|
|
|
 Re: حظكم يا ناس لندن .. لعناية سيف بشير (Re: حواء سليمان ابراهيم)
|
غايتو يا حواء لو انت في لندن تستاهي التخفيض طوالي يا ستنا
لكن تمادر دي البعيييييييييييييييييييدة و قافلة علي تخفيضي و ناجرة ليها تخفيض تاني من راسها اسوي فيها شنو ؟ 
يا طمطم .. خلي جعفر يداهم سيف طوالي و يديني تلفون وهو معاهو في المحل و ليك علي ياخد تخفيض كبير جدا
سيف ده انا طالبوا كتير بصراحة و داير اتفشي فيهو .. انا او اصحابي
| |
  
|
|
|
|
|
|
|
|
Re: حظكم يا ناس لندن .. لعناية سيف بشير (Re: تماضر الخنساء حمزه)
|
يا سيف ..
انت معاوية عبيد ده ما عرفتو ولا شنو ؟
شايفك شبكتو الاخ الفاضل و الاخ الاخير
اديك هنتس يمكن تذكرك بيهو
- كافتيريا عزة
- الداون تاون
- النكتة الحاضرة
- دار النشر
- الحزب الشيوعي
- 1990
لو قلت لي الاجابة الصحيحة البطيخة بضاربك .. ركز شوية؟
يا معاوية
حا اديك هنتس برضو لي سيف بشير
- كلية الاقتصاد - كان استاذ مساعد في الكلية في 1990
- انضف شاب خريج الجامعة (بخت منديل في لياقة القميص عشان العرق بدون مؤاخذة )
- كورالنجي في جميع كورالات ج د
- اصفراني و وجيه و من مدني بعكس ود جبرالله الشيوعي
- لسانو طويل و بشمت فيك في اقرب ملف
لو قلت لي الاجابة الصحيحة البطيخة بضاربك .. ركز شوية؟
_______
علي الفائز إستلام الجائزة (سيارة لانسر) من إستقبال التلفزيون يوم 26 مايو القادم
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: خدر)
|
الف الف مبروك يا سيف وان شاء الله بالخير والمال الوفير
والله لما كلمتني عن المحل من العربية وانت في طريقك للمطار
بصحبة طارق ابوشوك كنت قايلك بتهظر
تحياتي لك يا صديق ولنجوى والبنيات
وشكراً ليك يا طارق واصلو الفنانين ديل دايماً خطرين جداً في الشطوط
وبعدين سيف يتذكر ليك معاوية كيف يعني مع الفِقْرة القامت دي!!!
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: esam gabralla)
|
Quote: والله لما كلمتني عن المحل من العربية وانت في طريقك للمطار
بصحبة طارق ابوشوك كنت قايلك بتهظر |
بالله شوف ابومشيلح العواليق, فالح بس تضرب لى وقت المصايب و الأخبار الزى وشك تكلمنى بيها, لما مرة واحدة في حياتك تعمل حاجة تفرح تكلم بيها الغربا - الصاوى الأمريكي - و نحنا نسمع من الانترنت و الضهب - خدر و ما شابه - اصلآ القروش بتغير الناس زى ما انت عارف , جزارة صغيرونة عملت فيك كده لو بقي عندك كمان بص أحمر تسوى شنو؟
ملعون ابو عشرة الفقر ....
لكن عضتى بجي بقلعا براى
----------------------
يا بكرى 15% على الدعاية دى , ما ياكلوك حنك و كلام زمان الميت داك, لو وكلتنى بقلعا ليك منهم.
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: esam gabralla)
|
الصاوي،، وين ياخ الحي بيك
كتر خيرك، وياريت تعمل ليك محل أو محلات زي دي عندكم بي هناك..
معاوية كيف حالك ياخ:
أنا شكيت الحقيقة انك تكون معاوية داك،،
لكن كلام طارق أكد لي شكوكي..
شفت الشطة الفوق دي، مع الحاجات الفي الدكاكين المجاورة، عندنا ليك معاها الطعمية دي:
وكمان في زيتون وجبنة سودانية وكدا..
أما "أم فتفت" فمحجوزة لعصام جبرالله، وشنطو المليانة من السوق الحر..
بالله عليكم الله يا معاوية وعصام اتصلحوا معانا شوية،،
المحل دا محل "لحم حلاااااااااااااال"..
عشان كدا يا عصام بدل "امفتفت" حا نديك أجنحة دجاج مبهرة، على الحلة عدِل، عارفك ما عندك صبر لي "باربكيو" وكدا..
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
Quote: كدي يا طارق النرحب بي حواء الأول وبعداك نجي لي معاوية الطويل.
مرحب بيك يا حواء وبرضو المحل محلك،،
وأعمل ليك شغل دعاية صغيرون كدا:
ستجدين كل ما تحتاجينه.. فقط زورينا مرة واحدة، وستصبحي وصحبك
من الزوار الدائمين..
لدينا جناح خاص بمنتجات التجميل والزينة السودانية.
|
شكرآ يا سيف والله كلك ذوق
انا بعيدة قى ليدز لكن لندن ما بنقطع منها
واحتمال نخليك تجى تفتح لينا فرع بهنا
جايكم نهاية الشهر باذن الله
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: Osama Mohammed)
|
حبابك يا عثمان
الغريبة أنا كنت متوقع عصام جبرالله يسأل السؤال دا...
التمباك أو الصعود موجود بالحيل.. وكل البسفو أشادوا بيهو.. (بعمل ليو صورة قريب)
طبعاً أنا لاوزت استعرض كل منتجات المحل والخدمات البنقدما وكدا
حتى لا يُفهم إني استغليت بوست طارق لأغراض دعاية وكدا..
لكن، طالما عصام لمَّح لي حاجة زي كدا، يللا نستأذن بكري
وندعي (من دعاية)..
عندنا برضو تحويل قروش للسودان..
| |
|
|
|
|
|
|
|
|
 Re: حظكم يا ناس لندن .. لعناية سيف بشير (Re: Adil Osman)
|
Quote:
بالله عليكم الله يا معاوية وعصام اتصلحوا معانا شوية،،
المحل دا محل "لحم حلاااااااااااااال"..
|
والله ياسيف وجود خدر كراعى للحوم الحلال و كمواطن هولندى دايرة شوية تركيز
فركز فى مسالة الشغل ده................. ممكن نصدر ليك موية زمزم مباشرة من مكة
واى منتوجات (وطنية اخرى)
الصاوى حاسدنى فى فقرتى المؤقتة دى ...سلوك لايشبه (الخواجات
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: معاوية عبيد الصائم)
|
Quote: - اصفراني و وجيه و من مدني بعكس ود جبرالله الشيوعي
- لسانو طويل و بشمت فيك في اقرب ملف
|
وما بدور الشمش صاح...
انت عارف ياخدر سيف اخر مرة قام معانا بواجب من خلال وجبة دسمة استثانية زدنا بعد الوجبة مباشرة اناوحافظ خير 5 كليو مناصفة... حافظ 4 ك ..وانا فقط واحد كيلو
..لكن عزمنا اجبارى ...فاهم اجبارى حقت زمان ياخدر ؟!!!
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
Quote: شايف الزيتون والجبنة يا معاوية؟
|
ياسيف انا اتربيت) على الطيبات منذ الطفولة المرتدلا والجمبرى والباسطرمة
ولبن كافورى وكل اغراض (الاسرةالكبيرة) كان سواق العائلة بيجبا من سوق
الخرطوم (2) والعمارات..وده تاريخ غذائى معروف (للعامة) امثال خدر الاجنبى
وخضر الوطنى وما يعرف (بعصام جبر الله) الشارف هههههههه
لكن فى فترة كده اخوك تواضع ونزل لمستوى المذكورين الفوق ديل!!!
فى اطار النزول لمستوى الحركة الجماهيرية(الكادحة) او ماشابه
خدر احذرك من تلك المحاولات (المضروبة)والزج باسمى مع عامة الشعب خاصة
مايسمى الصاوى او اى كان اسمه....هذا الكائن الحاسدنى (فى صحتى)الذى كنت
اعتقد بانه خواجة وطنى...(للاسف) طلع (حاقد)
اوع ياخدر تفكر انو الكتوف اتساوت؟!!!ياضارب ام فتفت (اللا وطنية)
ياسيف نظام (الجرورة عندكم كيف) لو مافى ممكن نرسل ليك خبير معلم وحائز على عدة
جوائز...يامشيت لقدام ولا نقلت بقالتك (الكلاكلة)
ياسيدى ربنا يفتح ليك ابواب الرزق محل ماتقبل..لانك زول مجتهد وتستاهل كل خير ياصاحب
لك وللاسرة كل التحايا...
| |
|
|
|
|
|
|
|
|
 Re: حظكم يا ناس لندن .. لعناية سيف بشير (Re: Sana Khalid)
|
Quote:
الزوار الأفاضل
بجيكم بي رواقة بكرة..
ولغاية الوقت داك، اتصبروا بي حاجة باردة من هنا:
|
__
عجبني المحل, النظافة وطريقة العرض...والترتيب
واهم شئ..عجبتني (قِدرة الفـــــــول) القاعدة هناك تحت ..
بالتوفيق وربنا يجعل البركة في المحل
ويزيد الخير ياخ
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: هواري نمر)
|
هواري نمر
مرحب بيك..
قدرة الفول أنا كنت مشرك بيها لي واحد كدا،،
لكن برافو عليك لقطها،،
الحقيقة، في أكثر من محل لحم حلال في المنطقة، فنحن لما فكرنا
في المحل، قلنا لازم نكون مختلفين أو متميزين،،
عشان كدا قلنا نتميز بالنظافة والجودة والأسعار المعقولة..
حالياً أو على قول الخواجات (as we speak) بنعمل في
واجهة جديدة لعرض الخضروات والفواكه، لأنو الحتة العارضين فيها
الخضار هسع صغيرة وما شايلة كل الأنواع زي ما ظاهر هنا:
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
مين موسوليني؟
أزيك يا عبدالرحيم..
وظيفتك محجوزة، لأننا بنقدِّر جداً أصحاب الخبرات خاصة
الجايين من السودان.
----
أبراهيم كوجان: وينك يا دكتور
بكرة بتاعتك بقت بعد بكرة لغاية هسع..
الكسرة موجودة بكثرة، لكن عندنا "أنجيرا" معمولة بوصفة سودانية،
الفكرة نوسع دائرة الاختيار وكدا..
أما الكجيك، وملاح الرجلة، وفي الحقيقة كل الملاحات السودانية
متوفرة لكن "عند الطلب".. ومرة مرة كدا بندخل "لاينز" جديدة،
مثلاً قبل يويمن نزلنا "مديدة حِلْبَة"..
ممكن لكن تتصبر بالفسيخ دا، لغاية ما تعمل الاوردر
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
نسيت أقول ليك يا كوجان "أم فتفت" جاية الاسبوع الجاي..
---
حبيبنا الموصلي:
سلام بعد طول غياب
"الحكومة هي الأصل".. لكن دا شغل "تحالف وجبهة عريضة"..
يعني فكرة الـ "فاميلي بيزنيس" (مصطفى، سيف، ... الخ).
---
الأخ مجدي أحمد الشيخ
شكراً على التحية
| Quote: بكرى استلمت والا كو....!! |
بكري زاتو معزوم "شوبينج" عندنا في أول زيارة ليهو لي لندن.
---
ساري الليل
أشكرك على التبريكات
| Quote: و نحييك على الtilapia الظريفة دي .. |
دي فرصة أقول ليك شوف البلطي الجد جد مبهَّر وجاهز على الصاج
(يعني ممكن تخت عليهو بيض ودقيق عشان القِشرة)، حا تلقى نفسك وكأنك بتاكل
في بلطي السكي (بتاع الموردة)
----
العزيز محمد هارون
المحل محلك؛ عبارة ما حا اتعب من ترديدا لجميع السودانيين المقيمين
بلندن، لأنو فعلاً المحل محلكم..
----
الحبيب عادل عثمان
الشكر على التحية والتبريك
تعرف، اللخمة بس تكون خلتنا نكتب الـ B بدل الـ P.
يمكن شعار المحل ما ظاهر كويس في الصورة الختاها طارق
في أول البوست، وحا أحاول أنزل صورة حديثة للواجهة
بعد اكتمال العمل في رفوف الخضار.. رايك شنو في شعارنا
التحت دا:
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
Quote: المحل دا محل "لحم حلاااااااااااااال"..
عشان كدا يا عصام بدل "امفتفت" حا نديك أجنحة دجاج مبهرة، على الحلة عدِل، عارفك ما عندك صبر لي "باربكيو" وكدا..
|
يطرشنى ما سمعت اما فتفت ما حلااااال اذا كان الذبح اسلامى :)
سيف بشير مبروك المحل و ربنا يوسع الرزق و حسنا سميتو باسم نبتة
ضرب عصفورين بحجر :)
تحياتى لك بلا حدود
__________________________________-
وين انت يا سيف لا اسكت الله لك حسا
بعد الافتتاح ده ادينا واحده من تفقداتك
لاحوالنا كما كنت تفعل
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: Elmosley)
|
عزيزنا سيف ألف مبروك ال GROCERY .
ده كلام سمح
وأنشاءالله ربنا يفتح عليك . بس عليك الله تحاول تخلي المحل
يفتح بدري جدا وممكن المحل يكون فاتح من 6 صباح
وحتي الساعة 12 بالليل 6 أيام في
الاسبوع .
بعدين يا سيف شايف الواجهة فارغة من شيلفات . وده ما صاح .
لا تترك مساحة فارغة . ارفس المحل بضاعة . جيب كل شيء وخلي بالك بنفسك
.. وربنا يساعد
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: Manar Mahsoub)
|
أختنا سهام المجمر
تحيات طيبات
وليك من الشكر كميات..
Quote: يطرشنى ما سمعت اما فتفت ما حلااااال اذا كان الذبح اسلامى :)
سيف بشير مبروك المحل و ربنا يوسع الرزق و حسنا سميتو باسم نبتة
ضرب عصفورين بحجر :)
تحياتى لك بلا حدود |
لو لاحظتي معاوية وعصام كانوا بيتكلموا عن الدكاكين المجاورة لي محلنا،
أها بي نفس الأنولوجي قلنا "أم فتفت" وقاصدين الحاجات المجاورة ليها،
لكن قطع شك "أم فتفت" وكل اللحوم والأدجَّة وملحقاتها حلال.
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
الأخ الفاضل عثمان موسى
أشكرك كتير على كلمات الطيبات
أما ملاحظاتك دي
Quote:
ده كلام سمح
وأنشاءالله ربنا يفتح عليك . بس عليك الله تحاول تخلي المحل
يفتح بدري جدا وممكن المحل يكون فاتح من 6 صباح
وحتي الساعة 12 بالليل 6 أيام في الاسبوع .
بعدين يا سيف شايف الواجهة فارغة من شيلفات . وده ما صاح .
لا تترك مساحة فارغة . ارفس المحل بضاعة . جيب كل شيء وخلي بالك بنفسك
.. وربنا يساعد |
فبالنسبة لمواعيد العمل، مديناها ساعة لغاية 10 مساء من أمس.
بخصوص الواجهة، إذا بتقصد الواجهة البرانية (الـ shopfront)، فزي ما شايف مافي
مكان لرفوف في الواجهة بي شكلها الحالي،
لكن زي ما قلت فوق، شغالين حالياً في رفوف الخضار
وحا نبدأ في اليومين الجايات ديل تقريباً في عرض الخضار بصورة
مختلفة وأكثر مهنية. تأخرنا نعم، لكن التأخير سببو جماعة البلدية لأنهم
أصروا إنو لازم تكون الـ "أووننج" أو المظلة، على الطراز الفكتوري القديم
عشان كدا يا دوبك عملناها لينا اسبوعين تقريباً.
أما إذا قاصد الواجهة خلف الكاونتر، فدي خاتين فيها حاجات خفيفة منها
لزوم مكياج، وزينة زي ما باين تحت في الصورة.
وبالنسبة لي رفس المحل بضاعة، بس تجي الفكة، وحا تشوف الرفس الصاح.
كتر خيرك مرة تانية.
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
مرحب بيك في نبته يا منار
وليك ألف شكر على تبريكاتك.
Quote:
ندخل فى الجد...العرب ديل عندهم عقدة الخواجة يعنى محل نبته اللندنى فرع مسقط ده حيعمل شغل عجيب
بداية بشاى الصباح باللقيمات و انتهاء بكوارع منتصف الليل ...و الدى اتش ال بيننا....
اسمعو يا جماعة توكيلات الخليج دى انا حجزتها خلاص....
|
يا زولة ما عندك أي مانع،، خلاص التوكيل رسى عليك..
طبعاً أنا نسيت أقول لي كوجان فوق إنو في "كوارع" ليها ضل،
وممكن تتعمل جاهزة "بس بالطلب".
بس شوربة كوارع بالـ دي اتش إل ما حا تكون براكتيكال
فممكن من بكرة أبدأ في دراسة جدوى لبحث إمكانية
"بايب لاين" للكوارع والفسيخ وباقي الحاجات.
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
وبرضو لو محتاج عناوين
شركات ال WHOLESALE كلها في شرق لندن . مافي مشكلة .
و شوف عزيزنا عماد بخيت ولا جمال علام والناس ديل عارفين جخانين
الخضار والبهار والحلال ميت . بالجملة .
لندن حلوة كانت بلدنا بين 1985 _ 1995 بلد جميلة ومافيها مشاكل أمريكا .
في البلد دي تكون وأقف في كاشير زي الواقف علي حافة القبر يا سيف .
غايتو برضو اعمل حسابك ..
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
مبروك اخ سيف وبالتوفيق ان شاء الله ...
بجي مرة مرة لكن حازورك علي الاقل نحظي بالخصم بتاع خدر
بعدين عندي سؤال الفرخه البي شمال دي واده رجله ده وين!!
المحل دا محل "لحم حلاااااااااااااال"..
انت مكنتك خفت ياودجبرالله .. ام فتفت شنو!!
ياخدر عصام جبر الله الدكتور قاليهو الحساسية من اللحم الحلاااااال..
ربنا يبارك ليك في البقالة واهتم بالنظافة وهي اهم من الاكل الموجود في المحل
ربنا يوفقك ..
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: عماد شمت)
|
الأخ الفاضل عماد شمت
طبعاً انت من ناس لندن عشان كدا طوالي حا نصرف ليك واحد من الـ "محل محلك"
وشايف الأخ عثمان اتكلم عن إنو عندك خبرة في المجال دا وأكيد حا نستفيد جداً
من أراءك (مفروض لو بكتب بالفصحى تكون "آرائك")، وفي انتظارك.
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: نبيل عبد الرحيم)
|
سيف بشير
كيفك والاسرة
يا سيف, انا طبعا كنت بهاظر معاك, ومع خدر, لانه شك في انك وود الصايم ما متذكرين بعض.
انا ما متذكر يا سيف انك سالتني عن اي بدر موسى انا, لكن ياخ حكاية بدرالدين موسى الحايمة في النت دي عاملة لي قلق عديل!
يوم مشيت سودانايل اقرا مقالات, لقيت ليك واحد اسمه بدر موسى ساخي ليك الحكومة لما اشفقت على نفسي, وقلت الناس ديل ما حا يدوني تاشيرة دخول للسودان, فمشيت الفيسبوك عملت اعلان شرعي باني لست ذاك ال بدر موسى! يا اخوي اي شي ولا اللخبتة!
بعدين صاحبك مصطفى النقيب دا هو الاكيد بكون نساني! اتخيل شايفه في الفيسبوك, وكل ما اقول ارسل ليه طلب صداقة, ارجع واقول: ليه ما هو برضو شايفني بهناك, ما يرسل لي اول! الحكمة زوجته بيطرية من عندنا, عرفتها من الصورة.
يا زول مبروك المحل اللمانا تاني وان شاء تعمل سلسلة منه (chain) في كل حارات لندن.
تحياتي
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
Quote: صاحبك مصطفى النقيب دا هو الاكيد بكون نساني! اتخيل شايفه في الفيسبوك, وكل ما اقول ارسل ليه طلب صداقة, ارجع واقول: ليه ما هو برضو شايفني بهناك, ما يرسل لي اول! الحكمة زوجته بيطرية من عندنا, عرفتها من الصورة.
يا زول مبروك المحل اللمانا تاني وان شاء تعمل سلسلة منه (chain) في كل حارات لندن.
تحياتي |
يا بدر موسى حبابك حبابك
مصطفى النقيب وزوجته بعد ما جابو ولدهم "أمادو" بقو لا بسمعو لا بشوفو!
والشكر ليك مرات لبيريكك تاني..
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
يزيد فضلك ياسيف ..
الظاهر عليك سكرت بي ام فتفت الاستاذ عثمان موسي قاليك عماد بخيت فاما انا والله مابفهم في
التجارة خالص خالص ..بفهم شويه في الموسيقي .
بعدين انا بجي لندن كتير بس ساكن مع ناس ودجبرالله ديل ..
لكن بديك معلومة صغيرة الالمان قالوا لسويسريين نحن زمان قلنا ليكم المواد الغذائيةالبتلامس الكراتيين
فيها مواد بتساعد في السرطانات ..عشان كده لازم تفصلوا المواد الغذائية او البتتاكل مثل الجبس وما شابه
فيها تأثير عالي ..لان الكراتيين مخلوض بالاحبار المكتوبة علي الاوراق فهي السبب..عشان كده احسن تخت الخضروات
ديه في سباته بتاعة بلاستيك او معادن وعليها اكياس بلاستيك تتغير كل مرة ,,
تحياتي للجميع
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: عماد شمت)
|
Quote: شكراً يا نبيل
الحقيقة نحن استغربنا ليه ما شفناك عندنا لغاية هسع!
لسه منتظرنك لأنو:
"المحل محلك"
وشوف الفراخ الـ (corn-fed) دا في انتظارك |
أخى سيف لم أعلم إنك تملك محل إلا من خلال هذا البوست
وإنشاء الله نزورك قريب
تمنياتى لك بالتوفيق
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: نبيل عبد الرحيم)
|
ابو نبته يا حبيب مليون مبرووك وربنا يزيد ويبارك السبب الحماني اخش البوست دا هو كمية الشطوط والدكوة الانتو خاتنها دي معقولة يا سيف فنحن قد هرمنا وكمان عاملين عملية عيون وكدا - لكن الشطة وام فتفت بنموت فيها ------------ اجمل حاجة في البوست دا يا سيف وخدر انو طلع لينا كمية مهولة من الديناصورات وخسوسا الحبيب عصام ود جبرالله والحبيب احمد القاسم وبرضو مصطفي النقيب غاتس في صحن البطاطس -- ربنا يوفقك وعقبال تبقي الاخ ماكدونالد ولا كشك بتاع لندن
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: عاطف ابراهيم)
|
الأخ العزيز عماد
الحقيقة أنا من ما شفت صورة الراحل المقيم سمندلاوي في بروفايلك عرفت إنك
بتكون من قبيلة المزيكا..
نرحب برضو بكل سكان الـ كونتينانت، انت بس قول عايز شنو وحا يصلك
المطلوب بالـ دي اتش إل (طبعاً دي ظاهرة انها عزومة مراكبية)
Quote:
احسن تخت الخضروات
ديه في سباته بتاعة بلاستيك او معادن وعليها اكياس بلاستيك تتغير كل مرة ,,
|
دا بالضبط الحا نعملوا بمجرد ما يجهز مكان عرض الخضار
(في المراحل الاخيرة للفينيشينج)
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
أيوا يا عماد
عرفت قبل شوية إنك عماد عويس، وشفتك لما جيت تشارك في
الحفل الاتعمل لصالح عبدالهادي عثمان، وطبعاً ديك كانت آخر مرة
أقابل فيها الراحل سمندلاوي!
مواصلة لكلام عرض الخضار
دي نماذج للباسكيتس الممكن نعرض فيها الخضار
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
الحبيب عاطف
الله يبارك فيك يا أصيل، وألف سلامة للعيون.
والله ما داير اشحتف ليك روحك، لكن في "أم فتفت" فريش جاية بكرة، ومعاها "أتِّي"، وبمبار (أو ممبار) ومنديل الخروف!
عارف منديل الخروف دا شنو؟ أنا عرفتو قريب دا وهو الغشاء بتاع الشحم البعملو منو "الربيت" في السودان!
وطبعاً البتاعات ديل كلهم ما بيتاكلو إلاّ بالشطة، وأنا زيك وقفت الشطة لي هسع قريب الـ 15 سنة.
قلت لي "كِشِك"! يا لها من أيام، يا ترى لسه فول كشك زي ما كان زمان؟ (طبعاً ما في السعر)
تحيات كمية يا حبيب
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
تسلم ياسيف وربنا يرحم الاخ سمندلاوي الرجل الرقيق
والله انا اول مرة اقابله في الحفلة دي وكأني بعرفه من قبل عشرات السنين
وكان بينا وعود قبل ان تتحقق رحل فجأ ..الحمدلله علي كل حال والبركه في
اولاده وربنا يتقبله قبولا حسنا ويجمعه مع الابرار ...
وانا سجلت رقمك مجرد ما اصل بجيك دقري ولحدي الوقت داك انشاء الله الامور
تمشي علي مايرام وربنا يجعلها تجارة رابحه ...
تسلم ياحبوب
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: عماد شمت)
|
الأخ العزيز سيف
أول مرة ألاحظ البوست رغم انو قديم
ألف مبروك ياخي وربنا يوفقك ومزيداً من النجاحات ان شا الله
تشحتفنا بالمرور ومشاهدة مناظر الشطوط واللحوم والأطايب وسال لعابنا وطمنتنا أكتر باحتمال الدسكاونت
لأن ((المحل محلنا)) أو كما قال
السلام امانة للنونات كلهم
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: jafar hashim)
|
ترا والله فشلتنا يا قول الخلايجة
وانا شابك الجماعة في اول البوست سيف الانيق, تجيني متصور و في نفس البوست بي جاكيت عندو إضنين بيضاء من تحت ؟
شرطت عيني و يا شماتة ود جبرالله فيني
عزيزي المتابع , للأمانة دي آخر صور حديثة لي سيف اشوفو بيها
وانا غير مسئول عن اي تغيير يحدث لسيف بعد السوبرماركت 
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: خدر)
|
جعفر هاشم
أهو دا الكلام القصدو عاطف، إنو البوست مرق ديناصورات
وينك يا رجل، وألف مرحب بيك..
سبق وقلنا إنو المحل محلك دي ماركة مسجلة لقاطني لندن..
تعال اسكن لندن، والمحل قطع شك بكون محلك..
ليك وحشة والله..
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
Quote: تعال على الأقل جامل صاحبك وليام دا!
|
سيف سلامات
انت ياخوى ولدنا وليم جاب شيلة ورئحة وكده...
بعدين اذا عصام جبرالله جا عمرة عندنا ممكن..
نرسل معاهو شوية حاجات للعروس ..طلح وشاف
وفركة وحبة (بخور) من باب شريف..نظام مباركة
وكدى
اها الامور ماشة كيف فى السوبر ماركت
| |
|
|
|
|
|
|
|
|
 Re: حظكم يا ناس لندن .. لعناية سيف بشير (Re: saif basheer)
|
لندن دي الحاجة الوحيدة العجبتني فيها
مشروب الجنجر
أو ممكن تقول كل السوفت درينكس المعبأ في بلاستك اللتر ونص ولترين خاصة الجنجر والبلوبيري
غايتو الجنجر دا أنا إشتريت لي شنطة ومليتها بيهو ورجعت بيهو أمريكا
هسة عليكم الله جيبوهو معاكم في دكانكم دا
ومبروك يا أخ سيف
ولو سمحت لي بنصيحة
حاول نوع البضاعة وجيب من دول تانية
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: Rawia)
|
الأخت الفاضلة راوية
كتر ألف خيرك على التبريكات
ومعاك حق والله، الجنجر بير من المشروبات اللذيذة جداً، حالياً موجود عندنا المعبأ في العلب بس.
لكن المشروب المبالغة هسع والخرت الجو من الجنجر هو مشروب العرديب
على العموم المحل عازمك على الاتنين
معاوية وعصام ما تمشو بعيد
مشروب الجنجر بير الفوق دا هو مشروب الجنزبيل.
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
Quote:
معاوية وعصام ما تمشو بعيد
مشروب الجنجر بير الفوق دا هو مشروب الجنزبيل.
|
اها يا سيف ندخل على المهم
بخصوص الجرورة وكدى
يعنى لا قدر الله الزول من الحجاز
قدر يصل العالم الاول يقدر (يجر)
لامن ينجر لقدام.....
بعدين ياخ ما كل مرة تربطنى بالمدعو
عصام جبرالله ده زول جزيرة وانا ود مركز
والناس مقامات(افرنجى ووطنى) فى ما يختص
بالموضوع داك...
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: معاوية عبيد الصائم)
|
اها رأيك شنو انا وصلت لندن مساء اول امس
و امس اليوم كلو بواجب في ولد المرحومة ديانا و لحدي فطور العريس الليلة حضرتو معاهو
و رجعت نمت و يادووووب صحيت .. بديك تلفون و بجي عليك يا سيف, انا نازل في إسلاو
يا معاوية عبيد
فاتك عرس ابن كلـــب امس
اول ما وليم قطع قدوم في العروس الوفود العربية المشاركة ضربت رصاص في الجو
و البنات الانجليزيات زغردن
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: معاوية عبيد الصائم)
|
طارق
البلد منورة
Quote: اها رأيك شنو انا وصلت لندن مساء اول امس
و امس اليوم كلو بواجب في ولد المرحومة ديانا و لحدي فطور العريس الليلة حضرتو معاهو
و رجعت نمت و يادووووب صحيت .
|
والله نعم الصداقة والوفاء
برضو بلومك، كان على الأقل تجي تشيل ليهم انشاللا من مديدة الحلبة دي!
لكن يا طارق، باقي ليك فطور عريس ما فيهو تقلية ولُقمة زي حقتنا دي
دا بكون فطور عريس!
Quote: يا معاوية عبيد
فاتك عرس ابن كلـــب امس
اول ما وليم قطع قدوم في العروس الوفود العربية المشاركة ضربت رصاص في الجو
و البنات الانجليزيات زغردن |
دا غالباً يكون بعدما غنيت ليو "الأسد النتر" مباشرة
| Quote: بديك تلفون و بجي عليك يا سيف, انا نازل في إسلاو |
في انتظارك صوت وصورة
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
يا معاوية
Quote: بخصوص الجرورة وكدى
يعنى لا قدر الله الزول من الحجاز
قدر يصل العالم الاول يقدر (يجر)
لامن ينجر لقدام.....
... |
كدي انت أصل الأول، وبعدين بنتفاهم.
Quote: بعدين ياخ ما كل مرة تربطنى بالمدعو
عصام جبرالله ده زول جزيرة وانا ود مركز
والناس مقامات (افرنجى ووطنى) فى ما يختص
بالموضوع داك |
لا خلاص، ما نربطك خالص بيهو..
مع انو في ناس كانوا فرنجه وهم في السودان!
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
Quote: في الحقيقة، الراجل ما حبا يضيع وقتو خالص
الشابة دي من زباين المحل المنتظمين، وعرفتنا بنفسها
على أنها تعمل في مجال الانتاج الموسيقي، فقام طارق
لقاها فرصة!
البوست حقك عرفناه، كمان داير تتسلبط في الحل! |
والله يا ابوالسيوف ماشاء الله دكانكم جميل ربنا يبارك ليكم فيهو
و اللحمة الاتغدينا بيها خطييييييييييييييييرة ( ما تحاول تقنعني انكم عملتوها في الدكان , ده شغل بيت عديييل ) و الرز اخطر و السلطة الخدرا اكلتها
و قلبي بقول لي دي سلطة سيف المدغمسة البعرفها من ايام العزوبية ديك
دكانكم سمح والله بس عيبو البنات البجو يشترو و يتسلبطو في ضيوفكم و يتصورو معاهم
____
تلفونك مشغول .. انا راجع بلدنا باكر الصباح بدري .. سلم علي البتحبهم و بنتكلم لمن ارجع
و شكرا ياخي انك عملت المشروع المفيد ده و شكرا تاني و مليون لانك حريص انك تطورو كل يوم عشان يكون محل سوداني 100%
| |
|
|
|
|
|
|
|
|
|
Re: حظكم يا ناس لندن .. لعناية سيف بشير (Re: saif basheer)
|
طارق
كتر خيرك
وبما إنك صاحب البوست، فممكن نصرف ليك بصورة استثنائية
واحد من "المحل محلك"..
| Quote: و اللحمة الاتغدينا بيها خطييييييييييييييييرة ( ما تحاول تقنعني انكم عملتوها في الدكان , ده شغل بيت عديييل ) و الرز اخطر و السلطة الخدرا |
أها داير نننزل ليك صور الحاجات القلتها دي ولا اكتفيت بي اكلها؟
توصل بالسلامة، وبيناتنا التهاتف.
| |
|
|
|
|
|
|
| |
خدر
معاوية عبيد الصائم
saif basheer
حواء سليمان ابراهيم
elsawi
مرتضى احمد عبد القادر
Osama Mohammed
abdelrahim abayazid
ibrahim kojan
بكرى ابوبكر
Elmosley
Magdi Ahmed Elsheikh
sari_alail
Mohammed Haroun
Adil Osman
بدر الدين احمد موسى
هواري نمر
ASHRAF MUSTAFA
Siham Elmugammar
Osman Musa
عماد شمت
نبيل عبد الرحيم
Rawia
فيس بوك
تويتر
انستقرام
يوتيوب
بنتيريست