|
|
|
 Re: عثمان تراث كل سنة وانت طيب (Re: بكرى ابوبكر)
|
كل سنه وانت طيب عثمان تراث
ربنا يحقق كل امانيك يارب
باستثناء الواحده حقت اخيتي الجندريه
لكن اتاريني دايشه دوشة السنيين
اول مره اعرف انك حرم تراث المصون ياالجندريه اخيتي
ربنا يجعله بيت عامر بالحب والوفاء
لكم تحياتي
| |
 
|
|
|
|
|
|
|
|
Re: عثمان تراث كل سنة وانت طيب (Re: tmbis)
|
اللهم حقق ل عثمان جميع أمانيه ، ولا نستثني أي أمنية خاصة الي في بالك ، وتوعدنا يا رب ، وبطلوا المكاوشة
ثم نأسف للسبق ولم يكن مقصودآ
سلامتك والمنبر كلو كرامتك ، وكفارة البيك يزول
| |
|
|
|
|
|
|
|
|
|
Re: عثمان تراث كل سنة وانت طيب (Re: الجندرية)
|
آمين يا جندرية
وهو بالف خير وانت كذلك
لوووووووول الامنية اياها ياها الامنية بتاعة الشردة و العر...
ربنا ما يحققها ليك يا تراث
بس كل الامانى تحقق
يا رب
يحفظكم يا جوز يا مدهش
| |
|
|
|
|
|
|
|
|
 Re: عثمان تراث كل سنة وانت طيب (Re: الجندرية)
|
سلام عليكما ايها الاحباب ,اماني وعثمان كل سنة وانتما وعيالكم في اتم صحة وعافية.قبل اكثر من 15 سنة كنتما نموذجين لاروع ما يمكن ان يضرب مثلا به للصداقة والان اراكماايضا نموذجا لاكثر الزيجات نجاحا فيمن عرفتهم من قبل ربنا يهنيكم ويسعدكم.وياتراث كل عام وانت مبدع ومعطاء وطيب وعليك الله ما تطول الغيبة
| |
|
|
|
|
|
|
|
|
|
Re: عثمان تراث كل سنة وانت طيب (Re: altahir_2)
|
الاخوات والاخوان
شكراً كتير
والله انا بباقي مرضي
قمت اقول ليكم شكراً
وبجي راجعة تاني
ودا بمثابة اعتذار للناس المفروض اتواصل معهم كلهم
والناس البدينا حوار ما تميناه
ساعود
ربنا يدي العافية
ونردها ليكم في السمح
| |
|
|
|
|
|
|
|
|
|
Re: عثمان تراث كل سنة وانت طيب (Re: الجندرية)
|
أم وأبايسار
كيف فاتني أن أكون ثانيهم إن أخطأتني سانحة
أن أكون أول المهنئين؟ ربما يكمن السبب في تفاوت فرص الوصول إلى
تكنولوجيا الإتصال أو البطء الناتج عن الكسل في التأقلم مع دور المغترب النموذجي-جهاز كومبيوتر في البيت وموبايل في اليدوحبيبة في خيال مريض-ومع أني وصلت متأخرا أرجو أن تسمح لتهنئتي بالاصطفاف مع رفيقاتها...ولكن بعد الشر عليك ياأم يسار أتمنى لك عاجل الشفاء...وأن يحقق الله لك كل أمانيك عدا واحدة - نعرفها أنا وعثمان-طبعا لاحظت تعاطفا جندريا معك وكان لابد لي من أن أتعاطف مع صديقنا وأنا في انتظار هدهد وسمندل وود شاموق وبقية العصابة.
| |
|
|
|
|
|
|
|
|
|
Re: عثمان تراث كل سنة وانت طيب (Re: Mahmed Madni)
|
الاعزاء تراث والجندرية لكم الود وخالص التحايا وكل سنه وانت طيب يا عثمان وربنا يحقق ليك كل الامانى بدون استثناء لكن فى حدود ما يسمح به قانون الجندر
لكما كل الامانى بالتوفيق والحفظ والاكرام
| |
|
|
|
|
|
|
|
|
|
Re: عثمان تراث كل سنة وانت طيب (Re: الجندرية)
|
بتذكرك
وقت الكلام يصبح صعب
و الليل يودِّر في النعاس
وقت النجم يتلالا زي عقداً بيضوي عليهو ماس
أنا في المداين الضايعه ، ضايع لي زمن
غريب عيون
سرحان على الأرض الغريبه ، و بسأل الشوق عن وطن
بسأل الناس عن شوارعاً فيها تاتيتا و مشيت
و عن كلاماً داير أقولو
و قلت فيهو .. و ياما غنيت و بكيت
(الفنان أحمد شاويش)
في عام 1982 تصادف أن أتزامل مع الولد التراثي (عثمان) و ذلك من خلال جمعية التراث و الثقافة العربية بالفرع ، حيث اكتسب (عثمان) لقب (تراث) .. و من حينها ، انتصبت علاقة الليمون بأريجه ، و امتدت أمدرمانياً ، و شتاتياً ، مارةً بالأحباب ، دفع الله و أحلام ، و أماني و عثمان، و فريد و ساميه ، إبراهيم عابدين و أشعاره ، و نادر السماني و سلمى، و عادل و وداد ، و فريد و ساميه ، حسن و سهام ، و لنا ، ومعاويه البلال و تفاقماته ، أحمد شاويش و عوده ، و أبو مهيار و أحلامه ، و الأطرش صاحب الشاي بدار المعلمين ، و منتدى الخميس ، و محمد مصطفى و أبحاثه و كتاباته الإذاعيه ، و آخرين و أخريات ، و الثوره ، و الفتيحاب ،و القاعة الحويه، و بانت ، و... و ... ، و
و يا جندريه ، يا أماني يا تراثيه ، و يا عثمان يا تراث
يا أنتما
مصباح روحي أنتما
لكم أنا ممتلئ بكما حتى مغازلة الناس في الشوارع
أنا أعرف الأمنية التي تضن بها أماني عليك و أنا معها ، و لا تنسى بأن كل الأماني بين جدران نفسك المحبه
كل سنه و إنت مجنون ، و مهووس بالليمون
| |
|
|
|
|
|
|
|
|
|
Re: عثمان تراث كل سنة وانت طيب (Re: الجندرية)
|
عثمان تراث
ربنا يلحقك 100 شمعة
وتزبدهم 22 وكمان يحفظك للجندرية
واولادك ويحقق امانيك الا الواحدة
القالوها ليك فى عيد ميلادك
جندرية سلامتك و البورد من بكرى لحدى اخر زول كرامتك
ربنا يديك العافية
| |
|
|
|
|
|
|
|
|
|
Re: عثمان تراث كل سنة وانت طيب (Re: ايمان)
|
في شان بوستين في موضوع واحد ، نرجو من الباشمهندس بكري دمجهما حماية لركبنا من الركض بين بوستتين
وأدعوكم لمراجعة البوست بتاعي لحين فض الإشتباك فهناك تعقيب على مساهمة تراث أعلاه
وملخص التعليق حول ألأمنية المستثناة
في الأول فهمت أنها أمنية العودة للسودان ، ومن رد تراث { هدية من لحم ودم} ، فهمت انها رغبة في إنجاب طفل آخر ، لم تلاقي قبول الطرف ألآخر في العقد ،، ثم أربكني عثمان بحكاية التعدد هذه ففهمت ان ألأمنية الرغبة في زواج تاني
وسألته عن ألأتيان بنا لهذه الحياة دون إستشارتنا ، ، هل إستشار هو هبة ويسار
هناك اخطاء طباعة لن تفوت على فطنتكم فصححوها
| |
|
|
|
|
|
|
|
|
|
Re: عثمان تراث كل سنة وانت طيب (Re: Elkhawad)
|
وكل سنة وأنا.. بألف خير
محضون .. وحاضن أعز نيل
بين جريد تمر .. واحلى دِفيق
قمرية بتغازل ... في نخيل
أدنكر .. في برسيمي أخرط
أرد البحر .. أسوي شراب الهيم
همبريب وريحة خضرة نادين
عنكريب وجلسة عصراوية
حدا الحبيب ..
بس
عشان أقول للناس الحلوين
كل سنة وإنتو .. طيبين
وسالمين ،،،،،
عثمان تراث .. وجندرية .. جندرين
**البرقية من جاركم/ وليد الدين بين قوسين أيوالكنفد
| |
|
|
|
|
|
|
|
|
|
Re: عثمان تراث كل سنة وانت طيب (Re: Osama Mirghani)
|
يا تراث
ما اجمل ان تنادينا تلك التى هى بعض منا؟
نحتاج هذا الزاد العاطفى الرقيق
وهذه اللمسات واللفتات
فى زمان صار ايقاعه سريعا فان لم تالف الرقص معه
صرت (اشترا))(
؟؟؟
لك تحايا التنوع
بطعم احتفاليتك الخاصه
سديما وجلادا وتجاوز؟
ليك ولاسرتك
كل الامانى؟
كلها وليس بعضها؟
كلها؟ كلها؟
انور
يوم العركه الفى الحراره
بتشبع الصقار مراره
| |
|
|
|
|
|
|
|
|
 Re: عثمان تراث كل سنة وانت طيب (Re: ابو يسرا)
|
احتفل بالعام يا عمرى معاك
كل عام وانت يا الغالى بخير
* * *
وانتى يا عمرى عساك بالف خير
واعتنى واياك بالحب بالكبير
| |
|
|
|
|
|
|
| |
الجندرية
اساسي
اسامة الخاتم
shiry
elsharief
بكرى ابوبكر
bint algazeira
tmbis
يحي ابن عوف
أبو ساندرا
Habib_bldo
bayan
zola123
Elmosley
زوربا
بت قضيم
altahir_2
Mahmed Madni
WAD ELGAALI#4
Agab Alfaya
منوت
بدرالدين شنا
alfatih
moniem2002
HAMZA SULIMAN
ابن النخيل
تراث
AlRa7mabi
aboalkonfod
Osama Mirghani
ابو يسرا
nadus2000
فيس بوك
تويتر
انستقرام
يوتيوب
بنتيريست