|
نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: تنقش تنقش فتحت حبه (Re: طارق الأمين)
|
امبارح كنتم قدر الروعة زاتا
نحن في الطريق
مركز قبل الخريف الدوحة
حفل منوع 1/6
عصام جاي ايه رايك ما تلبوا تجو وقت الدوحة بتحبوها قدر كده ؟؟
بلا هيلا هووب
بعد يوم امبارح مفروض تفتح
| |
 
|
|
|
|
|
|
|
|
Re: تنقش تنقش فتحت حبه (Re: محمد سنى دفع الله)
|
| Quote: يعني في حبه لسه قافله |
بس اوع تكون حبة 17
..لو بقت كده دي دايرة ليها ياطارق (مفتاح النكي)
او بلدي 32
ودي ما بتتلقي الا عند عادل ابوجقادو في الدوحة
عشان كده يازول اسمع كلام عمك السني ده وتعال لينا في الدوحة والباقي هين..
تحياتي يا فنانين
| |
|
|
|
|
|
|
|
|
|
Re: تنقش تنقش فتحت حبه (Re: محمد سنى دفع الله)
|
فعلا حبيبي
امبارح واحده من الاسباب
وليد دارفور
وطمبور
وستيفن
وقدال
وعبد القادر سالم
حميد وعصام وبكري
وناس الخرطوم
ياسلام ياسني
لما تشوف ناس
كل الالون
كل الجمال
كل السحنات
كل المحبه
كل النور
تحس انو عندك قيمه
لانك بني ادم
ممكن تبقي سبب
انو يتغطي طفل برئ
اوتضحك طفله خايفه
ياسلام ياسني
امبارح غنينا بي سعاده
اغنيه لي محجوب شريف
الشي الكبرت عليهو
والفاض عن الحاجه
البمبر المكسور
او باقي دراجه
المرمي في الدولاب
او جوه تلاجه
والفي الزقاق مركون
فردا وازواجا
يسدو كم فرقه
يسدو كم حاجه
طقس التسامح زين
لا تقيفو فراجه
كم من ولد لا ام
لابيت ولا حاجه
يتوسد الطرقات
والحمي سهراجه
هوج الرياح في الليل
ساكيهو كرباجا
ولا بحس بالعيد
لو مر او ما جا
ياحليلو شان بحلم
مدرستو قد فتحت
وقدامو ادراجا
طقس التسامح زين
لا تقيفو فراجا
القمره وضاحه
والشمس وهاجه
ولتفتح الاديان
بيناتنا نفاجا
لايبقي زول محتاج
وماتبقي محتاجه
طقس التسامح زين
لاتقيفو فراجا
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
Quote: الشي الكبرت عليهو
والفاض عن الحاجه
البمبر المكسور
او باقي دراجه
المرمي في الدولاب
او جوه تلاجه
والفي الزقاق مركون
فردا وازواجا
يسدو كم فرقه
يسدو كم حاجه
طقس التسامح زين
لا تقيفو فراجه
كم من ولد لا ام
لابيت ولا حاجه
يتوسد الطرقات
والحمي سهراجه
هوج الرياح في الليل
ساكيهو كرباجا
ولا بحس بالعيد
لو مر او ما جا
ياحليلو شان بحلم
مدرستو قد فتحت
وقدامو ادراجا
طقس التسامح زين
لا تقيفو فراجا
القمره وضاحه
والشمس وهاجه
ولتفتح الاديان
بيناتنا نفاجا
لايبقي زول محتاج
وماتبقي محتاجه
طقس التسامح زين
لاتقيفو فراجا |
التحية لمحجوب شريف ... هذا المشرق دوما ,
التحية لكل الجمع الحامي النزعة نحو الأفضل ,
والتحية لتلك اللحظة الآلقة وهي تفك { عارض }
أخينا المبدع طارق الأمين { وتفتح } قفلته
... وإن شاء الله ... آخر القفلات .
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
عبد الكريم يامنقه
بالاحضان والله
تعرف ياكرمك
والله قفله تشفق
وكت عاوز اتدفق فيها لل
لكن لقيت ناس
بتقرا وماعارفا تضحك ولي تبكي
حتي الحاجات فرد امي
بقو يلاقوها في الجزاره
يقوليها ( كر يابت امي ولدك مالو
قالو مندبرس
قالو الوليدات قروها
في سودانيط ام لايص
اشالله قبلو وحدو
فقلت ياود ياطرطقون
انسي
علي الاقل اسي
قطعا في حنانك
اها
عشان كدي فتحت البوست الجديد دا
قلت نتونس شويه
ونبقي ماجادين حبه
والغالبو عدم الجديه
يمشي يخش بوست ناس ااااااااااا
ولي مافي داعي
علينا جاي علينا جاي
علينا جاي ناس الفرفشه والضحك والهزار
علينا جاي الونسه
بدون عصبيه
علينا جاي بدون عنصريه علينا جااااااي
علينا جاي بدون عقدوالفاكيها في روحو
يتفرج من بعيد
علينا جاي بوست بي راس مالو
وجايبنو بالطياره وبايعنو بالخساره
علينا جاي شيشه وجبنه ومحبه وونسه زمان
| |
|
|
|
|
|
|
|
|
 Re: تنقش تنقش فتحت حبه (Re: طارق الأمين)
|
| Quote: علينا جاي شيشه وجبنه ومحبه وونسه زمان |
و الله يا طارق إنت ألذ إنسان
اها, جينا نتونس زي ونسة زمان
قفلتك عينة, و فتحتك برضو عينة
و يا ود أمي ما تزعل,
المؤمن مصاب
و في ميزان حسناتك إن شاء الله
.
.
.
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
حيدر هباني؟
وهشام قاسم ظااااااتو؟
هييي بسم الله
اقصد هشام حيدر؟
وقاسم هباني ظاااااتو؟
لا لا استغفر الله
اقصد
هباني حيدر؟
وقاسم هشام ظاااااتو
معليش
اتعربت بينا قلبيه
من البهجه بالحضور
كدي خلوني اوقعا واجيكم
لاحظ يا اساسي
لحدي اسي ما شغال بيك شغله
احتمال ارد عليك في ايلول
عام 87609876655432
لو سمحت الظروف
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
فتحت معاك؟
وانت قفلتها معانا بالكلام السمح بالحاجات السمحه الفايتانا
الجوطه واللمه
الفرحه والنمه
والايادي مشمره
للخير بتتلمه
معقوله بس يا طارق انت محظوظ جمبك الناس الكتار لكن اصبر شويه هسه بتقفل قفله احيرة وبنرجع ليكم
نرجع للغناء والشعر والمسرح
وتحيه للفنان محجوب شريف:
الحلم الجماعي والعدل اجتماعي
والروح السماوى والحب الكبير
فى الزمن المكندك والحزن الاضافي
جينا نقول نفرق نجي نلقاهو مافي
للسافر مشرق لافقران وقافي
وين عمي البطرق جواي القوافي
ياكرسيهو وسريرو يقرا وذهنو صافي
يامرتبتو امكنهل مازلت دافي
كلام عمنا محجوب شريف ليهو التحيه
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
غاده عبد العزيز
مش كده؟
ايوااااااااااااا
طبعا انا كتبت فيك شعر
وحاجات
وقصايد سمحه وكده
لكن في الحقيقه
انا كنت مدبرس
وقافله معاي
وفاقدحنان
اسي لو سمحتي
تديني صوري
وجواباتي
واشعاري
لاني الان
ود فاتحه معاهو
ومرتبط
واتمني لك التوفيق
من
كل
قلبييي
ترلم ترم تن تش
ملحوظه
اوعك تصدقي الكلام دا
| |
|
|
|
|
|
|
|
|
|
Re: تنقش تنقش فتحت حبه (Re: Salwa Seyam)
|
محمد عولييييش
وليش
يا محمدعوليييييش
ازيك
تسيبنا في الحر دا
وفي الكتاحه دي
ونمشي امريكيا
زي ما بقولو
امريكيا
حليلك يا عليش
متذكر ولي نسيت
الكاميرا الخفيه
الهيلاهوب
المقرن
مجازفات
ربيع طه
شجره الزهاجه
عدس عم خالد
مسرح الفنون الشعبيه
امام
عليش
كمال نعيم سعد
ام جمعه كوبر
علي خفيف
معهد الموسيقي
راحه نفسي
غنيه ود المقرن
احترامي الييييك
من صميم
قلبي يييي
غير ما
اااشعر
تم تم تااا
تاريرا را را
عليش
ما زلت
احبكم
واشتهي لقاءكم
يافنااااااان
لي بكره
بكره في زمن جميل جاي علينا
بافرده
رغم الاحزان
وايييي شي
محبتي
طارق الامين
تم ترم تم تشش
بكاء
نصف حار
تم ترم تم
وكده
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
طارق الامين
ســــــــــــــلامات
منور الفجه
والحمدلله الفتحت معاك حبه
يا اخوى الحاصل شنو.....
انشاء الله ما تشوف وحش يا عزيزنا
والبوست الجاى تكون ماشه معاك زى ما داير
احمــد خضــر
| |
|
|
|
|
|
|
|
|
|
Re: تنقش تنقش فتحت حبه (Re: محمد عبد الله شريف)
|
محمد عبد الله شريف
تحياتي وتشكراتي
تعرف اثناء القفله
كنت مقنطر ليك نازر الخليفه دا
وقت افكها ليك فيهو
لكن طلع شفت
وخبير بوردات
قدر ما شاغلتو
ماقال ولا كلمه
صاحبك حريف
تحيتي ومحبتي
لك
وله
تشكر
| |
|
|
|
|
|
|
|
|
|
Re: تنقش تنقش فتحت حبه (Re: ahmed khidir)
|
احمد خدر
الاسكندريه
رئس طلاب الخرطوم
جامعه بيروت
مصطفي كامل
محطه الرمل
سيدي جابر
امتداد الدرجه التالته
احمد الفنان
عازف البيز زمان
والمخرج الان
كيف البنيه
الشقيه
والفسيخ والكبده النيه
لو قرشت حبه
تعال نفتحا هنا
محتاجنك
امريكا كفاها
وسلم لي علي كونزي
قوليها بنفتحا علي روحنا برانا
وبنغني ونرقص وماهمانا
ليك وحشه ياراجل
اها متين
مودتي
| |
|
|
|
|
|
|
|
|
|
تنقش تنقش فتحت حبه (Re: طارق الأمين)
|
طارق يا ظريف
سلام واحترام ،،،
الحمد لله فتحت حبه
تاني لو قفلت معاك ما تجي تنطط ليناهنا
مبروووووووووووك الفتحت معاك يا حبه
التحية للشريف الجميل محجوب شريف
تقبل تحياتي
أبو كريم
| |
|
|
|
|
|
|
|
|
 Re: تنقش تنقش فتحت حبه (Re: طارق الأمين)
|
قوم يا بورد تنقش تنقش
شيل الكلام
قول ناس طارق جاهم
قفول كلام
قوم يا طارق تنقش تنقش
شيل الكلام
ويدهو لي ناس غادة
قوم كده قال قافله معاه
اسي عليك الله دي فعايل زول قافله معاه
يا اخوي انت مشوكش
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
اهة ياطارق عليك الله لقيتني كيف وانا بغني معاكم ... ما فتحتها ليك حبة ...
والله زكرتني ايام الخوالي وكورال (يا اميرة الصحوة دارك جدلة النيلين ضفايرك ) قصيدة هاشم صديق ...
| |
|
|
|
|
|
|
|
|
|
Re: تنقش تنقش فتحت حبه (Re: انعام حيمورة)
|
محمدعبدالمطلب
سلامات
لو كت بتابع
بس نشره الاحوال الجويه
كان عرفت عدد القفلات
اما نشره انباءالعاشره
فاحذرك من متابعتها
اين ما كنت
لك التقدير
والشكر علي الحضور
| |
|
|
|
|
|
|
|
|
|
Re: تنقش تنقش فتحت حبه (Re: انعام حيمورة)
|
Quote: لاحظ يا اساسي
لحدي اسي ما شغال بيك شغله
احتمال ارد عليك في ايلول
عام 87609876655432
لو سمحت الظروف |
بس عليك الله طلعني من ايلول دا لانه ردك حيصادف الذكري الــ 87609876653431 لاحداث 11 ايلول وضرب برج التجارة العالمي
والوقت داك حتجيب لي الشبهة بي ردك يقولوا علي ارهابي... وبصراحة انا ما قدربوش حق الوقت داك
| |
|
|
|
|
|
|
|
|
|
Re: تنقش تنقش فتحت حبه (Re: اساسي)
|
طيب يااساسي
ولا يهمك
اتنازل حبه
عن موقفي المتشدد
عشان خاطر حفيظتك الشعريه
وح اقرب ليك التاريخ
الي حزيران
عام8796543287622
يلي ياحبيبي
فرفش
الزول دا مايكون قصدو
يقفلا تاني
الله يستر
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
بركة يا طارق انها فتحت شوية
لكن الإسبوع الفات ده كانت القفلة عامة
شكلها كانت في الجو
غايتو نحنا المطرة جاتنا فكت لينا القفلة شوية
لكن نحنا مستمتعين في كل الحالتين كان قفلت ولا فتحت معاك
مودتي
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
الفاتح مكي ابوكريم
يالذيذ يارايق
تشكر علي المؤازره
في القفله والفتحه
والحاره والبارده
لكن قصه لو قفلت تاني
ما اجي انط ليكم هنا دي
ما بضمنا ليك
امشي وين يعني
زمبابوي؟
ماعندي غيركم ياابو كريم
كل زول علي كتف التاني
نبني مجتمع التسامح البنتمناهو
والله ما اضمن ليك
كان قفلت بجي
واكورك
وافكها فيكم
لمن تفتح
تعرف يا ابوكريم
في ناس كتار
انا بقرا ليهم هنا
وبحس اني بعرفن واحبهم
دون مالاقي اي واحد منهم
وانا قصدت بالبوستات دي
اكسر شويه من الجو الخانق
المرات بحصل هنا
نحن شعب فيهو خير كتير يا ابو كريم
عليك الله شوف زي محجوب شريف دا
تسمع صوتو تحس بالعافيه
بالرغم من انو اناالان
ما مشترك معاهم
في الحزب الشيوعي
لكن بقيت احب الشيوعيين
بي سبب محجوب شريف
وبقيت احب الناس كلهم
تحياتي
وحنواصل
الفضقضه
| |
|
|
|
|
|
|
|
|
|
Re: تنقش تنقش فتحت حبه (Re: بدرالدين شنا)
|
بدر الدين حلا
كيفك يامنقه
كدي اديها صنه حبببببببببه
لانو اسي الفتحه الحصلت دي
انا ما طلعت بيها تصديق
ولا سددت رسوم لي اي جهه
ومفروض التزم بي مواعيد
نهايه زمن الحفلات
اقصد القفلات
ف كدي خليني اتأكد
لانو ممكن مع الفتحه
الغيرمصدق بيها لسه دي
تحصل لينا كشه
بشوف الحاصل
وبجيك صادي
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
يا طارق الامين ..
يا زول يا راقي بالجد ..
Quote: تعرف اثناء القفله
كنت مقنطر ليك نازر الخليفه دا
وقت افكها ليك فيهو
لكن طلع شفت
وخبير بوردات
|
لمن الفرق السودانية تتغلب برة البلد ..
بيجو المدربين ويقولو إستفدنا (إحتكاك)!!
ولما الفرق (الإتحكت) برة البلد تغلب الفرق الـ (ماإتحكت) برة البلد ..
الفرق المغلوبة تقول (غلبونا بالإحتكاك) !!
شنكل :
أها أقول ليك حاجة وسجلا لو عاوز ، تعضيد لي كلامك عن الخبرة الأوتومسفيرية ..
أنا بس غالبكم بالإحتكاك 
مودتي يا طارق
| |
|
|
|
|
|
|
|
|
|
Re: تنقش تنقش فتحت حبه (Re: ناذر محمد الخليفة)
|
هووووووووووووووووي يا طارق اللمين انت الكلام ده بجيب البكاء الحــــــــــــــــــــــــــــــــار داك وام جاعوره هسه فى داعي لقليب المواجع والذكريات دي
اما بخسوس الود عوض سكسبين كما تقول الحاجه ستنا ام عوض شكسبير فله من الفن ما يكفي لانجاز عرض مسرحي وليد اللحظه ياما كم تقاسمنا المشاوير الخسوسيه من الشهداء وبيت المال وبيت ناس عبد العظيم اب اطراف(حمدناالله)ده اسم جده طبعا
اسمع موش قلت لي ماتجي بي هنا؟؟
مشيت انا سمح؟
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
كنت وين لما انا كنت هناك
الونسه دي هناك ما كان ليها زمن
معقوله اكتشف حاجات كتيييييرة من خلال المنبر ده
وانا من خلال المنبر ده بوجه الرساله دي للمواطنين الاعزاء والذين
كلمه منبر دي كبيرة خلاس
بجيك تاني
| |
|
|
|
|
|
|
|
|
|
Re: تنقش تنقش فتحت حبه (Re: saif addawla)
|
يا طارق تمشي هناك هجيك هنا
لكن انت بتعرف انو انا سكن وين وبعرف منو وشغال في شنو
واسع انت داير شنو وشنو ليك
لكن عجبني البوست وفي حب المطاردات لقيتك
ولقيت صديقي عوض شكسبير ، وصديق شقيقي المرحوم عصام بدر الدين شانا
درسوا في مدرسة الراعي الصالح ، شفت يا صديق بهاء سري طارق الامين
ود البيت نحن قدر شنو ، اها يوم داك قفلت معاك وجيناك جارين ، اتاري
ما قفلت وحركاتك بعرفها ابقي زي ما بنحبك
تعرف انت زول غتطيت ، يعني شنو شا يقي
| |
|
|
|
|
|
|
|
|
|
Re: تنقش تنقش فتحت حبه (Re: مصطفي سري)
|
مصطفي سري
انت من زمن السريه؟
والله ضحكتني
وداير ارد عليك
لكن قت
ماممكن نبقي عليك انا
ونيابه الصحافه والمطبوعات
عشان كده قت ااجل الرد حبه
انت وعمر الفاروق
بجيك
ياابو
ابو صلعه
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
حبيبنا طارق
تذكر يا حبة لمن واحد قال ليك يا مظعمت
يا طير يا ضكر البط
فنيلتك دي ما حقت سقط
الفنيلة اللابسة دي يا ها ظاتها؟
بالمناسبة مسجرتك
الفاتح ميرغني
طوكيو
| |
|
|
|
|
|
|
|
|
|
Re: تنقش تنقش فتحت حبه (Re: الفاتح ميرغني)
|
Quote: اخونا الجميل نزار
ما تخاف علينا
وعليكم
مااااايتقفل تاني
كان قفلت بكلمك
محبتي |
أخونا الأظرف طارق الأمين العوض...
كدي وريني سببين يخلوها ما تقفل تاني...انت نسيت كان فتحت حبة بجوك ناس ضرائب المحلية
ويشيلو الميزان....بلاي تأمل في شناة الكلمة دي...(ضرائب ضرائب ضرائب)...
أحسن ليك اتنتح في قفلتك دي بي ايديك وكرعيك...وما تخليها تفتح...هو بلا الفتح حبة دا المقعدنا برة شنو ... يا تفتح مرة واحدة يا تخليك قافل علي غطا عام...والجوكرين يكونوا لسة في الصندوق
| |
|
|
|
|
|
|
|
|
|
Re: تنقش تنقش فتحت حبه (Re: DKEEN)
|
1988
جامعة الخرطوم
كلية الهندسه
فوووق الطابق التانى
الكورال
طارق الامين قاعد يكضب علينا
ونحن نكرر فى الكضبه بكل حماس
و شدة ما الله ادانا كمان بنطرب و نمط اللحن و نفكو
قال شنو قال:
السلام اجمل هديه للملايين الشقيه
لازم يصبح هو القضيه
الحوار لا البندقيه
بريدو
سودانى الجوه
و جدانى بريدو
ما بنفرط فيهو تانى
وما بنبيعو لامريكانى
بريدو...
انشأالله تقفل معاك تااااااانى عشان كضبك ده
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
اختي شاديه الطيب
تسلمي علي الدعوه
ناس الدوحه حلوين
وسمحين
ومبادرين
ويستاهلو حب الناس
مشرقين دايما
ورافعين راس السودانيين
سنادين القفا الاول
ممدودي الايادي وباسطي قلب السودان الرحيم
لعظماءنا ضد محن الزمان
هكذا كانو مع
مصطفي سيداحمد
ومحمد وردي
ومحجوب شريف
وهاشم ميرغني
واخرين كثر
بلد يتنفس فيها امثالكم
وابوساندرا
والسني
ونادوس
والامير
والمحسي
ومعاويه
وصلاح
وشاديه
واخرين اجمل
لابتجيها عوجه
لا بتدي السودا ن عوجه
يوما ما في سنه ما
سنلتقي في الدوحه
والخرطوم
وسيرد لهااهل السودان الجميل
فللناس ذاكره
تفتح مسارب النور
ونوافذ الحب
والامل
لكم حبي
| |
|
|
|
|
|
|
|
|
|
Re: تنقش تنقش فتحت حبه (Re: raheemsudani)
|
طارق
يمين اغنية كلمات واداء...روعة..وكسرتني عدييييييت كدة...
تفك وتحل وتربط تاني لمن الغنية تنتهي.....شغل جميل...
...عليك الله كيف نعمل ليها( حفظ)Download?
شكرا هيلاهوب
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
سهام المجمر
حته واحده؟
والله سلامات ياراقل
صحيح انا لسه مصر
انوالسلام اروع هديه
للملايين الشقيه
ولازم يصبح هو القضيه
الحوار لا البندقيه
ونحن غنينا سوا الكلا م دا
1988
لكن الحكومه اقتنعت بيهو
بعد عشرين سنه
تصدقي؟
تسلمي وتحياتي
ولوالغنا للسلام كضب
ومافي ليهو داعي
اعتبريني
لسه كضاب
سلامي واحتراماتي
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
طارق عبد اللطيف نقد
سلامي والله
ومودتي
اشكركم علي الدعوه
يوما ما سنلبي دعوتكم
والان تهمنا اكثر دعواتكم
بنجاح المشروع
ونجاه وليد دارفور
مع امنياتي بنجاح برنامجكم
اقبل تحياتي وكن بخير
\
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
يا مغتربين
عندي ليكم مقطع شعر
سمعتو قبل شويه
من شاعر جميل
وعظيم
قال
حليل المنطقه الوسطي
وحليلو جوابنا في البوسطه
الحبوبه فرت توبا في حر الهجيره سحابه
وديك امونه جم كانونا والهبابه
ماخلت وراها عويشه ما خلت ولا ورتابه
والليمونه فايح طيبا لبست طرحتا الخلابه
وكلب السره راقد مطمئن جم بابا
تلحس بره من اتر الحليب اشنابا
والشفع هناك اتلمو حجله وبلي طره كتابه
في شاي الصباح نتلم نتفرق تلمنا تاااني صينيه
وكت نتلم نتفرق تلمنا تاني حنيه
وحق الجيره بالنفاج سليم القلب والنيه
عصافيرا تجي وتشرب تبررد في الصحن ريشا
وحتي النمله وصت اللمه تلقي نصيبا في العيشه
حذر فذر
شعر منو؟
ودي
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
Quote: حليل المنطقه الوسطي
وحليلو جوابنا في البوسطه
الحبوبه فرت توبا في حر الهجيره سحابه
وديك امونه جم كانونا والهبابه
ماخلت وراها عويشه ما خلت ولا ورتابه
والليمونه فايح طيبا لبست طرحتا الخلابه
وكلب السره راقد مطمئن جم بابا
تلحس بره من اتر الحليب اشنابا
والشفع هناك اتلمو حجله وبلي طره كتابه
في شاي الصباح نتلم نتفرق تلمنا تاااني صينيه
وكت نتلم نتفرق تلمنا تاني حنيه
وحق الجيره بالنفاج سليم القلب والنيه
عصافيرا تجي وتشرب تبررد في الصحن ريشا
وحتي النمله وصت اللمه تلقي نصيبا في العيشه
حذر فذر
شعر منو؟
|
وينا المنطقة الوسطي؟
محل ما بفرشو التوسطة
وعمارات قايمة دون اسطي
توب حبوبة بدلناه بي عدة
وحتي العدة ما اتغسلت يمين من مدة
اما امونة شالت مونة
بطنها طامة لاكت للمغص ليمونة
ياهوديك مغتغتة راقدة بي نعلاتها
فترانة ومكسرة من نجيه خالاتها
| |
|
|
|
|
|
|
|
|
|
Re: تنقش تنقش فتحت حبه (Re: شادية الطيب)
|
Quote: امااولئك الذين
ماا شتغلوا بي شغله
خااااالص
.
.
بتقفل معاكم
واللواري بتقيف
وكده |
باللللللللللللللللللللللللللللللللللللللللللهي
إنت طارق الشاب الجميل الذي التقيناه بالنادي السوداني
بابوظبي .. أنا وصديقي اللواء التجاني علي صالح معليش ياكي كفارة!!!!!!!!
والله شفت قفلتك لكن مررت بها مرور الكرام لأني ما عرفتك !!!
كفارة يا كي (ياخي)
أنت والله مبدع ودمك عسسسسسسسسسسسسسسسسسسسسسل ...
والشباب المعاك مبدعون (للطيش) "معليش يا شباب خلونا نستعمل
مفرداتكم شوية"
من الآن فصاعدا سأقرأ لطارق الأمين ولن نطنشك أبدا
ربنا يديكم الصحة والعافية ويطوّل أعماركم (هذه دعوة من القلب)
فقد أدخلتم البهجة والفرح والأمل في قلوبنا في عز حندس ليالي
الخرطوم الداجية ... بارك الله فيكم ....
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
طارق الجميل
شفته كيف قفلتك فتحت معانا
شكرا لوجودك و لكل الجهود التى قمت بها عشانى
و يا ها المحريه فيك
حا اعمل بنصيحتك و وصيتك وبفكها ليك فيهم انتظر و شوف
تحياتى ليك
| |
|
|
|
|
|
|
|
|
|
Re: تنقش تنقش فتحت حبه (Re: طارق الأمين)
|
طارق ود اللمين :
تتذكر النكتة بتاعت الجماعة اللي طلعوا يشوفوا هلال رمضان قام في شافع بعد تعب وحراق روح قال ليهم :
هداااااااااااااااااااااااك الهلال ظهر ..
قاموا الجماعة أدّوهو عشرة الف جنيه هدية ..
قام قال ليهم :
هي هي دااااااااااااااااااااااااك واحد تاني !!!
أها دي الحا تبقا عليك معاي وحا أقول ليك هااااااك دي تاااااااني خرمجة بهديها ليك بي مناسبة الفتحة (والضمة والكسرة ولا اقصد الكسرة الخميرة )..
ومعليش أخوك بينجر الخرمجة في لحظة الرد عليك عشان كده بتطلع غير منقّحة ومزيدة زي مزكرات أستاذ مهاجر بتاع الرياضيات ديك(وقطعاً لا أعني ديك الحاجة بهانة) ..
فتحت حبّة ...
يا زول كيف ؟؟
قمت مشيت الكلاكلة القبّة ..
في عزّ الصيف..
ركبت الحافلة الفيها الربّة ..
قول يا لطيف ..
ظلال وستاير وفيها اللمبة
سواقا حريف..
فجأة كده ومن غير أيْ سِبّة ..
كو كو كو يا معلم أقيف ..
قروشك ناقصة يا حاجة وحبّة ..
ده الكمساري كلامو عنيف..
وطّي الصوت .................
واحد تاني خفيف ولفيف..
والسواق ودّانا طرمبة..
ياخي إستأذن وأبقى ظريف ..
طن طن لي واحد بي الجمبة ..
مش بالله الزول ده سخيف؟
ضحكت وقلت الظاهر بمبة ..
الحافلة مشيها لواري خريف..
بس فتحت حبة ..
ونزلت أواصل بي أمجاد ..
وعايز أحصل للميعاد ..
والأمجاد عاد ما أمجاد ..
فيها بنات سمحات وشداد ..
واحدة بتشبه ليلى مراد ..
وواحدة الظاهر ليّ وداد..
والتالتة بتقرا في الأحفاد..
شي سايكولوجي وشي بايلوجي وشي علم إرشاد ..
وفجأة ويركبوا الأولاد ..
واحد شمش بي الميلاد..
تاكل سفّة بي اللّبّاد ..
التاني مبرّم الشعرات ..
حليلك عِمّة الأجداد..
التالت كان معاهو زناد..
وبق بق بقّة الأمجاد..
أصلو السواق نسى السدّاد..
والغازطالع بخار الشاي من البرّاد..
وبدل القبّة وصلنا جيّاد..
فتحت كتير..
وصلت محطة الركشات ..
ركبنا تلاتة زي حشوات..
سمعنا أغاني لي مريومة ناس غرزة ونهى مقشّات..
خجيجة عذاب مُنى منشّات..
فجأة وخرّم السواق..
ناس الشرتة يا مألّم دي ما الكشّات ..
وأتكبينا جوّة الخور وما أحلاك يا برشات ..
ولمن فتحت خالص..
نهايتو وصلت كدّاري..
أضحك ليلي ونهاري ..
ده كان يوم ده ولا اقوم جاري..
تخريمة :
ماشة معاك باسطة وفي رواية ماشة معاك طحنية ..
أبسط يا عم شفتها فتحت معاك كيف؟
| |
|
|
|
|
|
|
|
|
|
Re: تنقش تنقش فتحت حبه (Re: عمر الفاروق)
|
طارق يا فنان
احسست انى لم اوفق فى مداخلتى و انا اعتذر...
كان فى الخاطر السلام الاصبح رهاب
ودارفور الحمها اترمى للكلاب
طارق
انا وكثيرين ممن اعرفهم و تعرفهم
كنا نؤمن ان تحقيق السلام فى الجنوب هو مفناح المستقبل لبلدنا
لذلك الاحباط كان بحجم المأساه
وللاسف احباطى كان اقوى من ما اتخيل
ود الامين الزين
التحيه لايمانك القوى بالسلام
وكان جينا للجد وبعيد عن مود المداخله الاولى
فانت الاكثر صدقا
Quote: صحيح انا لسه مصر
انوالسلام اروع هديه
للملايين الشقيه
ولازم يصبح هو القضيه
الحوار لا البندقيه
ونحن غنينا سوا الكلا م دا
1988
لكن الحكومه اقتنعت بيهو
بعد عشرين سنه
تصدقي؟ |
طارق فى طريقه اغنى معاك تانى؟؟؟؟
| |
|
|
|
|
|
|
| |
محمد سنى دفع الله
عبدالكريم الامين احمد
HAYDER GASIM
هشام هباني
اساسي
غادة عبدالعزيز خالد
Mohamed Ahmaed Olyesh
Mohamed Abdelmotalib Hassan
ahmed khidir
الفاتح خليل الفكي
abas
انعام حيمورة
نهال الطيب
بدرالدين شنا
صديق الموج
ناذر محمد الخليفة
saif addawla
مصطفي سري
خالد
الفاتح ميرغني
Siham Elmugammar
طارق عبد اللطيف نقد
raheemsudani
فاروق حامد محمد
ismeil abbas
خالد محمد سليمان
عمر الفاروق
فيس بوك
تويتر
انستقرام
يوتيوب
بنتيريست