محمد آدم سليمان من دارفور مدينة نيالا و معاهو طلحة صحبو من نفس المنطقة إتشاكلو في بت كان خاطبة محمد سليمان و سافر قعد في ليبيا كم سنة و جا لقى طلحة خطفها و عرسة ، يعني خان صحبو. المفروض يزعل منو؟ أكيد محمد سليمان لأنو شالو مرتو قام محمد سليمان في فضح جديد للأمة السودانية و يبدو إنها محاولة لتغيير الصورة الدارفورية المأساوية الكاذبة اللي إرتسمت في وجه العالم عن طريق الإعلام المغشوش ، قام صاحبنا إتصل بجورج قرداحي مقدم برنامج إفتح بطنك و أمرق الفيها "إفتح قلبك" و مشى تنقش تنقش تنقش حكا حكايتو لجورج اللي ما توانى عن إحراجو قدام اللبنانيين و قال ليهو هسي مفروض هو الليجي يصالحك ولا إنت ؟ يعني يا محمد سليمان داك الختف مرتك يعني مفروض هو اليجي يعتذر منك دة شنو دة يا راجل ؟ قال ليهو كدة بس باللبناني. صاحبنا محمد سليمان "الفضيحة" إتلعثم و قعد يقول في شعر بعربية فصحى اللبنايين بيسعموا فيها كأنما هي عبرية غير مستساغة. المهم شبكمكم ليك كم بيت شعر و فكا آخرو في كلام لاهو في الطير ولا هو في الباقير و بعد شوية جابو طلحة القيافة الطبيب البيطري اللي من شدة أعجب بلبنان قام إشترى فيها بيت في منتجع الدوحة و قامو إتحاضنو زيييييييييين و فكو ليهم كم دمعة كدة زي المسلسلات المدبلجة ديك و شتتو. الغريبة لحدي ما طلعو جورج مصر يقول لمحمد سليمان إنو ما كان في أي داعي تجينا هنا لأنو الراجل هو اللي يفترض يعتذر مش إنتة. و يبدو إنوكان عايز يقول ليهو باللبناني : إنت جيت عايز تطلع في التلفزيون بس .
قلتو لي دارفور فيها مذابح جماعية و إغتصاب جماعي؟؟؟؟؟
غايتو ناس لبنان ما بصدقو دة تاني بعد الشافوهو أمبارح.
علاء سلام عليكم لاني اعتقد بأن هذا المنبر اصبح مثل مكتبي و منزلي لان من فيه اصبحوا مثل اهل و جيراني لاني لا احب ان استبعد احد من اهلي و جيراني من محبتي لذلك لا اريد ان ابعد احد من هذا البورد من محبتي حتي لو اختلفت معه ادري تماما انه لربما لايهمك هذا المر لكنه يهمني ادري تماما انه لو تخاطبنا قليلا لوجدنا قربي أو نسب أدري تماما انك ممكن ترفض كل هذا الاشياء لكن ما تقول يؤذيني يؤذيني لانه يؤذي اقرب مجموعة من أقرب اصدقائي ممكن ان يفسد مثل هذا الكلام ودا بنيانه بالسنين ممكن أن يفسر مثل كلامك هذا بأنه هو التفكير العام لنا ممكن ان يكون مثل كلامك هذا جرحا عميقا من التفرقة و البغض ممكن ان يجرح ابرياء و طيبين ممن لم يؤذك بكلمة لذلك ارجو منك و سيكون هذا الطلب للمرة الاولي و الاخيرة بالتوقف عن تناول هذه المواضيع بهذه الطريقة لك ودي لو قبلت او رفضت
Quote: قام محمد سليمان في فضح جديد للأمة السودانية و يبدو إنها محاولة لتغيير الصورة الدارفورية المأساوية الكاذبة اللي إرتسمت في وجه العالم عن طريق الإعلام المغشوش
لاكين يا علاء دى ما صورة كاذبة للحاصل فى دارفور ولا الاعلام مغشوش،ما يحدث فى دارفور حقيقي وكارثى ومر علقمي،ما يحدث فى دارفور أقسم يا علاء لوحدث فى قرية مجاورة لكم لاستنفرت كل المنطقة لنصرة القرية المعتدى عليها،اذا لم نستطع فعل شيء لمكلومى دارفور فلنصمت بدلاً من تناول أمرهم بهكذا طريقة.. علاء أخشى عليك يا علاء من بعض البوستات التى تكتب.. فانا أعرف انك افضل بكثير من الصورة التى تحاول تسويقها لنفسك هنا..فلماذا لا تحاول إخراج علاء الحقيقي من القمقم؟؟ سؤال لطالما تبادر لذهنى و طالما أشركت فيه صديقاتى هنا:هل يستفز المنبر الحر أسوأ ما فينا ليخرج عبر صفحاته؟؟
لنا مهدي أختي الغالية جداً حأتكلم معاك كصحفية هل زرتي دارفور منذ بدء هذه الأحداث؟ أم مثلك مثل غيرك تسمعين و ترين بعض ما يدور من خلال الأجهزة الإعلامية؟
أنا كنت هناك و ليس من رأى كمن سمع. فيها مشاكل لكنها ليست كما يصفون فيها تهميش لكنهم أحسن حالاً من كثيرون غيرهم في السودان الكبير ما فيها خير مما في الشمال.
01-06-2005, 01:17 AM
lana mahdi lana mahdi
تاريخ التسجيل: 05-07-2003
مجموع المشاركات: 16049
Quote: أنا كنت هناك و ليس من رأى كمن سمع. فيها مشاكل لكنها ليست كما يصفون فيها تهميش لكنهم أحسن حالاً من كثيرون غيرهم في السودان الكبير ما فيها خير مما في الشمال
انتا متأكد يا علاء انتا كنتا فى دارفور الواحدة دى؟؟ دارفور ولاية كاملة او اقليم كما كانت تسمى فى الماضي فهل جبت اربعة اركان دارفور لتحكم مثل حكمك الذى ضمنته الكوتيشن؟؟هل الاغتصابات "ليست كما يصفون"؟؟هل التهجير القسرى للمواطنين من اراضيهم واضطرارهم للنزوح الى تشاد و غيرها"ليست كما يصفون"؟؟هل ترويع ابناء دارفور من قبل الجنجويد و الباشمرقة "ليست كما يصفون"؟؟وهل تسليح الحكومة للجنجويد "ليست كما يصفون"نحن فى 2005 والعالم أضحى قرية صغيرة يا أخي الحبيب،وليس بإمكاننا إنكار واقع كما أنه ليس بامكاننا تزييف آخر..
01-06-2005, 01:25 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
ما حدث يا لنا هو تمرد أعقبه ردع للتمرد هنالك أجندة خفية لهذا التمرد و أنا لا أقف في صف الحكومة التي لا أكن لها أي نوع من الحب أو التقدير ، لكن الإغتصاب مافي ، و ولو في فهو حالات فردية و من الطرفين ، القتل الجماعي سمعنا بيهو لكن أنا كنت هناك و ما شفت أي آثار أقلاها كان سمعتة الأهالي أو شفتة المقابر الجماعية. لنا أنا مشيت عد الفرسان وادي كسارة وادي بلبل الضعين نيالا و كنت متجه لبرام وقت الضربة فعدت أدراجي و مناطق أخرى كثير و بالمناسبة ذهابي كان بالقطار إلي أن وصلت نيالا و لكي أن تعديي المدن التي مررت بها و عدت بالطائرة . بالمناسبة كان معاي مذيع سوداني في قناة المستقلة إلتقينا صدفة و ترافقنا في طول رحلتنا وهو من أبناء المنطقة يعني كنت في صف غير صف الحكومة.
01-06-2005, 02:07 AM
Mohamed Suleiman Mohamed Suleiman
تاريخ التسجيل: 11-28-2004
مجموع المشاركات: 20453
اتذكر ردي عليك في بوست من البوستات " انك خير حليف لقضية دارفور"؟
لأنك تمثل بالضبط علي عثمان محمد طه و صلاح قوش و مصطفي اسماعيل و مجذوب الخليفة و البشير و آدم حامد عثمان كبر عوض الجاز و موسي هلال صافي النور و بكري صالح و كل جنجويد دارفور و الخرطوم.
كلكم تخافون و ترتعبون من شئ واحد ... الحقيقة.
انت تريد صرف الأنظار عما طفح من مطبخ الأنقاذ ممهورا بتوقيع الفريق ادم حامد. وهو اسمه مدرج مع القتلة و السفاحين ومنتهكي حقوق النسان دوليا. و ارتعابكم ان مثل هؤلاء الجبناء سوف لن يصمدوا امام الأستجواب ولجان التحقيق الدولية و سيشير بكل اصابعه لعصابةالأنقاذ .. ومن ثم يبدأ الأنهيار العظيم.
انت تريد تحويل المعركة الي مسألة شخصية ... هذه قضية اكبر مني و منك. تريدني ان اغرق في الدفاع عن نفسى .. و تواصلوا في ذبح أهلنا الأبرياء. لكن دعني أقول لك شيئا: هل رأيت صور أهلنا في تلك المعسكرات؟ هل رأيت صور جثثهم المتناثرة في رمال الصحراء؟ هل رأيت و سمعت حواء و هي تحكي ماساة اغتصابهابألم في الجزيرة و الشمالية الأخري تقاطعها مستنكرة خوفا علي سمعة الأنقاذ؟ أرأيت صورة ذلك الرضيع و قد غطت الحروق كل جسده الغض؟ كل هذه الصور و أكثر... تهون أمامها سمعتي ..اسمي ..بل كل حياتي. قولوا عننا اي شئ .. صهاينة .. عملاء .. مرتزقة ... فأنتم الموسوعة في أدب الأنحطاط السايبيري .. و خبراء فنون أغتيال الشخصية. و لكن لن يحول ذلك دون أنتزاع حقوقنا كاملة و نيل الحرية.
انت تخاف من الحقيقة و لكن لا املك الا ان اسبب لك كابوسا: لم ار في حياتى قط ليبيا أو لبنان.
01-06-2005, 02:24 AM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
الشاويش فرقع كنت منتظرك أصلو بسوستاتك زي ما قلت ليك خلا و عدمانة نفاخ النار فبقوم عشان أحسسك إنك فعلاً "زلوط" كبير و عامل كابوس أخشها و أولّعة ليك شوية. لكن في الحقيقة الكابوس إنت العايش فيهو و ستظل. أكبر دليل شوف كل البيردوا عليك يا فرقع رأيهم شنو؟ حتلقى نفسك لافي براك في دوامة زي المجنون
قلت لي ما شفتة ليبيا ولا لبنان ؟ إنت خفتة يقولوا دة إنتة ولا شنو؟
طيب عليك الله سوق ليبيا كيف؟ حلمكم الكبير بدولة الزغاوة الكبرى؟
يا فرقع إنت ناس صلاح قوش ديل عملوا ليك شنو ياخي ؟ قول بالله و ريحنا بعدين عشان تعرف إنك رجل دموي و تحقد حتى على ضل النخيل مش كلمة شمال بس اللي أظنك لغيتة من الإتجاهات الأربعة. الأستاذ محمد حامد جمعة قال ليك ناسكم لما كانو في الحكم و كانوا هم المسيطرين دارفور كانت العروس الحالمة و مجرد ما سرقوا و نهبوا و طلعو جو الشماليين إغتصبوا العروس دي مش؟ إنتة ناس الأمن ديل و ناس الحكومة الشماليين الشغال تكتب في أسماءهم كدة من طرف أصلوا ما بتكتب من ناسكم ليه؟ مش غريبة بعدين يا فرقع صدقني إنتأكبر مكسب لإنقاذ لأنك بمسّك الدائم بأهل الشمال بتألب الناس عليك و تحسهم بخطورة أمثالك لذلك يفضلوا الإنقاذ عليكم يا تورا بورا و زي ما سبق و قلت ليك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علاء الدين يوسف علي محمد
lana mahdi
Mohamed Suleiman
فيس بوك
تويتر
انستقرام
يوتيوب
بنتيريست