حوار هادئي مع تبارك، حول مفهوم دولة غير جهوية لكل السودانيين.

البداية كانت هنا:

دي"

الا تعملا في خط قرينتش

تبارك:

Quote: بشاشا الحقنا قبل ما الناس دي تطرح "الهيكل الخديوي" كمشروع ثوري

بشاشا:

Quote: تبارك شلوم، الصادق بتكلم عن هموم الصراع علي السلطة داخل اسوار دويلة الجلابة فيما بين الجلابة انفسم! بالفهم ده، الصادق بيري النظام الحالي كوش علي دويلة الجلابة علي حساب بقية الجلابة وعلي راسهم حزب الغمة تبعو! اما طرح بشاشا فبيقوم علي ازالة الدويلة الجلابية الحالية بما حملت، لانها اس البلاوي في بلدنا، وقد صيغت هذه الدويلة الابارثيدية العربية افتراضا، لتنجز مشروع المحارق والابادة بالشكل الذي نعايشه الان جميعا، واستبدالها بدولة كل السودانين. اذا الجبهة الثورية بتدعو لازلة الدويلة الحالية واستبدالا بي دولة جميع السودانيين، فهذه نقلة نوعية، مقارنة بالشعار التقليدي علي مدي نصف القرن الماضي، المحصور في ازالة النظام المحدد الجاثم علي صدر السلطة، دون مساس بالدويلة ذات نفسها، والخلل الاساسي كان هنا! لامعني لازالة نظام جلابي بعينه مع الابقاء علي الدويلة الجلابية، لنعيد انتاج المشكلة من اول او جديد! اها، وقع ليك؟

تبارك:

Quote: ونحن بتكون معاييرنا لى "النقلة النوعية" دي شنو بالضبط؟ يعني الفرق بين "مجلس وزراء دويلة الجلابة" و "مجلس وزراء دولة جميع السودانيين" شنو؟ نفرزهم باللباسات؟ قول لينا كلام بالعربي (بمعنى جلابي) أو باللنجليزي (بمعنى بالانجليزي) أو بالرِطانة (بمعنى رُطانة) أو بالرسم البياني ... أيّ حاجة مفهومة .

بسم امون نبدأ:

تبارك شلوم تاني،

واضح كجلابي كامل الدسم، انتا اصلا ما واعي بي حقيقة الدويلة الجهوية الحالية الخاصة بالشماليين حصرا، ولهذا بتسال نفرزم باللباسات!

لهذا حتكون هناك صعوبة في اقناعك بضرورة دولة للسودانيين كافة، وابرز سمات وخصائص هذه الدولة كبديل للدويلة الحالية.

شايف كيف التشخيص الصحيح لي حالة امثالك هو نصف علاج حالة حوار الطرشان، الذي يميز زي حواري معاك، ده؟

فلو متفق معانا في فرضياتنا دي، قول عوك!

شايفك تجاهلت دولة خط قرينتش

نزار حسين مرحب،

مافاهم عايز تقول شنو بالضبط؟ افصح.

صديقي بشاشا
يا زول قلنا ليك الورجغة الفاضية دي بطلها..

Quote: شايف كيف التشخيص الصحيح لي حالة امثالك هو نصف علاج حالة حوار الطرشان، الذي يميز زي حواري معاك، ده؟ فلو متفق معانا في فرضياتنا دي، قول عوك!

اهه .. الحالة دي و حسب تصنيف الجلابة الكبااار اللي قدام .. الجلابة الجد جد.. اسمها كالتالي: Paranoid schizophrenia

و عشان الفايدة تعم هاك اللنك دة ممكن يساعد:
متلازمة التبشيش
عليك آمون و انت ماشي ...سلم لي على الخديوي تبارك .. و قول ليه المرة الجاية حا نرسل ليه جوز بط ضكر.
شلوم

بافتراض انو رايك فيني صحيح مية في المية ..

السؤال لا زال مطروح ...

معايير الفرز شنو؟





... المهم ...

Quote: اهه .. الحالة دي و حسب تصنيف الجلابة الكبااار اللي قدام .. الجلابة الجد جد.. اسمها كالتالي: Paranoid schizophrenia

قرقرقرقرقرقر!

ابوعبيدة مرحب،

اها او في الانتا فاكرو، هسي المنفصم هو بشاشا، ام الزويل البحدر ليك في المرايا؟

من نظريات بروف بشاشا انو الجلابي دائما ما يري صورتو معكوسة في مرآة ريشة الفنان بشاشا، وهذه بعض مصائب بشاشا بحق!

عييييييييييييك!

بشاشا عشان اريحك واقصر ليك النقاش على الزبدة المفيدة ...

انا ما بختلف معاك انو لا زال هناك آثار لسياسة "التمكين" البدا بيها انقلاب الكيزان ... لا زال هناك تيارات داخل المؤتمر الوطني تلعب الكروت الجهوية والعقائدية في ممارساتها اليومية ... لا زال هناك معدلات مرتفعة من الفساد والتعذيب ...

لاكين دا حزب بيستغل في هيكل "الدويلة" اثناء انشغال الأحزاب التانية في "إسقاط النظام" ومشروع إعادة "هيكلة" الدويلة ... طيب هل الهيكل الحالي يمنع ممارسة الأحزاب التانية لحقوقها السياسية؟ ولاّ الحزب الحاكم؟ يعني المشكلة في الحزب الحاكم ولاّ في هيكل الدويلة؟ وما تقول ليّ الاتنين واحد لأنو الهيكل الحالي تمنو مدفوع أمام اعين الجميع ... السؤال هو حا ندفع شنو زيادة؟ وتمن شنو بالضبط؟

يعني قرنق كان حريص على دستور مواطنة وتحوّل ديموقراطي وحق تقرير المصير مقابل السلام (باعتبار انو المطالب دي بتخاطب أزمة "دويلة الجلابة" وبتحل معاناة السودانيين مع التهميش وبتضمن حقّ الجنوبيين في السلطة والثروة القومية) ... بعد ما المطالب دي وصلت لى الواقع الحالي ... هسى سقف مطالبكم بتاع إعادة هيكلة الدولة شنو بالظبط ... يعني فكك لينا المطلب في إجراءات واضحة وليس خطابة هتافية ما بتشرّب مريسة تامزين ...

دايرين سحب الثقة عن الرئيس؟
دايرين انتخابات قبل 2015؟
دايرين تعديلات دستورية لتقسيم الثروة والسلطة؟
دايرين دستور جديد؟
دايرين تغيّروا العملة والعلم والنشيد الوطني ورمز الدولة الرسمي؟
دايرين حق تقرير المصير للأقاليم والولايات واحدة واحدة؟

الطرح شنو بالضبط (عشان نفهم خليل "استشهد" من أجل شنو) ؟

واخد راحتك في الشرح عشان عزيزك القارئ يقدر يكون في الصورة ...





... المهم .....

معايير الفرز شنو؟

تبارك،

من الاساس لو انت مؤمن او مقتنع انو الدويلة الحالية، نازية ابارثيدية، خاصة باقلية لاتتعدي 5% من السكان حصرا، فبكون لامسوغ لي سؤالك ده ابدا، عن كيف نفرز ما بين دويلة اقلية او دولة كل السودان.

لانك ما مقتنع بي حالة كون الدويلة الحالية دي خاصة باقلية بعينها حصرا، فعشان كده بتسال بي براءة شديدة، ماالفرق!

لازم في الاول تورينا هل الدويلة الحالية، خاصة باقلية الشماليين، ام هي في نظرك دولة كل السودانيين؟ ياتو في ديل؟

Quote: من الاساس لو انت مؤمن او مقتنع انو الدويلة الحالية، نازية ابارثيدية، خاصة باقلية لاتتعدي 5% من السكان حصرا، فبكون لامسوغ لي سؤالك ده ابدا، عن كيف نفرز ما بين دويلة اقلية او دولة كل السودان

نفترض جدلاً أن هذه "الدويلة" يحكمها كيزان ما بين حوش بانقا وكريمي (0.5% من السكان يمثلون جزء من شيعة علي عثمان في دار شايق وآل البشير في دار جعل) ... قصّرنا معاك؟

انت طرحك يفرق من "الدويلة" الحالية بى شنو؟ يعني حا تعيّن زغاوة بقوة السلاح ولاّ بى "نظام الدولة"؟ لو "غيرت النظام" و "أعدت هيكلة الدولة" حا تعمل شنو مختلف عن الهيكل الحالي؟ حا تعمل قانون يمنع تأسيس الأحزاب على أساس عرقي أو طائفي أو جهوي؟ القانون موجود ...

انت عندك فرصة انك تقدّم طرح متكامل في البوست دا ... وتقدّموا باتباع أسئلة موجهة للحوار في اتجاه مفيد ... عبّر عن نفسك بحرية واتجاوز احساس انو في زول بيغالتك أو مكذّبك أو مستخف بى رأيك ... وأدخل مباشرة في تفاصيل رأيك ..

عشان نسهّل عليك الحوار الهادئ ... ابدا لينا بى موقعك من الجبهة الثورية الوطنية ... شنو من كلامك بيعبّر عن الجبهة الثورية وشنو راي خاص بيعبّر عن بشاشا وغير ملزم للجبهة الثورية ... أدبياتها منتشرة أكتر مما يحتمل الإقتباس ...

انت بس ابدا الحوار ...


... المهم ....

بس ما تتوقع انو انا اكون متسامح في تمرير خطاب يقرع طبول الحرب أو يعزز ذهنيات سفك الدماء باسم الثورة أو النضال أو أي تبرير ...

انت مطلوب منك تبرر مشروعية الثورة نفسها بالمعادلة بين الثورة كحركة مطلبية والواقع كمكان ينتقص شروط موضوعية انت بتطالب بيها ..

يعني لو حددت المطالب ممكن نتماشى معاك في تبرير الثورة المسلحة ونحاول نخلق معاك أرضية مشتركة للإنتقال لما بعد المطالب بدون نزيف دم لو أمكن ...






... المهم ....

Quote: ا نا ما بختلف معاك انو لا زال هناك آثار لسياسة "التمكين" البدا بيها انقلاب الكيزان ... لا زال هناك تيارات داخل المؤتمر الوطني تلعب الكروت الجهوية والعقائدية في ممارساتها اليومية ... لا زال هناك معدلات مرتفعة من الفساد والتعذيب ..

تبارك،

ده ماموضوعنا. موضوعنا الدويلة الحالية، مش النظام الحالي.

هل هذه الدويلة خاصة باقلية بعينها ام لا؟

هل هي دولة كل السودانيين ام لا؟

احزاب الجلابة او تظلما من انفراد كيزانم بالسلطة لا يخصنا في شئ هنا، لانو ده شغل سبق حمير حساني!

انا عارفك انت لسة معلق في كلام ناس حزب "الغمة" والصادق عن تفكيك دولة الحزب الواحد، او ده لايهم غير الشمالي في شئ، لانو كوار جلابة، فيما بينم، او بالتالي ترف ذهني والسلام!

Quote: .. هسى سقف مطالبكم بتاع إعادة هيكلة الدولة شنو بالظبط

مش سقف، وانما فقط قاعدة مطالبنا هو تفكيك دويلة العرب الحالية واستبدالا بي دولة كل السودانيين.

وماهي دولة كل السودان؟

هي دولة سودانية لاعربية، 100%، لامركزية.

السلطة المركزية اساسا يكون الثقل السكاني لكل اقليم من اقاليمو الخمسة المعروفة، بالاضافة للعاصمة، عن طريق التمثيل النسبي.

يعني لو الاقليم الشمالي من حوش بانقا او حتي وادي حلفا، بمثل 5% من سكان السودان، فنصيبو يكون 5% من السلطة المركزية، فقط.

مع نظام Affirmative action صارم يمنع الاقليم الشمالي من توظيف ريع انفرادو بكل شئ علي مدي نصف القرن الماضي، من حيث الكفاءات، او يحفظ في ذات الوقت حقوق سكان الاقاليم الاقل كثافة سكانية، كما الاقليم الشرقي مثلا.

او كما يقول صديقا لينا


وَنّس

Quote: السلطة المركزية اساسا يكون الثقل السكاني لكل اقليم من اقاليمو الخمسة المعروفة، بالاضافة للعاصمة، عن طريق التمثيل النسبي. يعني لو الاقليم الشمالي من حوش بانقا او حتي وادي حلفا، بمثل 5% من سكان السودان، فنصيبو يكون 5% من السلطة المركزية، فقط. مع نظام Affirmative action صارم يمنع الاقليم الشمالي من توظيف ريع انفرادو بكل شئ علي مدي نصف القرن الماضي، من حيث الكفاءات، او يحفظ في ذات الوقت حقوق سكان الاقاليم الاقل كثافة سكانية، كما الاقليم الشرقي مثلا.

الخطاب السياسي بتاع الكيزان هو البيمثل 5% من السكان ... وهو الخطاب السائد بسبب تسلط المؤتمر الوطني على مقاليد الحكم عبر انتخابات ابريل 2010 كل سنة وانت طيب ... الإنتخابات قامت وفق لدستور ديموقراطي وبقانون انتخابات يفصّل التمثيل النسبي الذي تتحدث عنه بصورة أفضل مما ذكرته هنا بكثير ... لأول مرة في تاريخ المواطن السوداني منذ عهد دويلة كوش الشمولية ... استطاع المواطن التصويت في ثمانية بطاقات مختلفة من رئاسية لولائية لمحلية لحزبية لقوائم مرأة لتصويت حر مباشر ... ثمانية درجات ونسب لتمثيل المواطن في السلطة ... عن دوائر جغرافية يتراوح متوسط سكان الدائرة 140 ألف نسمة في كل السودان ... (المصدر) ... فهذه لا تحتاج لنضال مسلّح ولا حتى لمقال في جريدة حائطية في مدرسة أساس ... هذا هدف ثوري استراتيجي قام قرنق بإنجازه نيابة عن المهمشين منذ 2005 ... من يريد النضال المسلح ليتسبب بسبب غير التمثيل والمشاركة في السلطة ... الإنتخابات المنصرمة كانت الأولى من نوعها في تاريخ السودان وشاركت عوامل كثيرة في أن لا تكون نتائجها تعبّر عن الرأي العام السوداني، وهذا ظرف خاص يجعل الواقع السياسي غير متوازن ولكنه لا ينتقص من مشروعية وجدوى الإنتخابات والنظام الدستوري الذي بنيت عليه وأديرت به ....

فكرة الـ Affirmative Action فكرة معقولة لخلق التوازن في اشياء عديدة غير المشاركة في صنع القرار ... خصوصاً التوازن الإقتصادي والتنموي ... ولكن تقديم مقترح تشريع للفعل الإيجابي في السودان يحتاج لصياغة نصوص قانونية معقدة بتعقيد حالة الإستقطاب القبلي في المجتمع السوداني ... أرى ما يجري للفلاتة والهوسا والفور والمساليت في كنابي الجزيرة وأفكّر بضرورة صياغة ومصادقة تشريع للفعل الإيجابي وقبل هذا وذاك تفعيل القوانين الحالية وكفالة الحقوق الدستورية لهؤلاء المواطنين ... ولكن مسألة كهذه أنجزها مارتن لوثر كينج هنا بدون التمرد المسلح أو المناداة بإعادة هيكلة الدولة ... بل قاد حملة مطلبية سلمية للحقوق المدنية التي نص عليها الدستور وغابت عن الواقع المعاش ... فكان تفعيل الدستور وكفالة الحقوق المنصوصة في الدستور هو هدفه ... فكيف يستقيم "تفكيك دويلة الجلابة" بالثورة المسلحة التي لا تعترف بالدستور أصلاً؟

لو فهمنا الطرح فهماً خاطئاً فأوضح لنا ما غاب عنّا ...




... المهم ....

Quote: انت طرحك يفرق من "الدويلة" الحالية بى شنو؟

ياتبارك،

شايفك كابي الزوغة من سؤالنا ليك، هل الدويلة الحالية، دويلة اقلية ام لا!

طبعا موقف جهوي علي وزن موقف طبقي، رغما عن انف مساحيق البدرة يا تبارك، او قل رغم انف القناع الليبرالي، اياهو!!

الدويلة الحالية، خاصة بالعرب تحديد في السودان، اللي هم الشماليين.

اذا ده حاصل، فهذا لايحتاج لطرح اصلا لرفضو!

يكفي الملايين الاتوسدو الطوب كدليل علي بشاعة هذا الوضع الشاذ والغريب بحق، الانتهي بتفتيت السودان!

الطريف بعد ده شابكنا زغاوة، او كيف انتا ضد العنف!

لو ماداير ما تسميه عنف، فكك دويلة الاقلية دي، لنؤسس علي انقاضا دولة كل السودانيين!

مشكلتك مع الطرح ده شنو؟

مافي عنف او عدوان اكثر من اقصاء 95% من السكان، ثم فرض دويلة ال5% الباقين بحد السيف علي الناس ديل!

انا بحاول يا بشاشا انو افرز "نقد الدويلة" من "نقد المؤتمر الوطني" ...

المؤتمر الوطني حزب ... والأحزاب تحكمها خطابات سياسية منطلقة من مصالح فردية وفئوية وجهوية وطبقية وانت سيد العارفين ...

بينما "الدويلة" نظم ومؤسسات تحكمها قوانين ودستور وهيكلة تعكس تطلعات جمعية لكل أفراد الدولة ...

احتلال المؤتمر الوطني لقمة هرم السلطة في الدولة السودانية الحالية لا يعيبها عيب هيكلي يستدعي "إعادة هيكلة" ... ولا يجعل المؤتمر الوطني "دولة" يحاربها التمرّد ... إذ لا يزال في "الدولة" متسع لمعارضة المؤتمر الوطني ... انظر للإمام الصادق المهدي أو ازدهار جمعة أو نهلة سوار الدهب ... وقبلها نور تاور ....

في نقد المؤتمر الوطني اتفقنا معك على الجهوية وأضفنا الفساد والتعذيب فوق البيعة ... ولكن ما علاقة جهوية المؤتمر الوطني بالتمثيل النسبي في الإنتخابات؟ ما علاقة الخطاب المركزي الجلابي عند المؤتمر الوطني بالحقوق المدنية الدستورية في "دويلة" السودان؟ لماذا خلط الأوراق وذر الرماد في العيون؟ هل تكفي يمينية بوش لنقد الدولة الأمريكية؟ أتيناك بهذا المثال لأنك عايشته ... هل تكفي يمينية عمر البشير لنقد الدولة السودانية؟ ما قيمة حياة وممات جون قرنق إذن؟

المؤتمر الوطني حزب أقلية وجهوي (حتى لا يضيع الحوار في المغالطة) كيف قمت بتصدير هذه الصفات للدويلة؟

ماذا تقصد بكلمة "دويلة"؟




... المهم ....

كدى اتذكر معاي انو مارتن لوثر كينج ما كان مشكلتو هاري ترومان أو جون كينيدي .... كان مشكلتو غياب العدل والمساواة في الدولة ...

وما حارب ... رغم انو ناضل وعانى وضحّى وفي الآخر اتكتل ... لكنه أنجز وما حارب ...

ما أيّ حاجة الزول بيجي ناطي "الدويلة" "الدويلة" ويشيل سلاح ويخش الغابة ...

هسي جابت ليها "كتيبة انتحارية" كمان ... نحن نبني ولاّ ننتحر؟





... المهم ...

تبارك الذى ليس بيده شىء !
بشاشا رابين مائير !

ممكن اشارك ؟ كتب تبارك

Quote: من يريد النضال المسلح ليتسبب بسبب غير التمثيل والمشاركة في السلطة ... الإنتخابات المنصرمة كانت الأولى من نوعها في تاريخ السودان وشاركت عوامل كثيرة في أن لا تكون نتائجها تعبّر عن الرأي العام السوداني، وهذا ظرف خاص يجعل الواقع السياسي غير متوازن ولكنه لا ينتقص من مشروعية وجدوى الإنتخابات والنظام الدستوري الذي بنيت عليه وأديرت به ....

نفترض جدلا انو فى جدوى من الانتخابات وفى مشروعية للنظام الذى بنيت عليه
هل العالم بصدد تثبيت مشروعية المرجعيات ام بصدد ان تاتى هذه المرجعيات
وهذه المشروعيه اكلها ؟؟ اذا كانت ما بتوصلنا الى نتائج تعبر عن الراى العام
السودانى فايدتها شنو ؟ اذن وجودها وعدم وجودها واحد ..
لانو قصة انو هى مع وجودها ما بتوصلنا لييه ؟ دا بيت القصيد
المرجعيات والاسس الدستورية السلمية ليست غاية فى حد ذاتها
بل هى وسائل للهدف وهو ما يعبر عنه الراى العام الغالب !

Quote: بل قاد حملة مطلبية سلمية للحقوق المدنية التي نص عليها الدستور وغابت عن الواقع المعاش ... فكان تفعيل الدستور وكفالة الحقوق المنصوصة في الدستور هو هدفه ... فكيف يستقيم "تفكيك دويلة الجلابة" بالثورة المسلحة التي لا تعترف بالدستور أصلاً؟

وهذا لا ينفى ان كل حركات التحررللشعوب عبرت ومرت بمراحل
الثورة المسلحة فى مرحلة من مراحلها ..

Quote: المؤتمر الوطني حزب أقلية وجهوي (حتى لا يضيع الحوار في المغالطة) كيف قمت بتصدير هذه الصفات للدويلة؟

الحزب هو الدويلة والدويلة هى الحزب فى السودان
لا فاصل بينهما ولاحرمة لا فى الاشخاص ولا فى اجهزة الدولة
ولا فى ماليتها ولا فى اعلامها .. والقول بغير ذلك هو محط غلاط ..

مع تثبيتى لمبادىء مهمة من وجهة نظرى فى هذا النقاش
انو العنصرية والجهوية وال ال ال خ هى عقلية ممكن تشيلها
ولو داير ممكن تتخلص منها يعنى كلام مائير دا ما معناهو انو اى زول
من ماذكر اعلاه بالضرورة بحمل العقلية !! لا
فالتورات تحرر (السود) منظرين وداعمين كثر ومؤثرين من (البيض ) ...
ولاصحاب القضايا فى هامشنا الازرق داعمين بيض (تقرأ بيض ) لوووب
من امثال بشاشا ( ما تفرح كتير ياخينا فدابياض بيض بى مقاييس السودانيين فقط )

ايضا شيل السلاح بلا (صدف )اى بلا رؤية سياسية للخروج من مشاكل
( الدويلة) ما بنفع .. لابد من رسم خارطة طريق وبذل الجهد فى التفاف
(السواد) الاعظم حولها (كرؤية) .. وبكون السلاح (اداة) لتحقيقها فقط ..
لكن سلاح براه كدا طاخ طاخ طاخ ما بجيب فايدة ..
بالعكس ممكن يجيشوا ضدك من تريد ان تموت من اجلهم ويحولوهم لى
عدوك الاول ذى ما بحصل الليلة ...

Quote: اذا كانت ما بتوصلنا الى نتائج تعبر عن الراى العام السودانى فايدتها شنو ؟ اذن وجودها وعدم وجودها واحد ..

دا كان راي مارتن لوثر كينج في الدستور الأمريكي، يقيف ويخطب في الناس: What good it is?x
الكلام دا بعد 200 سنة انتخابات عديمة الجدوي ... بعدو بي تلاتين سنة حتى ظهرت الجدوى ... الدايرين يطوّعوا حركة التاريخ بى قوة السلاح وهاربين من مسؤولياتهم ووجباتهم التاريخية طمعاً في أحلام غير منطقية أساساً؛ ديل المحيّريني ...

Quote: ايضا شيل السلاح بلا (صدف )اى بلا رؤية سياسية للخروج من مشاكل ( الدويلة) ما بنفع .. لابد من رسم خارطة طريق وبذل الجهد فى التفاف (السواد) الاعظم حولها (كرؤية) ..

يا اخواننا الكلام دا مش قعدت ليهو اللجان الفنية والبيروقراطية لغاية 2005 ومرقت بى الحلول وآليات التنفيذ والضامن الأجنبي ووعود دعم اقتصادي وكلام كتييير؟ تاااني ... طيب خلي الحكومة تتفق مع جبهة التحرير اتفاق سلام ... عشان يلقوا تبارك شيخ الدين نيرانو برة ... وأول سبب - من هسى اعلنوا في "بيان رقم واحد" مؤجل - أننا في "حركة الحرية الخضراء" نرفض الإتفاق الثنائي بين الكيزان والجبهة الثورية ... فلا كاودا ولا حوش بانقا يملكون حق تقرير مصير السودان ... انتهو من غاغتكم دي عشان نبدا ... هرمنا ولم نثر بعد ...




... المهم ....

عدل للتكرار

يا جماعة عن اذنكم فانا عاوز اعمل بروفة لحاجة ثانية في بوستك دا يا بشاشة ..
طيب ..
القصة انو الجلابة عموما في حاجة فايتة عليهم وهي انو هجومهم على الانقاذ يعاني من حالة سيندروم كساحي ..كيف!!؟.
فموقف الجلابي المع الانقاذ والجلابي الضدها بيستبطن موقف ايديولوجي واحد ..
لكن هناك خلاف ايديولوجي فرعي ذا طابع سياسي ..

كيييييييييييييييييييييييييف!!!!!!!!!!!!!!!!!!.
الايديولوجيا العامة البلتقو فيها الجلابة جميعا هي ايديولوجيا الشمال النيلي او ايديولوجيا البحر ودي ذات طابع ثقافي فكري عروبي ،او بكلمات محمد ابو القاسم حاج حمد ذات نزوع متوسطي ..
يعني بالتعبير البنيوي (او الاركيولوجي حسب فوكو ) ان ابستيمي هذه البنية واحد بتاثر بيها اي زول صادر منها لو بقا تبارك او علي عثمان!!.
لكن ممكن للاول انو يقرا الابستيمي دا بطريقة علمانية والثاني يقراهو ثيوقراطيا ،ولكن في النهاية القراءة دي تجلي للشئ ذاته دون انو تبارك يتجرأ انو يقطع مع هذا المكون الثقافي واكبر دليل مداخلات تبارك في بوست

[URL]ام درمان واسطورة ثقافة الوسط!!!.

عشان نقرا السطور اعلاه كويس اديكم الحاشية دي ..
ففيما اذا كان يمكن للمفكر او الجماعة السياسية ان تقطع مع ايديولوجيا المجتمع الذي صدرت منه ام لا يفزلك العروي (مفكر ماركسي مغربي) ذلك مستدلا بالايديولوجيا الالمانية التي انتجت ماركس كي يدلل على قوة الايديولوجيا الاساسية ..
فاذا ما كانت الايديولوجيا الالمانية تريد التحرر من اشكالية التاخر (او التاريخ المعاق) فهي تنظر الى السياسة اليعقوبية كتجسيد لمستوى التطور الاعلى المنشود ..اي تعميم القيم الانسانية الكونية عن طريق الارهاب ، والوعي بالتاخر هو الوسيلة لتدارك هذا التاخر ،ونظرت الايديولوجيةالالمانية للمثقف باعتباره وسيلة وصانع لتدارك هذا التاخر..

ماذا فعل ماركس بهذه الاشكالية التي وجدها امامه ..
فلقد اكتشف ماركس من وراء وتحت السياسة اليعقوبية التشكيلة الاقتصادية –الاجتماعية ،ومن وراء وتحت التاخر التاريخي تاخر علاقات الانتاج بالنسبة لقوى الانتاج ،ومن وراء وتحت النخبة المثقفة الساخطة الطبقة العاملة العصرية التي جمعت كل وسائل السخط ..
اي لم يفعل ماركس اكثر من انه انتج الايديولوجيا الالمانية مرة اخرى او انتجته هذه الاخيرة من حيث لا يدري ولا يحتسب..
لذلك وفي اول محاولة لتطبيق الجدل على المجتمعات الفيودالية والخراجية في العالم الثالث لم يجد ماركس سوى التطابق مع الامبريالية في ما اسماه بنمط الانتاج الاسيوي حيث اتضح انك لا يمكن تطبيق قوانين الجدل في غير المجتمعات الراسمالية المتطورة!!!!!!!!!!!!!!!.

يعني تطبيق العدالة في المجتمعات الراقية ودهس البقية تحت تروس الامبريالية الى ان ترتقي الى ذلك المستوى ،وهو ما انتقد فيه ادوارد سعيد ماركس مر الانتقاد في كتابه المفصلي الاستشراق.
نفس الميكانيزم بشتغل في موضوع الثقافة الجلابية السياسية في السودان فبما ان تبارك وعلي عثمان لا يصدران سوى من ايديولوجيا اجتماعية واحدة (ايديولوجيا المركز) ،اذن فليس لهما سوى الاختلاف على مستوى الايديولوجيا السياسية ولكن في العمق لا يملكان اليات الاختلاف الكلي فيقعان في الفخ كما وقع ماركس في براثن الايديولوجيا الالمانية .
ان اختلاف تبارك مع علي عثمان هو اختلاف مقدار وليس اختلاف نوع ..
كيييييييييييييييييييييييييف!!!!!!!!!!!!!!!!!!!.
فلقد قام علي عثمان في اطار جدل اجتماعي سياسي محدود فابعاد تبارك ومنظوره ..
اما تبارك فليس امامه سوى ابعاد على عثمان مع الاحتفاظ ببنية الدولة السودانية التاريخية ، ولكن باليد الاخرى فان هذه البنية ذات ايديولوجيا لا تستوعب سوى من ينسجم مع منتجاتها ..
ما الازهري سياسيا مختلف من عبدالله خليل وعبد الله خليل مختلف عن عبود وعبود مختلف عن سر الختم الخليفة وهذا الاخير مختلف عن المحجوب وهذا الاخير مافي يحاجة بتلموا مع النميري والنميري اختلاف المشرق من المغرب عن الصادق المهدي وهذا الاخير كذلك عن حسن الترابي ...
لكن ديل كلهم صادرين عن مؤسسة اجتماعية واااااااااااااااااااااااااااااااحدة !!!!!!!!!!!!!!!!!.

عشان كدة العيب لا في علي عثمان ولا الترابي ولا الصادق المهدي ولاااااااااااااااااااااااااااالنميري او عمر البشير!!!!!!!!!!!!!!!!!!..

العيب في بنية الدولة السودانية التي كدة كدة لازم تتفكك حسنة ولا رجالة..

انت عارف يا تبارك نسكت مدني تغرق ..نتكلم يقولوا مجنون!!!.

تحياتي وتاني جاي لنقطة ثانية

بشاشا انت شغال بتلف وبتدور في حلقة مفرغة الكلام واضح مشكلتك شنو وعايز تحلها كيف؟

Quote: مع تثبيتى لمبادىء مهمة من وجهة نظرى فى هذا النقاش انو العنصرية والجهوية وال ال ال خ هى عقلية ممكن تشيلها ولو داير ممكن تتخلص منها يعنى كلام مائير دا ما معناهو انو اى زول من ماذكر اعلاه بالضرورة بحمل العقلية !! لا فالتورات تحرر (السود) منظرين وداعمين كثر ومؤثرين من (البيض ) ... ولاصحاب القضايا فى هامشنا الازرق داعمين بيض (تقرأ بيض ) لوووب من امثال بشاشا ( ما تفرح كتير ياخينا فدابياض بيض بى مقاييس السودانيين فقط )

كل يوم بتأكدوا لي انو صاحبك منصور خالد - ولّ هو اخوك الكبير؟- انو قاريكم صاح

السودانيين -في الشمال و الجنوب، بالقديم- ديل عندهم عمى الوان!
اسي النيل الابيض دا ابيض فيو شنو!؟
كاتلم شوق الابيض دا سااااي!

لمن د. حسن مكي قال "الخرطوم امتلات بالوجوه السوداء" .. انو نحو ذلك .. و يا للهول

رد عليو د. منصور: "بياض اخينا حسن مكي، كبياض النيل الابيض، ذاك النهر الخانع العبيط"

او نحو ذلك ..

وكتها - لمن كان ماسك الطماطم و بقول في كلامو دا- هباني لسة ما كان عندو تكسي ذاتو!






-----

عرفات كان بقول قائدي هو بندقيتي!!
لي يوم الليلة قائدو دا ما قادو الا ضياع حقوق شعبو في ارضهم!
بينما جيفارا كان قارئ المعادلة صاح ..

بندقية بدون فكرة = ثائر (اقرا هايج ساي)
بندقية + فكرة "اقرا نظرية ثورية"، تقودها = ثوري كامل الدسم

مع قيقراوى دا الهداوه يلقاها وين البوست ؟
البوست دا افتح غيرو ..شكلو لحق امات طه

تحياتى بشاشا وضيوفه ...

في زول شاف ليّ بشاشا دا بى جاي؟

ما يكون مشى لى ناس نجلاء سيداحمد - باقي هي ثورية حتها - وناس الأمن واقفين ليهو برة ...

لأنو لو ما لحق البوست دا ... حا يفور ويدفّق والموضوع بجوط بعد داك ...







... المهم ....

بكون قال بشاشا كسح

واتخارج

دينا خالد شلوم،

شرفتي البوست.

كرئيس لاتحاد قراء دينا، اطالبك بتغيير الصورة دي، واستبدالا بي واحدة سودانية، اي سوداء، او بطلي استلاب!!!

جايييكي من بعد الترحيب لي مساهمتك.

يا بروف بشاشا

مرات كلامك كويس
وفى اكثره تجقلب ساى لكلام ما مفهوم و ما عارفك داير تصل لشنو
دائما تربط الشماليين بالعرب
ياخى نحن النوبيين لسع ما لقيت لينا فرقة مع المهمشين فى الدويله الجديدة


واصل بالطريقة التعجبك بس النوبيين ما عرب
نحن و دارفور و جبال النوبة و الشرق و بقية اهل السودان كوم واحد
مهمشووووون

تبارك،

كما توقعتا، مقدما، للاسف حوار الطُرشان هنا، هو سيد الموقف!

اقول تور، او انتا حالف تحلبو!

انا اقول ليك دويلة اقلية، او انتا تسوي مؤتمر وطني او كيزان!

موضوعنا ما النظام الحاكم او قاعدتو من الكيزان او اي منظومة جلابية اخري.

ده بعض شجيرات غابة هذه الدويلة!

خليك من الشجيرات او ركز علي غابة الدويلة.

ده موضوع البوست!

نعم الدويلة الحالية جهوية خاصة باقلية بعينها، وفق الصياغة الاستعمارية، الاقتضت كده، حتي يتوفر مقدار كاف من التناقض المطلوب لتفجير قنبلة حربنا الاهلية العبثية، المدمرة!

حاجة تموخل اننا الي اليوم ما قادرين اطلاقا نفطن لحقيقة الصياغة الجهنمية المجرمة لكارثة الدويلة الحالية، كاداة اساسية، من ادوات القتل العبثي، المليوني في بلدنا!

ما الاحتلال كان قادر علي فصل الجنوب كتتويج لي سياسة المناطق المقفولة، اللتي ابتدعها، ولكنه لم يفعل ذلك، لحكمة يعلمها هو، ونحن الي اليوم لانفقه ايا من هذا!

تري لماذا لم يفصل الاحتلال الجنوب، علي مستوي دويلة الاقلية اللتي ابتدعها، لغرض في نفس يعقوب، وقد عمد الي قفل الجنوب او عزله عن الشمال تماما!

اذن خلاصة كلام بشاشا، انو الدويلة الحالية دي، خاذوق كبير خلاس!

انو الدويلة دي هي اساس كل بلاوينا، وقد صيغت علي هذا النحو لتؤدي هذا الغرض تحديدا، او احنا الي اليوم ماعارفين الحقيقة دي، مما يثبت عبقرية الصياغة المحكمة بحق!

الطريف كل اول يناير، كما البلهاء بنحتفل بي عيد تدشين الخاذوق ده، بكل سذاجة، نسوي، اليوم نرفع راية استغلالنا، بالغين!

ده موضوع البوست بالنسبة لي!

طبعا تبارك مستحيل يقتنع أنه الموءسسة الموجودة دي حتى لو كانت اليوتوبيا حتظل فقط جيدة علي مستوى الورق يعني مستحيل يسمح فيها بتداول السلطه خارج النطاق الحالي..يبقى الحل شنو ؟ أنا بقترح عشان خاطر تبارك بعد ازاحة النظام نحتفظ لتبارك بذات النظام الموءسسي "الهمزة على الواو يا تبارك " بس إتفق معانا على إزالة عائق التطبيق...

محض مش محط يا دينا... محطك تبارك يا رب

Quote: محض مش محط يا دينا.

اسي تجي تزوغ بانها غير ناطقين بها!
ولمن بشاشا يقول اعاجم يقولوا ليو امرق من البلد !!








----------

يا محمد عبد الرحمن يا برلوم
لو قيقراوي طلع ليكم من البوست ببقى هادي!؟
قول و اللاهي!

ياخ بوست فاتحو بشاشا .. و لي منو!؟
طبارك الذي بيده الفرشة ..

ما يغرك الشايفو دا .. دا الهدوء الذي يسبق العاصفة
بس (التشكيل متروك لعفراء سند)

عفّورة العصفورة ...

دي وجهة نظر عميقة انا داير ارد عليها لغاية ما بشاشا يجي ...

Quote: طبعا تبارك مستحيل يقتنع أنه الموءسسة الموجودة دي حتى لو كانت اليوتوبيا حتظل فقط جيدة علي مستوى الورق يعني مستحيل يسمح فيها بتداول السلطه خارج النطاق الحالي..يبقى الحل شنو ؟ أنا بقترح عشان خاطر تبارك بعد ازاحة النظام نحتفظ لتبارك بذات النظام الموءسسي "الهمزة على الواو يا تبارك " بس إتفق معانا على إزالة عائق التطبيق...

تبارك مقتنع بإنها مؤسسة ديموقراطية جيدة على مستوى الورق ... لاكين تبارك النوع البسلّم دقنو للورق ما للبندقية ... عشان كدا ما اظن في ثورة أو هتاف أو نقد للمؤتمر الوطني أو متحرّك عسكري غازي الخرطوم ممكن يخليني اتنازل عن "الورق" اللسة ما بقى واقع ملموس دا ... لغاية مايبقى واقع ملموس ... لأنو أول خطوة لحرق الورق هي مخالفة المكتوب فيهو ... وأول مخالفة للمؤسسة الديموقراطية المكتوبة على ورق هي إزاحة الحزب الحاكم بطريقة مناقضة للمنصوص في الورق ... بعد تزيحوا "النظام" فضّلتو لى "النظام المؤسسي" شنو؟

ياهو الورق دا العندنا ... لو عندكم لينا اخير منّو جيبوا اقلامكم وتعالوا ... الورق الفاضي عليّ انا دا ...




... المهم ....

طيب يا تبروكه واذا في زول مكنكش في الورق ده وقال ياهو ده في خزنتي أنا لا بسمح ليكم بتداول السلطه والعايزو يجينا بالبندقية زي ما أخدناها يعني خرق كلام الورق ده بقوة السلاح اها نستخلف المولي في حقنا ونرجاهم لمن يزهجوا ولا كيف الدبارة..بعدين يا تبارك ما تشيل سلاح شيل يافطة بس..

وليد المبارك مرحب. فمن دخل دار بشاشا، فهو امن!!

النقاش دا جيد
الى الان الاستاذ تبارك قدر يضع وجهة نظر ما
اتمنى من الاخ بشاشا ان يفعل المثل
و اتمنى الا يتقهقر بسرعة للسلاح التقليدي
اي الهجوم على الشخص و ترك الفكرة
لانه اسهل شيئ الهجوم الشخصي
و خصوصا انه الاخ بشاشا استخدمه
حد الانهاك
ماهي الفكرة يا عزيزي بشاشا ضد فكرة عزيزنا تبارك
ارجو لا اسمع عيييييييييييك و عوووووووووووك
الخدوية ,الاستلاب, سبق الحمير, الكوامر, الجلابة
الدويلة , لواء ماكدونالد, الابارتايد, طفل الانابيب و اهم من ذلك استخدامك لكلمة (أو) في غير موضعها.
ادينا فرصة نتعلم منك شيئ مفيد.
فقط طول بالك و نفسك رجاءا.

تحاياي بشاشا و تبارك

تخيل يا ثروت بشبش دا (أو) بتاعتو دي هي (واو) العطف؟؟

لكن لأنها تنطق بالدارجية السودانية (ؤ)..كقولك فلان داك جا ..ؤبعدين مشى..

مثال: إنت يا ثروت عامل فيها بريء او ما فهم...مستلب او كاره لذاتك..

أو في مثال آخر:

نحن ؤنحنا الشرف الباذخ..دابي الكر...شباب النيل..

وكذلك:

ؤبقيت أعاين في الوجوه..واسأل عليك وسط الزحام قبال أتوه..
(إمكن) ألاقي البشبهك..

إلى قوله..
ؤكلام كتير قلناهو آخر الليل سوا...

اسمتعتم إلى حلقة في ....لسااااااااااااااااااااااااااااااان الجلابة..

..

طيب ... يا بشاشا ... هسي امريكا دي؛ دولة تعددية ولاّ دويلة أقلية؟

انا دايرك - بناءاً على اجابتك ... تحدد ليّ شنو البيبقّي السودان "دويلة أقلية" خارج الخطاب السياسي العربوسلامي المطروح بواسطة المؤتمر الوطني ... يعني المشكلة المؤسسية في هيكل الدويلة المحتاجة لى إعادة هيكلة هي شنو ... واستخدم لينا إجابتك عن أمريكا كمثال توضيحي ... يعني امريكا فيها دستور وفيها عنصرية وفيها دولة مؤسسات ليبرالية وفيها يمين متطرف وفيها مستضعفين وكدا ... شنو الشغال للتعددية وشنو الشغال للجهوية وقارن لينا بالسودان ... طبعاً ناس السودان بشوفوا المقارنة دي ما منطقية ... لاكين انت من ناس كاليفورنيا وعارف أوجه الشبه والإختلاف ...

فمفهوم "دولة غير جهوية" يتجاوز الدستور الساري حالياً في السودان ... دا ياتو مفهوم؟ وما هو طريق الوصول إليه؟

سؤال ساهل ومباشر وما فيهو لف ودوران ... انت داير شنو للسودان تحديداً وبعيد عن الهتافية الجوفاء؟

والحاجة الإنت دايرها للسودان دي (اللي هي "دولة غير جهوية") دايرها تحصل كيف؟

لأنو انا ما مصدّق انك ما شايف الدولة غير الجهوية في السودان (وعاميك حزب حاكم جهوي) ولا بصدّق انك ما بتعرف الدولة غير الجهوية بتتبني كيف ... فبالله أفصح ابن أوضح ... وفي الأثناء دي استفيض في الفصاحة والبيان والإيضاح ...

(وحافظ لينا على تسلسل الحوار ... المتداخلين التانيين ما برة الحوار ... البيكتب قبالك اكتب بعدو عادي)


... المهم ....

Quote: طيب يا تبروكه واذا في زول مكنكش في الورق ده وقال ياهو ده في خزنتي أنا لا بسمح ليكم بتداول السلطه والعايزو يجينا بالبندقية زي ما أخدناها يعني خرق كلام الورق ده بقوة السلاح اها نستخلف المولي في حقنا ونرجاهم لمن يزهجوا ولا كيف الدبارة..بعدين يا تبارك ما تشيل سلاح شيل يافطة بس..

يا عفراء الزول الحريص على الورق قدر دا انا بحرس معاهو الخزنة ... والما حريص على الورق قدر حرصو على السلطة بنستخدم خزنتو ضدو ... كدا كدا ما دايرة ليها بندقية ..

انتي متذكرة انو الورق البتتكلمي عنو دا مكتوب فيهو التداول السلمي للسلطة وقانون الإنتخابات ومواعيدها الجاية؟ جاية تقلعيهو بى بندقية طايرة بيهو وين؟



... المهم ....

Quote: يا تبارك ما تشيل سلاح شيل يافطة بس..

انا بشيل في اليافطات بالسنين ... المشكلة بلقى روحي واقف براي في الصقيعة ...

شلت يافطة السلام العادل في امريكا دي لغاية ما جماعات البروبقاندا بتاعة تجارة الرقيق وهلم جر انهزموا واتوقعت الاتفاقية ...

بعد الإتفاقية ... شلت يافطة المشاركة في الحكم لغاية يوم انسحاب ياسر عرمان من الإنتخابات ...

بعد نتيجة الإنتخابات - التي لا تعبر عن الواقع السياسي - ابيت اطعن في مؤسسية الإنتخابات، ومركز كارتر والمراقبين الدوليين حموني اطعن في مصداقيتها بدرجة رفض النتايج أو كدا ... أوباما دا قال عليها دون المعايير العالمية لاكين مقبولة ... قلت الإنتخابات ليست الطريقة الوحيدة للمشاركة في السلطة ...

شايل يافطة الحوار وواقف مع برنامج سيدي الإمام في معارضة القوة الناعمة لغاية الإنتخابات الجاية ... ويافطة المشاركة في الإنتخابات الجاية راجي بيها نتايج الحوار والسوفت باور ... عشان ارفعها ليك اقول ليك يا عفراء استعدي لإنتخابات 2015 ...

وعندي يفط جانبية بتاعة مقترحات للنظام الديموقراطي ولا للهوس الديني وأطلقوا سراح بوشي ومنعم رحمة وعييييييك ...

البيقرا اليفط منو؛ دا السؤال ...




... المهم ....

بشاشا سيد الحوش
تبارك المحتل الحوش
تحياتى

Quote: انا بشيل في اليافطات بالسنين ... المشكلة بلقى روحي واقف براي في الصقيعة ... شلت يافطة السلام العادل في امريكا دي لغاية ما جماعات البروبقاندا بتاعة تجارة الرقيق وهلم جر انهزموا واتوقعت الاتفاقية ... بعد الإتفاقية ... شلت يافطة المشاركة في الحكم لغاية يوم انسحاب ياسر عرمان من الإنتخابات ... بعد نتيجة الإنتخابات - التي لا تعبر عن الواقع السياسي - ابيت اطعن في مؤسسية الإنتخابات، ومركز كارتر والمراقبين الدوليين حموني اطعن في مصداقيتها بدرجة رفض النتايج أو كدا ... أوباما دا قال عليها دون المعايير العالمية لاكين مقبولة ... قلت الإنتخابات ليست الطريقة الوحيدة للمشاركة في السلطة ... شايل يافطة الحوار وواقف مع برنامج سيدي الإمام في معارضة القوة الناعمة لغاية الإنتخابات الجاية ... ويافطة المشاركة في الإنتخابات الجاية راجي بيها نتايج الحوار والسوفت باور ... عشان ارفعها ليك اقول ليك يا عفراء استعدي لإنتخابات 2015 ... وعندي يفط جانبية بتاعة مقترحات للنظام الديموقراطي ولا للهوس الديني وأطلقوا سراح بوشي ومنعم رحمة وعييييييك ... البيقرا اليفط منو؛ دا السؤال ...

تبارك
بغض النظر عن الاختلاف او الاتفاق معاك
بس انا بحمد ليك انك سايق خط واضح وبتأسس لفهمك كويس
لكن بقرايتى لمداخلاتك وقفت فى المداخلة دى بالذات
انا شايف انو دا طرح يائس
حسب قرايتى انا ليافطاتك الكنت شايلها دى
انت رفعت يافطاتك لحاجات وما حصلت
لغاية ما ياسر عرمان انسحب
عشان كدا انت دايرنا نحرس الخزنة دى لين 2015 حتى لو (زى ما اشارت ليك عفراء)
حتى لو كانت النتيجة انو نحنا امام عقلية كنكشت ومصرة تكنكش ...عقلية هى نفسها
ما قادرة تفهم او تستوعب الورقة اللى فى الخزنة دى بتقول شنو او هى مدركة وما عايزاها تحصل
يبقى السؤال هنا يا تبارك هل نفضل منتظرين وحارسين الخزنة دى لغاية ما نلقى البلد مافى ؟؟؟
ولو نحنا امام عقلية التجارب بتقول انها ما بتفهم غير لغة القوة وما بتفهم او حتى ما بتسمع
لغة تانية انت متخوف ليه من ثورة ؟؟؟
طيب زى ما انت بتقول طالما هناك اوراق فى خزنة بتنادى بنفس مطالب الثورة وعشان كدا بتسال الثورة
دى جاية تعمل شنو ؟؟او بتشوف انو الثورة دى عمل او فعل عكسى لما فى الاوراق ؟؟
طيب يا تبارك ما دام هى مجرد او اوراق محبوسة يا اخى خلى الثورة دى على الاقل تفك سجن الورقة دى .
بعدين الثورة دى ما دام محروسة بفكر (بالمناسبة انا زاتى ضد الثورة الغوغاء) يبقى ما منها خوف
بل هى الامل ...
طبعا مع الانتباه لانو الثورة دى فى المقام الاول ضد الحزب ما ضد الدويلة (كما يقول بشاشا)
اما الثورة ضد الدويلة ما محتاج لسلاح زى ما بيقول بشاشا بقدر ما هى محتاجة لثورة وعى
ثورة الوعى انو الناس تصل للمساواة والعدالة وما اظن دى محتاجة لسلاح وقتل بقدرما هى محتاجة لعقول
تصنع الوعى واكيد ما حنعدم العقول .. وكان عدمنا العقول يبقى محتاجين للبد شان شنو اصلا ؟؟؟

Quote: لمرجعيات والاسس الدستورية السلمية ليست غاية فى حد ذاتها بل هى وسائل للهدف وهو ما يعبر عنه الراى العام الغالب !

دينا تحياتي،

ازولة حرام عليكي!

اسس دستورية شنو، او مرجعيات وين، اصلا او احنا بنتكلم عن دويلة ابارثيد؟

تبارك ده، حاتل في شبر موية، وحاتك!

اذا الاساس القامت عليهو الدويلة دي، باطل، فتلقائيا كل مؤسساتا باطلة تماما، او بالضرورة غير دستورية، علي نحو الي ميكانيكي.

لانها كدويلة اقلية، فهي مصممة خصيصا، لقهر الاغلبية او تركيعا بالقوة لسطوة هذه الاقلية، وكنتيجة ينشب الصراع، او ده by design بالمناسبة او ماصدفة!

هل صدفة تبارك لايري ايا من هذا؟

قطعا مافي صدف!

الاشارة لي تبارك هنا، ترميز فقط.

لانو تبارك في الموقف ده مافرد.

طريقة تفكيرو هو لسان حال الجلابة، او بالذات رموزم.

ليه الجلابي مابشوف الحاصل كده؟

من الاسباب، انو الجلابي زاتو من حيث الوعي او طريقة التفكير، لي روحو اداة!

عييييييييييييييييييك!

والله ما غرضنا تريقة، ولكن دي الحقيقة المرة!

عشان كده تبارك لما نسالو، رايك شنو في حالة كون هذه الدويلة جهوية، فالراجل بطشش ضمة!

اذن الجلابي او دويلتو الاتنين ادوات!

او اكيد الاداة، ماعندها خاصية الوعي بالذات، بي صورة نقدية عقلية. ده السبب واحد زي الطيب مصطفي، بضبح في التيران ابتهاجا بي تفتيت بلدو، لانو فعلا اداة بمعني الكلمة!

من الناحية النظرية بشاشا ينادي بدولة تقوم على أساس. Confidration

حيث تتمثل الأقليات...و هذه نفسها تحتاج إلى توضيح في الدولة حسب ثقلها

التوضيح مطلوب لان مفهوم الأقليات ليس واضح تماماً هنا

هل هو تصنيف جغرافي ، عرقي، اقتصادي، اجتماعي؟

في مفهومي الخاص الكونفيدريشن يجب ان تكون last resort عند فشل الاتفاق السياسي

و لكن يبدوا أن الأوضاع في السودان تتطابق و هذا المفهوم لمحاولة حفظ ما تبقى منه

تبارك

كلام بشاشا واضح

الحاكمين الآن هم أقلية تمثل خمسة في المئة، المطلوب نشوف كل التكوينات الإثنية الموجودة في السودان ويتم تمثيلها حسب حجمها زغاوة 6% حمر 3% حلب 2% قمز 10% على سبيل المثال، المطلوب اولاً التخلص من هذه الدويلة وإقامة دولة السودان الجديد على حسب النسب السكانية لكل اثنية.

غايتو دا الوقع لينا لو غلطانين صاحب البوست يواصل توضيحه لنا

Quote: بشاشا انت شغال بتلف وبتدور في حلقة مفرغة الكلام واضح مشكلتك شنو وعايز تحلها كيف؟

عمر فضل المولي مرحب بيك،

والله كلامنا واضح، ولكن من جانبنا نتفهم انو يبدو غميس في ذاكرة الوعي الجلابي لاسباب موضوعية، وقد نوهنا الي هذا من قولة تيت.

ضعب ياعمر تقنع الجلابي انو دويلتو دي جهوية!

لانو يتنفس هذا التصميم كما الهواء، او بالتالي ما بحس بالحاجة دي خالص، خالص، من شدة التحامو بالظاهرة موضوع الملاحظة، او ديمشكلة، منهجية، حقيقية، في كل حوارات بشاشا!

ده السبب احنا بنلجأ للصعق الكهربي، عسي او لعل!

Quote: ده السبب احنا بنلجأ للصعق الكهربي، عسي او لعل!

البتاع دا مش قلت خليتو، ولا شنو؟

Quote: دينا تحياتي، ازولة حرام عليكي! اسس دستورية شنو، او مرجعيات وين، اصلا او احنا بنتكلم عن دويلة ابارثيد؟ تبارك ده، حاتل في شبر موية، وحاتك! اذا الاساس القامت عليهو الدويلة دي، باطل، فتلقائيا كل مؤسساتا باطلة تماما، او بالضرورة غير دستورية، علي نحو الي ميكانيكي. لانها كدويلة اقلية، فهي مصممة خصيصا، لقهر الاغلبية او تركيعا بالقوة لسطوة هذه الاقلية، وكنتيجة ينشب الصراع، او ده by design بالمناسبة او ماصدفة! هل صدفة تبارك لايري ايا من هذا؟ قطعا مافي صدف! الاشارة لي تبارك هنا، ترميز فقط. لانو تبارك في الموقف ده مافرد. طريقة تفكيرو هو لسان حال الجلابة، او بالذات رموزم. ليه الجلابي مابشوف الحاصل كده؟ من الاسباب، انو الجلابي زاتو من حيث الوعي او طريقة التفكير، لي روحو اداة! عييييييييييييييييييك! والله ما غرضنا تريقة، ولكن دي الحقيقة المرة! عشان كده تبارك لما نسالو، رايك شنو في حالة كون هذه الدويلة جهوية، فالراجل بطشش ضمة! اذن الجلابي او دويلتو الاتنين ادوات! او اكيد الاداة، ماعندها خاصية الوعي بالذات، بي صورة نقدية عقلية. ده السبب واحد زي الطيب مصطفي، بضبح في التيران ابتهاجا بي تفتيت بلدو، لانو فعلا اداة بمعني الكلمة!

طيب في سيناريوهين ممكن يتبنوا من كلامك دا .... عشان زاتك تعرف موقع تبارك البتتحاور معاهو ... من "تبارك" الإفتراضي ابن المركز الجلابي الإنت بتتكلم عنو ... السيناريوهات الآتي:
السيناريو الأول:
انك بتتكلم عن انقلاب 1989 عندما تقول "الأساس القامت عليهو باطل" ... في الحالة دي حا تلقى إنو وعيي كان في حدود "من كان منكم بلا خطيئة فليرمها بحجر" ... فلم أر أي "إبداع" أو "مثالب" أو "اختلاف" بين تلك الدويلة الجلابية والدويلات التي سبقتها ... الفرق الوحيد كان يكمن في حداثة مؤسسة المؤتمر الوطني والـ Potential المستصحب لتلك الحداثة حتى بدايات 2002 وبوارق احتمالات الوصول لأسس دولة حديثة غير جهوية كشرط للسلام من الجنوب إلى الشمال مقابل تحييد رأسمالية الحليف الأمريكي كشرط لنفس السلام من الشمال إلى الجنوب ... فلو كنّا قبل اتفاق مشاكوس 2003 لقلت لك أنك نوعاً ما على حق ... ولكن لو هذا هو السيناريو الذي تطرح من خلاله خطابك الثوري المهتز هذا ... فتبارك شيخ الدين يعتقد أنك خارج السياق التاريخي ...

السيناريو الثاني:
إنك بتتكلم عن اتفاقية السلام الشامل عندما تقول "الأساس القامت عليهو باطل" ... في الحالة دي تكون بالغت ... لأنو نظرية الإتفاقية كلها قايمة على مخاطبة "أزمة الحكم المزمنة في السودان" أو ما تسميه أنت بـ "دويلة أقلية الجلابة" كنظام حكم متبع منذ الإستعمار ... فالتنظير الإكتشفتو انت مؤخراً كان هو الأجندا الأساسية لمفاوضات نيفاشا الأنتجت الدستور الحالي واتفاق قسمة الثروة والسلطة ومراحل الحكومة الإنتقالية والإنتخابات واستفتاء تقرير المصير كمراحل للإنتقال من "دويلة الأقلية الجلابة" لدولة مؤسسات ديموقراطية تضمن هيكلياً إنحسار الجهوية وهيمنة الخطاب الأحادي ... المشكلة مع المؤسسات الديموقراطية أنها ما عصا سحرية بمجرد التلويح بها في الجو يختفي الخطاب الجهوي عن الميدان السياسي ... زي ما قلنا نعيد ونزيد ... الجهوية ضرب من ضروب الفساد يصنّف تحت بند سوء استغلال السلطة ... وهو - بالإضافة لأكل المال العام والجريمة المنظمة وضروب الفساد الأخرى - لا يخلو منه نظام في العالم ... ميزة الدولة ذات الهيكل المؤسسي الديموقراطي أن لديها أدوات لرصد الفساد وتحجيمه والمحاسبة عليه ... سواء كان جريمة منظمة أو أكل مال عام أو سوء استغلال سلطة وتركيز لها في أيدي أقلية جلابية بمسلك حكومي جهوي ... ومؤسسات الديموقراطية لا تعمل وحدها بل تعمل من خلال جهد الحريصين على ترسيخ مبادئ "الأساس القامت عليهو" ... وقطعاً لا تعمل بشكل جيد وأمثالك يحاربونها ويطلقون عليها النعوت والديباجات ويدعون لإسقاطها وتغييرها وإعادة هيكلتها في تغبيش مقصود أو جهل مستفحل للفرق بين دولة المؤسسات الديموقراطية والحزب الممسك بمقاليد السلطة فيها ... نحن نريد هذه الدولة بهذا الدستور وهذه الإنتخابات ... ونعبّر عن رغبتنا في هذه الدولة بالتعاطي مع الحزب الحاكم في حدود الدستور الساري واحترام سيادة القانون المعلن وسلطات مؤسسات الدولة المخولة بهذا الدستور ... لو عندكم طريقة تانية للتعاطي مع الحزب الحاكم انتو أحرار ... لاكين ما يكون تبريركم "دويلة أقلية جلابة" غير موجودة على مستوى الدولة والمؤسسات وموجودة فقط على مستوى الخطاب السياسي لحزب حاكم ... لأنو الداير دولة غير جهوية ما بيقدر يقدم لينا أكتر من دستور غير جهوي ... إلاّ يعيّن الزغاوة بقوة السلاح بدلاً عن الإنتخابات زي ما قلت ليك ...

أها ... رايك في تبارك دا شنو؟ طلع راصد تاريخ "دويلة الأقلية الجلابة" من ولادتها في "نحن جند الله" لغاية موتها في معجزة استقبال "قرنق" في الخرطوم وجبنتو الشربها في شندي ... انت الما حضرت في صيوان العزا الإتنصب لى دولة الأبارتهايد وونستنا بى صعقاتك الكهربائية العجيبة ...

(بعدين اسمها: "ابارتهايد" ما "ابارثيد" ... أي نعم TH لاكين التي براها والإتش براها ... ضرستنا ياخي!)

الدكشنري دا فيهو النطق بالصوت



... المهم ....

يا تبارك

كلامك سمح .. جميل و منسق

موضوع تنفيذ كل بنود اتفاقية السلام الشامل ..
و بقية الاستحقاقات من مشورة شعبية و تحول ديموقراطي ..
كيف الدبارة معاها عاد في ظل تنفّذ ماسكي دفاتر غير امينين على أي حاجة مش دستور بس!
و وين دا من تدمير ممنهج للمجتمع المدني!؟
اي نعم الفساد، ما خاص بامة محددة (حزب، اثنية، وطن) لكن ايه رايك فيمن دمر أي امكانية لرقابة شعبية (بواسطة منظمات مدنية مستقلة ذات شفافية عالية، و اعتراف دولي) .. في ظل تقارير المراجع العام بفساد يزكم الانوف!؟
اقول قولي هذا و وقلبي واجعني عديييل كدا على "جمعية المحاسبين القانونيين السودانيين" و طرد السودان من الاتحاد الدولي للمحاسبين!

النظام الحالي اكبر عائق في طريق دولة المؤسسات، و سيادة حكم القانون .. دولة الدستور
و اسقاطو خطوة مهمة، في الاتجاه الصحيح
ما بنشيل سلاح .. لكن من اراد ان تثكله مريم ذخيرة، فليحقنا في ساحات النضال السياسي ..المدني

Quote: كيف الدبارة معاها عاد في ظل تنفّذ ماسكي دفاتر غير امينين على أي حاجة مش دستور بس! و وين دا من تدمير ممنهج للمجتمع المدني!؟

السؤال دا تشخيص دقيق للأزمة السياسية الراهنة ...

Quote: اي نعم الفساد، ما خاص بامة محددة (حزب، اثنية، وطن) لكن ايه رايك فيمن دمر أي امكانية لرقابة شعبية (بواسطة منظمات مدنية مستقلة ذات شفافية عالية، و اعتراف دولي) .. في ظل تقارير المراجع العام بفساد يزكم الانوف!؟

السؤال الأهم انو كيف ممكن تنجح أي آلية رقابة والكل قاعدين ينطّوا برة المركب ودايرين يقدّوها ... قرابة الـ 3000 منصب دستوري بالتصويت ما نافسنا فيهم ولا دعمنا فيهم منافس ... وليد محمد المبارك دا كان مرشح في محلية كرري ... الاشتغل معاهو من هتّيفة المنبر دا منو؟ دكتور عبدالله على ابراهيم فشل في جمع 200 توقيع لى ترشيحو الرئاسي ... دي ناس تجي تشتكي من غياب الرقابة الشعبية؟ المثل بيقول ليك التسوي كريت في القرض؛ تلقا في جلدا ... نحن لامن بننبح هنا انو اعضاء السلطة التشريعية عبارة عن رقابة شعبية بى حصانة دستورية الجاب خبرنا منو؟ حالة متأسفة من كل النواحي ... هسى لامن نتكلم عن حماية دولة مؤسسية من التهريج دا ... يجينا بشاشا يقول نحن جلابة فاشلين في وعي ذواتنا كأدوات لدويلة الأقلية المتجولبة ... يا الله دي مصيبة شنو دي ...

Quote: النظام الحالي اكبر عائق في طريق دولة المؤسسات، و سيادة حكم القانون .. دولة الدستور و اسقاطو خطوة مهمة، في الاتجاه الصحيح ما بنشيل سلاح .. لكن من اراد ان تثكله مريم ذخيرة، فليحقنا في ساحات النضال السياسي ..المدني

الفكرة شنو بالضبط؟ استقالة الحكومة والهيئة التشريعية المنتخبة؟ بعد داك شنو؟ حكومة انتقالية؟ للإنتقال من ياتو دستور لى ياتو دستور؟ ولاّ للإنتقال من حزب لحزب؟

انتو ما دايرين الكيزان دي فهمناها ... الما مفهوم: انتو دايرين شنو؟ يعني السؤال مش البديل منو؛ السؤال البديل شنو؟

(دي كلمات غنية بتاعة "قرفنا" بالمناسبة! لسخرية القدر! بعدين "مريم ذخيرة" دي قول ليها مشتاقين!)



... المهم ....

Quote: انتو ما دايرين الكيزان دي فهمناها ... الما مفهوم: انتو دايرين شنو؟ يعني السؤال مش البديل منو؛ السؤال البديل شنو؟

انا ما جاي مع بشاشا يا طبارك
جيت براي ... الله و رقبتي دي

البديل دولة المؤسسات و سيادة حكم القانون .. حقيقية
مش ديكورية لشرعنة نظام سطى على الديموقراطية بليل

استعادة الديموقراطية خطوة اولى ..
دستور نيفاشا ما تخاف عليو .. و كل الاتفاقيات الوقعا نظام الكيزان برضو
دي تعهدات ملزمة للسودان و لأي نظام جاي

لكن الح نستبدلو هو البناء الكيزاني الطحلبي النما ما فارز بين الحزب و الدولة ..
ما عارف يفرز بين السلطات (لو عاوز نماذج نجيب ليك؟ اقربها و اغربها مناداة الطيب مصطفى -و لاحظ هو مافي حزب المؤتمر، لناس المؤتمر كيف يقروا اتفاق نافع - الحركة الشعبية قطاع الشمال (!) فتأمل انو ما فارز الفرق بين السلطة التشريعية، و المجلس الاربعيني للحزب الحاكم .. و كلامو مشى بعد دا كلو

رئيس البرلمان همسلف قال انو سمع -اتخيل- انو في فساد .. و العندو دليل يتقدم للمحاكم!
صدق القذافي وهو كذوب في كتابة الكتبو و كانت سجارتو من نفس اللون : التمثيل تدجيل!

ما تتامل ولا حاجة .. قول واحد
بتجيك جلطة ساي)

يا اخوي ديل على قول الشوام " ما عارفين وين الله حاطهم!"






------

مريم ذخيرة دي عارف قصتا!؟

Quote: انا دايرك - بناءاً على اجابتك ... تحدد ليّ شنو البيبقّي السودان "دويلة أقلية" خارج الخطاب السياسي العربوسلامي المطروح بواسطة المؤتمر الوطني

Quote: يعني المشكلة المؤسسية في هيكل الدويلة المحتاجة لى إعادة هيكلة هي شنو

عزيزي القارئ،

مصداقا لي كلامنا، خت بالك لي اسئلة تبارك البرئية دي بخصوص جهوية ولاقومية الدويلة الحالية!

بتبارك بي براة بسال مالذي جعل الدويلة الحالية، دويلة اقلية!

ولهذا لو ملاحظين، هو بنضم ايطالي وانا برد بالدينكاوي!

حوار اتنين طرش!

دويلة اقلية ياتبارك، لانها فعلا حكر للشماليين تحديدا، المنفردين بي كل شئ فيها، او ده سبب المحارق والابادة او عدم الاستقرار السياسي في بلدنا، او ده كلو by design او ده مهم جدا تفهمو كده!

نعم الشماليين، ماهم الصاغو الدويلة دي بالمناسبة او دي نقطة مهمة جدا! ا

لاحتلال هو الصاغ الدويلة دي او مؤسساتا السياسية، بما فيهو الخطاب السياسي العربسلامي زي ماقتا، بما يخدم مشروعو هو، بعد رحيلو، او ده الحاصل الان واللحظة.

بس عايزك يا تبارك تبعد تماما من شجيرات النظام الحالي او توجهو، او تركز علي غابة الدويلة بي رمتا!

انت باستمرار تميل الي اختزال هذه الدويلة في النظام الحالي او دي مشكلة!

لافرق ما بين النظام ده او القبلو بتاع السيدين، المسمي "ديمقراطي" علي الاطلاق!

كلها انظمة شمالية "عربية" داخل اطار دويلة خاصة بالشماليين "العرب" افتراضا، حصرا!

نعم حتي مؤسسات هذه الدويلة، شمالية "عربية" صرفة علي مستوي الاحزاب.

خذ عندك كمثال، تنظيم مستنيري الشماليين، الحزب الشيوعي:

من هم رموز هذا التنظيم؟

عبدالخالق؟

من اين هو؟

هل عبدالخالق نويراوي، قطعا لا!

شمالي، شايقي اي "عربي"!

ماذا عن التيجاني؟

هل هو امبررو؟

قطعا لا!

هو شمالي، جعلي اي "عربي"!

نقد، هل هو بجاوي؟

قطعا لا!

هو شمالي، دنقلاوي، اي "عربي"!

قس علي هذا المنوال جميع مؤسسات هذه الدويلة.

باستمرار حتجد الدناقلة الجعل الشوايقة وماشابه هم القاسم المشترك الاعظم في كل مؤسسات هذه الدويلة!

مصطلح عربي اعلاه لايعني قط ان الشمالي عربي حقيقة في قاموسنا، ولكن ده التعريف الرسمي للشمالي او دويلتو العربية افتراضا!

حنفصل النقطة دي لاحقا.

قيقراوي مرحب بيك.

محمد عبدالرحمن مرحب بيك

Quote: وفى اكثره تجقلب ساى لكلام ما مفهوم و ما عارفك داير تصل لشنو دائما تربط الشماليين بالعرب

نايف محمد مرحبتين.

او هل بشاشا يا نايف البقول جدو العباس، ام الجلابة؟

هل هو العامل فيها اوس او خذرج ام الجلابة؟

بالنسبة لي بشاشا، بخلاف اعضاء السلك الديبلوماسي في الخرطوم، فمافي عرب اطلاقا في بلاد السودان، بخلاف حبتين الرشايدة في الشرق، الجو مهاجرين.

فواضح انك فاهم كلام بشاشا خطأ!

Quote: نحن و دارفور و جبال النوبة و الشرق و بقية اهل السودان كوم واحد مهمشووووون

اها، ده انا مامعاك فيهو قط!

لو انتا الشمالي مهمَش بي فتح الميم، فمن هو فاعل التهميش؟

ولكن اخوك عارف زي جوع بطنو انتا جاي من وين، او بالتالي عارف انتا شقيش مقبل!

للاسف فهمك لي مفهوم نوبيين، فهم قاصر، خاطئ او قبلي للاسف.

والا، اليس الجعل والشوايقة والدناقلة نوبيين، مثلك؟

ياعزيزي:

تاريخيا، نوبي كانت معناها بي تعابير اليوم، سوداني، بل افريقي عامة.

ده الفهم الصحيح لي مصطلح نوبي.

نعم اي سوداني طوالي نوبي.

اذا بتعترف بي نوبة الجبال كنوبة، فما المانع انو بقية الشماليين من غير المحس يكونو نوبة، بالمعني التاريخي للمفردة.

اذن اذا كل الشماليين نوبة، اذن مافاهم كيف ذات الشماليين المنفردين بكل شئ في السودان، يكونو مهمشين، بي معني ضحايا تهميش؟

اكيد كده، كلامك بكون كلام هظار!

ولكن بالنسبة للبسمو روحم نوبيين حصرا، واقصد المحس تحديدا ثم بعض الحلفاويين، فالشوايقة والجعل في نظرم مانوبة وانما عرب، وكذلك الدناقلة في نظر بعض المحس المتطرفين قبليا!

للاسف ده فهم قبلي، متخلف او ضار جدا.

بعدين "عربي" في فهمنا، حقيقة ما مقصود بيهو سامي من جنوب الجزيرة العربية، وانما المقصود، انو زول "حر" او ما "فرخ"!

دي شفرة عربي في وعي العامة من الجلابة، او قل في لاوعيهم.

تاريخيا او فترة الاحتلال العربي اي التركية السابقة، المفهوم ده، تبلور في خرطوم القرن التاسع عشر علي هذا النحو!

من باب تمييز روحو من "الفروخ" الدناقلة والجعل والشوايقة، في خرطوم العصر داك، كانو بعرفو روحم ك"عرب" بي معني ما "ذنوج" اي "عبيد"، بالذات انهم كانو شغالين سماسرة او نخاسة، يقومون بجلب بقية السودانيين اي "الذنوج" كعبيد، او من هنا نشأ مفهوم النسب العربي "الشريف" في الوعي الجلابي، البعبر عنو الجعلي، اليوم، بي لازمة "حر" عديل كده!

نعم "جعلي حر"!

في تاريخنا المعاصر المسالة اخذت هذا الشكل، مع انو لي وراء، مفهوم عربي كان مختلف شوية، او ذي صلة بالارث الصوفي، او حب ال البيت او كده مع سقوط مملكة المغرة المسيحية.

الان المفاهيم دي كلها مشربكة في بعض، ولكن الاساس، هو كراهية الذات، والهروب من الانتماء للعنصر الذنجي، باي ثمن.

عشان كده الي اليوم بعض الحلفاويين، عندهم مشكلة حقيقية مع مفردة "سوداني" البشوفوها، منقصة، او عيب، او بالتالي بيشمئزو جدا او يتاففو من اي صلة لهم ب"السودانيين" يا للعجب!

حقيقة لما الواحد يتوغل داخل مجاهل الوعي الجلابي، حقيقة يصاب بالذهول!

شريحة الشماليين، من بين كل شرائح السود او الذنوج عامة وعلي نطاق افريقيا كلها، يظلون الاكثر تعبير عن تجربة الاسترقاق والعبودية الاتعرضو ليها السود، باعتبارنا اكثر من استعبد علي الاطلاق من بين كل اطياف السود، قاطبة، وذلك بحكم الموقع الجغرافي، في بوابة افريقيا!

Quote: انت باستمرار تميل الي اختزال هذه الدويلة في النظام الحالي او دي مشكلة! لافرق ما بين النظام ده او القبلو بتاع السيدين، المسمي "ديمقراطي" علي الاطلاق!

شفت كيف؟

هسى البيختزل الدويلة في الحزب الحالي منو؟

يعني من كلامك دا الزول يفترض انو إجابتك انو قرنق فعلاً عاش ومات ساي (أو احتمال يكون جعلي بى منطقك دا!)

ياخي انت اي نعم طولت من السودان؛ لاكين كمان حاول تخلّي خيالك واسع شوية ... امشي اليوتيوب ...
_______________________________

السؤال لى قيقراوي:

بالنضال السلمي فكرتك شنو لى تغيير المؤسسية الديموقراطية من "ديكورية" لى "حقيقية" ... ماذا تعني لك "استعادة الديموقراطية"؟

إذا كان المؤتمر الوطني نفسو معترف بخلل في التمثيل في السلطة في الإنتخابات الفاتت ومستعد للدخول في حوار لنزع فتيل الأزمة البيسببها عدم التوازن في السلطات التشريعية والتنفيذية ... وفعلاً دخلوا في حوار متعثر مع حزب الأمة وحوار آخر غريب الأطوار مع السيد وممتلكاته ... الما عايزين يدخلوا في حوار ولو دخلوا في حوار مبتدأ طرحهم إقصائي ديل دايرين "يستعيدوا الديموقراطية" كيف؟

بكا الشفع دا ما بينفع في السياسة ... انت حسبتها وقلت دا إتفاق ثنائي ... قالوا ليك تعال بقّيهو "ثلاثي" قلت لا لا لا ... الكيزان يطلعوا!

جات الانتخابات 2008 قلت ما مستعد واستعجلتوا ومستحقات نيفاشا ... ياخي بنأجل ليك .... قلت لا لا لا ... الكيزان يطلعوا!

أجلوا ليك لى 2010 قلت الكيزان استغلوا عربات الحكومة وتلفزيون الحكومة ... قالوا ليك امشي اتفاهم مع بابكر حنين ونظّر على كيفك في التلفزيون وتعال صوت ... اصريت تنسحب قلت لا لا لا ... الكيزان يطلعوا!

الديموقراطية المفروض تتجرب تلاتة سنين قبل الإستفتا عشان الوحدة تكون جاذبة ضربتها في أصلها عشان داير الكيزان يطلعوا ... لامن جات مواعيد الاستفتا 2011 قلنا الإنتخابات اتأجلت مفروض الاستفتا يتأجل عشان الديموقراطية تاخد فرصتها ... نبحت مع الحركة الشعبية مافي تأجيل .. مستحقات نيفاشا .. ووب .. وروروب ... يا زول البلد بتنقسم نصّين ... التنقسم ... بس الكيزان يطلعوا!

طيب ... ياها دي انقسمت ... لأنو فعلياً ورسمياً السودان كدولة موحدة وغير جهوية وديموقراطية ما قعد اكتر من اسابيع ... وقدر التوازن الفي كانت خالقاهو الحركة الشعبية (قبل بدعة "قطاع الشمال") لأنها بتتعامل مع الإتفاقية والديموقراطية بجدية ... اتخارجت الحركة وخلقت عدم توازن بسبب حردانك المزمن ... قالوا ليك الفات مات تعال اقعد اتحاور ابيت ... جايي هسة تتكلم عن "استعادة الديموقراطية"؟

الديموقراطية البتجبرك تقبل بى السلطة المنتخبة حتى لو كان "التمثيل تدجيل"؟

ولاّ "الديموقراطية المركزية" (الله يكرم القراء) ؟

ولاّ ياتو "ديموقراطية" دي الجايي تستعيدها وانت عندك مشكلة اعتراف بيها؟

بياتو منطق ممكن تجاوزات ومخالفات المؤتمر الوطني للديموقراطية تبرر أخطاءك أو تعيب الديموقراطية ذات نفسها وتبقّيها "دويلة جلابة" أو "ديموقراطية ديكورية" ودايرة ليها "إستعادة" و "إعادة هيكلة" وشغل التلات ورآت دا ...

انت الكلمة الكايس ليها اسمها "تفعيل" الديموقراطية ... "الإنخراط" في الديموقراطية ... "تكريس" الديموقراطية ... "تدعيم" الديموقراطية ... لاكين ديل كلهم بيجوا بعد "الإعتراف" بالديموقراطية ... ماليين البلد جرايد ومنابر وقنوات عشان تقولوا مافي ديموقراطية؟ نظام نشرب شاييكم ونكسّر كبابيكم؟ طيب لو مافي ديموقراطية الأدوات البنقيف بيها مع كوثر بت الشيخ عشان يرجعوا ليها ولدها شنو؟ نضرب لى عبدالواحد؟

انت يا قيقراوي قلت جايي براك؛ طيب واقف متلصق مع بشاشا ليه؟
زح كدا ولاّ كدا ... خليني ارشّو

(طبعاً الرش دا ما ليك شخصياً ... لاكين اعمل ليك شنو؟ انت هسى اكتر واحد "نخبة" بعد بشاشا!)



... المهم ....

Quote: انك بتتكلم عن انقلاب 1989 عندما تقول "الأساس القامت عليهو باطل"

عووووووك يا تبارك!

ياخي 89 بتاع شنو ياخي!

قنا ليك اطلع تماما من حتة النظام الحالي عندما تتحدث عن دويلة الجلابة.

النظام الحالي، واحد فقط من انظمة هذه الدويلة من 56م.

عندك نظام السيدين، ثم نظام عبود، ثم نظام السيدين، ثم نظام مايو، فالسيدين، فالنظام الحالي.

اذن 89 مجرد محطة واحدة في سلسلة محطات، قاطرة بضاعة دويلة الاقلية.

فمافاهم انتا رحت معلق في النظام الحالي ليه؟

النظام اي نظام ما مرادف او معادل للدولة اي دولة يا تبارك، وان كان ممثل رسمي للدولة الانجبتا!

دويلة الجلابة، طفل انابيب الاحتلال، ولدت في 56م مش 89 تاريخ بروز النظام الحالي الذي لايختلف اطلاقا عن ايا من الانظمة الجلابية المذكورة اعلاه، الامن حيث التراكم التاريخي لثقافة هذه الدويلة، اللتي طبعت تجربة النظام الحالي، او بالتالي هذا النظام يجسد اكثر من غيرو، روح وطبيعة هذه الدويلة الابارثيدية، لدرجة جعلت منه، بعث حقيقي، لروح التركية السابقة، المن قماشا، تم تفصيل عراقي هذه الدويلة.

نعم جذور هذه الدويلة تعود الي 1821، عشية غزو الخلافة الاسلامية لديارنا، احتلالا لارضنا، او بيعها لشعبنا كبضاعة بشرية رغم انف اسلامه!

للاسف حوار الطُرشان يتواصل! عشان نصل لي ارضية مشتركة ياتبارك، ندير علي سطحو "حوار" مثمر، عليك الخروج من جبة النظام الحالي نهائي!

ماعشان غياب الارضية المشتركة اخوك مدور "دوكشمان" من طرف، بدل "الحوار الهادئ"!

Quote: نايف محمد مرحبتين. او هل بشاشا يا نايف البقول جدو العباس، ام الجلابة؟ هل هو العامل فيها اوس او خذرج ام الجلابة؟ بالنسبة لي بشاشا، بخلاف اعضاء السلك الديبلوماسي في الخرطوم، فمافي عرب اطلاقا في بلاد السودان، بخلاف حبتين الرشايدة في الشرق، الجو مهاجرين. فواضح انك فاهم كلام بشاشا خطأ! Quote: نحن و دارفور و جبال النوبة و الشرق و بقية اهل السودان كوم واحد مهمشووووون اها، ده انا مامعاك فيهو قط! لو انتا الشمالي مهمَش بي فتح الميم، فمن هو فاعل التهميش؟ ولكن اخوك عارف زي جوع بطنو انتا جاي من وين، او بالتالي عارف انتا شقيش مقبل! للاسف فهمك لي مفهوم نوبيين، فهم قاصر، خاطئ او قبلي للاسف. والا، اليس الجعل والشوايقة والدناقلة نوبيين، مثلك؟ ياعزيزي: تاريخيا، نوبي كانت معناها بي تعابير اليوم، سوداني، بل افريقي عامة. ده الفهم الصحيح لي مصطلح نوبي. نعم اي سوداني طوالي نوبي. اذا بتعترف بي نوبة الجبال كنوبة، فما المانع انو بقية الشماليين من غير المحس يكونو نوبة، بالمعني التاريخي للمفردة. اذن اذا كل الشماليين نوبة، اذن مافاهم كيف ذات الشماليين المنفردين بكل شئ في السودان، يكونو مهمشين، بي معني ضحايا تهميش؟ اكيد كده، كلامك بكون كلام هظار! ولكن بالنسبة للبسمو روحم نوبيين حصرا، واقصد المحس تحديدا ثم بعض الحلفاويين، فالشوايقة والجعل في نظرم مانوبة وانما عرب، وكذلك الدناقلة في نظر بعض المحس المتطرفين قبليا! للاسف ده فهم قبلي، متخلف او ضار جدا. بعدين "عربي" في فهمنا، حقيقة ما مقصود بيهو سامي من جنوب الجزيرة العربية، وانما المقصود، انو زول "حر" او ما "فرخ"! دي شفرة عربي في وعي العامة من الجلابة، او قل في لاوعيهم. تاريخيا او فترة الاحتلال العربي اي التركية السابقة، المفهوم ده، تبلور في خرطوم القرن التاسع عشر علي هذا النحو! من باب تمييز روحو من "الفروخ" الدناقلة والجعل والشوايقة، في خرطوم العصر داك، كانو بعرفو روحم ك"عرب" بي معني ما "ذنوج" اي "عبيد"، بالذات انهم كانو شغالين سماسرة او نخاسة، يقومون بجلب بقية السودانيين اي "الذنوج" كعبيد، او من هنا نشأ مفهوم النسب العربي "الشريف" في الوعي الجلابي، البعبر عنو الجعلي، اليوم، بي لازمة "حر" عديل كده! نعم "جعلي حر"! في تاريخنا المعاصر المسالة اخذت هذا الشكل، مع انو لي وراء، مفهوم عربي كان مختلف شوية، او ذي صلة بالارث الصوفي، او حب ال البيت او كده مع سقوط مملكة المغرة المسيحية. الان المفاهيم دي كلها مشربكة في بعض، ولكن الاساس، هو كراهية الذات، والهروب من الانتماء للعنصر الذنجي، باي ثمن. عشان كده الي اليوم بعض الحلفاويين، عندهم مشكلة حقيقية مع مفردة "سوداني" البشوفوها، منقصة، او عيب، او بالتالي بيشمئزو جدا او يتاففو من اي صلة لهم ب"السودانيين" يا للعجب! حقيقة لما الواحد يتوغل داخل مجاهل الوعي الجلابي، حقيقة يصاب بالذهول! شريحة الشماليين، من بين كل شرائح السود او الذنوج عامة وعلي نطاق افريقيا كلها، يظلون الاكثر تعبير عن تجربة الاسترقاق والعبودية الاتعرضو ليها السود، باعتبارنا اكثر من استعبد علي الاطلاق من بين كل اطياف السود، قاطبة، وذلك بحكم الموقع الجغرافي، في بوابة افريقيا!

Quote: او هل بشاشا يا نايف البقول جدو العباس، ام الجلابة؟ هل هو العامل فيها اوس او خذرج ام الجلابة؟

اها يا بروف رجعنا لحوار زمااااااان
نحن النوبيون بكل قبائلهم و مناطقهم و لهجاتهم المنبثقة عن اللغة النوبية هم ابناء كوش بن حام بن نوح
و اللغة النوبية من اللغات الافريقية
و كل من يقول ان نسب النوبيين الى شخص وفد من هنا او هناك مزور للتاريخ
نحن النوبيون لا ننتمى لا للعباس او الاوس و الخزرج
من الذى قاوم عبدالله بن ابى السرح عندما قدم الى ارض النوبه اول مره؟
نحن لا ننفى النوبية عن بقية شعب السودان و لكننا ندعى اننا نوبيون
و الدليل اننا نتحدث حتى الان اللغة النوبية و ليس العربية

Quote: بالنسبة لي بشاشا، بخلاف اعضاء السلك الديبلوماسي في الخرطوم، فمافي عرب اطلاقا في بلاد السودان، بخلاف حبتين الرشايدة في الشرق، الجو مهاجرين. فواضح انك فاهم كلام بشاشا خطأ!

يا بروف
هل تنكر ان هنالك هجرات قبائل عربية حدثت للسودان ؟
نعم الرشايده أتوا مؤخرا لذلك الدم العربى و اضح فيهم و لكن مابالك بالهجرات التى تمت قديما ؟
هل اصبحوا نوبيين بالاقامة ؟
التاريخ يذكر بوضوح ان هنالك هجرات عربية حدثت للسودان و استقرت فى اواسط السودان
و هذا هو السبب فى تكوين كتلتين للقبائل الاصلية فى السودان فى الشمال و الجنوب
و كل هذة القبائل التى فى الجنوب و الشمال ينسبون لكوش بن حام
المهم
اذا كنت تتحدث عن الشمال الجفرافى فالحديث يأخذ مجرى آخر
اما اذا كان الحديث حول السيطره العربية ثقافيا و سياسيا فنحن لسنا منهم
و نحن مهمشون ثقافيا و عرقيا فاهل الخرطوم الذين يدعون انهم عرب كما تقول يقولون ايضا دناقلة يا رسول الله
و يحقروننا بحكم عدم اجادتنا لللغة العربية و يطلقون النكات فى ذلك
وهل سمعت نوبيا يفتخر بانة ود عرب!!!
اسمح لى ان اقول مع اعتذارى للعرب ان الطفل النوبى عندما يريد ان يشتم اخر يقول له انت عربى
(مع اعتذارى الشخصى )

Quote: اها، ده انا مامعاك فيهو قط! لو انتا الشمالي مهمَش بي فتح الميم، فمن هو فاعل التهميش؟

نخبه سياسية صنعها الاستعمار ظلوا يتوارثون العمل السياسى و استغلوا جهل الشعب السودانى و عدم تعليمه و يقربون من ارادوا و يبعدون من ارادوا و من حاول من خارج دائرتهم دخول المعترك السياسى
اما بدعم خارجى او بالتغلغل فى داخلهم و من ثم الخروج من عبائتهم و بحكم انهم ورثوا السلطة من الاستعمار وطدوا لحكمهم بنشر التعليم فى مناطقهم و اهلهم و بنشر ثقافة قبائلهم على بقية السودان فاصبح امتداد النخبة السياسية الحاكمة فى السودان منهم و معظم الطبقة المثقفة منهم و اصبح صوتهم اعلى من غيرهم و برزوا و كانهم مواطنين درجة اولى و البقية درجة ثانية و تحكموا فى كل مفاصل الدوله و الخدمة المدنية و القوات النظامية .
كل هذا بالاضافة لاستغلالهم عنصر الدين منذ الاستغلال حتى الان و كلنا يعلم انتشار التصوف و العاطفة تجاه الدين لدى الشعب السودان
و نواصل ...

Quote: تخيل يا ثروت بشبش دا (أو) بتاعتو دي هي (واو) العطف؟؟ لكن لأنها تنطق بالدارجية السودانية (ؤ)..كقولك فلان داك جا ..ؤبعدين مشى.. مثال: إنت يا ثروت عامل فيها بريء او ما فهم...مستلب او كاره لذاتك.. أو في مثال آخر: نحن ؤنحنا الشرف الباذخ..دابي الكر...شباب النيل.. وكذلك: ؤبقيت أعاين في الوجوه..واسأل عليك وسط الزحام قبال أتوه.. (إمكن) ألاقي البشبهك.. إلى قوله.. ؤكلام كتير قلناهو آخر الليل سوا... اسمتعتم إلى حلقة في ....لسااااااااااااااااااااااااااااااان الجلابة..

شكرا الاخ محمود مصطفي محمود
لو صح تقديرك يكون هذا جزء من تعقيدات الاستاذ البشاشا المميزة.
رأيك شنو تديني نمازج من كتابته هو شخصيا تحمل وجهة نظرك.
بالمناسبة
لم اقرأ سطرين قط لبشاشا لم تكن (أو) موجودة بشكل نافر.
و على مر السنين.
تحاياي

ولو إنه الإقتباس الذي سقته أخي ثروت يحمل نموذج من إبداعات بشاشا...لكن لا بأس..

Quote: رأيك شنو تديني نمازج من كتابته هو شخصيا تحمل وجهة نظرك

لا بأس البتة يا حبيب...:

Quote: انا عارفك انت لسة معلق في كلام ناس حزب "الغمة" والصادق عن تفكيك دولة الحزب الواحد، او ده لايهم غير الشمالي في شئ، لانو كوار جلابة، فيما بينم، او بالتالي ترف ذهني والسلام!

الـ(أو) بتاعة بشاشا...لا ترد في معظم الصياغات والسياقات بمعنى OR ..بل ترد في شكل خطأ بتاع دارجية "مستلبة"...

اتفضل عندك نموذج تاني من كتاباته "قدس الله سره"..

Quote: الطريف بعد ده شابكنا زغاوة، او كيف انتا ضد العنف!

معليش .."المتصفح" بتاعي دا ما عارف أعمل بيهو اللون الأحمر كيف عشان أوضح ليك وللقارئ الكريم بالأحمر الوضع الشاذ لكلمة (او) ..

استمعتم إلى حلقة في: ................... لساااااااااااااااااااااااااااان الجلابة..

..

Quote: انا عارفك انت لسة معلق في كلام ناس حزب "الغمة" والصادق عن تفكيك دولة الحزب الواحد، او ده لايهم غير الشمالي في شئ، لانو كوار جلابة، فيما بينم، او بالتالي ترف ذهني والسلام!

و لكن كيف تفسر انه استدخدم واو العطف في نفس الوقت قال: والسلام و ليس او السلام ؟

تحياتي يا اخ مصطفى

ما هي دويلة الجلابة دي نحن ثرنا عليها بطرق مختلفة ... لأنو خللها الوظيفي لا يخفى على المركز المنتفع منها ... قبل سنة من الإستقلال (إن جازت تسمية ما حدث "استقلال") بدأت الحرب الأهلية التي أدت لإنفصال (أو "استقلال" إن جاز التعبير مرة أخرى!) جنوب السودان ... ثورة المهدي وثورة الأشراف على الخليفة وثورة أئمة المساجد وثورة عبود وثورة مايو (ما بجيب سيرة الإنقاذ لغاية ما تفهم النقطة) كلها ثورات على فشل الأنظمة الوظيفي البيتسبب فيهو الهيكل الجهوي للدولة ... ثورة اللواء الأبيض ومؤتمر الخريجين وثورة اكتوبر وثورة يوليو (أو انقلاب هاشم العطا) والمرتزقة والمصالحة الوطنية وثورة ابريل كلها ثورات وخطابات بنفس الجهوية مكسوة بكساء أفندية البرلمانية البريطانية الممسوخة من المستعمر (ممسوخة من "مسخ" مش منسوخة) ... يعني التيارين الإستعماري والوطني كانوا جهويات بدون ما ينتبهوا ... وكل مرة الجهوية والفشل الوظيفي للدولة بتأدي لى ثورة تيار جهوى ضد تيار جهوي آخر .... دي الظروف الأدت لتبلّر مركزية جديدة في الشمال حول الحركة الإسلامية ومركزية جديدة في الجنوب حول الحركة الشعبية ... وأوضح معلم للخطابين الشمالي والجنوبي كان الفشل الوظيفي المزمن للدولة السودانية بسبب الجهوية المتجذرة في كل الخطابات السياسية المتناقضة عن بعضها البعض ... وكانت هذه الأزمة المزمنة في الحكم بأسبابها من جهوية وتهميش وتبعية القرارات الإقتصادية والسياسية لمصالح العالم الصناعي وهلم جرا من أسباب أزمة الحكم المزمنة (انت ما ممكن تكون شايف جهوية الدولة بس!) هي منطقة النزاع العسكري بين المؤتمر الوطني والحركة والشعبية ... وكانت أزمة الحكم المزمنة هي محور مفاوضات السلام الأنتجت نيفاشا ... الهدف المشترك بين المؤتمر الوطني والحركة الشعبية كان تكوين دولة حديثة غير جهوية تتجاوز أزمة الحكم المزمنة ... الكيزان سمّوها "المشروع الحضاري" والحركة الشعبية سموها "السودان الجديد" وهي نفس الملامح والشبه لدولة حكم محلّي منعتق من التبعية الخارجية ويقوم على أساس المواطنة والتعدد ... عشان كدا الكيزان ما كان عندهم مشكلة يوّقعوا على الدستور الإنتقالي والتحوّل الديموقراطي واقتسام الثروة والسلطة ... هسي الاتنين (المؤتمر الوطني والحركة الشعبية) بدوا يتراجعوا عن اهدافهم الناضلوا من أجلها ... الحركة الشعبية انفردت بالجنوب فلم تعد ترى ضرورة الإنعتاق من التبعية لنادي باريس ... بينما انفرد المؤتمر الوطني بالشمال فلم يعد يرى ضرورة التعددية والمواطنة كأساس للدولة ... وكل منهما مبتهج بإنجازاته في الإنعتاق والتعددية عكسياً ... فانعتاق المؤتمر الوطني من التبعية للغرب بدون تعددية لا يسوى شيئاً ... وتعددية الحركة الشعبية ودولة المواطنة التي يعيش فيها الجنوبيين الآن تحت إدارة "بلاك ووترز" لا تسوى شيئاً بنفس المقدار ... ولن يحصد الإثنين سوى الدماء والحسرة لو قررا الإستمرار فيما ينتهجان ...

المسألة ما مجرد ابتسار للدويلة بأنها جهوية أو تشدّق بهتافات إزالتها واستبدالها بدولة غير جهوية بضرب من ضروب السحر والشعوذة والصعقات الكهربائية العجيبة ... حلولنا تبدأ بقبول سيادة الديموقراطية أولاً ... ثم بتكريس قيمها من كفالة الحقوق المدنية والفصل بين السلطان والتعددية وسيادة القانون ... مع ملاحظة موازين القوي الاقليمية والعالمية وأجندات الاستغلال الإقتصادي وحروب الموارد بين الدول العظمي وتأثيرها على السياسة المحلية ... وأجندات الهوس الديني والخطابات الهادمة للديموقراطية من أساسها ...

والحديث ذو شجون ... فإنت ما تتركس في سؤال واحد ... خصوصاً لو كان السؤال يطرح تاريخانية جامدة وتنتقص الديناميكية في استيعاب تطور الواقع ...




... المهم ...

Quote: تبارك بغض النظر عن الاختلاف او الاتفاق معاك بس انا بحمد ليك انك سايق خط واضح وبتأسس لفهمك كويس لكن بقرايتى لمداخلاتك وقفت فى المداخلة دى بالذات انا شايف انو دا طرح يائس حسب قرايتى انا ليافطاتك الكنت شايلها دى انت رفعت يافطاتك لحاجات وما حصلت لغاية ما ياسر عرمان انسحب عشان كدا انت دايرنا نحرس الخزنة دى لين 2015 حتى لو (زى ما اشارت ليك عفراء) حتى لو كانت النتيجة انو نحنا امام عقلية كنكشت ومصرة تكنكش ...عقلية هى نفسها ما قادرة تفهم او تستوعب الورقة اللى فى الخزنة دى بتقول شنو او هى مدركة وما عايزاها تحصل يبقى السؤال هنا يا تبارك هل نفضل منتظرين وحارسين الخزنة دى لغاية ما نلقى البلد مافى ؟؟؟ ولو نحنا امام عقلية التجارب بتقول انها ما بتفهم غير لغة القوة وما بتفهم او حتى ما بتسمع لغة تانية انت متخوف ليه من ثورة ؟؟؟ طيب زى ما انت بتقول طالما هناك اوراق فى خزنة بتنادى بنفس مطالب الثورة وعشان كدا بتسال الثورة دى جاية تعمل شنو ؟؟او بتشوف انو الثورة دى عمل او فعل عكسى لما فى الاوراق ؟؟ طيب يا تبارك ما دام هى مجرد او اوراق محبوسة يا اخى خلى الثورة دى على الاقل تفك سجن الورقة دى . بعدين الثورة دى ما دام محروسة بفكر (بالمناسبة انا زاتى ضد الثورة الغوغاء) يبقى ما منها خوف بل هى الامل ... طبعا مع الانتباه لانو الثورة دى فى المقام الاول ضد الحزب ما ضد الدويلة (كما يقول بشاشا) اما الثورة ضد الدويلة ما محتاج لسلاح زى ما بيقول بشاشا بقدر ما هى محتاجة لثورة وعى ثورة الوعى انو الناس تصل للمساواة والعدالة وما اظن دى محتاجة لسلاح وقتل بقدرما هى محتاجة لعقول تصنع الوعى واكيد ما حنعدم العقول .. وكان عدمنا العقول يبقى محتاجين للبد شان شنو اصلا ؟؟؟

دي نقلة نوعية في الحوار ...

الحل الإقترحتو قبل كدا وبقترحوا تاني (مع بعض التعديلات عن مقتــ(للديموقراطية الجديدة)ــرح (1) ) هو تفكيك الدورة الإنتخابية وتقسيمها على خمس سنوات تبدأ في 2013 بحيث تعكف الهيئة التشريعية مع الأحزاب والمكاتب السياسية للحركات المسلحة على استكمال الصياغة النهائية لتفكيك الدورة الإنتخابية خلال السنة ونص الجايات .... نحن دايرين انتخابات 2013 تكون للرئاسة ولى تلاتة ولايات فقط ... بالنسبة للرئاسة نعتبرها فترة إنتقالية ثانية بالإضافي للفترة الإنتقالية من 2005 لى 2010 ... تمانية سنين فترة انتقالية اكتر من كفاية زاتو ... ودايرين معاها تنقيص الفترة الرئاسية لأربعة سنين فقط وما اكتر من فترتين رئاسيتين لكل رئيس منتخب ...

بالنسبة للتلاتة ولايات (أي تلاتة ولايات ما مهم ياتو تلاتة) ... دايرين نظام انتخابي يضمن استقرار نوعي للسلطة التشريعية ... عشان الدول المؤسسية لا تحتمل التحولات الدرامية المفاجئة ... وكل سنة دايرين انتخابات في تلاتة ولايات لغاية 2017 ... لغاية ما تكون الإنتخابات شملت الخمسطاشر ولاية ... ومع آخر تلاتة ولايات 2017 تكون في انتخابات رئاسية للفترة البعدها ... و 2021 الفترة البعدها وهكذا ... على أساس انو تقسيم الإنتخابات الولائية على خمسة سنين بيخفف العبء على مفوضية الإنتخابات وبيكرس الموارد الحكومية والحزبية لضمان انتخابات حرة نزيهة تحت رقابة أعين الجميع ... وبيحوّل الخطابات السياسية للأحزاب لخطابات لا مركزية تستهدف الولايات التي تقام فيها الإنتخابات ... وبتقوم بحقن السلطات التشريعية والتنفيذية برؤى حزبية جديدة تدريجياً ... وهكذا ...

يعني التعامل مع الأزمة في حدود الأزمة ... وصياغة الحلول بالصيغة الناجعة البتحدث تغيير في أرض الواقع ... وباكر الحاصل الليلة دا كلو يبقى حكا ...

دي طريقة حسب رؤيتي الخاصة ... عبدالرحمن المهدي وبتاع روضة الحنان داك شايفين انو قبول منصب مساعد رئيس الجمهورية نوع من الحلول ... الصادق المهدي عاير يتفاوض على انتقال سلمي لمقاليد الحكم لكتلة القوة الناعمة ... انا شايفها فكرة كويسة كآلية للتعامل مع الأزمة لاكين غير مكتملة وما فيها رؤية واضحة لشروط تكوين القوة الناعمة البتورث مقاليد الحكم من المؤتمر الوطني ... أو صيغة الشراكة بين المؤتمر الوطني والقوة ناعمة مبنية على شنو ... ولاّ مافي شراكة إنما إقصائية كاملة ... الصادق المهدي لو ما لقى حلفاء ما بيقدر يفرض شروط القوة الناعمة براهو من منظور أحادي ... لاكين الفكرة كويسة وتستاهل التفاف احزاب المعارضة حولها لو ما عجبهم حل تفكيك الدورة الإنتخابية على خمسة سنوات ....

ميزة تفكيك الدورة الإنتخابية مش بس لامركزية الخطابات السياسية للأحزاب التقليدية (بتاعة "دويلة الجلابة") إنما إفراد مساحة حقيقية لقوى الهامش عشان تكون طرف أصيل في الإنتخابات الرئاسية والإتحادية والولائية والمحلية ... لأنو الكورة حا تنتقل لملعبهم طالما مافي انتخابات في الخرطوم ... يعني على مدى أربعة سنين من كل دورة انتخابية ...



... المهم ...

أو مزيج من الحلّين بحيث تتفق القوى السياسية في المعارضة والتمرد مع المؤتمر الوطني على آلية لسد الفجوة التشريعية الإتحادية والولائية من هنا لى 2013 بحيث يتم ملء الفراغ الدستوري تدريجياً بواسطة ممثلين منتخبين خلال خمسة سنين تكون فيها السلطة التشريعية شراكة بين نواب الحوار ونواب الإنتخاب لغاية ما تكتمل الهيئات التشريعية ... تحدد مرجعيات اختيار نواب الحوار عن طريق مسجل عام احزاب السودان ومنبر الدوحة والحكومة ... عشان ما يكون في إقصاء لأي حزب أو قوة سياسية مهما كان حجمها ...

التفاصيل ما مشكلة ودائماً يمكن الإتفاق عليها ... المفروض في الأساس الموافقة على مبادرة حل الأزمة وقبول المبدأ الأساسي للمبادرة وهو إعادة التوازن السياسي بالإنتقال السلمي للسلطة مع الحفاظ على مؤسسية ودستورية هياكل الدولة ...





... المهم .....

يا بشبش .. اسمع .. انا عجبني التعبير بتاعك في حوارك مع الزول التاني قبل ايام في المنبر ده لما قلت ليهو

Quote: أنا بحمّر في بصلة وعيك

عليك الله يا بشبش حمّر لينا بصلة وعي اخونا تبارك ده كمان بالمرة .. ربنا يهدينا ويهديهو ..





----------------------------------------------------
كمان في جملة التحمير حمّر لينا بصلة وعي قيقراوي عشان ينضج

Quote: عليك الله يا بشبش حمّر لينا بصلة وعي اخونا تبارك ده كمان بالمرة .. ربنا يهدينا ويهديهو ..

المحرّش ما بكاتل .... (مثل جلولب بصلتو حرقانة مرة واحدة)










... المهم ....

....
...
..

Quote: طيب هل الهيكل الحالي يمنع ممارسة الأحزاب التانية لحقوقها السياسية؟ ولاّ الحزب الحاكم؟ يعني المشكلة في الحزب الحاكم ولاّ في هيكل الدويلة؟

<

تبارك ......كيفك....يا عزيز .......
....ياخي و الله اسئلتك دي حاولت اجاوب عليها مع نفسي .. قلَبتها فوق تحت....قلبه عدله و بكل اللغات عشان اجد فض اشتباك بين الاتنين
.... للاسف عجزت تماما .و بقت لي زي الغلوتيه ...فرقت شنو ....ما قدرت اعرف حقيقة ؟؟؟؟؟ ...
و عشان اشركك معاي في طريقة الاجابه ....المحنه و الملتبسه... دي...
...وضعت الراي بتاعك ده في الحسبان كاجابه اولي...

...

Quote: . وما تقول ليّ الاتنين واحد لأنو الهيكل الحالي تمنو مدفوع أمام اعين الجميع.. السؤال هو حا ندفع شنو زيادة؟ وتمن شنو بالضبط؟

..
..
و انو الاتنين ماواحد ...هيكل الدوله ابو تمن مدفوع دماء و دموع و تمزق للوطن ....
.و كيان الحزب البدير هيكل الدوله و حياة موت السودانيين معاهو
...طيب ...معاك في الراي مؤقتا ...
فاذ لم اقل الاتنين واحد ......
..
حيكون هناك واحد من احتمالين ...
..
...الاول:
الهيكل الحالي يتيح للاحزاب التانيه ممارسة حقوقها السياسيه .... لكن الحزب الحاكم يقمعها و يصادر تلك الحقوق ...
..
الثاني
الهيكل الحالي لا يتيح للاحزاب التانيه ممارسة حقوقها السياسيه ....لكن الحزب الحاكم يتيح لها ذلك ؟؟؟؟!!!!!
سأتناول الاحتمالين وسافترض انك عنيت الاحتمال الاول لانه الاقرب الي طرحك ...و امل ان لا اكون مخطئا في ذلك ...
...طبعا الاحتمال التاني بتاع الهيكل الحالي لا يتيح حريات للاحزاب التانيه بينما يكفل هذه الحريات الحزب الحاكم ده مستبعد خالص بل و الاصدق صحة ليهو هو لا هيكل الدوله و لا الحزب الحاكم يكفلا هذه الحريات ...و لايطيقونها من اصلو و بالتالي فالاثنان لا يعبرون عن تطلعات و امال شعوب السودان واحلام ابنائهم ......و في ذلك انا بتفق مع الامير الكوشي ....كوشي منَه .....
نجي للاحتمال الاول ...و اللهو انت عبرت فيهو عن عمق الازمه في ابهي تجلياتا ....؟؟؟؟؟!!!!!! ..
..
..كيف هيكل دوله يكون ديمقراطي و يسمح للاخرين ان يعبروا و يمارسوا حقوقم السياسيه ....و في نفسسسسسسسسسسسسسسسسسسسسس الوقت يسمح لمن يعتليه و يقبض علي مفاصله ان يقمع هؤلاء الاخرين و يصادر حقوقهم السياسيه ... اللهم إلا اذا كان ده ماخور ما جهاز دوله و.....يعني انت و كانك تقول و تعني انو جهاز دولتنا السودانيه دي .... جهاز دوله بالنيات ...الحزب البيكون نيتو سليمه و ديمقراطيه يحشد الهتيفه بتعينو ويمسك طارو و يغني ....(نحن ناس بنعيش حياتنا الغاليه ...بالديمقراطيه و النيه السليمه ) و ان كان كمان حزب قراصنه مجرمين و قتله ....يمسكوا كلاشنكوفاتم و يفرغوها في اجساد الاخرين بالظلم و يحرموهم من حقهم حتي في الحياه ناهيك عن ممارسه سياسيه و يمشوا بعد صلاة المغرب لامهات من مات منهم و يقولوا ليهم ماتوا شهداء ويغنوا ويقولو ليهم زوجناهم حوريات عينيات؟؟ و ده كووولو يحصل من داخل هيكل جهاز الدوله !!!!!...ده كلام ده؟؟؟؟
..
كيف تستقيم الاشياء و تتسق عقلنتها ان يكون هناك هيكل لجهاز دوله و بالهلاميه و الميوعه دي و بيدير ويتحكم في بلد مترامي الاطراف و الاعراق و الاديان ... .. ؟؟؟؟

ما يكون فيهو ضوابط لاي حزب و
... كيف تستقيم الاشياء و تتسق عقلنتها ان يكون هناك هيكل لجهاز دوله يسمح لاي حزب غض النظر عن نواياهو ايا كانت شيطانيه و اللاً ربانيه و اللاَ جن احمر يعتلي دست الحكم فيهوولا يتقيد و بشكل صارم بتحقيق رغبات و امال منتسبيه اومن صوَتوا ليهو علي امتداد الاطراف و الاصقاع النائيه ثم الاحتفاظ بهم كالسوائم و مستودع بترولي لاعتلاء دست الحكم للدرجه التي تتعالي اصوات قياداته (البلد بلدنا و نحن اسيادا) ؟؟؟؟؟؟...
.. ... كيف تستقيم الاشياء و تتسق عقلنتها ان تعلن قياده حزبيه مثل محمد عثمان الميرغني و علي رؤوس الاشهاد مرارا و تكرار ..ابان المساجلات و التصريحات السياسيه ماقبل إستفتاء جنوب السودان ان (لا مساس بالثوابت) ... وكان يعني حينها رفض احتمالات الانفصال....
...ثم يتم الاستفتاء ... و يحدث الانفصال ...ولم يجد هو حتي حرجا من مشاركة العصابه للسلطه باشراك ابنه
وكيف تستقيم الاشياء و تتسق عقلنتها من دون ان يكون مثول امام هيئات لها هيبتها و احترامها من الكل للردع لكل من يتطاول علي المساس بالثوابت الوطنيه و حياة الناس ....
......و من غير كده ده ما بيكون هناك هيكل جهاز دوله ....بيكون هناك هيكل جهاز غابه ...او سميه اي اسم تاني ...بيقوي اجرام و فتك المتسللين اليه بالتامر و الانقلابات وشراء الاصوات و الذمم هو زاتو بيسمح ليهم بذلك ..بل وبيخلق ليهم الميررات للقيام بالانقلابات و تدشين و بث هذه المبررات عبر الياتو و مؤسساتو التنفيذيه والسلطويهو الدعائيه و الاعلاميه ..و...و المواطن الغليان ما عليه الا ان يسمع ثم وبالتكرار الممل يقتنع و يصدق....شفت كيف!!!؟؟؟
و صدقني ...لو واصلت في كتابة جهاز الدوله ده .... مش الاحزاب و اللاً الاشخاص البيديرو الامور فيهو و من جواااهو....لا .... لا ..... جهاز الدوله ذاتو وفيييي نفسو ... ما حأخلص كتابه لمدة سنه
.. و اذا تمَ الاتفاق في الجانب ده بيكون ضاقت مساحات الخلاف ....عشان نتقدم خطوه لقدام ..... لانو الموضوع دسم و النقاش فيهو حيكون ادسم او اكثر دسامه .....بالاضافه لحوجتنا ليهو من زمااااان ....و اذا ما اتحسم و كان هو المشَكل و الهادي الحقيقي لاي نظام تغيير قادم .... حنكون نحن كجيل خيبه بقياداتو الخايبه ... سفَفنا الاجيال القادمه التراب .... وحتقعد ليها تاني 100 سنه وبعدا .... حيلقو نفسهم لسه في المربع الاول الكان قبل 156 سنه مع اشواق جيل ما يسمي بالسياده الوطنيه و البطيخ بالاستقلال ....لانو الطرف التاني المستفيد من الاوضاع الحاليه ...ما حيكون واقف في مكانو محلك سر ...بل حيكون اتطور و طور ادواتو ....عشان يحتفظ بمصالحوا ...و يحتفظ بالاوضاع ديه...
...(و طبعا ده من حقو!!!!!!!!!!!!!!!!!!!!!؟؟؟؟؟؟؟؟؟؟؟؟؟؟)
....
...ده من ناحيه .....
...من ناحية تانيه يا تبارك ..... هل انت بتفتكر هيكل الدوله الحاليه ....الجاثمه علي صدرو العصابه الحاليه و جاثمه علي رقاب الشعب السوداني ذبحا .... بتفتكر انو هوهيكل عدمي ؟؟؟؟ اتي من الفراغ او من لاشئ ؟؟؟؟ يعني شعوب السودان صحت من النوم صبيحة 30يونيو 1989 لقو عصابة الجبهة عملت الانقلاب ....ومع انقلابم و مؤمراتم كانوا صانعين ليهم هيكل لجهاز الدوله و خاتنو في جيوبم .... طلعوهوا اليوم داك و حكموا بيهو البلد؟؟؟؟؟ و الله كيف؟؟؟؟
..
..الاجابه علي السؤال ده بموضوع بعيدا عن الذات قد يقرب بعض الشئ من فك كتير من الطلاسم و الشفرات!!!!!!!!و يقربنا اكتر لالتقاء وجهات النظر ...عشان برضو نمشي لقدام خطوه
..
..
..
..
.
.
.
.
.
..بشبش يا عزيز .....
.
..
.ياخي و الله بشبش دي ما جايه ....الكتوف متلاحقه يا صديق ....
واحسن نبقي علي .....كوشي منه .....
.
..اول الكلام ....سلام ...
.
..طبعا كواحد من خلق الله البتقراء ليك .... اجدني متفق مع قرابة ال90% من تشخيصك للازمه ....وده ساتر اول ...
عشان ما تضقل بي ...و تجلبني ....انت و اصحابك التانين ديلاك!!!!!!؟؟؟ لكن طرحك للمعالجات من وجهة نظري و بعيدا عن روح الوصايه هو ده الازمه الحقيقيه ...وليس فقط هو كذلك .....بل يعمق ويصب كثير من البترول عليها الطرف الفي المعسكر التاني المناوئ ....ليحتفظ بدوام تأزيمها ...و في المقابل هو يكون موحَد بالحد الادني ليحتفظ ببقائه ...و صدارته و تسيده!!!!
...
...جاييك بعدين ...بالليل كان الله هون القواسي .... هسع انا بكتب و في اللنش تايم .....
يعني الواحد معاكم لقمه ما يقدر يتناولا
..
..

Quote: ...الاول: الهيكل الحالي يتيح للاحزاب التانيه ممارسة حقوقها السياسيه .... لكن الحزب الحاكم يقمعها و يصادر تلك الحقوق ...

دا الإحتمال المظبوط ... لو قريت تلاتة صفحات في الدستور وانت قاعد في حافلة مارة بى موقف شندي قريب لى مكاتب الأمن السياسي ... بتفهم انو دا الإحتمال المظبوط ... مشكلتنا مع الدايرين يبيعوا الدستور ... ودا اسوأ اتجاه للتعامل مع الحزب الحاكم وأجهزتو الأمنية ... في الآخر نكون نحن الشعب خسرنا المكتسب الوحيد الفضل لينا والمعارضة بتخسر في مشروعيتها ...

Quote: ..كيف هيكل دوله يكون ديمقراطي و يسمح للاخرين ان يعبروا و يمارسوا حقوقم السياسيه ....و في نفسسسسسسسسسسسسسسسسسسسسس الوقت يسمح لمن يعتليه و يقبض علي مفاصله ان يقمع هؤلاء الاخرين و يصادر حقوقهم السياسيه ... اللهم إلا اذا كان ده ماخور ما جهاز دوله و.....يعني انت و كانك تقول و تعني انو جهاز دولتنا السودانيه دي .... جهاز دوله بالنيات ...الحزب البيكون نيتو سليمه و ديمقراطيه يحشد الهتيفه بتعينو ويمسك طارو و يغني ....(نحن ناس بنعيش حياتنا الغاليه ...بالديمقراطيه و النيه السليمه ) و ان كان كمان حزب قراصنه مجرمين و قتله ....يمسكوا كلاشنكوفاتم و يفرغوها في اجساد الاخرين بالظلم و يحرموهم من حقهم حتي في الحياه ناهيك عن ممارسه سياسيه و يمشوا بعد صلاة المغرب لامهات من مات منهم و يقولوا ليهم ماتوا شهداء ويغنوا ويقولو ليهم زوجناهم حوريات عينيات؟؟ و ده كووولو يحصل من داخل هيكل جهاز الدوله !!!!!...ده كلام ده؟؟؟؟ .. كيف تستقيم الاشياء و تتسق عقلنتها ان يكون هناك هيكل لجهاز دوله و بالهلاميه و الميوعه دي و بيدير ويتحكم في بلد مترامي الاطراف و الاعراق و الاديان ... .. ؟؟؟؟

النظام الحالي لا يسمح لنافع على نافع باعتقال محمد حسن عالم (بوشي) ... ومع ذلك بوشي معتقل ... لأنو جهاز الأمن والمخابرات إمّا بيشارك نافع في هذه الجريمة أو يحاول الآن انقاذ نافع من تلك الجريمة أول ما فعله أنكر اعتقال بوشي ... واحتمال يكونوا ما اعتقلوهو زاتو ... ممكن يكون ناس كتيبة نافع جابوه لى ناس الأمن بعد الموضوع استفحل وما عرفوا يلمّوهو كيف ... المهم الممارسة بتحصل رغم انو نظم الدولة ما بتسمح بيها ... عموماً بيقولوا ما ضاع حق وراءه مطالب ... لاكين نظم الدولة وهياكلها ما ضمان لى ديموقراطية أو عدالة أو سلام ... الديموقراطية لو ما بقت ممارسة يومية ما بتبقى ... هسى موضوع بوشي دا مفروض نسكّوا لغاية نهاياتو القصوى ... ومحاسبة أيّ زول أذاهو أو اتغوّل على حقوقو الدستورية ... القصة ما إطلاق سراحو وبس ... لاكين البيرفع السقف المطلبي بتاع الناس شنو والناس جارية ورا أدبيات "الشعب يريد اسقاط النظام"؟

Quote: ما يكون فيهو ضوابط لاي حزب و ... كيف تستقيم الاشياء و تتسق عقلنتها ان يكون هناك هيكل لجهاز دوله يسمح لاي حزب غض النظر عن نواياهو ايا كانت شيطانيه و اللاً ربانيه و اللاَ جن احمر يعتلي دست الحكم فيهوولا يتقيد و بشكل صارم بتحقيق رغبات و امال منتسبيه اومن صوَتوا ليهو علي امتداد الاطراف و الاصقاع النائيه ثم الاحتفاظ بهم كالسوائم و مستودع بترولي لاعتلاء دست الحكم للدرجه التي تتعالي اصوات قياداته (البلد بلدنا و نحن اسيادا) ؟؟؟؟؟؟... .. ... كيف تستقيم الاشياء و تتسق عقلنتها ان تعلن قياده حزبيه مثل محمد عثمان الميرغني و علي رؤوس الاشهاد مرارا و تكرار ..ابان المساجلات و التصريحات السياسيه ماقبل إستفتاء جنوب السودان ان (لا مساس بالثوابت) ... وكان يعني حينها رفض احتمالات الانفصال.... ...ثم يتم الاستفتاء ... و يحدث الانفصال ...ولم يجد هو حتي حرجا من مشاركة العصابه للسلطه باشراك ابنه

كمان يا حلولي داير تجيب لينا ديموقراطية بتحدد لى الناس يكونوا شنو؟ الديموقراطية بتورى الناس الممنوع شنو بعد داك أي زول حر في خياراتو ... عندك حرية التعبير تنتقد الميرغني زي ما داير ... لاكين ما تتغول على حقوقو الديموقراطية انو يختار الخيار البيطيب ليهو .. كدا ما جاية ... مش الأخ ديموقراطي برضو؟

Quote: وكيف تستقيم الاشياء و تتسق عقلنتها من دون ان يكون مثول امام هيئات لها هيبتها و احترامها من الكل للردع لكل من يتطاول علي المساس بالثوابت الوطنيه و حياة الناس ....

انت كنت وين وصوّتت لى منو يوم انتخابات الهيئات التشريعية الإتحادية والولائية والمحلية؟
هيئات ومؤسسات مفروض توجدها إنت، وبتستمد احترامها من احترامك انت ليها؛ تجي تسأل هي وين؟ علمي علمك ...

Quote: ......و من غير كده ده ما بيكون هناك هيكل جهاز دوله ....بيكون هناك هيكل جهاز غابه ...

هيكل مكوناتو وسلطات كل جهة ومسؤوليات كل سلطة محددة بالتفصيل يكون غابة كيف؟ إلاّ تكون غابة من النوع ابو خريطة ... فاروق ابو عيسى دا كان في لجنة صياغة الدستور البيحدد البنية بتاعة هيكل الدولة دي شكلو كيف ... امشي قول ليهو الكلام دا ... عندك ... انت محتج على شنو في هيكل الدولة؟ انو فيها إدارة غابات مثلاً أو قانون سكك حديد السودان؟ ولاّ ديوان شؤون الخدمة؟ دا رابط للنظام ووثيقة هيكلة النظام الأساسية أقراها وتعال ورينا مآخذك على شنو بالضبط ... عشان نضيفها لى مآخذك على المؤتمر الوطني ...

Quote: و صدقني ...لو واصلت في كتابة جهاز الدوله ده .... مش الاحزاب و اللاً الاشخاص البيديرو الامور فيهو و من جواااهو....لا .... لا ..... جهاز الدوله ذاتو وفيييي نفسو ... ما حأخلص كتابه لمدة سنه .. و اذا تمَ الاتفاق في الجانب ده بيكون ضاقت مساحات الخلاف ....عشان نتقدم خطوه لقدام ..... لانو الموضوع دسم و النقاش فيهو حيكون ادسم او اكثر دسامه .....بالاضافه لحوجتنا ليهو من زمااااان ....و اذا ما اتحسم و كان هو المشَكل و الهادي الحقيقي لاي نظام تغيير قادم .... حنكون نحن كجيل خيبه بقياداتو الخايبه ... سفَفنا الاجيال القادمه التراب .... وحتقعد ليها تاني 100 سنه وبعدا .... حيلقو نفسهم لسه في المربع الاول الكان قبل 156 سنه مع اشواق جيل ما يسمي بالسياده الوطنيه و البطيخ بالاستقلال ....لانو الطرف التاني المستفيد من الاوضاع الحاليه ...ما حيكون واقف في مكانو محلك سر ...بل حيكون اتطور و طور ادواتو ....عشان يحتفظ بمصالحوا ...و يحتفظ بالاوضاع ديه... ...(و طبعا ده من حقو!!!!!!!!!!!!!!!!!!!!!؟؟؟؟؟؟؟؟؟؟؟؟؟؟) .... ...ده من ناحيه .....

اكتب ... انداح ... انتو مالكم بتتعاملوا على انو مشكلة هيكل الدولة دي مشكلة ما عندها حل؟ كدى ابدا لينا بى نقدك للنظام من الرابط الفوق دا ... ياخي انا مرة سمعت وليد سغيروني من شفّع الجبهة الديموقراطية ... قال الديموقراطية الليبرالية دي ما كويسة ... ما دايرنها (قلت الكتراااابة ... انصار السنة يقولوا شنو؟) ... فاااا شنو؟ إنداح ؤكدا ...

Quote: ...من ناحية تانيه يا تبارك ..... هل انت بتفتكر هيكل الدوله الحاليه ....الجاثمه علي صدرو العصابه الحاليه و جاثمه علي رقاب الشعب السوداني ذبحا .... بتفتكر انو هوهيكل عدمي ؟؟؟؟ اتي من الفراغ او من لاشئ ؟؟؟؟ يعني شعوب السودان صحت من النوم صبيحة 30يونيو 1989 لقو عصابة الجبهة عملت الانقلاب ....ومع انقلابم و مؤمراتم كانوا صانعين ليهم هيكل لجهاز الدوله و خاتنو في جيوبم .... طلعوهوا اليوم داك و حكموا بيهو البلد؟؟؟؟؟ و الله كيف؟؟؟؟

السؤال دا بالذات ... بحيلو لى قيقراوي ... انا في اعتقادي إنو هيكل اسطرمبوني ... برضو ... انا ممكن اكون غلطان ؤ كدا ... فااا انت تستنى قيقراوي انا افتكر ....

لاكين يا حلولّي بالطريقة دي يوم بتكتل ليك زول ...

Quote: ..طبعا كواحد من خلق الله البتقراء ليك .... اجدني متفق مع قرابة ال90% من تشخيصك للازمه ....وده ساتر اول ... عشان ما تضقل بي ...و تجلبني ....انت و اصحابك التانين ديلاك!!!!!!؟؟؟ لكن طرحك للمعالجات من وجهة نظري و بعيدا عن روح الوصايه هو ده الازمه الحقيقيه ...وليس فقط هو كذلك .....بل يعمق ويصب كثير من البترول عليها الطرف الفي المعسكر التاني المناوئ ....ليحتفظ بدوام تأزيمها ...و في المقابل هو يكون موحَد بالحد الادني ليحتفظ ببقائه ...و صدارته و تسيده!!!!

ياخي انا ما كتبتها واضحة ... قلت دايرين حل غير إقصائي بتاع تداول سلمي للسلطة ... الغرض انو يستعيد التوازن السياسي مش يزيح جهة أو يميل لكفة جهة ... ودايرين نعمل الحاجة دي مع الحفاظ بالسمات والمميزات الأساسية بتاعة هيكل مؤسسات الدولة والدستور الديموقراطي ... كيف يصب الزيت على الطرف التاني؟ البيصب الزيت هو الهتافية الما معاها رؤية ولا مشروع دي ...

لاكين بركة البوست دا الجابت ... انعل ابو اللنش بريك ظاطو ...



... المهم ...

يا ود ملاح

Quote: كمان في جملة التحمير حمّر لينا بصلة وعي قيقراوي عشان ينضج

ما ياهوندا، ديك تور قيقاراوي يحمروا في بصلتو ؤ هو يعوعي ساااي يا اخوي!
لو سخنو النار اكتر من كدا، بتقدح .. و قيل تحرق عديييل!


بالمناسبة دي يا طبارك الذي بيده الفرشة و يصوت بيها بكل الالوان في البوست دا ..
انا جابني حماري هنا، ما جيت مع جماعة "الديموقراطية المركزية" -الله يكرم السامعين- برضو!
قدر ما كبيت ليو -حماري المكادي- راندوق الحمير- القالو بشاشا- حرن دُت .. و حلف ما يطلع من البوست دا

ما لقيت في الديموقراطية - [بت الكــلب] - الخشم بيوت دي واحدة تناسب شعري تلصقا فيني غير دي!؟
انا الديموقراطية ان فارقت محتواها الاجتماعي ما بتقسم معاي ذاتو .. في ي ي سني دي ما بختها!!

شوف لينا ديموقراطية مباشرة بالله .. اجتماعية، تشاركية
اليجي منك كلو حلو .. بس اختانا من اللامؤاخذة بقى .. سمح؟
و عندك تجارب -سودانية مية المية - ثرة جداً جداً حتى اباء اكتوبر ذمسلـvـز
جبهة الهيئات، القوى الحديثة(نقابات و اتحادات مهنية الخ اللخ )، حتى تجمع الروابط و الجمعيات الاكاديمية و الاقليمية في جامعة الخرطوم 1990م الهزمت الكيزان و استعادت المنبر النقابي للطلاب ( KUSU)..
المافي شنو!؟
مافي دراسات باطنية وطنية .. بس ساكين لي الرجل الابيض المتوسط لو دخل بكم الى جحر ضبٍ خرب، لدخلتموه وراءه لا تلون على (فكرة).

بس (بكسر الباء .. كسرة بحجم وطن كان مليون ميل مربع، و مازال مليون ميل و مزاج بشري)






------

يا ثروت كلام الفنان حوتة حول (او) بشاشا مية المية ؤ كدا
اصلاً (ا) ما همزة .. و لا تنطق (صايلنت) .. على وجه الدقة تنطق نطق الضمة على الواو ..قاصد كدا هو!
لكن نعمل شنو للاعاجم المستعربين ديل .. استلاب! .. بس(مصدر سابق)
هارب من الزول الفي مرايا كتاباتو و لسانو

يا اخوانا بعد تقنعوا من البوست دا .. او حواركم الهادئ دا يسخن ذكروني احكي ليكم قصة مريم ذخيرة
قصة ذات مغزى و دلالة
و الله صحي



.

Quote: وليد المبارك مرحب. فمن دخل دار بشاشا، فهو امن!!

اها يا كرور نحن في الحالة دي بنعبر ليك تعبير سفيه يتسق والموقف

عرفتو
ولا القعاد مع الخواجات نساك التعابير السودانية المعبرة

...
.
تبارك ...يا خي انت مالك داير تقوَم لينا قرون في اصابعينا ...بكترة الكتابه و تكرار الكلام ....
...يعني انا انبح في الكيبورد لمن حروفو اتسهكت ....انت تاااااااني ....تجي تحاصرني بالغلوتيه بتاعتك دي ....
..و الغريبه بتأكد كلامي ... لكن يبدو انك انت في وادي النطرون .... وانا في وادي الحمار الوحشي ..
....هسع عليك الله سيبني انا ....و سيب القراء و المتداخلين ...
...كـــ ديه حِلَ لي الغلوتيه دي ....

.

Quote: ... ..... النظام الحالي لا يسمح لنافع على نافع باعتقال محمد حسن عالم (بوشي) ... ومع ذلك بوشي معتقل ... لأنو جهاز الأمن والمخابرات إمّا بيشارك نافع في هذه الجريمة أو يحاول الآن انقاذ نافع من تلك الجريمة أول ما فعله أنكر اعتقال بوشي ... واحتمال يكونوا ما اعتقلوهو زاتو ... ممكن يكون ناس كتيبة نافع جابوه لى ناس الأمن بعد الموضوع استفحل وما عرفوا يلمّوهو كيف ... المهم الممارسة بتحصل رغم انو نظم الدولة ما بتسمح بيها

.
..
...يعني هسع ديِ المطلوب مني شنو؟؟؟؟ ... و اعمل شنو انا؟؟؟؟ ...واقول شنو ..؟؟؟؟؟...اقول الروب .؟؟؟؟؟ .... طيب الرووووووب ....يا تبارك ..... الرووووووب ياقراء سودانيزاونلاين ......الروووووووب يا بكري ابصلعه ....و انشاء الله تقوم ليك قرون في السريفر بتاع الموقع .... عشان يناطح الهكر الــــــ زي تبارك ده ....
.
...يا تبارك ياخي .....نظام شنو الابن ستين ###### ده الما بيسمح بالاعتقال .... وفي نفس الان و الحين شخصيه تعد من اعمدة نفس النظام مثل نافع....يسمح بالاعتقال .......كيف يعني ؟؟؟؟ يسمح ثم لايسمح في نفس اللحظه ؟؟؟ ممكن نقول يسمح الان ؟؟؟؟ لكن بكره يغيَر رايو ما يسمح !!! لكن في نفس اللحظه .... النظام و القائم مقام النطام ...يسمح و لايسمح ...يعني دي دولة حواه و اللاَ كيف؟؟؟؟....
...
.. اليد اليمني تسرق .... و اليسري تسبح بحمد الله في الاعالي؟؟؟؟....
...
....الايادي تقتل ... و قلب الايادي ينفطر بالرقه والحنان العباسي .... الاكثر رقه من الاموي ...لارتكاب الايادي جريمة قتل ؟؟؟!!!
...
.... رئيس النظام يعلن و علي رؤوس الاشهاد .... قتله عشره الف من مواطنيه التابعين لجهاز دولتو ...و ليس 300 الف .كما يشيع الحاقدين و دول الاستكبار..و النظام القضائي ...بتاع رئيس النظام و اللهو تابع لهيكل دولة (محمد حسنين) ... يلبس رواحات الطريفي ... و يعمل ماشايف!!!!!؟؟؟؟
...
وده كوووووولو ما كفايه ..... انت كمان جايي بتمنطق الاشياء ...عشان نبلعها ..مملحه.. و لـــِ منو في جهاز الدولة ....لجهاز امنها ...(.لانو اما بيشارك نافع ...او يحاول انقاذو.. الخ ...من الكلام البطيخ في هردبيس ده ) و كأنو نافع ده مسؤول في جهاز دولة بوركينا فاسو.... بعدين ياخي هي دي ذااااتا دولة شنو الفيها نظام قضائي و بوليس ...وجهاز امن ....و حنان بولو بلو ...و ندي القلعه ... و مشروع الجزيره ....و جنوب وشمال و شرق و غرب ...وحينما يختفي احد المواطنين من اهلو .... و يمشوا يستفسروا عنوا نبقي في نظريات الاحتمالات و جماعات الملوص و الكرين واستنكاحات سوق المواسير ؟؟؟

.
.
.

Quote: . دا الإحتمال المظبوط ... لو قريت تلاتة صفحات في الدستور وانت قاعد في حافلة مارة بى موقف شندي قريب لى مكاتب الأمن السياسي ... بتفهم انو دا الإحتمال المظبوط ... مشكلتنا مع الدايرين يبيعوا الدستور ... ودا اسوأ اتجاه للتعامل مع الحزب الحاكم وأجهزتو الأمنية

.
..البيبيع في الدستور منو يا تبارك ؟؟؟؟....الناس البره الدوله و بلعلعو ..زي اخونا كوشي منَه ده .....و اللاَ الناس الجوه الدوله و قابضين علي مؤسساتا ؟؟؟؟؟ انت ياخي عينك للناس العندهم الدوله و الدستور و الفلل والعده كولها و تكدّس في ورقك الفاضي عشان تكتب فيهو عرضحالات لناس ما عندهم عده اصلا و مشردين علي سطح الكون ....و تبيَعم الهواء علي ورقك ده!!!؟؟؟؟
..
و في الحقيقه الجوَه جهاز الدوله ما بيبعوالدستور ...و ياريت لو كانوا خاتَنوا في خزنه ...زي ما قالت ليك اختنا عفراء .... لانو الحاجه البختوها في الخزنه ....دايما و ابدا بتكون حاجه ثمينه ...و الناس خايفه عليها و دايرا تحتفظ بيها في مكان امين بعيدا من الرجرجه و بغاث الطير ...الزيي و زيك و زي قيقراوي وبقية الرهط ...(طبعا بتفكيرم هم) ...و البحصل في الواقع هو ما حفظ للدستور في الخزائن بل هو الدوس عليه بجزمم مع حراسة الديدبانات بتاعين جهاز دولتم ليهم بالسنوكي من امثالنا المتفلتين.....و ما تفتكر انو كونك جبت نسخه منو بيعني انوطلع طازه من الحفظ و الصون التخزيني لهيكل الدوله بل طلع من رحم التضحيات العزيزه القامو بيها ابناء و بنات شعوب السودان ..ولانو ببساطه هيكل الدوله و العصابه القايمه علي هيكل الدوله ...ما كانت دايراهو و ما فكَرت فيهو إلا بعد ما اتعصرت و جابت الزيت بنضالات واسعه ومتعدده و متنوعه مجرتقه باحزان ودم و دموع ملايين الضحايا من قتلي ومفصولين عن العمل و مشردين و انتفاضات لقطاعات واسعه من مخلتف السحنات و المشارب للشعوب السودانية ...و من ضمن تلك النضالات ...البندقيه كواحده من اليات المقاومه ..... وكانت مجمل هذه النضالات تتدوس علي حزنها و وجعها وتتبختر في خيلاء ثم تتقدم لاصابة هدفها و الانتصار لوطنها و قادم اجياله لو لا هذه القوه الشريره يا صديق ... قوي العولمه التي تقودها امريكتم دي ذااااتا انت و بشاشا صحبك ده ....ـــ طبعا استراليا من ضمن قوي العولمه دي.ــــ و لو انتو مفتكرين العولمه دي هي اسم الدلع لحبوبه عليمه جارتكم ....فحقوا تتحسسوا دماغكم وادميتكم و تعيدو حساباتكم ....لانو شايفكم معولين عليها شديد ....في حلول مشاكلنا!!!
.
.
.
...ياخي انا داير اقرأ لي حاجه ...لاحظتها قبيل و ماشي انوم ....بكمل ليك بكره ....لانو ردك ده كولو طبيخ في بطيخ ...
...و إستل يا بشاشا .... انا جاييك كمساهمه في تطوير النقاش ....لكن يحلنا الحلَ بله من تبارك ... بس بالله عليك الله ذكروا ...
...قول ليهو الناس البداخلو من حين لاخر ديل ما يايات ...ديل مساعدين ....و البوست مفتوح ليهو هو خصوصا وانت معاهو ...
...لانو شايفو داير يجرجرني .... بــ انداح ... وانتو شنو كده ما عارف ...
..عشان البوست يستعدل ...و يكون عضمو المساجلات البينكم .... و منكم نستفيد
..
...غايتو ..ورطه؟؟؟

.

ياخي انت قلت دا دستور بلدي وانا معترف بيهو وداير احاسب بيهو نافع .... وجا تبارك شيخ الدين منعك؟

لاكين الما بيعترفوا بالنظم والدساتير الديموقراطية ودايرين يغييروها ويعيدوا هيكلتها ... هياكل شيوعية أو وهابية أو هيكل "عييييييكي" زي الطارحو بشاشا دا ... الناس الزي ديل اخير لينا منهم نافع مليون مرة ... الديموقراطية حقت الشعب ... دفع فيها دم الملايين من ابناؤو ... والبيحاول المساس بأنظمتها وهياكلها الأساسية بنعلن عليهو حرب طوالي ... زي عملية نافع بتاعة اساءة استخدام السلطة دي هي الداخرين ليها النظام الديموقراطي عشان يحمينا منها ... يجي زول يتعذر بسلوك نافع عشان يزيح النظام الوحيد البيحمي من نافع؟

انتو لامن قاطعتوا الانتخابات قايلنها شفتنة وضغط على الحكومة ... واتعاملتوا مع مقدّرات الشعب بطريقة التعامل مع انتخابات الإتحادات الطلابية ... بى سلوككم دا أنتجتوا الوضع الراهن المحيّرك دا ... والشعب بيدفع معاكم تمن المغامرات السياسية الغير محسوبة (انا بتكلم بصفتك يساري، ويساري للأمانة بقصد بيها شيوعي ناكر الشوعنة) ... نحن عندنا ألف نافع في تاريخنا ... وعندنا مليون نافع جايين في السكة بى طريقتكم دي ,,, لاكن هيكل الدولة المؤسسي والنظام الديموقراطي الدستوري أول مرة نجربو ... والمرة دي ما بنفكّو ... الجلابة والأفندية واليسار ياما وياما اتآمروا على الديموقراطية قبل كدا ... تاني بابح ... لامن تسرقوا انظمتكم السماوية دي ما قاعدة تنص على أي شي ..

والدنيا دي مافيها نظام حكم مثالي ... مش لو تقرا شعر ولاّ تلحن ... فيها أنظمة واقعية تتعامل مع مشاكل البني آدم كما هي ... يد تسرق عندها نص في دستور النظام ويد تسبّح عندها نص في دستور النظام ... أنظمتكم بتاعة الأيادي النظيفة البتسبّح فقط دي ما لازمانا ...




... المهم ....

Quote: وليد محمد المبارك دا كان مرشح في محلية كرري ... الاشتغل معاهو من هتّيفة المنبر دا منو؟

في ناس اشتغلوا معاي من المنبر ده
لكن ما هتيفة



200$
شمس الدين السنوسي
قام المانح بصرفها مباشرة وذلك بحجز نطاق على الانترنت ومساحة لموقع
المرشح الالكتروني


300 جنيه سوداني
حيدر الزين


236 جنيه سوداني
رجاء العباسي


250
عمر سعد



عادل عبد العاطي
استشارات ، وصياغة البرنامج الانتخابي

فرحات ( زميل المنبر )
استشارات

ادم موسى
استشارات

تبارك شيخ الدين
استشارات



ديل كلهم اشتغلوا معاي
والعذر لمن فاتني ذكره

لكن كلهم ما هتيفة
بس في المنبر

Quote: (انا بتكلم بصفتك يساري، ويساري للأمانة بقصد بيها شيوعي ناكر الشوعنة)

اذا بتريد .. اتكلم بصفتو بلشفي بخشم الباب .. و لا ناكرا ذاتو ..
المافي شنو؟ .. على مسئوليتي انا دا

بس لكن ما وريتنا هو قال شنو كشف بيو يساريتو الداسيها دي!؟

بالجد يا طبارك كلامك احاجي و غلوتيات ساي!

انا كنت مقاطع انتخابات ربيع الخجة 2010 السوداءنية دي .. و من قولة تيت
و رأيي فيها انها خيانة و تآمر على الديموقراطيةبخشم الدرب. خضعت للديموقراطية في حزبي -وكتها- و سجلت، و لمن قاطع باركت مقاطعتو، مع انها جات متأخرة جداً ..
بعدما ياسر عرمان جهجه باكاتم، و كاد يكشف اللعبة كلها(!)
و دي علامة تعجب و يضاف ليها علامة استفاهم ح تحاصر الحركة الشعبية لي يوم الدين، و تحدد مستقبلها الساسي في الشمال (السودان الفضل) ..
مدينين لينا بالحقيقة و اعتذار لو لزم الامر.

ما تحاول تقنعني يا طبارك انو فجأتن كدا الكيزان بقوا ديموقراطيين .. و بقدسوا قيمها
يا زول!؟
طيب ليه انقلبوا على تجربتها الفطيرة في مهدها ؟

Quote: الديموقراطية حقت الشعب ... دفع فيها دم الملايين من ابناؤو ... والبيحاول المساس بأنظمتها وهياكلها الأساسية بنعلن عليهو حرب طوالي

ما شايفك بتنهز في نحاسك .. 23 سنو مش بس مسوا انظمتها (الغضة) بل عفصوها و بالوا فوقا!

و اتفضل شوف بعينك و اسمع عن الراكوبة البتشكر لينا فيها في الخريف دي :

عن الرفاعي عن الصحافة عن عمر البشير انه [وجه انتقادات حادة لمالك عقار وقال] :

Quote: " «نصبناه حاكماً واعطيناه الميزانية ،لكنه طلع تور وما بفهم وأعمى بصيرة»،

خلي بالك عقار شارك في الانتخابات، و فاز عديييل . .. شوف البشير بول شنو!؟

[نصبناه حاكماً]

زنننننننن!!
اها كضبت زمان و لّ اسي يا ابو عمير!؟

رواه قيقا راوي .. من هنا شخص غير محترم تماماً ,,,



يا طبارك ليس بيدك شئ بالجد
الله دا شافوهو بالعين و لّ عرفوهو بالعقل!؟



------

يا وليد انا طبعاً لاني مقاطع ما شاركت لا مادياً و لا معنوياً ...
لكن كمطبل في البورد دا و الله اتذكر طبلت ليك لمن جابوك في الجزيرة



التعديل : لاضافة المصدر ... صراحة خايفكم ما تصدقوني!
ما بلومكم .. انا ذاتي ما كنت بصدقني

Quote: اذا بتريد .. اتكلم بصفتو بلشفي بخشم الباب .. و لا ناكرا ذاتو .. المافي شنو؟ .. على مسئوليتي انا دا بس لكن ما وريتنا هو قال شنو كشف بيو يساريتو الداسيها دي!؟

انا كدا عرفت انو "حلولّي" اتورط ... عشان تنقشع عنك غمة الغلوتيات ... يسارنا - الله يكرم انصار السنة - برجوازية صغيرة ...

جماعتنا بيقولوا "فلان دا مفلهم؛ يبزّغ في الرُز" ... انت وكت جاتك ذات الخجة في محلك وقاطعتها ... الحاميك القعاد في الواطا شنو؟

Quote: ما شايفك بتنهز في نحاسك .. 23 سنو مش بس مسوا انظمتها (الغضة) بل عفصوها و بالوا فوقا!

ما عوّدتنا تشخصن المواضيع يا قيقا ... نحن بنفترض انك يسار وننضم معاك ... ما تاخد الموضوع شخصي ... بما انو انا ما بعبّر عن أي جهة ... فانا زمان الفي قدرتي سويتو وهسى الفي قدرتي بسوّيهو وبكرة الفي قدرتي حا اسويهو ... لو حسيت باني مفروض اتجهجه (ابقى جهوي ومنتمي لجهة زي ما قال عادل امام "هي رآصة وي بطرؤص") بنتمي لى جهة وبتحمل النقد الموجه ليها ... في المنبر دا انا وقفت قلت انا ابن مركز وسمعت رشة ناس الهامش كلهم ... بعد داك انا لسة ابن مركز ... لأنو المسألة ما خيارات بالنسبة لي ... فلامن تكون يساري ونرش اليسار اتحمّلنا شوية ...

Quote: يا طبارك ليس بيدك شئ بالجد الله دا شافوهو بالعين و لّ عرفوهو بالعقل!؟

بالعقل ... خش نسمعك ... معاك أحلى مايك ...

(والله دايرين تكتلوني بالضحك! انا اظني جنيت!)





... المهم ....

يا طبارك و الله اعتذاري لو لقيت في كلامي اي شخصنة
ابداً ما مقصودة

فب الجزئية الجا ذكر الشخصنة نعليقاً عليها ..
قصدي طالما كلنا متفقين على انو ثواب الديموقراطية خط أحمر .. طيب ماذا تعيب علينا!؟
ليه ما شايف انو الاتقاذ قاعد تعفص خطنا الاحمر دا .. و بشكل مستفز و حقار جدا!؟
بس (بكسر الباء)

دي كلة الكنتة
شخصك عزيز جداً علي و مقدر







---------

ما وريتنا رايك في كلام العوير دا!؟
بالمناسبة البشير ظهر بالبزة العسكرية في كم مناسبة بعد ابريل 2010م!

انا غايتو ناهز لي نحاس في طبلة اذني الخاصة
و داير اسقط النظام دا .. و ح اتعاون مع كل البهدف لي كدا
اكبر عائق قدام تجذير واستدامة الديموقراطية هو النظام القائم دا
هو عدو الشعب، المضيع تضحيات شهداء الديموقراطية

Quote: ليه ما شايف انو الاتقاذ قاعد تعفص خطنا الاحمر دا .. و بشكل مستفز و حقار جدا!؟

ولو مافي رد من داخل الدولة ونظامها وهياكلها ... نحن تعبانين فوق ام كم؟ المطالبة بالحقوق الدستورية دي (لى "بوشي" مثلاً) بنطالب بيها ليه؟

ياتو يوم كانوا المعتقلين بيكونوا عندهم محامين ينكتوهم من قعر السجون ويضطروا الأمن يعلن عن اعتقالهم ومواعيد زيارتهم ...

العافية درجات يا مان ... الناس الحايمة دي كلها ما فاهمة ولا متوقعة ولا مصدّقة التزاماتها ومسؤولياتها الجديدة ...

إحنا كنا فين وبئينا فين زي ما بيقولوا المصريين ... انت ما شايف انو النظام الحالي ما كان موجود في اعتقال دكتور علي الفضل؟ النظام الكان موجود في حينها نظام انقلابي بأجندة تمكين وجهاد وإزاحة لأي تيار معارض ... دستورنا كان 12 صفحة موقع عليها الزبير محمد صالح ... تخيل؟



... المهم ....

Quote: إحنا كنا فين وبئينا فين زي ما بيقولوا المصريين ... انت ما شايف انو النظام الحالي ما كان موجود في اعتقال دكتور علي الفضل؟ النظام الكان موجود في حينها نظام انقلابي بأجندة تمكين وجهاد وإزاحة لأي تيار معارض ... دستورنا كان 12 صفحة موقع عليها الزبير محمد صالح ... تخيل؟

معاك يا تبارك

لكن كدي اقرأ التحت دا، أها الجمهورية التانية دي دحين ما يا ها الاولى ذاتا بتاعت الزبير ولن نحن تشابهت علينا الجمهوريات

Quote: أكد الرئيس السوداني عمر البشير أن الشعب السودانى حسم توجهه وهويته، وأن الشريعة الإسلامية ستكون المصدر الرئيسي للدستور القادم في البلاد. وقال البشير ـ في لقاء جماهيري حاشد اليوم الثلاثاء بمدينة كوستي بولاية النيل الأبيض ـ "إن الدستور سيغطي كافة مناحي الحياة ليصبح نموذجا للثورات الناهضة في منطقة الربيع العربي". وأكد أن مصير كل من يعادي السودان ينتظره مصير القذافي والطغاة الذين دعموا حركات التمرد في السودان، وأضاف "إن مالك عقار وعبد العزيز الحلو اللذين يقودان حرب الحركة الشعبية قطاع الشمال في النيل الأزرق وجنوب كردفان، لم يعيا الدرس فكان مصيرهما أن القوات المسلحة لقنتهما درسا لن ينسياه". وأشاد بجهاد الشباب الثائر في ليبيا ومصر وتونس، وقال إن السودان شهد ثورته قبل 23 سنة في 30 يونيو 1989 "ثورة الإنقاذ". كان البشير دعا المفكرين وأساتذة الجامعات والقوى الوطنية للمشاركة في صياغة الدستور الجديد للبلاد "ليكون موجها ومرشدا وراسما لصورة السودان المتجدد في الجمهورية الثانية".

المصدر:
http://www.watan.com/news/world-news/2012-01-04/1017

تبارك سلامات

أري انك تستند فى كل كلامك علي أن المعارضة فوتت فرصة الانتخابات و مفروض تنتظر الانتخابات الجاية عشان الفايز ( ديمقراطياً) يصل الي السلطة و تنحل المشكلة كلها..اي بعبارة أخري مافى داعى لاسقاط النظام او معارضة مسلحة و نحو ذلك .. المطلوب انو الناس ترجا الانتخابات.. أي انك تركز بشكل قوى علي خوض الانتخابات فى ظل هذا النظام فى مجمل حديثك.. و هذه هى القاعدة أو الاساس الذى تبنى عليه مجمل رؤاك لحل اشكالية الحكم فى السودان...

و اعتقد أن هذه القاعدة التى تسند حديثك اعلاه..هشة للغاية .. و ممكن نقول منتهية عديل كدة.. لانه ببساطة شديدة ..مافى نظام ديكتاتورى - مثل نظام المؤتمر الوطنى - يسمح بتدوال سلمى للسلطة عن طريق الانتخابات.. هذا من البديهيات فى تاريخ النظم القهرية..هذه الانتخابات التى جرت او التى سوف تجري تحت ظل هذا النظام انتخابات شكلية اي غير حقيقية .. و لا يتوفر فيها زيرو فى المئة من النزاهة و الشفافية.. و لو كسرت رقبتك ما بتقدر تنافس بنزاهة مرشحى هذه النظم الشمولية.. و هم فايزين فايزين فى النهاية.. يعنى فى النهاية ما تكون عملت اي حاجة مفيدة.. و يظل نفس الحال مستمر - الظلم، القهر، القتل، الجهوية، العنصرية الخ...

والقوانين التى تذكرها بانها موجودة الآن تحت سلطة المؤتمر الوطنى..و علي المعارضة الالتفات اليها..هى قوانين حبر علي ورق..كلام فارغ ..لانها غير منفذة فى الواقع ..و لا تخدم قضية التحول الديمقراطى او العدالة .. امسك من الدستور الي قوانين الاحزاب و الانتخابات و ووو... طبعاً فى عضُما قوانيين ممتازة للغاية .. و لكن لا يمكن الاستفادة منها فى أي (شئ) .. لانها تخضع فى نهاية الامر لقضاء فاسد و مؤسسات عدلية منهارة و مؤسسات تشريعية ميتة تمتهن النفاق فقط..

Quote: حا تعمل قانون يمنع تأسيس الأحزاب على أساس عرقي أو طائفي أو جهوي؟ القانون موجود

Quote: لأول مرة في تاريخ المواطن السوداني منذ عهد دويلة كوش الشمولية ... استطاع المواطن التصويت في ثمانية بطاقات مختلفة من رئاسية لولائية لمحلية لحزبية لقوائم مرأة لتصويت حر مباشر ... ثمانية درجات ونسب لتمثيل المواطن في السلطة ... عن دوائر جغرافية يتراوح متوسط سكان الدائرة 140 ألف نسمة في كل السودان

Quote: الإنتخابات المنصرمة كانت الأولى من نوعها في تاريخ السودان وشاركت عوامل كثيرة في أن لا تكون نتائجها تعبّر عن الرأي العام السوداني

Quote: شايل يافطة الحوار وواقف مع برنامج سيدي الإمام في معارضة القوة الناعمة لغاية الإنتخابات الجاية ... ويافطة المشاركة في الإنتخابات الجاية راجي بيها نتايج الحوار والسوفت باور ... عشان ارفعها ليك اقول ليك يا عفراء استعدي لإنتخابات 2015 ...

بوست متعة

سلام يا بشاشا، تبارك والدفعة قيقراوي

الانا مستغرب ليهو لييه بشاشا مصر ينتظر في راس التمنتاشر لمن الكورة تجيهو مدردقة عشان يجيب القون!

بشاشا في وادي (انا خابرو) واخونا تبارك في وادي آخر، وكل دقيقة والتانية بشاشا يقول لي تبارك
لا ياخي انت لسه ما فهمتني، كيزان شنو ونيفاشا شنو

الكلام الفوق دا ممكن تتجاهلوهو بكل بساطة

نقطة سطر جديد

انا اتفق مع بشاشا، حتى وان لم يفصح الى الآن عن آلياته لتفكيك ماهو قائم الآن (منذ 56) لخلق دولة غير جهوية

فذات الامر يؤرقني جدا

انا مشكلتي ليست مع الدستور، او البرلمان او .... الخ (بالمناسبة دي عندنا دستور مكرب جدا)

فعلا النظام القائم من 56 او حتى من قبل كده فيهو مشكلة كبيرة جدا، يعني في عضم الدولة نفسها
عضم الدولة هو شنو بي فهم بسيط؟؟ هو انسانها، لمن يكون في مشكلة في عضم اي شغلانه تاني اي محاولات
للتجميل بدستور (مكرب) وبرلمان كبير وفيهو تمثيل نسبي وخرتمية وزير ... دا كله ما بنفع انو القصة
ح تمشي لثورة مسلحة او غير (في الغالب الاعم ستكون مسلحة)

فيا تركب سفينة الثورة دي يا تلجأ لجبل قد يعصمك من الطوفان او تتلحس

نرجع لحتة انسان السودان اللهو عضم السيستم

السيستم الفي سودان قبيح لاقصى درجة، اسغلالي حد الاستعباد، ما منو رجاء

والقصة اي زول شايفها وعامل منها نايم او ما حاسي بيها او لا يعتقد انها مشكلة اساسا

اي حافلة في الموقف لو كان سايقها زولا ازرق فاحتمال انه سواق اجير فيها زي 90 في المية كده اي بالضرورة ان
مالكها بالضرورة جلابي

اي شمالي شايل طورية وماشي جهة الحواشات في الجزيرة فبالضرورة هو ماشي حواشتو، اما لو سألت اي غرباوي
في نفس الجهة فلابد وان الاجابة ستكون - ماشي حواشة فلان - بالضرورة جلابي
وشايفك يا تبارك جيت على سيرة ما يحدث بالجزيرة - ساعود لمداخلتك مرة اخرى -

وهنا ممكن شوية احاول ابين الفرق بين وجهات النظر ولييه بشاشا بعتبرو للآن حوار طرشان

استشفيت من كلام تبارك عند ذكره لحوادث كنابي الجزيرة انو بتكلم عن عنصرية ودا كلام ما صاح ومفروض يتعالج والقانون يتصلح
والدستور يتفعل والعنصريين ديل يتأدبوا ... الخ


اما بشاشا ما شغال بقصة العنصرية دي كتير، وانو القانون مفروض يشتغل والبقول لزول يا عب ودوهو السجن ...


بشاشا بسأل او بفترض انو الثورة دي لمن خلاص الهردبيس ينتهي الزول الغرابي دا يكون مالك واطة في الجزيرة زيو وزي اي زول تاني
جلابي وللا شريفي

بشاشا داير يضرب السيستم المندسي داك THE UNWRITEN LAW بين الجلابة، علي باليمين ديل عندهم سيستم اسكت ساكت بس
ما عراف قبل فترة مع التشكيلة الوزارية الجديدة زي القريت لي عنوان بوست لواحد من دارفور مبسوط انو التشكيلة
الجديدة فيها ستة وزراء ووزراء دولة من دارفور عيييييييييييك على قولك يا بشاشا

ما داير احلف ساكت، لكن لو مجلس الوزراء كله بقى غرابة، مجلس شنو بي بشيرهم زاتو لو قام من الكرسي وال 66 وزير
من دارفور، دارفور دي ما تتحرك بنط واحد في التنمية لو الجلابة ديل قالو اوكي

بنك الشمال - سيدي الميرغني
سيتي بنك - سيدي المهدي (هو هسع عندو بنك شنو)
بنك فيصل - الكيزان

ولسه الجلابة ماشين في السكة يمدوا

السواد الاعظم من انسان السودان عايش على هامش ما يتيحه السيستم (نميري - احزاب - كيزان - عبود) ما فرقت

الليلة نزرع قصب - خلاص نزرع قصب، تلاتة انفار بحددوا لزي كم الف من العمالة الموسمية مسار حياتهم الليلة بايتين في
كنانة وللا نمشي نحصل لقيط القطن في طابت؟؟
ياهو كده، بس لافين في محيط ومزاج من يمتلك البنوك، شركات الاستيراد والتصدير، الوسطاء، الوكالات الاجنبية، شركات النقل

ساهرتوا بينا

جاو

Quote: بشاشا داير يضرب السيستم المندسي داك THE UNWRITEN LAW بين الجلابة، علي باليمين ديل عندهم سيستم اسكت ساكت

طيب انت قايل الحوار دا القصد منو شنو؟ ... غرس الوعي أصلاً بيتم بالحوارات المتأنية البراحة ... لا بالثورات لا بالأسلحة ... بالعكس ... الثورات والأسلحة دليل صحة على وجود الوعي وانتشارو ...

انا قدر ما اتكلم في الأنظمة والخطابات السياسية ... ما جبت سيرة المكان المتأثر بهذه الأنظمة وهذه الخطابات نهائي ...

أصابتنا تشوهات في وعينا بهويتنا الذاتية ... وتشوهات في وعينا بالعالم حولنا ... وبالتالي تشوهات في منظورنا الكوني وموقفنا من الحياة ...

طبعاً انا من الأول فاهم انو دي الحتة البيقصدها بشاشا ... ودي الغلات بتاع بسووها كدا ... لا ما بسووها كدا ... وتشهّد نفرين وحليفة وحردان ... دا الشغل البيذكرنا بانو نحن سودانيين قبل تطور الثقافة المركزية في الإتجاه الجهوي دا ...




... المهم ....

ابدا يا صديقي ابنعوف.. الموضوع ما تبارك و دفعتك (برلومنا طيب الذكر قيقراوي ، قدس الله سره..و على قول قريبك الحلفاوي ، الماعارف يقول عدس)..
بشاشا حبابك يا صديقي..ليه بتحرجنا كده ياخي؟..خلي لينا فرقة غلط عشان نغالطك بيها مع الناس ياخي..
ول ابا تبارك.. حبابك..و كتر خيرك على الإستبسال هنا..و بصراحة قربت تحنكني عدييييل بنضميك المجيه ده..و لكن..!
الدويلة يا تبارك مش بدت بالمؤتمر الوطني و الحركة الشعبية و اتقافية نيفاشا..الدويلة دي قاعدة منذ التركية السابقة..و القاعدة القانونية الأصولية بسيطة للغاية و بتقول ما بني على باطل فهو باطل..!!..نقرا تاريخ..ح نمشي لي قدام.. امسك لي و اقطع ليك.. باكر انت ح تسوي ليك سلاح..و انا ح اسوي لي سلاح..و نحن الإتنين ح نلق امات طه..!!

دحين يا اخوي كيف انت ، بجلالة قدرك ، تقعد تعاين لي في نيفاشا ، و جون قرنق..و عييك و عاك.. و تحرجنا بحكاية ياهو السستم قدامكم وروني الغلط فيهو شنو؟.. السستم يا تبارك ، في دار ام سودان ، ليس نصوص على الورق (ياخي قريبتيك كوندليزا رايس مرة دقت جرس و قالت حكومة الخرطوم دي حربوية.. واكتر منعطفات الإنزلاق بتجي منها.. فهي بتقول كلام ..و بتفعل فعل تاني ، اخير نرجاها تفعل ثم نبني موقفنا..و رايس اتلحست يا تبارك..و لازالت حكومة الخرطوم تصدق انها تجيد الفهلوة..ما علينا..و المهم على قولك)..!

داير نقدم وعي لجماهير الشعب.. خلينا نحسبها واحد واحد (ياتو يوم النخبة كانت مستعجلة؟..انت نخبة يا تبارك و نخبة مهمة للغاية)..!

اها السستم القاعد تعتمد عليهو.. انا القدامك ده (مش فشخرة و فشر) خريج قانون..و عارف انو عمر البشير و من وراءه المؤتمر الوطني ..و من وراهم الجبهة الإسلامية القوميةو..و من وراهم حركة الأخوان المسلمين العالمية.. كلهم جاؤا في غفلة من الزمان و على ظهر دبابة..و خانوا ديموقراطية (بخيرها و شرها ).. و نطوا في الحيكومة.. باقي ليك ديل ح يجيبوا سيستم بيحترمني و بيحترمك..ولا بيحترم البعثي محمد حسن عالم (نسوي شنو يا تبارك..اهو نحن السودانيين كده..و في الملمات بنتفق!!)؟..ولا ح يجيبوا سيستم عدي من وشك..ينحني مع العاصفة..و بعد ما العاصفة تفوت يقول ليك ما دايرين دغمسة..؟!!

يا تبارك يا اخي.. الدويلة البيقولها ليك بشاشا دي كانت عاملة فيها مهيمنة..و متسلطة و ابت تسمع كلام شعبها لمن هي ذاتها انسرقت ( انا اجزم قطعا ما يفعله المؤتمر الوطني ليس له علاقة بمصالح اهل السودان ، و له علاقة كبيرة بمصالح حركة الأخوان المسلمين العالمية ، و الترابي اكبر دجال على وجه الأرض و هو الذي خلق ظاهرة عمر البشير ، و الظاهرة فلتت منو عشان كده بيحاول يتدارك امرو.. لأنو في غول هناك اكبر منو قاعد يحمر ليهو..!!)..

السستم بتاع الدستور..و بتاع افتحوا الباب ناس جنوب كردفان ينتخبوا عيالهم و بناتهم..و كذا غيرهم من اقاليم السودان.. سيستم كويس نظريا.. لكن لمن تجي للممارسة اليومية بتجد انو السستم مخترق للغاية.. كيف يعني سستم يجيب ليهو رجال و نساء من المؤتمر الوطني فقط (ياخي حتى البقارة و النوبة بتاعين جنوب كردفان ، وحياتك كلهم مؤتمر وطني..!!!؟.. ياخي كارتر مرتشي (و انا مسئول من العبارة دي)..و الغيروا برضك..!!

امريكا يا تبارك ما حدثت فيها حروب مثلما حدث في السودان..و اليوم السالت فيهو دماء.. سالت مرة واحدة و قبل مئيتن و خمسين سنة..و لمن سالت الناس وقفت و سألت نفسها: الغلط شنو البيخلي الدموم تسيل قدر ده؟..و منها عرفت السكة الصاح..و لغاية اليوم ماشة فيها؟..

و ده عيب الدويلة السودانية.. ما عندها البصيرة عشان تقيف دقيقة و تسأل روحها الغلط شنو؟؟ لكن بتكابر ..و تجي تقول ليك ، بعد ما تتعصر طبعا، تعالوا نسوي دستور و نعترف بالتنوع و نسوي حق تقرير مصير..و نعمل تمثيل نسبي والذي منو..و اول ما تقضي اغراضها تقول ليك ما دايرين دغمسة..و الشريعة هي الأساس..و كسوداني يا تبارك.. لمن يجيني زول يقول لي الشريعة هي الأساس.. معانتو انو هوية السودان اتحسمت..و العرب ياهم عيال بلد يقوموا يقعدوا على كيفيهم (و من الآخر انا عربي و برفض الدغمسة دي..و انت نوبي و رطاني ، و الأغرب تتوسم فيها الخير.. خير شنو يا تبارك مع ناس نافع و البشير و الصادق و الميرغني و عبد الله مسار؟)..!!

كل الناس الوقفت ضد تحالف كاودا ( ان شاء الله تطير عيشتو ياخي)..فاذا افترضنا جدلا ان التحالف شال بندقية لإحداث ما يتوهمه من تغيير في السودان.. يبقى المبرر الأخلاقي شنو الناس تقبل بالبشير (الجاي بدبابة في غرة ليل بهيم)..و ترفض بندقية كاودا؟..اخلاقيا من يبرر لوجود البشير و الجبهة الإسلامية المغتصبة لأمر الحكم..لا يمكن له ان يرفض التغيير عن طريق البندقية..الموضوع شنو نقة وونسة؟ ..ولا مفاكرة حارة للغاية.. عشان نعرف الصح شنو و نمشي لي قدام؟..

دويلة السودان عنصرية و جهوية ..سواءا كانت عسكرية من زمن سيدنا عبود سوداني اصيل.. او ديموقراطية.. أو عسكرية تانية من زمن سيدنا عمر البشير..و على عثمان محمد طه..و الترابي في ذات نفسه..و العنصري يا تبارك يعتمد على افة العنصرية لتمتين موقعه..ولا يستأمن على الديموقراطية الواحدة دي..!!

انت سالت دايرين شنو؟..دي اجابتي .. و غير ملزمة لأي جهة كانت ، تحالف كاودا ولا عدل و مساواة..ولا تجمع وطني..ولا مؤتمر شعبي..الخ..
كمواطن سوداني.. مطلبي الأساسي ان يسلم عمر البشر نفسه لمحكمة الجنايات الدولية و يتحاسب على ما ارتكبه من جرائم (ما تقول اديس ابابا ولا الدوحة ولا كاس ولا زالنجي..).؟.

الجبهة الإسلامية (معليش نسمي الأشياء باسمائها ، مافي حاجة اسمها مؤتمر وطني..كلو تلفيق في تلفيق..!)..تقطع وشها..و كفاية المآسي التي فعلتها في السودان..و الداير يقول لي ده اقصاء.. عليه ان يجبيب على سؤال: لماذا توطيد مشروع الجبهة الإسلامية في السودان كلفني ابادات عرقية و جرائم حرب ..و جرائم ضد الإنسانية .. و تقطيع البلد التي اعرفها و اؤمن بها؟..و فوق ذلك جرائم اقتصاد و مؤامرات ماليها حد؟.. ياخي الجبهة الإسلامية اليوم لو قالت لي انا محمد رسول الله صلى الله عليه و سلم .. ح اقول ليها فلتذهب الى الجحيم..!!!!!!

دايرين سودان يمشي لي قدام ما ترجوها من الترابي ، فهو ان طار او رك..جبهة اسلامية..و خرب السودان و طلع دينو عدييل..و نحن لسع بنتذكر لمن كان بيقول لينا بن لادن الأب الروحي للحركة الإسلامية في السودان..؟ انت وبن لادن ن يا الترابي ، فلتذهبوا الى الجحيم ..و ليبقى لنا هذا السودان.. ان شاء الله شبر تراب ساكت.. ناس الجزيرة يبصقوا فيهو سفة تنباكهم المصنوعة في دارفور..!!!
السستم يا تبارك كويس و ما فيهو عوجة.. لكن الكلام اخلاق البشر البتلوي عنق السستم..و ديل غير العين الحمرا مافي حاجة بتنفع معاهم..ياهم يا نحن..!!!!

كبر

Quote: بوست متعة سلام يا بشاشا، تبارك والدفعة قيقراوي الانا مستغرب ليهو لييه بشاشا مصر ينتظر في راس التمنتاشر لمن الكورة تجيهو مدردقة عشان يجيب القون! بشاشا في وادي (انا خابرو) واخونا تبارك في وادي آخر، وكل دقيقة والتانية بشاشا يقول لي تبارك لا ياخي انت لسه ما فهمتني، كيزان شنو ونيفاشا شنو الكلام الفوق دا ممكن تتجاهلوهو بكل بساطة نقطة سطر جديد انا اتفق مع بشاشا، حتى وان لم يفصح الى الآن عن آلياته لتفكيك ماهو قائم الآن (منذ 56) لخلق دولة غير جهوية فذات الامر يؤرقني جدا انا مشكلتي ليست مع الدستور، او البرلمان او .... الخ (بالمناسبة دي عندنا دستور مكرب جدا) فعلا النظام القائم من 56 او حتى من قبل كده فيهو مشكلة كبيرة جدا، يعني في عضم الدولة نفسها عضم الدولة هو شنو بي فهم بسيط؟؟ هو انسانها، لمن يكون في مشكلة في عضم اي شغلانه تاني اي محاولات للتجميل بدستور (مكرب) وبرلمان كبير وفيهو تمثيل نسبي وخرتمية وزير ... دا كله ما بنفع انو القصة ح تمشي لثورة مسلحة او غير (في الغالب الاعم ستكون مسلحة) فيا تركب سفينة الثورة دي يا تلجأ لجبل قد يعصمك من الطوفان او تتلحس نرجع لحتة انسان السودان اللهو عضم السيستم السيستم الفي سودان قبيح لاقصى درجة، اسغلالي حد الاستعباد، ما منو رجاء والقصة اي زول شايفها وعامل منها نايم او ما حاسي بيها او لا يعتقد انها مشكلة اساسا اي حافلة في الموقف لو كان سايقها زولا ازرق فاحتمال انه سواق اجير فيها زي 90 في المية كده اي بالضرورة ان مالكها بالضرورة جلابي اي شمالي شايل طورية وماشي جهة الحواشات في الجزيرة فبالضرورة هو ماشي حواشتو، اما لو سألت اي غرباوي في نفس الجهة فلابد وان الاجابة ستكون - ماشي حواشة فلان - بالضرورة جلابي وشايفك يا تبارك جيت على سيرة ما يحدث بالجزيرة - ساعود لمداخلتك مرة اخرى - وهنا ممكن شوية احاول ابين الفرق بين وجهات النظر ولييه بشاشا بعتبرو للآن حوار طرشان استشفيت من كلام تبارك عند ذكره لحوادث كنابي الجزيرة انو بتكلم عن عنصرية ودا كلام ما صاح ومفروض يتعالج والقانون يتصلح والدستور يتفعل والعنصريين ديل يتأدبوا ... الخ اما بشاشا ما شغال بقصة العنصرية دي كتير، وانو القانون مفروض يشتغل والبقول لزول يا عب ودوهو السجن ... بشاشا بسأل او بفترض انو الثورة دي لمن خلاص الهردبيس ينتهي الزول الغرابي دا يكون مالك واطة في الجزيرة زيو وزي اي زول تاني جلابي وللا شريفي بشاشا داير يضرب السيستم المندسي داك THE UNWRITEN LAW بين الجلابة، علي باليمين ديل عندهم سيستم اسكت ساكت بس ما عراف قبل فترة مع التشكيلة الوزارية الجديدة زي القريت لي عنوان بوست لواحد من دارفور مبسوط انو التشكيلة الجديدة فيها ستة وزراء ووزراء دولة من دارفور عيييييييييييك على قولك يا بشاشا ما داير احلف ساكت، لكن لو مجلس الوزراء كله بقى غرابة، مجلس شنو بي بشيرهم زاتو لو قام من الكرسي وال 66 وزير من دارفور، دارفور دي ما تتحرك بنط واحد في التنمية لو الجلابة ديل قالو اوكي بنك الشمال - سيدي الميرغني سيتي بنك - سيدي المهدي (هو هسع عندو بنك شنو) بنك فيصل - الكيزان ولسه الجلابة ماشين في السكة يمدوا السواد الاعظم من انسان السودان عايش على هامش ما يتيحه السيستم (نميري - احزاب - كيزان - عبود) ما فرقت الليلة نزرع قصب - خلاص نزرع قصب، تلاتة انفار بحددوا لزي كم الف من العمالة الموسمية مسار حياتهم الليلة بايتين في كنانة وللا نمشي نحصل لقيط القطن في طابت؟؟ ياهو كده، بس لافين في محيط ومزاج من يمتلك البنوك، شركات الاستيراد والتصدير، الوسطاء، الوكالات الاجنبية، شركات النقل ساهرتوا بينا جاو

سلامات يا صاحب ...

يا ابو حميد ... معقولة بس عايز تاكلنا حنك
خلينا من سواق الحافلة ومن صاحب الحواشة ...
إنت أحمد بن عوف ده ... ود الخرطوم شرق ... الجلابى ود الجلابة ...
أجدادك وآبائك تلقوا التعليم وتقلدوا المناصب المختلفة ... وينا حواشتك و حافلتك مع الرجال
وها أنت و أنا و الكثير من إبناء "الجلابة" مغتربين نسعى لرزقنا كالآخرين بالضبط
وأين ميزك السيستم قانونيا ولا رسميا عن الآخرين؟؟؟
دخلت جامعة الخرطوم بإجتهادك ... ودخل معك الكثير من "المهمشين" بإجتهادهم برضه ...
ورينى السيستم فرق بينك وبين د. خليل - عليه رحمة الله - بشنو؟؟؟
ولا بينك وبين الجنرال إيدام ...
ولا بينك وبين تراجى القانونية وصاحبة الجمعية إياها ...
ولا بينك وبين أبوبكر صالح صاحب أوكامبو ...
ولا بينك وبين محمد الزاهد صاحب المرصد ...

ولا يمكن الكم قيم فى إتحاد التنس ديك ... ولا شوية الإسكالوب بانيه بتاع النادى العربى داك؟؟؟

يا أحمد مافى عنصرية و تمييز مقنن ومؤسس فى السودان ..
ما هى إلا ظروف جيوسياسية وتاريخية وإقتصادىة وإجتماعية ... وأغلبها لها علاقة بفترة الحكم الثنائى و المهدية ..
ومثل تلك الظروف متوفرة فى كثير من الدول والأمثلة كثيرة ...
للخروج من هذه الحالة نحتاج لعلم وفهم وروح إبداعية وعمل جاد للأسف إفتقدها الآباء "المؤسسين" ويفتقدها السودانيين الى اليوم ...
وحتو ولو إفترضنا إن هناك نظام عنصري ....
درس جنوب إفريقيا ليس ببعيد ...

فليس هد المعبد بمن فيه ....و من ثم التفكير بما يجب عمله بعد ذلك على رأى بشاشا

الذى توافقه إنت ..
وإنما على رأى تبارك :

Quote: ... حلولنا تبدأ بقبول سيادة الديموقراطية أولاً ... ثم بتكريس قيمها من كفالة الحقوق المدنية والفصل بين السلطان والتعددية وسيادة القانون ... مع ملاحظة موازين القوي الاقليمية والعالمية وأجندات الاستغلال الإقتصادي وحروب الموارد بين الدول العظمي وتأثيرها على السياسة المحلية ... وأجندات الهوس الديني والخطابات الهادمة للديموقراطية من أساسها ...

المشكلة يا أحمد الإنتخابات و الجهاد المدنى يحتاج لتفكير مضنى وتخطيط جاد ويحتاج لعمل شاق وشاق جدا ...
وستكون نتائجه مبهرة ودائمة و تراكمية تؤسس للمستفبل ..
أما الإنقلاب أو العمل المسلح (فلأن الصفوة و القيادات يمارسونه من عل ) فإنه الأسهل ولكن نتائجه كارثية...

وسلامات يا صاحب ...

سلام للجميع

أنا أتفق مع بشاشا على ضرورة النضال لتأسيس دولة عير جهوية لكل السودانيين
لكنني لا أنظر للماضي السوداني بغضب بل على العكس أعتز بأننا نتاج لتزاوج وخلافات لم تفسد لود الوحدة والتعدد قضية بما عليها حتى جاء الكيزان

وأنظر للصراع نحو الدولة غير الجهوية في غابة السودان الكبيرة في طرفان لا ثالث لهما

طرف يؤمن بالحكم الرشيد والديمقراطية - وطرف لا يؤمن بها أو كما يقال دائما طرفا الخير والشر النور والظلام

وأرى أن أي سوداني لا يعلو على هذا الصراع وإذا أراد أو أبى فهو في النهاية يخدم قوى الخير أو الشر بمواقفه وأفعاله

ولكي تغير هذه الغابة فلا بد أن تعرف أي الأشجار صالح وأيهما طالح

لتكون نظريتك في النهاية ذات علاقة بالواقع


هذا يقود لضرورة أن يتخذ بشاشا موقفاً واضحا ضمن صراع الغابة هذا ولا يصح افتراض أن كل الغابة لا تستحق مجرد النظر وإلا من أين يتأتي لك غابة تضمن التنوع وأنت لا تعترف ببعضها صلح أو طلح

فإذا اتفقنا أن الصراع الحالي هو من يحدد شكل الغابة فليس أمام بشاشا إلا أن يوضح لنا في رأيه أي الأشجار صالحة وكيف لهذه الصلاحية أن تسود الوطن لو لم نعترف بوجود حكم الكيزان شئنا أو أبينا وأعترفنا أنه يعنينا لأنه يحكم واقعنا ويحدد ملامح مستقبلنا وكيف نغير هذه الغابة لو لم نعلنها ثورة ضد النظام الحاكم نسخر لها كل قوانا

وللأخ العزيز تبارك أقول - لا بد من خط فاصل بين دولة الدكتاتورية ودولة الديمقراطية والحكم الرشيد ذلك الخط هو الثورة.
وإذا انتظرنا أن يفرخ لنا ورق دولة الحكم الديكتاتوري هيكلا ديمقراطيا وحكما رشيدا فسيطول انتظارنا فالحرية لا تمنح ولكنها تنتزع.

up

Quote: up

بل
Down









... المهم ....

Quote: بشاشا في وادي (انا خابرو) واخونا تبارك في وادي آخر

يا تبارك لو مسكت الموضوع وناقشت بنفس طريقتك دي سيكون بالحق نقاشك مفيد جدا
بشاشا...شوق بطول الزمن والمسافات... بكري الله يسامحك!
ليس لدي إعتراض علي الإطاحة بدولة الجلابة, ولكن الرجاء الحديث عن المآلات وعن كيفية بناء الدولة وكيف لنا من تجنب الصوملة من بعد؟
فهل ستقسم علي أساس قبلي أم يجب أن يسيطر الهامش سواء من الغرب أو الشرق علي المركز.. وألا يعتبر هذا تدوير للأزمة؟
وما الذي يجعل دارفور تأمن الشرق أو يجعل الشرق يضمن دارفور إذا تم الإستيلاء علي المركز... سوي فكرة الهامش؟
أم نجعل من هذه الفكرة آيدلوجية لبناء الدولة كبروليتاريا ماركس؟

Oh my Gash!! علي قول شفعي!

ادروب؟

اكاد لا اصدق!

هلت البشائر!

يالف مرحب يا رفيق السلاح.

فقدناك بشدة حقيقة.

اما بكري قرقروش، فخليهو ساكت في سرك!

في وكتو سالتو، ليه شطبت ادروب؟

فراح يتكلم عن الطقس!

عادي برسل لي last warning من دود حتي ما يقول لي الموضوع شنو، وين او متين!

مع اننا احنا عصابة الخمسة او ستة انفار، الجارين كارو المنبر ده، مقارنة بالاخرين!

جاييك لي مداخلتك يا ادروب.

Quote: مع اننا احنا عصابة الخمسة او ستة انفار، الجارين كارو المنبر ده، مقارنة بالاخرين!

الأخ بشاشا وضيوفه الكرام فى هذا البوست

تحياتي ,,,

قد لا أستطيع ان أعبر عما اعنيه بدقة وعليه لو ما فهمت المقصود ... إستوضح لأحاول التوضيح أكثر (أنا لست عربياً ولا أجيد اللغة العربية)

جميع ما تتناوله فيما يخص الهامش وما تسميهم جلابة وعرب مستعربة وما الى ذلك أجد فيه حقائق ولكن يؤخذ عليك على انك تتناولها بطريقة صارخة الى درجة أنك تجعل المتناول للموضوع يتردد فى ان يتفق معك, ليس لعدم اتفاقه معكم فى الرأي بل لطريقة تناولكم للموضوع, وعليه أعتقد أنه من الأفضل أن تنظر الى إمكانية تناول هذهـ المواضيع بأسلوب آخر سمه هادئ أو غير مجحف أو اي شئ يجعل المتطلع يركز على صلب الموضوع لا على الشخوص والقبائل لأنك بهذا الأسلوب تثير ذات النعرات البغيضة التى تدينها أنت وتصحصحها لدى أطراف أخرى.

...

Quote: . المهم الممارسة بتحصل رغم انو نظم الدولة ما بتسمح بيها ... عموماً بيقولوا ما ضاع حق وراءه مطالب ... لاكين نظم الدولة وهياكلها ما ضمان لى ديموقراطية أو عدالة أو سلام ... الديموقراطية لو ما بقت ممارسة يومية ما بتبقى ... هسى موضوع بوشي دا مفروض نسكّوا لغاية نهاياتو القصوى ... ومحاسبة أيّ زول أذاهو أو اتغوّل على حقوقو الدستورية ... القصة ما إطلاق سراحو وبس ... لاكين البيرفع السقف المطلبي بتاع الناس شنو والناس جارية ورا أدبيات "الشعب يريد اسقاط النظام"؟

...اها ياتبارك ... و عشان نزح من المربع الاول ده ...و البوست يستعدل موضوعو ....
....انا متفق معاك في كلامك المكوَت فوق ده بس عشان ما تستنكح في الكلام وعشان ما يكون مطلق ومختل المعني...
..و تاكل بعقلي حلاوه ...اعتقد انو من المهم جدا بل ضرورة استعدالوا ...بمعني

Quote: .. المهم الممارسة بتحصل رغم انو نظم الدولة ما بتسمح بيها

لتقرأ
. المهم الممارسة بتحصل رغم انو نظم الدولة ما بتسمح بيها وهذه الممارسات هي الممارسات الغير مرئيه لنظم الدوله...
...يعني الحرامي لمن ينط حيطة بيت تبارك بالليل ويسرق الجيوكوندا الدستوريه بتاعت تبارك الجابت 10مليون فرنك في مزاد فرانكفورت ...الايه كده ما عارف ...و وتبارك ودولة تبارك بدستورا نايمين كانو نايمين في تلك الاثناء ...فهذه ممارسه ضد النظم و القوانين وضد تبارك و ضد دستور دولة تبارك ...و لمن تبارك يصحي و دولتو ودستورا يصحوا معاهو ويمشي يشتكي بالمسروقات فالطبيعي دستور و دولة تبارك مفروض يمشوا يفتَشوا الحرامي ده و يقبضوهو و يحاكموهو ويرجعوا ليك الجيوكوندا او يرجعوا الحق لاهلو ....
...
...اظن الرطانه دي واضحه!!!!
...و في نفس الصياغ ...

Quote: ... لاكين نظم الدولة وهياكلها ما ضمان لى ديموقراطية أو عدالة أو سلام ...

لتقرأ ....
لاكين نظم الدولة وهياكلها ما ضمان(مطلق) لى ديموقراطية أو عدالة أو سلام و ذلك فيما يتعلق ببعض التجاوزات لهذه النظم من وراء اجهزة الدوله و في غيابا و حينما تكتشف هذه التجاوزات بالممارسات الحياتيه والعمليه اليوميه يمكن علاجها و حينها يمكن سد تلك الثغرات التي تنفذ منها كل حين بتواتر ديمومة وتطور الحياه...
الكلام كده بيكون مبلوع للعقل ... و اللولوه فيهو بجاي و بجاي ....بيكون نوع من استهبال دولة و دستور تبارك...
...
.طيب....نتقدَم ....... خطوه بالاسئله دي....
..
...لو الممارسه المناوئه لنظم الدوله جات من القائمين علي امر الدوله ذاتم والمسؤلين عن صيانة اركانا و مؤسساتا الدستوريه وبالدستور
ذااااااااااتو ....الجيت لاطعوا لي هنا ... انت ده تبارك رايك شنو؟؟؟؟
...سؤال تاني ....
...كيف الديمقراطيه تكون ممارسه يوميه علي المستوي الجماهيري اليومي اذا كانت هي غايبه من علي قمم السلطه وهياكل الدوله؟؟؟؟؟.
....بل وتنتهك الدوله في حقوق شعبها لدرجة الاعتقال والقتل بدون اي ضابط قانوني او اخلاقي.. او دستوري ؟؟؟؟؟!!!!
...هسع في امريكا دي الناس بتمارس الديمقراطيه كده ساي ...ام فكو ....بدون اي حراسه قانونيه وبدون اي ذراع تنفيذيه ضاربه مصاحبه للقانون؟؟؟؟
...
.... يا خي و الله انت تحيَر نفسك ذاتا و تحير البقرا كلامك ده في جخانين نافوخ اهلو؟؟؟؟ انت حاجاتك كولها مجوبكه؟؟؟؟
......الدستور و اللاَ الدوله ..اول . البيضه و الاَ الجداده...
...غايتو كلامك ده ما بيتركب مع بعضو إلإ ننادي ود الباوقه عشان يرصعك بــ حبة جغمسه زي دي....
...
(...اذا كانت شعوب السودان بالديمقراطيه ضاربة فشيمة الاسد النتر الرقيص صقريه ....)
...
...و يادار ما دخلك شر ...الدوله تشن الحروب وتعذب و تقتل و الناس تقتل في بعضها و رئيس الجغمسه يرقص صقريه ؟؟؟؟؟؟
..
.... و اهو دي افرازات عصر الجغمسه ؟؟؟؟
..و اكيد الريس ده كان قاصدك انت كواحد من حيران دولة الجغمسه !!!!
...لكن المشكله جغمستك دي حتحيرو هو ذاتو!!!!!

...

Quote: ...كيف الديمقراطيه تكون ممارسه يوميه علي المستوي الجماهيري اليومي اذا كانت هي غايبه من علي قمم السلطه وهياكل الدوله؟؟؟؟؟.

ندّيك زبدة راينا ... الجملة دي مغلوطة لأنها معكوسة ... الدولة ليست الحزب عشان اللجنة المركزية تنزّل تعميمات ...

في الدولة الديموقراطية مقاليد صنع القرار بيد الشعب ... وعزوف الشعب عن المشاركة في صنع القرار يعني غياب الديموقراطية ... قمع الحكومة للشعب وسلب الحقوق والحريات بهدف منع الشعب من المشاركة في صنع القرار يستطيع الشعب أن يرد عليها بأدوات الدولة الديموقراطية نفسها ... وهذه هي ميزة الديموقراطية على غيرها من الأنظمة ... أنها - كنظام - تحمي الحقوق والحريات طالما اختارها الشعب والتزم بها وبنتائج صناديق اقتراعها ... ولكن تقاطع الإنتخابات وتريد من تركت له الحبل على الغارب أن يمثلك ويعبر عنك؟ فهذه جديدة ...




... المهم ....

سلام يا تبارك
أسف على التأخر في الرد عليك، زنقة شديدة

لو لقيت فرقة بعد الرد على هولولي لووووول

قلت

Quote: انا قدر ما اتكلم في الأنظمة والخطابات السياسية ... ما جبت سيرة المكان المتأثر بهذه الأنظمة وهذه الخطابات نهائي ...

ولييه ماجبت سيرة المكان؟؟ انا اقول ليك، لانك زول حريف، وداير تقنعنا بأن ما يحدث في السودان هو عين ما يحدث في اي مكان
آخر، ما ياهو صندوق الاقتراع ياهو ذااات صندوق الاقتراع، شكله زي الصندوق وفيهو قفل وبتشمع بالشمع الاحمر وفي ذلك فليتنافس المتنافسون
في حالتنا طبعا ممكن تستبدل متنافسون ب يخجون او يزورون

الدستور دا عقد اجتماعي، اذا كان عندك مشكلة اجتماعية بالاساس وما عرفت تحلها، يبقى دستورك زاتو ح يحمل نفس التشوهات
الكنا مصرين كشعب سوداني ندفرها قدامنا لحد ما وصلنا مرحلة الانفصال والقادم اسوأ.

بتفق معاك ان بث الوعي مسألة ضرورية، لكن اذا الاحداث متسارعة ماشة باسرع مني ومنك، السرعة دي ياها الجابت الثورة البلشفية ذاتا
والجابت خليل ابراهيم امدرمان

تحياتي

صديقي أمير

سلامات يا صاحب ...

Quote: إنت أحمد بن عوف ده ... ود الخرطوم شرق ... الجلابى ود الجلابة ...

indeed جلابي، وفي الجلابة عتيد، ودا جزء من المشكلة، كونك تكون جلابي بالميلاد

Quote: ولا بينك وبين الجنرال إيدام ...

احكي ليك نكتة بتاعت جلابة عشان تعرف الفرق بيني وبين الجنرال ايدام

قالوا ليك لمن جات الثورة، جلابة بتنوسوا مع بعضهم (دا تخصص بشاشا ^__^)
واحد بعلق قال يا اخوانا زمان يكون عندك شيء داير تقضيهو في الحكومة تمشي مثلا
على الوزير ابو القاسم هاشم، لو ما لقيتو بتمشي العصرية على حي الهاشماب في امدرمان
تلقى عمك هاشم زاتو وللا اي زول في حي الهاشمات بقضى ليك شغلتك مع ابوالقاسم هاشم

اها الليلة لو عندي شغلة مع ابراهيم نايل ايدام مثلا وما لقيتو، افتش انا نايل ايدام
وين انا في جبال النوبة دي !! قهه قهه قهه قهه (دي ضحكة الجلابة بالمناسبة)

Quote: يا أحمد مافى عنصرية و تمييز مقنن ومؤسس فى السودان ..

في

حاول اقرأ لي ماذا ترى من هذه الصور

2

...

Quote: كمان يا حلولي داير تجيب لينا ديموقراطية بتحدد لى الناس يكونوا شنو؟ ...الديموقراطية بتورى الناس الممنوع شنو بعد داك أي زول حر في خياراتو ... عندك حرية التعبير تنتقد الميرغني زي ما داير.. لاكين ما تتغول على حقوقو الديموقراطية انو يختار الخيار البيطيب ليهو ... كدا ما جاية ..... مش الأخ ديموقراطي برضو؟

...
......
انا ما بتكلم هنا عن الميرغني في شخصو و خياراتو يا صديق ... فالميرغني او الصادق او نقد او اي شخص اخر ولج ابواب العمل العام البيخص البلد و الناسالفي البلد..عليه ان يعد العده ..لقبول كلام ناس البلد...واحتجاجاتم و انتقاداتم ...لانو هم ناس البلد وهم العام ...و العمل يجب ان يتوَجه اليهم لانو دي بلدم و دي خيراتا و ماشاحدين حاجه من زول بل العالم كوولو بيتطافس عليهم في حقوقهم و يجردهم من حق الحياه ...عموما...هي سنة الحياه و تصاريف الزمن فالكان بيركب حمار يمشي بيهو 5 او 10 كيلو مفروض بعد سنه يصنع ليهو عجله او يشتريها ....وسنه اخري يلقي مواصلات تختزل ليهو الزمن و المسافه .... مش بعد 56 سنه يتفاجأ بالراجمات تقصف قريتو وتمزق اولادو ...و تقسم ارضو و تشوَه و تمسخ تاريخو رغم انو هو لسه بياكل الفتات و بحمارو بيتنقل و ما عندو حديده ...
....و البيلج ابواب العمل العام من علي قمما او قواعدا يجب ان يكون عاري تماما كما ولدته امه ....تغطيه فقط و فقط ... فقط افكاره واطروحاتو
واعمالو التي يتوسم بها الي الناس ليأتمنوه علي دفة قيادتها و يوكلو اليه و معهم و بهم استعدال الحال المايل و الخايب...ونشحذ الهمم و الارتقاء بها بالناس ومع الناس لكي لا يكون الحبل علي القارب من غير رقيب و دون الامساك بالرسن... فالبلد السايب بيعلم حاجات كتيره يجترها البسطاء علقم مر في قيامم و منامم وتاريخم ... و احلامم و مستقبل اولادم
...عشان كده الميرغني ده لو كان بيخطب في دارالميرغنيه بعيدا عن دار الدوله العام اوكان قاعد في تكيتو و شادي السبحه يسبح و يحوقل و يبسمل وسط حيرانو...و الله ما كان في زول شغال بيهو الشغله ....و كنت انا ذاتي قيامي و منامي ادعي ليهو انو ربنا يدخلو الجنه مع العشره المبشرين و قبلم كمان لو في طريقه... مع الرسل حجل بالرجل وكنت اديت الدعوه كوز تاني بانو ربنا يصلح حالنا و حالو و يهدينا و يهديهو و يسافر يمشي السعوديه عشان يجاور اسلافو ناس العباس الفالقنا وفالقننا بيهو ده فبدل مايجي من هناك ويتحكر في بلدنا و يعمل ليهو صيت وجاه و سلطان وزيطه وزمبريطه يفرض علينا عباسو ده هو و ولدو و البشير...احسن هو يرجع لاصولو و يسوق معاهو البشير عسي و لعل العائله المالكه هناك تديهو فرقه ...في الملك و المملكه و يتكرموا عليهو و يغيروا ليهو اسما الي المملكه العربيه السعوديه الميرغنيه الهاشميه البدون جغمسه بشيريه ...علي الاقل يكون هناك سوداني الجنسيه من اصول سعوديه ملك و اللاَ امير ...يا زول انشاء الله عضو مجلس بلدي... زي اخونا بندر.... طالما هم ناكرين جميل للخير الاداهو ليهم السودان و السودانيين و بقوا ناس بعد ما جو مشردين من اصقاعم و رغم كده مــــا مقتنعين بيهو و بالوانو المتعدده دي زي ماهو موجود في الواقع.... و لو حلَو عن سمانا و تاريخنا هم و التانين المعاهم و الوراهم يمكن نقدر نشم هواء بلدنا دي بتنوعاتا و جمال تنوعاتا شويه ...و يرجع خيرا لاهلها و اولادا ...اقلاهو قادم الاجيال !!!!؟؟؟
...
...لذلك فحينما ذكرت اسم الميرغي بالضروره لم يكن يعنيني الشخص في ادميته المحدوده بذاته الانسانيه وبكل احلامها و تطلعاتها و حقوقها بعيدا عن اي تحديد و وصايه علي رؤاهو بقدر ما يعنيني لحظة تجاوز هذه الذات لذاتها واندماجها في دوله السلب و الاستلاب بالاستلاب والوصايه ثم سلب ذات الاخر و ذات الوطن...و بالتالي فانا بتكلم عن الدوله و هيكل الدوله و جهاز الدوله الكانت اسمها جمهورية الخرتيت .. و الكانت مساحتا مليون ميل مربع يعني مليون و ستميه و تسعه الف و تلتميه اربعه و اربعين كيلو متر مربع(1609344 كم مربع) و الهسع اتقسمت الي بلدين و بنسبة تلت الي تلتين و نحن بقينا مشمولين في الجانب بتاع التلتين البيعادل تقريبا ستميه سته و ستين الف وستميه سبعه و ستين ميل مربع (666667 ميل مربع) اي ما يعادل مليون و اتنين و سبعين الف وتمنميه سته و تسعين كيلو متر مربع (1072896كم مربع) .... و للاسف الجانب المشمولين فيهو ده انا و انت لسه جهاز الدوله الكان سبب في تشريطو الي كسور و بواقي ما زال قائم والناس الوظفت جهاز الدوله ده عشان يشرط الدوله مقابل تمسكم بمصالحم الانانيه لسه قاعددددددددين و بييييييييييييييي دستورم النابحنا بيهو ده ...وانت لازلت مصر تنقَر لينا في لوحة المفاتيح و تكورك في هوا اب صلعه ده و تفلَق فينا بــ .....دستور ...دستور ...دستور ...لمن هم ذاتم حيصدقوا ... اها خليهم يدقو ليك ظار بعد كده ..اصلو هم ذااااتم ظارم قرَب ...علي الاقل يتمرنوا و يعملوا بروفات ظارات للهتيفه......وليك علي لو دقو ليك الظار ده انا بساهم مع اختنا تماضر.... انو نجي نضبح ليك ديك دستوري يتدفق شحما و نبخَرك مش ببخور تيمان ....ببخور سته توائم .. انشاء الله توائم ارانب و حاساهم معاها بجديه ...و بما استطعت من رباط اي حاجه في حملة تجميع للفنانين و المسرحيين بقيادة مسرحيين المنبر..... عشان يعملوا عمل مشترك لالياذة سودانيه يكون واحد من فصولا.. فنتازيا دستور تبارك وايقاعاتو الاسفيريه مع ظار عصابة دوله اللصوص والحراميه ...... كعمل ملحمي يخلد تضحيات السودانيين البسطاء في مواجهة قراصنة العولمه في هذه الحقبه الكريهه من التاريخ...

احمد ابنعوف انت ما قاعد تقرا الحرفنة دي؟

Quote: لحظة تجاوز هذه الذات لذاتها واندماجها في دوله السلب و الاستلاب بالاستلاب والوصايه ثم سلب ذات الاخر و ذات الوطن...

بس انا المبهوت بالحرفنة؟







... المهم ....

نواصل يا امير في كلامك لحد ما نرجع للصور

Quote: فليس هد المعبد بمن فيه ....و من ثم التفكير بما يجب عمله بعد ذلك على رأى بشاشا الذى توافقه إنت ..

انا لم اتفق مع بشاشا في هد المعبد، هو مهدود اساسا ، يهدوا ليهو شنو تاني يا امير

Quote: وإنما على رأى تبارك :

وايضا لم نختلف مع تبارك، بس كلامه دا يوقولوا لينا بعد ما نتفق على المشكلة القاعدين نناقشها في البوست "الجهوية"

أحمد ... كيفك ..

برضك عايز تاكلنا حنك ... وحنك سنين كمان
لسه ما رديت على السؤال:

Quote: ورينى السيستم فرق بينك وبين د. خليل - عليه رحمة الله - بشنو؟؟؟ ولا بينك وبين الجنرال إيدام ... ولا بينك وبين تراجى القانونية وصاحبة الجمعية إياها ... ولا بينك وبين أبوبكر صالح صاحب أوكامبو ... ولا بينك وبين محمد الزاهد صاحب المرصد ... ولا يمكن الكم قيم فى إتحاد التنس ديك ... ولا شوية الإسكالوب بانيه بتاع النادى العربى داك؟؟؟

وتحياتى..

يا جماعة حد يشوف لينا بشاشا ده وين؟؟؟

أراد ... "حوار هادئي مع تبارك، حول مفهوم دولة غير جهوية لكل السودانيين."

فكتب تبارك:

Quote: نفترض جدلاً أن هذه "الدويلة" يحكمها كيزان ما بين حوش بانقا وكريمي (0.5% من السكان يمثلون جزء من شيعة علي عثمان في دار شايق وآل البشير في دار جعل) ... قصّرنا معاك؟ انت طرحك يفرق من "الدويلة" الحالية بى شنو؟ يعني حا تعيّن زغاوة بقوة السلاح ولاّ بى "نظام الدولة"؟ لو "غيرت النظام" و "أعدت هيكلة الدولة" حا تعمل شنو مختلف عن الهيكل الحالي؟ حا تعمل قانون يمنع تأسيس الأحزاب على أساس عرقي أو طائفي أو جهوي؟ القانون موجود ... انت عندك فرصة انك تقدّم طرح متكامل في البوست دا ... وتقدّموا باتباع أسئلة موجهة للحوار في اتجاه مفيد ... عبّر عن نفسك بحرية واتجاوز احساس انو في زول بيغالتك أو مكذّبك أو مستخف بى رأيك ... وأدخل مباشرة في تفاصيل رأيك .. عشان نسهّل عليك الحوار الهادئ ... ابدا لينا بى موقعك من الجبهة الثورية الوطنية ... شنو من كلامك بيعبّر عن الجبهة الثورية وشنو راي خاص بيعبّر عن بشاشا وغير ملزم للجبهة الثورية ... أدبياتها منتشرة أكتر مما يحتمل الإقتباس ... انت بس ابدا الحوار ... ... المهم ....

فزاغ بشاشا .. بدعوى حوار الطرشان ...

فمد تبارك رجليه ...

فيما اتصل بي الية التقكيك لدويلة الاقلية، او انشاء دولة كل السودانيين علي انقاضا، نقطة نظام، لو سمحتو:

التفكيك يا اعزائي، ما عمل جهة بعينها، بي اسلوب بي عينه، او تاريخ بعينه، من موقع مركزي، مباشر، بعينه.

لا ابدا!

هذه صيرورة او حركة تاريخ باسره، اصلا في حالة تشكل منذ سقوط عرش اخر دولة قومية لنا، مستقلة او حرة، في كرري.

نعم الاحتلال قام بتفكيك دولة ثورتنا الام، او علي انقاضا اسس الدويلة الحالية، او نزلا الشارع في 56م.

مقاومة التفكيك للدولة الام اصلا ما وقف، او في نفس الوكت، محاولات تفكيك هذه الدويلة تواصل باشكال مختلفة منذ 56م، في شكل ثورة "مش تمرد" 55، انانيا 1 او انانيا 2، ثم الحركة الشعبية.

في الشرق كان مؤتمر البجا، او في الغرب نهضة دارفور، وهكذا الي ان اخذت محاولات التفكيك شكلها او بعدها الحالي.

اذن هذه حركة تاريخ باسرو، حتمي، قدري لامفر منه، الي ميكانيكي بالمناسبة، وفق قوانين جدل التحدي والاستجابة الطبيعية.

غرضي الاساسي، اني حبيت اقول، خلو افقنا واسع او عريض، او نظرتنا شاملة او بعيدة، عن تفاصيل الماثل امامنا.

اذا المحاولة الحالية نجحت في اسقاط مش النظام، وانما الدويلة بي رمتا، بي سلام، او من دون انهيار السلطة المركزية او بالتالي، شكل الدولة، فكان بها.

بالعدم اذا الخطوة الحالية ادت الي انهيار تام للسلطة المركزية او بالتالي الدولة، فبرضو لامفر ولاعاصم من التغيير القادم.

كل الحيصل، في حالة انهيار السلطة المركزية، انو المشوار حيطول شوية، ولكن حركة التاريخ باتجاه سودان بديل، اطلاقا ما حتتوقف!

اذن، علينا ان لانتخوف اطلاقا من مالات الامور ايا كانت يا احمد ابنعوف او يا ادروب.

زي ما قال مانديلا، ما مهم تقع كم مرة، ولكن مهم تنفض الغبار، او تنهض كل مرة، او تواصل مسيرك.

في حياة الافراد، الناجحين منهم، ده ديدنم.

ومن سار علي الدرب وصل.

نعم، علينا بالتفكير في اقصر، او ارخص الطرق، ولكن، لاينبغي لوعورة او صعوبة الطريق ان تثبط هممنا، قط!

واضح لاي طفل، الوضع الحالي، لايمكن يستمر، علي الاطلاق!

ديكلارك، في جنوب افريقيا، في ساعة الصفر الذي دي، كان عاقل جدا او حكيم جدا، لما رفع العلم الابيض او ترجل من ظهر جواد الابارثيد، عكس، سذاجة او غباء امثال نافع!

الطريف جدا، اقطاب نظام القتلة، فاكرين روحم اذكية جدا جدا، بي زي تشبثم الغبي ده بالسلطة والثروة الي اخر لحظة، شغل تخبط او تيه!

النقطة الثانية الاردت المشاركة بيها في البوست دا هي انو ادوات الصراع الايديولوجي غير السياسي قد تم استحواذها ومنذ بداية تشكل دولة الاستعمار لصالح رؤية ثقافية واحدة (يمكن تسميتها بثقافة الوسط) بدلا من تسمية الثقافة الجلابية ..والوسط دا طبعا ما وسط حقيقي ولكنه وسط جدلي..
الادوات التم الاستحواذ عليها من قبل هذه الثقافة هي ادوات الاكتساب الثقافي ..

راديو ..

صحف ..

تلفزيون..

مدارس ..

جامعات..

وهكذا تم استعاب الهامش مركزيا ..

كيييييييييييييييييييييييييييف.

لقد استوعب المخيال اللغوي السوداني راموز معين وهو لهجة الوسط!!!!!!!!!!!!!!!!!!!!!!!!.


ودا حسم المعركة في ميدانها الاول ..

ما اللغة عندها حاجة اسمها السوق اللغوي..

فاللغة كما هي رصيد رمزي فهي قيمة شرائية في السوق اللساني .وفي هذا الاخير يكون لكل قدرة لغوية(لغة ،لهجة ،رطانة) يكون لها راس مال... وينشا السوق اللساني حين تدمج مجموعات لهجوية او رطانية او لغوية متباينة في كيان سياسي واحد،وحينها تنتج علاقات قوة بين هذه اللغات او اللهجات وفق القوة الاقتصادية او الحجم السكاني او المنعة السياسية لكل من هذه اللهجات او الرطانات او اللغات ،حيث تحمل اي منها رصيدا لغويا تتساوق قيمته الشرائية بحيويتها (حجمها قوتها السياسية والاقتصادية ) وبقدرتها على انتزاع ودعم دور فعلي لذلك (الراسمال الرمزي) في اجهزة الدولة السياسية والاقتصادية والايديولوجية(تعليمية واعلامية وغيرها). وطبعا زي ما عارفين انو هذه الاجهزة اضافة لادوار كثيرة بتلعبا فهي مناط الحراك الاجتماعي!!!!!!!... لذا فان لغات ولهجات الاطراف في السودان تكون لها قيمة شرائية دنيا مقارنة باللهجات التي نالت حظا اوفر من النمذجججججججججججججججججججججججججة(!!!!!!) .دي برضو نقطة ارتكاز استراتيجية في نقاشنا!!!! ..لذا فان اخطر حاجة في الحتة دي انو يصبح لزاما على الذين يسعون لانقاذ راسمال مهدد(لهجة في طور الانقراض ،وجود قيمي في طور الانقراض وهلم جرا)الدخول في معركة واسعة حول اادوات اعادة انتاج راس المال اللغوي ذي القيمة الشرائية العليا (مراكز القوة السياسية والاقتصادية والايديولوجية كما شرحناها اعلاه).. وهكذا نخلص ان حسم قضية قيمة شرائية نسبية للهجة او لغة لا يرتكز على اساس لساني (يعني في لغة او لهجة او رطانة احسن من التانية) ولكن على اساس سياسي اجتماعي في المقام الاول . اي ان الصراع في السوق اللساني ليس صراعا لغويا ولكنه صراع بين افراد في مواقع اجتماعية وسياسية محددة حول الهيمنة على ادوات السوق اللساني.

ان اعادة توزيع القيم الشرائية للالسنة السودانية امر مهم ومتعلق بالمخيال الاجتماعي هذا الاخير الباثر تخيل اي مجموعة لتاريخها وامالها ..

والمسالة دي بتاثر على الحراك الاجتماعي ..

ان اعادة التوزيع هذه مرتبطة يشكل كبير بتفكيك بنية الدولة السودانية التقليدية ..

دا كلام حاسم في النقطة دي

مع تحياتي

الاخت عفراء مرحب بيكي.

و ايضا كان يعنيني ... تركيز قليل من الإضاءه علي بعض من هذا الزيف و النفاق ... اضفاء المعاني و الاشواق النبيله التي تجد وقعها المريح و المباشر علي افئدة الناس و تكون هي في حقيقتها ملتبسه و غير متسقه ...بل و غير صادقه من اصلو ... يضحكون بها علي الناس امام اجهزة و كاميرات الاعلاميين و الصحفيين ...هذه الاّليات الضخمه التي اضحت في عالم اليوم كما كاسحات الجليد العاتيه في تدمير العقل و العقلانيه و تشويش عقول البشريه و غسيل المخ ..لمن يمتلك الياتها والذي يبرر اللهاث المحموم للاجهزه الامنيه فيملكيتها و فرض قوانينهم عليها (الرقابه القبليه).. .لايتقدمها شئ اكثر منها مضاءا في تسويق الكذب و النفاق و التضليل .... فحينما يقف زعيم توسمنا فيه الخير منذ اتفاقوا مع قرنق ...واستنفرت افرع الحزب الشيوعي اللهو الحزب (الانا منتمي ليهو وما ناكر شيوعيتي) حينها ...استنفر كل المدينه (عطبره) بالتظاهر و الدعم والشعار و الهتاف و النشيد...لدعم الاتفاقيه وحسمها في الاتجاه النهائي للسلام .... في مواجهة مؤامرات الكيزان الحاولوا يقتلوها في المهد حينها و قتلوها بعد حين .. ....و حينما يقف مرة اخري امام الاجهزه الاعلاميه و يصرح ....بان لا مساس بالثوابت ..ثوابت التوحد مقابل التفكك و التشرذم.. ويكون موقفه في تمام الاتساق مع سابقه .... ثم و ياتي و من غير مقدمات و مسوغات ليضع يده وابنه و حزبه في يد من تاَمر ضده و ضد رغبات الناس في العيش في سلم ابان اتفاقيته ......ليضع يده في يد من ذهبوا لاكثر من ذلك وبلَعوهو كلامو ناشف وقطَعو ليهو ثوابتو في راسو ومن غير عمه بعد ما حلقو ليهو صلعه و بــ منجل برسيم ... حينها يزاح الستار عن المشهد الذي كان يحدث خلسة بينهم ... وكانما كان يلعب في ذلك الزمن علي دقون و احلام البسطاء جهرا و يحفحف دقون و شوارب ناس الجبهه الاسلاميه سرا و لم يكتشف مؤخرا ان تلك المواقف كانت علي النقيض و معاديه تماما ...لمصالحه و مصالح الشريحه الاجتماعيه التي يعبرعنها ..لذلك فالموضوع ليس موضوع خيارات للميرغني في ذاته كخيار و حق ديمقراطي اصيل علي الجميع احترامه بل موضوع ثوابت و طن و وشعوب و تاريخ وُجدت بوجود هذه الرقعه علي الكوكب و كان هناك اتفاق جنتلميين في ووفق اطار الوطن الموحد الوطن الواحد ما قد كان و ماسيكون... السودان... وحل المشاكل التي تشوب ذلك السودان بالعدل بين اولاده و بناته و برد الحقوق لاهلها...بمفهوم الدوله - حتي بمفهومها الطبقي - التي تحكم و تتحكم في هذا الوطن و تدير حياة تلك الشعوب ....لكن ان اجد انه ليس هناك ثوابت وطنيه بل ثوابت و مصالح دائمه مغرقه في الذات و الانانيه و لعب علي الدقون وان كل هذا ...اضحي نوع من البطيخ الفاقع البياض واحلام ضغثه مع الكثير و الغالبيه من اولاد و بنات البلد...وان هذه الثوابت الوطنيه مثلها و مثل بضاعه يتم التنازل عنها في اسواق عكاظ و المواسير و وست منستر و بورصة سوق المناخ و داو جونز مقابل رياله سايله و مبلله قفطانو و قفطان ولدو و مريديه الواصلين ناس القروش من دون البسطاء و بعيون مبحلقه في السلطه و الثروه ....في الجاه و السلظان و الدولار المافيهو صورة محمد رسول الله ... و لا صورة جدو العباس ...بل صور جورج واشنطون و ابرهام لونكلن و نتنياهو و خادم الحرمين ؟؟؟؟ !!!! ... حينها يحق لي ان اتكلم و اصرخ واحجر عليه حقه لانه لم يعد كذلك بل تجاوزه بالتعدي علي حقوق الناس يا صديق ....و اظنك تعلم تماما اني انا ناس ما نسناس القرد....وبالنسبه لي علي الاقل اهو كلام لسه ما وصل مرحلة الفعل المادي ....لكن الفنتازيا القاتله في الموقف و الوضع ده....انك انت عامل ماااا شايف الحاجات دي كوووولها و جاي ناطي لي في حلقي وبتتريق كمان

Quote: .... كدا ما جاية ..... مش الأخ ديموقراطي برضو؟

خليك في تريقتك و دستورك وديمقراطيتك دي انت و هو لانو هو شايفو زج بالمدعو مساعد رئيس الجمهوريه ليساعد رئيس الدوله و حامي حمي الدستور للمساس بالثوابت الاخري و يكملو الناقصه ... و لانو انا شايف طيارتم خلاص و طيارتك انت ذاتك رغم تميزها عنهم...فتحو ليكم السيمافور .... و حتلحقوا قطر صوفيا لورين!!!!!؟؟؟؟؟؟

إضافه لكل ذلك انا لمن كتبت ليك الكلام ده

Quote: لانو الطرف التاني المستفيد من الاوضاع الحاليه ...ما حيكون واقف في مكانو محلك سر ... بل حيكون اتطور و طور ادواتو ....عشان يحتفظ بمصالحوا ...و يحتفظ بالاوضاع ديه

و وضعت ليك الكلمات دي بين قوسين ...و معاها العلامات الكتيييييييييره ديه..

Quote: ...(و طبعا ده من حقو!!!!!!!!!!!!!!!!!!!!!؟؟؟؟؟؟؟؟؟؟؟؟؟؟)

...ما كنت قاصد اختها ليك تمومة جرتق ....و اللاَ خيال ماّته .... بل كنت قاصدا و اعنيها تماما ...انو الطرف التاني ايا كان من حقو يفكر بالطريقه البتريحو طالما هو سوداني زيَي زيو ...انشاء الله حتي يتاّمر....اصلو مافي خوف من ذلك ....و انا شخصيا كشيوعي ..عندي الثقه و القدره... لمواجهة الافكار و العقليات الفاشيه و مؤامرات قواها وعندي الثقه في البسطاء و خياراتهم حينما يتضح المشهد بدون رتوش وبعيدا عن ضباب المثقفاتيه زي الخزعبلات البتكتب فيها دي و عندي الثقه في انني يمكنني الارتقاء بوعيي منهم ثم الارتقاء بوعيهم و رص صفوفهم و الاصطفاف معهم لمواجهة من يعاديهم و يعادي امالهم و احلامهم و حقهم الانساني في الحياه... و اذا حاول هذا الاخر ان يتصعلق بالتامر..فهناك زاد وافر منها و علي مويه بيضا ..(كٌشري يعني)....و لكل مقام مقال ... بس بشرط انو الفرص تتاح للطرفين او للاطراف وفق قوانين الديمقراطيه و قوة القانون واّلية حمايتا التنفيذيه و الجماهيريه ...و امشي ليك ابعد من كده ...شفت الكيزان ديل ذاتم و اللي الناس دي قايما و قاعدا معاهم بالتهديد و الوعيد و الثبور و عظائم الامور انا مع حق تواجدم و حقهم في التفكير بالطريقه البتريحم طالما كلنا نستظل بامبرلا الدوله التي نعيش تحت قانونها....و ده مش لانو دي رغبيتي ..و لا حبا فيهم يا صديق ...بل حبا في الديمقراطيه.. بالاضافه لانو ده واقع افرزتو و حيستمر افرازو من ارحام امهات السودانيين ...و بكل الالوان والاشكال السياسيه....طالما لسه هناك في جكس و في دون جوانات...بيحاحو و يهاتو ليهم ... زي ود ابرق و عثمان موسي.. و الحق القانوني البيسمح لي اني اكون شيوعي ....بالمعادل و الشرط و الديمقراطيه حيسمح للاخر ان يكون كوز او حزب امه او اتحادي او قرفنا ...وكووولهم معنيين بالصراع الطبقي الضاري .... و ازيدك في الشعر معلَقه مش بيت ....و وفق نفس المفهوم الوضحتو ليك فوق ده ....شفت امريكا دي ذااااتا و بـــ البتعمل فيهو ده ... و بـــ عولمة الراساميل البتبنيفيها دي ....برضو من حقها تعمل الداير تعملو ...بس فقط و زي ما قلت ليك ...انو يكون متاح للاخر انو يعمل الداير يعملو و وفق لعبة و قوانين الديمقراطيه و حق الشعوب في تفعيل ارادتها ....شفت الثقه دي كيف ؟؟؟؟ و المساس بهذا القدر او ذاك من هذا الحق ..من ايا كان من هذه الاطراف.. سيكون كارثه اخري تضاف لاحن و كوارث هذا الشعوب الصلده البتشمخ كل يوم وهي تدوس علي جراحاتها....
...فهذه الشعوب تعلَمت من ضربات الجلادين ..... ان تمشي علي الجرح ....و تمشي .....ثم تمشي ..
....عشان كده كلامك البطيخ ده

Quote: .. والدنيا دي مافيها نظام حكم مثالي ... مش لو تقرا شعر ولاّ تلحن ... فيها أنظمة واقعية تتعامل مع مشاكل البني آدم كما هي ... يد تسرق عندها نص في دستور النظام ويد تسبّح عندها نص في دستور النظام ... أنظمتكم بتاعة الأيادي النظيفة البتسبّح فقط دي ما لازمانا

خلَي ...الشاب الجدع ساريه ...و الشابه الجدعه سيرين .... وبالله يجيبو معاهم ...حبوبه الاموره الصغيرونه بت اخونا بدر الدين ...يجوك ...و يخبَِتوك ...بــــ ...بٌلغه قديمه في سلسلة ضهرك الفقريه ...عشان يتبلع ليك .... و بالمره كده ...يدوك شوية عقل ... عشان ينضَف ليك عروق المخاخيت الفاصله بين الدوله و دستور الدوله و حاكمين الدوله الفي مخك ده!!!!!
...
اما ده

Quote: .... لاكين الما بيعترفوا بالنظم والدساتير الديموقراطية ودايرين يغييروها ويعيدوا هيكلتها ... هياكل شيوعية أو وهابية أو هيكل "عييييييكي" زي الطارحو بشاشا دا ... الناس الزي ديل اخير لينا منهم نافع مليون مرة ... الديموقراطية حقت الشعب ... دفع فيها دم الملايين من ابناؤو ... والبيحاول المساس بأنظمتها وهياكلها الأساسية بنعلن عليهو حرب طوالي ... زي عملية نافع بتاعة اساءة استخدام السلطة دي هي الداخرين ليها النظام الديموقراطي عشان يحمينا منها ... يجي زول يتعذر بسلوك نافع عشان يزيح النظام الوحيد البيحمي من نافع؟

فما عندك اي حل تاني غير ما تمشي لاولاد و بنات ....بخاري و نجلاء ....و تخليهم يجيبوا ليهم منقد من حبوبتم ....يلعلع بنار الله الموقده
.... توريهم كلامك ده و تـــــ ســـــ بلاَهو ليهم وبعد داك تختو في المنقد و تتبخّر بيهو ....يمكن ظارك المدَستر ده يفك!!!!!
...
...اَلـ ديمقراطيه و دستور ديمقراطي اّلــ ...
...

Quote: بعدين "عربي" في فهمنا، حقيقة ما مقصود بيهو سامي من جنوب الجزيرة العربية، وانما المقصود، انو زول "حر" او ما "فرخ"!

المقصود حامي هنا قبل ما ادخل في الورجقة دي ؟
مع اهتمامي برأي تبارك طبعا

ابو خالد ... بعد حلولّي (ما اسمو هولولي يا احمد ابنعوف) ... نحن نتم النقاش دا في الـ STS ... بلا بشاشا بلا أجانب ...

(والله بحاول اكتب الراي مرتّب ومتسلسل عشان ما يكون مقتطع كل ما مرة ... لأنو الموضوع فعلاً جدير بالمناقشة)

(كتاب دكتور عبدالله جلاّب الأخير برضو جدير بأن يدخل في الحوار!)







... المهم ....

البوست ده داير
بريمة
السنوسي بدر

عشان تكتمل الصورة

Quote: يا جماعة عن اذنكم فانا عاوز اعمل بروفة لحاجة ثانية في بوستك دا يا بشاشة .. طيب .. القصة انو الجلابة عموما في حاجة فايتة عليهم وهي انو هجومهم على الانقاذ يعاني من حالة سيندروم كساحي ..كيف!!؟. فموقف الجلابي المع الانقاذ والجلابي الضدها بيستبطن موقف ايديولوجي واحد .. لكن هناك خلاف ايديولوجي فرعي ذا طابع سياسي .. كيييييييييييييييييييييييييف!!!!!!!!!!!!!!!!!!. الايديولوجيا العامة البلتقو فيها الجلابة جميعا هي ايديولوجيا الشمال النيلي او ايديولوجيا البحر ودي ذات طابع ثقافي فكري عروبي ،او بكلمات محمد ابو القاسم حاج حمد ذات نزوع متوسطي .. يعني بالتعبير البنيوي (او الاركيولوجي حسب فوكو ) ان ابستيمي هذه البنية واحد بتاثر بيها اي زول صادر منها لو بقا تبارك او علي عثمان!!. لكن ممكن للاول انو يقرا الابستيمي دا بطريقة علمانية والثاني يقراهو ثيوقراطيا ،ولكن في النهاية القراءة دي تجلي للشئ ذاته دون انو تبارك يتجرأ انو يقطع مع هذا المكون الثقافي واكبر دليل مداخلات تبارك في بوست [URL]ام درمان واسطورة ثقافة الوسط!!!. عشان نقرا السطور اعلاه كويس اديكم الحاشية دي .. ففيما اذا كان يمكن للمفكر او الجماعة السياسية ان تقطع مع ايديولوجيا المجتمع الذي صدرت منه ام لا يفزلك العروي (مفكر ماركسي مغربي) ذلك مستدلا بالايديولوجيا الالمانية التي انتجت ماركس كي يدلل على قوة الايديولوجيا الاساسية .. فاذا ما كانت الايديولوجيا الالمانية تريد التحرر من اشكالية التاخر (او التاريخ المعاق) فهي تنظر الى السياسة اليعقوبية كتجسيد لمستوى التطور الاعلى المنشود ..اي تعميم القيم الانسانية الكونية عن طريق الارهاب ، والوعي بالتاخر هو الوسيلة لتدارك هذا التاخر ،ونظرت الايديولوجيةالالمانية للمثقف باعتباره وسيلة وصانع لتدارك هذا التاخر.. ماذا فعل ماركس بهذه الاشكالية التي وجدها امامه .. فلقد اكتشف ماركس من وراء وتحت السياسة اليعقوبية التشكيلة الاقتصادية –الاجتماعية ،ومن وراء وتحت التاخر التاريخي تاخر علاقات الانتاج بالنسبة لقوى الانتاج ،ومن وراء وتحت النخبة المثقفة الساخطة الطبقة العاملة العصرية التي جمعت كل وسائل السخط .. اي لم يفعل ماركس اكثر من انه انتج الايديولوجيا الالمانية مرة اخرى او انتجته هذه الاخيرة من حيث لا يدري ولا يحتسب.. لذلك وفي اول محاولة لتطبيق الجدل على المجتمعات الفيودالية والخراجية في العالم الثالث لم يجد ماركس سوى التطابق مع الامبريالية في ما اسماه بنمط الانتاج الاسيوي حيث اتضح انك لا يمكن تطبيق قوانين الجدل في غير المجتمعات الراسمالية المتطورة!!!!!!!!!!!!!!!. يعني تطبيق العدالة في المجتمعات الراقية ودهس البقية تحت تروس الامبريالية الى ان ترتقي الى ذلك المستوى ،وهو ما انتقد فيه ادوارد سعيد ماركس مر الانتقاد في كتابه المفصلي الاستشراق. نفس الميكانيزم بشتغل في موضوع الثقافة الجلابية السياسية في السودان فبما ان تبارك وعلي عثمان لا يصدران سوى من ايديولوجيا اجتماعية واحدة (ايديولوجيا المركز) ،اذن فليس لهما سوى الاختلاف على مستوى الايديولوجيا السياسية ولكن في العمق لا يملكان اليات الاختلاف الكلي فيقعان في الفخ كما وقع ماركس في براثن الايديولوجيا الالمانية . ان اختلاف تبارك مع علي عثمان هو اختلاف مقدار وليس اختلاف نوع .. كيييييييييييييييييييييييييف!!!!!!!!!!!!!!!!!!!. فلقد قام علي عثمان في اطار جدل اجتماعي سياسي محدود فابعاد تبارك ومنظوره .. اما تبارك فليس امامه سوى ابعاد على عثمان مع الاحتفاظ ببنية الدولة السودانية التاريخية ، ولكن باليد الاخرى فان هذه البنية ذات ايديولوجيا لا تستوعب سوى من ينسجم مع منتجاتها .. ما الازهري سياسيا مختلف من عبدالله خليل وعبد الله خليل مختلف عن عبود وعبود مختلف عن سر الختم الخليفة وهذا الاخير مختلف عن المحجوب وهذا الاخير مافي يحاجة بتلموا مع النميري والنميري اختلاف المشرق من المغرب عن الصادق المهدي وهذا الاخير كذلك عن حسن الترابي ... لكن ديل كلهم صادرين عن مؤسسة اجتماعية واااااااااااااااااااااااااااااااحدة !!!!!!!!!!!!!!!!!. عشان كدة العيب لا في علي عثمان ولا الترابي ولا الصادق المهدي ولاااااااااااااااااااااااااااالنميري او عمر البشير!!!!!!!!!!!!!!!!!!.. العيب في بنية الدولة السودانية التي كدة كدة لازم تتفكك حسنة ولا رجالة.. انت عارف يا تبارك نسكت مدني تغرق ..نتكلم يقولوا مجنون!!!.

Quote: البوست ده داير بريمة السنوسي بدر عشان تكتمل الصورة

ديل جلاّبة الهامش .... يعني زيّ "صرب البوسنا" ...






... المهم ....

Quote: ديل جلاّبة الهامش .... يعني زيّ "صرب البوسنا" ...

ما هو عشان كده بتكتمل بيهم الصورة يا تبارك

اصحابك ديل مجهجهين في نظريتهم
نظرية الهامش والمركز دي

يبنوها على الاثنية
ما تلفق يلقوا الدناقلة محشورين ليهم في النص مع صف الاعراب وما هم بعرب


يبنوها على الجغرافيا
برضو ما تلفق
ناس السنوسي وبريمة ديل حا يتصنفوا كشنو ؟ مركز ولا هامش

يبنوها اللغة عربي ورطانة
برضو الدناقلة يخربو الرصة وناس بريمة يخربوها من الجهة التانية

يبنوها على الرق والاستعباد
برضو ناس بريمة يخربوها والمهدية تكوجنها ليهم

يبنوها على السياسة
اها براك شايف الطرطشة في البوست ده تحديدا وكت يبقى الكلام سياسة


عاوزين بريمة والسنوسي بدر، معاهم واحد حمري وواحد بطحاني من ابودليق وواحد مجنوني
نشوفهم حا يرصوها كيف ؟

فوق

لحد ما نرجع لامير

Quote: يعني بالتعبير البنيوي (او الاركيولوجي حسب فوكو ) ان ابستيمي هذه البنية واحد بتاثر بيها اي زول صادر منها لو بقا تبارك او علي عثمان!!. لكن ممكن للاول انو يقرا الابستيمي دا بطريقة علمانية والثاني يقراهو ثيوقراطيا ،ولكن في النهاية القراءة دي تجلي للشئ ذاته دون انو تبارك يتجرأ انو يقطع مع هذا المكون الثقافي واكبر دليل مداخلات تبارك في بوست

هامش:
آركيولوجي: متعلق بالآثار التاريخية
ابستيمي: متعلق بعلوم المعرفة
علماني: محايد عقائدياً
ثيوقراطي: متعلق بمؤسسة أو معبد ديني بحجم دولة




... المهم ....

Quote: اتمنى من الاخ بشاشا ان يفعل المثل و اتمنى الا يتقهقر بسرعة للسلاح التقليدي اي الهجوم على الشخص و ترك الفكرة لانه اسهل شيئ الهجوم الشخصي.

ثروت سلامي او مرحب بيك.

قتا لي هجوم شخصي؟

ده كلام وين ياثروت؟

يوم متين من سجلتا هنا، انا هاجمت خصومي هجوم سخصي؟

ماتكون صاري لي، لما ضحكت علي الجلابية زعيمة حزبكم الجديدة، اللي من اسمها يبدو انها قريبتك!

فما معني هجوم شخصي في فهمك يا ثروت؟

هل وصم الاخر بالجلابي او المجولب مثلا هجوم شخصي؟

في فهمنا، هذه وجهة نظر محددة او مفصلة او مؤسسة علي حجج بعينها.

بعدين، اول الجلابة في المنبر ده، قنا هو بشاشا ذات نفسو!

فمافاهم انتا قاصد شنو بي هجوم شخصي؟

من الجانب الاخر، لما نعلن عن "حوار هادئي" والصيغة دي، نعلم انها تسيل لعاب الحلابة، ففي العادة لانستخدم، اودواتنا التقليدية، بتاعة الابر الكوشية، في ساحات "الحوار الهادئي"!

خالص الود

Quote: هامش: آركيولوجي: متعلق بالآثار التاريخية ابستيمي: متعلق بعلوم المعرفة علماني: محايد عقائدياً ثيوقراطي: متعلق بمؤسسة أو معبد ديني بحجم دولة ... المهم ....

المهم المعنى الاجمالي شنو يبقى يعني!؟










----------

يا صهيب ياخي ما ممكن تعسم ليك سطر واحد بستة مصطلحات مرة واحدة !

يا زول نحن هنا ناس امسك لي و اقطع ليك ..
اها النجيضة شنو!؟
عشان نحدد موقفنا جلابة ولّ ومتجولبين ساي كمان

عبدالمحسن سيد، مرحب.

حوار ممتع ..وأزعم إنه مفيد

شكرا يا أمير .

أحمد بن عوف
حولولى
أتفق معكم مية مية


؛؛؛؛؛؛؛؛؛؛؛؛؛؛؛؛؛؛؛

مرحب بعودة بلدياتنا أدروب أبو بكر .


سأعود ...بس إنتو أدعو لى .

Quote: المهم المعنى الاجمالي شنو يبقى يعني!؟

المعنى: يا دمعي الاتشتت ... وغلب اللقّاط ...

الزول دا داير يقول انو شيخ على جلابي كوز وانا جلابي زنديق ... في الآخر كلنا جلابة بتاعين مسرحيات وديموقراطيات ديكورية ...

يعني نفس كلام بشاشا وكلامك ... بس بى اخطاء لغوية واصطلاحية ...

طيب دا بيرجعنا لى بداية الموضوع - بس صهيب دا ما يجاوب - انو الفرق شنو بين ديموقراطية حقيقية وديموقراطية ديكورية؟

الديموقراطية الحقيقية دي شنو وبتجي من وين؟

الفساد والقمع والتآمر والجهوية ما بيبقّوا الديموقراطية ما ديموقراطية ... بالعكس ... الديموقراطية هي النظام الوحيد القادر على جنس البلاوي دي ...

اسقاط النظام (الديموقراطي) والإنتفاضة الشعبية والحركات المسلحة وهلم جرا ديل خشوا في النص بيننا وبين نافع كيف؟

بيشتتوا لينا كورة الديموقراطية لى صالح منو؟

الليلة نحن في شهر واحد 2012 ... لو سألوني نقلبها الليلة ولاّ نستني انتخابات 2015؟ ... بيكون السؤال الفي راسي:

المانعنا ننتظر لغاية 2015 شنو؟ ما بيكون في بالي سؤال: الحامينا نقلبا الليلة شنو؟ لأنو واضح انو الحامينا ننتفض هو الحرص على الديموقراطية

الحامينا نرجى الإنتخابات شنو؟ وممكن يكون علاجو شنو لو ما انتفاضة تخالف المبدأ الديموقراطي؟

لو مافي علاج للمشكلة؛ ننتفض ... المافي شنو ... لاكين كدى ابن حلال يدينا تعريف - وبرضو ما صهيب (الود محتاج لى حصص انشا كتيرة جداً جداً) - للمشكلة الراهنة ... إما اسئلتي لى بشاشا بتاعة "دولة كل السودانيين" دي مميزاتها على الدولة الحالية شنو ... أو تعريفات جديد تتصوّر انو نحن عايزين نحل أزمة الحكم والدولة عشان يكون عندنا دولة بتواجه الضائقة الإقتصادية وترفع المعاناة عن الجماهير أولاً ... ثم تستشرف مستقبل أفضل ...

يعني تعريف مبني على الفساد والمعاناة ما ينفع ... الفساد والمعاناة نتائج للأزمة السياسية ... والتعريف بتاع عدم تمثيل السلطات التشريعية والتنفيذية للرأي العام دا تعريف ما عاجب الناس دي ولا مستعدة تسمع نتايجو ...

نحن ما بنتنازل عن دولة قانون لأنو ما عاجبنا القانون ... بالقانون بنقول ما عاجبنا القانون ... ولا تبقى الحكاية فوضى ... ونسلّم دقوننا للجهوية ...




... المهم ....

Quote: ديكلارك، في جنوب افريقيا، في ساعة الصفر الذي دي، كان عاقل جدا او حكيم جدا، لما رفع العلم الابيض او ترجل من ظهر جواد الابارثيد، عكس، سذاجة او غباء امثال نافع!

بشاشا

السؤال الاساسي هل لو تنازل النظام اليوم وقبل بمبدأ المساومة التاريخية التى قبل بها ديكليرك في جنوب افريقيا، هل تقبل أنت؟؟ لأن الجرائم تم العفو عنها في لجان المصارحة.


السؤال دا مهم جداً للحوار الدائر هنا لأنو كدا بيقرب المسافة بينك وبين تبارك جداً، لأنو تبارك بيرى في نيفاشا شئ قريب جداً من الذي حصل في ساوث افريكا، وبيشوف انو الناس تغتنم الفرصة وتحاول تمشي في المساومة التاريخية بتاعت القائد د. جون قرنق من خلال تمسكها بالدستور (النيفاشوي) واستعدادها لاكتساح الانتخابات والعمل على التجهيز وتضييق الفرصة على التزوير وكشفه من خلال نفس الاليات المتاحة من خلال قوانين انتخابات نيفاشا.

فهل إذا تمتع نافع ببعض الذكاء ورأي ساعة الصفر وقدم تنازله هلى سيكون هذا الحل مناسباً؟

الاخ Hololy مرحب بيك،

اعجاب تبارك بالنظام الحالي، حاجة تموخل بحق، والرجل ما كوز، ولاعايش في السودان عشان نقول، حاصل ليهو غسيل مخ، بي صابونة الخطاب الانقاذي!

تبارك، فعلا، سمك، لبن، عرديب، بحق!

نرجع لكلامك يا تبارك..

Quote: الزول دا داير يقول انو شيخ على جلابي كوز وانا جلابي زنديق ... في الآخر كلنا جلابة بتاعين مسرحيات وديموقراطيات ديكورية ... يعني نفس كلام بشاشا وكلامك ... بس بى اخطاء لغوية واصطلاحية ... طيب دا بيرجعنا لى بداية الموضوع - بس صهيب دا ما يجاوب - انو الفرق شنو بين ديموقراطية حقيقية وديموقراطية ديكورية؟ الديموقراطية الحقيقية دي شنو وبتجي من وين؟ الفساد والقمع والتآمر والجهوية ما بيبقّوا الديموقراطية ما ديموقراطية ... بالعكس ... الديموقراطية هي النظام الوحيد القادر على جنس البلاوي دي ... اسقاط النظام (الديموقراطي) والإنتفاضة الشعبية والحركات المسلحة وهلم جرا ديل خشوا في النص بيننا وبين نافع كيف؟ بيشتتوا لينا كورة الديموقراطية لى صالح منو؟ الليلة نحن في شهر واحد 2012 ... لو سألوني نقلبها الليلة ولاّ نستني انتخابات 2015؟ ... بيكون السؤال الفي راسي:

طيب يا بارك وبدون اخطاء لغوية او اصطلاحية ، المسالة البقصدا انا ما فيها توزيع ادوار ديكورية بينكم كجلابة ..لا لا انت جاد جدا جدا في عدائك للانقاذ حتى خليل الكتلو دا ما بلحقك ..

لكن البقصدو انا انو تركيبة الدولة السودانية بشكلها دا حتنحاز لمنتجها الثقافي والاجتماعي البتمثلو انت وعلي عثمان ونافع ..
وعشان كدة لو ما الانتفاضة المسلحة والحركات المسلحة نجحت في تفكيك الدولة السودانية دي واعادة تركيبها من جديد وحصل اعادة توزيع للادوات من جديد ،السودان دا ما بمشي عديل..

يعني يا تبارك وبدون اخطاء لغوية او اصطلاحية انو الديمقراطية المنتظرا انت ليييييي2015 دي ما (value free) لالا دي(value laden) ما لم يعاد توزيع الادوات البتصنع الواقع الثقافي والفكري ..والبتخلي الاصطفاف السياسي طبيعي (يعني ما ممكن كل احزابنا التقليدية قياداتا جلابة نقد،الترابي،الصادق المهدي ‘الميرغني ،علي الريح السنهوري،هالة عبد الحليم،الباقر العفيف،نافع والبشير وعلي عثمان) ..

اسع يا تبارك ففففففففففففففففففففففي ذمتك البياكلا الدود دي دا اصطفاف طبييييييعي كدا!!!!!!!!!!!!!!!!!!!!!!!!!.
طيب سببو شنو ؟؟؟؟؟؟؟؟؟؟؟؟؟!!!!!!!!!!!!!!.

طبعا السبب الانت عارفو وانا عارفو...

ولو قامت حركة تحول ديمقراطي علماني في 2015 ونجحت ،،العلماني الحيقود السودان الجديد دا في اطار بنية الدولة السودانية الحالية برضو حيكون جلابي ..
عشان كدة شروط انبعاث دولة الجلابة ايا كان يجب ان تتلاشي لصالح انبعاث دولة كل السودانيين ..

يا تبارك ما نكضب على نفسنا ..اصلا الديمقراطية منذ الاستقلال ما كانت حلا لدايلما(اشرح يا تبارك) الحرب في السودان ،بل ان اخصب حروبنا استعرت في اجواء ديمقراطية..(التمرد نشأ في الديمقراطية الاولى ،واستعر اكثر في الديمقراطية الثانية،كي ياتي النميري باتفاقية اديس فتستعر الحرب ابان حكومة الصادق في الديمقراطية الثالثة وتتم الناقصة ابان الانقاذ) ..

يعني ديمقراطياتنا سجم ورماد زي ديكتاتورياتنا!!!!!!!!!!!!!!!!!!!!.

والحل لا في ديمقراطية (ديكورية كانت ام حقيقية ) ..

الحل في تفكيك بنية الدولة السودانية الحالية لانها ذات اختيارات متحيزة ناتجة عن اختيار ثقافي معين استحوذ على الادوات ..

شوف يا تبارك لو تمت اجماع سوداني في اطار ديمقراطي ولا غيرو على اجراء تسوية تاريخية لانهاء ازمة الدولة السودانية بشكل حقيقي وواقعي ممكن نجد حل..
اما اذا تم الاصرار على انو مافي مشكلة زي دي ..الاحتراب حيتواصل حتى لو اتى نظام ديمقراطي ..


يعني معقول يا تبارك انو الشمال النيلي التعدادو مليون ونصف دائما دائما يحكم ..ودارفور التعدادا عشرة مليون ما تحكم وكردفان التعدادا ستة مليون ما تحكم ولا الجزيرة التعدادا خمسة مليون ما تحكم!!!!!!!!!!!!!!!!؟.



---------------------------------------------------------------------------
لقيقراوي الما فهم كلامي قبيل: الكلام الفوق(دااااااااااااااك) معناهو انو وحسب فنجطة تبارك من بداية البوست دا وبوست ام درمان انو تيارك بيعتقد انو مافي مشكلة بتاعت دولة جلابة وعلي عثمان برضو بيعتقد انو مافي مشكلة بتاعت دولة جلابة .بس الفرق بين الاثنين انو الاول بعتقد ان الحل في التحول الديمقراطي (رغم اتفاقنا في النقطة دي انو الديمقراطية جزء من الحل وليس الحل كله) وعلي عثمان بيعتقد انو الحل في الدولة القابضة من الفاخورة.

تخريمة ثانية: التعسيمة دي يا قيقراوي مهمة خاااااااااااالص عشان المصطلحات دي بتحدد الكلام خالص وبتمنع طق الحنك الساي وهو ميزة من ميزات البورد.

تحياتي

Quote: السؤال الاساسي هل لو تنازل النظام اليوم وقبل بمبدأ المساومة التاريخية التى قبل بها ديكليرك في جنوب افريقيا، هل تقبل أنت؟؟

سؤالك في محلو يا الصادق, وانا شخصيا لا تستهويني لا طريقة الحل الجنوب إفريقية ولا نيفاشا
ربما نيفاشا أكبر مكسب فيها للجنوبيين أنها ضمنت حق الإنفصال!
السودان مشكتلته أكبر من مشكلة جنوب إفريقيا, لأنهم علي الأقل قد يكونوا موحدين فيما بينهم في مواجهة الأقلية البيضاء
وما مقسمين إلي أقاليم مرشحة للتناحر فيما بينها
مشكلتنا قريبة من مشكلة الصومال أو الكنغو.. بمجرد إنهيار المركز وسقوط سياد بري أو موبوتو تقاتلوا فيما بينهم ومن ثم دخلت جهات كثيرة طرف في المشكلة!
والمؤكد أن الذي يدير هذا الصراع أيادي أجنبية وقوي الإستعمار السابق الذي نصب الأقلية وربط مصالحه بها وأعانها للسيطرة علي رقاب الأغلبية
وذلك عقابا لهؤلاء الأغلبية الذين حاربوا المستعمر وكسر شوكتهم التي يمكن أن تهدد مصالحه إذا تم إعادة بناءها
ولهذا كل مستعمر بالطبع يستهدف تقوية الضعيف علي القوي والمهادن علي المحارب ويجعله في مركز القوة ويمكنه من القوي ليضمن مفتاح القوة دائما بيده!
ولا تنسي أيضا أن السودان مستهدف تقريبا من جميع جيرانه فإذا وقع بلا شك كثرت سكاكينه!

ولهذا بالنسبة لي تعجبني الطريقة الكردية!

Quote: اذن، علينا ان لانتخوف اطلاقا من مالات الامور ايا كانت يا احمد ابنعوف او يا ادروب

شكرا الصديق بشاشا علي الرد.... ولكن المشكلة ليست فقط موضوع إنهيار السلطة المركزية أو الدولة, مع أن هذا في الواقع شرط لا يمكن بدونه زوال دويلة الجلابة
لأن التشوهات الحاصلة في دويلة الجلابة ليست في القمة فقط, ولا في الأطر القانونية وحدها, بل أيضا جهاز الدولة الإداري برمته واقع في نفس المطب إن لم يكن أظرط من قمة الهرم
بل حتي علي المستوي غير الرسمي العنصرية متفشية لانها ببساطة عقلية أو زهنية كما تعلم, فهي لا تمنح مجال لارضية مشتركة....
شوف مثلا حتي محاورك تبارك لسة تائه وما قادر يقبض رأس خيط الموضوع ولسة يناقش عن الآليات القانونية والسياسية من أحزاب ودستور وغيرها!
شخصيا أعتقد أن المشكلة الحقيقية تكمن في مدي إمكانية إعادة بناء الدولة علي أساس عقد إجتماعي جديد, ونحن ما عايزين مجرد عملية إستبدال وإحلال لغرض القصاص وفش الغبائن و الشماته
ولا نريد أيضا عقد إجتماعي يفرضه الثائر أو المنتصر, لأن المهمش نفسه ليس بمعزل عن العنصرية, فما الضمانات إذن لتجاوز الإنتماءات الإثنية لكي لا يعاد إنتاج الأزمة من جديد؟
في إعتقادي الصراعات الإثنية والطائفية من أخطر الصراعات في داخل الدولة الواحدة, ومن سوء حظ السودان المترامي الأطراف ضعف الروابط والإتصال بين هذه الأطراف وإختلاف بعضها عن بعض كثيرا
فضلا عن تجزر الدونية بسبب سياسات المركز وعوامل كثيرة أخري في كثير منا, مما أفقد الثقة بين كل هذه المكونات, وزيادة علي الأنانية التي تستحوز علي كل صاحب سلطان للسيطرة علي الآخرين
ولهذا في رأي الإنفصال لا مجرد الكنفدرالية هي الحل الأفضل!

Quote: مرحب بعودة بلدياتنا أدروب أبو بكر

شكرا ليك أستاذتنا الصامدة آمنة مختار...
عارفين نفسنا مقصرين معاكم بس ما تاخدي في بالك
دعواتنا ليك واصلة وعين الله ترعاك وربنا يحقق مرادك

...
..

Quote: ... .السؤال الاساسي هل لو تنازل النظام اليوم وقبل بمبدأ المساومة التاريخية التى قبل بها ديكليرك في جنوب افريقيا، هل تقبل أنت؟؟ لأن الجرائم تم العفو عنها في لجان المصارحة.

....

....الصادق يا عزيز ....
...كـــ ديه لمن اجي (بدون يا بنات امي) بعدين ببراح ....
...للمواصله في الغلوتيات و المحن دي و التعليق علي بعض من ما هو وارد
....والحقيقه في مداخله كتبتها امبارح لكن ما شايفا ؟؟؟؟؟؟!!!!
....المهم لفتني تساؤلك المهم ده و مهم خالص بالمناسبه ....بل و يشكل اّفاق المستقبل لما هو ات في شكل التغيير الجايي
...ان لم اقل في مستقبل الدويلات القادمه بالهبل ....داخل الجيوقرافيكل باوندري للسودان القديم والكان مليون ميل مربع!!!!
...ما الحدود الحاليه بعد التقسيم ... و بدون استثناء ...لدولة الجنوب ذاااااتا؟؟؟؟؟؟ اذا كان الحال حيمشي كده!!!؟؟؟؟...
...
.... وعشان المداخلات ...الخاصه بهذا الموضوع تتبني علي حقيقة معرفة اي زول فينا لقدر نفسو ...
....و مدي حدود حقوقو ... و حقوق الاخرين
...
...بشاشا البتساءلو ....السؤال ده ...هو بيمثل شنو في الغلوتيه دي ...عشان يكون ردوا شافي ليك؟؟؟؟؟
...ياخي نمشي ابعد من كده !!!!! انت و انا بنمثل شنو ؟؟؟ عشان نقرر في مثل هكذا امر؟؟؟
...ومنو العندو الحق ...عشان يقرر فيهو؟؟؟؟
...منو العندو الحق عشان يعفي و اللاَ ما يعفي ... في اغتيال علي فضل؟؟؟؟
...منو العندو الحق عشان يعفي و اللاَ ما يعفي ... في اغتيال امين بدوي؟؟؟؟
...منو العندو الحق عشان يعفي و اللاَ ما يعفي ... في اغتيال محمد عبد السلام؟؟؟؟
...منو العندو الحق عشان يعفي و اللاَ ما يعفي ... في اغتيال العاص؟؟؟؟
...منو العندو الحق عشان يعفي و اللاَ ما يعفي ... في 10الف اغتيلو في دارفور؟؟؟؟
...منو العندو الحق عشان يعفي و اللاَ ما يعفي ...
..في اغتيال ما يقارب الــ 3 ملايين من ابناء السودانيين ماتو في حرب بين بعضم في وكان ادارة هذه الحرب من صنيع دولتم البحملو جنسيتا ؟؟؟؟
... و لو كنت عارف اساميهم ...الالاف و الملايين دي كنت جبتهم ليك و كتبتهم ليك هنا في المداخله دي هنا كولهم ....
.... عشان اب صلعه و موقعو و السيرفر البيخدم موقعوا ده ......يعرفوا حاجه؟؟؟
...
...منو العندو القدره .... وبيقدر يمشي للخاله رقيه ..(والده العزيز امين بدوي) ....و يقول ليها مبررات تبرد ليها حشاها
... في ولدا الفقدتو والكان حتة معلم مدرسة اساس ....و بيجي يديها بس 100 جنيه اخر الشهر فقط....
..هي كان بتشوفو في تلك اللحظات ...... الدنيا كوووولها و بما فيها ...لاتساوي اي شئ امامه....
...بس عشان جا وقف قداما و مدَ ليها يدو في كُبرا .....؟؟؟؟؟؟!!!!!!...
...ثم ياتياها خبر اغتيالو ....من قِبل اجهزة الدوله ....الكان هو معلم بيعلم اولاد السودانيين فيييييي مدارسا!!!!!؟؟؟
...
...يازول الموضوع ده طويل ... و حنتناقش بعيدين ... بس قول ....ياهادي .... علي الشعوب اعتمادي ...

...

الغريبة النقاش ده حسب مقاييس صهيب ونابري .. نقاش جلابة صر

تاني حاجة مفردة جهوية دي عاوزة مراجعة ... المفردة دي عندها معنى اخر وتستخدم بمعنى مغايير للمعنى المعنون بيه البوست .. بل هي المفردة (جهوية) اصبحت من مطالب الاقليات الاساسية

بمعني انو الاقليات تطالب بدولة جهوية في المكان الذي هم فيه

راجع مطالبات الامازيغ و البلساريو ..

الجهوية الموسعة، الجهوية المتقدمة


بمعنى تاني تكاد تكون مفردة جهوية هي المقابل او الرديف العربي لمفردة فدرالي

اها يا بشاشا نفهم من كلامك ده لو اعدنا صياغة العنوان

حول مفهوم دولة غير فدرالية لكل السودانيين ...
ده ياهو مطلبك ؟

مصطلح جهوية واستخدامه في السودان غير مضبوط والسبب الصادق المهدي


واظنك يا بشاشا تقصد اثنية وليس جهوية

اهما حاجة الكلام ده الايدلوجيات منو وين ..؟

دولة اثنية شي مرفوضة
طيب دولة ذات ايلدوجية مقبولة عندك ؟!

__________

يا صهيب براحة علينا
ما تشبكنا دوذنة واتستباطيشيركونا وتماركورزينا
بتطشش بينا

Quote: ولهذا بالنسبة لي تعجبني الطريقة الكردية!

أدروب

مرحب بي عودتك

يا ريت لو تتوسع لينا شويه في النقطة دي، لأنو الأكراد (خشم بيوت) ياتو اكراد وكيف ممكن نحل مشكلتنا تأسياً بالطريقة الكرديةز


موضوع العنصرية المضادة ممكن ووارد حدوثه أيضاً لذلك احتمالات الصوملة قائمة في السودان ما لم تقف المعارضة على رؤية مستقبلية واضحة تتجاوز الهدف الآني بإسقاط النظام لوضع خطط عملية لبناء سودان جديد.

Quote: الديموقراطية الحقيقية دي شنو وبتجي من وين؟ الفساد والقمع والتآمر والجهوية ما بيبقّوا الديموقراطية ما ديموقراطية ... بالعكس ... الديموقراطية هي النظام الوحيد القادر على جنس البلاوي دي ... اسقاط النظام (الديموقراطي) والإنتفاضة الشعبية والحركات المسلحة وهلم جرا ديل خشوا في النص بيننا وبين نافع كيف؟ بيشتتوا لينا كورة الديموقراطية لى صالح منو؟ الليلة نحن في شهر واحد 2012 ... لو سألوني نقلبها الليلة ولاّ نستني انتخابات 2015؟ ... بيكون السؤال الفي راسي: المانعنا ننتظر لغاية 2015 شنو؟ ما بيكون في بالي سؤال: الحامينا نقلبا الليلة شنو؟ لأنو واضح انو الحامينا ننتفض هو الحرص على الديموقراطية الحامينا نرجى الإنتخابات شنو؟ وممكن يكون علاجو شنو لو ما انتفاضة تخالف المبدأ الديموقراطي؟ لو مافي علاج للمشكلة؛ ننتفض ... المافي شنو ... لاكين كدى ابن حلال يدينا تعريف - وبرضو ما صهيب (الود محتاج لى حصص انشا كتيرة جداً جداً) - للمشكلة الراهنة ...

قالوا فاقد الشيء لا يعطيه - فكيف ننتظر من نظام جاء بإنقلاب عسكري على الديمقراطية أن يمنحنا ديمقراطية

وزي ما الديمقراطية بتقتلها دبابة فما بتعيدها للحياة إلا ثورة شعبية

فالديمقراطية تنبني على الحرية - والحرية لا تمنح لكنها تنتزع

تبارك، حصل فتلت البوست! قفلت الصفحة الاولي ضمة!

راجع اخر مداخلة، اكيد دخلت الكوت في الكوت!

ارجع لي اخر مداخلة او عدلا.

بكري او بكر او لؤي، نرجو المساعدة، مع خالص الشكر مقدما.

تبارك، حصل فتلت البوست! قفلت الصفحة الاولي ضمة!

راجع اخر مداخلة، اكيد دخلت الكوت في الكوت!

ارجع لي اخر مداخلة او عدلا.

بكري او بكر او لؤي، نرجو المساعدة، مع خالص الشكر مقدما.

نرجع لامير
جاوبتو على ااسئلتو لكن عمل ميها ما شايف الصور
والصور لا تكذب

بالمناسبة دي يا شباب، الصور دي انا ما عارفه وين بالصدفة ساكت لقيتها مشتتة في النت وعملت ليها سيف

اها نبدأ يا امير

ملاحظات اوليه:
ما بحتاج نقول ليك الجلابية منو فيهن
الجلابية يبدو والله اعلم عندهم جمعية خيرية وللا مصيبة من مصايب الزمن دا، تبرعوا بارض وشوية معينات للنساوين ديل
وجايين يطمئنوا على نجاح المشروع الجلابي لعموم المهمشين في السودان
غياب الرجال في الصور، يعني ممكن تقول عليهم هلكوا في واحد من حروبنا العبثية



وشف الوقفة يا أمير، لا ادري ان كانت الجلابية تقدمت للامام ام تراجعت ست الشغلانة زاتا الزرعت ودق العيش دا
عشان وزير المالية وللا البشير يتبجح بانه والله المحصول السنة دي كويس و "الحكومة" نجحت ودا ياهو مستقبلنا ... الخ

سؤال مباشر لتبارك

فيما يخص مسالة بث الوعي يا حبيب
كنت قاصد المفروض يوعهو منو، الجلابية وللا ست الشيء ذاتا؟؟

نرجع لامير
اها يا حبيب، المسكينة الواقفة دي هي وبتها عندهن توب واحد، والجلابية ما شاء الله ما شاء الله، جايا الحواشة بتوب اب قجيجة
يعني ممكن تتخيل باقي دولابها شكله شنو، لكن انسانا من قصة التياب دي، الجلابية، قطعا ود خالتها وكيل وزارة ما بوقع على منح الاراضي، وعمها وزير
، وود عمتها بكون عضو في الغرفة التجارية لجنة مصدرين الحبوب الزيتية وهم البحددو سعر البيع، واحتمال زوجها في البنك الفلاني وهو ما قام بعملية
التمويل

شفت الدائرة المعفنة دي؟ ولا واحد فيهم شال طورية ولا سقى لا حشا لا دقا، والواطة اساسا ما حقتو لكن بقدرة قادر هو من يمنحها
اعتمادا على ما يسمى "حق الغزو المطلق" او كما قال الكاروري في احد خطب الجمعة بأن الحكومة لا يجب ان تسمح بانفصال الجنوب
لانها ارض تابعة للمسلمين

نواصل

اها يا امير
شفت البنية الواقفة على يمين الصورة، لابسها توب امها الفي الصورة الاولى وامها اختفت من الصورة الجماعية
يعني عندهن توب واحد

لكن يا عمك شوف الجلابية وما شاء الله على صحتها، هو سرير واحد في القطية وهو بمثل كل العفش بالمناسبة
لكن قرررربت تجيبو الواطة

وما اتنسى يا منقا، الكعب العالي في زيارة الحواشات؟؟ دا معناتو زول ما عنده فكرة الحواشة دي شنو زاتا



يا امير، انسانا من الشغل التفكيكي البدوهو ناس حلولي مع تبارك، الله يكون في عونه لوووول

ياخي القصة دي ما جاية، في شيء غلط يا حبيب، وغلط كبير، ومصيرو السودان انو كان يشوف فيهو اليوم
اولادو بشردوا منو لانو ميكانيزم العدالة الاجتماعية معطل ليهو زي خرتمية سنة، لازم نصل فيهو يوم
الناس الشقيانا دي تفتر من الاستغلال دا، لازم يكون عندها 2 مليون فدان صالحة للزراعة لكن الاستهبال
دا ما ممكن يتواصل

السيستم، الديموقراطي ما غيرو الاترسم للسودان، اترسم عشان يحافظ على مصالح الجلابية دي، ببنوكها
ووزاراتها، واحتكار الصادر، واحتكار البيع، ياخي شفت ليك استهبال اكبر من انو، البائع يكون زول واحد
والمشتري زول واحد وهو نفسه الممول وهو نفسه صاحب الارض وكلهم خمسة انفار، والمدروشين زي 30 مليون؟؟

المعبد لازم يتهدا يا صاحبي، دا لو ما هو اصلا مهدود زي ما قلنا، مهدود دي ما بنفكها اعتباطا كده عشان نوزن القافية

مهدود فعلا عديييل كده، لانه عملية الانتاج الشايفنها في الصور دي ابدا الغرض منها مما ممكن يكون من اجل "السعى لرفاهية الشعوب"
وهو اهم مقدسات الديموقراطية

هسع دي بجيك كوز ويقول ليك ديل اخوات نسيبة، وتبرعن بمالهن ودهين واشترن التركترات لنساء وابناء الشهداء ولملمن الارامل
واليتامى لكي لا يقعوا فريسة الفقر والانحراف (يعني ما يسون العرقي) لا شالوا لا باعوا كده بس ، خير لوجه الله تعالى come on man

الأستاذ الصادق

Quote: يا ريت لو تتوسع لينا شويه في النقطة دي، لأنو الأكراد (خشم بيوت) ياتو اكراد وكيف ممكن نحل مشكلتنا تأسياً بالطريقة الكردية

نحن نعلم أن السياسة لها ألاعيبها وأذرعها المختلفة سواء الأمنية منها أو العسكرية أو الإقتصادية الخارجية منها أو الداخلية ولهذا لا مكان فيها للضعيف أو الساذج
التاريخ في كثير من الدول حافل بالتعهدات اللامركزية أو الفدرالية التي لا يتم الإلتزام بها من قبل المركز سواء بنقضها أو بالتدخلات وإفراغ الإتفاق من محتواه
أكبر ضمانة للجنوب مثلا كانت وجود طرف أجنبي قوي ضامن في الإتفاق وقوات الجيش الشعبي التي كان لها السيطرة الفعلية علي الجنوب
لولا ذلك لكان مصير إتفاق نيفاشا نفس مصير أديس أبابا!
النظام الكردي المعني هو إقليم كردستان العراق, فهو يتمتع بوضعية دستورية خاصة, أكثر قوة من الفدرالية وأقرب إلي الكنفدرالية أو الإنفصال
ضمن من خلالها إستقلاله ومنع تدخلات بغداد في شئونها الداخلية بضمانة قوات جيش البشمركة, وكل ذلك مع الإبقاء علي خطوط التواصل مع السلطة المركزية
ودواعي هذا الإتجاه ليس فقط عدم الثقة في المركز, بل أيضا لعدم وجود تيار حقيقي أشخاصا وفكرا يجمع كل أطراف السودان لمقاومة المركز
ولا يمكن أن أنتظر مثلا من حركة العدل والمساواة أن تحرر لي الشرق, واهل دارفور يعانون أكثر من غيرهم وهم أولي من غيرهم
ونحن لدينا تجربة في الشرق مع هذه الحركات, لها أجندتها وإتباطاتها السياسية المعلومة
وأثناء مفاوضات الشرق مع النظام طلبت منا إحدي هذه الحركات أن نخلي لهم السبيل ليتفاوضوا نيابة عنا لأنهم أكثر خبرة وحنكة في هذا المجال!

one man one vote
دي موش ياها جمهورية السودان الديموقراطية

so
what on earth

بخلي البنية بعد الشقا الشاقياهو دا يكون عندها توب واحد ومقطوع وبترمي ورقتها في نفس الصندوق البترمي
فيهو الجلابية البتتفقد في الانتاج دي



اموت انا في الليموني ياخي

كدى طيب نقول تنظيركم وتشخيصكم صحيح ... يلا اطرحوا لينا حلول على اساسها ...

يا اخواننا رجعتونا لى السؤال الأول ... ركّزوا معانا:

كيف تقيم دولة غير جهوية لكل السودانيين؟

كيف تنشئها؟ وعلى ماذا تؤسسها؟

السؤال لبشاشا وحلولّي وأدروب وآمنة مختار وعوض وأحمد ابنعوف وكل من تطيب له نفسه ...

المبادئ بتاعة التساوي أمام القانون والديموقراطية معروفة (وعندنا نسخة منها في دستور دولة ابليس الما عاجباكم دي!) ... الآليات والوسائل البتحوّل الكلام المكتوب على الورق لى واقع ملموس شنو؟

يعني الدستور مكتوب "المفروض" يتنفّذ ... طيب لو افترضنا انو الدستور دا فيهو توقيع علي عثمان محمد طه ... بالتالي فهو دستور غير ديموقراطي ... وعملتو ثورة وضبّحتوا كل الكيزان وجبتوا دستور جديد موقعين عليه بشاشا والشهيد د. خليل ... وسمّيتوهو "دستور كل السودانيين" ... البيبقّيهو "واقع" منفّذ وليس "المفروض" يتنفّذ شنو؟

بشاشا؟

كان غيرك اشطر ....

(انتو اقعدوا انكتوا وابحتوا في تبريرات تنادوا بيها بعدم شرعية النظام لغاية ما الفورة تقوم)




... المهم ....

ازيك يا صهيب

Quote: لقيقراوي الما فهم كلامي قبيل: الكلام الفوق(دااااااااااااااك) معناهو انو وحسب فنجطة تبارك من بداية البوست دا وبوست ام درمان انو تيارك بيعتقد انو مافي مشكلة بتاعت دولة جلابة وعلي عثمان برضو بيعتقد انو مافي مشكلة بتاعت دولة جلابة .بس الفرق بين الاثنين انو الاول بعتقد ان الحل في التحول الديمقراطي (رغم اتفاقنا في النقطة دي انو الديمقراطية جزء من الحل وليس الحل كله) وعلي عثمان بيعتقد انو الحل في الدولة القابضة من الفاخورة. تخريمة ثانية: التعسيمة دي يا قيقراوي مهمة خاااااااااااالص عشان المصطلحات دي بتحدد الكلام خالص وبتمنع طق الحنك الساي وهو ميزة من ميزات البورد. تحياتي

ؤ طبارك و علي عثمان هنا بشخصهم و رسمهم .. و لّ رموز؟
ؤ رموز لشنو بالضبط!؟
مؤسسة جلابة ام عقلية/ذهنية .. ام اثنية؟
لو الاخيرة دي احسبني معاهم طوالي .. اعمل شنو؟
السحلية القالا حلولي دي طلعتني جلابي بالميلاد سحنة و لسان
لو بتعتقدوا انو دا سبب كافي انو ننتحر ليكم يبقى فير إناف (لقيتني كيف و انا متكلف انقليزية ما راكبة عدلا)
اي حل يشمل اقصاء احد مكونات شعوب السودان لن ينجح




--------

يا صهيب ما قربت بوستك بتاع امدرمان كلو كلو
لا اطيق احكام القيمة المرسلة طلقيت ساااي في سهلة الاسافير دي ..
و لا طاقة لي بمغالطاتها
ما عارف طبارك هبب شنو بي غادي!
لكن كلامو هنا ما بخش ذمتي بنكلة
و بقول بالحرف الواااحد ليس في الامكان ابدع مما كان (دا لو وافقناهو على سبيل الجدل ساي انو البذاءة القائمة الاسمها الانقاذ دي ممكن تسمى ابداع)
ياخ دا اذراء و استخفاف بالشعوب السودانية و بما هي قمينة و قادرة على انجازو ... لو ارادت
و على قولة الشابي :
اذا الشعب يوماً اراد الحياة .. لا بد ان يستجيب القدر

تحياتي

Quote: لو بتعتقدوا انو دا سبب كافي انو ننتحر ليكم يبقى فير إناف (لقيتني كيف و انا متكلف انقليزية ما راكبة عدلا) اي حل يشمل اقصاء احد مكونات شعوب السودان لن ينجح

تيييييييييييييييييت

قون من بره الخط

Quote: السحلية القالا حلولي دي طلعتني جلابي بالميلاد سحنة و لسان

و لمن فاته حديث السحلية عن حُلولي (رض) الوعي عنه و ارضاه

و لفائدة صحة البوست العامة:



يا عادل .. ياخي... البني ادم/حواء ده ...محتاج في حياتو و لكي يكون مفيد لــ نفسو ولوطنو..و لغيرو ...و يكون منتج و مفيد في الحياه دي... و يقضٌي رحلتو فيها من المهد الي اللحد....
....كانسان .... بحتاج و بشكل اساسي ان يكون معتد بـ نفسو في تكاملا... الوجداني و الجسماني ... -جزء اصيل من هذا التكامل ....الاعتداد باشياؤ الروحيه ...من ثقافه.....
.....دين رقص ...عمل.... انتاج ..... غناء ...تعلم...موسيقي...افراح ....اتراح ...رياضه ...ترويح عن النفس ....الخ
....
...و البشريه دي كوووولها ....بما فيهم اهلنا السودانيين ديل و بتعدد منابتم و مشاربم مافي زول فيهم كان عندو الخيار في في ان يكون شايقي و الاٌ دينكاوي...و الاٌ... حتي هندي...؟؟؟
....كل ما في الامر انو امهاتنا كانو نايمين بالليل .... و اثناء نومهم و من حيث يدرين و لا يدرين ... عدت سحلية من فوق دماغم .... و صحو الصباح لقوا نفسهم زايدين واحد....
....اللقي نفسو برعي ... و اللقي نفسو مهمد سالح ... و اللقي نفسو دينق .... و اللٌقت نفسها الشول ... واللقت نفسها.... ميري .....و في واحدين ما لقو نفسهم اي حاجه .....
....اتولدوا بهنا ... و رموهم في بير السايفون بهناك ..... و هم ما عارفين...الحاصل شنو ..... المحظوظين منهم ... لقوا نفسهم مرميين في الشارع ....
.....زي اصحابي....و اصحاب الشاب .... الفارع الرحمه ومن معه (نعيم علي)....القاعدين.... بدار المايقوما..
...
.....فياخي اذا كانت دي حقيقة الاشياء في اصلها و جذرها و بدون رتوش وكلام كبارات كبارت يزبد به المثقفاتيه ليل نهار ....
....يا خي ما ندي الناس فرصتا عشان تعرف ...و تتعلم و تعرف الصاح من الغلط شنو و بتجربتا الذاتيه.....
... اذا كان دولنا معفنه و متعفنه بقياداتا و اجهزة دولتا و ما بيساعدو في تتطور الانسان فيها ....بقدر ما هم بيدمروا فيهو ....
....
......و الاداك بالكوريق انشاء الله يرشهم بــ فريده .... بس ياخدو فرصتم في الحياه دي .....
....
....عموما لو ما اديناهم .... حقهم ....و فرصتم في الحياه ... حياخدوه عنوة و اقتدارا ...بس حتكون الحكايه دايرا ليها وقت و ضحايا كتير ....
....لكن ما مشكله ...فاذا نظرنا الي الخلف لبرهه سنجد ان اباءنا و اجدانا ....نافحوا و بما استطاعوا ... وماتوا و شبعوا موت....و نحن جيلنا ده اهو بينافح ... و سونر اور ليتر ...
.... حيموت و حيشبع في الموت .... و ستكون الحياه مستمره بالاجيال القادمه .... و ستنتصر.... هذه الاجيال ... لحياتها و لحقيقة الحياه ...


رواه قيقاراوي .. و قال (حديس) حسنٌ .. صحييييييييييح









------

اغرب امة هي امة السودان ابو مليون ميل بشري و مزاج دي!
دائماً ينكشوا ما يفرقهم، بدل التركيز على ما يجمع!!!
لم يكتفوا بالخلاف السياسي .. و لا الطبقي .. و لا كفتهم الردة الرجعية للقبيلة و العشيرة ..
كمان جابت ليها صراع مديني - ريفي فوق بيعة مركز هامش!!

يا ايها الشعوب السودانية الفضلت ..اسمعوا و عوا
انتم في الطريق الى جهنم التشظي، وكتها الصوملة و اللبننة ح تكون سقف بعيد المنال للحركات الثورية

Quote: ....يا خي ما ندي الناس فرصتا عشان تعرف ...و تتعلم و تعرف الصاح من الغلط شنو و بتجربتا الذاتيه.....

انت منو يا حلولّي؟ وتدّي الناس فرصتها كيف؟

والله لينا زمن نفتش ليك ... وجيتنا الليلة ... فارسنا يا حارسنا ...

يا بشاشا معليش على الحوار الطويل وعريض والأسئلة المعصلجة عن الأدوات والوسائل والميكانيزمات ... انا ما قايل معانا حلولّي ... وممكن بضربة لازب يدّي الناس فرصتها عشان تعرف بتجربتها الذاتية ... كدى ادي لينا الشعب دا فرصة بعد نهاية التجربة الدنماركية دي ...

يا اخواننا دايرين آراء جادة لو سمحتوا؛ الأزمة النحنا فيها دي حلها شنو؟

ما تقول انتفاضة شعبية لو ما بتقدر تقول الإنتفاضة حل كيف ... ناس تنظير عناقريب قندهار يمتنعون لو سمحتوا ....




.... المهم ....

العزيز قيقراوي..

Quote: ؤ طبارك و علي عثمان هنا بشخصهم و رسمهم .. و لّ رموز؟ ؤ رموز لشنو بالضبط!؟ مؤسسة جلابة ام عقلية/ذهنية .. ام اثنية؟ لو الاخيرة دي احسبني معاهم طوالي .. اعمل شنو؟ السحلية القالا حلولي دي طلعتني جلابي بالميلاد سحنة و لسان

العفو يا قيقراوي ..لا مقصود شخوصهم ولا رسمهم ..

ولكن المقصود انو انهم عبارة عن منتج ثقافي اجتماعي اتشكل في اطار محدد (عشان كدة انا استخدمت مصطلح ابستيمي فوق الشرحو تبارك) لانو مفهوم الابستيمي دا بيضيئ المسالة خالص.

خلينا منو..

عموما هم منتج لثقافة الوسط وهذه الثقافة اميز ميزها هي احتكارها لادوات الصراع السلطوي والثقافي والاجتماعي ..

يعني رغم انو الاثنين (تبارك وعلي عثمان) مختلفين سياسيا وايديولوجيا ولكنهم ابناء طينة سوسيولوجيه واحدة (ابناء نفس العقلية في اطار الجدل الاجتماعي)..

لو خشيت البوست دا بتريحنى

ام درمان واسطورة ثقافة الوسط!!!.

تحياتي

Quote: كيف تقيم دولة غير جهوية لكل السودانيين؟ كيف تنشئها؟ وعلى ماذا تؤسسها؟

يا تبارك قبل تكوين دولة غير جهوية يجب الإعتراف أولا أن دولة السودان القائمة منذ الإستقلال جهوية لم تمثل إلا مكون عرقي ثقافي معين محصور في الجزء الشمالي من السودان
ويجب الإعتراف أيضا أنها حكومة أبارتيد أوليغارشية إستأثرت علي مدي الخمسين سنة بعد الإستقلال بالسلطة والثروة, وهمشت أكثر من 80% من السودانيين متواجدين في الأجزاء
الأخري من السودان ولم تتيح لهم فرصة التعليم والتوظيف إلا قليلا, وإرتكبت المجازر في حق أكثر من مليونين منهم لا ذنب لهم سوي لإختلاف سحناتهم ولغاتهم
ولأنهم رفضوا الإنصهار في بوتقة ثقافة الشمال!
يا تبارك أضعف الإيمان يجب تقديم كل من أجرم في حق هؤلاء الضحايا إلي المحاكمة وتعويضهم تعويضا عادلا مرضيا, ثم يمكننا من بعد الحديث عن تشكيل لجان الحقيقة والمصالحة
علي غرار ما حصل في جنوب إفريقيا, وبل يجب توثيق هذه الحقائق تاريخيا ووضعها في متحف قومي لتكون وصمة عار للمتسببين فيها وعبرة لمن يعتبر!
ويمكننا بعد ذلك الإرضاء علي عقد إجتماعي يقوم علي العدل والمساواة ويعترف بالتعدد الديني والثقافي واللغوي لكل المكونات الإجتماعية علي حد سواء, ويجب النص في الدستور
علي تجريم التمييز القولي أو الفعلي علي أساس العرق أو اللون أو النوع أو اللغة أو الثقافة أو الدين أو الموطن بعقوبات رادعة, ويجب أيضا بشدة محاربة الأفكار النمطية
ونتيجة للفروق الموروثة منذ الإستقلال بين أبناء المركز والهامش, يجب تطبيق سياسة التمييز الإيجابي La discrimination positive لتعويض الفارق الكبير بينهم في التعليم والتوظيف
والعدالة في توزيع الثروة والسلطة المركزية وتطبيق الفدرالية الحقيقية بضمانات دستورية وتداول المناصب الدستورية والقضائية وفصل السلطات
وإتباع النظام البرلماني ذو المجلسين العمومي والممشل لحكام الاقاليم

هناك فقرة مهمة جدا أهملتها متعمدا لانها محل إختلاف وتشويش لدي كثير من الناس, وهي تحديد هوية الدولة المرجو تأسيسها
كانت هذه الجزئية قبل إنفصال الجنوب بالفعل إشكالية عويصة, ولكن الآن لم تعد تثير بالدرجة الأولي إلا إهتمام أصحاب التيار اليساري وبعض الليبراليين
ربما لأجندة خاصة بهم أو لتعلقها بآيدلوجيتهم, ولكن لا أعتقد أن لها دعم شعبي كبير, وحسب علمي حتي الحزب الشيوعي السوداني لم تعد من أولوياته
في الوضع الراهن لا أعتقد أن تميز الجلابة علي غيرهم من أبناء الهامش يرتكز علي الدين واللغة, ربما لأن أبناء الهامش رغم أنها ليست لغتهم
لكنهم ليسوا أقل فصاحة منهم ونفس الامر ينطبق علي الدين, وإذا جينا للجلابة ذاتهم بالطبع فيهم رطانة وفصيحين كالدناقلة مثلا
ولكن هذا لا يعني البتة عدم كفالة التعدد الثقافي واللغوي وضمان حرية الأديان, ومكون هوية الدولة يكتسب أهميته كمحدد لإرتباطات الدولة
وموجهاتهاالإستراتيجية يجب إستلهامه كقاسم مشترك من مجموع الشعب, وإذا أختلف حوله يجب أن يخضع للإستفتاء

حافط الدور معذور لارحب بقلم الاخ صهيب حامد، المتميز جدا.

سعيد بي معرفتك يا صهيب.

ادروب، فوق دربك او كمان عقب، عليك الله.

اخيرا بفضلك تبارك جا في الخط او ابتدا يناقش موضوع الدوية بدل شبر النظام الحالي، الكان هو حاتل فيهو.

جاييك لي كلامك بي رواقة لانو مهم جدا.

Quote: كيف تقيم دولة غير جهوية لكل السودانيين؟ كيف تنشئها؟ وعلى ماذا تؤسسها؟

تبارك،

اسمع كلام ادروب.

في الاول هل انتا مقتنع انو الدويلة دي جهوية؟

بمعني خاصة بي سكان جهة بعينها في السودان؟

بنقول جهوية او مابنقول اثنية، لاننا كلنا اثنية واحدة، شعب واحد او ثقافة واحدة او بالتالي هوية واحدة.

اذا ماوصلت لي قناعة ان هذه الدويلة، دويلة اقلية، جهوية، خاصة بالشماليين حصرا، لامعني لاي كلام عن بديل او كيفية انجاز مشروع هذا البديل.

عشان الحتة يا تبارك، انا زي ما قتا ليك بقول تور، او انتا بتقول احلبو.

لو اقتنعت انو الدويلة خاصة بالعرب او الشماليين تحديدا او حصرا، ممكن تتوفر الارضية المطلوبة لادارة حوار من علي هذه الارضية، حول مشروع البديل القومي للدولة السودانية.

اذا انتا مقتنع انو الماثل تمام فما جدوي الكلام معاك عن بديل؟

بمعني، الخلل ده حيادي الي دورانا في حلقة مفرغة معاك زي ما سلفا حاصل.

ياخي ماممكن دولة تبيد قرابة ال3,000,000 من مواطنيها افتراضا، او تشرد قرابة ال7,000,000 علي نطاق نصف قرن، او بعد ده تكون عال العال في نظرك!

واضح من الماساة دي ان لاعلاقة قط مابين هذه الدويلة، وهؤلاء المواطنين، قط!

او في ختام ده كلو هاهي هذه الدويلة تشرع في تفتيت السودان!

ثق تماما لو قدر لهذه الدويلة العجيبة ان تستمر، فما حيفضل في السودان نفاخ النار!

التفتيت اطلاقا ما حيتوقف بي فصل الغرب والشرق والوسط من بعد الجنوب!

علي العكس حيتواصل حتي داخل الشمال الاقصي ذات نفسو، علي اساس قبلي محض، زي ما سلفا حاصل في كجبار او مروي، والان دنقلا ايضا مرشحة!

قنا ليك هذه الدويلة خاذوق او قنبلة زمنية، برع الاحتلال في صياغتا.

الطريف انتا عايز القنبلة دي تواصل اطلاق شظاياها، الي ما لانهاية، ليختفي شئ اسمو السودان من الخرطة تماما، او يتخاتفو الجيران!

Quote: اذا انتا مقتنع انو الماثل تمام فما جدوي الكلام معاك عن بديل؟

بشاشا

في مثل بيقول بضدها تتميز الاشياء

كدي كب لينا رؤيتك دي، وبعدين تبارك يقتنع ما يقتنع دي ما المشكلة، صحيح إنتا معنون البوست باسم تبارك، لكن الناس الهنا دي برضو دايرة تشوف رؤيتك شنو لتأسيس دولة غير جهوية.

Quote: تخيل يا ثروت بشبش دا (أو) بتاعتو دي هي (واو) العطف؟؟

محمود مصطفي مرحب بيك او كتر خيرك علي الترجمة.

نعم كلامك صاح، حقيقة بحب اعبر بالكلام الدارج معظم الاحيان، او عشان كده الاخ ثروت راح مسطح، لانو مثقفاتي طبعا او كده!

قلت ليّ نحن هوية واحدة؟

كان اخير اول ... الجهوية نسبة لجهة ما ... عندها هوية متشابهة زي "الجنوبيين" أو "البيجا" أو "الغرابة" أو "الجلابة" أو "النوبة" ... ممكن تكون عندنا أصول واحدة لاكين نحن هسى متعددين ... (نسيت "اهل العوض" و "اولاد قلبا") ...

شوف يا حبيبي ... الحاجة الإنت بتتكلم عنها دي ... دا خارج القسمة بتاع "ازمة الحكم" الكان بيتكلم عنها جون قرنق زماااااان ... لامن يكون مافي شغل استراتيجي محلي لبناء دولة ويكون الموضوع ورثة نظام الحكم الاستعماري بتكون الجهة البتعبرعن ثقافة المركز هي الجهة ذات الحظوة بالسبق الزمني في الحكم ... والانجليز ما مالو للسوداني وحيد اللغة العربية رضوخاً عند معلقات الفخر التي نظمها بشار بن برد ... وإنما لأنو تصادف انو خطوط السكة الحديد الصمموها لنهب ثروات البلاد كانت تسهل إدارتها من حلفا وعطبرة وبورتسودان وهيا وسنار التقاطع ومقرن النيلين .... يعني المسألة بالنسبة للمستعمر دائماً كانت طقس وتضاريس ومكونات طبيعية وجغرافية قبل أن تكون أعراق وقبائل ... ودا كان نفس منظور الإمبراطورية العثمانية الورثتها الإمبراطورية البريطانية ... القاسم المشترك بين كل هذه الشعوب والقبائل (والسهّل الإدارة للعثمانيين والأتراك) هو الغازي العربي الإسلامي ... وذلك لأن الغازي العربي غازي ثقافي قبل أن يكون غازي اقتصادي ... يسلب الهوية قبل أن يسلب الموارد ... تتعلم منه الصلاة فتدخل في التيه فتغنّي بلسانك وتصلّي بلسانه (كما يقول محمد عبدالحي) ... ثم تتعمّق في التيه فتغنّي وتصلّي بلسانه ... كانت النتيجة هي استصحاب الهوية العربية مع الهوية الإسلامية في المركز المهيمن سياسياً ... وجاءنا مكمايكل بنسب الجعليين والشكرية والبطاحين والرباطاب وهلم جرا مما جاء به مكمايكل ونعوم شقير ... فانتهينا للحالة الجهوية الحالية ... ولكنها ليست سبب أو مسبب أزمة ... بل تمظهر ونتيجة أزمة ... وهي أزمة الحكم وغياب الإستراتيجية المحلية لبناء دولة ... أزمة الحكم يمكن حلّها بالتوافق على نظام حكم يتصدّى للأزمة ... عدم التوازن الإجتماعي الذي سببته أزمة الحكم المزمنة ليس له حل جذري وفوري ... إنما خطة بعيدة المدى لإعادة بناء الهوية والمجتمع وتوازن الثقافات المتعددة ... وأول خطوة هي التحوّل الديموقراطي والدستور التعددي ... وهذه خطوناها في 2005 ولا زالت متعثرة بسبب ما انتجته من إزاحة للمركز التقليدي المهيمن (ممثلاً في الطائفتين والشيوعيين وبقية أفندية المدن) ... الخطوة الثانية هي الإنخراط الجاد في تفعيل هذا التحوّل الديموقراطي (وقد مرت انتخابات كاملة اثناء "حردان" الديموقراطية، فلم تنتج سوى مزيداً من عدم التوازن السياسي) وخطوة الإنخراط هذه ستبدأ عندما تعلم أنت (وبتاع لجان الحقيقة والمصالحة ولا مؤاخذة) أن من يريد دولة لكل السودانيين يصنعها بالعمل الدؤوب على ترقيتها وبنائها بدلاً من التفكير في هدمها واستبدالها بالأحلام ... والمرّة دي انشالله تفهم انو الكلام البتقول فيهو كتشخيص للحالة دا كلو كلام واقع ... وكونو كلام واقع ما معناها هو التشخيص الوحيد الصحيح أو معناها إنك طرحت حلول بناءاً على تشخيصك البوصف الأعراض وينسى الفيروس دا ...



دي آخر فرصة ليك تبطّل خطابة وحجج دامغة ولغة عميقة .... وتطرح حلول ... أو على الأقل تورينا الفرق شنو بين طرحك والدولة الحالية ... في الدولة الحالية القانون يجرّم التمييز والتفرقة بالقول والفعل ... دا طرح أدروب البتقول ليّ اقراهو ... يمشي هو يقراهو عند علي عثمان في الحقيقة ...

وصهيب لسة ما اخد حصص انشا ... كان ممكن ينفع تلميذك ... لاكين انا ارد عليك انت اول ... هو أصلاً ماعندو كلام مستقل يردّوا عليهو ...




... المهم ....

.

ردا على نقطة ذكرها في بوست :

ام درمان واسطورة ثقافة الوسط

علق تيارك قائلا:

Quote: ام درمان دي لسة ما اتملت؟ (وهو تعبير "هامشي" يقال للأكول اثناء الطعام!)

وردا على نقطة في هذا البوست علق تبارك كذلك:

Quote: هامش: آركيولوجي: متعلق بالآثار التاريخية ابستيمي: متعلق بعلوم المعرفة علماني: محايد عقائدياً ثيوقراطي: متعلق بمؤسسة أو معبد ديني بحجم دولة

ولاحظوا معاي استخدام كلمة (هامش ) في الحالتين استخداما (مطاعناتيا!!!!!!!!!!!!!) ..برضو ماااااااااااااااااااااااااامشكلة هامش هامش ماهي الكلمة في قاموسنا مااااااااااااااااانبزة.

الغريبة انو تبارك ما لاحظ انو في فيل فكرة مفروض يطعن فيهو بدلا من المطاعنة ..عفوا اقصد الطعن في ضلو!!!!!!!!!!!!!.


----------------------------------------------------------------------------------------
تخريمة :وبدون اخطاء لغوية او اصطلاحية يا اهل الخير لو في زول مسك لينا تبارك دا من حتة يقول لينا عوووووك ..الا كان تطلعوا من مويتو دي..

ما كنت فاضي ليك يا تبارك ،لكن قلتا شنو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.....................

Quote: هامش: آركيولوجي: متعلق بالآثار التاريخية ابستيمي: متعلق بعلوم المعرفة

لا ما صحيح في ديل كضبا كاضب ..وكان رديت على اساس الاخطاء اللغوية والاصطلاحية الارتكبتها هنا الا تعيد الاجابة ..

اركيولوجي :وحسب تعريف فوكو في (اركيولوجيا المعرفة) وما ابتدره في (الكلمات والاشياء) معناها حفريات المعرفة (ما عندها علاقة بعلم الاثار ،ما لك بقيت لي زي حمودة حلاق الجامعة)......

ابستيمي: لالا كضبا كاضب مااااا عندها علاقة بعلم المعرفة ديك الابستيميولوجيا ..صحيح ميشيل فوكو ناجرا منها ولكنه كما اعتاد استخدمها استخداما جديدا بمعنى النسق..وهذا الاخير هو المشكل الاساسي لحركة البنية ( انتو مافي بنيويين في المنبر دا خالين تبارك دا يمرمط بالبنيوية قدر دا!!!!!!!!!!!!!!!!).




--------------------------------------------------------------------------------------------------------
تخريمة: اها عد لي الاخطاء الاصطلاحية واللغوية (هههههههههههههههههههههههههههههههههههههههههههههههههها) ..شفتنا كان قمنا نطعن في ظل الفيل طعانين كيف يا تبارك ..عشان كدة ما تعد عشان مانعد ،قال ابستيمي معناها علم المعرفة قال!!!!!!!!!!!!!!!!!!!!!!!!!.

تخريمة ثانية: اهلنا زمان قالوا لينا القوقلة براها مضرة ..دايرة حبة كتب واسال واحدة اسمها فردوس جامع يا حدق.

تخريمة ثالثة: ما قلتو بارا ما فيها بصل!!!!. (حاشية :تعرف بارا يا مركز؟؟؟.)

Quote: اركيولوجي :وحسب تعريف فوكو في (اركيولوجيا المعرفة) وما ابتدره في (الكلمات والاشياء) معناها حفريات المعرفة (ما عندها علاقة بعلم الاثار ،ما لك بقيت لي زي حمودة حلاق الجامعة)......

يعني محتج على "آثار تاريخية" عشان تجيب "حفريات"؟

Quote: ابستيمي: لالا كضبا كاضب مااااا عندها علاقة بعلم المعرفة ديك الابستيميولوجيا ..صحيح ميشيل فوكو ناجرا منها ولكنه كما اعتاد استخدمها استخداما جديدا بمعنى النسق..وهذا الاخير هو المشكل الاساسي لحركة البنية ( انتو مافي بنيويين في المنبر دا خالين تبارك دا يمرمط بالبنيوية قدر دا!!!!!!!!!!!!!!!!).

ابستيمي: epistemological (يعني: متعلّق بعلم المعرفة!)

ابستيمولوجيا (ما عارف الياء الزايدة جبتها من وين): Epistemology (يعني: علم المعرفة ذات نفسو!)

كونوا الراجل بينتقد النسق الإبستيمي الفرنسي بمنهجية تحليل "التصريح" باعتبارو مجموعة القوانين التي تتحكّم في تعبير ما (الجملة، الحروف والظروف، فعل التخاطب) ليكون مفهوم خطابياً (أو على مستوي الخطاب الحياتي لصاحب التعبير!) ... وهو يستخدم ادوات معرفة قديمة ويتعامل معها باعتبارها "حفريات" عفا عليها الزمن ... هل هذا يغيّر معاني المصطلحات؟

آركيولوجي: متعلّق بالآثار التاريخية (أو الحفريات) آركيولوجيا: علم الآثار ...
ابستيمي: متعلّق بعلوم المعرفة (متضمنةً هذا الدرس المجاني) ابستيمولوجيا: علم المعرفة


وركّز معانا على الإنشا ... لأنو كلامك دا كلللللللو ... أصلاً ما عندو علاقة بى موضوع البوست ... انت امسك طرف جلابية بشاشا وباريهو من سكات ... واعتذر ليّ لى حبيبتك الحرشتك ترد عليّ بالبجاحة دي ... قول ليها قال ليك هو ما قاصد يمرمط الولد ...

وبعدين يا ابو العريف، وينها حلولك الإنت طارحها؟ مفروض تساعد عمك بشاشا دا شوية ... الراجل كبر ...

(بعدين تاني ما تقشر ليّ بى كتاب مترجم بالعربي ... لأنو دي حفريات المعرفة الأصلية!)


... المهم ...

بعدين اوع تبقى زيّ محسن خالد وتقول ليّ "كضباً كاضب" ... بشتم أمك وحبوبتك الجابتك طوالي ...

المرّة دي بنفوتها ليك لأنك جديد وغر ويافع ... وقد أعذر من أنذر ...








... المهم ....

سلام يا تبارك

Quote: ناس تنظير عناقريب قندهار يمتنعون لو سمحتوا ....

اوع تكون قاصدني؟؟!!

ما علينا

في سؤال فوق كنت وما زلت منتظر اجابتك عليه

بث الوعي دا المستهدف بيهو منو؟؟

تحياتي

Quote: اوع تكون قاصدني؟؟!! ما علينا في سؤال فوق كنت وما زلت منتظر اجابتك عليه بث الوعي دا المستهدف بيهو منو؟؟

ما قاصدك ... قاصد ناس التنظير بتاع: الدستور مفروض يتطبّق ... ندّي الشعب فرصة يقول كلمتو ويعيش تجربتو ... وناس: وينا الديموقراطية؟

دايرين الحاجات تحصل بناءاً على وجهة نظرهم الصحيحة ... لأنو لو ما ضربوا العضة ما بقوموا من العنقريب ... البنفّذ منو؛ ما معروف؟

احتمال اجندة تفعيل الدستور حا تنفّذها المرا بتاعة اللحمة مع السلطات والشاي ..

والطلبة ... اقل غلات تلقاهم بيظاهروا ... يظاهروا في أيّ موضوع ... وجري على "الشعب يريد اسقاط النظام" ...

بعد دا كلّو تسألني بث الوعي مستهدف بيهو منو؟

مستهدف بيهو كل من يفتقر للوعي بذاتو وبحاضرو ومستقبلو والعالم من حولو ...

مستهدفين بيهو "الشرفاء" ... لأنو حرب الشرف دي دخلت على دويلتنا ومحبّتنا دي بى وين ما عارفين زاتو ...

مستهدفين بيهو "الكيزان" ... قايلين القصة هلال مريخ ... الفي حوشو حقّو والبرّة في الشارع مال سايب ...

مستهدفين بيهو "السلفيين" .. عشان يلغو التوكيل الأداهم ليهو الله ورسولو ...

مستهدفين بيهو "المسيحيين" .. أيّ حاجة تحصل يجروا واي واي واي .. الفكرة الوحيدة الطلعوا بيها من السياسة هي فصل الجنوب ...

مستهدفين بيهو "الثوار" ... قايلين انتاج الحياة من شغل البنادق ... والبنادق ما بتنتج غير الموت ...

مستهدفين بيهو "المهمّشين" .. يستجيبوا للقهر بالصغار والإنبطاح طالبين الحياة الكريمة في أبواب المؤتمر الوطني ...

مستهدفين بيهو "المثقفين" ... يمتهنون الثقافة تكسّباً وليس قضية ...

مستهدفات بيهو "النسوان" ... عاملات فيها ما داخلات الفلم دا كلّو ...





... المهم ....

تحياتي يا تبارك
وشكرا لردك

طيب امشي معاك قدام في الحوار، واجاوبك على سؤالك الما لقيت ليهو اجابة لحد هسع
"الحل شنو؟؟" امكن معظمنا ما عنده اجابة كافية او مكتملة، وانا بخت نفسي في الخانة دي
ودا ماعيب، العيب انك تصر تدافر وما عندك مشروع

اولا يا حبيب خلينا اعترف ليك بحاجة، انا زاتو كنت ولحد وقت قريب مقتنع زيك بانو الناس تكابس
في الصناديق دي وتقالع الكراسي في البرلمان شوية شوية.

وقلت كده جهزت اوراقي وعملت برنت آوت للاشخاص النزلو انتخابات في دائرتي الانتخابية (دا برنامج عمل
انا ما زلت مصر عليهو وما من الحكمة طرحه هنا) موش لانو خطر وبكره ممكن يقبضوني، فقط لانها خطة سياسية
ما داير الخصم يسمع بيها)
نواصل، قلت يا ولد اجيب تلفونات الناس دي، واشوفها ولو في طريقة اقابلها (الكلام دا بعد الخج الحصل)
وساكت كده اتونس معاهم واقول ليهم ياخي انا الزول المسكين دا في دائرتكم الانتخابية، والحصل حصل وتم اسقاطكم
في الانتخابات لكن الجايات في ونشوف كيف ممكن نتصرف تجاة المؤتمر الوطني وشنو المطلوب مني كمواطن للمساهمة
في انو زول من السايد التاني يفوز بدل واحد كوز

اها، ومشيت لزول مسئول سياسي كبير في حزب (كان يحسب الى وقت قريب في صف المعارضة) وقلت ليهو زولكم دا
وين وداير تلفونو وكده، الكويس انو قدر على الاقل يتذكره ويتعرف على اسمه، لكن ما عنده معلومات عنه
اكتر من كده، طيب دي مصيبة حزبية وقول ما عندنا بيها شغله.

هي اسبوعين اجازة في الخرطوم، ضيق الوقت لم يسمح بالكثير

ومشيت على شبابنا واجتمعنا مره (غير منظمين في حزب) وخلصنا لانه القصة دايره منبر سياسي، حزب يعني
عشان تقدر من خلاله توصل رسالتك الدايرها .... الخ وتناقش قضايا تعتبر اساسية عن طريق الحوار فيما بيننا والحوار
مع الآخر المختلف والمتفق معاك في ... يعني الهدف الاساسي منو ليس اسقاط النظام مثلا

الفكرة في والنية في لكن لصعوبات لوجستية مكانيه وزمانية الامر قد يستغرق بعض الزمن، دي هموم خاصة ما نشغل بيها الناس

لكن ما اهم ما اثير من نقاشات هنا وهناك، ويا احمد ابن عوف فكرتك جميلة وعملية ... الخ ،ختوني امام السؤال الصعب

الخج والتزوير ح يتواصل، وح يتكرر تاني وتالت يبقى العمل شنو يا تبارك، نشتغل شغل اولاد ناس غير الحصرم ما حتجنى حاجة

نقول ثورة سلمية لاسقاط النظام .. تسألونا ياتو نظام، نقول كل القوة الخرطوم جوه ... عييييك تنصب لك المشانق فورا

زي ما قلت ليك، ما عندنا او على الاقل دعني اتحدث عن نفسي، ما عندي حل واضح وشامل، لكن البعرفو، ما يمكن انجازة
في غياب الملاعين ديل نتائجة بتكون اسرع وانجع من العمل والحوار في ظل وجدوهم.

فضيت ليك ياتبارك ..

في البداية كنت بارتايمر..







--------------------------------------------------------------
كدي نتفق انو نترك شتيمة الامهات والاخوات والحبوبات ..شكلك اتعلمت الكلام دا من بوست (لماذا غاب الحزب الشيوعي من ندوة لندن ) شايفك كنت متفرجخ ومستمتع بشتايم صلاح الندر وخالد العبيد وغيرهم..

اسع يا تبارك البوست دا فكر وثقافة علاقتو شنو بشتايم الامات والحبوبات.

تنبيه : شتم الشتيمة البتعرفا وانا حاعريك فكريا وثقافيا وما عندي علاقة باي شتيمة


يلا خلينا نواصل يا جيل دولوز (انشا الله عرفتو يا البتقرا بالهيروغلوفية)

اولا يا تبارك خلي الفنجطة..

Quote: وركّز معانا على الإنشا ... لأنو كلامك دا كلللللللو ... أصلاً ما عندو علاقة بى موضوع البوست

ها ها ها يا تبارك ..

هي القصة بدت وين !!؟.

بدت لما انت بدلا من الرد على المدخلة ادناه ..

Quote: القصة انو الجلابة عموما في حاجة فايتة عليهم وهي انو هجومهم على الانقاذ يعاني من حالة سيندروم كساحي ..كيف!!؟. فموقف الجلابي المع الانقاذ والجلابي الضدها بيستبطن موقف ايديولوجي واحد .. لكن هناك خلاف ايديولوجي فرعي ذا طابع سياسي .. كيييييييييييييييييييييييييف!!!!!!!!!!!!!!!!!!. الايديولوجيا العامة البلتقو فيها الجلابة جميعا هي ايديولوجيا الشمال النيلي او ايديولوجيا البحر ودي ذات طابع ثقافي فكري عروبي ،او بكلمات محمد ابو القاسم حاج حمد ذات نزوع متوسطي .. يعني بالتعبير البنيوي (او الاركيولوجي حسب فوكو ) ان ابستيمي هذه البنية واحد بتاثر بيها اي زول صادر منها لو بقا تبارك او علي عثمان!!. لكن ممكن للاول انو يقرا الابستيمي دا بطريقة علمانية والثاني يقراهو ثيوقراطيا ،ولكن في النهاية القراءة دي تجلي للشئ ذاته دون انو تبارك يتجرأ انو يقطع مع هذا المكون الثقافي واكبر دليل مداخلات تبارك في بوست [URL]ام درمان واسطورة ثقافة الوسط!!!.

اها وبدلا من الرد الواضح على الكلام الواضح اعلاهو بديت تتهكم على استخدام المصطلحات وكانوا المسالة دي بتحلك..

قال شنو ..

Quote: ركيولوجي: متعلق بالآثار التاريخية ابستيمي: متعلق بعلوم المعرفة علماني: محايد عقائدياً ثيوقراطي: متعلق بمؤسسة أو معبد ديني بحجم دولة

يعني الولد بقي اندرية لالاند صاحب قاموس المصطلحات الفلسفية ..ولانو تبارك بتعوزوا الادوات ، طوالي بدا الطبيز الظاهر اعلاه ..

نواصل

Quote: يعني محتج على "آثار تاريخية" عشان تجيب "حفريات"؟

هاهاهاها ..برضو كضبا كاضب يا تبارك..

المعنى الحرفي لاركيولوجي ARCHEOLOGY هو ما ذكرته يا تبارك (اثار تاريخية )..

ولكن لانو انحنا ما جينا المنبر دا مترجمين عشان كدة ما شغالين بقصة اثار تاريخية دي..

لقد قام فوكو باستعارة الكلمة من حقلها التداولي الاول وركزها في سياق اخر لتاخذ معنى اصطلاحي اخر ..

بمعنى حفريات والصفة منها حفروي ...

المترجم الاول لكتاب فوكو (حفريات المعرفة)يا تبارك كان زيك كدة وقام بترجمته بعنوان (علم اثار الوعي الجماعي) وضحك فيه النقاد مما ادي لبواره (خلي بالك من نفسك)....



-----------------------------------------------------------------
امشي قوقل تاني لما امشي واجيك

صهيب ازيك ياخي

نقطة نظام :

بالنسبة لمسألة الشتيمة من طبارك، دي عندها سالفة مع محسن خالد
استعمل نفس عبارة "كضباً كاضب" دي .. و يبدو انو طبارك ما قابلها .. و ردو عليها كان شتم والدة محسن لها الرحمة
فياخي هو ما كان بهدد .. قدر ما انو بوصل ليك الرسالة!


واصل في صراع الفكري، كيفما ترى .. بس ابعد من العببارة دي تحديداً
من حقو تحترم ليو حاجاتو .. و من حقنا نستفيد من نقاش فكري صافي

تحياتي

Quote: هاهاهاها ..برضو كضبا كاضب يا تبارك..

ياخي العن أمك ... استعدل لغتك معانا شوية ...

Quote: ياخي العن أمك ... استعدل لغتك معانا شوية ...

تبارك
ياخي صهيب دا قدامك اشتموا اعمل معاهو العايزو، أمو دي ذنبها شنو؟؟

Quote: صهيب ازيك ياخي نقطة نظام : بالنسبة لمسألة الشتيمة من طبارك، دي عندها سالفة مع محسن خالد استعمل نفس عبارة "كضباً كاضب" دي .. و يبدو انو طبارك ما قابلها .. و ردو عليها كان شتم والدة محسن لها الرحمة فياخي هو ما كان بهدد .. قدر ما انو بوصل ليك الرسالة!

كان كدا اسفين ومقدرين يا قيقراوي..

والعتبى لتبارك ..

ولكن برضو نواصل في الصراع الفكري الصافي

Quote: ياخي العن أمك ... استعدل لغتك معانا شوية ...

تبارك،

ده شغل اطفال ياهذا.

حتي لو عايز تكون ظريف فهذه سماجة بحق.

زول قال ليك ده كذب، تشتم والدتو؟

الشتائم الذي دي محل ما طارت بتجي صادة او ترك في صاحبا.

اطلاقا انتا ما شتمتا صهيب، او اهلو ولكن شتمت روحك او اسرتك والسلام.

ملاحظة مهمة: مداخلتي الاخيرة اعلاهو كتبتها قبل ان اشاهد رد تبارك ادناه..

Quote: ياخي العن أمك ... استعدل لغتك معانا شوية ...

-------------------------------------------------------------------------
فرجختك في بوست (لماذا غاب الحزب الشيوعي عن ندوة لندن)..زادت فنجطتك يا تبارك

زي ما قلت ليك انت اشتم وانا اعري(و ست الناس حتظل ست الناس رغم نقط نقط نقط)..



وبرضو حنواصل

Quote: تبارك ياخي صهيب دا قدامك اشتموا اعمل معاهو العايزو، أمو دي ذنبها شنو؟؟

ما ربّتو ... زي ما قلت لى محسن خالد قبل كدا ...

البيستخف بى قيمة الصدق وينفيها عند الآخر ببساطة كدا ... زول ما متربي على قيم الصدق ... ودي غلطة الأم ...

دا من ناحية ... من ناحية تانية ...

تشتمني بى حاجة عزيزة عندي وما بقدم فيها تنازلات (المصداقية) بشتمك بى حاجة عزيزة عندك وما بتقدم فيها تنازلات ..

الداير يتناقش بى "كضباً كاضب" يتناقش مع زول تاني ممكن تليق فيهو الصفة دي ..
________________________________________________________________________________

أمو ما مهمة ... نرجع لى النقاش (أو الصراع الفكري!!!) ...

الآركيولوجيا .... علم دراسة الشعوب من النواحي التاريخية والثقافية والإنسانية في فترات تاريخية سحيقة عبر الآثار التي يتركونها من أدوات وأواني وثقافة مادية ومعمار ونصوص ... تستخرج هذه الآثار التاريخية من عمليات الحفر بواسطة علماء الآثار ... وتسمي القطع المستنبطة من باطن الأرض "حفريات" إلى أن يتم تصنيفها على أنها "آثار" وهي العملية التي يقوم بها علماء الآثار (وليسوا علماء "الحفريات") استخدام فوكو لهذا اللفظ في (حفريات المعرفةArchaeology of Knowledge)* استخدام مجازي اعتيادي لغةً ... وليس فيه "اصطلاح" جديد ... هو مجرد إشارة للنسق الإبستيمي الفرنسي French Epistemological Tradition (لاحظ أن Tradition وردت بمعنى "نسق" وليس "ابستيمي") أي نسق تحصيل وتفنيد المعرفة عند الفرنسيين ... باعتباره نسق قد عفا عليه الزمن ولم يعد مواكباً لنظريات المعرفة الحديثة ... فصار ضرباً من ضروب الآثار التاريخية (أو الحفريات إن شئت) ...

كما أسلفنا ... استخدام "فوكو" المجازي لا يغيّر معاني المصطلحات (وآركيولوجي لا تعني "بنيوي" بأي حال من الأحوال عند "فوكو"!) ... وبما أنك لست "فوكو" ولم تأتِ بسياقات ناقدة لنظرية المعرفة عند الجلابة باعتبارها "آركيولوجي" (ولو فعلت لأخرجتنا من الدنيا وسقطها) فقد أتت عباراتك غير مترابطة في المعنى وغير لافقة في السياق ... فوضعنا "هامش" (وهو أداة "معرفية" مستخدمة في الكتابة بصورة اعتيادية لا "مطاعنة" فيها) رأينا أن رأيك الذي يحتاج لهذا الهامش لتوضيح أنك (تنقز برّة الدارا) وتهرطق بكتاب قرأته حديثاً ليس إلاّ ...

تكرار وتوكيد للمعاني الواردة في الهامش أعلاه:

آركيولوجي: متعلّق بالآثار التاريخية
إبستيمي: متعلّق بعلوم المعرفة
علماني: محايد عقائدياً
ثيوقراطي: متعلّق بمعبد ضخم يدار على أنه ذو سيادة منفصلة عن دول العالم الأخرى (الفاتيكان مثالاً) عشان ما تلخبتو بالدولة الدينية ...

بناءاً على التوضيحات أعلاه ... وبالرجوع لكلامك ... فأنت لم تقل شيئاً يستحق الوقوف عنده والرد عليه ... في الحقيقة أنت لم تقل شيئاً بتاتاً ...





... المهم ....
__________________________
*) الرابط يقوم بتنزيل كتاب حفريات المعرفة باللغة الإنجليزية من 238 صفحة مختصرة من حيث الحجم في 123 صفحة!

Quote: فرجختك في بوست (لماذا غاب الحزب الشيوعي عن ندوة لندن)..زادت فنجطتك يا تبارك زي ما قلت ليك انت اشتم وانا اعري(و ست الناس حتظل ست الناس رغم نقط نقط نقط)..

شايفك ما جبت سيرة بوست ام درمان ... انت داير تجرّني لى حوارات انت شايفها مهمة .. في طريقة اسهل من الطريقة البتعمل فيها دي ... امشي بوست لماذا غاب الحزب الشيوعي عن ندوة لندن أو بوست ام درمان ... واكتب كلام عليهو القيمة ويستحق الرد ... انا بقرا قراية شديدة جداً وبى تركيز ... لو لقيت ليك كلام يستحق الرد برد طوالي ... في بوست ام درمان (طبعاً تاني ما رجعت ليهو وما اظن القى زمن ارجع ليهو) آخر حاجة كتبت ليك انو انت داير تشتهر على حساب ام درمان ومناظرة اولاد ام درمان ... فدلوقت الحوار دا مهم ما تستهلكوا لينا بى مخططاتك (لتعرية) أي زول ... رسّل ليّ إيميلك في الخاص ... برسّل ليك صور ما بعد (التعرية) لمتعتك الشخصية ... وسيب النقاش دا يمشي في الإتجاه المناسب ... (بعدين القال ليك منو انو انا - كجلابة - في حالة هجوم على الإنقاذ أصلاً عشان تشخص الهجوم بحالة كساح أو كساح سيندروم بما إنو سيندروم يعني "أعراض")
__________________________________

أحمد ابنعوف ...

مداخلتك مهمة ... في أحزاب كتيرة قامت على أساس أنو الفراغ الموجود في الديموقراطية الحالية هو فراغ في مؤسسة حزبية تبلور وجهة نظر الرأي العام ... وتخلق توازن لهيمنة المؤتمر الوطني لمفاصل النظام الديموقراطي وممارساته القمعية تجاه الرأي الآخر بطريقة تنافي أسس النظام الديموقراطي ... كل الأحزاب المسجلة في تحالف القوى الحديثة (حشد) تمثّل نفس الحالة بنفس دوافع التأسيس ... هنالك غياب في الممارسة الديموقراطية ... ولكنه ليس غياب مؤسسة حزبية فريدة لم تنشأ بعد ... ولكنه غياب ذهنية التعاطي مع الديموقراطية بثقة في الديموقراطية ... رغم كل مؤشرات عدم الثقة في الآخر ...




... المهم ....

بالله لا تضيعو وقتكم مع ال crackhead ده

OK