|
بعد أن إلتهم (طلبين كبده) مسح على بطنه وقال (ما عندي ليكم قروش)!!!
|
Quote: قادت شهية (غير منضبطة) شاباً إلى القسم الأوسط بالخرطوم بحري و هو يجرجر كرشه الممتلئة بوجبة دسمة من الكبدة . و قالت مصادر أن صاحب المطعم الشهير (أبو ستة) فوجئ بشاب مهندم يجلس على منضدة المطعم و يطلب صحنين من الكبدة ، و بعد أن إلتهمهما عن بكرة صحنها ، مسح على بطنه و قال: (ما عندي ليكم قروش) . و جرجر صاحب المطعم الشاب (أبو كبدة) إلى الشرطة مطالباً بثمن ما أقترفته بطنه ، وسط إصرار من الشاب بأنه لا يملك غير واحد جنيه ، و (نفسي كانت في كبدة و أكلتها).. علق أحد رجال الشرطة على جرأة الشاب قائلاً : (ياخي نحن بناكل طلب كبدة واحد بس في الشهر بعد ما نصرف الماهية ، إنت لو مفلس قدر ده ما تأكل ليك فول و خلاص). |
صحيفة حكايات
هسه عليكم الله ده يقولوا عليه شنو؟ الحمد لله النفسو ما دخلت ليها في خروف محشي
|
|
|
|
|
|
|
|
Re: بعد أن إلتهم (طلبين كبده) مسح على بطنه وقال (ما عندي ليكم قروش)!!! (Re: محمد الكامل عبد الحليم)
|
يحكى عن (سيد تلول) وهو أحد ظرفاء النوبة وكان من أهالي جزيرة صاي ( رحمه الله) وأهل صاي يقطعون النيل ليصلوا (لعبري) حيث البر الشرقي ، وذات يوم وهو على عجلة لللحاق ببنطون (صاي) حضر لمطعم وجيبه خاوي من الدراهم ، وسأل صاحب المطعم يا فلان الواحد لو طلب كبدة وأكلها وقالوا ليكم ما عندي قروش بتعملوا معاه شنو؟ . صاحب المطعم قال ليهو بنمسك نخرتو وبنحكها ليهو مع الواطة ، وقال سيد لصاحب المطعم : يا خي أنا مستعجل حُك لي نخرتي بسرعة .
* نفسك في كبدة أيه لزوم الطلبين ، ياخي ما تكتفي بطلب واحد وخد لك حكة نخرة سريعة .
| |
|
|
|
|
|
|
|