|
|
 بورداب الإمارات ممكن دقيقة ..الموضوع مستعجل !
|
كيفنكم كلكم
والحمد لله على سلامة موقعنا
أدخل في الموضوع ..
إقترح الزميل "خليل " من خلال بوسته "بدل تكتبوا ملح ادفعوا مية دولار لحماية الموقع "
وبناء على هذا اتمنى ان تستجيبوا وفي راي أن يتفاوت المبلغ بين مية دولار إلى مية درهم ـحسب المقدرة ـ ...ويا جماعة طبعا انتو
عارفين انو انظمة الحماية دي مكلفة ومرتفعة قدر شنو ، والحاجة دي ما مساعدة لبكري ، بقدر ماهي مساعدة لينا ، وللمنبر البنعبر فيهو كلو يوم
بحرية، وبنلقى فيهو نفسنا ، ما عايزة أكتر في الإنشاء الامر عاجل وعايزة اسمع منكم هنا...على أن يتم الامر بسرعة .
مافي تملص الرواتب على الأبواب ...وناس البزنس الحر "عيني باردة ".
متأكدة من تفاعلكم .
* على فكرة ده ما خير ده واجب .
|
|
 
|
|
|
|
|
|
|
 Re: بورداب الإمارات ممكن دقيقة ..الموضوع مستعجل ! (Re: داليا حافظ)
|
داليا سلام عليكم
ما تكسير لي مقاديفك وكدا لكن عايز انيهك لي حاجة قد تكون فاتت عليك
قبل كدة تعرض الموقع لمشاكل فنية في السيرفر اعتقد ايام دكتور مصطفى و القصائد و التجاهل
و توقف لفترة
المهم الناس اقترحت حتة عمل دعم لبكري بنفس الفكرة الحالية
و بعبارات واضحة و قاطعة بكري رفض الدعم المادي و شكر الأعضاء
لكن اذكر طلب منهم يساعدوه بالتخفيف على الباندودث ولا حاجة قريبة من كدا
فحكاية دعم مادي قبل ما الناس تشرع فيها لابد تاخد راي بكري اولا
دا من ناحية من ناحية تانية
وين انتي ؟
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: محمد البشرى الخضر)
|
ود البشرى
سلامات
Quote: المهم الناس اقترحت حتة عمل دعم لبكري بنفس الفكرة الحالية
و بعبارات واضحة و قاطعة بكري رفض الدعم المادي و شكر الأعضاء
|
عموما لوده حصل حنكون عملنا العلينا .
| Quote: فحكاية دعم مادي قبل ما الناس تشرع فيها لابد تاخد راي بكري اولا |
ما فاتت علي يا ود البشرى لكن الماسنجر ما شغال .
بعدين الباندوث ما هو الموضوع على حسب معلوماتي المتواضعة ، الموضوع درجة حماية عالية ..ودي مكلفة جدا جدا ، بعدين الدعم ده
مالي بكري ، لأنو الموقع ده حقنا كلنا .
أنا كنت مهكرة 
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: داليا حافظ)
|
الباشمهندس / بكري أبوبكر
المحترم
أود ان أفيد سيادتكم أن هذا البوست ـ ليس خيريا ـ ، والهدف من وراءه هو الحصول على اكبر قدر من الحماية للموقع ، لأنه أصبح من
المراجع السياسية والثقافية والتوثيقية الكبيرة ، وان عدد مقدر من الأعضاء يخافون على مشاركاتهم الكبيرة وحتى المتواضعة منها ، صحيح
أن الموقع تحت إدارتك ، وسيطرتك ولكنه لم يعد ملكا لك ، "وكلو عضو هنا عندو طوبة فيهو " ، لذلك لا ارى معنى للحساسية ـإن وجدت حسب
إفتراضات البعض ـ ، لذلك فإن إقتراحي أتى من هذا القبيل ، حاولت الوصول لك عبر الماسنجر ولم اوفق.
وأن لم يروقك الكلام أعلاه فأرفضه وسأتقبله بكامل الروح الرياضية والإحترام .
وكان الله من وراء القصد .
تحية وإحترام .
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: داليا حافظ)
|
اذا كنتم جادين وتريدون نجاحا لهذه الحملة اقترح مايلي/
1/ ان يتساوى الجميع في قيمة المبلغ لكي لا يحدث تقاعس ( لا يوجد عضو في الأمارات فقير بالمعنى المعروف .. والفقير بالمعنى المجازي تجده اكثرهم مشاركة واستفادة من الموقع)
2/ ان تكون قيمة المساهمة 1000 درهم ( ألف درهم) للجميع وتدفع مرة واحدة
3/ ان يتم سحب عضوية اي شخص لا يلتزم بالدفع في مدة محددة ( اقترح قبل نهاية العام )
4/ ان يتم جمع المبلغ لدى داليا حافظ فقط وتقوم هي بالاعلان عن المسددين فورا في بوست خاص
5/ ان تكون ضربة البداية في الامارات وتحديدا في العاصمة ثم ينداح المشروع ليشمل بقية الامارات وبقية دول الخليج وامريكا واوربا ووالخ
الأمر جلل ويحتاج فعلا الى تضحية حقيقية وليس اعذارا ممجوجة ومكررة من نوع الناس ظروفها ما زي بعض والقادر يتقدم والمبلغ كبير وهكذا
ما يحدث في البورد اهانة لكم جميعا فدافعوا عن عرضكم المنتهك وكلنا في الهم شرق
لكم احترامي
والبينا مشهودة
عارفانا المكارم انا بنقودا
والحارة بنخودا
( واحد يرفع لينا الاغنية بالله )
وليقدام
شكرا داليا وانا جاهز وكذلك جني والكيك والكاشف اخوي مقنع الكاشفات
_________________
رب اشرح لي صدري
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: محمد عبدالقادر سبيل)
|
Quote: / ان تكون قيمة المساهمة 1000 درهم ( ألف درهم) للجميع وتدفع مرة واحدة
|
إذا أتفق الجميع على كده أنا اول الموافقين .
| Quote: الأمر جلل ويحتاج فعلا الى تضحية حقيقية وليس اعذارا ممجوجة |
أتفق معك .
Quote: ما يحدث في البورد اهانة لكم جميعا فدافعوا عن عرضكم المنتهك وكلنا في الهم شرق
|
هذه مهزلة لابد أن تتوقف ولا يمكن ان نقف جميعا وننظر للسفينة وهي تغرق .
Quote: شكرا داليا وانا جاهز وكذلك جني والكيك والكاشف اخوي مقنع الكاشفات
.
|
شكرا محمد عبدالقادر وجني والكيك والكاشف لقد أسلجتم صدري وانتم لها دون شك .
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: محمد البشرى الخضر)
|
Quote: ما قصة حساسية افترضناها يا داليا بل لانو مر موقف مشابه الى حد ما من قبل
ما علينا
|
ودالبشرى
أنا الكلام الكتبتو لي بكري عشان أقفل بيهو الحتة دي ..وفهمت كلامك ووقع لي ومتى ما بكري يطلب مننا نقيف ..حنقيف .
| Quote: داليا الناس ديل اتداخلوا بالحبر السري و لا شنو |
لأ ورد ذكرهم في مداخلة سبيل بإعتبار إنهم جاهزين .
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: م. سيد احمد قدورة)
|
Quote: هو بورداب الخرطوم مفلسين ولا مفلسين يعنى
|
أنا غايتو لمن كنت في الخرطوم جاهزين دي ماكنت بقدر أقولوا بملأ الفم ..ما تشوف القرضمة دي هسة يا قدورة .
عشان كدة بتوقع أنهم مفلسين لكن في المروقين طبعا .
Quote: ما لميتى فى صورتك لسع
|
ده طرفي من الصورة خلونا في الكاش البقلل النقاش .
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: داليا حافظ)
|
يابورداب الأمارات والله جاتكم فرصة ذهبية لقيادة الركب واخذ ذمام المبادرة فلا تترددوا او تتخاذلوا
الف درهم ما كتيرة قياسا الى اهمية الموقع ودوره في حياتنا
ما يحدث يحتاج فعلا الى وقفة فيها تضحية كبيرة وجذرية
بالمناسبة انا لم استأذن جني ( ولا اعرفه حتى ) ولا الكيك ولا الكاشف اخويولكنني اعلم انهم من النوع الذي يشحذ فعل الخير ويأخذ بالذمام فاحببت دفعهم الى ذلك وهم في حل مما الزمتهم به حتى يرتضوه
انما جاهز لو وقف معي عشرة فقط
1000 درهم والهدف مليون
شكرا للجميع
____________________
رب اشرح لي صدري
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: عبدالرحمن الحلاوي)
|
طيب ايه رايكم يتحول الموقع الى شركة مساهمة عامة ( برأسمال عشرون مليون دولار في صورة مليوني سهم قيمة كل سهم عشرة دولارات )
على ان يمتلك بكري ابوبكر 51% من الاسهم بدون ان يدفع مبلغا اضافيا فيضمن رئاسة مجلس الادارة والمدير العام بحكم ترجيح اسهمه ويسمى المؤسس ورئيس مجلس الادارة والمدير العام ويتولى الجوانب الفنية جميعا.
بمعنى ان تقييمنا لاصول الموقع حاليا + اسمه التجاري بما يعادل عشرة مليون دولار تقريبا
وبقية المبلغ - عشرة مليون دولار - يتم توزيعه على بقية المساهمين كل حسب رغبته
ويتم تعيين مستشار قانوني من البورداب ومحاسب ومراجع ومسؤول اعلانات وهكذا في اطار مأسسة الموقع وتحوله الى شركة محترمة وقوية.
وبالانتخاب يتم انتقاء مجلس اداري دوري للبورد ولكل منبر على حدة سنويا.
رايكم زاد فضلكم
__________________
رب اشرح لي صدري
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: محمد عبدالقادر سبيل)
|
Quote: طيب ايه رايكم يتحول الموقع الى شركة مساهمة عامة ( برأسمال عشرون مليون دولار في صورة مليوني سهم قيمة كل سهم عشرة دولارات )
على ان يمتلك بكري ابوبكر 51% من الاسهم بدون ان يدفع مبلغا اضافيا فيضمن رئاسة مجلس الادارة والمدير العام بحكم ترجيح اسهمه ويسمى المؤسس ورئيس مجلس الادارة والمدير العام ويتولى الجوانب الفنية جميعا.
بمعنى ان تقييمنا لاصول الموقع حاليا + اسمه التجاري بما يعادل عشرة مليون دولار تقريبا
وبقية المبلغ - عشرة مليون دولار - يتم توزيعه على بقية المساهمين كل حسب رغبته
ويتم تعيين مستشار قانوني من البورداب ومحاسب ومراجع ومسؤول اعلانات وهكذا في اطار مأسسة الموقع وتحوله الى شركة محترمة وقوية.
وبالانتخاب يتم انتقاء مجلس اداري دوري للبورد ولكل منبر على حدة سنويا.
رايكم زاد فضلكم
|
الاخ سبيل
اذا تم الامر كما تقول
وامتلكت انا شخصيا عدد مقدر من الاسهم
هل يستطيع بكرى ايقاف عضويتى فى موقع اساهم فيه بحر مالى ؟
هذا بحسبان انى ارتكبت خطأ او خالفت اللوائح
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: محمد عبدالقادر سبيل)
|
الأخوة بورداب الإمارات
للجميع حق الإقتراح ، ولكن دعونا لا نحول مسار البوست لموضوع آخر .
الموقع يحتاج لدرجة حماية عالية تجنبه خطر الإختراق ..وهذه الحماية تتطلب صرفا ، لذلك كان إقتراحي وبالأحرى الإستاجبة لإقتراح
الأخ "خليل" ،لذلك فمن رأي إذا تعددت الإقتراحات ، فستضيع الفكرة ...مع الإحتفاظ بحقوق الجميع في إبداء الرأي .
أها قلتو شنو؟
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: محمد عبدالقادر سبيل)
|
Quote: بالمناسبة انا لم استأذن جني ( ولا اعرفه حتى ) ولا الكيك ولا الكاشف اخويولكنني اعلم انهم من النوع الذي يشحذ فعل الخير ويأخذ بالذمام فاحببت دفعهم الى ذلك وهم في حل مما الزمتهم به حتى يرتضوه
|
شكرا أستاذ عبد القادر للتوضيح لأنني أعتقدت فعلا أنك تتكلم بإسمهم .وعذرا جني والكيك والكاشف على إقحامكم في شيء لا نعرف رأيكم فيه .
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: Mohammed Ibrahim Othman)
|
Quote: الاخ سبيل
اذا تم الامر كما تقول
وامتلكت انا شخصيا عدد مقدر من الاسهم
هل يستطيع بكرى ايقاف عضويتى فى موقع اساهم فيه بحر مالى ؟
هذا بحسبان انى ارتكبت خطأ او خالفت اللوائح |
اخي علي بشير
السلام عليكم ورحمة الله وبركاته
في حال اقرار الاقتراح فانه سيتولى امر الفصل في شأن اللوائح وتطبيقها للجنة ادارية تنتخب سنويا لمراقبة كل منبر من منابر الموقع
غالبية اصوات اللجنة هي التي تقرر الفصل أو التعطيل أو غيره وبكري يجري قرار اللجنة أو من يقوم فنيا بهذه المهمة
هذا امر لا علاقة له بالحقوق كمساهم له ارباحه السنوية من ريع الموقع واستثماراته
فانت تكتب في البورد كمحرر لا كمساهم في رأس المال .. هذا شئ يحكمه قانون وهذا شئ آخر له قانونه الخاص المختلف وفي الحالين كلنا خاضعون للقانون على قدم المساواة.
لك احترامي
__________________
رب اشرح لي صدري
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: salee)
|
Quote: للجميع حق الإقتراح ، ولكن دعونا لا نحول مسار البوست لموضوع آخر .
|
حسنا داليا
فلنجمع بين الحسنيين
بمعنى ان نتبرع بشكل عاجل بمبلغ 100 درهم او 200 درهم بشكل عاجل لدعم بكري الآن
وأما بخصوص التحول الى مؤسسة شراكة فقد نبهني احدهم بأن تقييم اصول الموقع حاليا لا يتجاوز المائة ألف درهم ، وقد استغربت لذلك ولكنه قال لي انه مختص ويعرف
وعموما فاننا نرفع الأمر الى الريس بكري ابوبكر
ونريد ان يفيدنا حول رأيه بصدد مبدأ تحويل الموقع من ملكية فردية خاصة به الى شركة مساهمة يتولى هو رئاسة مجلس ادارتها ورعياتها التقنية بعد تقييم الاصول الحالية باعتبارها 51% من رأس المال.
ثانيا فليفدنا بكري ايضا بتقييمه هو لأصول الموقع حاليا مع بعض التفصيل
ثالثا ليته ينورنا حول افاق الاستثمارات الممكنة والتي يقف التمويل عائقا أمامها حاليا، ومدى جدواها الاقتصادية ، وايضا ليخبرنا عن رأس المال الاضافي الكافي لكي يكون موقعنا هذا في مقدمة كل المواقع السودانية الأخرى بما فيها المواقع الرسمية.
دينا .. اعود فأقول
فلنجمع 100 أو 200 درهم عاجلا وتكوني انت - في ابوظبي كبداية - المسؤولة عن التحصيل واعلان ذلك في بوست مستقل احقاقا للحقوق وشحذا للهمم، واما موضوع الشراكة والمأسسة فنتركه لمعرفة رأي بكري اولا
وشكرا
________________
رب اشرح لي صدري
| |
|
|
|
|
|
|
|
|
 Re: بورداب الإمارات ممكن دقيقة ..الموضوع مستعجل ! (Re: داليا حافظ)
|
داليا
سلااااام
اها اتفقتوا علي شنو ؟ الموضوع لازم يكون جادي شوية والناس تبدا بالتنفيز
وانحنا معاكم في الي بتقرروه
بس ما شايفة انوا بكري علق علي الموضوع ؟
فنا بقول ليه :
كلنا بنحب المنبر وحاسين انوا حقنا وده جزوا من عالمنا
وده اقل شي ممكن نعملوا عشان ندافع عن موقعنا
فياريت يا استاذ بكري تشوف وجهة نظرنا دي
تحياتي
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: طارق الكوتش)
|
Quote: اذا تم الامر كما تقول
وامتلكت انا شخصيا عدد مقدر من الاسهم
هل يستطيع بكرى ايقاف عضويتى فى موقع اساهم فيه بحر مالى ؟
هذا بحسبان انى ارتكبت خطأ او خالفت اللوائح |
هو ده السبب البخلى بكرى ما يوافق بمساهماتكم للموقع عشان
ما يجى واحد ينط ليه ويقول ما عايزين نكتب رجع لينا فلوسنا
شوفى يا داليا اقتراحك جميل وعملى لكن ناس (التفاصيل) ديل
بجيبو الهوا البخلى بكرى يرفض فكرة المساهمه المذاعه على
الهواء دى..عشان كده بنكون متحفظين زى ودالبشرى ..لحدى
ما تاخدى موافقة بكرى ..لكن بالشايفو مع ناس(التفاصيل)
ديل الله اعلم بكرى يوافق..
ودى وتقديرى..
____________________________________________
وبرضو انا جاهز للمساهمه..
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: Adam Mousa)
|
Quote: هو ده السبب البخلى بكرى ما يوافق بمساهماتكم للموقع عشان
ما يجى واحد ينط ليه ويقول ما عايزين نكتب رجع لينا فلوسنا
|
تعرف يا آدم موسى ، أنا إتخيلت أنو الناس بتتعامل مع الموقع ده على أساس أنو بتاعنا كلنا ،وبكري الريس .
عشان كده إتوقعت ومازلت بامل إنو يكون ده الفهم .
ونحن في إنتظار رأي بكري على كل حال .
| |
|
|
|
|
|
|
|
|
 Re: بورداب الإمارات ممكن دقيقة ..الموضوع مستعجل ! (Re: داليا حافظ)
|
آدم موسى
Quote: شوفى يا داليا اقتراحك جميل وعملى لكن ناس (التفاصيل) ديل
بجيبو الهوا البخلى بكرى يرفض فكرة المساهمه المذاعه على
الهواء دى..عشان كده بنكون متحفظين زى ودالبشرى ..لحدى
ما تاخدى موافقة بكرى ..لكن بالشايفو مع ناس(التفاصيل)
ديل الله اعلم بكرى يوافق..
ودى وتقديرى.. |
عشره على عشره
تخريمه
سلامات ياراجل ومشتاقين
خلينا نجتمع فى اى دار سودانيه بالامارات نتعارف و نتكاتف و نقرر و نفذ
وانت انسب زول للحته ده يا آدم موسى عشان التنسيق
مودتى للجميع
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: طارق الكوتش)
|
Quote: ناس (التفاصيل) ديل
بجيبو الهوا |
هواء يضرب صلعتك البتضوى فى صورة بروفايلك دى يا ادم موسى
المهم
انا فى ردى على الاخ سبيل حاولت اجيب المفيد وظنيت انو الاخت داليا حافظ
ح تفهم رسالتى اذا ما استصحبنا مداخلة الاخ ابو حتوت
لانو فعلا الموضوع دا نوقش قبل كدا وبكرى رفض رفضا باتا اى مساهمات خارجيه
من العضويه او من غيرها وباى شكل من الاشكال وقفل الموضوع فى حينه
وكما تفضلت يا اخ ادم فأن بكرى يرفض الدعم الخارجى الذى يمكن ان يفقده
كل او جل صلاحياته الاداريه والاشرافيه على الموقع الذى بناهو من الصفر الى
ان صار اكبر منبر سودانى على الشبكه العنكبوتيه واصبح مرجع للباحثين
هذا ما قصدت ايراده من مداخلتى والتى يبدو انها لم تفهم على النحو الصحيح
خاصه من صاحبة البوست التى تجاهلت الرد عليها وتفضلت بالاشاره لها بانها
مداخله انصرافيه والقصد منه محاوله اخراج البوست عن مساره
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: على محمد على بشير)
|
Quote: انا فى ردى على الاخ سبيل حاولت اجيب المفيد وظنيت انو الاخت داليا حافظ
ح تفهم رسالتى اذا ما استصحبنا مداخلة الاخ ابو حتوت
لانو فعلا الموضوع دا نوقش قبل كدا وبكرى رفض رفضا باتا اى مساهمات خارجيه
من العضويه او من غيرها وباى شكل من الاشكال وقفل الموضوع فى حينه
وكما تفضلت يا اخ ادم فأن بكرى يرفض الدعم الخارجى الذى يمكن ان يفقده
كل او جل صلاحياته الاداريه والاشرافيه على الموقع الذى بناهو من الصفر الى
ان صار اكبر منبر سودانى على الشبكه العنكبوتيه واصبح مرجع للباحثين |
انا اتفق ميه فى الميه ..عشان كده حولت اشرح وافصل مجمل ما طرحته..
ولكن ينبغى للاخت داليا ان تتفهم طرحك والذى اعتقد انه مهم
وليس انصرافى ..(انت انصرافيك فى وارغو) بهناك لكن هنا جادى ومختصر ومفيد
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: Adam Mousa)
|
اين داليا ؟
اقترح ان نحدد يوما ومكانا لاجتماع بورداب ابوظبي وذلك بغرض جمع مبلغ 200 درهم من كل مستطيع و100 درهم من كل بوردابي معسر على ان يحرص الجميع على الحضور شخصيا او عبر من ينوب ويمثل
لنكن فاتحة خير ومحفز عليه وليأت من شاء بعدنا
دينا حديي المكان والزمان
ثم كلفي كل واحد ممن ابدوا استعدادهم ههنا لتبليغ ثلاثة على الأقل
هاتفي
0504415363
_________________
رب اشرح لي صدري
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: على محمد على بشير)
|
Quote: انا فى ردى على الاخ سبيل حاولت اجيب المفيد وظنيت انو الاخت داليا حافظ
ح تفهم رسالتى اذا ما استصحبنا مداخلة الاخ ابو حتوت
|
الأخ علي محمد علي بشير
أزيك
والله أنا ما إجتهدت أقرى بين السطور ..وحسيت أنو الرد موجه للأخ سبيل ، بعدين انا فهمت كلام ود البشرى ،وجهت كلامي لبكري أبوبكر وقلت
في حال إنو رفض حأستجيب بكامل الروح الرياضية ، وإعتبرت كلام سبيل وردك عليه ليس له علاقة بما طرحت حتى من باب التلميح ، لذلك حاولت
توجيه مسار البوست لغرضه الأصلي وحتى لا نساق إلى موضوع آخر ولو بحسن نية ، وأعتقد ان من حقي الدفاع عن فكرتي .
Quote: هذا ما قصدت ايراده من مداخلتى والتى يبدو انها لم تفهم على النحو الصحيح
خاصه من صاحبة البوست التى تجاهلت الرد عليها وتفضلت بالاشاره لها بانها
مداخله انصرافيه والقصد منه محاوله اخراج البوست عن مساره
|
ما كان قصدي ابدا التجاهل ، ولكن كنت مستعجلة لإنشغالي فأحببت أن أوجه مسار الحديث ، حتى أنني لم ارد على الكثيرن بما فيهم سبيل
نفسه والذى إستجاب مشكورا وفهم قصدي ، وفي مجمل الأحوال فقد إحتفظت للجميع بحق إبداء الراي وفي كل الاحوال إن فهمت انني تجاهلتك فلك
العتبى حتى ترضى .
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: داليا حافظ)
|
| Quote: أكتب بوست معنون بأسمه أم انتظر الرد هنا ؟ |
تشكرى كتير عزيزتنا داليا على اهتمامك بموضوع (حماية) المنبر
اعتقد ان بكرى حسب افادته فى بوست آخر انه مشغول جدا بتمشيط جيوب الغزاة..
ولم يضع سلاحه بعد ..
فمن رأى امهاله قليلا ..
فقط المطلوب ان نحرس البوست بالمداخلات او باضعف الايمان UP ...
ودى وتقديرى..
| |
|
|
|
|
|
|
|
|
|
Re: بورداب الإمارات ممكن دقيقة ..الموضوع مستعجل ! (Re: داليا حافظ)
|
هسع ياخوانا كان سألونا ساكت : راجين بكري لشنو؟
عشان نقول ليهو عايزين نتبرع دعما ودفاعا عن منبرنا وللا كيف؟
الداير يتبرع ويدعم وياخد موقف شجاع ومشرف محتاج سؤال واستئذان من المدعوم ؟
ولو اي واحد فينا مكان بكري يقول شنو
يقول آآي ادعمونا وساعدوني يا محسنين؟ معقولة؟
البعرفو غايتو السودانيين بيعصروا المساعدة للزول في جيبو غسب غسب وهو يناتل فوقم، ويحلفوا عليو طلاقات ويزعلوا منو كان ابا
طيب نحن عايزين شنو؟ لو عشان موضوع التحول الى مؤسسة شراكة؟ أوكي
بس هسع خلونا في التبرع والدعم
الحقيقة التبرع فيهو جانب معنوي مقرون بالعمل والتعبير المتمثل في الجية بالدرب كنوع من التظاهر والنصرة
عشان كدا ما محتاجين استئذان لو كنا جادين ما مكشكرين فقط !!
لذلك اقترح الآتي:
تجهز داليا رسالة مشتركة موجزة ومكثفة ، في ذيلها التبرع بالاسم
الرسالة يجب ان تكون غير مسيسة
يعني جامعة ومعبرة عن الجميع فحواها رفض الاعتداء على المنبر وعلى حياديته وحريته واسراره وحقوق اعضاؤه جميعا بدون تمييز
ونقول في الرسالة ان موقفنا هذا ليس فيه من ولا رياء ولا تفضل على بكري ، بل بكري هو صاحب الفضل علينا طول الزمن الفات دا كلو سمح لينا نقول راينا وعمل لينا مكتبات ارشيفية وخلانا نتشاكل ونتصالح في حوشه على الرحب والسعة بدون قرش ولا تعريفة ، وتبرعنا الآن هو تبرع لأنفسنا ولحماية المنبر وهو - على تواضعه - بمثابة رد عشر معشار دين بكري علينا ، ولا نطلب مقابله جزاء ولا شكورا
بل يجب على بكري ونطالبه بأن يطبق علينا القانون اذا خالفناه قبل غيرنا ونحن راضون حينئذ كل الرضا وشاكرين
دا الواجب واخلاق السودانيين
ولا شنو يا جماعة ؟
لكم محبتي
_________________
رب اشرح لي صدري
| |
|
|
|
|
|
|
| |
داليا حافظ
ASHRAF TAHA
Nader Abu Kadouk
محمد البشرى الخضر
فتحي الصديق
محمد عبدالقادر سبيل
م. سيد احمد قدورة
الزنجي
ashraf mukhtar
عبدالرحمن الحلاوي
على محمد على بشير
Mohammed Ibrahim Othman
عواطف ادريس اسماعيل
salee
Adam Mousa
Yassir Tayfour
ombadda
mahdy alamin
abas
فيس بوك
تويتر
انستقرام
يوتيوب
بنتيريست