Post: #1
Title: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: كمال حسن
Date: 12-07-2011, 12:46 PM
Quote: قادت شهية (غير منضبطة) شاباً إلى القسم الأوسط بالخرطوم بحري و هو يجرجر كرشه الممتلئة بوجبة دسمة من الكبدة .
و قالت مصادر أن صاحب المطعم الشهير (أبو ستة) فوجئ بشاب مهندم يجلس على منضدة المطعم و يطلب صحنين من الكبدة ، و بعد أن إلتهمهما عن بكرة صحنها ، مسح على بطنه و قال: (ما عندي ليكم قروش) .
و جرجر صاحب المطعم الشاب (أبو كبدة) إلى الشرطة مطالباً بثمن ما أقترفته بطنه ، وسط إصرار من الشاب بأنه لا يملك غير واحد جنيه ، و (نفسي كانت في كبدة و أكلتها)..
علق أحد رجال الشرطة على جرأة الشاب قائلاً : (ياخي نحن بناكل طلب كبدة واحد بس في الشهر بعد ما نصرف الماهية ، إنت لو مفلس قدر ده ما تأكل ليك فول و خلاص).
|
صحيفة حكايات
هسه عليكم الله ده يقولوا عليه شنو؟
الحمد لله النفسو ما دخلت ليها في خروف محشي
|
Post: #2
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: كمال حسن
Date: 12-07-2011, 01:05 PM
Parent: #1
وقال شنو (نفسي كان في كبده وأكلتها) 
|
Post: #3
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: صديق الموج
Date: 12-07-2011, 01:25 PM
Parent: #2
بالله دى حكومة دى؟؟
الله يصرف الانقاذ الخلت العثور على صحن الكبده للمواطن
ايسر منه الحصول على مخ ساق الباعوض،،،
|
Post: #4
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: محمد الكامل عبد الحليم
Date: 12-07-2011, 02:13 PM
Parent: #1
تحية ....
وفق المنطق الجبري المذكور التهم طلبين ونفتح قوس ونضع بين القوسين (الكبدة)...فاذا اكل المذكور الطلبين يمكن لاصحاب المطعم اخذ كبدتهم وياخذ المذكور الطلبين لانه هو صاحب الطلبين وهم اصحاب الكبدة ..لا يمكن ضرب الكبدة في الطلبين فقط يمكن ضرب الكبدة وهذا ما حدث منطقيا...هل يجوز مجافاة المنطق امام المحاكم ؟...
ههههههههه....
|
Post: #5
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: ولياب
Date: 12-07-2011, 03:52 PM
Parent: #4
يحكى عن (سيد تلول) وهو أحد ظرفاء النوبة وكان من أهالي جزيرة صاي ( رحمه الله) وأهل صاي يقطعون النيل ليصلوا (لعبري) حيث البر الشرقي ، وذات يوم وهو على عجلة لللحاق ببنطون (صاي) حضر لمطعم وجيبه خاوي من الدراهم ، وسأل صاحب المطعم يا فلان الواحد لو طلب كبدة وأكلها وقالوا ليكم ما عندي قروش بتعملوا معاه شنو؟ .
صاحب المطعم قال ليهو بنمسك نخرتو وبنحكها ليهو مع الواطة ، وقال سيد لصاحب المطعم : يا خي أنا مستعجل حُك لي نخرتي بسرعة .
* نفسك في كبدة أيه لزوم الطلبين ، ياخي ما تكتفي بطلب واحد وخد لك حكة نخرة سريعة .
|
Post: #6
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: محمد الكامل عبد الحليم
Date: 12-07-2011, 07:37 PM
Parent: #5
تحية.....
الشايقي وهو يتضور جوعا...مر علي مخبز ليجد اكداسا من الخبز لم يرها من قبل...سال صاحب المخبز...دا كلو هولك؟....قال له نعم.... الشايقس: نان ما تقرض..
|
Post: #7
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: كمال حسن
Date: 12-08-2011, 00:50 AM
Parent: #6
الغالي إبن العمه الغاليه
| Quote: الشايقي: نان ما تقرض |
الشايقي ده باقيلي ماهو من الأركي شي 
|
Post: #8
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: محمد الكامل عبد الحليم
Date: 12-08-2011, 07:18 AM
Parent: #7
|
Post: #9
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: محمد الكامل عبد الحليم
Date: 12-08-2011, 07:19 AM
Parent: #7
تحية الي الشاعر الشفيف العزيز كمال...ود خالي حسن علي ابوسوار...وامي السيدة بت عبد الحفيظ. عليها الرحمة في عليين ........وين يا راجل ...مالك منقطع النظير...
سعيد بلقاك علي الاسفير...ان شاء الله الاغتراب يطير ...
لا اعتقد ان المذكور من الاركي...اركي الساب والتساب...اركي ابوي علي وامي خدومة...يعدلو المايلة هم وود الفقير ويضبطو حركة المجتمع الصغير..اركينا فيها ود الكندري...وعمتي بت عشماني ...ارضعتنا من شياهها حليب وسمن وعسل...
فيها الخلوة للغاشي والماشي...فيها تعلمنا نون والقلم وما يسطرون...تحلقنا حول جزء عم وتبارك...طفنا حول المعاني ولم نسمع او نري البندقية...راينا المنجل ..والساقية(ساقية علي).. والنوريق ...وحشينا القش...تعلمنا الحب واكلنا الحب... وغنينينا ليلينا يا الله الليل ليلي هوي...
تاني شن القول...لك الحب يتقطر شهدا وينداح ربيعا...
|
Post: #10
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: Ahmed Yousif Abu Harira
Date: 12-08-2011, 10:25 AM
Parent: #9
خلاص اتلاقيتوا وقلبتوها كبده انت وودعمتك؟
ـــــــــــــ
تحياتي يا كيمو
|
Post: #11
Title: Re: بعد أن إلتهم (طلبين كبده) مسح على بطنه وقال (ما عندي ليكم قروش)!!!
Author: محمد الكامل عبد الحليم
Date: 12-08-2011, 11:34 AM
Parent: #10
تحية....
يا (ابو هريرة )....لا سلام علي طعام....حلفناك تضوق معانا...
|
|