|
|
 اعتذار من ست البنات
|
الى جميع الأخوة بالبورد لقد دفعنى الأخ عبد الخالق لما آل اليه الحوار , ولكل جياد كبوة ! ومبدأ الدفاع عن الرأى حق مشروع ,فأن ارتأى بعضكم منى بعض الحدة فقد حدث ذلك غصبآ عنى , وما عهدتنى متجنية أبدآ .
وأتقدم بأعتذارى للأخ بكرى الذى مكننا من مساحة للترويح والتنفس ان ظللتها بعض سحابات ثورتى .
والشكر لكل من وقف بجانب الحق ولمن عمل بمبدأ (أنا وابن عمى ) ..
وتحياتى لكم جميعآ ...
وحنبنيهو البنحلم بيهو يوماتى
وطن شامخ وطن عاتى
وطن خير ديمقراطى .
ست البنات .
|
|
 
|
|
|
|
|
|
|
 Re: اعتذار من ست البنات (Re: ست البنات)
|
الاخت ست البنات
تحيات وتقدير
لا داعي للاسف اختي الكريمة
وليس بين الاخوان والاحباب من زعل واسف
وعموما انتهز هذه الفرصة لاعتذر لك ان كانت مداخلاتي بذلك البوست قد ازعجتك.
وشكرا لنبل اخلاقك
والله الموفق
| |
|
|
|
|
|
|
|
|
|
Re: اعتذار من ست البنات (Re: ست البنات)
|
ترفع البوست لكى يرى الجميع ماذا ؟ ؟ ؟
اين الاعتذار للعطبراوى التى بدأت التجنى عليه 0
( اسلوب التهديد دا نتوقعوا من محجوب عروه او البشير او الناس
الطارحين القمع اسلوب لديهم )
محجوب عروه قبل البشير كمان ما هذا الظلم لرجل ذاق ما ذاق على
ايدى الانقاذ اخذت امواله من غير وجه حق وعذب فى السجون .
اين الاعتذار لهؤلاء ؟ ؟ ؟ ؟ ؟ ؟ ؟ ؟ ؟
والله والله لقد ظلمت البنات يا سوركتى 0000
ارجع لبوست ست البنات لى حدهن واقرأه مرة اخرى 0000
امال
ام وضاح
| |
|
|
|
|
|
|
|
|
|
Re: اعتذار من ست البنات (Re: ست البنات)
|
1- ست البنات
أشد على يدك ، كم تمنيت ان تسود ثقافة الإعتذار في مجتمعنا وفي هذا البوست بالذات ، مازال البعض يرى في الإعتذار نقيصة ومهانة ، ياريت نتخذها سنة ماضية إلى يوم الدين ، فلنبادر بالإعتذار عند كل خطأ ، إحتكاك ، تقصير ...ا
2- سوركتي
أتفق معك في الدفع بالبوست إلى أعلى كممارسة تستحق التعضيد
| |
|
|
|
|
|
|
|
|
 Re: اعتذار من ست البنات (Re: ست البنات)
|
حصل خير يا ست البنات رغم أني ما عارف الحاصل شنو واعتذارك مقبول
نيابة عن الجميع رغم أنو في ناس بتحب تولع النيران الزي دي كفانا
الله وأياكم شر هذه الفئة والصلح خير، وما اجمل التسامح والاعتذار
واختلاف الرأي لا يفسد للود قضية، "وخيركم الذي يبدأ بالسلام" ولكِ
التحية
وليد احمد
| |
|
|
|
|
|
|
|
|
|
Re: اعتذار من ست البنات (Re: ست البنات)
|
| Quote: والله والله ظلمت البنات يا سوركتي |
العزيزة أم وضاح000 طبعا دي اخر حاجة اعملها ظلم البنات لاني ابو بنات كما تعرفين ولكن بما ان البورد تسوده هذه الايام روح عدائية
وكثير من المهاترات كان لابد من ابراز الجوانب المضيئة عندما تحدث
والاخت ست البنات اعتذرت والاعتذار واضح000 ومفهوم للجميع[
| |
|
|
|
|
|
|
|
|
|
Re: اعتذار من ست البنات (Re: ست البنات)
|
العزيز سوركتى 0000
والله انت لا تظلم نملة وذلك لمعرفتى الوثيقة بك 0
وفى راى ان هذا الاعتذار لا مفهوم ولا واضح ولو كان كذلك لكنت اول من بادر بالكتابة اليها لأننى احب السلم دائما 0
ولماذا يا سوركتى نعتذر لبكرى وصاحب الحق فى الاعتذار
موجود ، بل بالعكس لقد بادرت فى اول كلمة لهابالهجوم عليه
بان الاخ عبد الخالق هو الذى دفعها لذلك وهى صاحبة البوست
وهى التى بدأت 0
الم ترى كيف يعتذر الاخوان بعنونوا البوست باسم الشخص المعنى
وقد اكبرتها فيهم وهذا هو الاعتذار فى رأى الخاص 0
وكلمة لقد ظلمت البنات دى جات اعتراض على منح هذه الصفة لشخص
قبال ما يسمعوا بيه بنات عمه خلى البورد اسود بالروح العدائية والمهاترات كما ذكرت صاحبة البوست0
عزيزى سوركتى 0000
لك العتبى حتى ترضى 0
يا ابو احلى بنات
ويا اخو البنات كمان
امال
ام وضاح
| |
|
|
|
|
|
|
|
|
|
Re: اعتذار من ست البنات (Re: essam&amal)
|
الأخ المحترم سوركتى السنجك ( باقيلى )
تحيات وربنا يخليلك بنياتك ويتربن فى عزك ويخليك ليهن يا رب ..
ويا سيجيمان انت دفعة متين ؟؟؟
وحبوبتى حوقتها فى عبها طوالى , لكن سفتها أصغر من اللتك شوييى !!
والبابور جاز رهيبة .
سوينا واحدة فى السوط يا جنا ...
ومن الله خلقنى ما شفت الكديسة البتشرب مديدة الحلبة دى !!!
ودابى عرفت ان ستونا اسمها المجروس عشان بيمشى بالجاز الفى البابور جاز , مش كدا ؟
أحسن حاجة نخلى لجنة مكافحة الأرهاب فى العالم يختوا راغب علامة فى اللستة عشان بوصفه للسودانيات حيرفع نسبة العنوسة ودا فى حد ذاته ارهاب للمرأة السودانية , واضرار بحقوقها ومقدراتها , وكمان نكلم ليهو بن لادن يطبق فيه الحد عشان بيتشكك فى اننا من مخلوقات الله .وقال نحنا جينا من الفضاء وما عندنا شبيه فى كوكب الأرض !!
| |
|
|
|
|
|
|
| |
ست البنات
ASAAD IBRAHIM
سجيمان
bayan
doma
Abd-Elrhman sorkati
essam&amal
أبو ساندرا
فيس بوك
تويتر
انستقرام
يوتيوب
بنتيريست