|
|
 Re: حوار هادئي مع تبارك، حول مفهوم دولة غير جهوية لكل السودانيين. (Re: أمير عثمان)
|
يا جماعة حد يشوف لينا بشاشا ده وين؟؟؟
أراد ... "حوار هادئي مع تبارك، حول مفهوم دولة غير جهوية لكل السودانيين."
فكتب تبارك:
Quote: نفترض جدلاً أن هذه "الدويلة" يحكمها كيزان ما بين حوش بانقا وكريمي (0.5% من السكان يمثلون جزء من شيعة علي عثمان في دار شايق وآل البشير في دار جعل) ... قصّرنا معاك؟
انت طرحك يفرق من "الدويلة" الحالية بى شنو؟ يعني حا تعيّن زغاوة بقوة السلاح ولاّ بى "نظام الدولة"؟ لو "غيرت النظام" و "أعدت هيكلة الدولة" حا تعمل شنو مختلف عن الهيكل الحالي؟ حا تعمل قانون يمنع تأسيس الأحزاب على أساس عرقي أو طائفي أو جهوي؟ القانون موجود ...
انت عندك فرصة انك تقدّم طرح متكامل في البوست دا ... وتقدّموا باتباع أسئلة موجهة للحوار في اتجاه مفيد ... عبّر عن نفسك بحرية واتجاوز احساس انو في زول بيغالتك أو مكذّبك أو مستخف بى رأيك ... وأدخل مباشرة في تفاصيل رأيك ..
عشان نسهّل عليك الحوار الهادئ ... ابدا لينا بى موقعك من الجبهة الثورية الوطنية ... شنو من كلامك بيعبّر عن الجبهة الثورية وشنو راي خاص بيعبّر عن بشاشا وغير ملزم للجبهة الثورية ... أدبياتها منتشرة أكتر مما يحتمل الإقتباس ...
انت بس ابدا الحوار ...
... المهم .... |
فزاغ بشاشا .. بدعوى حوار الطرشان ...
فمد تبارك رجليه ...
| |
 
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: أمير عثمان)
|
فيما اتصل بي الية التقكيك لدويلة الاقلية، او انشاء دولة كل السودانيين علي انقاضا، نقطة نظام، لو سمحتو:
التفكيك يا اعزائي، ما عمل جهة بعينها، بي اسلوب بي عينه، او تاريخ بعينه، من موقع مركزي، مباشر، بعينه.
لا ابدا!
هذه صيرورة او حركة تاريخ باسره، اصلا في حالة تشكل منذ سقوط عرش اخر دولة قومية لنا، مستقلة او حرة، في كرري.
نعم الاحتلال قام بتفكيك دولة ثورتنا الام، او علي انقاضا اسس الدويلة الحالية، او نزلا الشارع في 56م.
مقاومة التفكيك للدولة الام اصلا ما وقف، او في نفس الوكت، محاولات تفكيك هذه الدويلة تواصل باشكال مختلفة منذ 56م، في شكل ثورة "مش تمرد" 55، انانيا 1 او انانيا 2، ثم الحركة الشعبية.
في الشرق كان مؤتمر البجا، او في الغرب نهضة دارفور، وهكذا الي ان اخذت محاولات التفكيك شكلها او بعدها الحالي.
اذن هذه حركة تاريخ باسرو، حتمي، قدري لامفر منه، الي ميكانيكي بالمناسبة، وفق قوانين جدل التحدي والاستجابة الطبيعية.
غرضي الاساسي، اني حبيت اقول، خلو افقنا واسع او عريض، او نظرتنا شاملة او بعيدة، عن تفاصيل الماثل امامنا.
اذا المحاولة الحالية نجحت في اسقاط مش النظام، وانما الدويلة بي رمتا، بي سلام، او من دون انهيار السلطة المركزية او بالتالي، شكل الدولة، فكان بها.
بالعدم اذا الخطوة الحالية ادت الي انهيار تام للسلطة المركزية او بالتالي الدولة، فبرضو لامفر ولاعاصم من التغيير القادم.
كل الحيصل، في حالة انهيار السلطة المركزية، انو المشوار حيطول شوية، ولكن حركة التاريخ باتجاه سودان بديل، اطلاقا ما حتتوقف!
اذن، علينا ان لانتخوف اطلاقا من مالات الامور ايا كانت يا احمد ابنعوف او يا ادروب.
زي ما قال مانديلا، ما مهم تقع كم مرة، ولكن مهم تنفض الغبار، او تنهض كل مرة، او تواصل مسيرك.
في حياة الافراد، الناجحين منهم، ده ديدنم.
ومن سار علي الدرب وصل.
نعم، علينا بالتفكير في اقصر، او ارخص الطرق، ولكن، لاينبغي لوعورة او صعوبة الطريق ان تثبط هممنا، قط!
واضح لاي طفل، الوضع الحالي، لايمكن يستمر، علي الاطلاق!
ديكلارك، في جنوب افريقيا، في ساعة الصفر الذي دي، كان عاقل جدا او حكيم جدا، لما رفع العلم الابيض او ترجل من ظهر جواد الابارثيد، عكس، سذاجة او غباء امثال نافع!
الطريف جدا، اقطاب نظام القتلة، فاكرين روحم اذكية جدا جدا، بي زي تشبثم الغبي ده بالسلطة والثروة الي اخر لحظة، شغل تخبط او تيه!
| |
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: أمير عثمان)
|
النقطة الثانية الاردت المشاركة بيها في البوست دا هي انو ادوات الصراع الايديولوجي غير السياسي قد تم استحواذها ومنذ بداية تشكل دولة الاستعمار لصالح رؤية ثقافية واحدة (يمكن تسميتها بثقافة الوسط) بدلا من تسمية الثقافة الجلابية ..والوسط دا طبعا ما وسط حقيقي ولكنه وسط جدلي..
الادوات التم الاستحواذ عليها من قبل هذه الثقافة هي ادوات الاكتساب الثقافي ..
راديو ..
صحف ..
تلفزيون..
مدارس ..
جامعات..
وهكذا تم استعاب الهامش مركزيا ..
كيييييييييييييييييييييييييييف.
لقد استوعب المخيال اللغوي السوداني راموز معين وهو لهجة الوسط!!!!!!!!!!!!!!!!!!!!!!!!.
ودا حسم المعركة في ميدانها الاول ..
ما اللغة عندها حاجة اسمها السوق اللغوي..
فاللغة كما هي رصيد رمزي فهي قيمة شرائية في السوق اللساني .وفي هذا الاخير يكون لكل قدرة لغوية(لغة ،لهجة ،رطانة) يكون لها راس مال... وينشا السوق اللساني حين تدمج مجموعات لهجوية او رطانية او لغوية متباينة في كيان سياسي واحد،وحينها تنتج علاقات قوة بين هذه اللغات او اللهجات وفق القوة الاقتصادية او الحجم السكاني او المنعة السياسية لكل من هذه اللهجات او الرطانات او اللغات ،حيث تحمل اي منها رصيدا لغويا تتساوق قيمته الشرائية بحيويتها (حجمها قوتها السياسية والاقتصادية ) وبقدرتها على انتزاع ودعم دور فعلي لذلك (الراسمال الرمزي) في اجهزة الدولة السياسية والاقتصادية والايديولوجية(تعليمية واعلامية وغيرها). وطبعا زي ما عارفين انو هذه الاجهزة اضافة لادوار كثيرة بتلعبا فهي مناط الحراك الاجتماعي!!!!!!!... لذا فان لغات ولهجات الاطراف في السودان تكون لها قيمة شرائية دنيا مقارنة باللهجات التي نالت حظا اوفر من النمذجججججججججججججججججججججججججة(!!!!!!) .دي برضو نقطة ارتكاز استراتيجية في نقاشنا!!!! ..لذا فان اخطر حاجة في الحتة دي انو يصبح لزاما على الذين يسعون لانقاذ راسمال مهدد(لهجة في طور الانقراض ،وجود قيمي في طور الانقراض وهلم جرا)الدخول في معركة واسعة حول اادوات اعادة انتاج راس المال اللغوي ذي القيمة الشرائية العليا (مراكز القوة السياسية والاقتصادية والايديولوجية كما شرحناها اعلاه).. وهكذا نخلص ان حسم قضية قيمة شرائية نسبية للهجة او لغة لا يرتكز على اساس لساني (يعني في لغة او لهجة او رطانة احسن من التانية) ولكن على اساس سياسي اجتماعي في المقام الاول . اي ان الصراع في السوق اللساني ليس صراعا لغويا ولكنه صراع بين افراد في مواقع اجتماعية وسياسية محددة حول الهيمنة على ادوات السوق اللساني.
ان اعادة توزيع القيم الشرائية للالسنة السودانية امر مهم ومتعلق بالمخيال الاجتماعي هذا الاخير الباثر تخيل اي مجموعة لتاريخها وامالها ..
والمسالة دي بتاثر على الحراك الاجتماعي ..
ان اعادة التوزيع هذه مرتبطة يشكل كبير بتفكيك بنية الدولة السودانية التقليدية ..
دا كلام حاسم في النقطة دي
مع تحياتي
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
و ايضا كان يعنيني ... تركيز قليل من الإضاءه علي بعض من هذا الزيف و النفاق ... اضفاء المعاني و الاشواق النبيله التي تجد وقعها المريح و المباشر علي افئدة الناس و تكون هي في حقيقتها ملتبسه و غير متسقه ...بل و غير صادقه من اصلو ... يضحكون بها علي الناس امام اجهزة و كاميرات الاعلاميين و الصحفيين ...هذه الاّليات الضخمه التي اضحت في عالم اليوم كما كاسحات الجليد العاتيه في تدمير العقل و العقلانيه و تشويش عقول البشريه و غسيل المخ ..لمن يمتلك الياتها والذي يبرر اللهاث المحموم للاجهزه الامنيه فيملكيتها و فرض قوانينهم عليها (الرقابه القبليه).. .لايتقدمها شئ اكثر منها مضاءا في تسويق الكذب و النفاق و التضليل .... فحينما يقف زعيم توسمنا فيه الخير منذ اتفاقوا مع قرنق ...واستنفرت افرع الحزب الشيوعي اللهو الحزب (الانا منتمي ليهو وما ناكر شيوعيتي) حينها ...استنفر كل المدينه (عطبره) بالتظاهر و الدعم والشعار و الهتاف و النشيد...لدعم الاتفاقيه وحسمها في الاتجاه النهائي للسلام .... في مواجهة مؤامرات الكيزان الحاولوا يقتلوها في المهد حينها و قتلوها بعد حين .. ....و حينما يقف مرة اخري امام الاجهزه الاعلاميه و يصرح ....بان لا مساس بالثوابت ..ثوابت التوحد مقابل التفكك و التشرذم.. ويكون موقفه في تمام الاتساق مع سابقه .... ثم و ياتي و من غير مقدمات و مسوغات ليضع يده وابنه و حزبه في يد من تاَمر ضده و ضد رغبات الناس في العيش في سلم ابان اتفاقيته ......ليضع يده في يد من ذهبوا لاكثر من ذلك وبلَعوهو كلامو ناشف وقطَعو ليهو ثوابتو في راسو ومن غير عمه بعد ما حلقو ليهو صلعه و بــ منجل برسيم ... حينها يزاح الستار عن المشهد الذي كان يحدث خلسة بينهم ... وكانما كان يلعب في ذلك الزمن علي دقون و احلام البسطاء جهرا و يحفحف دقون و شوارب ناس الجبهه الاسلاميه سرا و لم يكتشف مؤخرا ان تلك المواقف كانت علي النقيض و معاديه تماما ...لمصالحه و مصالح الشريحه الاجتماعيه التي يعبرعنها ..لذلك فالموضوع ليس موضوع خيارات للميرغني في ذاته كخيار و حق ديمقراطي اصيل علي الجميع احترامه بل موضوع ثوابت و طن و وشعوب و تاريخ وُجدت بوجود هذه الرقعه علي الكوكب و كان هناك اتفاق جنتلميين في ووفق اطار الوطن الموحد الوطن الواحد ما قد كان و ماسيكون... السودان... وحل المشاكل التي تشوب ذلك السودان بالعدل بين اولاده و بناته و برد الحقوق لاهلها...بمفهوم الدوله - حتي بمفهومها الطبقي - التي تحكم و تتحكم في هذا الوطن و تدير حياة تلك الشعوب ....لكن ان اجد انه ليس هناك ثوابت وطنيه بل ثوابت و مصالح دائمه مغرقه في الذات و الانانيه و لعب علي الدقون وان كل هذا ...اضحي نوع من البطيخ الفاقع البياض واحلام ضغثه مع الكثير و الغالبيه من اولاد و بنات البلد...وان هذه الثوابت الوطنيه مثلها و مثل بضاعه يتم التنازل عنها في اسواق عكاظ و المواسير و وست منستر و بورصة سوق المناخ و داو جونز مقابل رياله سايله و مبلله قفطانو و قفطان ولدو و مريديه الواصلين ناس القروش من دون البسطاء و بعيون مبحلقه في السلطه و الثروه ....في الجاه و السلظان و الدولار المافيهو صورة محمد رسول الله ... و لا صورة جدو العباس ...بل صور جورج واشنطون و ابرهام لونكلن و نتنياهو و خادم الحرمين ؟؟؟؟ !!!! ... حينها يحق لي ان اتكلم و اصرخ واحجر عليه حقه لانه لم يعد كذلك بل تجاوزه بالتعدي علي حقوق الناس يا صديق ....و اظنك تعلم تماما اني انا ناس ما نسناس القرد....وبالنسبه لي علي الاقل اهو كلام لسه ما وصل مرحلة الفعل المادي ....لكن الفنتازيا القاتله في الموقف و الوضع ده....انك انت عامل ماااا شايف الحاجات دي كوووولها و جاي ناطي لي في حلقي وبتتريق كمان
Quote:
.... كدا ما جاية ..... مش الأخ ديموقراطي برضو؟
|
خليك في تريقتك و دستورك وديمقراطيتك دي انت و هو لانو هو شايفو زج بالمدعو مساعد رئيس الجمهوريه ليساعد رئيس الدوله و حامي حمي الدستور للمساس بالثوابت الاخري و يكملو الناقصه ... و لانو انا شايف طيارتم خلاص و طيارتك انت ذاتك رغم تميزها عنهم...فتحو ليكم السيمافور .... و حتلحقوا قطر صوفيا لورين!!!!!؟؟؟؟؟؟
إضافه لكل ذلك انا لمن كتبت ليك الكلام ده
Quote:
لانو الطرف التاني المستفيد من الاوضاع الحاليه ...ما حيكون واقف في مكانو محلك سر ...
بل حيكون اتطور و طور ادواتو ....عشان يحتفظ بمصالحوا ...و يحتفظ بالاوضاع ديه
|
و وضعت ليك الكلمات دي بين قوسين ...و معاها العلامات الكتيييييييييره ديه..
Quote:
...(و طبعا ده من حقو!!!!!!!!!!!!!!!!!!!!!؟؟؟؟؟؟؟؟؟؟؟؟؟؟)
|
...ما كنت قاصد اختها ليك تمومة جرتق ....و اللاَ خيال ماّته .... بل كنت قاصدا و اعنيها تماما ...انو الطرف التاني ايا كان من حقو يفكر بالطريقه البتريحو طالما هو سوداني زيَي زيو ...انشاء الله حتي يتاّمر....اصلو مافي خوف من ذلك ....و انا شخصيا كشيوعي ..عندي الثقه و القدره... لمواجهة الافكار و العقليات الفاشيه و مؤامرات قواها وعندي الثقه في البسطاء و خياراتهم حينما يتضح المشهد بدون رتوش وبعيدا عن ضباب المثقفاتيه زي الخزعبلات البتكتب فيها دي و عندي الثقه في انني يمكنني الارتقاء بوعيي منهم ثم الارتقاء بوعيهم و رص صفوفهم و الاصطفاف معهم لمواجهة من يعاديهم و يعادي امالهم و احلامهم و حقهم الانساني في الحياه... و اذا حاول هذا الاخر ان يتصعلق بالتامر..فهناك زاد وافر منها و علي مويه بيضا ..(كٌشري يعني)....و لكل مقام مقال ... بس بشرط انو الفرص تتاح للطرفين او للاطراف وفق قوانين الديمقراطيه و قوة القانون واّلية حمايتا التنفيذيه و الجماهيريه ...و امشي ليك ابعد من كده ...شفت الكيزان ديل ذاتم و اللي الناس دي قايما و قاعدا معاهم بالتهديد و الوعيد و الثبور و عظائم الامور انا مع حق تواجدم و حقهم في التفكير بالطريقه البتريحم طالما كلنا نستظل بامبرلا الدوله التي نعيش تحت قانونها....و ده مش لانو دي رغبيتي ..و لا حبا فيهم يا صديق ...بل حبا في الديمقراطيه.. بالاضافه لانو ده واقع افرزتو و حيستمر افرازو من ارحام امهات السودانيين ...و بكل الالوان والاشكال السياسيه....طالما لسه هناك في جكس و في دون جوانات...بيحاحو و يهاتو ليهم ... زي ود ابرق و عثمان موسي.. و الحق القانوني البيسمح لي اني اكون شيوعي ....بالمعادل و الشرط و الديمقراطيه حيسمح للاخر ان يكون كوز او حزب امه او اتحادي او قرفنا ...وكووولهم معنيين بالصراع الطبقي الضاري .... و ازيدك في الشعر معلَقه مش بيت ....و وفق نفس المفهوم الوضحتو ليك فوق ده ....شفت امريكا دي ذااااتا و بـــ البتعمل فيهو ده ... و بـــ عولمة الراساميل البتبنيفيها دي ....برضو من حقها تعمل الداير تعملو ...بس فقط و زي ما قلت ليك ...انو يكون متاح للاخر انو يعمل الداير يعملو و وفق لعبة و قوانين الديمقراطيه و حق الشعوب في تفعيل ارادتها ....شفت الثقه دي كيف ؟؟؟؟ و المساس بهذا القدر او ذاك من هذا الحق ..من ايا كان من هذه الاطراف.. سيكون كارثه اخري تضاف لاحن و كوارث هذا الشعوب الصلده البتشمخ كل يوم وهي تدوس علي جراحاتها....
...فهذه الشعوب تعلَمت من ضربات الجلادين ..... ان تمشي علي الجرح ....و تمشي .....ثم تمشي ..
....عشان كده كلامك البطيخ ده
Quote:
.. والدنيا دي مافيها نظام حكم مثالي ... مش لو تقرا شعر ولاّ تلحن ... فيها أنظمة واقعية تتعامل مع مشاكل البني آدم كما هي ...
يد تسرق عندها نص في دستور النظام ويد تسبّح عندها نص في دستور النظام ... أنظمتكم بتاعة الأيادي النظيفة البتسبّح فقط دي ما لازمانا |
خلَي ...الشاب الجدع ساريه ...و الشابه الجدعه سيرين .... وبالله يجيبو معاهم ...حبوبه الاموره الصغيرونه بت اخونا بدر الدين ...يجوك ...و يخبَِتوك ...بــــ ...بٌلغه قديمه في سلسلة ضهرك الفقريه ...عشان يتبلع ليك .... و بالمره كده ...يدوك شوية عقل ... عشان ينضَف ليك عروق المخاخيت الفاصله بين الدوله و دستور الدوله و حاكمين الدوله الفي مخك ده!!!!!
...
اما ده
Quote:
....
لاكين الما بيعترفوا بالنظم والدساتير الديموقراطية ودايرين يغييروها ويعيدوا هيكلتها ... هياكل شيوعية أو وهابية أو هيكل "عييييييكي" زي الطارحو بشاشا دا ... الناس الزي ديل اخير لينا منهم نافع مليون مرة ... الديموقراطية حقت الشعب ... دفع فيها دم الملايين من ابناؤو ... والبيحاول المساس بأنظمتها وهياكلها الأساسية بنعلن عليهو حرب طوالي ... زي عملية نافع بتاعة اساءة استخدام السلطة دي هي الداخرين ليها النظام الديموقراطي عشان يحمينا منها ... يجي زول يتعذر بسلوك نافع عشان يزيح النظام الوحيد البيحمي من نافع؟
|
فما عندك اي حل تاني غير ما تمشي لاولاد و بنات ....بخاري و نجلاء ....و تخليهم يجيبوا ليهم منقد من حبوبتم ....يلعلع بنار الله الموقده
.... توريهم كلامك ده و تـــــ ســـــ بلاَهو ليهم وبعد داك تختو في المنقد و تتبخّر بيهو ....يمكن ظارك المدَستر ده يفك!!!!!
...
...اَلـ ديمقراطيه و دستور ديمقراطي اّلــ ...
...
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: وليد محمد المبارك)
|
Quote: يا جماعة عن اذنكم فانا عاوز اعمل بروفة لحاجة ثانية في بوستك دا يا بشاشة ..
طيب ..
القصة انو الجلابة عموما في حاجة فايتة عليهم وهي انو هجومهم على الانقاذ يعاني من حالة سيندروم كساحي ..كيف!!؟.
فموقف الجلابي المع الانقاذ والجلابي الضدها بيستبطن موقف ايديولوجي واحد ..
لكن هناك خلاف ايديولوجي فرعي ذا طابع سياسي ..
كيييييييييييييييييييييييييف!!!!!!!!!!!!!!!!!!.
الايديولوجيا العامة البلتقو فيها الجلابة جميعا هي ايديولوجيا الشمال النيلي او ايديولوجيا البحر ودي ذات طابع ثقافي فكري عروبي ،او بكلمات محمد ابو القاسم حاج حمد ذات نزوع متوسطي ..
يعني بالتعبير البنيوي (او الاركيولوجي حسب فوكو ) ان ابستيمي هذه البنية واحد بتاثر بيها اي زول صادر منها لو بقا تبارك او علي عثمان!!.
لكن ممكن للاول انو يقرا الابستيمي دا بطريقة علمانية والثاني يقراهو ثيوقراطيا ،ولكن في النهاية القراءة دي تجلي للشئ ذاته دون انو تبارك يتجرأ انو يقطع مع هذا المكون الثقافي واكبر دليل مداخلات تبارك في بوست
[URL]ام درمان واسطورة ثقافة الوسط!!!.
عشان نقرا السطور اعلاه كويس اديكم الحاشية دي ..
ففيما اذا كان يمكن للمفكر او الجماعة السياسية ان تقطع مع ايديولوجيا المجتمع الذي صدرت منه ام لا يفزلك العروي (مفكر ماركسي مغربي) ذلك مستدلا بالايديولوجيا الالمانية التي انتجت ماركس كي يدلل على قوة الايديولوجيا الاساسية ..
فاذا ما كانت الايديولوجيا الالمانية تريد التحرر من اشكالية التاخر (او التاريخ المعاق) فهي تنظر الى السياسة اليعقوبية كتجسيد لمستوى التطور الاعلى المنشود ..اي تعميم القيم الانسانية الكونية عن طريق الارهاب ، والوعي بالتاخر هو الوسيلة لتدارك هذا التاخر ،ونظرت الايديولوجيةالالمانية للمثقف باعتباره وسيلة وصانع لتدارك هذا التاخر..
ماذا فعل ماركس بهذه الاشكالية التي وجدها امامه ..
فلقد اكتشف ماركس من وراء وتحت السياسة اليعقوبية التشكيلة الاقتصادية –الاجتماعية ،ومن وراء وتحت التاخر التاريخي تاخر علاقات الانتاج بالنسبة لقوى الانتاج ،ومن وراء وتحت النخبة المثقفة الساخطة الطبقة العاملة العصرية التي جمعت كل وسائل السخط ..
اي لم يفعل ماركس اكثر من انه انتج الايديولوجيا الالمانية مرة اخرى او انتجته هذه الاخيرة من حيث لا يدري ولا يحتسب..
لذلك وفي اول محاولة لتطبيق الجدل على المجتمعات الفيودالية والخراجية في العالم الثالث لم يجد ماركس سوى التطابق مع الامبريالية في ما اسماه بنمط الانتاج الاسيوي حيث اتضح انك لا يمكن تطبيق قوانين الجدل في غير المجتمعات الراسمالية المتطورة!!!!!!!!!!!!!!!.
يعني تطبيق العدالة في المجتمعات الراقية ودهس البقية تحت تروس الامبريالية الى ان ترتقي الى ذلك المستوى ،وهو ما انتقد فيه ادوارد سعيد ماركس مر الانتقاد في كتابه المفصلي الاستشراق.
نفس الميكانيزم بشتغل في موضوع الثقافة الجلابية السياسية في السودان فبما ان تبارك وعلي عثمان لا يصدران سوى من ايديولوجيا اجتماعية واحدة (ايديولوجيا المركز) ،اذن فليس لهما سوى الاختلاف على مستوى الايديولوجيا السياسية ولكن في العمق لا يملكان اليات الاختلاف الكلي فيقعان في الفخ كما وقع ماركس في براثن الايديولوجيا الالمانية .
ان اختلاف تبارك مع علي عثمان هو اختلاف مقدار وليس اختلاف نوع ..
كيييييييييييييييييييييييييف!!!!!!!!!!!!!!!!!!!.
فلقد قام علي عثمان في اطار جدل اجتماعي سياسي محدود فابعاد تبارك ومنظوره ..
اما تبارك فليس امامه سوى ابعاد على عثمان مع الاحتفاظ ببنية الدولة السودانية التاريخية ، ولكن باليد الاخرى فان هذه البنية ذات ايديولوجيا لا تستوعب سوى من ينسجم مع منتجاتها ..
ما الازهري سياسيا مختلف من عبدالله خليل وعبد الله خليل مختلف عن عبود وعبود مختلف عن سر الختم الخليفة وهذا الاخير مختلف عن المحجوب وهذا الاخير مافي يحاجة بتلموا مع النميري والنميري اختلاف المشرق من المغرب عن الصادق المهدي وهذا الاخير كذلك عن حسن الترابي ...
لكن ديل كلهم صادرين عن مؤسسة اجتماعية واااااااااااااااااااااااااااااااحدة !!!!!!!!!!!!!!!!!.
عشان كدة العيب لا في علي عثمان ولا الترابي ولا الصادق المهدي ولاااااااااااااااااااااااااااالنميري او عمر البشير!!!!!!!!!!!!!!!!!!..
العيب في بنية الدولة السودانية التي كدة كدة لازم تتفكك حسنة ولا رجالة..
انت عارف يا تبارك نسكت مدني تغرق ..نتكلم يقولوا مجنون!!!. |
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
| Quote: ديل جلاّبة الهامش .... يعني زيّ "صرب البوسنا" ... |
ما هو عشان كده بتكتمل بيهم الصورة يا تبارك
اصحابك ديل مجهجهين في نظريتهم
نظرية الهامش والمركز دي
يبنوها على الاثنية
ما تلفق يلقوا الدناقلة محشورين ليهم في النص مع صف الاعراب وما هم بعرب
يبنوها على الجغرافيا
برضو ما تلفق
ناس السنوسي وبريمة ديل حا يتصنفوا كشنو ؟ مركز ولا هامش
يبنوها اللغة عربي ورطانة
برضو الدناقلة يخربو الرصة وناس بريمة يخربوها من الجهة التانية
يبنوها على الرق والاستعباد
برضو ناس بريمة يخربوها والمهدية تكوجنها ليهم
يبنوها على السياسة
اها براك شايف الطرطشة في البوست ده تحديدا وكت يبقى الكلام سياسة
عاوزين بريمة والسنوسي بدر، معاهم واحد حمري وواحد بطحاني من ابودليق وواحد مجنوني
نشوفهم حا يرصوها كيف ؟
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: أحمد ابن عوف)
|
Quote: يعني بالتعبير البنيوي (او الاركيولوجي حسب فوكو ) ان ابستيمي هذه البنية واحد بتاثر بيها اي زول صادر منها لو بقا تبارك او علي عثمان!!.
لكن ممكن للاول انو يقرا الابستيمي دا بطريقة علمانية والثاني يقراهو ثيوقراطيا ،ولكن في النهاية القراءة دي تجلي للشئ ذاته دون انو تبارك يتجرأ انو يقطع مع هذا المكون الثقافي واكبر دليل مداخلات تبارك في بوست |
هامش:
آركيولوجي: متعلق بالآثار التاريخية
ابستيمي: متعلق بعلوم المعرفة
علماني: محايد عقائدياً
ثيوقراطي: متعلق بمؤسسة أو معبد ديني بحجم دولة
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
Quote: اتمنى من الاخ بشاشا ان يفعل المثل
و اتمنى الا يتقهقر بسرعة للسلاح التقليدي
اي الهجوم على الشخص و ترك الفكرة
لانه اسهل شيئ الهجوم الشخصي. |
ثروت سلامي او مرحب بيك.
قتا لي هجوم شخصي؟
ده كلام وين ياثروت؟
يوم متين من سجلتا هنا، انا هاجمت خصومي هجوم سخصي؟
ماتكون صاري لي، لما ضحكت علي الجلابية زعيمة حزبكم الجديدة، اللي من اسمها يبدو انها قريبتك!
فما معني هجوم شخصي في فهمك يا ثروت؟
هل وصم الاخر بالجلابي او المجولب مثلا هجوم شخصي؟
في فهمنا، هذه وجهة نظر محددة او مفصلة او مؤسسة علي حجج بعينها.
بعدين، اول الجلابة في المنبر ده، قنا هو بشاشا ذات نفسو!
فمافاهم انتا قاصد شنو بي هجوم شخصي؟
من الجانب الاخر، لما نعلن عن "حوار هادئي" والصيغة دي، نعلم انها تسيل لعاب الحلابة، ففي العادة لانستخدم، اودواتنا التقليدية، بتاعة الابر الكوشية، في ساحات "الحوار الهادئي"!
خالص الود
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
Quote:
هامش:
آركيولوجي: متعلق بالآثار التاريخية
ابستيمي: متعلق بعلوم المعرفة
علماني: محايد عقائدياً
ثيوقراطي: متعلق بمؤسسة أو معبد ديني بحجم دولة
... المهم ....
|
المهم المعنى الاجمالي شنو يبقى يعني!؟
----------
يا صهيب ياخي ما ممكن تعسم ليك سطر واحد بستة مصطلحات مرة واحدة !
يا زول نحن هنا ناس امسك لي و اقطع ليك ..
اها النجيضة شنو!؟
عشان نحدد موقفنا جلابة ولّ ومتجولبين ساي كمان
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: AMNA MUKHTAR)
|
| Quote: المهم المعنى الاجمالي شنو يبقى يعني!؟ |
المعنى: يا دمعي الاتشتت ... وغلب اللقّاط ...
الزول دا داير يقول انو شيخ على جلابي كوز وانا جلابي زنديق ... في الآخر كلنا جلابة بتاعين مسرحيات وديموقراطيات ديكورية ...
يعني نفس كلام بشاشا وكلامك ... بس بى اخطاء لغوية واصطلاحية ...
طيب دا بيرجعنا لى بداية الموضوع - بس صهيب دا ما يجاوب - انو الفرق شنو بين ديموقراطية حقيقية وديموقراطية ديكورية؟
الديموقراطية الحقيقية دي شنو وبتجي من وين؟
الفساد والقمع والتآمر والجهوية ما بيبقّوا الديموقراطية ما ديموقراطية ... بالعكس ... الديموقراطية هي النظام الوحيد القادر على جنس البلاوي دي ...
اسقاط النظام (الديموقراطي) والإنتفاضة الشعبية والحركات المسلحة وهلم جرا ديل خشوا في النص بيننا وبين نافع كيف؟
بيشتتوا لينا كورة الديموقراطية لى صالح منو؟
الليلة نحن في شهر واحد 2012 ... لو سألوني نقلبها الليلة ولاّ نستني انتخابات 2015؟ ... بيكون السؤال الفي راسي:
المانعنا ننتظر لغاية 2015 شنو؟ ما بيكون في بالي سؤال: الحامينا نقلبا الليلة شنو؟ لأنو واضح انو الحامينا ننتفض هو الحرص على الديموقراطية
الحامينا نرجى الإنتخابات شنو؟ وممكن يكون علاجو شنو لو ما انتفاضة تخالف المبدأ الديموقراطي؟
لو مافي علاج للمشكلة؛ ننتفض ... المافي شنو ... لاكين كدى ابن حلال يدينا تعريف - وبرضو ما صهيب (الود محتاج لى حصص انشا كتيرة جداً جداً) - للمشكلة الراهنة ... إما اسئلتي لى بشاشا بتاعة "دولة كل السودانيين" دي مميزاتها على الدولة الحالية شنو ... أو تعريفات جديد تتصوّر انو نحن عايزين نحل أزمة الحكم والدولة عشان يكون عندنا دولة بتواجه الضائقة الإقتصادية وترفع المعاناة عن الجماهير أولاً ... ثم تستشرف مستقبل أفضل ...
يعني تعريف مبني على الفساد والمعاناة ما ينفع ... الفساد والمعاناة نتائج للأزمة السياسية ... والتعريف بتاع عدم تمثيل السلطات التشريعية والتنفيذية للرأي العام دا تعريف ما عاجب الناس دي ولا مستعدة تسمع نتايجو ...
نحن ما بنتنازل عن دولة قانون لأنو ما عاجبنا القانون ... بالقانون بنقول ما عاجبنا القانون ... ولا تبقى الحكاية فوضى ... ونسلّم دقوننا للجهوية ...
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
Quote: ديكلارك، في جنوب افريقيا، في ساعة الصفر الذي دي، كان عاقل جدا او حكيم جدا، لما رفع العلم الابيض او ترجل من ظهر جواد الابارثيد، عكس، سذاجة او غباء امثال نافع!
|
بشاشا
السؤال الاساسي هل لو تنازل النظام اليوم وقبل بمبدأ المساومة التاريخية التى قبل بها ديكليرك في جنوب افريقيا، هل تقبل أنت؟؟ لأن الجرائم تم العفو عنها في لجان المصارحة.
السؤال دا مهم جداً للحوار الدائر هنا لأنو كدا بيقرب المسافة بينك وبين تبارك جداً، لأنو تبارك بيرى في نيفاشا شئ قريب جداً من الذي حصل في ساوث افريكا، وبيشوف انو الناس تغتنم الفرصة وتحاول تمشي في المساومة التاريخية بتاعت القائد د. جون قرنق من خلال تمسكها بالدستور (النيفاشوي) واستعدادها لاكتساح الانتخابات والعمل على التجهيز وتضييق الفرصة على التزوير وكشفه من خلال نفس الاليات المتاحة من خلال قوانين انتخابات نيفاشا.
فهل إذا تمتع نافع ببعض الذكاء ورأي ساعة الصفر وقدم تنازله هلى سيكون هذا الحل مناسباً؟
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: Hololy)
|
نرجع لكلامك يا تبارك..
Quote: الزول دا داير يقول انو شيخ على جلابي كوز وانا جلابي زنديق ... في الآخر كلنا جلابة بتاعين مسرحيات وديموقراطيات ديكورية ...
يعني نفس كلام بشاشا وكلامك ... بس بى اخطاء لغوية واصطلاحية ...
طيب دا بيرجعنا لى بداية الموضوع - بس صهيب دا ما يجاوب - انو الفرق شنو بين ديموقراطية حقيقية وديموقراطية ديكورية؟
الديموقراطية الحقيقية دي شنو وبتجي من وين؟
الفساد والقمع والتآمر والجهوية ما بيبقّوا الديموقراطية ما ديموقراطية ... بالعكس ... الديموقراطية هي النظام الوحيد القادر على جنس البلاوي دي ...
اسقاط النظام (الديموقراطي) والإنتفاضة الشعبية والحركات المسلحة وهلم جرا ديل خشوا في النص بيننا وبين نافع كيف؟
بيشتتوا لينا كورة الديموقراطية لى صالح منو؟
الليلة نحن في شهر واحد 2012 ... لو سألوني نقلبها الليلة ولاّ نستني انتخابات 2015؟ ... بيكون السؤال الفي راسي:
|
طيب يا بارك وبدون اخطاء لغوية او اصطلاحية ، المسالة البقصدا انا ما فيها توزيع ادوار ديكورية بينكم كجلابة ..لا لا انت جاد جدا جدا في عدائك للانقاذ حتى خليل الكتلو دا ما بلحقك ..
لكن البقصدو انا انو تركيبة الدولة السودانية بشكلها دا حتنحاز لمنتجها الثقافي والاجتماعي البتمثلو انت وعلي عثمان ونافع ..
وعشان كدة لو ما الانتفاضة المسلحة والحركات المسلحة نجحت في تفكيك الدولة السودانية دي واعادة تركيبها من جديد وحصل اعادة توزيع للادوات من جديد ،السودان دا ما بمشي عديل..
يعني يا تبارك وبدون اخطاء لغوية او اصطلاحية انو الديمقراطية المنتظرا انت ليييييي2015 دي ما (value free) لالا دي(value laden) ما لم يعاد توزيع الادوات البتصنع الواقع الثقافي والفكري ..والبتخلي الاصطفاف السياسي طبيعي (يعني ما ممكن كل احزابنا التقليدية قياداتا جلابة نقد،الترابي،الصادق المهدي ‘الميرغني ،علي الريح السنهوري،هالة عبد الحليم،الباقر العفيف،نافع والبشير وعلي عثمان) ..
اسع يا تبارك ففففففففففففففففففففففي ذمتك البياكلا الدود دي دا اصطفاف طبييييييعي كدا!!!!!!!!!!!!!!!!!!!!!!!!!.
طيب سببو شنو ؟؟؟؟؟؟؟؟؟؟؟؟؟!!!!!!!!!!!!!!.
طبعا السبب الانت عارفو وانا عارفو...
ولو قامت حركة تحول ديمقراطي علماني في 2015 ونجحت ،،العلماني الحيقود السودان الجديد دا في اطار بنية الدولة السودانية الحالية برضو حيكون جلابي ..
عشان كدة شروط انبعاث دولة الجلابة ايا كان يجب ان تتلاشي لصالح انبعاث دولة كل السودانيين ..
يا تبارك ما نكضب على نفسنا ..اصلا الديمقراطية منذ الاستقلال ما كانت حلا لدايلما(اشرح يا تبارك) الحرب في السودان ،بل ان اخصب حروبنا استعرت في اجواء ديمقراطية..(التمرد نشأ في الديمقراطية الاولى ،واستعر اكثر في الديمقراطية الثانية،كي ياتي النميري باتفاقية اديس فتستعر الحرب ابان حكومة الصادق في الديمقراطية الثالثة وتتم الناقصة ابان الانقاذ) ..
يعني ديمقراطياتنا سجم ورماد زي ديكتاتورياتنا!!!!!!!!!!!!!!!!!!!!.
والحل لا في ديمقراطية (ديكورية كانت ام حقيقية ) ..
الحل في تفكيك بنية الدولة السودانية الحالية لانها ذات اختيارات متحيزة ناتجة عن اختيار ثقافي معين استحوذ على الادوات ..
شوف يا تبارك لو تمت اجماع سوداني في اطار ديمقراطي ولا غيرو على اجراء تسوية تاريخية لانهاء ازمة الدولة السودانية بشكل حقيقي وواقعي ممكن نجد حل..
اما اذا تم الاصرار على انو مافي مشكلة زي دي ..الاحتراب حيتواصل حتى لو اتى نظام ديمقراطي ..
يعني معقول يا تبارك انو الشمال النيلي التعدادو مليون ونصف دائما دائما يحكم ..ودارفور التعدادا عشرة مليون ما تحكم وكردفان التعدادا ستة مليون ما تحكم ولا الجزيرة التعدادا خمسة مليون ما تحكم!!!!!!!!!!!!!!!!؟.
---------------------------------------------------------------------------
لقيقراوي الما فهم كلامي قبيل: الكلام الفوق(دااااااااااااااك) معناهو انو وحسب فنجطة تبارك من بداية البوست دا وبوست ام درمان انو تيارك بيعتقد انو مافي مشكلة بتاعت دولة جلابة وعلي عثمان برضو بيعتقد انو مافي مشكلة بتاعت دولة جلابة .بس الفرق بين الاثنين انو الاول بعتقد ان الحل في التحول الديمقراطي (رغم اتفاقنا في النقطة دي انو الديمقراطية جزء من الحل وليس الحل كله) وعلي عثمان بيعتقد انو الحل في الدولة القابضة من الفاخورة.
تخريمة ثانية: التعسيمة دي يا قيقراوي مهمة خاااااااااااالص عشان المصطلحات دي بتحدد الكلام خالص وبتمنع طق الحنك الساي وهو ميزة من ميزات البورد.
تحياتي
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
| Quote: اذن، علينا ان لانتخوف اطلاقا من مالات الامور ايا كانت يا احمد ابنعوف او يا ادروب |
شكرا الصديق بشاشا علي الرد.... ولكن المشكلة ليست فقط موضوع إنهيار السلطة المركزية أو الدولة, مع أن هذا في الواقع شرط لا يمكن بدونه زوال دويلة الجلابة
لأن التشوهات الحاصلة في دويلة الجلابة ليست في القمة فقط, ولا في الأطر القانونية وحدها, بل أيضا جهاز الدولة الإداري برمته واقع في نفس المطب إن لم يكن أظرط من قمة الهرم
بل حتي علي المستوي غير الرسمي العنصرية متفشية لانها ببساطة عقلية أو زهنية كما تعلم, فهي لا تمنح مجال لارضية مشتركة....
شوف مثلا حتي محاورك تبارك لسة تائه وما قادر يقبض رأس خيط الموضوع ولسة يناقش عن الآليات القانونية والسياسية من أحزاب ودستور وغيرها!
شخصيا أعتقد أن المشكلة الحقيقية تكمن في مدي إمكانية إعادة بناء الدولة علي أساس عقد إجتماعي جديد, ونحن ما عايزين مجرد عملية إستبدال وإحلال لغرض القصاص وفش الغبائن و الشماته
ولا نريد أيضا عقد إجتماعي يفرضه الثائر أو المنتصر, لأن المهمش نفسه ليس بمعزل عن العنصرية, فما الضمانات إذن لتجاوز الإنتماءات الإثنية لكي لا يعاد إنتاج الأزمة من جديد؟
في إعتقادي الصراعات الإثنية والطائفية من أخطر الصراعات في داخل الدولة الواحدة, ومن سوء حظ السودان المترامي الأطراف ضعف الروابط والإتصال بين هذه الأطراف وإختلاف بعضها عن بعض كثيرا
فضلا عن تجزر الدونية بسبب سياسات المركز وعوامل كثيرة أخري في كثير منا, مما أفقد الثقة بين كل هذه المكونات, وزيادة علي الأنانية التي تستحوز علي كل صاحب سلطان للسيطرة علي الآخرين
ولهذا في رأي الإنفصال لا مجرد الكنفدرالية هي الحل الأفضل!
| Quote: مرحب بعودة بلدياتنا أدروب أبو بكر |
شكرا ليك أستاذتنا الصامدة آمنة مختار...
عارفين نفسنا مقصرين معاكم بس ما تاخدي في بالك
دعواتنا ليك واصلة وعين الله ترعاك وربنا يحقق مرادك
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: Adrob abubakr)
|
...
..Quote:
...
.السؤال الاساسي هل لو تنازل النظام اليوم وقبل بمبدأ المساومة التاريخية التى قبل بها ديكليرك في جنوب افريقيا،
هل تقبل أنت؟؟ لأن الجرائم تم العفو عنها في لجان المصارحة. |
....
....الصادق يا عزيز ....
...كـــ ديه لمن اجي (بدون يا بنات امي) بعدين ببراح ....
...للمواصله في الغلوتيات و المحن دي و التعليق علي بعض من ما هو وارد
....والحقيقه في مداخله كتبتها امبارح لكن ما شايفا ؟؟؟؟؟؟!!!!
....المهم لفتني تساؤلك المهم ده و مهم خالص بالمناسبه ....بل و يشكل اّفاق المستقبل لما هو ات في شكل التغيير الجايي
...ان لم اقل في مستقبل الدويلات القادمه بالهبل ....داخل الجيوقرافيكل باوندري للسودان القديم والكان مليون ميل مربع!!!!
...ما الحدود الحاليه بعد التقسيم ... و بدون استثناء ...لدولة الجنوب ذاااااتا؟؟؟؟؟؟ اذا كان الحال حيمشي كده!!!؟؟؟؟...
...
.... وعشان المداخلات ...الخاصه بهذا الموضوع تتبني علي حقيقة معرفة اي زول فينا لقدر نفسو ...
....و مدي حدود حقوقو ... و حقوق الاخرين
...
...بشاشا البتساءلو ....السؤال ده ...هو بيمثل شنو في الغلوتيه دي ...عشان يكون ردوا شافي ليك؟؟؟؟؟
...ياخي نمشي ابعد من كده !!!!! انت و انا بنمثل شنو ؟؟؟ عشان نقرر في مثل هكذا امر؟؟؟
...ومنو العندو الحق ...عشان يقرر فيهو؟؟؟؟
...منو العندو الحق عشان يعفي و اللاَ ما يعفي ... في اغتيال علي فضل؟؟؟؟
...منو العندو الحق عشان يعفي و اللاَ ما يعفي ... في اغتيال امين بدوي؟؟؟؟
...منو العندو الحق عشان يعفي و اللاَ ما يعفي ... في اغتيال محمد عبد السلام؟؟؟؟
...منو العندو الحق عشان يعفي و اللاَ ما يعفي ... في اغتيال العاص؟؟؟؟
...منو العندو الحق عشان يعفي و اللاَ ما يعفي ... في 10الف اغتيلو في دارفور؟؟؟؟
...منو العندو الحق عشان يعفي و اللاَ ما يعفي ...
..في اغتيال ما يقارب الــ 3 ملايين من ابناء السودانيين ماتو في حرب بين بعضم في وكان ادارة هذه الحرب من صنيع دولتم البحملو جنسيتا ؟؟؟؟
... و لو كنت عارف اساميهم ...الالاف و الملايين دي كنت جبتهم ليك و كتبتهم ليك هنا في المداخله دي هنا كولهم ....
.... عشان اب صلعه و موقعو و السيرفر البيخدم موقعوا ده ......يعرفوا حاجه؟؟؟
...
...منو العندو القدره .... وبيقدر يمشي للخاله رقيه ..(والده العزيز امين بدوي) ....و يقول ليها مبررات تبرد ليها حشاها
... في ولدا الفقدتو والكان حتة معلم مدرسة اساس ....و بيجي يديها بس 100 جنيه اخر الشهر فقط....
..هي كان بتشوفو في تلك اللحظات ...... الدنيا كوووولها و بما فيها ...لاتساوي اي شئ امامه....
...بس عشان جا وقف قداما و مدَ ليها يدو في كُبرا .....؟؟؟؟؟؟!!!!!!...
...ثم ياتياها خبر اغتيالو ....من قِبل اجهزة الدوله ....الكان هو معلم بيعلم اولاد السودانيين فيييييي مدارسا!!!!!؟؟؟
...
...يازول الموضوع ده طويل ... و حنتناقش بعيدين ... بس قول ....ياهادي .... علي الشعوب اعتمادي ...
...
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: وليد محمد المبارك)
|
| Quote: ولهذا بالنسبة لي تعجبني الطريقة الكردية! |
أدروب
مرحب بي عودتك
يا ريت لو تتوسع لينا شويه في النقطة دي، لأنو الأكراد (خشم بيوت) ياتو اكراد وكيف ممكن نحل مشكلتنا تأسياً بالطريقة الكرديةز
موضوع العنصرية المضادة ممكن ووارد حدوثه أيضاً لذلك احتمالات الصوملة قائمة في السودان ما لم تقف المعارضة على رؤية مستقبلية واضحة تتجاوز الهدف الآني بإسقاط النظام لوضع خطط عملية لبناء سودان جديد.
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: الصادق اسماعيل)
|
Quote: الديموقراطية الحقيقية دي شنو وبتجي من وين؟
الفساد والقمع والتآمر والجهوية ما بيبقّوا الديموقراطية ما ديموقراطية ... بالعكس ... الديموقراطية هي النظام الوحيد القادر على جنس البلاوي دي ...
اسقاط النظام (الديموقراطي) والإنتفاضة الشعبية والحركات المسلحة وهلم جرا ديل خشوا في النص بيننا وبين نافع كيف؟
بيشتتوا لينا كورة الديموقراطية لى صالح منو؟
الليلة نحن في شهر واحد 2012 ... لو سألوني نقلبها الليلة ولاّ نستني انتخابات 2015؟ ... بيكون السؤال الفي راسي:
المانعنا ننتظر لغاية 2015 شنو؟ ما بيكون في بالي سؤال: الحامينا نقلبا الليلة شنو؟ لأنو واضح انو الحامينا ننتفض هو الحرص على الديموقراطية
الحامينا نرجى الإنتخابات شنو؟ وممكن يكون علاجو شنو لو ما انتفاضة تخالف المبدأ الديموقراطي؟
لو مافي علاج للمشكلة؛ ننتفض ... المافي شنو ... لاكين كدى ابن حلال يدينا تعريف - وبرضو ما صهيب (الود محتاج لى حصص انشا كتيرة جداً جداً) - للمشكلة الراهنة ... |
قالوا فاقد الشيء لا يعطيه - فكيف ننتظر من نظام جاء بإنقلاب عسكري على الديمقراطية أن يمنحنا ديمقراطية
وزي ما الديمقراطية بتقتلها دبابة فما بتعيدها للحياة إلا ثورة شعبية
فالديمقراطية تنبني على الحرية - والحرية لا تمنح لكنها تنتزع
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: Bashasha)
|
نرجع لامير
جاوبتو على ااسئلتو لكن عمل ميها ما شايف الصور
والصور لا تكذب
بالمناسبة دي يا شباب، الصور دي انا ما عارفه وين بالصدفة ساكت لقيتها مشتتة في النت وعملت ليها سيف
اها نبدأ يا امير
ملاحظات اوليه:
ما بحتاج نقول ليك الجلابية منو فيهن
الجلابية يبدو والله اعلم عندهم جمعية خيرية وللا مصيبة من مصايب الزمن دا، تبرعوا بارض وشوية معينات للنساوين ديل
وجايين يطمئنوا على نجاح المشروع الجلابي لعموم المهمشين في السودان
غياب الرجال في الصور، يعني ممكن تقول عليهم هلكوا في واحد من حروبنا العبثية
وشف الوقفة يا أمير، لا ادري ان كانت الجلابية تقدمت للامام ام تراجعت ست الشغلانة زاتا الزرعت ودق العيش دا
عشان وزير المالية وللا البشير يتبجح بانه والله المحصول السنة دي كويس و "الحكومة" نجحت ودا ياهو مستقبلنا ... الخ
سؤال مباشر لتبارك
فيما يخص مسالة بث الوعي يا حبيب
كنت قاصد المفروض يوعهو منو، الجلابية وللا ست الشيء ذاتا؟؟
نرجع لامير
اها يا حبيب، المسكينة الواقفة دي هي وبتها عندهن توب واحد، والجلابية ما شاء الله ما شاء الله، جايا الحواشة بتوب اب قجيجة
يعني ممكن تتخيل باقي دولابها شكله شنو، لكن انسانا من قصة التياب دي، الجلابية، قطعا ود خالتها وكيل وزارة ما بوقع على منح الاراضي، وعمها وزير
، وود عمتها بكون عضو في الغرفة التجارية لجنة مصدرين الحبوب الزيتية وهم البحددو سعر البيع، واحتمال زوجها في البنك الفلاني وهو ما قام بعملية
التمويل
شفت الدائرة المعفنة دي؟ ولا واحد فيهم شال طورية ولا سقى لا حشا لا دقا، والواطة اساسا ما حقتو لكن بقدرة قادر هو من يمنحها
اعتمادا على ما يسمى "حق الغزو المطلق" او كما قال الكاروري في احد خطب الجمعة بأن الحكومة لا يجب ان تسمح بانفصال الجنوب
لانها ارض تابعة للمسلمين
نواصل
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: أحمد ابن عوف)
|
اها يا امير
شفت البنية الواقفة على يمين الصورة، لابسها توب امها الفي الصورة الاولى وامها اختفت من الصورة الجماعية
يعني عندهن توب واحد
لكن يا عمك شوف الجلابية وما شاء الله على صحتها، هو سرير واحد في القطية وهو بمثل كل العفش بالمناسبة
لكن قرررربت تجيبو الواطة
وما اتنسى يا منقا، الكعب العالي في زيارة الحواشات؟؟ دا معناتو زول ما عنده فكرة الحواشة دي شنو زاتا
يا امير، انسانا من الشغل التفكيكي البدوهو ناس حلولي مع تبارك، الله يكون في عونه لوووول
ياخي القصة دي ما جاية، في شيء غلط يا حبيب، وغلط كبير، ومصيرو السودان انو كان يشوف فيهو اليوم
اولادو بشردوا منو لانو ميكانيزم العدالة الاجتماعية معطل ليهو زي خرتمية سنة، لازم نصل فيهو يوم
الناس الشقيانا دي تفتر من الاستغلال دا، لازم يكون عندها 2 مليون فدان صالحة للزراعة لكن الاستهبال
دا ما ممكن يتواصل
السيستم، الديموقراطي ما غيرو الاترسم للسودان، اترسم عشان يحافظ على مصالح الجلابية دي، ببنوكها
ووزاراتها، واحتكار الصادر، واحتكار البيع، ياخي شفت ليك استهبال اكبر من انو، البائع يكون زول واحد
والمشتري زول واحد وهو نفسه الممول وهو نفسه صاحب الارض وكلهم خمسة انفار، والمدروشين زي 30 مليون؟؟
المعبد لازم يتهدا يا صاحبي، دا لو ما هو اصلا مهدود زي ما قلنا، مهدود دي ما بنفكها اعتباطا كده عشان نوزن القافية
مهدود فعلا عديييل كده، لانه عملية الانتاج الشايفنها في الصور دي ابدا الغرض منها مما ممكن يكون من اجل "السعى لرفاهية الشعوب"
وهو اهم مقدسات الديموقراطية
هسع دي بجيك كوز ويقول ليك ديل اخوات نسيبة، وتبرعن بمالهن ودهين واشترن التركترات لنساء وابناء الشهداء ولملمن الارامل
واليتامى لكي لا يقعوا فريسة الفقر والانحراف (يعني ما يسون العرقي) لا شالوا لا باعوا كده بس ، خير لوجه الله تعالى come on man
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: الصادق اسماعيل)
|
الأستاذ الصادق
| Quote: يا ريت لو تتوسع لينا شويه في النقطة دي، لأنو الأكراد (خشم بيوت) ياتو اكراد وكيف ممكن نحل مشكلتنا تأسياً بالطريقة الكردية |
نحن نعلم أن السياسة لها ألاعيبها وأذرعها المختلفة سواء الأمنية منها أو العسكرية أو الإقتصادية الخارجية منها أو الداخلية ولهذا لا مكان فيها للضعيف أو الساذج
التاريخ في كثير من الدول حافل بالتعهدات اللامركزية أو الفدرالية التي لا يتم الإلتزام بها من قبل المركز سواء بنقضها أو بالتدخلات وإفراغ الإتفاق من محتواه
أكبر ضمانة للجنوب مثلا كانت وجود طرف أجنبي قوي ضامن في الإتفاق وقوات الجيش الشعبي التي كان لها السيطرة الفعلية علي الجنوب
لولا ذلك لكان مصير إتفاق نيفاشا نفس مصير أديس أبابا!
النظام الكردي المعني هو إقليم كردستان العراق, فهو يتمتع بوضعية دستورية خاصة, أكثر قوة من الفدرالية وأقرب إلي الكنفدرالية أو الإنفصال
ضمن من خلالها إستقلاله ومنع تدخلات بغداد في شئونها الداخلية بضمانة قوات جيش البشمركة, وكل ذلك مع الإبقاء علي خطوط التواصل مع السلطة المركزية
ودواعي هذا الإتجاه ليس فقط عدم الثقة في المركز, بل أيضا لعدم وجود تيار حقيقي أشخاصا وفكرا يجمع كل أطراف السودان لمقاومة المركز
ولا يمكن أن أنتظر مثلا من حركة العدل والمساواة أن تحرر لي الشرق, واهل دارفور يعانون أكثر من غيرهم وهم أولي من غيرهم
ونحن لدينا تجربة في الشرق مع هذه الحركات, لها أجندتها وإتباطاتها السياسية المعلومة
وأثناء مفاوضات الشرق مع النظام طلبت منا إحدي هذه الحركات أن نخلي لهم السبيل ليتفاوضوا نيابة عنا لأنهم أكثر خبرة وحنكة في هذا المجال!
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: أحمد ابن عوف)
|
كدى طيب نقول تنظيركم وتشخيصكم صحيح ... يلا اطرحوا لينا حلول على اساسها ...
يا اخواننا رجعتونا لى السؤال الأول ... ركّزوا معانا:
كيف تقيم دولة غير جهوية لكل السودانيين؟
كيف تنشئها؟ وعلى ماذا تؤسسها؟
السؤال لبشاشا وحلولّي وأدروب وآمنة مختار وعوض وأحمد ابنعوف وكل من تطيب له نفسه ...
المبادئ بتاعة التساوي أمام القانون والديموقراطية معروفة (وعندنا نسخة منها في دستور دولة ابليس الما عاجباكم دي!) ... الآليات والوسائل البتحوّل الكلام المكتوب على الورق لى واقع ملموس شنو؟
يعني الدستور مكتوب "المفروض" يتنفّذ ... طيب لو افترضنا انو الدستور دا فيهو توقيع علي عثمان محمد طه ... بالتالي فهو دستور غير ديموقراطي ... وعملتو ثورة وضبّحتوا كل الكيزان وجبتوا دستور جديد موقعين عليه بشاشا والشهيد د. خليل ... وسمّيتوهو "دستور كل السودانيين" ... البيبقّيهو "واقع" منفّذ وليس "المفروض" يتنفّذ شنو؟
بشاشا؟
كان غيرك اشطر ....
(انتو اقعدوا انكتوا وابحتوا في تبريرات تنادوا بيها بعدم شرعية النظام لغاية ما الفورة تقوم)
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
ازيك يا صهيب
Quote:
لقيقراوي الما فهم كلامي قبيل: الكلام الفوق(دااااااااااااااك) معناهو انو وحسب فنجطة تبارك من بداية البوست دا وبوست ام درمان انو تيارك بيعتقد انو مافي مشكلة بتاعت دولة جلابة وعلي عثمان برضو بيعتقد انو مافي مشكلة بتاعت دولة جلابة .بس الفرق بين الاثنين انو الاول بعتقد ان الحل في التحول الديمقراطي (رغم اتفاقنا في النقطة دي انو الديمقراطية جزء من الحل وليس الحل كله) وعلي عثمان بيعتقد انو الحل في الدولة القابضة من الفاخورة.
تخريمة ثانية: التعسيمة دي يا قيقراوي مهمة خاااااااااااالص عشان المصطلحات دي بتحدد الكلام خالص وبتمنع طق الحنك الساي وهو ميزة من ميزات البورد.
تحياتي
|
ؤ طبارك و علي عثمان هنا بشخصهم و رسمهم .. و لّ رموز؟
ؤ رموز لشنو بالضبط!؟
مؤسسة جلابة ام عقلية/ذهنية .. ام اثنية؟
لو الاخيرة دي احسبني معاهم طوالي .. اعمل شنو؟
السحلية القالا حلولي دي طلعتني جلابي بالميلاد سحنة و لسان
لو بتعتقدوا انو دا سبب كافي انو ننتحر ليكم يبقى فير إناف (لقيتني كيف و انا متكلف انقليزية ما راكبة عدلا)
اي حل يشمل اقصاء احد مكونات شعوب السودان لن ينجح
--------
يا صهيب ما قربت بوستك بتاع امدرمان كلو كلو
لا اطيق احكام القيمة المرسلة طلقيت ساااي في سهلة الاسافير دي ..
و لا طاقة لي بمغالطاتها
ما عارف طبارك هبب شنو بي غادي!
لكن كلامو هنا ما بخش ذمتي بنكلة
و بقول بالحرف الواااحد ليس في الامكان ابدع مما كان (دا لو وافقناهو على سبيل الجدل ساي انو البذاءة القائمة الاسمها الانقاذ دي ممكن تسمى ابداع)
ياخ دا اذراء و استخفاف بالشعوب السودانية و بما هي قمينة و قادرة على انجازو ... لو ارادت
و على قولة الشابي :
اذا الشعب يوماً اراد الحياة .. لا بد ان يستجيب القدر
تحياتي
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: وليد محمد المبارك)
|
Quote:
السحلية القالا حلولي دي طلعتني جلابي بالميلاد سحنة و لسان
|
و لمن فاته حديث السحلية عن حُلولي (رض) الوعي عنه و ارضاه
و لفائدة صحة البوست العامة:
يا عادل .. ياخي... البني ادم/حواء ده ...محتاج في حياتو و لكي يكون مفيد لــ نفسو ولوطنو..و لغيرو ...و يكون منتج و مفيد في الحياه دي... و يقضٌي رحلتو فيها من المهد الي اللحد....
....كانسان .... بحتاج و بشكل اساسي ان يكون معتد بـ نفسو في تكاملا... الوجداني و الجسماني ... -جزء اصيل من هذا التكامل ....الاعتداد باشياؤ الروحيه ...من ثقافه.....
.....دين رقص ...عمل.... انتاج ..... غناء ...تعلم...موسيقي...افراح ....اتراح ...رياضه ...ترويح عن النفس ....الخ
....
...و البشريه دي كوووولها ....بما فيهم اهلنا السودانيين ديل و بتعدد منابتم و مشاربم مافي زول فيهم كان عندو الخيار في في ان يكون شايقي و الاٌ دينكاوي...و الاٌ... حتي هندي...؟؟؟
....كل ما في الامر انو امهاتنا كانو نايمين بالليل .... و اثناء نومهم و من حيث يدرين و لا يدرين ... عدت سحلية من فوق دماغم .... و صحو الصباح لقوا نفسهم زايدين واحد....
....اللقي نفسو برعي ... و اللقي نفسو مهمد سالح ... و اللقي نفسو دينق .... و اللٌقت نفسها الشول ... واللقت نفسها.... ميري .....و في واحدين ما لقو نفسهم اي حاجه .....
....اتولدوا بهنا ... و رموهم في بير السايفون بهناك ..... و هم ما عارفين...الحاصل شنو ..... المحظوظين منهم ... لقوا نفسهم مرميين في الشارع ....
.....زي اصحابي....و اصحاب الشاب .... الفارع الرحمه ومن معه (نعيم علي)....القاعدين.... بدار المايقوما..
...
.....فياخي اذا كانت دي حقيقة الاشياء في اصلها و جذرها و بدون رتوش وكلام كبارات كبارت يزبد به المثقفاتيه ليل نهار ....
....يا خي ما ندي الناس فرصتا عشان تعرف ...و تتعلم و تعرف الصاح من الغلط شنو و بتجربتا الذاتيه.....
... اذا كان دولنا معفنه و متعفنه بقياداتا و اجهزة دولتا و ما بيساعدو في تتطور الانسان فيها ....بقدر ما هم بيدمروا فيهو ....
....
......و الاداك بالكوريق انشاء الله يرشهم بــ فريده .... بس ياخدو فرصتم في الحياه دي .....
....
....عموما لو ما اديناهم .... حقهم ....و فرصتم في الحياه ... حياخدوه عنوة و اقتدارا ...بس حتكون الحكايه دايرا ليها وقت و ضحايا كتير ....
....لكن ما مشكله ...فاذا نظرنا الي الخلف لبرهه سنجد ان اباءنا و اجدانا ....نافحوا و بما استطاعوا ... وماتوا و شبعوا موت....و نحن جيلنا ده اهو بينافح ... و سونر اور ليتر ...
.... حيموت و حيشبع في الموت .... و ستكون الحياه مستمره بالاجيال القادمه .... و ستنتصر.... هذه الاجيال ... لحياتها و لحقيقة الحياه ...
رواه قيقاراوي .. و قال (حديس) حسنٌ .. صحييييييييييح
------
اغرب امة هي امة السودان ابو مليون ميل بشري و مزاج دي!
دائماً ينكشوا ما يفرقهم، بدل التركيز على ما يجمع!!!
لم يكتفوا بالخلاف السياسي .. و لا الطبقي .. و لا كفتهم الردة الرجعية للقبيلة و العشيرة ..
كمان جابت ليها صراع مديني - ريفي فوق بيعة مركز هامش!!
يا ايها الشعوب السودانية الفضلت ..اسمعوا و عوا
انتم في الطريق الى جهنم التشظي، وكتها الصوملة و اللبننة ح تكون سقف بعيد المنال للحركات الثورية
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: قيقراوي)
|
| Quote: ....يا خي ما ندي الناس فرصتا عشان تعرف ...و تتعلم و تعرف الصاح من الغلط شنو و بتجربتا الذاتيه..... |
انت منو يا حلولّي؟ وتدّي الناس فرصتها كيف؟
والله لينا زمن نفتش ليك ... وجيتنا الليلة ... فارسنا يا حارسنا ...
يا بشاشا معليش على الحوار الطويل وعريض والأسئلة المعصلجة عن الأدوات والوسائل والميكانيزمات ... انا ما قايل معانا حلولّي ... وممكن بضربة لازب يدّي الناس فرصتها عشان تعرف بتجربتها الذاتية ... كدى ادي لينا الشعب دا فرصة بعد نهاية التجربة الدنماركية دي ...
يا اخواننا دايرين آراء جادة لو سمحتوا؛ الأزمة النحنا فيها دي حلها شنو؟
ما تقول انتفاضة شعبية لو ما بتقدر تقول الإنتفاضة حل كيف ... ناس تنظير عناقريب قندهار يمتنعون لو سمحتوا ....
.... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
العزيز قيقراوي..
Quote: ؤ طبارك و علي عثمان هنا بشخصهم و رسمهم .. و لّ رموز؟
ؤ رموز لشنو بالضبط!؟
مؤسسة جلابة ام عقلية/ذهنية .. ام اثنية؟
لو الاخيرة دي احسبني معاهم طوالي .. اعمل شنو؟
السحلية القالا حلولي دي طلعتني جلابي بالميلاد سحنة و لسان |
العفو يا قيقراوي ..لا مقصود شخوصهم ولا رسمهم ..
ولكن المقصود انو انهم عبارة عن منتج ثقافي اجتماعي اتشكل في اطار محدد (عشان كدة انا استخدمت مصطلح ابستيمي فوق الشرحو تبارك) لانو مفهوم الابستيمي دا بيضيئ المسالة خالص.
خلينا منو..
عموما هم منتج لثقافة الوسط وهذه الثقافة اميز ميزها هي احتكارها لادوات الصراع السلطوي والثقافي والاجتماعي ..
يعني رغم انو الاثنين (تبارك وعلي عثمان) مختلفين سياسيا وايديولوجيا ولكنهم ابناء طينة سوسيولوجيه واحدة (ابناء نفس العقلية في اطار الجدل الاجتماعي)..
لو خشيت البوست دا بتريحنى
ام درمان واسطورة ثقافة الوسط!!!.
تحياتي
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
Quote: كيف تقيم دولة غير جهوية لكل السودانيين؟
كيف تنشئها؟ وعلى ماذا تؤسسها؟ |
يا تبارك قبل تكوين دولة غير جهوية يجب الإعتراف أولا أن دولة السودان القائمة منذ الإستقلال جهوية لم تمثل إلا مكون عرقي ثقافي معين محصور في الجزء الشمالي من السودان
ويجب الإعتراف أيضا أنها حكومة أبارتيد أوليغارشية إستأثرت علي مدي الخمسين سنة بعد الإستقلال بالسلطة والثروة, وهمشت أكثر من 80% من السودانيين متواجدين في الأجزاء
الأخري من السودان ولم تتيح لهم فرصة التعليم والتوظيف إلا قليلا, وإرتكبت المجازر في حق أكثر من مليونين منهم لا ذنب لهم سوي لإختلاف سحناتهم ولغاتهم
ولأنهم رفضوا الإنصهار في بوتقة ثقافة الشمال!
يا تبارك أضعف الإيمان يجب تقديم كل من أجرم في حق هؤلاء الضحايا إلي المحاكمة وتعويضهم تعويضا عادلا مرضيا, ثم يمكننا من بعد الحديث عن تشكيل لجان الحقيقة والمصالحة
علي غرار ما حصل في جنوب إفريقيا, وبل يجب توثيق هذه الحقائق تاريخيا ووضعها في متحف قومي لتكون وصمة عار للمتسببين فيها وعبرة لمن يعتبر!
ويمكننا بعد ذلك الإرضاء علي عقد إجتماعي يقوم علي العدل والمساواة ويعترف بالتعدد الديني والثقافي واللغوي لكل المكونات الإجتماعية علي حد سواء, ويجب النص في الدستور
علي تجريم التمييز القولي أو الفعلي علي أساس العرق أو اللون أو النوع أو اللغة أو الثقافة أو الدين أو الموطن بعقوبات رادعة, ويجب أيضا بشدة محاربة الأفكار النمطية
ونتيجة للفروق الموروثة منذ الإستقلال بين أبناء المركز والهامش, يجب تطبيق سياسة التمييز الإيجابي La discrimination positive لتعويض الفارق الكبير بينهم في التعليم والتوظيف
والعدالة في توزيع الثروة والسلطة المركزية وتطبيق الفدرالية الحقيقية بضمانات دستورية وتداول المناصب الدستورية والقضائية وفصل السلطات
وإتباع النظام البرلماني ذو المجلسين العمومي والممشل لحكام الاقاليم
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: Bashasha)
|
Quote: كيف تقيم دولة غير جهوية لكل السودانيين؟
كيف تنشئها؟ وعلى ماذا تؤسسها؟ |
تبارك،
اسمع كلام ادروب.
في الاول هل انتا مقتنع انو الدويلة دي جهوية؟
بمعني خاصة بي سكان جهة بعينها في السودان؟
بنقول جهوية او مابنقول اثنية، لاننا كلنا اثنية واحدة، شعب واحد او ثقافة واحدة او بالتالي هوية واحدة.
اذا ماوصلت لي قناعة ان هذه الدويلة، دويلة اقلية، جهوية، خاصة بالشماليين حصرا، لامعني لاي كلام عن بديل او كيفية انجاز مشروع هذا البديل.
عشان الحتة يا تبارك، انا زي ما قتا ليك بقول تور، او انتا بتقول احلبو.
لو اقتنعت انو الدويلة خاصة بالعرب او الشماليين تحديدا او حصرا، ممكن تتوفر الارضية المطلوبة لادارة حوار من علي هذه الارضية، حول مشروع البديل القومي للدولة السودانية.
اذا انتا مقتنع انو الماثل تمام فما جدوي الكلام معاك عن بديل؟
بمعني، الخلل ده حيادي الي دورانا في حلقة مفرغة معاك زي ما سلفا حاصل.
ياخي ماممكن دولة تبيد قرابة ال3,000,000 من مواطنيها افتراضا، او تشرد قرابة ال7,000,000 علي نطاق نصف قرن، او بعد ده تكون عال العال في نظرك!
واضح من الماساة دي ان لاعلاقة قط مابين هذه الدويلة، وهؤلاء المواطنين، قط!
او في ختام ده كلو هاهي هذه الدويلة تشرع في تفتيت السودان!
ثق تماما لو قدر لهذه الدويلة العجيبة ان تستمر، فما حيفضل في السودان نفاخ النار!
التفتيت اطلاقا ما حيتوقف بي فصل الغرب والشرق والوسط من بعد الجنوب!
علي العكس حيتواصل حتي داخل الشمال الاقصي ذات نفسو، علي اساس قبلي محض، زي ما سلفا حاصل في كجبار او مروي، والان دنقلا ايضا مرشحة!
قنا ليك هذه الدويلة خاذوق او قنبلة زمنية، برع الاحتلال في صياغتا.
الطريف انتا عايز القنبلة دي تواصل اطلاق شظاياها، الي ما لانهاية، ليختفي شئ اسمو السودان من الخرطة تماما، او يتخاتفو الجيران!
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: Bashasha)
|
قلت ليّ نحن هوية واحدة؟
كان اخير اول ... الجهوية نسبة لجهة ما ... عندها هوية متشابهة زي "الجنوبيين" أو "البيجا" أو "الغرابة" أو "الجلابة" أو "النوبة" ... ممكن تكون عندنا أصول واحدة لاكين نحن هسى متعددين ... (نسيت "اهل العوض" و "اولاد قلبا") ...
شوف يا حبيبي ... الحاجة الإنت بتتكلم عنها دي ... دا خارج القسمة بتاع "ازمة الحكم" الكان بيتكلم عنها جون قرنق زماااااان ... لامن يكون مافي شغل استراتيجي محلي لبناء دولة ويكون الموضوع ورثة نظام الحكم الاستعماري بتكون الجهة البتعبرعن ثقافة المركز هي الجهة ذات الحظوة بالسبق الزمني في الحكم ... والانجليز ما مالو للسوداني وحيد اللغة العربية رضوخاً عند معلقات الفخر التي نظمها بشار بن برد ... وإنما لأنو تصادف انو خطوط السكة الحديد الصمموها لنهب ثروات البلاد كانت تسهل إدارتها من حلفا وعطبرة وبورتسودان وهيا وسنار التقاطع ومقرن النيلين .... يعني المسألة بالنسبة للمستعمر دائماً كانت طقس وتضاريس ومكونات طبيعية وجغرافية قبل أن تكون أعراق وقبائل ... ودا كان نفس منظور الإمبراطورية العثمانية الورثتها الإمبراطورية البريطانية ... القاسم المشترك بين كل هذه الشعوب والقبائل (والسهّل الإدارة للعثمانيين والأتراك) هو الغازي العربي الإسلامي ... وذلك لأن الغازي العربي غازي ثقافي قبل أن يكون غازي اقتصادي ... يسلب الهوية قبل أن يسلب الموارد ... تتعلم منه الصلاة فتدخل في التيه فتغنّي بلسانك وتصلّي بلسانه (كما يقول محمد عبدالحي) ... ثم تتعمّق في التيه فتغنّي وتصلّي بلسانه ... كانت النتيجة هي استصحاب الهوية العربية مع الهوية الإسلامية في المركز المهيمن سياسياً ... وجاءنا مكمايكل بنسب الجعليين والشكرية والبطاحين والرباطاب وهلم جرا مما جاء به مكمايكل ونعوم شقير ... فانتهينا للحالة الجهوية الحالية ... ولكنها ليست سبب أو مسبب أزمة ... بل تمظهر ونتيجة أزمة ... وهي أزمة الحكم وغياب الإستراتيجية المحلية لبناء دولة ... أزمة الحكم يمكن حلّها بالتوافق على نظام حكم يتصدّى للأزمة ... عدم التوازن الإجتماعي الذي سببته أزمة الحكم المزمنة ليس له حل جذري وفوري ... إنما خطة بعيدة المدى لإعادة بناء الهوية والمجتمع وتوازن الثقافات المتعددة ... وأول خطوة هي التحوّل الديموقراطي والدستور التعددي ... وهذه خطوناها في 2005 ولا زالت متعثرة بسبب ما انتجته من إزاحة للمركز التقليدي المهيمن (ممثلاً في الطائفتين والشيوعيين وبقية أفندية المدن) ... الخطوة الثانية هي الإنخراط الجاد في تفعيل هذا التحوّل الديموقراطي (وقد مرت انتخابات كاملة اثناء "حردان" الديموقراطية، فلم تنتج سوى مزيداً من عدم التوازن السياسي) وخطوة الإنخراط هذه ستبدأ عندما تعلم أنت (وبتاع لجان الحقيقة والمصالحة ولا مؤاخذة) أن من يريد دولة لكل السودانيين يصنعها بالعمل الدؤوب على ترقيتها وبنائها بدلاً من التفكير في هدمها واستبدالها بالأحلام ... والمرّة دي انشالله تفهم انو الكلام البتقول فيهو كتشخيص للحالة دا كلو كلام واقع ... وكونو كلام واقع ما معناها هو التشخيص الوحيد الصحيح أو معناها إنك طرحت حلول بناءاً على تشخيصك البوصف الأعراض وينسى الفيروس دا ...
دي آخر فرصة ليك تبطّل خطابة وحجج دامغة ولغة عميقة .... وتطرح حلول ... أو على الأقل تورينا الفرق شنو بين طرحك والدولة الحالية ... في الدولة الحالية القانون يجرّم التمييز والتفرقة بالقول والفعل ... دا طرح أدروب البتقول ليّ اقراهو ... يمشي هو يقراهو عند علي عثمان في الحقيقة ...
وصهيب لسة ما اخد حصص انشا ... كان ممكن ينفع تلميذك ... لاكين انا ارد عليك انت اول ... هو أصلاً ماعندو كلام مستقل يردّوا عليهو ...
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
ردا على نقطة ذكرها في بوست :
ام درمان واسطورة ثقافة الوسط
علق تيارك قائلا:
Quote: ام درمان دي لسة ما اتملت؟
(وهو تعبير "هامشي" يقال للأكول اثناء الطعام!)
|
وردا على نقطة في هذا البوست علق تبارك كذلك:
Quote: هامش:
آركيولوجي: متعلق بالآثار التاريخية
ابستيمي: متعلق بعلوم المعرفة
علماني: محايد عقائدياً
ثيوقراطي: متعلق بمؤسسة أو معبد ديني بحجم دولة |
ولاحظوا معاي استخدام كلمة (هامش ) في الحالتين استخداما (مطاعناتيا!!!!!!!!!!!!!) ..برضو ماااااااااااااااااااااااااامشكلة هامش هامش ماهي الكلمة في قاموسنا مااااااااااااااااانبزة.
الغريبة انو تبارك ما لاحظ انو في فيل فكرة مفروض يطعن فيهو بدلا من المطاعنة ..عفوا اقصد الطعن في ضلو!!!!!!!!!!!!!.
----------------------------------------------------------------------------------------
تخريمة :وبدون اخطاء لغوية او اصطلاحية يا اهل الخير لو في زول مسك لينا تبارك دا من حتة يقول لينا عوووووك ..الا كان تطلعوا من مويتو دي..
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
ما كنت فاضي ليك يا تبارك ،لكن قلتا شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.....................
Quote:
هامش:
آركيولوجي: متعلق بالآثار التاريخية
ابستيمي: متعلق بعلوم المعرفة |
لا ما صحيح في ديل كضبا كاضب ..وكان رديت على اساس الاخطاء اللغوية والاصطلاحية الارتكبتها هنا الا تعيد الاجابة ..
اركيولوجي :وحسب تعريف فوكو في (اركيولوجيا المعرفة) وما ابتدره في (الكلمات والاشياء) معناها حفريات المعرفة (ما عندها علاقة بعلم الاثار ،ما لك بقيت لي زي حمودة حلاق الجامعة)......
ابستيمي: لالا كضبا كاضب مااااا عندها علاقة بعلم المعرفة ديك الابستيميولوجيا ..صحيح ميشيل فوكو ناجرا منها ولكنه كما اعتاد استخدمها استخداما جديدا بمعنى النسق..وهذا الاخير هو المشكل الاساسي لحركة البنية ( انتو مافي بنيويين في المنبر دا خالين تبارك دا يمرمط بالبنيوية قدر دا!!!!!!!!!!!!!!!!).
--------------------------------------------------------------------------------------------------------
تخريمة: اها عد لي الاخطاء الاصطلاحية واللغوية (هههههههههههههههههههههههههههههههههههههههههههههههههها) ..شفتنا كان قمنا نطعن في ظل الفيل طعانين كيف يا تبارك ..عشان كدة ما تعد عشان مانعد ،قال ابستيمي معناها علم المعرفة قال!!!!!!!!!!!!!!!!!!!!!!!!!.
تخريمة ثانية: اهلنا زمان قالوا لينا القوقلة براها مضرة ..دايرة حبة كتب واسال واحدة اسمها فردوس جامع يا حدق.
تخريمة ثالثة: ما قلتو بارا ما فيها بصل!!!!. (حاشية :تعرف بارا يا مركز؟؟؟.)
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
| Quote: اركيولوجي :وحسب تعريف فوكو في (اركيولوجيا المعرفة) وما ابتدره في (الكلمات والاشياء) معناها حفريات المعرفة (ما عندها علاقة بعلم الاثار ،ما لك بقيت لي زي حمودة حلاق الجامعة)...... |
يعني محتج على "آثار تاريخية" عشان تجيب "حفريات"؟
| Quote: ابستيمي: لالا كضبا كاضب مااااا عندها علاقة بعلم المعرفة ديك الابستيميولوجيا ..صحيح ميشيل فوكو ناجرا منها ولكنه كما اعتاد استخدمها استخداما جديدا بمعنى النسق..وهذا الاخير هو المشكل الاساسي لحركة البنية ( انتو مافي بنيويين في المنبر دا خالين تبارك دا يمرمط بالبنيوية قدر دا!!!!!!!!!!!!!!!!). |
ابستيمي: epistemological (يعني: متعلّق بعلم المعرفة!)
ابستيمولوجيا (ما عارف الياء الزايدة جبتها من وين): Epistemology (يعني: علم المعرفة ذات نفسو!)
كونوا الراجل بينتقد النسق الإبستيمي الفرنسي بمنهجية تحليل "التصريح" باعتبارو مجموعة القوانين التي تتحكّم في تعبير ما (الجملة، الحروف والظروف، فعل التخاطب) ليكون مفهوم خطابياً (أو على مستوي الخطاب الحياتي لصاحب التعبير!) ... وهو يستخدم ادوات معرفة قديمة ويتعامل معها باعتبارها "حفريات" عفا عليها الزمن ... هل هذا يغيّر معاني المصطلحات؟
آركيولوجي: متعلّق بالآثار التاريخية (أو الحفريات) آركيولوجيا: علم الآثار ...
ابستيمي: متعلّق بعلوم المعرفة (متضمنةً هذا الدرس المجاني) ابستيمولوجيا: علم المعرفة
وركّز معانا على الإنشا ... لأنو كلامك دا كلللللللو ... أصلاً ما عندو علاقة بى موضوع البوست ... انت امسك طرف جلابية بشاشا وباريهو من سكات ... واعتذر ليّ لى حبيبتك الحرشتك ترد عليّ بالبجاحة دي ... قول ليها قال ليك هو ما قاصد يمرمط الولد ...
وبعدين يا ابو العريف، وينها حلولك الإنت طارحها؟ مفروض تساعد عمك بشاشا دا شوية ... الراجل كبر ...
(بعدين تاني ما تقشر ليّ بى كتاب مترجم بالعربي ... لأنو دي حفريات المعرفة الأصلية!)
... المهم ...
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: أحمد ابن عوف)
|
Quote: اوع تكون قاصدني؟؟!!
ما علينا
في سؤال فوق كنت وما زلت منتظر اجابتك عليه
بث الوعي دا المستهدف بيهو منو؟؟ |
ما قاصدك ... قاصد ناس التنظير بتاع: الدستور مفروض يتطبّق ... ندّي الشعب فرصة يقول كلمتو ويعيش تجربتو ... وناس: وينا الديموقراطية؟
دايرين الحاجات تحصل بناءاً على وجهة نظرهم الصحيحة ... لأنو لو ما ضربوا العضة ما بقوموا من العنقريب ... البنفّذ منو؛ ما معروف؟
احتمال اجندة تفعيل الدستور حا تنفّذها المرا بتاعة اللحمة مع السلطات والشاي ..
والطلبة ... اقل غلات تلقاهم بيظاهروا ... يظاهروا في أيّ موضوع ... وجري على "الشعب يريد اسقاط النظام" ...
بعد دا كلّو تسألني بث الوعي مستهدف بيهو منو؟
مستهدف بيهو كل من يفتقر للوعي بذاتو وبحاضرو ومستقبلو والعالم من حولو ...
مستهدفين بيهو "الشرفاء" ... لأنو حرب الشرف دي دخلت على دويلتنا ومحبّتنا دي بى وين ما عارفين زاتو ...
مستهدفين بيهو "الكيزان" ... قايلين القصة هلال مريخ ... الفي حوشو حقّو والبرّة في الشارع مال سايب ...
مستهدفين بيهو "السلفيين" .. عشان يلغو التوكيل الأداهم ليهو الله ورسولو ...
مستهدفين بيهو "المسيحيين" .. أيّ حاجة تحصل يجروا واي واي واي .. الفكرة الوحيدة الطلعوا بيها من السياسة هي فصل الجنوب ...
مستهدفين بيهو "الثوار" ... قايلين انتاج الحياة من شغل البنادق ... والبنادق ما بتنتج غير الموت ...
مستهدفين بيهو "المهمّشين" .. يستجيبوا للقهر بالصغار والإنبطاح طالبين الحياة الكريمة في أبواب المؤتمر الوطني ...
مستهدفين بيهو "المثقفين" ... يمتهنون الثقافة تكسّباً وليس قضية ...
مستهدفات بيهو "النسوان" ... عاملات فيها ما داخلات الفلم دا كلّو ...
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
تحياتي يا تبارك
وشكرا لردك
طيب امشي معاك قدام في الحوار، واجاوبك على سؤالك الما لقيت ليهو اجابة لحد هسع
"الحل شنو؟؟" امكن معظمنا ما عنده اجابة كافية او مكتملة، وانا بخت نفسي في الخانة دي
ودا ماعيب، العيب انك تصر تدافر وما عندك مشروع
اولا يا حبيب خلينا اعترف ليك بحاجة، انا زاتو كنت ولحد وقت قريب مقتنع زيك بانو الناس تكابس
في الصناديق دي وتقالع الكراسي في البرلمان شوية شوية.
وقلت كده جهزت اوراقي وعملت برنت آوت للاشخاص النزلو انتخابات في دائرتي الانتخابية (دا برنامج عمل
انا ما زلت مصر عليهو وما من الحكمة طرحه هنا) موش لانو خطر وبكره ممكن يقبضوني، فقط لانها خطة سياسية
ما داير الخصم يسمع بيها)
نواصل، قلت يا ولد اجيب تلفونات الناس دي، واشوفها ولو في طريقة اقابلها (الكلام دا بعد الخج الحصل)
وساكت كده اتونس معاهم واقول ليهم ياخي انا الزول المسكين دا في دائرتكم الانتخابية، والحصل حصل وتم اسقاطكم
في الانتخابات لكن الجايات في ونشوف كيف ممكن نتصرف تجاة المؤتمر الوطني وشنو المطلوب مني كمواطن للمساهمة
في انو زول من السايد التاني يفوز بدل واحد كوز
اها، ومشيت لزول مسئول سياسي كبير في حزب (كان يحسب الى وقت قريب في صف المعارضة) وقلت ليهو زولكم دا
وين وداير تلفونو وكده، الكويس انو قدر على الاقل يتذكره ويتعرف على اسمه، لكن ما عنده معلومات عنه
اكتر من كده، طيب دي مصيبة حزبية وقول ما عندنا بيها شغله.
هي اسبوعين اجازة في الخرطوم، ضيق الوقت لم يسمح بالكثير
ومشيت على شبابنا واجتمعنا مره (غير منظمين في حزب) وخلصنا لانه القصة دايره منبر سياسي، حزب يعني
عشان تقدر من خلاله توصل رسالتك الدايرها .... الخ وتناقش قضايا تعتبر اساسية عن طريق الحوار فيما بيننا والحوار
مع الآخر المختلف والمتفق معاك في ... يعني الهدف الاساسي منو ليس اسقاط النظام مثلا
الفكرة في والنية في لكن لصعوبات لوجستية مكانيه وزمانية الامر قد يستغرق بعض الزمن، دي هموم خاصة ما نشغل بيها الناس
لكن ما اهم ما اثير من نقاشات هنا وهناك، ويا احمد ابن عوف فكرتك جميلة وعملية ... الخ ،ختوني امام السؤال الصعب
الخج والتزوير ح يتواصل، وح يتكرر تاني وتالت يبقى العمل شنو يا تبارك، نشتغل شغل اولاد ناس غير الحصرم ما حتجنى حاجة
نقول ثورة سلمية لاسقاط النظام .. تسألونا ياتو نظام، نقول كل القوة الخرطوم جوه ... عييييك تنصب لك المشانق فورا
زي ما قلت ليك، ما عندنا او على الاقل دعني اتحدث عن نفسي، ما عندي حل واضح وشامل، لكن البعرفو، ما يمكن انجازة
في غياب الملاعين ديل نتائجة بتكون اسرع وانجع من العمل والحوار في ظل وجدوهم.
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: أحمد ابن عوف)
|
فضيت ليك ياتبارك ..
في البداية كنت بارتايمر..
--------------------------------------------------------------
كدي نتفق انو نترك شتيمة الامهات والاخوات والحبوبات ..شكلك اتعلمت الكلام دا من بوست (لماذا غاب الحزب الشيوعي من ندوة لندن ) شايفك كنت متفرجخ ومستمتع بشتايم صلاح الندر وخالد العبيد وغيرهم..
اسع يا تبارك البوست دا فكر وثقافة علاقتو شنو بشتايم الامات والحبوبات.
تنبيه : شتم الشتيمة البتعرفا وانا حاعريك فكريا وثقافيا وما عندي علاقة باي شتيمة
يلا خلينا نواصل يا جيل دولوز (انشا الله عرفتو يا البتقرا بالهيروغلوفية)
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
اولا يا تبارك خلي الفنجطة..
| Quote: وركّز معانا على الإنشا ... لأنو كلامك دا كلللللللو ... أصلاً ما عندو علاقة بى موضوع البوست |
ها ها ها يا تبارك ..
هي القصة بدت وين !!؟.
بدت لما انت بدلا من الرد على المدخلة ادناه ..
Quote:
القصة انو الجلابة عموما في حاجة فايتة عليهم وهي انو هجومهم على الانقاذ يعاني من حالة سيندروم كساحي ..كيف!!؟.
فموقف الجلابي المع الانقاذ والجلابي الضدها بيستبطن موقف ايديولوجي واحد ..
لكن هناك خلاف ايديولوجي فرعي ذا طابع سياسي ..
كيييييييييييييييييييييييييف!!!!!!!!!!!!!!!!!!.
الايديولوجيا العامة البلتقو فيها الجلابة جميعا هي ايديولوجيا الشمال النيلي او ايديولوجيا البحر ودي ذات طابع ثقافي فكري عروبي ،او بكلمات محمد ابو القاسم حاج حمد ذات نزوع متوسطي ..
يعني بالتعبير البنيوي (او الاركيولوجي حسب فوكو ) ان ابستيمي هذه البنية واحد بتاثر بيها اي زول صادر منها لو بقا تبارك او علي عثمان!!.
لكن ممكن للاول انو يقرا الابستيمي دا بطريقة علمانية والثاني يقراهو ثيوقراطيا ،ولكن في النهاية القراءة دي تجلي للشئ ذاته دون انو تبارك يتجرأ انو يقطع مع هذا المكون الثقافي واكبر دليل مداخلات تبارك في بوست
[URL]ام درمان واسطورة ثقافة الوسط!!!.
|
اها وبدلا من الرد الواضح على الكلام الواضح اعلاهو بديت تتهكم على استخدام المصطلحات وكانوا المسالة دي بتحلك..
قال شنو ..
Quote: ركيولوجي: متعلق بالآثار التاريخية
ابستيمي: متعلق بعلوم المعرفة
علماني: محايد عقائدياً
ثيوقراطي: متعلق بمؤسسة أو معبد ديني بحجم دولة |
يعني الولد بقي اندرية لالاند صاحب قاموس المصطلحات الفلسفية ..ولانو تبارك بتعوزوا الادوات ، طوالي بدا الطبيز الظاهر اعلاه ..
نواصل
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
| Quote: يعني محتج على "آثار تاريخية" عشان تجيب "حفريات"؟ |
هاهاهاها ..برضو كضبا كاضب يا تبارك..
المعنى الحرفي لاركيولوجي ARCHEOLOGY هو ما ذكرته يا تبارك (اثار تاريخية )..
ولكن لانو انحنا ما جينا المنبر دا مترجمين عشان كدة ما شغالين بقصة اثار تاريخية دي..
لقد قام فوكو باستعارة الكلمة من حقلها التداولي الاول وركزها في سياق اخر لتاخذ معنى اصطلاحي اخر ..
بمعنى حفريات والصفة منها حفروي ...
المترجم الاول لكتاب فوكو (حفريات المعرفة)يا تبارك كان زيك كدة وقام بترجمته بعنوان (علم اثار الوعي الجماعي) وضحك فيه النقاد مما ادي لبواره (خلي بالك من نفسك)....
-----------------------------------------------------------------
امشي قوقل تاني لما امشي واجيك
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
صهيب ازيك ياخي
نقطة نظام :
بالنسبة لمسألة الشتيمة من طبارك، دي عندها سالفة مع محسن خالد
استعمل نفس عبارة "كضباً كاضب" دي .. و يبدو انو طبارك ما قابلها .. و ردو عليها كان شتم والدة محسن لها الرحمة
فياخي هو ما كان بهدد .. قدر ما انو بوصل ليك الرسالة!
واصل في صراع الفكري، كيفما ترى .. بس ابعد من العببارة دي تحديداً
من حقو تحترم ليو حاجاتو .. و من حقنا نستفيد من نقاش فكري صافي
تحياتي
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: قيقراوي)
|
Quote: صهيب ازيك ياخي
نقطة نظام :
بالنسبة لمسألة الشتيمة من طبارك، دي عندها سالفة مع محسن خالد
استعمل نفس عبارة "كضباً كاضب" دي .. و يبدو انو طبارك ما قابلها .. و ردو عليها كان شتم والدة محسن لها الرحمة
فياخي هو ما كان بهدد .. قدر ما انو بوصل ليك الرسالة!
|
كان كدا اسفين ومقدرين يا قيقراوي..
والعتبى لتبارك ..
ولكن برضو نواصل في الصراع الفكري الصافي
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
ملاحظة مهمة: مداخلتي الاخيرة اعلاهو كتبتها قبل ان اشاهد رد تبارك ادناه..
Quote: ياخي العن أمك ... استعدل لغتك معانا شوية
...
|
-------------------------------------------------------------------------
فرجختك في بوست (لماذا غاب الحزب الشيوعي عن ندوة لندن)..زادت فنجطتك يا تبارك
زي ما قلت ليك انت اشتم وانا اعري(و ست الناس حتظل ست الناس رغم نقط نقط نقط)..
وبرضو حنواصل
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
Quote: تبارك
ياخي صهيب دا قدامك اشتموا اعمل معاهو العايزو، أمو دي ذنبها شنو؟؟ |
ما ربّتو ... زي ما قلت لى محسن خالد قبل كدا ...
البيستخف بى قيمة الصدق وينفيها عند الآخر ببساطة كدا ... زول ما متربي على قيم الصدق ... ودي غلطة الأم ...
دا من ناحية ... من ناحية تانية ...
تشتمني بى حاجة عزيزة عندي وما بقدم فيها تنازلات (المصداقية) بشتمك بى حاجة عزيزة عندك وما بتقدم فيها تنازلات ..
الداير يتناقش بى "كضباً كاضب" يتناقش مع زول تاني ممكن تليق فيهو الصفة دي ..
________________________________________________________________________________
أمو ما مهمة ... نرجع لى النقاش (أو الصراع الفكري!!!) ...
الآركيولوجيا .... علم دراسة الشعوب من النواحي التاريخية والثقافية والإنسانية في فترات تاريخية سحيقة عبر الآثار التي يتركونها من أدوات وأواني وثقافة مادية ومعمار ونصوص ... تستخرج هذه الآثار التاريخية من عمليات الحفر بواسطة علماء الآثار ... وتسمي القطع المستنبطة من باطن الأرض "حفريات" إلى أن يتم تصنيفها على أنها "آثار" وهي العملية التي يقوم بها علماء الآثار (وليسوا علماء "الحفريات") استخدام فوكو لهذا اللفظ في (حفريات المعرفةArchaeology of Knowledge)* استخدام مجازي اعتيادي لغةً ... وليس فيه "اصطلاح" جديد ... هو مجرد إشارة للنسق الإبستيمي الفرنسي French Epistemological Tradition (لاحظ أن Tradition وردت بمعنى "نسق" وليس "ابستيمي") أي نسق تحصيل وتفنيد المعرفة عند الفرنسيين ... باعتباره نسق قد عفا عليه الزمن ولم يعد مواكباً لنظريات المعرفة الحديثة ... فصار ضرباً من ضروب الآثار التاريخية (أو الحفريات إن شئت) ...
كما أسلفنا ... استخدام "فوكو" المجازي لا يغيّر معاني المصطلحات (وآركيولوجي لا تعني "بنيوي" بأي حال من الأحوال عند "فوكو"!) ... وبما أنك لست "فوكو" ولم تأتِ بسياقات ناقدة لنظرية المعرفة عند الجلابة باعتبارها "آركيولوجي" (ولو فعلت لأخرجتنا من الدنيا وسقطها) فقد أتت عباراتك غير مترابطة في المعنى وغير لافقة في السياق ... فوضعنا "هامش" (وهو أداة "معرفية" مستخدمة في الكتابة بصورة اعتيادية لا "مطاعنة" فيها) رأينا أن رأيك الذي يحتاج لهذا الهامش لتوضيح أنك (تنقز برّة الدارا) وتهرطق بكتاب قرأته حديثاً ليس إلاّ ...
تكرار وتوكيد للمعاني الواردة في الهامش أعلاه:
آركيولوجي: متعلّق بالآثار التاريخية
إبستيمي: متعلّق بعلوم المعرفة
علماني: محايد عقائدياً
ثيوقراطي: متعلّق بمعبد ضخم يدار على أنه ذو سيادة منفصلة عن دول العالم الأخرى (الفاتيكان مثالاً) عشان ما تلخبتو بالدولة الدينية ...
بناءاً على التوضيحات أعلاه ... وبالرجوع لكلامك ... فأنت لم تقل شيئاً يستحق الوقوف عنده والرد عليه ... في الحقيقة أنت لم تقل شيئاً بتاتاً ...
... المهم ....
__________________________
*) الرابط يقوم بتنزيل كتاب حفريات المعرفة باللغة الإنجليزية من 238 صفحة مختصرة من حيث الحجم في 123 صفحة!
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
Quote: فرجختك في بوست (لماذا غاب الحزب الشيوعي عن ندوة لندن)..زادت فنجطتك يا تبارك
زي ما قلت ليك انت اشتم وانا اعري(و ست الناس حتظل ست الناس رغم نقط نقط نقط).. |
شايفك ما جبت سيرة بوست ام درمان ... انت داير تجرّني لى حوارات انت شايفها مهمة .. في طريقة اسهل من الطريقة البتعمل فيها دي ... امشي بوست لماذا غاب الحزب الشيوعي عن ندوة لندن أو بوست ام درمان ... واكتب كلام عليهو القيمة ويستحق الرد ... انا بقرا قراية شديدة جداً وبى تركيز ... لو لقيت ليك كلام يستحق الرد برد طوالي ... في بوست ام درمان (طبعاً تاني ما رجعت ليهو وما اظن القى زمن ارجع ليهو) آخر حاجة كتبت ليك انو انت داير تشتهر على حساب ام درمان ومناظرة اولاد ام درمان ... فدلوقت الحوار دا مهم ما تستهلكوا لينا بى مخططاتك (لتعرية) أي زول ... رسّل ليّ إيميلك في الخاص ... برسّل ليك صور ما بعد (التعرية) لمتعتك الشخصية ... وسيب النقاش دا يمشي في الإتجاه المناسب ... (بعدين القال ليك منو انو انا - كجلابة - في حالة هجوم على الإنقاذ أصلاً عشان تشخص الهجوم بحالة كساح أو كساح سيندروم بما إنو سيندروم يعني "أعراض")
__________________________________
أحمد ابنعوف ...
مداخلتك مهمة ... في أحزاب كتيرة قامت على أساس أنو الفراغ الموجود في الديموقراطية الحالية هو فراغ في مؤسسة حزبية تبلور وجهة نظر الرأي العام ... وتخلق توازن لهيمنة المؤتمر الوطني لمفاصل النظام الديموقراطي وممارساته القمعية تجاه الرأي الآخر بطريقة تنافي أسس النظام الديموقراطي ... كل الأحزاب المسجلة في تحالف القوى الحديثة (حشد) تمثّل نفس الحالة بنفس دوافع التأسيس ... هنالك غياب في الممارسة الديموقراطية ... ولكنه ليس غياب مؤسسة حزبية فريدة لم تنشأ بعد ... ولكنه غياب ذهنية التعاطي مع الديموقراطية بثقة في الديموقراطية ... رغم كل مؤشرات عدم الثقة في الآخر ...
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
| Quote: ما ربّتو ... زي ما قلت لى محسن خالد قبل كدا ... |
لا لا دي ما المشكلة يا تبارك ..
انت عارف المشكلة شنو ..
المشكلة انها ربتني خااااااااااااااااااااااااالص لدرجة انو كلما اقول انبذ امك زي ما عملتا انت يدي ما تطاوعني ..
------------------------------------------------------------------------
نكتة: الوالدة قرت مداخلتك (عندنا الليلة الجمعة ومقيلين معاهم) وضحكت شديد واوصتني ان لا ارد على المسكين دا!!.
لاني مربى عملت بوصيتها ..
-------------------------------------------------------------------------------------------------------------------------
نواصل..اها تبارك فنجط قال شنو في مضمار المكابرة..
| |
|
|
|
|
|
|
|
|
 Re: حوار هادئي مع تبارك، حول مفهوم دولة غير جهوية لكل السودانيين. (Re: قيقراوي)
|
Quote: و الله دخلة البورد دا بقت ذنوب بس!!
حيرتونا و الله يا شباب!!! |
نفس الشعور يا قيقراوى ..
ومش البورد بس..
البلد دى كلها القعدة فيها ذاتها ذنب ..
والإنتماء إليها ذاتو قرب يبقى وصمة عار ..وكبيرة من الكابئر .
إحترنا فى صنقورنا دا ..على قولك .
.......................................
وقبل ما ندلف ل(الحوار) دا ..
خلونا نحاول ندلو بدلونا فى حكاية تعريف المصطلحات :
ثيوقراطية Theocracy: .
هى (نظام حكم ) يدعى إنه يستمد سلطته المباشرة من (الإله ) ، يتكون المصطلح من كلمتين مدمجتين ( ثيو وتعنى الله ) و( قراط وتعنى الدولة ) حيث تمثل الطبقة الحاكمة الكهنة أورجال الدين أو الزعامات التى تسعى لفرض قواعد دينية محددة على المجتمع ، ولا تسمح للشعب بالخروج على هذه القواعد بإعتبار إنها قواعد مقدسة تمثل تعاليم سماوية غير أرضية أو بشرية ، لذلك فى هذه الحالة تكون الحكومة تعبيرا عن الكهنوت الديني ذاته أو على الأقل يسود الكهنوت عليها .
وبالتالى أى ممارسة تصدر عن الحكومة تعتبر ممارسة مقدسة ـ ولا تقبل النقاش ..حتى لو كانت خاطئة .
( التعريف دا ما مقوقل يا صهيب )
.......
طبارك يا صديق : إنت مالك ..جنيت !!
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
كدي نحكي القصة من بدايتا ..
فلقد حاول تبارك ان يمارس فنجطته المعتادة بهناك معانا في البوست دا...
ام درمان واسطورة ثقافة الوسط!!!.
وكان قايل الشغلة لعب فبدا في التهبيب من شاكلة ..
| Quote: البوست عجبني .... وانت جـبان (جـبان التانية بتاعة "حركتك جـبانة" مش النبزة) بتفتح تزعة جبهات في طلقة واحدة ... حا اجيك اشاركك بى مزاج في تفكيك بنية الأسطورة ... |
ولما الكلام ضايق ودخل الحوش بدأت الجرسة من شاكلة,,
Quote: كأنك ترمي إلى أن "اسطورة ثقافة الوسط" ليس لها جذور في الواقع ... وأنها "اسطورة" خيالية ليس إلاّ ...
سلمى الشيخ سلامة ... بت امدرمان والخرطوم والهامش ... بت قلبها ودفتيها ...
ردّي على الود دا ... انا جاتني الكركارة بتاعة الإنفة ... |
ولما الكلام ضايق زيادة بدأت الفنجطة المعلومة والغلاط من شاكلة ..
Quote: الافندية لا انتاج امدرمان لا الامدرمانيين بيحبوا الأفندية ....
ياخي في أسر في امدرمان ... "أفندي" دي حجة يرفضوك بيها لو اتقدمت لى بتّهم ... والكلام دا حصل قدام عيني ... والله صحي ...
امدرمان دي عز قديم انت ما عرفت ليهو ولا انصفتو ...
وحربها ضد الاستعمار كان حرب وجود ... امدرمان قدّمت آلاف الشهدا في كرري ... والفاضلين عملت منهم طفرة أغاني الحقيبة والمعهد العلمي ...
|
ولانو تبارك دائما اوف بوينت بدا في رفدي بحجج اطروحتي الكنت محتاج لصفحات للوصول اليها من شاكلة ..
Quote: طيب وردي شنو؟
مركز أرقو ريفي الكلاكلة؟
الكلام دا كان قبل "القمر بوبا" ... من ديك وهو هامش في امدرمان زيو وزي أي هامش في امدرمان وما بيعبّر عنها ... وردي أثرى امدرمان بمعين الهامش الجا شايلوا ... وأمدرمان وفرت ليهو مميزات المركز رغم انها ضنّت عليهو بالهوية ... غيرو اتلحسوا ساي ...
انت من شوايعة وين؟
|
و.....
Quote: اخي انت بتتكلم عن امدرمان ... يعني ما ممكن تتعرف على هويتها من "علي أوليل" مثلاً ... لأنو رغم انو فنان السودان الأول والوحيد في ربع مساحة السودان ... إلاّ انو امدرمان ما سمعت بيهو ولا بيعبّر عنها ... الكتيابي مستوطن وشاكر مهاجر ... لاكين القاسم المشترك بيناتهم هو البيوريك امدرمان شنو ... وانا اخترت الحدث دا (وهو بقصر الشباب والأطفال حيث كانت قبة الشيخ بر أبو البتول) لأنو ممكن تحضروا ... ولأنو ما بيعبر عن الثقافة المركزية وهنا أمدرمان .. بل يعبّر عن امدرمان بصورة محلّية بتاعة حلة وكدا ...
امشي احضر واتثقف وانت ساكت ... انا الشحتفة على البرنامج كاتلاني ....
بعدين لو داير صوت الهامش في امدرمان ابداها من كرومة ... انت قايل كل فنانين امدرمان ديل صلاح مصطفى وابراهيم عوض؟ ياما عندنا وردي ورمضان زايد وحنان بلوبلو وعشة الفلاتية وابراهيم حسين وصالح الضي .. ديل كلهم هامش في امدرمان .. وبيتحسبوا بعد الحاج سرور وعبدالدافع عثمان ومحمود فلاّح وحوا الطقطاقة وترباس ... ومؤخراً طه سليمان ومحمد جزار ...
|
الواضح انو تبارك كان اوف بوينت خالص في بوست ام درمان وهو ما احس به هو واحترم نفسو ولملم اوراقو وطلع وهو يهرف قائلا..
Quote: م درمان دي لسة ما اتملت؟
(وهو تعبير "هامشي" يقال للأكول اثناء الطعام!)
|
-------------------------------------------------------------------------------
انتو عارفين سبب حريق روح تبارك شنو!!؟؟. ما كان قايل انو نجي نواصل معاهو المط هنا..
تخريمة :وراك والزمن طويل ..اها في زول جاب طاري الامهات!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
انت عارف يا تبارك ورغم انو اطروحتي حول ام درمان كتبتها قبل ما اعرفك اسفيريا ( عرفتك حيطة بحيطة حتكون صأبة) ..
ولكنك الام درماني النموذجي الحقق لي صدق كلامي ادناه..
Quote: أما أبناء أم درمان فهم نسيج وحدة من الغلاسة والأنفة المتعجرفة التي تسندها مائة عام ونيف من الصرامة المدينية المنتحلة من روح الخرطوم وهي المدينة التي تعاملت ذات يوم مع أم درمان بإستنكاف هي اليوم تمارسه تجاه بقية الحواضر السودانية ، لذلك فقد أنجبت لنا أم درمان نخبة من أنصاف الآلهة و الأنبياء وليس ذلك فقط بل ويا للقدر العجيب فقد أنجبت لنا هذه المدينة ذات يوم إلها (كاملاً) من لحم ودم!! .
وبالطبع فإن أم درمان تخصصت في قتل مواهب وجواهر فكرنا السوداني الأصيل ، فهذا شاعرنا التجاني يوسف بشير الذي مات مسلولاً أو بطريقة أخرى كما تردد بعض الروايات (لا ندري) ، أما معاوية نور الذي لولا الصحافة العربية الصادرة بالقاهرة لما إنتبهنا لعبقريته . وحده الطيب الصالح قد نفد بجلده كي تتلقفه مطابع بيروت ، ولولا ذلك لكان اليوم فريسة على الطريق تتناهشه صقور ثقافة الوسط المبجلة . لذا لم ينتج السودان شاعراً قومياً واحداً يمكن أن يجمع عليه الناس ، كما يحدث في كثير من الدول التي نجحت أن تصنع وجداناً قومياً بفعل تحريك آليات ثقافية متوازنة تستطيع أن تأسس للتعدد على أساس الإختلاف ، عدا ثقافتنا التي لم تزل تبشرنا بصدوح آلياذتها ذات يوم ولا ندري متى يظهر هميروسها هذا ، عله يظهر عند ظهور المسيح!!!. |
--------------------------------------------------------------------
العزيز قيقراوي يا مهذب : ولكنك ليس من ذلك النوع ولا داعي للاعتذار
وحنواصل في تعرية الفنجطة التبروكاوية..
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
Quote: ثيوقراطية Theocracy: .
هى (نظام حكم ) يدعى إنه يستمد سلطته المباشرة من (الإله ) ، يتكون المصطلح من كلمتين مدمجتين ( ثيو وتعنى الله ) و( قراط وتعنى الدولة ) حيث تمثل الطبقة الحاكمة الكهنة أورجال الدين أو الزعامات التى تسعى لفرض قواعد دينية محددة على المجتمع ، ولا تسمح للشعب بالخروج على هذه القواعد بإعتبار إنها قواعد مقدسة تمثل تعاليم سماوية غير أرضية أو بشرية ، لذلك فى هذه الحالة تكون الحكومة تعبيرا عن الكهنوت الديني ذاته أو على الأقل يسود الكهنوت عليها .
وبالتالى أى ممارسة تصدر عن الحكومة تعتبر ممارسة مقدسة ـ ولا تقبل النقاش ..حتى لو كانت خاطئة .
( التعريف دا ما مقوقل يا صهيب ) |
يعني معبد ... بس كبير أوي ... بحيث الإنتماء للمعبد وقواعده الدينية هو الإنتماء للثيوقراطية ... ويعامل عدم الإنتماء العقائدي معاملة الخيانة العظمى ...
__________________________________________________________________________
| Quote: نكتة: الوالدة قرت مداخلتك (عندنا الليلة الجمعة ومقيلين معاهم) وضحكت شديد واوصتني ان لا ارد على المسكين دا!!. |
يا سلام ... انا قلتها كدا مغمّد ... وفي بالي مرا سودانية مستورة حال وبالها طويل ... كدا طمنتني خالس خالس ...
Quote: كدي نحكي القصة من بدايتا ..
فلقد حاول تبارك ان يمارس فنجطته المعتادة بهناك معانا في البوست دا... |
يا زول الطرح بتاعي دا بداياتو قبل توقيع اتفاقية السلام هنا في سودانيزاونلاين ... والقراء المنتظمين عارفين الكلام دا ... بوستيك بتاع امدرمان دا أول كتابة انا اقراها ليك ... بقّيتني زي الأحول ... كل ما اقرا جملة اقول لأ احتمال يكون قاصد كدا ... بعد تلاتة اربعة مداخلات انا كان عندي جرد كامل لى نمطك الكتابي ... بدون ما ارجع لى بروفايلك حددت انك عمرك من 25 لى 30 سنة ... وحددت انو ثقتك الشديدة في روحك دي لأنك بتكون قريت في جامعة الخرطوم أو جامعة السودان ... في مجال علمي ما مجال أدبي لأنك ما عندك مناهج تحليل وتنظير اجتماعي واضحة ممكن الزول يستشفها ... من تضارب المصطلحات حددت انك بتكون جبهة ديموقراطية أو شيوعي ... استعمالك لى كلمات كبار كبار برة السياق فتّرني زاتو ... ام درمان لا بتخاف من تنظيرك لا بتحتاج لى دفاعي ... حا اتعب روحي معاك فوق ام كم؟
مثال لى استخدامك لى مصطلحات تجهل معانيها وسياقاتها:
| Quote: هو الجن بتداوا يا امونة كعبة الاندراوة.. |
اندراوة في عينك ... انت ما شايفني كاتب لى "دينق" دا شنو؟ ياخي نقاش معاك عن ام درمان ما داير ... ونقاش معاك عن الجلابة ودويلة كل السودانيين ما داير ... رايك الصاح دا ... امشي هنقز بيهو في حتة تانية ... يا خي انت بتتكلم عن "وجدان قومي" ... تقول:
| Quote: لذا لم ينتج السودان شاعراً قومياً واحداً يمكن أن يجمع عليه الناس ، كما يحدث في كثير من الدول التي نجحت أن تصنع وجداناً قومياً بفعل تحريك آليات ثقافية متوازنة تستطيع أن تأسس للتعدد على أساس الإختلاف |
فلتوا معاوية محمد نور والطيب صالح من شنو؟ ام درمان قتلت التيجاني يوسف بشير كيف؟ حا اتغالت معاك في الكلام الفارغ دا كم سنة ... والله انت العندك "إنفة" ما لاقتني ... تتهم مدينة في هويتها وتاريخها اتهامات زي دي ... واتهامات ما مؤسسة بمنهجية أصلاً ... ومعاييرك ليها علاقة بى "وجدان قومي" وأفكار فاشيستية* تناقض التعدد والإختلاف من أساسو ... ودايرني أرد ليك؟ انت يا إما عندك غرض في الغلات الأبدي الما بيأدي لى نتيجة ... يا إما رايح ساكت ... في الحالتين إدّرع ليك زول تاني ...
حركتك بتاعة حرف البوست من مسارو دي حركة ما جميلة ... وانا طلبت منك بالواضح انو ما تحرف البوست عن مسارو ... انا منتظر رد بشاشا ...
... المهم ....
_________________________________
*) فاشيستي: بتاع منظور أحادي، ثقافة مركزية، وجدان قومي، شريعة الأمة، المهم منظور أحادي بيلغي تعدد الهوية ... وصف يليق بالكيزان ومشروعهم الحضاري أكثر من الثيوقراطية لأن الثيوقراطية نظام دولة نابع من الإنتماء الديني بالتراضي ... اسرائيل الديموقراطية دي مثلاً ثيوقراطية ويعتقد اليهود أن الديموقراطية جزء أصيل من الديانة اليهودية ولكن الديانة هي شرط المواطنة والديانة هي شرط القبول بالنظام الديموقراطي ... (أها شايف؟ آمنة مختار دي صاحبتي لاكين بوست زي دا من العنوان ما بدخلو!)
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
| Quote: ياخي نقاش معاك عن ام درمان ما داير ... ونقاش معاك عن الجلابة ودويلة كل السودانيين ما داير |
"تعال نتناقش في الموضوع دا" ... جملة أدهشتني في طفولتي اعتدن الجمهوريات ذوات الثوب الأبيض على ترديدها ... تعلمت منهن ومن هذه الجملة سلطة الخطاب الفكري المتسامح والمفتوح للنقاش ... وكان هذا ديدني في هذا الموقع ... حتى حين اعتدى الهاكر على الموقع كنت من مؤيدي فكرة الدخول معه في نقاش مفاده دوافع أفعاله المعتدية الجاهلة ... وتعلمت الشفافية من سلطة الخطاب المفكّر ومن الاستعداد الإنساني المستديم لسبر أغوار أي فكرة في أي وقت باستخدام أدوات الحوار البسيطة ... وهي أن تسمع الآخر ... ثم تعقل ما سمعت ... وقد سمعت ما تطرحه عن ام درمان وعن الجلابة وعن الدولة ... وليس لديّ استعداد للإستمرار في هذا النقاش ... رأفةً بطاقاتي الإنسانية المحدودة في التعاطي مع الرأي الآخر ... احترم عقل محاورك بالإتيان بفكرة محترمة عقلانياً ومنهجياً ... وإذا كنت معسر في التعبير فالفكرة النيرة تتوهج داخل العبارة الركيكة فلا تهتم ... فقط تذكّر أن الفكرة تأتي قبل العبارة ... ولحين طرحك لفكرة معقولة ... لا تنتظر مني ردود على عبارات تعتقد أنها مستفزة للرد عليها ... فأنا - كأمدرماني - أرد "على كيفي" ....
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: Deng)
|
Quote: أنت لو ما قادر تستحمل الكلام البخليك تجي تتكلم وتجيب سيرتي أصلا شنو؟
أنا حزرتك قبل كده وأنت ماداير تسمع الكلام. لذلك ده حيكون ردي لك بالطريقة دي في كل مرة تجيب فيها سيرتي.
هل فهمت هسع أنا قاصد ياتو بوست؟
يلا أجري فتش وتعال راجع. |
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
قبل كدا فتحنا ليكم بوست بى اسم تبارك شيخ الدين ... عشان ايّ زول عندو عفانات شخصية يجي يقولها هناك ...
انا بتحمّل مسؤولية الكلام الأنا كتبتو يا جورج - اللي هو انا ما عارفو زاتو شنو ولا بفتش - وانت اتحمّل مسؤولية الكلام الإنت كاتبو ..
وكان الله يحب المحسنين ...
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
| Quote: راوة في عينك ... انت ما شايفني كاتب لى "دينق" دا شنو؟ ياخي نقاش معاك عن ام درمان ما داير ... ونقاش معاك عن الجلابة ودويلة كل السودانيين ما داير ... رايك الصاح دا ... امشي هنقز بيهو في حتة تانية |
ياخ في عينك انت ..
اولا انا لم استاذن منك كي اتداخل في هذا البوست وما حاقيف عشان انت مااااااااااااااااااااااااااااااااااااداير تتناقش .ياخ دا منبر مفتوح وانت كان ما عايز تتناقش اطلع برة ..
وبعدين يا تبارك انت ما شايف انك بتمارس في نفس الحالة الاستحوازية الانا بنتقدا في ثقافة ام درمان عبرطردنا من هنا مع انك لا تملك هذا المكان ،فكيف لو اصبحت مالكا له او لك سلطة عليه ..
انت والله حالة مثالية ونموذج حتى انا لم احلم ان اجده هكذا وصدفة للتدليل على العجرفة الامدرمانية والشطارة في قلع الادوات عنوةا واقتدارا..
عشان كدة انا قلت ليك ومنذ بوست ام درمان انك الحالة الامندرمانية الانموزج الانا بفتش عليها للتدليل على صدق اطروحتي..عليك الله ما صدفة اجييييييييييييبة!!!!
انت قايلني يا بركوتة انا جاي البوست دا صدفة او بمزاج عابر!!~؟~
لالالا والله ..انا جيت هنا (مع انو بوستي هناك مفتوح ووصلت المداخلات ل 218 في الصفحة الثانية) لاني ما محتاج في حالتك لامثلة ،ما البركة فيك يا كنزي العزيز..
وزي ما قلت ليك وراك والزمن طويل ودي حالتو يا دوب انحنا بنفلتر في الهواء العكر الزفرتو عشان تطفشنا (دي تلقاها عند محسن خالد)..
----------------------------------------------------
حاشية : والله لا جبهة ديمقراطية ولا شيوعي ،اتجاه اسلامي عدييييييييييييييييييييييييييييييل كدة (والله العظيم!!),,اها لقيتني كيييييييييييييييف!
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
تجلية اولى:وبدون مماحكات وبعجالة للدخول للموضوع الاساسي فيما اذا كان للابسميولوجيا (علم المعرفة) ان يتطابق معناها مع مفهوم الابستيمي(النسق المعرفي الحاكم في بنية معرفية ما في زمن ما ) فكما هو معلوم ان كل بنية معرفية او ثقافية في زمن ما لها ابستيمها الخاص..
لذا فان الابستيمي (النسق المعرفي الخاص ببنية ما في زمن ما ) هو نتاج جدلية علاقات معرفية (فوكو يقول في الكلمات والاشياء ان ابستيمي القرن السادس عشر هو التشابه)
ولكن فان القرن العشرين يتوفر على ابستيمي اخر (الحداثة)..
يعني الابستيمات تتكون في الحقل المعرفي ولكن عبرتشابك علاقات معرفية مختلفة(الالية البتغير بيها الابستيمي من واحد لاخر هي القطع المعرفي)
اما الابستميولوجيا فهي علم المعرفة as such
-------------------------------------------------
يا تبارك وحول الابستيمي وخلافه مع الابستميولوجيا لن تجده في حفريات المعرفة يا صديق بل في الكتاب الاكثر اهمية لفوكو (الكلمات والاشياء) لانو هنا وهنا فقط اقترح فوكو انو الكلمات انفصلت من الاشياء لانو الابستيمي اتغير فصارت الكلمات لا تدل على الاشياء ..
دي فرصة تنزل لينا (الكلمات والاشياء) النسخة الانجليزية ،انا ما صدقت انك نزلت الحفريات بالانجليزي داااخ شتو ليك في المستندات (برضك عندك فايدة)
--------------------------------------------------------------------------------------------------------------------------------------------
طيب يا تبارك اوريك بعد دا انو علي عثمان ياهو انت ذاتك كيف!!!!!!!!!!!!!!!!!!!!!!!!!!!!!!!!!!!!!.
ما الابستيمي المكون لثقافة الوسط معلقك انت وعلي عثمان من عرقوب واحد...
اما التنويعات الخارجية والاختلافات المورفولوجية ليس اكثر من خديعة ضرورية يعتاش منها النسق يا صديق..
كييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييفففففففففففففففففففففففففف!!!
ما النسق ذي الكائن الحي لا يتجلى الا عبر التباين
كما اللغة كبنية لا تتجلى الاعبر التباين التصويتي(contrast ) ..
النتيجة النهائية: وهنا احسم ليك جدلك الجميييييييييل دا..
وزي ما انو الثقافة ما بتتغير الاعبر قطع معرفي (ارجع للحفريات)
برضو الحل لاشكال الدولة السودانية الحالية هو القطع مع بنيتها القديمة(اي السائدة الان)..
ودي ما بتحصل بانتخابات او تحول ديمقراطي (لانو التسوية الناريخية ما واردة)
ولكن بتفكيك بنية هذه الدولة ..
--------------------------------------------------
برضو والله العظيم اتجاه اسلامي (شايفك قلت شيوعي في بوست ام درمان)!!!!!!!!!!!!!!!!!!!!!!!!!!
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: صهيب حامد)
|
Quote: لذا فان الابستيمي (النسق المعرفي الخاص ببنية ما في زمن ما ) هو نتاج جدلية علاقات معرفية (فوكو يقول في الكلمات والاشياء ان ابستيمي القرن السادس عشر هو التشابه)
ولكن فان القرن العشرين يتوفر على ابستيمي اخر (الحداثة)..
يعني الابستيمات تتكون في الحقل المعرفي ولكن عبرتشابك علاقات معرفية مختلفة(الالية البتغير بيها الابستيمي من واحد لاخر هي القطع المعرفي) |
يقول فوكو في Order of things (أي "نظام الأشياء" وهو عنوان الترجمة الإنجليزية لـ"Les Mots et les choses" أي "الكلمات والأشياء"):
Quote: Up to the end of the sixteenth century, resemblance played a constructive
role in the knowledge of Western culture. It was resemblance that
largely guided exegesis and the interpretation of texts; it was resemblance
that organized the play of symbols, made possible knowledge of
things visible and invisible, and controlled the art of representing them.
The universe was folded in upon itself: the earth echoing the sky, faces
seeing themselves reflected in the stars, and plants holding within their
stems the secrets that were of use to man. Painting imitated space. And
representation – whether in the service of pleasure or of knowledge –
was posited as a form of repetition: the theatre of life or the mirror
of nature, that was the claim made by all language, its manner of
declaring its existence and of formulating its right of speech. |
حتى نهاية القرن السادس عشر، لعب "التشابه" دوراً بنّاءاً في توجيه تأويل وتفسير النصوص؛ ذات "التشابه" الذي نظّم استخدام الرموز، جعل معرفة الغيب والشهادة ممكنةً، وتحكّم في فنون عرضهما. كان الكون منطبقاً على نفسه: الأرض انعكاس السماء، والوجوه ترى خيالاتها في النجوم، وتحتضن الأشجار بين تفرّعاتها أسرار خير البشرية. ماثل الرسم المكان. والعرض - سواء كان للعلم أو للترفيه - تشكّل من التكرار: مسرح الحياة أو مرآة الطبيعة، تلك كانت ضالة كل اللغة، وطريقة إعلانها عن الوجود وصياغتها لحق التعبير.
دي ترجمة دقة سريعة ... امرق ليّ "إبستيمي" أو سياق يناسب "إبستيمي" في الكلام دا ... والكتاب من 449 صفحة لو واصلت غلاتك الجاهل دا بترجمو ليك كلّو هنا في البورد دا ...
آخر مرة بقولها ليك: "إبستيمي" يعني "متعلّق بعلوم المعرفة" ... لو عايز تتكلم عن أيّ نسق "إبستيمي" ... لازم تكتب كلمة "نسق" بالأول ... حتى بعد داك تنسب "النسق" بإنو "نسق إبستيمي" ... مصطلحات جديدة ما معانا ...
________________________________________________________________
نجي لى نقطتك (بتجاوز للخطأ اللغوي الفادح):
Quote: النتيجة النهائية: وهنا احسم ليك جدلك الجميييييييييل دا..
وزي ما انو الثقافة ما بتتغير الاعبر قطع معرفي (ارجع للحفريات)
برضو الحل لاشكال الدولة السودانية الحالية هو القطع مع بنيتها القديمة(اي السائدة الان)..
ودي ما بتحصل بانتخابات او تحول ديمقراطي (لانو التسوية الناريخية ما واردة)
ولكن بتفكيك بنية هذه الدولة .. |
أولاً انا عارف نفسي زيي زي علي عثمان زيك واااحد في النسق الإبستيمي الحداثوي البيشكّل معارفنا (رغم اختلاف الآراء والمواقف بيناتنا التلاتة) فما فاهم علاقة تفكيك بنية اسطورة امدرمان بمنهجية بنيوية ممكن تكون علاقتها شنو بى أزمة الدولة الجهوية ... خصوصاً انو على عثمان لا يمثل الهوية الأمدرمانية من قريب أو من بعيد ... وأزمتك معاهو كثقافة مركزية هي ازمة امدرمان مع امثال الأمدرماني القح حسين خوجلي ... النسق الإبستيمي ما بيخلّق الموقف والرأي السياسي والآيديولوجي ... إلاّ نكون غنم بنعلف "إبستيمولوجيا" بدون تفكير ... كلنا درسنا في نفس المدارس الحكومية وامتحنا شهادة في نفس "الشاعر الطموح" وشربنا التعريفات العلمية والأساطير الشعبية وتاريخ المشافهة بنفس الطريقة ... إبستيمياً (epistemologically) نحن التلاتة واحد ... ثقافياً انا وحسين خوجلي وزيدان ابراهيم من جهة وانت من جهة تانية وعلي عثمان من جهة تالتة ... وبشاشا من جهة رابعة ... وجهة المركز بتكرّس للجهوية ... في الآيديولوجيا والسياسات المعلنة والخطاب الأساسي ... حسين خوجلي طرحو لتجاوز هذه الجهوية في تبنّي ثقافة مركزية مصطنعة بتوافق الجميع عليها ... وهي فكرة في ظنّي مثالية ومجحفة في حق الثقافات التي تجد اضطراراً للتنازلات الكبيرة عن هويتها لتتماشى مع ثقافة مركزية مصطنعة ... بشاشا يتعامل مع حالة فرضية يزول فيها الواقع ويتم استبداله بواقع جديد ولم يشرح الآلية لتنفيذ هذه الحالة الفرضية ... أما أنت ... فكلامك أعلاه يبيّن تشوّه في المفاهيم والتواء في المعايير وقصور في المنطق وذلك في اعتقادي هو مفارقة لكل ما هو عقلاني ومتّزن ...
لو داير تقول "انتفاضة شعبية لإسقاط النظام" قول كدا؟ المانعك منو؟ تقلب هوبة عشان تبرر ليه؟
أنا اديك في "الإبستيمي" بتاعك لامن تقول الروب:
إنت "إبستيمياً" عشائري ... تعمل بمنطق الإستقطاب ... تتعاطى مع الحياة بأسلوب: حقّى وحقّك ... تشتغل وتلم قروش وتضرب بيتك بوهية لاكين الشارع القدام بيتك ما شارعك ولا جزء من وطنك ... لأنو نسقك الإبستيمي العشائري ما بيفهم انتماء غير مسوّر بحاكورة زغاوة أو دار حمر أو أرض محس أو جبال نوبة أو دارفور ... نسق ابستيمي سوداني عشائري معتاد واستقطابي بالبديهة ... محور المقارنة والتفنيد فيهو إنو الجعليين ارجل من الدناقلة والمساليت افحل من الشوايقة والشوايعة انضل من الإتحاديين والهلالاب العب من المريخاب ... هسى جايي تقول اولاد امدرمان خرتونا واكلونا حنك ... والحل في الحل كما كان شعار البرلمان سنة 1965 ... يعني حتى فكرة جديدة تعجز عن إنتاجها ... وداير تلوم جهة غير نفسك على هذا القصور ...
أخير نرجى راي بشاشا ....وانا تاني ما حا اتجاوزك ... حا احكها معاك لغاية ما أسكّتك ... لأنك ابيت تحترم نفسك وتسكت براك ...
... المهم ....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
Quote:
Quote: Up to the end of the sixteenth century, resemblance played a constructive
role in the knowledge of Western culture. It was resemblance that
largely guided exegesis and the interpretation of texts; it was resemblance
that organized the play of symbols, made possible knowledge of
things visible and invisible, and controlled the art of representing them.
The universe was folded in upon itself: the earth echoing the sky, faces
seeing themselves reflected in the stars, and plants holding within their
stems the secrets that were of use to man. Painting imitated space. And
representation – whether in the service of pleasure or of knowledge –
was posited as a form of repetition: the theatre of life or the mirror
of nature, that was the claim made by all language, its manner of
declaring its existence and of formulating its right of speech.
حتى نهاية القرن السادس عشر، لعب "التشابه" دوراً بنّاءاً في توجيه تأويل وتفسير النصوص؛ ذات "التشابه" الذي نظّم استخدام الرموز، جعل معرفة الغيب والشهادة ممكنةً، وتحكّم في فنون عرضهما. كان الكون منطبقاً على نفسه: الأرض انعكاس السماء، والوجوه ترى خيالاتها في النجوم، وتحتضن الأشجار بين تفرّعاتها أسرار خير البشرية. ماثل الرسم المكان. والعرض - سواء كان للعلم أو للترفيه - تشكّل من التكرار: مسرح الحياة أو مرآة الطبيعة، تلك كانت ضالة كل اللغة، وطريقة إعلانها عن الوجود وصياغتها لحق التعبير.
دي ترجمة دقة سريعة ... امرق ليّ "إبستيمي" أو سياق يناسب "إبستيمي" في الكلام دا ... والكتاب من 449 صفحة لو واصلت غلاتك الجاهل دا بترجمو ليك كلّو هنا في البورد دا ...
آخر مرة بقولها ليك: "إبستيمي" يعني "متعلّق بعلوم المعرفة" ... لو عايز تتكلم عن أيّ نسق "إبستيمي" ... لازم تكتب كلمة "نسق" بالأول ... حتى بعد داك تنسب "النسق" بإنو "نسق إبستيمي" ... مصطلحات جديدة ما معانا ... |
في دي بجيك بعد شوية ..عشان احسم المسالة رجعتني لكتب قريتها قبل ثمانية سنين يرجع محنك..
اما في النقطة ادناه...
| Quote: أولاً انا عارف نفسي زيي زي علي عثمان زيك واااحد في النسق الإبستيمي الحداثوي البيشكّل معارفنا (رغم اختلاف الآراء والمواقف بيناتنا التلاتة) فما فاهم علاقة تفكيك بنية اسطورة امدرمان بمنهجية بنيوية ممكن تكون علاقتها شنو بى أزمة الدولة الجهوية ... خصوصاً انو على عثمان لا يمثل الهوية الأمدرمانية من قريب أو من بعيد ... وأزمتك معاهو كثقافة مركزية هي ازمة امدرمان مع امثال الأمدرماني القح حسين خوجلي ... النسق الإبستيمي ما بيخلّق الموقف والرأي السياسي والآيديولوجي ... إلاّ نكون غنم بنعلف "إبستيمولوجيا" بدون تفكير ... كلنا درسنا في نفس المدارس الحكومية وامتحنا شهادة في نفس "الشاعر الطموح" وشربنا التعريفات العلمية والأساطير الشعبية وتاريخ المشافهة بنفس الطريقة ... إبستيمياً (epistemologically) نحن التلاتة واحد ... ثقافياً انا وحسين خوجلي وزيدان ابراهيم من جهة وانت من جهة تانية وعلي عثمان من جهة تالتة ... وبشاشا من جهة رابعة ... وجهة المركز بتكرّس للجهوية ... في الآيديولوجيا والسياسات المعلنة والخطاب الأساسي ... حسين خوجلي طرحو لتجاوز هذه الجهوية في تبنّي ثقافة مركزية مصطنعة بتوافق الجميع عليها ... وهي فكرة في ظنّي مثالية ومجحفة في حق الثقافات التي تجد اضطراراً للتنازلات الكبيرة عن هويتها لتتماشى مع ثقافة مركزية مصطنعة ... بشاشا يتعامل مع حالة فرضية يزول فيها الواقع ويتم استبداله بواقع جديد ولم يشرح الآلية لتنفيذ هذه الحالة الفرضية ... أما أنت ... فكلامك أعلاه يبيّن تشوّه في المفاهيم والتواء في المعايير وقصور في المنطق وذلك في اعتقادي هو مفارقة لكل ما هو عقلاني ومتّزن ... |
ورغم انو بديت اكون راي ايجابي فيك بعد الشكل المختلف لمداخلاتك الاخيرة (في اجتهاد حبة غير كسلك في اول بوست ام درمان)..لكن يبدو انك لسع اوف بوينت في ما اعنيه بام درمان..
وزي ما قلت لوليد الشفت انا ما بقصد بام درمان الواطة الفيها بيتكم وبيت ناس تبارك ..لا لا
انا بقصد بام درمان الحالة الجدلية اي ما مثلته ولم تزل تمثله..(شكلك داير تطلع لي ام درمان شخصية منفصلة عن ثقافة الوسط)..
ماااابتقدر لانها حددت اختياراتها وانحازت وخلاص ..(موقف ام درمان زي موقف الامام الشافعي في تدخله للفصل بين ابو حنيفة وابن حنبل وكان الاول بمثل الراي والثاني بمثل الحديث حيث كان مامولا ان يطرح موقفا وسطا لتاسيس العقيدة الوسطية ولكنه انحازلاهل الحديث وبرضو عشان يتم التلاعب الايديولوجي سموهو مؤسس العقيدة الوسطية)..
زي ما ام درمان ارادت ان خدعنا بانها بتمثل الوسط الثقافي المحايد وهي ليس اكثر من عميل يمارس الاختراق الثقافي كمقدمة لاخراقات اخرى..
ياخ كيف يكون الابستيمي واحد!!!!!!!!!!!!!!!!.
ياخ انت اتكونت ثقافيا في الوسط النيلي (ثقافة بحر ذات نزوع موسطي)..
وانا ود عرب ايييييي لكن نشأت في الغرب حيث تسود ثقافة الحزام السوداني ذات نزوع غربي افريقي اطلسي..
ياخ كيف المسالة تتلم..
صحيح انا صهيب القدامك دا قريت في ام درمان وعشت بها ونصف اهلي لم يروا الغرب دا بعينهم ،ولكن انا ما بتكلم عن حالة ذاتية لا لا انا بخرج من ذاتي قليلا وبتموضع عشان اقدر اشوف كويس ما ام درمان دي اكبر حجاب..
وفي دي هاك فرق وووووواحد بس...
Quote: نقطة اولى ومهمة فيما يتعلق بدور ام درمان يجب تجليتها في ما اذ كانت ام درمان ما بعد 1898 امتداد فعلي وحقيقي لام درمان التي نافحت في كرري !؟. ان الاكيد ان الثورة المهدية لم تكن جنينا احبه المحيط الثقافي والجغرافي لامدرمان . الاكيد ان ولاء هذا المحيط كان للامام المهدي بالمقام لمكونه الذي ينسجم مع هذا المحيط والا لم احتاج المهدي لمحيط اخر يحقق به الزحم الحقيقي للمهدية ..
ان المحيط الحيوي لام درمان كفضاء وثقافة لايعرفه الوجدان الذي صار خلفية للمهدي (الغرب) اذ ان الوسط النيلي وبتسمية الاستاذ محمد ابو القاسم حاج حمد هو بالاساس ذا نزوع متوسطي انسجمت مكوناته مع تكوينه الروحي هذا الاخير الذي يعرفه الانتماء للختمية بولائهم اولا للخلافة وبله لمصر وهو الامر الذي استدركه المهدي من الاول وقاده للاستسلام لفرضية خليفته الذي قاده للاتجاه غربا!!!. اما الغرب السوداني فهو امتداد للمحيط السوداني بمعناه الواسع (الحزام السوداني الذي يمتد من المحيط الاطلسي غربا والى الاجزاء الغربية من السودان الانجليزي المصري) ،اقول هذا الغرب هو الذي كان يمكن لاطاره الثقافي والروحي ان يستوعب وتنمو في اطاره فكرة الدعوة المهدية بطبيعة تكوينه الثقافي والفكري الذي كان بعيدا من تاثير التيارات النيلية.
المثال التجريبي هنا واضح وهو انه في 1817 وصل محمد عثمان الميرغني الكبير الى دنقلا ومنها الى الابيض حيث اسس طريقته الدينية حيث صار الشيخ اسماعيل الولي هو خليفته الاول هناك ،ولكن هذا الاخير عندما قدر وفكر ادرك ان طبيعة هذه الدعوة لم تنسج مع مكون النسيج الاجتماعي هناك لذا استسهل ان يحور هذه الدعوة الى مكون اخر وبذا نشتأت الطريقة الاسماعيلية هذه الاخيرة عندما جاء المهدي استضافه في منزلته بالابيض وصار محمد المكي احد قادة المهدية فيما بعد!!.
طيب..ولكن هناك حقيقة تاريخية اساسية وهي ان الكثير من قبائل النيل انحازت الى المهدية عندما قرر الزحف من الابيض الى الخرطوم..دا كلام صحيح ولكن حسب تحليل الاستاذ محمد حاج حمد في كتابه (السودان المازق التاريخي...) فان القبائل النيلية لم تنحازز الى المهدي المنتظر ولكنها انحازت الى المهدي المنتصر!!!!.
وبذا انتصرت المهدية ،ولكن الوضع رجع الى ما كان عليه بمجرد انتقال المهدي الى الرفيق الاعلى ،حيث ناكفت المكونات النيلية خليفة المهدي الى بقية القصة المعلومة..طبيعا فان الخليفة عبد الله لم يكن من الوسط النيلي لذا اثار حساسية هذا الوسط لذا لم يكن مفاجئا تامر الكثير من مكونات هذا الوسط وما قصة عبد الله ود سعد ببعيدة حيث اجتمع مع كتشنر في كورتي ابان زحف الجيش الانجليزي لاعادة فتح السودان وهو الامر الذي نمى الى علم الخليفة وحدثت الواقعة الشهير بالمتمة. وليس ذلك فحسب بل ان قبائل العبابدة هي التي فتحت بربر وسلمتها لكتشنر!!!!.
صحيح ان ام درمان المهدية قد وقفت ببسالة امام الزحف الثنائي ولكنها انهارت اما ترانة السلاح الحديث كي يغلق التاريخ ملف تلك الامدرمان وتبدأ ام درمان اخرى كان لها كلمة اخرى.
وكما نعلم فلقد جاء بمعية الجيش المنتصر السيد علي الميرغني وهو يمثل الولاء الروحي النيلي (الختمية) وهكذا كي يبدا تاريخ جديد لم تستطع ام درمان ان تستشف من خلاله تاريخها القديم.
ان المقاومة التي حدثت للاستعمار الانجليزي كانت ذات طبيعة خاصة اولا فلقد انبعثت ثورات النبي عيسي كما اسماها قلم المخابرات وهي ثورات قامت في دارفور وكردفان والجزيرة على ارث المهدية ولو لاحظنا انها جميعها نشات وانتهت في ما يمكن تسميته بالحزام السوداني بينما استسلم الوسط النيلي ذي النزوع المتوسطي لاقدار للحكم الثنائي . |
صحيح انت وعلي عثمان الابستيمي بتاعكم واااحد ولكن صهيب السوسيولوجي(يعني الجزء من اهلو) ابستيمومعاكم مااااااااواحد
| Quote: النسق الإبستيمي ما بيخلّق الموقف والرأي السياسي والآيديولوجي ... إلاّ نكون غنم بنعلف "إبستيمولوجيا" بدون تفكير |
لووووووووووووووووووووووووووووووووووووووب ..الكلام دااا كيييييييييييييييييييييييييييييف..
انت يا شاب بمجرد ما تتحدث عن نسق وامنت بيهو معناها انت كانسان متتتتتا اي الموت الواااااااحد دا..
يعني النسق مخترقك من راسك لاخمص قدميك ..يعني يسيطر عليك ..
وانت من قبيل شايل وتستشهد بي فوكو ساي كدة ..
ياخ اول حاجة عملتا البنيوية انها قتلت الانسان كما قتل نيتشة الله قبلهم بي كم سنة..
يعني يا صديق انحنا المجننا شنو ..
المجننا انو انحنا بنعلق في ثقافة الوسط البتمثلا ام درمان دي من قمنا ..
وانت ما داير تعلف ابستميولوجيا ..
والله تعلفا ناااااااااامن تآمن ..
-----------------------------------------------------------------------
امشي اقرا الحفريات والكلمات والاشياء كويس (لوووووووووووووووووووووووووووووووي)..
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
| Quote: صحيح انت وعلي عثمان الابستيمي بتاعكم واااحد ولكن صهيب السوسيولوجي(يعني الجزء من اهلو) ابستيمومعاكم مااااااااواحد |
يا ابني ابستيمياً افرقان القرن العشرين ديل ينقسموا لي نوعين ... تقليدي ويوروسنتريك ... وأيّ افريقي فيهو نسبة من الاتنين ... والإختلاف بين أيّ مجموعة ومجموعة اختلاف نسب ما اختلاف نسق ابستيمي بالكامل ... والتقليدي المحلي بينظر لليوروسنتريك كمصدر تحديث وتطوير واليوروسنتريك بينظر للمحلي كمصدر تأصيل وتفرّد ... والكلام دا في مصر وفي موزمبيق وفي السنغال والصومال واااحد (المصدر: تبارك شيخ الدين، سودانيزاونلاين، بوست حوار هادئ حول مفهوم دولة غير جهوية 17/1/2012) ...
فما تحاول تقد المركب وتتلب منها ... (في الحقيقة دا مثال بحري ... انت كغرباوي خلي خيالك واسع!)
... المهم .....
| |
|
|
|
|
|
|
|
|
|
Re: حوار هادئي مع تبارك، حول مفهوم دولة غير جهوية لكل السودانيين. (Re: تبارك شيخ الدين جبريل)
|
Quote:
Quote: ثيوقراطية Theocracy: .
هى (نظام حكم ) يدعى إنه يستمد سلطته المباشرة من (الإله ) ، يتكون المصطلح من كلمتين مدمجتين ( ثيو وتعنى الله ) و( قراط وتعنى الدولة ) حيث تمثل الطبقة الحاكمة الكهنة أورجال الدين أو الزعامات التى تسعى لفرض قواعد دينية محددة على المجتمع ، ولا تسمح للشعب بالخروج على هذه القواعد بإعتبار إنها قواعد مقدسة تمثل تعاليم سماوية غير أرضية أو بشرية ، لذلك فى هذه الحالة تكون الحكومة تعبيرا عن الكهنوت الديني ذاته أو على الأقل يسود الكهنوت عليها .
وبالتالى أى ممارسة تصدر عن الحكومة تعتبر ممارسة مقدسة ـ ولا تقبل النقاش ..حتى لو كانت خاطئة .
( التعريف دا ما مقوقل يا صهيب )
يعني معبد ... بس كبير أوي ... بحيث الإنتماء للمعبد وقواعده الدينية هو الإنتماء للثيوقراطية ... ويعامل عدم الإنتماء العقائدي معاملة الخيانة العظمى ...
*) فاشيستي: بتاع منظور أحادي، ثقافة مركزية، وجدان قومي، شريعة الأمة، المهم منظور أحادي بيلغي تعدد الهوية ... وصف يليق بالكيزان ومشروعهم الحضاري أكثر من الثيوقراطية لأن الثيوقراطية نظام دولة نابع من الإنتماء الديني بالتراضي ... اسرائيل الديموقراطية دي مثلاً ثيوقراطية ويعتقد اليهود أن الديموقراطية جزء أصيل من الديانة اليهودية ولكن الديانة هي شرط المواطنة والديانة هي شرط القبول بالنظام الديموقراطي ... (أها شايف؟ آمنة مختار دي صاحبتي لاكين بوست زي دا من العنوان ما بدخلو!) |
حيرتنى يا طبارك ..
هسه إنت ما شايف تناقض فى كلامك أعلاه ..ومزاعمك حول ديمقراطية الكيزان ؟!
معنى كلامك هذا إنو دولة الكيزان ديل ما ثيو قراطية بل فاشيستية ، وضربت المثل بإسرائيل ..
طيب ..متفقة معاك إنو دولة أسرائيل ثيوقراطية ..
لكن كيف دولة الكيزان ما ثيوقراطية ، وهى دولة شنت حربا (دينية ) بإمتياز ضد جزء من شعبها لمجرد أنه لا يدين بدينها ؟!
وتحكم الناس بتشريع ديني ...وتحاكم الناس فى محاكم الردة .
دولة ( الكيزان ) دولة ثيوقراطية بإمتياز ..وهى تعد دراسة حالة مثالية للباحثين فى هذا المجال .
وكذلك هى فاشيستية ونازية وعنصرية ودكتاتورية وكل توصيف سلبي فى مجال السياسة ممكن ينطبق عليها بإرتياح ..
...............
بعدين منو القاليك إنو الثيوقراطية نظام دولة شرطه الإنتماء الديني بالتراضي ...؟! ...دا غايتو إلا دولة الفاتيكان ..
............
بعدين ياتو بوست بتاعى الما دخلتو ...قصدك البوست دا :
الثيوقراطية السودانية والرقص على أشلاء أهل الهوامش
لأنك دخلتو ..
وهذا أيضا بوست متعلق بموضوع ديمقراطية الكيزان :
متآمرون على الديمقراطية ..
يدى وجعتنى ..عليك الله ما تتعبنى تانى تعب زى دا عشان ما ناقصة ..
كل الود .
| |
|
|
|
|
|
|
| |
أمير عثمان
Bashasha
Hololy
ABUKHALID
تبارك شيخ الدين جبريل
أحمد ابن عوف
قيقراوي
الصادق اسماعيل
Deng
Afraa Sanad
فيس بوك
تويتر
انستقرام
يوتيوب
بنتيريست