|
|
 انباء عن اعتقال ابوبكر حامد نور القيادى بالعدل والمساواة
|
تتردد انباء من مصادر متعددة فى الداخل والخارج مفاده ان الدكتور خليل ابراهيم قام باحتجاز المهندس ابوبكر حامد نور امين التنظيم والادارة بالحركة الذى تجمعه به صلة القربى ويتحدث عدد من المقربون من ابوبكر انه تم ربطه ووضع تحت المراقبة المشددة
|
|
  
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: Tragie Mustafa)
|
Quote: .وافرض حصل يا الغالي
يعني نشرك لاخبار زي دي بيدخل في اي زمره؟!
بالعكس خبر زي ده عندي بيثبت انه د.خليل وحركته جدا منضبطه
وانه الاختراق لو حصل من اقرب الناس اليه برضو يطبق فيه القانون |
العزيزة تراجى
هل مع الاعتقالات وانتهاكات حقوق الانسان ام مع الحريات واحترام حقوق الانسان وليه لو خليل بقى غلطان الناس ما بملكو الشجاعة ويقولو غلطان ام ماذا
فى زمرة المنادين بالحرية للجميع دون ازدواجية معايير او تميز او اجندات واهواء وامزجة
| |
|
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: الصادق ضرار)
|
Quote: اخ الغالي
ما كتبته امر خطير .. ان كنت تقصد اثارة الفتنة و الضجيج , فذلك امر آخر ..
ارجو ان تكتب لنا مصادرك التي اعتمدت عليها في نشر هكذا خبر |
االاخ الصادق تحية طيبة
اولا انت تعلم ان المهندس ابوبكر قدم لقضية دارفور اكثر من اى واحد فى المنبر ولا غيرو يتكلم عن الهامش ودفع فى سبيل ذلك الكثير وهو محل تقدير لكثير من الناس
ثم ثانيا هناك شئ فى علم الاخبار يسمى مصدر فضل حجب هويته خاصة لما يكون فى الميدان مثلا
هناك ايضا من قال لنا لماذا تكتبو عن الاخرين ولم تكتبو عن ابوبكر الكربو اول امس
وبراك شايف محمد سليمان قال الشغل قبلى يعنى انا مدافع لوافى وكرشوم فقط ورغم انو كرشوم ود خالتهم لال البيت يعنى اقرب ليمهم مننا
| |
|
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: الغالى شقيفات)
|
الاخ الغالي
اتنكر انه هنالك المئات يبعيون انفسهم للنظام؟!
وانهم قد يكونوا من اقرب الاقربين لك؟!
Quote: العزيزة تراجى
هل مع الاعتقالات وانتهاكات حقوق الانسان ام مع الحريات
واحترام حقوق الانسان وليه لو خليل بقى غلطان الناس ما
بملكو الشجاعة ويقولو غلطان ام ماذا
فى زمرة المنادين بالحرية للجميع دون ازدواجية معايير
او تميز او اجندات واهواء وامزجة |
اتعتقد من وضع السم للدكتور خليل يستحق مني حديث عن حقوقه وعدم انتهاكها؟!
هذا اوقع نفسه في (جنايه)يعني حتى في اي نظام مستقر حيواجهة بتهمة محاولة القتل
و التخطيط و التدبير لها!!
قبال ما نعرف ماذا ارتكب ابوبكر حامد النور اذا صح الامر لن ادين واشجب واستنكر!
زطك شخص ايضا اثناء النضال المسلح اعتقلهم ابوبكر حامد نفسهم؟!
يبقى خلاص لو تم اعتقاله فجاه بيصير نبي؟!
لست انا من تحكمها الاهواء
بقدر معرفتي بدوافع كل انسان!
| |
|
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: الغالى شقيفات)
|
الاخ الغالي شقيفات
سلامات:
Quote:
العزيزة تراجى
هل مع الاعتقالات وانتهاكات حقوق الانسان ام مع الحريات واحترام حقوق الانسان وليه لو خليل بقى غلطان الناس ما بملكو الشجاعة ويقولو غلطان ام ماذا
فى زمرة المنادين بالحرية للجميع دون ازدواجية معايير او تميز او اجندات واهواء وامزجة
|
صدقني أنت كنت من الأقلام الصحفية التي أحترمها ..... لمصداقيتك أولا في نقلك أخبار لا توجد في أمكنة اخري .... و لحدبك علي قضية دارفور خاصة أنت كنت أحد ضحايا مصادرة الحريات بواسطة هذا النظام الظالم ...
ما تفعله الآن كأن موقفك الشخصي و القبلي من حركة العدل و المساواة قد جرفك الي طرف اللاموضوعية و البعد عن المهنية الصحفية ...
فخبر مثل هذا كان عليك:
أولا التثبت منه أن أبوبكر حامد نور قد حدث له ما حدث ....
ثانيا: حتي و لو ثبت في النقطة الاولي (أولا) ... أنت صحفي و ليس ناقل شمار .. أي كان يجب عليك نقل الخبر كاملا و من كل الاطراف ( بما في ذلك طرف الإدارة في حركة العدل و المساواة - خليل إبراهيم بالذات) ... و معرفة الأسباب و الدوافع الحقيقية ... كل ذلك تنقله بحيادية و تترك الحكم للقارئ... أي كان عليك واجب منزلي أن تتقنه اولا .. لتخرج بتقرير صحفي كامل و متكامل.
ثالثا: في هذه الأيام بالذات ... نقلك لمثل هذه الأخبار لا يخدم غير طرف واحد فقط: العدو الظالم ... فالحرب النفسية هي إحدي أسلحة المعركة .... رضينا أم أبينا فإن حركة العدل و المساواة هي طرف فاعل في تحالف كاودا ... تحالف قوي السودان الحر و القوي الوطنية .... الأمل الوحيد في تغيير هذا النظام و إنتشال السودان من وهدة التشظي و الإنهيار .... و أنا لا أشجعك علي إخفاء الحقيقة .. و لكن في كل بلاد الدنيا .. أحيانا تطلب السلطات من الصحفيين عدم نشر أخبار بعينها إن كان في ذلك تهديد للأمن القومي ... و هنا ... الامن القومي هو أمن من هم تحت قصف الانتونوف ....
رابعا: مهما كانت النتائج .... فسيعود المهمشون الي قواعدهم و خندقهم الواحد .... لأن العدو واحد .... لكن سيخسر البعض أنفسهم و الجميع الي الأبد.
| |
|
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: Mohamed Suleiman)
|
ول أبا الغالى
سلامات ..
الزول ربطوه ربط عديييييل .. !
يا ناس العدل والمساواة أحترموا عقولنا يا ناس .. أطلقوا والد الأخ عاصم أبوبكر وأطلقوا أولادنا الفرسان الذين مازالوا مربوطين عندكم.
والله حكاية الربُابط دى حكاية غريبة .. وتراجى ومحمد سليمان يطبلوا .. وبهناك ملأوا الدنيا ضجيج بأطلاق سراح فلان وعلان .. هذا هو الكيل بمكيالين، الربط لهؤلاء والحرية لألئك.
بريمة
| |
|
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: بريمة محمد)
|
بريمه بطل فصاحه
انت عايز تقتنعنا انك بتاع حقوق انسان؟!سبحان الله!!
انت ماخد الامر بشكل قبلي.....و الدليل المعتقلين ديلاك سميتهم(اولادنا)!!
اها بقيم زي دي يبقى ابوبكر حامد اللهو ود خالة ناس د.خليل ما (اولادكم)!!
فكف عن النفاق!!
Quote:
ول أبا الغالى
سلامات ..
الزول ربطوه ربط عديييييل .. !
يا ناس العدل والمساواة أحترموا عقولنا يا ناس ..
أطلقوا والد الأخ عاصم أبوبكر وأطلقوا أولادنا
الفرسان الذين مازالوا مربوطين عندكم. |
الا يا بريمه ما قلت لي الاخ عاصم ابوبكر نفسه وين؟!الم تسأل نفسك؟!
| |
|
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: Tragie Mustafa)
|
| Quote: ثم ثانيا هناك شئ فى علم الاخبار يسمى مصدر فضل حجب هويته خاصة لما يكون فى الميدان مثلا |
اخي الغالي
حين نبهتك لخطورة ما كتبته كنت اقصد حمايتك من الطُعم ان لم تكن لك دوافع ذاتية سيئة .
ما زلت اكرر يجب التاكد من مصدرك قبل ان يتصل عليك ابوبكر حامد بنفسه و يقول ليك : في شنو
الخبر ضرب من الخيال و اقول اركز كما يقوله ود الباوقه .
ارجو ان تعود الى مصدرك و تسألهم لماذا ارادوا لك ذلك ؟
| |
|
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: الهادي محمد ابراهيم)
|
Quote:
وافرض حصل يا الغالي
يعني نشرك لاخبار زي دي بيدخل في اي زمره؟!
بالعكس خبر زي ده عندي بيثبت انه د.خليل وحركته جدا منضبطه
وانه الاختراق لو حصل من اقرب الناس اليه برضو يطبق فيه القانون. |
طيب هو نشره عشان يثبت ان حركة خليل منضبطة فما المانع!
يعنى نحن العورا ديل نكتب لى حاجة وانتوا تغتغتوا وتدسدسوا وبعدين تدقسونا زى الباقان وانفصلوا!
لكن لقيتك تفتيحة ونحن دقوس
طيب وكت خليل حركته منضبطة ليه انضميتي لى منى مناوي !
جني
| |
|
|
|
|
|
|
|
|
|
Re: انباء عن اعتقال ابوبكر حامد نور القيادى بالعدل والمساواة (Re: الصادق ضرار)
|
جني يعني انت عنصريتك..قايلها خافيه علينا؟!
مالك ومالي انضم لمناوي ولا انضم لخليل ابراهيم؟!ما كلهم عبيد بنظر امثالك
ومتخلفين؟! يعني انت معترف باي واحد فيهم؟!
| Quote: طيب هو نشره عشان يثبت ان حركة خليل منضبطة فما المانع! |
الكلام ده عايز تغش بيه روحك؟!
Quote: يعنى نحن العورا ديل نكتب لى حاجة وانتوا تغتغتوا
وتدسدسوا وبعدين تدقسونا زى الباقان وانفصلوا!
|
نغطي وندسدس زي غطغطتكم لناس الباقر العفيف
وناس سوات...وقهمتكم للبندر!! قايلنا ما متابعين ولا شنو؟!
Quote: لكن لقيتك تفتيحة ونحن دقوس
طيب وكت خليل حركته منضبطة ليه انضميتي لى منى مناوي !
جني |
يا ترى دي قضيتك؟!انضم لخليل ولا مناوي؟!
مش آخير منك المنضم للجلبنه فقط!!
| |
|
|
|
|
|
|
| |
الغالى شقيفات
Tragie Mustafa
الصادق ضرار
Mohamed Suleiman
بريمة محمد
الهادي محمد ابراهيم
jini
محمد ادم الحسن
اسماعيل عبد الله محمد
فيس بوك
تويتر
انستقرام
يوتيوب
بنتيريست