|
|
|
 Re: *** لاعــزاء للرجال *** (Re: ماجدة عوض خوجلى)
|
شنو يعنى .. ما نعزى ؟ طيب نستفسر :
بنتنا ماجدة التحية لك ولقلمك الشيق ..
ارجو المعذرة على هذا الاستفسار ولنقل السؤال البرىء:
هل انتى ومنى ..والدكم عوض خوجلى من ام درمان - الركابية-
اذا كانت الاجابة بنعم..ارجو التكرم بالرد..لان بيننا صلة قرابة
قوية ..واذا كانت بلا فارجو المعذرة ..ولكنا كل التقدير.
عقيد(م) يوسف محمد يوسف
| |
 
|
|
|
|
|
|
|
|
Re: *** لاعــزاء للرجال *** (Re: يوسف محمد يوسف)
|
اخى يوسف
Quote: شنو يعنى .. ما نعزى ؟ طيب نستفسر :
بنتنا ماجدة التحية لك ولقلمك الشيق ..
ارجو المعذرة على هذا الاستفسار ولنقل السؤال البرىء:
هل انتى ومنى ..والدكم عوض خوجلى من ام درمان - الركابية-
اذا كانت الاجابة بنعم..ارجو التكرم بالرد..لان بيننا صلة قرابة
قوية ..واذا كانت بلا فارجو المعذرة ..ولكنا كل التقدير.
عقيد(م) يوسف محمد يوسف |
اولا انتو المعنيين كيف بس عايزين تعزو ده اول هام
تانى هام انتو ممكن تمشو تعزو بعضكم لانكم محتاجين للتعزيه
وانتو بس اصبروشويه على رزقكم
تحياتى ليك اخى يوسف
| |
|
|
|
|
|
|
|
|
 Re: *** لاعــزاء للرجال *** (Re: lana mahdi)
|
مجودة !!!
مودتي ,,,
حينما تخلط إمرأة ما أوراق غيرتهاعلى من تحب بغيرتها من نجاح صديقة لها فتكون لهما بالمرصاد أقول
لا عزاء للرجال,,,
وحين تشهر الزوجة سيف تسلطها في وجه زوجها فتأمر وتنهي ,, تقرر وتنفذ,, أقول لاعزاء للرجال,,,
وحين يناقش رجلا فكر إمرأة فيكون الجهل سيد الموقف أقول بصدق لا عزاء للرجال ,,,
وحين يكون العاشق رجلا محبا مخلصا بينما تكون المعشوقة في وادي غير ذي زرع لا تعرف كيف تصون هذا
الحب لينمو ويكبر أقول ,,, لا عزاء للرجال ,,,
وحين تفكر الزوجة بعقلية ( كتفيه بالعيال) فتتحول إلى فقاسة بيض ,,, أقول لا عزاء للرجال ,,,
وحين يكتشف الزوج أنه رجل واع ومثقف لكن يعيش تحت سقف واحد مع زوجة لم تقرأ سطرا واحدا في حياتها
غير الكتب المدرسية أقول لا عززززززززززززززززاء للرجال وتسلمي يا ست الحبايب .
| |
|
|
|
|
|
|
|
|
|
Re: *** لاعــزاء للرجال *** (Re: ماجدة عوض خوجلى)
|
فى الحقيقه الدفعنى علشان اتكلم فى الموضوع هى ظاهرة موجوده من زمن للاسف الشديد لكنها كانت محصورة على نطاق
ضيق ومحدود ومحدوديتها بتكون السبب فى انها ماتلفت الانظار ليها بس فى الفترة الاخيرة بدات هذةالظاهرة المرضيه تتوسع وتاخد شكل مزعج وللاسف تحتل فيه المراه المتعلمه والمتفتحه والمثقفه حيزا كبيرا فيها هنا تبقى الكارثه
وقبل ماادخل فى الموضوع لازم اوضح انو كلامى ماتعميم .
| |
|
|
|
|
|
|
|
|
|
Re: *** لاعــزاء للرجال *** (Re: ماجدة عوض خوجلى)
|
فى اول كلامى انا قلت الراى المكتوب ده مامععم والعينة الانا بتكلم عنها دى بالرغم من انها ماكبيرة الان الخطورة فى الموضوع انمهم من المحسوبات على المستنيرات وبالمناسبه السعيدة دى جاى برضو دور لاعزاء للنساء
بس الصبر.
الموضوع ومافيه عندى زميلى وهو فى نفس الوقت من اصدقائى المقربين جدا متزوج وعنده ولدين زوجته برضو صديقه قريبة لى زوجته كانت زمليته بدات بينهم علاقة مع بدايه دخولهم الجامعة وكانو متفاهمين فى كل حاجه والامور بينم كانت من الاول واخده شكل الارتباط وفعلا ده الحصل بعد التخرج وبعد ان استقر وضعهم المعيشى وبقى عندهم القدرة انهم يبنو اسرة اتزوجو والامور بعد اخدت الشكل العادى الموجود عند كل المتزوجين الى هنا ولامر عادى جدا مافى مشكله الى ان بدينا نلاحظ عليه انه حاجات مابتشبه بقى عصبى ومابيتحمل النصيحه ومابيهتم بشغله ذى الاول وحاولنا نعرف منه الحاصل لكنه كان مصر انه مافى حاجه واحنا احترمنا كلامه المهم بعد كده لاحظنا انو حصر نفسو فى التعامل مع ناس محددين ويتاحشى التعامل مع الزميلات وبالاخص الجديدات ولغايه هناماكان فى مشكله قلنا على كيفو هويتعامل مع العايز يتعامل معاه ماشغلتنا
ندخل بقى الموضوع . قبل يومين اتصل بى زميلى وقال لى خبر ماظريف على الاطلاق قال انو انفصل من ... وانو هو كان مفروض يقوم بالخطوة دى من بدرى لكن كل مرة كان بيديها فرصه بس المرة الاخيرة شعر انو الحصل فوق احتمالو ومابيقدر يستحمل اكتر من كدة حقيقيه ماكنت قادرة استوعب الكان بيقولو كنت بسمع بس وهو بيتكلم فى النهايه قال لى انو الخطوة العملا دى هو سعى ليها ابدا هى السبب الاول والاخير انو قام بيها لمن فقت شويه من الكلام سالته الحاصل شنو الوصلك للمرحله دى قال لى الكلام كتير ومابيتقال كله فى التلفون انا بعمل ليكى ايميل فيه كل التفاصيل ووصلنى منو العجب العجاب مبالغه بس مابخش معاكم فى التفاصيل الكتيرة لانها رساله طويله جدا اكتر من 13 صفحة لكن هااقول اهم اسباب الخلاف وبالمناسبه انا اتصلت بالزوجه واتكلمت معاه ولقيت انو الكلام القالو هو صحيح بنسبه كبيرة جدا
| |
|
|
|
|
|
|
|
|
|
Re: *** لاعــزاء للرجال *** (Re: ماجدة عوض خوجلى)
|
Quote: بسم الله الرحمن الرحيم
ما كنا أصحاب في أمان الله
ما ننوم يعني ؟؟ " أو كما قالت الطرفة "
ماجدولين
والله جنس شوق |
عاطف احنا برضو مشتاقين
اخبارك وكيف سعديه والاولاد انشالله كويسين كلهم وبخير
عارف ياعاطف انت بس احمد ربك انو عندك سعديه
ربنا ماوراك الدنيا فى عينات كيف
استنى واصبر بس علشان تعرف العجب
تحياتى ياعاطف انت مسؤال من الخير انت بتختفى وين ؟؟؟!!!
| |
|
|
|
|
|
|
|
|
|
Re: *** لاعــزاء للرجال *** (Re: ماجدة عوض خوجلى)
|
ذى ماقلت انا ماهاكتب عن كل التفاصيل بس الجزئيه الانا شايفه انو الناس لازم تتجرد وتتناقش فيها بتجرد ووضوح
وطبعا انا كتبت الموضوع بعد مااخدت اذن من صاحب الموضوع .
هم تلات نقاط لفتو نظرى شديد وهو كان حريص انو يركز عليهم عدة مرات
النقطه الاولى وهى الاخطر حكاية الغيرة العمياء
النقطه التانيه التسلط وفرض الرائ على الاخر
النقطة التالتة هى الشكوى وادخال الاخرين فى الامر حتى ولو كان مابيستحق ذى المشاكل العاديه البتحصل فى اى بيت
| |
|
|
|
|
|
|
| |
ماجدة عوض خوجلى
عبدالرحمن الحلاوي
عاطف عمر
يوسف محمد يوسف
lana mahdi
عواطف ادريس اسماعيل
انعام عبد الحفيظ
رأفت ميلاد
هاشم أحمد خلف الله
غادة عبدالعزيز خالد
عبدالمنعم الرزوقي
فيس بوك
تويتر
انستقرام
يوتيوب
بنتيريست