|
|
 نداء عاجل لناس المسرح .. أغيثوني !!
|
سلام ناسي ..
مستعجل عايزة مسرحية شخوصها من النساء ولا أريد شخوص كتيرة ّّ
، ضمن الاحتفال بيوم المسرح العالمي والاحتفال بالمرأة عاجل ، يا ناس عادل السعيد وعبد المنعم وبيان ،وتماض ربت حبيب الله والغالية بت جبريل ومريم الطيب ويحي فضل الله والجميع وعفوا من لم أذكر اسمه .ز في إنتظاركم /ن
|
|
 
|
|
|
|
|
|
|
 Re: نداء عاجل لناس المسرح .. أغيثوني !! (Re: محمد الامين احمد)
|
عشة العزيزة..
يا زولة اشتغلى اسكتشات او لوحات... ولميها فى خيط واحد..
دى بتديك براح تطرحى اكثر من موضوع... والممثلين يتغير دورهم
اكثر من مرة تكون اعصابهم مظبوطة ومرتاحين.. ومافى امل اى زول ينهار فى
الكواليس...ويبكى و يصرخ ويقول ما بطلع المسرح تانى
(ديك ايام الله لا عادها)
انا مشيت لبجت المكتبة ما لقيت والله...اذا عايزة اسكتشات
نبدأ ننجر فى البوست دا .. رايك شنو..
تجى تماضر و عادل السعيد وبدر الدين ويحى فضل الله..
يتحول بوستك لورشة نجارة.. اها كيف؟
| |
|
|
|
|
|
|
|
|
|
Re: ذات مساء... رجل و امراة سودانية (Re: bayan)
|
الزوجة تنسحب وهي تتمتم بكلمات غير مفهومة
الرجل: امشي كدة وانتي عاملة زي الشباك الكسور
تدخل بنت في السنوات الاخيرة من سن المراهقة
البنت: ابوي ابوي ابوي ابوي
الرجل: بو اليطرشق لسانك .. انا ماقلتا ليك الف مرة ماتدخلي فايرة كدة
البنت: لكن يا بابا انا مابلقاك في البيت الا نادر.. عايزة اكلمك بموضوع مهم
الرجل: بعدين ما حسي
البنت: بعدين متين
الرجل: بعد ما اتعشي واشوف اخبار الساعة تسعة
البنت: يا ابوي انت بعد العشا بتطلع كرسيك الشارع وتدخل اخر الليل تتترتح تسب لينا نحنا وامي وتنوم
الرجل: ياولية تعالي شوفي بتك الكبيرة وقلة الادب الاتعلمتا منك
تدخل الزوجة. يبدو الاعياء عليها ظاهرا
البنت: ابوي هوو قولة الحق بقت قلت ادب
الرجل: علي الطلاق يامرة انتي لو ما بتك اتادبت .. اسيب ليكم البيت واعرس واحدة تلد شفع وتربيهم احسن منك
المراة: معليش يا ابو العيال مكانك محفوظ .. يابت مالك عايزة تهدي بيتنا وتخلينا بلا راجل يسترنا
البنت: ياتو بيت دة؟؟ ده بيت نحن فيهو مجرد خدامين لابوي واصحابو.. ده حتي ما عندو وكت يسمع مشاكلنا او يقعد معانا يعرفنا و يعرفنا بيهو
| |
|
|
|
|
|
|
|
|
|
Re: نداء عاجل لناس المسرح .. أغيثوني !! (Re: ود الشيخ)
|
تدخل البنت وهى فرحة و سعيدة..
البنت : ماما نسبتى 90%
الام: فرحة تحتضن وتقبلها فى خديها: الحمدلله و الشكر لله
البنت : جبت الاورنيك
الام: دقيقة نضرب لفاطمة نشوف بتها جابت شنو.
الام تجرى اتصالا تلفونيا و تسلم وتسأل : اها ان شاء الله عالية جابت كويس
بالله جابت 85% ايوة سحر جابت 90% .. ايوة طبعا حنقدم ليها طب..
الله يبارك فيك..وبرضو مبروك لعالية. الام تضع السماعة و
تفرك يديها
فرحة جبتى اعلى من عالية نسبتتها دى غياتو الا كلية عادية ولا طب اقاليم.
البنت: يا ماما لكن انا ما عايزة طب
الام: يا بت بلا مسخرة فارغة طب وبس
البنت: يا ماما انا عايزة ادرس لغات
الام: هى انت اظنك عويرة
البنت ماما اسمعينى
الام: اسمعى هنا انا بس البحدد ليك انت بتعرفى شنو.. شوفى حنان الماعندها مستوى اهلها يقرو فيها طب بالقروش.. عايزاها تكون احسن منك
البنت: يا ماما انا قلت ليك ما عايزة طب
الام: اسمعى هنا كلامى انا بس اليمشى
يدخل الاب تركض البنت وتخبره.. يفرح الاب
ويسألها: اها عايزة تقدمى شنو
الام: حتقدم طب
الاب: انا سالتها هى ما سالتك
البنت: عايزة ادرس لغات
الام: والله ياهو بس.. لغات حتستفيدى منها شنو؟
الطب الناس يقولو ليك الدكتورة.. لغات حيقولو ليك شنو..
البنت: انا ما عايزة الناس يقولو لى اى حاجة
الام: يا خسارة تعبى وتربيتى ليك جد..الدومة ما بتقع بعيد عايزة تبقى ذى ابوك دا خاملة وهاملة…
البنت: اسمعى يا ماما.. ذى ما انت عندك احلام انا عندى احلام
فارجوك ما تحققى احلامك عن طريقى و تضيعى لى احلامى
ذى ما احلامك ضاعت…وتكون دائرة مفرغة من جيل لجيل
الام: دا بس البتقدرى عليه الفصاحة وقلة الادب..
| |
|
|
|
|
|
|
|
|
|
Re: نداء عاجل لناس المسرح .. أغيثوني !! (Re: عشة بت فاطنة)
|
الصديقة العزيزة عشوش
تحياتى واشواقى
جميل انك ما زلت تحتفلى باليوم العالمى للمسرح 00 واعتقد انة بالامكان كما قالت الصديقة نجاة عقد ورشة الكترونية فى هذا البورد لانجاز النص المطلوب او بالاعتماد على ما لديك من احصائيات لكتابة نص يناقش قضية العنف ضد المرأة 00 واعتقد ان نجاة شرعت بالفعل فى الكتابة وكل ما عليك هو جر تماضر شيخ الدين للمشاركة فى عملية الارتجال او الكتابة فمساهمتها ستكون فاعلة وقيمة بلاشك ودعوة الاصدقاء الاخرين للمساهمة خاصة يحيى فضل اللة والسمانى لوال وان بدورى سابحث عن نص ملائم ولك التحية
عادل السعيد
| |
|
|
|
|
|
|
|
|
|
Re: نداء عاجل لناس المسرح .. أغيثوني !! (Re: adel alsaed)
|
غايتو يا بيان ووليد يجازي محنكم ، غايتو لو ما صتهن ، يا قولك اسكتشات ويا دار ما دخللك شر أياهن ديل زي العجب ، وننجر عليهن تاني أتنين كدا أتنين ، شدو حيلكن ، والمرة قتو لي نولدها متين مع دخلت المنقة .لووول نفس المشهد في كل مكان ..
| |
|
|
|
|
|
|
|
|
|
Re: نداء عاجل لناس المسرح .. أغيثوني !! (Re: عشة بت فاطنة)
|
سلام يا عشوشة
سعدنا انا المنجرة بتاعة وليد وبيان لاقت رضاك.. بخصوص المنقة..
عشان نعذب البطل والمنقة ...خليها تلد بعد كم يوم و الراجل يكون فى المستشفى
مكسر ينهر فى الدايات و الممرضات ما قادر يجى.. واحشاه المنقة.. وكاره زوجته وكاره ذاته ما
لانه سودانى عامل فيها عربى على قول بشاشة (الواحشنى جدا الايام دى البورد
دا ما بيبقى بلاه.. وين يا بشاشة؟..)
نتمنى منعم الجزولى برضو يخش فيها....وبرضو يا جزولى وينك؟
لا هنا لا هناك ما ظاهر...الشوق بحر...
لو قدرتى تقنعى الجزولى حيكون الاوسطى الكبير ونحن على هداه...
ويلا يا اهل مسرح وحرف
| |
|
|
|
|
|
|
|
|
|
Re: نداء عاجل لناس المسرح .. أغيثوني !! (Re: bayan)
|
| Quote: شكرا ليك أخي تروتسكي للفت نظري لبوست الرائع الفاتح ، ويا الفاتح ما نمت من الفرح لمن ذكرتني بلوحة تماضر وهاك يا خيال معاه لمن الصباح دخل .. وحاوريك ما صنعته بها وراجية موافقة بت شيخ الدين وحتكون ليوم المرأة العالمي ..حتى لو ما وافقتي يا تماضر زي ما قت مسرح المراة الوحيدة |
حقتك يا عشة....ملك حر
موافقة تماضر دى الجابها شنو كمان؟؟
امشى ويب سايت اسمه "مسرحيون" فيهو نصوص عربية ...ممكن تعملى ادابتيشن...
| |
|
|
|
|
|
|
|
|
|
Re: نداء عاجل لناس المسرح .. أغيثوني !! (Re: محمد الامين احمد)
|
المشهد غرفة رجل منطرحا على سرير.. يشاهد التلفزيون
بيان منطرحادي جبتيها من وين ..
الاخ محمد الامين شكرا على اللنك والشرح ، اصلي في المنبر دا ابلد واحدة في الفتيش ، الحاجة ولا القاه قدامي ولا مالي بيها غرض .. بس المرة ما في طريقة للكسل ..
أ÷ا ما تواصلو موضوعكم ...
| |
|
|
|
|
|
|
| |
عشة بت فاطنة
nazar hussien
معتز تروتسكى
محمد الامين احمد
bayan
Walid Safwat
وهو يتابع المشاهدة ولا ينظر الى المرأة) شوفى امك تمشى معاك بكرة فى كورة انت ما عارفة انه يوم التلاتة انا بمشى الاستاد؟
adel alsaed
Tumadir
فيس بوك
تويتر
انستقرام
يوتيوب
بنتيريست