الصبر على الاستماع لرأي الطالب وهو في قمة انفعاله حتى اكمل حديثه دون مقاطعة قمة الديمقراطية التي ينادي بها البعض ولا يعملون بها ،،، تخيل فقط لو تعامل الأخوة (أنصار) التيار الاسلامي مع هذا الطالب بذات المستوى الذي تعامل به (أنصار) دار حزب الامة مع بروفيسور غندور ،، ماذا كان سيحدث ؟
شكراً د.نافع وانت تستمع بسعة صدر لكل ما قال به هذا الطالب شكراً د.نافع وانت تقدم درساً عملياً لبعض دعاة الديمقراطية
كنت اتمنى من الذين رفعوا هذا المقطع في الانترنت ان يكونوا ديمقراطيين يمتلكون الشجاعة لرفع مقطع ردود الدكتور نافع ،،، حتى تكتمل الصورة
12-12-2011, 08:25 PM
عبود عبد الرحيم عبود عبد الرحيم
تاريخ التسجيل: 03-14-2008
مجموع المشاركات: 5434
ديقراطية شنو كمان العند ناس الانقاذ ديل انت صحفى محترم هل تحتاج اذكرك بايقاف الجرايد و الرقابة البعدية و القبلية اسع لو سالتك جريدة الجريدة بتاعة سعد الدين و هو رجل مسالم الناس ديل وقفوها لشنو على بالحلال الولد دا فاجا الناس ديل و حصل ليهم شوك عشان كدا ما قدرو اتصرفو
12-12-2011, 08:40 PM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
Quote: اخيرا وليس اخرا..سيظل التبجح بان الانقاذ منّت على الشعب بديمقراطية التعبير فسمحت للمهندس المتحدث بمرمطة نافع..او ان نافع تحلى بالشجاعة لدخول الجامعة فى هذا الوقت او سواه لهي محاولات مفضوحة لصياغة معاذير مضحكة..فالشعب الذي بصق فى وجه مبارك لم يفعل هذا بسبب من حرية منحها له الرجل ولكنه اقتلعها كما اقتلعه...والناس التى قهرت الخوف فجهرت بصلاة النضال لم تفعل لهامش حرية اتسع..ولكن لان الانقاذ بلغت حدا من الضعف يدعو حقا للرثاء..والشعب تفرفر اجنابه ويغلى صدره ويمسه الوباء فى قوت يومه
يا عبود الأجواء الديمقراطية تعنى ان يكون لهذا الشخص او اي آخر منبر خاص يمكن من خلاله ان يتحدث بما هو اقوى مما تحددث به وليس متطفلا على ندوة للإسلاميين الأجواء الديمقراطية تعني ان تكون هنالك منابر مفتوحة للأحزاب وحقها في إقامة الندوات دون إذن من المؤتمر الوطنى او شرطته وفق الدستور الرجل انتزع المايك وقال ما قال اي رد من جانب الحكومة بعنترية نافع قد ينتقل بالصراع إلى آفاق أخرى لم تعهدها بلادنا وبعد دقة لندن ثم زجاجات وبراطيش غندور ومايك جامعة الخرطوم فالموقف ينذر بإمكانية استخدام وسائل اكثر عنفا من قبل الشعب الذي فضل ربك يستر
12-12-2011, 08:51 PM
خدر خدر
تاريخ التسجيل: 02-07-2005
مجموع المشاركات: 13188
عبود سلامات انت ما كان تجي تقول فهمك ده في البوست المعني ؟ فاتح بيهو بوست منفصل ، بذار باندويس ولا خوف من مواجهة الخلوق الفرحانه غو شمتانه بهناك دي ؟ بوستك ده اسه كل العاوز تقولو فيهو انو الانقاذ ديمقراطية لانها خلت الصبي الفارس ده يقول كلامو !! و انت يا المبروك كنت عاوزهم يضربوهو رصاص قدام الطلاب ؟ ما لازم الشفتو ده يحصل عشان يجي متفائل زيك ما بقدر يشوف ابعد من القدامو - تقرا مصالحو - و يقول كلامك المجاني ده ... الانقاذ دي انت قايل السودانيين ديل عرفوها امس في الندوة دي عشان تجينا يا عبود بما يرشد اليه حديث الصبي الفارس و نافع الدبمقراطي ؟ الانقاذ ليها 22 سنة يا عبود و التوم ريحتو واحدة زي ما قالوا اهلك ، جيب جديد دفاعا عن نافع يمكن نحن نرجع البصر كرتين و نقول ظلمنا الراجل .. لكن رجاء لا تحدثنا عن الحريات و الديمقراطية ، فقد هرمنا.
_ قبل ما اودعك اسمح لي اخلي وراي نضم الصبي الفارس ده ، نحن كسودانيين يا عبود ما بنقنع من خيرا في سوداني خارج السلطة و المنافع ، يمكن كلامو ده يذكرك انو في خلوق كتيرة اتحلت بضبط النفس و شد الحزام علي البطون و ادت الانقاذ فرص اكتر مما تستحق و انت و قليل من الاخرين لسه بتحاولوا تسبحوا عكس واقع اهلنا و اهلكم
Quote: Re: نافع علي نافع يتعرض للقصف بجامعة الخرطوم - ( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر. البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده وسلاح ما بنرفعو ...........واذا انت لهتك السلطة والعمارات الشاهقة ا الشارهة تقريبا ...في بري عن انك تقرأ التاريخ جيدا ....انا كنت اتمنى ان انو نافع على نافع البتكلم لينا هنا عن الاجندة الخارجية انت ما قاعد مع الناس في همشكوريب وفي دنقو المحس الناس بتعاني زيتا طالع الناس ما لاقية اتكلم لينا عن لقمة العيش الليلة الكليو بتاع السكر بي 53 جنيه في بلد فيها 200 مليون فدان صالحة للزراعة اتكلم لينا عن العيشة البقت عاملة زي الاضان وبي 300 جنيه نحن جعانين تجي انت تقيف لينا هنا وتقول شنو وبتاع يا شيخنا الشعب الجعان دا هو الحا يسقطك ... انت الليلة ما عايش اي معاناة انت اولادك الاثنين اللي قرو جامعة الخرطوم لي الليلة قرو قبول خاص ... ما بتخجل ...... ما بتخجل اولادك بقرو قبول خاص والشعب السوداني 90 في المئة منو ما لاقين اقرو وانت اولادك بقرو قبول خاص من قروش الشعب السوداني وين الاخلاق ولدك محمد نافع اتخرج من الجامعة وراكب عربية بي 200 مليون انا هسي مهندس كهرباء خريج جامعة النيلين عاطل ما لاقي شغل ومؤهل اكتر من ولدك ولد مربت تلاتة سنين في كلية الهندسة هنا وبعد دا كلو حا يتخرج ويتعين ولدك عملو ليهو منظمة خاصة عشانو محمد نافع وانا من اكفأ خرجيجين الهندسة قاعد عاطل .... انتهي
12-12-2011, 08:56 PM
خدر خدر
تاريخ التسجيل: 02-07-2005
مجموع المشاركات: 13188
عبود معلومة للدنيا و الزمان ، الفيديو ده جبتو انا و لقيتو بي حالتو دي في اليوتيوب .. يعني لو فيهو رد نافع صدقني ما كنت ببخل بيهو عليك و قادر افهم ليه الفيديو اترفع في اليوتيوب بالطريقة دي .. شوف فرحة الناس بيهو قدر شنو و انت تعرف ليه الصورو نزلو. بدون رد نافع و حاول من عندك القي ليهو عذر انو ظفر بي الغنيمة دي قبل ما يلموا فيهو زبانية الامن و يعدموهو هو و كاميرتو نفاخ النار .
12-12-2011, 08:54 PM
علاء الدين يوسف علي محمد علاء الدين يوسف علي محمد
تاريخ التسجيل: 06-28-2007
مجموع المشاركات: 19580
الحبيب الاستاذ عبود سلامات ياخي طبعا بيني وبينك دكتور نافع وزي ماك عارف قدرته على معالجة مثل هذه الأفعال بكون رد عليهم رد خجلانين يجيبوهو التحية للدكتور نافع وهو مغروسا شوكة حوت في حلاقيم المتنوضلين لم يمنعه الفعل الصبياني في لندن من مواصلة ما يود قوله ولم يمنع أعوانه متحدث البعث من إكمال حديثه والتحية لبروفسور غندور وهو يتعرض للاعتداء من مستضيفيه ويقوم بإيصال رسالته بالصوت العالي والتحية للإنقاذ التي جعلت من كل هذا ممكنا
12-12-2011, 09:03 PM
نجلاء قرافي نجلاء قرافي
تاريخ التسجيل: 08-09-2009
مجموع المشاركات: 2163
انت ياعلاء المتنوضلين ديل منو ؟ بعدين مافي مقارنة بين كلام الشاب ده ورد نافع ده شاب مغبون اعزل الا من لسانة ونافع بكل سلطتة وجبروتة ..من ناحية افحم نافع افحمه . جيب الرد انت نحن كفايانا قول هذا الشاب الجرئ الشجاع . يعني حيكون قال شنو ردودو معروفه ده لو رده من الاساس .
12-12-2011, 09:06 PM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
ممكن ترفع لينا ما قاله.... ومهما كان ما قاله فالرجل قال ليك أنو ما كان بيتيح مكتبه للإسلاميين قبل الوصول للسلطة خوفاً وفي السلطة أصبح الوضع لحس الكوع.... والآن السلطة زاتها في تلتلة وما تقول لي ديموقراطية بل قل ضعف....
ياخدر ممكن نستأذنك لقراءة عكس التيار لهذا الذي يحدث
اولا لايوجد اي موضوع شجاعةفي هذا الكلام وتسلم الفراسة اذا كانت هي هذه الفراسة
ثانيا اي واحد ######## او شجاع بامكانه ان يمسك المايكرفون ويسب الدين لنافع علي نافع لانها ندوة راي ورأي اخر
ثالثا : كان من الباب العدالة الاعلامية ان تأتي بالرد على كلام هذا الفارس من منازلهم لان الذي تحمل هذا القول له رد فاين الرد على هذا
رابعا تخيل ان امامك مايكرفون ويجلس الصادق المهدي في المنصة او نقد اوالميرغني ما الذي يمنعك من ان تقل للسيد الصادق ( انك كذاب ومغرور ومريض بالسلطة اولادك درسوا في اوكسفورد وانت اشتريت شهادتك كلها بما فيه وانتم عايشين على اتاوات الانجليز وبنيتم قصوركم على حساب الشعب وبالشعوذة وان ماقاله فيك عمك صحيح وانك اقرب للكفر من الاسلام بما تنطوي عليه من شعوذة وادعاء للامامة وتسمية ولدك بالامير،،،،، الخ القول الساقط) الذي يمنعك ادبك وادب الحوار واحترام نفسك وعدم اشاعة القول الفاحش والبذي وعدم الانجرار في مثل هذه السفاهة والفهاهة خامسا ما الذي يمنعك ان تقول لنقد انك رجل خارج التاريخ وشيوعي واعترفت بكفرك وعدم صلاتك ثم ذهبت للحج عندما ضرب رأسك وخفت من دنو الاجل وانك على رأس حزب فاشل يعبر عن حالة نفسية ولايعبر عن حالة فكريةوانك وراء كل الموت والعنف في السياسة السودانيةوالانقلابات والعمالة وما الذي يمنعك ان تقول للميرغني انك موهوم ولاتمتللسودان بصلة وان ابوك عميل وجدك جاء مع الانجليز لملاحقة عثمان دقنة وانك عايش في القصور لاتعرف عن السودان شيء ...الخ هذه الشاب الهائج المائج ليس فارسا مجرد شخص اقل من عادي وبعثي موتور وجد الهواء فضرى عيشه الفراسة كانت زمان عندما كانت الجامعة محاصرة بالجيش والطلاب يؤخذون من غرفهم الى سجن كوبر هذا مجرد رأي اخر في غمرة الحماس
واضيف على هذا الرد على هذا البعثي صاحب الرسالة الخالدة هل كان لاي فارس في العالم ان يقول ذلك الكلام لصدام حسين اله البعث المؤود ام سيقتله قصي بعصاته
12-12-2011, 10:36 PM
اسماء الجنيد اسماء الجنيد
تاريخ التسجيل: 03-31-2010
مجموع المشاركات: 4731
سلام استاذ عبود لك وزوراك الكرام اولا نافع ده لو رد كان ناسكم زاتهم لفحوا الرد وجوا اتبوجحوا بيه هنا لأنه في ناس قاعدين هنا لي إثبات اي شيء حتى لو بي الزور و بيع الزمم , المهم يثبتوا إنهم واصلين السماء السابع وممكن يطبقوا السماء ده مرتبة ويرقدوا فيهو لي الصباح لكن الناس عرفتهم وبقت تجليهم وتمشيهم قدر عقولهم الخاوية ,,, عشان كده حجوة ام ضبيبينة وينو رد نافع ونافع سمع لكنه صمد وسكت ده كلوووووووووو موية في مطمورة , بمشي وما برجع الزول ده إتبكم و اتصدم و إنبهط و وانفجع على قول حبوبتي , زغلل زهلل و جاتو كاروشة . ويمكن يكون اتنفض قام جرا بعدما سمعنا في نهاية كلام الراجل العالم الجماهير بتردد برة برة خاف على روحو دي , ناس تقول ليهو كلام زي الرصاص وفي وشو , لا اتجهجهوا ولا اتزحزحوا ممكن يقول كان قعدت بنط في رقبتي يقصها لي الشاب الشجاع ده اثبت صدق قولوا إنه نافع ده خواااااااااااف والدليل على كدة ما قال بغم . يمين الله زول يقول لي جناك بليد وبتقريهو بقروش ودم الشعب الغلبان , والكلام مو صحيح يمين بالله 3 علا ارفع فيهو قضية في ليلو واخلي يجيب الإثباتات ولا ارصعه 10 سنة سجن وإن الكلام صاح وفيني حبة إحساس امرق اخت إستقالتي في التربيزة واشوف عزة نفسي وحريقة في القروش والسلطة لكنو لبد ال######## لبدة ضب في جحر , وكلنا عارفين وهو زاتو عارف الكلام الإتقال فيه ده كلو صحيح وقليل من كتيـــــــــر الشتيمة المرقها اخونا الشجاع ده حاتبقى مسبة لي اولاده لي جنا جناهم , ما عندهم وش يحوموا بيهو قدام خلق الله اللهم إلا يكون طبعهم زي طبع ابوهم اللا حكى ولا بقى والله صحي
12-12-2011, 10:28 PM
ibrahim alnimma ibrahim alnimma
تاريخ التسجيل: 03-28-2008
مجموع المشاركات: 5197
من أول صفات المتسول هو الاكثار من المديح . فهو يصف ال######## بالقوة والشجاعة ، والبذئ بالحليم ،والشمولي بالمتسامح ابن الأكابر ...... فنافع علي نافع هو المعروف بعدم العفة في الخصومة ، ولو ان الامر امر منهج وليس أشخاص فالفجر في الخصومة ، والشتائم اضحت من عدة النظام وايدولوجيته المحببة ،لان الافلاس السياسي ، والوهن الجماهيري ،يقودان الي هذه التهلكة ، وهذا أمر خبرتنا به التجارب مع المستبدين والطغاة ، ففي زخم الافلاس السياسي والادراي يجعل المستبد يلوح يعصاته ،ويصف الاخرين "بالعواليق" والراجل يطلع" فهل رجل لوث فمه بمثل هذه الكلمات ينصفه بالحلم والديمقراطية؟ ولكن ماحيلتنا من قوم نذروا انفسهم واقلامهم ،رخصية في تجميل التقيحات ومديح الهمباتة والهمبتة؟ قلنا ان الشتائم والابتعاد عن عفة اللسان طال حتي عثمان مصطفي اسماعيل ، الرجل الذي يحلو للانقاذين بمناداته بالدبلوماسي ، اذن اليس هي حالة ايدلوجية تنم عن افلاس سياسي وانغلاق فكري عظيم؟وبالمقابل يتعاظم خطاب الشعب ، ويكسرون هيبة السلطة ويتحدون علي الملاء اجهزة امنهم القمعية ، هم يلوحون بايدهم العارية الا من صحيفة ، أو بيان سياسي او مايكرفون. فاتحية لهذا الشاب القوي والتحية لزملاءه الاقوياء الذين يشكلون حيطة سانده ، وهم يلوحون بمصالح الشعب السوداني الشجاع.
12-13-2011, 09:52 AM
محمد فرح محمد فرح
تاريخ التسجيل: 09-14-2006
مجموع المشاركات: 9222
الفارس المهرج ده عارف انه نافع لن ياتي لاعسس ليغلوه في الاغلال وعارف انه حتى خارج الجامعة لن يصيبه اذى الفارس ده بجتته الغليظة يعرف لو انها معركة عصي وسجون لما انفتحت (فونيته) في الكلام الى هذا الحد ويعرف انه في مأمن وان اي شخص حاضر في هذه الندوة كان بامكانه ان يقول ماقاله لانها ندوة وان اي زعيم سياسي يمكن ان يقال له نفس الكلام ياحليل الفراسة عندما كانت الدبابات تحاصر الجامعةوالعسكر يصولون ويجولون في غرف الطلاب حيث لااحد يقول بقم عندما كانت اجهزة الامن تبحث عن اذاعة الجامعة المختبئة في الشجر وحناجر اليقادات الطلابية تنطلق منها كالصواريخ عندما كان الجيش يهجم على مسجد الجامعة في صلاة الصبح ليعتقل عشرة طلاب دفعة واحدة عندما كان النضال ثمنه قاس وليس مجرد خمس دقائق على اليوتيوب ومنها تدخل التاريخ بدرجة فارس
سؤال للفارس البعثي هل ذهبت الى بيتك سالما ام لاحقوك وضربوك على بطنك لان الذي لاظهر له يضرب على بطنه ولان الذي يهاجم مساعد رئيس جمهورية في ثقافة البعث يسحل ؟
12-12-2011, 10:52 PM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: الصبر على الاستماع لرأي الطالب وهو في قمة انفعاله حتى اكمل حديثه دون مقاطعة قمة الديمقراطية التي ينادي بها البعض ولا يعملون بها ،،،
عبود .السلام عليكم انت جاى تتشدق بديمقراطية نافع وانت اعلم الناس بابو العفين هذا والله انت الملصق فى الاسلاميين ساكت وفى غفلة بقيت صحفى لو كنت تعلم ان هذا الباسل سوف يقول 1% من مما قال كان اتشعلقت فى الكهرباء وانتحرت حتى تنقطع الكهرباء ولا تسمح له بكلمه واحده. فقد فاجأكم هذا البطل حتى نسى ناس الامن قطع الكهرباء من المايكرفون ما ظننتم ان بين السودانيين شجاع واحد يبلغ ابو العفين مثل هذا، فقد عود الناس ان يفسو بينهم بفمه ويذهب بلا حسيب او رقيب ويتبجح بانه جعلى، الله اشهد ليس بين كل اهلى فظاً نتن اللسان مثل نافع ، فاهلى اهل فضل ورجاحة عقل شأنهم شأن كبار السودان عندما كان السودان هو السودان... ثانياً ظننتم ان خنوع الشعب كل هذا الوقت هو قبول بالحاصل فاعلم انه لم تتبقى للانقاذ الا هيبة امنية مجرد رجل يحمل السلاح وهى اخر اوراق التوت وسوف تسفط هذه الهيبة قريباً وسوف يرى الذين ظلموا اى منقلب ينقلبون. دحين انت سكتوك ببيت فى اخر الوادى الاخضر وكنا نعلم ثمنه هو مثل هذا الباطل الذى تتشدق به الان.. لكن اغمس قلمك فى ضميرك لما تجى تكتب فالكلمة مسؤولية وانت مسؤول امام الله منها طالما هى باقية هنا،،،،
اليوم حق لناس الانقاذ ان يقولوا اي حرية اكثر من ذلك شخص وليس طالبا في الجامعة شتم الرجل الثاني في الدولة وذهب الى بيته قرير العين بل نصبوه المستغربون فارسا لانهم لم يتعودوا على ذلك اذن كل كتاب رأي الشعب فرسان وكل سودانيزاو نلاين فرسان وكل صحفيي السودان فرسان لانهم يشتمون الحكومة على رؤوس الاشهاد يوميا هل هذه ممكن في البلاد التي تعيشون فيها هل ممكنة في المغرب اوا الجزائر او السعودية او الاردن او البحرين او قطر اوبلاد الربيع الاسلامي قبل الثورة او هلم جرا هل يمكن ان تقولها في حضرة الميرغني او المهدي او سلفاكير لاتكلفك كثيرا احمل المكرفون واخرج من طورك وادخل التاريخ
كان بامكان نافع الا ياتي الجامعة ويكتفي باولئك الصعاليك من ابناء جلدته الفكرية الذين روعوا الجامعة بعنفهم لكنه ترجل من مقامه ودخل مع زمرة الطلاب فهل يفعلها الامام او الميرغني ام يتركون الامر للصغار
الجوع خير طباخ هولاء ماذاقوا طعامامن الحرية والراي الاخ ففرحوا بهذه البصلة
12-12-2011, 11:27 PM
ibrahim alnimma ibrahim alnimma
تاريخ التسجيل: 03-28-2008
مجموع المشاركات: 5197
Quote: كان بامكان نافع الا ياتي الجامعة ويكتفي باولئك الصعاليك من ابناء جلدته الفكرية الذين روعوا الجامعة بعنفهم لكنه ترجل من مقامه ودخل مع زمرة الطلاب فهل يفعلها الامام او الميرغني ام يتركون الامر للصغار
ولكنه قد راي بان اؤلاءك الصعاليق قد ضمرت عقولهم وحججهم بسبب التربية في كنف السلطة فهم ادمنو التملق والمديح بدلاً عن رد الحجة بالحجة ، ولكنك ياعبدالملك لو كنت تعرفهم فانهم عادة مايحضرون كبارهم بسبب تاكل الخطاب السياسي والافلاس الفكري والسلطوي الذي جعلهم يهرولون لابناء الاسياد ، ليستشيرهم ........... علي كل حال الحمدلله ان جاءت من طرفك ،انهم صعاليك روعوا الجامعة بعنفهم ........ترى هل كبيرهم هذا لم يروع الناس يعنفه؟ ومن هو الذي عذب البروفسور فاروق محمد ابراهيم؟ ومن هو الذي ابتكر بيوت الاشباح؟ ومن هو قاتل الطالب محمد عبدالسلام؟ ومن هو قاتل الدكتور علي فضل؟
12-12-2011, 11:48 PM
عمر صديق عمر صديق
تاريخ التسجيل: 06-06-2008
مجموع المشاركات: 14776
Quote: الصبر على الاستماع لرأي الطالب وهو في قمة انفعاله حتى اكمل حديثه دون مقاطعة قمة الديمقراطية التي ينادي بها البعض ولا يعملون بها ،،، تخيل فقط لو تعامل الأخوة (أنصار) التيار الاسلامي مع هذا الطالب بذات المستوى الذي تعامل به (أنصار) دار حزب الامة مع بروفيسور غندور ،، ماذا كان سيحدث ؟
شكراً د.نافع وانت تستمع بسعة صدر لكل ما قال به هذا الطالب شكراً د.نافع وانت تقدم درساً عملياً لبعض دعاة الديمقراطية
كنت اتمنى من الذين رفعوا هذا المقطع في الانترنت ان يكونوا ديمقراطيين يمتلكون الشجاعة لرفع مقطع ردود الدكتور نافع ،،، حتى تكتمل الصورة
12-13-2011, 00:18 AM
خضر الطيب خضر الطيب
تاريخ التسجيل: 06-24-2004
مجموع المشاركات: 10245
Quote: ولكنه قد راي بان اؤلاءك الصعاليق قد ضمرت عقولهم وحججهم بسبب التربية في كنف السلطة فهم ادمنو التملق والمديح بدلاً عن رد الحجة بالحجة ، ولكنك ياعبدالملك لو كنت تعرفهم فانهم عادة مايحضرون كبارهم بسبب تاكل الخطاب السياسي والافلاس الفكري والسلطوي الذي جعلهم يهرولون لابناء الاسياد ، ليستشيرهم ...........
ياابراهيم النعمة هولاء الذين ضمرت عقولهم يسيطرون على 22 اتحاد طلابي من 22 اتحادعلى مستوى السودان ولاتعتقد سكوتهم على هذا الموتور خوفا من حلقومه لكنها درس جديد للذين يقرأون بين السطور هل فعل ذلك طلاب حزب الامة في اي وقت من الاوقات ام هم الضامرة عقولهم في انتظار الاشارة هل فعل ذلك طلاب الختمية يوما ماام هم الضامرة عقولهم في انتظار شي لله هل فعل ذلك البعثيون اليتامى في اي زمن من الازمان ام هم الضامرة عقولهم في انتظار جنازة صدام تطفو من جديد هل فعلها الشيوعيون منذ تاسيس الحركة الطالبية ام هم الببغاوات عقولهم في اذانهم يحلمون بدولة العمال هولاء الذين ضمرت عقولهم صوت لهم 70% من التسعة الف طالب الذين صوتوا في انتخابات الجامعة الاخيرة(كان ماك عارف اعرف) فهل فارسكم الهمام رفيق صفية ولبنى سيجد صوتا لبعثه بسبب هذه الفراسةالمجانية اما من ناحية صعاليق فهم صعاليق لان الصعلقة تعني الفراسة في ايامنا هذي
12-13-2011, 01:05 AM
Deng Deng
تاريخ التسجيل: 11-28-2002
مجموع المشاركات: 52555
كرسي ثم جزمه ثم علقه سياسيه و ثم ... و ثم ... طوفان الغبن جاييكم يا ماجد يوسف ... إدعاء التسامح في اللحظات الأخيره ما بنفعكم ... و دم على فضل و بشير الطيب و التايه و آلاف مؤلفه في دارفور و النيل الازرق و جبال النوبه شاهد ... و موثق و ضربة المغبون لو صابت تعيق ... و حتعيقكم مره و للأبد
12-13-2011, 01:40 AM
صديق الموج صديق الموج
تاريخ التسجيل: 03-17-2004
مجموع المشاركات: 19433
Quote: كنت اتمنى من الذين رفعوا هذا المقطع في الانترنت ان يكونوا ديمقراطيين يمتلكون الشجاعة لرفع مقطع ردود الدكتور نافع ،،، حتى تكتمل الصورة
انت وحكومتك التــــــــــــــــافهة دى خلوا اليوتيوب يعمل فى السودان بلا ديمقراطية معاك، الديمقراطية لمن يمارسها ويتعامل باستحقاقاتها. والله انا لو لاقى النفس ده امسكوا منكم، حكومة ######ـــة،،،
12-13-2011, 01:47 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14411
Quote: الذي يمنعك ادبك وادب الحوار واحترام نفسك وعدم اشاعة القول الفاحش والبذي وعدم الانجرار في مثل هذه السفاهة والفهاهة
أفتكر ما فيش أوسـخ من كده. هذا هو نوع الكلآم الذي يدور في دهاليز البشير ونافع ومن شاركهم الحكم. هذا النافع تيمناً كان معروف في الحلفايا إنه إنسان إنطوائي وجبـان لا يعرف حتي حقوق الجيران ناهيك من أدب، وأدب حوار!!!، فهو اليوم من خلف جُدُر السُلطة أصبح يفتح خشمو الكان مقفول طول عمرو ويتحدث بعنجهية كمان!!! ده خشمو كام معفن من عدم الكلآم، كمان عايزين تطلعوهو لينا حليم؟؟؟!!! نافعك هذا مُرغم وليس بطل.
12-13-2011, 02:05 AM
محمد عبدالرحمن محمد محمد عبدالرحمن محمد
تاريخ التسجيل: 10-13-2010
مجموع المشاركات: 1556
Quote: اما من ناحية صعاليق فهم صعاليق لان الصعلقة تعني الفراسة في ايامنا هذي
السيد عبد الملك يوسف الملك لك السلام والتحية
اريد معك حوارا هادفا وهادى وغير منفعل فى شأن حديث المهندس عالم اولا فلنترك حوار كل فرح وكل مهتم بحديث المهندس عالم البعثى والذى امطر دكتور نافع بوابل من الهجوم وندخل فى اسئلة واضحة من حقك الاجابة عليها او رفضها وهى فى محل تقديرى واحترامى حتى لو جاءت ببغير ما اتوقع ولكن هدفى ان نبعد عن المهاترات ونتحدث بتروى وموضوعية هل تتفق معى ان الناس او الشعب السودانى يعانى من ازمة طاحنة وفجوة غذائية ودوائية طاحنة ؟ وهل عبر عنها الاخ عالم فى نقده لنافع ؟
هل فعلا هناك قهر وسجون وتعذيب تم ويتم لكل المعارضين لنظام الانقاذ والمنتقدين لسياساتها ؟ وهل ذكر هذا النقد المهندس عالم فى نقده وهجومه على نافع اجابتك مهمة ودعك من ديمقراطية المؤتمر الوطنى ومهاترة اى مهاتر فى نظرك فى هذا البوست اجابتك هى الاهم ونواصل
12-13-2011, 01:55 AM
هشام هباني هشام هباني
تاريخ التسجيل: 10-31-2003
مجموع المشاركات: 51288
Quote: الفارس المهرج ده عارف انه نافع لن ياتي لاعسس ليغلوه في الاغلال وعارف انه حتى خارج الجامعة لن يصيبه اذى الفارس ده بجتته الغليظة يعرف لو انها معركة عصي وسجون لما انفتحت (فونيته) في الكلام الى هذا الحد ويعرف انه في مأمن وان اي شخص حاضر في هذه الندوة كان بامكانه ان يقول ماقاله لانها ندوة وان اي زعيم سياسي يمكن ان يقال له نفس الكلام ياحليل الفراسة
Quote: مع العلم أنّه أحد أعضائنا الذين تم إعتقالهم في التاسع و العشرين من يناير بسبب مخاطبة
جماهيرية في سوق ليبيا إلتف حولها المواطنون
كان يدعوهم عبرها للخروج في الثلاثين من يناير
و قضى شهر كامل في السجن بسبب المخاطبة تلك و حُرِم من المشاركة في تظاهرات الثلاثين من يناير
تعيش حكومة الإنقاذ وهي تطبق الديموقراطية علي أوسع نطاق، ويعيش نافع الرجل الذي أثبت انه ديقراطي علي الأشهاد نافياً بذلك ما ينسب إليه من المغرضين وأعداء نظام الإنقاذ الديمقراطي...
12-13-2011, 04:56 AM
الصادق الزين الصادق الزين
تاريخ التسجيل: 09-18-2009
مجموع المشاركات: 2690
والله يا كيزان لا ديمقراطية لا حلم من نافع المسالة حديث الفارس عالم وقع كالصاقعة فوق رؤوسكم فاندهش الجميع من بين مصدق و غير مصدق ان هذا الحديث موجه جخصيا لنافع!! و كمان نافع بسمع و المطبلين اليفترض يقوموا بحماية نافع بسمعو!! و الله عالم كان عالم فعلا وحديثو صادم لدرجة بعيدة, هو انتو قايلين الشلل دا بنتج بالضربات النارية فقط؟ ما الكلام الموزون و المدوزن و البيوجع متل كلام عالم دا هو البصيب بالشلل ذاتو و بيوقف العقل من التفكير, حتى بعد ما عالم و قف من حديثوا الناس فضلت متحجرة بل متخشبة على مكانها و كان صب على رؤسهم الزيت!! الكيزان شايفهم بما فيهم ملكهم الاكثر من الملك مركزين على مراقة و ينو باقى رد نافع ما جبتوه ليه؟ انا بقول ليهم دا يا قوم يوتوب, و المقطع فيه لا يتجاوز اكثر من الزمن الاخذه حديث عالم و هو المهم, يبقى حديث نافع مهما كان, ما حيكون عندو قيمة؟ هو اصلا خلال ال12 سنة الاخيرة بعد المفاصلة فى زول قاعد يتكلم غير نافع؟ ما حديثوا المرجوج معروف و محفوظ حتى للشفع الصغار و لو انتم نبيهين, عالم اطرق لحديث نافع فى مستهل كلامو عندما اشار الى لحس الكوع و شنو ما عارف, ياهو دا رد نافع للببحث عن رد لنافع!! نحن كنا عايزنو يسمع من دون دغمسه ومواراة و ياهو سمع لمن دخل فى كومة, الكومة التلحقوا امات طه!! شكرن جزيلا عالم, انت اعلم منا جميعا فقد جعلت لنضالنا لون و طعم و رائحة, لله درك.
12-13-2011, 07:38 AM
ibrahim alnimma ibrahim alnimma
تاريخ التسجيل: 03-28-2008
مجموع المشاركات: 5197
Quote: هولاء الذين ضمرت عقولهم صوت لهم 70% من التسعة الف طالب الذين صوتوا في انتخابات الجامعة الاخيرة(كان ماك عارف اعرف)
السيد عبدالملك : انا عارف جيداً واعرف تماماً ان الحزب والتنظيم السياسي الذي يستند الي قاعدة جماهيرية كالتي تدعيها ، لا يمكنه ان يزور (يخج الانتخابات) واعرف ان المؤهل بهذاالقدر حتي ولو كان لا يؤمن بالديمقراطية ،فانه لا يمكن ان يمنع الناس من اقامة الندوات ، يسمح لعضويته بتسير المظاهرات تضامناً مع غزة ومسلمي السويد ،بينما يرتعد لاي احجتجاج شعبي ، كما اعرف جيداً ان الحزب المستند الي قاعدة جماهيرية كما ادعيت لا يمكن ان يقتل طالب لمجرد اختلاف في الراي حتي ولو كان لا يؤمن بالديمقراطية .......والذي لا تعرفه انت ان كل الشعب يعي ويعرف جيداً بان الانتخابات التي تتحدث عنها ، لا يستطيع حتي حزب المؤتمر الوطني الاحتفاء بها اليوم . ولو كنت تقرأ مابين السطور فان مسار اندهاش الناس هنا ليس ماقاله المناضل عالم ،بقدر ما ان الناس فخورة بهذا القدرة الجبارة من الشجاعة وتحدي الة المؤتمر الوطني الباطشة ........فلو تاملت هذه الردود ،فانك تدرك مقدار المسافة بين الحرية والديمقراطية من جهة ، ونظام الانقاذ من جهة اخري.....واستطيع ان اؤكد لك باني لو كنت في هذا الندوة لما صفقت كثيراً لمحتوى الكلام ،فانه معروف لاصغر طفل في السودان ، ولكني لبكيت من شدة شجاعة المتحدث . لذلك فحديثك عن الديمقراطية والتصويت ،ليس اكثر من مديح كتاب الاستبداد ، وفحسني مبارك الذي عزله الشعب المصري ، هل تعتقد انه جالس علي الحكم بلا انتخابات ؟ فهو يمثل "حسب انتخابات الاستبداد والشمولية" اكثر من 70% من مقاعد البرلمان ....وتسنده قاعدة طلابية اكثر مما لدى المؤتمر الوطني . وكذا زين العابدين بن علي ، اما الاسد فان كافة الاتحادات الطلابية يسيطر عليها حزب البعث بلا اي معارضة ،فعن اي انتخابات تتحدث؟ انتخابات المؤتمر الوطني التي ليست اقل من اضحوكة هو نفسه تورط فيها اكثر مما استفاد منها.فها هو يهرول للاحزاب التي يصفها بالوهن السياسي ويسهر الليل من اجل ان ياتي بحكومة قابلها الشعب بسخرية اكثر من سابقتها ، حتي عضوية المؤتمر الوطني نفسها تضحك عليها دعك من المعارضين. ودونك ماقاله فدياس في هذا البوست السيد رئيس الجمهوريه عزرا لقد ( قرفنا ) كما ان الحزب الذي يستند لقاعدة جماهيرية كما تود ان تسوقه ، لايمكن ان يصرف 80% من ميزانية الدولة على بقاءه ، ولا يمكن ان تشل يده لمحاكمة الفاسدين ، وذلك لان الفساد يعتبر ايدولوجيا يستند اليها ، فان اقدم علي ملاحقة الفاسدين فان سلطته ستكون بلا وجيع ........هؤلاء هم الذين يسندون النظام لو كنت تقرأ الشارع .
12-13-2011, 07:59 AM
عبد الله كسلا عبد الله كسلا
تاريخ التسجيل: 07-17-2010
مجموع المشاركات: 1494
أسمح لي أخوي أقتبس كلام أختي الحنينة أسماء الجنيد لأنها عبَّرت عني تماماً ..
ولا أزيد .. شكراً سوما ..
Quote: سلام استاذ عبود لك وزوراك الكرام اولا نافع ده لو رد كان ناسكم زاتهم لفحوا الرد وجوا اتبوجحوا بيه هنا لأنه في ناس قاعدين هنا لي إثبات اي شيء حتى لو بي الزور و بيع الزمم , المهم يثبتوا إنهم واصلين السماء السابع وممكن يطبقوا السماء ده مرتبة ويرقدوا فيهو لي الصباح لكن الناس عرفتهم وبقت تجليهم وتمشيهم قدر عقولهم الخاوية ,,, عشان كده حجوة ام ضبيبينة وينو رد نافع ونافع سمع لكنه صمد وسكت ده كلوووووووووو موية في مطمورة , بمشي وما برجع الزول ده إتبكم و اتصدم و إنبهط و وانفجع على قول حبوبتي , زغلل زهلل و جاتو كاروشة . ويمكن يكون اتنفض قام جرا بعدما سمعنا في نهاية كلام الراجل العالم الجماهير بتردد برة برة خاف على روحو دي , ناس تقول ليهو كلام زي الرصاص وفي وشو , لا اتجهجهوا ولا اتزحزحوا ممكن يقول كان قعدت بنط في رقبتي يقصها لي الشاب الشجاع ده اثبت صدق قولوا إنه نافع ده خواااااااااااف والدليل على كدة ما قال بغم . يمين الله زول يقول لي جناك بليد وبتقريهو بقروش ودم الشعب الغلبان , والكلام مو صحيح يمين بالله 3 علا ارفع فيهو قضية في ليلو واخلي يجيب الإثباتات ولا ارصعه 10 سنة سجن وإن الكلام صاح وفيني حبة إحساس امرق اخت إستقالتي في التربيزة واشوف عزة نفسي وحريقة في القروش والسلطة لكنو لبد ال######## لبدة ضب في جحر , وكلنا عارفين وهو زاتو عارف الكلام الإتقال فيه ده كلو صحيح وقليل من كتيـــــــــر الشتيمة المرقها اخونا الشجاع ده حاتبقى مسبة لي اولاده لي جنا جناهم , ما عندهم وش يحوموا بيهو قدام خلق الله اللهم إلا يكون طبعهم زي طبع ابوهم اللا حكى ولا بقى والله صحي
12-13-2011, 08:25 AM
محمد حيدر المشرف محمد حيدر المشرف
تاريخ التسجيل: 06-20-2007
مجموع المشاركات: 20359
عارف كويس انو فى خريج زيو راكب عربيه بى متين مليون ومنو الاتخرج ولقى قدامو منظمه بى حالها .. وهو المهندس وود البلد زيو زيهم مالاقى حق رغيفه أصغر من أضانو ..
اليس فى وجوهكم مزعة لحم ؟! ما بتخجلوا ؟! حرية ؟!
يعنى مفروض يدى طلقه فى راسو ؟!
12-13-2011, 08:23 AM
سفيان بشير نابرى سفيان بشير نابرى
تاريخ التسجيل: 09-01-2004
مجموع المشاركات: 9574
السلام عليكم يا عبد الملك السلام عليكم ورحمة الله و بركاته
يا عبد الملك (يا أيها الذين ءامنوا ، كونوا قوامين لله ، شهداء بالقسط ولا يجرمنكم شنئان قوم ، على ألا تعدلوا ) الآية الكريمة - يا عزيزي أنت تظلم نفسك و تغيب عقلك و تسابق الريح لتتعامى عن ما هو بائن و واضح و تتعمد عمداً أنا لا تقول للظالم ظالم ، يا عزيزي أعتقد أن لك عقل و لك اهل و اصحاب و عشيرة في هذا السودان و اعتقد أن الوضع لعامة السودانيين في مشارق و مغارب و جنوب و شمال السودان و اضح و لا يمكن أن يخفى حال اهله عن رجاحة عقلكم و لا يخفى عن بصيرتكم إلا أن تتعمد ذلك .
فعن إي ديمقراطية تتكلم و تكتب و عن إي رآي ورآي أخر يا أخي العزيز تلفت انتباهنا له بأن الموتمر الوطنى و نافع يمنون به !! و الشواهد قائمه و لو عددتها لكمل مداد هذا المنبر قبل أن احصيها ولو جينا بمثله مدد تلاته اربعه مرات .
يا عبد الملك يا أخي الفاضل قرآتك العكسيه ظالمه و تعمدت أن تتعامى جوهر القضية التى دفعت هذا الشاب لما قاله بشجاعه و لم يسكت ابداً ، تعمدت جوهر ولب الموضوع لذا جاءت سهام قرأتك في غير موضعها و مجافية تماماً و جاءت كانك تكتب وتقرأ عن سودان متخيل و موجود في ذهنية النافع و سدنة الانقاذ فقط ، فكان لابد أنك لا ترى فراسه في شاب انقطع قول الحق لانداده بفعل العسف و السحل و التعتيم ، كان لابد أن تنفي عنه الفراسه لان السودان الذى في مخيلتك هو السودان الذي تم تركيه و بطشه و تكبيله و أن فراسه هم النافع و عمر البشير الذي اصبح كل فعله و شجاعته انجاز سفريه خارج البلاد لتدبج فيها المقالات و يصوقر بها ود الباوقه ، كان لابد أن تفعل ذلك و تقرأ تلك القرأة التي تحسب ضد عقلك و ضد المنطق و ضد و عيك بواقع اهلك و عزوتك من عامة الشعب ، ما يوضح تعمدك لتغييب عقلك هو قولك (إي واحد ممكن يمسك المايك و يسب الدين لنافع) لا يا عبد الملك هذا الشاب شجاع و هزم نافع دون أن يفكر كما تفكر أنت الأن بالضرورة فهمك للشجاعة و للفراسه فهم لا يبتعد كتير من نافع طالما أنك تقول هذا !! .
يا عبد الملك اما كان اجدى أن تسأل لماذا يتعرض النافع لما تعرض له ؟ اما كان اجدي أن تفكر في سبب هجوم هذا الشاب على النافع ؟ قبل أن تبذل قرأتك هذه للناس هنا!؟
عن إي ابواب العدالة تكلمنا يا عبد الملك و أنت لم تلج هنا من باب عدالة !! اعدل يا عبد الملك ليعدل الناس معك يا أخي . آ تنتظر أن يكون العدل هو جلبنا لرد النافع !! و هل تعمى أنت من النافع و لسانه !! اتعمى منه حتى قبل أن يتعرض له احد بقول !!!؟ إعدل يا عبد الملك فأنت أسمك عبد الملك و الملك الواحد الاحد عادل و يحب العدل .
يا عبد الملك ما قيل و يقال للصادق و نقد كان يقال جهاراً نهاراً في فترة الديمقراطية و لا اظنك غابي عن ما قيل لكن عدم العدل و تعمد تغييب العقل و القرأة الملتوية و عدم الاعتراف بالحق يجبرك أن تتعامى عن الحقائق و لن اقنعك أنا بهذا مهما فعلت و مهما آتييت من منطق .
يا عبد الملك تكتب و تتكلم عن الفراسة انها كانت زمان و فى فترة محاصرة الجامعة و مسجد الجامعة و اقول لك حقيقة فراسه ليس لي فيها إي شك لانهم كان يدافعون عما اقتنعوا به و امنو به و اعتقلوا وشردوا بسببه و ذات فراستهم هذه قادت نفر غير قليل منهم بعد انقلاب الانقاذ للجهاد في الجنوب و الموت دفاعاً عن قناعاتهم .. فرسان يا عبد الملك طالما دافعوا عن قناعتهم مافي اى شك .. فقط... نفس ذات الفراسه و الشجاعه إعدل و اعطي هذا الشاب حقه لانه فعل ما اقتنع به و آمن به يا عبد الملك و لهذا قلت لك ... إعدل إعدل يا أخي فالظلم ظلمات .
ختاماً أتمنى لك الخير و أتمنى أن لا تنفعل و تنقاد للأساءة لهذا الشاب .
و السلام عليكم و رحمة الله .
12-13-2011, 10:27 AM
MOHAMMED ELSHEIKH MOHAMMED ELSHEIKH
تاريخ التسجيل: 03-21-2008
مجموع المشاركات: 11826
للذين يطلبون اكتمال الصورة باعطاء فرصة للدكتور نافع لنسمع رده اقول: نافع يمتلك أكثر من خمس محطات فضائية وعشرات الأذاعات وعشرات الصحف ومئات المنابر الأخرى التي يمكن ان يوضح فيها وجهة نظره بس بقت على مكاتفة هذا الشاب الذي يمكن أن يكون قد جاء غاشيا عن طريق الصدفة ووجدأمامه عن طريق نفس الصدفة السيدالنافع وهذا المايك.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبود عبد الرحيم
معاوية عبيد الصائم
نجلاء قرافي
خدر
Al-Shaygi
سفيان بشير نابرى
الامين محمد علي
Abd Alla Elhabib
محمد حيدر المشرف
طارق الجبلابى
اسماء الجنيد
ibrahim alnimma
محمد فرح
خضر الطيب
صديق الموج
عمر صديق
Deng
معاوية المدير
محمد عبدالرحمن محمد
ايمان بدر الدين
هشام هباني
الصادق الزين
عبد الله كسلا
MOHAMMED ELSHEIKH
فيس بوك
تويتر
انستقرام
يوتيوب
بنتيريست