Quote: كان من رواد اللجوء السياسى فى تاريخ السودان!
سلامات وجمعة مباركة بوست فيه بوادر نقاش حامي
Post: #4 Title: Re: المك نمر- قائد وقدوة Author: Balla Musa Date: 05-11-2012, 03:12 PM Parent: #3
وكما قال العبادى فإن المك نمر تهكم على طه البطحانى عندما لجأ اليه فى شندى بعد أن قتل حمد ود دكين.
فقال المك نمر مخاطبا طه: كتلت منو وجريت
دا طبعا لما طه قال للمك: جاتنى جنيه حربة ربى ما بخاطرى ما بنيه
فرد طه: أها ما بتسمعى يا بنيه هادى المابيها لكن خفت ورانيه
وطبعا طه كأحد رواد اللجوء السياسى ألهم المك نمر سبب اللجوء بهذه الأبيات: الموت ما بخاف الخوف مو هولى الشىء البخافو بخاف بهادل عولى الناس الوراى كان براى يسعولى فى راس الكتلتو اقيف يمين لاحُولى
فالمك نمر استفاد من طه فى بناء الcase بتاعو عندما لجأ للحبشة.. وفى نفس الوقت استفاد من تبرير طه إن استنكر أحد لجوءه السياسى.
ولكن المك نمر تفوق على طه البطحانى فى أنه لم يرجع لوطنه وقدم للجنسية الحبشية وقعمس هناك. وبهذا ينال لقب أوائل المهاجرين الذين نالوا الcitizenship فى دولة أخرى!
Post: #5 Title: Re: المك نمر- قائد وقدوة Author: Balla Musa Date: 05-11-2012, 03:44 PM Parent: #4
لم يذكر لنا التاريخ إن كان المك نمر قد عمل فى منظمة أو دكان فلاشا قبل أن يعادل شهادته!
Post: #6 Title: Re: المك نمر- قائد وقدوة Author: Balla Musa Date: 05-11-2012, 03:54 PM Parent: #5
قيل أن المك نمر وجد ترحاب ودعم من أحفاد ابن عمه جعفر بن أبى طالب حيث كانوا يعملون فى مجال البصارة آنذاك ومايسمى بالمديكير اليوم وكان لأحدهم شركة لتأجير الحمير والذى يقوم مقام ال yellow Cab حاليا.
بلة يعني عشان ما ختيت علامة التريد مارك زي تبارك قايل حقوقي بتروح في العنوان؟؟ وزير العدل شخصيا ياما شرب جمبنا الليمون في مزيرة القانون ومال إيه...!! طالعني بكرة في المحكمة...
Quote: لم يذكر لنا التاريخ إن كان المك نمر قد عمل فى منظمة أو دكان فلاشا قبل أن يعادل شهادته!
بلة والله انت زول حاقد شديد
Post: #8 Title: Re: المك نمر- قائد وقدوة Author: احمد حامد صالح Date: 05-11-2012, 04:04 PM Parent: #4
تعرف يا بله اهلك ناس بربر فى فبراير 1822 عملو مظاهرات كاول انتفاضة سودانية ضد السلطة التركية المتعسفة بسبب الضرائب العالية ، مع ردة فعل شبيحة السلطة التركية < الباز بزغ > جزء كبير من الاهالى فى تلك النواحى فر ناحية الصعيد اعالى نهر عطبرة القضارف سنار حتى الحبشة جوه ، نزوح شبه جماعى و اغلبهم القعده الياها بين قوسين عشان كده بتجد اغلب جعلية الصعيد ما بعرفوا طينهم وين فى الشمال يعنى عمك لامن عمل العمله المباركة فى اكتوبر 1822 كان ناس بربر و ما حواليها قد سبقوه الى الحبشة لكن عمك اخد الشهرة لانو خبت اسماعيل ود الباشا و بالجد يستاهل الشهرة لانو عمل عمل غير مسبوق مبروك كده شوف الرابط ده
Post: #15 Title: Re: المك نمر- قائد وقدوة Author: Balla Musa Date: 05-11-2012, 09:09 PM Parent: #14
وضاحة انتى جناح عبد الله ودسعد أم جناح المك نمر؟
شكرا على أغنية جدنا رائد اللجوء السياسى والهجرة والتجنس.
Post: #16 Title: Re: المك نمر- قائد وقدوة Author: Balla Musa Date: 05-11-2012, 09:20 PM Parent: #15
كيفك يا أشرف
ياخى شكلك كدا حلبى جعليين!!
Post: #17 Title: Re: المك نمر- قائد وقدوة Author: Ashraf el-Halabi Date: 05-12-2012, 02:48 AM Parent: #16
الحاجة الغيريبة يا دكتور أهنا الحبش ديل من زمن هجرات المسلمين الأسايلمية الأولى هن كانوا مستقبلين لاجئين لف الزمن وبقوا مرسلين. يستحيل تلاقي مدينة في دولة متقدمة ما فيها أثيوبي أو أريتري لاجئ
Post: #18 Title: Re: المك نمر- قائد وقدوة Author: Balla Musa Date: 05-12-2012, 05:37 AM Parent: #17
