|
Re: كان كناحة ما عارف! (Re: Hussein Mallasi)
|
Quote: فالكتاحة غير ما توسـخ و تكرِّه الناس و تجيب ليهم الحساسية ما عندها فايدة |
ودا هو بالزبط سبب الإسم يا حسين.. الفرق إنو دي جاية عشان تكرّه ناس معينين بالإسم.. ما سمعت بعصار المفازة البغنوا عليه وبشكروا بيهو؟..
| |
|
|
|
|
|
|
Re: كان كناحة ما عارف! (Re: Hussein Mallasi)
|
كاتبى المفضل هذه الايام ...لكن ياملاسى الكتاحة فى وجوه الكيزان ماكتاحة عامة ...يعنى كتاحتنا بت###### وبتكره الكيزان بس ..اما بالنسبة لنا نحن فهى نسام ..يشهد الله اجمل من رائحة الطين حين يبتل بعد سقوط الامطار فى ليل من ليالى اربجى الخريفية ...
فالكتاحة اسم من الثقافة السودانية ...و(لحس الكوع) دا كمان نعطى نيشان العبقرية لصاحب الملكية الفكرية فهو سخرية وتحدى شباب السودان لمن يظن ان السودان ملك له هو وحده ..
تحياتى ياحسين ...
| |
|
|
|
|
|
|
Re: كان كناحة ما عارف! (Re: Hussein Mallasi)
|
Quote: فالكتاحة غير ما توسـخ و تكرِّه الناس و تجيب ليهم الحساسية ما عندها فايدة.
|
(وأصحاب الجبب الرهاف والزمم الخفاف) حين توجه لهم بتصيبهم في مقتل ....وهنا بيت القصيد انت ياملاسى ماسمعت بالمثل البقول ليك ( الترابة التكتحك) او مقولة ماعندك التكتح ...
| |
|
|
|
|
|
|
Re: كان كناحة ما عارف! (Re: محمد البشرى الخضر)
|
كلامك سليم يا ود البشرى
والكتاحة في قاموس الرندوك : تعني انه في مصيبة او مشكلة جاية
يا عجائز هوي انت قايلين المظاهرات دي سنة 1964 دي عام 2012
ساوينها ناس الكتمة والزنقة والكتاحة دورها وعاوزين تجو تقعلوها منهم حتى التسمية عاوزين تكيفوها معا مفهومكم
كتــــــــــــــــــاحة العاجبو عاجو الما عاجبو يسوى ثورتو براهو
| |
|
|
|
|
|
|
Re: كان كناحة ما عارف! (Re: وليد محمد المبارك)
|
Quote: العاصفة مثلا كانت أقوي |
صحيح .. أو قل الإعصار .. فالإعصار يقتلع .. أما الكتاحة غير ما توسـخ و تكرِّه الناس .. الخ!
_______ و لو مصريين على السودنة سموها السيول و الفيضانات!
| |
|
|
|
|
|
|
Re: كان كناحة ما عارف! (Re: Hussein Mallasi)
|
Quote: العاصفة مثلا كانت أقوي |
صحيح .. أو قل الإعصار .. فالإعصار يقتلع .. أما الكتاحة غير ما توسـخ و تكرِّه الناس .. الخ!
_______ و لو مصرين على السودنة سموها السيول و الفيضانات!
| |
|
|
|
|
|
|
Re: كان كناحة ما عارف! (Re: Hussein Mallasi)
|
Quote: صحيح .. أو قل الإعصار .. فالإعصار يقتلع .. أما الكتاحة غير ما توسـخ و تكرِّه الناس .. الخ! _____ و لو مصريين على السودنة سموها السيول و الفيضانات! |
ههههههههههههه ملاسي ياخي خليك جادي !
--
لكن للامانة النقاش هادي وموضوعي
| |
|
|
|
|
|
|
Re: كان كناحة ما عارف! (Re: قيقراوي)
|
زميل خليجي كل مايقبلني يقول لي كيفك ياكتاحة.. فسالتوا قال لي في مطار الخرطوم استقبلوه اصحابو سودانيين وبمجرد دخولهم التكسي صاح الجميع كتاحة كتاحة قفلوا الزجاج. قال بعد شوية أظلمت الدنيا واصريت على العودة للمطار ولم اكمل زيارتي الا بعد شهرين. إذن الكتاحة اختراع سوداني سيتناقله الجميع قريبا. ------ سلام ياحسين وزوارك الأكارم
| |
|
|
|
|
|
|
Re: كان كناحة ما عارف! (Re: قيقراوي)
|
Quote: من قاصر الخيال ذا الذي أطلق على ما يحدث هذه الأيام اسم الكتاحة؟!
|
والله لو عرفت قاصر الخيال منو بتضايق كلو كلو يا عمك!
---- الكتاحة دي ما الزيت ذاااااتو ياخ!
| |
|
|
|
|
|
|
Re: كان كناحة ما عارف! (Re: عوض عبدالله طه)
|
الكتاحة اسم جميل لثورة السودان برغم التفسيرات الكثيرة ما زال ملاسى غير مقتنع ! دى مشكلتنا نحن لا نكتب كى نتعلم بل نكتب لكى نثبت أننا احنا الصاح .. لو امعنا الفكر فكلمة ثورة ذاتها تعنى كتاحة إثارة التراب
| |
|
|
|
|
|
|
Re: كان كناحة ما عارف! (Re: محمد النيل)
|
قال ملاسي: ليس للكتاحة من فائدة معتبرة، فلم اتخاذها شعاراً! قالوا مفسرين: إنها كتاحة على الحكومة، نسام على الشعب! فقال ملاسي متعجباً من ذلك:
Quote: اللهم إلا إن كانت كتاحة موجهة بالليزر! |
هههههههههههه على ما أظن ملاسي كسب هذه الجولة! ولا يمكنك أن تقارن يا محمد النيل مفهوم الثورة، بكلمة كتاحة! وعلى أي حال لا مشاحة في الاصطلاح كما يقولون، بس: أسأل ربنا يهدي كل الثوار، إلى أن تكون ثورة سلمية، لا يخونها الجلد! ولا تساوم في حقوق الشعب!
| |
|
|
|
|
|
|
Re: كان كناحة ما عارف! (Re: صلاح عباس فقير)
|
كل ما يقولو كتاحة بتذكر الترابي غايتو.
ربنا ينصرهم كان كتاحة كان نمتي و يحفظهم لاهلهم سالمين
ــــــــــــ
Quote: بعدين يا ود البشرى يا قديم ايمن الربع يا حليلو ده جيل نيجيري وبسطاوي وسنهوري Waleed |
*ايمن الربع ده اخو نهي الربع يا وليد و البشري؟؟ السنهوري الياتو يا وليد؟
* رحاب في حالة محاولة لتتبع احوال الشفتنة
| |
|
|
|
|
|
|
Re: كان كناحة ما عارف! (Re: Rihab Khalifa)
|
تعرف يا حسين يا أخوي... إنو الناس الغبش مكتحين من يومهم...
بياكلوا في السهلة ويبلعوا معاها شوية كتاحة.. ماشين كداري. عكس الكتاحة...
مكتحين ومغبرين من العليهم وفيهم... ومتعودين عليها وما بتعمل ليهم لا حساسية
ولا بُرجم...ولا حتى كاروشة
بس في ناس عايشين في القصور ومقفلين القزاز... وديل آن لهم أن يواجهوا
الكتاحة... وهم الحايتعبوا من الكتاحة لأنو جهازهم التنفسي حنكوش... وما بقدروا على الهبباي..
عشان كده يأخذوا "فوم" بتاع كتاحة.. بعدين ينظر ويفاد في مسألة إعصارهم وعصرهم...
ودي كل المسألة يا حسين... والما ضاقوها كلهم يضوقوها...
| |
|
|
|
|
|
|
Re: كان كناحة ما عارف! (Re: Kamal Karrar)
|
ملاسي كل همه يكاوي كيكي لا الشيوعين ولا يحزنون!
اها يا ملاسي من شلاقتك وعلى غير عادتك عامل فيها ابو الدخله من الخفه و الرشاقه القتلت اشراقه اخطأت مبطيعا في عنوانك:
Quote: كان كناحة ما عارف! |
كتاااااااااااااااااحه
وليست
كنااااااااااحه!
| |
|
|
|
|
|
|
Re: كان كناحة ما عارف! (Re: عبداللطيف حسن علي)
|
و الله يا ملاسي الناس ديل حيرونا
قال كتاحة بتفرق بين الناس توســـخ ناس و تنضف ناس
دي كتاحة زكية موجه بالريموت كنترول ......
الكتاحة ما بتفرز الكل ح يصاب بالحساسية و الوســـاخة
كتاحتكم دي زي سحابة صيف تجافي بلاد ..... و تتخير فيها ولا شنو مخير الله .....
| |
|
|
|
|
|
|
Re: كان كناحة ما عارف! (Re: عبداللطيف حسن علي)
|
يا رحاب اخبارك
لالا ما سنهوري بتاعنا داك ياخ داك قديم ومعتت
ده ولد صغيروني من اولاد الرابع طالع في الكفر اليومين ديل معاه واحد اسمو نيجيري بعزف وبت حليونه كده اسمها موده
ياخ محمد وليد (9 سنوات ) ماعطني بيهم معط لمن اضريت عزمتو حفلة ليهم في نادي ودنوباوي
هاهاهاهاهاهاهاهاهاهاهاهاهاها
| |
|
|
|
|
|
|
Re: كان كناحة ما عارف! (Re: وليد محمد المبارك)
|
Quote: كلامك سليم يا ود البشرى
والكتاحة في قاموس الرندوك : تعني انه في مصيبة او مشكلة جاية
يا عجائز هوي انت قايلين المظاهرات دي سنة 1964 دي عام 2012
ساوينها ناس الكتمة والزنقة والكتاحة دورها وعاوزين تجو تقعلوها منهم حتى التسمية عاوزين تكيفوها معا مفهومكم
كتــــــــــــــــــاحة العاجبو عاجو الما عاجبو يسوى ثورتو براهو
|
لكين يا وليد ما لقيتك شفت ايوة دق ليهم الجرس دا
| |
|
|
|
|
|
|
Re: كان كناحة ما عارف! (Re: MOHAMMED ELSHEIKH)
|
Quote: قال ملاسي: ليس للكتاحة من فائدة معتبرة، فلم اتخاذها شعاراً! قالوا مفسرين: إنها كتاحة على الحكومة، نسام على الشعب! فقال ملاسي متعجباً من ذلك:
Quote: اللهم إلا إن كانت كتاحة موجهة بالليزر! |
هههههههههههه على ما أظن ملاسي كسب هذه الجولة! |
يا فقيري ملاسي محتاج يتأمل قبل ان يكتب ..
اي حاجة ليها اكثر من زاوية نظر..
القرد في الحديقة مبسوط من سيدا -كما يعتقد- انو قاعد يجيب ليو ناس عشان يتفرج فيهم!
فتأمل انت وملاسي!!
------
في اعتقادي المسألة دي دايرة ليها خيال وااااسع .. ارحب من ضيق المعنى القشري للمفردة اتسلف! واظنك تتفق معاي انو (تفسير) ملاسي للمصطلح (صطحي) جداً .. وجاااامد ول شنو!؟
| |
|
|
|
|
|
|
Re: كان كناحة ما عارف! (Re: قيقراوي)
|
على أي حال يا قيقا، كلمة كتاحة إلى الآن لم تتخذ ظلالاً واسعة وأعماقاً بعيدة، كما هو الحال لمفردة (الثورة) أو حتى (الربيع العربي)! عموماً: يبدو أن لكلمة الكتاحة معان وظلال في وعي من اتخذها رمزاً وشعاراً، ولا شك هو محل احترامي، لكن أعترف بأنّ هذه الكلمة لا تجد في نفسي الصدى الذي تجده كلمة الثورة، فالخلاف لفظي بإذن الله ولا اعتبار له! أنا أخاف أن الذين يميلون لاستخدام لفظ (الكتاحة)، يريدون أن تتم عملية التغيير بأي صورة من الصور، المهم عندهم أن ينزاح هذا الكابوس الجاثم على صدر الوطن! سواء بطريق سلمي أم غير سلمي! المشكلة: أن الحل العسكري يمد في عمر النظام، وهذا في أحسن الفروض! وأسوؤها طبعاً: الصوملة، وما أدراك ما الصوملة؟
| |
|
|
|
|
|
|
Re: كان كناحة ما عارف! (Re: صلاح عباس فقير)
|
Quote: أنا أخاف أن الذين يميلون لاستخدام لفظ (الكتاحة)، يريدون أن تتم عملية التغيير بأي صورة من الصور، المهم عندهم أن ينزاح هذا الكابوس الجاثم على صدر الوطن! سواء بطريق سلمي أم غير سلمي! المشكلة: أن الحل العسكري يمد في عمر النظام، وهذا في أحسن الفروض! وأسوؤها طبعاً: الصوملة، وما أدراك ما الصوملة؟
|
سلمية .. سلمية .. مية المية
-------
اغرب ما في البوست دا انو مفترعه .. مفترعو بي توصيف (قصور الخيال) لمن ابدع التسمية (كتاحة)!
فتأمل!!
يا سحس كدي جرب العب كشتينا في الديم وقول لشمالك (اقطع لي)! عشان تشوف شعااااااع!
| |
|
|
|
|
|
|
Re: كان كناحة ما عارف! (Re: صلاح عباس فقير)
|
الموضوع ما موضوع كتاحة يا شباب الوغد ملاسي عاوز يوصل رسالة مفادها إنو الثورة دي ثورة يحركها و يتحكم فيها الشيوعين في محاولة ( بائسة) لللعب على الوتر الديني مجدداً. دي خلاصة البوست ده ..
| |
|
|
|
|
|
|
Re: كان كناحة ما عارف! (Re: خالد عبد الله محمود)
|
غالب الأمر، أن تسميتها "تأيقنتْ" من تلك الذرّات الترابية! التي رمى بها الرسول (ص) على كُفّار متربِّصين به! تالياً( وجعلنا من بين أيديهم سدّاً ومن خلفهم سَـدّاً فأغشيناهم فهُم لا يبصرون) ...
ألم يظهر لكم السد؟ الذي حجبهم؟
والتقيل - بإذن الله - قادم لا محالة.. وسيكون: يوم تسودُّ وجوه!
| |
|
|
|
|
|
|
Re: كان كناحة ما عارف! (Re: محمد أبوجودة)
|
كأن مصمم البوستر أعلاه كائن آتي من الفضاء!
______ من متين الكتاحة بيجروا منها للعراء .. الاحتماء من الكتاحة - سادتي – يكون باللجوء لغرف (القصر) المغلقة!
| |
|
|
|
|
|
|
Re: كان كناحة ما عارف! (Re: هيثم طه)
|
Quote: من الخفه و الرشاقه القتلت اشراقه اخطأت مبطيعا في عنوانك |
ههههههههههههههههههههه اشراقة قالت ليك لا بيني لا بينك...
شفتي انك غلط قدر شنو انتي؟ اوعك تاني تجي تصلحي ليك زول... مفهوم؟
| |
|
|
|
|
|
|
Re: كان كناحة ما عارف! (Re: عبدالله احيمر)
|
Quote: من متين الكتاحة بيجروا منها للعراء .. الاحتماء من الكتاحة - سادتي – يكون باللجوء لغرف (القصر) المغلقة! |
واحد مسطول شاف زلزال ضخم دمر بلد كامل الا حته صغيرة
قال : لو كنت هناك ، كان قعدت في الحته الصغيرة دي !
| |
|
|
|
|
|
|
Re: كان كناحة ما عارف! (Re: عبداللطيف حسن علي)
|
والرباطة والربابيط وهم ناس بيقطعوا الطريق وبيقلعوا حق الناس زندية ومشهور عنهم انو المابيلقو عندو شئ بيرقصوة رقصة الرقبة .
ناس امن الانقاذ بينطبق عليهم الوصف دا
كتاحة ربابيط جن احمر ما مهم المهم الناس ديل اطيروا من حكمنا .
| |
|
|
|
|
|
|
|