|
|
 هل هُنالك لصوص داخل جِـــــهاز الأمـــــن...!؟(واقعة سرقة).
|
....في يوم 18/6/2012، وبعد مداهمة جهاز الامن لدار حركة(حق) لضرب التوقيع على ميثاق وحدة الحركات الشبابية قام جهاز الامن بإعتقال كل الحضور الموجودين في الدار، وكنت من ضمن المعتقلين، المهم...وكان في أفراد من جهاز الامن مرابطين في الدار لإعتقال من يحضر من الضيوف، وفي هذه الاجواء تركت حقيبة بتخصني وفيها جواز سفر وكاميرا كانون canon 10d (تخص أحد الاصدقاء) وكاميرا فوجي فيلمFujifilm FinePix S6500fd.(بتخصني) المهم لمن وصلنا مقر جهاز الامن ، أخبرت الضابط إنو أنا ياخ خليت حاجات بتخصني في دار الحركة وهي حاجات قيمة، وما كان من الضابط إلا أن قال لي: في أفراد من جهاز الامن حيقوموا بتأمين الدار، المهم تم إطلاق سراحي في يوم 19/6 في تمام الساعة الثانية والنصف صباحآ، طوالي مشيت الدار عشان أشوف حاجاتي دي، المهم وللاسف الشديد لم أجد سوى الحقيبة وهي فارغة من كل محتوياته سوى بعض الاوراق، وعندما سألت بعض الاصدقاء قالوا أنو ناس جهاز الامن كانوا داخل الدار ، لا بل قام بعضهم بالدخول الى المطبخ وشراب الشاي، وقاموا بعد ذلك بإغلاق الدار بالطبلة والمفتاح، بعد أن تم إعتقالي في يوم 20/6، أخبرت المحقق بأنني فقدت جواز سفر وكاميرتين،وقال لي نحن غير مسئولين عن الحاجات دي...؟ في حين إنو أفراد الامن الكانوا قاعدين في الدار هم المسئولين أخلاقيا وقانونيا من هذه المتعلقات، المهم دون مطالبي دي في ورقة التحقيق، ومن يومها وإلى وقت خروجي من المعتقل لم يصلني رد عن هذه المتعلقات إلا قبل كم يوم كده،من مكالم تلفونية بدون رقم،وبكلام مغتضب للغاية مفاده:إنو جهاز الامن الوطني لم يعثر على هذه المتعلقات....!؟ وانتهت المكالمة، طيب في هذه الحالة يعني حقي ضاع شمار في مرقة، مع إنو كل الدلائل تشير لان أفراد جهاز الامن الكانوا في الدار هم من سرق هذه المقتنيات لانو لم يتركوا احد خلفهم بعد أن تم إعتقالنا،ولانو هم أخر ناس طلعوا من دار الحركة.
|
|
  
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: خالد خليل محمد بحر)
|
ها زول هه حمدلله على السلامة
قالو الجاتك في مالك سامحتك , أهم حاجة انك ما خليتم يشيلو منك (العدة ) , يمكن للرجل ان يعيش بدون كاميرا , كلو ولا العدة .
| Quote: هل في مساحة قانونية لمقاضاة جهاز الامن بناء على هذه الوقائع...؟ |
هذا السؤال يفترض وجود دولة مؤسسات وفصل للسلطات , وبما أننا رهائن في قبضة عصابة الإنقاذ
فكل قاضيين من قضاة السودان في النار والثالث في جهنم . احتسب يا عزيزي وإحمد ربك صبح وعشية فغيرك سلبت كرامته وحياته .
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: mekki)
|
حبيبنا/مكي
Quote: الف الف حمدالله علي السلامة المناضل خالد بحر،،،،
وحقيقة كنا مقلقين عليك من هؤلاء السفلة والمجرمين،،،واللصوص بالتأكيد،،،هم سرقوا دولة كاملة ما يجوا يسرقوا أشياءك
انا سعيد جدا انك حر طليق،،،
وكمان أظنك قبضت زيادة علي جمر القضية |
ياخ والجمر ذاته مازال مشتعل،كيفنك انت...؟ وانا سعيد بالمرور ده ياخ.
تسلم كتير
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: خالد خليل محمد بحر)
|
| Quote: في حين إنو أفراد الامن الكانوا قاعدين في الدار هم المسئولين أخلاقيا وقانونيا من هذه المتعلقات، المهم دون مطالبي دي في ورقة التحقيق، ومن يومها وإلى وقت خروجي من المعتقل لم يصلني رد عن هذه المتعلقات إلا قبل كم يوم كده،من مكالم تلفونية بدون رقم،وبكلام مغتضب للغاية مفاده:إنو جهاز الامن الوطني لم يعثر على هذه المتعلقات....!؟ وانتهت المكالمة، طيب في هذه الحالة يعني حقي ضاع شمار في مرقة، مع إنو كل الدلائل تشير لان أفراد جهاز الامن الكانوا في الدار هم من سرق هذه المقتنيات لانو لم يتركوا احد خلفهم بعد أن تم إعتقالنا،ولانو هم أخر ناس طلعوا من دار الحركة. |
ابني وأخي/ خالد بحر
سلامات وكل عام وانت بخير
نحمد الله انك انكم خرجتم بالسلامة من بين هؤلاء السفلة ال########ين..
كنا قلقين بوجودكم مع من لا يعرف ذنة ولا خلق..
فتكفي جرائمهم من اهانة، تعذيب، اغتصاب للبنات والبنين لنعرف من هم..
جهاز الامن بما يبدو من جرائم وافعال ضد المعتقلين لا يمكن أن نقول فيهم الا ان جلّ فيهم لقطاء ومأجورين ساقطين لا علاقة لهم يالاخلاق والقيم..
من ينتهك أعراض الناس فمن السهل عليه أن يسرق..
وسوف يأتي ذلك اليوم ونقتص من كل هذه الكلاب..
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: Abdlaziz Eisa)
|
الخال/ عبد العزيز عيسى
Quote: ابني وأخي/ خالد بحر
سلامات وكل عام وانت بخير
نحمد الله انك انكم خرجتم بالسلامة من بين هؤلاء السفلة ال########ين..
كنا قلقين بوجودكم مع من لا يعرف ذنة ولا خلق..
فتكفي جرائمهم من اهانة، تعذيب، اغتصاب للبنات والبنين لنعرف من هم..
جهاز الامن بما يبدو من جرائم وافعال ضد المعتقلين لا يمكن أن نقول فيهم الا ان جلّ فيهم لقطاء ومأجورين ساقطين لا علاقة لهم يالاخلاق والقيم..
من ينتهك أعراض الناس فمن السهل عليه أن يسرق..
وسوف يأتي ذلك اليوم ونقتص من كل هذه الكلاب.. |
ثم وتحية وتحيات....كيفنك...؟ نعم الواحد طلع بالسلامة لانو وراهو ناس زيكم والله،ولكن اسفي على الناس اللسه قاعدين في المعتلقات
وما عندهم زول يكتب عنهم ويقيف معاهم، تتخيل في كوبر لاقني شاب قعد شهرين لانو في واحدة إتهمتو أنو برسل ليها مسجات في الموبايل....!
وطوالي كلمت خطيبها عشان يدخلوا كوبر...! فتأمل ياخ.... ياخ مهازل الوطن ده ما بتنتهى إلا بزوال النظام ده.
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: خالد خليل محمد بحر)
|
سلام يا خالد
حمد لله على السلامة وكل سنة وانت طيب | Quote: هل في مساحة قانونية لمقاضاة جهاز الامن بناء على هذه الوقائع...؟ |
يا اخوي انت قايل نفسك عايش دنفر كلورادو ؟ مقاضاة ؟!!
انت خليك من حاجاتك الشالوها بالكُرُب دي ... نجلاء سيد احمد شالوا كمرتها وموبايلها عيني عينك كدا ومن بيتها
ولي يوم الليلة ما رجعوها ولا اعتقد انهم ح يرجعوها ... احتسب يا اخوي وربنا يعوضك،
وبركة السلمت رقبتك وما لحقوك الزينين ... دا من ناحية .. ومن ناحية تانية مقاضاة اي جهة حكومية عندها اجراءات قانونية طويلة ومعقدة،
وتتطلب حسب ما اذكر إذن من ديوان النائب العام وسيرد عليك النائب العام في خلال شهرين بــ Yes or No وغالباً ما يدوك الموافقة ..
_______
شيئ محزن والله
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: تيسير عووضة)
|
سلامات خالد الف حمدلله على السلامة
شخصيا لا استبعد ذلك كنت فى العام 2008 معتقل فى الامن السياسى بحرى بعد عملية الزراع الطويل وكان فى واحد شايقى سائق حافلة هايس عند ه مبلغ 900 الف وبنطلون جنس شالوها منو
؟؟؟؟؟؟؟؟؟؟؟؟؟
المهم الشايقى بعد يومين ناس الامن قالو مات كان متهم بتاجير الهايس للمهاجمين للمخارجة والله اعلم
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: تيسير عووضة)
|
خالد حمد لله سلامتك
شهرين شرف ...
الجهاز سيفشلك وسيتصل بك من نفس الرقم المجهول
عشان تمشى تشيل حاجاتك ... قايل شنو؟
انه شرف جهاز وطنى مهمته حماية المواطن وامنه ...
ح يردوا ليك حاجاتك .. ولى نجلاء ... ولى كل من تسول له نفسه
بمثل هكذا تساؤلات واتهامات !!
جهازنا زينا وحالف ما يسرقنا ...
ــــــــــــــــــــــــــــ
هم ذاتم مركزين على نفس مكنة المناضلين دى
(مش كفاية انت مرقتا ) ؟؟؟؟ (الجاتك فى مالك سامحتك ) الخ
لا ما كفاية .... الناس ديل ح يخزلوكم ويرجعوا الحاجات كلها ..اها !
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: دينا خالد)
|
الف حمدلله علي سلامتك ياخالد .........لكن جنس كلامك بيؤدي ينظرية الزول الشبع احسن لينا من الزول الكايس الشبع ........بمعني اكثر تدقيقاً لو الناس ديل بشبعهم وترفهم ده ، لسة بيسرقو ، يكونو مرضى نفسانين عديل كدة ........وانا لا استبعد من رهن رزق اولاده لقاء التجسس علي الخلق ........وضرب الخصوم واذيتهم ......ترى هل مثل هذا الشخص سوياً ؟
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: dardiri satti)
|
العزيز خالد
حمدا لله على السلامة . كله يهون و كل ليل ليه آخر.
| Quote: قالو الجاتك في مالك سامحتك , أهم حاجة انك ما خليتم يشيلو منك (العدة ) , يمكن للرجل ان يعيش بدون كاميرا , كلو ولا العدة . |
يا معاوية مداخلتك دي جارحة في حق ناس تعرضوا لما تعرضوا له داخل مكاتب الأمن غضبا عنهم و مثلهم مثل خالد لم يكونوا في موقع يمكنهم من الدفاع عن أنفسهم. ناس الأمن ( شالوا العدة) من البلد كلها و لسه ذكورها بيتفكروا نفسهم رجال .
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: Siham Elmugammar)
|
الف حمد لله على سلامتك ثاني يا خالد.....وربنا يجمع...
ويا جماعه في حاجه مهمة جدا ذكرها خالد بحر انتو عملتوا رياحين منها...
| Quote: أخبرت المحقق بأنني فقدت جواز سفر وكاميرتين |
جواز السفر .....ده في اهم منه عالميا؟!
طيف يعني يخفوا جواز سفره؟!
طيب يا خالد اهم شيء تبلغ عن فقدان هذا الجواز.
ثانيا:
للناس الاخذت الموضع ببساطه لعلمك ممكن هؤلاء الامنجيه الكلاب بكره يضعوا جواز خالد ده
في اي مكان او موقع جريمه ويدبسوها في خالد بحر.
كويس جدا انك كتبت عن هذا الامر
ورجاء من كل المعتقلين تثبيت امر سرقة هوياتهم ولو ببوستات زي بتاعت خالد بحر دي
عشان نحن نبقى جميعنا شهود معهم امام العالم لو حاولا توريطهم في اي جريمه.
وليهم يوم يا خالد اولاد الهرمه!
| |
|
|
|
|
|
|
|
|
|
Re: هل هُنالك لصوص داخل جِـــــهاز الأمـــــن...!؟(واقعة سرقة). (Re: محمد إبراهيم علي)
|
تحياتي خالد وحمد الله على السلامة.
اسمح لي أن اقسّم الموضوع إلى عدة أقسام.
1) جواز السفر: بغض النظر عن أي إجراء آخر تنوي اتخاذه استأذنك في أن تتبع الإجراءات الروتينية لضياع جواز السفر حتى لا تجد جوازك بحوزة شخص آخر أو يسيء أي شخص في العالم استخدام اسمك في أي مصيبة: بلغ عن فقدانه أمام النيابة أو في قسم شرطة واحصل على شهادة فقدان، قدمها للإدارة العامة للجوازات، ثم للقوائم (مجمع الجوازات جوار شارع الجامعة) ثم تأكد من توصيل بلاغ الحظر للا نتربول حتى يتم حظر جوازك برقمه في كل مطارات العالم.
2) بالنسبة لباقي الحاجات : حمد الله على سلامتك أولاً ، ونظرياً يمكنك المقاضاة، لكن عملياً وواقعياً لا توجد أدلة ، ولا تستطيع اتهام أحد، واترك الأمر للقانونيين فهم أعلم مني بهذه المسألة.
3) حتى لو كفل لك القانون مقاضاه الجهاز ، هل الواقع يؤيدك أو هل تضمن ألا يصبح الأمر بداية لدوامة جديدة من البلاغات المضادة بإشانة السمعة وتشويه صورة الجهاز مثلاً ؟
4) حمد الله على سلامتك أولاً وأخيراً.
| |
|
|
|
|
|
|
| |
خالد خليل محمد بحر
محمد البشرى الخضر
Mohd Ibrahim
معاوية الأرباب
mekki
Abdlaziz Eisa
عبدالوهاب علي الحاج
سلمى الشيخ سلامة
هشام هباني
saif massad ali
تيسير عووضة
الغالى شقيفات
دينا خالد
ibrahim alnimma
ahmed haneen
أسامة الفضل
Siham Elmugammar
Tragie Mustafa
محمد إبراهيم علي
Hani Arabi Mohamed
abdelrahim abayazid
صلاح شعيب
فيس بوك
تويتر
انستقرام
يوتيوب
بنتيريست