|
|
 # أم تتزوج من طليق أبنتها ( عجائب الخرطوم)
|
#
في أعجب حدث من نوعه أقدمت سيدة في بداية العقد الخامس من عمرهاعلي الزواج من طليق أبنتها ولقد صعق أبناءها قبل المجتمع ولقد رفضت هذه السيدة توسلات أبناءها من الفضحية والعار الاجتماعي الاأنها أصرت وتم عقد القران وذلك مما دفع بأبنهاالبكر الي تقديم عريضة للقاضي الشرعي مطالباالمحكمة بأعلان ( بطلان زواج أمه من طليق أبنتها) ويقال عن هذه السيدة التي بهاشبق ألتقت طليق أبنتها وأبدت أستعدادها للطلاق منه ألا أنه رفض !!!؟ بالرغم من ذلك تمت مراسم الزواج الذي هوسابقة خطيرة بمجتمعنا.
* لكين ما رهيبه انت ونفسك صغيرة
|
|
  
|
|
|
|
|
|
|
 Re: # أم تتزوج من طليق أبنتها ( عجائب الخرطوم) (Re: محمد المرتضى حامد)
|
ياودالمرتضي
تحياتي وكل عام وأنت بعافية وخير
المهم طبعا لما قاموا مارسوا ضغوط عليها قالت للعريس ممكن تتطلق لكين نزولا لرغبة العريس تمت العرسه كان دا مقصدي من العبارة
ياأستاذنا طبعاأنا بكون في عوالم جميله كدا لا تعترف بقصة اللغة والنحو والبلاغة ديل في الكتابة الاسفيرية وما ذات أهمية كبيرة المهم خطاب يؤدي لمعني محدد, والعريس والعروس بصحة جيدة جدا بالرغم من المقاطعة لهمامن كل أفراد العائلتين وح نعرف قرار المحكمة يوم الاحد وأخوك ماشي لانو الشمار قاتلوشديد
لك ودي
| |
|
|
|
|
|
|
|
|
 Re: # أم تتزوج من طليق أبنتها ( عجائب الخرطوم) (Re: زهير عثمان حمد)
|
زهير عثمان ساردا : | Quote: ألتقت طليق أبنتها وأبدت أستعدادها للطلاق منه ألا أنه رفض !!!؟ بالرغم من ذلك تمت مراسم الزواج |
مولانا محمد المرتضى مستفسرا: Quote: سلامات يا زهير وكل سنه وانت طيب..
معليش .. أشرح لي الكلام الفوق دا.. باقي تقدم السن والمصائب أثر في فهمنا الأصلو شويه..
مودتي |
زهيرعثمان شارحا : Quote: ياودالمرتضي
تحياتي وكل عام وأنت بعافية وخير
المهم طبعا لما قاموا مارسوا ضغوط عليها قالت للعريس ممكن تتطلق لكين نزولا لرغبة العريس تمت العرسه كان دا مقصدي من العبارة |
ثم زهير عثمان معللا: | Quote: ياأستاذنا طبعاأنا بكون في عوالم جميله كدا لا تعترف بقصة اللغة والنحو والبلاغة ديل في الكتابة الاسفيرية وما ذات أهمية كبيرة المهم خطاب يؤدي لمعني محدد |
ثم السلام عليكم ورحمة الله وبركاته
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: محمد عمر جبريل)
|
غايتوا زمان لما البلد كانت ماشه صاح
وكل زول حافظ قواعد الدين من غير دوله دينيه تجلد الناس في الشوارع
كان في قاعده نحفظها عن ظهر قلب
ان الدخول بالامهات يحرم البنات والعقد علي البنات يحرم الامهات
منو العقد ليها ؟؟؟!!!
ولا حتي قوانين الشرع الاسلامي اتغيرت
ولا الناس ديل ما تبع الشريعه دي
ولا شنو الموضوع ؟؟؟؟؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: زهير عثمان حمد)
|
سلامات يا أبو الزهور
Quote: المهم طبعا لما قاموا مارسوا ضغوط عليها قالت للعريس ممكن تتطلق لكين نزولا لرغبة العريس تمت العرسه كان دا مقصدي من العبارة
ياأستاذنا طبعاأنا بكون في عوالم جميله كدا لا تعترف بقصة اللغة والنحو والبلاغة ديل في الكتابة الاسفيرية وما ذات أهمية كبيرة المهم خطاب يؤدي لمعني محدد |
يعني أفهم من كده ان الكلام المكتوب تحت ده
بما فيه من (شبق)
ليس خبراً منقولاً
ولكنه من صياغتك الخاصة؟؟؟
Quote: #
في أعجب حدث من نوعه أقدمت سيدة في بداية العقد الخامس من عمرهاعلي الزواج من طليق أبنتها ولقد صعق أبناءها قبل المجتمع ولقد رفضت هذه السيدة توسلات أبناءها من الفضحية والعار الاجتماعي الاأنها أصرت وتم عقد القران وذلك مما دفع بأبنهاالبكر الي تقديم عريضة للقاضي الشرعي مطالباالمحكمة بأعلان ( بطلان زواج أمه من طليق أبنتها) ويقال عن هذه السيدة التي بهاشبق ألتقت طليق أبنتها وأبدت أستعدادها للطلاق منه ألا أنه رفض !!!؟ بالرغم من ذلك تمت مراسم الزواج الذي هوسابقة خطيرة بمجتمعنا.
* لكين ما رهيبه انت ونفسك صغيرة
|
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: احمد محمد بشير)
|
هل العقد على البنات يحرم الأمهات، والدخول بالأمهات يحرم البنات؟ نرجو إفادتنا عن صحة هذه القاعدة أفادكم الله؟
الجواب:
هذه القاعدة صحيحة ومأخوذة من قوله تعالى: {وَأُمَّهَاتُ نِسَآئِكُمْ وَرَبَائِبُكُمُ اللاَّتِي فِي حُجُورِكُم مِّن نِّسَآئِكُمُ اللاَّتِي دَخَلْتُم بِهِنَّ فَإِن لَّمْ تَكُونُواْ دَخَلْتُم بِهِنَّ فَلاَ جُنَاحَ عَلَيْكُمْ} [سورة النساء: آية 23]، فالآية الكريمة أفادت أن أم الزوجة تحرم بمجرد العقد على بنتها، وأن بنت الزوجة لا تحرم إلا بشرط الدخول بأمها.
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
يا وليداتي العارفين بالشريعه تعالوا جاي
انا زمني دا كله كنت فاهمه انه مجرد العقد علي البت يحرم الزواج من امها
بينما اذا عقد احدهم علي ام لها بت ولم يدخل بها يمكنه ان يفسخ العقد علي الام ويتزوج ابنتها
اها الزول دا حسب فهمي زواجه من المراه دي باطل في كلا الحالتين ان دخل بابنتها ام لم يدخل بها .
ولا انا اكون فاهمه غلط لانه تم العقد لهما
معني كدا انه يجوز زواج المراه من طليق بتها التي دخل بها !!!!!!!!!!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
يا سعد الدين ولدي االجمع دا بين الاختين الا ما قد سلف
وما قد سلف دي انا بفسرها بالموت يعني تموت احداهن يمكنك ان تتزوج الاخري ذي حكايه يعوضوه اخت المتوفيه ودي بعملوها كثير اذا كان المتوفيه عندها اولاد
مع ان النفس تابي ذلك
غ
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
سلام يادوما
على ذمة قوقل لو كانت عندو ذمة
Quote: النساء التي يحرم الزواج منهن
1. يحرم للرجال التزويج بالمحارم من النساء مثل:
الأم, البنت, الأخت, أم الزوجة, العمّة, الخالة, الجدة, الحفيدة, بنت الأخ, بنت الأخت, زوجة الأب, زوجة الأبن.
2. المَحْرَم ـ من الرجال والنساء ـ يقال لمن يحرم الزواج به، ويجوز النظر إليه.(1)
3. يحرم للنساء أن يتزوجن بالمحارم من الرجال وهم:
الأب, العم, الحفيد, الأخ, الإبن, الخال, ابن الأخ, صهر المرأة, أب الزوج, الجد, ابن الأخت, زوج الأم. |
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: خالد العبيد)
|
و برضو على ذمة قوقل :)
عن الشافعي رضي الله عنه:
[قال الشافعي]: وإذا تزوج الرجل المرأة فلم يدخل بها حتى ماتت أو طلقها فكل بنت لها وإن سفلن حلال لقول الله عز وجل: {وربائبكم اللاتي في حجوركم من نسائكم اللاتي دخلتم بهن فإن لم تكونوا دخلتم بهن فلا جناح عليكم} فلو نكح امرأة ثم طلقها قبل أن يدخل بها ثم نكح ابنتها حرمت عليه أم امرأته وإن لم يدخل بامرأته لأنها صارت من أمهات نسائه وقد كانت قبل من نسائه غير أنه لم يدخل بها ولو كان دخل بالأم لم تحل له البنت ولا أحد ممن ولدته البنت أبدا لأنهن ربائبه من امرأته التي دخل بها قال الله عز وجل: {وحلائل أبنائكم الذين من أصلابكم} فأي امرأة نكحها رجل حرمت على أبيه دخل بها الابن أو لم يدخل وكذلك تحرم على جميع آبائه من قبل أبيه وأمه لأن الأبوة تجمعهم معا وكذلك كل من نكح ولد ولده من قبل النساء والرجال وإن سفلوا لأن الأبوة تجمعهم معا قال الله تعالى {ولا تنكحوا ما نكح آباؤكم من النساء إلا ما قد سلف} فأي امرأة نكحها رجل حرمت على ولده دخل بها الأب أو لم يدخل بها وكذلك ولد ولده من قبل الرجال والنساء وإن سفلوا لأن الأبوة تجمعهم معا.
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
سلام يا شباب
يا سعد الدين كلام دوما دا صحيح وبتذكر
درسونا ليهو في المرحلة الثانوية، شوفت
أخوك كان شاطر كيف في المدرسة؟! حتى
المرحلة الإبتدائية بتذكرها هاهاها
يا أبو الزهور ياخي إنت صحفي وصياغتك
للخبر ركيكة شديد، وبلا شبق معاك بلاء
يخمك خلي الناس في حالها، وبعدين الزولة
دي ما عندها عيب حبت زول وعايزة تتزوجو
على سنة الله ورسوله لكن هي بس جاهلة
بالشرع الإسلامي، وحتى في خبرك ما قلتا
لنا إنه مسلمة أم غير مسلمة، غير كدا
ما عندها عيب.
تحياتي للجميع
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
يا سعد الدين ولدي االجمع دا بين الاختين الا ما قد سلف
وما قد سلف دي انا بفسرها بالموت يعني تموت احداهن يمكنك ان تتزوج الاخري ذي حكايه يعوضوه اخت المتوفيه ودي بعملوها كثير اذا كان المتوفيه عندها اولاد
مع ان النفس تابي ذلك
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
ماما دوما طلعتي شيخة كبيرة :)
بسم الله الرحمن الرحيم
حُرِّمَتْ عَلَيْكُمْ أُمَّهَاتُكُمْ وَبَنَاتُكُمْ وَأَخَوَاتُكُمْ وَعَمَّاتُكُمْ وَخَالَاتُكُمْ وَبَنَاتُ الْأَخِ وَبَنَاتُ الْأُخْتِ وَأُمَّهَاتُكُمُ اللَّاتِي أَرْضَعْنَكُمْ وَأَخَوَاتُكُمْ مِنَ الرَّضَاعَةِ وَأُمَّهَاتُ نِسَائِكُمْ وَرَبَائِبُكُمُ اللَّاتِي فِي حُجُورِكُمْ مِنْ نِسَائِكُمُ اللَّاتِي دَخَلْتُمْ بِهِنَّ فَإِنْ لَمْ تَكُونُوا دَخَلْتُمْ بِهِنَّ فَلَا جُنَاحَ عَلَيْكُمْ وَحَلَائِلُ أَبْنَائِكُمُ الَّذِينَ مِنْ أَصْلَابِكُمْ وَأَنْ تَجْمَعُوا بَيْنَ الْأُخْتَيْنِ إِلَّا مَا قَدْ سَلَفَ ۗ إِنَّ اللَّهَ كَانَ غَفُورًا رَحِيمًا
صدق الله العظيم
النساء 23
بيان
قوله تعالى: «و أمهات نسائكم» سواء كانت النساء أي الأزواج مدخولا بهن أو غير مدخول بهن فإن النساء إذا أضيفت إلى الرجال دلت على مطلق الأزواج، و الدليل على ذلك التقييد الآتي في قوله تعالى: من نسائكم اللاتي دخلتم بهن فإن لم تكونوا دخلتم بهن الآية.
قوله تعالى: «و ربائبكم اللاتي في حجوركم» إلى قوله: «فلا جناح عليكم» الربائب جمع الربيبة و هي بنت زوجة الرجل من غيره لأن تدبير أمر من مع المرأة من الولد إلى زوجها فهو الذي يربها و يربيها في العادة الغالبة و إن لم يكن كذلك دائما.
و كذلك كون الربيبة في حجر الزوج أمر مبني على الغالب و إن لم يجر الأمر عليه دائما، و لذلك قيل: إن قوله: اللاتي في حجوركم قيد مبني على الغالب فالربيبة محرمة سواء كانت في حجر زوج أمها أو لم يكن، فالقيد توضيحي لا احترازي.
و من الممكن أن يقال: إن قوله: اللاتي في حجوركم، إشارة إلى ما يستفاد من حكمة تشريع الحرمة في محرمات النسب و السبب على ما سيجيء البحث عنه، و هو الاختلاط الواقع المستقر بين الرجل و بين هؤلاء الأصناف من النساء و المصاحبة الغالبة بين هؤلاء في المنازل و البيوت فلو لا حكم الحرمة المؤبدة لم يمكن الاحتراز من وقوع الفحشاء بمجرد تحريم الزنا على ما سيجيء بيانه.
فيكون قوله: «اللاتي في حجوركم» مشيرا إلى أن الربائب لكونهن غالبا في حجوركم و في صحابتكم تشارك سائر الأصناف في الاشتمال على ملاك التحريم و حكمته.
و كيفما كان ليس قوله: اللاتي في حجوركم قيدا احترازيا يتقيد به التحريم حتى تحل الربيبة لرابها إذا لم تكن في حجره كالبنت الكبيرة يتزوج الرجل بأمها، و الدليل على ذلك المفهوم المصرح به في قوله تعالى: «فإن لم تكونوا دخلتم بهن فلا جناح عليكم» حيث ذكر فيه ارتفاع قيد الدخول لكون الدخول دخيلا في التحريم، و لو كان الكون في الحجور مثله لكان من اللازم ذكره، و هو ظاهر.
و قوله: فلا جناح عليكم أي في أن تنكحوهن حذف إيثارا للاختصار لدلالة السياق عليه.
قوله تعالى: «و حلائل أبنائكم الذين من أصلابكم» الحلائل جمع حليلة قال في المجمع: و الحلائل جمع الحليلة، و هي بمعنى محللة مشتقة من الحلال و الذكر حليل، و جمعه أحلة كعزيز و أعزة سميا بذلك لأن كل واحدة منهما يحل له مباشرة صاحبه، و قيل هو من الحلول لأن كل واحد منهما يحال صاحبه أي يحل معه في الفراش، انتهى.
و المراد بالأبناء من اتصل بالإنسان بولادة سواء كان ذلك بلا واسطة أو بواسطة ابن أو بنت، و تقييده بقوله: «الذين من أصلابكم» احتراز عن حليلة من يدعى ابنا بالتبني دون الولادة.
عليه، المأذون ده مخستك!
| |
|
|
|
|
|
|
|
|
 Re: # أم تتزوج من طليق أبنتها ( عجائب الخرطوم) (Re: doma)
|
Quote:
عارف يا سعد الدين ولدي الصحفي المجنتر دا لا جاب لينا مصدر لا شئ
غالبا تكون من تصورات عوالمه الجميله القالها دي
|
مرحب بيك في النادي
--------
نادي قراء زهير العزيزين على ألبو
احجزي مقعدك جمب اخوك سعد ولّ اقول ليك شوفي صلاح عبد الله و ل ود البشرى او ود الصايم
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
سلامات يا ماما دوما
Quote:
يا سعد الدين ولدي االجمع دا بين الاختين الا ما قد سلف
وما قد سلف دي انا بفسرها بالموت يعني تموت احداهن يمكنك ان تتزوج الاخري ذي حكايه يعوضوه اخت المتوفيه ودي بعملوها كثير اذا كان المتوفيه عندها اولاد
مع ان النفس تابي ذلك
غ
|
العوض ليس فيه جمع!
المقصود بالجمع التزامن ..
و ما قد سلف يعني ما حدث من جمع قبل نزول الاية البتشرع منع الجمع
و الله اعلم
--------
ياخ خليكم من الشريعة
هل الفطرة السليمة بترضى زواج ام الزوجة؟
دا قرف شنو دا!؟
و اجتماعياً كيف الدبارة!؟
اها ح يقاطعوا الابناء و كل الاهل و المجتمع عشان (نزوة)!؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
أنا بعرف حالة تزوج فيها رجل من أخت طليقته.
في البداية الناس لم تفهم او تتقبل الامر و لكن بعد أن نظروا إليه من زاوية أخرى إتضح لمه كم كان هذا الزواج موفق.
الامر الذي حصل هو ان الفتى و زوجته الاولى لم يوفقوا في حياتهم فحصل الطلاق.
و لكن لشدة العلاقة بين هذا الشاب و أسرة مطلقته. عرض عليه والدها بعد فترة ان يتزوج إبنته الاخرى ليثبت للجميع أن لاعيب في بنته الاولى سوى أنها لم تتوافق مع زوجها.
قبل هذا الشاب و تزوج شقيقة مطلقته ليثبت للجميع ان لا عيب فيه سوى أنه لم يوفق مع أختها الاولى.
الان ينعم هذا الفتى و زوجته الثانية أخت مطلقته بحياة جميلة و رزق منها بولدين.
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: عمار يس النور)
|
Quote:
الان ينعم هذا الفتى و زوجته الثانية أخت مطلقته بحياة جميلة و رزق منها بولدين.
|
يا استاذ/ عمار في مقولة شعبية - ماما دوما بتكون سمعتا - بتقول :
القسمة تضحك على الصفاح!
يعني العقد و الطلاق ليست شيئاً نهائياً .. انما القسمة هي الح نلف و نرجع ليها
و الطلاق بما انو اقبح الحلال .. لكنو في حالات كتيرة هو خير محض
بعض البدايات تتنكر في شكل النهايات ..
في الكيس الجابو عمار دا يا ماما دوما فيو شبه عوض، بدون موت ..
عادي ممكن تطلق و تزوج اختها، بدون اي حرج شرعي
الخوف دائماً اجتماعي هنا.
--------
خالي اخو امي تزوج اختي بت ابوي .. و طلقها
رغم انو عندهم بت انا خالا و هي بت خالي .. لكن دا ما اثر على العلاقات في عايلتنا بأي شئ
بنتهم اتربت ماعانا في البيت .. و ما فرزت انها ما اختي الا متاخر جداً
ربنا يرحمو ياخي
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
Quote:
غايتو راجل دخل علي اختي لو يكون اخر راجل في الدنيا ولو اكون فاقده الامل لن اتزوجه
انا شخصيا لا حيه لا ميته رغم انها شرعا حلال بس نفسي تعافه
|
هي بالضبط كدا .. اشو سوشيوسايكلوجي
------
حليل زمنكم يمة
ما سمعتي بنات الزمن دا بغنن شنو :
بختي ان شاء الله راجل اختي!!
و لاحظي دي لو قُورئت متزامنة مع "راجل المرا " ما ياهو الجمع الحرم الشرع ذااااتو!!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
Quote: قيقراوي
حليل زمنكم يمة
ما سمعتي بنات الزمن دا بغنن شنو :
بختي ان شاء الله راجل اختي!!
و لاحظي دي لو قُورئت متزامنة مع "راجل المرا " ما ياهو الجمع الحرم الشرع ذااااتو!! |
هووووووووووى يا قيقا
تقوقى ضفدع بركة جدى حامد اب عصاءة سيف
اوعااااك تجمع والله راجل مراة لو بقى اخر راجل فى الدنيا
وراجل اخت زى ما قالت ماما ديمة حتى لو ماتت لو فكر بس مجرد تفكير ااقطعوا بسنونى
نكشة : خليك فى النيو لوك احسن ليك]
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: وضاحة)
|
وضاحة يا فجر المشارق
Quote:
اوعااااك تجمع والله راجل مراة لو بقى اخر راجل فى الدنيا
|
الجمع مخل اوفكوووووورس ..
لكن انا بتكلم عن خلل نفسي / اجتماعي حاصل
في كتير من الحالات غنا البنات بعبر عن مشاكل اجتماعية حقيقية..
الكيس اصطدي هنا - مع غرابته و الشك في صحته - لكن ممكن
الزمن دا زن موات الدهشة .. و الذهول العام
فقدنا قدرتنا على الاندهاش .. تماماً
ياخي بقولوا النسيب عين شمس، و دا لينا نحن الرجال!
انا لي اسي ما اكلت مع نسيبتي في صينية واحدة ..
و لا اظنها تقبل
-------
من ناحيتن اخرى
نقدكم ما بناء ياخي .. رايكم زي ضنب الكـــلب
عشان كدا يبقى الحال على ما هو عليه .. و على المتضررين بالفط
بس (بكسر الباء)
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
سلام
زي ما قالت الشيخة دوما الزواج دا أصلا باطل شرعا و ما في ماذون ممكن يعقده و لو وجد هذا الماذون فالمحكمة ما محتاجة لموافقة الزوجين المفترضين عشان تبطله. المشكلة كلها مافي دا المشكلة في الأخ زهير البقول إنه صحفي يكتب كلام ليس فيه من مقومات العمل الصحفي أي شي... فالخبرواضح جدا افتقاره للمصداقية و المصدر الموثوق و صياغته ركيكة بصورة غير محتملة و غير مفيد للقارئ. عارف يا زهير قبل كدا قلت ليك كلام و ضميري أنبني و كنت راجي فرصة أعتذر ليك لكن غايته أديني فترة لغاية ما ضميري يأنبني تاني هسع موضوعك دا خلى التأنيبة تروح و أشعر إنه كلامي كان صاح.
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elawad)
|
بصراحة ما حصل دخلت اى بوست من بوستات الاخ زهير
الاخيرة والتى تحمل عناوين مثيرة اطرافها نساء
نهائى ...
بكتفى فقط بعنوان البوست ..
هذه المرة ضغطت على عنوان البوست لاتحقق من مصدرالخبر
وللاسف لم اجده ..
لكن طالما كانوا الشيوخ والمفتيين فى هذا البوست
هم ماما دومة وقيقراوى فترانى لا اجد كبير حرج
فى تقديم فتوى ليس فى الخبر نفسه لاننى لا اريد الخوض فيه
لكن فى ما جا به شيوخ هذا البوست .. ففى فرصةاطلع صاح ..
غايتو لما درسنا الشريعة كان فى الزواج فى حرمة دائمة
وحرمة موقته ...
الحرمة الموقته بتزول بزوال سبب الحرمة وهو زواج الرجل
من الاصول او الفروع لزوجته .. اما ادا انتهى سبب الحرمة
وهو (الزواج ) بالموت او بالطلاق انتهت الحرمة لانها مؤقته !!
شفتوا كيف ؟؟
دا كلام درسناه ,, يعنى كلام الفقهاء
يعنى المحارم الذين اوردتهم ماما دومة فيهم حرمة دايمه وواحده موقته ..
اقول قولى هذا .. واتحفظ على رايى الشخصى ..
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elawad)
|
Quote:
و انتو ساكبن لى واحدة تزوجت علنا و ب (الحلال)
|
ابو الزفت!!
حلال بي وين يا دكتور!؟
---------
دينا خالد بطلي حارتك دي!
انت ريتي شريعة قراية ام دق ..
عاوزة تغالطيني انا خريج الخلاوي القريتا ايماناً و حتساباً
وكت اصلو الخلوة ما بتؤهل لمنصب نائب رئيس .. اها خلونا نبقى مفتيين بارطتايمر ياخي
المافي شنو!؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elawad)
|
كنا في رحلة جامعية إلى جبل أولياء ... وخلال مسيرة "الباص" المتجه إلى هناك كانت الآنسات يغنين: راجياك راجياك يا أب شرا .... (لم تكن أغنية راجل المرة قد ظهرت في ذلك الزمان .... لأن المناسبة التي قيلت لأجلها لم تكن قد حصلت بعد).
وفجأة شترتها أحداهن:
سجمي .. سجمي يا أب شرا ... سجمي إن شاء الله راجل أمّي يا أب شرا
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elawad)
|
Quote: المهم طبعا لما قاموا مارسوا ضغوط عليها قالت للعريس ممكن تتطلق لكين نزولا لرغبة العريس تمت العرسه
كان دا مقصدي من العبارة ياأستاذنا طبعاأنا بكون في عوالم جميله كدا لا تعترف بقصة اللغة والنحو والبلاغة ديل
في الكتابة الاسفيرية وما ذات أهمية كبيرة المهم خطاب يؤدي لمعني محدد, |
إبن أبي سلمى،
يا زهير،
الآن فهمت ، كما قال راكب التونسية يا هذا، فهمت مرماك واللات والعزى ومناة الكبرى،
لا تأبه للاقتباسات وما جلب الأقوام من وجوه ضاحكة في سوق عكاظ هذا ولاتُلق بالا لما بذل
أهل الفتيا بالمنبر ، كان على الطائفين من قبائل الهزازنة والفراهيد أن يكتفوا بتنزيل
رائعة الكاشف (حيرت افكاري معاك) كتشغيل مستمر وخلفية للبوست تمنح اللوحة بعدا رابعا
فتتمايل جهينة وكنانة طربا وتتثنى..| Quote: والعريس والعروس بصحة جيدة جدا |
لاشك في ذلك يا أخا العرب ، فهما قد تزوجا ولم يُقل الرواة أنهما كانا طرفا في حادث مروري بظهر يثرب لاقدر المولى ..
بس أنا زعلان منك : مش كان تدي أخوك الغلبان كود (العوالم الجميله) القُلتها دي ..
وبالرفاء والبنين..
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
و الله جنس دناوة!!!
يحكى ان الشهيد عبد الخالق محجوب عمل ندوة في عطبرة حضرها جمع غفير من
جماهير المدينة و اعجبوا بحديثه و صفقوا له كثيراً، و بعد الندوة اعترضت
امرأه كبيرة طريق عبد الخالق وبعد ان صافحته قالت له "و الله يا ولدي كلامك
سمح بالحيل الا قالوا الشيوعيين بعرسوا اخواتهم، دحين الكلام ده صحي؟" فرد
عليها عبد الخالق ببساطته المعهودة "يعرسوا اخواتهم ليه يا امي؟ البنات من قلهن؟"
دحين يا اخوانا واحد يقول للمرأه دي تعرسي طليق بنتك ليه؟ الرجال من قلهم؟
تحياتي يا زهير
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: محمد المرتضى حامد)
|
Quote: إبن أبي سلمى،
يا زهير،
الآن فهمت ، كما قال راكب التونسية يا هذا، فهمت مرماك واللات والعزى ومناة الكبرى،
لا تأبه للاقتباسات وما جلب الأقوام من وجوه ضاحكة في سوق عكاظ هذا ولاتُلق بالا لما بذل
أهل الفتيا بالمنبر ، كان على الطائفين من قبائل الهزازنة والفراهيد أن يكتفوا بتنزيل
رائعة الكاشف (حيرت افكاري معاك) كتشغيل مستمر وخلفية للبوست تمنح اللوحة بعدا رابعا
فتتمايل جهينة وكنانة طربا وتتثنى..
Quote: والعريس والعروس بصحة جيدة جدا
لاشك في ذلك يا أخا العرب ، فهما قد تزوجا ولم يُقل الرواة أنهما كانا طرفا في حادث مروري بظهر يثرب لاقدر المولى ..
بس أنا زعلان منك : مش كان تدي أخوك الغلبان كود (العوالم الجميله) القُلتها دي ..
وبالرفاء والبنين.. |
لا غايتو دي 100/صفر
والله بقيت اضحك زي المجنون والجماعة جنبي
انتو يا جماعة ما تدوهم فرصة وندي ناقل الخبر فرصة يشيل نفسوا حبة
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
السلام عليكم و رحمة الله
حديث الشيخة دومة ( ادام الله ظلها) حديث سليم وفقا لثوابت الاصول و الفروع
الفقهية الواردة تفصبلا في متن كتابه الكريم و في ما أورده الامة الاربعة
المتفق عليهم والمقبولين قبولا عاما .وهذا طبعا اذا ما كانت الحكومة السودانية
تطبق قواعد الشريعة الاسلامية بدون استثناء . و لكن حكومتنا و لضرورات تعلمها
تطبق علينا شريعة اسلامية مدغمسة كمال قال والي الامر و رقيص الجمهورية في ولاية
القضارف ( والتي قال واليها ما قال) ان الشريعة الاسلامية مدغمسة و الدغمسة تعني
مما تعني غمس الشئ و تغير معالمه و تحويل مقاصده و عليه يصح هذا الزواج في ظل
شريعة الدغمسة و يعتبر استلهاما يجب تثمينه عاليا .و يجب ان ينبري المؤتمرجية
ليدافعوا عن هذه المراة و الذي كتب عقد النكاح و ذلك المسكين الذي يتم تداوله
بين مخدع البنت و مخدع امها لانهم ارثوا قواعد الشريعة المدغمسة و التي سبق لها
أن حللت المال العام ودم المخالفين و زواج المتعة للسكرتيرات و الطالبات من ذوات
الدخل المعدوم و كذلك كيف جعلت هذه الشريعة المدغمسة مؤسسة الزواج أحدي وسائل
كسب العيش في سودان الشريعة المدغمسة . و اقول قولي هذا و أسال الله ان ينعم علي
الاخ زهير بالزرية الصالحة و يغفر لنا ماقد يكون وما قد كان والصلاة والسلام علي
خير الخلق سيد ولد أدم اجمعين وان يجنبنا المحن والزلل و ان لا يواخذنا بما فعل
الرؤساء منا انه سميع عليم
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: osman righeem)
|
| Quote: الزوج يعتبر ايضا شخص غير سوي لانه قبل بان يكون طرفا اساسيا في هذا الامر |
ما اظن الزول دة فيه خير للام حتى وان لم يكن زوجا لابنتها
عديم القيم، عديم الاحساس، عديم الفهم
وانشالله ما يكون عنده اطفال من مطلقته
وربنا ما يرزقه بطفل من امها
والافضل انه ما يرزق باطفال حتى وان تزوج من زوجة اخرى
لانه الزى دة ما ظنيته يعرف يربى
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: محمد حيدر المشرف)
|
يا زهير سلام
يا الاخو المصدر انا خليتو ولا بسالك
بس عليك الله ادينى اسم و عنوان المحكمة
لانو انا و سعد الدين دا ماشين نحضر
القصة دى و نسمعه .
يا جماعة انا ما عندى اى شي اقوله
بس لو عرفته المحكمة دى ح امشي
ح امشي .
ـــــــــــــــــــــــــــــــــــــــــــ
اجمل حاجة في البوست دا هو التطبيع البين
النيو لوك و بين الشيخه
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: سفيان بشير نابرى)
|
الاخوة البورداب والعابرين من قرأء المنبر
تحياتي
ناقل الكفر ليس بكافر هذا الخبر كان هو العنوان العريض لصحيفة حكايات (أي المناشيت) بالامس وعدم أو مدي صحة الخبر فهذا مترك لمصداقية الجريدة وسوف أنزل الخبر والتفاصيل خلال اليوم لانو لازالت علي سريري الوثير
أدام الله فضلكم
*أنت ياناذر أمس مش كان عندك تكليف بالمسالة دي طبعا نايم لسه
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
ما حكمة تحريم زواج الرجل من أم زوجته؟
الإجابــة
الحمد لله والصلاة والسلام على رسول الله وعلى آله وصحبه، أما بعـد:
فجوابا على ما سألت عنه من حكمة تحريم نكاح أم الزوجة ننقل لك كلاما جميلا ذكره صاحب ظلال القرآن في هذا المقام بعد أن ذكر آية المحرمات من النساء وعددهن ثم قال: هذه هي المحرمات في الشريعة الإسلامية ولم يذكر النص علة للتحريم لا عامة ولا خاصة، فكل ما يذكر من علل إنما هو استنباط ورأي وتقدير. فقد تكون هناك علة عامة، وقد تكون هناك علل خاصة بكل نوع من أنواع المحارم، وقد تكون هناك علل مشتركة بين بعض المحارم. وعلى سبيل المثال يقال: إن الزواج بين الأقارب يضوي الذرية ويضعفها مع امتداد الزمن لأن استعدادات الضعف الوراثية قد تتركز وتتأصل في الذرية على عكس ما إذا تركت الفرصة للتلقيح الدائم بدماء أجنبية جديدة تضاف استعداداتها الممتازة فتجدد حيوية الأجيال واستعداداتها، أو يقال إن بعض الطبقات المحرمة كالأمهات والبنات والأخوات والعمات والخالات وبنات الأخ وبنات الأخت وكذلك نظائرهن من الرضاعة وأمهات النساء وبنات الزوجات الربائب والحجور يراد أن تكون العلاقة بهن علاقة رعاية وعطف واحترام وتوقير فلا تتعرض لما قد يجد في الحياة الزوجية من خلافات تؤدي إلى الطلاق والانفصال مع رواسب هذا الانفصال، فتخدش المشاعر التي يراد لها الدوام، ويقال إن بعض هذه الطبقات كالربائب في الحجور والأخت وأم الزوجة وزوجة الأب لا يراد خدش المشاعر البنوية أو الأخوية فيها، فالأم التي تحس أن ابنتها قد تزاحمها في زوجها والبنت والأخت كذلك لا تستبقي عاطفتها البريئة تجاه بنتها أن تشاركها حياتها أو أختها التي تتصل بها أو أمها وهي أمها، وكذلك الأب الذي يشعر أن ابنه قد يخلفه على زوجته والابن الذي يشعر أن أباه الراحل أو المطلق غريم له لأنه سبقه على زوجته، ومثله يقال في حلائل الأبناء الذين من الأصلاب بالنسبة لما بين الابن والأب من علاقة لا يجوز أن تشاب، أو يقال إن علاقة الزواج جعلت لتوسيع نطاق الأسرة ومدها إلى ما وراء رابطة القرابة، ومن ثم فلا ضرورة لها بين الأقارب الأقربين الذي تضمهم آصرة القرابة القريبة، ومن ثم حرم الزواج من هؤلاء لانتفاء الحكمة فيه، ولم يبح من القريبات إلا من بعدت صلته حتى ليكاد أن يفلت من رباط القرابة وأيا ما كانت العلة فنحن نسلم بأن اختيار الله لا بد وراءه حكمة، ولابد فيه مصلحة، وسواء علمنا أو جهلنا فإن هذا لا يؤثر في الأمر شيئا، ولا ينقص من وجوب الطاعة والتنفيذ مع الرضى والقبول. انتهى كلامه.
والله أعلم.
نقلا من موقع اسلام ويب
التحية للخالة الحاجة دوما ، ما حأقول ليكي شديدة ، لانك فاهمة وعارفين قدرك .
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: doma)
|
Quote:
| Quote: لازالت علي سريري الوثير |
لوووول
بعد العوالم الجميله جابت ليها سرير وثير
فضل ليك اكواب من فضه وابارق النبيذ المعتق
|
انت قايلة حصل على اللقب (بن ابي سلمى) دا بالساهل!؟
-----
اعملي حسابك ما يهجوك بقصيدة عصماء بس!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elawad)
|
اخونا العوض سلام ...
الموضوع هو الحريات بشكل عام ... والاعراف المكبلة لحقوق الافراد لا مكان لها من الاحترام ...
هذه المراة اذا لم تخرق القوانين المنظمة لعملية الزواج فلماذا يمنع زواجها بالاعراف المكبلة للحريات العامة ...
السيد زهير جاب خبر ناقص ما معروف قاطعو من راسو ولا حصل ما عندنا علم لكن قطعا اتهامو ليها بالشبق والسقرطه غير مقبول ...
تانيا طريقة الهواة في رص ايات القرآن الكريم ومحاولة مطها وشدها لتلائم محتوي القصة غير مقبولة ايضا
| |
|
|
|
|
|
|
|
|
 Re: # أم تتزوج من طليق أبنتها ( عجائب الخرطوم) (Re: زهير عثمان حمد)
|
Quote: الاخوة الكرام
مساء الخير
أحمدالله علي حياتي الجميلة التي أعيشها بقناعة ومتعة لا تعادلها متعة وأنا مبسوط جدا أنو ما محتاج لاي دعم معنوي أو عاطفي المهم طبعا كل الشباب عندهم أعتقاد أنو ابوالزهراء قام كتب حاجة من نسج خيالو لا والف اليكم المصدر
|
_________________________________________________
يا زهير ياخي الصنف ده بيعمل وجع صدر وبهق ابعد منو الله يرضي عليك ياخي
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
بعدين يا سعد الدين .. بعيداً عن الدين ذاتو .. قريباً من الحريات نفسها
ادعى بدعاة الحريات .. احترام حريات غيرهم
المسألة نفسية .. و فطرة سليمة هي
خليك من الشرع .. نقول القانون* ببيحها .. اها اعرس نسيبتي!؟
-------
ياتو يوم في تاريخ السودان كان قانون الاحوال الشخصية (المدنية) بخالف الشريعة!؟
و المسلمين في السودان كانوا بتزوجوا بغير سنة الله و رسوله؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
يا سعدالدين ... عيافة شنو وسلسيون شنو ...الزوله دي بتتزوج ماليها علاقة بقضايا الجندر من ما بتزوج راجل اختي وبعافو ...الشغلانه ما كمونيه ... قصة اقطعو بسنوني وغيارها من التحشيش لا تتلائم مع قضايا الحريات المخصصه للافراد ...
اتا هسي جاي ومادي دقنك وراصي ليك مجموعة ايات ونصوص قرانية وماطيها عشان تلحقها كرعين الموضوع والكيس دا... والموضوع ناقص من اساسو وغير مفهوم ...
وبعدين بقولك ده دين عديل ... داير تكفرني مثلا ولا تكمم فوهي ... اتا كهاوي رصك للايات لن يغيير في الحريات الاساسية النادي بيها القران قبل اربعماية عام ومعظم اياتة تبدأ بقل ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
Quote: ادعى بدعاة الحريات .. احترام حريات غيرهم
المسألة نفسية .. و فطرة سليمة هي
خليك من الشرع .. نقول القانون* ببيحها .. اها اعرس نسيبتي!؟ |
يا قيقراوي ....الموضوع ما ليهو علاقة بالفطره وتقبل النفس بالشغلانية دي ...اتا هسي ما من القيقر _علي حسب الاسم_ الناس في الرنك الجمبكم دي الواحد عادي بيدخل علي مرة ابوهو بعدما يموت ... وماعندهم عيافة في الحته دي ...يبقي الناس تتقبل ما يريدون فعله طالما الموضوع يسعدهم ... لكن تجو تفرضو ماتؤمنوا بيهو علي التانين ده الابرشين زاتو ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
يا سنوسي اكفر ليك شنو؟
انت بي حرياتك دي هسة عندك رأي في زهير و اصنافه و مصادره!
دي حريات وين دي؟
بعدين الزول ده قال مصدره جريدة اسمها حكايات ، راجعها و اعترض على الخبر عندهم
بعدين اذا الموضوع حريات و ماشي امفكو كدا سااي، لزومو ايه المأذون من اساسه؟
ما الشغلة حريات ، صاح؟
بعدين أنا اللي جاي اكمم فمك و لا انت اللي جيت طاير فينا جوز بعد ما الموضوع مات و لحق امهات طه؟!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
| Quote: أحمدالله علي حياتي الجميلة التي أعيشها بقناعة ومتعة لا تعادلها متعة |
اهنيك يا ابو الزهور بالحياة الجميلة و المتع و خلافو..
عبارتك دي غايتو محتاجة شجاعة كبيرة لاطلاقها هكذا على الاثير الاسفيري.
المهم ركز على حياتك الجميلة دي و سيب الناس التانيين يمارسوا حيواتهم
بالطريقة البتريحهم.
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: سيف النصر محي الدين)
|
يا سعدالدين ... ياخي ماتلخبط وتتلجلج ساكت ...
الموضوع كتلتوهو انتو ديل تكبير تهليل وما عارفين الميت منو اقصد الحكاية شنو وما اتلفتو للاتهام بتاع الشبق والسقرطة الكتبو زهير فوق ... جيتو ومعاكم ناس حتي سورة الحمدو ما حافظنها شبكتونا ايات وفتاوي نصها من الفكي قوقل ما معروف كاتبها وناشرها منو !!!!
الحريات البنادي بيها تقيلة وكبيرة عليكم انكم تتقبلوها ... ودي ثقافه اتا متشربها ولا تنظر الا من خلال اسنة التكفير والمصحف الراصي اياتو وماطيها زي ما انت عايز ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: Elsanosi Badr)
|
دحين منو البلخبط و يلجلج؟
اياخي انت جيت بعد الهناء بي سنة و رشيتنا و بي آياتنا و زهيرنا!
حرياتك دي فيها زواج بمأذون و لا مجدوعة في السهلة؟
عرف حرياتك دي و تعال
لانه نحن هنا الخبر عن زواج و مرجعية ذلك دينية
زواج يعني مأذون و شروط صحة و شريعة
دي مرجعيتنا الحالية في شأن و ممارسة اسلامية شاءت حرياتك ام خبطت راسها عرض الحائط
الموضوع زواج و دين و شروط صحة
يعني الحريات شربتها ثقافة و وقفت عندك يا عمنا؟
ما هذه الانا التي لا تليق بمتعلم مثلك؟!
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
Quote:
يا قيقراوي ....الموضوع ما ليهو علاقة بالفطره وتقبل النفس بالشغلانية دي ...اتا هسي ما من القيقر _علي حسب الاسم_ الناس في الرنك الجمبكم دي الواحد عادي بيدخل علي مرة ابوهو بعدما يموت ... وماعندهم عيافة في الحته دي ...يبقي الناس تتقبل ما يريدون فعله طالما الموضوع يسعدهم ... لكن تجو تفرضو ماتؤمنوا بيهو علي التانين ده الابرشين زاتو ...
|
و هابيل و قابيل اتكاتلوا في اختم!!
لكن الزمن ماشي لي وراء و لّ لي قدام؟
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: saadeldin abdelrahman)
|
يا سعد الدين عليك الله ياخي بطل اللجلجه...
ده الموضوع الكتبو زهير نقلناهو ليك بضبانتو ... ياهو دا ...Quote:
في أعجب حدث من نوعه أقدمت سيدة في بداية العقد الخامس من عمرهاعلي الزواج من طليق أبنتها ولقد صعق أبناءها قبل المجتمع ولقد رفضت هذه السيدة توسلات أبناءها من الفضحية والعار الاجتماعي الاأنها أصرت وتم عقد القران وذلك مما دفع بأبنهاالبكر الي تقديم عريضة للقاضي الشرعي مطالباالمحكمة بأعلان ( بطلان زواج أمه من طليق أبنتها) ويقال عن هذه السيدة التي بهاشبق ألتقت طليق أبنتها وأبدت أستعدادها للطلاق منه ألا أنه رفض !!!؟ بالرغم من ذلك تمت مراسم الزواج الذي هوسابقة خطيرة بمجتمعنا.
* لكين ما رهيبه انت ونفسك صغيرة |
والمأذون الانتا افترضو ومافي في الخبر كلو كلو ... اتا جيت زارقو وحاشرو عشان تعضد بيهو حملتك بتاعة الايات الكريمة....
بعدين تعال هنا....الخرطوم دي فيها كم جنس وكم دين ... الحريات الكفلها القرآن الكريم اياتها ما حافظنها !!!
جايين الاعمي شايل المكسر ...المره دي مسقرطة وبها شبق ومعيوفة وغيرها من الابتلاءات ... ومافي واحد فيكم راعي لحريتها الشخصية ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: وضاحة)
|
Quote:
اى حرية واى خرابيط الانت بتتكلم عنها
دا بقول ليك اتزوجت زوج بنتها بعد ما طلق بنتها |
يا وضاحة ... اتي السودان قايلهو كلو شلوخ ودق شلوفة ومسلمين !!!! السودان ده فيهو ناس بيعبدو الجداد ... وفي ناس ما عندها دين كلو كلو ... نفترض المرأة دي واحده من الناس ديل اها ح تقعدي تعضعضي فيها بسنونك عشان قالت عايز تتزوج طليق بتها so what ... يعني يالناس تتعضعض ويدفنوها حية عشان عايزه تمارس حريتها الشخصية ... ده التخلف زاتو انو الواحد يدخل للزول جوه هدومو ويجيب ليهو ايات وبعداك يدقو ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
يا قيقا كدي النسألك قبل ما تجيك درابة نص الليل ده تغمًرك..
البت ذاتها الطلقوها دي رأيها شنو في زواج أمها من المان راجلها
السابق..ما يمكن تكون موافقة وللا شنو؟
ابو الزهور يمكن يساعدنا في الحتة دي و يجيب لينا الخبر اليقين
و كما كان استصحب معاهو رأي المأذون/القس/الكجور/الراباي يكون ما قصر.
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: قيقراوي)
|
Quote: يا بدر يا حبيب ممكن سؤال لو سمحت
هل السعادة دي هي محض اشباع غريزة في كائن اجتماعي (عاقل) .. انسان؟
و وين الحريات الشخصية من هد القيم الكلية للمجتمع؟ |
يا قيقراوي ... الزواج المفضي للسعاده بتختلف تخريجاته من اشباع رغبات وغرائز جنسية واشباع رغبات اخري في الكائن العاقل من كائن الي اخر بحسب تعاطية مع الحياة دون اغفال عامل الزمان والمكان ...
اما تعاطي الفرد لحرياتة وممارستة لها فلها صيغتان ان يتعاطها بمفهوم الحرية الفردية كما يحدث هنا في الغرب او تفرض علية كقيم مجتمعية زي ما بيطرحوها ناس سعدالدين ودومة ووضاحة بانو يا تؤمن بما نؤمن بيهو كلنا او تندق دق العيش ...
| |
|
|
|
|
|
|
|
|
|
Re: # أم تتزوج من طليق أبنتها ( عجائب الخرطوم) (Re: وضاحة)
|
Quote:
يا قيقراوي ... الزواج المفضي للسعاده بتختلف تخريجاته من اشباع رغبات وغرائز جنسية واشباع رغبات اخري في الكائن العاقل من كائن الي اخر بحسب تعاطية مع الحياة دون اغفال عامل الزمان والمكان ...
|
طيب لو حصرنا نفسنا في الكيس هنا -بغض النظر عن صحتو من عدما *- كل المعطيات بتقول انو الزول دي خالفت كل اعلاه
بدليل انو محيطها رفض الفكرة تماماً .. و حتى وصل رفضو النهايات المنطقية بطلب فسخ العقد قضائياً
يبقى السعادة ح تجي منين!؟
دا بؤس ما بعدو بؤس!!
----------
* يا وضاحة يا فجر المشارق
لوووووول واطاتنا اصبحت نحن هنا ..
زهير جا غمبلا لينا و نام نوم المتنبي ملء جفونه .. و لا خصاهو!
و سهرنا نحن الليل نختصم!!
| |
|
|
|
|
|
|
| |
زهير عثمان حمد
حيدر حسن ميرغني
معاوية عوض الكريم
محمد المرتضى حامد
محمد عمر جبريل
وضاحة
doma
قاسم المهداوى
عوض عبدالله طه
احمد محمد بشير
علاء الدين حيموره
saadeldin abdelrahman
مناهل عبد الله مصطفي
خالد العبيد
النذير حجازي
قيقراوي
عمار يس النور
Elawad
دينا خالد
Hani Arabi Mohamed
عمر صديق
elsawi
osman righeem
عاطف محمد أحمد زكريا
محمد حيدر المشرف
سفيان بشير نابرى
Asim Fageary
محمد عبد الماجد الصايم
ولياب
Elsanosi Badr
سيف النصر محي الدين
فيس بوك
تويتر
انستقرام
يوتيوب
بنتيريست