حوار مع الاخت تراجي مصطفي والاخ محمد سليمان

Quote: نبهني احد الاخوة لموضوع فتحته الخالة تراجي في الفيس بوك كالت لي فيه كل انواع الشتائم هذا نصه: وحدوا الصفوف اخوتي و اخواتي الناس في الميدان متحده وبخير و الناس البره متفرقين ومتشرزمين.هزيمة المركز تتطلب الوحده ورجاء ان يحرص على الرفاق على دعم حركاتهم ماليا الرافق بالداخل محتاجين لكل مليم و العمل العسكري لما يسحن بيحتاج لدعم عشان نهزم نهار عثمان نهار واشكاله من الانتهازيه علينا بالوحده. و التحيه للرفاق قيادات حركة تحرير السودان مناي و عبد الواحد وهم يعلمون مع بهضم بتنسيق تام ربنا يكفيهم شر الانقاذ وفتنتها.ويوحد كل زعماء كاودا ويجعلهم كقلب رجلا واحد على القضيه,محبتي وتقديري اختكم ام حازم/تراجي مصطفى الرابط https://www.facebook.com/groups/339959462684887/ ثم عادت في في نفس الصفحة وكتبت التالي الفاضل ابراهيم احمد عمر امثال نهار عثمان نهار من الجاتهم بارده....ويستاهل مناوي العمل من الفسيخ شربات...هؤلاء لا يعرفون الثوره ولا اهدافها ولا مستحقتها هؤلاء للاسف اول من جنى مكسابها ,وكان ممكن نسكت وما نسالهم في مكتسباتهم الغير مشروعه لكن ان يتطالوا ويطعنوا الشرفاء,ويتسمروا ان يستمر القتل و الحرق للغبش فلا و الف لا. فلايحدثنا نهار هذا فيما ماذا وصف باس ورده وعضويته بمنبر بكري ابوبكر؟! حتى ايام ضرب الجرحى وضرب عمارة حنود مناوي صمت!! اي رجلا هؤلاء او يتوهمون بانه لا ذاكره لنا؟! اختشي يا نهار؟! وابعد من سكة الثوره و الثوار وامسك كل الانتهازيه المعك وقول لهم احسن لكم ابعدوا عن طريق القائد مناوي!!كفايه فتن ودسائس وكفايه ان تسخروا قدراتكم للجلابه ليقتلوا اهلكم. هذا النظام منهار وسنحاسبكم معهم يوم هزيمتهم ولو تفقهون هم ليسوا اقوى من حسني مبارك ولا بن علي و لا القذافي,لذا احذروا غضبة الحليم وكفى. في نفس الصفحة السابقة لا يهمني كثيرا سيل الشتائم التي انهالت بها علي الخالة تراجي فهذه عادتها منذ ان عرفناها هنا ....لكن المحير هذه الفقرة فلايحدثنا نهار هذا فيما ماذا وصف باس ورده وعضويته بمنبر بكري ابوبكر؟! حتى ايام ضرب الجرحى وضرب عمارة حنود مناوي صمت!! تتحدث السيدة تراجي هنا عن احداث المهندسين بامدرمان وتقول اني صمت وقتها ....وتناست تماما لان يستحيل ان تكون نست فقد اتصلت بي حينها تلفونيا شاكرة ومقدرة جهدي بل شاركت في مجموعة من البوستات التي فتحتها حينها وكالت لي من المديح الكثير فماذا جد اليوم لكي تنسي كل ذلك وتبدا في شتمي ؟ فهي كذابة في قولها اني كنت صامت وانتقائية في في امر عدم تذكر محادثاتها التلفونية وكتابتها المنبرية الموثقة انشاء الله الامر ما يكون ليهو علاقة بالزهايمر السياسي رابط البوست عن احداث المهندسين "الشرطة في خدمة الشعب" حالة دار حركة التحرير بالمو...تسليمها....توجد صور عينة من كتاباتها عني حينها التحيه للبطلات دارفور وهم يدشنن مناضلات من داخل سجون الخرطوم Quote: فاطمة : طالبة جامعية 20 سنة عضوة لجنة تنفيذ إتفافية دارفور والأمانة الإعلامية رشا : طالبة جامعية 19 سنة عضوة مركزية الشباب والطلاب مكتب الجندر. فردوس : مدير مكتب أمين شئون التنمية والأعمار 24سنة 1)فاطمه 2)رشا 3)فردوس اول مجموعه نسائيه تعتقل من الفصيل الموقع لاتفاقية السلام. اكتب لنا يا نهار اسمائهن كامله حتى نحفظها في سجلات تاريخ اهل الهامش وثورتهم. والتحيه لهن وياريت يا نهار ان تقدمهن لبكري ابوبكر ليشاركنا هنا,فمن يكتب من الداخل يكتب بشكل مختلف نحتاج لاصواتهن هنا. هنا مداخلة الاخ محمد سليمان تراجي.

Quote: يا نهار عثمان نهار ...... صراحة كدة إنتو ( و ناس مصطفي تيراب و ناس حركة منو كدة للسلام و غيركم .. سنأتي لذكرها بالإسم لما نفضي ليكم ) ... صراحة كدة إنتو قاعدين في الخرطوم بتعملوا شنو؟؟!!!

(عدل بواسطة Mohamed Suleiman on 05-14-2012, 06:37 PM)

Quote: ماعارف ابدا معاكي من وين يا ام حازم لكن خلينا نتكلم في نقاط.....انا ما كتبت كلمة تقدير في حقك لانو زي ما حكيت ليك كنت موقوف من المنبر لسنوات وممكن تسالي بكري وبعض معاونيه عشان ياكد ليكي المعلومة دي.الشي التاني حتي زمن وجودي في المنبر مشاركاتي كانت مباشرة في القضايا البتطرق ليها ما قاعد اخش في صراعات كي بوردية ومعارك انترنيتية عشان كدا خطوطنا ما كانت قاعدة تتقاطع كتير......................الشي التاني ان بعتبر سودانيزاون لاين منبر سوداني لكل السودانيين وقصة منبر جلابة وخلافو دي ما بتمش معاي ....وحاجة تانية ما في زول بقدر بنزع مننا الجنسية ...انتي هنا بتتكلمي عني كزغاوي وتفتكري بتمني علينا بدفاعك... كان غيرك احرص مافي زول بقدر ينزع من زغاوي جنسيتو ولو دايرا تقولي نحنا تشاديين مرحب قولي. التشاديين اهلنا واولاد عمنا وبنتشرف بيهم تب ما عندنا مشكلة في انو زول يوصفنا بيهم...التشاديين اشجع واكرم ناس ولو ما كنت سوداني كنت اتمني اكون تشادي...وعلي فكرة يا ام حازم الزغاوة الهناك في تشاد برضو في اول لفة او خلاف بقولو ليهم يا سودانيين ارجعو بلدكم....فدحين اتفقو انحنا سودانيين ولا تشاديين. انا المقعدني في الخرطوم شنو سوال جيد يا ام حازم....اول حاجة زعيمك الحالي الانتي عضوة في حركتو كان قاعد معانا في الخرطوم دي 5 سنوات...ما سالتي لي هسا الكان مقعدو شنو الفترة ديك كلها وليه هرب خلي جماعتو وقياداتو في الخرطوم....اولا كدي اساليهو واسمعي اجابتو وبعد داك تعالي لي اجاوبك....واذا كان الوجود في الخرطوم بعني العمالة مباشرة فمعناتا اهلنا الفي السودان ديل كلهم عملاء.40 مليون سوداني عميل ودا منطق ما اظن سبقك ليهو زول....وبعدين بنفس منطقك دا مناي ذات نفسو لهسي عميل لانو قعد في الخرطوم واشتغل مع البشير وطلع زعلان علي عدم اعادة تعيينو في منصبو......فيا ستي قصة وجود زول في منطقة ما بتديك انتي ولا غيرك الحق عشان توزعي عليهو شهادات النقاء الثوري ولا الخيانة الثورية.....نحن الخرطوم دي زي ما عارفة ما جيناها شحادين ولا متوسلين كلو الناس الجوها بعد ابوجا جو بقناعة انو يسهمو في دفع الامور للامام عبر الطريق السلمي وقاعدين ليه هسا انا قناعتي لسه ما اتغيرت رغم جبروت الموتمر الوطني وضيق هامش الحرية...انو من الاحسن والاجدي والاسهل تغيير النظام بالطرق السلمية اكتر من حمل سلاح من مجموعات فقط من الشعب بس.لان السودان دا بلد قارة, ومازال رغم انفصال الجنوب. ما ممكن يتم تغيير فيهو الا بمشاركة كل قواهو بمن فيهم من تنعتيهم بالجلابة لانهم ايضا جزء من مكونات النسيج الاجتماعي للوطن في يلي المناصب الحكومية والمخصصات لعلمك يا سيدتي العزيزة انا فصلت من العمل بعد خروج مناوي بايام وتعرضت للتحقيق والاعتقال وتم حجز عربتي لاكتر من شهرين لدي جهاز الاستخبارات العسكرية....وطبعا كان ما مصدقين انو مناوي ممكن يمشي ويخلي واحد من اقرب معاونيه كدا ساكت فمفتكرني زول زارعو مناوي ولمعلوماتك حتي شهور قريبة الكتيرين كان مفتكرني تابع لمناوي والحقيقة غير ذلك تماما مناوي هرب وتخلي عنا في الخرطوم وكان مفتكر اننا ح نجي زي الفيران جارين نحتمي بيهو.....وازيدك من الشعر بيت ...ابان تواجد مناوي في جوبا طبعا بدات مجموعة سميناها هنا اصطلاحا بنكسس في التمرد علي غياب مناوي وسحب الجيش للجنوب فكانو بفتكرونا نحن الواقفين لسا مع مناوي مغفلين وحصل واحد منهم صديق قال لي انتو مغفلين مناوي دا مشي وودا الجيش الجنوب وما ح يجي تاني وساق اهلو والناس الدايرم انتو ناس الاجهزة الامنية ح يقبضو عليكم ويطلعو صليبكم....طبعا اختا الامر من باب المكايدة والتخويف لكن في اول محادثة تلفونية تالية لي مع مناوي طرحتا ليهو كلام الزول بحذافيرو عشان اشوف رد الفعل بتاعو....فضحك كدا وقال لي انتا ما اوربي...في البدء اختا الموضوع علي اساس انو مناي يعني انو الموضوع ما بحصل ..لكن مع تصاعد الامور اتضح لي انو مناوي بقصد انا ما دايرك معاي هنا لكن اذا حصل حاجة تقدر تمشي لاوربا تاني....واها تم الاعتقال بعد داك ومضايقة الاجهزة الامنية ...مع دا كلو ما جرينا لحقنهاو زي الفيران زي ما كان داير ولا مشيت اوربا....داير اقول ليكي انا اخر مرتب لي استلمتو في 2010 ومن الوكت داك مفصول فصل تعسفي ورفعت قضية في محمكة العمل. جاري في اعمالي الخاصة وبوفر اكل عيالي من السوق والحمد لله عندي اخوان يسدو عين الشمس شهامة وتجردا واحد منهم استلف مرتب ستة شهور وقال هاكا مشي امورك لحدي ما ربك يفرجا....الشي التاني من تاريخ فصلي والله علي ما اقول شهيد لا استلمت قرش من حكومة ولا انعرض علي منصب ولا خلافو....ويوم مقتل خليل انا كنت في الفراش وعزيت اولادو فردا فردا وقعدت في الفراش وكتبت نعي نشرتو في النت....اخو ورفيق واعتبره شهيد وما في زول بقدر يغير لي قناعاتي دي....وقاعدين نكتب وندين الممارسات سواءمن جانب الحكومة ولا غيرها وح اجيب ليك نماذج لذلك قصة انو زول بحسبنا بشر ولا غيرو دي بترجع ليهو هو نحن عارفين نفسنا بشر والارض دي حقتنا نقوم ونقعد علي كيفنا ما عندنا احساس بالدونية ولا مركبات نقص ولا هواجس وبارونويا تجاه اي شخص...البحسبنا خلي يحسبنا المهم نحن عارفين نحن منو ونحن شنو انا قبل شهرين كنتا في الحبس لاسباب كيدية...امام المسجد بتاع السجن جعلي حكوا لي المعاهو انو بكي بدموعو يوم مقتل خليل....السجن كلو كان حزين يوم مقتل خليل لانو بفتكروهو رمز لكل مهمش ومظلوم يومو الجا بلقو حقهم...وانا شفت بعيني ديل بنات من تصفيهم بالجلابة في جامعة الخرطوم ببكوا خليل احر من لما واحدة يموت ليها شقيقا....صحي في قلة احتفلت وهي قلة مريضة لكن بالوعي والتلاحم القلة دي كلو يوم ممكن نقلل من عددا عشان يكون سودان يسعنا جميعا فيا استاذة تراجي انا ما بعت وما ببيع وما شبه البيع...فاذا في حاجة تانية ولا عندك ادلة بره من وجودي في الخرطوم دي جيبيها خلينا نتناقش...وبعد داك انتي ما زولة ناشطة في حقوق الانسان ما تكلمي اخونا مني دا يا اخي يوقف قتل المدنيين في شمال دارفور والاعتقال والتعذيب ولا كل شي بيسويهو مني عندك صاح .الحق ما بتجزا يا ستي....اتمني الكلام يكون بنفس هادئة وباحترام لبعض....التخوين الساكت والانطلاق من افكار جاهزة معلبة لنقد الاخرين ما بتودي لنتيجة

Quote: يا عزيزي نهار عثمان نهار .... ردك الفوق ده داير ليهو غربال و فرّازة .... يعني ده ما رد مهني ... ده ردك إنت لتراجي و أغلبه رد إنفعالي و طابعه المماحكة الشخصية ... أنا عايز رد مهني .... Professional

Quote: بيان هام جماهير الحركة الاوفياء الاخوة رفاق النضال نحن مجموعة من قيادات وعضوية حركة تحرير السودان وبعد التداول والنقاش المستفيضين توصلت الى وجود عدد من الاخطاء والمعوقات التى اقعدت الحركة عن القيام بالدور المنشود بها . ومن اهم هذه الاخطاء والمعوقات :- 1. عدم وجود خط سياسي واضح للحركة تجاه قضايا الوطن والتحديات الماثلة والتي تحتاج لروح وطنية للمحافظة علي وحدة البلاد من التشرزم . 2. الشلل التنظيمى الكامل الذى تعيش فيه الحركة وبعدها الكامل عن العضوية والمناضلين. 3. الفساد المالى المريع واختلاس اموال الحركة وتحويلها الى منافع شخصية ضيقة. 4. عدم اكمال هيكلة الحركة للدفع بوتيرة العمل وذلك بقصد اقعاد الحركة عن القيام باى دور سياسي. 5. عدم الانفتاح على مكونات الساحة السياسية السودانية من حكومة واحزاب معارضة. 6. السقوط الاخلاقى واللفظي لقيادة الحركة ممثلة في الامين العام وتوجيهه التهديدات والاهانات للعضوية. 7. الصمت التام والشلل الكامل تجاه حل السلطة الانتقالية وعدم الدفاع عن حقوق منسوبيها، رغم ان السلطة الانتقالية كانت ابناً شرعياً لاتفاق ابوجا ونضالات حركة تحرير السودان. كل هذه الاسباب وغيرها جعلتنا نخلص الى ان القيادة الحالية ليست على مستوى طموحات واهداف جماهير الحركة ومناضليها , وللسير قدما فى طريق الاصلاح قررنا الاتى:- 1. اعفاء كل القيادة الحالية برئاسة يحى حسن نيل والامين العام مبارك حامد على (تونج تونج) 2. حل المكتب القيادى للحركة والامانة العامة وكل مكاتب الولايات. 3. محاورة واعادة جماهير وقيادات الحركة التى ابتعدت خلال الفترة الماضية بفعل الاحباط وذلك للاستفادة من مجهوداتهم. 4. تكليف قيادة جديدة مؤقتة - لحين انعقاد مؤتمر عام للحركة – تقوم باختيار المجلس القيادى الجديد والامانة العامة ومكاتب الولايات, وفقا للنظام الاساسى للحركة وتعمل على تصحيح مسار الحركة واصلاح الاخطاء والسلبيات التى حدثت خلال الفترة الماضية, كما سوف تعمل على التحاور مع الحركات المتواجدة على الساحة بغرض التحالف ومن ثم الوحدة لاحقاً. 5. سوف نوافيكم لاحقاً باسماء كل القيادات الموافقة على هذه الخطوات التصحيحية في بيان منفصل. تم تكليف القيادة الجديدة علي النحو التالي: 1. رئيس الحركة - نهار عثمان نهار حامد. 2. الأمين العام – عادل محجوب حسين (طيارة)

Quote: بسم الله الرحمن الرحيم حل السلطة الانتقالية لدارفور هل هو المسمار الاخير في نعش اتفاق ابوجا رؤية حركة تحـرير السـودان/ قيادة نهارعثمان نهار § المحاور:- 1. تنفــيذ اتـفـــاق أبـــــوجـــا. 2. حل السلطة الانتقـــــالية. 3. الحركات غير الموقعة. 4. حركة تحرير السودان. 5. التــــحريــــر والعـــــــــــدالــة. 1-تنفيذ اتفاقية أبوجا الاتفاقية مجمدة حالياً من الطرف الحكومي ومنذ مدة طويلة وعدم تنفيذ بعض بنودها أدى إلى خروج بعض قيادات الحركة إلى الحرب مرة أخرى وعلى رأسهم الرئيس السابق للحركة مني أركو مناوي. حقيقة هناك اخفاق أيضاً من جانب حركة التحرير وخاصة في ملف الترتيبات الأمنية لكن تم تنفيذ هذا البند بعض الشيء بعد خروج مناوي. رغم أن العدد المستوعب في الترتيبات الأمنية وتم دمجهم فقط 13 ضابطاً واتفاق أبوجا كان يتحدث عن دمج ما لا يقل عن (4000) مقاتل وهؤلاء المقاتلين عدد كبير منهم مازال تحت مظلة السلام ولكن لم يتم توفيق أوضاعهم واستمرار الحال على هذا الشكل قد يؤدي إلى تفكير إغلبيتهم في العودة مرة أخرى إلى المربع الأول (التمرد). التماطل والتلكؤ من الحكومة في تتفيذ الاتفاقيات وخاصة أبوجا لا يبشر بأن الدوحة سوف تحمل جديداً لإنسان دارفور في إطار طي صفحة المعاناة والحروب. لذا نناشد الجانب الحكومي الشريك الأساسي في الاتفاق إثبات جديته في الالتزام بالاتفاقيات وخاصة أبوجا وأن لا يكون الأمر مجرد تصريحات دبلوماسية معسولة اللغة. كما هو معروف أن اتفاق أبوجا ينتهي بإجراء استفتاء إداري لتحديد وضعية الإقليم بالإبقاء على الولايات أو تشكيل إقليم واحد وهذا الاستفتاء لم يتم إلى الآن وبدونه تكون أبوجا ناقصة باعتبار الاستفتاء هو آخر محطة في الاتفاقية. 2-محور السلطة الانتقالية حل السلطة الانتقالية بالطريقة التي تمت وبدون إجراء استفتاء إداري يعتبر انتهاكاً صارخاً وإلغاءً كاملاً لكل اتفاق أبوجا وكذلك حل السلطة وتشريد أكثر من 1500 موظف وعامل خلق بلبلة واضطرابا يزداد لأوضاع الإقليم المضطربة أساساً ودعوة مجانية للعودة للتمرد – لأن الحركة التي وقعت على اتفاق أبوجا بها الكثير من الأعضاء في السلطة وخارجها ومقاتلين سابقين يصبح وضعهم بعد وأد اتفاق أبوجا بهذه الطريقة محلا للتساؤل والحيرة، ويجعلهم يفكرون ألف مرة في ماهية الخطوة التالية بعد أن أصبح الاتفاق كله لاغياً بجرة قلم. لذا ندعو الجهات الحكومية إلى صرف مستحقات العاملين السابقين عن كل العام (2012) وخاصة أن ميزانية السلطة لهذا العام مجازة أصلا من البرلمان والأموال موجودة بوزارة المالية ومن ثم تسكين العاملين وتوظيفهم في السلطة الجديدة والوزارات والمؤسسات المختلفة وخاصة أن الدولة السودانية كبيرة بما فيه الكفاية لاستيعاب (1500) موظف ثم تعيينهم وفق اتفاق يهدف لوقف الحرب والتقال. كما ندعو الحكومة لمراجعة التعامل مع اتفاق أبوجا بما يجعل خيار السلام جازباً لغير الموقعين. 3-الحركات غير الموقعة نناشد الحركات غير الموقعة بالانحياز للحل السلمي ووضع السلاح والجنوح نحو الاتفاق لبناء الوطن كما نطالب الحكومة بإثبات حسن نواياها وجديتها في السعي لخلق وضع سلام مستدام في ربوع الوطن وسط كل التحديات المحيطة بالجوار العربي والأفريقي, وذلك حتى يتسنى لنا المساهمة في إعادة الاستقرار وإعادة النازحين واللاجئين إلى قراهم في تسوية سلمية عادلة مرضية لكل الأطراف. 4-حركة تحرير السودان نحن في الحركة ندعو جميع القواعد والقيادات للالتفاف حول القيادة الشبابية الجديدة تحت قيادة الأخ المناضل / نهار عثمان نهار وهو من مؤسسي الحركة الأوائل. ونعتقد أن منهجه في الإدارة وبالخبرات التي يمتلكها وعلاقاته الدولية الواسعة وبكل الحركات المسلحة الموقعة وغير الموقعة ومعرفته لصناع القرار ودواليب الدولة السودانية. نعتقد بأن الحركة سوف تكون لاعباً أساسياً في دفع عجلة التطور والسلام في البلاد ودافور خاصة. 5-التحرير والعدالة للأسف الشديد أثبتت حركة التحرير والعدالة . بأنها غائبة فعلاً عن الواقع الدارفوري بقرارها الأولى بتشريد (1500) موظف من موظفي السلطة وذلك مهراً لاتفاق الدوحة وهي بهذا تثبت أنها بدأت خصماً على إنسان دارفور ومساهمة في تشريده وفقدان مكتسباته السابقة كما أن تشكيل السلطة الجديدة الذي تم يظهر بوضوح النفس القبلي والتعيين بالمحاصصة القبلية وهو شيء يرجع لعهود يتمني الإنسان الدارفوري تجاوزها كما أن سيطرة قبيلة واحدة على السلطة ينبئي عن مستقبل مظلم لمجهودات رتق النسيج الاجتماعي في دارفور وكذلك اختيار كوادر بعيدة عن الواقع وفاقدة للخبرة اللازمة لإدارة العمل وأنهم سوف يكونون بنداً لزيادة الصرف على المخصصات والعربات والنثريات ولن يضيفو شيئاً لإصلاح واقع معاناة الأهل في معسكرات النزوح واللجوء. رغم إدراكنا بأن الدوحة في حد نفسها كوثيقة يمكن أن تكون أرضية جيدة لجلب الاستقرار والسلام في البلد ونشكر الأخوة في دولة قطر على جهودهم المخلصة لحل المشكل السوداني في دارفور ولكن للأسف حركة التحرير والعدالة لوحدها غير قادرة بكادرها الضعيف وتأييدها الشحيح وسط الدارفوريين على أن تجلب سلاماً معافاً ومستداماً. حركة تحرير السودان الموقعة علي ابوجا/ برئاسة نهار عثمان نهار الخرطوم 29 يناير

Quote: و بالنسبة للأخوان أنور و محجوب عبدالله ..... هناك فرق بين الهتر و بين الحوار الجاد ..... و لماذا تخشي قيادات دارفور و السودان المحاسبة في الصحافة (اليوم شبكة الإنترنت أصبحت سلطة 3 و نصف ... قبل السلطة الرابعة لتأثيرها في مجريات الأحداث في كل مكان). ماذا هناك نخشاه من حوار جاد و غنتقاد بنّاء و أسئلة مشروعة حتي لا نخلق فراعنة و قادة فاسدين و إجهاض الشفافية و المحاسبة بإسم الحفاظ علي الغسيل القذر حتي يتخمر و يعفّن؟؟!! ماذا هناك نخشاه من مساءلة و محاسبة؟؟!! أليست هذه الغتغتة هي سبب رئيس في كثير من مشاكلنا القيادية؟؟!!

Quote: طعن دستوري ضد حل السلطة الانتقالية لدارفور الخرطوم : ام زين آدم شرعت حركة تحرير السودان , بتقديم طعن دستوري في المحكمة الدستورية ضد قرار حل السلطة الانتقالية لإقليم دارفور. وقال نهار عثمان نهار رئيس الحركة المكلف ل ( الرأي العام) امس, إن الحركة بصدد رفع دعوي ضد قرار حل السلطة الانتقالية بإعتباره قرارا غير دستوري حسب المادة (60) الفقرتين (59) و (60) من اتفاقية سلام دارفور التي تقول انه لايجوز حل السلطة الانتقالية إلا بعد إجراء إستفتاء حول وضع الاقليم , وحال رجح الإستفتاء العودة إلي الاقليم الواحد تحول السلطة إلي حكومة إقليمية, وحال رجح الإستفتاء تقسيم الإقليم إلي ولايات تحل السلطة ويتم توزيع موظفيها علي ولايات الاقليم, وأشار نهار إلي ان الحكومة وضعت سقفا زمنيا لقيام الإستفتاء في يوليو الماضي , إلا أنها تناست ذلك ونسفت إتفاقها وحلت السلطة.

Quote: و بالنسبة للأخوان أنور و محجوب عبدالله ..... هناك فرق بين الهتر و بين الحوار الجاد ..... و لماذا تخشي قيادات دارفور و السودان المحاسبة في الصحافة (اليوم شبكة الإنترنت أصبحت سلطة 3 و نصف ... قبل السلطة الرابعة لتأثيرها في مجريات الأحداث في كل مكان).

Quote: حركة تحرير السودان/ قيادة نهار عثمان تدين إعتداء قوات اليوناميد والحكومة علي النازحين في كبكاكبية تدين حركة تحرير السودان الإعتداء الغاشم الذي تعرض له نازحو معسكر كبكاكبية بولاية شمال دارفور, وتعبر الحركة عن رفضها التام للقتل المجاني الذي تم امام مقر اليوناميد وبحضور السيد قمباري ممثل اليوناميد والسيد التجاني سيسي رئيس السلطة الاقليمية. والذي ادي الي مقتل ستة نازحين في محاولة لحمايتهما من غضب الجماهير الغاضبة. وتري الحركة ان اليوناميد حادت عن مهمتها من حماية المدنيين الي دور جديد وغريب وهو قتل المدنيين التي كونت اليوناميد اساسا لحمايتهم. كما تطالب الحركة الامم المتحدة القيام بتحقيق فوري حول ملابسات هذا الإعتداء ال######## من قواتها ومعاقبة المتورطين في اصدار امر اطلاق النار علي المدنيين. كما تطالب الحركة الحكومة السودانية بفتح تحقيق ومعاقبة المعتدين من القوات الحكومية علي النازحين العزل في كبكابية. كما تطالب الحركة مراجعة سياسات اليوناميد التي تساهم في عدم الاستقرار ومحاولات ارغام النازحين واللاجيئن علي العودة القسرية. وتؤكد الحركة وقوفها الصلب مع حقوق المدنيين في دارفور في السلام والعدالة. نهار عثمان نهار رئيس حركة تحرير السودان الموقعة علي ابوجا الخرطوم 30 مارس 2012

Quote: حركة تحرير السودان/ قيادة نهار عثمان تدين إعتداء قوات اليوناميد والحكومة علي النازحين في كبكاكبية تدين حركة تحرير السودان الإعتداء الغاشم الذي تعرض له نازحو معسكر كبكاكبية بولاية شمال دارفور, وتعبر الحركة عن رفضها التام للقتل المجاني الذي تم امام مقر اليوناميد وبحضور السيد قمباري ممثل اليوناميد والسيد التجاني سيسي رئيس السلطة الاقليمية. والذي ادي الي مقتل ستة نازحين في محاولة لحمايتهما من غضب الجماهير الغاضبة. وتري الحركة ان اليوناميد حادت عن مهمتها من حماية المدنيين الي دور جديد وغريب وهو قتل المدنيين التي كونت اليوناميد اساسا لحمايتهم. كما تطالب الحركة الامم المتحدة القيام بتحقيق فوري حول ملابسات هذا الإعتداء ال######## من قواتها ومعاقبة المتورطين في اصدار امر اطلاق النار علي المدنيين. كما تطالب الحركة الحكومة السودانية بفتح تحقيق ومعاقبة المعتدين من القوات الحكومية علي النازحين العزل في كبكابية. كما تطالب الحركة مراجعة سياسات اليوناميد التي تساهم في عدم الاستقرار ومحاولات ارغام النازحين واللاجيئن علي العودة القسرية. وتؤكد الحركة وقوفها الصلب مع حقوق المدنيين في دارفور في السلام والعدالة. نهار عثمان نهار رئيس حركة تحرير السودان الموقعة علي ابوجا الخرطوم 30 مارس 2012

Quote: الاخ عبدالعزيز عيسي تحية وسلام ينطلق موقفي من بقائي بالداخل حتي الان وقد كنت في السابق حاملا للسلاح من قناعة ترسخت لدي من واقع العمل المسلح والعمل السلمي معا بان السودان بكل تعقداته بل محاربة الانظمة الشمولية بشكل عام يتطلب وعيا شعبيا واجماعا شعبيا للاطاحة به لذا اري انه من الاحسن العمل السلمي لان الانتفاضة المسلحة تنطلق من كل اعماق الريف ومن كل الانحاء وليست عملا لاقليم واحد او قبائل معينة يمكن ان يبدا الامر من جهة جغرافية معينة لكن ليكون النجاح حقيقيا يجب ان تكون كل فئات وطوائف الشعب ممثلة شئ اخر عند استعمال السلاح تكون الانظمة الشممولية في موقف القوة ...لان هذا هو سلاحها المفضل وتعرف كيف تستعمله وتحشده لكن عند استعمال وسائل المقاومة السلمية تفقد هذه الانظمة البوصلة في كيفية ادارة الصراع انا لست من رايك ان الاحزاب التقليدية يجب كنسها لمزبلة التاريخ وانها انتهت هذا كلام علي اطلاقه غير صحيح نعم يمكن القول في وجود غموض او تيارات متعددة داخلها لكن بدونه استصحابها لن يكون هناك تغييرا سلميا وكاملا للنظام في السودان وساتيك لاحقا لباقي النقاط تحياتي

Quote: ( و ذلك مغزي سؤالاي: إنتو قاعدين في الخرطوم تعملوا شنو؟؟)

Quote: إعتقال الناشط الطلابي حيدر محمود عبدالرحمن مانيس من قبل الاجهزة الامنية بيان من حركة تحرير السودان/ قيادة نهار عثمان وصلتنا انباء مؤكدة بان الكادر الطلابي والناشط السياسي حيدر محمود عبدالرحمن مانيس قد تم اعتقاله من قبل اجهزة الامن وذلك يوم الاربعاء 28 مارس وقد تم اعتقاله من سوق ستة بالحاج يوسف ولا يعرف مكان تواجده الحالي ولا حالته الصحية الراهنة. وقد تاكدنا من نباء الاعتقال بعد اتصالات اجريناها مع والدة المعتقل السيدة خديجة علي ومع عدد من رفاقه. ونحن في حركة تحرير السودان الموقعة علي ابوجا ندعوالاجهزة الامنية لاطلاق سراحه فورا . السيد حيدر مانيس ناشط سياسي من اقليم دارفور ويقوم بعقد اركان نقاش في الجامعات المختلفة ولا يعرف له اي انتماء معلن لاي تنظيم سياسي لكنه محسوب علي المعارضة الديمقراطية النشطة ويمارس نشاطه في داخل الساحة الجامعية. كما ندعو كل المدافعين عن حقوق الانسان والمنظمات والاحزاب للتدخل الفوري والسريع للمساعدة علي اطلاق سراح الاخ حيدر مانيس. نهار عثمان نهار رئيس حركة تحرير السودان الخرطوم 1 ابريل

Quote: الشي التاني حتي زمن وجودي في المنبر مشاركاتي كانت مباشرة في القضايا البتطرق ليها ما قاعد اخش في صراعات كي بوردية ومعارك انترنيتية عشان كدا خطوطنا ما كانت قاعدة تتقاطع كتير...............

Quote: د.نجاة محمود

Quote: تدين حركة تحرير السودان وتعبر الحركة وتري الحركة كما تطالب الحركة وتؤكد الحركة ** وصلتنا انباء وقد تاكدنا ندعو الاجهزة الامنية كما ندعو ونحن في حركة التحرير نعرب كما يحزننا بشدة وهذا يدفعنا للنظر بقلق ونطالب الجهات المختصة في الدولة

Quote: طيب ليه فتحت بوستك الذى حذف بعنوان فيه تشهير بعضوة من الأعضاء ؟!

Quote: السلام عليك ورحمة الله تعالى وبركاته بعد التحية بناءا على المقال الذى نشر للاخت تراجي مصطفي والاخ محمد سليمان والذى سبق تم نشره فى موقع سودان اون لاين ولكن اسمح لى ان اكتب تعليقى وهى مجرد وجهة نظر واعتقد ان رأي يحتمل الصواب اوالخطأ واعتقد ان ما قاله الاخ والاخت فى مقالهما السابق هى مجرد رأى شخصى لا يمثل رأى الحركة ورؤيتها منذ تاسيسها وهم يتحدثون عن الوحدة اى وحدة يتحدثونة عنها وهؤلاء هم الان لا يعرف الا الله وهل توحد الصف من جانب واحد واقصد (الجانب العسكرى) وتميزاهالينا فى دارفور جلهم بالشجاعة والفروسية ولكن هل هذا يخدم القضية كما فى تصورهم واذا كان جون قرنق ظل اربعين عاما فى الغابة وفى اخر المطاف لم بالعملية السلمية عن طريق المفاوضات وغيره وفى تقديرى هذا درس ينبغى ان نتعلم منه وليس ان نسير الامور بأهوائنا او بامزجتنا او عواطفنا حتى لا تسيطر العاطفة علينا. الجانب العسكرى وحده لايخدم القضية بصورة عامة ومنذ قدوم تلك السنين الصعاب على أهالى دارفور وهم الان فى امس الحوجة العملية السلمية وسبل العيش الكريمة من اجل البقاء الان حان الوقت لوضع السلاح والدخول فى العملية السلمية. وان تكون هناك رؤى واضحة و شفافية رغم جبروت النظام الحاكم ولكن الضغط و الازدحام والمضايقة السياسية من كل تيارات وفئات المجتمع وبكل الوان طيفه فكريا وثقافيا قد يؤدى الى نتازل الطرف الحكومى عن بعض حاجاته. وما الفائدة من العمليات العسكرية اذا كان معظم اجزاءك مشلولة ومصابة بداء تشتت الافكار والهمة وعدم الاستقرار النفسي والسياسى الامر بالجد يحتاج الى وقفة وعقول واعية تستطيع النهوض بالمجتمع الى الامام وليس الى الوراء وارجاعنا الى الظلمات تارة اخرى. ولكن المشكلة تكمن فى اننا حتى الان فى تخلف وجاهلية وجهوية والانتماءات الضيقة والجمود العقلى فى السب والشتائم واين نحن من الصراع الفكرى والتقدم وهذا قد الى المربع الاول الا وهو مربع الصفر ولا مساحة لمثل هذه المشاحنات مرة اخرى والمشاكل الشخصية واذا كان لديك مشكلة شخصية مع شخص ما فعليك ان تواجهه وجه لوجه وتحلوا مشكلتكم وهذا ليس له علاقة بالقضايا العامة والمحورية وهذا ليس دفاعا عن نهار وهذه هى الحقيقة ويجب ان تقال. واخيرا اقول : انما الامم أخلاق اذا ذهبت أخلاقهم ذهبوا

Quote: وشين دراني انا انو اعداء تراجي يكثرون هنا..ولماذا يكثرون من الاساس هل لانو معاركها كثيرة هل لانو بتلوي عنق الحقائق هل لانو بتشتم الناس هل لانو بتبحث عن الشهرة هل وهل وهل والسلام ختام استاذة امنة مختار

Quote: ارسل لي احد الاخوة التعليق التالي علي الايميل وطالبني بنشره

(عدل بواسطة Mohamed Suleiman on 05-16-2012, 10:44 PM)
(عدل بواسطة Mohamed Suleiman on 05-16-2012, 11:29 PM)

Quote: دعني أتقمص دور مندوب حكومة البشير و أقول لك لماذا نحن نحتفظ بهذه الحركات المسلحة في الخرطوم (هذا صوت مندوب حكومة البشير): - هدفنا هو تشتيت جهود هذه الحركات المسلحة في أن لا يتفقوا أبدا علي قيادات بعينها ... و كلما تشرذموا ... كلما قلّت خطورتهم علي حكمنا ... لأنهم سيكونون منشغلون بأنفسهم و بخلافاتهم البينية اكثر من إنشغالهم بقضايا اهلهم هناك في دارفور. - نحن نراقب قادتهم هؤلاء .. و ندرس نقاط قوة و ضعف أي منهم ... فهناك من يسعي الي المال ... و منهم من يسعي الي السلطة و المنصب و اللقب العريض ... و منهم من يسعي الإنتقام من إخوة لهم بأي ثمن .... و منهم من يعشق أن يكون في مركز الإهتمام .. و منهم من خرج حقيقة لقضية أهله و لا يتردد لحظة في التضحية بنفسه و روحه ( و هذا اخطرهم) .. كل واحد من هؤلاء لدينا طرقنا في التعامل معهم ... فمن يسعي الي المال .. جعلناه يوقع علي إتفاقية مسرحية و منحناه حفنة دولارات و وعدناه بأن يقبض الباقي في الخرطوم (طبعا يشمها قدحة .. و حنعصر منّو الدفعناهو ليهو) ... و من أراد ان يدخل السوق و شراء العربات و البيوت و الزواج ( ده زولنا .... و كلّو بتمنو) .... و من أراد السلطة و القب و المنصب ... خلقنا له منصب بإسم رنّان .. لكنّه أفرغ من فؤاد موسي .... منصب بلا سلطة و بلا حتي مسؤوليات ... و عشان المنصب الفارغ ده مستعد أهلوا هناك. و من أراد الإهتمام ... أديناهو المايك بمزاجنا ... يعني مثلا في كتلة خليل .. جبناهم و رصيناهم في التلفزيون و خليناهم يظهروا في تلفزيونات العالم و هم براهم قالوا في أخوهم مالم يقله مالك في الخمر ..... و بعد غنتهاء المناسبة .. نقلع منهم المايك ويرجعوا الي ضلام التهميش الإعلامي ... و البيغلط ساكت يفتح خشموا يقول في الإعلام أي شئ عن مشاكل دارفور .. ده خلاص ما حيهبش المايك او يصرح لأي صحيفة عن أي ِشئ. - أهم حاجة ..ديل الفي الخرطوم هم تحت سيطرتنا .. تحت الكنترول ... بنستفيد منهم في إختراق الحركات الاخري البتحاربنا في الميدان ... و شعبة القبائل تعرف بالضبط كيف تستقي منهم المعلومات العامة و الخاصة .. طبيعة التكوين لهذه الحركات ... القبائل و خشوم البيوت التي تستند عليها .... و ديل بيساعدونا في فك الشيفرات اللغوية البيخاطبوا بها الحركات الفي الميدان ... فنحن ننتبع كل محادثاتهم التلفونية ... و أهم حاجة الونسات في المناسبات .. و بينقلوا لينا أدق التفاصيل عن أحوال البلد هناك و كلام الناس هناك .. عن الحكومة و عن الحركات و عن القيادات ... و بواسطة هؤلاء الفي الخرطوم نحن بنصدر المعلومات المضادة بلهجاتهم و بواسطة شبكات ديل ساعدونا في إقامتها هناك .. و بواسطة ديل و تعاونهم مع أجهزتنا الامنية قدرنا نتخلل المجتمعات القبلية هناك و قيادات الحركات المسلحة في العواصم الافريقية و في الميدان .... شوف ... نحن سهّلنا للكثير منهم في الخرطوم أن يمتلكوا نعيم الدنيا .. العربات و البيوت و الزيجات و المكانة الغجتماعية ... ده التمن ... و عشان هم يحافظوا علي ده كلّوا ... ديل مستعدين يعملوا لينا أي حاجة .... و نحن بنعرف كيف نتعامل معهم بذكاء. - الفي الخرطوم ديل .. تعليماتنا واضحة ليهم .... ممكن تهيصوا زي ما دايرين .... بس هناك خطوط حمرا ...... المحكمة الجنائية أكبر خط أحمر .... إنتقاد الحكومة بدون تحديد المسؤولين ما معانا ..... يعني أرعوا بقيدكم .... و ما تتدخلوا في شغل أجهزة الأمن أو الولاة المقربون ... نحن لما نقنع من والي .. بنجدعوا ليكم عضم .. كدّوهو . - الأولوية لنا هي أن يتعاونوا معنا في تدمير الحركات المسلحة التي تقاتلنا في الميدان. ..... أولئك هم الخطر الأكبر لنا و لوجودنا.

Quote: الاخ محمد سليمان تحية وسلام انا لست محتاجا لكي اتي بكتابة انسبها لمجهول لتعضد موقفي وهذا اتهام مبطن من جانبك لا حجة لك تسندها غير سوء الظن في وفي ما اتيت به منذ البدء اخبرتك انك ستطالبني بتسميع الاسماء الرباعية الكاملة لكل سكان دارفور ومن بعد ذلك تقول لي اخطات في حرف في احد الاسماء المذكورة علي اية حال لك ان تنظر للامور بالزاوية التي تراها ولي نفس الحق للنظر للامور بمنهجي وقناعتي دون احكام مسبقة تجاهك اري ان حوارنا في طريقه لكي يكون حوار طرشان من جانبك لا تسمع فيه الا صدي صوتك

(عدل بواسطة Mohamed Suleiman on 05-17-2012, 02:54 PM)

Quote: لووووووووووووول أستاذ محمد سليمان يا مشخصاتى إنت .. أنا ختيتها نية ..وإنت جبتها مستوية ومغلفة بورق السوليفان .

Quote: الاخ الصادق ضرار تحية واحترام مررت علي مداخلتك التي وضعت فيها بعض كلماتي بالاحمر لم افهم ما ترمي اليه فاوضح اكتر علما اخي ان الكثير من بياناتنا وكتاباتنا قد تم نشرها في موقع حركتكم حركة العدل والمساواة علي النت مع ودي الاخوي

Quote: قالوا شر البلية ما يضحك و انا بضحك كتير كلما اشوف اسمك و اتذكر مطالبتكم بتعويضات عن فترة عملكم في السلطة الانتقالية و اقول الناس في شنو و تحرير نهار في شنو ؟! سؤال جاد : هل صرفتم مستحقاتكم ؟

Quote: لأخ/ محمد سليمان ياخي فسرت وبينت.. ما قصرت تب عفارم عليك

Quote: 2- يمكن عكس الاسلوب و يقول ليك كمقاومة مسلحة من 2003 ما مسكتو ليكم بلدة عليها القيمة لمدة اسبوع

Quote: هذه هي أمثل إستراتيجية في حروب المقاومة Guerrilla Wars . أي الحكومة هي التي يجب أن ينوء كاهلها بعبء الدفاع عن رقع الأرض و المدن ..... و المقاومة تهبط كالصاعقة و تضرب بعنف و تنسحب سريعا ... كما حدث في مطار و حامية الفاشر ...... الحكومة في 2003 كانت قوية و رئيسها حر يسافر في كل الدنيا ..... الحكومة في 2012 ينكمش نفوذها بسرعة مذهلة ... و تترنح من جميع أنواع الضربات .... إقتصادية و عسكرية و مالية و سياسية ... رئيسها و وزير دفاعها مطاردون كمجرمين حـقـراء ..... باقي كلامك ... صدقني لا يصب في مصلحة حجج نهار ..... بالضبط زي كلام دكتورة بيان ....... جات تكحلها لنهار .. عمتها .... وكما نقول لأي دارفوري: إن جاءك إطراء من أهل المركز .... فتوقف و تحسس إتجاه مسيرك .

Quote: من متين كسلا كانت مركز ...... و لا من الصورة ؟؟؟؟؟؟

Quote: أهو زي كلامك ده و كأنّو قلبك مع الضحايا (نفس أسطوانة المركز و أنصار النظام):

Quote: حركة مناوي تقرُّ بتسلمها «8» مليارات دولار من الجنوب 02-19-2012 08:24 AM أقرت حركة تحرير السودان التي كان يقودها مني أركو مناوي بتلقيها أموالاً طائلة من الولايات المتحدة ودولة الجنوب بلغت جملتها نحو ثمانية مليارات دولار، استولى عليها رئيسها السابق مني أركو وذلك طيلة وجوده بالقصر كبيرًا لمساعدي الرئيس وحتى بداية العام2010م، طبقا لرئيس الحركة الحالي ـ القيادة الشبابية ـ نهار عثمان نهار الذي كان يشغل مدير مكتب مناوي بالسلطة الانتقالية. وقال نهار لـ «الإنتباهة» أمس إن مناوي كان يغادر إلى الفاشر ومنها إلى جوبا لتسلم الأموال، وأكد تسلم الحركة لمليون ونصف المليون دولار من الحركة الشعبية في إحدى المناسبات ذهبت إلى جيب مناوي عدا خمسين ألف دولار أودعت خزينة الحركة.وأماط نهار اللثام عن شبكة واسعة من الاستثمارات يملكها مناوي في مجال الصرافات والمصانع والعقارات بعدد من الدول منها كينيا ويوغندا والإمارات المتحدة والولايات المتحدة، وقال إن التنسيق بشأن الدعم كان يتم عبر شقيق مناوي ـ حسين «مقيم حالياً ببريطانيا» ـ والقيادي بالحركة علي ترايو. في غضون ذلك باشرت حكومة دولة الجنوب إجراءات قضت بطرد كافة قوات فصيل مناوي عقب قيام الأخيرة باشتباكات مع بعضهم البعض مما حدا بسلطات دولة الجنوب إلى إبعادهم خارج حدود الجنوب، وقال مصدر حكومي رفيع بدولة جنوب السودان ــ فضّل عدم الكشف عن هويته لـ«إس إم سي» إن قرار حكومة جوبا الخاص بإبعاد قيادات مناوي إلى خارج حدودها بالقرب من مناطق راجا وبحر الغزال يعود لأسباب تعتبرها السلطات بدولة الجنوب بأنها مهدد أمني مرجحاً أن تكون قرارات الإبعاد لقيادات مناوي تقف وراءها شكوك لدى استخبارات الجيش الشعبي بأن هذه القيادات تعمل كجواسيس لصالح حكومة السودان.