حظكم يا ناس لندن .. لعناية سيف بشير

زميل المنبر سيف بشير اكتشفت بالصدفة من صفحة في الفيسبوك انو إفتتح سوبرماركت نبتة فوود سنتر في لندن
و قلت النبارك لي سيف ده علنَا لانو لسانو طويل و بشيل حالنا لو ما باركنا ليهو و عشان اوريهو اني ما حاسد ولا شي
كما و ادعو جميع اصدقائي بلندن عشان يبقوا زباينو و اتبرع ليهم بخصم مني ليهم جنية و نص علي كل سلعة يشتروها

و حظكم يا ناس لندن
و مبروك يا سيف بشير السوبرماركت السوداني





رابط السوبرماركت علي الفيسبوك
nabta food center

احتمال كبير خالس اني ارحل لندن مخصوووص عشان الشطوط دي

ممكن نعرف اهم المواقع حول دكان (الشطوط) دى...

سائح ناوى الجية


سلامات ...تحياتى لراعى (الدكان)

أشكرك كتير يا طارق، واعتذر منك إني ما قلت ليك عن المحل..

يعني ما حا تجيبك لينا إلا الشطة بس؟ كدي افضى شوية كدا وانزل ليك صور نماذج
قليلة من الحاجات البتتباع في المحل..

كبداية، شوف السجوك دا (لحمة ودجاج)

الأخ الفاضل معاوية

مرحب بيك في لندن والمحل محلك..

العنوان:

547 Harrow Road
London W10 4RG
(opposite the Sixth Avenue)

أو الموقع على الخريطة أدناه

كان كدي يانا الجيناك ياسيف
فبالله الخصم الذكرو خدر ده زايد الخصم الحنعملو ليك للاعلان وكده


ربي يبارك ليك ولي قدام

الف مبروك وان شاء الله آية الرزق

يانا الجيناك قريب

الأخت تماضر،، حبابك ألف

وعشان تطماني إنك حا تجي المحل الصاح، شوفي:

باسطرمه

فراخ

كفته

غايتو يا حواء لو انت في لندن تستاهي التخفيض طوالي يا ستنا
لكن تمادر دي البعيييييييييييييييييييدة و قافلة علي تخفيضي و ناجرة ليها تخفيض تاني من راسها اسوي فيها شنو ؟

يا طمطم .. خلي جعفر يداهم سيف طوالي و يديني تلفون وهو معاهو في المحل و ليك علي ياخد تخفيض كبير جدا
سيف ده انا طالبوا كتير بصراحة و داير اتفشي فيهو .. انا او اصحابي

يا سيف ..
انت معاوية عبيد ده ما عرفتو ولا شنو ؟
شايفك شبكتو الاخ الفاضل و الاخ الاخير
اديك هنتس يمكن تذكرك بيهو
- كافتيريا عزة
- الداون تاون
- النكتة الحاضرة
- دار النشر
- الحزب الشيوعي
- 1990


لو قلت لي الاجابة الصحيحة البطيخة بضاربك .. ركز شوية؟



يا معاوية
حا اديك هنتس برضو لي سيف بشير
- كلية الاقتصاد - كان استاذ مساعد في الكلية في 1990
- انضف شاب خريج الجامعة (بخت منديل في لياقة القميص عشان العرق بدون مؤاخذة )
- كورالنجي في جميع كورالات ج د
- اصفراني و وجيه و من مدني بعكس ود جبرالله الشيوعي
- لسانو طويل و بشمت فيك في اقرب ملف


لو قلت لي الاجابة الصحيحة البطيخة بضاربك .. ركز شوية؟

_______
علي الفائز إستلام الجائزة (سيارة لانسر) من إستقبال التلفزيون يوم 26 مايو القادم

الف الف مبروك يا سيف وان شاء الله بالخير والمال الوفير
والله لما كلمتني عن المحل من العربية وانت في طريقك للمطار
بصحبة طارق ابوشوك كنت قايلك بتهظر
تحياتي لك يا صديق ولنجوى والبنيات
وشكراً ليك يا طارق واصلو الفنانين ديل دايماً خطرين جداً في الشطوط
وبعدين سيف يتذكر ليك معاوية كيف يعني مع الفِقْرة القامت دي!!!

كدي يا طارق النرحب بي حواء الأول وبعداك نجي لي معاوية الطويل.

مرحب بيك يا حواء وبرضو المحل محلك،،

وأعمل ليك شغل دعاية صغيرون كدا:

ستجدين كل ما تحتاجينه.. فقط زورينا مرة واحدة، وستصبحي وصحبك
من الزوار الدائمين..

لدينا جناح خاص بمنتجات التجميل والزينة السودانية.


لكن كدي شوفي الباسطة دي:




وللا اللحمة دي:

(الصورة قديمة شوية، لأنو الأسعار هسع زادت زيادة مُحرجة "بالنسبة لينا كبائعين")

عشانا مرق ... عندكم أم فتفت صباحية؟
بعد كده الواحد يجي لندن بطنو فااااااضيه و يملا الشنطة من السوق الحر

Quote: والله لما كلمتني عن المحل من العربية وانت في طريقك للمطار بصحبة طارق ابوشوك كنت قايلك بتهظر

بالله شوف ابومشيلح العواليق, فالح بس تضرب لى وقت المصايب و الأخبار الزى وشك تكلمنى بيها, لما مرة واحدة في حياتك تعمل حاجة تفرح تكلم بيها الغربا - الصاوى الأمريكي - و نحنا نسمع من الانترنت و الضهب - خدر و ما شابه - اصلآ القروش بتغير الناس زى ما انت عارف , جزارة صغيرونة عملت فيك كده لو بقي عندك كمان بص أحمر تسوى شنو؟
ملعون ابو عشرة الفقر ....
لكن عضتى بجي بقلعا براى
----------------------
يا بكرى 15% على الدعاية دى , ما ياكلوك حنك و كلام زمان الميت داك, لو وكلتنى بقلعا ليك منهم.

الصاوي،، وين ياخ الحي بيك

كتر خيرك، وياريت تعمل ليك محل أو محلات زي دي عندكم بي هناك..


معاوية كيف حالك ياخ:
أنا شكيت الحقيقة انك تكون معاوية داك،،
لكن كلام طارق أكد لي شكوكي..

شفت الشطة الفوق دي، مع الحاجات الفي الدكاكين المجاورة، عندنا ليك معاها الطعمية دي:





وكمان في زيتون وجبنة سودانية وكدا..


أما "أم فتفت" فمحجوزة لعصام جبرالله، وشنطو المليانة من السوق الحر..

بالله عليكم الله يا معاوية وعصام اتصلحوا معانا شوية،،

المحل دا محل "لحم حلاااااااااااااال"..

عشان كدا يا عصام بدل "امفتفت" حا نديك أجنحة دجاج مبهرة، على الحلة عدِل، عارفك ما عندك صبر لي "باربكيو" وكدا..

اللهم باعد بين خضر حسين وبين هذا البوست اللهم باعد بينهما حتى لا يمسخ عليه فوله و عدسه وزملاء حزبه معا












قلبي معاك يا خدوري عارف البحصل ليك لو شفته الجومه النضيفه

Quote: كدي يا طارق النرحب بي حواء الأول وبعداك نجي لي معاوية الطويل. مرحب بيك يا حواء وبرضو المحل محلك،، وأعمل ليك شغل دعاية صغيرون كدا: ستجدين كل ما تحتاجينه.. فقط زورينا مرة واحدة، وستصبحي وصحبك من الزوار الدائمين.. لدينا جناح خاص بمنتجات التجميل والزينة السودانية.

شكرآ يا سيف والله كلك ذوق
انا بعيدة قى ليدز لكن لندن ما بنقطع منها
واحتمال نخليك تجى تفتح لينا فرع بهنا
جايكم نهاية الشهر باذن الله

مبروك الافتتاح يا سيف وشكرا لي خدر على التنبيه
وفي واحد جمبي هنا بسأل سؤال (محوري)
التمباك اخبارو شنو؟

حبابك يا عثمان

الغريبة أنا كنت متوقع عصام جبرالله يسأل السؤال دا...

التمباك أو الصعود موجود بالحيل.. وكل البسفو أشادوا بيهو.. (بعمل ليو صورة قريب)

طبعاً أنا لاوزت استعرض كل منتجات المحل والخدمات البنقدما وكدا
حتى لا يُفهم إني استغليت بوست طارق لأغراض دعاية وكدا..
لكن، طالما عصام لمَّح لي حاجة زي كدا، يللا نستأذن بكري
وندعي (من دعاية)..

عندنا برضو تحويل قروش للسودان..

في وظائف ولا مافي عشان انا جاي لندن استفر ونهائي المرة دي

تحياتي للجميع

جاييك بكره الضهر....
عندك كسره!
كجيك
ملاح رجله....
والله بالجد ام فتفت.....
زي ما قال ود جبرالله

اها للصباح

Quote: وفي واحد جمبي هنا بسأل سؤال (محوري) التمباك اخبارو شنو؟

زبائننا الكرام

كل عام وانتم بخير بمناسبة عيد الأضحى المبارك
أعاده الله علينا وعليكم وعلى الإمة الإسلامية بالخير واليمن والبركات.

يسرنا أن نبشركم بأننا سننفرد بتوفير الأضاحي
في أول أيام العيد الأحد الموافق 06/11/2011م ابتداءاً من الساعة الواحدة ظهراً.





سارع بتقديم طلبك من الآن لتضمن وصول أضحيتك بعد الواحدة ظهراً.
يرجى وضع مبلغ مقدم قدره 40£، بموعد أقصاه يوم الجمعة الموافق 04/11/2011م
الساعة الرابعة عصراً.

يتم تقديم طلبات الأضاحي عبر:
الهاتف: 02089648354
أو البريد الإلكتروني: [email protected]
أو رسالة نصية على أحد أرقام الجوالات التالية:
07958580020
07958630840

سعر الخروف كاملاً 115£
سعر الخروف مقطعاً 120£

كل عام وانتم بخير


The Management
Nabta Food Centre

http://www.nabtaltd.co.uk
Tel. & Fax; 0208 9648354

z

الشغل ده اكيد تديره الحكومه
وتقف وراءه
===================
ناس المعارضه فكركم مايمشي بعيد
الف الف مبروك

خدر وسيف الاقتصاد...

ازيكم وكيف حالكم..!!

ما في فروع للمحل دة بهناك.....!!

ربنا يوفقك يا سيف.....!!
_________________________

بكرى استلمت والا كو....!!

سيف بشير ..
أول حاجة .... مبروك المحل :)




و نحييك على الtilapia الظريفة دي ...

يا سلام عليك يا خدر يا فنان وألف مبروك للأخ سيف بشير

خلاص يا زول إعتمدنا زبائن من يوم الليلة ...

نعمل ليك دعاية في المدرسة السودانية بكرة ونمر عليك في المساء ...

تحيات أخوك ودهارون

الف مبروك يا سيف بشير. الاستثمار في الطعام مضمون.
ممكن ترسلوا طلبات بالبريد؟

ليه كتبتو Nabta وليس Napta؟

Quote: بالله عليكم الله يا معاوية وعصام اتصلحوا معانا شوية،، المحل دا محل "لحم حلاااااااااااااال"..

والله ياسيف وجود خدر كراعى للحوم الحلال و كمواطن هولندى دايرة شوية تركيز
فركز فى مسالة الشغل ده................. ممكن نصدر ليك موية زمزم مباشرة من مكة
واى منتوجات (وطنية اخرى)


الصاوى حاسدنى فى فقرتى المؤقتة دى ...سلوك لايشبه (الخواجات

Quote: - اصفراني و وجيه و من مدني بعكس ود جبرالله الشيوعي - لسانو طويل و بشمت فيك في اقرب ملف

وما بدور الشمش صاح...
انت عارف ياخدر سيف اخر مرة قام معانا بواجب من خلال وجبة دسمة استثانية زدنا بعد الوجبة مباشرة اناوحافظ خير 5 كليو مناصفة... حافظ 4 ك ..وانا فقط واحد كيلو
..لكن عزمنا اجبارى ...فاهم اجبارى حقت زمان ياخدر ؟!!!

الزوار الأفاضل

بجيكم بي رواقة بكرة..

ولغاية الوقت داك، اتصبروا بي حاجة باردة من هنا:





شايف الزيتون والجبنة يا معاوية؟

خدر يا فنان

بما انه منظر اللحوم عجبني, لدي سؤال,

هل تقدم بقالة الاخ الكريم سيف بخدمات دليفري لامريكا الشمالية ولا لا?

هذا مع تهانينا للاخ الكريم سيف

مبروك

---
الاخ والكريم دي للضمان لو ما اتذكرنا الاخ الكريم سيف

Quote: الصاوى حاسدنى فى فقرتى المؤقتة دى ...سلوك لايشبه (الخواجات

مؤقتة يا وغد؟
والله اول مرة اعرف انه الفِقَر بأجروها
لكن الظاهر عليك كامل الدسم عذبتو عذاب!!

مبروك يا سيف
ومبروك للزباين بما فيهم اهل التابا
في انتظار فرع مانشستر

Quote: شايف الزيتون والجبنة يا معاوية؟

ياسيف انا اتربيت) على الطيبات منذ الطفولة المرتدلا والجمبرى والباسطرمة
ولبن كافورى وكل اغراض (الاسرةالكبيرة) كان سواق العائلة بيجبا من سوق
الخرطوم (2) والعمارات..وده تاريخ غذائى معروف (للعامة) امثال خدر الاجنبى
وخضر الوطنى وما يعرف (بعصام جبر الله) الشارف هههههههه
لكن فى فترة كده اخوك تواضع ونزل لمستوى المذكورين الفوق ديل!!!
فى اطار النزول لمستوى الحركة الجماهيرية(الكادحة) او ماشابه
خدر احذرك من تلك المحاولات (المضروبة)والزج باسمى مع عامة الشعب خاصة
مايسمى الصاوى او اى كان اسمه....هذا الكائن الحاسدنى (فى صحتى)الذى كنت
اعتقد بانه خواجة وطنى...(للاسف) طلع (حاقد)
اوع ياخدر تفكر انو الكتوف اتساوت؟!!!ياضارب ام فتفت (اللا وطنية)


ياسيف نظام (الجرورة عندكم كيف) لو مافى ممكن نرسل ليك خبير معلم وحائز على عدة
جوائز...يامشيت لقدام ولا نقلت بقالتك (الكلاكلة)




ياسيدى ربنا يفتح ليك ابواب الرزق محل ماتقبل..لانك زول مجتهد وتستاهل كل خير ياصاحب
لك وللاسرة كل التحايا...

يا سلاااااام يا طارق على الخبر الجميل.. تسلم و الله

ألف ألف مبروك يا سيف و نجوى.. ياخي و الله العظيم أنا فرحانة التقول حتدوني توكيل الشرق الأقصى، و الا حتدوني ليهو (وش بريء و متوسل:))؟
حاجة جميلة شديد ما شاء الله و ألف مبروك و إن شاء الله الله يزيد و يبارك و من نجاح لنجاح يا رب..
سلامي الشديد ليكم و لنبتة و أخواتها.. و تقبلوا سلام الأولاد و ما تتقبلوا سلام خالد إلا يوصلو براه.. فترت أنا من المراسيل البلوشي :))
 

Quote: الزوار الأفاضل بجيكم بي رواقة بكرة.. ولغاية الوقت داك، اتصبروا بي حاجة باردة من هنا:

__
عجبني المحل, النظافة وطريقة العرض...والترتيب
واهم شئ..عجبتني (قِدرة الفـــــــول) القاعدة هناك تحت ..
بالتوفيق وربنا يجعل البركة في المحل
ويزيد الخير ياخ

هواري نمر

مرحب بيك..

قدرة الفول أنا كنت مشرك بيها لي واحد كدا،،

لكن برافو عليك لقطها،،

الحقيقة، في أكثر من محل لحم حلال في المنطقة، فنحن لما فكرنا
في المحل، قلنا لازم نكون مختلفين أو متميزين،،
عشان كدا قلنا نتميز بالنظافة والجودة والأسعار المعقولة..

حالياً أو على قول الخواجات (as we speak) بنعمل في
واجهة جديدة لعرض الخضروات والفواكه، لأنو الحتة العارضين فيها
الخضار هسع صغيرة وما شايلة كل الأنواع زي ما ظاهر هنا:

مرتضى عبدالقادر

تسلم

Quote: قلبي معاك يا خدوري عارف البحصل ليك لو شفته الجومه النضيفه

غايتو أنا خدوري بشكرو على المباركة ومنتظرين جيتو الموعودة

والتحايا عبرك لـ خضر حسين

مين موسوليني؟

أزيك يا عبدالرحيم..

وظيفتك محجوزة، لأننا بنقدِّر جداً أصحاب الخبرات خاصة
الجايين من السودان.


----


أبراهيم كوجان: وينك يا دكتور

بكرة بتاعتك بقت بعد بكرة لغاية هسع..

الكسرة موجودة بكثرة، لكن عندنا "أنجيرا" معمولة بوصفة سودانية،
الفكرة نوسع دائرة الاختيار وكدا..
أما الكجيك، وملاح الرجلة، وفي الحقيقة كل الملاحات السودانية
متوفرة لكن "عند الطلب".. ومرة مرة كدا بندخل "لاينز" جديدة،
مثلاً قبل يويمن نزلنا "مديدة حِلْبَة"..

ممكن لكن تتصبر بالفسيخ دا، لغاية ما تعمل الاوردر

Quote: انجيرا

Quote: فسيخ

Quote: مديدة حلبة

اعلاه مع كوارع كوجان الشهيرة, قطع شك الايستر 24 ابريل 2011 في لندن






_____
معاوية يا طويل العمر بطل إشاعات

نسيت أقول ليك يا كوجان "أم فتفت" جاية الاسبوع الجاي..

---

حبيبنا الموصلي:

سلام بعد طول غياب

"الحكومة هي الأصل".. لكن دا شغل "تحالف وجبهة عريضة"..

يعني فكرة الـ "فاميلي بيزنيس" (مصطفى، سيف، ... الخ).

---

الأخ مجدي أحمد الشيخ

شكراً على التحية

Quote: بكرى استلمت والا كو....!!

بكري زاتو معزوم "شوبينج" عندنا في أول زيارة ليهو لي لندن.

---

ساري الليل

أشكرك على التبريكات

Quote: و نحييك على الtilapia الظريفة دي ..

دي فرصة أقول ليك شوف البلطي الجد جد مبهَّر وجاهز على الصاج
(يعني ممكن تخت عليهو بيض ودقيق عشان القِشرة)، حا تلقى نفسك وكأنك بتاكل
في بلطي السكي (بتاع الموردة)





----

العزيز محمد هارون

المحل محلك؛ عبارة ما حا اتعب من ترديدا لجميع السودانيين المقيمين
بلندن، لأنو فعلاً المحل محلكم..

----

الحبيب عادل عثمان

الشكر على التحية والتبريك

تعرف، اللخمة بس تكون خلتنا نكتب الـ B بدل الـ P.

يمكن شعار المحل ما ظاهر كويس في الصورة الختاها طارق
في أول البوست، وحا أحاول أنزل صورة حديثة للواجهة
بعد اكتمال العمل في رفوف الخضار.. رايك شنو في شعارنا
التحت دا:

سلامات يا سيف

أرجوا أن ترسل لي تلفونك في الخاص

شكرآ خدر

Quote: المحل دا محل "لحم حلاااااااااااااال".. عشان كدا يا عصام بدل "امفتفت" حا نديك أجنحة دجاج مبهرة، على الحلة عدِل، عارفك ما عندك صبر لي "باربكيو" وكدا..

يطرشنى ما سمعت اما فتفت ما حلااااال اذا كان الذبح اسلامى :)

سيف بشير مبروك المحل و ربنا يوسع الرزق و حسنا سميتو باسم نبتة
ضرب عصفورين بحجر :)

تحياتى لك بلا حدود

__________________________________-
وين انت يا سيف لا اسكت الله لك حسا
بعد الافتتاح ده ادينا واحده من تفقداتك
لاحوالنا كما كنت تفعل

بدرالدين أحمد موسى

Quote: الاخ والكريم دي للضمان لو ما اتذكرنا الاخ الكريم سيف

أول حاجة يا بدرالدين أنا ما نسيتك عشان اتذكرك.. لكن عشان تعرف الزمن دا بيجري كيف!
لما زمااااان سألتك انتا ياتو "بدر موسى" لأني ما كنت متأكد إنو داك كان أنتا وللا
بدر موسى تاني كان زميل دراسة في المرحلة الثانوية (من مدني).. أتذكر مرة حكيت القصة
دي لي مصطفى النقيب، فقال لي بيجي يوم وتتقابلو، أهو جاء اليوم واتقابلنا في نبته!

ولأنو منظر اللحوم عجبك، عازمك على شاي لبن "ساموطي" مع "خبيز اليانسون" دا:



ليك التحية مجدداً يا بدر..

---

الأخ جعفر علي

ومشكور على التبريك

قول خير، النية في ..

---

الأخت الراقية سناء خالد

تحايا وأشواق

وسلامنا الحار للأولاد وخالد "المشغول ديمه"، للضمان بس
لأنو لو استينا سلامو براهو، احتمال كبير يسلم بكرة وللا بعد بكره بالكتير!


معناها حا نستتنى كتير
لكن عشان اغريه للاتصال بسرعة، خليو يشوف "المش" السوداني دا:

عموما المسآلة جات
من صالح الموصلي ههههه
تحياتي للجميع

عزيزنا سيف ألف مبروك ال GROCERY .
ده كلام سمح
وأنشاءالله ربنا يفتح عليك . بس عليك الله تحاول تخلي المحل
يفتح بدري جدا وممكن المحل يكون فاتح من 6 صباح
وحتي الساعة 12 بالليل 6 أيام في
الاسبوع .
بعدين يا سيف شايف الواجهة فارغة من شيلفات . وده ما صاح .
لا تترك مساحة فارغة . ارفس المحل بضاعة . جيب كل شيء وخلي بالك بنفسك
.. وربنا يساعد

سيف بشير لك التحية و الف مبروك و ان شاء الله تتفتح ليك اوسع ابواب الرزق ....

ندخل فى الجد...العرب ديل عندهم عقدة الخواجة يعنى محل نبته اللندنى فرع مسقط ده حيعمل شغل عجيب
بداية بشاى الصباح باللقيمات و انتهاء بكوارع منتصف الليل ...و الدى اتش ال بيننا....

اسمعو يا جماعة توكيلات الخليج دى انا حجزتها خلاص....

ان شاء الله ربنا يسهلها عليك دنيا و آخره

أختنا سهام المجمر

تحيات طيبات

وليك من الشكر كميات..

Quote: يطرشنى ما سمعت اما فتفت ما حلااااال اذا كان الذبح اسلامى :) سيف بشير مبروك المحل و ربنا يوسع الرزق و حسنا سميتو باسم نبتة ضرب عصفورين بحجر :) تحياتى لك بلا حدود

لو لاحظتي معاوية وعصام كانوا بيتكلموا عن الدكاكين المجاورة لي محلنا،
أها بي نفس الأنولوجي قلنا "أم فتفت" وقاصدين الحاجات المجاورة ليها،
لكن قطع شك "أم فتفت" وكل اللحوم والأدجَّة وملحقاتها حلال.

الأخ الفاضل عثمان موسى

أشكرك كتير على كلمات الطيبات

أما ملاحظاتك دي

Quote: ده كلام سمح وأنشاءالله ربنا يفتح عليك . بس عليك الله تحاول تخلي المحل يفتح بدري جدا وممكن المحل يكون فاتح من 6 صباح وحتي الساعة 12 بالليل 6 أيام في الاسبوع . بعدين يا سيف شايف الواجهة فارغة من شيلفات . وده ما صاح . لا تترك مساحة فارغة . ارفس المحل بضاعة . جيب كل شيء وخلي بالك بنفسك .. وربنا يساعد

فبالنسبة لمواعيد العمل، مديناها ساعة لغاية 10 مساء من أمس.
بخصوص الواجهة، إذا بتقصد الواجهة البرانية (الـ shopfront)، فزي ما شايف مافي
مكان لرفوف في الواجهة بي شكلها الحالي،
لكن زي ما قلت فوق، شغالين حالياً في رفوف الخضار
وحا نبدأ في اليومين الجايات ديل تقريباً في عرض الخضار بصورة
مختلفة وأكثر مهنية. تأخرنا نعم، لكن التأخير سببو جماعة البلدية لأنهم
أصروا إنو لازم تكون الـ "أووننج" أو المظلة، على الطراز الفكتوري القديم
عشان كدا يا دوبك عملناها لينا اسبوعين تقريباً.
أما إذا قاصد الواجهة خلف الكاونتر، فدي خاتين فيها حاجات خفيفة منها
لزوم مكياج، وزينة زي ما باين تحت في الصورة.

وبالنسبة لي رفس المحل بضاعة، بس تجي الفكة، وحا تشوف الرفس الصاح.

كتر خيرك مرة تانية.

مرحب بيك في نبته يا منار

وليك ألف شكر على تبريكاتك.

Quote: ندخل فى الجد...العرب ديل عندهم عقدة الخواجة يعنى محل نبته اللندنى فرع مسقط ده حيعمل شغل عجيب بداية بشاى الصباح باللقيمات و انتهاء بكوارع منتصف الليل ...و الدى اتش ال بيننا.... اسمعو يا جماعة توكيلات الخليج دى انا حجزتها خلاص....

يا زولة ما عندك أي مانع،، خلاص التوكيل رسى عليك..
طبعاً أنا نسيت أقول لي كوجان فوق إنو في "كوارع" ليها ضل،
وممكن تتعمل جاهزة "بس بالطلب".
بس شوربة كوارع بالـ دي اتش إل ما حا تكون براكتيكال
فممكن من بكرة أبدأ في دراسة جدوى لبحث إمكانية
"بايب لاين" للكوارع والفسيخ وباقي الحاجات.

وبرضو لو محتاج عناوين
شركات ال WHOLESALE كلها في شرق لندن . مافي مشكلة .
و شوف عزيزنا عماد بخيت ولا جمال علام والناس ديل عارفين جخانين
الخضار والبهار والحلال ميت . بالجملة .
لندن حلوة كانت بلدنا بين 1985 _ 1995 بلد جميلة ومافيها مشاكل أمريكا .
في البلد دي تكون وأقف في كاشير زي الواقف علي حافة القبر يا سيف .
غايتو برضو اعمل حسابك ..

مبروك اخ سيف وبالتوفيق ان شاء الله ...

بجي مرة مرة لكن حازورك علي الاقل نحظي بالخصم بتاع خدر

بعدين عندي سؤال الفرخه البي شمال دي واده رجله ده وين!!



المحل دا محل "لحم حلاااااااااااااال"..

انت مكنتك خفت ياودجبرالله .. ام فتفت شنو!!

ياخدر عصام جبر الله الدكتور قاليهو الحساسية من اللحم الحلاااااال..

ربنا يبارك ليك في البقالة واهتم بالنظافة وهي اهم من الاكل الموجود في المحل

ربنا يوفقك ..

الأخ الفاضل عماد شمت

طبعاً انت من ناس لندن عشان كدا طوالي حا نصرف ليك واحد من الـ "محل محلك"

وشايف الأخ عثمان اتكلم عن إنو عندك خبرة في المجال دا وأكيد حا نستفيد جداً
من أراءك (مفروض لو بكتب بالفصحى تكون "آرائك")، وفي انتظارك.

سيف بشير
مبروووووووووووووك وانشاء الله بالتوفيق..
اذن... وجبت زيارة لندن.. خلاص وليد وعصام ..وليك علي اجيب "جنجة"..و عاطف كوستي.. والنقيب..بس الكيك بالياسون مبالغة وجوعتنا ياسيف....
ياخي الله يوفقك تحياتي للاسرة...

الحبيب أحمد القاسم

حبابك ألف

انتا بس كدي أصل لندن

تلقانا منتظرنك باليانسون في هيثرو

تحيات

من اليمين إلى الشمال أخوكم ودهارون والإبن حامد محمد هارون وصاحب نبته الشاب الفاضل سيف بشير ..




حامد وأخته سارة ووالدتهما الرضية كابر فرحانين بي نبته

تحياتي

شكراً جزيلاً يا محمد

وعدت بالجية، وجيت ومعاك الأسرة الكريمة. ما أبهاكم
وما أروعها من زيارة لنبتتكم.

(لو شفت الرد دا هسع اتصل بي لو سمحت على تلفون المحل 02089648354)

سيف

ونديك صورتك يا محمد بكاميرا نبته

الأخ سيف بشير
ألف مبروك

سيف بشير

كيفك والاسرة

يا سيف, انا طبعا كنت بهاظر معاك, ومع خدر, لانه شك في انك وود الصايم ما متذكرين بعض.

انا ما متذكر يا سيف انك سالتني عن اي بدر موسى انا, لكن ياخ حكاية بدرالدين موسى الحايمة في النت دي عاملة لي قلق عديل!
يوم مشيت سودانايل اقرا مقالات, لقيت ليك واحد اسمه بدر موسى ساخي ليك الحكومة لما اشفقت على نفسي, وقلت الناس ديل ما حا يدوني تاشيرة دخول للسودان, فمشيت الفيسبوك عملت اعلان شرعي باني لست ذاك ال بدر موسى! يا اخوي اي شي ولا اللخبتة!

بعدين صاحبك مصطفى النقيب دا هو الاكيد بكون نساني! اتخيل شايفه في الفيسبوك, وكل ما اقول ارسل ليه طلب صداقة, ارجع واقول: ليه ما هو برضو شايفني بهناك, ما يرسل لي اول! الحكمة زوجته بيطرية من عندنا, عرفتها من الصورة.

يا زول مبروك المحل اللمانا تاني وان شاء تعمل سلسلة منه (chain) في كل حارات لندن.
تحياتي

شكراً يا نبيل

الحقيقة نحن استغربنا ليه ما شفناك عندنا لغاية هسع!

لسه منتظرنك لأنو:

"المحل محلك"

وشوف الفراخ الـ (corn-fed) دا في انتظارك

Quote: صاحبك مصطفى النقيب دا هو الاكيد بكون نساني! اتخيل شايفه في الفيسبوك, وكل ما اقول ارسل ليه طلب صداقة, ارجع واقول: ليه ما هو برضو شايفني بهناك, ما يرسل لي اول! الحكمة زوجته بيطرية من عندنا, عرفتها من الصورة. يا زول مبروك المحل اللمانا تاني وان شاء تعمل سلسلة منه (chain) في كل حارات لندن. تحياتي

يا بدر موسى حبابك حبابك

مصطفى النقيب وزوجته بعد ما جابو ولدهم "أمادو" بقو لا بسمعو لا بشوفو!

والشكر ليك مرات لبيريكك تاني..

يزيد فضلك ياسيف ..

الظاهر عليك سكرت بي ام فتفت الاستاذ عثمان موسي قاليك عماد بخيت فاما انا والله مابفهم في

التجارة خالص خالص ..بفهم شويه في الموسيقي .

بعدين انا بجي لندن كتير بس ساكن مع ناس ودجبرالله ديل ..

لكن بديك معلومة صغيرة الالمان قالوا لسويسريين نحن زمان قلنا ليكم المواد الغذائيةالبتلامس الكراتيين

فيها مواد بتساعد في السرطانات ..عشان كده لازم تفصلوا المواد الغذائية او البتتاكل مثل الجبس وما شابه

فيها تأثير عالي ..لان الكراتيين مخلوض بالاحبار المكتوبة علي الاوراق فهي السبب..عشان كده احسن تخت الخضروات

ديه في سباته بتاعة بلاستيك او معادن وعليها اكياس بلاستيك تتغير كل مرة ,,

تحياتي للجميع

Quote: شكراً يا نبيل الحقيقة نحن استغربنا ليه ما شفناك عندنا لغاية هسع! لسه منتظرنك لأنو: "المحل محلك" وشوف الفراخ الـ (corn-fed) دا في انتظارك

أخى سيف لم أعلم إنك تملك محل إلا من خلال هذا البوست
وإنشاء الله نزورك قريب
تمنياتى لك بالتوفيق

ابو نبته يا حبيب مليون مبرووك وربنا يزيد ويبارك السبب الحماني اخش البوست دا هو كمية الشطوط والدكوة الانتو خاتنها دي معقولة يا سيف فنحن قد هرمنا وكمان عاملين عملية عيون وكدا - لكن الشطة وام فتفت بنموت فيها ------------ اجمل حاجة في البوست دا يا سيف وخدر انو طلع لينا كمية مهولة من الديناصورات وخسوسا الحبيب عصام ود جبرالله والحبيب احمد القاسم وبرضو مصطفي النقيب غاتس في صحن البطاطس -- ربنا يوفقك وعقبال تبقي الاخ ماكدونالد ولا كشك بتاع لندن

الأخ العزيز عماد

الحقيقة أنا من ما شفت صورة الراحل المقيم سمندلاوي في بروفايلك عرفت إنك
بتكون من قبيلة المزيكا..

نرحب برضو بكل سكان الـ كونتينانت، انت بس قول عايز شنو وحا يصلك
المطلوب بالـ دي اتش إل (طبعاً دي ظاهرة انها عزومة مراكبية)

Quote: احسن تخت الخضروات ديه في سباته بتاعة بلاستيك او معادن وعليها اكياس بلاستيك تتغير كل مرة ,,

دا بالضبط الحا نعملوا بمجرد ما يجهز مكان عرض الخضار
(في المراحل الاخيرة للفينيشينج)

أيوا يا عماد

عرفت قبل شوية إنك عماد عويس، وشفتك لما جيت تشارك في
الحفل الاتعمل لصالح عبدالهادي عثمان، وطبعاً ديك كانت آخر مرة
أقابل فيها الراحل سمندلاوي!

مواصلة لكلام عرض الخضار

دي نماذج للباسكيتس الممكن نعرض فيها الخضار

الحبيب عاطف

الله يبارك فيك يا أصيل، وألف سلامة للعيون.

والله ما داير اشحتف ليك روحك، لكن في "أم فتفت" فريش جاية بكرة، ومعاها "أتِّي"، وبمبار (أو ممبار) ومنديل الخروف!
عارف منديل الخروف دا شنو؟ أنا عرفتو قريب دا وهو الغشاء بتاع الشحم البعملو منو "الربيت" في السودان!
وطبعاً البتاعات ديل كلهم ما بيتاكلو إلاّ بالشطة، وأنا زيك وقفت الشطة لي هسع قريب الـ 15 سنة.

قلت لي "كِشِك"! يا لها من أيام، يا ترى لسه فول كشك زي ما كان زمان؟ (طبعاً ما في السعر)

تحيات كمية يا حبيب

تسلم ياسيف وربنا يرحم الاخ سمندلاوي الرجل الرقيق

والله انا اول مرة اقابله في الحفلة دي وكأني بعرفه من قبل عشرات السنين

وكان بينا وعود قبل ان تتحقق رحل فجأ ..الحمدلله علي كل حال والبركه في

اولاده وربنا يتقبله قبولا حسنا ويجمعه مع الابرار ...

وانا سجلت رقمك مجرد ما اصل بجيك دقري ولحدي الوقت داك انشاء الله الامور

تمشي علي مايرام وربنا يجعلها تجارة رابحه ...

تسلم ياحبوب

الأخ العزيز سيف
أول مرة ألاحظ البوست رغم انو قديم
ألف مبروك ياخي وربنا يوفقك ومزيداً من النجاحات ان شا الله

تشحتفنا بالمرور ومشاهدة مناظر الشطوط واللحوم والأطايب وسال لعابنا وطمنتنا أكتر باحتمال الدسكاونت
لأن ((المحل محلنا)) أو كما قال

السلام امانة للنونات كلهم

ترا والله فشلتنا يا قول الخلايجة
وانا شابك الجماعة في اول البوست سيف الانيق, تجيني متصور و في نفس البوست بي جاكيت عندو إضنين بيضاء من تحت ؟

شرطت عيني و يا شماتة ود جبرالله فيني


عزيزي المتابع , للأمانة دي آخر صور حديثة لي سيف اشوفو بيها



وانا غير مسئول عن اي تغيير يحدث لسيف بعد السوبرماركت

جعفر هاشم

أهو دا الكلام القصدو عاطف، إنو البوست مرق ديناصورات

وينك يا رجل، وألف مرحب بيك..

Quote: ((المحل محلنا))

سبق وقلنا إنو المحل محلك دي ماركة مسجلة لقاطني لندن..

تعال اسكن لندن، والمحل قطع شك بكون محلك..

ليك وحشة والله..

Quote: عندكم أم فتفت صباحية؟

يا عصام جبر الله

دا نظام حندكة..

Quote: والله بالجد ام فتفت.....

ويا كوجان



دا آخر طبق ألحقو قبل ما يتلحس

يا عاطف

نسيت أقول ليك ترسل لينا مع أي زول جايي لندن
ملوة وربع وكيلة عشان الفول والكبكبي ديل:

Quote: íÇ ÚÇØÝ مبروك الافتتاح يا سيف وشكرا لي خدر على التنبيه

العزيز أسامه

Quote: حبابك يا عثمان

لغاية هسه أنا ما عارف الخلاني أسميك "عثمان" شنو!

وممكن كمان تدخلوا على موقعنا

www.nabtaltd.co.uk

يا كوجان ويا ود جبر الله

فاتتكم "أم فتفت"

تاني غايتو إلاّ بالأوردر

العزيز عماد شمت

Quote: وانا سجلت رقمك مجرد ما اصل بجيك دقري ولحدي الوقت داك انشاء الله الامور

ونحن في انتظارك

يا طارق:

Quote: Quote: انجيرا Quote: فسيخ Quote: مديدة حلبة اعلاه مع كوارع كوجان الشهيرة, قطع شك الايستر 24 ابريل 2011 في لندن

شكلك كنت قاصد الإيستر بتاع السنة الجاية!

طيب خليو الإيستر يا طارق

تعال على الأقل جامل صاحبك وليام دا!

Quote: تعال على الأقل جامل صاحبك وليام دا!

سيف سلامات

انت ياخوى ولدنا وليم جاب شيلة ورئحة وكده...
بعدين اذا عصام جبرالله جا عمرة عندنا ممكن..
نرسل معاهو شوية حاجات للعروس ..طلح وشاف
وفركة وحبة (بخور) من باب شريف..نظام مباركة
وكدى



اها الامور ماشة كيف فى السوبر ماركت

والله يا سيف ياسر حنا اصلو ما كذب لما قال سيف بشير بقى يشبه جدو الله يرحمو

معاوية عبيد

حبابك من جديد

Quote: نرسل معاهو شوية حاجات للعروس ..طلح وشاف وفركة وحبة (بخور)

يا زول ما تشيل هم، قمنا بالواجب نحنا
أديناو واحد "نفس الإحساس" (انظر الصورة)
اللي هو عبارة عن خلطة الدخان مع الخُمرة والصندلية

لندن دي الحاجة الوحيدة العجبتني فيها
مشروب الجنجر
أو ممكن تقول كل السوفت درينكس المعبأ في بلاستك اللتر ونص ولترين خاصة الجنجر والبلوبيري
غايتو الجنجر دا أنا إشتريت لي شنطة ومليتها بيهو ورجعت بيهو أمريكا
هسة عليكم الله جيبوهو معاكم في دكانكم دا
ومبروك يا أخ سيف
ولو سمحت لي بنصيحة
حاول نوع البضاعة وجيب من دول تانية

الأخت الفاضلة راوية

كتر ألف خيرك على التبريكات

ومعاك حق والله، الجنجر بير من المشروبات اللذيذة جداً، حالياً موجود عندنا المعبأ في العلب بس.

لكن المشروب المبالغة هسع والخرت الجو من الجنجر هو مشروب العرديب

على العموم المحل عازمك على الاتنين








معاوية وعصام ما تمشو بعيد
مشروب الجنجر بير الفوق دا هو مشروب الجنزبيل.

الصاوي

Quote: جدو

جدو منو:

جد ياسر حنا،

جدي أنا

وللا زول اسمو جدو

مافي مشكلة يا زول

جدو جدو،،

الغريبة انت هسه بقيت قطعة من ولدك محمد!

سلام للجميع واولهم "نبته"

وشد حيلك شوية عشان نديك توكيل "نبته" في أمريكا.

Quote: معاوية وعصام ما تمشو بعيد مشروب الجنجر بير الفوق دا هو مشروب الجنزبيل.

اها يا سيف ندخل على المهم

بخصوص الجرورة وكدى
يعنى لا قدر الله الزول من الحجاز
قدر يصل العالم الاول يقدر (يجر)
لامن ينجر لقدام.....
بعدين ياخ ما كل مرة تربطنى بالمدعو
عصام جبرالله ده زول جزيرة وانا ود مركز
والناس مقامات(افرنجى ووطنى) فى ما يختص
بالموضوع داك...

اها رأيك شنو انا وصلت لندن مساء اول امس
و امس اليوم كلو بواجب في ولد المرحومة ديانا و لحدي فطور العريس الليلة حضرتو معاهو
و رجعت نمت و يادووووب صحيت .. بديك تلفون و بجي عليك يا سيف, انا نازل في إسلاو



يا معاوية عبيد
فاتك عرس ابن كلـــب امس
اول ما وليم قطع قدوم في العروس الوفود العربية المشاركة ضربت رصاص في الجو
و البنات الانجليزيات زغردن

خدر.. على جملة الايمان من صباح الرحمن احمد ود عشة بت الامين
مرابط قدام قنصلية (لندن) وشايل سوط العنج الما هين والناس اتلموا
شت والبطان دور دويرة تمااااام

باقى احمد ود عشة وصل البندر وقايل العرس فيهو سيرة
قائمة لندن ...المهم فى الاخر قرر يجرتق ود الاصول الما اكل
الفول وليم ود بتنا ديانا بت مايكل ود الحسانى عليها رحمة الله


بالمناسبة (كنتين سيف ود بشير ) فيهو قطران ولا قرض مسحون ولا دواء
للضهر المورم ده

طارق

البلد منورة

Quote: اها رأيك شنو انا وصلت لندن مساء اول امس و امس اليوم كلو بواجب في ولد المرحومة ديانا و لحدي فطور العريس الليلة حضرتو معاهو و رجعت نمت و يادووووب صحيت .

والله نعم الصداقة والوفاء

برضو بلومك، كان على الأقل تجي تشيل ليهم انشاللا من مديدة الحلبة دي!




لكن يا طارق، باقي ليك فطور عريس ما فيهو تقلية ولُقمة زي حقتنا دي
دا بكون فطور عريس!

Quote: يا معاوية عبيد فاتك عرس ابن كلـــب امس اول ما وليم قطع قدوم في العروس الوفود العربية المشاركة ضربت رصاص في الجو و البنات الانجليزيات زغردن

دا غالباً يكون بعدما غنيت ليو "الأسد النتر" مباشرة

Quote: بديك تلفون و بجي عليك يا سيف, انا نازل في إسلاو

في انتظارك صوت وصورة

يا معاوية

Quote: بخصوص الجرورة وكدى يعنى لا قدر الله الزول من الحجاز قدر يصل العالم الاول يقدر (يجر) لامن ينجر لقدام..... ...

كدي انت أصل الأول، وبعدين بنتفاهم.

Quote: بعدين ياخ ما كل مرة تربطنى بالمدعو عصام جبرالله ده زول جزيرة وانا ود مركز والناس مقامات (افرنجى ووطنى) فى ما يختص بالموضوع داك

لا خلاص، ما نربطك خالص بيهو..
مع انو في ناس كانوا فرنجه وهم في السودان!

أخيراً


طارق (أو خدر) في

نبته فوود سنتر

مشرف ومنور والله

بعد ما استكشف المكان كويس جداً

عملا صُحبة مع الزباين




في الحقيقة، الراجل ما حبا يضيع وقتو خالص

الشابة دي من زباين المحل المنتظمين، وعرفتنا بنفسها
على أنها تعمل في مجال الانتاج الموسيقي، فقام طارق
لقاها فرصة!


البوست حقك عرفناه، كمان داير تتسلبط في المحل!





دخل المكتب ويرد على التلفونات كمان

حتى التبش عندنا

Quote: في الحقيقة، الراجل ما حبا يضيع وقتو خالص الشابة دي من زباين المحل المنتظمين، وعرفتنا بنفسها على أنها تعمل في مجال الانتاج الموسيقي، فقام طارق لقاها فرصة! البوست حقك عرفناه، كمان داير تتسلبط في الحل!

والله يا ابوالسيوف ماشاء الله دكانكم جميل ربنا يبارك ليكم فيهو
و اللحمة الاتغدينا بيها خطييييييييييييييييرة ( ما تحاول تقنعني انكم عملتوها في الدكان , ده شغل بيت عديييل ) و الرز اخطر و السلطة الخدرا اكلتها
و قلبي بقول لي دي سلطة سيف المدغمسة البعرفها من ايام العزوبية ديك


دكانكم سمح والله بس عيبو البنات البجو يشترو و يتسلبطو في ضيوفكم و يتصورو معاهم



____
تلفونك مشغول .. انا راجع بلدنا باكر الصباح بدري .. سلم علي البتحبهم و بنتكلم لمن ارجع
و شكرا ياخي انك عملت المشروع المفيد ده و شكرا تاني و مليون لانك حريص انك تطورو كل يوم عشان يكون محل سوداني 100%

الأخ العزيز سيف
الف مبروك

I really love watermelon

يا محمد جاد كريم

سلامات ياخ

وشكراً على التهنئة

Quote: I really love watermelon

والله كلنا بنحب البطيخ

لكن دا "تبش" يا الحبيب

احتمال لأني اخدت الصورة من قريب شوية
بان ليك بطيخ!

طارق

كتر خيرك

وبما إنك صاحب البوست، فممكن نصرف ليك بصورة استثنائية
واحد من "المحل محلك"..

Quote: و اللحمة الاتغدينا بيها خطييييييييييييييييرة ( ما تحاول تقنعني انكم عملتوها في الدكان , ده شغل بيت عديييل ) و الرز اخطر و السلطة الخدرا

أها داير نننزل ليك صور الحاجات القلتها دي ولا اكتفيت بي اكلها؟

توصل بالسلامة، وبيناتنا التهاتف.

Quote: I really love watermelon

تشابه عليك التبش يا GK
والله انا ذاتي قلت تبش سيف بشير ده مالو كبير كده
شغلك نضيف يا سيف وبضاعتك متنوعة ومعروضة بطريقة جيدة جداً
ربنا يبارك ويبسط ويخليها تَوِرْ معاك لما تتحير ذاتو، والله فرحان ليك شديد يا صديق

الأخ الفاضل علي سرالختم

مرحب بيك في نبتة فوود سنتر

ونشكرك على المرور أو الـ (window shopping)

طبعاً لو من ناس لندن، الحكاية بقت معروفة:

"المحل محلك"

ولو ما من لندن

برضو حبابك ألف

والله يا الصاوي ما بتقصر

Quote: والله انا ذاتي قلت تبش سيف بشير ده مالو كبير كده شغلك نضيف يا سيف وبضاعتك متنوعة ومعروضة بطريقة جيدة جداً ربنا يبارك ويبسط ويخليها تَوِرْ معاك لما تتحير ذاتو، والله فرحان ليك شديد يا صديق

كلامك حلو بالحيل يا شاب يا جذاب
والعقبال عندك بس يتوفر عندك الصبر وطولة البال

وبالنسبة لموضوع امبارح..
أنا كنت شايف آخر مداخلة منك، عشان
كدا اتخيلت إنك عملت ليك حركة حرفنة كدة
وربطت البوست بالفيس بووك، والمشكلة
إنو صفحتنا في الفيس بووك لا تعمل (دي آكتيفيتيد).
والخلاني أشك إنو بتجي رسالة تحذيرية.

لكن يبدو إنو حساب الأخ سرالختم فيو مشكلة
لأني ما شايف مداخلتو الأمس وهي أصلها كانت فاضية
لأنو ما كان في كلام مكتوب، عشان كدا أنا
اتخيلتو "ويندو شوبينج"

ولك كثير الأشواق

من الأشياء الهامة التي نهتم بها، النقد، أو التعليقات أو الملاحظات
ايجابية كانت أم سالبة، فهي التي تمكننا من الاستمرار والتطور

لذا، فنحن نرحب بجميع تعليقاتكمـ إن لم تكن هنا في "حوش بكري"
فيمكنكم الكتابة لنا على البريد الالكتروني الخاص بالمحل:

[email protected]

ولكم كل الشكر والتقدير

[email protected]

Thanks Tariq

ترقبوا بيع الخضار
الأسبوع القادم..


بس تنشف البوهية!

طمنونا يا سيف
طبلية الخضار الخارجية انتهت ولا لسه
ما تاكلونا حنك ساي

يا طارق

Quote: طبلية الخضار

ياخ ما اسمها طبلية، طبلية دي هناك في الكلاكلة..

لكن بيني وبينك، قدر ما فتشت لي علي كلمة
تانية ما لقيت.

لكن اعتقد ممكن نقول: رفوف الخضار..

الإجابة: في أقرب فرصة ممكنة.

خلاص يا خدر عملنا الخضار

وافتكر بعد دا حقو تغير صورة واجهة المحل القديمة
الخاتيها في أول البوست دي بالصورة الفريش دي:

ويا عماد شمت

قلنا نعرض الخضار بنفس الطريقة القالوا عليها السويسريين

يا خدر

انتا فاتح للبوست دا كدا ليييه!

NFC is located in a small parade of 5 shops at

No 547 Harrow Road
London W10 4RH

Opposite the Sixth Avenue

وبرضو قلنا وصفة "المحل محلك" ممكن
تُصرف للساكنين قريب من لندن، يعني ناس
أكسفورد، ريدنج، وهكذا..

في انتظاركم

.


ياخدر
مشروع زي ده في هولندا ما بظبط؟
شوف لينا محل ناصية، وجنبوا ثانوية بنات!

خلاص قبلتو على اوربا دايرين تجيبو ليها النحس
اوعكم تتشبكوا في صناعة الطيارات.


.

الأخ سيف اليزل

بما إنو خدر ما شغال بي البوست دا، ممكن أرحب بيك أنا؟

طبعاً في سبب تاني ممكن يخليني أرحب بيك اللي هو
إنو البوست لـ عنايتي وكدا..

حا نشوف الخبراء في المواضيع دي في هولندا ونشوف إمكانية فتح
فرع هناك، لكن حكاية مدرسة ثانوية دي بتعقد لينا الموضوع شوية لأنو
ممكن ناس البلدية يقولوا ليك دكان زي دا ممكن يشغل البنيات من القراية
وللا يخليهن ما يقدرن يركزن في دروسن عشان بالن بكون يا امتن
في المش الكارب، وللا الواحدة تكون منتظرة الحصة بتين تخلص عشان
تضرب ليها كباية شاي بي لبن هولندي بس عشان تاكل معاهو خبيز اليانسون..

أما موضوع الطيارات دا فنحن من أشد دعاة عدم "التشبر"

ونورت البوست

**

يا سيف
لو باريت سيف اليزل ده بعد شوية حا يقترح ليك تفتح كوفير في مدرسة البنات
و سيف اليزل بكون منشن اصلا عشان يمسك ادارة الكوفير


قصة الطائرات دي تمويه منو ساي انا فاهمو كويس




____
طلب مُلح يا سيف:
باقي البوست ده بلاهي احكي لينا فيهو المواقف الطريفة او الغير طريفة الحصلت ليك لحدي اسه .. مع سودانيين او اجانب

عودة لموضوع شعار نبته فوود سنتر:





في السعي الحثيث للتحضير والتجهيز والاستعداد لبدء المحل، كان شعار المحل من أوائل الأمور التي شغلت بالنا،
إذ رأينا أنه يجب أن تتوفر فيه العناصر الأساسية للمحل، أي السودانية، والتميز، والبعد الروحي أو الديني، في إطار مضمون
الإسم ودلالته التاريخيه المفعمة بالإحساس الوطني.

ولأن الأمر لا يمكن أن يفهمه في المقام الأول سوى فنان، انبرى لنا فنان وتطوع لإنجاز هذه المهمة،
وأقول فنان لأنه فنان، وهو الصديق العزيز الموسيقار الفذ أحمد عبدالرحمن.




فالفنان أحمد، بعد أن حصل على درجة الماجستير في "الموسيقى الإثنية – Ethnomusicology" من جامعة لندن،
دفعه حسه الفني لدراسة أخرى نال فيها ماجستيراً آخراً من جامعة أكسفورد بروكز لكن هذه المرة في مجال
الإعلام أو الانتاج الرقمي "Digital Media Production" فصار فناناً مكتمل الأضلاع (باقي ليو التمثيل بس).
فكر أحمد وأبدع وكفَّى ووفَّى وكان هذا الشعار الذي يجسد المعاني التي سبق ذكرها..

شكراً يا أحمد، لا تكفي، تعال شيل ليك فسيخ ومِش وكم خروف كدا، لي كم شهر كدا..

ياااا بالله يا دوبك صحيت يا طارق
وانتبهت لي بوستيك!

سيف اليزل لو كان اتكلم عن مدرسة ثانوية في
لندن كنا اتصرفنا، لكن ثانوية في هولندا دي دا شغلكم
انتو بقى.

بخصوص طلبك الـ "مُلح"،

Quote: باقي البوست ده

الكتبتها دي، هل نفهم منها انك خلاص يعني
حا تفك البوست دا عكس الهواء وللا شنو؟

وصلت اليوم شوووية جبنة رومي

(لسه ما عملنا ليها صورة)

Quote: الكتبتها دي، هل نفهم منها انك خلاص يعني حا تفك البوست دا عكس الهواء وللا شنو؟

احيييييييييييييي منك (قالها عاضا علي سبابته)

لو انت حكيت حا تعرف انو البوست يادوب بدأ يا سيف






______
انا ما بفسر و انت ما بتقصر و الباقي نتمو في التلفون

طيب ما تفسر، وحتى قبل ما نبداو في التلفون، خليك من نتمو، هاك الطرفة:

أول أمس كُنا بنعبي في التمباك (وزن الكيس 80 جرام) في
الميزان الجنب الكاونتر، لأنو الميزان الجوة بي عافية شوية.

أها جونا ليك خواجة وصاحبتو من النوع البكونو ملونين روحم زي 20 لون
كدا،، وعاملين حُلقان في الخشم والمناخير، وقصة كدا..

دار بينا الحوار دا:
الخواجاية: دا شنو،
قلنا ليها دا "دراغ"! سوداني،
- وبتبيعوهو علني كدا؟
- لا لو شفنا العبابيس "الاسم الحركي للبوليس" بندسو
- ممكن نجربو؟
- جداً تجربوهو طوالي..

تطوع أحد الخبراء الحاضرين وشرح ليهم طريقة استعمالو،
وقوموا يا البت والولد ظبِّطو السفة زي الترتيب..

بالله العظيم في ثواني، الوش بقى زي الطماطم الفاين،، وتعال شوف الجرسة،،
البت كل القدرت عليهو إنها بعد أقل من دقيقة مشت "استفرغت"، والولد (احتمال كبير
تكون شايلاو الهاشمية) صبر على الحكاية فترة معقولة، وكل دقيقة
يقول: "I am high, I am high"، وبعد حوالي 5 دقايق طلع السفة.

الطريف في الموضوع، انهم بعدما خلصوا الشوبينج بتاعم
اشتروا كيسين تمباك!!

Quote: الطريف في الموضوع، انهم بعدما خلصوا الشوبينج بتاعم اشتروا كيسين تمباك!!

_____
في ذمتك, البوست موش يادوب بدأ ؟
احكي ياخ

ok

حا نبدا نرصد الطرائف من الآن فصاعداً

تقريباً كل يوم جمعة بكون في لاين جديد

الجمعة الفاتت دي كان في حاجات مختلفة منها
المحشي دا على سبيل المثال:

**

ما تخاف يا طارق

مفتحين عيونا الأربعة لأي موقف طريف

كنت متوقع واحد يسأل، إذا كان الخواجة
وصاحبتو الشالو التمباك ظهرو تاني وللا لا!

لسه ما ظهروا، ونديهم لغاية يوم الأحد
لو ما ظهروا نبدأ نفتش المستشفيات ونضرب للأقسام!

Quote: الطريف في الموضوع، انهم بعدما خلصوا الشوبينج بتاعم اشتروا كيسين تمباك!!

يا سيف بشير خاف الله ياخي
خربت اولاد مدني وعلمتهم كل الكبائر
كمان قبلت على الخواجات؟
والله انا خايفك تعلمهم اكل ام فتفت كمان!!

أبو الـchييو:

وينك ياخ!!

Quote: انا خايفك تعلمهم اكل ام فتفت كمان

للأمانة، علمناهم ياكلوا "التقلية"

في واحد خواجة ساكن قريب للمحل، بيجي بانتظام كل يوم جمعة،
ياخد علبة تقلية، مع علبة "عصيدة".. وطبعاً شرحنا
ليو اننا بناكلا في السودان بالمعلقة
والمسكين صدق طبعاً..

البوردابية الشهيرة حواء سليمان في زيارة خاطفة لبقالة (نبته) ....

الزيارة كان مقصود منها مفاجأة أخونا سيف بشير ...

تحياتي

عزيزنا محمد

يا للحظ العاثر

وألف شكر للبوردابية الشهيرة الفاضلة حواء سليمان
التي أنارت المكان بزيارتها..

نتمنى أن تتواصل الزيارات

أتوقع أن تكتب حواء عن المحل بعد رؤيتها له "عينك عينك"


وبالله ما تنقطع يا محمد.

نتمنى أن تتواصل الزيارات
أتوقع أن تكتب حواء عن المحل بعد رؤيتها له "عينك عينك"
وبالله ما تنقطع يا محمد.
________________________________

جايينك إن شاء الله في الويك اند ... نفسي أعرف الزول داك جاك ولا لي هسع ما ظهر؟؟

تحياتي

سلامات يا خدر وسيف ...
أنا بحب الزول البجود شغلو، وسيف ده واصل الحد في الموضوع ده، شغل نضيف والأمنيات بمزيد من النجاحات على كل المستويات ...
فيما يخصنا كسودانيين ده نموذج لنجاح العمل التجاري على مستوى النوع ده من الأعمال بوعي وحضور متجدد، عشان نحن السودانيين فاشلين بجدارة فيهو، لو حمت بي كميرا في محلات المنتجات السودانية هنا في مدينتنا والمدن المجاورة بورمكم ورم، الو.س.خ والإهمال واللامبالاة، والـلـ هي نتاج مباشر للكسل الذهني والجسدي ـ إلا من رحم ربي ـ ...
شوالات مردومة بلا إنتظام بي حتة وغبار يعلو السلع المعروضة والأسطح، وروائح كريهة، وده كلو طبعاً نتاج عدم الرقابة من السلطات المختصة، وكسل القائم/ين على أمر المحل، في النهاية جزء من شكل عام لي حياتنا الملخبطة والجايطة ما بتنفصل عن واقعنا السجم الرماد العايشنو.
في جانب آخر، ليه نحنا السودانيين طماعين كده ... في وجهة نظر مشتركة صادفتني عند كتير من السودانيين ـ وأنا منهم بالطبع ـ يقولوا ليك ما تشتري من السودانيين لأنهم مجرمين في الأسعار، وبستعجلوا الربح، وده واقع، خاصة في السلع المجلوبة من السودان، يسعروها ليك بي مبالغ خرافية، وكان عجبك أو الباب يفوّت جمل، وبالمنطق وعمليات حسابية بسيطة تلقى السعر ده فعلاً مبالغ فيهو ... معليش جطة ليكم البوست الظريف ده وحرفته عن هدفه ... لكن بعض الخواطر الحزينة والغبائن لا بأس من مشاركتكم إياها ...
مبروك يا سيف ولي قدام يا حبيب.
تحياتي ...

الأخ العزيز نادر

العذر كل العذر على التأخير في الرد على مداخلتك القيِّمة،

ما كنت قادر اتابع البوست الفترة الفاتت لوعكة صحية بسيطة كده.

وأشكرك كل الشكر على الكلام اللطيف في حقنا،،

وعندك مطلق الحرية تتجدع بي مزاج في خواطرك حزينة كانت وللا مفرحة.

وواضح جداً انك عندك رسالة واعتقد انها وصلت.

حا أرد ليك على الإيميل بي رواقة كدة..

وألف مرحب بيك

الحبيب محمد هارون

Quote: جايينك إن شاء الله في الويك اند ... نفسي أعرف الزول داك جاك ولا لي هسع ما ظهر؟؟

يا هلا ومرحب بيك ألف،،

الزول داك جاء ورجع بسرعة، لكن حا يجي تاني، وحا ألمك بيو..

سلام..

الزولداك اوع اكون انا
اناغايتو قطع شك حا اجي راجع عشان المش و التقلية
وبابا غنوج

Quote: اناغايتو قطع شك حا اجي راجع

في انتظارك

شكراً بكري

ألف مبروك أخ سيف

إبراهيم عبد الحليم

الف مبرووووووووك سيف ودوما من نجاح لنجاح
بوست جميل واصدقاء اجمل
شكرا اصدقائى عطرتم ليلى وانا فى الخرطوم انتظر قطرة ماء
وهى ترفض تشرف فى بلد الانفصال والجمهورية التانية



خدر ما اتلومت فينا الخرطوم متين ياخى لم بقينا بلدين
تحياتى ليك وللاسرة

سيف اعتبرنى موارد لحاجات كردفان تبلدى كركدى وكل شى وجاهزين للويكة كمان
موفق وناجح ورافع اسم بلدك فى سماء لندن

رمضان مبارك

وتصوموا وتفطروا على خير

**

شرفنا الصديق ابراهيم عبدالحليم بزيارة للمحل الأسبوع الماضي، ألف شكر.

**

الأخت تيسير النوراني

ألف شكر على عباراتك الرقيقة، واتمنى أن تكوني في أفضل حال
وشكراً على العرض المغري بتوريد منتجات كردفان
تسلمي

حاولنا نجيب بعض أغراض رمضان ونتمنى انها تكفى احتياجات الناس هنا.

العزيز سيف بشير

رمضانك كريم يا حبيب

حاولت انزل صور بس ما لقيت طريقة



الفنان محمد الامين وصلكم؟

إفطاراً هنيئاً مع "الحلو مر" الباااااارد ده

تهنئة متأخرة شوية بالعيد

كل عام وانتم بخير مع أجمل التمنيات

**

لدينا الآن بعض المنتجات السودانية

الزوار والضيوف الكرام

غبت عن البوست لمدة لظروف خارجة عن الإرادة







وحظكم يا ناس لندن زي ما قال ليكم خدر،
سنقوم بتوفير خروف الضحية،، ويمكن لسكان لندن وما جاورها
حجز خروفهم من الآن، إما بالاتصال بالمحل (02089648354)

أو عبر البريد الالكتروني:
[email protected]



وكل عام وانتم بخير

تشرف "نبته فوود سنتر" بزيارة
الأستاذ محمد الأمين مساء أمس..

ألف مرحب بيك يا استاذ، ولندن نورت




ويظهر في الصورة أيضاً أخونا المعز محمد الأمين.

وقبل شوية طلع مننا طارق ابوعبيده وعماد براكه




لو ملاحظ عزيزي المتابع،
طارق لابس ليو قميص عندو "اضنين" برضو

زبائننا الكرام

كل عام وانتم بخير بمناسبة عيد الأضحى المبارك
أعاده الله علينا وعليكم وعلى الإمة الإسلامية بالخير واليمن والبركات.

سلامات يا طارق

طال غيابكم

up

ياسيف ياحبيب

عندكم ضلع وملاح تقليه بالقراصه؟