ياخوي
تسلم كتير وممنونينك
Quote: رمضان كريم وتصوموا وتفطروا على خير
والبيحبو كلو كريم وكل سنة وإنتو دايما طيبين وسالمين وتامين ولامين
Post: #229 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 08-09-2010, 11:39 AM Parent: #227
Quote: نهلة وحبيب السمحة ...
داير أحرس البوست ده ، لكن خايف ...
خايف كيبوردى يتلخبط بالعسل ...
أحبكم الإتنين ..
ود جبرين .. والله مشتاقين ليك شديد رمضان التاني خاشي علينا .. والنسكافيه لحدي هسي يشابي لي طلة وشيك تسلم ياخوي .. ونحن كمان بنحبك وأكتر
Post: #231 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 08-09-2010, 11:47 AM Parent: #227
Quote: نهلة وحبيب السمحة ...
داير أحرس البوست ده ، لكن خايف
ود جبرين تحرسك العافية ياخي مشتاقين موت
أدينا طلّة يا راجل يا جميل
Post: #230 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 08-09-2010, 11:45 AM Parent: #226
Quote: موجة بالأشواق تعدي ..
وموجة بالأشواق تجيب
وموجة تغشاكا وتسالمك ..
وتذكرك زولن حبيب
وموجة تحضن لي ضفافك ..
وموجة بتجيبك قريب
وياتو موجة عليها نسمع ..
صوتك التريان رطيب
نحلة
نسمة بي صوتك بتطرب و نغمة من حسّك تغنّي
ورقصة تغشاكي وتقالدك و صفقة تملاك بالتمنّي
نجمة تقدِل في سماكِ وغيمة تهطل مارقة منّي
ياتو عالم ليك نشيدوا بي قصيداً فيهُ فنّي
Post: #233 Title: Re: حبيب نورة .. يا ود يا طاقة حروف .. أديني مترين من غنا Author: وليد عبد اللطيف Date: 08-09-2010, 12:55 PM Parent: #230
ياحبيب
Quote: يا وليد إنشاء الله تحلا ليك الدنيا لكن ياخوي الصورة دي وين!
في جانبيا مطبوع اسمو === وفي عينيّ صورة رسمو
ياحبيب اجمل شيء في الدنيا ان الناس تاخد عنك انطباع جميل يعني مابتخيل في يوم انك بتكون بتشاكل ليك في زول بعد ماتكشفت لنا دواخلك والاحساس المرهف الذي يلازمك .. وفقك الله ياغالي ويعليك مايدليك
Post: #234 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 08-09-2010, 01:17 PM Parent: #233
يا الله!!
مالك علي يا وليد؟؟ كدة إنتي حمّلتني الأمانة ووجب علي رسالة فرحي بيك ياخي والله أغرورقت عيوني بي هم كلامك دة!
كرهتونا الواحد تختوهو فوق محل ما بشبهوا
وما يعرف البسويهو
غايتو تتجازي وتاخد الإجازة
يا سيدي كتّر ألف خيرك
Post: #235 Title: Re: حبيب نورة .. يا ود يا طاقة حروف .. أديني مترين من غنا Author: وليد عبد اللطيف Date: 08-09-2010, 01:33 PM Parent: #234
ياحبيب
Quote: يا سيدي كتّر ألف خيرك
يابا اريت الخير يقع اهل السروراب الطيبين ناس محمد البلة وعامر كباشي و الكابتن الصديق المرحوم ( الشيخ ادريس كباشي )
همسه .. لكن نهله شقية بتجيب الكلام السمح دا من وين
Post: #236 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 08-09-2010, 01:53 PM Parent: #235
Quote: همسه .. لكن نهله شقية بتجيب الكلام السمح دا من وين
قرّط علي كدة يا وليد خليك في الهمسات دي بتنفعك
وبعدين نحلة دي السماح كلو دة سؤال هسة؟
تسلم
Post: #238 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 08-10-2010, 08:29 AM Parent: #235
Quote: لكن نهله شقية بتجيب الكلام السمح دا من وين
من قعادي في وسكم .. باخد من كل زول حرف بلمها حبة حبة .. واشكل بيها عقد من كلمات وحروف بتشوفوها سمحة .. عشان إنتو سمحين
خالص الود
Post: #239 Title: Re: حبيب نورة .. يا ود يا طاقة حروف .. أديني مترين من غنا Author: صديق الموج Date: 10-01-2010, 04:24 AM Parent: #238
نهله وحبيب سلام
حالفين ما تجيبوها بر آمن
غايتو يوم بتكتلو ليكم زول ببوست،،،
Post: #240 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 10-21-2010, 00:44 AM Parent: #239
الموج
عارفك سمح و نيل نداوتك طيبان
تابعنا في النسخة الجديدة من طاقة الحروف
Post: #241 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 10-21-2010, 00:46 AM Parent: #240
Post: #242 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 10-21-2010, 06:27 AM Parent: #241
نحلة ..
في صباح فيروزي مُرهق و ممعن في تفاصيلهِ المتآمرة أدركت بأن الشمس تحتفلُ معي بصوتك المنساب في دمي رويداً رويداً كشلالٍ من الضياء بعنادِ فوضي الأغاني الفيروزية في مقاهي بيروت ذات صباح بكتب باسمك حبيبي تجتاحني برفقٍ ولذاذة وتجعلني أردّد حي علي الصباح حي علي الحياة !
أريتك كنتِ قاعدة في المقعد المجاور لدهشتي
وفيروزة بتسوّي في سُواتها
أريتك ...
بجيك راجع
Post: #243 Title: Re: حبيب نورة .. يا ود يا طاقة حروف .. أديني مترين من غنا Author: شمس الدين ساتى Date: 10-21-2010, 07:04 AM Parent: #242
أحلى ثنائى فى المنبر ربنا يخليكم ويبعد ود خالى حامد من طريقكم
Post: #244 Title: Re: حبيب نورة .. يا ود يا طاقة حروف .. أديني مترين من غنا Author: وليد عبد اللطيف Date: 10-21-2010, 07:43 AM Parent: #243
الاستاذ البانكر ( شمس الدين ساتي )
Quote: أحلى ثنائى فى المنبر ربنا يخليكم ويبعد ود خالى حامد من طريقكم
ياخي ديل لو لمينا فيهم زمان مع شلة الحجر كان بكون في كلام تاني مع اصحابك الاستاذ محمد موسي ومحمد عثمان وعزالدين عبد اللطيف قدر ماتلف وتتاوق في البوست دا تلاقي ليك حلاوة تذكر زمان لمن كنا اطفال طيارات الهيلكوبتر البترمي هدايا من فوق في الشعبية اها عيني باردة على حبيب نورة ونهلة محكر متل الهيلوكبتر
----------------------- شمس الشعبية التي لاتغيب كيفك
Post: #245 Title: Re: حبيب نورة .. يا ود يا طاقة حروف .. أديني مترين من غنا Author: شمس الدين ساتى Date: 10-21-2010, 09:13 AM Parent: #244
حبيبنا ود عبد اللطيف .. يازول ديك كانت شلة المجانين . والعجب لما يكون الحلبى البيتو ركن موجود
تسمع الضحكة من بيتكم.. لكن زى ونست وأشعار الإتنين ديل أجمل منها ما شفتا .. بخت ناس ود خالى
حامد محمد حامد بصحبة حبيب نورة وبهاء والجميلة نهلة محكر
تحياتى للأمورتين يا وليد
Post: #263 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-27-2010, 10:22 AM Parent: #245
Quote: لكن زى ونست وأشعار الإتنين ديل أجمل منها ما شفتا
Post: #246 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 10-22-2010, 04:10 AM Parent: #243
Quote: أحلى ثنائى فى المنبر ربنا يخليكم ويبعد ود خالى حامد من طريقكم
أبو الشموس
ياخي تسلم يا راقي
وعلي قولك بس قريبك حامد ده يختانا و الحبّة ما بتجينا
Post: #248 Title: Re: حبيب نورة .. يا ود يا طاقة حروف .. أديني مترين من غنا Author: عبدالفتاح أبوشيمة Date: 10-22-2010, 01:07 PM Parent: #246
الود الطاقة وأعلام خفّاقة جنّنتونا سويتو إعاقة ما تخلّوكم حلوين ورََفَاقة وين نقدر نلقى ليكم طاقة نتنسّم بيها لناس توّاقة الحلوين جوز كله أناقة ومشاعركم ككيف دفّاقة يزيدكم الله من أشواقا وتواصلوا من خلف الطاقة - لكما الود
Post: #249 Title: Re: حبيب نورة .. يا ود يا طاقة حروف .. أديني مترين من غنا Author: abdelgadir mustafa Date: 10-22-2010, 09:04 PM Parent: #248
اديها مترين من غنا شان تمدد اللحن لى حد الملحمه خليها التبوح لوطن حزين محتاج لعزه الملهمه ساهر معاها تطرز اللحن الحرون ما تغفو تب يازول كلما شان الوطن اصبح مباح داير ليهو جيل من مرحمه
Post: #251 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 10-22-2010, 10:06 PM Parent: #249
Quote: اديها مترين من غنا شان تمدد اللحن لى حد الملحمه
يا حبيب
نهلة دي محلوبة من ضو ضميرو أبيض
عشان كده طعمها زي الشروق
خليك قريب
Post: #265 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-27-2010, 10:34 AM Parent: #249
Quote: اديها مترين من غنا شان تمدد اللحن لى حد الملحمه خليها التبوح لوطن حزين محتاج لعزه الملهمه ساهر معاها تطرز اللحن الحرون ما تغفو تب يازول كلما شان الوطن اصبح مباح داير ليهو جيل من مرحمه
الله على الوطن اللي كان بتكفي طاقة وتستروا صبح المتر مقسوم وجع نص في الهوا ونص في البحر
فليحفظ الله هذا البلد
تسلم عبد القادر
Post: #250 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 10-22-2010, 10:02 PM Parent: #248
Quote: الود الطاقة وأعلام خفّاقة جنّنتونا سويتو إعاقة
أبو شيمة
ياخي تسلم كتير يا حبيبو إحتفاءكم بطاقة حروفنا بدينا إحساس تاني ما قاعدين نجرّب لذاذتو إلا بي حضوركم الراقي ده
إنشاء الله تسلموا وما عدمناكم
وبي كده ما منتظرين إلا البت النهلة عشان تنثُر عبيرا غُنا وطرب
Post: #253 Title: Re: حبيب نورة .. يا ود يا طاقة حروف .. أديني مترين من غنا Author: لطفي علي لطفي Date: 10-23-2010, 01:15 AM Parent: #250
سلام يا نهلة محكر
حبيب نورة زول جميل و بوستاتو اجمل و من اجملها اهو دي حكيرة فاجتمع المحكر مع المتحكر في حكيرتو فحكرتونا معكم فطبتم و طابت حكرتكم
لطفي
Post: #254 Title: Re: حبيب نورة .. يا ود يا طاقة حروف .. أديني مترين من غنا Author: لطفي علي لطفي Date: 10-23-2010, 01:22 AM Parent: #253
Quote: نهلة وحبيب نورة ؟ الله يستر علي البوست دة من الانفجار ..
بدون انفصال
Post: #255 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 10-23-2010, 01:42 AM Parent: #253
Quote: سلام يا نهلة محكر
حبيب نورة زول جميل و بوستاتو اجمل و من اجملها اهو دي حكيرة فاجتمع المحكر مع المتحكر في حكيرتو فحكرتونا معكم فطبتم و طابت حكرتكم
لطفي يا حبيب ياخ خليك محكّر بيجاي لحدي ما يتبيّن الخيط الأبيض من الخيط الأسود من العشق ! من أجمل المداخلات وحاتك فرحت بيها وضلوعي طمبرت نشوانة
تسلم لي إنت
Post: #256 Title: Re: حبيب نورة .. يا ود يا طاقة حروف .. أديني مترين من غنا Author: لطفي علي لطفي Date: 10-23-2010, 02:00 AM Parent: #255
Quote: لطفي يا حبيب ياخ خليك محكّر بيجاي لحدي ما يتبيّن الخيط الأبيض من الخيط الأسود من العشق ! من أجمل المداخلات وحاتك فرحت بيها وضلوعي طمبرت نشوانة
تسلم لي إنت
بس قرط علي بدون انفصال اقرا المداخلة اعلاه
العشق انه سر الوجود
الماعندو محبة ما عندو الحبة و العندو حبة محبة ما خلي الحبة
Post: #257 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 10-23-2010, 02:14 AM Parent: #256
يا لطفي
أها خُم و صُر ما شئت من العبير !
Post: #258 Title: Re: حبيب نورة .. يا ود يا طاقة حروف .. أديني مترين من غنا Author: لطفي علي لطفي Date: 10-23-2010, 02:15 AM Parent: #257
قال الشاعر الصوفي
و نادي بدعد و الرباب و زينب و هند وسلمي ثم لبني و زمزم
Post: #266 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-27-2010, 10:36 AM Parent: #253
Quote: سلام يا نهلة محكر
حبيب نورة زول جميل و بوستاتو اجمل و من اجملها اهو دي حكيرة فاجتمع المحكر مع المتحكر في حكيرتو فحكرتونا معكم فطبتم و طابت حكرتكم
حبيب نورة متحكر في وجدانا جميع والحمد لله أن جعل مجلسنا عامراً به وبكم .. فتحركتم جميعاً في قلوبنا
كل الود لطفي
Post: #264 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-27-2010, 10:27 AM Parent: #248
Quote: الود الطاقة وأعلام خفّاقة جنّنتونا سويتو إعاقة ما تخلّوكم حلوين ورََفَاقة وين نقدر نلقى ليكم طاقة نتنسّم بيها لناس توّاقة الحلوين جوز كله أناقة ومشاعركم ككيف دفّاقة يزيدكم الله من أشواقا وتواصلوا من خلف الطاقة - لكما الود
أبو شيمة .. كتر خيرك إنت وحروفك وتسلم من كل إعاقة يا أخوي فرحانين بيكم شديييييييد
Post: #261 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-27-2010, 10:18 AM Parent: #243
Quote: أحلى ثنائى فى المنبر ربنا يخليكم ويبعد ود خالى حامد من طريقكم
بنحلى بيكم وبوجودكم يا شمس الدين ممنوناك شدييييييد
Post: #260 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-27-2010, 10:16 AM Parent: #242
أيها الود البتهبش حروفه مكامن الروح كثيرون سألوني عنك .. ولم أخصك بكل هذا لم أجبهم .. ولن أفعل .. فمثل هذا الذي نحمله .. أكبر من أن يترجم بحروف أو كلمات إنها أشياء تحسها الروح الشفيفة ويعرفها القلب النقي
أقعد عافية
Post: #270 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-03-2010, 01:13 AM Parent: #260
Quote: أيها الود البتهبش حروفه مكامن الروح كثيرون سألوني عنك .. ولم أخصك بكل هذا لم أجبهم .. ولن أفعل .. فمثل هذا الذي نحمله .. أكبر من أن يترجم بحروف أو كلمات إنها أشياء تحسها الروح الشفيفة ويعرفها القلب النقي
البت التساسِق في دروب الحلم الندِي " حقّو تمشي في الدرب البطابق فيه خطوك صوت حوافرك "
أنا ممنون لي طاقة الحروف البتمرُق بيها شمسك
و أنا أيضاً أنفجرت في وجهي ذات الأسئلة فأكتفيت بنصفِ إبتسامة و مضيت لا ألوِي علي شئ
Post: #259 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-27-2010, 10:12 AM Parent: #239
Quote: نهله وحبيب سلام
حالفين ما تجيبوها بر آمن
غايتو يوم بتكتلو ليكم زول ببوست،،،
نحن الحروفنا حتموت لو ما جيتوها يا ود الموج
تسلم من كل شر أبوي
Post: #267 Title: Re: حبيب نورة .. يا ود يا طاقة حروف .. أديني مترين من غنا Author: عبدالفتاح أبوشيمة Date: 10-27-2010, 02:32 PM Parent: #259
Quote: أيها الود البتهبش حروفه مكامن الروح كثيرون سألوني عنك .. ولم أخصك بكل هذا لم أجبهم .. ولن أفعل .. فمثل هذا الذي نحمله .. أكبر من أن يترجم بحروف أو كلمات إنها أشياء تحسها الروح الشفيفة ويعرفها القلب النقي
عارفينو كيف؟ وكيف كيف وكيف
-
نهلة وحبيب يا جوز معطّر بالحروف خلّوني أتفرّج أقيف ما تخافوا أنا ما منّي خوف لكن ظروف جابتني لاقي الدنيا صيف صاب المحل كل الجروف فتّشت كان ألقالي قيف هي الصدف جابتني أقيف جابتني بالدرب الوريف يمكن أصادف لي خريف يزيله من قلبي المحل بي زول شفيف قال لي أقيف لقيتم اتنين يا لطيف! كيفن دا صوت يهمس خفيف ألقاه حوّل لي حفيف أصله الشجر وكتين يقيف علي قدم المهل تلقاه دايماً ما مخيف لكنه صفقو كان عربد وريف وعشان مسّ القلوب واقفين صفوف كتّر لقولك يا لطيف وابعد من الشجر الوريف شوف لك محل تان التقيف ما قلنا زول واحد شفيف فرند ليَّ لي اتنين ويّا قيف داك قسمه نصّو الصار نصيف مالكم علي تامّيلي كيف؟ ولما يتملي كيف كيفي كيف؟ بالجد دا ما ياهو المخيف بعرف بإنه الصيف خريف وإنه الخريف كان كايسله صيف شان ينتهي بس يبقى طيف يتوارى منّي زي أي قيف صابو المحل صرفه الصريف
لكما كل الود بوست أنيق
ورفيق
Post: #268 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-02-2010, 11:29 PM Parent: #267
عبد الفتاح أبو شيمة ..
غرقتنا في بحر حروفك الذاخر نتمنى فعلاً أن نكون عند حسن الظن هذا
خالص الود
Post: #269 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-02-2010, 11:31 PM Parent: #268
لو ليك رسلت الحروف .. ما ظن بتوصف شوقي ليك ولا بتحكيهو الحنين
Post: #279 Title: Re: حبيب نورة .. يا ود يا طاقة حروف .. أديني مترين من غنا Author: عبدالفتاح أبوشيمة Date: 12-07-2010, 02:27 PM Parent: #268
Quote: غرقتنا في بحر حروفك الذاخر نتمنى فعلاً أن نكون عند حسن الظن هذا
خالص الود
أنا وين كمان لي شيل حروف؟ إنتو الحروف متّرتو فيها لا من فاتت المليون ميل صفوف كل ما أعاين لي حرف منّك ومنّو بيصيبني خوف إن شا الله لا عيناً تصيب ولا شغلةً تأسرا هذي الحروف وإن شا الله دايماً فيكم الزول دايماً ويوت عطوف وما ينسى إنو الزول ديمة ما بصحى وبشوف إنو العلم بحورو قط ما ليها قيف خلي الحروف لما تقيف فيها وتعاين أو تحاول تدي الوصوف لا لا ما بتقدر وبتجري صوف مسكين ولد ما صابو خوف من قدلتا ديك الحروف كيفن تراقص في كل عطوف خلّوه بس يقرّب يشوف
كل الود لكما
فأنتما جد رائعان
Post: #271 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-03-2010, 01:29 AM Parent: #267
Quote: نهلة وحبيب يا جوز معطّر بالحروف خلّوني أتفرّج أقيف ما تخافوا أنا ما منّي خوف
أبو شيمة
ياخي والله كلامك ده بالدنيا
تسلم لينا كلنا
أريتنا نبقي قدُر فرحتك و إحتفالك بينا
شكرن كتيرن !
Post: #272 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-23-2010, 09:20 PM Parent: #271
تسير وفي خطاك بعضُ شوقٍ وكلُّ الشوق تحمله خطانا
Post: #273 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-23-2010, 09:45 PM Parent: #272
ينادي عليك الغيم رويان ويسكب فيك أمطار فرحو
يغني معاك هاني وطربان وينزل عشماً طال شرحو
يتاوق ليك بي بال نديان وينسي الزمن الجاب جرحو
Post: #274 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-28-2010, 02:47 PM Parent: #273
كت في رجاك .. والغيمة بتضلل سماي .. والمطرة بت نقط حروف .. تريانة بالريد والفرح تنزل تقالد الواطة والطين والتراب .. ويفوح عبير .. مليان محنة وشوق كبييييييييييييييييير يمد يدينو علي السحاب .. يمسح من الشمس الضباب .. وتدندن النجمات غناوي الفرحة والريد السكن جوة العيون .. وتسيل دميعات الغياب .. تنزل تفارق الوجنة والشوق الحبيس .. كم من سنين مرت هناك .. والدنيا ... "صبحت كرنفال ... تتهادى في موكب عروس"
Post: #275 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 11-29-2010, 00:19 AM Parent: #274
نهول
صقيع برة ومتدفي بيك
ما الشوق غُتا ..
Post: #276 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 11-29-2010, 11:01 PM Parent: #275
غطاني طيفك بالحنين
دفاني من قر الصبر
Post: #277 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-07-2010, 12:17 PM Parent: #276
Post: #278 Title: Re: حبيب نورة .. يا ود يا طاقة حروف .. أديني مترين من غنا Author: عبدالفتاح أبوشيمة Date: 12-07-2010, 02:12 PM Parent: #271
Quote: أبو شيمة
ياخي والله كلامك ده بالدنيا
تسلم لينا كلنا
أريتنا نبقي قدُر فرحتك و إحتفالك بينا
شكرن كتيرن !
إنتو قاعدين وين آاناس إنتو في الزمن المغبّر بتحبّوا شفافين كدا والله رايعين ما في شك زي المطر كيفن بزقزق زي عصافير الخريف الحب دا شيتاً ما فيه خوف زيدوا العطر فوق الحروف قولوها بس بي كل شوف من دون كسوف هي الحروف بتعرف كسوف واللاّ في خريف بيخافلو صيف سوق المهل بكرة بتشوف كيفن أهل زرعوا الحروف فرهد نضارا ورقص خدارا وقال يا لطيف
احترامي
وودي
Post: #280 Title: Re: حبيب نورة .. يا ود يا طاقة حروف .. أديني مترين من غنا Author: abdelgadir mustafa Date: 12-28-2010, 07:00 AM Parent: #278
انتو الجوز حاجه فى اعماق قلوبكم حلوه زى شمس القرايه حاجه بتنور داوخلى وتضوى زى حد المرايه تفتت الاحزان بعيد وتضوق الزول ############ طعم الدوايه ادونى خطين من صبر اسقونى ياناس المحايه
Post: #282 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-28-2010, 03:13 PM Parent: #280
Quote: انتو الجوز حاجه فى اعماق قلوبكم حلوه زى شمس القرايه حاجه بتنور داوخلى وتضوى زى حد المرايه تفتت الاحزان بعيد وتضوق الزول طعم الدوايه ادونى خطين من صبر اسقونى ياناس المحايه
ده الجنّن عبد القادر ذاتو
تسلم يا رفيق علي الطلة السمحة
وتكون طالبنا نحن الجوز طاقة حروف
شكرن كتيرن !
Post: #281 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-28-2010, 03:07 PM Parent: #278
أبو شيمة
تخيّر ما شئت من وريفِ حبنا
سنعود لنكتب من جديد ونحن ننعم بدفءِ اللقيا
شكرن كتيرن !
Post: #283 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-28-2010, 03:24 PM Parent: #281
لون إنتظارك كان بياض الغيمة لي شيخها المطر مبلولة جيتك بي نضار النجمة والضي والقمر
عربون للضحكة الفرّت هسه وإنتِ مطار الفرح الجاي لسّاي يا صاحبة بغنّي كلمتك تبقي غناي صرّيتك نص السكة الصعبة ضاريتك كوني حداي
إنتظار مرير لطعم آخر من العسل !
Post: #284 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-28-2010, 03:25 PM Parent: #283
نحلة
يوجد عسل !
Post: #285 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 01-08-2011, 08:50 AM Parent: #284
Post: #286 Title: Re: حبيب نورة .. يا ود يا طاقة حروف .. أديني مترين من غنا Author: إدريس محمد إبراهيم Date: 01-08-2011, 09:14 AM Parent: #285
كالقوس والكمان ... تعزفان في قلب الابداع حرفاً من الألق .. ودندنة سكرى لا تشبه أطرب الدندنات ... لكما الله على هذا التجلي الذي وهبنا كل هذا الجمال ... أتابع هذا البوست منذ زمن ولا أكاد أفيق من هذه الدهشة والبهرة التي تخلقانها في هذا الملكوت الجميل ....
أحبائي .. صدقوني ... مهما كتبت فلن أوفيكما جزء يسيراً من حقكما .... أقول لكما .. سلمت الأيادي .. وسيبقى شذى هذا العطر ساكناً في الروح ... رغم كل الأحزان ... ورغم المآلات الحزينة التي تنتظر الوطن في هذه الظروف ...
لكما أصدق ما في القلب من حب وتباهي ...
مع خالص ودي وتقديري ؛؛؛؛
Post: #288 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 01-10-2011, 01:18 AM Parent: #286
Quote: كالقوس والكمان ... تعزفان في قلب الابداع حرفاً من الألق .. ودندنة سكرى لا تشبه أطرب الدندنات ... لكما الله على هذا التجلي الذي وهبنا كل هذا الجمال ... أتابع هذا البوست منذ زمن ولا أكاد أفيق من هذه الدهشة والبهرة التي تخلقانها في هذا الملكوت الجميل ....
إدريس للهِ درّك وأنت تنسج حولنا غلالة فرحك الهميم والوطن يفرط في إحتساءِ حزنهِ المرير وفي صحةِ هذه الأحرف وجدتني أكثر حوجة منك لمنحنيً آخر لا يمر ببوابةِ وجعي لا أجد معني لهذا الصمت وبالكاد أتبيّن معالم نفسي التي تركضُ جزعةً نحو ليلٍ حالك السواد
ورفقاً بحبك لن أستسلم لسلطةِ هذا الحزن سأغني لك ما أستاطعت حنجرتي التصفيق !
شكرن كتيرن !
Post: #287 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 01-10-2011, 01:12 AM Parent: #285
نهلة
أهو تفاؤل مفرط أم أزعان محبط !
يا بلادي ..........
Post: #289 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 01-10-2011, 01:21 AM Parent: #287
يا بت يا الشوقِك ما أستنّي شايل جنحين طير الجنّة ودّانا معاك عالم تاني سقانا مشاعِر ووصّلنا
اشتهيت شِعر البنية وهمسها.. يا ريت يكون درب الحروف طاقة غنا .. مترين قليل ما بكفوا شريان الكلام ولا عمايماً.. تبنى في عش الغرام طاقة غنا.. بستانا والمطر انتشن يا عشقها .. الممدود مراكب في الطمي والليل يطقطق في الاصابع فاردو ريدك زي مواجع وحسها .. المرسال إديّة..
============================= تحياتي لكليكما ...
Post: #293 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-19-2011, 10:54 AM Parent: #292
الأخ هيثم التوم
تسلم يارب وشكراً على الكلام الأنيق الجميل
ممنونين زيارتك لينا
كل الود
Post: #294 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-19-2011, 04:29 PM Parent: #293
تحياتي يا هيثم معليش نحن أهملنا البوست ده فترة طويلة نسبة للمشغوليات لكن مع بداية الربع الجديد أنا شخصياً أوعدك بالكتير
شكرن كتيرن!
Post: #295 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-30-2011, 01:58 PM Parent: #294
إختلاجات
الآن في السودان
مبروك نحلة
Post: #296 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 09-06-2011, 12:26 PM Parent: #295
Post: #297 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-04-2011, 10:37 PM Parent: #296
حفنة عشم في إيد رياح سايقاها للبلد البعيد وقفت جبال همك سدود دفقت مويتك للرهاب ودرت خطاك وما اظن براك
Post: #298 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-15-2011, 07:13 PM Parent: #297
جافاني المنام عيانة جاتني الوردة مكحول العيون .. فارقني سافر مدة والشوق إن نتح .. جبال الصبر تنهد تنقح في الجراح .. وكل رهيف ينقد
Post: #299 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 12-07-2011, 02:34 PM Parent: #298
لقيتك في الصحاب ترحاب ونسمة حنينة عز الصيف نداوة روح تنقط ريد وقلب رهيف لقيتك عزة أبواتنا حجا الأطفال وقعداتنا ولمة بن مدور كيف لقيتك في غنا الأمات سلام ترحاب حبابكم كيف لقيتك والبلد تايه وحتى النيل مجافي القيف
Post: #301 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-07-2011, 05:03 PM Parent: #299
Quote: لقيتك في الصحاب ترحاب ونسمة حنينة عز الصيف
شتا
شتا يا صاحبة مع الإعتذار لجوطة أفكار تواقيتك الظاهر مزاجاتك صيفية هذا الشتاء . ونظراً لحوجتنا كلانا لدفءٍ محتمل؛ سأتغاضي عن هذه الرغبة الصيفية الساطعة .
شتا يا نحلة بلسع أنامل الصبر اللسة ما ضاقت شهد اللقاء الأخير
شتا يا لحظة
بجرح خد الوردة الراجية ربيعا هناك في بلوداً أصلو ما منتظرة صيف
شتا
شتا
شتا
Post: #300 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-07-2011, 04:52 PM Parent: #298
Quote: جافاني المنام عيانة جاتني الوردة مكحول العيون .. فارقني سافر مدة والشوق إن نتح .. جبال الصبر تنهد تنقح في الجراح .. وكل رهيف ينقد
جافاكي الغمِيد كايسة المسافر مدّة وكان لُكتي الصبُر لازمن يعود لا بدّ الشوق إن نتح بلد المهاجر جبدة ترتاح العيون عُقبان تضوق الغمدة
Post: #302 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 12-07-2011, 05:41 PM Parent: #300
وإن عدتم عدنا
Post: #303 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 03-19-2012, 02:41 PM Parent: #302
ما قبل الأرشفة
كلاكيت مرة تانية
Post: #304 Title: Re: حبيب نورة .. يا ود يا طاقة حروف .. أديني مترين من غنا Author: Mahmoud Mustafa Mahmoud Date: 03-19-2012, 03:12 PM Parent: #303
الله يكفينا شر "وعثاء الغرام" على قول زهير...
Quote: ما قبل الأرشفة
كلاكيت مرة تانية
أرشفة شنو يا نهلة ياخ؟؟؟ ودي حاجة تتأرشف؟؟
واصلوا "البينغ بونغ" دا...على اليمين نحن متكيفين كيف السنين..
بالطريقة دي الواحد خايف يبقى "طرف تالت" مليان "اختلاجات"..ساي بلا شغلة..
..
محبات
..
.
Post: #305 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 03-19-2012, 04:52 PM Parent: #304
Quote: أرشفة شنو يا نهلة ياخ؟؟؟ ودي حاجة تتأرشف؟؟
واصلوا "البينغ بونغ" دا...على اليمين نحن متكيفين كيف السنين..
بالطريقة دي الواحد خايف يبقى "طرف تالت" مليان "اختلاجات"..ساي بلا شغلة..
..
تسلم يا جميل وسامحونا علي التقصير الحاصل ونوعد أن نواصل بدون فواصل أشكرك علي الدعم المعنوي الكويس ده وتحياتي للزميلة نهلة
وكل أرشفة والجميع بخير
Post: #307 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-14-2012, 03:43 PM Parent: #305
لما شفتك ليلي ضوّ وبقّ نور ونرجس الجنة المفرهد رفّ بي جنحات عطور
وغنّي فارسك خت! صورتك في الإطار في الليالي نجم يلالي
Post: #308 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 06-14-2012, 04:03 PM Parent: #307
خطاك التايهة وين فايتة سكك ضهبانة ما بتمشي مداينك ضايعة جواك وجواك في المدن مغشي تمد ايدك تناديهم ... صداك يفوت وما يرجع
Post: #309 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-14-2012, 04:14 PM Parent: #308
Quote: خطاك التايهة وين فايتة سكك ضهبانة ما بتمشي مداينك ضايعة جواك وجواك في المدن مغشي تمد ايدك تناديهم ... صداك يفوت وما يرجع
خطاي لا تايهة لا ضِهبت دروب جواي محتارة
تفتش في الرجوع تِعبت وعارفة الريدة ودارة
Post: #310 Title: Re: حبيب نورة .. يا ود يا طاقة حروف .. أديني مترين من غنا Author: حبيب نورة Date: 06-14-2012, 04:14 PM Parent: #308
Quote: خطاك التايهة وين فايتة سكك ضهبانة ما بتمشي مداينك ضايعة جواك وجواك في المدن مغشي تمد ايدك تناديهم ... صداك يفوت وما يرجع
خطاي لا تايهة لا ضِهبت دروب جواي محتارة
تفتش في الرجوع تِعبت وعارفة الريدة ودارة
Post: #311 Title: Re: حبيب نورة .. يا ود يا طاقة حروف .. أديني مترين من غنا Author: حافظ انقابو Date: 06-14-2012, 07:19 PM Parent: #310
ممكن اشارك في الحلفة دي ؟؟
Post: #312 Title: Re: حبيب نورة .. يا ود يا طاقة حروف .. أديني مترين من غنا Author: munswor almophtah Date: 06-14-2012, 10:15 PM Parent: #311
(أفرحى وجاييك صحى وما تستحى ومن غير تعابير أفصحى وخلى المسافه البينو بينك تتمحى)
مجانين الله يكبركم - الكبرتونا وحدق طعمكم
منصور
Post: #313 Title: Re: حبيب نورة .. يا ود يا طاقة حروف .. أديني مترين من غنا Author: حافظ انقابو Date: 07-07-2012, 04:04 PM Parent: #312
Quote: ممكن اشارك في الحلفة دي ؟؟
وانا بقلب في الصفحات بتاعة الربع الجديد لقيت سؤالي دا قائم
Post: #314 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-17-2012, 10:51 AM Parent: #313
نفسي في لمة صحاب وونس جميل من غير عتاب حرفين ونكتة وكم كتاب
Post: #315 Title: Re: حبيب نورة .. يا ود يا طاقة حروف .. أديني مترين من غنا Author: نهلة محكر Date: 10-17-2012, 11:12 AM Parent: #314
إتفضل يا حافظ أهلا بيك
أستاذ منصور المفتاح شرفتنا بالزيارة مرحبتين وحبابك ألف
Post: #316 Title: Re: حبيب نورة .. يا ود يا طاقة حروف .. أديني مترين من غنا Author: عزالدين عباس الفحل Date: 10-17-2012, 11:34 AM Parent: #315
