لوووووووووووووووووووووب يا بريمة تقول لى فى الميدان !! دى وصلت الميس ...
تمام يا تراجى قديتى عين الشيطان ... بس انا عايزة قبل ما يجوا المتداخلين يعملوا فوضى واحد يوضح لينا كلام رسسسسمى اسرائيل دى اصلا شنو مشكلتها مع السودان ؟؟؟ لو جاوبنا على السؤال دا بنقدر ندير حوار راقى نستفيد منو كلنا
ـــــــــ من ونحن صغار وفى المدارس بصوروا لينا اسرائيل دى ذى البعاتى لكن والله بصراحه هى عملت لينا شنو انا لى هسه ما فاهمة !!
10-24-2011, 05:31 AM
بكرى ابوبكر
بكرى ابوبكر
تاريخ التسجيل: 02-04-2002
مجموع المشاركات: 18728
لاحول ولاقوة إلا بالله أمر مؤلم جداً أن نرى سودانيين داخل دولة إسرائيل الهذه الدرجه وصل بكم الأمر !!!! والله لن نسلمها لأمثالكم ياتراجي مهما كان الثمن وثقي أن أموال الإرتزاق والعماله ماحتنفعك إسرائيل وقبليها حديث عن المثليين وماننسى دفاعك الغريب عن المنظمه الخطفت أطفال دارفور بغرض بيعهم في فرنسا لاحول ولاقوة إلا بالله تأكد لي ياتراجي أنك نبتة شيطانيه أسأل الله أن يجنب وطننا شرورك وشرور أمثالك
10-24-2011, 05:37 AM
Abuzar Omer
Abuzar Omer
تاريخ التسجيل: 07-26-2008
مجموع المشاركات: 2109
Quote: من ونحن صغار وفى المدارس بصوروا لينا اسرائيل دى ذى البعاتى لكن والله بصراحه هى عملت لينا شنو انا لى هسه ما فاهمة !!
لينا كسودانيين , ما عملت حاجة لكن للانسانية عملت , اسرائيل دولة عنصرية تمارس الفصل العنصرى والتطهير العرقى ضد الفلسطينيين , غض النظر عن رائنا فى الفلسطينين لكن من حقهم الحياة الكريمة والحرية فى ارضهم
Quote: بوردابية تزور اسرائيل
والله لو ترشحت للكنيست زاتو ما عندنا معاها شغلة وستظل زولة معدومة المبدائية وتنتهج رزق اليوم باليوم
10-24-2011, 06:22 AM
الصادق صديق سلمان
الصادق صديق سلمان
تاريخ التسجيل: 07-11-2006
مجموع المشاركات: 4010
Quote: لكن للانسانية عملت , اسرائيل دولة عنصرية تمارس الفصل العنصرى والتطهير العرقى ضد الفلسطينيين , غض النظر عن رائنا فى الفلسطينين
راي وباحترموا لكن في ناس برضو عندها راي في الانقاذ حكومتنا ويتقول عنها انها عنصرية ومارست وتمارس التطهير العرقي في دارفور وكردفان والنيل الازرق وقتلت الابرياء الهزل في كجبار وبورتسودان ومارست حرب دينية لامن اجبرت كفار سود على الانفصال بدولتهم وعملت وبتعمل ضد الانسانية وبستدلوا على كلامهم باجراءت اوكامبو وشهادات بعض السودانيين ومما يشادهدونه على شاشات التلفزيون وكاميرات كلوني وشهادات منظمات المجتمع الدولي النحن اعضاء فيها
10-24-2011, 06:33 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: لكن للانسانية عملت , اسرائيل دولة عنصرية تمارس الفصل العنصرى والتطهير العرقى ضد الفلسطينيين , غض النظر عن رائنا فى الفلسطينين لكن من حقهم الحياة الكريمة والحرية فى ارضهم
تمام كلام ذى الورد يا تيجانى .. مش حقو نكتفى بالادانة لما يحدث هناك ذى ماهم بعملوا معانا ؟ فى ابادة وتطهير عرقى بحصل فى مليون حته فى العالم الفلسطينين ديل قالوا سااااى انو بحصل ؟؟ الموضوع سياسة ولا حاجة تانية .. ؟
10-24-2011, 06:55 AM
عصام دهب
عصام دهب
تاريخ التسجيل: 06-18-2004
مجموع المشاركات: 10401
فى عرب كتاااار فهموا الحاجة دى واستعادوا علاقاتهم بى اسرائيل فتحوا سفارات واتبادلوا السفراء والتجارة والاعلام والمصالح يعنى نحن اولى من مصر .. قطر .. الاردن ؟ نحن عرب اكتر منهم ؟ بعدين هل دا منعهم من الوقوف مع فلسطين ومساعدتهم لاسترجاع حقوقهم (ان وجدت ) ؟؟ لمتين نحن ملكيين اكتر من الملك ! ومجرد ما تجيب سيرة اسرائيل كانك كافر اليهوديه ديانه عظيمة وقالوا اركان الايمان اربعه واحده منهم الايمان بالكتب السماوية صاح ؟ اليهودية واحده من الكتب الواجب الايمان بها ... الفلسطينين ذات نفسهم اكثر خلته بالاسرائيليين بتزوجوا منهم وبتاجروا عندهم و معاهم وبتكلموا لغتهم وبحبوهم ذى عيونهم ما تشوف كواريكهم دى ! ما قريت قصيدة محمود درويش فى ريتا ؟؟ بين ريتا وعيونى بندقية !
ــــــــــــــــــــــــــــــــــــــ كوستاوى
Quote: انتى ما جلابية
وبيضاء مكوية كمان وشعرى طويل ...
10-24-2011, 06:51 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: من ونحن صغار وفى المدارس بصوروا لينا اسرائيل دى ذى البعاتى لكن والله بصراحه هى عملت لينا شنو انا لى هسه ما فاهمة !!
هنا ممكن الأخت المستفسرة تجد نماذج مما عملت إسرائيل ومن نظرتهم لكل البشر سواهم واعتقاداتهم وقناعاتهم في ذلك .... وعلى مثل ذلك فلتقس .. أو لتقف فيما هو معروض في عالم الأسافير
Quote: هنا ممكن الأخت المستفسرة تجد نماذج مما عملت إسرائيل ومن نظرتهم لكل البشر سواهم واعتقاداتهم وقناعاتهم في ذلك .... وعلى مثل ذلك فلتقس .. أو لتقف فيما هو معروض في عالم الأسافير
بل : تـــــــبــــــــــــــــــــَّــــــــــــــ...ـــــــــــــرائيــل
ــــــــــــــــــــــــــــــــــ صورة مع التحية للأخ أبو ذر عمر
شكراً على الرابط، و القصـة يا صديقى بالنسبة لى ما زى الحاجة الشافتها الناس و شالتها و قامت جارية بيها..
الأخت تراجى ذهبت بطلب من السودانيين الهناك و المحتاجين زول يسلط الضوء على قضيتهم و الحكومة أهملتهم..
لن يجد أى شخص للحكومة مخرج فى مسألة تخليها عن مواطنيها..( أمريكا ليست لها علاقة مع إيران و لكنها تكلف السويد لكى ترعى شئون مواطنيها فى إيران،
و يمكن أن توسط أى دولة للعب هذا الدور، سلطنة عمان مثلاً).
السودانيون فى إسرائيل، طحنهم السودان، فغادروا لمصر- على أمل- و لكن حصدهم الرصاص فى ميدان مصطفى محمود، فغادروا إلى إسرائيل.
الرحلة كانت بالنسبة لهم مسألة حياة أو موت. لسان حال أحدهم يقول (put your foot in my shoe)..
هذا بوسط كتبته العام الماضى، يوضح ليك إنوا المسألة بالنسبة لى إختلاف زوايا شوف معاك، أنا بعاين لحاجة تانية. بدل تراجى تمشى كان ممكن الدولة
ترسل وسيط مصرى لأمر رعاياها.. و تراجى كتر خيرها قامت بالواجب الأكبر منها. و صدقنى مشيتها دى ممكن تساعد الناس المساكين الهناك (إسرائيل حتعرف
إنوا فى رأى عام سودانى مهتم بالناس ديل و ربما يسهم الأمر فى أن تأتيهم مساعدات أخر أيضاً).
الموضوع ما زيارة تراجى .. عشرات السودانيين زارو اسرائيل
الموضوع لماذا هذا البوست يا بكرى ماهى الرسالة التى تود ارسالها من المستهدف بهذه الرسالة حدود الرسالة دا وين لماذا هذه الرسالة بالصور فقط هل المخاطبين لا يجيدون اللغة العربية
دينا ( قومى لفى البص دا ماشى الكلاكلة )
10-24-2011, 07:05 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: لماذا هذه الرسالة بالصور فقط هل المخاطبين لا يجيدون اللغة العربية
يا خينا بدر الدين .. امشي تعب نفسك وزور الرابط المرفق في صدر البوست عشان تعرف سبب الزيارة .. عشان ما تجي تسأل جنس اسئلتك دي .. الخبر منشور في المواقع وتراجي دي بوردابية معانا هنا ومن حقها إنو ينشروا ليها مواضيعا في البورد وبعدين الموضوع ده اكيد مرسل للسيد بكري , يعني ما هو المشا طلبم إنه ينشر الموضوع!!
يا جماعة تمشي ما تمشي؟ تراجي فارقة شنو من الاردن والمغرب العندهم علاقات دبلوماسية مع اسرائيل ؟ ولا بتفرق شنو عن شيخ حمد بن جبر رئيس وزراء قطر المتملك لشقة بضاحية راقية في تل ابيب؟ ولا شنو عن المسئولين بسلطنة عمان ولا الامارات؟ انا ذكرت الخليجيجن العندهم علاقات او شبه علاقات مع اسرائيل او يسمحون للاسرائليين بدخول اراضيهم لمؤتمرات وخلافاها؟ دا اذا افتضرنا انه تراجي مشت بصفة رسمية وهو مستبعد، اما اذا كانت مشت بصورة شخصية ودا مؤكد مليون في المية فوالله بعد كدا الواحد لو مشي في شارع خايفين في المنبر دا يقولوا ليهو المشاك فيهو شنو؟ تراجي جابت البدع؟ هاهاهها والله شر البلية ما يضحك؟ في زول سال مصطفى عثمان من موضوع ويكيليكس؟ ولا تراجي يا ربي سبقت قيادات حماس على زيارة اسرائيل (راجعو موضوع صهيب حسن يوسف) اما علاقات السلطة باسرائيل فهي افضل من علاقاتها بسوريا وايران وبعض الدول العربية . وللمعلومة فقط يا عالم فان التبادل التجاري بين اسرائيل وقطاع غزة (المحاصر) اكبر من حجمه مع الضفة (العميلة) وضعف حجم التبادل مع غزة نفسها عندما كانت تحت قيادة السلطة. ثم اخيراً تراجي ذاتها مشت لشنو؟ والسبب الوداها شنو؟ خلوا الملكية الاكتر من الملك دي، نحن في الموضوع دا لا في العير ولا في النفير وزول عادنا مافي
10-24-2011, 07:31 AM
الفاتح سليمان
الفاتح سليمان
تاريخ التسجيل: 09-14-2009
مجموع المشاركات: 1735
عضو برلماني الان في السودان طرح كما نشر___ ليه ما تكون في علاقة مع اسرائيل؟
فجماعتنا الكيزان اخر من يتحدث عن مقاطعة اسرائيل .
حسن مكي تمت مناقشتة قبل اليوم وطرح كلام عن تبادل تجاري وغيروا
من ساهم في ترحيل الفلاشا تمت حمايته من المحاكمات بواسطة الانقاذ
مصر خاضت حرب ووقعت اتفاقية سلام وكل بيت مصري في شمال شرقها به شهيد لكن للدولة علاقة مع اسرائيل .
مقاربة للاحداث تمت زبح السودانيين في مصر وتم استقبالهم في اسرائيل (ميدان مصطفي محمود ) اذن الامور معقدة جدا بالنسبة لينا كسودانيين .. ________________________________________________________________________________
راي شخصي جدا مبني علي فكرة قيام دولة اسرائيل وما قامت به انها دولة عنصرية غارقة في العنصرية لذلك فمقاطعتها ممكنة ولها مدلولاتها الايجابية
سلام يا تراجي وبكري وبقية المتداخلين
10-24-2011, 07:31 AM
الطيب رحمه قريمان
الطيب رحمه قريمان
تاريخ التسجيل: 03-21-2008
مجموع المشاركات: 12377
Quote: لوووووووووووووووووووووب يا بريمة تقول لى فى الميدان !! دى وصلت الميس ...
تمام يا تراجى قديتى عين الشيطان ... بس انا عايزة قبل ما يجوا المتداخلين يعملوا فوضى واحد يوضح لينا كلام رسسسسمى اسرائيل دى اصلا شنو مشكلتها مع السودان ؟؟؟ لو جاوبنا على السؤال دا بنقدر ندير حوار راقى نستفيد منو كلنا
ـــــــــ من ونحن صغار وفى المدارس بصوروا لينا اسرائيل دى ذى البعاتى لكن والله بصراحه هى عملت لينا شنو انا لى هسه ما فاهمة !!
على قول استاذنا صديق الموج .. الكلام دخل الحوش .. ان نعارض ونناضل يجب ان يكون بي فهم .. صحيح اننا نكره الانقاذ اكثر من اسرائيل نفسها .. وكرهنالاسرائيل مؤسس ومؤطر وله من الدوافع ما يجعنا نناضل ضدها بمثل نضالنا ضد الانقاذ ومؤسسيها ولا مجال للنقاش فيه او التراجع عنه .. اذن هو خط احمر .. الله يلعن الانقاذ في القبلتين التي جعلت من امثال تراجي مناضلات من اجل السودان .. والله يلعن الانقاذ ومن اتو بها الف مرة ومرة التي جعلت من امثال تراجي تضع يدها في يد العدو الصهوني .. اسرائيل ليست بالعدو الجديد للسودان وليست من صنيعة عهد الانقاذ البغيض فعداوة اسرائيل للسودان لها جزور منذ القدم وان كان للانقاذ دور فانها حركت تلك العداوة بعد ثباتها .. لاجل من تناضل تراجي اذا كان من اجل نفسها فهو لنفسها واذا كان من اجل الشعب السوداني فان الشعب السوداني يكره اسرائيل ويكره من يضع يده في يد اسرائيل ومن كانت له مطامع دنئة فهي لنفسه لا للشعب السوداني ومحسوبة عليه ؟.. بتمعني للصور المصاحبة لهذا البوست وجدت ان لا مؤهلات لتراجي تنافس بها الا ان تدعي النضال وان تضع يدها في يد اسرائيل .. عدا ذلك فان الرصيد صفراً كبير .. وفي الحقيقة العايز يظهر فليلبس اصفر .. النضال من اجل الشعب السوداني ليس هكذا يا تراجي ...
(عدل بواسطة يوسف الدفينة on 10-24-2011, 07:55 AM) (عدل بواسطة يوسف الدفينة on 10-24-2011, 08:58 AM)
10-24-2011, 07:27 AM
حسين نوباتيا
حسين نوباتيا
تاريخ التسجيل: 06-06-2008
مجموع المشاركات: 2473
يا بدر الكلاكلة هينة .. كعب علينا موقف شندى !! لوووووب
Quote: دينا خالد - سلام أنا شخصياً يكفيني في اليهود ما قاله ربي عنهم في القرآن الكريم وعداوتهم الواضحة للإسلام والمسلمين ,,,, الصادق
( ومعنى هذا أن نؤمن بالكتب التي أنزلها الله على أنبيائه ورسله. ومن هذه الكتب ما سماه الله تعالى في القرآن الكريم, ومنها ما لم يسم، ونذكر فيما يلي الكتب التي سماها الله عز وجل في كتابه العزيز: التوراة، الإنجيل، الزبور، صحف إبراهيم، القرآن.فالتوراة لسيدنا موسى والانجيل لسيدنا عيسى والزبور لسيدنا داوود والصحف لسيدنا إبراهيم والقران المعجزة الخالدة لسيدنا محمد ) منقول .... القران فالتوراة ... من لا يؤمن بالتوراة ككتاب من الله و لا يؤمن برسولهم سيدنا موسى عليه السلام ولا باليهودية كديانة فهو غير مسلم هكذا قال الاسلام .....
10-24-2011, 07:58 AM
عمر عبد الله فضل المولى
عمر عبد الله فضل المولى
تاريخ التسجيل: 04-13-2009
مجموع المشاركات: 12113
طالما كان هنالك لاجئين سودانين أستضافتهم إسرائيل. فمن حق تراجي مصطفى كناشطة وسياسية أن تزور إسرائيل وتطمئن على هولاءالسودانين أيضا. أنا أستغرب في مثل هذه الزوبعة والثكلي في هذا البوست بخصوص هذا الخبر. العرب (أصحاب الشئ ذاتها) يزورون إسرائيل في زيارات شبه منتظمة ورسمية. فلماذا الحجر والأستنكار لزيارة السيدة تراجي مصطفى؟ يا هم ناس حماس ذاتهم اليومين ديل سمن على عسل مع الدولة العبرية. تاني المشكلة وين؟
طبعاً أنا ما بهمني زيارة منو لي وين ولكن اليهود هم أعداء البشرية وأعداء الاسلام تحديداً وهذا ما نص عنه القرآن ((لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا وَأَنَّهُمْ لَا يَسْتَكْبِرُونَ))
وبعدين يا حسين المشكلة في مصر واثيوبيا مشكلة تخص الكيزان لأنهم هم الذين باعوا ارضنا واستمتعوا بسعرها لأنفسهم ولكن مشكلة اليهود تخص كل السلمين في الأرض لأن قرآننا يحدثنا عن ذلك ونحن طبعاً لازم نفرق بين اليهود وبين غيرهم
وغير الآية الفوق دي حا تلقى آيات كتيرة جداً تحدثت عن اليهود وعن بغضهم لديننا والدين ما لعب ولا يمكن ربطه بالكيزان طبعاً
أما بالنسبة لتراجي أنا ختيت ليها القدرها خلاص يا سحس
تخريمة ياخي اللوتري دا كل مرة يضيع مننا وانت قاعد بي غادي
الصادق
10-24-2011, 08:08 AM
البحيراوي
البحيراوي
تاريخ التسجيل: 08-17-2002
مجموع المشاركات: 5763
زي ما قال ليكم عصام دهب تراجي دي مواطنة كندية وبالأصل سودانية لعل زيارتها لإسرائيل من وجهة نظر أخونا كوستاوي لتتواصل مع مجاميع سودانية كناشطة سودانية لديها فهمها الخاص للأنشطة التي تندرج تحت إهتماماتها
بس عليك الله كدي وقفوا ليكم بص في نص الخرطوم دي وأندهوا عليه القدس - ( تل أبيب) - غزة -الضفة ) والله العمي يجيكم شايل المكسر. وكل زول بي غرضه طبعن.
بحيراوي
10-24-2011, 08:08 AM
صديق الموج
صديق الموج
تاريخ التسجيل: 03-17-2004
مجموع المشاركات: 19433
Quote: ولكن مشكلة اليهود تخص كل السلمين في الأرض لأن قرآننا يحدثنا عن ذلك
بل تخص المسلمين العرب فقط لاغير واصبحت اسرائل صديق عزيز للعرب من المرتبة الاولى الدليل الفيديو الفوق طيب رايك شنوا نعمل مقاطعة لى قطر والسعودية والبحرين ومصر ونحنا مسلمين السودان الافارقة ممكن نقيف معاكم ؟
Quote: فى عرب كتاااار فهموا الحاجة دى واستعادوا علاقاتهم بى اسرائيل فتحوا سفارات واتبادلوا السفراء والتجارة والاعلام والمصالح يعنى نحن اولى من مصر .. قطر .. الاردن ؟ نحن عرب اكتر منهم ؟ بعدين هل دا منعهم من الوقوف مع فلسطين ومساعدتهم لاسترجاع حقوقهم (ان وجدت ) ؟؟ لمتين نحن ملكيين اكتر من الملك !
لسنا أولى منهم و لا من الفلسطينيين.
10-24-2011, 08:20 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
التحية والتقدير للجسورة المناضلة تراجى مصطفى بما قامت به من عمل رائع فيه كثير من الشجاعة بزيارة أبناء الوطن فى ملاجىء اسرائيل والوقوف معهم والتأكيد على هويتهم الوطنية والتواصل معهم ، وهى قامت بزيارتهم بدعوة منهم وعلى نفقتهم الخاصة وهذا كان شرطها لاتمام الزيارة دون اى مساعدة من أى جهة أخرى سواء فى اسرائيل أو غيرها، وهذا يعطى المصداقية فى اهداف الزيارة ، نشكر لها أنها تذكرت هؤلاء الناس ، تضامنى الكامل معها، وبغض النظر عن أختلاف وجهات نظر البعض فى الزيارة فهى تستحق الاشادة والتقدير، ومازلت أطالب باقامة علاقات دبلوماسية مع اسرائيل ، فليس بيننا وبينها حرب مباشر ، وسيجنى الوطن كثير من المنافع والخير ، دون تغيير المبادىء والمس بالمعتقدات الثابتة لأمتنا ، عشتى ياام حازم .
10-24-2011, 08:54 AM
دينا خالد
دينا خالد
تاريخ التسجيل: 06-26-2006
مجموع المشاركات: 8736
Quote: سرائيل تحتل رمز اسلامي ( الاقصى ) هذا لا علاقة له بالفلسطينين ولا بالعرب
ايهما اسهل من حيث مطلوبات السفر السفر الى المسجد الاقصى ام الى المسجد الحرام .؟؟ هل يستطيع المسلم زيارة المسجد الحرام فى اى وقت وباى وسيله ومن غير شروط ؟؟؟ طيب هو الاحتلال كيف !
10-24-2011, 09:02 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: ايهما اسهل من حيث مطلوبات السفر السفر الى المسجد الاقصى ام الى المسجد الحرام .؟؟ هل يستطيع المسلم زيارة المسجد الحرام فى اى وقت وباى وسيله ومن غير شروط ؟؟؟ طيب هو الاحتلال كيف !
ده تجديف منك لا اكتر ولا اقل ولا عنده ع دعوة النقاش المنطقيي البديتها في الاول الان في هذه الايام يستعد ما يقارب 4 ملائين شخص مسلم لزيارة المسجد الحرام فبالنسبة للمسجد الاقصصي تمنع الصلاة لساكني المنصقة في يام الجمعة الا لما هم فوق الـ 45 من النساء واعمار اعلى بالنسبة للرجال اسرائيل دولة محتلة هذا امر معرف مفروغ منه بشهادة العالم
كل مسلم يدخل الاراضي السعودية يمكنه زيارة الحرم في اي وقت وباي وسيلة هل يستطيع كل من يدخل اسرائيل زيارة الاقصى
ولماذا تحتل اسرائيل الاقصى اساسا .. حتى حدودها المعترف بها من قبل الامم المتحدة الاقصى خارجها
10-24-2011, 08:30 AM
ناذر محمد الخليفة
ناذر محمد الخليفة
تاريخ التسجيل: 01-28-2005
مجموع المشاركات: 29251
ومن هذا البوست أطالب صاحب الموقع الأخ بكري أبوبكر. أن يمنح الجالية السودانية بأسرائيل أسما لها في هذا البورد أسوة ببقية الجاليات السودانية حول العالم، يكتبون فيه أنشطتهم المختلفة ويحدثوننا عن همومهم ومشاكلهم. وأن يتم منح بعض السودانين بأسرائيل عضوية في هذا المنبر أيضا لكي يتواصلون ويتناقشون ويتفاكرون مع أخوتهم السودانين حول العالم وفي داخل السودان أيضا.
وما فيش حد أحسن من حد.
10-24-2011, 08:50 AM
وليد محمد المبارك
وليد محمد المبارك
تاريخ التسجيل: 12-04-2004
مجموع المشاركات: 26313
Quote: ومن هذا البوست أطالب صاحب الموقع الأخ بكري أبوبكر. أن يمنح الجالية السودانية بأسرائيل أسما لها في هذا البورد أسوة ببقية الجاليات السودانية حول العالم، يكتبون فيه أنشطتهم المختلفة ويحدثوننا عن همومهم ومشاكلهم. وأن يتم منح بعض السودانين بأسرائيل عضوية في هذا المنبر أيضا لكي يتواصلون ويتناقشون ويتفاكرون مع أخوتهم السودانين حول العالم وفي داخل السودان أيضا.
وما فيش حد أحسن من حد.
وانت ايش دخلك .. ان يتناقش الاخوة السودانيين او ما تناقشو
حشري قرادة
10-24-2011, 09:03 AM
اسماء الجنيد
اسماء الجنيد
تاريخ التسجيل: 03-31-2010
مجموع المشاركات: 4731
إنت يا بكري زاتك مشيت , شايفالي صلعة من بعيد متلبدة ورا صهيوني لووووووولز بعدين إنت ما تقول تراجي ساي يعني لزومو شنو بوردابية وحب التشويق ده. اها الكرمبا نقرها من اول نقرة ,, والله صحي تراجي الليلة وووووب على قول بت الشيخ الفقدناها جد والله ياختي الناس هناك دقر العين نااايرة ومرتاحة اكتر من المحاوطهم البشير , على قول ود الموج اخيرلهم إسرائيل من بنو جكة بعدين يا ترجرج شايفة هجوم بريمة عليك صاروخ ارضي جوي , لوولز فكرة عجيبة يا بريمة من وين نكتها كدي يا ترجرج صحي في جائزة بتدوري تتفشخريبها براك ؟ وحات الله مابنخليك خوة البورض دي على قول ود الصائم تروح ساي مع هبوب الله ! كدي تعالي مارقة وارجي الراجيك , حوارات من ابو شلوت وما فوق بس النبي فيك قعدي الحروف سمح في بطن الواطــــــــــــــة , خلينا النقراها بي ميز امانة لما تشقلبيها ما بتشقلبي معاك حوش بكرى كلو
10-24-2011, 09:10 AM
معتصم محمد صالح
معتصم محمد صالح
تاريخ التسجيل: 07-14-2007
مجموع المشاركات: 7293
Quote: تل ابيب/22/اكتوبر/2011 اللجنه المنظمه لزيارة رئيسة جمعية الصداقه السودانيه الاسرائيليه زارت الناشطه السودانيه و القياديه تراجي مصطفى لدولة اسرائيل وقد جاءت الزياره تلبيه لرغبة اللاجئين السودانين بدولة اسرائيل والتي حرصت على التواصل المستمر ودعوة السيده تراجي مصطفى لزيارتهم و التحدث للمسؤليين عن تحدياتهم ومصاعبهم وقد اعلنت السيده تراجي مصطفى قبولها لدعوتهم شرط ان يحرصوا على تمويل الرحله من جيوبهم وباموالهم الخاصه
أول مرة أشوف لي رئيسة جمعية جلدة بالشكل دا
ما اعتقد أنو وجود سودانيين في إسرائيل بيعني أنهم معترفين بيها
فالكل يعرف الظروف التي جعلت هؤلاء يذهبون إلى إسرائيل
تماما مثل وجود شيوعيين في أمريكا ما بيعني اعترافهم بالنظام الرأسمالي
برافو تراجي. خطوة في النهار تقومين بها خير من الف خطوة في الظلام يقوم بها الدكتور مصطفى عثمان .... يشحد الامريكان لتطبيع العلاقة لو كلمك كان احسن.
الناس الضد العلاقة مع اسرائيل بسبب العروبة بعد ما غلبتهم الحجة رجعوا يتكلموا عن ان القضية اسلامية. يا اخوانا ناس حماس العاملين فيها متدينين اكتر منكم تركوا الموجة و شغالين عروبة.
العالم الاسلامي من زماااااااااااااااااان تم ابعاده. الفلسطينيون لا يريدون حربا دينية و لا تدخلا اسلاميا. و الما فاهم الفلسطيني بيحتاج يعرف اكتر.
واحد يسلم لي على الفاتح عروة المؤمن الورع حفيد العباس الذي دعم اسرائيل بالفلاشا وعينته الانقاذ في ارفع منصب اممي ثم الان هو مستشار جهاز الامن.
وواحد تاني يمر على قبر نميري يديهو الفاتحة لانو قابل شارون في كينيا و اتفق معاهو على ترحيل الاثيوبيين الفلاشا الى اسرائيل.
وواحد يكلم ناس جهاز الامن يخلو عمر محمد الطيب يواصل نشر مذكراته عن الاشخاص الذين كانوا وراء ترحيل الفلاشا و الذين شاركوا بفعالية. كدي نسالكم، الجهاز مالو خايف من مذكرات عمر ومنعوه من نشر الحلقة التانية؟ مش قلتو انتو مسلمين و بتكرهوا اليهود خلونا نشوف مذكرات عمر و بالمرة نعرف النسوان المارسن الاغراء - كما يقول ناذر الخليفة - للايقاع بامير المؤمنين نميري و ناس الحركة الاسلامية الكانوا معاهو في الحكم.
10-24-2011, 09:14 AM
يحي ابن عوف
يحي ابن عوف
تاريخ التسجيل: 05-25-2002
مجموع المشاركات: 6335
ماهى المشكل اليهود المستوطنين في أرض الميعاد ماعرب هجرة من الأراضي العربية والسودان بالتهجير القسري
Quote: هجرة اليهود من الأراضي عربية يشير إلى خروج اليهود سواء بالتهجير القسري أو بارادتهم في القرن العشرين، من البلاد العربية والإسلامية. بدأت الهجرة في أواخر القرن التاسع عشر، ولكن تسارعت بعد حرب 1948 . ووفقا للاحصائات الرسمية العربية ، 856000 اليهود تركوا ديارهم في البلدان العربية من عام 1948 وحتى أوائل السبعينات. قام 600000 بالذهاب إلى إسرائيل ،[1] .[2][3] العقارات التي ملكها اليهود في الأراضي العربية قدرت بمساحة حوالي 100000 كيلو متر مربع من المساحة الاجمالية للدول العربية اي ما يعادل اربعه اضعاف المساحة الحالية لدولة إسرائيل المقدرة بما يزيد قليلا عن 22 ألف كيلو متر مربع
Quote: وقد جاءت الزياره تلبيه لرغبة اللاجئين السودانين بدولة اسرائيل والتي حرصت على التواصل المستمر ودعوة السيده تراجي مصطفى لزيارتهم و التحدث للمسؤليين عن تحدياتهم ومصاعبهم وقد اعلنت السيده تراجي مصطفى قبولها لدعوتهم شرط ان يحرصوا على تمويل الرحله من جيوبهم وباموالهم الخاصه وقد تم الامر وتمت تسجيل جمعيه الصداقه السودانيه الاسرائيليه كمنظمه تطوعيه غير ربحيه
أســـوأ ما قرأت في الخبر بصراحة يا ريس لو كاتب الخبر أنت الرجاء حذفها ولو كمان جاك مرسل حقو شوية كده تقرأ الخبر وتنقحه يا ريس وتخفف من سياسة الكوبي بيست زيارة تراجي ليست صدفة وكذلك ليست مفاجأة تراجي صرحت بذلك كثيرا وأعلنت عزمها انشاء جمعية للصداقة السودانية الاسرائيلية على الملأ فما الغريب في الخبر أعلاه؟ وما الغريب في زيارتها لاسرائيل؟ ودعونا نجاوب على هذا الســـؤال: ما الذي يجعل سودانيين يلجأون لدولة مصنفة كعدوة للسودان وفي نفس الوقت ليست جارة؟ غير الظلم في بلدهم وعدم استقبال الدول العربية لهم
Quote: راي وباحترموا لكن في ناس برضو عندها راي في الانقاذ حكومتنا ويتقول عنها انها عنصرية ومارست وتمارس التطهير العرقي في دارفور وكردفان والنيل الازرق وقتلت الابرياء الهزل في كجبار وبورتسودان ومارست حرب دينية لامن اجبرت كفار سود على الانفصال بدولتهم وعملت وبتعمل ضد الانسانية وبستدلوا على كلامهم باجراءت اوكامبو وشهادات بعض السودانيين ومما يشادهدونه على شاشات التلفزيون وكاميرات كلوني وشهادات منظمات المجتمع الدولي النحن اعضاء فيها
وهل يجب ان اخرس لاجل ذلك بل المبدائية تحتم ان يكون لى راى حتى فى وطنى اذا ارتكب فظائع التطهير العرقى والفصل العنصرى وايضا نوصم الفلسطينيين نفسهم بالعنصرية لما شهدناه فى تعاليهم على الاخرين فى غربتنا
10-24-2011, 01:00 PM
احمد التجانى احمد
احمد التجانى احمد
تاريخ التسجيل: 11-11-2006
مجموع المشاركات: 3155
Quote: مام كلام ذى الورد يا تيجانى .. مش حقو نكتفى بالادانة لما يحدث هناك ذى ماهم بعملوا معانا ؟ فى ابادة وتطهير عرقى بحصل فى مليون حته فى العالم الفلسطينين ديل قالوا سااااى انو بحصل ؟؟ الموضوع سياسة ولا حاجة تانية .. ؟
يعنى مفروض اراؤنا تكون مرهونة بتصرفات الاخرين الفلسطيننون ليسوا ملائكة , توجد الاف المقالات التى تتحدث عن تفريطهم فى وطنهم مما مكن اليهود من احتلاله وكذلك مثلها الاف من الكتب التى تتحدث عن الخيانة الداخلية للفلسطينيون وتمكين اليهود من دحر مقاومتهم واغتيال قياداتهم وكذلك هنالك كثير من الحديث عن المصالح التجارية بين القادة الفلسطينيون ودولة اسرائيل يعنى هم سجم ورماد , ونحن ارمد منهم ولكن هذا لا يجعل الصهاينة الذين يهدمون البيوت فوق رؤوس ساكنيها ويقصفون المدنيين بالاباتشى , لا يجعلهم جيدين
10-24-2011, 01:20 PM
amir jabir
amir jabir
تاريخ التسجيل: 01-12-2006
مجموع المشاركات: 5550
معتصم محمد صالح ديل برضوا ناس مش الكتل الناس ديل اسرائل ولا اهلك مش ياهم اهلك
عنصرين بصورة غريبة الواحد من تجى سيرة اسرائل يجى جارى شايل ليك الف صورة لى فلسطين والله ما بقدرو يجيب صورة واحدة لى ناس درافور ولا جبال النوبة ولا النيل الازرق ولا ناس الشرق ولا كجبار
انشاء الله تبقوا عرب بس بعد دة
اهو سيدك مشى هناك تقدر تفتح خشمك
10-24-2011, 01:03 PM
عمر صديق
عمر صديق
تاريخ التسجيل: 06-06-2008
مجموع المشاركات: 14776
Quote: لكن في ناس برضو عندها راي في الانقاذ حكومتنا ويتقول عنها انها عنصرية ومارست وتمارس التطهير العرقي في دارفور وكردفان والنيل الازرق وقتلت الابرياء الهزل في كجبار وبورتسودان ومارست حرب دينية لامن اجبرت كفار سود على الانفصال بدولتهم وعملت وبتعمل ضد الانسانية وبستدلوا على كلامهم باجراءت اوكامبو وشهادات بعض السودانيين ومما يشادهدونه على شاشات التلفزيون وكاميرات كلوني وشهادات منظمات المجتمع الدولي النحن اعضاء فيها
Slam Astaz Mohmed,
Slam Seed Al7wash
10-24-2011, 02:03 PM
Bashasha
Bashasha
تاريخ التسجيل: 10-08-2003
مجموع المشاركات: 25803
الداير يتامل Robo ببغاوية الوعي الامبريالي لدي زنوجة الاعراب، يجي هنا في الخيط ده، خالف رجل في التاني او يستمخ، بقي!
لو سالت الطيور ديل ماذا فعلت دولة اسرائيل لكم كشعب سوداني، طوالي الواحد فيهم بفتح خشمو قدر الطشت، او هاك ياريالة سايلة، او ضبان زاحف!
اطلاقا ما عندهم حاجة يقولوها هنا!
لو بالغ الواحد فيهم، او لانو مبرمج كما ك.ل.ب بافلوف الروسي الشهير، يصيح باعلي صوتو علي ذكر اسرائيل، طوالي يقول ليك الفلسطينين!
يازول، او للمرة الالف، او احنا مالنا اصلا او مال الفلسطينيين، عشان يكونو اساس سياستنا الخارجية كدولة وشعب، من بعد سياستنا الداخلية القائمة علي ابادة اهلنا، شعبنا، دمنا او لحمنا، من اجل عيون العمق الفلسطيني، ياللمسخرة، اويا للعمالة، او يا للعار، في السودان؟
ورونا ما دخلنا نحن بفلسطين والفلسطينييين، واقول بالفم المليان حريقة تحرق فلسطين والفلسطينيين لي حدهم، لو مركز وجودنا، علاقاتنا، او محارق الابادة لاهلنا، من اجل عيون فلسطين!
لو اسرائيل دولة عنصرية، مع انو لايهمني في شئ، لماذا اختار امثال عزمي بشارة حمل جوازا، والاشتراك في مؤسساتا، ومثله عشرات الالاف من ذات الفلسطينين؟
ماذا عن معاملة حزب البعث العربي في سوريا للعرب، مقارنة بي معاملة اسرائيل لامثال عزمي بشارة؟
ماذا عن معاملة مجنون ليبيا، لعرب ليبيا، ووحشية معاملة عرب ليبيا للقذافي وهو اسير؟
وقبلها، ماذا عن السود امثالكم في العالم العربي؟
ابتداء من فلسطين ذات نفسها، مرورا بالعراق، لبنان، ومصر؟
اليس نوبة مصر الي اليوم ضيوف في ارض اجدادم؟
هل في زول فيكم شاف حتة مزيعة ساكت نوبية في قناة النيل مثلا حتي بعد الثورة افتراضا؟
ولكن نمشي او نجي او نقول، قاتل الله ارث كافور فينا او قبلها ارث ابن السوداء، فينا، بلال "الحبشي" !
اللهم قال انصر العرب "الاسلام" ولو ب"عبدن" حبشي، قال!
10-24-2011, 01:29 PM
فيصل أحمد سحنون
فيصل أحمد سحنون
تاريخ التسجيل: 08-11-2009
مجموع المشاركات: 884
Quote: ( ومعنى هذا أن نؤمن بالكتب التي أنزلها الله على أنبيائه ورسله. ومن هذه الكتب ما سماه الله تعالى في القرآن الكريم, ومنها ما لم يسم، ونذكر فيما يلي الكتب التي سماها الله عز وجل في كتابه العزيز: التوراة، الإنجيل، الزبور، صحف إبراهيم، القرآن.فالتوراة لسيدنا موسى والانجيل لسيدنا عيسى والزبور لسيدنا داوود والصحف لسيدنا إبراهيم والقران المعجزة الخالدة لسيدنا محمد ) منقول .... القران فالتوراة ... من لا يؤمن بالتوراة ككتاب من الله و لا يؤمن برسولهم سيدنا موسى عليه السلام ولا باليهودية كديانة فهو غير مسلم هكذا قال الاسلام .....
من أركان الإيمان : الإيمان بالكتب والرسل .. فنؤمن بالتوراة ونبي الله موسى وأخيه هارون عليهما السلام لكن التوراة قد حرفت واشترى محرفوها بذلك (ثمناً قليلاً) وهذا ما حكاه القرآن ويجب على كل مسلم تصديق ذلك كما أنه بعد بعثة محمد صلى الله عليه فإن الأديان السابقة نسخت بدين الإسلام (ومن يبتغ غير الإسلام دينا فلن يقبل منه وهو في الآخرة من الخاسرين) وكما أخبر النبي عليه الصلاة والسلام بقوله (والذي نفسي بيده لا يسمع بي أحد يهودي أو نصراني ولا يؤمن بي إلا أدخله الله النار) وهذه من البدهيات التي يعلمها من لم يتعلموا كثيراً من المسلمين!!!
ــــــــــــــــــــــــــــــــــــــــــــــــــــــــــــــــــــ من يريد توجيه العداء لإسرائيل بأنه من العرب فقط .. فهو مكابر أو جاهل بالواقع وله أن يدرك شطط قوله بتأمل عدد المسلمين من غير العرب .. وكم هي نسبتهم من بين المسلمين العرب وله أن يقوقل ليرى مشاهد من تعبير المسلمين غير العرب عن كرههم لإسرائيل .. وأن الكثير من المسلمين غير العرب حماسهم في نصرة قضية فلسطين والأقصى أشد من حماس كثيرين من العرب والإسلام دين للعرب وغير العرب .. وهو الدين الذي عالج قضايا العنصرية وحسمها حسماً بليغا ورادعا وقاطعا
ــــــــــــــــــــــــــــــــــــــــــــــــــــــــــــــــــــ شكراً مهندس بكري للبوست الذي يوضح ويجلي أن مواقف الكثيرين فيما يظهرونه من أصحاب القضايا والمضطهدين إنما هو لمصالح شخصية وأشياء نفسية .. وما يتجه في هذا الاتجاه مما يحكي ازدواجية مفضوحة وواضحة في المواقف .. وإلا فالفلسطينيين بشر وناس مشردين ومغتصبة أراضيهم ومضطهدين .. ويمارس معهم أشد أنواع الظلم والتهجير والعالم كله يرى إجرام اليهود ..ولكن في هذا المنبر يبدو أن الثوابت أحيانا تحتاج لأن توضح !! ولا أقصد بكلامي عن الواقف هذا :المخبر عنها في هذا البوست لا من قريب ولا من بعيد... فأنا لا أحبذ نقاشا عنها ولو غير مباشر .. ولا يهمني أمرها في قليل أو كثير .. لكني أقصد آخرين .. وآخرين ساكتين ..والساكت عن الحق والثوابت ............. وحتماً ستفيد هذه المواقف لأنها تؤكد اختلال المبادئ لدى أناس ... وتؤكد أن المواقف سياسية ... ولا تبنى على شيء إلا لمصالح ذاتية أو شخصية أونفسية ... وما إليه.. مما في ذلك النفق المظلم
للاغبياء الذين يتفاصحوا عن انها مواطنه كنديه نقول لهم انتم كمن يضاري عيونه من الشمس بغربال يقولوا لكم وليداتكم وبناتتكم السودانين فاقوا ال 6 الف تقولوا كنديه!! يا عصام دهب فوق ال 6 الف فيهم شايقيه وجعلين وبطاحين ورباطاب ومحس وغيرهم....الناكرنهم شنو بعد ده قال كنديه قال؟؟!!
10-24-2011, 02:25 PM
عبدالمجيد صالح
عبدالمجيد صالح
تاريخ التسجيل: 11-27-2007
مجموع المشاركات: 2904
الحبيبة تراجي هي حرة تذهب إلى أي مكان .. إحترام حقوق الإنسان مسألة مبدأ .. اسرائيل و جنوب أفريقيا في السابق والإنقاذ. جميعهم إقترفوا جرائم بشعة ضد الإنسانية.. دمتم جميعاً بالف خير ..
للاغبياء الذين يتفاصحوا عن انها مواطنه كنديه نقول لهم انتم كمن يضاري عيونه من الشمس بغربال يقولوا لكم وليداتكم وبناتتكم السودانين فاقوا ال 6 الف تقولوا كنديه!!يا عصام دهب فوق ال 6 الف فيهم شايقيه وجعلين وبطاحين ورباطاب ومحس وغيرهم....الناكرنهم شنو بعد ده قال كنديه قال؟؟!!
والله كنت داير اقول الكلام دة ..وتاكيدا لذلك الناس المتصورة معاهم ديل هل هم سودانينن ...ولماذا الهجوم عليها وترك البقية ؟؟؟ مش كلهم سودانيين ..ولا الشغلانة بقت ..مقسمة ..
10-24-2011, 02:26 PM
Mohamed Suleiman
Mohamed Suleiman
تاريخ التسجيل: 11-28-2004
مجموع المشاركات: 20453
بين ريتا وعيوني ... بندقية والذي يعرف ريتا، ينحني ويصلي لإله في العيون العسلية
... وأنا قبَّلت ريتا عندما كانت صغيرة وأنا أذكر كيف التصقت بي ، وغطت ساعدي أحلى ضفيرة وأنا أذكر ريتا
مثلما يذكر عصفورٌ غديره آه ... ريتا بينما مليون عصفور وصورة ومواعيد كثيرة أطلقت ناراً عليها ... بندقية
اسم ريتا كان عيداً في فمي جسم ريتا كان عرساً في دمي وأنا ضعت بريتا ... سنتين وهي نامت فوق زندي سنتين وتعاهدنا على أجمل كأس ، واحترقنا في نبيذ الشفتين وولدنا مرتين آه ... ريتا أي شيء ردَّ عن عينيك عينيَّ سوى إغفاءتين وغيوم عسلية !قبل هذي البندقية كان يا ما كان يا صمت العشيّة قمري هاجر في الصبح بعيداً في العيون العسلية والمدينة كنست كل المغنين، وريتا بين ريتا وعيوني ... بندقية ................
ناس تنبح مثل الكـلاب السعرانة.. اسرائيل عدوة!!!
حيكوماتنا المستعربة تبعث بأبناء الوطن ليحاربوا اسرائيل التي لم تعادينا وليس بيننا وبينها شئ!! يغرر بنا في خلق العداء لدولة تمد يدها بالصداقة للشعوب.. لو الاعلام الاسرائيلي بث خبر صغير يسمح بعودة ناس غزة للعمل باسرائيل تجدهم بمئات الآلاف بصطفون في البوابات!! الفلسطينيون لا يعرف معنى للحياة بدون اسرائيل.. فلماذا هذا الهوس عن اسرائيل..
10-24-2011, 02:59 PM
الصادق الزين
الصادق الزين
تاريخ التسجيل: 09-18-2009
مجموع المشاركات: 2690
فى مداخلة فوق بتقول فى زول جده العباس دعم اسرائيل بالفلاشا وكافئته الحكومة المسلمة بتعينها له مستشارا امنيا بعد ما كان مدافعا عنها كسفير لدى الامم المتحدة!! الكيزان البستنكروا ديل يا تم فى الكيزان؟؟
بعد دا يا مصطفى عثمان خلى توسلاتك لامريكا, و كنكش فى كرعين تراجى دى حتوصلك اسرائيل بالمكشوف المانع شنو؟
تراجى حمد الله على السلامة.
10-24-2011, 03:21 PM
Hani Arabi Mohamed
Hani Arabi Mohamed
تاريخ التسجيل: 06-25-2005
مجموع المشاركات: 3515
Quote: عنصرين بصورة غريبة الواحد من تجى سيرة اسرائل يجى جارى شايل ليك الف صورة لى فلسطين والله ما بقدرو يجيب صورة واحدة لى ناس درافور ولا جبال النوبة ولا النيل الازرق ولا ناس الشرق ولا كجبار
شكرا الاخ جابر ، ما قلت الا الحقيقة، انه الاستلاب وكراهية الذات...
10-24-2011, 03:48 PM
JOK BIONG
JOK BIONG
تاريخ التسجيل: 11-14-2006
مجموع المشاركات: 5394
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة