كتب الكاتب الفاتح جبرا المتوفرة بمعرض الدوحة
|
Re: المك نمر- قائد وقدوة (Re: باسط المكي)
|
وكما قال العبادى فإن المك نمر تهكم على طه البطحانى عندما لجأ اليه فى شندى بعد أن قتل حمد ود دكين.
فقال المك نمر مخاطبا طه: كتلت منو وجريت
دا طبعا لما طه قال للمك: جاتنى جنيه حربة ربى ما بخاطرى ما بنيه فرد طه: أها ما بتسمعى يا بنيه هادى المابيها لكن خفت ورانيه
وطبعا طه كأحد رواد اللجوء السياسى ألهم المك نمر سبب اللجوء بهذه الأبيات: الموت ما بخاف الخوف مو هولى الشىء البخافو بخاف بهادل عولى الناس الوراى كان براى يسعولى فى راس الكتلتو اقيف يمين لاحُولى
فالمك نمر استفاد من طه فى بناء الcase بتاعو عندما لجأ للحبشة.. وفى نفس الوقت استفاد من تبرير طه إن استنكر أحد لجوءه السياسى. ولكن المك نمر تفوق على طه البطحانى فى أنه لم يرجع لوطنه وقدم للجنسية الحبشية وقعمس هناك. وبهذا ينال لقب أوائل المهاجرين الذين نالوا الcitizenship فى دولة أخرى!
| |
|
|
|
|
|
|
Re: المك نمر- قائد وقدوة (Re: Balla Musa)
|
قيل أن المك نمر وجد ترحاب ودعم من أحفاد ابن عمه جعفر بن أبى طالب حيث كانوا يعملون فى مجال البصارة آنذاك ومايسمى بالمديكير اليوم وكان لأحدهم شركة لتأجير الحمير والذى يقوم مقام ال yellow Cab حاليا.
| |
|
|
|
|
|
|
Re: المك نمر- قائد وقدوة (Re: Balla Musa)
|
بلة يعني عشان ما ختيت علامة التريد مارك زي تبارك قايل حقوقي بتروح في العنوان؟؟ وزير العدل شخصيا ياما شرب جمبنا الليمون في مزيرة القانون ومال إيه...!! طالعني بكرة في المحكمة...
| |
|
|
|
|
|
|
Re: المك نمر- قائد وقدوة (Re: Balla Musa)
|
تعرف يا بله اهلك ناس بربر فى فبراير 1822 عملو مظاهرات كاول انتفاضة سودانية ضد السلطة التركية المتعسفة بسبب الضرائب العالية ، مع ردة فعل شبيحة السلطة التركية < الباز بزغ > جزء كبير من الاهالى فى تلك النواحى فر ناحية الصعيد اعالى نهر عطبرة القضارف سنار حتى الحبشة جوه ، نزوح شبه جماعى و اغلبهم القعده الياها بين قوسين عشان كده بتجد اغلب جعلية الصعيد ما بعرفوا طينهم وين فى الشمال يعنى عمك لامن عمل العمله المباركة فى اكتوبر 1822 كان ناس بربر و ما حواليها قد سبقوه الى الحبشة لكن عمك اخد الشهرة لانو خبت اسماعيل ود الباشا و بالجد يستاهل الشهرة لانو عمل عمل غير مسبوق مبروك كده شوف الرابط ده
http://books.google.com.sa/books?id=sMpMuJalF...mir%20shendi&f=false
| |
|
|
|
|
|
|
Re: المك نمر- قائد وقدوة (Re: احمد حامد صالح)
|
أساسى مادام جبتا سيرة المحلبية شكلك كدا بتشك فى قواى المنبرية! ياخى ماتورينا نكتة المحلبية
باسط المكى
شكرا
رمانا إنى أستسلم
أحمد حامد ياعميق (لكل جدل كتاب) شكرا على الرابط والمداخلة
للجميع تحياتى
البوست دا عشان مافى واحد يجى يعمل فيها مقدد اللجوء السياسى ويدينا درس فى اﻹشلاق!
| |
|
|
|
|
|
|
Re: المك نمر- قائد وقدوة (Re: Balla Musa)
|
واحد جعلى سكران لط
قامت شكلة قال والله الليلة موت موت حياة حياة
على بالطلاق أنا ماغايظنى فى الدنيا دى إلا شردة المك نمر ومباراة العباس للنبى لا انجرح لا انطعن!!
| |
|
|
|
|
|
|
Re: المك نمر- قائد وقدوة (Re: Balla Musa)
|
الحاجة الغيريبة يا دكتور أهنا الحبش ديل من زمن هجرات المسلمين الأسايلمية الأولى هن كانوا مستقبلين لاجئين لف الزمن وبقوا مرسلين. يستحيل تلاقي مدينة في دولة متقدمة ما فيها أثيوبي أو أريتري لاجئ
| |
|
|
|
|
|
|
|