|
Re: مسرحية بت الجردقو و الناس النشاز (Re: bayan)
|
الأحبة الكرام الموصلي بيان
إنتو إتنين لكن كترتو علي عارفين كيف؟ الموصلي براهو بخمسة مليون راجل في نظري والله دي ما مجاملة يا موصلي "أسمح لي أقولة حاف"
و بيان كلمة ولدي ما بقدر قدامة غير أقول حاضر لأنو الإحساس ما قائلة الكلمة و ما بين سامعها لو نطقت من القلب ، إحساس عظيم لا يقاوم.
بس يا موصلي راجع البوستات "الموجهة" خلينا نكون واضحين لأنها موجهة شوف هل هي جات كدة من فراغ ولا من نسج خيالي "المريض" كما يعتقد الكثيرون ؟ حتلقى إنها كلها نتجية خد و هات مع ناس جوني في محلي و هبشوني و إنت قلت بنفسك البغلط عليك بتاخد حقك علاء بين عشية وضحاها بقى يسمع ألفاظ منها كوز عنصري و بلاوي أعجز عن نطقها
أديك مثالين لبياض نية جوني فيهو شايلين عكاكيز عشان ندور تاني
عندك بنية مثلاً دخلت مع أبو آمنة في حوار بدأ لصالحهم و بقصد واضح و رغماً عن كدة جيت و حولت منحى الحوار لحوار هادف. راجعو وشوف بينة جاتني في بوست الكلب كلب ولو ترك النباح و قالت شنو ؟ وشوف ردي ليها ولو ما عذرتني تكون ما الموصلي البسمع عنو و بيان تقول بنية صغيرة
و شوف نفس البوست القلتو ليك دة تلقى واحد إسمو شماسي شوفو قال شنو و أنا قلت شنو بكل أدب و جاء بكل القبح قال شنو؟
خليكم عادلين و لم جماعتك يا موصلي و إتفقوا على كلمة سواء و شوف لو خالفت ليكم أمر ولو على رقبتي. إلى ذلك الحين و لحدي ما تشوف الجماعة اللي أنا ما شايل تجاهم أي ضغينة و مستعد للتصافي معاهم ، حأتعامل بالمثل و البخلي حقو يا موصلي يبقى غلط حسب كلامك. بالمناسبة أنا عندي تجربة واضحة واحد إسمو محمد سليمان هو البدأ معاي مشروع الرد العنيف على العنصرين المعاديين للشماليين مشينا في حوارات طقسها مرة منخفض و مرة مرتفع لحدي ما جيت و مديت ليهو إيدي بيضاء من غير سوء ، صدق أو لا تصدق قبّل مني غادي و شربني ليك ببسي بااااااااااااارد. لك الحب أنت و بيان و منتظركم
|
|
|
|
|
|
|
|
|