|
شكرا للباشمهندس بكري ابوبكر.وادارة سودانيزاونلاين(هل ترحبون ؟)
|
كل عام وانتم بخير سيد الحوش الباشمهندس بكري ابوبكر وجميع اعضاء وقراء سودانيزاونلاين واتمنى ان اكون عند حسن ظنكم وان اكون اضافة جديدة لمنبركم العامر ,وان اكون خفيف الظل واشكر الاخ الدكتور محمد الحافظ لدعوته لتقديم طلب الانضمام للعضوية في منبركم العام. والسلام عليكم ورحمة الله
|
|
|
|
|
|
|
|
Re: شكرا للباشمهندس بكري ابوبكر.وادارة سودانيزاونلاين(هل ترحبون ؟) (Re: Emad Ahmed)
|
لاااااااااااااااااا حول الله يا عماد عثمان ياخي انت بالله بيجاي وانا ساْلت عنك كل الشباب ما لقيتك!!!!! كل سنة وانت طيب وكل الاهل انشاءالله بخير وصجة ..والله انا اشكر الاخ بكري ابوبكر جدا جدا ان جعل هذا ممكننا,كل من ساْلت عنهم بخير وصحة وهم ايضا في سؤال دائم عنك ارجو منك المراسلة على الخاص تجده في البروفايل .سعيد جدا جدا بمروك البهي يا عمدة بحق والف شكر على الطلة تقبل تحياتي واحترامي
| |
|
|
|
|
|
|
Re: شكرا للباشمهندس بكري ابوبكر.وادارة سودانيزاونلاين(هل ترحبون ؟) (Re: أمير قناوي)
|
يا سلاااااام ياخ امير عبدالله نصر قناوي ,ابن الناس الكرام والاسرة الكريمة المضيافة التي لايغلق بابها ابدا دليلا على كرمكم الفياض, السلام عليكم ورحمة الله وكل سنة وانت وطيب والقابلة على امانيك انت وجميع من معك انشاء الله.نعم لم تخنك ذاكرتك انه كذلك انا دفعة وصديق محمد عبالله ,الطالب النجيب المحبوب الخلوق بحق وحقيقة,يا لها من ذكريات مرت بخاطري الان .....يا ليتها تعود من جديد...يا امير ....وكيف اخبار جميع افراد الاسرة ؟اتمنى ان يكون الجميع بخير وصحة جيدة انشاء الله.ارجو ارسال عناوين واي ميلات وتلفونات الاخ محمد (لازم) على الخاص.بالنسبة لامنيتك ..اعتبرها دين في اعناقنا للشعبية فهذا لابد من رده باحسن ما يكون واعتبرني من الان من الاساسيين في ذلك البوست,,ولدي الكثير المفيد وبشكل جديد انشاء الله,,تحياتي ليك ولكل من معك وللاخوان ربيع وعبد المطلب وجميع افراد الاسرة..تحياتي يا ملك..
| |
|
|
|
|
|
|
Re: شكرا للباشمهندس بكري ابوبكر.وادارة سودانيزاونلاين(هل ترحبون ؟) (Re: باسط المكي)
|
بارك الله في بورد كثرت فيه الكيبوردات مرحبا بك عضوا مميزا في البورد كما يسرنا ان ندعوك من الآن للإنضمام الى حركة بورداب الخرطوم ــ الجناح العسكري هذا لو كنت من الاحباب الهلالاب ماذا اذا نحيلك مباشرة لحركة صلاح غريبة ونائبه ناذر ــــــــ اذا ما كنت من ناس الخرطوم برضو ما مشكلة نطلع ليك شهادة مواطنة مضروبة وعليها ختم اللجنة الشعبية والمحلية والوالي ذاتو
| |
|
|
|
|
|
|
Re: شكرا للباشمهندس بكري ابوبكر.وادارة سودانيزاونلاين(هل ترحبون ؟) (Re: على ميرغني)
|
الاخ علي ميرغني بارك الله فيك .وكل عام وانتم بخير القابلة على امانيك انشاء الله ,طبعا مداخلتك اضحكتني جدا , واعطتني احساس انك انسان خفيف الظل ,بالنسبة لانضمامي لبورداب الخرطوم .بدون ما تساْل اعتبرني منهم فالخرطوم المنبع والجذور عبر الازمنة والدهور....بالنسبة لشهادة المواطنة ما في داعي ليها لكن ابعد من المضروب وخليك في السليم مالنا ومال المشاكل ...بالنسبة للاجنحة ما عندك مشكلة عسكري ,مدني,جناح شمال جناح يمين ,الخرطوم تكرم عينها زي ما بقولوا الشوام...مشكور على المرور والترحيب. تقبل تحياتي ويدوم الود ,,تحياتي لجميع من معك
| |
|
|
|
|
|
|
Re: شكرا للباشمهندس بكري ابوبكر.وادارة سودانيزاونلاين(هل ترحبون ؟) (Re: خالد درق)
|
الاخ خالد درق السلام عليكم ورحمة الله وكل عام وانتم بخيروالقابلة على امانيك انشاء الله والله مشكور على الترحيب يا اصيل .ودار بكري والله عامرة بيكم وبكلامكم الطيب ,طبعا اتذكرتك يا خالد والله الواحد سعيد جدا انه وجدكم هنا بعد طول غياب ولم اتخيل انه اجد الناس الخيرين من ابناء الشعبية في المنبر .وتحاياك وصلت للاخوان والاهل وهم بسلموا عليك شديد ...تقبل تحياتي لك ولكل من حولك ...
| |
|
|
|
|
|
|
Re: شكرا للباشمهندس بكري ابوبكر.وادارة سودانيزاونلاين(هل ترحبون ؟) (Re: ALGARADABI)
|
الاخ القرضابي السلام عليكم وكل سنة وانت طيب والقابلة على امانيك انشاء الله والله ما عارف اقول ليك شنو؟قصيدتك اخجلت تواضعنا وما قدرت القى الرد المناسب لقامة الكلام ده....ولكن هذا الكلام الطيب يكشف عن ما تحمله في دواخلك من القيم الجميلة التي تنم عن كرم الاخلاق والشهامة والفروسية التي تزين وجه الانسان السوداني ,وخصوصا ابناء دار جعل الكرام,, تحياتي يا ملك وربنا يقدرنا على رد التحية باحسن منها (القصيدة)انشاء الله..تحياتي ليك ولكل المعاك.
| |
|
|
|
|
|
|
Re: شكرا للباشمهندس بكري ابوبكر.وادارة سودانيزاونلاين(هل ترحبون ؟) (Re: الحاج حمد الحاج)
|
الاخ الحاج حمد الحاج ,السلام عليكم ورحمة الله وكل سنة وانت طيب والقابلة على امانيك انشاء الله, والفين مرحب بيك ..عندي احساس انك احد ابناء الشعبية الاسم ليس غريبا عني بس غربتنا طالت عن ارض الوطن الحبيب ..والجليد والصقيع لهم تاْثيرهم ولكن نقاوم لنتذكر الناس والاشياء الجميلة والدار الحنونة امنا الخرطوم بحري وتحديدا الحي النموذجي الشعبية بشقيه الجنوبي والشمالي بكل ما فيهما من لحظات وذكريات جميلة صنعتنا وصنعناها تحياتي لك ولجميع من معك
| |
|
|
|
|
|
|
Re: شكرا للباشمهندس بكري ابوبكر.وادارة سودانيزاونلاين(هل ترحبون ؟) (Re: Elmosley)
|
الموسيقار يوسف الموصلي (تشايكوفسكي السودان) الف مرحب بيك حبيبنا اسعدني مرورك وترحيبك ,وكل عام وانتم بخير والقابلة على امانيكم انشاء الله,عندما ادخل حفل موسيقي في المسارح الروسية ,اتذكر الالبوم الشهير لكم والذي انجز في التسعينات( بالاورغ) على ما اعتقد في مصر تم تسجيله, لا ادري ما السبب في ذلك ,ولكن الحق يقال هذا الالبوم في ذهني ودائما ما استمتع به في اوقات الراحة.,فيه قصيدة للراحلة ليلى المغربي .تحياتي لك, ولكل من حولك
| |
|
|
|
|
|
|
|