ميادة سوار الدهب في أجرأ حوار سياسي مع صحيفة "التيار" ....

Quote: وهذا هو من نوع التناقضات والتشويش الذي لا يقدر عليه الا المثقفون السودانيون .. ما الذي يجعلك تقف مع حريات الناس السياسية والاجتماعية وترفض لهم حريتهم الاقتصادية في العمل والكسب والتطور والنماء والثراء ؟؟ كيف يمكن لك ان تسمى نفسك ليبراليا اصلا وانت ترفض اصلا اهم مبادي ء الحرية وهي حرية الناس في كسب معاشهم والتمتع بثمار ذلك الكسب والعمل ؟؟

Quote: ما اراط الا شيوعيا لا تزال يا فتحي وان انكرت وتلونت من الخارج بلون اخضر ؛ وانت وان خرجت من الحزب الشيوعي الا انه لم يخرج منك للاسف؛ حين تقول انك غير مقتنع بالحرية الاقتصادية

اخيراً احب اوضح حاجة، مع تأميني على حقك المقر اعلاه ..
ياخ حزب الخضر و الحزب الشيوعي و الليبرالي وحق دي مجرد (احزاب) بناءات يعني
بشكلها الانسان مش هي البتشكلو ..
كلامك اعلاه واقف على راسو!
الحزب الشيوعي دخلته من بوابة السياسة .. و دي بوابة دخول و خروج زي ما انت عارف
و خرجت بنفس البوابة لما اتناقضت قناعاتي مع (ثوابته) او قول جوامده عديييل كدا

و الخضر حزب سياسي –زيكم- فارش بضاعتو دي في سوق الله و اكبر دا ذاتو
و كل الحصل بضاعتو صادف انها بتوافقني وصادفت هوى في نفسي .. فاشترت .. المافي شنو!؟

بضاعتكم بعض جوانبها- وقد يكون لجهلي بمواصفاتها- ما خارجت معاي او كان ممكن اشتري منكم عادي
اها المشكلة وين هنا .. مش انت ليبرالي .. خليك مني انا الما ليبرالي كلو كلو دا!
ليه ما عاوز تقر لي بحقي و حريتي ياخ!
ليه كل (الاحزاب) عاوزة تعيد صياغتنا - الشعب الفضل دا- سئمنا ياخ!
مافي حزب يقبلنا كدا -على علاتنا- و يقدم لينا برنامج (ارضي) لحياة كريمة!؟

ثم ياخي لو كنت شيوعي بكلمكم والله ، انتو اخوان برضو ياخ! ..المافي شنو!؟
لمن كنت شيوعي ما دسيتا .. و لمن خليتا ما دسيتا .. ليست مرضاً جنسياً ..
اما اذا كان في اعتقاد(ك) انو مافي اشتراكية الا شيوعية فانت حر –برضو- في اعتقادك
لكن انا ما شايف كدا (وانا برضو حر) .. مش ياها دي الليبرالية و لّ كيف!؟
كل النقد البتقول فيو عن الشيوعية دا انا عندي اكتر منو .. لكن دا ما مقامو هنا .. و لّ شنو!؟
اما اذا كنت مقصود بيو انا .. فبتكون بتكوي في البحر في صرتو (او كما تقول امي بت السيمت )



تحياتي
سلام و سلام

------

ما ذنب جلد الطار لو غنوا بيهو شُتر!؟

فيما يخص الاشتراكية برضو ح نجتهد مع كل الاشتراكيين الديموقراطيين في :

Quote: وسننتزع اي مصطلح نرى انه يعبر عن اطروحتنا بشكل جيد من الايادى الملوثة ونعيد له الاعتبار في معناه الابستمولوجي العام وفي اطار سياق استخدامنا المحدد.

المافي شنو!؟