|
بي خسوس خرتوش الانابيب الليل البترول ياجماعه
|
مثلا ممكن يعني بعد اذنكم نقلبو خط ناقل للمياه العذبه ونربط طرفو الهنا بدل في هجليج البقت غلبه وجلبه نربطو في اي مكان في النيل اها كده ممكن نصدر بيهو مويه للعطاشي الاغنياء في الاردن والسعوديه او اسرائبل ذاتا لو كشكوشن حاضر وبره دا طبعا بعد اذن هيئه علماء السودان لانو قالو بزعلو او جامعه الدول العربيه او بالعدم كرم الله والي القضارف ( الزول صغير وماعارف) نسبه لدعوته الحديثه0( بررررررررررررررره اهو دي الجرايد قدامي ) اشششششششش ولاكلمه
|
|
|
|
|
|
|
|
Re: بي خسوس خرتوش الانابيب الليل البترول ياجماعه (Re: طارق الأمين)
|
طبعا فات علي اقول انو الاقتراح الفات دا حيكلفنا صابون وليف كتير لانو الريحه الله اعلم تطلع بدون غسيل نضيييييف ومعاهو ليمون زي الزول الماكل السمك ودا قد يكلف الخزانه العامه صابون وليمون وانا اعتذر عن كل مايمكن ان يسببه اقتراحي من رغوه في هذه البلاد دون قصد مني بذلك مما قد يساعد في ارتفاع سعر الدولار وانخفاض تكلفه الابار وتدهور اوضاع حقوق الانسان ونقص الرقعه الزراعيه لكم العتبي حتي ترضو او لاترضو بذلك
| |
|
|
|
|
|
|
Re: بي خسوس خرتوش الانابيب الليل البترول ياجماعه (Re: طارق الأمين)
|
.
في برضك هنا اقتراح تاني
نقلب الخت دا بدل جاي من الجنوب للشمال نوديهو من الشمال الغربي للجنوب الشرقي يعني باختصار نجرو ونستعدلو لمن يبقي خت من ليبيا لي اثيوبيا ويبقي ينقل بترول من ليبيا للحبش ديل وكده ح يكفينا شر الحوجه للصابون والليف ويبقي الخت بي عفنتو ذااااتا ينقل البترول العفن دا ذاااتو بس للامانه والتاريخ في الحاله دي بنحتاج لي سباك شاطر لزوم تحويل الخت والي عدد اتنين كوع كبير . الكوع الاول في الجيلي عشان نحول المسار لي اثيوبيا والكوع التاني في ابو حمد عشان نغير الاتجاه من بورسودان لي ليبيا وهذه يمكن توفيرها بمساعده الخيرين والله لايضيع اجر من احسن نقلا
| |
|
|
|
|
|
|
Re: بي خسوس خرتوش الانابيب الليل البترول ياجماعه (Re: طارق الأمين)
|
1.
Tarig Alamin بعدين في الحاله الاخيره دي ممكن نحن كدوله في النص نحلب قدر ما الله يدينا كمقابل لي اقتراحنا العبقري كدوله ممر ونشوف سباك شاطر يركب تي في حتتنا دي وما تمر جغمه بترول من هنا والا ناخد حقنا علي داير البرميل
اها كان الكلام دا كولوووو مامقسم معاكم يبقي فضل اقتراح تاني كمان
| |
|
|
|
|
|
|
Re: بي خسوس خرتوش الانابيب الليل البترول ياجماعه (Re: طارق الأمين)
|
اللي هو نقوم ناجر الخت دا لي الصين او امريكا منذ حوالي ساعة · أعجبني · 1.
ايوا ناجرو للصين او امريكا
وفي الحاله دي بس محتاجين سمسار صيني
واحد من بورداب الصين يختف لينا رجلو يمشي عماره الضرايب حقه السوق العربي في بكين يشوف لينا زول شاطر يتم لينا الشغل دا
هم يدفعو للحيكومه وبعد داك مخيريين ياجرو للزول الدايرنو
المهم الصين او امريكا تدفع للحكومه الكنجالات وبعد داك بي طريقتن علي شرط يدفعو العوايد والنفايات عشان مايدخلونا في حرج مع المحليه
اللهم اني قد بلغت
وبي كده نكون استفدنا من الخرتوش الطويل الممدد من هنااااك لي هنااااك بدون مانعرف مستقبلو ح يكون شنو وشكرا لكم علي حسن المتابعه كما اشكر المواطن علي حسن سلوكه
نواصل غالبا
| |
|
|
|
|
|
|
Re: بي خسوس خرتوش الانابيب الليل البترول ياجماعه (Re: طارق الأمين)
|
سلام يا طارق
لو حاجاتك دي كلها ما لقت طريقها للنور
نقوم نلف الخرتوش دا شوية على ديار المسيرية
وكمان نجر منو خط صغير شوية كد على الخرتوم
عشان لبن بقر المسيرية الكتير دا الما عارفين وين يودهوا دا ما يروح ساي نشبع ناص العاصمة ديل حليب والباقي تصدير
أحسن من البترول غذاء نضيف
| |
|
|
|
|
|
|
Re: بي خسوس خرتوش الانابيب الليل البترول ياجماعه (Re: طارق الأمين)
|
إنت الخرتوش ده رايح ليك من زمنا خدو مشلخ ,, وقت وقع ليك من الشدرة في ضهرك تاااااخ وكنت قايلو حرامي ولا بعاتي وقعدت تجوعر فرجت فينا الفراجة ,, والله صحي لو إنت نسيـــــــــــــت انا ما نسيــــــــــت ضحكتنا الأولي ,, والله صحي
قال فكرة قال .. قوم لف شوف ليك واحده غيرها وتعال
| |
|
|
|
|
|
|
Re: بي خسوس خرتوش الانابيب الليل البترول ياجماعه (Re: عصام علي أحمد)
|
خرتوش الأنابيب ده أخو ... تــفل الأنابيب ... يا طارق؟؟ إنت في الحاله دي محتاج أبو الجوخ (شخسيا) عشان ينزل ليك واحده من أفكارك دي لأرض الواقع خاصة إنو علاقاتو على مستوى الإتحاد الأوربي والأمم المتحده
وبعدين للمساعده كده لوجه الدولار شوف (كُرّاره) يعمل ليك للخرتوش مساج كارب عشان يكون قابل لِلَّي والتِعوِّج وبي كده ما بتكون محتاج لأيها كوع
إقتراحاتي ده كلها بالمناسبه مكتوب فيها (يصلح لكل الأقطار عدا إسرائيل)
تحياتي يا أبو الطرق وعبرك للجميع
| |
|
|
|
|
|
|
|