|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
دلوش يادكتورة
صباح الخير
Quote: بالنسبه لي شريف الفحيل , فـ الولد غناي وعندو صوتو و(استايلو) وجمهورو , بس الحاجه اللي ضرتو شديد هي (التكرار) وكترت الطله الحاتمسخوا عند خلق الله ! وبالمناسبه أنتوا تحمدوا ربكم أنكم بتشوفوهو في أغاني وأغاني من رمضان لي رمضان .. نحن في السودان (نعشق أوطاننا) مفروض علينا شريف الفحيل في كل عرس , وكل (فرح) وكل عيد ميلاد وكل فطور عريس زاتو !
الصراحه كدا أنا بتكيف من حلقات أغاني وأغاني الخاليه (البنات) , يعني ياسر تمتام وشندي وسميره دنيا وحسين الصادق وفرفور عاصم البنا وقررررط على كدا
اضافه من سبونج بوب : أفراح صوتها ماشي في تدهور شديد جدا .. والصراحه كدا ظهورها السنه دي في اغاني واغاني أضر بيها أكتر مما نفعها .. في رأيي كدا حقو تركز في موضوع الاعلانات وتنسى موضوع الغنا دا |
بالنسبة لي بتنا افراح الشعب فاتفاق تام علي انها تمشي الاعلانات
بس تركز لينا علي عدس الوابل
اما بالنسبة لاخونا شريف فممكن نستفيد منو في دعاية بريل كريم ممكن تنجح معاهو
لكن غنا نهيييييييييي.... نوهااااااااااااااااائي .
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: walid taha)
|
سلام ياهارون ورمضان كريم
شريف الفحيل صوت أكثر من عادي
على ما اعتقد والده يعمل في الإذاعة والظاهر عليهو
استثمر كل علاقاته في تواجد ابنه طوال هذه السنوات
في هذا البرنامج الجماهيري.
ريماز ميرغني متواجدة أيضا في البرنامج بواسطة زوج
خالتها بابكر صديق مقدم برنامج نجوم الغد وابن خالتها
المخرج بالقناة مجدي بابكر صديق.
القصة واسطة قوية وبس ياهارون.
+ مشتاقين ياخ
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: الطيب شيقوق)
|
سلام يا اخ هرون ديـــــــــــــاب .. وتصوم وتفطر على خير ,اما العيد فنتمنى ان تعيّد زعلان , وسبب الزعل معروف .. ولكن على الرغم من انك وصيف متعصب وانا اضع تاج سيد البلد على راسى الا اننى اكن لك من المحبة ما اعجز عن تفسيره وتبريره ..اما عن ولدنا شريف الفحيل فانا شخصيا تارة يطربنى وتارة يجعلنى اسحب الشريط للنهاية , فعندما يغنى بعض اغانى شرحبيل يجيد,وعند التلون والتعدد يتيه ويفقد بوصلة الغناء .. فيجب عليه ان يلتزم بلونية واحدة اذا اراد البقاء فى دائرة الاضواء .. حتى الكابلى عندما تغنى لوردى كان يمكن ان يسقط لولا ارتكازه على تاريخه الطويل ولونه الخاص به فى خارطة الغناء السودانى ..
سؤال كدة خارج موضوع البوست بس عليك الله جاوبنى بصراحة .. وانت صايم عليك الله بينك وبين نفسك ما خايف من يوم الوقفة , وبالذات من الدبابة السنغالية ( ابراهيما سانيه ) ؟؟
مع عظيم ودى واحترامى
تكرار المداخلة لزوم اللحاق بقطر البوست
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: خليفة موسى حمدان)
|
معليش ياشباب نجي لمداخلة حبيبنا
الرشاشة خليفة
Quote: . ولكن على الرغم من انك وصيف متعصب وانا اضع تاج سيد البلد على راسى الا اننى اكن لك من المحبة ما اعجز عن تفسيره وتبريره . |
ياخي ربنا يجبر بي خاطرك ويديم المعروف بينا واحبك الله وحبب فيك عباده .
Quote: وانت صايم عليك الله بينك وبين نفسك ما خايف من يوم الوقفة , وبالذات من الدبابة السنغالية ( ابراهيما سانيه ) ؟؟
|
ومادام حلفتني ......
يمين راقد شعيرية..... هههههه
بس غياب مساوي مطمني شوية .
سعيد بوجودك وبروحك الطيبة
لك مودتي
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
Quote: يمين راقد شعيرية..... هههههه |
لست وحدك لست وحدك يا اخى هارون .. عليك الله ما قريت عمود ابوشيبة فى الصدى .ده من شدة ما راقد شعيرية قال ريكاردو يكون مساعد مدرب لى إبراهومة وجبرة وبالمناسبة ( الراجل ده. انا بحترمو جداً ) اقصد ابوشيبة. لكن حالتكم تحنن يا وصيفاب .. اما مزمل فبقى بتاع العاب قوة وتنس وتشجيع روجيه فيدرر, قام ( كجّاه ) , وخلى ليك لغة الضرب بالدور والعلامة الكاملة .. ما عارفين نعمل ليكم شنو .. الله يدينا مرادنا
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: كمال سالم)
|
يازعيم
مساء الخير
ومارجعت لي لا انت ولا دكتور عثمان.....!!!!!
Quote: أنا مع كلام صلاح عبدالله الفوق ده . الشغله كلها بفت خرمجه وتهريج . هو بالله الشعب السودانى ده عندو مزاج يسمع بيهو غنا ؟ |
كمان ماللدرجة دي.... لكن بتبالغوا ياناس الدوحة
وبعدين المزاج رااااااااااااااااااااااايق
المهم......
رايك في شريف الفحيل شنو.... وانت ودقلبا وود ديم العرب
يعني اسياد الشي زاااااااااااااااااااااااااااااااااااااااتو في الغناء
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: Emad Ahmed)
|
عمدتنا ياملك التوثيق
مشتاقين واخبارك
Quote: شريف الفحيل صوت أكثر من عادي
على ما اعتقد والده يعمل في الإذاعة والظاهر عليهو
استثمر كل علاقاته في تواجد ابنه طوال هذه السنوات
في هذا البرنامج الجماهيري.
ريماز ميرغني متواجدة أيضا في البرنامج بواسطة زوج
خالتها بابكر صديق مقدم برنامج نجوم الغد وابن خالتها
المخرج بالقناة مجدي بابكر صديق.
القصة واسطة قوية وبس ياهارون. |
وشكرا جزيلا علي هذه المعلومات
( وقطعت جهيزة قول كل خطيب )
وحقيقة لا اجد اي مبرر لوجود شريف
ضمن برنامج جماهيري ناجح الله الا اذا
كانت واسطته بهذه القوة .
لك التحية والتقدير
الله كريم
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: علي مزمل)
|
يا حبيبنا هارون
شريف الفيحيل فرض علينا ـ لا يملك أي مقومات لينال الفرص الممنوحة له بهذا الشكل
ولكن دا السودان ـ كل شئ أصبح في غير مكانه ـ وكما قال الشاعر أحمد محمد صالح ـ ماله عند بخيله ـ وسيفه عند ########ه
شريف ساهم في فرضه علينا بعض الأطراف في نجوم الغد ـ والموضوع له جوانب عديدة ـ ليس لائقاً ذكرها هنا
المؤسف جداً يا هارون ـ أن شريف حينما تبوأ هذا الموقع ـ أبعدوا ليه من المنافسة أصوات غاية في الروعة ـ زي واحد أسمو عثمان ـ ياخ دا كان قنبلة ـ والأن أفل نجمه ـ والساحة مساكنها ناس شريف ـ وفي واحد تاني إسمو كتلكو ـ دا رهيب عديل كدا ـ وهجو
أتفقت معك في شريف الفحيل ـ ولكن أختلف معك بشدة بخصوص أولاد الصادق ـ والله ديل ما عندهم علاقة بالفن ـ وكمان معاها عجرفة ـ وهمة بتاعت عظمة
ياخ في ناس غنوا في نجوم الغد ـ وأبعدوهم من المنافسة ـ والله تندم عليهم ـ أولاد غنايين بشكل رهيب
هارونا قلت لي :
Quote: بس مطمئن لغياب مساوي |
هاك الغياب دا ـ نوم على كدا بالله
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: علي مزمل)
|
يا حبيبنا هارون
شريف الفيحيل فرض علينا ـ لا يملك أي مقومات لينال الفرص الممنوحة له بهذا الشكل
ولكن دا السودان ـ كل شئ أصبح في غير مكانه ـ وكما قال الشاعر أحمد محمد صالح ـ ماله عند بخيله ـ وسيفه عند ########ه
شريف ساهم في فرضه علينا بعض الأطراف في نجوم الغد ـ والموضوع له جوانب عديدة ـ ليس لائقاً ذكرها هنا
المؤسف جداً يا هارون ـ أن شريف حينما تبوأ هذا الموقع ـ أبعدوا ليه من المنافسة أصوات غاية في الروعة ـ زي واحد أسمو عثمان ـ ياخ دا كان قنبلة ـ والأن أفل نجمه ـ والساحة مساكنها ناس شريف ـ وفي واحد تاني إسمو كتلكو ـ دا رهيب عديل كدا ـ وهجو
أتفقت معك في شريف الفحيل ـ ولكن أختلف معك بشدة بخصوص أولاد الصادق ـ والله ديل ما عندهم علاقة بالفن ـ وكمان معاها عجرفة ـ وهمة بتاعت عظمة
ياخ في ناس غنوا في نجوم الغد ـ وأبعدوهم من المنافسة ـ والله تندم عليهم ـ أولاد غنايين بشكل رهيب
هارونا قلت لي :
Quote: بس مطمئن لغياب مساوي |
هاك الغياب دا ـ نوم على كدا بالله
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: أبوالحسن محمد نور)
|
غايتو يا جماعة انا السنة دي ماشي نجوم القد وليس (الغد) وعندي واسطة السنة الجاية تلقوني اساسي في اغاني واغاني
شف كيف يا هرون دياب
والله يقدك تجيب سيرتي في المنبر دا لانو اصحابي ناس تمبس وود الصايم ح يتلحوك تليحة الطريفي لي جملو
هو بالله يا هرون الطريفي فارق ولا اتلح
تحياتي يا هرون وضيوفك ايضاً
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: حافظ انقابو)
|
حافظ انقابو
كل سنة وانت طيب
ومنور قندهار
Quote: غايتو يا جماعة انا السنة دي ماشي نجوم القد وليس (الغد) وعندي واسطة السنة الجاية تلقوني اساسي في اغاني واغاني
شف كيف يا هرون دياب
والله يقدك تجيب سيرتي في المنبر دا لانو اصحابي ناس تمبس وود الصايم ح يتلحوك تليحة الطريفي لي جملو
|
وانت حتقول فيها
يمين يومين ونلقاك طالع في الكفر
بعدين ياخوي جوز اللوز ديل لو معتمد عليهم
اخير ليك تعتمد علي ( شيشة معسل تفاح هههههههههههه )
تحاياي ياجميل
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: rummana)
|
حاجة واحدة في الدنيا ما بتنفع فيها الواسطة وهي الفن النجاح الجماهيري مقياسو الجمهور مهما كانت واسطتك فلن تنجح لتصل للقبول الجماهير وشريف الفحيل نجح جماهيريا في وجهة نظري المتواضعة انه فنان ممتاز وصوته جميل وقوي وان له حضور طاغي لم يتوفر في فنان من سيد خليفة واذا مر بجاي بنقوليه الى الامام واجتهد لان تكون لديك اغانيك الخاصة وما تبقى فنان عدادات لانها اهلكت كثير من الذين كانوا قبلك
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: د.نجاة محمود)
|
كل عام وانتم بخير العزيز هارون
ياخي الود شريف ده مهضوم ولبيس وبينفعل مع الاغاني ودمو خفيف بتخيل لي ح ينجح لي قدام
قصة الواسطة والتوصية بقت من ضروريات الحياة يعني بدون واسطة وتوصية باص ورد في بورد بكري ماتلم فيهو لووولز
انا الكانت فاقعة مرارتي دعاية المكرونة بالمناسبة هي دعاية سودانية ولا مصرية ولا مختلطة
تحياتي ليك ولي ولدنا حسام الطال غيابو
زاتوووو
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: د.نجاة محمود)
|
سلامات يادكتورة وجمعة مباركة
Quote: حاجة واحدة في الدنيا ما بتنفع فيها الواسطة وهي الفن النجاح الجماهيري مقياسو الجمهور مهما كانت واسطتك فلن تنجح لتصل للقبول الجماهير وشريف الفحيل نجح جماهيريا في وجهة نظري المتواضعة انه فنان ممتاز وصوته جميل وقوي وان له حضور طاغي لم يتوفر في فنان من سيد خليفة واذا مر بجاي بنقوليه الى الامام واجتهد لان تكون لديك اغانيك الخاصة وما تبقى فنان عدادات لانها اهلكت كثير من الذين كانوا قبلك |
وهذه وجهة نظر من دكتورة المنبر
نحترمها اتفقنا او اختلفنا معها .
تحياتي
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: rummana)
|
سلامات يارمانة
وعيدك سعيد
وكدي تعالي لي بي جاي
Quote: الأخ هارون أهو البوست ده تاني طفى إلى السطح عشان نقول ليك العيد مبارك عليك ، مؤخرا ... يا أخي نشكرك أنا وراوية العباسي جزيل الشكر على تحويل كل حسناتك في رمضان للشاب الظريف شريف الفحيل..! شايفاك عاوز تتخلص كمان من حسنات "الستوت"... :) أنا سمعت انه شريف ده من كردفان ... ومن هناك اخترت ليك هدية العيد...! تحياتي |
يعني عشان قلته شريف مابعجبني تبقي سئيات.....؟ ياخي مالكم كيف تحكمون
وبالمناسبة.....
انا ماصائم الستوت والله العظيم...ههههههه
بعدين ياخي انا ضد القبلية وحاتك عندي واحد قريبي فنان معروف
يمين اتحاسب عليهو يوم الدين ماحصلت قعدت عشان اسمعوا....
عارفه ليه....؟
لانو مابعجبني وحاسي انوا ماعندو التكتح في الغناء .....!!!!!
مرة تانية......
احترم شريف كانسان واتمني له كل التوفيق في حياته قاطبة
لكنه....
لم يطربني كفنان ( راي شخصي....)
تحاياي
| |
|
|
|
|
|
|
Re: بالنسبة لي ... شريف الفحيل ( يحلنا الحله بله) (Re: haroon diyab)
|
سلام يا هارون و كل المتداخلين ..
و مع إني لست من المختصين للحكم على شريف ..
لكن إختياره جاء عبر مسابقة معلنة نافس فيها غيره ..
و حينما كان شريف ضمن الفائزين في تلك المسابقة لم يقل أحد بأن فوزه كان مجاملة ..
بل أجمع الناس على أنه فاز لأنه يمتلك مقومات الفنان .. و هذه تكفيه ..
و إذا كنت يا هارون و من شايعك في هذا البوست لا ترون في شريف فناناً ..
فغيركم هناك آلاف مؤلفة مثلي من المعجبين بشريف و الذين يرون فيه فنانهم الشاب المفضل ..
لم أجد رأياً فنياً متخصصاً واحداً لنقد شريف ..
و كل ما قرأته هنا سلبا عن شريف لا يعدو في رأيي أن يكون مجرد كلام ساكت ..
و بالتالي مع إحترامي لك و لغيرك فحكمكم على شريف هو مجرد إنطباع من ناس ما مختصين ..
شريف ولد فنان بموهبته و بإرثه الفني المكتسب و بحضوره القوي و القبول الذي هو من عند ربنا ..
| |
|
|
|
|
|
|
|